​ लातूर बंदला मोठा प्रतिसाद

May 5, 2017, 2:49 pm

≫ Next: ​ ‘समृद्धी महामार्गामुळे शेतीची हत्या’

≪ Previous: मायक्रोमॅक्स, कोहम औरंगाबादेत

$

0

0

लातूर बंदला मोठा प्रतिसाद
आंदोलन दडपण्याचा, खोटे गुन्हे दाखल केल्याचा दावा
म. टा. प्रतिनिधी, लातूर
‘लातूर एक्सप्रेस’चे बिदरपर्यंत केलेले विस्तारीकरण कायमच रद्द करण्याच्या प्रमुख मागणीसाठी आज रेल्वे बचाव समितीने पुकारलेल्या बंदला मोठा प्रतिसाद मिळाला. व्यापाऱ्यांनी दुकाने बंद ठेवावीत, यासाठी काँग्रेसचे नगरसेवक, कार्यकर्ते आघाडीवर होते. बंदचे आवाहन करणाऱ्या २३ कार्यकर्त्यावर पोलिसांनी गुन्हे दाखल केले असून खोटे गुन्हे दाखल करून पोलिस आंदोलन दडपण्याचा प्रयत्न करत असल्याचा दावा कार्यकर्त्यांनी केला आहे.
लातूर बंद यशस्वी करण्यासाठी रेल्वे बचाव समितीच्या कार्यकर्त्यानी गेल्या दोन दिवसांपासून तयारी केली होती. बंदचे आवाहन करण्यासाठी शहराच्या विविध भागांत फिरुन व्यापाऱ्यांना विनंती करण्यासाठी पथके तयार करण्यात आली होती. शहराचा मुख्य भाग असलेल्या गंजगोलाई, हनुमान चौक, भुसारलेन , सुभाष चौकात महापौर दीपक सुळ, काँग्रेसचे शहाराध्यक्ष मोईज शेख, नगरसेवक अशोक गोविंदपूरकर, विक्रांत गोजमगुंडे, उदय गवारे, वीर योद्धा संघटनेचे श्रीकांत रांजणकर आदींनी पुढाकार घेतला होता. काही काळ एसटी महामंडळाची वाहतूकही समितीच्या कार्यकर्त्यांनी बंद पाडली होती. दुपारनंतर व्यवहार पुन्हा सुरळीत सुरू झाले.
आंदोलन दडपण्यासाठी खोटे गुन्हे दाखल करण्यात आल्याचा आरोप रेल्वे बचाव समितीने निवेदनाद्वारे केला आहे. या बाबत बोलताना मोईज शेख म्हणाले की, माझ्यासह काही कार्यकर्त्यांविरुद्ध गांधी चौक व शिवाजीनगर पोलिस ठाण्यात गुन्हे दाखल करण्यात आले आहेत. असे गुन्हे दाखल करणे म्हणजे, आंदोलन दडपण्याचा प्रकार आहे. उदगीरमध्ये सुद्धा गुरुवारी बंदच्या काळामध्ये तेथील कार्यकर्ते फिरत होते. मात्र, त्यांच्याविरुद्ध गुन्हे दाखल झाले नाहीत. खासदारांचा दुटप्पीपणा व रेल्वे विभागाच्या चुकीच्या निर्णयामुळे हे प्रश्न निर्माण झाले आहेत. रेल्वे बोर्डाने जर मुंबई-लातूर रेल्वेचे बिदरपर्यंत विस्तारीकरण रद्द केले नाही व बिदर-कुर्ला रेल्वे दररोज सुरू केली नाही, तर ९ मे रोजी रेल रोको आंदोलन करण्यात येणार असल्याचा इशाराही त्यांनी या वेळी दिला.

मोबाइल अॅप डाउनलोड करा आणि राहा अपडेट

---

​ ‘समृद्धी महामार्गामुळे शेतीची हत्या’

May 5, 2017, 2:56 pm

≫ Next: ​ उस्मानाबाद बंद यशस्वी

≪ Previous: ​ लातूर बंदला मोठा प्रतिसाद

$

0

0

‘समृद्धी महामार्गामुळे शेतीची हत्या’
म. टा. प्रतिनिधी, औरंगाबाद
समृद्धी महामार्गामुळे शेतीची हत्या होत असल्याची टीका ज्येष्ठ सामाजिक कार्यकर्त्या मेधा पाटकर यांनी केली असून विकास प्रकल्पातून समृद्धी कुणाची व बरबादी कुणाची याचे उत्तर आता लोक शोधत आहेत, असे मत व्यक्त केले. हा प्रकल्प राबवताना सरकार अपारदर्शी असल्याची टीकाही त्यांनी केली. त्या वरूड काजी येथे आयोजित समृद्धी महामार्गग्रस्त शेतकऱ्यांच्या निर्धार मेळाव्यात शुक्रवारी बोलत होत्या.
त्या पुढे म्हणाल्या, ‘सर्वसामान्यतः राज्यकर्ते नाकर्ते आहेत, असे आपल्याला वाटते. परंतु, तसे नसून ते फार मोठे कर्ते आहेत. भांडवलशाहीशी त्यांचा संबंध असल्यामुळेच ते निवडून येतात. राज्यात रस्ते, धरणांसाठी आतापर्यंत शेतजमिनी घेतल्या गेल्या. परंतु धरणे होऊनही दुष्काळाचा प्रश्न मिटला नाही. ग्रामीण भागात आजही रस्ते नाहीत. महामार्गांचे जाळे करण्यामागे डाव आहे. समृद्धी महामार्गामुळे शेतीची हत्या आहे. संस्कृतीची हत्या आहे. संस्कृती जगवण्यासाठी शेतकरी लढत आहे. त्यामुळे समृद्धी विरुद्ध संस्कृती असा हा लढा आहे. सरकार अपारदर्शी आहे. महामार्गाबाबतचे सरकारचे नियोजन हे लोकशाहीला मारक आहे. पंचायत राज संपवणारे आहे.
अद्यापपर्यंत सरकारने ज्यांच्या शेतजमिनी या प्रकल्पासाठी जात आहे, त्यांच्याशी संपर्क साधण्यात आलेला नाही. महामार्गाच्या बाजूला २४ मोठ्या टाऊनशीप उभ्या राहत आहेत. त्यामुळे शेतकऱ्याला जमीन महामार्गासाठी जात आहे की टाऊनशीपसाठी, हेसुद्धा माहीत नाही. सुनावणी ही प्रकल्पग्रस्त क्षेत्रात व्हायला पाहिजे. परंतु तसे न करता सरकार सभागृहात सुनावणी घेत आहे. हे कायद्याच्या विरोधात आहे. ज्या शेतकऱ्यांची जमीन या प्रकल्पासाठी जात आहे त्यांनी अहिंसक, सत्याग्रही पद्धतीने ताकदीने लढा लढला तर ते जिंकतील व कमजोर पडल्यास हरतील, असेही त्यांनी सांगितले. तत्पूर्वी, सुभाष लोमटे, अण्णा खंदारे, मानव कांबळे, सुनीती सु. रं., उल्का महाजन, एच. एम. देसरडा व प्रकल्पग्रस्त शेतकऱ्यांनी आपले मनोगत व्यक्त केले. यावेळी कल्याण पाटील डुगले, नानासाहेब पळसकर, जयाजीराव सूर्यवंशी आदींसह शेतकऱ्यांची उपस्थिती होती.

मोबाइल अॅप डाउनलोड करा आणि राहा अपडेट

​ उस्मानाबाद बंद यशस्वी

May 5, 2017, 2:58 pm

≫ Next: ​ रेल्वेमंत्र्यांकडून तोडग्याचे आश्वासन

≪ Previous: ​ ‘समृद्धी महामार्गामुळे शेतीची हत्या’

$

0

0

उस्मानाबाद बंद यशस्वी
लोकप्रतिनिधींच्या अनुपस्थितीतही स्थानिकांचा प्रतिसाद
म. टा. प्रतिनिधी, उस्मानाबाद
लातूर-मुंबई ही रेल्वे लोकप्रतिनिधींसह रेल्वे समितीच्या सदस्यांना विश्वासात न घेता बिदर-मुंबई अशी करून रेल्वेने तुघलकी कारभाराचा प्रत्यय घडविला. परिणामी, उस्मानाबादसह लातूरमध्ये या रेल्वेच्या निर्णयावरून वादाला तोंड फुटले असून याविरोधात उस्मानाबादसह लातूरकरांनी तीव्र आंदोलनाचा पवित्रा घेतला आहे.
लातूर-मुंबई ही रेल्वे गाडी पूर्ववत चालू ठेवावी यासह अन्य मागण्यांकडे रेल्वे प्रशासन, राज्य सरकार, जिल्हा प्रशासन, तसेच रेल्वे समिती सदस्य यांचे लक्ष वेधण्यासाठी शुक्रवारी ‘उस्मानाबाद बंद’ आंदोलनाचे आवाहन उस्मानाबाद रेल्वे संघर्ष समितीसह उस्मानाबादचा जिल्हा व्यापारी महासंघ, जिल्हा मराठी पत्रकार संघ, जिल्हा पत्रकार संघ, रोटरी क्लब, जिल्हा वकील संघटना आदी सामाजिक व स्वयंसेवी संस्थांनी केले होते. या बंदला उस्मानाबादकरांनी चांगला प्रतिसाद दिला.
या आंदोलनाचे नेतृत्व मध्य रेल्वे समितीचे सदस्य असलेले उस्मानाबादचे शंकरराव बोरकर हे करतील व उस्मानाबादकरांना रेल्वे प्रशासनाकडून न्याय मिळवून देतील, अशी उस्मानाबादकरांची अपेक्षा होती. मात्र, त्यांनी या आंदोलनास अनुपस्थित राहणेच पसंत केले. रेल्वेचा हा प्रश्न खासदारांच्या कार्यकक्षेतील असूनही उस्मानाबादचे खासदार रवींद्र गायकवाड हे उस्मानाबाद बंद आंदोलनात गैरहजर होते. खासदारांसह जिल्ह्यतील आमदारांनाही हा प्रश्न जिव्हाळ्याचा वाटला नाही. त्यामुळे त्यांनी उस्मानाबाद बंद आंदोलनात सहभागी होण्याचे टाळले.
लोकप्रतिनिधींच्या अनुपस्थितीतही उस्मानाबादकरांनी आपली एकजूट दाखवीत शुक्रवारचे उस्मानाबाद बंद आंदोलन यशस्वी करून दाखविले. यासाठी विविध संघटनांचे पदाधिकारी असलेले संजय मंत्री, संतोष जाधव, राजाभाऊ वैध, संतोष हंबीरे, महेश पोतदार, रवींद्र केसकर, प्रभाकर निपाणीकर, अभिलाष लोमटे, तसेच रोटरी क्लब व जिल्हा बार असोसिएशनने विशेष परिश्रम घेतले.
लातूर-मुंबई रेल्वेमध्ये लातूर व उस्मानाबादकरांची प्रचंड गर्दी असतें. आता ही रेल्वे बिदर-मुंबई अशी आठवड्यांतून तीन दिवस करण्यात आल्यामुळे या रेल्वेने लातूरसह उस्मानाबादच्या जनतेला प्रवास करणे अवघड होणार आहे. त्यामुळे लातूर-मुंबई ही रेल्वे पूर्ववत सुरू ठेवून नव्याने बिदर-मुंबई अशी रेल्वेसेवा सुरू करून या वादग्रस्त विषयावर पडदा टाकावा, अशी मागणी उस्मानाबादसह लातूरवासीय करत आहेत. या मागणीकडे दुर्लक्ष केल्यास तीव्र आंदोलनाचा मार्ग अवलंबण्याचा इशाराही देण्यात आला आहे. या मागणीकडे रेल्वेचे लक्ष वेधण्यासाठी ९ मे रोजी उस्मानाबादकर रेल्वे रोको आंदोलन करणार आहेत.
उस्मानाबादचे नगराध्यक्ष मकरंद राजे निंबाळकर यांच्या नेतृत्वाखाली विविध संघटनांच्या शिष्टमंडळाने जिल्हाधिकारी राधाकृष्ण गमे यांची भेट घेऊन निवेदन सादर केले. यावेळी मुकेश नायगावकर, चंद्रकांत फुलसे, शीला उंबरे पेंढारकर व राजाभाऊ वैद्य उपस्थित होते.

मोबाइल अॅप डाउनलोड करा आणि राहा अपडेट

​ रेल्वेमंत्र्यांकडून तोडग्याचे आश्वासन

May 5, 2017, 3:02 pm

≫ Next: ​ मनीषाची एव्हरेस्ट कँप ३ पर्यंत चढाई

≪ Previous: ​ उस्मानाबाद बंद यशस्वी

$

0

0

रेल्वेमंत्र्यांकडून तोडग्याचे आश्वासन
खासदार डॉ. सुनील गायकवाड यांनी दिले निवेदन
म. टा. प्रतिनिधी, लातूर
बिदरपर्यंत विस्तारित केलेली लातूर-मुंबई रेल्वे लातुरातूनच सोडण्याच्या मागणीचे निवेदन खासदार डॉ. सुनील गायकवाड यांनी दिल्ली येथे रेल्वेमंत्री सुरेश प्रभू यांना भेटून दिले. यावेळी प्रभू यांनी डॉ. गायकवाड यांच्या मागणीचा सकारात्मक विचार करून ही रेल्वे लातूर-मुंबईच राहणार असल्याचे आश्वासन दिल्याचे डॉ. गायकवाड यांनी सांगितले.
मागील दहा वर्षांपूर्वी सुरू झोलल्या लातूर-मुंबई रेल्वे सेवेला लातूरकरांचा भरभरून प्रतिसाद मिळत आहे. सध्या या रेल्वेचा विस्तार बिदरपर्यंत करण्यात आला असून त्याला लातूरकरांचा तीव्र विरोध आहे. ही रेल्वे लातुरातूनच सुरू राहावी, यासाठी कृती समितीची स्थापना करून तीव्र आंदोलन करण्यात आले. याचबरोबर आंदोलनाची दिशा ठरविण्यात आली आहे. या पार्श्वभूमीवर खासदार डॉ. गायकवाड यांनी रेल्वेमंत्री प्रभू यांची शुक्रवारी दिल्ली येथे भेट घेऊन लातूर-मुंबई रेल्वेबद्दलच्या लातूरकरांच्या भावना रेल्वेमंत्र्यांसमोर व्यक्त केल्या. यावेळी त्यांनी ही रेल्वे आहे तशीच सुरू ठेवून उदगीर, बिदरकरांसाठी बिदर-कुर्ला ही आठवड्यातून एकवेळ धावणारी रेल्वे दररोज सुरू करावी, तसेच हैदराबाद-पुणे रेल्वे दररोज सुरू करावी, अशा मागण्यांचे निवेदन सुरेश प्रभू यांना दिले.
यावेळी प्रभू यांनी डॉ. गायकवाड यांची बाजू ऐकून या प्रश्नावर सकारात्मक तोडगा काढून लातूरची रेल्वे लातूरहूनच लातूर एक्सप्रेस नावानेच सुटेल, असे आश्वासन डॉ. गायकवाड यांना दिला. यावेळी प्रभू यांनी रेल्वेच्या वरिष्ठ अधिकाऱ्यांना बोलावून डॉ. गायकवाड यांच्या उपस्थितीत चर्चा केली. यामुळे ही रेल्वे आता लातूर-मुंबईच राहणार असून तिच्या बिदरपर्यंत विस्तारीकरणाचा निर्णय रद्द करण्यात येईल, असे डॉ. गायकवाड यांनी सांगितले. त्यामुळे लातूरकरांनी या मुद्द्यावर आंदोलने करू नयेत, असे आवाहनही डॉ. गायकवाड यांनी केले आहे.

मोबाइल अॅप डाउनलोड करा आणि राहा अपडेट

​ मनीषाची एव्हरेस्ट कँप ३ पर्यंत चढाई

May 5, 2017, 3:05 pm

≫ Next: बीड जिल्ह्यात मुलींचा जन्मदर वाढला

≪ Previous: ​ रेल्वेमंत्र्यांकडून तोडग्याचे आश्वासन

$

0

0

मनीषाची एव्हरेस्ट कँप ३ पर्यंत चढाई
म. टा. प्रतिनिधी, औरंगाबाद
औरंगाबादची पहिली महिला गिर्यारोहक मनीषा वाघमारेने ऑक्सिजन सिलेंडरशिवाय एव्हरेस्ट कँप ३ पर्यंत यशस्वीपणे चढाई करून एव्हरेस्ट बेस कँपवर परतण्याची कामगिरी पार पाडली. ही मोहीम केवळ १३ पैकी अवघ्या चार गिर्यारोहकांनीच यशस्वीपणे पूर्ण केली. त्यामध्ये मनीषाचा समावेश आहे.
एव्हरेस्ट शिखर पादाक्रांत करण्याच्या मोहिमेवर निघण्यापूर्वी वातावरणाशी जुळवून घेण्याकरिता मनीषा गेल्या काही दिवसांपासून बेस कँपपासून नजिक असलेली हिमशिखरांवर चढाई करून सराव करीत आहे. लोबू, तेन्बोचे, काला पत्थर शिखरावर तिने चढाई करून वातावरणाशी जुळवून घेण्याचा प्रयत्न केला आहे. त्यात तिला यशही आले आहे. गेल्या काही दिवसांत मनीषाने १७ हजार फुटांपेक्षा अधिक उंचीचे कुंभू आइसफॉल, तसेच २१ हजार फूट उंचीवरील लोबूचे व फकडिंग, नामचे बाजार, खुमजंग या मार्गावरून तेन्बोचे शिखर सर केले. या मोहिमेचे महत्त्वाचा टप्पा होता तो एव्हरेस्ट शिखरावर चढाई करताना लागणारा कँप ३.
पाच दिवसांपूर्वी मनीषा वाघमारेने बेस कँपवरून कँप ३वर चढाई करण्यास सुरुवात केली. या मोहिमेत कँप २ नंतर प्रामुख्याने गिर्यारोहक ऑक्सिजनचा वापर करतात. पुढील चढाई अधिक कठीण आणि आव्हानात्मक असल्याने शरीरातील ऑक्सिजन वाचवण्याकरिता ऑक्सिजन सिलेंडरचा वापर करतात. परंतु, मनीषाने कँप ३ पर्यंत चढाई करताना ऑक्सिजन सिलेंडरचा वापर न करता चढाई केली. खुंभू आइसफॉल पार करून १२ तास चढाई करीत मनीषा कँप १ ला पोहोचली. तिथे रात्रीचा आराम करून दुसऱ्या दिवशी पहाटे कँप २ साठी चढाई सुरू केली. कँप ३ पर्यंत चढाई करून ४ मे रोजी मनीषा सुखरूपपणे बेस कँपवर पोहोचली. पुढील चार-पाच दिवस सर्वच गिर्यारोहक बेस कँपवर आराम करणार आहेत. कँप ४ व एव्हरेस्ट समीटपर्यंत जाण्यासाठी एक व परत येण्यासाठी एक असे दोन्ही रोप फिक्स करण्याचे काम पूर्ण करण्यात येणार आहे. १० मे नंतर मुख्य मोहिमेस सुरुवात होण्याची शक्यता आहे.

कोट
ऑक्सिजनशिवाय बेस कँप ३ पर्यंत चढाई करणे हे अतिशय कठीण आणि आव्हानात्मक होते. हा अनुभव नवी ऊर्जा देणारा ठरला. त्यामुळे एव्हरेस्ट शिखर सर करण्यासाठी प्रेरणा मिळाली. पुढील काही दिवसांत वातावरण अनुकूल राहिल्यास, एव्हरेस्ट मोहिम पूर्ण होईल.

- मनीषा वाघमारे, गिर्यारोहक

मोबाइल अॅप डाउनलोड करा आणि राहा अपडेट

बीड जिल्ह्यात मुलींचा जन्मदर वाढला

May 6, 2017, 12:33 am

≫ Next: जोगेश्वरीतून तीन मुलांचे अपहरण

≪ Previous: ​ मनीषाची एव्हरेस्ट कँप ३ पर्यंत चढाई

$

0

0

म. टा. प्रतिनिधी, बीड

बीड जिल्ह्यात स्त्री जन्माविषयी झालेली जनजागृती, बेटी बचाओ बेटी पढाओ अभियान, माझी कन्या भाग्यश्री योजनेची अंमलबजावणी, गरोदर मातांना झालेले समुपदेशन आदी विविध कारणांमुळे जिल्हयात मुलींच्या जन्मदराचे प्रमाण वाढले आहे. यावर्षी एक हजार मुलांमागे ९२७ एवढे प्रमाण मुलींचे झाल्याची माहिती आरोग्य विभागाने दिली. स्त्री भ्रूणहत्येचा कलंक लागलेल्या बीड जिल्ह्यासाठी ही निश्चितच भूषणावह बाब म्हणावी लागेल.

बीड जिल्हा हा गेल्या काही वर्षांपूर्वी शून्य ते सहा वर्षे वयोगटांतील मुलींच्या प्रमाणात मागे पडला होता. जिल्ह्यातील शिरूर-कासार तालुका तर देशभरात रेडझोन घोषित झाला होता. त्यातच बीड जिल्ह्यात स्त्रीभ्रूण हत्या उघड झाल्या. मात्र त्यानंतर जिल्ह्यात स्त्री जन्मदर वाढावा यासाठी विभागीय स्तरावर लेक वाचवा, राष्ट्र वाचवा अभियान राबवून मोठी जनजागृती केली होती. या विषयावर अधिक लक्ष केंद्रित करून विविध योजनांच्या माध्यमातून अधिकाऱ्यांना निर्देश देण्यात आले. ज्याचा परिणाम मुलींचा जन्मदर वाढण्यावर झाला. सन २०१०-११ मध्ये हजार मुलांमागे जिल्ह्यात ८१० मुली होत्या. हे प्रमाण २०११-१२ मध्ये ७९७, २०१२-१३ मध्ये ८९३, २०१३-१४ मध्ये ९१६, तर २०१४-१५ मध्ये ९१३ इतके होते. २०१५-१६ मध्ये हे प्रमाणात ८९८ इतके घटले, तर आता त्यात वाढ होऊन २०१६-१७ मध्ये ९२७ इतके झाले आहे. यावर्षी जिल्ह्यात झालेल्या नोंदणीनुसार २३,३८७ मुलांचा, तर २१,६८१ मुलींचा जन्म झाला आहे.

मुलींचा जन्मदर वाढावा यासाठी जिल्हयात शासनाच्या विविध योजनांची अंमलबजावणी आरोग्य विभाग आणि महिला बालविकास विभागाने प्रभावीपणे केली. रूग्णालयात प्रसुतीसाठी येणाऱ्या गरोदर मातांच्या नोंदणीमध्येही मागील वर्षभरात दहा टक्क्यांची वाढ झाली. मुलींना जन्म देण्याविषयी गरोदर मातांना समुपदेशन, गावा गावात लिंग-प्रमाण दर्शविणारे फलक, प्रसुतीपूर्व गर्भलिंग निदान कायद्याची कडक अंमलबजावणी आदी उपाययोजनांबरोबरच आरसीएच या शासकीय पोर्टलवर गरोदर मातांची नोंदणी बंधनकारक करण्यात आली आहे. महिला बचतगटांच्या माध्यमातून स्त्री जन्माविषयी जनजागृती, प्राथमिक आरोग्य केंद्रात मुलीच्या जन्माचे स्वागत, बेटी बचाओ बेटी पढाओ अभियानाचे महत्त्व ग्रामसभेत सांगणे, सर्व शाळांमध्ये मुलींसाठी शौचालये, सावित्रीबाई फुले कन्या पारितोषिक योजना, माझी कन्या भाग्यश्री योजनेची यशस्वी अंमलबजावणी याबरोबरच सोशल मीडियाच्या माध्यमातून करण्यात आलेला प्रभावी प्रचार आदी कारणांमुळे जिल्हयात मुलींची संख्या वाढण्यास मोठी मदत झाल्याचे जिल्हा आरोग्य अधिकारी डॉ. संदीप सांगळे यांनी सांगितले. जिल्ह्याच्या पालकमंत्री पंकजा मुंडे यांनीही महिला विषयक योजनांची अंमलबजावणी संदर्भात जिल्ह्यातील यंत्रणाना निर्देश दिले. या साऱ्याचा परिपाक
म्हणून जिल्ह्यात स्त्री जन्मदारात लक्षणीय वाढ झाली आहे.

मोबाइल अॅप डाउनलोड करा आणि राहा अपडेट

जोगेश्वरीतून तीन मुलांचे अपहरण

May 6, 2017, 2:06 pm

≫ Next: ​ कार्यकारी अभियंत्यास कोठडी

≪ Previous: बीड जिल्ह्यात मुलींचा जन्मदर वाढला

$

0

0

म. टा. प्रतिनिधी, वाळूज
रांजणगाव शेणपुंजी येथील दोन अल्पवयीन मुलींच्या अपहरणाची घटना ताजी असतानाच जोगेश्वरी परिसरात राहणाऱ्या तीन अल्पवयीन मुलांचे अपहरण केल्याची घटना शुक्रवारी (५ मे) सायंकाळी उघडकीस आली. त्यामुळे पालकांमध्ये भीतीचे वातावरण असून पोलिसांच्या कार्यक्षमतेवर प्रश्नचिन्ह उपस्थित केले जात आहे.
जोगेश्वरी परिसरात खेळण्यासाठी बाहेर गेलेले राहुल सुभाष साबळे (वय १४), दीपक संजय अहिरे (वय १३) व प्रकाश विजय राजपुत (वय १३) हे घरी परतले नाहीत. त्यामुळे पालकांनी शोध घेतला. ते कोठेच सापडले नाहीत. तेव्हा संगीता सुभाष साबळे (रा. जोगेश्वरी, लहुजी चौक) यांनी एमआडीसी वाळूज पोलिस स्टेशन गाठून फिर्याद दाखल केली. या प्रकरणी अज्ञात व्यक्तीविरुद्ध अपहरणाचा गुन्हा दाखल करण्यात आला आहे. रात्री उशिरापर्यंत पोलिसांच्या हाती धागेदोरे लागले नव्हते. एमआयडीसी वाळूज पोलिस ठाण्याचे पोलिस उपनिरीक्षक ताहेर अमिर पटेल तपास करत आहेत.

मोबाइल अॅप डाउनलोड करा आणि राहा अपडेट

​ कार्यकारी अभियंत्यास कोठडी

May 6, 2017, 2:07 pm

≫ Next: ‘आरटीओ’च्या गाडीला ट्रॅव्हल्सची धडक

≪ Previous: जोगेश्वरीतून तीन मुलांचे अपहरण

$

0

0

म. टा. प्रतिनिधी, औरंगाबाद
नांदूर-मधमेश्वर कालव्याचे आंबेवाडी येथे पोटचारीचे काम सुरू असून या कामाचे आठ लाख रुपयांचे बिल दिल्यानंतर उर्वरित बिलाच्या रकमेसाठी ३८ हजारांची लाच घेणाऱ्या पाटबंधारे विभागाचा कार्यकारी अभियंता अशोक शिर्के यास अतिरिक्त सत्र न्यायधीश डी. एन. राजे यांनी दोन दिवसांच्या पोलिस कोठडीत ठेवण्याचे आदेश दिले.
वैजापूर तालुक्यातील माळीवडगाव दत्त मजूर सहकारी संस्थेच्या नावाने आंबेवाडी येथे नांदूर मधमेश्वर कालव्याच्या पोटचारीचे कामाचे बिल देण्यासाठी शिर्केने सात टक्के रकमेची मागणी केली होती. त्या रक्कमेतील शिल्लक रक्कम ३८ हजार रुपये घेताना लाच लुचपत प्रतिबंधक विभागाच्या पथकाने शांतीनिकेतन येथील शिर्केच्या निवासस्थानी लाच घेताना पकडले. त्याला शनिवारी अतिरिक्त सत्र न्यायधीश डी.एन.राजे यांच्यासमोर हजर करण्यात आले. आरोपीची चौकशी करावयाची असून त्यांनी घेतलेला ५० हजारांचा धानदेश हस्तगत करावयाचा आहे. त्याच्या मालमत्तेची चौकशी करावयाची असल्यामुळे पोलिस कोठडी देण्यात यावी अशी विंनती मुख्य लोकअभियोक्ता शिवाजी नवले यांनी केली. कोर्टाने ही विनंती मान्य केली.

मोबाइल अॅप डाउनलोड करा आणि राहा अपडेट

---

‘आरटीओ’च्या गाडीला ट्रॅव्हल्सची धडक

May 6, 2017, 2:08 pm

≫ Next: ​ आरोग्य विभागात सुरक्षा पुरवावी

≪ Previous: ​ कार्यकारी अभियंत्यास कोठडी

$

0

0

म. टा. प्रतिनिधी, औरंगाबाद
‘आरटीओ’च्या वायूवेग पथकाची जीप महानुभव आश्रमाकडून वाळूजकडे जाणाऱ्या ट्रॅव्हल्स चालकाने उडवल्याची घटना घडली. या धडकेत मोटार वाहन निरीक्षक व अन्य कर्मचारी बालंबाल बचावले.
वायुवेग पथकातील मोटार वाहन निरिक्षक पी. जी. सुत्रावे हे शुक्रवारी (५ मे) दुपारी आपल्या कर्मचाऱ्यांसोबत जड वाहने तसेच वाहतूक नियम मोडणाऱ्या वाहनधारकांवर कारवाई करण्यासाठी जात होते. या गाडीला भरधाव वेगाने येत असलेल्या नॅशनल ट्रॅव्हल्सने (एमएच ०९ सीव्ही ०७९७) जोरदार धडक दिली. या धडकेमुळे वाहनाचे नुकसान झाले. घटनेनंतर आरटीओ विभागाच्या अधिकाऱ्यांनी गाडी थांबविली. विशेष म्हणजे ट्रॅव्हल्स चालकाकडे ड्रायव्हिंग लायसन्स नव्हते. गाडीची मूळ कागदपत्रे नव्हती.
या प्रकरणात ट्रॅव्हल्स जप्त करण्यात आली. ट्रॅव्हल्स चालकावर भरधाव भरधाव गाडी चालवून इतरांचा जीव धोक्यात टाकल्याप्रकरणाच्या कलमानुसार कारवाई करण्यात आली. तसेच ३१५० रुपये दंड वसूल केला. दरम्यान, या अपघाताबाबत आरटीओ अधिकारी पी. जी. सुत्रावे यांना विचारले असते, ‘दैव बलवत्तर म्हणून आम्ही या अपघातातून वाचलो,’ अशी प्रतिक्रिया दिली.

मोबाइल अॅप डाउनलोड करा आणि राहा अपडेट

​ आरोग्य विभागात सुरक्षा पुरवावी

May 6, 2017, 2:09 pm

≫ Next: अचानक नाकाबंदी; चाकरमान्यांची कोंडी

≪ Previous: ‘आरटीओ’च्या गाडीला ट्रॅव्हल्सची धडक

$

0

0

म. टा. प्रतिनिधी, औरंगाबाद
जिल्हा आरोग्य अधिकाऱ्यांच्या दालनात शुक्रवारी एका माजी कंत्राटी आरोग्य सहायिकेने शिविगाळ करून असभ्य वर्तन केले. आरोग्य सेवा बजावताना असे प्रकार प्राथमिक आरोग्य केंद्र व उपकेंद्रांमध्येही घडतात. आरोग्य विभागांतर्गत सर्व ठिकाणी संरक्षणासाठी सुरक्षा रक्षक (सिक्युरिटी गार्ड) नेमावेत, अशी मागणी वैद्यकीय अधिकाऱ्यांनी केली आहे.
जिल्हा परिषदेच्या वैद्यकीय अधिकाऱ्यांची बैठक शनिवारी आरोग्य विभागात झाली. त्यानंतर संघटनेच्या वतीने मुख्य कार्यकारी अधिकाऱ्यांना निवेदन देण्यात आले. प्रभारी जिल्हा आरोग्य अधिकारी डॉ. विवेक खतगावकर शुक्रवारी दालनात काम करत असताना माजी कंत्राटी आरोग्य सहायक महिला कर्मचारी तिथे आल्या आणि त्यांनी कामावर रुजू करून घेण्याबाबत चर्चा सुरू असताना शिविगाळ करून असभ्य वर्तन केले. या घटनेने त्यांनी कार्यालयीन कामकाजात अडथळा आणला. ही अतिशय गंभीर व निंदनीय बाब असल्याचे नमूद करून संघटनेने या घटनेचा तीव्र निषेध केला. प्राथमिक आरोग्य केंद्र तसेच जिल्हास्तरावर अधिकारी व कर्मचाऱ्यांच्या बाबतीत असे प्रसंग वारंवार घडतात. त्यामुळे असुरक्षिततेचे वातावरण निर्माण झाले आहे. याला पायबंद घालण्यासाठी जिल्हा स्तरावरील कार्यालये व प्राथमिक आरोग्य केंद्र स्तरावर संरक्षण म्हणून सुरक्षा रक्षकांची नेमणूक करावी जेणेकरून काम करत असताना वरील प्रकारच्या घटना घडण्यास प्रतिबंध होईल, असे निवेदनात म्हटले आहे. यावेळी डॉ. विलास विखे पाटील, डॉ. बी. आर. पांडवे, डॉ. संदीपान काळे, डॉ. गायकवाड, डॉ. वाघ, डॉ. विडेकर आदींसह वैद्यकीय अधिकारी उपस्थित होते.

बांधकाम विभागात हाणामारी
माहिती अधिकार कार्यकर्ता असल्याचे सांगून अनधिकृतरीत्या रेकॉर्डिंग करणाऱ्या कार्यकर्त्याला शुक्रवारी (५ मे) जिल्हा परिषदेच्या बांधकाम विभागात मारहाण केली. मात्र, याबाबत कुठेही अधिकृत नोंद झाली नाही. सूत्रांनी दिलेल्या माहितीनुसार शुक्रवारी बांधकाम विभागात एक जण आला. त्याने माहिती अधिकार कार्यकर्ता असल्याचे सांगितले आणि बांधकाम विभागातील अधिकारी, कर्मचाऱ्यांची वादावादी झाली. माहिती का दिली जात नाही याचा जाब विचारून त्याने रेकॉर्डिंग करण्याचा प्रयत्न केला. हे पाहून कर्मचाऱ्यांनी त्यास मारहाण केली. हा गोंधळ दोन तास चालला. त्यानंतर कर्मचाऱ्यांनी कार्यकारी अभियंत्यांकडे याबाबत रितसर तक्रार दिली.

मोबाइल अॅप डाउनलोड करा आणि राहा अपडेट

अचानक नाकाबंदी; चाकरमान्यांची कोंडी

May 6, 2017, 2:15 pm

≫ Next: अपयशाचे खापर प्रशासनावर

≪ Previous: ​ आरोग्य विभागात सुरक्षा पुरवावी

$

0

0

औरंगाबाद : शहरातील विविध चौकात शनिवारी सायंकाळी पोलिसांनी अचानक नाकाबंदी केली. चारचाकींसह जवळपास दीड हजार वाहनांची कसून तपासणी केली. त्यामुळे घरी परतणाऱ्या चाकरमान्यांची पुरती कोंडी झाली.
नवे पोलिस आयुक्त यशस्वी यादव यांच्या आदेशानुसार सर्व पोलिस ठाण्याअंतर्गत एकाचवेळी ही कारवाई करण्यात आली. सायंकाळी सहा वाजता जालना रोड, टी. व्ही. सेंटर, सेंट्रल नाका, संताजी चौक, महानुभव आश्रम, गोदावरी टी पॉइंट, सूतगिरणी चौक, गजानन मंदिर चौक, जयभवानी नगर, सिडको बसस्थानक, एपीआय कॉर्नर, हर्सूल टी पॉइंट, हडको कॉर्नर, हर्सूल गाव, लेबर कॉलनी, बाबा पेट्रोल पंप चौक, चंपा चौक, कटकट गेट, रोषण गेट, शहागंज, औरंगपुरा, क्रांतीचौक, सावरकर चौकासह शहरातील सर्व प्रमुख मार्ग, चौकांमध्ये सहायक पोलिस आयुक्त, पोलिस निरीक्षक, उपनिरीक्षकांसह प्रत्येक पोलिस ठाण्यातील कर्मचारी तैनात करण्यात आले होते. या अचानक केलेल्या कारवाईमुळे शहर वेठीस धरले गेले. संध्याकाळी घरी परतणाऱ्या चाकरमान्यांची कोंडी झाली. सर्व ठाण्यातील पोलिस रस्त्यांवर आल्यामुळे ठाणे ओस पडली. शहरातील डी मार्ट मॉल, हॉटेल ताज, रेल्वेस्टेशन, छावणी परिसरात बॉम्ब शोधक पथकाने कर्मचारी व श्वानासह पाहणी केली.

वाहतूक तुंबली
पोलिसांनी काहीही कारण नसताना अचानक तपासणी सुरू केल्यामुळे वाहनचालक गोंधळले. चारचाकी अडवणूक तपासणी सुरू असल्यामुळे वाहतूक ठप्प झाली. दरम्यान, वाहनांची तपासणी सुरू असताना हर्सूल पोलिस ठाण्याचे निरीक्षक ज्ञानेश्वर साबळे यांच्या पथकाने अवैध दारूची वाहतूक करणारे वाहन पकडून त्यातून सात बाटल्या जप्त केल्या.

मोबाइल अॅप डाउनलोड करा आणि राहा अपडेट

अपयशाचे खापर प्रशासनावर

May 6, 2017, 2:16 pm

≫ Next: वॉर्डांमध्ये सहा हजार कचराकुंड्या देणार

≪ Previous: अचानक नाकाबंदी; चाकरमान्यांची कोंडी

$

0

0

म. टा. प्रतिनिधी, औरंगाबाद
महापालिकेच्या स्थापनेपासून सत्तेत असलेल्या शिवसेनेने शहरातील अस्वच्छता, पाणी टंचाई आणि रस्त्यांच्या दुरवस्थेला पालिका प्रशासनला जबाबदार धरले आहे. ‘प्रशासन सरकारशी बांधिल असते. लोकप्रतिनिधींना विचारात घेतले जात नाही. त्यामुळे शहराच्या खुंटलेल्या विकासास तेच जबाबदार आहेत,’ असा आरोप शिवसेना उपनेते विनोद घोसाळकर, शिवसंपर्क अभियानातील आमदार सुनील शिंदे, नागेश पाटील-आष्टीकर यांनी शनिवारी केला.
मराठवाड्यातील शेतकऱ्यांच्या अडचणी, शहरातील नागरी समस्या जाणून घेण्यासाठी शिवसेनेने शिवसंपर्क अभियान राबविले. औरंगाबादसाठी तीन संघ करण्यात आले. त्यात एक आमदार, एक नगरसेवक आणि पदाधिकारी यांचा समावेश होता. त्यांनी शहरातील नारेगाव कचरा डेपो, महानुभव आश्रम ते पैठण रोडची पाहणी, एस.टी.पी.प्लँट, सलीम अली सरोवर शिवसेना प्रमुखांचे स्मृतिवन स्थळ, हैदराबाद मुक्तिसंग्राम संग्रहालय, रियालन्स मॉल रोडची पाहणी केली. सायंकाळी विविध प्रश्नाबाबत आयुक्त डी. एम. मुगळीकर यांची भेट घेतली. शहरातील पाणी टंचाई, अस्वच्छता आणि रस्ते अशा विषयावर शिष्टमंडळ बोलले. त्यानंतर पत्रकारांशी बोलताना घोसाळकर म्हणाले, ‘स्वच्छतेच्या यादीत शहराचा क्रमांक समाधानकारक नाही. मुबलक पाणी असताना, पाणी टंचाई त्यासह रस्त्यांची अवस्था ही खराब आहे. आम्ही सत्तेत असलो तरी, याला प्रशासनच जबाबदार आहे. लोकप्रतिनिधी आणि प्रशासन यांच्यात दरी आहे. प्रशासन लोकप्रतिनिधींचे ऐकत नाही. सरकारचेच ऐकते. या समस्या सोडविण्यासाठी प्रशासन प्रयत्न करत असल्याचे आश्वासन आयुक्तांनी दिले आहे,’ असे घोसाळकर म्हणाले. पत्रकार परिषदेला शिवसेना जिल्हा प्रमुख अंबादास दानवे, उपमहापौर स्मिता घोगरे, सभागृह नेते गजानन मनगटे यांची प्रमुख उपस्थिती होती.

समांतरचा निकाल लवकर लागावा
‘समांतरचा निकाल लवकरात लवकर लागावा, यासाठी प्रशासनाने प्रयत्न करावेत असे आयुक्तांना सांगितले. शिवसेनाही मंत्र्यांच्या माध्यमातून याबाबत काय मदत करता येईल हे प्रयत्न करेल,’ असे घोसाळकर म्हणाले.

शहरासाठी घोषणा फार
शहरातील रस्त्यांच्या प्रश्नाबाबत मुख्यमंत्र्यांनी दीडशे कोटी रुपयांची घोषणा केली होती. त्याकडे लक्ष वेधले असता, आमदार मिलिंद शिंदे यांनी मुख्यमंत्री देवेंद्र फडणवीस यांच्यावर निशाणा साधला. ‘शहरासाठी फार घोषणा झाल्या. शहर विकासासाठी सरकार दरबारी काय मदत करता येईल, यासाठी ही भेट उपयुक्त ठरेल,’ असे शिंदे म्हणाले.

मोबाइल अॅप डाउनलोड करा आणि राहा अपडेट

वॉर्डांमध्ये सहा हजार कचराकुंड्या देणार

May 6, 2017, 2:17 pm

≫ Next: अधिकाऱ्यांना जाब विचारा

≪ Previous: अपयशाचे खापर प्रशासनावर

$

0

0

म. टा. प्रतिनिधी, औरंगाबाद
स्वच्छ भारत अभियानांतर्गत केंद्रीय पथकाने केलेल्या पाहणीत औरंगाबाद महापालिकेची २९९व्या क्रमांकावर घसरण झाली. गेल्यावर्षी ७३ शहरांपैकी ५६व्या क्रमांकावर असलेला क्रमांकही सांभाळता आलेला नाही. ही नाचक्की पाहून आता कचऱ्याची योग्य विल्हेवाट लावण्यासाठी शहरातील विविध वॉर्डांत सहा हजार कचराकुंड्या वितरित केल्या जाणार आहेत.
अभियानांतर्गत घनकचरा व्यवस्थापन, कचऱ्यावरील प्रक्रिया प्रकल्प, सार्वजनिक स्वच्छता, स्वच्छतागृहांची उद्दिष्टपूर्ती याबाबींचे केंद्रीय पथकाने सर्वेक्षण केले. या स्पर्धेतील सहभागी शहरांचे रँकिंग ४ मे रोजी जाहीर करण्यात आले. ४३४ शहरांच्या यादीत औरंगाबाद मागे पडल्याचे स्पष्ट झाले. त्यानंतर आता विविध उपाययोजना करण्याचे सुतोवाच मनपा प्रशासनाने दिले. सीएसआरमधून फंडातून शहरात सात हजार कचराकुंड्या मिळाल्या. या विविध वॉर्डांमध्ये वाटप करण्यात येणार आहेत. त्यासह ओला व सुका कचरा व्यवस्थापन, कचऱ्यावर प्रक्रियाही केली जाणार आहे.

महापौरांनीही घेतली बैठक
स्वच्छतेत औरंगाबाद शहराचा नंबर देशात २९९ व्या क्रमांकावर आल्याने शहरातील अस्वच्छतेचा प्रश्न पुन्हा समोर आला. महापौर भगवान घडामोडे यांनी याबाबत शनिवारी तातडीची आढावा बैठक घेऊन वॉर्ड अधिकाऱ्यांना सुनावत शहर स्वच्छतेबाबत निर्देश दिले. नागरिकांच्या सोयीनुसार कचरा संकलन न करता सफाई कामगारांना वेळेत कचरा उचलण्याच्या सूचना केल्या. २०१९पर्यंत नारेगाव येथील कचरा डेपोत कोणती यंत्रसामुग्री लागेल तसेच त्यासाठी काय उपाययोजना करण्यात येईल, याची माहिती अधिकाऱ्यांनी द्यावी, आयुक्तांनी लोकसभागातून जनजागृती करावी, अशा सूचना दिल्या. बैठकीस उपमहापौर स्मिता घोगरे, गजानन बारवाल, नासेर सिद्दिकी, तसेच वॉर्ड अधिकाऱ्यांची उपस्थिती होती.

मोबाइल अॅप डाउनलोड करा आणि राहा अपडेट

अधिकाऱ्यांना जाब विचारा

May 6, 2017, 2:17 pm

≫ Next: संकेतनिष्ठ साहित्य फोल

≪ Previous: वॉर्डांमध्ये सहा हजार कचराकुंड्या देणार

$

0

0

म. टा. प्रतिनिधी, औरंगाबाद
जनतेने तुम्हाला नगरसेवक म्हणून निवडून दिले आहे. नागरिकांच्या अडचणी सोडविणे हे तुमचे काम आहे. तुम्ही अधिकाऱ्यांना वैयक्तिक नव्हे, तर समाजोपयोगी कामे सांगत आहात. अधिकारी जर ऐकत नसतील तर पक्षाच्या वरिष्ठ लोकप्रतिनिधींना सांगा. प्रसंगी अधिकाऱ्यास थेट जाब विचारा, असा सल्ला शिवसेना नेत्यांनी नगरसेवक, पदाधिकाऱ्यांना दिला.
मराठवाड्यातील शेतकऱ्यांची परिस्थिती जाणून घेण्यासाठी शिवसेनेने दोन दिवसीय शिवसंपर्क अभियान शनिवारपासून सुरू केले. पहिल्या दिवशी शहरात विविध ठिकाणी सेनेच्या आमदारांनी बैठका घेतल्या. बाळकृष्ण मंदिरात मध्य मतदारसंघातील नगरसेवक तसेच पदाधिकाऱ्यांची बैठक होती. मुंबईचे अॅड. सुहास वाडकर, शहरप्रमुख जयवंत ओक, बाळासाहेब थोरात यांची यावेळी उपस्थिती होती. वाडकर यांनी शिवसंपर्क अभियानाचा हेतू उपस्थितांना सांगितला. ‘राज्यातील शेतकऱ्यांची आज दयनीय अवस्था झाली आहे. येणाऱ्या अधिवेशनात शिवसेना सरकारला शेतकरीप्रश्नी धारेवर धरणार आहे. प्रत्यक्ष परिस्थितीची पाहणी आपण करत आहोत. येणारा काळ कठीण असणार आहे. शिवसैनिकांनी तयार राहिले पाहिजे. सरकारचा पर्दाफाश करायचा आहे. शेतकऱ्यांना दिलासा देण्याऐवजी संवाद यात्रा काढण्यात येणार आहे. त्याने काही साध्य होणार नाही,’ असे त्यांनी स्पष्ट केले.
त्यानंतर वाडकर यांच्या उपस्थितीत नगरसेवक यशश्री बाखरिया, सचिन खैरे, ऋषिकेश खैरे यांनी कामाचा आढावा सादर करताना अडचणी मांडल्या. महापालिकेतील अधिकाऱ्यांकडे वॉर्डात सुविधा पुरविण्यासाठी कित्येक वेळा मागणी केली, पण अधिकारी वर्ग काम करत नाही. किरकोळ कारणांनी कामे अडविली जातात. त्याचा जनतेला त्रास होतो. असे सांगितल्यानंतर वाडकर म्हणाले, ‘तुम्ही नगरसेवक आहात. नागरिक तुमच्याकडेच अडचणी मांडणार. तुम्ही पालिका अधिकाऱ्यांना कामे करण्याविषयी आग्रह धरला पाहिजे. शिवसेनेतील वरिष्ठ नेत्यांना या अडचणी सांगा. प्रसंगी अधिकाऱ्याची तक्रार करा, त्यांना जाब विचारा,’ असे त्यांनी सांगितले. त्यानंतर शाखाप्रमुख, गटप्रमुखांकडून आढावा घेण्यात आला.

आपला संघर्ष भाजपशी
‘आगामी निवडणुकीत मध्य मतदारसंघातून ४० पैकी शिवसेनेचे जास्तीत जास्त नगरसेवक निवडून आले पाहिजेत, यासाठी तुम्ही पदाधिकाऱ्यांनी पुढाकार घेतला पाहिजे,’ असे सांगून अॅड. सुहास वाडकर म्हणाले, ‘भविष्यात आपली लढाई एमआयएमशी आहेच, पण खरा संघर्ष भाजपसोबत असणार आहे.’

मोबाइल अॅप डाउनलोड करा आणि राहा अपडेट

संकेतनिष्ठ साहित्य फोल

May 6, 2017, 2:18 pm

≫ Next: वसंतदादा साधेपणा जपणारा मोठा माणूस

≪ Previous: अधिकाऱ्यांना जाब विचारा

$

0

0

म. टा. प्रतिनिधी, औरंगाबाद
‘साहित्य व्यवहारात व्यूह व प्रस्थापित निकष असतात. या संकेतांना लेखक नियत करीत असतो. जाणिवेला प्रभावित करीत असल्यामुळे कवी किंवा लेखक कळत-नकळत परंपरेच्या प्रभावात येत असतो. या संकेतनिष्ठ साहित्यातून काही गवसत नाही,’ असा दावा ज्येष्ठ समीक्षक प्रा. प्रभाकर बागले यांनी केला. ते ‘एक कवी, दोन भाष्यकार’ या कार्यक्रमात बोलत होते.
ग्रंथाली प्रकाशन व प्रगतीशील लेखक संघ यांच्या वतीने कवी श्रीपाद भालचंद्र जोशी यांच्या ‘सळाळ आणि सळाळनंतर’, ‘समायत’, ‘मथितार्थ’ आणि ‘इत्यादि’ या चार कवितासंग्रहावर भाष्य करणारा ‘एक कवी, दोन भाष्यकार’ कार्यक्रम घेण्यात आला. मराठवाडा साहित्य परिषदेच्या सभागृहात शनिवारी सायंकाळी कार्यक्रम झाला. यावेळी मंचावर कवी श्रीपाद जोशी, ज्येष्ठ समीक्षक प्रा. प्रभाकर बागले, समीक्षक डॉ. सुधीर रसाळ व डॉ. कैलास अंभुरे यांची प्रमुख उपस्थिती होती. या कवितासंग्रहांचे प्रकाशन केल्यानंतर मान्यवरांनी भाष्य केले. समज आणि गैरसमजातून आपण वावरत असतो. त्यामुळे साहित्य व्यवहाराबाबत काही गोष्टी सूचित करण्याची गरज असल्याचे प्रा. बागले म्हणाले. ‘परंपरांना नियत होत जाणे माझी नियती आहे का, असा प्रश्न कवीने स्वतःला विचारला पाहिजे. कवी श्रीपाद जोशी यांची कविता असा प्रश्न उपस्थित करते. कवितेला स्वतःचा इतिहास असतो. इतिहासाला शह देणे सोपे नसते, पण कविता ते करू शकते. कवितेचे अस्तित्व टिकवणे आवश्यक असेल, तर तिची मोडतोड आवश्यक असते. संकेतनिष्ठ साहित्यात नवीन काही गवसत नाही,’ असे प्रा. बागले म्हणाले. ‘कविता हा अतिसूक्ष्म प्रकार असून तो माणसाला आयुष्यच मागतो,’ असे श्रीपाद जोशी म्हणाले. कार्यक्रमाचे प्रास्ताविक डॉ. कैलास अंभुरे यांनी केले, तर सूत्रसंचालन डॉ. समाधान इंगळे यांनी केले. यावेळी साहित्य रसिक उपस्थित होते.

मोबाइल अॅप डाउनलोड करा आणि राहा अपडेट

---

वसंतदादा साधेपणा जपणारा मोठा माणूस

May 6, 2017, 2:20 pm

≫ Next: अस्मितांचे राजकारण धोकादायक

≪ Previous: संकेतनिष्ठ साहित्य फोल

$

0

0

म. टा. प्रतिनिधी, औरंगाबाद
‘पाणी आडवा, पाणी जिरवा हा मंत्र देणारे माजी मुख्यमंत्री वसंतदादा पाटील यांनी सहकार क्षेत्राचा विकास केला. ते सर्वस्तरावर रुजविण्याचे काम करत महाराष्ट्राचा विकास केला. साधेपणा जपणारा हा मोठा माणूस होता,’ अशा शब्दांत ज्येष्ठ संपादक मधुकर भावे यांनी शनिवारी पाटील यांच्या जीवनकार्याला उजाळा दिला.
वसंतदादा पाटील यांच्या जन्मशताब्दीनिमित्त एमजीएम परिसरातील रुख्मिणी सभागृहात शनिवारी आयोजित परिसंवादात ते बोलत होते. अध्यक्षस्थानी एमजीएमचे अध्यक्ष कमलकिशोर कदम होते. तर कॉग्रेस प्रदेश उपाध्यक्ष शैलजा पाटील, प्रदेश सरचिटणीस यशवंत हप्पे, अकुंशराव कदम आदी उपस्थित होते.
भावे यांनी ‘वसंतदादा पाटील आणि महाराष्ट्र कालचा, आजचा व उद्याचा,’ या विषयावर बोलताना अनेक आठवणींना उजाळा दिला. ‘वसंतदादांनी आमदार, विविध खात्याचे मंत्री, मुख्यमंत्री ते संघटनपातळीवर विविध पदे भूषवली. मात्र, सत्तेची हवा कधीही त्यांच्या डोक्यात गेली नाही. मी आहे तो असा, असे म्हणत ते नेहमी साधेपणाने वागत. सहकार क्षेत्र रुजविण्याचे मोठे कार्य करणाऱ्या दादांनी ग्रामीण भागातील विद्यार्थ्यांना जेव्हा महाविद्यालयात जागा कमी असल्याने प्रवेश मिळत नव्हते, तेव्हा तातडीने विनाअनुदानित संस्थांना परवानगी देण्याचा महत्वपूर्ण निर्णय घेतला. महाराष्ट्राची बांधणी करण्याची खरी दृष्टी त्यांच्याकडे होती,’ असे भावे म्हणाले. याप्रसंगी शैलजा पाटील, यशवंत हप्पे व भाऊसाहेब निकम यांनी वसंतदादांच्या आठवणी आणि त्यांच्या कार्याची माहिती दिली.

मोबाइल अॅप डाउनलोड करा आणि राहा अपडेट

अस्मितांचे राजकारण धोकादायक

May 6, 2017, 2:21 pm

≫ Next: फरार संतोष मोरेला ठाण्यात अटक

≪ Previous: वसंतदादा साधेपणा जपणारा मोठा माणूस

$

0

0

औरंगाबाद : ‘भारतातील जातीय-धार्मिक अस्मितांचे राजकारण गरिबी व बेरोजगारीच्या मुळावर आले आहे,’ असे प्रतिपादन राज्यशास्त्राचे अभ्यासक डॉ. उमाकांत राठोड यांनी केले. राजर्षी शाहू महाराज यांच्या स्मृतीदिनानिमित्त आयोजित कार्यक्रमात ते बोलत होते.
डॉ. बाबासाहेब आंबेडकर मराठवाडा विद्यापीठातील राजर्षी शाहू महाराज अध्यासन केंद्राच्या वतीने शाहू महाराज स्मृतीदिनानिमित्त्त पर्यटन प्रशासन विभागातील सभागृहात शनिवारी कार्यक्रम झाला. यावेळी मंचावर वित्त व लेखाधिकारी शंकर चव्हाण, अध्यासनाचे संचालक डॉ. राजेश करपे, उपकुलसचिव संजय कवडे, लेखाधिकारी प्रदीप जाधव, सहायक कुलसचिव भागचंद ढगे, अविनाश शिरडकर यांची प्रमुख उपस्थिती होती. डॉ. उमाकांत राठोड यांचे ‘शाहू महाराजांचे आरक्षण धोरण व सद्यकालीन परिस्थिती’ या विषयावर व्याख्यान झाले. ‘शाहू महाराजांनी देशात पहिल्यांदा आपल्या संस्थानात आरक्षण जाहीर करून सामाजिक न्यायाच्या दिशेने पाऊल उचलले. महात्मा फुले यांनी विद्येचे महत्त्व सांगून बहुजन समाजाच्या परिवर्तनाची दिशा दाखविली. हा विचार शाहू महाराजांनी संस्थानात व डॉ. बाबासाहेब आंबेडकर यांनी संविधानातून अंमलात आणला. स्वातंत्र्याची सात दशके पूर्ण होत असताना मराठा, पाटीदार, गुज्जर आदी समाजाचे आरक्षणाचे मोठे आंदोलन हाती घेतले आहे. दुसरी सरकारी संस्था, मंडळाचे खासगीकरण करून बहुजनांना देशोधडीला लावण्याचे उद्योग सुरू आहेत,’ असे डॉ. राठोड म्हणाले. महाराष्ट्राचे पहिले मुख्यमंत्री यशवंतराव चव्हाण, वसंतराव नाईक यांनी ‘फुले-शाहू-आंबेडकरी’ विचारांचा पुरोगामी वारसा समर्थपणे पुढे नेला असे अध्यक्षीय समारोपात शंकर चव्हाण म्हणाले.

मोबाइल अॅप डाउनलोड करा आणि राहा अपडेट

फरार संतोष मोरेला ठाण्यात अटक

May 6, 2017, 2:30 pm

≫ Next: सेनेचे आमदार बांधांवर

≪ Previous: अस्मितांचे राजकारण धोकादायक

$

0

0

म. टा. प्रतिनिधी, औरंगाबाद/वैजापूर

पाच महिन्यांपूर्वी खुनाच्या आरोपाखाली अटक करण्यात आलेला संतोष मोरे औरंगाबाद पोलिसांच्या तावडीतून फरार झाला होता. या खुनाच्या आरोपीला ठाणे पोलिसांनी शुक्रवारी अटक केली आहे. संतोष मोरे यांच्या पलायनासाठी दोन पोलिस शिपायाला जबाबदार धरून औरंगाबादच्या एका पोलीस शिपाई पाच महिन्यांपासून न्यायालयीन कोठडीत देण्यात आली होती. या प्रकरणात तर दुसरा पोलिस कर्मचारी फरार आहे.
या बाबत‌ पोलिसांनी दिलेल्या माहितीनुसार, औरंगाबाद येथे बार चालवणाऱ्या संतोष महादेव मोरे (२९) याचे एका बारबालेशी प्रेमसंबंध होते. त्याने या बारबालेशी विवाहदेखील केला. पुढे संबंधांमध्ये कटुता निर्माण होऊन २०११ मध्ये त्याने पत्नीला घटस्फोट दिला. दरम्यान, त्याचा मित्र अनिल हवालसिंग शर्मा (३२) याचे या बारबालेशी अनैतिक संबंध असल्याचा संशय संतोषला होता. यातूनच त्याने गोळ्या झाडून अनिल शर्माचा खून केला. औरंगाबाद ग्रामीणमधील गंगापूर पोलीस ठाण्यात १८ जानेवारी २०१६ रोजी याप्रकरणी संतोषसह १० आरोपींविरुद्ध संगनमताने खून केल्याचा आणि पुरावे नष्ट केल्याचा गुन्हा दाखल केला. गंगापूर पोलिसांनी २० जानेवारी २०१६ रोजी सर्व १० आरोपींना अटक केली होती. पोलीस आणि न्यायालयीन कोठडी संपल्यानंतर न्यायालयाने नऊ आरोपींना जामीन मंजूर केला. परंतु, संतोष मोरेची रवानगी औरंगाबाद मध्यवर्ती कारागृहाच्या न्यायालयीन कोठडीत केली. न्यायालयीन कोठडीची मुदत संपल्यानंतर २४ जानेवारी २०१७ रोजी त्याला पोलिसांनी वैजापूर न्यायालयासमोर हजर केले. न्यायालयीन प्रक्रिया आटोपल्यानंतर पुन्हा औरंगाबाद मध्यवर्ती कारागृहाकडे जाताना तो पोलिसांना हुलकावणी देऊन पळाला होत.
या प्रकरणी वैजापूर पोलिस ठाण्यात दोन पोलिसांविरुद्ध गुन्हा दाखल झाल्याने पोलीस यंत्रणा त्याचा कसून शोध घेत होती. दरम्यान, तो मिरा रोड, दहिसर, मालाड आणि मुंबई परिसरात फिरत असल्याची माहिती वैजापूर पोलिसांना मिळाली. त्यांनी तत्काळ ठाणे पोलिसांशी संपर्क साधला. त्यानंतर, गुन्हे अन्वेषण शाखेच्या घटक क्रमांक-१ चे वरिष्ठ पोलीस निरीक्षक नितीन ठाकरे यांनी सूत्रे हलवली. आरोपी ठाण्यातील माजिवडा भागात असल्याची माहिती त्यांना सूत्रांनी दिली. त्यानुसार, वरिष्ठ पोलीस निरीक्षक नितीन ठाकरे, पोलीस निरीक्षक रणवीर बयेस, सहायक पोलीस निरीक्षक संदीप बागुल यांच्या पथकाने सापळा रचून आरोपीला सिनेवंडर मॉलमध्ये बेड्या ठोकल्या. मुंबईतील मालवणी परिसरात तो राहत होता. फरार काळात टॅक्सीवर चालक म्हणून काम करत असल्याची माहिती त्याने पोलिसांना दिली.

चार महिन्यांपासून पोलीस कोठडीत
२४ जानेवारी रोजी संतोष मोरेने पोलिसांना हुलकावणी दिल्यानंतर, कट रचून आरोपीस पळून जाण्यास मदत केल्याचा गुन्हा पोलीस शिपाई अशोक निकम आणि महिला पोलीस शिपाई बनकर यांच्याविरुद्ध गुन्हा दाखल करण्यात आला होता. याप्रकरणी अशोक निकम यांना अटक करण्यात आली होती. तेव्हापासून ते न्यायालयीन कोठडीत आहेत. आता त्यांच्या सुटकेचा मार्ग मोकळा झाला आहे.

मोबाइल अॅप डाउनलोड करा आणि राहा अपडेट

सेनेचे आमदार बांधांवर

May 6, 2017, 2:30 pm

≫ Next: ​ अजिंठा घाटात जाम

≪ Previous: फरार संतोष मोरेला ठाण्यात अटक

$

0

0

म. टा. प्रतिनिधी, औरंगाबाद

तूर खरेदीसह शेतमालाच्या दरावरून शेतकऱ्यांमध्ये राज्य सरकारविषयी असणाऱ्या असंतोषाच्या पार्श्वभूमीवर, शिवसेनेने शिवसंपर्क अभियान हाती घेतले आहे. यामध्ये शिवसेनेचे वेगवेगळ्या जिल्ह्यांमधील आमदार गावांमध्ये जाऊन शेतकऱ्यांबरोबर चर्चा करत आहेत. मराठवाड्याच्या अनेक भागांमध्ये शनिवारी या अभियानाला सुरुवात झाली.
शिवसेनेचे पक्षप्रमुख उद्धव ठाकरे यांनी शिवसेनेच्या आमदारांना आदेश देत, शेतकऱ्यांच्या व्यथा जाणून घेण्याच्या सूचना केल्या आहेत. आहोत. शेतकऱ्यांमध्ये तूर डाळीच्या खरेदीबद्दल असंतोष आहे. तसेच, कापसाचे दर कमी झाले असून, त्यातून वेचणीचा खर्चही निघत नसल्याकडे शेतकरी लक्ष वेधत आहेत. या व्यथा उद्धव ठाकरे यांच्यामार्फत सरकारपर्यंत पोहोचवून, शेतकऱ्यांच्या हिताचे निर्णय घेण्यास भाग पाडू, असा निर्धार शिवसेनेच्या आमदारांनी व्यक्त केला.

पाच मतदारसंघांत भेटी
जालना : जालना जिल्ह्यातील जालना, बदनापूर, भोकरदन, घनसावंगी, परतूर या पाचही मतदारसंघांमध्ये शिवसेनेच्या स्वतंत्र पथकाने प्रत्यक्ष बांधांवर जाऊन शेतकऱ्यांशी संवाद साधला. जालना येथे सकाळी १० वाजता जिल्ह्यातील सर्व पथकांचे राज्यमंत्री अर्जुनराव खोतकर, जिल्हाप्रमुख भास्करराव अंबेकर यांनी स्वागत केले. जालना विधानसभा मतदारसंघात आमदार सदानंद चव्हाण यांच्या नेतृत्वाखाली सुरेश आवळे, विधानसभा संपर्कप्रमुख गजानन चव्हाण, शैलेश परब यांच्यासह जिल्हाप्रमुख भास्करराव अंबेकर यांनी पाहणी केली. वाघ्रुळ येथे सकाळी ११ वाजता कांदा उत्पादक शेतकरी यांच्या शेतावर जावून कांद्याच्या बियाण्याचे झालेले प्रचंड नुकसान याची पाहणी केली. या पथकाने नंदापूर, मौजपुरी, मोतीगव्हाण या गावांनाही भेटी दिल्या.

परभणीतही भेटीगाठी
परभणी : परभणीमध्ये शिवसेनेच्या आमदारांनी शेतशिवारांना भेटी दिल्या. या अभियानामध्ये शनिवारी कोल्हापूरचे आमदार उल्हास पाटील, रत्नागिरीचे संपर्कप्रमुख अरूण दुधवडकर यांच्यासह स्थानिक आमदार डॉ. राहुल पाटील यांनी परभणी तालुक्यातील शेतशिवारांना भेट देवून शेतकऱ्यांच्या व्यथा जाणुन घेतल्या. यावेळी शेतकर्यांमध्ये तूर खरेदी, कापसाचा भावावरून सरकार विरूद्ध प्रचंड रोष असल्याचे अरूण दुधवडकर यांनी सांगितले.
परभणी तालुक्यात शनिवार, रविवार असे दोन दिवस अभियानांतर्गत पाहणी दौऱ्यावर आलेल्या अरूण दुधवडकर यांनी शनिवारी दुपारी आमदार डॉ. राहुल पाटील यांच्या संपर्क कार्यालयातील पत्रकार परिषदेत दौर्याबाबत माहिती दिली. यावेळी कोल्हापूर जिल्ह्यातील आमदार उल्हास पाटील, सहसंपर्कप्रमुख डॉ. विवेक नावंदर, जिल्हाप्रमुख गंगाप्रसाद अनेराव, तालुकाप्रमुख नंदु अवचार, सोपान अवचार आदी उपस्थित होते. या पथकाने तालुक्यातील आसोला, पिंगळी, मुरूंबा आदी ठिकाणच्या शेतांवर भेटी दिल्या. तेथील शेतकऱ्यांनी कापूस वेचणीचा खर्चही निघत नसल्याची समस्या मांडली. शिवाय, बँकामधुन देखील पैसा मिळत नसल्याच्या तक्रारी केल्या आहेत.

नांदेडमध्ये बांधावर संवाद
नांदेड : शिवसेनेच्या शिवसंपर्क अभियानात आमदार, नगरसेवकांनी शेतकऱ्यांच्या व्यथा जाणून घेतल्या. भरपूर प्रमाणात झालेली सुगी आणि त्यानंतर शासनाने बंद केलेली शेतमालाची खरेदी, हळदीचे मोठ्या प्रमाणात आलेले पीक त्यालाही हमी भाव नाही, कर्जाच्या रक्कमेतून पिक विम्याची कपात करण्यात येणारी रक्कम, वाढते लोडशेडिंग आणि नोटबंदी अशा अनेक तक्रारी शेतकऱ्यांनी मांडल्या. नांदेड जिल्ह्यातील संपर्क अभियानात आमदार शांताराम मोरे, आमदार अनिल कदम, आमदार अमित घोडा, उपेंद्र सावंत, संजय अगलदरे, हलीम महंमद शमीम खान, चंद्रशेखर वायंगणकर, नगरसेवक सुरेश पाटील, श्रीकांत शेट्टे, राजेश सावंत यांनी पाहणी केली. जिल्हाप्रमुख मिलिंद देशमुख, भुजंग पाटील, बाबुराव कदम व त्यांच्या सहकाऱ्यांनी त्यांचे स्वागत केले. या पथकाने वेगवेगळ्या भागातील शेतकऱ्यांच्या भेटी घेतल्या आणि त्यांच्याशी बांध्यावर जावून विविध प्रश्नांवर चर्चा केली. त्यांच्या समस्याही जाणून घेतल्या. ४३ अंश डिग्री तापमान व कडक उन असतानाही या सर्व अभियानातील आमदार, नगरसेवक यांनी सकाळी दहा वाजल्यापासूनच या मोहिमेत सहभाग नोंदविला.

मोबाइल अॅप डाउनलोड करा आणि राहा अपडेट

​ अजिंठा घाटात जाम

May 6, 2017, 2:30 pm

≫ Next: ​ मराठवाडा संघाला विजेतेपद

≪ Previous: सेनेचे आमदार बांधांवर

$

0

0

म. टा. प्रतिनिधी, फर्दापूर

नादुरूस्त ट्रकवर समोरून येणारा ट्रक आदळल्यामुळे अजिंठा घाटामध्ये शनिवारी सकाळी दहा तास वाहतूक खोळंबली होती. या अपघातामुळे दोन जण किरकोळ जखमी झाले आहेत.
अजिंठा घाटामध्ये शनिवारी पहाटे भुसावळहून पुण्याला मका भरून नेणारा ट्रक (जीजे १९ यू ३४५२) नादुरूस्त झाला. या ट्रकचे स्टेअरिंग जाम झाले होते. हा ट्रक रस्त्यामध्ये बंद पडला असताना, औरंगाबादकडून जळगावकडे चिंच भरून नेणारा ट्रक (एमएच२८ बी ८०५५) त्यावर आदळला. या ट्रकला अन्य एका ट्रकने हूल दिल्यामुळे हा अपघात झाला. यामध्ये नादुरूस्त ट्रकमधील रवीभाई (वय ४५) आणि प्रताप अर्जुन (३५, दोघे रा. गुजरात) जखमी झाले. अजिंठा येथील ग्रामीण रुग्णालयात उपचार करून दोघांनाही औरंगाबादला पाठविण्यात आले. अपघातग्रस्त ट्रक रस्त्यावरच उभे असल्यामुळे, दोन्ही बाजूंना वाहनांच्या रांगा उभ्या होत्या आणि दहा तास हीच परिस्थिती होती.
सहायक पोलिस निरीक्षक मनोहर वानखेडे, फौजदार अर्जुन चोधर, अनंत जोशी, अजय मोतिंगे, दत्तात्रय मोरे, अजित शेकडे, रवी भरती, रवी बोर्डे यांनी तर फरदापुरातील काही पोलिसांनी वाहतूक सुरळीत करण्यासाठी प्रयत्न केले.

क्रेन मिळालीच नाही
अपघाताच्या ठिकाणापासून पोलिस ठाणे दोन किलोमीटर अंतरावर होते. पोलिसांना या अपघाताची माहिती मिळण्यास दोन तास उशिरा झाला. त्यामुळे, वाहतुकीच्या रांगा वाढतच गेल्या. जळगाव-पुणे या बसमध्ये अडकलेल्या रमेश शिंदे यांनी पोलिसांशी संपर्क केला. त्यांनी वाहतूक खोळंबल्याची माहिती दिली. दोन्ही ट्रक रस्त्यावर उभे असताना, पोलिसांनी क्रेन मागवून वाहने बाजूला घेणे गरजेचे होते. मात्र, सिल्लोड तालुक्यातील क्रेन उपलब्ध नव्हती. त्यामुळे जळगाव येथून क्रेन मागविण्यात आली. ही क्रेन दहा वाजता अपघातस्थळी आली. त्यानंतर दोन तासांच्या प्रयत्नांनी हे ट्रक बाजूला घेण्यात आले. त्यानंतरही, वाहनचालकांनी गाड्या दामटल्यामुळे कोंडी कायमच राहिली. अखेरीस पोलिसांनी एक तास प्रयत्न करत कोंडी हटवली.

वऱ्हाडाला उशीर
पहाटेपासूनच वाहतुकीची कोंडी झाल्यामुळे, अनेकांचे नियोजन कोलमडले. अनेकांच्या रेल्वे चुकल्या, तर लग्नासाठी निघालेल्या अनेकांना वेळेवर पोहोचता आले नाही. अजिंठा गावातून एक वऱ्हाड लग्नासाठी खान्देशकडे चालले होते. त्यांनाही उशिरा झाला. या गर्दीमध्ये अनेक परदेशी पर्यटक अडकले होते. मात्र, स्थानिक नागरिकांनी पुढाकार घेत दुचाकीवर या पर्यटकांना पुढपर्यंत पोहोचवले.

मोबाइल अॅप डाउनलोड करा आणि राहा अपडेट