पंडितअण्णा मुंडे यांचे ह्रदयविकाराने निधन

October 13, 2016, 9:30 am

≫ Next: पंकजांना धक्का; परळीत धनंजय मुंडेच

≪ Previous: बीडमध्ये तीन भावंडांचा बुडून मृत्यू, आई वाचली

$

0

0

मटा ऑनलाइन वृत्त। बीड

राष्ट्रवादी कॉंग्रेसचे ज्येष्ठ कार्यकर्ते, दिवंगत गोपीनाथ मुंडे यांचे बंधू आणि विधान परिषदेचे विरोधी पक्षनेते धनंजय मुंडे यांचे वडील पंडितअण्णा मुंडे यांचे हृदयविकाराच्या धक्क्याने निधन झाले. परळीतील राहत्या घरी त्यांनी अखेरचा श्वास घेतला. ते ७७ वर्षांचे होते.

पंडितअण्णांना गेल्या महिन्यात २८ सप्टेंबरला ह्रदयविकाराचा धक्का बसला होता. त्यावेळी त्यांना लातूरमधील एका खासगी हॉस्पिटलमध्ये दाखल करण्यात आले होते. मात्र पुढील उपचारासाठी त्यांना विमानाने पुण्यातील रुबी हॉस्पिटलमध्ये हलवण्यात आले होते.

पंडितअण्णा हे दिवंगत गोपीनाथ मुंडे यांचे वडीलबंधू आणि विधान परिषदेचे विरोधी पक्षनेते आणि राष्ट्रवादी काँग्रेसचे नेते धनंजय मुंडे यांचे चे वडील होत. पंडितअण्णा यांनी दोन वेळा बीड जिल्हापरिषदेचे अध्यक्षपद भूषवले आहे. याबरोबर संत जगमित्र नागा सहकारी सूतगिरणीचे, तसेच परळी बाजारसमितीचे ते संचालक होते.

पंडितअण्णांनी राजकारणाची सुरूवात आपले बंधू दिवंगत गोपिनाथ मुंडे यांच्या सोबतच केली. गोपीनाथ मुंडे राज्य, तसेच राष्ट्रीय पातळीवर सक्रिय झाल्यानंतर बीड जिल्ह्यातील राजकाऱणाची जबाबदारी पंडितअण्णा पार पाडत होते.

मोबाइल अॅप डाउनलोड करा आणि राहा अपडेट

---

पंकजांना धक्का; परळीत धनंजय मुंडेच

November 28, 2016, 1:17 am

≫ Next: खड्डेमुक्तीसाठी पैसा देऊ

≪ Previous: पंडितअण्णा मुंडे यांचे ह्रदयविकाराने निधन

$

0

0

मटा ऑनलाइन वृत्त । परळी (बीड)

परळी-वैजनाथ नगरपरिषदेत राज्याच्या ग्रामविकास मंत्री पंकजा मुंडे आणि विधान परिषदेतील विरोधी पक्षनेते धनंजय मुंडे या भावा-बहिणींमध्ये रंगलेल्या वर्चस्वाच्या लढाईत पंकजा यांना धक्का बसला आहे. राष्ट्रवादी काँग्रेसने आपला गड आणखी मजबूत करत ३३ पैकी २७ जागा जिंकल्या असून भाजपच्या पदरात अवघ्या ४ जागा पडल्या आहेत. परळीच्या नगराध्यक्षपदीही राष्ट्रवादीच्या सरोजिनी हालगे मोठ्या मताधिक्क्याने विजयी झाल्या आहेत. दरम्यान, पंकजा यांनी 'मी हा पराभव स्वीकारत आहे', अशी प्रतिक्रिया निकालांनंतर दिली.

परळीच्या निकालांकडे सर्वांचे लक्ष लागले होते. सहकारी संस्थांच्या निवडणुकीत पंकजा यांच्या नेतृत्वाने कमाल केली होती. त्या निकालांचीच पुनरावृत्ती परळीत होईल, असे आडाखे बांधले जात होते. मात्र धनंजय मुंडे यांनी हे सगळे अंदाज फोल ठरवले आणि परळीतील आपलं वर्चस्व सिद्ध केलं. भाजप आणि पंकजांसाठी हा मोठा धक्का मानला जात आहे. विशेष म्हणजे भाजपने परळीची निवडणूक विशेष प्रतिष्ठेची केली होती. खुद्द मुख्यमंत्री देवेंद्र फडणवीस यांनीही येथे प्रचारसभा घेतली होती. त्यामुळे भाजपसाठी हा पराभव जिव्हारी लागणारा ठरला आहे. पंकजा यांची याबाबत प्रतिक्रिया जाणून घेतली असता त्यांनी पराभव मान्य केला आहे. या पराभवाची जबाबदारी सर्वस्वी माझी आहे. त्यासाठी मुख्यमंत्र्यांना जबाबदार धरता येणार नाही, असे त्या म्हणाल्या. शरद पवार एखाद्या ठिकाणी प्रचाराला गेले आणि तेथे पराभव झाला तर तो पवरांचा पराभव आहे, असे आपण म्हणतो का?, असा प्रतिप्रश्नही त्यांनी केला.

धनबळ हरलं, जनशक्ती जिंकली: धनंजय मुंडे

भाजपने धनबळ वापरलं, मुख्यमंत्री देवेंद्र फडणवीस यांच्यासह नेत्यांच्या फौजा प्रचारासाठी आणल्या, तरीही परळीतील जनशक्तीने राष्ट्रवादीच्या बाजूने कौल दिला आहे. नगरपालिकेत आम्ही करत असलेल्या भरीव कामांना मिळालेली ही पोचपावती आहे, अशी प्रतिक्रिया या विजयावर धनंजय मुंडे यांनी दिली.

परळी-वैजनाथ नगर परिषद निकाल


पक्षीय बलाबल

राष्ट्रवादी - २७
भाजप - ४
शिवसेना - १
काँग्रेस - १
एकूण जागा - ३३

- नगराध्यक्षपदी राष्ट्रवादीच्या उमेदवार सरोजिनी हालगे ५ हजार १४४ मतांनी विजयी. हालगे यांना १८ हजार १७६ मते तर भाजपच्या मेनकुदळे यांना १३ हजार ३२ मते.

मोबाइल अॅप डाउनलोड करा आणि राहा अपडेट

खड्डेमुक्तीसाठी पैसा देऊ

December 18, 2016, 1:30 pm

≫ Next: गूढ मांडणीचे जातवास्तव

≪ Previous: पंकजांना धक्का; परळीत धनंजय मुंडेच

$

0

0

म. टा. प्रतिनिधी, औरंगाबाद
औरंगाबाद शहरातील रस्ते खड्डेमुक्त करण्यासाठी निधी देऊ. त्यासाठी पुढील आठवड्यात महापालिकेचे पदाधिकारी, आयुक्तांसह मुंबईत बैठकीसाठी या, असे आश्वासन मुख्यमंत्री देवेंद्र फडणवीस यांनी रविवारी येथे दिले. ‘शहराचे महापौर बापू घडमोडे यांचा शब्द म्हणजे भारतीय जनता पक्षाचा शब्द,’ असे सांगत शहरातील रस्ते चांगले करण्यासाठी उपाययोजना करू,’ अशा शब्दांत मुख्यांत्र्यांनी महापौरांच्या मागणीला प्रतिसाद केला.
मुख्यमंत्री फडणवीस एका विवाहसोहळ्यासाठी औरंगाबादेत आले होते. त्यावेळी महापौर घडमोडे, औरंगाबाद पूर्व मतदारसंघाचे आमदार अतुल सावे, भाजपचे पदाधिकारी यांनी त्यांची भेट घेतली. आमदार सावे आणि महापौर घडमोडे यांच्याबरोबर मुख्यमंत्र्यांनी चर्चा केली. नव्या महापौरांनी त्यांनी शुभेच्छा दिल्या. ‘शहर खड्डेमुक्त करेपर्यंत जाहीर सत्कार स्वीकारणार नाहीत, अशी घोषणा घडमोडे यांनी महापौरपद स्वीकारल्यानंतर केली आहे,’ अशी माहिती आमदार सावे यांनी मुख्यमंत्र्यांना दिली. त्यावर मुख्यमंत्री म्हणाले,‘बापूंचा शब्द म्हणजे भाजपचा शब्द आहे. औरंगाबाद शहरातील रस्त्याच्या विकासासाठी नवीन प्रस्ताव तयार करून मुंबईत महापौर, आयुक्त आणि इतर पदाधिकाऱ्यांनी भेटावे. रस्त्यांसाठी लवकरच योजना राबविण्यात येईल.’
औरंगाबाद शहरातील चाळीस रस्त्यांच्या दुरुस्तीसाठी महापालिकेने राज्य सरकारकडे प्रस्ताव पाठविला आहे, अशीही माहिती आमदार सावे यांनी मुख्यमंत्र्यांना दिली.

रस्त्यांबाबत मी मुख्यमंत्र्यांशी चर्चा केली. त्यांनी नगर पालिका निवडणुका संपल्यानंतर, पुढील आठवड्यात भेट घेण्याचे सांगितले आहे. निश्चितच मुख्यमंत्र्यांनी शब्द दिल्याने शहरातील रस्ते लवकरच खड्डेमुक्त होण्यात अडचण येणार नाही.
- बापू घडमोडे, महापौर

मुख्यमंत्र्यांच्या भेटीत शहरातील चाळीस रस्त्यांचा १५० कोटीचा प्रस्ताव दिल्याचे सांगितले. पहिल्या टप्प्यात एवढी रक्कम देता येत नसेल, तर रस्त्यासाठी दोन टप्प्यांत भरीव निधी द्यावा, अशी मागणी केली होती. मुख्यमंत्र्यांनी ही मागणी मान्य करून महापालिकेला निधी देण्याबाबत अनुकूलता दर्शविली आहे.
- अतुल सावे, आमदार, औरंगाबाद पूर्व

मोबाइल अॅप डाउनलोड करा आणि राहा अपडेट

गूढ मांडणीचे जातवास्तव

December 18, 2016, 1:30 pm

≫ Next: महापौरांना ‘मनीप्लांट’ची भेट

≪ Previous: खड्डेमुक्तीसाठी पैसा देऊ

$

0

0

म. टा. प्रतिनिधी, औरंगाबाद
भावनेच्या चौकटीत जातवास्तवाची गूढ मांडणी करणारी ‘अंजली’ एकांकिका ‘रंगयात्रा’ उपक्रमाचे वेगळेपण ठरली. उत्तम अभिनयाला प्रकाशयोजना आणि पार्श्वसंगीताची उत्तम जोड लाभल्याने रसिकांची उत्कंठा वाढण्यात यश आले. या एकांकिकेला रसिकांचा भरभरून प्रतिसाद मिळाला.
सरस्वती भुवन महाविद्यालयाच्या नाट्यशास्त्र विभागाच्या ‘रंगयात्रा’ उपक्रमात दोन एकांकिकांचे सादरीकरण झाले. गोविंदभाई श्रॉफ कला अकादमी सभागृहात रविवारी सायंकाळी हा उपक्रम झाला. प्रा. बापू घोक्षे लिखित ‘अंजली’ एकांकिकेने सुरुवात झाली. गौतम या स्क्रिझोफेनिक तरुणाच्या प्रेमभंगाची ही कथा. कवी आणि नाटककार असलेला गौतम चळवळीत सक्रिय असतो. कॉलेजात अंजलीवर त्याचे प्रेम जडते. मात्र, सामाजिक चौकट ओलांडून त्याला प्रेम व्यक्त करता येत नाही. ओळख लपवून सर्व जाणणारी अंजली आणि समर्पक बोलून वास्तव मांडणारा गौतम यांची संवादाची जुगलबंदी लक्षवेधी ठरली. संतोष गायकवाड दिग्दर्शित ‘अंजली’त नैतिक चौकटीवर परखड भाष्य आहे. भूषण पाटील आणि डॉली घोक्षे यांच्या भूमिका रसिकांची दाद घेऊन गेल्या. सचिन काजळे, शेखर तुमडे, जॉय भांबळ यांनी तांत्रिक बाजू सांभाळल्या. दुसऱ्या सत्रात मनोज ठाकूर लिखित ‘खडकेवाडी’ एकांकिका सादर झाली. ही बलात्कार संकल्पनेभोवती रचलेली विनोदी एकांकिका होती.

नवोदितांचा उत्साह
‘रंगयात्रा’ उपक्रमात नवोदित लेखक आणि रंगकर्मींची एकांकिका सातत्याने सादर होतात. आतापर्यंत नवीन रंगकर्मींना रंगमंच उपलब्ध करून देण्यात उपक्रमाचा मोठा वाटा आहे. त्यामुळे शहरातील शेकडो रंगकर्मी ‘रंगयात्रा’शी जोडले गेले आहेत.

मोबाइल अॅप डाउनलोड करा आणि राहा अपडेट

महापौरांना ‘मनीप्लांट’ची भेट

December 18, 2016, 1:30 pm

≫ Next: औरंगाबाद विभाग वीज चोरीत प्रथम

≪ Previous: गूढ मांडणीचे जातवास्तव

$

0

0

म. टा. प्रतिनिधी, औरंगाबाद
सध्या नोटबंदीच्या निर्णयावरून काहूर माजले आहे. सर्वसामान्य नागरिकांपासून अधिकारी-कर्मचाऱ्यांपर्यंत सर्वांनाच नोटबंदीने बंदीस्त करून टाकले आहे. महापालिकेतही त्याचे पडसाद उमटत आहेत. पालिका आणि नोट यांचे नाते चर्चेचाच विषय. त्यातच अधिकाऱ्यांनी नवीन महापौरांना नोटबंदीच्या पार्श्वभूमीवर ‘मनीप्लांट’ भेट देऊन चर्चेचे नवीन दालन खुले केले आहे.
बुधवारी महापौर - उपहापौरपदासाठी निवडणूक झाली. या निवडणुकीत भाजपचे भगवान घडमोडे महापौर म्हणून निवडून आले. शिवसेनेच्या स्मिता घोगरे उपमहापौर झाल्या. निवडणूक झाल्यावर हे दोन्हीही पदाधिकारी मिरवणुकीने आपापल्या वॉर्डात गेले. गुरुवारी दोघांचेही महापालिकेत आगमन झाले. सकाळी साडेदहा वाजता घडमोडे पालिकेत आले. त्यांच्या स्वागतासाठी, अभिनंदन करण्यासाठी रांग लागली. नवीन पदाधिकारी निवडून आल्यावर त्यांची मर्जी संपादन करण्यासाठी, त्यांच्या जवळ जाण्यासाठी वेगवेगळ्या युक्त्या अधिकारी - कर्मचारी करतात. जवळ जाण्याचा एक मार्ग ‘मनी’ चा देखील असतो. या मार्गावरून पदाधिकारी जातातच असे नाही, पण त्यांना हा मार्ग खुणावत असतो. खाणाखुणा समजण्यात महापालिकेतील काही अधिकारी तरबेज आहेत, पण नोटबंदीमुळे त्यांचेही हात बांधले गेले आहेत. ‘वरच्या’ सर्व व्यवहारांवर त्यामुळे निर्बंध आले आहेत. सहा-आठ महिने तरी या व्यवहारांवर पाणी सोडावे लागेल, अशी मानसिकता काही अधिकाऱ्यांची झाली आहे. काही अधिकाऱ्यांनी ‘उधारीवर’ ही मानसिकता तयार करून घेत सध्या जाऊ द्या, नंतर वसूल करू अशी, भूमिका घेतली आहे. त्याच मानसिकतेतून काही अधिकाऱ्यांनी एकत्र येऊन महापौरांना गुरुवारी चक्क ‘मनीप्लांट’ भेट दिला. ‘मनीचे जाऊ द्या, प्लांट तरी लावा. ‘प्लांट’ चांगला लागल्यावर ‘मनी’ आपोआप मिळतील,’ असा संदेश तर त्यांना द्यायचा नव्हता ना अशी चर्चा आता पालिकेत जोर धरू लागली आहे.

वेल किती, कसा वाढतो?
काही अधिकाऱ्यांच्या दालनातही मनीप्लांटचे वेल दिसून येऊ लागले आहेत. हे देखील नोंद घेण्यासारखेच आहे. अधिकाधिक पैसा आपल्याला मिळावा यासाठी मनीप्लांट लावण्याची श्रद्धा आहे. या श्रद्धेने अधिकाऱ्यांच्या दालनातून पदाधिकाऱ्यांच्या दालनात प्रवेश केला आहे. महापौरांच्या दालनात मनीप्लांटचा वेल किती आणि कसा वाढतो, या बद्दल सर्वांनाच उत्सुकता आहे.

मोबाइल अॅप डाउनलोड करा आणि राहा अपडेट

औरंगाबाद विभाग वीज चोरीत प्रथम

December 18, 2016, 1:30 pm

≫ Next: हेरिटेज वॉकमध्ये जाणून घेतला इतिहास

≪ Previous: महापौरांना ‘मनीप्लांट’ची भेट

$

0

0

म. टा. प्रतिनिधी, औरंगाबाद
महावितरण ही २ कोटी ८० लाखांपेक्षा जास्त वीज ग्राहकांना सेवा देणारी आशिया खंडातील पहिल्या क्रमांकाची कंपनी आहे. या कंपनीला वार्षिक तीन हजार कोटीचा तोटा सहन करावा लागत आहे. राज्यात औरंगाबाद झोनमध्ये वीज चोरी, रोहीत्र बिघाड यांत पुढे आहे. अर्धा खर्च हा रोहीत्र दुरुस्तीवर करावा लागत आहे, अशी माहिती महावितरणाचे मुख्य व्यवस्थापकीय संचालक संजीव कुमार यांनी महाराष्ट्र वीज तांत्रिक कामगार संघटनेच्या पदाधिकारी यांना दिली.
महाराष्ट्र राज्य वीज तांत्रिक कामगार संघटनेच्या पदाधिकाऱ्यांनी आपल्या विविध मागण्यासाठी मुख्य व्यवस्थापकीय संचालक संजीव कुमार यांची नागपूर येथे भेट घेतली. महावितरण कार्यालयात यंत्रचालक पद वाढविणे यंदा शक्य नाही. महावितरणाची आर्थिक परिस्थिती योग्य नाही. यामुळे आर्थिक मांगण्यांवर ‌कोणत्याही प्रकारचा विचार करण्यात येणार नाही, असे संजीव कुमार यांनी स्पष्ट केले.
औरंगाबाद झोनमध्ये वीज चोरी वाढली आहे. या भागात रोहीत्र बिघाड जास्त होत आहेत. महावितरणाला तोट्यातून बाहेर आणायचे असेल, तर मोबाइल अॅपद्वारे मीटर रिडिंग घेण्यासारखे उपक्रम राबवावे लागणार असल्याचेही त्यांनी यावेळी सांगितले.

मोबाइल अॅप डाउनलोड करा आणि राहा अपडेट

हेरिटेज वॉकमध्ये जाणून घेतला इतिहास

December 18, 2016, 1:30 pm

≫ Next: ठिबक सिंचनाचे अनुदान मिळणार

≪ Previous: औरंगाबाद विभाग वीज चोरीत प्रथम

$

0

0

म. टा. प्रतिनिधी, औरंगाबाद
औरंगाबाद शहराला ऐतिहासिक वारसा लाभला असून, त्याचे जतन आणि संवर्धना करण्याबरोबरच स्मार्ट सिटी प्रकल्पात शाश्वत विकासासाठी लोकसभाग महत्त्वाचा आहे, असे प्रतिपादन विभागीय आयुक्त डॉ. उमाकांत दांगट यांनी व्यक्त केले. सुभेदारी विश्राम गृह ते गुलशन महल या परिसारात शनिवारी सकाळी हेरिटेज वॉकचे आयोजन करण्यात आले होते. त्याप्रसंगी ते बोलत होते.
जिल्हाधिकारी डॉ. निधी पांडेय, जिल्हा परिषद मुख्य कार्यकारी अधिकारी मधुकर अर्दड, अपर आयुक्त गोविंद बोडखे, अपर जिल्हाधिकरी पी. एल. सोरमारे, उपआयुक्त पारस बोथरा, महेंद्र हरपाळकर, वर्षा ठाकूर, विश्वंभर गावंडे, उप वनसंरक्षक अशोक गिरीपुजे, जिल्हा वनसंरक्षक कमलाकर धामगे, उपजिल्हाधिकारी शिवाजी शिंदे, पर्यटन महामंडळाचे प्रादेशिक व्यवस्थापक आण्णासाहेब शिंदे, इतिहास अभ्याक डॉ. रमजान शेख यांच्यासह पर्यटनप्रेमी नागरिक मोठ्या संख्येने उपस्थित होते.
सुभेदारी विश्रामगृह, गुलशन महल (विभागीय आयुक्ताचे निवासस्थान) या ठिकाणी विविध शासकीय कामानिमित्त अधिकारी, कर्मचाऱ्यांना नेहमी जावे लागते, परंतु या वॉकनिमित्त ते पर्यटक, अभ्यासकच्या भूमिकेत होते. या ऐतिहासिक स्थळांची उभारणी, वैशिष्टे आदींची माहिती डॉ. रमजान यांनी माहिती दिली. या हेरिटेज वॉकची सांगता गुलशन महल येथे झाली.

मोबाइल अॅप डाउनलोड करा आणि राहा अपडेट

ठिबक सिंचनाचे अनुदान मिळणार

December 18, 2016, 1:30 pm

≫ Next: भाजप प्रदेशाध्यक्ष दानवे अडचणीत

≪ Previous: हेरिटेज वॉकमध्ये जाणून घेतला इतिहास

$

0

0

म. टा. प्रतिनिधी, औरंगाबाद
राज्यातील शेतकऱ्यांचे ठिबक आणि तुषार सिंचनाचे अनुदान २०१३-१४ आणि २०१४-१५पासून थकित होते. थकित अनुदानाची रक्कम १८५ कोटी रुपये असून, अनुदान वाटपाची मागणी आमदार अमरसिंह पंडित, आमदार सतीश चव्हाण आणि विरोधी पक्षनेते धनंजय मुंडे यांनी विधान परिषदेत तारांकित प्रश्नाच्या माध्यमातून केली होती. यासंदर्भात सभापतींच्या अध्यक्षतेखाली उच्चस्तरीय समितीचे बैठक होऊन त्यावेळी अनुदानाची रक्कम १५ दिवसांच्या आत संबंधित शेतकऱ्यांना वितरित करण्याचा महत्त्वाचा निर्णय करण्यात आला. यामुळे दुष्काळग्रस्त मराठवाड्यातील शेतकऱ्यांना याचा मोठा लाभ होणार आहे.
मराठवाड्यातील शेतकऱ्यांच्या सूक्ष्म सिंचनाचे प्रलंबित अनुदान तातडीने वाटप करण्याची मागणी विधान परिषदेत आमदार पंडित, आमदार चव्हाण आणि विराधी पक्षनेते धनंजय मुंडे यांनी केली होती. यावेळी, त्यांनी या प्रश्नाबाबत सरकारला चांगलेच धारेवर धरले. प्रश्नाचे उत्तर देताना कृषी राज्यमंत्री सदाभाऊ खोत यांची भंबेरी उडाली होती. त्यामुळे हा प्रश्न राखीव ठेऊन याबाबत बैठक घेण्याचे आश्वासन देण्यात आले होते. सभागृहात झालेल्या चर्चेनुसार शुक्रवारी सभापती रामराजे नाईक-निंबाळकर यांच्या अध्यक्षतेखाली त्यांच्या दालनात उच्चस्तरीय बैठकीचे आयोजन करण्यात आले. या बैठकीला कृषी राज्यमंत्री सदाभाऊ खोत, कृषी विभागाचे प्रधान सचिव विजयकुमार, कृषि आयुक्त विकास देशमुख, संचालक फलोत्पादन एम. एस. घोलप अमरसिंह पंडित, सतीश चव्हाण यांच्यासह इतर अधिकारी उपस्थित होते.
राज्यातील शेतकऱ्यांचे सूक्ष्म सिंचन अनुदान प्रलंबित राहिल्याबाबत या बैठकीत सविस्तर चर्चा करण्यात आली. शेतकऱ्यांच्या प्रलंबित अनुदान वाटपासाठी आवश्यक असलेली १८५ कोटी रुपयांचा निधी उपलब्ध करण्याचा प्रस्ताव कृषी विभागाने वित्त विभागाला सादर केला आहे. शासनाकडून तातडीने निधी उपलब्धतेसाठी कृषि विभाग पाठपुरावा करत आहे. अशी माहिती प्रधान सचिव व कृषी आयुक्त यानी बैठकीत दिली. या बैठकीत अमरसिंह पंडित व सतीश चव्हाण यांनी शेतकऱ्यांच्यावतीने विविध मागण्या व प्रलंबित अनुदान वाटपाची मागणी केली.

निधीअभावी अनुदान रखडले
२०१३-१४मध्ये १ लाख ५३ हजार लाभार्थी शेतकऱ्यांना पूर्व संमती देण्यात आली असून, त्यासाठी ४६३ कोटी ५२ लाख रुपयांची तरतूद होती. २०१४-१५मध्ये ३४९ कोटी २७ लाख रुपयांची तरतूद करण्यात आली. २०१५-१६मध्ये ४०८ कोटी रुपयांची तरतूद करण्यात आली होती, मात्र तरतुदीच्या प्रमाणात निधी उपलब्ध न झाल्यामुळे २०१३-१४, २०१४-१५ या वर्षांतील अनुदान प्रलंबित होते.

मोबाइल अॅप डाउनलोड करा आणि राहा अपडेट

---

भाजप प्रदेशाध्यक्ष दानवे अडचणीत

December 18, 2016, 1:30 pm

≫ Next: विद्यार्थी फसवणुकीचा लातूर पॅटर्न

≪ Previous: ठिबक सिंचनाचे अनुदान मिळणार

$

0

0

म. टा. प्रतिनिधी, औरंगाबाद/खुलताबाद
नगर पालिका निवडणुकीच्या प्रचारात पैठण येथे शनिवारी केलेल्या वक्तव्यामुळे भारतीय जनता पक्षाचे प्रदेशाध्यक्ष रावसाहेब दानवे अडचणीत आले आहेत. ‘लक्ष्मी घरात येतेय, तिचा स्वीकार करा,’ या वक्तव्यामुळे त्यांना निवडणूक आयोगाने नोटीस पाठविली असून, त्यांनी उत्तर दिल्यानंतर पुढील कारवाई करण्यात येईल, अशी माहिती जिल्हा निवडणूक निर्णय अधिकारी व जिल्हाधिकारी डॉ. निधी पांडेय यांनी रविवारी दिली.
डॉ. पांडेय यांनी रविवारी खुलताबाद येथे नगर पालिका निवडणुकीदरम्यान मतदानकेंद्रांना भेटी दिल्या. त्यावेळी पत्रकारांशी बोलताना त्यांनी सांगितले की, ‘भाजप प्रदेशाध्यक्ष खासदार रावसाहेब दानवे यांनी पैठण येथे ‘लक्ष्मी घरात येतेय तिचे स्वीकार करा,’ असे विधान केले होते. यासंदर्भात निवडणूक निर्णय अधिकारी यांनी दिलेल्या अहवालावरून निवडणूक आयोगाने त्यांना नोटीस बजावली आहे. त्यांच्याकडून उत्तर आल्यानंतर पुढील कारवाई करण्यात येईल.’
पैठण येथे शनिवारी खासदार दानवे यांची प्रचारसभा झाली. त्यावेळी नागरिक उठून जात होते. ‘निवडणुकीच्या एक दिवस अगोदर लक्ष्मी दर्शनाची आस लागल्याने हे नागरिक सभेतून उठून जात आहेत. निवडणुकीत लक्ष्मी दर्शन झाल्यास त्याचा बिनदिक्कत लाभ घ्यावा,’ असे वक्तव्य दानवे यांनी सभेतून उठून जाणाऱ्या नागरिकांना उद्देशून म्हणाले होते.

मोबाइल अॅप डाउनलोड करा आणि राहा अपडेट

विद्यार्थी फसवणुकीचा लातूर पॅटर्न

December 18, 2016, 1:30 pm

≫ Next: ‘ग्रीन बोर्ड’साठी अाटापिटा

≪ Previous: भाजप प्रदेशाध्यक्ष दानवे अडचणीत

$

0

0

म. टा. प्रतिनिधी, लातूर
टॅलेंट सर्च परीक्षेच्या नावाखाली लातूर जिल्ह्यात हजारो विद्यार्थ्यांची रविवारी फसवणूक करण्यात आली. परीक्षेचे संयोजन करणाऱ्या जनकल्याण चॅरिटेबल ट्रस्टने विद्यार्थ्यांकडून लाखो रुपयांचे शुल्क वसूल केले, मात्र नियोजित वेळापत्रकानुसार रविवारी ही परीक्षाच झाली नाही. याप्रकरणी संतप्त पालकांनी शहरातील परीक्षा केंद्रांसमोर गोंधळ घातल्यानंतर जनकल्याण चॅरिट्रेबल ट्रस्टचे संचालक विलास राठोड यांच्या विरोधात शिवाजी नगर पोलिस ठाण्यात गुन्हा दाखल करण्यात आला आहे.
यासंदर्भात पोलिसांनी सांगितले की, लातुरातील जनकल्याण चॅरिटेबल ट्रस्टने गेल्या काही दिवसांपासून जिल्ह्यात किमान १५ ते १६ हजार विद्यार्थ्यांकडून पहिली ते चौथी वर्गासाठी १०० रुपये, पाचवी ते सातवीच्या विद्यार्थ्यांसाठी दोनशे रुपये तर आठवी ते दहावीच्या विद्यार्थ्यांसाठी ३०० रुपये परीक्षा शुल्क भरून घेतले होते. शुल्क भरल्याच्या पावत्या आणि परीक्षेचे प्रवेश पत्र विद्यार्थ्यांना दिले. ही परीक्षा रविवारी (१८ डिसेंबर) सकाळी ११ ते दुपारी १ या वेळेत होणार होती. परीक्षेसाठी विद्यार्थी सकाळी परीक्षा केंद्रावर आले, मात्र परीक्षेचे आयोजक, जनकल्याण चॅरिटेबल ट्रस्टचे कोणतेही पदाधिकारी किंवा विश्वस्त तेथे आले नाहीत. संपर्कासाठी त्यांनी दिलेले कोणतेही दूरध्वनी लागत नसल्यामुळे पालक संतप्त झाले.
जिल्ह्यातील सुमारे ३० केंद्रांवर ही परीक्षा घेण्यात येणार होती, मात्र आयोजक केंद्रांवर आले नाहीत. त्यामुळे पालकांनी गोंधळ घालण्यास सुरुवात केली. त्यामुळे केंद्रांवर पोलिस गेले. यासंदर्भात पालकांनी शिक्षण विभागाकडे तक्रार केली. त्यानंतर माध्यमिक शिक्षणाधिकारी डॉ. गणपत मोरे, प्राथमिक विभागाचे नजीरोद्दिन शेख यांनी देशीकेंद्र विद्यालयात भेट देऊन पालकांची समजूत काढली.

मोबाइल अॅप डाउनलोड करा आणि राहा अपडेट

‘ग्रीन बोर्ड’साठी अाटापिटा

December 18, 2016, 1:30 pm

≫ Next: नेवाशाच्या प्राचीन संस्कृतीवर पडणार प्रकाश

≪ Previous: विद्यार्थी फसवणुकीचा लातूर पॅटर्न

$

0

0

म. टा. विशेष प्रतिनिधी, औरंगाबाद
जिल्हा परिषद शाळांमधील विद्यार्थ्यांना ग्रीन बोर्ड पुरविण्याबाबतचा प्रस्ताव गेल्या पाच वर्षांपासून नुसता मंजूर करण्यात आला. खरेदीची प्रक्रिया पार पाडण्यात पदाधिकारी आणि प्रशासनाने प्रचंड टोलवाटोलवी केली, पण अखेरच्या टप्प्यात कसेबसे ढकलून, नियम डावलून ग्रीन बोर्ड खरेदीचा घाट घातला जात आहे. यासंदर्भात सोमवारी होणाऱ्या जिल्हा परिषदेच्या सर्वसाधारण सभेत प्रस्ताव येण्याची शक्यता आहे.
२०१२मध्ये विद्यमान जिल्हा परिषदेचे सभागृह अस्तित्वात आले. तत्कालीन शिक्षण सभापती बबन कुंडारे यांनी झेडपी शाळांमध्ये ग्रीन बोर्ड खरेदीसाठी उपकरातून ३० लाख रुपयांची तरतूद करण्याचा प्रस्ताव सादर केला. त्यास मंजुरी दिली गेली, पण मनसे, राष्ट्रवादी काँग्रेस आणि काँग्रेसच्या भांडणात याची खरेदी कित्येक महिने रखडली. अडीच वर्षे उलटूनही खरेदी झाली नाही. नंतरच्या अडीच वर्षांत विनोद तांबे शिक्षण सभापती झाले. त्यांनीही अर्थसंकल्पात ग्रीन बोर्डसाठी उपकरातून ३० लाखांची तरतूद केली.
दरम्यान, खरेदी प्रक्रिया राबविण्यासाठी सरकारने नवीन अध्यादेश काढला. त्यात ५० लाखांवरच्या खरेदीसाठी मान्यतेचे निकष वेगळे करण्यात आले. जिल्हा परिषद पातळीवर हा निर्णय घ्यायचा असल्यास ५० लाखांच्या आतील प्रस्ताव सादर करणे गरजेचे होते. हे पाहून अधिकारी, पदाधिकाऱ्यांनी ४७ लाखांची तरतूद ग्रीन बोर्ड खरेदीसाठी केली. उर्वरित निधीतून शाळांसाठी साउंड सिस्टिम खरेदी केली गेली. ४७ लाखांचा प्रस्ताव सादर करताना दरकराराची पद्धत अवलंबिली गेली. त्यातही सोयीचा पुरवठादार हुडकण्यात आली. तत्कालीन सीईओ डॉ. अभिजित चौधरी यांनी, मात्र यास थांबवून ई-टेंडरिंग पद्धत राबवावी, असे आदेश दिले. ग्रीन बोर्डसाठी तीन निविदा आल्या. त्यातील पात्र कंत्राटदाराकडून सँपल मटेरियल घेतले आणि मुंबईला तपासणीसाठी दिले. टेस्टिंगमध्ये हे मटेरियल रद्द करण्यात आले.
दरम्यान, आता पुन्हा ४७ लाखांचे ग्रीन बोर्ड दरकराराने खरेदीचा प्रस्ताव शिक्षण विभागाने सादर केला असून, मटेरिअल रद्द ठरविण्यात आलेल्या पुरवठादाराकडूनच खरेदीच्या हालचाली सुरू असल्याचे सूत्रांनी सांगितले.

एवढे दुर्लक्ष कसे?
नियमानुसार ई टेंडरिंगसाठी अपलोड केलेले टेंडर १८० दिवस रद्द ठरविता येत नाही. त्याचा आधार घेऊन शिक्षण विभागाने सहा महिने काहीच हालचाल झाली नाही. विद्यार्थ्यांना गरजेचे असलेले बोर्ड खरेदी करण्यासाठी तत्काळ पावले उचलणे आवश्यक होते. अर्थ विभाग, शिक्षण विभाग आणि झेडपी प्रशासनानेही एवढे दुर्लक्ष कसे काय केले? असा सवाल कायम आहे.

मोबाइल अॅप डाउनलोड करा आणि राहा अपडेट

नेवाशाच्या प्राचीन संस्कृतीवर पडणार प्रकाश

December 18, 2016, 1:30 pm

≫ Next: पालिकांसाठी ७६ टक्के मतदान

≪ Previous: ‘ग्रीन बोर्ड’साठी अाटापिटा

$

0

0

tushar.bodkhe@timesgroup.com
Tweet : @tusharbMT
औरंगाबाद ः नेवासा येथील प्राचीन व मध्ययुगीन संस्कृतीवर प्रकाश टाकणारे उत्खनन ६० वर्षांपूर्वी करण्यात आले होते. हा अहवाल इंग्रजी भाषेतून प्रकाशित झाल्यामुळे कमी संशोधकांपर्यंत पोचला. आता हा अहवाल मराठीत अनुवादित करून राज्य साहित्य संस्कृती मंडळ पुस्तक प्रकाशित करणार आहे. या उपक्रमाद्वारे संशोधक आणि जाणकारांना ‘फ्रॉम हिस्ट्री टू प्री-हिस्ट्री अॅट नेवासा’ हा मौलिक मराठी ग्रंथ उपलब्ध होणार आहे.
नेवासा येथे १९५४ ते ५६ या कालावधीत डॉ. एच. डी. सांकलिया यांच्या मार्गदर्शनाखाली डॉ. शां. भा. देव, डॉ. झै. दा. अन्सारी, डॉ. सोफिया इहर्डट यांनी उत्खनन केले. हा अहवाल ‘फ्रॉम हिस्ट्री टू प्री-हिस्ट्री अॅट नेवासा’ या नावाने प्रकाशित झाला. इंग्रजी अहवाल मराठीत भाषांतरीत करण्याचा प्रस्ताव भेंडे (ता. नेवासा) येथील जिजामाता शास्त्र कला महाविद्यालयाचे प्रा. डॉ. शिरीष लांडगे यांनी महाराष्ट्र राज्य साहित्य-संस्कृती मंडळाला दिला होता. या प्रस्तावाला मंडळाचे अध्यक्ष बाबा भांड आणि इतर सदस्यांनी नुकतीच मंजुरी दिली. या ग्रंथाचे भाषांतर पुणे येथील दिलीप चव्हाण करणार आहेत. ‘फ्रॉम हिस्ट्री टू प्री-हिस्ट्री अॅट नेवासा’ हा अहवाल डेक्कन कॉलेजचे पहिले प्रकाशन आहे. हा अहवाल म्हणजे इंग्रजीतील साडेपाचशे पानांचा ग्रंथ आहे. ऑगस्ट १९६०मध्ये अहवालाच्या पाचशे प्रती प्रकाशित झाल्या होत्या. नेवाशात सापडलेल्या वस्तूंच्या नोंदी अहवालात आहेत. या वस्तूंच्या आधारे नेवाशाच्या ज्ञात इतिहासापासून प्रागैतिहासिक काळापर्यंतचा शोध घेण्यात आला आहे. हा अहवाल विदेशात पोचला असला, तरी महाराष्ट्रात प्रती सापडत नाहीत. काही विदेशी विद्यापीठाच्या ग्रंथालयांच्या वेबसाइट आणि डिजिटल लायब्ररी ऑफ इंडियावर अहवाल उपलब्ध आहे. नेवाशातील उत्खननाची पार्श्वभूमी खूप महत्त्वाची आहे. संत ज्ञानेश्वरांच्या काळावर प्रकाश टाकण्यासाठी लाडमोड टेकडीवर उत्खनन व्हावे म्हणून तत्कालीन मुंबई राज्याचे मुख्यमंत्री बाळासाहेब खेर यांनी प्रयत्न केले होते. उत्खनन करण्यापूर्वी डॉ. सांकलिया आणि डॉ. इरावती कर्वे यांनी प्रवरा खोऱ्याची पाहणी केली होती. या कामात अनेक संशोधक, विद्वान, स्थानिक जाणकारांनी सहकार्य केले. ‘फ्रॉम हिस्ट्री टू प्री-हिस्ट्री अॅट नेवासा’ या अहवालात ही माहिती आहे. उत्खननात पाच संस्कृतीचे अवशेष सापडले. तांत्रिक परिभाषा, उत्खननातील वस्तूंची छायाचित्रे, निष्कर्ष भूतकाळाची शास्त्रशुद्ध माहिती देतात. त्यामुळे महाराष्ट्राच्या प्राचीन संस्कृतीवर प्रकाश पडला आहे.

भाषांतरासाठी प्रयत्न
नेवासा येथील उत्खननाचे महत्त्व मराठी ग्रंथातून अधिक वाचकांपर्यंत पोहचणार आहे. हा ग्रंथ पुरातत्त्व, प्राच्यविद्या, सांस्कृतिक अभ्यास, साहित्य, सामाजिकशास्त्रे, इतिहास आदी विषयात मराठी भाषेतून संशोधन करणाऱ्यांसाठी उपयुक्त ठरेल. या उद्देशाने अहवाल मराठीत आणण्याचा प्रस्ताव प्रा. डॉ. शिरीष लांडगे यांनी दिला होता. विद्यापीठ अनुदान आयोग आणि सावित्रीबाई फुले पुणे विद्यापीठ यांच्या सहकार्याने नेवासा परिसरातील सांस्कृतिक अभ्यासावर प्रा. लांडगे संशोधन करीत आहेत.

६० वर्षांपूर्वी नेवासा येथे उत्खनन करून ‘फ्रॉम हिस्ट्री टू प्री-हिस्ट्री अॅट नेवासा’ हा अहवाल प्रकाशित करण्यात आला. हा ग्रंथ अधिक वाचकांपर्यंत पोचवण्यासाठी मराठीत भाषांतरीत करण्यात येणार आहे. प्राचीन संस्कृतीवर प्रकाश टाकण्याचा साहित्य-संस्कृती मंडळाचा प्रयत्न आहे.
- बाबा भांड, अध्यक्ष, राज्य साहित्य संस्कृती मंडळ

मोबाइल अॅप डाउनलोड करा आणि राहा अपडेट

पालिकांसाठी ७६ टक्के मतदान

December 18, 2016, 1:30 pm

≫ Next: नगरपालिका निवडणुकीत काँग्रेसची घोडदौड

≪ Previous: नेवाशाच्या प्राचीन संस्कृतीवर पडणार प्रकाश

$

0

0

म. टा. प्रतिनिधी, औरंगाबाद
औरंगाबाद जिल्ह्यातील पैठण, खुलताबाद, कन्नड व गंगापूर नगर पालिकांसाठी रविवारी शांततेत पण, उत्साहात मतदान झाले. चारही ठिकाणी मतदान करण्यासाठी मतदारांनी सकाळपासून रांगा लावल्या होत्या. दुपारी मतदानाचा वेग थोडा मंदावला, पण सायंकाळी पुन्हा एकदा रांगा लागल्या. जिल्ह्यात कोठेही अनुचित प्रकार घडला नाही.
जिल्ह्यातील चार नगर पालिकांमध्ये तिसऱ्या टप्प्यात रविवारी मतदान घेण्यात आले. निवडणूक विभागाकडून मिळालेल्या माहितीनुसार; खुलताबाद पालिकेसाठी ७९.७७ टक्के, पैठण ७५.७३ टक्के, कन्नड ७६.८४ व गंगापूर नगरपालिकेसाठी ७५.५६ टक्के मतदान झाले. या पालिकेसाठी सोमवारी सकाळी दहापासून मतमोजणीला सुरुवात होणार असून, दुपारपर्यंत निकाल हाती येण्याची शक्यता आहे.
सध्या गंगापूर व कन्नडमध्ये काँग्रेस-राष्ट्रवादी काँग्रेस, पैठण व खुलताबादमध्ये शिवसेना-भाजप युती यांची सत्ता आहे. या निवडणुकीत चारही नगरपालिकेत काँग्रेस व राष्ट्रवादी काँग्रेसमध्ये आघाडी झाली नाही. पैठणमध्ये शिवसेना व भाजप स्वतंत्रपणे लढले, पण गंगापूर, कन्नड व खुलताबादमध्ये दोन्ही पक्षांची युती झाली आहे. कन्नडमध्ये शिवसेना आमदार हर्षवर्धन जाधव यांनी स्व. रायभान जाधव विकास आघाडी स्थापन करून स्वतंत्रपणे निवडणूक लढवली. नगराध्यक्षपदासाठी गंगापूरमध्ये तीन व कन्नड सहा महिला उमेदवार, पैठणमध्ये दहा व खुलताबादमध्ये चार पुरूष उमेदवारांमध्ये लढत आहे. या पालिकांमध्ये सत्ता स्थापन करण्यासाठी काँग्रेस जिल्हाध्यक्ष आमदार अब्दुल सत्तार, भाजपचे आमदार प्रशांत बंब, शिवसेना आमदार संदीपान भुमरे व हर्षवर्धन जाधव यांनी प्रतिष्ठा पणाला लावली आहे.

मोबाइल अॅप डाउनलोड करा आणि राहा अपडेट

नगरपालिका निवडणुकीत काँग्रेसची घोडदौड

December 18, 2016, 10:24 pm

≫ Next: शिवाजीनगरात कडकडीत बंद

≪ Previous: पालिकांसाठी ७६ टक्के मतदान

$

0

0

मटा ऑनलाइन वृत्त । औरंगाबाद

राज्यातील १९ नगरपालिका व दोन नगरपंचायतींसाठी काल झालेल्या निवडणुकीची मतमोजणी सुरू झाली आहे. आतापर्यंत हाती आलेल्या निकालानुसार मराठवाड्यात काँग्रेसची घोडदौड सुरू असून काँग्रेसचे सर्वाधिक १२६ नगरसेवक निवडून आले आहेत. तर, आठ नगराध्यक्ष निवडून आले आहेत. पहिल्या व दुसऱ्या टप्प्यात भरघोस यश मिळवणाऱ्या भाजपनंही यावेळीही चांगली कामगिरी करत ११९ नगरसेवकांसह ८ नगराध्यक्ष निवडून आणले आहेत.

आतापर्यंतचे निकाल

जिल्हा - औरंगाबाद

खुलताबाद (१७)

काँग्रेस - ८
भाजप - ४
शिवसेना - ३
राष्ट्रवादी - २
नगराध्यक्ष - एस. एम. कमर (काँग्रेस)

कन्नड (२३)

काँग्रेस - १३
रायभान जाधव आघाडी - ४
शिवसेना - २
राष्ट्रवादी - १
अपक्ष - ३
नगराध्यक्ष - स्वाती कोल्हे (काँग्रेस)

पैठण (२३)

शिवसेना - ७
भाजप - ५
राष्ट्रवादी - ६
काँग्रेस - ४
अपक्ष - १
नगराध्यक्ष - सूरज लोळगे (भाजप)

गंगापूर (१७)

शिवसेना - ९
काँग्रेस - ६
भाजप - २
नगराध्यक्ष - वंदना पाटील (युती)

जिल्हा - नांदेड

उमरी (१७)

राष्ट्रवादी - १७
नगराध्यक्ष - अनुराधा खांडरे (राष्ट्रवादी)


धर्माबाद (१९)

भाजप - ४
राष्ट्रवादी - ११
काँग्रेस - २
इतर - २
नगराध्यक्ष - अफजल बेगम (काँग्रेस)

हदगाव (१७)

काँग्रेस - ८
शिवसेना - ६
भाजप - २
राष्ट्रवादी - १
नगराध्यक्ष - ज्योती राठोड (काँग्रेस)

मुखेड (१७)

भाजप - ९
शिवसेना - ३
काँग्रेस - ३
इतर - २
नगराध्यक्ष - बाबुराव देबाडवार

बिलोली (१७)

काँग्रेस - १२
भाजप -४
अपक्ष - १
नगराध्यक्ष - मैथिली कुलकर्णी (काँग्रेस)


कंधार (१७)

शिवसेना - १०
काँग्रेस - ५
अपक्ष - २
नगराध्यक्ष - शोभा नलगे (काँग्रेस)

कुंडलवाडी (१७)

भाजप - १०
शिवसेना - ३
काँग्रेस - ४

नगराध्यक्ष - भाजप

मुदखेड (१७)

काँग्रेस - १७
नगराध्यक्ष - अपक्ष

देगलूर (२५)

भाजप - २
काँग्रेस - १२
राष्ट्रवादी - ११
नगराध्यक्ष - काँग्रेस

नगरपंचायत

अर्धापूर (१७)

काँग्रेस - ११
राष्ट्रवादी - ४
इतर - २

माहूर (१७)

राष्ट्रवादी काँग्रेस - ८
शिवसेना - ४
काँग्रेस - ३
भाजप - २


जिल्हा - भंडारा

तुमसर (२३)

भाजप - १४
काँग्रेस - ३
राष्ट्रवादी - ३
इतर - ३
नगराध्यक्ष - प्रदीप पडोळे (भाजप)

पवनी (१७)

नगर विकास आघाडी - ६
काँग्रेस - ५
राष्ट्रवादी - ३
भाजप - २
शिवसेना -१

भंडारा (३३)
भाजप - १५
काँग्रेस -४
राष्ट्रवादी - १०
इतर - ४
नगराध्यक्ष -भाजप

साकोली (१७)

भाजप - ११
राष्ट्रवादी - १
काँग्रेस - १
इतर - ४
नगराध्यक्ष - धनवंता राऊत (भाजप)

जिल्हा - गडचिरोली


गडचिरोली (२४)

भाजप - २१
इतर - २
काँग्रेस - १
नगराध्यक्ष - योगिता पिपरे (भाजप)

देसाईगंज (१७)

भाजप - १२
काँग्रेस - ४
राष्ट्रवादी - १
नगराध्यक्ष - शालू दंडवते (भाजप)

मोबाइल अॅप डाउनलोड करा आणि राहा अपडेट

शिवाजीनगरात कडकडीत बंद

December 19, 2016, 8:40 am

≫ Next: नवीन बक्षिसांची घोषणा; जुन्यांचा विसर

≪ Previous: नगरपालिका निवडणुकीत काँग्रेसची घोडदौड

$

0

0

म. टा. प्रतिनिधी, औरंगाबाद
शिवाजीनगर भागातील व्यापारी महासंघाने सोमवारी पुकारलेल्या बंदला उत्स्फूर्त प्रतिसाद मिळाला. रविवारी गुंडाच्या टोळक्याने घातलेल्या धुडगूसाचा निषेध करण्यासाठी व हातगाड्या रिक्षाचालकांचे अतिक्रमण हटवण्यासाठी हा बंद पुकारण्यात आला होता. दरम्यान, सायंकाळी पोलिस आयुक्त अमितेशकुमार यांनी व्यापाऱ्यांची बैठक बोलावत या भागात धुडगूस घालणाऱ्या गुंडावर कठोर कारवाईचा इशारा दिला.
रविवारी किरकोळ कारणावरून देवळाई भागातील पन्नास ते साठ जणांच्या जमावाने शिवाजीनगर भागात लाठ्याकाठ्या, तलवारीसहीत गोंधळ घातला होता. घरांवर तसेच दुकानावर यावेळी दगडफेक करण्यात आली होती. या प्रकाराने परिसरात दहशतीचे वातावरण निर्माण झाले होते. या परिसरात दुकानासमोर फळांच्या हातगाड्या लावणे, रिक्षा उभ्या करणे आदी प्रकार नेहमीच घडतात. दुकानदारांनी विरोध केल्यास त्यांनाचा धमकावण्यात येत असल्याचे व्यापाऱ्यांचे म्हणणे आहे. रविवारी घडलेल्या प्रकाराच्या निषेधार्थ सोमवारी बंद पुकारण्यात आला होता. सकाळपासून या परिसरातील व्यापाऱ्यांनी आपली दुकाने पूर्णपणे बंद ठेवत व्यापारी महासंघाला पाठिंबा दिला. बंदच्या दरम्यान काही अनुचित घटना घडू नये यासाठी पोलिसांचा मोठा बंदोबस्त या ठिकाणी तैनात करण्यात आला होता. पोलिस उपायुक्त राहुल श्रीरामे यांनी शिवाजीनगर भागात भेट देत व्यापाऱ्यांना बंद मागे घेण्याबाबत आवाहन केले होते. मात्र, सायंकाळी उशिरापर्यंत दुकानदारांनी दुकाने उघडली नाहीत.

व्यापाऱ्यांनी वाचला अडचणींचा पाढा
सायंकाळी पोलिस आयुक्त अमितेशकुमार यांनी शिवाजीनगर व्यापारी महासंघाची बैठक घेतली. या बैठकीमध्ये व्यापाऱ्यांनी त्यांना होणाऱ्या त्रासाबाबत पोलिस आयुक्तांना अडचणी सांगितल्या. या प्रकरणी गुंडगिरी करणाऱ्या टोळक्यांवर कठोर कारवाई करणार असल्याचे पोलिस आयुक्तांनी व्यापाऱ्यांना सांगितले. या बैठकीला नगरसेवक राजेंद्र जंजाळ यांच्यासह व्यापारी महासंघाचे गजानन शेंदुरकर, चिंतामणी सेठ, भालचंद्र शिंदे, दशरथ अडसूळ, सीताराम कदम, मनोज लोहाडे, धुमाळ, पाटील यांच्यासह इतर दुकानदारांचा समावेश होता.

मोबाइल अॅप डाउनलोड करा आणि राहा अपडेट

---

नवीन बक्षिसांची घोषणा; जुन्यांचा विसर

December 19, 2016, 1:30 pm

≫ Next: कचरा वर्गीकरणासाठी अखेरचे बारा दिवस

≪ Previous: शिवाजीनगरात कडकडीत बंद

$

0

0

म. टा. प्रतिनिधी, औरंगाबाद
‘परीक्षेला सामोरे जाताना’ या विषयावरील मार्गदर्शन शिबिरात आयुक्त ओम प्रकाश बकोरिया व नगरसेविका शिल्पाराणी वाडकर यांनी दहावी परीक्षेत चांगले गुण मिळवणाऱ्या विद्यार्थ्यांसाठी बक्षिसांची घोषणा केली. परंतु, गतवर्षी दहावी परीक्षेत विशेष प्रावीण्य मिळवलेल्या विद्यार्थ्यांना अद्याप बक्षीस वितरण झालेले नाही, याचा आयुक्तांसह पदाधिकाऱ्यांना विसर पडला आहे.
महापालिकेच्या शिक्षण विभागातर्फे या शिबिराचे आयोजन करण्यात आले होते. महापालिका शाळेतील दहावीचे विद्यार्थी यावेळी उपस्थित होते. शिबिराचे उद्‍घाटन महापौर भगवान घडमोडे यांच्या हस्ते करण्यात आले. यावेळी स्थायी समिती सभापती मोहन मेघावाले, नगरसेविका शिल्पाराणी वाडकर, आयुक्त ओम प्रकाश बकोरिया, उपायुक्त रवींद्र निकम, इस्कॉन अन्नामृतचे व्यवस्थापक सुदर्शन पोटभरे, पालिका शाळांचे मुख्याध्यापक उपस्थित होते.
महापौरांनी विद्यार्थ्यांना मार्गदर्शन केले. ते म्हणाले, सकारात्मक विचाराने अभ्यास करून चांगल्या गुणांनी उत्तीर्ण व्हा. शिक्षण, आरोग्य, संस्कार या त्रिसूत्रीमुळे विद्यार्थी जीवनात यशस्वी होऊ शकतो. शिल्पाराणी वाडकर यांनी दहावी परीक्षेत उत्तम गुण घेणाऱ्या विद्यार्थ्यांना बक्षीस देण्याची घोषणा केली. आयुक्तांनी गणित विषयात चांगले गुण मिळवणाऱ्या पहिल्या तीन विद्यार्थ्यांना बक्षीस देण्याची घोषणा केली. रवींद्र निकम यांनी सामान्य ज्ञान परिक्षेत चांगले गुण मिळवलेल्या विद्यार्थ्यांना मुंबई ते दिल्ली विमान सहल महापालिका घडवणार असल्याचे जाहीर केले. बक्षिसाच्या नवीन घोषणा करताना अधिकारी, पदाधिकाऱ्यांना गेल्या वर्षी दहावी परीक्षेत विशेष गुण संपादन केलेल्या विद्यार्थ्यांना अद्याप बक्षीस वितरण केलेले नाही, याचा विसर पडल्याचे दिसले. त्याया बक्षीस वितरणाबद्दल अधिकारी, पदाधिकाऱ्यांनी उल्लेखही केला नाही.
‘परीक्षेला सामोरे जाताना’ हे शिबिर यशस्वी करण्यासाठी मुख्याध्यापक देवेंद्र सोळंके, सर्जेराव वाघ, सुभाष सावंत, किशोर कुंभारे, गोविंद कुलकर्णी यांनी परिश्रम घेतले.

मोबाइल अॅप डाउनलोड करा आणि राहा अपडेट

कचरा वर्गीकरणासाठी अखेरचे बारा दिवस

December 19, 2016, 1:30 pm

≫ Next: कडबाकुट्टी यंत्र खरेदी; गैरव्यवहाराचा आरोप

≪ Previous: नवीन बक्षिसांची घोषणा; जुन्यांचा विसर

$

0

0

म. टा. प्रतिनिधी, औरंगाबाद
सर्व वॉर्ड कार्यालयांतर्गत येणाऱ्या वॉर्डांमध्ये ३१ डिसेंबरपर्यंत ओला व सुका कचऱ्याचे वर्गीकरण झालेच पाहिजे, असे आदेश महापौर भगवान घडमोडे यांनी सोमवारी वॉर्ड अधिकाऱ्यांना दिले. स्वच्छता अभियानाचा आढावा घेण्यासाठी त्यांनी अधिकाऱ्यांची बैठक घेतली.
महापालिकेचे मार्च २०१६ पर्यंत सहा वॉर्ड कार्यालये होती, त्यात तीन कार्यालयांची वाढ करून नऊ वॉर्ड कार्यालये करण्यात आली. प्रत्येक वॉर्ड कार्यालयांतर्गत स्वच्छता अभियान राबवले जात आहे. त्याचा आढावा महापौरांनी घेतला. यावेळी वॉर्ड अधिकाऱ्यांसह उपायुक्त अय्युब खान, डॉ. जयश्री कुलकर्णी उपस्थित होते. हर्सूल, सिडको व गारखेडा येथील वॉर्ड कार्यालयाच्या अंतर्गत स्वच्छतेचे काम समाधानकारक सुरू असल्याचे यावेळी लक्षात आले. वॉर्ड कार्यालय क्रमांक १, वॉर्ड कार्यालय क्रमांक ३ मध्ये हे काम फारच धिम्या गतीने सुरू असून येथे कामाचा वेग वाढवण्याची गरज असल्याचे बैठकीत सादर करण्यात आलेल्या आकडेवारीवरून स्पष्ट झाले.
सर्व वॉर्ड कार्यालयांतर्गत येणाऱ्या वॉर्डांमध्ये ३१ डिसेंबरपर्यंत ओला व सुका कचऱ्याचे पूर्णपणे वर्गीकरण झाले पाहिजे, असे आदेश महापौर घडमोडे यांनी दिले. वर्गीकरणाचे काम योग्य प्रकारे सुरू आहे की नाही हे पाहण्यासाठी मंगळवारपासून महापौर रोज तीन वॉर्डांना भेट देणार आहेत. स्वच्छ भारत अभियानाअंतर्गत ‘ओडीएफ’ साठी स्वतंत्र बैठक घेण्याचे महापौरांनी यावेळी जाहीर केले. ज्या वसाहतीत दहा ते वीस कुटुंब राहतात, पण त्यांच्याकडे वैयक्तिक शौचालय नाही, अशा कुटुंबांसाठी सुलभ शौचालय पद्धतीची शौचालये बांधता येतील का याची चाचपणी करण्याच्या सूचना त्यांनी अधिकाऱ्यांना केल्या.

मटा भूमिका

निम्म्या वॉर्डांचे काय?
कचऱ्याच्या बाबतीत महापालिका कमालीची उदासीन राहिली आहे. ११५ पैकी फक्त ६०, म्हणजे जवळपास निम्म्या वॉर्डांमध्ये कचऱ्याचे वर्गीकरण अद्याप झालेले नाही. कित्येक नागरिक उघड्यावरच कचरा फेकतात. ज्या वॉर्डांमध्ये समाजसेवकांनी पुढाकार घेतला तेथे जनजागरण झाले आणि वॉर्ड लख्ख झाले. विशेषत: गुंठेवारी वॉर्डांची अवस्था भयंकर आहे. लोक अजूनही रस्त्याच्या दुभाजकात, उघड्यावर कचरा फेकतात. ओला-सुका कचरा वेगळा करण्याचेही कित्येकांना भान नाही. उघड्यावर कचरा फेकणाऱ्या, वर्गीकरण न करणाऱ्या लोकांना दंडाची शिक्षा केल्याशिवाय शहराचे चित्र बदलणार नाही. पालिकेनेही कचऱ्याच्या वर्गीकरणासाठी वॉर्डांमध्ये वेगळ्या कचराकुंड्या ठेवाव्यात.

मोबाइल अॅप डाउनलोड करा आणि राहा अपडेट

कडबाकुट्टी यंत्र खरेदी; गैरव्यवहाराचा आरोप

December 19, 2016, 1:30 pm

≫ Next: गंगापूरमध्ये भाजप-सेना युतीची सरशी

≪ Previous: कचरा वर्गीकरणासाठी अखेरचे बारा दिवस

$

0

0

म. टा. प्रतिनिधी,औरंगाबाद
समाजकल्याण आणि कृषी विभागाने संयुक्तरित्या राबविलेल्या कडबाकुट्टी यंत्र वाटप योजनेत मोठ्या प्रमाणात गैरव्यवहार झाला. निकृष्ट दर्जाचे यंत्र खरेदी केले गेले. मागासवर्गीय लाभार्थ्यांवर अन्याय केला. या प्रकरणाची चौकशी करून दोषींवर कारवाई करण्याची मागणी करत सदस्यांनी प्रशासनाला धारेवर धरले. अध्यक्ष श्रीराम महाजन यांनी चौकशीचे आश्वासन देत सरकारी आदेशानुसार यंत्र न देता लाभार्थ्यांच्या बँक खात्यात रक्कम जमा करण्याचा निर्णय घेण्यात आला.
जिल्हा परिषदेची सर्वसाधारण सभा सोमवारी झाली. सीइओ मधुकरराजे अर्दड आणि अतिरिक्त सीइओ सुरेश बेदमुथा नगरपालिका निवडणुकीमुळे बैठकीस उपस्थित नव्हते. अनुपालन झाल्यानंतर मूळ विषयपत्रिकेला सुरुवात झाली. कडबाकुट्टी यंत्राचा विषय पटलावर येताच पुष्पा जाधव यांनी समोर येत प्रशासन आणि पदाधिकाऱ्यांना उद्देशून जोरदार आरोप केले. ‘१४ हजार रुपयांचे हे यंत्र २८ हजारांत खरेदी केले गेले. ते सुद्धा निकृष्ट दर्जाचे होते. खरेदी केलेली यंत्रे पंचायत समिती पाठविली गेली. अत्यंत निकृष्ट दर्जाची ही यंत्रे आहेत. तिथे शेतकऱ्यांचे बोगस पत्र घेऊन यंत्रवाटपाची प्रक्रिया राबविली गेली. माझ्या सर्कलमधील शेतकऱ्यांनी याचा लाभ घेतला नाही,’ असा आरोप त्यांनी केला.
उपाध्यक्ष व कृषी सभापती दिनकर पवार म्हणाले,‘ यंत्रे निकृष्ट दर्जाची असल्याचे पाहून आम्ही वितरण थांबविले. त्यानंतर सरकारी अध्यादेश आल्याने वैयक्तिक लाभाच्या योजना राबविताना लाभार्थ्यांना दिला जाणारा लाभ त्यांच्या बँक खात्यावर जमा करावे लागणार आहेत. ’
ज्ञानेश्वर मोठे, अनिल चोरडिया यांनी यात प्रशासनावर आरोप केले. दीपकसिंह राजपूत यांनी या प्रकरणी योग्य मुद्दा उचलून आणखी अडचण केली. ते म्हणाले,‘ ही योजना कृषी व समाजकल्याण खात्याने संयुक्तरीत्या राबविली. समाजकल्याण मधून १०० टक्के अनुदानावर तर कृषी विभागातून ५० टक्के अनुदानावर कडबाकुट्टी यंत्रे दिली जाणार होती. एकाच कंत्राटदाराकडून खरेदी केली गेली. मग समाजकल्याण खात्याने गडबडीत कशी वाटली ? इकडे ५० टक्के अनुदानाची यंत्रे रोखली गेली. हा मागासवर्गीय लाभार्थ्यांवर अन्याय आहे. निकृष्ट दर्जाचे यंत्र खरेदी कसे काय केले गेले ? खरेदीपूर्वी शासकीय अभियांत्रिकी महाविद्यालया तपासणीस दिलेल्या यंत्रात ११ त्रुटी काढल्या गेल्या. नियमानुसार हे कंत्राट रद्द व्हायला हवे होते. तरीही प्रशासनाने कंत्राटदावर मर्जी का दाखविली ? या प्रकरणातील दोषींवर कारवाई झाली पाहिजे,’ अशी मागणी केली.
कृषी विकास अधिकारी आनंद गंजेवार यांनी कृषी विभागाची बाजू मांडली. सदस्यांनी मात्र त्यांच्या उत्तरावर असमाधान व्यक्त केले. अध्यक्ष महाजन यांनी चौकशी करू असे आश्वासन दिले. मनाजी मिसाळ यांनी मुद्दा उपस्थित केला की आता खरेदी करण्याऐवजी लाभार्थ्यांच्या बँक खात्यावर थेट अनुदान जमा करावे, या प्रस्तावास सभागृहाने मान्यता दिली.

प्रस्ताव मंजुरीसाठी चढाओढ
सार्वत्रिक निवडणुकीची आचारसंहित लागण्यापूर्वीची ही अखेरची सभा असल्याने सर्वच खात्यांकडून ऐनवेळचे प्रस्ताव मोठ्या प्रमाणावर मांडले गेले. जुन्या दोन विषयांना हात घालत रामदास पालोदकर यांनी पशुवैद्यकीय रुग्णालय आणि सिल्लोड येथील झेडपीच्या मालकीच्या जागेचे मुद्दे मांडले. त्यास ज्ञानेश्वर मोठे, दीपकसिंह राजपूत, सुदाम मोकासे यांनी विरोध दर्शविला.

मोबाइल अॅप डाउनलोड करा आणि राहा अपडेट

गंगापूरमध्ये भाजप-सेना युतीची सरशी

December 19, 2016, 1:30 pm

≫ Next: उत्तरानगरीला आठ दिवसांत पाणी द्या

≪ Previous: कडबाकुट्टी यंत्र खरेदी; गैरव्यवहाराचा आरोप

$

0

0

म. टा. प्रतिनिधी, खुलताबाद
गंगापूर नगरपालिकेच्या अटीतटीट्या लढतीमध्ये नगराध्यक्षपदी भाजपच्या वंदना प्रदीप पाटील या विराजमान झाल्या. त्यांनी काँग्रेसच्या सुवर्णा जाधव यांचा १३० मतांनी पराभव केला. नगरपालिकेतील नगरसेवकांच्या १७ पैकी ८ जागा शिवसेना, भाजप २ व काँग्रेसने ७ जागांवर विजय मिळवला. या निवडणुकीत भाजप-शिवसेना युती होती.
गंगापूर तहसील कार्यालय परिसरात सोमवारी मतमोजणी करण्यात आली. यावेळी भाजप-शिवेसना युतीच्या उमेदवार पाटील व काँग्रेसच्या उमेदवार जाधव यांच्या अटीतटीची लढत पाहण्यास मिळाली. भाजपच्या उमेदवार वंदना पाटील यांना ६९५२, तर काँग्रेसच्या सुवर्णा जाधव यांना ६८२२ मते मिळाली. १७ नगरसेवकपदासाठी झालेल्या निवडणुकीत शिवसेनेने सर्वाधिक ८ जागांवर विजय मिळवून गेल्यावेळपेक्षा ४ जागा जास्त मिळवल्या. भाजपने २ जागा मिळवल्या. काँग्रेसने ७ जागा मिळविल्या पण, त्यांच्या २ जागा कमी झाल्या.

मातब्बराचा पराभव
या निवडणुकीत पालिकेतील मातब्बरांचा पराभव झाला. त्यामध्ये संजय जाधव, मारोती धनायत, सचिन भवार, मायाबाई दारुंटे, निर्मला नावंदर यांचा समावेश आहे.

मतमोजणीवर आक्षेप
मतमोजणी पूर्ण झाल्यानंतर नोंदणी करताना निवडणूक विभागाच्या कर्मचाऱ्यांकडून चूक झाली. त्यांनी २६ ऐवजी २४ मतदान केंद्रांची नोंद केल्याने झालेले एकूण मतदान व प्रत्यक्षात दाखवण्यात आलेली मतमोजणी यात १३४७ मतांचा फरक दिसत होता. त्यामुळे काँग्रेसच्या उमेदवार प्रतिनिधींकडून फेरमोजणीसाठी आक्षेप नोंदविण्यात आले. त्यामुळे यासंबंधी निवडणूक आयोगाकडून आदेश येण्यास उशीर झाला. त्यामुळे अधिकृतपणे निकाल जाहीर होण्यासाठी उमेदवारांना रात्री साडेसातपर्यंत उमेदवारांना ताटकळावे लागले.

मोबाइल अॅप डाउनलोड करा आणि राहा अपडेट

उत्तरानगरीला आठ दिवसांत पाणी द्या

December 19, 2016, 1:30 pm

≫ Next: जिल्ह्यातील पंचवीस मदरशांची झाडाझडती

≪ Previous: गंगापूरमध्ये भाजप-सेना युतीची सरशी

$

0

0

म. टा. विशेष प्रतिनिधी ,औरंगाबाद
चिकलठाणा एमआयडीसीमधील उत्तरानगरी या भागाला आठ दिवसात महापालिकेने पाणी सोडावे, असे आदेश मुंबई हायकोर्टाच्या औरंगाबाद खंडपीठाने दिले. या आदेशामुळे १० ते १५ वर्षांपासून हक्कासाठी लढत असलेल्या नागरिकांना न्याय मिळाला आहे.
चिकलठाणा एमआयडीसीमधील उत्तरानगरी या भागात नागरिक रस्ते, ड्रेनेज लाइन, पथदिवे, पिण्याचे पाणी मिळवण्यासाठी १० ते १५ वर्षांपासून संघर्ष करत आहेत. महापालिकेकडे पाठपुरावा करूनही न्याय मिळत नसल्याने मदन कोकाटे, शिवाजी नाईकवाडे, विकास नवाथे, श्रीकृष्ण सोळंके, संतोष पटणे यांनी जनहित याचिका दाखल केली होती. या भागात जलवाहिनी असूनही महापालिका पिण्याचे पाणी पुरवत नाही. याचिकेच्या सुनावणीनंतर महापालिकेने उत्तरानगरीला येत्या आठ दिवसात पाणीपुरवठा सुरू करावा, असा आदेश खंडपीठाने दिला. याचिकाकर्त्यांतर्फे अजित काळे, महापालिकेतर्फे संभाजी टोपे यांनी बाजू मांडली.

३४८ कोटींचा निर्णय घ्या
समांतर जलवाहिनीसाठी केंद्र शासनाने अनुदानापोटी १४३ कोटी ८६ लाख रुपये दिले आहेत. राज्य शासनाकडून पहिला हफ्ता म्हणून १७ कोटी ९४ लाख, असे १६१ कोटी ८० लाख रुपये व मनपाच्या हिश्‍श्‍याची रक्कम व त्यावरील व्याज असे एकूण ३४८ कोटी ८१ लाख रुपये महापालिकेकडे पडून आहेत. या योजनेच्या प्रस्तावावर १५ दिवसांत निर्णय घ्या, असे आदेश खंडपीठाने दिले आहेत.

मोबाइल अॅप डाउनलोड करा आणि राहा अपडेट