​ महावितरणच्या सहाय्यक अभियंत्यासह एकजण गजाआड

May 20, 2017, 2:30 pm

≫ Next: उत्तराखंडमध्ये अडकलेले बीड जिल्ह्यातील सात भाविक सुखरूप

≪ Previous: बांधकामे होणार वैध

$

0

0

म. टा. प्रतिनिधी, उस्मानाबाद
फॉल्टी मीटर काढून नवीन मीटर बदलून देण्यासाठी २५ हजार रुपयांची लाच खासगी एजंटमार्फत स्वीकारताना महावितरण कळंबचे सहायक अभियंता गफार शेख यांच्यासह त्यांचा खासगी दलाल बलियोद्दीन शेख यास उस्मानाबाद येथील लाच लुचपत प्रतिबंधक विभागाच्या पथकाने रंगेहाथ पकडून गजाआड केले. ही घटना शुक्रवारी घडली असून, या प्रकरणी कळंब पोलिस ठाण्यात गुन्हा दाखल करण्यात आला आहे.
तक्रारदाराने, व्यवसायासाठी मे २०१६ मध्ये थ्री फेजचे वीज कनेक्शन घेतले होते. मार्च २०१७ पर्यंत वीज बिलाचा नियमित भरणा केला. त्यांना एप्रिल २०१७ मध्ये ५२ हजार रुपये वीज बिल आले. तक्रारदाराने सहायक अभियंता गफार शेख यांची वीज बिलबाबत भेट घेतली. वीज बिल दुरुस्त करणे व फॉल्टी मीटर बदलून देण्याची विनंती केली. यासाठी गफार शेख यांनी २५ हजार रुपयाची मागणी केली. यापैकी ११ हजार रुपये दलाल बलियोद्दीन शेख यांच्याकडे लगेच व १४ हजारनंतर देणार असल्याचे सांगितले. पूर्ण रक्कम जमा केल्यावर काम
करणार असेही यावेळी स्पष्ट करण्यात आले. यानुसार १४ हजार रुपये १९ मे रोजी स्वीकारताना एसीबीच्या पथकाने बलियोद्दीन शेख यास रंगेहाथ पकडले.

मोबाइल अॅप डाउनलोड करा आणि राहा अपडेट

---

उत्तराखंडमध्ये अडकलेले बीड जिल्ह्यातील सात भाविक सुखरूप

May 20, 2017, 2:37 pm

≫ Next: भाजप नगरसेवकांची ‘स्टडी टूर’

≪ Previous: ​ महावितरणच्या सहाय्यक अभियंत्यासह एकजण गजाआड

$

0

0

म. टा. प्रतिनिधी, बीड
उत्तराखंड येथे शुक्रवारी झालेल्या भूस्खलनामध्ये बीड जिल्ह्यातील सात भाविक अडकलेले आहेत. अडकलेले सातही भाविक सुखरूप आहेत. त्यांच्याशी प्रशासनाचा संपर्क झाला आहे.
उत्तराखंडमधील बद्रीनाथ मार्गावर असलेल्या विष्णू प्रयागजवळ मोठे भूस्खलन झाल्याने हा मार्ग ठप्प झाला होता. सुमारे १५ हजार यात्रेकरू व अनेक वाहने मार्गावर अडकली होती. संभाव्य धोका पाहून जिल्हा प्रशासनाने भाविकांना असलेल्या ठिकाणी थांबवले होते. जोशी मठ येथे अडकून पडलेल्या यात्रेकरूंमध्ये बीड जिल्ह्यतील सात भाविकांचा समावेश आहे. दामोदर तांदळे, उत्तम तांदळे ( रा. सारडगाव) , दिनकर चव्हाण ( रा. वडखेल), सिताराम येवले, रमेश तिवार ( रा. परळी), सतीश शेप, ( रा. शेपवाडी), उत्तरेश्वर बनाळे ( रा. पोखरी) यांचा समावेश होता.
हे भाविक संकटात सापडल्याचे वृत्त समजताच अंबाजोगाई येथील उपजिल्हाधिकारी शिवकुमार स्वामी यांनी त्यांच्याशी फोनवरून संपर्क साधला. त्यासोबतच खासदार डॉ. प्रितम मुंडे यांनी त्यांना दूरध्वनीवरून संपर्क साधला आणि त्यांची आस्थेवाईकपणे विचारपूस केली. त्यांनी तेथील प्रशासनाशी संपर्क साधून मदत मिळवून दिली.


नियंत्रण कक्षाकडे संपर्क साधावा

हिंगोली - उत्तराखंडमध्ये शुक्रवारी १९ मे रोजी सायंकाळी जोशीमठ जवळ भूस्खलन होऊन हजारो पर्यटक अडकले असल्याची माहिती प्राप्त झाली आहे. त्यानुसार हिंगोली जिल्ह्यातून उत्तराखंड येथे गेलेल्या पर्यटकांना मदत तसेच इतर सुविधा प्राप्त करून देण्यासाठी जिल्हाधिकारी अनिल भंडारी यांनी उत्तराखंड येथे गेलेल्या नागरीकांचीमाहिती कुटुंबातील व्यक्ती किंवा मित्र परिवार यांनी जिल्हाधिकारी कार्यालय नियंत्रण कक्ष दुरध्वनी क्र. ०२४५६-२२२५६० व भ्रमणध्वनी ९५२७०४४१७१ या क्रमांकावर देण्याचे आवाहन केले आहे.

मोबाइल अॅप डाउनलोड करा आणि राहा अपडेट

भाजप नगरसेवकांची ‘स्टडी टूर’

May 20, 2017, 2:41 pm

≫ Next: ‘नवो‌दित कलाकारांना प्रेरणा मिळते’

≪ Previous: उत्तराखंडमध्ये अडकलेले बीड जिल्ह्यातील सात भाविक सुखरूप

$

0

0

म. टा. प्रतिनिधी, लातूर
लातूर महापालिकेच्या महापौर, उपमहापौरपदाच्या निवडणुकीसाठी काँग्रेसने उमेदवारी दाखल केल्यामुळे भाजपने त्यांचे उमेदवार सहलीला पाठवले, असे लंगडे समर्थन करून काँग्रेसप्रेमींनी मनाचे मांडे रचण्यात आनंद मानला. तर भाजप नगरसेवक नवखे आहेत हे कबूल करीत त्यांनी रामभाऊ म्हाळगी प्रबोधिनीच्यावतीने प्रशिक्षण देण्यासाठी पुण्याजवळ प्रशिक्षणासाठी एकत्र पाठवले असल्याचे स्पष्ट करून भाजप नेत्यांनी पलटवार केला आहे.
मंगळवारी लातूर महापालिकेच्या महापौर, उपमहापौरपदाच्या निवडणुका होणार आहेत. या वेळी ७० पैकी ३६ जागांवर कब्जा करून शुन्यावरुन काठवरच्या बहुमतावर भाजपने हक्क मिळवला आहे. काँग्रेसने सर्वत्र झालेल्या पराभवाची परंपरा कायम ठेऊन ३३ जागेवर समाधान मानले. एका जागेवर राष्ट्रवादी काँग्रेसने विजय मिळवून घडाळ्याची टिकटिक सुरू ठेवली आहे. त्यामुळे शहरात सोशल मीडियावर अनेक तर्कविर्तकांना ऊत आलेला आहे.
काँग्रेसचे महापौरपदाचे उमेदवार विक्रांत गोजमगुंडे यांनी पक्षाचा आदेश म्हणून आम्ही निवडणूक लढवत असून कोणताही घोडेबाजार करणार नसल्याचे स्पष्ट केले. त्याही पुढे जाऊन त्यांनी जनतेने नाकारेल्या काँग्रेसच्या उमेदवाराला विलासराव देशमुख यांच्या स्वप्नातील लातूर घडविण्यासाठी नैतिकदृष्या विरोधी पक्षातील नगरसेवकांनी काँग्रेसच्या उमेदवारांना मतदान करण्याचे आवाहन केले.
भाजपचे शहराध्यक्ष शैलेश लाहोटी यांनी स्पष्ट केले की, ‘नगरसेवकांवर पूर्ण विश्वास आहे. त्यामुळे आम्हाला कोणी फुटेल याची चिंता नाही, परंतु ३६ पैकी २५ नगरसेवक नवखे असल्यामुळे पहिल्याच बैठकीला कसे सामोरे जायचे, आणि विकासासाठी नियमाचा, कायद्याचा कसा वापर करायचा याचे प्रशिक्षण घेण्यासाठी पक्षाच्यावतीने रामभाऊ म्हाळगी प्रबोधीनीत प्रशिक्षण शिबिर आयोजित केले आहे. त्यामुळे सर्व नगरसेवक एकत्र बाहेर आहेत.’

...तर राजकीय आत्महत्या ठरेल
दोन्ही पक्षांनी कोणताही नगरसेवक पक्षांतर करणार नाही, याची पूर्ण तजवीज केली असून नियमाप्रमाणे महसूल आयुक्ताकडे गट नोंदणी करून घेतली आहे. व्हीप ही काढला जाणारच आहे, त्यामुळे ज्याला कोणाला राजकीय आत्महत्या करायची असेल तोच या क्षणी पक्षादेश डावलून मतदान करेल, असे मत पालिकेतील अधिकाऱ्यांनी स्पष्ट केले.

मोबाइल अॅप डाउनलोड करा आणि राहा अपडेट

‘नवो‌दित कलाकारांना प्रेरणा मिळते’

May 20, 2017, 2:43 pm

≫ Next: विहामांडव्यात फोडली पाच कृषी दुकाने

≪ Previous: भाजप नगरसेवकांची ‘स्टडी टूर’

$

0

0

म. टा. प्रतिनिधी, नांदेड
सप्तरंगसारख्या सांगितीक व सांस्कृतिक महोत्सवातून अनेक नवोदीत कलाकारांना प्रेरणा मिळते हे महोत्सवाचे वैशिष्ट्य आहे, अशा शब्दांत ज्येष्ठ रंगकर्मी आणि अखिल भारतीय नाट्य परिषदेचे अध्यक्ष मोहन जोशी यांनी सप्तरंग महोत्सवाचे कौतुक केले.
सप्तरंग सेवाभावी संस्था, नांदेड वाघाळा शहर महानगरपालिका व निफा (नॅशनल इंटिग्रेटेड फोरम ऑफ आर्टिस्ट अ‍ॅड अ‍ॅक्टीविस्ट) यांच्या संयुक्त विद्यमाने आयोजित सप्तरंग सांस्कृतिक व संगीत महोत्सवात उद्घाटनप्रसंगी ते बोलत होते. यावेळी महापौर शैलजा स्वामी, माजी सभापती किशोर स्वामी, निफाचे अध्यक्ष प्रितपालसिंग पन्नु, माजी आमदार ओमप्रकाश पोकर्णा, महोत्सवाचे संयोजक भरत जेठवाणी व्यासपीठावर उपस्थित होते.
मोहन जोशी म्हणाले, ‘सप्तरंगचे संयोजक डॉ. भरत जेठवाणी यांनी असा महोत्सव धर्तीवर जो महोत्सव आयोजित केला तो महोत्सव नांदेड गोदाकाठी घेण्याचा मानस व्यक्त केला त्यास मी अनुकुल आहे. नांदेडला गोदाकाठी सप्तरंग महोत्सव आयोजित करण्यात आला तर त्यास आवश्यक ते सर्व सहकार्य करण्यास मी तयार आहे.’
महापौर शैलजा स्वामी म्हणाल्या, ‘नांदेड वाघाळा महापालिका या महोत्सवाच्या संयोजनात सहभाग घेता आला ही आमच्यासाठी अभिमानाची बाब आहे. यापुढे ही अशा कार्यक्रमांना आमचे सहकार्य राहिल.’
उद्घाटन सत्रानंतर भजन, सुगम संगीताच्या स्पर्धा झाल्या. या स्पर्धेत शंभर स्पर्धकांनी भाग घेतला. सायंकाळी दुबईच्या प्रिती तंबोतला यांनी कुचीपुडी नृत्य सादर करुन प्रेक्षकांची मने जिंकली. मुंबईच्या कश्मीरा त्रिवेदी यांनी भारत नाट्यम, चेन्नईचे विनोदकुमार यांनी शास्त्रीय संगीत, भारुडकार निरंजन नाकरे यांनी लोककला सादर केले. नागपूरचे गौरव चाटी यांनी बहारदार कव्वालीने प्रेक्षकांना ठेका धरायला लावला. सायंकाळी पारितोषिक वितरण झाले. २१ रोजी सकाळी ९.३० ते सायंकाळी ६.३० वाजेपर्यंत लोकसंगीत व लावणी स्पर्धा होतील. याशिवाय महोत्सवाचा पारितोषिक वितरण समारंभही सायंकाळी होणार असल्याचे संयोजकांनी सांगितले.

मोबाइल अॅप डाउनलोड करा आणि राहा अपडेट

विहामांडव्यात फोडली पाच कृषी दुकाने

May 21, 2017, 2:30 pm

≫ Next: आदिवासी विद्यार्थ्यांना आता रोख मदत

≪ Previous: ‘नवो‌दित कलाकारांना प्रेरणा मिळते’

$

0

0

विहामांडव्यात फोडली पाच कृषी दुकाने
म. टा. प्रतिनिधी, पैठण
तालुक्यातील विहामांडवा येथे चोरट्यांनी एकाच रात्रीतून पाच दुकाने फोडून जवळपास ५० हजारांचा ऐवज चोरून नेला. वारंवार होणाऱ्या चोरीच्या घटनांमुळे गावकऱ्यांमध्ये भितीचे वातावरण आहे.
विहामांडवा येथील कृषी उत्पन्न बाजार समिती दुय्यम मार्कट यार्डमध्ये शुक्रवारी रात्री दोन ते पहाटे चारच्या दरम्यान चोरी झाली. दीपक कृषी सेवा केद्र अँड ट्रेडिंग कंपनी, प्रसाद ट्रेडिंग कंपनी, माऊली ट्रेडिंग कंपनी, राघव ट्रेडिंग कंपनी, अमित ट्रेडिंग कंपनी या पाच दुकानांचे शटर उचकटून व कुलपे तोडुन चोरी करण्यात आली. या घटनेत दीपक कृषी सेवाचे १८ हजार, प्रसाद कंपनीचे चार हजार, माऊली कंपनीचे पाच हजार, राघव कंपनीचे सहा हजार, अमित कंपनीत सात हजार, अशी एकूण ५० हजार रुपयांची चोरी झाल्याचे व्यापाऱ्यांनी सांगितले. गेल्या वर्षभरात शटर उचकटून चोरी झाल्याची ही पाचवी घटना आहे. एकाच प्रकारे व वारंवार होणाऱ्या चोरीच्या घटनांमुळे गावकऱ्यांमध्ये भितीचे वातावरण पसरले आहे. या घटनेप्रकरणी पाचोड पोलिस ठाण्यात अज्ञात चोरट्याविरोधात गुन्हा दाखल करण्यात आला आहे. सहायक पोलिस निरीक्षक महेश अंधाळे यांच्या मार्गदर्शनाखाली संजय मदने, टी. बी. गोपाघरे हे पुढील तपास करीत आहेत.

मोबाइल अॅप डाउनलोड करा आणि राहा अपडेट

आदिवासी विद्यार्थ्यांना आता रोख मदत

May 21, 2017, 2:30 pm

≫ Next: दोन दुचाकींची धडक; एक ठार, दोन जखमी

≪ Previous: विहामांडव्यात फोडली पाच कृषी दुकाने

$

0

0

म. टा. प्रतिनिधी, औरंगाबाद
आदिवासी विकास विभागाच्या आश्रम शाळेतील विद्यार्थ्यांना स्टेशनरीसह इतर साहित्य खरेदी करण्यासाठी रोख रक्कम आता विद्यार्थ्यांच्या खात्यात जमा करण्यात येणार आहे. विद्यार्थ्यांना साबण, तेल, सौंदर्यप्रसाधने, गणवेश आदी साहित्य शासनामार्फत खरेदी करून पुरवले जात होते. आता या साहित्याचेही पैसे थेट खात्यात जमा करण्यात येणार आहेत.
आदिवासी आश्रमशाळांतील विद्यार्थ्यांना शैक्षणिक साहित्य, स्टेशनरी व दैनंदिन गरजेचे अन्य साहित्य सरकारकडून पुरविण्यात येत होते. यापुढे या साहित्याऐवजी विद्यार्थ्यांच्या बँक खात्यांवर थेट रक्कम जमा करण्यात येणार आहे. संपूर्ण राज्यात राजूर, पेण, कळमनुरी व चिमूर या प्रकल्पात १०० टक्के व इतर प्रकल्पातील किमान दोन आश्रमशाळेवर ही योजना प्रायोगिक तत्वावर राबवण्यात येणार आहे. औरंगाबाद एकात्मिक आदिवसावी विकास प्रकल्पांतर्गत औरंगाबाद, बीड जिल्ह्यांत ६० आश्रमशाळा कार्यरत अाहेत. औरंगाबाद जिल्ह्यातील वडणेर (ता. कन्नड) येथील शसकीय माध्यमिक आश्रमशाळा व बीड जिल्ह्यातील थेटेगव्हाण (ता. धारूर) येथील शासकीय आश्रमशाळा यांची या योजनेसाठी निवड करण्यात आली आहे. या आश्रमशाळांत प्रायोगिक तत्वावर योजना राबविण्यात येणार असल्याचे एकात्मिक आदिवासी विकास प्रकल्पाधिकारी गजानन फुंडे यांनी सांगितले. स्वयंनिर्णयाच्या दिशेने सरकारने एक पाऊल उचलले आहे. आदिवासी प्रवर्गातील नागरिकांनी त्याचा लाभ घ्यावा, असे आवाहनही त्यांनी केले.
या योजनेविषयी आदिवासी विकास प्रकल्प कार्यालयाने प्रचाराचे काम सुरू केले आहे. त्यासाठी पालक, शालेय समिती यांच्या बैठका घेण्यात येत आहेत. पालकांनी बँकात खाते सुरू करणे, बँकेतून पैसे काढून चांगल्या दर्जाच्या वस्तूंची खरेदी करणे याबाबत मार्गदर्शन करण्यात येत आहे. या कामात प्रकल्पाधिकारी फुंडे यांच्यासह सहायक प्रकल्पाधिकारी व्ही. एच. बैलम, विस्तार अधिकारी वाय. एन. पंदीलवाड, संतोष आहेर, शैलेंद्र भोपे, अश्विनी गवळी यांच्यासह शिक्षक मदत करीत आहेत.

थेट अर्थसाह्याच्या उद्देश
आश्रमशाळांतील आदिवासी विद्यार्थ्यांसाठी सरकारी पातळीवर साहित्य, स्टेशनरी, दैनंदिन वापराच्या वस्तू यांची खरेदी केली जात होती. केंद्रीय खरेदी प्रक्रियेतील गैरप्रकार होत असल्याच्या तक्रारी होत्या. त्याचबरोबर या प्रक्रियेत वेळ वाया जात होता. आदिवासी पालकांना साहित्य खरेदीचा अनुभव यावा आणि त्यातून त्यांचा मनात अात्मविश्वास निर्माण व्हावा. शिक्षणाविषयी जागरुगता निर्माण व्हावी म्हणून विद्यार्थ्यांच्या बँक खात्यांत थेट रक्कम जमा करण्याचा निर्णय सरकारने घेतला आहे.

विद्यार्थ्यांना अर्थसाह्य
- पहिली ते चौथी ः ७५००
- पाचवी ते नववी ः ८५००
- दहावी ते बारावी ः ९५००
(अर्थसाह्य रुपयांत)

मोबाइल अॅप डाउनलोड करा आणि राहा अपडेट

दोन दुचाकींची धडक; एक ठार, दोन जखमी

May 21, 2017, 2:30 pm

≫ Next: पोलिस भरती घोटाळा; पथक ठाण्याकडे रवाना

≪ Previous: आदिवासी विद्यार्थ्यांना आता रोख मदत

$

0

0

म. टा. प्रतिनिधी, खुलताबाद
राष्ट्रीय महामार्गावर तालुक्यातील गल्लेबोरगाव येथे रविवारी सकाळी साडे अकरा वाजता दोन मोटरसायकलची समोरासमोर धडक झाली. या अपघातात एक जण ठार झाला तर दोन जण गंभीर जखमी झाले.
बिबखेडा (ता. कन्नड) येथील हरी रूपचंद पवार (वय ४०) व संतोष गहनाजी ताठे हे दोघे औरंगाबाद येथे नातेवाईकास हॉस्पिटलमध्ये भेटण्यासाठी दुचाकीवरून (एम एच २० डी आर ५३२७) जात होते. त्यावेळी गल्लेबोरगावकडून कन्नडकडे रावसाहेब देवराव खरात (रा. लव्हाळी-टाकळी ता. कन्नड) हे दुचाकावरून (एम एच १५ सी ए ९५४१) जात होते. या दोन मोटारसायकलची धडक झाली. या धडकेत हरी रूपचंद पवार हे जागीच ठार झाले, तर संतोष ताठे व रावसाहेब खरात हे दोघे गंभीर जखमी झाले. अपघाताची माहिती मिळाल्यानंतर महामार्ग पोलिस निरीक्षक नामदेव चव्हाण यांनी घटनास्थळी धाव घेऊन वाहतूक सुरळीत केली. यावेळी गल्लेबोरगाव येथील ग्रामपंचायत सदस्य विशाल खोसरे, अनिल देव्हारे, देविदास भागवत, सचिन भोजने, नंदू बुखार, राजू उगले, मनोज खोसरे, शाम उगले, महामार्ग पोलिस पवार, राजेंद्र पाटील यांनी दोन्ही जखमींना तातडीने गल्लेबोरगाव येथील सह्याद्री हॉस्पिटलमध्ये दाखल केले.

मोबाइल अॅप डाउनलोड करा आणि राहा अपडेट

पोलिस भरती घोटाळा; पथक ठाण्याकडे रवाना

May 21, 2017, 2:30 pm

≫ Next: तिन्ही वीज कंपन्यांतील कंत्राटी कामगार संपावर

≪ Previous: दोन दुचाकींची धडक; एक ठार, दोन जखमी

$

0

0

म. टा. प्रतिनिधी, औरंगाबाद
ठाणे येथे नुकत्याच झालेल्या भरतीमध्ये उतीर्ण झालेल्या दोन उमेदवारांनी बनवेगिरी केल्याचे समोर आले आहे. मैदानी चाचणी व लेखी परीक्षेसाठी या दोघांनी चार डमी उमेदवारांचा वापर केला. हा प्रकार उघड झाल्यानंतर ग्रामीण गुन्हे शाखेने पाच जणांना अटक केली. या प्रकरणात अधिक तपास करण्यासाठी पोलिस अधीक्षक कार्यालयाचे पथक ठाण्याला रवाना झाले आहे.
अनिल बबनराव डोईफोडे (वय २४, रा. भालगाव ता. औरंगाबाद) याने पोलिस ठाण्यात दिलेल्या तक्रारीनंतर हा प्रकार उघडकीस आला होता. पोलिसांनी दिलेल्या म‌ाहितीनुसार दोन महिन्यांपूर्वी ठाणे येथे झालेल्या पोलिस भरतीत तेजराव बाजीराव साबळे (रा. काद्राबाद) व भारत राजेंद्र रुपेकर (रा. नानेगाव ता. पैठण) यांची निवड झाली होती. या दोघांनी परीक्षेत बनवेगिरी केल्याचे समोर आले आहे. त्यांच्या जागी झनक चैनसिंग चरांडे व वाहब नवाब शेख (दोघे रा. काद्राबाद, ता. औरंगाबाद) यांनी मैदानी चाचणी दिली. राजू भीमराव नागरे (रा. काद्राबाद) व दत्ता कडुबा नलावडे (रा. भालगाव) यांनी साबळे व रुपेकरच्या जागेवर पेपर सोडवले होते. डोईफोडे याला धमक्या येत होते. तरीही तो आतापर्यंत शांत होता. मात्र धमक्याचा अतिरेक वाढल्यानंतर डोईफोडे याने बुधवारी चिकलठाणा पोलिस ठाणे गाठून तक्रार दिली. पोलिस अधीक्षक डॉ. आरती सिंह यांनी तातडीने पथक नेमून आरोपी तेजराव साबळे, झनक चरांडे, वाहब नवाब शेख, राजू भीमराव नागरे, दत्ता नलावडे यांना अटक केली आहे. या प्रकरणात भारत रुपेकर हा पसार झाला आहे.
या प्रकरणात अधिक तपास करण्यासाठी ग्रामीण अधीक्षक कार्यालयातील पथक मुंबई, ठाण्याकडे रवाना झाले आहे. या प्रकरणात या भरतीसाठी पोलिस दलातील काही कर्मचाऱ्यांनी मदत केली किंवा नाही, याचाही शोध पथकाकडून घेतला जाणार आहे. शिवाय मैदानी चाचणी आणि लेखी चाचणीत उमेदवारांनी नोंदविलेली उपस्थितीत तपासणी जाणार असल्याची माहिती ग्रामीण अधीक्षक पोलिस कार्यालयातून देण्यात आली.

मोबाइल अॅप डाउनलोड करा आणि राहा अपडेट

---

तिन्ही वीज कंपन्यांतील कंत्राटी कामगार संपावर

May 21, 2017, 2:30 pm

≫ Next: विजेतील खंडामुळे पाणीपुरवठा विस्कळीत

≪ Previous: पोलिस भरती घोटाळा; पथक ठाण्याकडे रवाना

$

0

0

औरंगाबाद : राज्यातील तिन्ही वीज कंपन्यांमध्ये कार्यरत असलेल्या सुमारे ३२ हजार कंत्राटी वीज कामगारांनी २२ मेपासून काम बंद आंदोलन करण्याचा निर्णय घेतला आहे. या आंदोलनात महावितरण, महानिर्मिती व महापारेषणमधील कामगारांचा समावेश आहे, अशी माहिती महाराष्ट्र वीज कंत्राटी कामगार संघटना संघटनमंत्री नीलेश खरात यांनी ‘मटा’शी बोलताना दिली.
या सर्व कंत्राटी कामगारांना सेवा ज्येष्ठतेनुसार नोकरीत सामावून घ्या, सर्वोच्च न्यायालयाच्या निवाड्यानुसार समान काम समान वेतनाच्या धोरणाची अंमलबजावणी करा, ज्येष्ठता यादी तयार करून कामगार योजना लागू करा आदी मागण्यांसाठी बेमुदत कामबंद आंदोलन करण्याचा निर्णय घेण्यात आला आहे. या आंदोलनात महाराष्ट्र स्टेट इलेक्ट्रिसिटी वर्कर्स फेडरेशन, महाराष्ट्र वीज कामगार महासंघ, इंटक, महाराष्ट्र राज्य वीज तांत्रिक कामगार संघटन यांचे सदस्य सहभागी होणार आहेत. या प्रश्नांचा गेल्या चार वर्षांपासून कामगार संघटनेतर्फे पाठपुरावा करण्यात येत आहे. आतापर्यंत शासनातर्फे आश्वासनाशिवाय काहीच मिळाले नसल्याचा आरोपही फेडरेशनने केला.

आज द्वारसभा
महाराष्ट्रातील वीज कंत्राटी कामगारांचा प्रश्न सोडवा या मागणीसाठी औरंगाबाद जालना परिमंडळाच्या मुख्यालयावर सोमवारी (२२ मे) दुपारी द्वारसभा घेण्यात येणार आहे. याशिवाय जालना येथील वीज तांत्रिक कामगार जालना विभागात द्वारसभा घेणार आहे.

मोबाइल अॅप डाउनलोड करा आणि राहा अपडेट

विजेतील खंडामुळे पाणीपुरवठा विस्कळीत

May 21, 2017, 2:30 pm

≫ Next: नाणी न घेणाऱ्यांवर गुन्हे दाखल करा

≪ Previous: तिन्ही वीज कंपन्यांतील कंत्राटी कामगार संपावर

$

0

0

म. टा. प्रतिनिधी, औरंगाबाद,
वीजपुरवठ्यातील खंडाचा फटका शहरातील पाणीपुरवठ्याला बसला आहे. रविवारी सकाळी दोन वेळा वीज खंडित झाल्यामुळे दिवसभर पाणीपुरवठा विस्कळीत झाला. त्याचबरोबर सोमवारीही शहरातील पाणीपुरवठा विस्कळीतच राहणार आहे.
महापालिकेच्या शनिवारी झालेल्या सर्वसाधारण सभेत पाणीपुरवठ्याचा मुद्या चांगला. परिस्थिती अशीच राहिली तर पुन्हा विशेष सभा बोलावण्यात येईल, असा इशाराही महापौरांनी दिला. त्यानंतर महापौरांच्या दालनात पाणीपुरवठा विभागाच्या अधिकाऱ्यांची बैठक झाली. पाणीपुरवठा सुरळीत करण्यासाठी महापौरांनी पाणीपुरवठा विभागप्रमुख सरताजसिंग चाहेल यांना शेवटची संधी दिली होती. त्यानंतर दुसऱ्याच दिवशी, रविवारी सकाळी जायकवाडी येथील पाणी योजनेचा वीजपुरवठा सकाळी ५.५५ ते ६.४० आणि १२.१० ते १२.५५ असा दोन वेळा प्रत्येकी ४५ मिनिटांसाठी खंडित झाला. यामुळे पाणीपुरवठा यंत्रणा तब्बल चार तास बंद ठेवावी लागली.
त्याचा परिणाम शहराला करण्यात येणाऱ्या पाणीपुरवठ्यावर झाला. मिळालेल्या माहितीनुसार शहराला पाणीपुरवठा करणाऱ्या ७०० मिमी आणि १४०० मिमी व्यासाच्या दोन्ही वाहिन्यांचा बंद होत्या. त्यामुळे संपूर्ण शहराच्या बहुतांश भागांत पाणी आले नाही. त्याचबरोबर सोमवारीही पाणीपुरवठ्यावर परिणाम होणार आहे.

या भागांना फटका
जुन्या शहरातील शहागंज, बुढीलेन, कबाडीपुरा, भावसिंगपुरा, पहाडसिंगपुरा, बेगमपुरा, गणेश कॉलनी, किलेअर्क परिसर, जटवाडा रोड परिसर त्याशिवाय सिडकोतील मयुरपार्क, एन-११, टी.व्ही. सेंटर परिसर, आंबेडकरनगर, एन-५, एन-६, एन-७, एन-८, चिकलठाणा, मुकुंदवाडी, रामनगर या भागांत पाणीपुरवठा विस्कळीत असेल.

मोबाइल अॅप डाउनलोड करा आणि राहा अपडेट

नाणी न घेणाऱ्यांवर गुन्हे दाखल करा

May 21, 2017, 2:30 pm

≫ Next: ‘नांमका’चे पाणी वैजापुरात दाखल

≪ Previous: विजेतील खंडामुळे पाणीपुरवठा विस्कळीत

$

0

0

म. टा. प्रतिनिधी, पैठण
दहा रुपयांची नाणी बंद झाल्याची अफवा पसरवून व्यापारी व काही पतसंस्था ते स्वीकारण्यास नकार देत आहेत. या व्यापाऱ्यांवर कायदेशीर कारवाई करावी, अशी मागणी अखील भारतीय ग्राहक पंचायतीने केली आहे.
चलनातून रद्द झाल्याचे कारण सांगून शहरातील बहुतांश व्यापारी, रिक्षाचालक, काही पतसंस्थाचालक दहा रुपयांची नाणी घेण्यास नकार देत आहेत. परिणामी, सामान्य नागरिकांना त्रास सहन करावा लागत आहे. याविषयी अखिल भारतीय ग्राहक पंचायतच्या पैठण शाखेतर्फे तहसील कार्यालयास निवेदन देण्यात आले आहे. भारतीय चलन म्हणून ५० पैसे, एक, दोन, पाच व दहा रुपयांची नाणी अधिकृत आहेत. संपूर्ण देशात याद्वारे व्यवहार केले जातात. ही नाणी बँक, एसटी, पोस्ट ऑफिस, हॉटेल, ठोक आणि किरकोळ व्यापारी, भाजी विक्रेते, औषधी, रिक्षा आदी व्यवहाराता ग्राहकांकडून स्वीकारणे आवश्‍यक आहे. मात्र काही जण अफवा पसरून नाणी स्वीकारणे बंद करीत आहेत. निवेदनावर अखिल भारतीय ग्राहक पंचायतीचे जिल्हा सचिव नानक वेदी, तालुकाध्यक्ष राम आहुजा, तालुका संघटक विष्णु ढवळे, राजन सातघरे, सुरेश शिंदे, गणेश जुंजे, राजेंद्र बडसल, ईश्वर मोरे, भाऊसाहेब पठाडे, विष्णू सोनार, घनश्याम शेळके, अमोल धस, संदीप लखमले, योगेश राठी यांनी सह्या केल्या आहेत.

तीन वर्षे कारावास

भारतीय चलन नाणी अथवा नोटा नाकारणे हे भादंवि १२४(अ) नुसार देशद्रोहाचा गुन्हा ठरतो. हा अजामीनपात्र गुन्हा असून तीन वर्ष सक्तमजुरीची शिक्षा होऊ शकते. या विषयाचे गांभीर्य लक्षात घेता चलन नाकारू नये. या कायद्यानुसार जनजागरण व कारवाई करावी, अशी मागणी आहे.

मोबाइल अॅप डाउनलोड करा आणि राहा अपडेट

‘नांमका’चे पाणी वैजापुरात दाखल

May 21, 2017, 2:30 pm

≫ Next: पोलिसांशी हुज्जत; डीजे हिसकावला

≪ Previous: नाणी न घेणाऱ्यांवर गुन्हे दाखल करा

$

0

0

म. टा. प्रतिनिधी, वैजापूर
वैजापूर व गंगापूर तालुक्यांसाठी नांदूर-मधमेश्वर जलदगती कालव्यातून सोडण्यात आलेले पिण्याचे पाणी शनिवारी तालुक्याच्या हद्दीत दाखल झाले. कालव्यातून पाण्याचे आवर्तन सुटल्याने लाभक्षेत्रातील शेतकऱ्यांनी जल्लोष केला. बाजार समितीचे माजी संचालक ज्ञानेश्वर पाटील जगताप यांच्या हस्ते भग्गाव येथे जलपूजन करण्यात आले.
नांदूर-मधमेश्वर जलदगती कालव्यातून पाणी सोडण्यास नाशिक पाटबंधारे विभागाने नकार दिल्यानंतर लाभक्षेत्रातील शेतकऱ्यांक्षध्ये संतापाची लाट उसळली होती. या शेतकऱ्यांनी बाजार समितीचे माजी संचालक जगताप यांच्या नेतृत्वाखाली तहसील कार्यालयाच्या प्रांगणात फाशी घेण्याचा प्रयत्न केला होता. या आंदोलनामुळे खडबडून जागे झालेल्या शासनाने मुंबई येथे जलसंपदा राज्यमंत्री विजय शिवतारे यांच्या प्रमुख उपस्थित झालेल्या पाटबंधारे विभागाच्या अधिकाऱ्यांच्या बैठकीत कालव्यातून पाणी सोडण्याचा निर्णय घेतला. त्यानुसार १८मे रोजी कालव्यातून पाणी सोडण्यात आले. हे पाणी शनिवारी वैजापूर तालुक्याच्या हद्दीत दाखल झाल्यानंतर शेतकऱ्यांनी मोठ्या उत्साहात जलपूजन केले. याप्रसंगी वसंतराव रक्ताटे, प्रल्हाद पोटे, अशोक सोमवंशी, संतोष सोमवंशी, गणेश पोटे, शरद सोमवंशी, शेषराव सोमवंशी, सुधीर थोरात, अशोक थोरात, रामनाथ ठोंबरे, संपतराव रक्ताटे, नाना वाळुंज, महेश भालेराव, संतोष तागड, बाबासाहेब लांडे आदींसह शेतकऱ्यांची उपस्थिती होती.

मोबाइल अॅप डाउनलोड करा आणि राहा अपडेट

पोलिसांशी हुज्जत; डीजे हिसकावला

May 21, 2017, 2:30 pm

≫ Next: वैयक्तिक योजनांवरच रोहयोतून कामे

≪ Previous: ‘नांमका’चे पाणी वैजापुरात दाखल

$

0

0

म. टा. प्रतिनिधी, औरंगाबाद
पोलिसांनी जप्त केलेला डीजे हिसकावून घेत सरकारी कामात अडथळा निर्माण करणाऱ्या दोघांना १५ हजारांच्या जात मुचलक्यावर जामीन मंजूर करण्याचे आदेश प्रथम वर्ग न्यायदंडाधिकारी ए. एस. कांबळे यांनी रविवारी दिले. या प्रकरणी उस्मानपुरा पोलिस ठाण्याचे शिपाई राजू सुरासे यांनी फिर्याद दिली होती.
फिर्यादीनुसार, फिर्यादी व सहकारी शनिवारी रात्री गस्त घालत होते. त्यावेळी त्यांना एकनाथनगर परिसरात हळदीच्या कार्यक्रमात डीजे सुरू असून तो बंद करण्याची सूचना पोलिस ठाण्यातून देण्यात आली. आदेशानुसार फिर्यादी व सहकाऱ्यांनी डीजे बंद करण्यास सांगितले; परंतु आम्ही डीजे बंद करणार नाही, काय करायचे ते करून घ्या, असे म्हणत तरुणांनी त्यांना विरोध केला. त्यामुळे पोलिसांनी डीजे जप्त केला. त्यानंतरही विजय जगन्नाथ घासे (वय ३६, रा. कासनिक चौक, नगर) व कैलास कन्हैयालाल निंभोरे (वय ४७, रा. पडेगाव औरंगाबाद) यांनी जप्त केलेला डीजे हिसकावून घेत पोलिसांशी हुज्जत घालत त्यांना शिविगाळ करून बघून घेण्याची धमकी दिली. यात फिर्यादीच्या तोंडाला मार लागला. याप्रकरणी दोघा आरोपींच्या विरोधात उस्मानपुरा पोलिस ठाण्यात सरकारी कामात अडथळा निर्माण केल्याचा गुन्हा दाखल करण्यात आला. दोघा आरोपींना अटक करून रविवारी कोर्टात हजर केले असता, कोर्टाने त्यांना १५ हजारांच्या जातमुचलक्यावर जामीन मंजूर केला. सहायक सरकारी वकील आशिष दळे यांनी सरकार पक्षाची बाजू मांडली.

मोबाइल अॅप डाउनलोड करा आणि राहा अपडेट

वैयक्तिक योजनांवरच रोहयोतून कामे

May 21, 2017, 2:30 pm

≫ Next: रस्ता आश्वासनास पुन्हा एकदा हरताळ

≪ Previous: पोलिसांशी हुज्जत; डीजे हिसकावला

$

0

0

म. टा. प्रतिनिधी, सिल्लोड
मागेल त्याला गावात शंभर दिवस कामाची हमी असलेल्या राष्ट्रीय रोजगार हमी योजनेची कामे तालुक्यातील फक्त ४३ गावांत सुरू आहेत. आजही ८५ गावांत ही योजना सुरू नसल्याचे चित्र आहे. ही योजना बहुतांशी वैयक्तिक लाभाच्या कामावरच सुरू आहे. यावरून योजनेतून तालुक्यात कामे होत नसल्याचे दिसत आहे.
सध्या उन्हाळ्याचे दिवस असून शेत शिवारातील कामे संपली आहेत. एप्रिलपासून मजुरांना शेतीत काम नसल्यामुळे प्रत्येक गावात सार्वजनिक कामे सुरू करण्याची गरज आसतांना आता मे महिन्यात या योजनेने थोडी फार घेतल्याचे मजुरांच्या उपस्थिती वरून दिसून येत आहे. मागच्या महिन्यात या योजनेवर रोज हजाराच्या आत उपस्थिती होती. ती आता या महिन्यात काही प्रमाणात वाढलेली दिसत आहे. विभागीय आयुक्त डॉ. पुरुषोत्तम भापकर यांनी रोजगार हमी योजनेच्या कामावर विशेष लक्ष देऊन ती गतिमान करण्याचे निर्देश दिले आहेत. त्यानंतर तालुक्यात या महिन्यात मजुरांची उपस्थिती वाढून काही प्रमाणात कामे सुरू करण्यात आली. आठवड्याला एकूण २०७ कामावर ११ हजार ५१९ मजूर काम करीत आहे. या योजनेत ४३ गावात एकूण २०७ कामे सुरू आहेत. यामध्ये जास्त प्रमाणात वैयक्तिक सिंचन विहिरीची १८२ कामे सुरू असून आठवड्यात ८ हजार ५६२ मजूर काम करीत आहेत. सार्वजनिक विहिरीचे एकच काम सुरू आहे. त्यावर या आठवड्यात ५४ मजूर आहेत. घरकुलाची १२ कामे सुरू असून त्यावर २४० मजूर काम करीत आहेत. पेव्हर ब्लॉकचे एक काम सुरू असून ७५ मजूर आहेत. गाळ काढण्याची दोन कामे ४२८ मजूर करीत आहेत. पाच रस्त्यांच्या कामावर दोन हजार ८० मजूर काम करीत आहेत. शेळी पालन शेडच्या चार कामांवर ८० मजूर राबत आहेत. याप्रकारे ४३ ग्रामपंचायतीच्या २०७ कामांवर आठवड्याला ११ हजार ५१९ म्हणजे दिवसाला १६४५ मजुरांना काम मिळत आहे. लोकप्रतिनिधी, अधिकारी व कर्मचाऱ्यांच्या उदासीनतेमुळे या योजनेने तालुक्यात म्हणावे त्या प्रमाणात गती घेतली नसल्याचे दिसत आहे.

मोबाइल अॅप डाउनलोड करा आणि राहा अपडेट

रस्ता आश्वासनास पुन्हा एकदा हरताळ

May 21, 2017, 2:30 pm

≫ Next: नोटा चलनात येण्यापूर्वीच उधळला डाव

≪ Previous: वैयक्तिक योजनांवरच रोहयोतून कामे

$

0

0

म. टा. प्रतिनिधी, कन्नड
तालुक्यातील माळेगाव (लोखंडी) येथील गावकऱ्यांना एक मे पूर्वी रस्ता तयार करून देण्याचे आश्वासन हवेत विरले. रस्त्याच्या मागणीसाठी गावकऱ्यांनी २६ जानेवारी रोजी आत्मदहन करण्याचा इशारा दिली होता. त्यापूर्वी २५ जानेवारी रोजी तहसीलदार व गटविकास अधिकाऱ्यांनी गावाला भेट देऊन हे आश्वासन दिले होते. त्यामुळे गावकऱ्यांनी आत्मदहन आंदोलन मागे घेतले. पण, वायद्यानुसार एक मे पूर्वी रस्ता तयार झालेला नाही.
कन्नड तालुक्यातील माळेगाव लोखंडी हे गाव डोंगरात वसलेले आहे. या गावाला स्वातंत्र्यानंतर पक्का रस्ता मिळालेला नाही. गावाला जाणारा रस्ता अत्यंत ओबडधाबड असल्याने बैलगाडीशिवाय इतर वाहन चालणे मुश्किल आहे. या गावाला जाण्यासाठी भारंबा तांडा येथून चार किलोमीटरचा कच्चा रस्ता असून मेहेगाव येथून डोंगर चढून जावे लागते. या गावात रस्ता नसल्याने येथे अद्याप एकही लग्न लागलेले नाही. सर्व लग्न नातेवाईकांकडेच करावी लागतात. गावात चौथीपर्यंत दोन शिक्षकी शाळा असून शिक्षकांना पायपीट करावी लागते. या गावातील महिलांना रस्त्याभावी आरोग्य सुविधांना मुकावे लागते. विशेषतः गर्भवती महिलांना फार त्रास होतो.
यापूर्वी ग्रामस्थांनी निवडणुकीत मतदानावर बहिष्काराचे अस्त्र वापरून पाहिले, पण उपयोग झाला नाही. ३ मार्च २०१६ रोजी कन्नड तहसील कार्यालयाच्या आवारात झालेल्या पालकमंत्री रामदास कदम यांच्या जनता दरबारातही हा प्रश्न गाजला होता. त्यावेळी जिल्हाधिकारी निधी पांडेय यांच्या उपस्थितीत एक महिन्याच्या आत रस्त्याचा प्रश्न निकाली काढण्याचे आश्वासन दिले होते. कन्नडचे तत्कालीन तहसीलदार महेश सुधळकर यांनी चार किलोमीटर पायपीट करून रस्त्याची पाहणी केली होती, वन विभागाकडून ना हरकत प्राप्त झाले आहे.
पण, रस्ता न झाल्याने ग्रामस्थांनी २६ जानेवारी रोजी उपविभागीय कार्यालयासमोर आत्मदहनाचा इशारा दिला होता. त्यामुळे २५ जानेवारी रोजी कन्नडचे तहसीलदार विनोद गुंडमवार व पंचायत समितीचे गटविकास अधिकारी विजय परदेशी यांनी माळेगाव (लोखंडी) गावास दुचाकी व पायी जावून पाहणी केली. त्यांनी यावेळी १ मे पूर्वी माळेगाव लोखंडी गावासाठी प्रधानमंत्री ग्राम सडक योजनेतून भारंबा तांडा ते माळेगाव लोखंडी रस्ता पूर्ण करण्यात येईल, असे आश्वासन देऊन आत्मदहन करण्यापासून परावृत्त केले होते. परंतु, मे महिना अर्ध्याहून अधिक संपला तरी प्रशासनाकडून देण्यात आलेल्या आश्वासनाची पूर्तता झाली नाही.

माळेगाव (लोखंडी) गावाच्या रस्त्यासाठीची जुनी मागणी आहे. राजकीय पुढारी व प्रशासनाकडून वेळकाढूपणा केला जात आहे. त्यांच्यामुळेच हा प्रश्न रेंगाळला आहे. असेच होत राहिले, तर दिवसांत या गावातून लोक निघून जातील व गावचे अस्तित्व नष्ट होईल.
-सुभद्राबाई वेताळ, सरपंच

मोबाइल अॅप डाउनलोड करा आणि राहा अपडेट

---

नोटा चलनात येण्यापूर्वीच उधळला डाव

May 21, 2017, 2:30 pm

≫ Next: बागायती अनुदान वाटपाला ब्रेक

≪ Previous: रस्ता आश्वासनास पुन्हा एकदा हरताळ

$

0

0

म. टा. प्रतिनिधी, औरंगाबाद
गुन्हेशाखेने बनावट नोटांचा छापखाना शुक्रवारी पहाटे बायजीपुरा भागात उद्‍ध्वस्त केला. पकडण्यात आलेला संशयित आरोपी माजीदखान याने तीन आठवड्यांपूर्वी हा छापखाना सुरू केला होता. मात्र या नोटा चलनात आणण्यापूर्वीच त्याचा डाव उधळण्यात गुन्हेशाखेला यश आले. दरम्यान या प्रकरणात माजीदच्या एका पसार साथीदाराचा शोध सुरू असल्याची माहिती सूत्रांनी दिली.
माजीदखान याच्यावर पूर्वीचा बनावट कागदपत्र तयार केल्याप्रकरणी गुन्हा दाखल आहे. या अनुभवाचा आधार घेत त्याने बनावट नोटा तयार करण्याचा प्रयत्न केला. याची माहिती मिळाल्यानंतर खबऱ्याने गुन्हेशाखेचे पोलिस निरीक्षक मधुकर सावंत यांच्याशी संपर्क साधला. बनावट नोटा छापण्याच्या याप्रकाराची खातरजमा करण्यासाठी खबऱ्यामार्फत माजीदखान याच्यासोबत सौदा ठरवण्यात आला. पाच हजार रुपयात दहा हजारांच्या बनावट नोटा देण्याची तयारी माजीदखानने दर्शवली. पाच हजार रुपये देऊन दहा हजार रुपयांच्या बनावट नोटा घेऊन त्या पोलिस आयुक्त यशस्वी यादव यांना त्या दाखवल्या. यानंतर माजीदखानच्या घरावर सापळा टाकण्याचे निश्चित करण्यात आले. खबऱ्यामार्फत त्याला आणखी मोठी ऑर्डर असल्याचे सांगण्यात आले. या ऑर्डरच्या मोहापायी माजीदखान नोटा तयार करण्याच्या कामात व्यस्त राहिला. त्यामुळे बनावट नोटा चलनात आणायची संधी त्याला मिळू शकली नाही. पोलिसांनी छापा मारून पाच लाखांचा साठा जप्त केला. नोटा छापण्यासाठी वापरण्यात येत असलेले संगणक, प्रिंटर, स्कॅनर आदी साहित्य जप्त केले. नोटा चलनात आणण्याची संधी मिळण्याआधीच डाव उधळण्याची माहिती विश्वसनीय सूत्रांनी दिली.

खऱ्या नोटाही हस्तगत

पोलिसांनी बनावट नोटा खरेदी करताना खबऱ्याजवळ खऱ्या नोटा दिल्या होत्या. या नोटांचे क्रमांक पोलिसांनी टिपून घेतले होते. पोलिसांनी छापा घातल्यानंतर या खऱ्या नोटासुद्धा पोलिसांनी त्याच्या घरातून हस्तगत केल्या. या खऱ्या नोटा पुरावा म्हणून उपयोगात येणार आहे.

मुळापर्यंत पोहचणार

म‌ाजीदखान हा नोटा चलनात आणल्या नसल्याचे सांगत असला तरी तपास यंत्रणेचा त्याच्यावर विश्वास नाही. या प्रकरणाच्या मुळाशी तसेच या नोटा चलनात आल्या आहेत का, नाही याचा तपास करण्यात येणार असल्याची माहिती गुन्हेशाखेच्या वतीने देण्यात आली.

मोबाइल अॅप डाउनलोड करा आणि राहा अपडेट

बागायती अनुदान वाटपाला ब्रेक

May 21, 2017, 2:30 pm

≫ Next: पोलिस चौकीमध्ये आत्महत्येचा प्रयत्न

≪ Previous: नोटा चलनात येण्यापूर्वीच उधळला डाव

$

0

0

म. टा. प्रतिनिधी, औरंगाबाद,
मराठवाड्यात २०१५मध्ये पडलेल्या दुष्काळामुळे मराठवाड्यातील साडेआठ हजार गावांमधील कापूस, फळबागा; तसेच बागायती शेतीच्या झालेल्या नुकसानाच्या भरपाईकडे सरकारने सपशेल दुर्लक्ष केले होते. एप्रिल महिन्यात शासनाने निधी दिला, मात्र अद्याप शेतकऱ्यांच्या पदरी अनुदानाचा छदामही पडला नाही.
मराठवाड्यात २०१५मध्ये पडलेल्या दुष्काळामुळे संपूर्ण खरीप पिकांसह फळबागा जळाल्या. कापूस आणि बागायती पिकांचे मोठे नुकसान झाले होते. संपूर्ण हंगामच वाया गेल्यामुळे केंद्र शासनाच्या निकषानुसार मदत देण्याचा निर्णय राज्य शासनाने घेतला होता. सुमारे साडेआठ हजार गावांमधील ४६ हजार हेक्टरवरील पिकांचे नुकसान झाल्याने शेतकऱ्यांचे आर्थिक गणित बिघडले होते. दरम्यान, शासनाकडून कापूस वगळून इतर कोरडवाहू पिकांसाठी अनुदान देण्यासाठी २ हजार ६९ कोटी २७ लाख रुपयांच्या निधीची तरतूद करण्यात आली. ही संपूर्ण रक्कम टप्प्याटप्‍प्यांने वितरित करण्यात आली, मात्र बागायती पिके, फळपिके, कापूस अनुदानापोटीचे १ हजार ८७ कोटी रुपये रखडले होते. विभागीय प्रशासनाच्या अनेक पत्रव्यवहारानंतर कापसाचे ६२० कोटी रुपये अनुदान प्राप्त झाले, मात्र त्यानंतर फळबागा आणि बागायती पिकांच्या नुकसानीचे पैसे येण्यास तब्बल दोन वर्षे लागली.
दोन महिन्यांपूर्वी बागायती पिकांचे ३२५ कोटी १६ लाख, तर फळपिकांचे १४१ कोटी ५७ लाख रुपयांचे अनुदान मराठवाड्याला प्राप्त झाले, मात्र बहुतांश जिल्ह्यांमध्ये हा पैसा अद्याप सरकारी तिजोरीतच पडून आहे. सरकारकडून दोन वर्षांनंतर अनुदान मिळाले असतानाही शेतकऱ्यांना छदामही मिळाला नाही.

बीड, औरंगाबादची पिछाडी

फळबाग व बागायती पिकांसाठी मंजूर मदतीपैकी नांदेड, हिंगोली, उस्मानाबाद, परभणी जिल्ह्यांनी ५० टक्‍क्यांपेक्षा अधिक अनुदान वाटप केले आहे. दुसरीकडे बीड, औरंगाबाद या जिल्ह्यांमध्ये १० टक्केही अनुदान वाटप झाले नसल्याचे सूत्रांनी सांगितले. अनुदान वाटपात लातूर जिल्हाही पिछाडीवर असून, तेथे केवळ २० टक्के अनुदानाचे वाटप झाले आहे.

वाटपात गैरप्रकारांची भीती?

दुष्काळी अनुदान वाटपामध्ये काही ठिकाणी मोठ्या प्रमाणावर गैरप्रकार झाले होते. जमीन नसताना अनुदान मिळणे, कोरडवाहू जमिनीवर फळबागांचे अनुदान, जमिनीच्या खरेदी-विक्री व्यवहारामध्ये खरेदीदाराचे नाव सातबाऱ्यावर न लागल्यामुळे जुन्याच शेतीमालकाला अनुदान देणे, एकाच शेतकऱ्यांच्या नावावर दोनदा अनुदान देणे असे प्रकार घडले होते. त्यामुळे औरंगाबाद जिल्ह्यात वाटप केलेल्या सर्व खात्यांची चौकशी करण्याचे आदेश दिले होते. यामध्ये तब्बल १ कोटी ४२ कोटी रुपयांचा गैरव्यवहार झाल्याचे प्रशासाच्या लक्षात आले. यानंतर जास्त पैसे देण्यात आलेल्या शेतकऱ्यांकडून पैसे वसूल करणे सुरू करण्यात आले. ही प्रक्रिया अद्याप सुरूच आहे. नोंदी घेण्यातील निष्काळजीपणामुळे झालेल्या या प्रकारामुळे पोळून निघालेले प्रशासन आता फळबागा व बागायती अनुदान वाटपामध्ये गैरप्रकार होऊ नये म्हणून ताकही फुंकून पीत असल्याचे चित्र आहे.


जिल्हानिहाय भरपाई

जिल्हा............बागायती.........फळपिके..........एकूण

औरंगाबाद.........२६.२७..........४०.७५..........६७.०२

जालना.............२९.०६..........४६.४१..........७६.०१

परभणी.............४१.६७..........७.१२...........४८.७९

हिंगोली.............३७.७६..........४.०२...........४१.७८

नांदेड...............५५.५४.........३.४२...........५८.९६

बीड................३४.९३..........१९.९१..........५४.८४

लातूर...............७२.६३..........८.८८...........८१.५१

उस्मानाबाद........२६.७६..........११.०६..........३७.८२

एकूण..............३२५.१६.........१४१.५७.......४६६.७३

मोबाइल अॅप डाउनलोड करा आणि राहा अपडेट

पोलिस चौकीमध्ये आत्महत्येचा प्रयत्न

May 21, 2017, 2:30 pm

≫ Next: ‘स्मार्ट सिटीचे भूसंपादन महिन्यात करा’

≪ Previous: बागायती अनुदान वाटपाला ब्रेक

$

0

0

म. टा. प्रतिनिधी, औरंगाबाद
पोलिसांच्या रेकॉर्डवरील कुख्यात गुन्हेगाराने पुंडलिकनगर चौकीत ब्लेडने वार करून घेत आत्महत्येचा प्रयत्न केला. हा प्रकार रविवारी सकाळी साडेअकरा वाजता घडला. अरविंद सदाशिव आल्हाट उर्फ राजा (वय १९ रा. शिवशाहीनगर, मुकुंदवाडी) असे त्याचे नाव आहे. त्याला पोलिसांनी मोबाइल चोरीच्या संशयावरून ताब्यात घेतले आहे.
पुंडलिकनगर भागातून चोरीला गेलेल्या एका मोबाइल चोरीचा तपास जमादार विष्णू मुंढे करीत आहेत. हा चोरीचा मोबाइल कुख्यात राजा वापरत असल्याची माहिती पुंडलिकनगर पोलिसांना मिळाली होती. त्यावरून शोध घेऊन त्याला रविवारी सकाळी ताब्यात घेण्यात आले. त्याला चौकशीसाठी पुंडलिकनगर पोलिस चौकीत आणण्यात आले. त्याला आणल्याची नोंद पोलिस डायरीत करण्यात आली. यावेळी अरविंद उर्फ राजाने मला कशाला आणले, मी काय गुन्हा केला असे वारंवार म्हणत होता. दरम्यान मुंढे यांनी राजाला पोलिस चौकीत बसवत एका पोलिस कर्मचाऱ्याला त्याच्यावर लक्ष ठेवण्यास सांगितले. कर्मचारी कामात व्यस्त असल्याचे पाहून राजाने त्याच्याजवळ असलेल्या धारदार ब्लेडने स्वतःच्या गालावर व गळ्यावर चार ते पाच वार केले. या घटनेत तो रक्तबंबाळ झाला. त्याच्या ओरडण्यामुळे कर्मचाऱ्यांचे त्याच्याकडे लक्ष गेले. त्याच्या हातातील ब्लेड हिसकावून घेण्यात आली. जखमी राजाला तत्काळ घाटी हॉस्पिटलमध्ये उपचारासाठी दाखल करण्यात आले असून त्याच्यावर उपचार सुरू आहेत. याप्रकरणी पुंडलिकनगर पोलिस चौकीत नोंद करण्यात आली आहे.

मोबाइल अॅप डाउनलोड करा आणि राहा अपडेट

‘स्मार्ट सिटीचे भूसंपादन महिन्यात करा’

May 21, 2017, 2:30 pm

≫ Next: शॉर्टफिल्म ठरले कमाईचे माध्यम

≪ Previous: पोलिस चौकीमध्ये आत्महत्येचा प्रयत्न

$

0

0

म. टा. प्रतिनिधी, औरंगाबाद
महापालिका स्मार्ट सिटी योजनेअंतर्गत चिकलठाणा भागात उभारावयाच्या ग्रीन फिल्डसाठी लवकरात लवकर भूसंपादन करण्यात यावे. जागा उपलब्ध झाल्यास ती विकसित करता येईल, अशा सूचना स्मार्ट सिटी समितीचे अध्यक्ष, उद्योग सचिव अपूर्व चंद्रा यांनी दिली. त्यांनी शनिवारी रात्री उशिरा स्मार्ट सिटीविषयी आढावा बैठक घेतली.
गेले दोन दिवसांपासून ही बैठक प्रलंबित होती. दोन दिवसांपूर्वी त्यांच्या विमानाला उशीर झाल्याने दिवसभराचे कार्यक्रम रद्द करण्यात आले होते. त्यानंतर त्यांनी शनिवारी दिवसभर डीएमआयसी प्रकल्पाची पाहणी केली. त्यानंतर सायंकाळी उशिरा स्मार्ट सिटी संदर्भात त्यांनी बैठक घेतली. आतापर्यंतच्या कामाचा फक्त आढावाच घेतला व गतीने कामे करण्याची मनपाला सूचना दिली.
चिकलठाणा येथे ग्रीन फिल्ड डेव्हलपमेंट करण्यात येणार आहे. त्यासाठी आतापर्यंत किमान भूसंपादन होणे अपेक्षित होते. परंतु, मनपाने अद्याप भूसंपादनाला प्रारंभच केलेला नाही. ही बाब लक्षात घेऊन अपूर्व चंद्रा यांनी एक महिन्यात भूसंपादन करून आराखडा सादर करणाच्याच्या सूचना दिल्या. घनकचरा व्यवस्थापन आणि शहरांतर्गत अत्याधूनिक दळणवळण व्यवस्था या विषयावरही माहिती घेतली आणि महत्त्वाच्या सूचना केल्या. यावेळी विभागीय आयुक्त डॉ. पुरुषोत्तम भापकर, जिल्हाधिकारी नवल किशोर राम, मनपा आयुक्त डी. एम. मुगळीकर, शहर अभियंता सय्यद सिकंदर अली, एसव्हीपी व सल्लागार कंपनीचे सदस्य उपस्थित होते.

मोबाइल अॅप डाउनलोड करा आणि राहा अपडेट

शॉर्टफिल्म ठरले कमाईचे माध्यम

May 21, 2017, 2:30 pm

≫ Next: शेततळ्यांच्या योजनेची कासवगती

≪ Previous: ‘स्मार्ट सिटीचे भूसंपादन महिन्यात करा’

$

0

0

शॉर्टफिल्म ठरले कमाईचे माध्यम

शॉर्टफिल्म निर्मितीत लक्षणीय वाढ

म. टा. प्रतिनिधी, औरंगाबाद

कला क्षेत्रात स्थिरावण्यासाठी शॉर्टफिल्म माध्यम तरुणाईचे हक्काचे साधन ठरले आहे. फेस्टिव्हलसाठी किंवा निर्मितीचा आनंद घेण्यापुरती शॉर्टफिल्म मर्यादित राहिली नाही. तर सोशल मीडियाच्या माध्यमातून आर्थिक कमाई करण्याचा पर्याय खुला झाला आहे. संधीचे दार खुले झाल्यामुळे शॉर्टफिल्म निर्मिती वाढली आहे.

कमी वेळेत चांगला विषय मांडण्याचे कौशल्य शॉर्टफिल्म माध्यमामुळे सहजशक्य झाले. चित्रपट निर्मिती किंवा दिग्दर्शनाची संधी प्रत्येकाला मिळणे कठीण असते. त्यामुळे चित्रपटाला समांतर ठरलेला शॉर्टफिल्मचा परिपूर्ण पर्याय तरुण दिग्दर्शक हाताळत आहेत. दर्जेदार पटकथा आणि चांगले कलाकार असल्यास उत्कृष्ट शॉर्टफिल्म तयार करता येते याची तरुणांनी खात्री आहे. या आत्मविश्वासामुळे शॉर्टफिल्मची संख्या तुलनेने वाढली आहे. औरंगाबाद शहरात मागील दोन वर्षात शॉर्टफिल्म निर्मिती झपाट्याने वाढली आहे. शॉर्टफिल्मसाठी ऑडिशन घेऊन काही दिग्दर्शक कलाकारांची निवड करतात. तर काहीजण सोशल मीडियाचा खुबीने वापर करतात. या नवीन माध्यमांनी शॉर्टफिल्म निर्मिती सोपी केली आहे. वेगवेगळ्या शॉर्टफिल्म फेस्टिव्हलमध्ये जाणकार प्रेक्षक आणि परीक्षक दाद देतात. सन्मानचिन्ह आणि पुरस्काराची समाधानकारक रक्कम नवोदितांनी नवीन शॉर्टफिल्म तयार करण्यास उद्युक्त करते. परिणामी, शॉर्टफिल्म निर्मितीची संख्या प्रचंड वाढत आहे. मात्र, ही शॉर्टफिल्म पूर्ण झाल्यानंतर सोशल मीडियाच्या माध्यमातून आर्थिक कमाई करता येते याची माहिती मोजक्याच निर्माता -दिग्दर्शकांना आहे. शॉर्टफिल्म यू-ट्यूबच्या व्यावसायिक निकषानुसार अपलोड केल्यास ठराविक हिट्स मिळताच निर्मात्याला निश्चित रक्कम मिळते. काही शॉर्टफिल्म अल्पावधीत लोकप्रिय होऊन पाच ते आठ लाख प्रेक्षकांनी पाहिली आहे. ‘यू-ट्यूब’ चॅनल्स अनेकांसाठी हक्काचा आधार ठरत आहेत. शहरात अगदी १० ते ३० हजार रुपयात तांत्रिकदृष्ट्या दर्जेदार शॉर्टफिल्म तयार होते. या शॉर्टफिल्मचा आशय दर्जेदार असल्यास सोशल मीडियात प्रचंड प्रतिसाद मिळतो. फेसबुक, व्हॉटसअॅप, ट्विटर या माध्यमांचाही शॉर्टफिल्म प्रसारासाठी वापर वाढला आहे. कमी काळात शॉर्टफिल्म लाखो लोकांपर्यंत पोहचत आहे. शॉर्टफिल्मचा कालावधी पाच ते पंधरा मिनिट असल्यामुळे प्रेक्षक पाहतात. चित्रपटासारखा वेगळा वेळ काढण्याची गरज भासत नाही. या प्रतिसादामुळे नवोदितांचा हुरूप वाढला असून आगामी काळात शॉर्टफिल्मचे लोण आणखी पसरणार आहे. औरंगाबाद शहरात दरवर्षी किमान ५० शॉर्टफिल्म्सची निर्मिती होते.

वेब-सीरिजचे माध्यम

पर्यटन, शिक्षण, नोकरी, कला, खेळ अशा वैविध्यपूर्ण विषयांवर वेब-सीरिज निर्मितीचा ट्रेंड वाढला आहे. पाच ते दहा भागांची वेब-सीरिज तयार करून ‘यू-ट्यूब’वर प्रदर्शित करतात. टीव्हीवरील रटाळ मालिकांपेक्षा उत्तम आशय असलेल्या वेब-सीरिजला प्रेक्षकांचा उदंड प्रतिसाद मिळत आहे. या प्रतिसादामुळे तरूण दिग्दर्शक-कलाकार वेबकडे वळले आहेत. महाराष्ट्रातील दुर्गभ्रमंती, सांस्कृतिक वैशिष्ट्ये, राजकीय नेत्यांच्या मुलाखती, तरूणांच्या वास्तव जगण्याचा वेध अशा अनेक विषयांवर सीरिजची निर्मिती होत आहे. या ट्रेंडमध्ये लहान-मोठ्या शहरातील तरूण सहभागी झाले आहेत.


‘शालू’ शॉर्टफिल्मला जवळपास पाच लाख व्ह्यूज मिळाले. तर एक महिन्यापूर्वी अपलोड केलेल्या ‘बंड्याची शाळा’ शॉर्टफिल्म आतापर्यंत दीड लाख प्रेक्षकांनी पाहिली. व्यावसायिक गणित समजून घेतल्यामुळे दर्जेदार निर्मितीवर भर देत आहे.

- राहुल पुणे, दिग्दर्शक

‘मानवता’, ‘कामगार’, ‘पथ’ या शॉर्टफिल्मची निर्मिती-दिग्दर्शन केले. या माध्यमातून पुरेसा आर्थिक फायदा झाला नाही, पण चित्रपट क्षेत्रात जम बसवण्यासाठी ही पहिली पायरी ठरली. गावोगावी शॉर्टफिल्म फेस्टिव्हल असले तरी काही ठिकाणी ढिसाळ नियोजन असते.

- संजय राठोड, दिग्दर्शक

मोबाइल अॅप डाउनलोड करा आणि राहा अपडेट