अज्ञात महिलेचा गळा चिरून खून

May 2, 2017, 2:30 pm

≫ Next: जरंडीच्या महिलांचा दारूबंदीचा ठराव

≪ Previous: ट्रकचालकास लुटणारे दोन दरोडेखोर जेरबंद

$

0

0

म. टा. प्रतिनिधी, औरंगाबाद
दौलताबाद जवळ असलेल्या कागजीपुरा येथील जंगलात एका महिलेचा गळा चिरलेल्या अवस्थेत मृतदेह सोमवारी सायंकाळी पोलिसांना आढळला. या महिलेचा खून करण्यात आल्याची शंका असून या प्रकरणी दौलताबाद पोलिस ठाण्यात अज्ञात आरोपीविरुद्ध खुनाचा गुन्हा दाखल करण्यात आला आहे.
या महिलेचे वय अंदाजे ३५ ते ४० वर्षे आहे. तिने पांढरी सलवार व बुरखा घातलेला आहे. तिच्या डाव्या हातात सोन्याची अंगठी असून पायात पैंजण आहे. मृतदेहापासून १५ ते २० फूट अंतरावर महिलेची चप्पल सापडली. महिलेचा मृतदेह वनविभागाने खोदलेल्या एका खड्ड्यात आढळून आला. सोमवारी संध्याकाळी पाच वाजेच्या सुमारास एका गुराख्याला हा मृतदेह आढळला. कागजीपुऱ्याचे सरपंच शेख अहमद यांना त्याने ही माहिती दिली. दौलताबाद पोलिसांना तत्काळ ही माहिती देण्यात आली. घटनास्थळी उपायुक्त वसंत परदेशी, सहायक पोलिस आयुक्त नागनाथ कोडे, पोलिस निरीक्षक प्रेमसागर चंद्रमोरे, पोलिस उपनिरीक्षक संजय मांटे आदींनी भेट दिली. याप्रकरणी मांटे यांच्या तक्रारीवरून अज्ञात आरोपीविरुद्ध खुनाचा व पुरावा नष्ट केल्याप्रकरणी गुन्हा दाखल करण्यात आला आहे.

मारेकरी परिचयाचा ?
ज्या ठिकाणी महिलेचा चप्पलेचा जोड आढळला त्या झाडाखाली रक्ताचे डाग आहेत. त्या ठिकाणापासून मृतदेह आढळलेल्या नालीपर्यंत मृतदेह फरफटत नेल्याचे दिसून येत आहे. ज्या ठिकाणी मृतदेह सापडला ती जागा डोंगरावर आहे. मारेकरी या महिलेच्या परिचयाचा असावा अशी शक्यता सूत्रांनी वर्तवली.

मोबाइल अॅप डाउनलोड करा आणि राहा अपडेट

---

जरंडीच्या महिलांचा दारूबंदीचा ठराव

May 2, 2017, 2:30 pm

≫ Next: ‘सोच बदलो, गाव बदलो’ला प्रारंभ

≪ Previous: अज्ञात महिलेचा गळा चिरून खून

$

0

0

म. टा. प्रतिनिधी, औरंगाबाद
सोयगाव तालुक्यातील जरंडी येथे नुकत्याच झालेल्या महिला ग्रामसभेत गावातील अवैध दारू विक्री तत्काळ बंद करावी व पाच किलोमीटर अंतरावरील दारू विक्रीची अवैध दुकाने बंद करावीत, असा ठराव घेण्यात आला.
जरंडी येथील ग्रामसभेत महिलांना अवैध दारू विक्रेत्यांविरुद्ध संताप व्यक्त केला. वैशाली पाटील, वंदनाबाई पाटील, वर्षा पाटील यांच्या नेतृत्वाखाली ३०० महिलांनी ग्रामसभेत हा ठराव घेऊन घोषणाबाजी केल्याने ग्रामसभेत खळबळ उडाली. सरपंच समाधान तायडे हे अध्यक्षतेस्थानी होते. या महिलांचे कौतुक होत आहे. दरम्यान, यावेळी आक्रमक महिलांनी संमत झालेल्या ठरावाच्या प्रती हातात घेवून, नव्याने रुजू झालेल्या महिला पोलीस अधीक्षक डॉ. अंजली सिंह यांचेशी मोबाइल वरून संपर्क साधून माहिती दिली. दरम्यान महिला पोलीस अधीक्षक महिलांच्या या लढ्याला कितपत प्रतिसाद देतात याची उत्सुकता आहे. दारूबंदीसाठी महिलांनी ग्रामविकास मंत्री पंकजा मुंडे यांची भेट घेण्याचा निर्णय केला आहे. यावेळी ग्रामसभेसाठी वैशाली सोनवणे, वर्षा पाटील वंदनाबाई पाटील, वैशाली पाटील, मुक्ताबाई इंगळे, साधना पाटील, भार्गवी पाटील, रुपाली गुंजाळ, सुनंदाबाई पाटील, सुनंदाबाई गुंजाळ यांच्यासह महिलांची उपस्थिती होती.

मोबाइल अॅप डाउनलोड करा आणि राहा अपडेट

‘सोच बदलो, गाव बदलो’ला प्रारंभ

May 2, 2017, 2:30 pm

≫ Next: वैजापूरला मिळणार १२ मे रोजी पाणी

≪ Previous: जरंडीच्या महिलांचा दारूबंदीचा ठराव

$

0

0

औरंगाबाद ः ग्रामीण भागामध्ये विकासाची चेतना निर्माण करण्यासाठी इको निड्स फाउंडेशनतर्फे ‘सोच बदलो, गाव बदलो’ मोहीम हाती घेण्यात आली आहे. महाराष्ट्र दिनाचे औचित्य साधत सोमवारी अभियानास शहरातून सुरुवात झाली. प्राप्तिकर विभागाचे सहआयुक्त डॉ. सत्यपालसिंग मिना यांच्या हस्ते अभियान यात्रेचे उद्घाटन करण्यात आले.
ग्रामीण भागात विकासाची चेतना निर्माण करणे, विविध कल्याणकारी योजनांची माहिती ग्रामपातळीपर्यंत पोचविणे, युवकांचा सहभाग वाढविणे, ग्रामविकास समिती स्थापन करणे, प्रश्न सोडविणे, गावामध्ये सद्भावना निर्माण करविणे आदी उद्दिष्टे ठेवून या यात्रेचे नियोजन करण्यात आले आहे. प्रा. प्रियानंद आगळे, प्रा. प्रशांत अवसरमल, अॅड. निलेश दंदे, इको निडसच्या अध्यक्षा मनिषा आगळे, सचिन काटे, अॅड. अत्तदीप आगळे, किशोर जोहरे, शिवाजी वाघमारे, विक्रांत घन, निलेश जाधव, अमित म्हस्के आदी उपस्थित होते.
ही यात्रा महाराष्ट्र, राज्यस्थान, मध्यप्रदेश या तीन राज्यातील शंभर गावातून जाणार आहे. दरम्यान, औरंगाबाद शहरातून निघालेली ही यात्रा वैजापूर तालुक्यातील परसोडा गावात पोचली. ग्रामस्थांनी यात्रेचे स्वागत केले. त्यानंतर लोकजागृतीसाठी गावातून फेरी काढण्यात आली. त्यानंतर यात्रेतील सामाजिक कार्यकर्त्यांनी ग्रामस्थांशी संवाद साधत त्यांना विविध योजनांची माहिती दिली. किशोर धाडवळे, विशाल जगताप, पंचायत समिती सदस्य प्रताप मरभट, श्याम राजपुत, सुधीर वाघमारे, वसंत कवडे, सुदाम छानवाल यांच्यासह ग्रामस्थ मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

वैजापूरला मिळणार १२ मे रोजी पाणी

May 2, 2017, 2:30 pm

≫ Next: ‘रत्नाकर गायकवाडांना पदमुक्त करा’

≪ Previous: ‘सोच बदलो, गाव बदलो’ला प्रारंभ

$

0

0

म. टा. प्रतिनिधी, वैजापूर
नाशिक पाटबंधारे विभागाने नगर पालिकेला गोदावरी डाव्या कालव्यातून पिण्याचे पाणी देण्यास नकार दिला आहे. यापुढे नगर पालिकेचा पाण्याचा देय कोटा नांदूर मधमेश्वर पाटबंधारे विभागाकडे वर्ग करण्यात येणार असल्याचे पत्र पाटबंधारे विभागाने नगर पालिकेला पाठवले आहे. पण, जलदगती कालव्यातून पाणी घेण्यासाठीच्या वितरिकांचे काम झाले नसल्याने सध्या जुन्या पद्धतीने डावा कालव्याच्या आवर्तनातून १२ मे रोजी पाणी मिळण्याची शक्यता आहे.
वैजापूर शहराला पिण्याचे पाणी पुरवण्यासाठी नगर पालिकेने नाशिक पाटबंधारे विभागासोबत करार केला आहे. त्यानुसार पाटबंधारे विभागाकडून गोदावरी डावा तट कालव्यातून दर दोन महिन्यांनी १५०० अब्ज घनफूट पाणी मिळते. हे पाणी कोपरगाव तालुक्यातील पालिकेच्या घोयगाव येथील चार साठवण तलावात साठवले जाते. तेथून ते वैजापूरपर्यंत आणून शहरवासियाना दिले जाते. नगर पालिकेचा हा करार फेब्रुवारी २०१५ मध्ये संपला. तसेच पाटबंधारे विभागाची नगर पालिकेकडे एक कोटी ३७ लाख रुपयांची पाणीपट्टी थकित आहे. याबाबत पाटबंधारे विभागाने वारंवार पाठपुरावा करुन सुद्धा नगर पालिका प्रतिसाद देत नसल्याचे पाटबंधारे विभागाने पत्रात नमूद केले आहे.
दरम्यान राज्याचे पाटबंधारे मंत्री, राज्य मंत्री, गोदावरी मराठवाडा पाटबंधारे विभागाचे कार्यकारी संचालक, नाशिक लाभक्षेत्र विकास प्राधिकरणचे मुख्य अभियंता, अधिक्षक अभियंता व कालवा सल्लागार समितीची बैठक काही दिवसांपूर्वी पार पडली. या बेठकीत वैजापूर नगर पालिकेला देय असलेले पिण्याचे पाणी गोदावरी डावा तट कालव्याऐवजी नांदूर-मधमेश्वर जलदगती कालव्यातून देण्याचा निर्णय घेण्यात आला. त्यानुसार वैजापूर तालुक्यातील गंगथडी भागातील गावांसोबतच शहरालासुद्धा पिण्याचे पाणी मिळणार आहे. मात्र कालव्यातून पाणी घेण्यासाठी वितरिकांचे काम अद्याप बाकी आहे. हे काम झाल्यानंतरच जलदगती कालव्यातून पाणी घेण्याचा मार्ग मोकळा होणार आहे. नगरपालिकेने एक कोटी ३७ लाख रुपयांची थकबाकी त्वरित भरावी व पुढील मुदतीचा करारनामा करावा, असे नाशिक पाटबंधारे विभागाने नगर पालिकेला कळवले आहे. सध्या वैजापूर शहरात पिण्याच्या पाण्याची टंचाई निर्माण झाली आहे.

सध्या नगर पालिकेला गोदावरी डाव्या कालव्यातूनच रोटेशन मिळणार आहे. हे रोटेशन १० मे रोजी धरणातून सोडण्यात येईल व १२ मेपर्यंत पाणी मिळेल.
- प्रकाश पाटील, पाणीपुरवठा अभियंता, नगर पालिका

मोबाइल अॅप डाउनलोड करा आणि राहा अपडेट

‘रत्नाकर गायकवाडांना पदमुक्त करा’

May 2, 2017, 2:30 pm

≫ Next: दिव्यांगांसाठी भरीव तरतूदः खा. दानवे

≪ Previous: वैजापूरला मिळणार १२ मे रोजी पाणी

$

0

0

म. टा. प्रतिनिधी, औरंगाबाद
आंबेडकर भवन उद्धवस्त करण्यास कारणीभूत असलेल्या रत्नाकर गायकवाड यांना पदमुक्त करून त्यांच्यावर फौजदारी गुन्हे दाखल करा, तसेच तत्कालिन पोलीस आयुक्त अमितेश कुमार यांच्या कामकाजाची न्यायालयीन चौकशी करा, आंबेडकरी चळवळीतील कार्यकर्त्यांवर दाखल करण्यात आलेले गुन्हे मागे घ्या, या मागणीसाठी आंबेडकरवादी, डाव्या परिवर्तनवादी पक्ष संघटना व नागरिकांनी मंगळवारी विभागीय आयुक्त कार्यालयासमोर धरणे आंदोलन केले.
यावेळी दिलेल्या निवेदनात म्हटले आहे की, सुभेदारी विश्रामगृहात १७ एप्रिल रोजी झालेल्या घटनेनंतर अमितेश कुमार हे विमानतळावर गेले व गायकवाड यांची इच्छा नसताना त्यांच्याकडून फिर्याद लिहून घेतली. या घटनेत कार्यकर्त्यांना अटक करून जाणीवपूर्वक गंभीर स्वरुपाचे गुन्हे दाखल करण्यात आले. महिला कार्यकर्तीची तक्रारही नोंद करुन घेतली नाही. हा प्रकार म्हणजे आंबेडकरी जनतेचा आवाज दाबण्याचा प्रयत्न आहे. जिल्हाधिकारी ते मुख्य सचिव पदावर कार्यरत असतांना अनेक नियमबाह्य कामे करणारे, आदर्श इमारत घोटाळ्यातील आरोपी रत्नाकर गायकवाड यांच्याविरुद्ध फौजदारी कायद्यान्वये कारवाई करावी, तत्कालिन पोलिस आयुक्त अमितेश कुमार यांची न्यायालयीन चौकशी व्हावी, कार्यकर्त्यांवर दाखल करण्यात आलेली एफआयआर रद्द करा या मागण्या करण्यात आल्या. या मागण्या मान्य न झाल्यास सरकार, शासन व प्रशासनाविरुद्ध जनआंदोलन छेडण्यात येईल, असा इशारा देण्यात आला आहे. या आंदोलनात कॉ. मनोहर टाकसाळ, प्रा. अविनाश डोळास, भीमराव गायकवाड, रतनकुमार पंडागळे, कॉ. राम बाहेती, माणिक सावंत, गौतम लांडगे, रमेशभाई खंडागळे, सांडू जाधव, बुद्धप्रिय कबीर, अभय टाकसाळ यांच्यासह अांबेडकरवादी व डाव्या परिवर्तनवादी पक्षाचे कार्यकर्ते मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

दिव्यांगांसाठी भरीव तरतूदः खा. दानवे

May 2, 2017, 2:30 pm

≫ Next: ऊसतोड मजुराची जेहूरमध्ये आत्महत्या

≪ Previous: ‘रत्नाकर गायकवाडांना पदमुक्त करा’

$

0

0

म. टा. प्रतिनिधी, सिल्लोड
पंतप्रधान नरेंद्र मोदी यांच्या नेतृत्वाखालील केंद्र व राज्यातील भाजप सरकारने दिव्यांगांच्या मदतीसाठी भरीव तरतूद केली आहे. यापुढे दिव्यांगांना कोणापुढे हात पसरण्याची गरज राहणार नसल्याचे प्रतिपादन भाजप प्रदेशाध्यक्ष खासदार रावसाहेब दानवे यांनी केले.
पंचायत समिती आवारात आयोजित दिव्यांगांना मोफत साधन वितरण शिबिरानिमित्त आयोजित कार्यक्रमात ते बोलत होते. हे शिबिर कृत्रीम अंग निर्माण महामंडळ, जबलपूर व सामाजिक न्याय मंत्रालयातर्फे आयोजित करण्यात आले आहे. या शिबिरात दिव्यांग व कर्णबधिरांच्या साहित्यांचे मोजमाप घेऊन तपासणी करण्यात आली. यावेळी माजी आमदार सांडू पाटील लोखंडे, सुरेश बनकर, भाजप तालुकाध्यक्ष ज्ञानेश्वर मोठे, पंचायत समिती सभापती ज्ञानेश्वर तायडे, इद्रीस मुलतानी, मकरंद कोर्डे, राजेंद्र जैस्वाल, राजेंद्र ठोंबरे, ठगणराव भागवत, शहराध्यक्ष विष्णू काटकर, विनोद मंडलेचा यांची प्रमुख उपस्थिती होती. ‘प्रमाणपत्र नसल्याने अनेकांना लाभ मिळत नाही. त्यामुळे दिव्यांगांना प्रमाणपत्र देण्यासाठी शिबिर आयोजित करण्यात येणार आहे,’ असे खासदार दानवे यांनी सांगितले.

२५३२ जणांची नोंदणी
या शिबीरात २५३२ जणांनी नोंदणी केल्याची माहिती भारतीय कृत्रीम अंग निर्माण महामंडळाचे डॉ. किरण पावडा यांनी दिली. ट्रायसिकल, व्हीलचेअर, क्रचेस, कॅलीपर, रोलेटर, वॉकिंग स्टिक, अंधकाठी, ब्रेलर स्लाइट, ब्रेल किट आदी साहित्य मोफत देण्यात येणार असल्याचे पावडा यांनी सांगितले.

मोबाइल अॅप डाउनलोड करा आणि राहा अपडेट

ऊसतोड मजुराची जेहूरमध्ये आत्महत्या

May 2, 2017, 2:30 pm

≫ Next: बायपासला प्रतीक्षा दिल्लीच्या मंजुरीची

≪ Previous: दिव्यांगांसाठी भरीव तरतूदः खा. दानवे

$

0

0

म. टा. प्रतिनिधी, कन्नड
तालुक्यातील जेहूर तांडा येथील शेतकरी व ऊसतोड कामगार खंडेराव रामदास जाधव (वय ४५) यांनी सोमवारी मध्यरात्री गट नंबर ८८ मधील विहिरीत उडी घेवून आत्महत्या केली आहे. ऊसतोड मुकादमाकडून घेतलेली ५० हजार रुपयांची उचल परफेड करण्याची चिंता त्यांना सतावत होती.
जाधव यांनी आत्महत्या केल्याचे मंगळवारी सकाळी लक्षात आले. त्यानंतर दुपारी त्यांचा मृतदेह विहिरीबाहेर काढून औराळा प्राथमिक आरोग्य केंद्रात शवविच्छेदन करण्यात आले. मृत खंडेराव जाधव यांना एक एकर जमीन असून ते ऊसतोड मजूर म्हणूनही काम करत असत. ऊसतोड मुकादमाकडून घेतलेली ५० हजार रुपयांची उचल परफेड करण्याची चिंता त्यांना सतावत होती. शिवाय फक्त एक एकर शेती असल्याने कृषी कर्ज देण्यास बँकेकडून टाळाटाळ होत होती. त्यामुळे जाधव यांनी हा टोकाचा निर्णय घेतल्याची गावात चर्चा आहे. त्यांच्या मागे पत्नी व दोन मुले असा परिवार आहे. या प्रकरणी देवगाव रंगारी पोलिस ठाण्यात नोंद घेण्यात आली आहे.

मोबाइल अॅप डाउनलोड करा आणि राहा अपडेट

बायपासला प्रतीक्षा दिल्लीच्या मंजुरीची

May 2, 2017, 2:30 pm

≫ Next: ‘देवमुद्रा’चे बहारदार नृत्य

≪ Previous: ऊसतोड मजुराची जेहूरमध्ये आत्महत्या

$

0

0

म. टा. विशेष प्रतिनिधी, औरंगाबाद
राष्ट्रीय महामार्ग प्राधिकरणाकडून (एनएचएआय) शहरातील सर्वाधिक रहदारीच्या जालना रस्त्याचे; तसेच बीड बायपासचे रुंदीकरण व विस्तारीकरण होणार आहे. दोन्ही रस्त्यांच्या कामांसदर्भातील सविस्तर प्रकल्प अहवाल (डीपीआर) त्रुटी काढून दिल्लीतील मुख्यालयात पाठविला आहे. आता ही कामे दिल्ली कार्यालयाच्या मंजुरीच्या प्रतीक्षेत आहेत.
केंद्रीय रस्ते वाहतूकमंत्री नितीन गडकरी यांनी २५ डिसेंबर २०१५ रोजी औरंगाबादेत रस्ते विस्तारीकरण कामाचे उद्घाटन केले होते. त्यात जालना रस्ता आणि बीड बायपासच्या विस्तारीकरणाची घोषणा केली होती. रस्ते विस्तारीकरणासाठी १० हजार कोटींची तरतूद करणार असल्याचे सांगितले होते.
पहिल्या टप्प्यात एनएचएआयकडे जालना रस्ता व बीड बायपासची दुरुस्ती प्रस्तावित केली होती. तत्कालीन सहव्यवस्थापकीय संचालक यू. जे. चामरगोरे यांनी जालना रस्त्याचे प्राथमिक सर्वेक्षण करून सहा पदरी रस्त्यासाठी आराखडा तयार केला. बीड बायपासचा विस्तार करताना सहा पदरी रस्ता करून १३ किलोमीटरचे काँक्रिटीकरण करण्याचे प्लॅनिंग तयार केले गेले. पुढील २५ वर्षांत औरंगाबादचा होणारा विस्तार गृहित धरून बीड बायपासवर तीन उड्डाणपूलही प्लॅनमध्ये प्रस्तावित केले गेले; तसेच बीडबायपासच्या दक्षिण बाजूला झालेली नागरी वसाहत लक्षात घेऊन १३ किलोमीटरचा सर्व्हिस रोडही एनएचएआयने सविस्तर प्रकल्प अहवालात नोंदविला. ऑक्टोबर महिन्यात हा अहवाल दिल्ली मुख्यालयात धाडण्यात आला. त्यात त्रुटी काढण्यात आल्या. हा प्रस्ताव पुन्हा औरंगाबाद कार्यालयात त्रुटी दूर करण्यासाठी पाठविला गेला. त्रुटींची पूर्तता करून हा प्रस्ताव पुन्हा दिल्लीत पाठविल्याचे सूत्रांनी सांगितले. या प्रस्तावाला आता मंजुरीची प्रतीक्षा आहे. मंजुरी मिळाल्यानंतर दिल्लीतूनच कामाच्या निविदा निघतील आणि तेथून पुढे कामाला सुरवात होईल. या प्रक्रियेला पुढचा महिना गृहित धरला तर जूनच्या पहिल्या आठवड्यात निविदा निघू शकतात. निविदा मंजुरीनंतर प्रत्यक्ष काम ऑक्टोबरनंतरच सुरू होणार आहे.

मंजुरीबाबत संभ्रम
जयभवानीनगर ते मुकुंदवाडी रेल्वेस्टेशन या रस्ताचेही काम एनएचएआय मार्फत केले जाणार आहे. या रस्त्याचा अहवालही दिल्लीत पाठविला असून त्याच्या मंजुरीची प्रतीक्षा आहे. तीनही प्रमुख कामांच्या एजन्सी निश्चित झाल्यानंतरच कामाची सुरवात होणार आहे, पण त्याला नेमका किती वेळ लागेल याबाबत संभ्रम आहे.

मोबाइल अॅप डाउनलोड करा आणि राहा अपडेट

---

‘देवमुद्रा’चे बहारदार नृत्य

May 2, 2017, 2:30 pm

≫ Next: तूर खरेदीची चौकशी

≪ Previous: बायपासला प्रतीक्षा दिल्लीच्या मंजुरीची

$

0

0

‘देवमुद्रा’चे बहारदार नृत्य
औरंगाबाद - जागतिक नृत्य दिनानिमित्त देवमुद्रा संस्थेच्या वतीने तापडिया नाट्यमंदिरात नृत्य कार्यक्रम सादर करण्यात आला. पाच ते ४५ वयोगटातील ५० कलावंतांनी नृत्य सादर केले. भरतनाट्यम, कथक, कुचिपुडी आणि लोकनृत्यातून कलाकारांनी नृत्याचा इतिहास आणि शास्त्र रसिकांसमोर उलगडले. पुष्पांजली, गणेश श्लोक आणि अल्लारिपु या भरतनाट्यम रचना सादर करीत कलाकारांनी रसिकांची दाद मिळवली.
संत तुकाराम यांचा ‘वृक्षवल्ली आम्हा सोयरी’ अभंग, शिवस्तुती, कालिस्तुती आणि गुजराती-राजस्थानी लोकनृत्यांनी कार्यक्रमाची रंगत वाढवली. या कार्यक्रमाला सुवर्णा ठाकूर, रचना जैस्वाल व व्ही. सौम्याश्री यांची प्रमुख उपस्थिती होती. दरम्यान, देवमुद्रा नृत्यसंस्थेच्या वतीने १७ ते २९ एप्रिल कालावधीत ‘देवशाला’ नृत्य कार्यशाळा घेण्यात आली. या कार्यशाळेचे संयोजन व्ही. सौम्याश्री यांनी केले. शितल जैस्वाल व तृप्ती कुरळे यांनी सहकार्य केले व प्रिती विखरणकर यांनी विद्यार्थिनींना मार्गदर्शन केले.

मोबाइल अॅप डाउनलोड करा आणि राहा अपडेट

तूर खरेदीची चौकशी

May 2, 2017, 2:33 pm

≫ Next: बीड जिल्ह्यात ९७ अर्ज दाखल

≪ Previous: ‘देवमुद्रा’चे बहारदार नृत्य

$

0

0

जालना : तूर खरेदी प्रक्रियेतील भ्रष्टाचाराची स्थानिक गुन्हा अन्वेषण विभागाच्या वतीने चौकशी करण्याचे आदेश पालकमंत्री बबनराव लोणीकर यांनी मंगळवारी जिल्हाधिकारी शिवाजी जोंधळे यांना दिले.
तूर खरेदीमध्ये फसवणूक झाल्याच्या तक्रारी जालना जिल्ह्यातील शेतकऱ्यांची लोणीकर यांच्याकडे केल्या आहेत. जिल्ह्यातील तूर खरेदी केंद्रावर आंध्र प्रदेश आणि कर्नाटक राज्यातील तूर खरेदी झाल्याची तक्रार करण्यात आली आहे. या संपूर्ण प्रकरणाची तातडीने चौकशी पोलिस यंत्रणेमार्फत करण्याचे आदेश लोणीकर यांनी दिले. जालना जिल्ह्यातील सर्व शासकीय तूर खरेदी प्रक्रियेतील भ्रष्टाचाराची चौकशी करून, शेतकऱ्यांकडून कमी भावामध्ये तूर खरेदी करणाऱ्या व्यापाऱ्यांवर कारवाई करण्यात येईल, असे त्यांनी स्पष्ट केले.
नाफेडच्या माध्यमातून जालना जिल्ह्यातील तूर खरेदीमध्ये आंध्र प्रदेश राज्यातील व कर्नाटक राज्यातील तूर आढळून आली, तर अशी तुर विक्री करणाऱ्या व ही जवाबदारी असलेल्या कर्मचाऱ्यांविरोधात कारवाई करण्यात येईल. मंगळवारपासून जालना जिल्ह्य़ातील सर्वच तुर खरेदी केद्रावर दिनांक 22 एप्रिल पर्यंत नोंदणी झालेली तुर तातडीने मोजण्यासाठी दोन पाळ्यांमध्ये यंत्रणा कार्यान्वित करण्याचे आदेश पालकमंत्री बबनराव लोणीकर यांनी दिले आहेत.
शेतकऱ्यांकडे शिल्लक असलेली सर्व तुूर तारखेची अट न घालता खरेदी करावी, पेट्रोलची दरवाढ तात्काळ मागे घ्यावी आणि बँकांमधून निर्माण झालेला चलन तुटवडा तात्काळ दूर करावा, अशी मागणी जालना काँग्रेसचे जिल्हाध्यक्ष सुरेशकुमार जेथलिया यांच्या नेतृत्वाखाली आज एका शिष्टमंडळाने जिल्हाधिकाऱ्यांकडे निवेदनाव्दारे केली आहे.

जालन्यात रांगा कायम
जालना जिल्ह्यातील जालना, अंबड, परतूर व तीर्थपूरी येथे शासकीय तूर खरेदी केंद्रांवर आतापर्यंत एक लाख ४२ हजार ३३६ क्विंटल तूर खरेदी करण्यात आली आहे. तसेच, २२ एप्रिलपर्यंत साधारणपणे ३८ हजार क्विंटल तुरीची नोंदणी शेतकऱ्यांनी केली आहे. मंगळवारपासून पुन्हा एकदा नोंदणी केलेल्या तुरीची खरेदी नाफेडमार्फत सुरू झाली आहे अशी माहिती जिल्हा पणन अधिकारी पाटील यांनी दिली आहे.

मोबाइल अॅप डाउनलोड करा आणि राहा अपडेट

बीड जिल्ह्यात ९७ अर्ज दाखल

January 30, 2017, 2:01 pm

≫ Next: शहीद विकास समुद्रेंवर अंत्यसंस्कार

≪ Previous: तूर खरेदीची चौकशी

$

0

0

म. टा. प्रतिनिधी, बीड
बीड जिल्हा परिषदेच्या ६० गट आणि अकरा पंचायत समितीच्या १२० गणासाठी निवडणूक होत असून सर्व राजकीय पक्ष कामाला लागले आहेत. या निवडणुकीसाठी उमेदवारी अर्ज दाखल करण्यास २७ जानेवारीपासून सुरुवात झाली. मात्र, शुक्रवारी अमावस्या असल्याने जिल्ह्यात एकाही उमेदवाराने उमेदवारी अर्ज दाखल केला नव्हता. सोमवारी जिल्ह्यातील अनेक उमेदवारांनी उमेदवारी अर्ज दाखल केले. जिल्हा परिषदेच्या ६० गटांसाठी ४७ अर्ज दाखल झाले होते. तर पंचायत समितीसाठी ५० अर्ज दाखल झाले.
गेवराई तालुक्यात जिल्हा परिषद गटासाठी १२ व पंचायत समितीसाठी २१ उमेदवारी अर्ज आले आहेत. बीड तालुक्यात जिल्हा परिषद गटासाठी ११ व पंचायत समितीसाठी सात उमेदवारी अर्ज दाखल झाले. माजलगावमध्ये पंचायत समितीसाठी आठ तर जिल्हा परिषदेसाठी चार अर्ज दाखल झाले. केज तालुक्यात जिल्हा परिषदेसाठी सहा तर पंचायत समिती गणासाठी एक उमेदवारी अर्ज दाखल झाला. परळीत जिल्हा परिषद गटासाठी सात तर पंचायत समितीसाठी सात अर्ज आले आहेत. आष्टीत जिल्हा परिषदेला व पंचायत समितीत दोन अर्ज आले आहेत. शिरूर, धारूर, वडवणी तालुक्यात प्रत्येकी एक अर्ज दाखल करण्यात आला आहे. चकलंबा आणि उमापूर अशा दोन जिल्हा परिषद गटातून आज जिल्हा परिषद अध्यक्ष विजयसिंह पंडित यांनी सोमवारी उमेदवारी अर्ज दाखल केला. या प्रसंगी उदयसिंह पंडित, जिल्हा परिषद सदस्य जालिंदर पिसाळ, जिल्हा परिषद सदस्य डॉ. विजयकुमार घाडगे, आदी उपस्थित होते. तर बीड तालुक्यातून नाळवंडीमधून कृषी उत्पन्न बाजार समितीचे माजी सभापती अरुण डाके, तर शिवसेनेकडून गणेश वरेकर यांनी तर पालीतून राष्ट्रवादीकडून उषा आखाडे यांनी उमेदवारी अर्ज सोमवारी दाखल केला. एक फेब्रुवारीपर्यंत उमेदवारी अर्ज दाखल करता येणार आहेत. त्यामुळे राहिलेल्या दोन दिवसात उमेदवारी अर्ज दाखल करणाऱ्यांची मोठी गर्दी होणार आहे.

मोबाइल अॅप डाउनलोड करा आणि राहा अपडेट

शहीद विकास समुद्रेंवर अंत्यसंस्कार

February 1, 2017, 9:37 pm

≫ Next: काँग्रेस नेत्यांचं सोन्याच्या ताटात शाही भोजन

≪ Previous: बीड जिल्ह्यात ९७ अर्ज दाखल

$

0

0

म. टा. प्रतिनिधी, बीड

काश्मीर येथे हिमस्खलनामुळे बीड जिल्ह्यातील भारतीय सैन्य दलाच्या जवान विकास पांडुरंग समुद्रे हे शहीद झाले होते. त्यांच्या पार्थीवावर बीड जिल्ह्यातील गांजपूर येथे शासकीय इतमामात शोकाकूल वातावरणात अंत्यसंस्कार करण्यात आले.

शहीद विकास समुद्रे हे सैन्य दलाच्या मुळ युनिट १८ महार रेजिमेंटमध्ये व सध्या ५१ राष्ट्रीय रायफल्समध्ये कार्यरत होते. जम्मू काश्मीर मधील गुरज भागात अतिरेकी घुसखोरीवर नियंत्रण ठेवण्याकरीता तैनात करण्यात आले होते. २५ जानेवारी रोजी अचानक झालेल्या हिमस्खलनामध्ये विकास समुद्रे शहीद झाले होते. त्यांचे पार्थिव गुरज सेक्टर येथून श्रीनगर मिलिटरी हॉस्पीटल येथे हेलिकॉप्टरने ३० जानेवारी सायंकाळी आणण्यात आले. श्रीनगर येथून दिल्ली, दिल्लीहून विमानाने पुणे आणि बुधवारी सकाळी पुण्याहून हेलिकॉप्टरने धारुर आणि तेथून त्यांच्या मुळगावी गांजपूर येथे रुग्णवाहिकेतून आणण्यात आले. प्रथम धारुर शहरात त्यानंतर गांजपूर गावात आणि त्यांच्या राहत्या घरी त्यांचे पार्थिव दर्शनासाठी ठेवण्यात आले. गावकऱ्यांनी अंत्यदर्शनासाठी मोठी गर्दी केली होती. त्यांचा तिरंग्यामधील पार्थिव गावात आणताच गावकऱ्यांनी तसेच एनसीसी व स्काऊट गाईडच्या पथकांनी अंतयात्रेत सहभाग घेतला. संपूर्ण गावावर शोककळा पसरली होती.

जिल्हा प्रशासनाच्यावतीने जिल्हाधिकारी नवल किशोर राम आणि पोलिस अधिक्षक जी. श्रीधर यांनी शहीद विकास समुद्रे यांच्या पार्थिवावर पुष्पचक्र अर्पण केले. पोलिस दलाच्या पथकाने तसेच भारतीय सैन्य दलाच्यावतीने लेप्टनंट कर्नल नितिन चव्हाण यांच्या नेतृत्वाखालील पथकाने हवेत बंदुकीच्या फैरी झाडून मानवंदना दिली. यावेळी विधान परिषदेचे विरोधी पक्षनेता धनंजय मुंडे, आमदार संगीता ठोंबरे, आमदार आर. टी. देशमुख, सैनिक कल्याण विभागाचे उपसंचालक तथा जिल्हा सैनिक कल्याण अधिकारी कर्नल हरीभाऊ दळवी, कॅप्टन भीमराव पारवे यांच्यासह असंख्य अधिकारी, पदाधिकारी व देशप्रेमी नागरिकांनी पुष्पचक्र वाहून अभिवादन केले. शहीद विकास समुद्रे यांचे भाऊ परमेश्वर यांनी चितेला भडाग्नी दिला. यावेळी आई, पत्नी, बहिनी, चिमुकली मुलगी आणि नातेवाईकांनी अत्यंत शोकाकूल वातावरणात अखेरचा निरोप दिला.

मोबाइल अॅप डाउनलोड करा आणि राहा अपडेट

काँग्रेस नेत्यांचं सोन्याच्या ताटात शाही भोजन

February 4, 2017, 7:48 pm

≫ Next: जेऊर-आष्टी मार्गासाठी दहा कोटी

≪ Previous: शहीद विकास समुद्रेंवर अंत्यसंस्कार

$

0

0

मटा ऑनलाइन वृत्त । उस्मानाबाद

राज्यातील शेतकरी आत्महत्या करत आहेत, तरुण बेरोजगार आहेत, गरिबांना दोन वेळचं अन्न मिळत नाहीए, मध्यमवर्गीय जनता महागाईनं हैराण आहे, मग कुठे आहेत 'अच्छे दिन'?, असा सवाल करत राज्य सरकारवर असंवेदनशीलतेचा आरोप करणाऱ्या काँग्रेस नेत्यांनी उस्मानाबादमध्ये सोन्याच्या ताटात जेवणावर ताव मारल्याचं समोर आलं आहे. त्यामुळे त्यांच्यावर टीकेची झोड उठली असून, हाच का काँग्रेसचा गरिबांबद्दलचा कळवळा?, असा प्रश्न विचारला जात आहे.

उस्मानाबादमधील येणगूरमध्ये काँग्रेसने जिल्हा परिषद प्रचाराचा नारळ फोडला. काँग्रेसचे प्रदेशाध्यक्ष अशोक चव्हाण, विधानसभेचे विरोधी पक्षनेते राधाकृष्ण विखे पाटील, माजी केंद्रीय मंत्री सुशीलकुमार शिंदे, शिवराज पाटील, आमदार बसवराज पाटील ही नेतेमंडळी सभेसाठी पोहोचली होती. त्यांच्या जेवणाची व्यवस्था एका कार्यकर्त्याच्या घरी करण्यात आली होती. तिथे पोहोचल्यानंतर सगळ्यांचेच डोळे विस्फारले. सोन्याचा मुलामा दिलेली ताटं-वाट्या डायनिंग टेबलवर मांडल्या होत्या आणि एकापेक्षा एक झक्कास पदार्थ घेऊन वाढपी सज्ज होते. नेत्यांच्या ताटातील एकेक वाटी सुग्रास पदार्थांनी भरत गेली. ते पाहून कुणालाच मोह आवरला नाही. सगळ्यांनीच आवडीच्या पदार्थांचा आस्वाद घेतला आणि पोटावरून हात फिरवला.

अर्थात, हे शाही भोजन त्यांना पचणार का, हा प्रश्नच आहे. कारण, काँग्रेस उपाध्यक्ष राहुल गांधी अनेक गरिबांच्या घरी जाऊन चक्क पत्रावळीवर जेवले आहेत. त्यांना महाराष्ट्रातील नेत्यांचा हा डामडौल रुचेल का, याबद्दल शंका आहे.

याआधी, काँग्रेस नेते पृथ्वीराज चव्हाण यांनी अशाच शाही मेजवानीला स्पष्ट नकार दिला होता. बीडमधील दुष्काळी दौऱ्यादरम्यान एका कार्यकर्त्यानं त्यांच्या भोजनाची जय्यत तयारी केली होती. परंतु, जनता दुष्काळात होरपळत असताना आपण हे शाही भोजन जेवणार नाही, असं त्यानं सांगितलं होतं. परंतु, त्या चव्हाणांसारखा समंजसपणा अशोक चव्हाणांनी आणि इतर नेत्यांनीही दाखवला नाही.

मोबाइल अॅप डाउनलोड करा आणि राहा अपडेट

जेऊर-आष्टी मार्गासाठी दहा कोटी

February 4, 2017, 8:50 pm

≫ Next: परळीत पुन्हा मुंडे विरुद्ध मुंडे

≪ Previous: काँग्रेस नेत्यांचं सोन्याच्या ताटात शाही भोजन

$

0

0

पंकजा मुंडे, खासदार प्रितम मुंडे यांनी मानले प्रभूंचे आभार

म. टा. प्रतिनिधी, बीड

जेऊर ते आष्टी या बीड जिल्ह्यातून जाणाऱ्या रेल्वे मार्गासाठी दहा कोटी रुपयांची तरतूद करण्यात आली आहे. बीड जिल्ह्याच्या जिव्हाळ्याचा प्रश्न असलेल्या परळी-बीड-नगर रेल्वे मार्गासाठी यंदाच्या अर्थसंकल्पात ७८० कोटी रुपयांची भरीव तरतूद करण्यात आली आहे. याबद्दल बीडच्या पालकमंत्री पंकजा मुंडे व खासदार प्रितम मुंडे यांनी रेल्वेमंत्री सुरेश प्रभू यांचे पत्राद्वारे आभार मानले आहेत.

बीड जिल्ह्यातील आष्टी ते जेऊर ७० किलोमीटर या मार्गासाठी दहा कोटी रुपयांची तरतूद करण्यात आल्याने जिल्ह्यवासियांच्या दृष्टीने दुधात साखर अशी भावना आहे. परळी-बीड-नगर हा रेल्वे मार्ग १९९५ मध्ये मंजूर करण्यात आला होता. २६१ किलोमीटरच्या या रेल्वे मार्गाचा सुरूवातीला १९९५ मध्ये मंजुरी मिळाली होती. त्यावेळी ३५३ कोटी रुपये खर्च अपेक्षित होता. यासाठी लागणाऱ्या निधीची तरतूद केंद्र व राज्य सरकार संयुक्तरित्या करेल असे ठरले होते. या मार्गासाठी अनेकदा आंदोलने झाली. मात्र, या मार्गासाठी मोठी तरतूद कधीच झाली नाही. दहा वीस कोटी रुपये देवून दरवर्षी या रेल्वे मार्गाची बोळवण केली जात होती. वीस वर्षांत ३०० कोटी रुपयांचा निधी या मार्गाला मिळाला. त्यामुळे या रेल्वे मार्गासाठी आता २८०० कोटी रुपयांची आवश्यकता होती. २८०० कोटी प्रकल्प खर्च असलेल्या या प्रकल्पासाठी राज्याने मान्यता दिली. त्यासाठी निम्मा वाटा उचलावा, असेही पंतप्रधान मोदी यांनी आदेश दिले होते. त्यानंतर झालेल्या राज्य मंत्रिमंडळाच्या बैठकीत १ हजार ४१३ कोटी या नगर-बीड-परळी रेल्वेसाठी देण्याचा निर्णय घेण्यात आला. बीडचे दिवंगत भाजप नेते गोपीनाथ मुंडे यांचे स्वप्न हा रेल्वे प्रकल्प होता. दिवंगत मुंडे यांच्या पहिल्या स्मृतीदींनाच्या पूर्व संध्येला हा निर्णय घेऊन राज्य सरकारने एक प्रकारे मुंडे यांच्या स्मृतीला अभिवादन केले होते. पंतप्रधानांच्या हस्तक्षेपामुळे हा मार्ग 2019 पर्यंत पूर्ण होणार असून सध्या त्याचे काम वेगाने सुरू आहे.

रेल्वेमंत्री सुरेश प्रभू यांनी परळी-बीड-नगर रेल्वे मार्गाला पहिल्या वर्षी १५९ कोटी, दुसऱ्या वर्षी तिनशे कोटी आणि आता थेट ७८० कोटी रुपयांची भरीव तरतूद केली आहे. यापैकी पाचशे कोटी हे अर्थसंकल्पा बाहेरून म्हणजे वित्तीय संस्थांकडून उपलब्ध होणार आहेत. या रेल्वे मार्गावरील नगर ते नारायणडोहपर्यंत १५ किलोमीटर रेल्वेमार्ग टाकण्याचे काम झाले आहे. बीड जवळ असणाऱ्या पालवण ते तिप्पटवाडी या साडेसात किलोमीटरमध्ये मातिकाम पूर्ण झाले असून या साडेसात किलोमीटरवर केवळ रेल्वे रुळ अंथरण्याचे काम बाकी आहे. नारायणडोह ते तिपट्टवाडीपर्यंत मातीचे काम प्रगतीपथावर आहे. येत्या महिनाभरात बीड ते परळी रेल्वेमार्गाचे माती कामाच्या निविदा निघणार आहे, अशी माहिती कार्यकारी अभियंता सचिन मुंगसे-पाटील यांनी दिली. दरम्यान, पंकजा मुंडे व खासदार प्रितम मुंडे यांनी या तरतूदीबद्दल रेल्वेमंत्री सुरेश प्रभू यांना पत्र पाठवून त्यांचे आभार मानले आहेत.

मोबाइल अॅप डाउनलोड करा आणि राहा अपडेट

परळीत पुन्हा मुंडे विरुद्ध मुंडे

February 4, 2017, 1:30 pm

≫ Next: पवारांच्या घरात संस्कारांची कमी: पंकजा

≪ Previous: जेऊर-आष्टी मार्गासाठी दहा कोटी

$

0

0

म. टा. प्रतिनिधी, बीड

परळी तालुक्यातील पिंपरी गटात अजय व रामेश्वर मुंडे यांच्यात लढत होत आहे. या पूर्वी बीड जिल्ह्यातील गोपीनाथ मुंडे विरुद्ध धनंजय मुंडे असा संघर्ष साऱ्या राज्याने बघितला. गोपीनाथ मुंडेंच निधन झाल्यानंतर पंकजा विरुद्ध धनंजय मुंडे हा संघर्ष तर सर्वश्रुत आहेच. आगामी जिल्हा परिषद निवडणुकीत पुन्हा मुंडे विरुद्ध मुंडेंचा संघर्ष मिनी मंत्रालयासाठी परळी तालुक्यातील पिंपरी गटात अजय मुंडे विरुद्ध रामेश्वर मुंडे यांच्यात पहावयास मिळणार आहे.

अजय मुंडे हे गोपिनाथ मुंडे यांचे पुतणे आणि पंकजा आणि धनंजयचे सख्खे चुलत भाऊ आहेत. तर रामेश्वर मुंडे हे धनंजय आणि पंकजा मुंडेचे सख्खे चुलत भाऊ आहेत. हे दोघे आताच चर्चत येण्याचे कारण या जिल्हा परिषद निवडणुकीत हे दोघे भाऊ एकमेकासमोर उभे आहेत. ज्या वेळी धनंजय मुंडे यांनी बंड करून आपला वेगळा मार्ग पत्करला त्याच वेळी अजय मुंडे हे धनंजय मुंडे सोबत राष्ट्रवादीत आले. युवक राष्ट्रवादीत प्रदेश सरचिटणीस म्हणून काम करीत आहेत. या पूर्वी नाथ्रा ग्रामपंचायतीचे ते बिनविरोध सरपंच राहिले. आता जिल्हा परिषदेच्या आखाड्यात त्यांचा सामना रामेश्वर मुंडे सोबत असणार आहे.

रामेश्वर मुंडे हे धनंजय मुंडेच्या बंडानंतर ही पंकजा मुंडे सोबतच राहिले. एक भाऊ दूर गेला तरी एक भाऊ पंकजासोबत स्थानिक राजकारण करीत होता. मात्र, अजय मुंडे यांच्या तुलनेत रामेश्वर राजकारणात नवखे आहेत. वैद्यनाथ सहकारी साखर कारखान्याच्या परिसरातील गावात ही लढत होणार असल्याने शेतकरी अपल्यालाच मतदान देतील असे रामेश्वर मुंडेंना वाटते.
मागच्या पाच वर्षापासून परळीच्या सगळ्या छोट्या-मोठ्या निवडणुकीत पंकजा आणि धनंजयचा सामना झालेला म्हणूनच आता परळीच्या पिंपरी बुद्रुक या जिल्हा परिषद गटात पुन्हा या भावंडातील लढत लक्षवेधी असणार आहे. या दोन मुंडेच्या लढतीत कस पंकजा व धनंजय यांचा लागणार आहे.

धनंजय मुंडे हे विधान परिषदेतील विरोधी पक्षनेते आहेत तर पंकजा मुंडे या राज्याच्या ग्रामविकास मंत्री म्हणून काम पाहत आहेत. आता भाऊबंदकीच्या या लढतीत कोण बाजी मारणार याकडे सर्वांचे लक्ष लागले आहे.

रेल्वेमंत्री सुरेश प्रभू यांनी परळी-बीड-नगर रेल्वे मार्गाला पहिल्या वर्षी १५९ कोटी, दुसऱ्या वर्षी तिनशे कोटी आणि आता थेट ७८० कोटी रुपयांची भरीव तरतूद केली आहे. यापैकी पाचशे कोटी हे अर्थसंकल्पा बाहेरून म्हणजे वित्तीय संस्थांकडून उपलब्ध होणार आहेत. या रेल्वे मार्गावरील नगर ते नारायणडोहपर्यंत १५ किलोमीटर रेल्वेमार्ग टाकण्याचे काम झाले आहे. बीड जवळ असणाऱ्या पालवण ते तिप्पटवाडी या साडेसात किलोमीटरमध्ये मातिकाम पूर्ण झाले असून या साडेसात किलोमीटरवर केवळ रेल्वे रुळ अंथरण्याचे काम बाकी आहे. नारायणडोह ते तिपट्टवाडीपर्यंत मातीचे काम प्रगतीपथावर आहे. येत्या महिनाभरात बीड ते परळी रेल्वेमार्गाचे माती कामाच्या निविदा निघणार आहे, अशी माहिती कार्यकारी अभियंता सचिन मुंगसे-पाटील यांनी दिली. दरम्यान, पंकजा मुंडे व खासदार प्रितम मुंडे यांनी या तरतूदीबद्दल रेल्वेमंत्री सुरेश प्रभू यांना पत्र पाठवून त्यांचे आभार मानले आहेत.

मोबाइल अॅप डाउनलोड करा आणि राहा अपडेट

---

पवारांच्या घरात संस्कारांची कमी: पंकजा

February 7, 2017, 8:10 pm

≫ Next: पंकजा मुंडेंना धक्का; धनंजय मुंडेंची सरशी

≪ Previous: परळीत पुन्हा मुंडे विरुद्ध मुंडे

$

0

0

मटा ऑनलाइन वृत्त । बीड

भाजपचे दिवंगत नेते गोपीनाथ मुंडे यांच्या जन्मतारखेबाबत अजित पवार यांनी केलेल्या वक्तव्याला राज्याच्या महिला व बालकल्याण मंत्री पंकजा मुंडे यांनी जोरदार आक्षेप घेतला आहे. 'व्यक्ती हयात नसताना त्यांच्या जन्मतारखेवर भाष्य करून वाद निर्माण करणं योग्य नाही. पण पवारांच्या घरात संस्कारांची कमी आहे,' अशी बोचरी टीका पंकजा यांनी केली आहे.

राष्ट्रवादी काँग्रेसचे अध्यक्ष शरद पवार यांचा वाढदिवस १२ डिसेंबरला असतो. पवारांचा वाढदिवस राज्यात मोठ्या उत्साहात साजरा केला जातो. ते पाहूनच मुंडेंनी देखील १२ डिसेंबर हीच जन्मतारीख लावली होती, असा गौप्यस्फोट अजित पवारांनी एका वृत्तवाहिनीवरील चर्चेदरम्यान केला होता. पवार यांच्या या वक्तव्यावर पंकजा यांनी नाराजी व्यक्त केली. 'अजित पवारांच्या या वक्तव्यामुळं संपूर्ण मुंडे कुटुंबीयांना वेदना झाल्या आहेत. मी नेहमीच शरद पवार यांचा आदर आणि सन्मान केला आहे. तो माझ्या संस्काराचा भाग आहे. पण पवारांच्या घरात अशा प्रकारच्या संस्कारांची कमी आहे हेच अजित पवारांच्या वक्तव्यातून दिसते. 'धनंजय मुंडे यांच्या सांगण्यावरूनच अजित पवार हे बोलत आहेत,' असा आरोपही पंकजा यांनी केला. 'गोपीनाथ मुंडे यांना जन्मतारीख बदलायचीच असती तर त्यांनी माजी पंतप्रधान अटलबिहारी वाजपेयी यांची जन्मतारीख लावली असती,' असंही त्या म्हणाल्या.

गोपीनाथ मुंडे यांची खरी जन्मतारीख त्यांच्या आई-वडिलांना ठाऊक नव्हती. मुंडे ऐंशीच्या दशकात राजकारणात आले. त्यावेळी शरद पवार यांचे वलय राज्याच्या राजकारणात होते. पवारांप्रमाणेच आपलाही वाढदिवस मोठ्या उत्साहात साजरा व्हावा यासाठीच त्यांनी ही तारीख जाहीर केल्याचे ते म्हणाले होते.

काँग्रेसप्रवेशाची चर्चा झाली नव्हती!

गोपीनाथ मुंडे काँग्रेसमध्ये जाणार होते. त्यांच्यासोबत पाच आमदार देखील होते. मात्र डॉ. मनमोहन सिंग यांनी विरोध केल्यामुळे तसेच सुषमा स्वराज यांनी मुंडेंना समजावल्यानेच ते भाजपमध्ये राहिल्याचे अजित पवार म्हणाले होते. पंकजा यांनी याबाबत वेगळे मत मांडले. 'काँग्रेसमध्ये जाण्याबद्दल गोपीनाथ मुंडेंनी कधीही माझ्याशी चर्चा केली नाही. आमदार असताना मी त्यांच्यासोबत दिल्लीला गेले नव्हते,' असा दावाही त्यांनी केला.

मोबाइल अॅप डाउनलोड करा आणि राहा अपडेट

पंकजा मुंडेंना धक्का; धनंजय मुंडेंची सरशी

February 23, 2017, 2:09 am

≫ Next: बीडमध्ये पराभव: पंकजा मुंडे राजीनामा देणार

≪ Previous: पवारांच्या घरात संस्कारांची कमी: पंकजा

$

0

0

मटा ऑनलाइन वृत्त । बीड

राज्याच्या ग्रामविकासमंत्री पंकजा मुंडे यांना जिल्हा परिषद निवडणुकीत धक्का बसला आहे. परळीतील जिल्हा परिषद निवडणुकीत राष्ट्रवादी काँग्रेसची सरशी झाली आहे. परळी विधानसभेच्या अंतर्गत येणाऱ्या १० जिल्हा परिषदेच्या जागांपैकी तब्बल आठ जागांवर राष्ट्रवादीचे उमेदवार विजयी झाले आहे. तर बीड जिल्हा परिषदेत राष्ट्रवादी काँग्रेस सर्वात मोठा पक्ष ठरला आहे.

परळीतील जिल्हा परिषद निवडणूक पंकजा मुंडे आणि धनंजय मुंडे यांनी प्रतिष्ठेच्या केल्या होत्या. जिल्हा परिषदेशिवाय परळी व अंबाजोगाई पंचायत समितीवरदेखील राष्ट्रवादीचा झेंडा फडकला आहे. भाजपने २०१२ साली झालेल्या परळी व अंबाजोगाई पंचायत समितीवर विजय मिळवला होता. पण यंदा धनंजय मुंडे यांनी दोन्ही पंचायत समिती भाजपकडून खेचून आणल्या. नगरपालिका पाठोपाठ आपल्या मतदारसंघात कॅबिनेट मंत्री पंकजा मुंडे यांना पराभव पत्करावा लागला आहे. जिल्हा परिषदेत राष्ट्रवादीला ६० जागांपैकी २४ जागांवर विजय मिळला. भाजपला २०, शिवसेना ५, काकू नाना आघाडी ४, शिवसंग्रामला तीन, काँग्रेसला दोन आणि अपक्ष एका जागेवर विजयी झालेत.

मोबाइल अॅप डाउनलोड करा आणि राहा अपडेट

बीडमध्ये पराभव: पंकजा मुंडे राजीनामा देणार

February 23, 2017, 2:42 am

≫ Next: आत्महत्यांचे सत्र सुरूच

≪ Previous: पंकजा मुंडेंना धक्का; धनंजय मुंडेंची सरशी

$

0

0

मटा ऑनलाइन वृत्त । बीड

बीड जिल्हा परिषद आणि पंचायत समिती निवडणुकीत पराभव झालेल्या पराभवाची जबाबदारी स्वीकारत ग्रामविकास मंत्री पंकजा मुंडे राजीनामा देणार आहेत. परळी विधानसभा मतदारसंघात असणाऱ्या जिल्हा परिषदेच्या गटामध्ये भाजपला पराभवाला सामोरे जावे लागले आहे.

काही महिन्यांआधी झालेल्या नगरपालिका निवडणुकीतही राष्ट्रवादी काँग्रेसला यश मिळाले होते. आज जिल्हा परिषद आणि पंचायत समितीच्या निवडणुकीचे निकाल घोषित झाल्यानंतर पंकजांनी राजीनामा देण्याची घोषणा केली आहे. कामे करूनदेखील जनतेने असा कौल का दिला, याचे विश्लेषण करणार असल्याचे पंकजा यांनी सांगितले. भाजपच्या पराभवाची जबाबदारी स्वीकारुन मंत्रीपदाचा राजीनामा मुख्यमंत्री देवेंद्र फडणवीसांकडे सोपवणार असल्याचे पंकजा मुंडेंनी जाहीर केले आहे.

परळीतील जिल्हा परिषद निवडणूक पंकजा मुंडे आणि धनंजय मुंडे यांनी प्रतिष्ठेच्या केल्या होत्या. जिल्हा परिषदेशिवाय परळी व अंबाजोगाई पंचायत समितीवरदेखील राष्ट्रवादीचा झेंडा फडकला आहे. भाजपने २०१२ साली झालेल्या परळी व अंबाजोगाई पंचायत समितीवर विजय मिळवला होता. पण यंदा धनंजय मुंडे यांनी दोन्ही पंचायत समिती भाजपकडून खेचून आणल्या. नगरपालिका पाठोपाठ आपल्या मतदारसंघात कॅबिनेट मंत्री पंकजा मुंडे यांना पराभव पत्करावा लागला आहे. जिल्हा परिषदेत राष्ट्रवादीला ६० जागांपैकी २४ जागांवर विजय मिळला. भाजपला २०, शिवसेना ५, काकू नाना आघाडी ४, शिवसंग्रामला तीन, काँग्रेसला दोन आणि अपक्ष एका जागेवर विजयी झालेत.

मोबाइल अॅप डाउनलोड करा आणि राहा अपडेट

आत्महत्यांचे सत्र सुरूच

April 4, 2017, 4:18 pm

≫ Next: वय वाढलं की हुंडा वाढतो म्हणून...

≪ Previous: बीडमध्ये पराभव: पंकजा मुंडे राजीनामा देणार

$

0

0

म. टा. प्रतिनिधी, बीड

बीड जिल्ह्यातील शेतकऱ्यांच्या आत्महत्यांचे सत्र कायम असून, गेल्या तीन महिन्यांमध्ये ३७ शेतकऱ्यांनी आपले जीवन संपवले आहे. नापिकी आणि दुष्काळासारख्या कारणांबरोबरच, कृषी उत्पादनाला हमी भाव न मिळाल्यामुळे आलेल्या नैराश्यातून हे टोकाचे पाऊल पडल्याचे दिसून येत आहे.

बीड जिल्ह्यामध्ये २०१०पासून दुष्काळाचे संकट आहे. त्यामुळे, शेतकऱ्यांच्या आत्महत्यांचे सत्र सुरूच आहे. गेल्या वर्षी सरासरीच्या तुलनेमध्ये १२५ टक्के पाऊस झाला. त्यामुळे खरीप व रब्बी अशा दोन्ही हंगामामध्ये एकूण ९ लाख २७ हजार ४३० हेक्टर लागवडीखालील क्षेत्रापैकी ८ लाख २९ हजार हेक्टर क्षेत्रावर प्रत्यक्ष पेरणी झाली. जिल्ह्यात पिक कापणी प्रयोगावरून खरीप पिकांच्या सरासरी उत्पादकतेमध्ये वाढ झाल्याचे सिद्ध झाले. जिल्ह्यात १४०३ महसुली गावे आहेत. सर्वच गावांमध्ये तीन वर्षे पैसेवारी ५० पैशांपेक्षा कमी होती. मात्र, गेल्या वर्षी पहिल्यांदा अंतिम पैसेवारी सरासरी ५८.२४ पैसे नोंदविण्यात आली. उत्पादन वाढल्याचे दिसून येत असताना, पिकांना योग्य भाव मिळत नसल्यामुळे शेतकऱ्यांमध्ये नैराश्य आले आहे. सोयाबीन, तूर यांसारख्या प्रमुखांना दर न मिळाल्यामुळे शेतकरी अडचणीत आले आहेत. जिल्ह्यात जानेवारी ते मार्चपर्यंत ३७ शेतकऱ्यांनी आत्महत्या केल्या आहेत. यातील जानेवारीमध्ये वीस, फेब्रुवारीत सात तर मार्चमध्ये दहा शेतकऱ्यांनी आत्महत्या केल्या आहेत. यातील २७ आत्महत्याग्रस्त शेतकरी कुटुंबे सरकारी मदतीस पात्र ठरली आहेत. तर, एक शेतकरी आत्महत्या अपात्र ठरली असून, एक प्रकरण चौकशी स्तरावर आहे.

बीड जिल्ह्यामध्ये पावसाच्या अनियमितपणामुळे कापूस, सोयाबीन, तूर, मूग ,उडीद, मका, खरीप ज्वारी याच्या उत्पादनात मोठी तूट आली आहे. तसेच, ज्वारी, गहू, हरबरा यासारख खरीप आणि रब्बी उत्पादन शेतकऱ्यांच्या हातातून गेले आहे. त्यामुळे, चांगला पाऊस झाल्यानंतरही मिळणाऱ्या उत्पादनावर त्याचा परिणाम झाल्याकडे लक्ष वेधण्यात येत आहे.

मोबाइल अॅप डाउनलोड करा आणि राहा अपडेट

वय वाढलं की हुंडा वाढतो म्हणून...

April 15, 2017, 2:06 pm

≫ Next: मुलगी सातवी पास झाली? लग्नाचं बघा...

≪ Previous: आत्महत्यांचे सत्र सुरूच

$

0

0

म. टा. विशेष प्र‌तिनिधी, शिरूर कासार (बीड)

बीड जिल्ह्यातील शिरूर, पाटोदा, धारूर, आष्टी, वडवणी या बालाघाटातल्या तालुक्यांमध्ये दुष्काळ कायम मुक्कामाला असल्याने कर्जबाजारीपणा पाचवीला पुजलेला. खासगी सावकारांचा सुळसुळाट. लहान मुलींना कमी हुंडा. वय वाढलं की लग्न जमत नाही, हुंडा वाढतो म्हणून मुलगी ‘वेळेत’ सासरी पाठवायची मानसिकता इथे आढळते.

लग्नात कर्ज काढावंच लागतं. लग्नात ऊसतोडीची उचल, वरून कर्जही संपतं. ‘पदरात दोन-तीन पोरी असल्या की आई-बापाचं आयुष्य कर्जातच संपतंय’, पुतण्यांच्या लग्नांत झालेल्या कर्जात बुडून आत्महत्या केलेल्या तरुण शेतकऱ्याची विधवा पत्नी आरती सांगत होती. तेराव्या वर्षी लग्न झालेल्या आरतीच्या पदरी एकोणिसाव्या वर्षी तीन मुलं होती! आता मुलांना घेऊन ती शांतिवन संस्थेत राहते.

दुष्काळामुळे या हंगामात ऊस कमी होता. कारखाने जेमतेम दोन महिने चालले. लोक लवकर परतले. मुकादमाकडून घेतलेली उचल अर्धीही फिटली नाही. ‘आता पुढची दोन वर्षे ते फेडण्यात जातील’, शीतलच्या सासूबाई काळजीने सांगतात.

पण म्हणून बालाघाटातले बालविवाह थांबलेले नाहीत. ही बातमी लिहित असताना लेक लाडकी अभियानाच्या कार्यकर्त्यांनी प्रयत्न करून, पोलिसांना सूचना देऊनही पांगरी गावातल्या मुलीचं लग्न लागल्याची बातमी येतेय. कार्यकर्त्यांना मिळालेल्या जन्म दाखल्यात तिचं वय १५ आहे!

मोबाइल अॅप डाउनलोड करा आणि राहा अपडेट