१७ कलाकारांच्या ४८ चित्रकृतींचा समावेश
म. टा. प्रतिनिधी, औरंगाबाद
कुंचल्यातून वैविध्यपूर्ण मनोहर चित्रकृतीची निर्मिती करणे, त्यातून अंतःकरणात दडलेले भाव प्रकट करण्याचे काम चित्रकार सातत्याने करत असतो. आपल्या प्रतिभेचा वापर करत चित्रकारांनी निर्मिलेले मॉर्डन आर्ट, निसर्गचित्र, फुले यांची पेंटिंग ‘फ्यूजन’ पाहण्याची संधी हर्ष आर्ट क्रिएशनच्या चित्र प्रदर्शनातून उपलब्ध होत आहे.
८ व ९ जुलै रोजी सकाळी ११ ते रात्री एमजीएम कलादीर्घ आर्ट गॅलरी येथे १७ कलावंतांच्या ४८ कलाकृती रसिकांना पाहता येणार आहे. दोन-तीन महिन्यांपासून परिश्रम घेऊन हर्ष आर्टच्या विद्यार्थ्यांनी या चित्रकृती तयार केल्या आहेत. या प्रदर्शनात ६ वर्ष ते ४० वर्षांपर्यंतच्या कलाकारांचा समावेश आहे. या सर्वच कलाकृती अंतरंगाला भिडणाऱ्या आहेत. हरीश आणि श्रुती दहिहंडे यांनी या विद्यार्थ्यांना मार्गदर्शन केले आहे. ‘फ्यूजन’ थीम असलेले हे त्यांचे तिसरे प्रदर्शन आहे.
या चित्र प्रदर्शनात अन्यन्या दहिफळे, अनुष्का राजपूत, आस्था सकलेचा, देवांग दहिहंडे, हार्दिक झांबड, इरा सोनी, इशा कंदाकुरे, इशानी पटेल, मुग्धा निकाळते, मुस्कान वेद, नमिता सोनी, नीता निकाळजे, परीधी पगारिया, पायल शेठ, प्रार्थना वेद, राधिका बालापुरे, तृप्ती बोरुळकर या कलाकारंचा समावेश आहे. रसिकांनी चित्र प्रदर्शनास उपस्थित रहावे, असे आवाहन संयोजकांनी केले आहे.
मोबाइल अॅप डाउनलोड करा आणि राहा अपडेट
