गेल्या वर्षी ऑल वुमन बाइक रॅलीमध्ये शहरातील महिला मंडळांनी उत्साहाने सहभाग नोंदविला. प्रत्येक ग्रुपच्या महिलांनी बाइक रॅलीसाठी वेगळी थीम निवडली. कुणी कॉमन रंग, तर कुणी कॉमन ड्रेस कोड. बुलेट चालवणाऱ्या महिला, युवतींची संख्या काही कमी नव्हती. बाइक रॅली सुरू होण्यापूर्वी आणि नंतरही सर्वांचे फोटोसेशन रंगले. हा शेवटपर्यंत उत्साह कायम ठेवत महिलांनी नंतर डिजेवर मस्त ताल धरला. यंदाही ही मंडळी तितक्याच उत्साहाने रॅलीची वाट पाहत आहे.
मी दोन्ही वर्षे ‘मटा’च्या बाइक रॅलीमध्ये बुलेट घेऊनच येते. खूप छान व थ्रीलिंग अनुभव असतो. आपली बुलेट घेऊन महिलांसोबत गाडी चालवताना जी मजा येते ती अनुभवयाची असेल तर तुम्हीही बाइक रॅलीमध्ये नक्‍की या. - दीप्ती शेवतेकर, बेस्ट बाइकर विजेत्या, ऑल वुमन बाइक रॅली २०१६
गेल्या वर्षीचा बाइक रॅलीचा अनुभव खूप भन्‍नाट होता. इतक्या महिला असूनही अजिबात गैरसोय झाली नाही. निकिताचे सूत्रसंचालन मस्त होते. महिला दिनाच्या निमित्ताने आपणही कुणापेक्षा कमी नाही हे प्रत्यक्षात सिद्ध झाले. - जान्हवी शेगावकर, अध्यक्ष, ताई फाऊंडेशन
बाइक रॅलीच्या निमित्ताने शहरातील सर्व महिला एकत्र येतात. महिला दिनाची एक चांगली सकाळ, मटाचे आतिथ्य आणि बाइक रॅलीची संधी खूप छान योग जुळतो. याही वयात आम्ही रॅलीमध्ये सहभागी होतो. मग तुम्ही मागे राहू नका. - अलका अमृतकर, अध्यक्ष, स्फूर्ती महिला मंडळ
गेल्या वर्षी मी बाइक रॅलीच्या उत्‍सवात सहभागी झाले होते. याही वर्षी माझी तयारी जोरत सुरू आहे. शेकडो महिला रॅलीमध्ये येतात. यंदाही आमच्यासाठी नवीन काय असेल हे पाहण्यासाठी मी बाइक रॅलीमध्ये येणार आहोत. - माधुरी लासूरकर, ओंजळ महिला मंडळ
बाइक रॅलीमध्ये सहभागी होणे सन्मान वाटला. गुलाबी फेटे बांधून सकाळच्या प्रसन्न वातावरणात गेल्या वर्षी रविवारची सकाळ आम्ही एन्जॉय केली. मी सर्व महिलांना आवाहन करेल की या वर्षी जास्त संख्येने या आणि आनंद घ्या. - स्वाती स्मार्त, शक्ती कॅनॉट महिला मंडळ
माझ्यासाठी तीन ‘म’ खूप महत्त्वाचे आहेत. मार्च, महिला दिन आणि महाराष्ट्र टाइम्स. कारण या तिन्ही गोष्टी सुखद अनुभव देतात, तो म्हणजे बाइक रॅली. प्रत्येक ‘स्त्री’ला स्वतःची ओळख नव्याने करून देणारी ही बाइक रॅली आहे. - गौरी लहुरीकर
मोबाइल अॅप डाउनलोड करा आणि राहा अपडेट
