औरंगाबाद ः छत्रपती शिवाजी महाराजांच्या जयंतीनिमित्त रविवारी अवघे औरंगाबाद शहर भगवे झाले. शहराच्या विविध भागांत शिवजयंतीनिमित्त व्याख्याने, रांगोळी स्पर्धा, पोस्टर स्पर्धा आदींचे आयोजन करण्यात आले होते.
वर्तमानत्र विक्रेता संघटनेतर्फे शिवजयंती
वर्तमानपत्र विक्रेता संघटनेतर्फे शिवजयंती उत्साहात साजरी करण्यात आली. संघटनेच्या कार्यालयात झालेल्या कार्यक्रमात शिवप्रतिमेस पुष्पहार अर्पण करण्यात आले. या वेळी अध्यक्ष अण्णासाहेब जगताप, सचिव नीलेश फाटके, शेख फइम, गणेश भोसले, अनिल बर्गे, नाना सोळंके, मदन बेडवाल, शिवाजी ढेपले, सचिव नरबदे, अशोक वाघमारे, अनिल शिंदे, सुरेंद्र पटेल, विनायक कोमटकर, आसाराम कुलकर्णी, माणिक कदम, भीमराव वायभट, दत्ता खरात, रामकृष्ण राऊत, रामदास महाडिक, संदीप देवर, चंद्रकांत भालेराव आदींची उपस्थिती होती.
पिसादेवीत ‘जय महाराष्ट्र माझा’
मराठमोळ्या लोककलांच्या ‘गर्जा जय जय महाराष्ट्र माझा’ या कार्यक्रमातून छत्रपती शिवाजी महाराजांच्या कर्तृत्वशाली कारकिर्दीला वंदन करण्यात आले. ओवी, वासुदेव, नमन, गोंधळ, जागरण, पोतराज या लोककलांचे बहारदार सादरीकरण करण्यात आले. पिसादेवी येथे ए. बी. ग्रुपचे भाऊसाहेब काळे व अजिनाथ धामणे यांच्या वतीने आयोजित शिवजन्मोत्सव कार्यक्रमात शनिवारी हा कार्यक्रम रंगला. यावेळी भाऊसाहेब काळे म्हणाले, ‘तरुण पिढीसमोर शिवरायांचा आदर्श निर्माण व्हावा आणि बालमनावर संस्कार करण्यासाठी शिवजन्मोत्सव आहे’. युवामित्र फाऊंडेशन निर्मित, सचिन अंभोरे प्रस्तुत व राहुल काकडे, नितिन पगारे दिग्दर्शित या कार्यक्रमाला चांगला प्रतिसाद मिळाला. कार्यक्रमाच्या यशस्वितेसाठी डॉ. संतोष धामणे, भारत कानवडे, जयेश निकम, निखिल धामणे, जयदीप गोसावी, सुरेश खिल्लारे, अशोक देशमुख, संतोष राजगुरे, अशोक उंद्रे, गणेश कदम, संजय चिंचखेडे, संजय तापीर, दिलीप काळे, सुदाम काळे, सतीष भुजंग, राजेश राठोड, फुलसिंग चव्हाण, नारायण जाधव, अनिल मुरकुळे आदींनी परिश्रम घेतले.
शिवरायांना विद्यार्थ्यांचे वंदन
एलोरा हायस्कूल येथे छत्रपती शिवाजी महाराज जयंती उत्साहात साजरी झाली. यावेळी संस्थेचे अध्यक्ष प्रल्हाद शिंदे व मुख्याध्यापिका संगीता शिंदे यांची प्रमुख उपस्थिती होती. मान्यवरांनी शिवरायांच्या प्रतिमेचे पूजन केले. निरंजन खैरनार, केतकी अंगडी, अमृता मगर, राहुल जंगले, आदिती महानोर, अनिकेत खलसे, विशाल हांडगे, पार्थ चव्हाण, अभिजीत गुंड, सुमीत पवार, रघुनंदन काळे, वैभव वेताळ या विद्यार्थ्यांनी भाषण व पोवाडे सादरीकरण केले. स्वराज्य स्थापनेचा इतिहास अश्विनी काळे यांनी कथन केला. कीर्ती काळे यांनी सूत्रसंचालन केले. या कार्यक्रमाच्या यशस्वितेसाठी मीरा मगर, निलिक्षी राव, मनाली बल्लाळ, स्वाती देशमुख आदींनी प्रयत्न केले.
रांगोळीतून साकारले शिवराय
डॉ. बाबासाहेब आंबेडकर मराठवाडा विद्यापीठात छत्रपती शिवाजी महाराज अध्यासनाच्या वतीने शिवमहोत्सव घेण्यात आला. या उपक्रमात भूगोल विभागात शनिवारी रांगोळी व पोस्टर स्पर्धा पार पडली. रांगोळी स्पर्धेत ३० आणि पोस्टर स्पर्धेत सात विद्यार्थ्यांनी सहभाग घेतला. डॉ. शिरीष अंबेकर व प्रा. गौरी कल्लावर यांनी परीक्षण केले. यावेळी संयोजक डॉ. राम चव्हाण, डॉ. धनंजय माने, डॉ. राजेश करपे, डॉ. पुरुषोत्तम देशमुख, डॉ. विकास देशमुख, डॉ. मदनलाल सूर्यवंशी आदी उपस्थित होते.
शिवराय सर्वसामान्यांचे राजे ः प्रा. शिंदे
‘छत्रपती शिवाजी महाराज रयतेचे राजे होते. उत्तम प्रशासक, आरमार दलाचे प्रमुख, अभियंता असलेले शिवराय सर्वसामान्यांचे राजे होते. महाराजांनी समाजातील स्त्रिया, शेतकरी, कष्टकरी यांना सन्मानाची वागणूक दिली. ते कोणत्याही जातीधर्माच्या विरोधात नव्हते. अन्यायाच्या विरोधात त्यांचा लढा होता,’ असे प्रतिपादन प्रा. संजय शिंदे यांनी केले. सिडकोतील तापडिया पार्क येथे आयोजित शिवाजी महाराज जयंती कार्यक्रमात ते बोलत होते. या कार्यक्रमाला रत्नाकर राजूरकर, विजय मुगळीकर, सुरेश मुळे, अशोक धर्मापुरे, शितल गोखले यांची प्रमुख उपस्थिती होती. छत्रपती शिवाजी महाराजांनी सर्वधर्मसमभावाचा विचार आचरणात आणावा असे प्रा. शिंदे म्हणाले. या कार्यक्रमाच्या यशस्वितेसाठी रितेश पटेल, आसाराम भालेराव, रमेश नवाथे, सटवा जायभाये, दिवाकर गवई, अॅड. सचिन देशमुख, गोपीनाथ पाटील, अॅड. संदीप गोंदकर, श्यामराव भुमे, सुहासिनी मोरखंडीकर, शीला गवई, रंजना उदावंत, कृतिका चौधरी आदी उपस्थित होते.
रेखाटली किल्ल्यांची चित्रे
छत्रपती शिवाजी महाराज यांच्या जयंतीनिमित्त हर्सूल येथील न्यू हायस्कूलमध्ये विद्यार्थ्यांनी किल्ल्यांची चित्रे रेखाटली. चित्रांच्या माध्यमातून शिवरायांच्या दुर्ग वैभवावर प्रकाश टाकण्यात आला. रायगड, देवगिरी, जंजिरा, प्रतापगड, जलदुर्ग, सिंधूदुर्ग किल्ल्यांचे चित्रे बालचित्रकारांनी रेखाटली. या उपक्रमात प्रज्ज्वल कारके, सौरभ म्हस्के, करण शेळके, कुणाल सोनवणे, सौरभ भुजंगे, शुभम गुंजाळे, मुकेश म्हस्के, निखिल हंडे या विद्यार्थ्यांनी सहभाग घेतला. या विद्यार्थ्यांना कला शिक्षक अमोल देवडे यांनी मार्गदर्शन केले.
पोवाड्यातून शूर शिवरायांचे स्मरण
मुकुंदवाडी येथे कै. गणपतराव जगताप विद्या मंदिरात छत्रपती शिवाजी महाराज जयंती साजरी करण्यात आली. कार्यक्रमाचे प्रमुख पाहुणे आबासाहेब जगताप यांनी शिवरायांच्या प्रतिमेला पुष्पहार अर्पण केला. यावेळी प्राथमिक विभागाचे मुख्याध्यापक राकेश गांगुर्डे, माध्यमिक विभागाचे मुख्याध्यापक कैलास वनारसे, किशोर हिवर्डे व रामेश्वर इथर उपस्थित होते. ऋषिकेश वाघ या विद्यार्थ्याने पोवाड्याद्वारे शिवरायांची कारकिर्द मांडली. या कार्यक्रमाचे सूत्रसंचालन भानुदास मलवाड यांनी केले, तर अंजू शर्मा यांनी आभार मानले. या कार्यक्रमाच्या यशस्वितेसाठी दत्तात्रय बिरादार, शितल वानखेडे, धनश्री पाटील, अमृता वाकळे, प्रिती वैष्णव, विजय खोमणे यांनी परिश्रम घेतले.
भित्तीपत्रकाचे प्रकाशन
धर्मवीर संभाजी प्राथमिक विद्यालयात शिवाजी महाराज जयंती उत्साहात साजरी करण्यात आली. यावेळी वक्त्या श्रीमती लहाने व साबळे मॅडम यांनी शिवाजी महाराजांच्या जीवनावर प्रकाश टाकणारी भाषणे केली. इयत्ता चौथीच्या विद्यार्थांनी शिवरायांचा जीवनपट आकर्षक भित्तीपत्रकाच्या माध्यमातून दाखवला. यावेळी भित्तीपत्रकाचे प्रकाशन करण्यात आले.
विज्ञान वर्धिनी
रोकडिया हनुमान कॉलनी येथील विज्ञान वर्धिनी हायस्कूलमध्ये छत्रपती शिवाजी महाराज यांची जयंती उत्साहात साजरी करण्यात आली. या कार्यक्रमाला माजी विद्यार्थी अशोक उजळंबकर, गुलाबराव गाडेकर, विठ्ठलराव गावंडे यांची प्रमुख उपस्थिती होती. मुख्याध्यापक अविनाश शंकपाळ यांनी पाहुण्यांचे स्वागत केले. या कार्यक्रमाचे सूत्रसंचालन संतोष कोलते यांनी केले. यावेळी विद्यार्थी मोठ्या संख्येने उपस्थित होते.
मोबाइल अॅप डाउनलोड करा आणि राहा अपडेट
