केंद्रीय तपासणी पथकाने पाहणी करून शहर हागणदारीमुक्त झाल्याचे जाहीर केले आहे. नगर पालिका शासनाच्या दीड कोटी रुपये बक्षिसाकरिता पात्र ठरली असून लवकरच मुख्यमंत्र्याच्या हस्ते गौरव प्रमाणपत्र व बक्षीस मिळणार आहे, अशी माहिती मुख्याधिकारी अशोक कायंदे यांनी दिली.
स्वच्छ भारत मिशन अंतर्गत नगर पालिकेला २०११च्या जगगणनेनुसार ३३०० स्वच्छतागृहांचे उद्दिष्ट देण्यात आले होते. ते पूर्ण करण्यासाठी गुड मार्निंग पथक, उघड्यावर जाणाऱ्यास गुलाबपुष्प भेट, पोलिसात गुन्हे दाखल करणे, कार्टातून दंडात्मक कारवाई, शहरातील चौकांमध्ये ऊठबशा मरायला लावणे आदी उपाययोजना केल्या. यामुळे धाक निर्माण करण्यात आला. याशिवाय पथनाट्य, जनजागरण विद्यार्थी फेरी, रिक्षाद्वारे अावाहन हे प्रयत्न केले. शासनाच्या १२ हजारांच्या अनुदानात पालिकेने एक हजाराची भर टाकून स्वच्छतागृह बांधकामासाठी १३ हजार रुपये दोन टप्प्यात दिले.
शहरातील कामांची जिल्हा व राज्यस्तरीय समितीमार्फत तपासणी यापूर्वीच झाली आहे. राज्य समितीच्या अहवालानुसार केंद्रीय समितीने पाहणी करून सिल्लोड शहर हागणदारीमुक्त झाल्याचे घोषित केले आहे, असे मुख्याधिकारी कायंदे यांनी सांगितले.
मोबाइल अॅप डाउनलोड करा आणि राहा अपडेट
