काउंन्सिल फॉर दी इंडियन स्कूल सर्टिफिकेट एक्झामिनेशन (आयसीएसई) मंडळातर्फे घेण्यात आलेल्या दहावी, बारावीचा निकाल सोमवारी जाहीर झाला. शंभर टक्के निकाल हेच निकालाचे वैशिष्ट आहे. अमोघ वाघमारे याने ९८ टक्के गुण मिळवित यश मिळविले.
केंद्रीय माध्यमिक शिक्षण मंडळाच्या निकालानंतर सोमवारी आयसीएसई मंडळाने आपला दहावी, बारावी परीक्षांचा निकाल दुपारी ३ वाजता जाहीर केला. औरंगाबादमधून बारावीला असलेल्या परीक्षार्थींची संख्या अत्यंत कमी होती, तर तीन शाळांमधून दहावीला विद्यार्थ्यांनी परीक्षा दिली. शाळांनी शंभर टक्के निकालाची परंपरा कायम ठेवली. निकालात इंग्रजी, गणित विषयात पैकीच्या पैकी गुण मिळविले आहेत. दहावीची परीक्षा २ मार्च ते १७ एप्रिलदरम्यान, तर २९ फेब्रुवारी ते १० एप्रिलदरम्यान बारावीची परीक्षा झाली होती. देशभरातून सुमारे अडीच हजार शाळांमधून १ लाख ७६ हजार विद्यार्थी परीक्षेला बसले होते.
पोदार हायस्कूल
पोदार इंटरनॅशनल स्कूलमधून १६४ विद्यार्थ्यांनी परीक्षा दिली होती. त्यापैकी ४४ विद्यार्थ्यांनी ९० टक्क्यांपेक्षा अधिक गुण मिळविले आहेत. यशस्वी विद्यार्थ्यांना अनेक विषयांत पैकीच्या पैकी गुण आहेत. शाळेचा अमोघ वाघमारेला ९८ गुण मिळाले आहेत. मोहित कुलकर्णी (९६), राहुल बोरूलकर(९५.२०), मानसी पालवनकर(९५), युक्ती गुजराती(९४.८०), वरदराज मोरे (९४.६०), कुशल महाजन (९४.६०), श्रृती अय्यर (९४.६०), तुष्मण कळसे (९४.४०), जिज्ञासा चिंतामणी (९४.२०), अर्णव कुलकर्णी (९४), शुभम गन्नमराजू (९४), शेजल लोया (९४), रोहिण भट (९३.८०), साक्षी अमृतकर (९३.६०), पृथ्वीराज जाधव (९३.४०), आदिती कोळपकर (९३.२०), स्नेहल बावीस्कर (९३), सर्वेश तांबट (९३), शुभम फडणीस (९२.८०), मोहित अग्रवाल (९२.६०), तान्या यादव (९२.४०), मृणमयी देशपांडे (९२.४०), द्विजा बागवे (९२.४०), ऋत्विक सराफ (९२), श्रेया मेहता (९२), वरद पटेल (९२), व्ही. अनुपार्वती (९१.८०), भक्ती तापडिया (९१.८०), श्रेया हंदरळे (९१.८०), समुद्धी बोरा (९१.६०), स्वराज सुराणा (९१.६०), श्रेयस बिकुमल्ला (९१.६०), अक्षदा मुळे (९१.६०), अनिकेत बंग (९१.२०), पूर्वा घाग (९१), विश्वेष कुलकर्णी (९०.८०), यतार्थ गर्ग (९०.६०), अक्षत घारिया (९०.४०), अहना सेन (९०.२०), तुषार पाठक (९०.२०), ऋचा ढाकणे (९०), आंचल मुगदिया (९०), आकांशा ससे (९०) अादी विद्यार्थ्यांनी यश मिळविले.
रेयान स्कूल
रेयान इंटरनॅशनल स्कूलचा निकालही शंभर टक्के जाहीर झाला अहे. शाळेचे ३१ विद्यार्थी गुणवत्ता यादीत आले. त्यामध्ये विभा अलूर, विशाल दयालानी, भाविशा पारिख, अमेय भट्टड, प्रतीक कुमार, साक्षी काकडे, प्रसन्ना पुजारी यांचा समावेश आहे. यशस्वी विद्यार्थ्यांचे शाळेतर्फे अभिनंदन करण्यात आले.
मोबाइल अॅप डाउनलोड करा आणि राहा अपडेट
