स्केटिंग स्पर्धा
म. टा. प्रतिनिधी, औरंगाबाद
रोलर रिले स्केटिंग फेडरेशनतर्फे आयोजित करण्यात आलेल्या तेविसाव्या अखिल भारतीय रोलर रिले स्केटिंग अजिंक्यपद स्पर्धेत महाराष्ट्राच्या खेळाडूंनी उल्लेखनीय यश मिळवले. त्यात औरंगाबादच्या स्केटरनी सोळा पदके जिंकली.
गोवा येथे ही स्पर्धा झाली. या स्पर्धेत महाराष्ट्र, गोवा, राजस्थान, गुजरात, तमिळनाडू, कर्नाटक, केरळ, आंध्र प्रदेश, मध्य प्रदेश या राज्यांतील तीनशे खेळाडूंनी सहभाग घेतला होता. या स्पर्धेमध्ये औरंगाबादच्या साई आंबे, राजेश भावसार, साई नटराजन, अदिती जवळगीकर, अद्वैत पिलखाने, अभिनव वानखेडे, वैदेही लव्हारे, श्रेयस करंगळे यांनी सुवर्णपदकाची कमाई केली. सुरज जाधव, चैतन्य राजपूत, समर्थ ठाकूर, अंशुम जैस्वाल, अनिरुद्ध जंजाळ, ओम जवळगीकर हे रौप्यपदकाचे मानकरी ठरले, तर वरद मोरे, अथर्व देवकर यांनी ब्राँझपदके पटकावली.या स्पर्धेतील सुवर्णपदक विजेत्यांची मलेशियात होणाऱ्या आंतरराष्ट्रीय स्केटिंग स्पर्धेसाठी निवड करण्यात आली आहे. विजेत्यांना फेडरेशनचे अध्यक्ष नितीन घोगरे, अनंत जोशी, भिकन आंबे, प्रभाकर ढगे यांच्या हस्ते पारितोषिकांचे वितरण करण्यात आले. या स्पर्धेत महाराष्ट्र संघाने २१ पदकांची कमाई केली. त्यात औरंगाबादच्या खेळाडूंनी १६ पदके जिंकली आहेत.
अंतिम निकाल ः प्रोफेशनल इनलाइन - ४ ते ६ वर्षे वयोगट : मुले - १. के. वेदांत (तमिळनाडू), २. श्लोक चव्हाण (महाराष्ट्र). मुली - १. श्रीशा कारंजे (मध्य प्रदेश). ६ ते ८ वर्षे मुले - १. रायन डिसुझा (गोवा), २. अथर्व साळुंके (महाराष्ट्र), ३. वेदांत कुंभार (महाराष्ट्र). मुली - १. कृती कय्या (आंध्र प्रदेश), २. स्वस्ती शेट्टी (तमिळनाडू), ३. हनिफा मेहनज (कर्नाटक). ८ ते १० वर्षे मुले - १. तन्मय कोटाळे (महाराष्ट्र), २. सुरज फरीद्र (कर्नाटक), ३. वेदांत हेरवाडे (राजस्थान). मुली - १. तनिष्का मेमाने (गुजरात), २. जेसरल फर्नांडिस (गोवा).
१० ते १२ वर्षे मुले - १. साई आंबे (महाराष्ट्र), २. केन फर्नांडिस (गोवा), ३. श्रीयश आलेकर ((महाराष्ट्र). मुली - १. कुविरा अशोटीकर (गोवा), २. नव्या शेट्टी (आंध्र प्रदेश), ३. नायोमी वेलो (कर्नाटक). १२ ते १४ वर्षे मुले - १. शिवम संकलापुर (केरळ), २. सुरज जाधव (महाराष्ट्र), ३. जी. सोमसेटर (कर्नाटक).
फॅन्सी इनलाइन ः चार वर्षे मुली - १. वंशदा अय्या (आंध्र प्रदेश), २. मनस्विता के. (कर्नाटक). मुले - १. राजेश भावसार (महाराष्ट्र). ४ ते ६ वर्षे मुले - १. साई नटराजन ((महाराष्ट्र), २. चैतन्य राजपूत (महाराष्ट्र). मुली - १. अदिती जवळगीकर (महाराष्ट्र), २. राजलक्ष्मी (तमिळनाडू). ६ ते ८ वर्षे मुले - १. अद्वैत पिलखाने (महाराष्ट्र), २. समर्थ ठाकूर (महाराष्ट्र), ३. अवधूत बांगेकर (महाराष्ट्र). ८ ते १० वर्षे मुले - १. अभिनव वानखेडे (महाराष्ट्र), २. अंशुम जैस्वाल (महाराष्ट्र), ३. वरद मोरे (महाराष्ट्र). १० ते १२ वर्षे मुले - १. राजवर्धन राजपूत (महाराष्ट्र), २. अनिरुद्ध जंजाळ (महाराष्ट्र), ३. सार्थक भुते (महाराष्ट्र). मुली - १. वैदेही लव्हारे (महाराष्ट्र), २. सानिका भानगरे (मध्य प्रदेश), ३. वेदिका पवार (राजस्थान). १२ ते १४ वर्षे मुले - १. श्रेयस करंगळे (महाराष्ट्र), २. ओम जवळगीकर (महाराष्ट्र), ३. अथर्व देवकर (महाराष्ट्र).
मोबाइल अॅप डाउनलोड करा आणि राहा अपडेट
