स्थानिक गुन्हे शाखा पोलिसांनी सोमवारी रात्री आठच्या सुमारास तालुक्यातील शिऊर येथे सरपंच नितीन चुडीवाल यांच्या घरासमोरील शंकरस्वामी मंदिराजवळच्या मोकळ्या जागेत छापा मारून जुगार खेळणाऱ्या नऊ जणांना पकडले. या कारवाईत रोख १२ हजार १८० रुपये, १४ हजार ५०० रुपये किंमतीचे सहा मोबाइल व जुगाराचे साहित्य, असा २६ हजार ६८० रुपयांचा मुद्देमाल हस्तगत केला.
आरोपींमध्ये शिऊर येथील तंटामुक्त समितीचा उपाध्यक्ष व उपसरपंच सय्यद जाकीर सय्यद सलीम, पक्षाचा कार्यकर्ता सुनील अशोक देशमुख, पुंडलिक बाजीराव जाधव, प्रा. शेखर सोन्याबापू देशमुख, माजी उपसरपंच नाना माणिकराव साळुंके, व्यापारी रणजित प्रभाकर श्रीवास्तव, माणिक शंकरलाल कायस्थ, दत्तात्रय परसराम सूर्यवंशी व राजू चंद्रकांत सदावर्ते यांचा समावेश आहे. हा छापा पोलिस निरीक्षक सुभाष भुजंग यांच्या मार्गदर्शनाखाली हेडकॉन्स्टेबल रतन वारे, नवनाथ कोल्हे, विक्रम देशमूख, किरण गोरे व सागर पाटील यांनी मारला. रतन वारे यांच्या फिर्यादीवरून शिऊर पोलिस ठाण्यात गुन्हा दाखल करण्यात आला आहे.
बड्यांना वगळले ?
जुगार अड्ड्यावर छापा पडल्यानंतर माजी जिल्हा परिषद सदस्य, सरपंच, उपसरपंच वृत्तपत्राचा प्रतिनिधी व शिक्षकांसह शिऊर येथील काही प्रतिष्ठित लोक असल्याचे माहिती सोशल मीडियावर पसरली होती. शिवाय या कारवाईतून बड्यांना वगळल्याची तालुक्यात चर्चा आहे.
मोबाइल अॅप डाउनलोड करा आणि राहा अपडेट
