​ जुनी पेन्शन लागू करा; शिक्षक समितीचे धरणे

August 19, 2017, 2:59 pm

≫ Next: ​ पोळ्याच्या बाजारपेठेकडे शेतकऱ्यांची पाठ

≪ Previous: हॉकीचे अॅस्ट्रो टर्फ ‘साई’त दाखल

$

0

0

म. टा. प्रतिनिधी, औरंगाबाद
महाराष्ट्र राज्य प्राथमिक शिक्षक समितीच्या वतीने शनिवारी जिल्हाधिकारी कार्यालयासमोर धरणे आंदोलन करण्यात आले. १ नोव्हेंबर २००५ रोजी किंवा त्यानंतर नियुक्त झालेल्या शिक्षकांना जुनी पेन्शन योजना लागू करावी, या मागणीसाठी समितीने राज्यभर हे आंदोलन केले. जिल्हाधिकाऱ्यांमार्फत मुख्यमंत्री देवेंद्र फडणवीस यांना निवेदन दिले.

३१ ऑक्टोबर २००५ रोजी वित्त विभागाने शासन आदेश काढले. त्यात १ नोव्हेंबर २००५ नंतर सरकारी सेवेत रुजू होणाऱ्यांना प्रचलित सेवानिवृत्ती वेतन योजना, कुटूंब निवृत्ती वेतन योजना आणि भविष्य निर्वाह निधी योजना बंद करण्यात आली. त्याऐवजी अंशदायी निवृत्ती वेतन योजना लागू करण्यात आली. त्यातही बदल करून राष्ट्रीय निवृत्ती वेतन योजना लागू करण्यात आली. त्यामुळे कर्मचाऱ्यांची अडचण वाढली आहे. या नवीन योजना बंद करून जुनी पेन्शन योजना सुरू करावी, या मागणीसाठी महाराष्ट्र राज्य प्राथमिक शिक्षक समितीच्या वतीने शनिवारी जिल्हाधिकारी कार्यालयासमोर धरणे आंदोलन केले. यावेळी जिल्हाध्यक्ष दिलीप ढाकणे, कार्याध्यक्ष विजय साळकर, विष्णू भंडारे, नितीन नवले, शिवाजी एरंडे, रंजित राठोड, चंदू लोखंडे, संतोष जाधव, राजेश आचारी, ज्ञानेश्वर पठाडे, सुषमा राऊतमारे, दिलीप देवरे, एस. पी. जैन आदींसह शिक्षक मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

---

​ पोळ्याच्या बाजारपेठेकडे शेतकऱ्यांची पाठ

August 19, 2017, 3:01 pm

≫ Next: ​ ...अन‍् वंदेमातरम् चक्क मोबाइलमध्ये पाहून

≪ Previous: ​ जुनी पेन्शन लागू करा; शिक्षक समितीचे धरणे

$

0

0

म. टा. प्रतिनिधी, औरंगाबाद
दुष्काळाची गडद छाया, करपलेली पीके यामुळे पोळ्याच्या बाजारपेठेकडे यंदा शेतकऱ्यांनी पाठ फिरवली आहे.

सर्जा-राजाचा सण म्हणून शेतकऱ्यांमध्ये पोळा प्रिय. या दिवशी बैलांना सजवले जाते. त्यांची मिरवणूक काढतात, मात्र यंदा पावसाने दडी मारल्याने खरिप हातचा गेला आहे. पिके करपली आहेत. त्याचे सावट पोळ्याच्या बाजारपेठेवर पडले आहे. शहांगज, सिटी चौक आदी भागातील दुकाने कासरा, वेसण, बाशिंग, घंटी माळ, मणी माळ, बैलाच्या पाठीवरले झूल, रंग या सजावटीच्या साहित्याने सजली आहेत. जीएसटीमुळे काही कच्चा मालाच्या किमती वाढल्या. त्यामुळे काही वस्तूंचे भाव वाढल्याचे विक्रेते सुरेश साहुजी यांनी सांगितले. गेल्या वर्षी १०० रुपयाला मिळणारी कासऱ्याची जोडी आता १२० रुपयाला मिळत असून, बैलाच्या अंगावरील्या झूलचे भाव एक हजारापासून तीन हजारापर्यंत आहेत. यावर्षी पीक गेले. तरीही आम्ही हा सण उत्साहात करू. नेहमीप्रमाणे मोठी खरेदी शक्य नाही, असे शेतकरी शिवाजी नेमाणे यांनी सांगितले. दरवर्षी हजार, दीड हजार रुपयांचे सजावटीचे साहित्य खरेदी करतो.यंदा फक्त दोनशे रुपयांची खरेदी केली, असे मोहन घुमे यांनी सांगितले.

झेडपीत शुकशुकाट
पोळा म्हटले की आठवडाभरापासून लगबग सुरू असते. दोन महिन्यांपासून पावसाने दडी मारली. पोळा सणावर त्याचे सावट आहे. जिल्हा परिषदेतही दोन दिवसांपासून शुकशुकाट आहे. पाऊसच नाही, काय करायचे? असा प्रश्न ग्रामीण भागातून आलेले शेतकरी, कार्यकर्ते उपस्थित करत आहेत. पदाधिकारी, सदस्य शुक्रवार, शनिवारी झेडपीत आले नाहीत. शनिवारी तर सुटीचेच वातावरण होते.

मोबाइल अॅप डाउनलोड करा आणि राहा अपडेट

​ ...अन‍् वंदेमातरम् चक्क मोबाइलमध्ये पाहून

August 19, 2017, 3:05 pm

≫ Next: एमआयएमचे तीन नगरसेवक निलंबित

≪ Previous: ​ पोळ्याच्या बाजारपेठेकडे शेतकऱ्यांची पाठ

$

0

0

औरंगाबाद : महापालिकेतील वंदेमातरम वरून झालेल्या राड्यानंतर पालिका आवारात युती व एमआयएमचे नगरसेवक यांच्यात घोषणायुद्ध झाले. त्यानंतर वंदेमातरम‍् चक्क मोबाइलमध्ये पाहून युतीच्या नेत्यांनी घोषणाबाजीची सांगता केली.

सर्वसाधारण सभेत राडा झाल्याची माहिती शहरात वाऱ्यासारखी पसरली आणि नेतेमंडळी पालिकेत येणे सुरू झाले. शिवसेनेचे जिल्हाप्रमुख अंबादास दानवे, महानगरप्रमुख प्रदीप जैस्वाल, भाजपचे आमदार अतुल सावे, शहर जिल्हाध्यक्ष किशनचंद तनवाणी महापालिकेत आले. दानवे - जैस्वाल यांच्या भोवती शिवसेनेचे नगरसेवक व कार्यकर्ते जमा झाले. त्यांनी वंदेमातरमच्या घोषणा देण्यास सुरुवात केली. सावे - तनवाणी प्रथम महापौरांच्या दालनात गेले. त्यानंतर ते आपल्या नगरसेवक व कार्यकर्त्यांसह शिवसेनेचे नेते - नगरसेवकांकडे आले. सर्वांनी मिळून घोषणाबाजी सुरू केली. त्या अगोदर एमआयएमचे नगरसेवक व कार्यकर्ते विरोधीपक्ष नेत्याच्या दालनात जमा झाले. त्यांनीही तेथे घोषणाबाजी सुरू केली. घोषणादेत ते पालिका आवारातून आमदार इम्तियाज जलील यांच्या कार्यालयात निघून गेले.

गीत अर्धवट सोडून झाले रवाना
शिवसेना - भाजपच्या घोषणाबाजीची सांगता वंदेमातरमने करण्याची घोषणा युतीच्या नेत्यांनी केली. परंतु बिनचूक वंदेमातरम् कुणालाच येत नव्हते. त्यामुळे अंबादास दानवे व अतुल सावे यांनी मोबाइल फोनमध्ये पाहून वंदेमातरम् म्हणणे सुरू केले. पहिले दोन कडवे सर्वांनीच म्हणले. त्यानंतर मात्र कठीण प्रसंग निर्माण झाला, या प्रसंगातून मार्ग काढण्याचा प्रयत्न दानवे यांनी केला, पण त्यांनाही ते जमले नाही. वंदेमातरम गीत अर्धवट सोडून सर्वांनी पोलिस आयुक्त कार्यालयाच्या दिशेने कूच केली.

मोबाइल अॅप डाउनलोड करा आणि राहा अपडेट

एमआयएमचे तीन नगरसेवक निलंबित

August 19, 2017, 3:08 pm

≫ Next: ​ अखेर वरुणराजा पावला!

≪ Previous: ​ ...अन‍् वंदेमातरम् चक्क मोबाइलमध्ये पाहून

$

0

0

म. टा. प्रतिनिधी, औरंगाबाद
महापालिका सभागृहात गोंधळ घालून मोडतोड केल्याप्रकरणी एमआयएमच्या दोन नगरसेवकांवर गुन्हे दाखल करण्याचे आदेश महापौर भगवान घडमोडे यांनी प्रशासनाला दिले, तर तीन नगरसेवकांचे नगरसेवकपद एक दिवसासाठी निलंबित करण्यात आले.

महापालिकेची सर्वसाधारण सभा सुरू होताना वंदेमातरम् हे राष्ट्रगान म्हटले जाते. यावेळी सभागृहातील सर्व नगरसेवक अधिकारी - कर्मचारी उभे राहतात. नेहमीप्रमाणे शनिवारी देखील सर्वसाधारण सभा सुरू होताना वंदेमातरम् सुरू करण्यात आले. त्यापूर्वीच एमआयएमच्या नगरसेविका समिना शेख हातात कागद घेऊन काही तरी बोलण्याच्या तयारीत होत्या. महापौरांनी त्यांना थांबवले. वंदेमातरम् झाल्यावर बोला असे ते म्हणाले. तेव्हा त्यांनी वंदेमातरम् म्हणणार नाही अशी भूमिका घेतली. त्यांच्या पाठोपाठ एमआयएमचेच सय्यद मतीन आणि काँग्रेसचे शेख सोहेल यांनी देखील वंदेमातरम् म्हणण्यास विरोध केला व ते आपल्या आसनावर बसून राहिले. राष्ट्रगानचा अवमान करणाऱ्या तिघांवर कारवाई करण्याची मागणी शिवसेना - भाजप नगरसेवकांनी महापौरांकडे केली.

सर्वसाधारण सभा तहकूब करताना प्रशासनाला आदेश देताना महापौर भगवान घडमोडे म्हणाले, ‘सय्यद मतीन आणि जफर बिल्डर यांनी सर्वसाधारण सभेत गोंधळ घालून महापालिकेच्या मालमत्तेचे नुकसान केले. त्यामुळे त्यांच्याविरुद्ध गुन्हा दाखल करा व त्याचा अहवाल शासनाला सादर करा. वंदेमातरम् हे राष्ट्रगान म्हणण्यास विरोध केल्याबद्दल त्यांनी सय्यद मतीन, जफर बिल्डर व शेख समिना या तिघांचे नगरसेवकपद एक दिवसासाठी निलंबित करण्यात येत आहे,’ अशी घोषणा केली. ‘गुन्हे दाखल करण्यासंदर्भात प्रशासनाने तात्काळ कारवाई करावी,’ असे महापौर म्हणाले.

अफसर खान यांची शिष्टाई
सय्यद मतीन व जफर बिल्डर यांच्यावर गुन्हे दाखल करण्याचे आदेश महापौरांनी दिल्यावर सर्वसाधारण सभा तहकूब झाली. महापौर आपल्या दालनात निघून गेले, त्यांच्या पाठोपाठ काँग्रेसचे नगरसेवक अफसर खान दालनात आले. एक दिवसाच्या निलंबनाची शिक्षा ठिक आहे, पण गुन्हा दाखल करण्याचे आदेश फारच कठोर आहेत. गुन्हा दाखल करण्याचा निर्णय रद्द करा, असे म्हणत शिष्टाई करण्याचा प्रयत्न केला. महापौरांनी त्यांचे म्हणणे फक्त ऐकून घेतले.

महापालिकेला छावणीचे स्वरूप
महापालिकेला शनिवारी पोलिसी छावणीचे स्वरूप प्राप्त झाले होते. पोलिस उपायुक्तांसह गुन्हे शाखेचे पोलिस व स्पेशल फोर्सचे जवान महापालिकेत दाखल झाले होते. कधी नव्हे ते पोलिसांनी पालिका सभागृहाचा ताबा देखील घेतला.

पोलिस आयुक्तांनी महापालिकेसाठी विशेष कर्मचारी दिले आहेत, परंतु काही दिवसांपूर्वी हे कर्मचारी काढून घेण्यात आले. महापालिकेकडे पोलिस कर्मचारी असले तरी ते सर्वसाधारण सभेच्या दिवशी सभागृहाकडे येत नव्हते. आजच्या प्रकारामुळे कायदा सुव्यवस्थेचा प्रश्न निर्माण होऊ शकतो, असे वाटल्यामुळे पोलिसांची मोठी कुमक पालिकेत दाखल झाली. त्यात पोलिस उपायुक्त राहुल श्रीरामे, सहाय्यक पोलिस आयुक्त गोवर्धन कोळेकर, गुन्हे शाखाचे सहाय्यक पोलिस आयुक्त रामेश्वर थोरात, पोलिस निरीक्षक मधुकर सावंत यांचा समावेश होता. पालिकेच्या आवारात मोठ्या प्रमाणावर पोलिस तैनात झाल्यामुळे गडबड करू पाहणाऱ्यांना गडबड करता आली नाही. पालिकेच्या आवारातून सर्वप्रथम एमआयएमचे नगरसेवक व कार्यकर्ते घोषणा देत बाहेर पडले. त्यानंतर युतीचे नेते, नगरसेवक व कार्यकर्ते पालिकेतून बाहेर पडले.

एमआयएम नगरसेवकांवर कारवाई करा
महापालिका सर्वसाधारण सभेत राष्ट्रगानाचा अपमान करणे व पालिकेच्या संपत्तीची तोडफोड केल्याप्रकरणी एमआयएम नगरसेवकांवर गुन्हे दाखल करावे, अशी मागणी भाजप आमदार अतुल सावे, महापौर भगवान घडमोडे यांनी पोलिस आयुक्तांना भेटून केली. महापालिकेतील रणकंदनानंतर आमदार अतुल सावे, भाजप शहर अध्यक्ष किशनचंद तनवाणी, महापौर भगवान घडमोडे, उपमहापौर स्मिता घोगरे, नगरसेवक राजेंद्र जंजाळ, नगरसेवक मनगटे यांच्यासह अन्य नगसेवकांनी पोलिस आयुक्त यशस्वी यादव यांची भेट घेतली. या भेटीत आमदार अतुल सावे यांनी वंदे मातरमच्या नावाखाली महापालिकेत एमआयएमच्या नगरसेवकांनी घातलेल्या गोंधळाबाबत तीव्र आक्षेप नोंदविला. मागील दोन वर्षांपासून एमआयएमचे नगरसेवक सभागृहात वंदे मातरमच्या सन्मानासाठी उभे राहता‌त. एमआयएमचे प्रमुख ओवेसी हे सुद्धा संसदेत राष्ट्रगानचा सन्मान ठेवतात. तसेच विधानसभेत असलेले एमआयएम आमदार किंवा अन्य मुस्लिम आमदार सुद्धा या राष्ट्रगानचा सन्मान करतात. दोन वर्षांपासून महापालिकेत विरोध झालेला नाही. आताच हा विरोध कसा झाला? एमआयएमच्या नगरसेवकांनी वंदे मातरम या राष्ट्रगानाचा अवमान करण्याची गरज काय होती? या प्रकरणात एमआयएमच्या नगरसेवकांनी केलेली तोडफोडही चुकीची आहे. त्याबाबतही पोलिसांनी कडक कारवाई करावी, अशी मागणी सेना आणि भाजपाच्या शिष्टमंडळाने केली.

भ्रष्टाचार लपविण्यासाठी केले रणकंदनः आमदार जलील
महापालिकेतील रणकंदनाबाबत एमआयएमचे आमदार इम्तियाज जलील, महापालिकेचे विरोधी पक्षनेते फिरोज खान, डॉ. गफ्फार कादरी, नगरसेवक जमीर कादरी, गंगाधर ढगे, आकाश एडके, अब्दुल अजीम यांनी पोलिस आयुक्तांची भेट घेत या प्रकरणातील दोषींवर कारवाई करण्याची मागणी केली. पत्रकारांशी बोलताना जलील म्हणाले, ‘एमआयएमचा वंदे मातरम‍्ला विरोध नाही. हे गीत म्हणायचे की नाही हा व्यक्तीस्वातंत्र्याचा प्रश्न आहे, मात्र राष्ट्रगानचा आदर राखावा. मागील दोन वर्षांपासून या गीताला सभागृहात कधीही विरोध झाला नाही. आजच याचा का झाला, याची कारणे शोधण्याची गरज आहे. निलंबित भ्रष्ट अधिकारी महापालिकेच्या सेवेत आले. यावर चर्चा नको म्हणून सत्ताधाऱ्यांनी हा डाव रचला. सर्वसाधारण सभा होऊ द्यायची नाही, हा पूर्वनियोजित कट होता. याची कल्पना सत्ताधाऱ्यांना होती. भाजप-सेनेला आपल्या चुकीच्या कृत्यावर पडदा टाकता येणार नाही. या प्रकरणात एमआयएमचा नगरसेवक दोषी असल्यास त्याला वाचवायला आम्ही येणार नाही.’

स्वतंत्र, पारदर्शक चौकशी करणार
महापालिकेतील वंदेमातरमच्या रणकंदनानंतर शिवसेना भाजप आणि एमआयएमचे पदाधिकाऱ्यांनी पोलिस आयुक्त यशस्वी यादव यांची भेट घेतली. या भेटीनंतर पत्रकारांशी बोलताना यादव यांनी सांगितले की,‘ राष्ट्रगीताचे नियम राष्ट्रगानसाठी नसले तरी त्याचा अवमान व्हायला नको. या प्रकरणात तक्रार मिळाल्यानंतर स्वतंत्र, पारदर्शक व निष्पक्ष चौकशी करून दोषींवर कारवाई करू. त्यासंदर्भातील व्हिडिओ रेकॉर्डिंग तपासण्याच्या सूचना देण्यात आल्या आहेत.’

मोबाइल अॅप डाउनलोड करा आणि राहा अपडेट

​ अखेर वरुणराजा पावला!

August 19, 2017, 3:11 pm

≫ Next: ​ कंत्राटदार हल्लाप्रकरणी भाजप युवा अध्यक्षावर गुन्ह‌ा

≪ Previous: एमआयएमचे तीन नगरसेवक निलंबित

$

0

0

औरंगाबाद : मागील दीड महिन्यांपासून दडी मारलेल्या पावसाचे अखेर शनिवारी दमदार आगमन झाले. दुपारी रिमझिम असलेल्या पावसाचा सायंकाळनंतर जोर वाढला. भिज पावसाने शहरात अनेक भागात पाणी साचले. रात्री आठपर्यंत शहरात १२.६ मिलिमीटर पाऊस पडल्याची नोंद चिकलठाणा वेधशाळेने केली.

सुकलेली खरीप पिके आणि कोरडी जलाशये चिंतेची बाब ठरली आहेत. मागील दीड महिन्यांपासून पावसाने दडी मारली आहे. पाऊस नसल्यामुळे जिल्ह्यातील मध्यम व लघु प्रकल्प कोरडे पडले आहेत. विहिरी आणि बोअर यांनी तळ गाठल्यामुळे पिके जगवणे कठीण झाले आहे. खरीप हंगामातील मूग, सोयाबीन या पिकांचे नुकसान झाले आहे. या आठवड्यात पाऊस पडणार असल्याचा अंदाज हवामान खात्याने वर्तवला होता. अखेरीस शनिवारी दुपारी पावसाचे आगमन झाले. पहिल्या टप्प्यात रिमझिम पडणाऱ्या पावसाचा सायंकाळी वेग वाढला. रात्री आठपर्यंत शहरात १२.६ मिलिमीटर पावसाची नोंद झाली. रात्री उशिरापर्यंत भिज पाऊस सुरू होता. जिल्ह्यातील अनेक भागात पावसाने हजेरी लावली.

मोबाइल अॅप डाउनलोड करा आणि राहा अपडेट

​ कंत्राटदार हल्लाप्रकरणी भाजप युवा अध्यक्षावर गुन्ह‌ा

August 19, 2017, 3:12 pm

≫ Next: ​ पावसाने मराठवाडा चिंब

≪ Previous: ​ अखेर वरुणराजा पावला!

$

0

0

म. टा. प्रतिनिधी, औरंगाबाद
कंत्राटदारावर हल्ला केल्याप्रकरणी भाजप युवा शहर अध्यक्ष सचिन जव्हेरीसह युवराज सिद्ध आणि प्रदीप पांडे याच्यावर शनिवारी जवाहरनगर पोलिस ठाण्यात गुन्हा दाखल झाला आहे. कुलदीप अजितसिंग ठाकूर (रा. ज्योती प्राइड, सातारा) असे जखमी कंत्राटदाराचे नाव आहे.

पोलिसांनी दिलेल्या माहितीनुसार, गुरुवारी सायंकाळी सहाच्या सुमारास ठाकूर सूतगिरणी चौकातील जीममध्ये गेले. त्यांना एकाने कॉल करून बोलावल्याने ते चेतक घोडा चौकात आले. तेथे त्यांचा काही तरुणांसोबत वाद झाला. त्यानंतर १५ ते २० तरुणांच्या टोळक्यांनी लाठ्या, काठ्या चाकू आणि तलवारीने हल्ला केला. या टोळीने ठाकूर यांना चेतक घोडा चौक ते अग्निहोत्र चौकापर्यंत रक्तबंबाळ होईपर्यंत बेदम मारहाण करत नेले. रस्त्याने जाणाऱ्या तीन ते चार रिक्षा चालकांनी हल्लेखोरांपासून ठाकूर यांचा जीव वाचविला. आजूबाजूचे लोक जमा झाल्यामुळे हल्लेखोर पसार झाले. ठाकूरच्या हातावर, डोक्यात, मानेवर वार झाल्याने ते गंभीर जखमी झाले होते. नागरिकांनी त्यांना तात्काळ खासगी रुग्णालयात दाखल केले. शनिवारी ठाकूर शुद्धीवर आल्यानंतर त्यांचा जवाहरनगर पोलिसांनी जबाब घेतला. आर्थिक देवाण घेवाणीतून सचिन झव्हेरी, युवराज सिद्ध आणि प्रदीप पांडे यांच्यावर गुन्हा दाखल करण्यात आला आहे. दरम्यान, या प्रकरणी झवेरी यांचा काहीही संबंध नाही. राजकीय विरोधकांनी सूडबुद्धीने त्यांना अड‌कविल्याची प्रतिक्रिया भाजप शहरअध्यक्ष किशनचंद तनवाणी यांनी पत्रकाद्वारे दिली आहे.

कंत्राटदारावर झालेल्या हल्ला प्रकरणात संबंधिताने नोंदविलेल्या जबाबावरून गुन्हा दाखल केला आहे. तपास सुरू आहे. फिर्यादीत दिलेल्या नावाची व्यक्ती सहभागी आहे. किंवा नाही याची चौकशी सुरू आहे. - अविनाश अघाव, पोलिस निरीक्षक

मोबाइल अॅप डाउनलोड करा आणि राहा अपडेट

​ पावसाने मराठवाडा चिंब

August 20, 2017, 11:08 am

≫ Next: मराठवाड्यावर पर्जन्यकृपा

≪ Previous: ​ कंत्राटदार हल्लाप्रकरणी भाजप युवा अध्यक्षावर गुन्ह‌ा

$

0

0

टीम मटा, औरंगाबाद
तहानलेला मराठवाडा शनिवारी रात्रभर पडलेल्या पावसाने चिंब झाला आहे. नांदेड शहरात एकाच दिवसात २२१ मिलिमीटर इतका विक्रमी पावसाची नोंद झाली. तर नांदेड जिल्ह्यातील ५६ महूसल मंडळात अतिवृष्टी झाली तर पुरामध्ये वाहून गेल्याने मुलाचा मृत्यू झाला. लातूर जिल्ह्यातील ५३ पैकी ५० महसूल मंडळात अतिवृष्टी झाली. दमदार पावसामुळे मांजरा आणि तावरजा नदीवरील चार बॅरेजेसचे दरवाजे उघडण्यात आले. परभणी जिल्ह्यातील पालम तालुक्यातील पुरामुळे पाण्याचा अंदाज न आल्याने दोन मुली वाहून गेल्या. तर पूर्णा तालुक्यातील महिलेच्या अंगावर भिंत कोसळल्याने मृत्यू झाला. पावसामुळे पालम तालुक्यातील सात गावांचा संपर्क तुटला आहे. बीड जिल्ह्यातील ६३ पैकी ३५ मंडळात अतिवृष्टी झाली. त्यामुळे नदी, नाले भरुन वाहत आहेत. उस्मानाबाद जिल्ह्यात सरासरी ६६ मिलिमीटर इतका पाऊस झाला. जिल्ह्यातील ४२ पैकी १६ महसूल मंडळात अतिवृष्टीची नोंद झाली.

लातूरमध्ये ५० महसूल मंडळात अतिवृष्टी
चार बॅरेजेसचे दरवाजे उघडले
म. टा. प्रतिनिधी, लातूर
शनिवारी दुपारनंतर सुरू झालेल्या पावसाची रात्रभर संततधार कायम होती. त्यामुळे लातूर जिल्ह्यात एकाच दिवसात १०४ मिलिमिटर पावसाची नोंद झाली. जिल्ह्यातील ५३ महसूल मंडळापैकी ५० मंडळात अतिवृष्टी झाली. या पावसामुळे शिल्लक राहिलेल्या खरीप पिकांना जिवदान मिळणार आहे. तावरजा नदीला पाणी आल्यामुळे मांजरा आणि तावरजा नदीवरील चार बॅरेजेसचे दोन-दोन दरवाजे उघडण्यात आले.
लातूर जिल्ह्यात शनिवारी दुपारी सुरु झालेला पाऊस रविवारी सकाळी अकरापर्यंत रिमझीम बरसतच राहिला. लातूर जिल्ह्यातील दहा तालुक्यातील ५३ मंडळा पैकी तीन मंडळ वगळता सर्वत्र अतिवृष्टी झाली. त्यामध्ये लातूर तालुक्यातील कासारखेडा (४२ मिलिमीटर) निलंगा तालुक्यातील कासारबालकुंदा (६० मिलिमीटर) आणि देवणी तालुक्यातील बोरोळ (३८ मिलिमीटर) या तीन मंडळात कमी पावासाची नोंद झाली.
रविवारी सकाळी आठ वाजता मोजलेल्या पावसाची तालुकानिहाय आकडेवारी पुढील प्रमाणे आहे. कंसातील आकडे हे एकूण झालेल्या पावसाचे आहेत. लातूर- ९३.३८ ( एकूण ३८५ मिलिमिटर), औसा १३२ (३९४), रेणापूर १०५ (४०८), अहमदपूर ९३ (४३४),चाकूर ११२ ( ५४२), उदगीर ९३ (३७४), जळकोट ८१ (३६४), निलंगा १०८ (३६२), देवणी १०५ (४७०), शिरुर अनंतपाळ १०८ (४५०) सरासरी पाऊस १०४ ( ४१८).
लातूर जिल्ह्याची पावसाची वार्षिक सरासरी ८०२ मिलिमीटर असते. त्यामुळे रविवार सकाळपर्यंत ५२.२१ टक्के सरासरी पाऊस झाला. या पावसामुळे लातूर जिल्ह्यातील बॅरेजमधील पाण्यात झपाट्याने वाढ होत आहे. सिंचन विभागाचे कार्यकारी अभियंता एम. आय. चिश्ती म्हणाले, ‘मांजरा नदीवरी नागझरी, साई, डोंगरगाव धनेगाव या बॅरेजचे दरवाजे उघडण्यात आले आहेत. खुलगापूर पन्नास टक्के, तर शिवणी ४० टक्के भरला आहे. बिंदगिहाळ, होसूर पूर्ण भरला आहे. तावरजा नदीवरील भुसणी बॅरेजचे दरवाजे उघडण्यात आले आहेत. लातूर जिल्ह्यातून वाहणाऱ्या तेरणा नदीवर औसा तालुक्यात किल्लारी, मदनसुरी, लिंबाळा याठिकाणी केटीवेअर बांधण्यात आले आहेत. त्याठिकाणी पूर्ण क्षमतेने पाणीसाठा झाला आहे. निलंगा तालुक्यातील औराद याठिकाणी सध्या यंत्रणा लक्ष ठेऊन आहे.

..............................
उस्मानाबाद जिल्ह्यात पावसाचे दमदार आगमन
उस्मानाबाद - दोन महिन्याच्या विश्रांतीनंतर उस्मानाबाद जिल्ह्यात शनिवारी सांयकाळी पावसाचे पुनरागमन झाले. रविवारी सकाळपर्यंत जिल्ह्यात सरासरी ६६ मिलिमीटर इतका पाऊस झाला. त्यानंतर रविवारी सकाळी ११ वाजेपर्यंत जिल्ह्यात सर्वदूर पावसाची रिपरिप सुरूच होती. उस्मानाबाद जिल्ह्यातील ४२ पैकी १६ महसूल मंडळात अतिवृष्टी झाली.
शनिवार सायंकाळपासून रविवारी सकाळपर्यंत जिल्ह्यात सरासरी ६६ मिलिमिटर इतक्या पावसाची नोंद झाली. यामध्ये सर्वधिक पाऊस उस्मानाबाद तालुक्यात १०० मिलिमिटर झाला. सर्वांत कमी पाऊस उमरगा व तुळजापूर तालुक्यात ५० मिलिमिटर इतका झाला. तर लोहारा तालुक्यात ६०, वाशी ७२, भूम ७६, परंडा ५८ व कळंब ५७ मिलिमीटर पावसाची नोंद झाली आहे. शनिवार व रविवारचा मिळून जिल्ह्यात सरासरी १२० मिलीमिटर पाऊस झाला असल्याची अनाधिकृत माहिती आहे.
उस्मानाबाद शहरात शनिवारी रात्रीचा पाऊस सुमारे १३३ मिलिमीटर इतका झाला तर उस्मानाबाद ग्रामीणमध्ये १०८ मिलिमिटर पावसाची नोंद आहे. उस्मानाबाद तालुक्यातील पाडोळी सर्कलमध्ये १२० मिलिमीटर पावसाची नोंद आहे. हा पाऊस जिल्ह्यातील जलसाठा वाढण्याबरोबरच रब्बी पिकांच्या दृष्टीने उपयुक्त असा आहे. ऊस बागायतदरांना व फळबागधारकांना मात्र हा पाऊस अत्यंत उपयुक्त ठरला आहे.
उस्मानाबाद शहरातील गालीबनगर भागात नगर पालिकेने सांडपाण्याची वाट काढलेली नसल्याने या पावसाचा फटका या परिसरातील नागरिकांना बसला. रात्रीच्या पावसाचे पाणी गालीबनगर परिसरात सर्वत्र साचल्याने ते नागरिकांच्या घरात घुसले. या वेळी जिल्ह्याच्या आपातकालीन व्यवस्थेची अनुपस्थिती नागरिकांना प्रकर्षाने जानवली. राष्ट्रवादीचे आमदार राणाजगजितसिंह पाटील यांनी मात्र भर पावसात गालीब नगर भागात आपल्या सहकार्यांसह भेट देऊन तेथील नागरिकांना दिलासा देणेचे काम केले. मात्र आपातकालीन व्यवस्थेतील कुठलाही घटक या भागाकडे फिरकला नाही.
शनिवारी रात्रीच्या दमदार पावसाने उस्मानाबाद तालुक्यातील बेंबळी गावातून जाणाऱ्या सावळा नदीला पूर आल्याने उमरेगव्हाण गावाकडे जाणाऱ्या वाहतुकीचा खोळंबा झाला.

......................

बीडमध्ये संततधार
३५ महसूल मंडळात अतिवृष्टी
म. टा. प्रतिनिधी, बीड
एक महिन्याच्या दीर्घ विश्रांतीनंतर शनिवारी दुपारी पावसाचे आगमन झाले. त्यानंतर दिवसभर पावसाच्या लहान-मोठ्या सरीवर सरी येत होत्या. शनिवारी दुपारी सुरू झालेली संततधारेने मध्यरात्रीनंतर जोर धरला. रविवारी सकाळी ही पावसाची संततधार सुरू होती. जिल्ह्यात रविवारी सकाळपर्यंतच्या २४ तासांत साठ पैकी पस्तीस महसूल मंडळात अतिवृष्टी नोंद झाली. जिल्ह्यातील छोट्या मोठ्या ओढे, नदी, नाले यातून पाणी वाहू लागले आहे. पाटोदा मंडळात ११० मिलीमीटर तर पाटोदा तालुक्यातील दासखेड महसूल मंडळात १०२ मिलीमीटर तर बीड तालुक्यातील चौसाळा येथे १०० मिलीमीटर पाऊस झाला. जिल्हाभरात झालेल्या या पावसामुळे खरीप पिकाला जीवदान मिळाले. पोळ्याच्या सणाला नदी नाले वाहू लागले आहेत. त्यामुळे शेतकऱ्यांत चैतन्याचे वातावरण आहे.
जिल्ह्याची पावसाची वार्षिक सरासरी ६६६ मिलीमीटर आहे. या तुलनेत सरासरीच्या तुलनेत ४९.१५ टक्के पावसाची नोंद झाली.

जिल्ह्यातील अतिवृष्टी झालेली महसूल मंडळे
पाटोदा, थेरला, अमळनेर, दासखेड, गेवराई, धोंडराई, उमापूर, जातेगाव, बीड
राजुरी, पेडगाव, मांजरसुंबा, चौसाळा, नेकनूर, पिंपळनेर, पाली,
लिंबागणेश, अंबाजोगाई, घाटनांदूर, लोखंडी, सावरगाव, बर्दापूर, धारूर, परळी सिरसाळा, आष्टी, कडा, धामणगाव, टाकळसिंग, शिरूर, रायमोह, तींतरवणी
विडा, ह. पिंपरी, बनसारोळा, नांदूरघाट
.......................
जालन्यात दमदार हजेरी
म. टा. प्रतिनिधी, जालना
शनिवारी दुपारपासून जालना जिल्ह्यातील साधारणपणे सर्वदूर भागात पावसाचे सुखद आगमनाने शेतकऱ्यांना दिलासा मिळाला. रविवारी दिवसभर पावसाने चांगलाच जोर पकडलेला होता. पावसाने जिल्ह्याच्या दुष्काळाचे सावट नक्कीच दूर गेल्याचे सांगण्यात येत आहे. पोळ्याला बैलांना आंघोळीला पाणी मिळाल्याचे एक वेगळेच समाधान ग्रामीण भागात शेतकरी बोलून दाखवत आहेत.
जिल्ह्यात रविवारी सकाळी आठ वाजता सरासरी ३२.१९ मिलिमीटर पावसाची नोंद झाली. यामध्ये जालना २२ मिलीमीटर, बदनापूर ३८ मिलीमीटर, भोकरदन ५३ मिलीमीटर, जाफराबाद १९ मिलीमीटर, परतूर १६ मिलीमीटर, मंठा ८ मिलीमीटर, अंबड ५४ मिलीमीटर आणि घनसावंगी ४४ मिलीमीटर पावसाची नोंद करण्यात आली. जिल्ह्या आतापर्यंत २८३.६ मिलीमीटर पाऊस झाला आहे.
शनिवारी दुपारी सुरू झालेल्या पावसाने वातावरणात चांगला गारवा निर्माण झाला रविवारी दिवसभर सूर्यदर्शन झाले नाही.
जिल्ह्यातील घनसावंगी तालुक्यातील तीर्थपूरी ७० मिलीमीटर, भोकरदन तालुक्यातील अनवा ७७ मिलीमीटर व अंबड तालुक्यातील गोंदी ६६ मिलीमीटर पाऊस झाला. या तीनही ठिकाणी अतिवृष्टी झाली आहे. शहागड येथे शेतामध्ये पाणी साचले आहे. तर सुखापुरी येथील नाल्याच्या पाण्यात पुल बुडाला असल्याने गावाचा संपर्क काही वेळ तुटला होता.घनसावंगी तालुक्यातील पिंपरखेड येथील चार घरांची पडझड झाली असून गोदावरी नदी दुथडी भरून वाहते आहे.
................
नांदेडमध्ये विक्रमी पाऊस
नांदेड - नांदेड शहरात रविवारी सकाळी ८.३० वाजेपर्यंत २२१ मिलीमीटर विक्रमी पावसाची नोंद झाली. जिल्ह्यात दोघांचा नाल्यात वाहून बुडाल्याने उपचार दरम्यान मृत्यू झाला. वीज कोसळून काही जनावरे दगावली आहेत. काही घरांची पडझड झाली. सर्वाधिक म्हणजे १९९ मिलिमीटर पाऊस मुखेड तालुक्यात झाला असून सर्वात कमी म्हणजे ५३ मिलिमीटर पाऊस हिमायतनगर तालुक्यात झाला. अजूनही पावसाची संततधार सुरूच असून या पावसात नांदेड शहरातील पांडुरंगनगर भागातील एका नाल्यालाच्या पुरात वाहून बुडाल्याने बुडून शुभम उर्फ तानाजी भगवान शिंदे (वय १२) असे मृताचे नाव आहे. सायंकाळी सहावाजेपर्यंत नांदेड शहराला ज्या धरणातून पिण्याच्या पाण्याचा पुरवठा होतो. त्या विष्णुपुरी येथील शंकरराव चव्हाण जलाशयात ५९.३९ टक्के पाणी साठा झाला. रविवारी सकाळी आठ वाजता १६.३६ टक्के होता. यापुर्वी नांदेड शहरात ५ ऑगस्ट २००६ मध्ये एका दिवसात २०६ मिलीमीटर पाऊस पडल्याने विक्रम निर्माण झाला होता. हा विक्रम रात्री बारा वाजल्यापासून झालेल्या पावसाने मोडला, अशी माहिती येथील शासकीय हवामान केंद्राचे संचालक बालाजी कछ्वे यांनी ‘मटा’शी बोलताना दिली. लोहा तालुक्यातील मौजे पिंपळगाव येथील साहेब कंठीराम येवले यांची एका गाय एक वासरू एक गोऱ्हे आणि पाळीव कुत्रा ही जनावरे आणि याच तालुक्यातील टेळकी येथील गंगाधर वामन घोरबांड यांची एक गाय वीज पडून मरण पावली.
..................

परभणीत अनेक गावांचा संपर्क तुटला
परभणी - परभणी जिल्ह्यात गेल्या ३६ तासांपासून पावसाची संततधार कायम आहे. शनिवारी सकाळी ८ वाजेपर्यंत जिल्ह्यात ४२.२१ मिलिमीटर पावसाची नोंद झाली आहे. चार मंडळांमध्ये अतिवृष्टीही झाली. या पावसामुळे पालम तालुक्यातील स्थानिक नाल्याला आलेल्या पुरात दोन बहिणी वाहून गेल्या असून त्यांचा दोन तासानंतर मृतदेह सापडला. याप्रमाणेच पूर्णा तालुक्यातील धानोरा काळे येथे घराची भींत पडून ५५ वर्षीय महिला ठार झाली. याशिवाय, परभणी जिल्ह्यातील पालम, पाथरी, सेलू आदी तालुक्यांमध्ये नद्यांना आलेल्या पुरांमुळे असंख्य गावांचा संपर्क तुटला आहे.
जिल्ह्यात ४२.२१ मिलिमीटर पाऊस झाला असून यामध्ये सर्वाधिक पूर्णा तालुक्यात ६७.६० मिलिमीटर. तर परभणी ५०.७५, गंगाखेड ४७, सोनपेठ ५९, सेलू २१, पाथरी २४, जिंतूर २५.५० आणि मानवत तालुक्यात ३७.३३ मिलिमीटर पावसाची नोंद झाली. शिवाय, पूर्णा तालुक्यातील पूर्णा (७८), ताडकळस (७३), चुडावा (७७) आणि लिमला (८० मिमी) या चार मंडळांमध्ये अतिवृष्टी नोंदवण्यात आली. तसेच परभणी शहरात आज दुपारी अडीच वाजेपर्यंत १३२ मिलिमीटर पावसाची नोंद झाल्याची माहिती हवामान विभागप्रमुख प्रा. कैलास डाखोरे यांनी दिली. या पावसामुळे जिल्ह्यातील ओढे, नाले, प्रथमच ओसंडून वाहू लागले़ आहेत. परभणी तालुक्यातील इंद्रायणी नदी तर शहराजवळून वाहत असलेल्या पिंगळगड नाल्याला पूर आला आहे. पालम तालुक्यातील लेंडी नदीला पूर आल्याने फळा, सोमेश्वर, घोडा, आरखेड, उमरथडी, सायाळ, शिरपूर आदी गावांचा पहाटेपासून संपर्क तुटला आहे. तसेच सेलू-पाथरी रोडवरील धामनगावजवळ कसुरा नदीला आलेल्या पुरामुळे दोन्हीही तालुक्याचा संपर्क तुटला असून याप्रमाणेच सेलू-परभणी रोडवरील ढेंगळी पिंपळगावजवळ कसुरा नदीच्याच पुलावरून पाणी वाहत असल्याने रस्ता बंद झाला आहे. याखेरीज सेलू-जिंतूर तालुक्याच्या वेशीवरील कुपटा-वालूर या गावांना जोडणार्या रस्त्यावरील दुधना नदीच्या पुलावरून देखील पाणी वाहत असल्याने या गावांचा संपर्क तुटला.

मोबाइल अॅप डाउनलोड करा आणि राहा अपडेट

मराठवाड्यावर पर्जन्यकृपा

August 20, 2017, 12:00 pm

≫ Next: भिंत कोसळून दोन बालके ठार

≪ Previous: ​ पावसाने मराठवाडा चिंब

$

0

0

म. टा. प्रतिनिधी, औरंगाबाद

तब्बल दीड महिन्यांपासून दडी मारून बसलेल्या वरुणराजाने मराठवाड्यात दमदार कमबॅक केले. विभागात शनिवारपासून सुरू असलेल्या पावसाने रविवारी सकाळपासून सर्व जिल्ह्यांमध्ये जोरदार हजेरी लावली. मराठवाड्यात ४७ तालुक्यांतील १७० मंडळात अतिवृष्टी झाली आहे. या पावसाने विभागात सहा बळी घेतले आहेत. यंदाच्या पावसाळ्यात प्रथमच मराठवाड्यात सर्वदूर पाऊस झाला आहे.

या पावसात सहा नागरिकांना जीव गमवावा लागला. पारवा (ता. पालम, जि. परभणी) येथील आम्रपाली येवले (वय १२) आणि कीर्ती येवले (वय १९ वर्षे) या दोन चुलत बहिणींचा नाल्यातील पाण्यात वाहून गेल्या. परभणी जिल्ह्यातीलच धानोरा काळे (ता. पूर्णा) येथील प्रभावती चंद्रकांत गायकवाड (वय ५५ वर्षे) या महिलेच्या घराची भींत कोसळून मृत्यू झाला. या घटनेत घरातील तीन जण जखमी झाले आहेत. बीड जिल्ह्यातील पाथरवाला बुद्रुक येथील व्यंकट लक्ष्मण जाधव (वय ५५ वर्षे) हे सकाळी घुळंज बंधाऱ्यात वाहून गेले, तर नांदेड शहरात शुभम शिंदे (वय १२ वर्षे) हा चिमुरडा नाल्यात वाहून गेला. मुदखेड तालुक्यातील पांगरगाव येथील संभाजी जगन्नाथ तळणे (वय २८ वर्षे) हा नाल्यात वाहून गेला. पैठण शहरातील नारळा भागात डबक्यात बुडून रविवारी संध्याकाळी पार्थ परमेश्वर भुजबळ या तीन वर्षीय बालकाचा मृत्यू झाला.

मराठवड्यात एकूण ६१.७२ मिलिमीटर पाऊस झाला असून, यामध्ये औरंगाबाद जिल्ह्यात ३५.४७, जालना ३२.१९, परभणी ४२.२१, हिंगोली ४४.९६, नांदेड १००.८६, बीड ६८.४७, लातूर १०४.५५, तर उस्मानाबाद जिल्ह्यात ६५.०९ मिलिमीटर पाऊस झाला.

अतिवृष्टी झालेली मंडळे

औरंगाबाद ः ढोरकीन, सिल्लोड, अजिंठा, आमठाणा, भेंडाळा.
जालना ः अन्वा, गोंदी, तीर्थपुरी.
परभणी ः पूर्णा, ताडकळस, चुडावा, लिमला.
हिंगोली ः माळहिवरा, सिरसम बुद्रुक, वासंबा, हिमायतनगर.
नांदेड ः नांदेड, तुप्पा, विष्णुपुरी, वरसणी, वजिराबाद, नांदेड ग्रामीण, तरोडा, लिंबगाव, मुदखेड, मुगट, बारड, अर्धापूर, भोकर, किन्नी, मोधाळी, मातुळ, उमरी, सिंधी, गोळेगाव, कुरुळा, उस्माननगर, पेठवडज, वारूळ, लोहा, कलंबर, सोनखेड, शिवडी, कापशी, शिवणी, तामसा, मनाठा, पिंपरख्पोड, देगलूर, खानापूर, शहापूर, बिलोली, आमदपूर, लोहगाव, सगरोळी, कुंडलवाडी, नायगाव, नरसी, मांजरम, वरवडा, कुंटूर, मुखेड, जांब, येवती, जाहूर, चांडोळा, मक्रामाबाद, वाऱ्हाळी.
बीड ः राजुरी, पेडगाव, मांजरसुंभा, चौसाळा, नेकनूर, पिंपळनेर, पाली, लिंबागणेश, पाटोदा, थेरला, अंमळनेर, दासखंड, आष्टी, कडा, धामणगाव, टाकळसिंग, गेवराई, धोंडराई, उमापूर, जातेगाव, शिरूर कासार, राहमोह, तिंतरवणी, अंबेजोगाई, घाटनांदूर, लोखंडी सावरगाव, बर्दापूर, विडा, ह. पिंपळगाव, बनसारोळा, नांदूरघाट, धारूर, परळी, शिरसाळा.
लातूर ः लातूर, गातेगाव, तांदुळजा, मुरूड, बाभळगाव, चिंचोली बुद्रुक, औसा, लामजना, किल्लारी, मातोळा, भादा, किनिथोट, बेलकुंड, रेणापूर, पोहरेगाव, कारेपूर, पानगाव, उदगीर, मोघा, हेर, देवर्जन, वाढवणा बुद्रुक, नागलगाव, अहमदपूर, किनगांव, खंडाळी, शिरूर ताजबंद, हाडोळती, अंधारी, चाकूर, वडवळ ना., नळेगाव, झरी बुद्रुक, शेळगाव, जळकोट, घोन्सी, निलंगा, अंबुलगा बुद्रुक, मदनसुरी, औराद श., निटूर, पानचिंचोली, देवणी बुद्रुक, बलांडी, शि. अनंतपाळ, हिसामाबाद, साकोळ,
उस्मानाबाद ः उस्मानाबाद शहर, उस्मानाबाद ग्रामीण, तेर, ढोकी, बेंबळी, पाडोळी, जागजी, केशेगाव, सालगरा, नारंगवाडी, कळंब, भूम, ईट, मानकेश्वर, वाशी, जेवळा बुद्रुक

अपर जिल्हाधिकाऱ्यांच्या घरात पाणी
नांदेड जिल्ह्याला पावसाने झोडपून काढले. पावसामुळे अपर जिल्हाधिकारी संतोष पाटील यांचे संपूर्ण घर जलमय झाले असून, घरात गुडघ्यापर्यंत पाणी साचले आहे. पावसामुळे घरातील अनेक वस्तुंचे मोठ्या प्रमाणावर नुकसान झाले आहे.

मोबाइल अॅप डाउनलोड करा आणि राहा अपडेट

---

भिंत कोसळून दोन बालके ठार

August 20, 2017, 2:30 pm

≫ Next: वास्तव भेदणारे ‘किन्नर कोण’

≪ Previous: मराठवाड्यावर पर्जन्यकृपा

$

0

0

वाळूज महानगर : रांजणगाव येथे मुलाना खेळण्यासाठी घरातील भिंतीला बांधलेला झोक्यामुळे भिंत कोसळून बहिण-भावाचा जागीच मृत्यू झाला. ही घटना रविवारी दुपारी एक वाजता दत्तनगरमध्ये घडली.
रांजणगावातील दत्तनगरमध्ये शब्बीर अमीनखाँ पठाण यांची दोन मजली इमारत आहे. या इमारतीतमध्ये चार वर्षांपासून सुरेश भानुदास गाडगिले हे कुटुंबासह राहतात. त्यांच्या कुटुंबात मुंजाजी गाडगिले (वय १२), सरगम गाडगिले (वय १०), श्रद्धा गाडगिले (वय ८), रमा गाडगिले (वय ६) व संध्या गाडगिले (वय ४) ही पाच मुले आहेत. रविवारची सुटी असल्याने सर्व मुले घरात एकत्र खेळत होती. घरातील भांडी ठेवण्यासाठी बांधलेल्या भिंतीला झोका बांधण्यात आला होता. या भिंतीकरिता दगडी फरशीचा वापर करण्यात आला होता. या भिंतीला साडीच्या साहाय्याने दोन झोके बांधलेले होते. त्या झोक्यात बसून मुले खेळताना अचानक दगडी फरशी असलेली भिंत झोक्यावर कोसळली. त्यामुळे झोक्यात बसलेली रमा (वय ६) व मुंजाजी (वय १२) हे दोघे गंभीर जखमी झाल्याने जागीच ठार झाले. त्यांच्या सोबत खेळणारी श्रद्धा (वय ८) ही जखमी झाली. ही घटना घडताच जोरात आरडाओरड झाल्याने शेजारी मदतीला धावून आले. भिंतीच्या दगडी फरशी खाली दबलेले बहीण-भाऊ रक्ताच्या थारोळ्यात पडलेले होते. या घटनेची माहिती वाळूज एमआयडीसी पोलिसांना कळविण्यात आली.

झोका भिंतीला बांधलेला
घरातील भांडी ठेवण्यासाठी बांधलेल्या भिंतीला झोका बांधण्यात आला होता. या भिंतीकरिता दगडी फरशीचा वापर करण्यात आला होता. या भिंतीला साडीच्या साहाय्याने दोन झोके बांधलेले होते.

मोबाइल अॅप डाउनलोड करा आणि राहा अपडेट

वास्तव भेदणारे ‘किन्नर कोण’

August 20, 2017, 2:30 pm

≫ Next: सिक्स स्लाइस यंत्र दीड महिन्यानंतर सुरू

≪ Previous: भिंत कोसळून दोन बालके ठार

$

0

0

म. टा. प्रतिनिधी, औरंगाबाद
बेरोजगारीच्या समस्येवर प्रकाशझोत टाकणारी ‘किन्नर कोण’ आणि सामान्यांचा वेध घेणारी ‘एक एप्रिल’ या एकांकिका रसिकांना विशेष भावल्या. सरस्वती भुवन नाट्यशास्त्र विभागाच्या ‘रंगयात्रा’ उपक्रमात एकांकिका सादरीकरण झाले. गोविंदभाई श्रॉफ कला अकादमी नाट्यगृहात रविवारी सायंकाळी उपक्रम झाला.

नवोदित रंगकर्मींना रंगमंच देण्यासाठी आयोजित ‘रंगयात्रा’ उपक्रमात दोन एकांकिकांचे सादरीकरण झाले. संजय जिवने लिखित ‘किन्नर कोण’ एकांकिकेत बेरोजगारांची समस्या संवेदनशील पातळीवर दाखवण्यात आली. नोकरी नसल्यामुळे प्रेमाला आणि कुटुंबाला पारखे झालेल्या दोन बेकार युवकांची व्यथा प्रभावीपणे सादर झाली. चरितार्थ भागवण्यासाठी दोघे किन्नर असल्याचे सोंग घेऊन पैसे गोळा करतात. पण, कालांतराने तोच कायमचा व्यवसाय स्वीकारावा लागतो. उत्तम प्रकाशयोजना आणि अभिनयाच्या बळावर नेटका प्रयोग सादर झाला. या एकांकिकेचे दिग्दर्शन ललित बेदडे यांनी केले. तर सुयोग कुलकर्णी, पृथ्वी काळे, आकाश काळे, वरद वाघमारे, ललित बेदडे, अतुल गाडेकर, जगदीप गायकवाड, केदार खडके व नचिकेत सोनार यांनी भूमिका केल्या. संगीत शुभम चाकोते, प्रकाशयोजना भूषण पाटील, रंगभूषा जॉय भांबळ आणि वेशभूषा चित्रलेखा निकुंभ यांचे होते. दुसऱ्या सत्रात योगेश सोमण लिखित व अक्षय शेलारकर दिग्दर्शित ‘एक एप्रिल’ एकांकिका सादर झाली. अभिषेक देशपांडे, सुयोग कुलकर्णी, आकाश काळे व अतुल गाडेकर यांच्या प्रमुख भूमिका होत्या. भूषण पाटील, वरद वाघमारे व चित्रलेखा निकुंभ यांनी तांत्रिक सहाय्य केले. या उपक्रमाला विभागप्रमुख प्रा. किशोर शिरसाठ, प्रा. नितीन गरूड यांच्यासह विद्यार्थी व रसिक मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

सिक्स स्लाइस यंत्र दीड महिन्यानंतर सुरू

August 20, 2017, 2:30 pm

≫ Next: बनावट कागदपत्राआधारे प्लॉट बळकावला

≪ Previous: वास्तव भेदणारे ‘किन्नर कोण’

$

0

0

म. टा. प्रतिनिधी, औरंगाबाद
शासकीय वैद्यकीय महाविद्यालय व रुग्णालयाच्या (घाटी) क्ष-किरण विभागातील ६ स्लाइस सिटी स्कॅन यंत्र तब्बल दीड-दोन महिन्यांनंतर एकदाचे सुरू झाले आहे. ४५ लाख रुपयांच्या ट्युबसाठी हे यंत्र धूळखात पडून होते.
घाटीच्या क्ष-किरण विभागामध्ये ६४ स्लाइस तसेच ६ स्लाइस सिटी स्कॅन यंत्र कार्यरत आहे. घाटीतील रुग्णांसह शासकीय कॅन्सर हॉस्पिटलमधील रुग्णांची तपासणी गरजेनुसार दोन्ही यंत्रांवर केली जाते. त्यामुळे या दोन्ही यंत्रांवर मोठ्या प्रमाणात रुग्णभार आहे. मात्र ट्यूब खराब झाल्याने ६ स्लाइस यंत्र तब्बल दोन महिन्यांपासून बंद होते. त्यामुळे ६४ स्लाइस यंत्रावर मोठ्या प्रमाणावर ताण वाढून रुग्णांची प्रतीक्षायादी वाढली होती. अधिष्ठातांना तीन लाख रुपयांपेक्षा जास्त खर्चाचे अधिकार नाहीत. त्यामुळे अधिष्ठातापदाचा पदभार स्वीकारल्यानंतर डॉ. कानन येळीकर यांनी ट्यूबसाठीचा प्रस्ताव वैद्यकीय शिक्षण व संशोधन संचालनालयाला (डीएमईआर) पाठविला
होता. मात्र प्रस्तावाला मंजुरी मिळून प्रत्यक्षात यंत्र सुरू होण्यासाठी ऑगस्ट महिना उजाडला. या पार्श्वभूमीवर, आता क्ष-किरण विभागातील सर्व यंत्र सुरू असल्याचे विभागप्रमुख डॉ. वर्षा रोटे-कागिनाळकर यांनी ‘मटा’ला सांगितले.

खर्च मर्यादा वाढणार कधी?

शासकीय वैद्यकीय महाविद्यालय व रुग्णालयातील अधिष्ठातांना केवळ तीन लाखांपर्यंतचा खर्च मान्य करण्याचे, तर वैद्यकीय शिक्षण संचालकांनादेखील केवळ दहा लाखांपर्यंतच्या खर्च मान्य करण्याचे अधिकार आहेत. त्यातच बहुतांश आधुनिक उपकरणे ही लाखो रुपयांची असतात आणि त्यांच्या खर्च मान्यतेची परवानगी नसल्याने प्रत्येक प्रस्ताव राज्य सरकारकडे पाठवावा लागतो. हा प्रस्ताव मान्य होऊन प्रत्यक्षात उपकरणांची खरेदी व उपकरण रुग्णसेवेत येण्यासाठी मोठी प्रतीक्षा करावी लागते. त्यामुळे खर्च मान्यतेची मर्यादा वाढवण्याची अनेक दिवसांपासूनची मागणी आहे. या स्थितीमुळेच ४५ लाखांच्या ट्यूबसाठी प्रत्येक वेळी महिना-महिना यंत्र बंद पडते. या संदर्भात अधिष्ठातांचे खर्च मान्यतेचे अधिकार २० लाखांपर्यंत वाढवण्याचे संकेत आहेत. पण, त्यापेक्षा जास्त खर्चाचे अधिकार असावेत, असे मत व्यक्त होत आहे.

मोबाइल अॅप डाउनलोड करा आणि राहा अपडेट

बनावट कागदपत्राआधारे प्लॉट बळकावला

August 20, 2017, 2:30 pm

≫ Next: अकरावीपासून सर्वच प्रवेश रखडले

≪ Previous: सिक्स स्लाइस यंत्र दीड महिन्यानंतर सुरू

$

0

0

म. टा. प्रतिनिधी, औरंगाबाद
एका महिलेच्या पतीच्या नावावरील प्लॉट बनावट बाँड तसेच सह्या करीत बळकावल्याप्रकरणी चौघांवर सिटी चौक पोलिस ठाण्यात गुन्हा दाखल करण्यात आला आहे. हा प्रकार जून २०१५ ते फेब्रुवारी २०१६ या दरम्यान घडला. संशयित आरोपीमध्ये तलाठी, नोटरीसहित दोघांचा समावेश आहे.
या प्रकरणी जरीनबी शेख मोइनोद्दीन (रा. जुनाबाजार) यांनी तक्रार दाखल केली आहे. या तक्रारीनुसार, जरीनबी यांच्या पतीच्या नावावर भावसिंगपुरा गट क्रमांक २७-१ येथील कमलाकर सहकारी गृहनिर्माण सोसायटीमध्ये ६८ क्रमांकाचा प्लॉट आहे. जरीनबी यांचे दीर समीर चिरागोद्दीन शेख व नणंदेचा पती मिनाजोद्दीन नवाबोद्दीन काजी या दोघांनी २६ जून २०१५ रोजी शंभर रुपयाच्या बाँडवर बनावट हिब्बानामा, बक्षिसपत्र तयार केले. हा प्रकार नोटरी एस. पी. देवरा यांच्या मदतीने करण्यात आल्याचे म्हटले आहे. तसेच त्यांच्या पतीच्या बनावट सह्या करून त्यानंतर तलाठी शेवतेकर यांनी खोट्या नोंदी घेत प्लॉट संशयित आरोपीच्या नावावर करून दिला. याप्रकरणी संशयित आरोपी समीर, मिनाजोद्दीन, नोटरी देवरा व तलाठी शेवतेकर यांच्या विरुद्ध फसवणूक करणे, बनावट कागदपत्र तयार करणे, कट रचणे आदी कलमानुसार गुन्हा दाखल करण्यात आला आहे. या प्रकरणी पोलिस उपनिरीक्षक सतीष पंडित तपास करीत आहेत.

मोबाइल अॅप डाउनलोड करा आणि राहा अपडेट

अकरावीपासून सर्वच प्रवेश रखडले

August 20, 2017, 2:30 pm

≫ Next: शाडू मातीतून साकारली गणेशाची रुपे

≪ Previous: बनावट कागदपत्राआधारे प्लॉट बळकावला

$

0

0

औरंगाबाद : दहावी, बारावीचा निकाल जाहीर होऊन अडीच महिने उलटला, मात्र त्यानंतर प्रवेश प्रक्रिया लांबल्याने अकरावीपासून पदव्युत्तर अभ्यासक्रमापर्यंत सर्व अभ्यासक्रमांचे प्रवेश रखडले आहेत. त्याचा परिणाम म्हणून शैक्षणिक सत्र लांबणार आहे.

पदवीचे वेळापत्रकच नव्हते
पदवी अभ्यासक्रमाच्या स्तरावर शैक्षणिक वर्ष कधी सुरू करायचे, प्रवेश प्रक्रिया कशी राबवायला हवी याबाबत कॉलेजांना विद्यापीठ सूचना करते. डॉ. बाबासाहेब आंबेडकर मराठवाडा विद्यापीठाने शैक्षणिक वर्षाचे नियोजनच दिले नाही. कॉलेजांनी आपल्या स्तरावरच विद्यार्थ्यांकडून हमीपत्र भरून घेऊन प्रवेश दिले. त्यामुळे सत्र कधी सुरू करायचे, कधी संपणार याचा गोंधळ कायम आहे.

पदव्युत्तरमध्येही संभ्रम
कॉलेजांमधील पदव्युत्तर अभ्यासक्रमांचे प्रवेश सीईटीनुसार होतील, असे विद्यापीठाने जाहीर केले. त्यात एकवाक्यता नसल्याने कॉलेजस्तरावर अद्याप पदव्युत्तर अभ्यासकमाच्या प्रवेशाचा संभ्रम, गोंधळ कायम आहे. अनेक कॉलेजांनी आता ऑफलाइन प्रवेशाची प्रक्रिया राबविणे सुरू केल्याचे चित्र आहे. त्यामुळे हे वर्ग कधी भरणार आणि सत्र किती दिवसाचे हा प्रश्न कायम आहे.

‘विधी’चेही वर्ग लांबणार
विधी अभ्यासक्रमाच्या प्रथमवर्ष प्रवेशासाठी २० आणि २१ मे रोजी प्रवेश पूर्व परीक्षा घेण्यात आली. त्याचा निकाल जूनच्या पहिल्याच आठवड्यात जाहीर झाला. त्यानंतर अद्याप प्रवेशाची एकच फेरी पूर्ण होऊ शकली आहे. राज्य सामाइक प्रवेश परीक्षा कक्षाने जाहीर केलेले वेळापत्रक चार वेळा बदलले. बारावीनंतरच्या बीएसएल अभ्यासक्रमाची गुणवत्ता यादी, तर ऑगस्टच्या तिसऱ्या आठवड्यात जाहीर झाली. प्रवेशासाठी तीन फेरी घेतल्या जातात. त्यामुळे सप्टेंबरच्या दुसऱ्या आठवड्यात या अभ्यासक्रमाचे वर्ग सुरू होतील, असे चित्र आहे.

‘बीएड’ची पहिलीच फेरी
मुंबई विद्यापीठासह राज्यातील पदवीचे निकाल रखडल्याने बीएड अभ्यासक्रमांची प्रक्रियाच थेट ऑगस्टमध्ये पोहचली. १३ व १४ मे रोजी ऑनलाइन परीक्षा झाली तरी प्रत्यक्ष प्रवेशाच्या फेरीला मुहूर्त १७ ऑगस्ट रोजी लागला. प्रवेशाच्या तीन फेऱ्या व विशेष फेरीचा विचार केला सप्टेंबरच्या पंधरवडा उजाडेल, असे मानले जात आहे. त्यामुळे बीएड अभ्यासक्रमाचे वर्ग कधी सुरू होणार हा प्रश्न कायम आहे.

अकरावीचे वर्ग सप्टेंबरमध्ये
अकरावी ऑनलाइन प्रवेशाची प्रक्रिया लांबल्याने अकरावीचे वर्ग सप्टेंबरमध्ये सुरू होणार. ऑनलाइन प्रवेशाची प्रक्रिया पूर्ण होऊन नऊ ऑगस्टला वर्ग सुरू होतील, असे शिक्षण विभागाने सांगितले होते, परंतु विशेष फेरीच १९ ऑगस्टपर्यंत चालली. त्यानंतर ३० ऑगस्टपर्यंत रिक्त जागांसाठी पुढची फेरी चालणार आहे. दरवर्षी जुलैमध्ये सुरू होणारे अकरावीचे वर्ग यंदा दोन महिने उशिराने सुरू होतील.

‘इंजिनीअरिंग’ही लांबले
अभियांत्रिकी प्रवेशाची प्रक्रियाही यंदा लांबली आहे. प्रवेशाची प्रक्रिया पाच जून रोजी सुरू झाली. प्रवेशाची प्रक्रिया अद्याप सुरूच आहे. यंदा शासकीय, अनुदानित अभियांत्रिकी कॉलेजांमधील रिक्त जागांची संख्याही वाढलेली आहे. त्यामुळे प्रवेशाच्या तीन फेऱ्या पूर्ण झाल्यानंतर या कॉलेजांसाठीची विशेष फेरी राबविण्यात आली. त्यानंतर विशेष फेरी ऑगस्टच्या पहिल्या आठवड्यात राबविण्यात आली. त्यानंतरही जागा रिक्त राहिल्याने, ही प्रक्रिया आता पुढच्या आठवड्यात २४ ते २६ ऑगस्टपर्यंत होणार आहे.

‘आयटीआय’चाही गोंधळ
औद्योगिक प्रशिक्षण संस्थेतील प्रवेशाची प्रक्रियेत यंदा गोंधळ उडाला. प्रवेशाची प्रक्रिया होऊनही आठवडाभर प्रवेशाची फेरी निश्चित होऊ शकली नाही. आयटीआय अभ्यासक्रमासाठी १९ जूनपासून प्रवेश प्रक्रिया सुरू आहे. अद्याप विशेष फेरीची प्रक्रिया सुरू आहे. त्यामुळे सप्टेंबरमध्ये प्रत्यक्ष वर्ग सुरू होणार अशी शक्यता आहे.

प्रक्रियेला विलंब असल्याने पुरते शैक्षणिक सत्र कोलमडले. सप्टेंबरनंतरमध्ये कॉलेज सुरू होतील, तर शिकवायचे कधी आणि परीक्षा घ्यायची कधी, असा प्रश्न आहे. कॉलेजच्या पहिल्या फेरीनंतर वर्ग सुरू करण्याचा विचार सुरू आहे.
- डॉ. सी. एम. राव, प्राचार्य, एम. पी. लॉ कॉलेज

मोबाइल अॅप डाउनलोड करा आणि राहा अपडेट

शाडू मातीतून साकारली गणेशाची रुपे

August 20, 2017, 2:30 pm

≫ Next: शेवटचे चार दिवस रात्री बारापर्यंत परवानगी द्या

≪ Previous: अकरावीपासून सर्वच प्रवेश रखडले

$

0

0

म. टा. प्रतिनिधी, औरंगाबाद
गणेशोत्सव काही दिवसांवर आला आहे. खास करून बच्चे कंपनीला गणेशोत्सवाचे वेध लागलेले आहेत अशावेळी स्वतःच्या हाताने अन् पर्यावरणपूरक गणेशमूर्ती बनविण्याचा आनंद बच्चे कंपनीने रविवारी घेतला. निमित्त होते ‘महाराष्ट्र टाइम्स’ व ‘गरवारे बाल भवन’तर्फे आयोजित ‘पर्यावरणपूरक गणेशमूर्ती बनविण्याच्या कार्यशाळेचे.
गरवारे कम्युनिटी सेंटरच्या सभागृहात हा उपक्रम आयोजित करण्यात आला. त्यात पन्नासपेक्षा अधिक जणांनी सहभाग घेतला.
पर्यावरणपूरक गणेशमूर्ती तयार करण्यासाठी बच्चे कंपनीचा उत्साह वाखाणण्यासारखा होता. राजा रविवर्मा कॉलेजचे प्राचार्य उदय भोईर यांनी विद्यार्थ्यांना मार्गदर्शन केले. यावेळी केंद्राचे संचालक सुनील सुतवणे यांची प्रमुख उपस्थिती होती. कार्यशाळेत गणेशाचे विविध रुपे घडवताना बच्चे कंपनी दंग झाली होती. मूर्तीचा आकार, मूर्तीतील बारकावे शिकत काहीतरी नवीन करतोय याचा आनंद बच्चे कंपनीच्या चेहऱ्यावर होता. लहानग्यांसोबत तरुण, तरूणींसह महिला, पुरूषांनीही उपक्रमात सहभाग घेतला.
पर्यावरणाच्या दृष्टिकोनातून शाडू मातीच्या मूर्ती आवश्यक आहेत.

या उपक्रमाचे तिसरे वर्ष आहे. बच्चे कंपनीचा उत्साह अतिशय चांगला होता. त्यांचे वय लक्षात घेत त्यांना सोप्या पद्धतीने ते शिकविणे गरजेचे असते. भौमितिक आकाराचा आधार घेत त्यांना मूर्तीकला शिकवावी लागते. उपक्रमातील बच्चे कंपनीसह महिला, पुरूषांचा सहभाग उपक्रमाचे महत्व पटवून देणारा आहे.
-रोहित रौतल्ले, प्रशिक्षक.

उपक्रमात सहभागी होण्याचे माझे हे पहिले वर्ष. त्यात सहभागी होण्याचा अतिशय आनंद झाला. शाडूच्या मातीपासून सोप्या पद्धतीने गणेश मूर्ती बनिण्याबाबत करण्यात आलेले मार्गदर्शन अतिशय उत्तम होते.
-सचिन अंबटकर

मी दोन वर्षापासून उपक्रमात सहभागी होते आहे. गणपतीचा आकारावर लक्ष देत त्यासाठी घ्यावी लागणारी काळजी. आता रंग देण्याची वाट पाहते आहे. त्यानंतर मूर्तीचे रुप अधिक आकर्षक दिसेल.
-श्रद्धा रौतल्ले

मूर्ती तयार करण्याबाबत प्रशिक्षकांनी अतिशय सोप्या पद्धतीने शिकविले. मुलांसोबत मूर्ती तयार करतानाचा उत्साह होता. आपल्यालाही यात सहभागी होता आले आणि त्यातून पर्यावरणपुरक काम करता आले याचा आनंद आहे.
-संजय अष्टूरकर

उपक्रमात सहभागी होताना छान वाटले. मूर्ती तयारीनंतर आता रंग देण्याबाबतची उत्सुकता आहे. हाच गणपती बसविण्याचा एक वेगळा उत्साह असतो.
-पार्थ चांदोडकर

उपक्रमात सहभागी होण्याचा हा माझा प्रयत्न पहिलाच आहे. त्यामुळे मूर्ती तयार करताना थोडीसी भीती होती. मार्गदर्शकांनी अतिशय चांगल्या पद्धतीने मूर्ती तयार करून घेतली.
-हिमांशू अबंटकर

दोन वर्षापासून या उपक्रमात सहभागी होते आहे. स्वतः बनविलेला हाचा गणपती आम्ही घरी बसवितो. पर्यावरणाच्या रक्षणासाठीही हा उपक्रम चांगला आहे. प्रदूषण टाळण्याच्या मोहिमेत आपलाही सहभाग याचा आनंद वेगळा मिळतो.
-अर्चना कुलकर्णी

स्वतःच्या हाताने गणपती बनविण्याचा अनुभव अतिशय आनंददायी होता. मूर्तीनंतर त्याला कलर देण्यासही तेवढीच मेहनत घ्यावी लागते.
-गायत्री कुलकर्णी

मोबाइल अॅप डाउनलोड करा आणि राहा अपडेट

शेवटचे चार दिवस रात्री बारापर्यंत परवानगी द्या

August 20, 2017, 2:30 pm

≫ Next: शहरात बरसल्या आनंदधारा

≪ Previous: शाडू मातीतून साकारली गणेशाची रुपे

$

0

0

म. टा. प्रतिनिधी, औरंगाबाद
गणेश महासंघ २०१७ च्या संपर्क कार्यालयाचे उदघाटन रविवारी सायंकाळी समर्थनगर येथे विधानसभा अध्यक्ष हरिभाऊ बागडे व खासदार चंद्रकांत खैरे यांच्या हस्ते करण्यात आले. यावेळी शेवटचे चार दिवस रात्री बारावाजेपर्यंत उत्सवाला परवानगी देण्याची एकमुखी मागणी करण्यात आली. यावेळी विशेष निमंत्रित कार्यक्रमाला उपस्थित नसल्याने नाराजी देखील व्यक्त करण्यात आली.
कार्यक्रमात आपले मनोगत व्यक्त करताना माजी आमदार प्रदीप जैस्वाल यांनी पूर्वी ज्याप्रमाणे मतदान घेऊन महासंघाच्या अध्यक्षाची निवड करण्यात येत होती. ती पद्धत पुन्हा सुरू करण्याची मागणी केली. तसेच हिंदुंच्या सणालाच कायदा पाळायचा का, असा प्रश्नही उपस्थित केला. खासदार चंद्रकांत खैरे यांनी शहराला डीआयजी लेव्हलचे अधिकारी पोलिस आयुक्त म्हणून आले असून शहराचे डी व्हॅलुएशन झाले असल्याची टीका केली. कार्यक्रमाला पोलिस आयुक्त उपस्थित राहिले नसल्याबद्दल नाराजी व्यक्त केली. उद्घाटनपर भाषणात विधानसभा अध्यक्ष हरिभाऊ बागडे यांनी महासंघाच्या जुन्या अध्यक्षांची यादी तयार करावी, महासंघाच्या डॉक्युमेंटरी तयार
करावी, असा सल्ला दिला. तसेच महासंघाने आता स्वतःची जागा कार्यालयासाठी घ्यावी अशी सूचना केली. महासंघाने सामाजिक कार्यातपुढाकार घेऊन वृक्षारोपण, शैक्षणिक क्षेत्रात देखील कार्य करावे असाही सल्ला दिला. या कार्यक्रमाला संस्थापक अध्यक्ष पृथ्वीराज पवार, आमदार सतीश चव्हाण, अतुल सावे, सुभाष झांबड, मानसिंग पवार, दिलीप चितलांगे, प्रकाश मुगदिया, कृष्णा डोणगावकर, महासंघाचे गेल्या वर्षीचे अध्यक्ष अभिजित देशमुख, मनोज भारस्कर, संदीप शेळके, धीरज पवार यांच्यासह इतरांची उपस्थिती होती.

विशेष निमंत्रितांची पाठ

महासंघाच्या कार्यक्रमाच्या विशेष निमंत्रित म्हणून पोलिस आयुक्त यशस्वी यादव, जिल्हाधिकारी नवल किशोर राम, मनपा आयुक्त डी. एम. मुगळीकर, झेडपी सीईओ मधुकर राजे आर्दड, पोलिस उपायुक्त विनायक ढाकणे, राहुल श्रीरामे यांना बोलावण्यात आले होते. या सर्व विशेष निमंत्रितांची गैरहजेरी होती.

मोबाइल अॅप डाउनलोड करा आणि राहा अपडेट

---

शहरात बरसल्या आनंदधारा

August 20, 2017, 2:30 pm

≫ Next: जालना रोड खड्ड्यात; वाहनचालकांची कसरत

≪ Previous: शेवटचे चार दिवस रात्री बारापर्यंत परवानगी द्या

$

0

0

म. टा. प्रतिनिधी, औरंगाबाद
तब्बल दीड महिन्यांच्या खंडानंतर शहरात शनिवारी कमबॅक केलेल्या पावसाने दुसऱ्या दिवशीही रविवारी शहवासीयांना चिंब केले. सुटीचा दिवशी दिसभर सुरू असलेल्या पावसामुळे शहरवासीयांची तारांबळ उडाली. रात्री साडेआठपर्यंत पावसाची ३४.६ मिलिमीटर पावसाची नोंद करण्यात आली. हवामान खात्याने व्यक्त केलेल्या अंदाजानुसार, मराठवाड्यातील इतर जिल्ह्यात जोरदार पाऊस पडत असला तरी त्या तुलनेत शहरात कमी पाऊस आहे.
शहरात रविवारी सकाळपासूनच पावसाला सुरुवात झाली, अकरानंतर पावसाने दोन तास विश्रांती घेतली. त्यानंतर पुन्हा सुरू झालेला पाऊस रात्री उशीरापर्यंत सुरू होता. शहरातील सर्व भागांत पाऊस पडला. रविवारीच्या सुटीमुळे बहुतांश नागरिकांनी कुटुंबासोबत घरातच दिवस घालवला. खड्ड्यांचे शहर, अशी ओळख असलेल्या शहरामधील रस्त्यांवरील खड्ड्यांमध्ये पाणी साचल्यामुळे वाहनधारकांची तारांबळ उडून वाहनांची गती मंदावली. रविवारी सायंकाळपर्यंत शहरात सरासरी ३४.६ मिलिमीटर पावसाची नोंद करण्यात आली होती. हवामान खात्याने शनिवारपासून ४८ तासांत दमदार पावसाचा अंदाज वर्तवला होता. शहरात सकाळपासूनच सूर्यदर्शन झाले नाही,
दिवसभर शहरात ढगांची गर्दी असल्यामुळे काहीसा काळोख पसरला होता.

जिल्ह्यातही पावसाचा जोर

शहराप्रमाणेच औरंगाबाद जिल्ह्यामध्येही पावसाने हजेरी लावली. रविवारी सकाळपर्यंत जिल्ह्यात ६३.५८ मिलिमीटर पावसाची नोंद करण्यात आली. पैठण तालुक्यातील ढोरकीन (६५ मिमी) तसेच सिल्लोड तालुक्यातील सिल्लोड (६८ मिमी), अजिंठा (७६ मिमी), आमठाणा (१०५ मिमी) तसेच गंगापूर तालुक्यातील भेंडळा (८५ मिमी) मंडळामध्ये अतिवृष्टी झाली. रविवारी सकाळपर्यंत औरंगाबाद तालुक्यात ३२.४० मिलिमीटर, फुलंब्री ४५.५०, पैठण ४३.१०, सिल्लोड ६१.८८, सोयगाव ३१.००, वैजापूर १७.३०, गंगापूर ३७.३३, कन्नड २८.३८ तर खुलताबाद तालुक्यात २२.३३ मिलिमीटर पावसाची नोंद करण्यात आली.

आजही पावसाचा अंदाज

शहरात सलग तिसऱ्या दिवशी पावसाचा अंदाज हवामान विभागाने वर्तवला असून सोमवारी शहरात ढगाळ वातावरणासोबतच मध्यम स्वरुपाचा पाऊस होईल होण्याची शक्यता आहे. यासह २१ ते २६ ऑगस्ट दरम्यान शहरात हलक्या स्वरुपाच्या पावसाचाही अंदाज आहे.

मोबाइल अॅप डाउनलोड करा आणि राहा अपडेट

जालना रोड खड्ड्यात; वाहनचालकांची कसरत

August 20, 2017, 2:30 pm

≫ Next: दीर्घ खंडानंतर घाटी हॉस्पिटलमध्ये ‘बायपास’

≪ Previous: शहरात बरसल्या आनंदधारा

$

0

0

म. टा. प्रतिनिधी, औरंगाबाद
शहरातील सर्वाधिक रहदारीचा जालना रस्ता अत्यंत वाईट झाला आहे. जून महिन्यातील पावसानंतर अनेक ठिकाणी खड्डे पडले होते. त्याच्या दुरुस्तीकडे दुर्लक्ष केल्यामुळे शनिवारी झालेल्या पावसानंतर रस्त्यावरून वाहने चालवणे अत्यंत कठीण झाले आहे.
महापालिकेच्या हद्दीत असलेल्या जालना रस्त्याची जबाबदारी सार्वजनिक बांधकाम विभागाकडे आहे. हा रस्ता राष्ट्रीय महामार्ग प्राधिकरणातर्फे (एनएचएआय) मजबूत करण्याबाबत घोषणा दोन वर्षांपूर्वी करण्यात आली होती. पण, हा प्रस्ताव नवी दिल्ली येथे अडला आहे. दरम्यानच्या काळात या रस्त्याच्या डागडुजीकडे दुर्लक्ष झाले. जून महिन्यात शहरात झालेल्या जोरदार पावसानंतर क्रांती चौक, महर्षि दयानंद चौक (दूध डेअरी सिग्नल), मोंढा नाका, आकाशवाणी चौक, सेव्हन हिल उड्डाणपुलाचा डावीकडील भाग, मुकुंदवाडी चौक येथे मोठ्या प्रमाणावर खड्डे पडून पाणी साचले होते. त्याची दुरुस्ती करण्याबाबत अनेकदा मागणी करण्यात आली पण प्रशासनाने लक्ष
दिले नाही. क्रांती चौक उड्डाणपुलाच्या पूर्व दिशेला उजव्या बाजूला सात फुटांपर्यंत रस्त्यात खड्डे झाले आहेत. या रस्त्याची जबाबदारी महापालिकेची असल्याचे पीडब्लूडी सांगते. खड्डे बुजविण्यासाठी एकदा ठिगळपट्टी करण्यात आली. पण थोडासा पाऊस व वाहतुकीमुळे येथील खड्डे उघडे पडले आहेत.

येथे आहे धोका

शासकीय दूध डेअरी
दूध डेअरीसमोरचा मोठा खड्डा वाहनधारकांसाठी कायमची डोकेदुखी ठरला आहे. रस्त्यालगतच्या या खड्ड्यात साचलेल्या पाण्यातून वाट काढताना अनेकवेळा दुचाकीस्वार पडतात. महर्षि दयानंद चौकातील इंडिया बँकेसमोरचा कच्चा रस्ताही असाच जीवघेणा आहे.

मोंढा नाका
मोंढा नाका उड्डाणपुलाखाली उत्तरबाजूला जलवाहिनीच्या कामासाठी खोदून ठेवलेला रस्ता तीन वर्षांनंतरही बुजविलेला नाही.

सेव्हन हिल उड्डाणपूल
सेव्हन हिल उड्डाणपुलाखाली उत्तर बाजूला खडबडीत रस्ताही नागरिकांसाठी त्रासदायक आहे.

मुकुंदवाडी चौक
जालना रोडची साडेतीन वर्षांपूर्वी दुरुस्ती केली गेली. त्यावेळी मुकुंदवाडी चौकातील पाणी निचरा होण्यासाठी ड्रेनेज करण्यासंदर्भात चर्चा झाली होती. पण तिथे जागाच मिळाली नसल्याने रस्ता केला गेला. त्याचा फटका आता बसत आहे.

मोबाइल अॅप डाउनलोड करा आणि राहा अपडेट

दीर्घ खंडानंतर घाटी हॉस्पिटलमध्ये ‘बायपास’

August 20, 2017, 2:30 pm

≫ Next: चिखलातच भरला रविवार बाजार

≪ Previous: जालना रोड खड्ड्यात; वाहनचालकांची कसरत

$

0

0

म. टा. प्रतिनिधी, औरंगाबाद
शासकीय वैद्यकीय महाविद्यालय व रुग्णालयामध्ये (घाटी) दीर्घ खंडानंतर ‘बायपास’सह हृदयाच्या इतर शस्त्रक्रिया सुरू झाल्या आहेत. गेल्या दीड महिन्यांत किमान तीन ते चार बायपास शस्त्रक्रिया झाल्या असून, येत्या काळात लहान मुलांवरील हृदयाच्या शस्त्रक्रियाही होणार आहेत.
सर्व प्रकारच्या हृदयावरील उपचार-शस्त्रक्रियांसाठी घाटीमध्ये ‘उरोशल्य चिकित्सा व हृदयरोग अतिचिकित्सा’ (सीव्हीटीएस) हा स्वतंत्र विभाग अत्याधुनिक उपकरणांसह मागच्या आठ-नऊ वर्षांपासून कार्यरत आहे, मात्र हृदयरोगतज्ज्ञ, हृदयशल्यचिकित्सक व इतर पदांची कायमस्वरुपी नियुक्ती नसल्याने पहिल्यापासून संपूर्ण विभाग हा मानद तज्ज्ञांवर; तसेच बंधपत्रित डॉक्टरांवर सुरू आहे. तज्ज्ञांची कायमस्वरुपी नियुक्ती नसल्यानेच हा विभाग पूर्ण क्षमतेने कधीच कार्यरत झाला नाही. परिणामी, या विभागामध्ये आतापर्यंत खंडित स्वरुपात उपचार होत आले आणि याच कारणामुळे विभागामध्ये आतापर्यंत फार कमी बायपास शस्त्रक्रिया झाल्या. या स्थितीवर मात करीत दीड-दोन महिन्यापूर्वी बंधपत्रावर नियुक्ती झालेल्या डॉ. प्रशांत मोरे यांनी ‘बासपास’सह हृदयाच्या विविध शस्त्रक्रिया सुरू केल्या आहेत. हृदयशल्यचिकित्सक डॉ. मोरे यांनी मागच्या दीड महिन्यात तीन ते चार बासपास शस्त्रक्रियांसह हृदयाच्या व रक्तवाहिन्यांच्या इतरही शस्त्रक्रिया केल्या आहेत. हृदयशस्त्रक्रियांसाठी आवश्यक असलेले ‘परफ्युजिनिस्ट’ हे तांत्रिक पद नसताना मानधन तत्वावर त्यांची सेवा घेऊन शस्त्रक्रिया केल्या जात आहेत. विशेष म्हणजे मागच्या अनेक वर्षांत विभागामध्ये बायपास शस्त्रक्रिया झालेल्या नव्हत्या. आतापर्यंतच्या बहुतांश शस्त्रक्रिया या ‘राजीव गांधी जीवनदायी आरोग्य योजनें’तर्गत झाल्या आहे. योजना लागू नसणाऱ्यांवरही नाममात्र शुल्कात शस्त्रक्रिया होऊ शकते, असेही त्यांनी सांगितले.

महिन्याला ६० ‘ग्राफी’, १२ ‘प्लास्टी’
सद्यस्थितीत याच विभागातील ‘कार्डिओलॉजी’ या उपविभागामध्ये अँजिओग्राफी, अँजिओप्लास्टी व इतर उपचार नियमितपणे होत असून, महिन्याला सुमारे ६० अँजिओग्राफी व १० ते १२ अँजिओप्लास्टी; तसेच इतरही हृदयाचे उपचार होत आहेत. सद्यस्थितीत विभागामध्ये ‘स्टेन्ट’चा पुरवठाही पुरेशा प्रमाणात असल्याचे सांगण्यात आले.

पायांच्या वेदनांचेही ‘मॅनेजमेंट’
पायाच्या रक्तवाहिन्यांच्या आजारांमध्ये होत असलेल्या असह्य वेदना नाहीशा करणासाठी खास ‘पेन मॅमेजमेंट’ याच घाटीच्या ‘सीव्हीटीएस’मध्ये सुरू झाले आहे. खास इंजेक्शन्सद्वारे ‘कॅथलॅब’मध्ये केल्या जाणाऱ्या या प्रक्रियेमध्ये वेदना कायमस्वरुपी नाहीशा केल्या जातात, असेही डॉ. मोरे यांनी सांगितले.

‘सीव्हीटीएस’मध्ये ‘बायपास’ शस्त्रक्रिया होत असून, हृदयाच्या इतरही शस्त्रक्रिया होत आहेत. विभाग अधिकाधिक कार्यक्षमतेने कार्यरत होण्यासाठी प्रयत्न सुरू आहेत.
- डॉ. कानन येळीकर, अधिष्ठाता, घाटी

‘सीव्हीटीएस’ विभागाला किमान पाच ते सहा ‘हाऊस ऑफिसर’ची गरज असून, हे ‘एचओ’ मिळून देण्याचा प्रयत्न आहे. त्याशिवाय विभागाच्या विस्तारासाठी प्रयत्न होत आहेत.
- डॉ. सुधीर चौधरी, वैद्यकीय अधीक्षक, घाटी

मोबाइल अॅप डाउनलोड करा आणि राहा अपडेट

चिखलातच भरला रविवार बाजार

August 20, 2017, 2:30 pm

≫ Next: वेध गणरायाचेः पूजा साहित्य खरेदीत उत्साह

≪ Previous: दीर्घ खंडानंतर घाटी हॉस्पिटलमध्ये ‘बायपास’

$

0

0

म. टा. प्रतिनिधी, औरंगाबाद
पावसाने दमदार हजेरी लावल्याने जाफर गेट येथील रविवार बाजार चिखलातच भरला. ग्राहकांना चिखल तुडवत जाऊन खरेदी करावी लागली. या स्थितीचा फटका व्यावसायिकांना बसला.
दीर्घ प्रतीक्षेनंतर शहरात पावसाने शनिवारपासून हजेरी लावली आहे. शहरात शनिवारी दिवसा व रात्री पाऊस बरसला, रविवारची सकाळही पावासानेच सुरू झाली. त्यामुळे रविवार बाजार मैदानात सर्वत्र चिखल झाला होता. येथील भाजीविक्रेत्यांनी प्लास्टिक आवरण लावून दुकाने थाटली. पावसामुळे दिवसभर ग्राहकी कमीच राहिली. बाजाराच्या दुसऱ्या भागात इलेक्ट्रॉनिक वस्तुंचा बाजार भरवला जातो. येथील व्यापाऱ्यांचीही त्रेधातिरपिट उडाली. भंगार व इलेक्ट्रॉनिक सामान खरेदीसाठी आलेल्या ग्राहकांना चिखलातून वाट काढण्याचा त्रास सहन करावा लागला. पावसामुळे पुस्तकांची दुकाने गुंडाळावी लागली. कपडा मार्केटमध्ये व्यापाऱ्यांची धावाधाव झाली.

सुविधा द्याव्यात

रविवार बाजारातील दुकानदारांकडून महापालिकेमार्फत शुल्क वसूल केले जाते. परंतु, त्याप्रमाणात त्यांना सुविधा पुरवल्या जात नाहीत. किमान पावसाळ्यात तरी सुविधा पुरवाव्यात, अशी मागणी व्यापाऱ्यांनी केली आहे.

मोबाइल अॅप डाउनलोड करा आणि राहा अपडेट

वेध गणरायाचेः पूजा साहित्य खरेदीत उत्साह

August 20, 2017, 2:30 pm

≫ Next: आवक वाढल्याने भाज्यांचे दर घटले

≪ Previous: चिखलातच भरला रविवार बाजार

$

0

0

म. टा. प्रतिनिधी, औरंगाबाद
गणरायाच्या आगमनाला केवळ चार दिवस उरले आहेत. शनिवार व रविवारी दोन दिवसात पाऊस असूनही उत्सवाच्या खरेदीत गणेशभक्तांत उत्साह आहे. मखर, सजावट आणि पूजा साहित्यांची खरेदी सुरू झाली आहे.
औरंगपुरा, जिल्हा परिषद मैदान, गजानन महाराज मंदिर परिसर, त्रिमुर्ती नगर, हडको-संभाजी महाराज चौक या परिसरात पूजा साहित्यांची दुकाने लागली आहेत. गणेशपूजा साहित्यात विक्रीची एक पॅकेट पद्धत सुरू झाली आहे. या पाकिटात हळद, कुंकू, अबीर, गुलाल, रांगोळी, गंधगोळी, जानवी जोड-दोन, अष्टगंध, शेंदूर, कापूस वाती, कापसाची वस्त्र, लाल वस्त्र, सुपारी, खारीक, बदाम, अत्तर, मध, कापूर, धूप, उदबत्ती, खोबरे वाटी, गुळ, खडीसाखर आदी साहित्य आहे. त्याती किंमत किमान ५० रुपये ते कमाल ४०० रुपयांपर्यंत आहे. ग्राहकाने किती वस्तू हव्या हे सांगितले की त्यानुसार पाकिट तयार करून दिले जाते. या साहित्याला मागणी वाढली आहे.
दरम्यान, पूजा साहित्याची विक्री वेबसाइट द्वारेही होत आहे. या शिवाय दुकानदारांनी सोशल साइटवरूनही प्रचार सुरू केला आहे.

साहित्यांचे दर स्थिर

पूजा साहित्याच्या दरात यंदा फार वाढ झालेली नाही. मागील वर्षी १० ते १५ रुपयांला मिळणाऱ्या विविध पुड्या यंदाही याच किंमतीत उपलब्ध आहेत. जीएसटी लागू होण्यापूर्वीच खरेदी झाल्याने पूजा साहित्यावर जीएसटी लागू केलेला नाही, असे विक्रेत्यांनी सांगितले. गणेशोत्सवापर्यंत विक्री वाढणार आहे. हरतालिका, गणपती, महालक्ष्मी या उत्सवामुळे बाजारात या आठवड्यात ग्राहकांची रेलचेल राहील. गणपती उत्सव सुरू होण्याआधीच्या रविवारी असल्याने ग्राहकांचा प्रतिसाद आहे, पाऊस चांगला झाल्यास चैतन्य निर्माण होऊन विक्री वाढेल, अशी अपेक्षा औरंगपुरा येथील व्यापारी प्रीतम कानडे यांनी व्यक्त केली.

मोबाइल अॅप डाउनलोड करा आणि राहा अपडेट