यंदाच्या गणेशोत्सवामध्ये आतापर्यंत ६०८ गणेश मंडळानी एक खिडकी योजनेंतर्गत नोंदणी केली आहे. गेल्यावर्षी शहरात १०६८ मंडळाची नोंदणी पोलिसांकडे झाली होती. यावर्षी दौलताबाद, वाळूज व वाळूज एमआयडीसी पोलिस ठाण्यात स्वतंत्र नोंदणी करण्यात आली. त्यामुळे मंडळांची विभागणी झाल्याचे चित्र आहे.
गेल्या काही वर्षांपासून शहरात गणेश मंडळाच्या नोंदणीसाठी एक खिडकी योजना सुरू करण्यात आली होती. पोलिस आयुक्तालयातील अलंकार हॉल येथे एकाच छताखाली पोलिस, महावितरण, महापालिका व धर्मादाय आयुक्त कार्यालयाचे प्रतिनिधी ही नोंदणी करून घेत होते. यामुळे गणेश मंडळाचे काम सुखकर झाले होते. गेल्या वर्षी शहरात १०६८ मंडळाची नोंदणी करण्यात आली होती. यामध्ये १५ पोलिस ठाण्यांचा समावेश होता. यावर्षी दौलताबाद, वाळूज व वाळूज एमआयडीसी पोलिस ठाण्यांनी त्यांची स्वतंत्र नोंदणी करून घेतली आहे. त्यामुळे गणेश मंडळाच्या नोंदणीमध्ये विभागणी झाली आहे. शहरात एकूण किती गणेश मंडळानी नोंदणी केली, याचे चित्र सोमवारी सायंकाळपर्यंत स्पष्ट होणार आहे. एक खिडकी योजनेंतर्गत पोलिस प्रशासनाच्या वतीने विशेष शाखेचे पोलिस निरीक्षक शरद इंगळे व पीएसआय गोरख चव्हाण काम पाहत आहेत.
‘धर्मदाय’कडे ऑनलाइन नोंदणी
यंदा पोलिस आयुक्तालयात इमारतीचे बांधकाम सुरू आहे. त्यामुळे जागा उपलब्ध नाही ही बाब लक्षात घेऊन महापालिकेच्या आवारात एक खिडकी योजना सुरू करण्यात आली आहे. या एक खिडकीमध्ये पोलिस, महावितरण व महापालिकेचे प्रतिनिधी मंडळाच्या सेवेसाठी उपलब्ध आहे. धर्मादाय आयुक्त कार्यालयाने ऑनलाइन नोंदणी पद्धत सुरू केल्याने यावेळी त्यांचा या ‘एक खिडकी’मध्ये समावेश नाही.
मोबाइल अॅप डाउनलोड करा आणि राहा अपडेट
म. टा. प्रतिनिधी, लातूर
