बेकायदा वाळू उपसा करून सातारा परिसरात वाळू वाहतूक करणारे आठ ट्रक महसूल पथकाने शुक्रवारी पकडले. परिसरामध्ये वाळूची बेकायदा साठेबाजी केल्यानंतर ही वाळू विहिरीच्या पाण्याने धुवायची आणि ट्रकमधून शहरात आणून विकायची असा फंडा वापरणाऱ्या तस्करांच्या महसूल पथकाने मुसक्या आवळल्या आहेत.
विभागीय आयुक्त डॉ. पुरुषोत्तम भापकर यांच्याकडे अवैध वाळू वाहतुकीसंदर्भात अनेक तक्रारी प्राप्त झाल्या आहेत. यापैकी आयुक्तांना २५ जानेवारी रोजी सातारा परिसरातील अवैध वाळू वाहतुकीसंदर्भात तक्रार प्राप्त झाली होती. डॉ. भापकर यांनी या प्रकरणी उपविभागीय अधिकारी शशिकांत हदगल यांना तत्काळ कारवाईचे आदेश दिले. यावरून हदगल यांनी केशव डकले, राजेंद्र बागडे, कुलकर्णी या महसूल पथकासह सातारा परिसरात जाऊन ८ ट्रकमधील वाळू धुत असताना ही कारवाई केली. प्रत्येक वाहनामध्ये तीन ते पाच ब्रास वाळू असल्याचे सूत्रांनी सांगितले. या प्रकरणी सातारा पोलिस ठाण्यात गुन्हा दाखल करण्याची प्रक्रिया रात्री उशिरापर्यंत सुरू होती.
सातारा परिसरामध्ये मध्यरात्रीपासून पहाटेपर्यंत लहान मोठ्या रस्‍त्यांवरून वाळू तस्करी सुरू असते. नागरिकांनी अनेकदा तक्रारी केल्या. मात्र, वाळू तस्करांनी महसूल पथकातील कर्मचारी व पोलिस यामध्ये नेटवर्क निर्माण केल्यामुळे या भागात कारवाई होत नाही. वाळू तस्कर येथे लहान वाहनांमधून आणलेली वाळू मोकळे भूखंड तसेच शेतीमध्ये टाकतात. ही वाळू पाण्याने धुऊन स्वच्छ केली जाते व त्यानंतर मोठ्या वाहनांमधून विक्री केली जाते. वाळू धुत असतानाच ही कारवाई करण्यात आळी. ज्या भूखंडावर वाळूचा साठा आहे त्या मालकाविरुद्ध तसेच विहीर मालकाविरुद्धही गुन्हा दाखल करण्याचे आदेश देण्यात आले आहेत.
तक्रारीची वेळ का ?
औरंगाबाद शहर परिसरामध्ये मोठ्या प्रमाणावर वाळू तस्करी करण्यात येते. मात्र, या भागातील महसूल कर्मचारी सपशेल डोळेझाक करतात. काही वाळू साठ्यांचे लिलाव झाले असले तरी ठेकेदारांना वाळू उपसा करण्याची परवानगी नाही. मग ही वाळू येते कुठून ? सातारा परिसरातही मोठ्या प्रमाणावर बांधकाम सुरू आहे. मोकळ्या भूखंडावर अवैधरित्या वाळूची साठेबाजी करण्यात येते. मात्र, याकडे सपशेल दुर्लक्ष करण्यात येते. विभागीय आयुक्त डॉ. पुरुषोत्तम भापकर यांनी आदेश दिल्यानंतर महसूलच्या पथकाने ही कारवाई केली हे विशेष.
मराठवाड्यात अनेक ठिकाणी महसूल पथकावर हल्ला होणे, गुन्हा न नोंदवण्याचे प्रकार होत असल्यामुळे येणाऱ्या काळात वाळू तस्करांविरुद्ध कारवाई करण्यासाठी स्वतंत्र यंत्रणा उभारू. वाळू तस्करांची देखरेख करण्यापासून ते त्यांच्यावर नियमाप्रमाणे गंभीर स्वरुपाचे गुन्हे दाखल करण्यासंदर्भात कारवाई करण्यात येऊन संपूर्ण तस्करी मोडून काढू. नागरिकांनी माहिती दिल्यास त्वरित कारवाई करू.
- डॉ. पुरुषोत्तम भापकर, विभागीय आयुक्त
मोबाइल अॅप डाउनलोड करा आणि राहा अपडेट
परभणी - एलबीटीप्रकरणी शहरातील व्यापाऱ्यांनी गुरुवारपासून बेमुदत बंद पुकारला आहे. याच प्रकरणावरून शुक्रवारी शिवसेनेने पालिका आयुक्तांच्या दालनात जोरदार तोडफोड करत प्रशासनाचा निषेध नोंदवला. दरम्यान, या प्रकरणी ७ ते ८ जणांवर गुन्हे दाखल झाले असून यात आणखी २५ ते ३० जणांची नावे आयुक्तांनी दिली असून त्यांच्यावरही रात्री उशिरापर्यंत कारवाईची प्रक्रिया सुरू होती. या घटेनमुळे शहरात तणावपूर्ण वातावरण आहे. 
