म. टा. प्रतिनिधी, लातूर
दिवंगत नेते विलासराव देशमुख यांच्या पाचव्या स्मृती दिनानिमित्त सोमवारी बाभळगाव येथील विलासबाग येथे प्रार्थना सभा आयोजित करण्यात आली होती. यावेळी देशमुख कुटुंबियासह विविध क्षेत्रातील मान्यवरासह व नागरीकांनी पुष्प अपर्ण करून त्यांना भावपूर्ण आदरांजली वाहिली. विलासराव देशमुख यांच्या स्मृतीदिनानिमित्त विविध कार्यक्रमांचे आयोजन करण्यात आले होते.
बाभळगाव येथील विलासबाग येथे प्रारंभी विलासराव देशमुख यांना आमदार दिलीपराव देशमुख, सुवर्णा देशमुख, आमदार अमित देशमुख, अदिती देशमुख, धिरज देशमुख, अवीर, अवन, अभिजीत देशमुख, सत्यजित देशमुख, जयसिंहराव देशमुख यांनी पुष्प अर्पण करून आदरांजली वाहिली. यानंतर पदाधिकारी, कार्यकर्ते, विविध क्षेत्रातील मान्यवर व असंख्य जनसमुदायाने लोकनेत्यास भावपूर्ण आरदारांजली अर्पण करून अभिवादन केले.
आदरांजली वाहण्यासाठी जिल्हाधिकारी जी. श्रीकांत, पोलिस अधिक्षक शिवाजी राठोड, लातूर ग्रामीणचे आमदार त्र्यंबक भिसे, जिल्हा बँकेचे अध्यक्ष श्रीपतराव काकडे, माजी आमदार वैजनाथ शिंदे, अॅङ. व्यंकट बेद्रे, त्र्यंबकदास झंवर, महापौर सुरेश पवार, दीपक सूळ, स्थायी समिती अध्यक्ष अशोक गोविंदपूरकर, माजी आमदार एम. जी. मुळे (बसवकल्याण), रेणा साखरचे चेअरमन आबासाहेब पाटील, दत्तात्रय बनसोडे, लक्ष्मीरमण लाहोटी, रमेश राठी, रमेश बियाणी, व्ही. पी. पाटील, ललित शहा, विक्रम हिपरकर, विजय देशमुख, बी. व्ही. मोतीपवळे, जिल्हा परिषद सदस्य धनंजय देशमुख, यशवंतराव पाटील, लक्ष्मण मोरे, दिलीप माने, विकास साखरचे व्हा. चेअरमन गोविंद बोराडे, विलास बँकेचे व्हा. चेअरमन चंद्रकांत देवकते, उपविभागीय अधिकारी प्रताप काळे, सुधाकर तेलंग, कार्यकारी अभियंता भंडे, पोलिस निरीक्षक दिलीप खोडवे, जिल्हा परिषद गटनेते संतोष तिडके, लातूर तालुकाध्यक्ष दगडुसाहेब पडीले, जळकोट तालुकाध्यक्ष मन्मथप्पा किडे, अहमदपूर तालुकाध्यक्ष डॉ. गणेश कदम, शासकीय वैद्यकीय महाविद्यालयाचे अधिष्ठाता राजाराम पोवार, यांनी भावपूर्ण आदरांजली अर्पण करुन अभिवादन केले. यावेळी तालमणी डॉ. राम बोरगावकर आणि समुह यांनी स्वरांजली कार्यक्रम सादर केला. प्रार्थना सभेचे सूत्रसंचालन रामानूज रांदड यांनी केले.
मोबाइल अॅप डाउनलोड करा आणि राहा अपडेट
