महापालिकेच्या नोकर भरतीतील अनियमितता प्रकरणी पुणे परिवहन मंडळाचे अध्यक्ष तुकाराम मुंढे यांच्या समितीने बुधवारी (१२ जुलै) पालिकेत दोन तास ठाण मांडून चौकशी केली. लाड समितीतंर्गत झालेल्या कर्मचारी भरतीच्या फायलींची तपासणी करत नोंदी घेतल्या. या चौकशीमुळे महापालिका अधिकाऱ्यांमध्ये खळबळ उडाली आहे.
पालिकेत लाड समिती अंतर्गत २०१० ते २०१४मध्ये झालेली तृतीय व चतुर्थश्रेणीतील सुमारे अडीचशे कर्मचाऱ्यांची भरती वादात अडकली आहे. या प्रकरणी विधिमंडळातही प्रश्न उपस्थित झाला होता. त्यामुळे राज्यसरकारने पुणे परिवहन मंडळाचे अध्यक्ष तुकाराम मुंढे यांची विशेष चौकशी अधिकारी म्हणून नेमणूक केली आहे. मुंडे व तीन जणांची समिती आज पालिकेत दुपारी एक वाजता दाखल झाली. त्यात भरती प्रक्रियेतील कागदपत्रांची सुमारे दोन तास बारकाईने तपासणी केल्याचे सूत्रांनी सांगितले.
खळबळ अन् शांतता
तुकाराम मुंडे शिस्तीचे अधिकारी म्हणून परिचित आहेत. त्यांच्याकडे या प्रकरणाची चौकशी असल्याने पालिकेतील अधिकारी, कर्मचाऱ्यांमध्ये खळबळ उडाली आहे. मुंढे आयुक्त डी. एम. मुगळीकर यांच्या दालनात आले, तेव्हा त्यांना अधिकाऱ्यांनी आयुक्तांच्या खुर्चीवर बसण्याची विनंती केली. मात्र, ती माझी जागा नाही असे सांगत त्यांनी दुसरी खुर्ची मागविली. त्यानंतर त्यांनी संबंधित प्रकरणातील कागदपत्रे, अहवाल मागवित त्याच्या नोंदी घेतल्याचे सूत्रांनी सांगितले. ही चौकशी अतिशय गोपनीय ठेवण्यात येत आहे. हा अहवाल शासनाला सादर केला जाणार आहे. मुंढे यांच्याशी संपर्क साधण्याचा प्रयत्न केला, मात्र तो होऊ शकला नाही.
मोबाइल अॅप डाउनलोड करा आणि राहा अपडेट
म. टा. प्रतिनिधी, नांदेड
म. टा. प्रतिनिधी, उस्मानाबाद 
