अवघ्या दोन दिवसांपूर्वी उदघाटन करून थाटामाटात सुरू केलेल्या जुगार अड्डयावर आर्थिक गुन्हे शाखेने रविवारी रात्री छापा मारला. रेल्वे स्टेशन परिसरातील एका हॉटेलमागे इमारतीचा तळमजला व पहिल्या मजल्यावर हा अड्डा सुरू होता. अड्डा चालवणाऱ्या माजी नगरसेवक, एमआयएमचा विद्यामान नगरसेवक व इतर ४८ जणांना अटक करण्यात आली. त्यांच्या ताब्यातून रोख पावणेपाच लाख रुपये, हँडसेट, दुचाकी, असा साडेचौदा लाखांचा ऐवज जप्त करण्यात आला. याप्रकरणी वेदांतनगर पोलिस ठाण्यात गुन्हा दाखल करण्यात आला आहे.
पोलिसांनी केलेल्या या कारवाईमध्ये माजी नगरसेवक अब्दुल रशीद अब्दुल सत्तार (रा. सादातनगर,) विद्यामान नगरसेवक जहागीरखान अब्बासखान उर्फ अज्जू पहेलवान (रा. कटकटगेट), मॅनेजर देवानंद जगन्नाथ घाटेशाही (रा. समतानगर) यांच्यासह संतोष बळीराम कुंडलकर (रा. जालना), माधव नारायण वाणी (रा. हर्सूल), विनोद कपूरचंद पगारिया, (रा. श्रीकृष्णनगर, शहानूरमिया रोड), किशोर उत्तमराव चव्हाण (रा. वजनापूर, ता. गंगापुर), संतोष मोहनदास नागदेव (रा. सीटीएस ०७, अरिहंतनगर), अशोक कापडिया (रा. गोवर्धन अपार्टमेंट, पानदरिबा), बंडू उर्फ उत्तम जगन्नाथ दुबे (रा. घाणेगाव, ता. गंगापूर), संजय रमेशचंद्र अग्रवाल (रा. फ्लॅट क्र. १६, चंद्रगुप्त अपार्टमेंट, शहानूरवाडी), गोरख आमराव आटोळे (रा. नरीमननगर, जालना), सय्यद इलियास सय्यद बाबू (रा. रवण सराडा, अंबड), अविनाश बळीराम चौधरी (रा. प्लॉट क्र. १६, उल्कानगरी), गौस कुरेशी मुसा कुरेशी (रा. खुलताबाद, ह. मु. सिल्लेखाना), शरद बन्सीलाल सिंघवी (रा. एन-४, सिडको), महेश श्रीनिवास दांगडिया (रा. नुपूर अपार्टमेंट, महेशनगर), मंगेश साईनाथ मुंडे (रा. सी-९, उल्कानगरी), राजू धोंडीराम जगदाळे (रा. हर्सूल सावंगी), नारायण सखाराम शिंदे (रा. देवानगरी), संजय गुलाबचंद जैन (रा. स्टेडियमसमोर, गारखेडा), जफर अब्दूल गफार (रा. दहीपुरी, ता. अंबड), मदन दामोदर राजेकर (रा. गल्ली क्र. १०, पुंडलिकनगर), अफसर बेग अहेमद बेग (रा. सादातनगर), अशोक रामराव करंके (रा. एमआयडीसी कॉलनी, वेदांतनगर), मिलिंद चंद्रसिंग पाटील (रा. सुदर्शन हाऊसिंग सोसायटी, वेदांतनगर), सुलेमान खान शेरखान (रा. सादातनगर), शिवाजी रामभाऊ चाळगे (रा. हडको कॉर्नर, एन-१३), अनुरथ प्रल्हाद गिरे (रा. सारा वैभव, जटवाडा रोड), शेख रफिक शेख बद्रोद्दीन (रा. संजयनगर), गजानन रामराव सुलतानी (रा. अंबड चौफुली, जालना), अन्वर कुरेशी सलीम कुरेशी (रा. नूतन कॉलनी), रमेश लक्ष्मण गायकवाड (रा. सावंगी हर्सूल), गंगाधर मारोती करेवाड (रा. श्रीकृष्णनगर), विलास पांडुरंग निकम (रा. चिंचोली लिंबाजी, ता. कन्नड), शेख लाल शेख बाबू (रा. शहाबाजार, चंपा चौक), प्रकाश विश्वनाथ वानखेडे (रा. रेल्वे क्वॉर्टर, रुम क्र.८०), रामचंद्र ठाणसिंग राजपूत (रा. एन-७, सिंहगड कॉलनी), संभाजी लहू जाधव (रा. विशालनगर, गारखेडा), फेरोज खान खाजा खान (रा. सादातनगर), शेख रियाज शेख फारुख (रा. कन्हैय्यानगर, जालना), संजय जगन्नाथ आरड (रा. बालाजीनगर), शेख अन्वर शेख शेरा (रा. सादातनगर), मुमताज खान महेबुब खान (रा. सिल्कमिल कॉलनी), गणेश संतराम वेताळ (रा. सुल्तानपूर, ता. खुलताबाद), फेरोज खान अहेमद खान (रा. सादातनगर), शरीफ खान बशीर खान पठाण (रा. अमीदनगर, सातारा परिसर), साईनाथ रामसिंग हरणे (रा. हर्सूल), शेख बाबू शेख रऊफ (रा. अन्सार कॉलनी) यांचा आरोपीमध्ये समावेश आहे.
पीआय शिनगारे निलंबित
रेल्वे स्टेशन परिसरात रविवारी रात्री आर्थिक गुन्हे शाखेने जुगार अड्ड्यावर छापा टाकला होता. हा अड्डा वेदांतनगर पोलिस ठाणे हद्दीत सुरू होता. याप्रकरणी वेदांतनगर पोलिस ठाण्याचे पोलिस निरीक्षक दादासाहेब शिनगारे यांचा निष्काळजीपणा दिसून आल्याने पोलिस आयुक्त यशस्वी यादव यांनी शिनगारे यांच्या निलंबनाचे आदेश दिले आहेत. दरम्यान, याप्रकरणी एका वरिष्ठ पोलिस अधिकाऱ्यासह पोलिस निरीक्षकालाही कारणे दाखवा नोटीस बजावण्यात आली असल्याची माहिती सूत्रांनी दिली.
मोबाइल अॅप डाउनलोड करा आणि राहा अपडेट
