बिल्डर कासलीवालची रवानगी हर्सूलमध्ये

October 4, 2017, 2:30 pm

≫ Next: वीज पुरवठा खंडित; उद्योजक त्रस्त

≪ Previous: पर्यटन पर्वानिमित्त उद्या महास्वच्छता

$

0

0

म. टा. प्रतिनिधी, औरंगाबाद
मलकापूर अर्बन कोऑपरेटिव्ह बँकेत सातारा येथील गट क्र. ७४ मधील फ्लॅट तारण ठेवून चार कोटी रुपयांची बँकेची फसवणूक केल्याप्रकरणी बिल्डर संजय कसलवाल याची रवानगी हर्सूल कारागृहात करण्याचे आदेश प्रथम वर्ग न्यायंदडाधिकारी आर. आर. मावतवाल यांनी दिले.
या प्रकरणी मलकापूर बँक व्यवस्थापक संजय रमेश फिरके यांनी सिटी चौक पोलिस ठाण्यात फिर्याद दिली होती. फिर्यादीनुसार, कासलीवाल याने बँकेची तारण मिळकत उभी करण्यासाठी कार्यालयात खोटे कागदपत्रे सादर केले होते. आर्थिक गुन्हे शाखेच्या पोलिसांना शुक्रवारी मिळालेल्या खबऱ्याच्या माहितीच्या आधारे बिल्डर संजय कासलीवाल यास चिंतामणी कॉलनी येथून अटक केली होती. त्याला कोर्टात हजर केले असता, कोर्टाने आरोपीला पोलिस कोठडीत ठेवण्याचे आदेश दिले होते. कोठडी संपल्याने त्याला बुधवारी हजर केले असता, त्याची रवानगी न्यायालयीन कोठडीत करण्याचे आदेश कोर्टाने दिले. सहाय्यक सरकारी वकील नितीन ताडेवाड यांनी काम पाहिले.

मोबाइल अॅप डाउनलोड करा आणि राहा अपडेट

---

वीज पुरवठा खंडित; उद्योजक त्रस्त

October 4, 2017, 2:30 pm

≫ Next: कोळसा घ्या, अन् लोडशेडिंग बंद करा

≪ Previous: बिल्डर कासलीवालची रवानगी हर्सूलमध्ये

$

0

0

म. टा. प्रतिनिधी, औरंगाबाद
चिकलठाणा एमआयडीसीमधील वीज पुरवठा सातत्याने खंडित होत असल्याने उद्योगक्षेत्र अडचणीत सापडले आहे. पूर्वसूचना दिल्याशिवाय अर्ध्या ते एका तासासाठी वीज गायब होत असल्याने येथील उत्पादनावर विपरित परिणाम झाला आहे.
पायभूत सुविधांपासून वंचित राहिलेल्या चिकलठाणा एमआयडीसीला लोडशेडिंगचे चटके सोसावे लागले. त्यातून सुटका झाली पण, आता पूर्वसूचनेशिवाय वीज गायब होत आहे. त्यामुळे येथील उत्पादन थांबते. वीज पुरवठा पूर्ववत होण्यासाठी तास ते दीड तासाचा अवधी लागत आहे. त्यामुळे ऐन वाढीव उत्पादन घेण्याच्या कालावधीत तोटा सोसावा लागत आहे. येथील ४५० उद्योगांपैकी तब्बल ४०० उद्योगांना वीज तुटवड्याचा त्रास सहन करावा लागत आहे. हा तोटा दररोज नऊ ते १२ कोटी रुपये आहे, असा अंदाज उद्योजकांनी व्यक्त केला. आठवड्यातून तीन ते चार वेळा होणाऱ्या या त्रासाचा आढावा घेण्यासाठी महावितरणचे मुख्य अभियंता सुरेश गणेशकर यांनी चिकलठाणा औद्योगिक वसाहतीला भेट दिली आणि अडचण दूर करण्यासाठी संबंधितांना सूचना दिल्या. दोन फिडरवरून वीज पुरवठा होणाऱ्या कंपन्यांना दिलासा देण्यासाठी ही बैठक ‘मासिआ’ने आयोजित केली होती.

मोबाइल अॅप डाउनलोड करा आणि राहा अपडेट

कोळसा घ्या, अन् लोडशेडिंग बंद करा

October 4, 2017, 2:30 pm

≫ Next: ​ ‘करा’चा अंधारात खेळ चाले!

≪ Previous: वीज पुरवठा खंडित; उद्योजक त्रस्त

$

0

0

म. टा. प्रतिनिधी, औरंगाबाद
लोडशेडिंग बंद करण्याच्या मागणीसाठी गब्बर अॅक्शन कमिटीतर्फे महावितरणच्या मुख्य अभियंत्यांना निवेदनासह कोळसा भेट देण्यात आला. कोळशाअभावी वीज उत्पादन कमी झाल्याने लोडशेडिंग करावे लागत आहे, असा वीज कंपनीचा दावा आहे.
गब्बर अॅक्‍शन कमिटीचे मकसूद अन्सारी, हाफिज अली, इम्रान पठाण, अब्दुल कय्युम, फेरोज लतीफ पटेल, प्रवीण बुरांडे, जावेद खान, विलास मगरे यांनी बुधवारी मुख्य अभियंता सुरेश गणेशकर यांची भेट घेतली. दिवाळीमध्ये लोडशेडिंग करू नये, त्याचा फटका व्यवसाय व उद्योगांना बसत असून शासकीय, निमशासकीय कार्यालयातील कामे तुंबत आहेत. रुग्णालये, शाळांनाही त्रास सहन करावा लागत असल्याने लोडशेडिंग कायमस्वरूपी बंद करावे, अशी मागणी करण्यात आली. मुख्य अभियंता गणेशकर यांनी वीज नियामक आयोगाच्या निर्देशानुसार लोडशेडिंग केली जात आहे, असे सांगितले. गणेशकर यांनी निवेदन स्वीकारले, पण कोळशा घेण्यास स्पष्ट नकार दिला. कोळशाचे पोते मुख्य अभियंत्यांच्या टेबलवर ठेवून कार्यकर्ते निघून गेले.
दरम्यान, वीज बिलाच्या तक्रारी दूर करण्यासाठी हर्सूल व पडेगाव भागात केंद्र सुरू करावे, अशी मागणी करण्यात आली. संबंधित उपकेंद्रात केंद्र स्‍थापन करण्यात येईल, असे आश्वासन मुख्य अभियंत्यांनी दिले.

मोबाइल अॅप डाउनलोड करा आणि राहा अपडेट

​ ‘करा’चा अंधारात खेळ चाले!

October 4, 2017, 2:40 pm

≫ Next: ​ अतिक्रमण पाच हजार हेक्टरवर

≪ Previous: कोळसा घ्या, अन् लोडशेडिंग बंद करा

$

0

0

म. टा. प्रतिनिधी, औरंगाबाद
छुपा प्रस्ताव सादर करणाऱ्या महापौरांवर दस्तुरखुद्द सत्ताधाऱ्यांनी टिकेचे आसूड ओढल्यानंतरही महापालिका प्रशासनाला शहाणपण आले नसून, त्यांनीही तोच कित्ता गिरवत कर वसुली कामाचे गुप्तपणे खासगीकरण केले आहे. कंत्राटदाराच्या माध्यमातून कर वसुलीसाठी नव्वद व्यक्तींची नियुक्ती केली आहे.

मालमत्ता कराच्या वसुली संदर्भात तीन दिवसांपूर्वी आयुक्त डी. एम. मुगळीकर यांच्या उपस्थितीत बैठक झाली. या बैठकीला कर मूल्यनिर्धारक व संकलक वसंत निकम यांच्यासह सर्व वॉर्ड अधिकारी उपस्थित होते. मनुष्यबळ नसल्यामुळे कर वसुलीचे काम प्रभावीपणे करता येत नाही, अशी समस्या वॉर्ड अधिकाऱ्यांनी मांडल्यावर आऊट सोर्सिंगच्या माध्यमातून वॉर्ड अधिकाऱ्यांना कर्मचारी उपलब्ध करून द्या, असे आदेश आयुक्तांनी दिले. त्यानुसार अस्थापना विभागामार्फत कंत्राटदाराच्या माध्यमातून कर वसुलीसाठी अकरा महिन्याच्या करारावर कर्मचारी घेण्याची प्रक्रिया सुरू करण्यात आली. एका वॉर्ड कार्यालयासाठी आऊट सोर्सिंगचे दहा कर्मचारी उपलब्ध करून दिले जाणार आहेत. पालिकेची नऊ वॉर्ड कार्यालये आहेत. या वॉर्ड कार्यालयांसाठी प्रत्येकी दहानुसार नव्वद कर्मचारी कंत्राटदाराच्या माध्यमातून घेण्यात आले आहेत. या कर्मचाऱ्यांना वॉर्ड कार्यालये वाटून दिली जाणार आहेत. वॉर्ड अधिकारी सांगतील त्यानुसार कर वसुलीचे काम कंत्राटीपद्धतीने नियुक्त झालेल्या कर्मचाऱ्यांना करावे लागणार आहे.

कर्मचारी नियुक्त केले
यासंदर्भात वसंत निकम म्हणाले, ‘मनुष्यबळ कमी असल्याची तक्रार वॉर्ड अधिकाऱ्यांची होती. आयुक्तांच्या आदेशानुसार आऊट सोर्सिंगने कर्मचारी नियुक्त करण्यात आले आहेत. त्यामुळे वॉर्ड अधिकाऱ्यांकडून मनुष्यबळाची तक्रार आता राहणार नाही. या कार्मचाऱ्यांकडून वसुलीचे काम प्रभावीपणे करून घेण्याची जबाबदारी आता वॉर्ड अधिकाऱ्यांची आहे.’

कर पुराण
- २२२ कोटी थकबाकी
- १२० कोटी थकित व्याज
- ९० कोटी चालू वर्ष
- ४२ कोटीची वसुली

मोबाइल अॅप डाउनलोड करा आणि राहा अपडेट

​ अतिक्रमण पाच हजार हेक्टरवर

October 4, 2017, 2:48 pm

≫ Next: श्वानांसाठी हवे ‘एसी ऑपरेशन थिएटर’

≪ Previous: ​ ‘करा’चा अंधारात खेळ चाले!

$

0

0

औरंगाबाद ः मराठवाड्यात जंगलाचे प्रमाण अत्यंत कमी असतानाच वनक्षेत्रावर मोठ्या प्रमाणात अतिक्रमण झाल्याची धक्कादायक बाब समोर आली आहे. औरंगाबाद व जालना जिल्ह्यांतील वन क्षेत्रात तब्बल पाच हजार हेक्टरवर अतिक्रमण झाले असून, मानवी अतिक्रमणांनी वन्यजीवांचा अधिवास धोक्यात येण्याची भीती व्यक्त होत आहे. परिस्थिती गंभीर असतानाही वन खात्याकडून या विरोधात कारवाई का होत नाही, असा प्रश्न निर्माण होत आहे.

मराठवाड्यातील एकूण भौगोलिक क्षेत्रापैकी केवळ साडेचार टक्के वनक्षेत्र अाहे. त्यामुळे पाणीटंचाई आणि अपुरा पाऊस या संकटांना तोंड द्यावे लागते. ही बाब लक्षात घेऊन तहानलेल्या मराठवाड्यात मोठ्या प्रमाणावर वृक्ष लागवडीची गरज आहे. सरकारने वृक्ष लागवड आणि संवर्धनसाठी महावृक्ष लागवड, हरित सेना यांसह विविध उपक्रम हाती घेतले आहेत. स्थानिक पातळीवर मात्र वन संरक्षणाकडे दुर्लक्ष होत असल्याचे चित्र आहे. औरंगाबाद जिल्ह्यात एकूण ९२ हजार ८५२, तर जालना जिल्ह्यात एकूण नऊ हजार ९९६ हेक्टरवर वनक्षेत्र आहे. तुलनेते वनक्षेत्र कमी असतानाच त्यावर अतिक्रमण होणे, ही अत्यंत गंभीर बाब आहे.

माहिती अधिकारात प्राप्त झालेल्या माहितीनुसार; औरंगाबाद व जालना जिल्ह्यांतील वनक्षेत्रात पाच हजार हेक्टरवर अतिक्रमण झाले आहे. यात काही ठिकाणी पक्की बांधकामे केल्याचे वन खात्याचे अधिकारीही खासगीत सांगतात. औरंगाबाद तालुक्यात एक हजार ६०५, खुलताबाद तालुक्यात ५६३ हेक्टर क्षेत्रावर अतिक्रमण झाले आहे. सोयगाव, सिल्लोड, अजिंठा, वैजापूर, कन्नड, नागद, जालना उत्तर व दक्षिण क्षेत्र आदी भागांतील वनक्षेत्राला अतिक्रमणाचा विळखा बसला आहे. हा विळखा दूर करण्याची, वनाचे संरक्षण करण्याची जबाबदारी वन खात्याची अाहे, मात्र त्याकडे फारसे लक्ष दिले जात नसल्याचे चित्र आहे.

केवळ ११४ हेक्टरवरील अतिक्रमणे हटविली
वन विभागातील नोंदींनुसार चार हजार ८६८ हेक्टरवर तब्बल तीन हजार ९३३ जणांनी अतिक्रमणे केली आहेत. त्यापैकी केवळ ११४ हेक्टर क्षेत्रावरील अतिक्रमण हटविण्यात आले आहे. अतिक्रमणधारकाची एक यादीही विभागाने तयार केली आहे, मात्र उर्वरित अतिक्रमणे केव्हा काढणार हा प्रश्न अद्यापतरी अनुत्तरित आहे.

वनक्षेत्रात होणारी अतिक्रमणे ही बाब खूप गंभीर आहे. अतिक्रमण केलेल्या लोकांची यादी संबंधित विभागाकडे तयार आहे, पण कारवाई शून्य. वनमंत्र्यांसह वरिष्ठ अधिकाऱ्यांना यासंदर्भात निवेदन दिले चर्चा केली. कायदेशीर कारवाई होईल, अशी अपेक्षा आहे. वन विभागाने कारवाई न केल्यास कोर्टात दाद मागणार आहेत.
- विशाल पाखरे, आरटीआय कार्यकर्ते

मोबाइल अॅप डाउनलोड करा आणि राहा अपडेट

श्वानांसाठी हवे ‘एसी ऑपरेशन थिएटर’

October 4, 2017, 2:50 pm

≫ Next: कच्च्या मालाचा फटाक्यांना फटका

≪ Previous: ​ अतिक्रमण पाच हजार हेक्टरवर

$

0

0

म. टा. प्रतिनिधी, औरंगाबाद
कुत्री पकडण्याचे कंत्राट घ्यायचे असेल, तर संबंधित संस्थेला कंत्राट घेण्यापूर्वी वातानुकूलीत ऑपरेशन थिएटर उभारावे लागणार आहे. याशिवाय प्रत्येक डॉग व्हॅनला ग्लोबल पोझिशनिंग सिस्टिम (जीपीएस) यंत्रणा बसवावी लागेल, असा फतवा अॅनिमल वेलफेअर बोर्डाने काढला आहे. त्यामुळे बहुतेक शहरांतील कुत्री पकडण्याचे कंत्राट संकटात सापडण्याची शक्यता आहे.

शहरातील मोकाट कुत्री पकडण्याचे काम नगरपालिका किंवा महापालिकेतर्फे केले जाते. या स्थानिक स्वराज्य संस्थांकडे मनुष्यबळाची कमतरता असल्यामुळे कुत्री पकडण्याचे काम खासगीकरणातून करण्याची प्रथा आहे. कुत्री पकडण्याच्या कामाची निविदा काढून कंत्राटदार नियुक्त केले जातात. या कामावर शासनाची अंगीकृत संस्था असलेल्या अॅनिमल वेलफेअर बोर्डाचे नियंत्रण असते. अनेक ठिकाणी कुत्री पकडण्याचे काम क्रूरपणे केले जाते. कुत्र्यांच्या नसबंदीचे काम देखील योग्य प्रकारे होतेच असे नाही. नसबंदीची शस्त्रक्रिया करण्यासाठीचे ऑपरेशन थिएटर देखील चांगल्या दर्जाचे नसते. त्याची दखल घेऊन अॅनिमल वेलफेअर बोर्डाने नुकताच एक आदेश काढला आहे. सात पानांच्या या आदेशात कुत्री पकडण्याचे काम करणाऱ्या कंत्राटदारावर व स्थानिक स्वराज्य संस्थांवर बंधने घातली आहेत.
अॅनिमल वेलफेअर बोर्डाने काढलेल्या आदेशात, कुत्र्यांसाठीचे ऑपरेशन थिएटर वातानुकूलित व सर्व सोईनियुक्त असावे, असे स्पष्ट करण्यात आले आहे. ऑपरेशन थिएटरमध्ये एक व्हेटरनरी सर्जन पूर्णवेळ नियुक्त करण्याची सक्ती देखील करण्यात आली आहे. याशिवाय कुत्री हाताळण्यासाठी तीन कर्मचारी व कुत्री पकडण्यासाठी तीन कर्मचारी असलेच पाहिजेत. ऑपरेशन झाल्यानंतर कुत्र्यांची काळजी घेण्यासाठी २४ तास कर्मचारी नियुक्त करा, असे निर्देश देखील देण्यात आले आहेत. ऑपरेशन केल्यावर किमान ५० कुत्री एकाच ठिकाणी ठेवता येतील असा हॉल ऑपरेशन थिएटरच्या परिसरात असला पाहिजे, अशी सक्ती देखील करण्यात आली आहे. पकडलेल्या कुत्र्यांसाठी स्वतंत्र पिंजरे तयार करण्याची सूचना देखील करण्यात आली आहे. पिंजऱ्यावर कुत्र्याची माहिती लिहिणे बंधनकारक करण्यात आले आहे. त्यावर कुत्रा कोठून, केव्हा पकडला, त्याच्यावर काय उपचार करण्यात आले, ऑपरेशन केव्हा करण्यात आले आदी तपशील लिहिण्याची देखील सक्ती करण्यात आली आहे. कुत्री पकडण्यासाठी वापरण्यात येणाऱ्या गाडीला जीपीएस यंत्रणा लावण्याचीही सक्ती करण्यात आली आहे. डॉग व्हॅनला योग्य प्रकारचे व्हेंटिलेटर असावे, व्हॅन स्वच्छ करण्यासाठी सोपी असावी. व्हॅनची नियमितपणे स्वच्छता करण्यात यावी, असे अॅनिमल वेलफेअर बोर्डाने म्हटले आहे.

पालिकेच्या टेंडरला प्रतिसाद मिळाना
कुत्री पकडण्यासाठी महापालिकेच्या टेंडरला प्रतिसाद मिळत नसल्याची माहिती सूत्रांनी दिली. मोकाट कुत्रे पकडण्याचे कंत्राट देण्यासाठी पालिकेने दोन वर्षांत तीनवेळा टेंडर काढले, पण कोणत्याही कंत्राटदाराने टेंडर भरले नाही. त्यामुळे दोन वर्षांपासून कुत्र्यांवरच्या नसबंदीची शस्त्रक्रिया बंद पडली आहे. त्याचा परिणाम कुत्र्यांची संख्या वाढण्यावर झाला आहे. कुत्रे पडकून त्यांच्यावर शस्त्रक्रिया करण्याची यंत्रणा महापालिकेकडे नाही आणि खासगी संस्थाही या कामासाठी पुढाकार घेत नाहीत त्यामुळे कुत्र्यांची समस्या येत्या काळात गंभीर होण्याची शक्यता वर्तवली जात आहे.

मोबाइल अॅप डाउनलोड करा आणि राहा अपडेट

कच्च्या मालाचा फटाक्यांना फटका

October 4, 2017, 2:52 pm

≫ Next: अवलियाचे सायकलवर विश्वभ्रमण

≪ Previous: श्वानांसाठी हवे ‘एसी ऑपरेशन थिएटर’

$

0

0

म. टा. प्रतिनिधी, औरंगाबाद
दिवाळीत फटाक्यांची अतषबाजी हे खास आकर्षण असते, परंतु यंदा फटाक्याचे दर काहीसे चढे राहण्याची शक्यता आहे. जीएसटी लागू झाल्यानंतर पूर्वीच्या तुलनेते करचा दर कमी झाला असला, तरी इंधनदर वाढ, कच्च्या मालाच्या वाढत्या किंमती आदी कारणांमुळे फटाक्यांचे दर सुमारे पाच टक्क्यांनी वाढतील, अशी शक्यता विक्रेत्यांनी व्यक्त केली.

दिवाळी अवघ्या काही दिवसांवर येऊन ठेपली आहे. त्यानिमित्त विविध वस्तू खरेदी करण्यासाठी ग्राहकांची लगबग सुरू झाली असून, फटाका विक्रेतेही कामाला लागले आहेत, परंतु दिवाळीतील उत्सवी वातावरणाला झळाळून सोडणारे फटाके यंदाही सर्व सामान्यांच्या खिशाला आणखी ताण देणार आहेत. तशी शक्यता विक्रेत्यांनी व्यक्त केली आहे. व्हॅट, एलबीटीसह फटाक्यांवर यापूर्वी सुमारे ३३ टक्के कर लागत होता. आता फटाक्यांवर २८ टक्के वस्तू व सेवा कर (जीएसटी) लागणार आहे. कर कमी झाल्याने तुलनेते फटाके स्वस्त होईल, अशी अपेक्षा होती, परंतु फटाके तयार करण्यासाठी लागणाऱ्या कच्च्या मालाच्या किंमतीत झालेली वाढ, वाढलेली मजुरी आणि वाहतुकीच्या खर्चात झालेली वाढ आदी कारणांमुळे यंदा फटाक्याच्या किंमतीत सुमारे पाच टक्क्यांनी वाढ होईल, अशी शक्यता उत्सव व्यापारी असोसिएशनचे विनोद खामगावकर यांनी व्यक्त केली.

मोबाइल अॅप डाउनलोड करा आणि राहा अपडेट

अवलियाचे सायकलवर विश्वभ्रमण

October 4, 2017, 2:59 pm

≫ Next: ​ कोजागरीसाठी तीन लाख लिटर दुधाची मागणी

≪ Previous: कच्च्या मालाचा फटाक्यांना फटका

$

0

0

म. टा. प्रतिनिधी, औरंगाबाद
आयरलँडचा ५५ वर्षीय निवृत्त शिक्षक ३५ वर्षांच्या सेवेनंतर स्पेनहून चक्क सायकलवर विश्वभ्रमणास निघाला असून, अवघ्या ९२ दिवसांत त्याने तब्बल १३ हजार किलोमीटर सायकलिंग करीत औरंगाबाद गाठले. आता पुन्हा पाकिस्तान, बांगलादेश, म्यानमार, इंडोनेशिया, ऑस्ट्रेलिया, न्यूझिलंड, अमेरिकामार्गे तो ३६ हजार किलोमीटर सायकलिंग करून एक एप्रिल रोजी तो स्पेनला पोहोंचणार आहे. अर्थात, असे झाले तर तो एक जागतिक विक्रम ठरणार आहे. तरुणांनाही लाजवेल असा या ज्येष्ठाचा जिगबाज प्रवास सर्वांनाच थक्क करणारा आहे.

डरमॉट हिगन्स हाच तो अवलिया. आयरलँडमधील सर्व प्रकारच्या अपंगांना शिक्षण देणाऱ्या शाळेत तो शिक्षक होता. वयाच्या २१व्या वर्षी शिक्षक म्हणून रुजू झाला व वयाच्या ५५ व्या वर्षी त्याने स्वेच्छानिवृत्ती स्वीकारली आणि खूप दिवसांच्या सुप्तेच्छेतून विश्वभ्रमणाचा निर्णय घेतला. मुळचा प्रशिक्षित क्रीडापटू असलेल्या डरमॉटला धावण्याचा; तसेच बोटिंगचा मोठा छंद होता आणि तो त्याने उत्तम पद्धतीने जपलाही होता. त्यामुळेच वयाच्या ५५व्या वर्षीही पूर्णपणे ‘फिट’ असलेल्या डरमॉटने सायकलवर विश्वभ्रमण करण्याच्या हेतूने युरोपात अगदी दोन-अडीच हजार किलोमीटर सायकलिंगचा सराव केला. अर्थात, त्याआधी त्याचा कधीही सायकलिंगशी संबंध आला नव्हता, मात्र अल्पावधीत सायकलिंगचाही आत्मविश्वास प्राप्त होताच, त्याने ३० जून रोजी स्पेनहून सायकलिंग सुरू केली. त्यानंतर स्पेनहून फ्रान्स, इटाली, स्लोव्हेरिया, क्रोवेशिया, बोस्निया, सैरेबिया, रुमानिया, मलदोवा, युक्रेन, रशिया, कझाकिस्तानमार्गे तो भारतात दाखल झाला आणि मुंबईमार्गे एक ऑक्टोबरला त्याने औरंगाबाद गाठले. एक दिवसाची विश्रांती घेऊन डरमॉट दोन ऑक्टोबर रोजी कोकात्याच्या दिशेने निघाला व यापुढे बांगलादेश, म्यानमार, मलेशिया, इंडोनेशिया, ऑस्ट्रेलिया, न्यूझिलंड, अमेरिकेतून तो स्पेनला एक एप्रिल रोजी पोचणार आहे. हे संपूर्ण वर्तुळ तब्बल ३६ हजार किलोमीटरचे असून, हे वर्तूळ त्याने एक एप्रिलपर्यंत पूर्ण केले तर हे वर्तूळ पूर्ण करणारा तो जगातील सर्वांत वयोवृद्ध व्यक्ती ठरणार आहे आणि अर्थातच तो जागतिक विक्रम असेल. याआधी एका ५२ वर्षीय व्यक्तीने हा विक्रम केला असून, त्याचा विक्रम मोडून काढण्यासाठी डरमॉट याने पूर्ण ताकदीने झोकून दिले आहे.

आठवड्याला दोन हजार किमी
विश्वविक्रम करण्यासाठी ठराविक दिवसांत ठरविक किलोमीटर अंतर कापणे डरमॉटला अनिवार्य आहे. हे गणित करूनच तो दिवसाला १६० किलोमीटर, तर आठवड्याला दोन हजार किलोमीटर अंतर कापतो आणि दिवसातील जवळजवळ दहा तास सायकलिंग करतो. त्यानंतर स्वतःच्या सायकलसोबत आणलेल्या टेंटमध्ये किंवा स्वस्तातील हॉटेलमध्ये राहतो. विश्वभ्रमणासाठी त्याला आठ हजार युरो एवढा खर्च अपेक्षित असून, काही संस्थांनी त्याला पाच हजार युरोंची मदत केली आहे. उर्वरित चार ते पाच हजार युरोंचा खर्च तो त्याच्या खिशातून करणार आहे.

शाश्वत विकासाचा संदेश
डरमॉट याचा जागतिक विक्रमाचा मूळ हेतू असला तरी यानिमित्ताने शाश्वत विकासाचा संदेश देणे, ‘क्लायमेट चेंज’, गरीबी, पर्यावरण आदींबाबत लोकांना सजग करण्याचाही विश्वभ्रमणामध्ये हेतू असल्याचे डरमॉट म्हणतो. भारताने लोकसंख्या विस्फोट, रिसायक्लिंगकडे लक्ष देणे गरजेचे असल्याचेही तो म्हणतो. त्याचवेळी औरंगाबाद परिसरातील रस्त्यांमुळे डरमॉट पुरता वैतागला होता आणि खराब रस्त्यांमुळे तो एका ठिकाणी पडला आणि त्याला चांगलाच मारदेखील लागला. विश्वभ्रमणास निघालेल्या डरमॉटचा ‘औरंगाबाद पेडलर्स असोसिएशन’च्या वतीने अभिजित बंगाळे, अमर घुले आदींनी सत्कारही केला.

मोबाइल अॅप डाउनलोड करा आणि राहा अपडेट

---

​ कोजागरीसाठी तीन लाख लिटर दुधाची मागणी

October 4, 2017, 3:10 pm

≫ Next: औरंगाबादसाठी भाजपची मोर्चेबांधणी

≪ Previous: अवलियाचे सायकलवर विश्वभ्रमण

$

0

0

म. टा. प्रतिनिधी, औरंगाबाद
कोजागरी पौर्णिमेनिमित्त औरंगाबादकर गुरुवारी तब्बल तीन लाख लिटर दूध रिचवणार आहेत. जिल्हा सहकारी दूध उत्पादक संघाने एक लाख लिटर दुधाची सोय केली आहे.

सद्यस्थितीला शहरात दररोज अंदाजे दीड लाख लिटर दुधाची विक्री होती. त्यापैकी जिल्हा दूध संघाचा वाटा मोठा आहे. खासगी कंपन्यांचे दूधही विक्रीस येते. सुटे दूधही अनेक डेअरींमधून विकले जाते. कोजागरीनिमित्त उद्या दुप्पट मागणी अपेक्षित असून दूध संघाने एक लाख लिटर दुधाचे नियोजन सायंकाळच्या टप्प्यात केले आहे. नागरिकांना अडचण येऊ नये, यासाठी शहरातील अपेक्षित मागणीच्या दहा वसाहती ट्रॅक केल्या असून तिथे डेपो ठेवण्यात येणार आहे. याशिवाय दैनंदिन विक्रीची केंद्रेही सुरू असतील. खासगी कंपन्यांचेही दूध दुपटीने विक्रीला येणार आहे. गेल्यावर्षीच्या तुलनेत यंदा दुधात १५ टक्के अपेक्षित आहे.

कोजागरीनिमित्त दुधाची वाढती मागणी लक्षात घेऊन आम्ही १२ डेपो गुरुवारी कार्यान्वित करणार आहोत. यशिवाय दैनंदिन विक्रीची केंद्रे असतील. दूध कुठेही कमी करणार नाही. - डॉ. पी. बी. पाटील, व्यवस्थापकीय संचालक, जिल्हा सहकारी दूध उत्पादक संघ

मोबाइल अॅप डाउनलोड करा आणि राहा अपडेट

औरंगाबादसाठी भाजपची मोर्चेबांधणी

October 5, 2017, 2:30 pm

≫ Next: आमदार जाधव, मगर गटाची प्रतिष्ठा पणाला

≪ Previous: ​ कोजागरीसाठी तीन लाख लिटर दुधाची मागणी

$

0

0

म. टा. प्रतिनिधी, औरंगाबाद
युतीमध्ये आतापर्यंत शिवसेनेच्या ताब्यात असलेल्या औरंगाबाद लोकसभा मतदारसंघात उमेदवार उतरविण्याचा निर्णय भारतीय जनता पक्षाने घेतला आहे. त्यामुळे येत्या लोकसभा निवडणुकीत शिवसेना, भाजप यांच्यात युती नसेल, हे स्पष्ट झाले आहे.

पक्षाचे सचिव व उत्तर प्रदेशातील मंत्री महेंद्रसिंह यांच्या उपस्थितीत गुरुवारी झालेल्या बैठकीत हा निर्णय घेण्यात आला. पक्षाने निवडणुकीची तयारी सुरू केली असून, दर १५ दिवसांनी कामाचा आढावा घेतला जाणार आहे. लोकसभा निवडणुकीत ३५० जागा निवडून आणण्याचे उद्दिष्ट भाजपने ठेवले आहे. त्याची तयारी भाजपने सुरू केली आहे. त्याचाच एक भाग म्हणून महेंद्रसिंह यांच्या प्रमुख उपस्थितीत गुरुवारी शहर व जिल्ह्यातील प्रमुख पदाधिकाऱ्यांची बैठक आयोजित करण्यात आली होती. प्रदेशाध्यक्ष रावसाहेब दानवे, खासदार अमर साबळे, आमदार अतुल सावे, प्रशांत बंब, प्रदेश उपाध्यक्ष डॉ. भागवत कराड, प्रवक्ते शिरीष बोराळकर,, संघटनमंत्री भाऊराव देशमुख यांच्यासह अन्य पदाधिकारी उपस्थित होते.

या मतदारसंघातून भाजप उमेदवाराचा विजय होण्यासाठी सार्वांनी कामाला लागावे, विजयी संकल्प हाती घ्या, असे आवाहन त्यांनी केले. पंतप्रधान नरेंद्र मोदी १८ - १८ तास काम करतात तुम्ही किमान चार तास काम करा, बुथ यंत्रणा कशी मजबूत करावी, प्रत्येक बूथ परिसरातील वकील, डॉक्टर, शिक्षक, व्यापारी यांच्यासह समाजावर प्रभाव पाडू शकणाऱ्या लोकांची यादी तयार करा, अशा सूचना त्यांनी दिल्या. निवडणुकीच्या तयारीचा दर १५ दिवसांनी आढावा घेण्यात येईल, असे नमूद केले. मराठवाड्यातील औरंगाबाद, परभणी आणि नांदेड या तीन जिल्ह्यात महेंद्रसिंग चाचपणी करून त्याचा अहवाल पक्षाध्यक्ष अमीत शहा यांना देणार आहेत.

आमदार, माजी महापौर चर्चेत : लोकसभा निवडणूकीसाठी विधानसभा अध्यक्ष हरिभाऊ बागडे, महिला मोर्चाच्या राष्ट्रीय अध्यक्षा विजया रहाटकर, आमदार अतुल सावे, प्रशांत बंब, प्रदेश उपाध्यक्ष डॉ. भागवत कराड यांची नावे चर्चेत आहेत.

कार्यकर्त्यांचा अभ्यासवर्ग, कारवाईचे आदेश
भाजपचे संविधान, बुथनिहाय पदाधिकाऱ्यांची संख्या किती यांसह अनेक प्रश्नांची उत्तरे उपस्थितांपैकी अनेक पदाधिकाऱ्यांनी देता आली नाही. त्यावर सिंह यांनी बैठकीला येताना पेन, डायरी आणा, यासह अन्य मुद्यांवर साऱ्यांचाच खास शैलीत अभ्यासवर्ग घेतला. अनेक पदाधिकारी या महत्त्वाच्या बैठकीला उपस्थित नव्हते. ही बाब लक्षात येताच सिंह यांनी शहराध्यक्ष किशनचंद तनवाणी, जिल्हाध्यक्ष एकनाथ जाधव यांना विचारणा केली.

मोबाइल अॅप डाउनलोड करा आणि राहा अपडेट

आमदार जाधव, मगर गटाची प्रतिष्ठा पणाला

October 5, 2017, 2:30 pm

≫ Next: आजपासून पाणीबाणी

≪ Previous: औरंगाबादसाठी भाजपची मोर्चेबांधणी

$

0

0

म. टा. प्रतिनिधी, कन्नड
जिल्हा बँकेचे संचालक व काँग्रेसचे ज्येष्ठ नेते अशोक मगर यांचे वर्चस्व असलेल्या हिवरखेडा नांदगीरवाडी मधील यावेळची ग्रामपंचायत निवडणूक लक्षवेधी ठरत आहे. विजयी मताधिक्य देणाऱ्या पट्ट्यातील या गावात वर्चस्व निर्मण करण्यासाठी विद्यमान आमदार हर्षवर्धन जाधव यांनी लक्ष घातले आहे.
हिवरखेडा नांदगिरवाडी हे गाव चिकलठाण कुंजखेडा जिल्हा परिषद गटात समाविष्ट आहे. या पंचक्रोशीतील काँग्रेसचे ज्येष्ठ नेते अशोक मगर यांचा दबदबा आहे. पण, गेल्या दहा वर्षांत आमदार हर्षवर्धन जाधव यांच्या समर्थकांनी मुंसडी मारत अशोक मगर यांना शह दिला आहे. त्यांना मगर यांच्या काँग्रेसमधील विरोधी गटाकडूनच साथ मिळते. या पार्श्वभूमीवर ग्रामपंचायत निवडणुकला महत्त्व प्राप्त झाले आहे.
अशोक मगर यांनी एकनाथ मगर यांच्या सहकार्याने शेखमारू बाबा ग्रामविकास पॅनल स्थापन केले आहे. त्यांना आमदार समर्थक व बाजार समिती सभापती राजेंद्र मगर यांनी विकास आघाडी पॅनलच्या माध्यमातून आव्हान दिले आहे. या गावचे सरपंचपद ओबीसी खुल्या प्रवर्गाकरिता रखीव आहे. शेख मारूबाबा पॅनलकडून सरपंचपदासाठी शेकनाथ आसाराम बडोदे व विकास आघाडीकडून दिलावर काळू शहा हे निवडणूक लढत आहेत. आतापर्यंत गावातील सत्ता अशोक मगर गटाकडेच राहिली आहे. त्यास राजेंद्र मगर हे कन्नड शहरातील काँग्रेस नेत्यांच्या मदतीने छेद देतात का याकडे तालुक्याचे लक्ष आहे. हिवरखेडा नांदगीरवाडी ग्रामपंचायतीमध्ये तीन प्रभागातून नऊ सदस्यांना निवडून द्यायचे आहे. त्यासाठी १८ उमेदवार रिंगणात असून थेट लढत होत आहे. त्यांचा भवितव्य १६२१ मतदार ठरवणार आहेत.

मुस्लिम मतदार प्रभावी
या ग्रामपंचायतमध्ये मुस्लिम मतदांराची संख्या जवळपास निम्मी आहे. सरपंचपदासाठी विजयाची मदार त्यांच्यावच आहे. शिवाय आमदार हर्षवर्धन जाधव यांच्याकरिता ही ग्रामपंचायत महत्त्वाची असल्याने तालुक्याचे लक्ष लागले आहे.

मोबाइल अॅप डाउनलोड करा आणि राहा अपडेट

आजपासून पाणीबाणी

October 5, 2017, 2:30 pm

≫ Next: पालक-मुले संबंधावर रविवारी विशेष व्याख्यान

≪ Previous: आमदार जाधव, मगर गटाची प्रतिष्ठा पणाला

$

0

0

म. टा. प्रतिनिधी, औरंगाबाद
औरंगाबादला पाणीपुरवठा करणाऱ्या दोन्ही मुख्य जलवाहिन्यांच्या दुरुस्तीची कामे करण्यासाठी महापालिकेतर्फे शुक्रवारी सकाळी ११पासून ३६ तासांसाठी मेगा शटडाउन घेतले जाणार आहे. त्यामुळे शहरवासीयांना सलग पाच ते सहा दिवस निर्जळीला सामोरे जावे लागणार आहे.

मेगा शटडाउनसंदर्भात पालिकेच्या पाणीपुरवठा विभागाने प्रसिद्धीस दिलेल्या निवेदनात म्हटले आहे की, जायकवाडी ते औरंगाबाद शहरापर्यंत १०० व ५६ दशलक्ष लीटर या दोन्ही योजनेवरील अत्यावश्यक देखभाल दुरिस्तीच्या कामासाठी, फारोळा येथील क्लोरिफ्लोक्युरेटरमधील गाळ काढण्यासाठी; तसेच अन्य स्वच्छतेच्या कामांसाठी सहा ऑक्टोबरच्या सकाळी ११पासून किमान ३६ तासांपर्यंत पाणीपुरवठा पूर्णपणे बंद राहणार आहे. त्यामुळे या काळात संपूर्ण शहर व सिडको भागात पाणीपुरवठा होणार नाही. पाणीपुरवठ्याचे वेळापत्रक एक किंवा दोन दिवसांनी पुढे ढकलण्यात येणार आहे. दुरुस्तीची कामे पूर्ण झाल्यावर पाणीपुरवठा सुरळीत होण्यासाठी तांत्रिकदृष्ट्या पुढील तीन ते चार दिवसांचा कालावधी लागणार आहे.

दुरुस्तीचे काम दीड दिवस
पालिकेच्या निवेदनानुसार दीड दिवस दुरुस्तीच्या कामासाठी पाणीपुरवठा बंद ठेवण्यात येणार आहे. दुरुस्तीचे काम पूर्ण झाल्यावर पुढील चार दिवसांत पाणीपुरवठा सुरळीत होईल. म्हणजे पाच ते सहा दिवस नागरिकांना निर्जळीला सामोरे जावे लागणार आहे.

मोबाइल अॅप डाउनलोड करा आणि राहा अपडेट

पालक-मुले संबंधावर रविवारी विशेष व्याख्यान

October 5, 2017, 2:30 pm

≫ Next: ऑरिकच्या १३ प्लॉटला २२ अर्जदार

≪ Previous: आजपासून पाणीबाणी

$

0

0

म. टा. प्रतिनिधी, औरंगाबाद
बदलत्या सामाजिक आणि कौटुंबिक व्यवस्थेमुळे मुले आणि पालकांचा सुसंवाद हा अवघड विषय झाला आहे. नव्या युगातील मुलांना वाढवताना, त्यांच्याशी संवाद साधताना पालकांना सामना कराव्या लागणाऱ्या आव्हानावर आधारित ‘विवादी मुले आणि उत्तम पालक’ या विषयावर मुंबई येथील मनोविकारतज्‍ज्ञ डॉ. हरीश शेट्टी हे रविवारी पालकांशी संवाद साधणार आहेत.
मानसिक आरोग्य सप्ताहाचे औचित्य साधून पंख फाउंडेशन आणि औरंगाबाद जिल्हा बालरोग संघटना यांच्या संयुक्त विद्यमाने रविवारी दुपारी दीड ते साडेतीन या वेळेत तापडिया नाट्यगृहात या परिसंवादाचे आयोजन करण्यात आले आहे, अशी माहिती पत्रकार परिषदेत देण्यात आली. झपाट्याने बदलत्या सामाजिक आणि कौटुंबिक व्यवस्थेमुळे पालक आणि मुलांमध्ये संवाद साधणे अवघड झाले आहे. एकलकोंडी व विभक्त कुटुंबांमुळे मुलांना व्यक्त होण्यासाठी सोशल मिडिया, तर खेळण्यासाठी मोबाइल, टीव्ही आणि ऑनलाइन गेम्सच आहेत. यामुळे मुलांची मानसिकता विकृत होत आहे. यातून मार्ग काढण्याची हे व्याख्यान दिशा देणारे राहील, असे बाल आरोग्य संघटनेच्या अध्यक्ष डॉ. मंजुषा शेरकर यांनी सांगितले. मुलांशी असलेले मतभेद, त्याबद्दलचा पालकांचा दृष्टीकोन, भावनिक दरी कमी करण्यासाठी उपाययोजना, अबोल, रागीट, हट्टी व लाजाळू तरुणांना बोलके करणे याचा उलगडा या कार्यक्रमातून होणार आहे.
पत्रकार परिषदेला पंखचे डॉ. आशिष मोहिदे, डॉ. विक्रांत पाटणकर, समुपदेशक मधुरा अन्वीकर, डॉ. मंजुषा शेरकर, डॉ. रोशनी सोधी, डॉ. प्रशांत जाधव, डॉ. गिरीश मोरे, डॉ. रेणू बोराळकर, डॉ. जयंत तुपकरी यांची उपस्थिती होती.

नोंदणी आवश्यक

हा कार्यक्रम निशुल्क असून पूर्वनोंदणी आवश्यक आहे. त्यासाठी पंख फाउंडेशन आणि औरंगाबाद जिल्हा बालरोगतज्‍ज्ञ संघटनेच्या सदस्यांशी संपर्क साधावा, असे आवाहन संयोजकांमार्फत करण्यात आले आहे.

मोबाइल अॅप डाउनलोड करा आणि राहा अपडेट

ऑरिकच्या १३ प्लॉटला २२ अर्जदार

October 5, 2017, 2:30 pm

≫ Next: रासेयो पुरस्कार विद्यापीठात प्रदान

≪ Previous: पालक-मुले संबंधावर रविवारी विशेष व्याख्यान

$

0

0

ऑरिकच्या १३ प्लॉटला २२ अर्जदार
मोठ्या क्षेत्रफळाच्या भूखंडांना प्रतिसाद नाही
म. टा. प्रतिनिधी, औरंगाबाद
ऑरिक अर्थात औरंगाबाद इंडस्ट्रियल सिटीच्या २२ प्लॉटच्या व्यवहारांसाठी वेबसाईटवरून मोहीम हाती घेण्यात आली होती. त्यातील १३ प्लॉटला २२ अर्जदार मिळाले आहेत. तर दोन व्यावसायिक प्लॉटला दोनच अर्ज आल्याने त्यांनाच भूखंड मिळणार असल्याचे स्पष्ट करण्यात आले आहे.
ऑरिकमध्ये २२ भूखंडांची लिलाव पद्धतीने हस्तांतर करण्याची प्रक्रिया गेल्या महिन्यात औरंगाबाद इंडस्ट्रियल टाऊनशिपच्या वतीने हाती घेण्यात आली होती. यात २० भूखंड औद्योगिक वापरासाठी तर दोन भूखंड व्यावसायिक वापरासाठी राखीव ठेवण्यात आले आहेत. आठ सप्टेंबपर्यंत राबविण्यात आलेल्या या प्रक्रियेला दोन आठवड्यांची मुदतवाढ देण्यात आली असल्याने अर्जदारांना २२ सप्टेंबरपर्यंत वेबसाईटची सुरू होती. यादरम्यान मुख्यमंत्री देवेंद्र फडणवीस यांच्या अध्यक्षतेखाली दक्षिण कोरिया आणि सिंगापूर या दोन राष्ट्रांच्या दौऱ्यात ऑरिकच्या वरिष्ठ अधिकाऱ्यांचा समावेश असल्याने या प्रक्रियेत आलेल्या अर्जांची छाननी करण्यात आलेली नव्हती. हा दौरा संपल्यावर कार्यालयाने याची माहिती देत मोठ्या भूखंडांसाठी अर्ज आले नसल्याचे स्पष्ट केले. असे असले तरी ११ औद्योगिक भूखंडांना २० जणांनी अर्ज केले आहेत. व्यावसायिक भूखंड म्हणून राखीव असलेल्या दोन प्लॉटसाठी दोनच अर्ज आले असल्याने हे प्लॉट त्याच अर्जदारांना जाणार आहेत. या लिलावात घेण्यात आलेल्या मोठ्या प्लॉटला अर्ज आले नसल्याची माहिती एआयटीएलच्या वतीने देण्यात आली.

मोबाइल अॅप डाउनलोड करा आणि राहा अपडेट

रासेयो पुरस्कार विद्यापीठात प्रदान

October 5, 2017, 2:30 pm

≫ Next: फटाका मार्केटमध्ये धाकधूक

≪ Previous: ऑरिकच्या १३ प्लॉटला २२ अर्जदार

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठातील राष्ट्रीय सेवा योजना विभागाच्या वतीने प्राचार्य डॉ. सविता शेटे यांना जीवन गौरव पुरस्काराने सन्मानित करण्यात आले. सीएफसी सभागृहात गुरुवारी १९ जणांचा पुरस्काराने गौरव करण्यात आला.
डॉ. बाबासाहेब आंबेडकर मराठवाडा विद्यापीठातील राष्ट्रीय सेवा योजनेचा विद्यापीठस्तरीय पुरस्कार वितरण सोहळा पार पडला. यावेळी मंचावर प्रभारी कुलसचिव डॉ. प्रदीप जब्दे, एमटीडीसीचे वरिष्ठ प्रादेशिक अधिकारी अण्णासाहेब शिंदे, विशेष कार्यासन अधिकारी डॉ. वाल्मिक सरवदे, जीएमएनआयआरडी संचालक डॉ. सर्जेराव ठोंबरे, विद्यार्थी विकास मंडळाचे संचालक डॉ. मुस्तजिब खान यांची प्रमुख उपस्थिती होती. यावेळी बीड जिल्ह्यातील महिला महाविद्यालयाच्या प्राचार्य डॉ. सविता शेटे यांना ‘जीवन गौरव’ पुरस्काराने सन्मानित करण्यात आले. विद्यार्थी असल्यापासून राष्ट्रीय सेवा योजनेशी निगडीत आहे. प्राचार्य झाल्यानंतर विद्यार्थ्यांमध्ये जागरूकता वाढवण्याचे काम केले. या कामाचा सन्मान झाला असे डॉ. शेटे म्हणाल्या. यावेळी राष्ट्रीय सेवा योजनेत विशेष काम करणाऱ्या १९ जणांचा पुरस्कार देऊन सन्मान करण्यात आला. या कार्यक्रमाचे प्रास्ताविक
रासेयो संचालक डॉ. टी. आर. पाटील यांनी केले.

मोबाइल अॅप डाउनलोड करा आणि राहा अपडेट

---

फटाका मार्केटमध्ये धाकधूक

October 5, 2017, 2:30 pm

≫ Next: सुटीतील एमएडच्या निकालाचा विसर

≪ Previous: रासेयो पुरस्कार विद्यापीठात प्रदान

$

0

0

फटाका मार्केटमध्ये धाकधूक
म. टा. प्रतिनिधी, औरंगाबाद
औरंगाबाद शहरात जिल्हा परिषदेतील मैदानावर गेल्यावर्षी लागलेल्या फटाका मार्केटला आगीमुळे यंदा मुख्य फटाका मार्केट छावणीच्या परिसरातील आयोध्यानगरीत भरवले जाणार आहे. या भागात ५० दुकानांना परवानगी देण्यात आली असून, यंदा या मार्केटवर नोटबंदीच्या फटक्यामुळे तब्बल ५० टक्क्यांपर्यंत विपरित परिणाम होईल, अशी माहिती फटका विक्रेते आणि फटाका असोसिएशनचे सदस्य गोपाल कुलकर्णी यांनी दिली.
यंदा शहरात तामिळनाडू, कर्नाटक या राज्यांतूनही फटाके आले असल्याचे हडको आणि चिकलठाणा येथील फटाके विक्रेते सोमनाथ घारगे यांनी सांगितले. शहरात चिकलठाणा, हडको, छावणी, शिवाजीनगर येथेही छोट्याप्रमाणात फटके स्टॉल्स लावले जातात. या दुकानांसह अयोध्यानगरीतील ५० दुकानांमध्ये तब्बल १० ते १२ कोटींची उलाढाल सहज होऊ शकते, असा अंदाज व्यापारी व्यक्त करत आहेत. ५ ते ६ ठिकाणी सुमारे
३५० हून अधिक फटाक्यांचे स्टॉल्स लागतील. या सर्व दुकानांमधून गावठी, फॅन्सी, विविध ब्रँडचे फटाके विकले जातील. गेल्यावर्षी दिवाळीत दिवाळीत सुमारे २० ते २५ कोटींपेक्षा अधिक उलाढाल झाली होती यंदा ती निम्म्याने घठण्याचा अंदाज आहे.
कॉक, स्टँडर्ड, वनिता, अनिल, वर्षायनी, अ‌तुल अशा अनेक कंपन्याचे फटाक्यांच्या ऑर्डर्स घेऊन शहरातील विविध दुकाने लवकरच सजतील. गेल्या दोन वर्षांपूर्वी दुष्काळ, गेल्यावर्षी आग आणि नोटबंदीचे सावटासह यावर्षी जुलैत लागू झालेल्या जीएसटीमुळे फटाके महाग होतील. याचा फटका या फटाका व्यवसायालाही बसेल असा अंदाज आहे.
औरंगाबादमध्ये राज्यातील उस्मानाबादेतील तेरखेडा, मुंबई आणि जळगाव सह तमिळनाडू, कर्नाटक, आंध्रप्रदेश या तीन राज्यांतूनही फटाके येतात. येथील फटाके कारखान्यांनी स्वत: काही दुकानदार नेमून औरंगाबादेत एजन्सी दिल्या आहेत. याशिवाय हा व्यवसाय हंगामी असल्याने याकडे १०० टक्के नफा देणारा व्यवसाय म्हणून पाहिले जाते. तेरखेडा येथील फटाक्यांना अधिक मागणी असल्याचे व्यावसायिकांनी सांगितले.
सण म्हटले की, उत्साह आलाच यामुळे यंदा शहरी असो की ग्रामीण भाग फटाक्यांची उलाढाल चांगलीच राहील अशी आशा आम्हाला आहे, असे गोपाल कुलकर्णी यांनी सांगितले. गुलमंडी, समर्थनगर, शिवाजीनगर, गजानन महाराज मंदिर, टीव्ही सेंटर आदी भागातही स्टॉल्सच्या तयारी सुरू झाली आहे. यंदा दुकानांच्या संख्येतही घट होणार आहे.
याशिवाय घरगुती फटाका व्यवसाय करणारेही वेगळे आहेत यामुळे त्यांच्यामार्फत किती उलाढाल होईल याचा काहीच अंदाज फटका असोस‌िएशनला नाही. यंदा फटाके तयार करत असलेल्या कंपन्यांनी फॅन्सी फटाक्यांमध्ये दरवाढ केली आहे, दरवर्षी सर्वसाधारणपणे १० टक्क्यांपर्यंत फटाक्यांच्या दरात वाढ होत असतेच, असे इतर व्यापारी सांगतात.

मोबाइल अॅप डाउनलोड करा आणि राहा अपडेट

सुटीतील एमएडच्या निकालाचा विसर

October 5, 2017, 2:30 pm

≫ Next: लोडशेडिंगचा फास अावळला

≪ Previous: फटाका मार्केटमध्ये धाकधूक

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठाने सुटीतील एमएड अभ्यासक्रमाची परीक्षा मार्च-एप्रिलमध्ये घेतली. परीक्षा होऊन सहा महिने होऊन गेले, मात्र विद्यापीठ निकाल लावण्यासच विसरले. निकाल जाहीर न झाल्याने विविध शाळांमध्ये कार्यरत या शिक्षकांनी विद्यापीठ गाठले, परंतु त्यांना योग्य उत्तर मिळाले नाही.

विद्यापीठ नियमितसह, सुटीतील विद्यार्थ्यांसाठी पदव्युत्तर पदवी अभ्यासक्रम राबविते. विविध शाळांमध्ये शिक्षक म्हणून कार्यरत असलेल्यांना अभ्यासक्रमासाठी प्रवेश घेता येतो. नोकरीत असलेल्यांसाठी हा अभ्यासक्रम दिवाळी, उन्हाळी सुट्यामध्ये शिकवला जातो.
अभ्यासक्रमाची परीक्षा मार्च-एप्रिलमध्ये झाली. परीक्षा होऊन सहा महिने उलटले तरी, निकाल जाहीर करण्यात आलेला नाही. २८ मार्च ते १३ एप्रिलदरम्यान ही परीक्षा घेण्यात आली. आता ऑक्टोबर उजाडला तरी अभ्यासक्रमाच्या विद्यार्थ्यांना निकालाची प्रतिक्षा आहे. निकाल केव्हा लागणार, यासाठी अभ्यासक्रमाचे विद्यार्थी कॉलेज, विद्यापीठात खेटा मारत आहेत. कॉलेज स्तरावर विद्यापीठाकडे जाण्याच्या सूचना दिल्या जातात, तर निकालाबाबत विद्यापीठात योग्य ती उत्तरे दिली जात नसल्याने विद्यार्थ्यांमध्ये संभ्रम आहे.

विद्यापीठात धाव
अभ्यासक्रमाच्या विद्यार्थ्यांनी कुलगुरूंना निवेदन दिले. जूनमध्येच निकाल जाहीर होणे अपेक्षित असताना अद्याप निकाल जाहीर झालेला नाही. निकाल न जाहीर झाल्याने पुढील शैक्षणिक संधी विद्यार्थ्यांना गमवाव्या लागत असून, या प्रकरणी लक्ष देण्याची विनंती कुलगुरू डॉ. बी. ए. चोपडे यांना करण्यात आली आहे. निवेदनावर संदीप आसाराम शिंदे, अशोक वराडे, दत्ता कवडे, मंगेश जाधव, बावीस्कर विशाल, अभिजित पवार, नितीन कातखडे आदींची नावे आहेत.

मोबाइल अॅप डाउनलोड करा आणि राहा अपडेट

लोडशेडिंगचा फास अावळला

October 5, 2017, 2:30 pm

≫ Next: ‘विंग्स’ तंत्रज्ञानात तरुणाईची धम्माल

≪ Previous: सुटीतील एमएडच्या निकालाचा विसर

$

0

0

म. टा. प्रतिनिधी, औरंगाबाद
विजेचा तुटवडा असल्याने गुरुवारी महावितरणने लोडशेडिंगची व्याप्ती आणखी वाढविली. महावितरणने वीज बिल वसुली शंभर टक्के असलेल्या ‘ए’ गटातील फीडरवरही लोडशेडिंग केल्याने संपूर्ण शहरातील वीजपुरवठा बंद होता. शहरातील विविध भागांत दोन ते नऊ तासांदरम्यान वीजपुरवठा बंद होता.

कोळशाच्या तुटवड्यामुळे वीज उत्पादन कमी होत आहे. यामुळे औरंगाबाद परिमंडळासह राज्यभरात नऊ सप्टेंबरपासून लोडशेडिंगला प्रारंभ झाला होता. यानंतर काही दिवस परिस्थिती सुधारली, मात्र मंगळवारपासून (तीन ऑक्टोबर) लोडशेडिंगला पुन्हा सुरवात झाली. जी-एक, जी-दोन आणि जी-तीन गटांत मोडणाऱ्या २३ फीडरसह सात अन्य फीडरवर लोडशेडिंग कायम होते. या लोडशेडिंगमध्ये नऊ सप्टेंबर ते चार ऑक्टोबर या काळात वाढ करण्यात आली. बी, सी, डी, एफ या गटांतील फीडरवरही लोडशेडिंग सुरू करण्यात आले होते.

विजेच्या उपलब्धतेची स्थिती गुरुवारी आणखी बिघडली. मागणीच्या तुलनेत वीजपुरवठा कमी झाला. त्यामुळे उद्योजकांना नियमित वीजपुरवठा करण्यासाठी ‘ए’ गटात मोडणाऱ्या अंदाजे दहा हजार ग्राहकांचा वीजपुरवठा एक ते दोन तासांसाठी खंडित करण्यात आला होता. सकाळच्या सत्रात ‘ए’ गटासह अन्य सर्वच ८३ फिडरवरील दोन लाख ८७ हजार वीज ग्राहकांना लोडशेडिंगचा फटका सहन करावा लागला. दुपारनंतर मात्र सी, डी, ई, एफ सह जी-एक, जी-दोन, जी-तीन या गटांतील ७० फीडरवर लोडशेडिंग करण्यात आले. त्यामुळे हॉस्पिटल, शाळा, महाविद्यालये, शैक्षणिक संस्था, व्यवसायिक वीज ग्राहकांना त्रास सहन करावा लागला.

पाण्याचा प्रश्न गंभीर
शहरात पिण्याच्या पाण्याची वेळ आणि लोडशेडिंगची वेळ एकच होत असल्यामुळे. नागरिकांची सुरवातीपासून पाण्याच्यावेळेवर लोडशेडिंग न करण्याची मागणी आहे, मात्र नियमानुसार दिलेल्या वेळेतच लोडशेडिंग केले जात आहे. त्यामुळे अनेक नागरिकांना पिण्याचे पाणीही भरता आले नाही.

वाहतूक रामभरोसे
लोडशेडिंगच्या काळात शहरातील अनेक सिग्नल बंद होते. त्यामुळे अनेक चौकांत वाहतूक कोंडी झाली. त्यामुळे वाहतूक पोलिसांनी धावपळ करावी लागली, मात्र सिग्नल बंद असल्याने वाहतूक पोलिसांनी नियमित कारवाई गुंडाळून ठेवली.

मोबाइल अॅप डाउनलोड करा आणि राहा अपडेट

‘विंग्स’ तंत्रज्ञानात तरुणाईची धम्माल

October 5, 2017, 2:30 pm

≫ Next: निवडणूक विभागाची महावितरणविरुद्ध तक्रार

≪ Previous: लोडशेडिंगचा फास अावळला

$

0

0

‘विंग्स’ तंत्रज्ञानात तरुणाईची धम्माल
म. टा. प्रतिनिधी, औरंगाबाद
‘इमारतीचे डिझाइन’ कसे असावे, ‘मॉडेलिंग थ्री डी स्ट्रक्चर’ इथपासून ‘पीक अँड प्लेस’ अन् ‘सी-चक्रव्ह्यूह’ भेदण्यासाठीची आपली कल्पनाशक्ती दाखविणारे विद्यार्थी त्याचवेळी ‘टी-शर्ट पेट‌िंग’, ‘धिंडोरा’, ‘सीएसगो’ सारख्या फन गेमचीही धम्माल. सोबतीला ताल-सुराचा ठेका, टाळ्या अन् शिट्यांचा आवाज धम्माल माहौल शासकीय अभियांत्रिकी कॉलेजात अनुभवायला मिळतो आहे. भावी अभियंत्यांना जणू काही तंत्रज्ञानाचे ‘विंग्स’चे मिळाले असा जल्लोष सुरू आहे. ‘महाराष्ट्र टाइम्स’ या उपक्रमाचा मीडिया पार्टनर आहे.
इंजिनीअरिंग विद्यार्थ्यांच्या कल्पनाशक्तीचे दर्शन घडविणारा ‘विंग्स’ यंदा नव्या रुपात, नव्या ढंगात गुरुवारपासून सुरू झाला आहे. तीन दिवस चालणाऱ्या महोत्सवाची यंदाची थीम ‘अंतराळ’ अशी आहे. यामध्ये टेक्निकलसह सांस्कृतिक कार्यक्रमांची रेलचेल आहे. पहिल्या दिवशी उद्घाटन सत्रानंतर स्पर्धेला सुरुवात झाली ती, प्लॅनेट, डिफ्लेक्शन, व्हर्च्युअल कॅम्पस, रोबो रेस, पीक अँड प्लेस, रोबो रेस,
शासकीय अभियांत्रिकीत ५ ऑक्टोबरपासून विंग्सची सुरुवात होणार आहे. अभियांत्रिकीतील विविध शाखांच्या विद्यार्थ्यांसाठी विंग्समध्ये इव्हेंट्स आहेत. टेक्निकल आणि सांस्कृतिक कार्यक्रमांची आखणी वेगवेगळी करण्यात आली. तीन दिवसांत टेक्निकल इव्हेंट्समध्ये रोबोटिक्स, कोड न् गॅम्बल, सिव्हील ओ व्हिला, वोल्ट झील्ला, फन झोन, मेकॅनिको अशा इलेक्ट्राइड, रणस्तंभ, लॅन गेम, अशा टेक्निकल स्पर्धांचा पहिला टप्पा सुरू झाला. विविध कॉलेजांमधील हजारो ‌विद्यार्थ्यांचा सहभाग अन् स्पर्धेतील सहभागी आपल्या मित्राला चेअर-अप करण्यासाठी आलेली तरुणाई अशा धम्माल वातावरणात कॉलेजचा परिसर फुलून गेला आहे. पहिल्याच दिवशी विद्यार्थ्यांची सृजनशिलता दिसली, भावी अभियंत्यांच्या अफाट अशा कल्पनाशक्तीचे दर्शन घडले. रेसिडेंटल बिल्डिंग डिझाइन, मॉडेलिंग थ्रीडी स्ट्रक्चरमध्ये वाढते शहरीकरण लक्षात घेत स्पर्धेची रचना करण्यात आली. तब्बल ८५ संघांनी सहभाग नोंदविला. कॅम्पस इंटरव्ह्यूला सामोरे जाताना कसे जावे यासाठी व्हर्च्युअल कॅम्पस इव्हेंटमध्ये अॅप्ट‌िट्यूट टेस्टने विद्यार्थ्यांच्या बुद्धीमत्तेचा कस लागला. ‘सीएसगो’ या फन गेममध्ये तरुणाईने उत्साहाने सहभाग घेतला. पीक अँड प्लेसमध्ये रोबोटला अडथळ्यांची शर्यत पार करताना विद्यार्थ्यांचे तांत्रिक कौशल्य पहायला मिळाले.
इंजिनीअरिंगचे विद्यार्थी अनेक क्षेत्रात आपला ठसा उमटवित आहेत. स्पर्धा परीक्षेतून करिअर घडविणारे मोठ्या प्रमाणात समोर आले आहेत ही चांगली बाब आहे, असे माजी सनदी अधिकारी अविनाश धर्माधिकारी म्हणाले. त्यांच्याहस्ते विंग्सला सुरुवात झाली यावेळी ते बोलत होते. दरवर्षी १० लाख विद्यार्थी परीक्षा देतात. त्यापैकी पाच लाख परीक्षा उत्तीर्ण होतात, त्यातून अडीच हजार मुलाखतीसाठी निवडले जातात. २०१७ चा निकाल पाहिला तर, पहिल्या २० मध्ये १७ विद्यार्थी हे अभियांत्रिकी शाखेचे आहे. नागरी सेवेतून देशसेवा करण्याची संधी तुम्हाला मिळते आहे. कोणत्याही क्षेत्रात काम करा, त्यात उत्तम होऊ हेच ध्येय समोर ठेवा, असे आवाहन त्यांनी केले.

अब्दुल कलांमांचे साकारले चित्र

‘अंतराळ’ ही विंग्सची यंदाची थीम आहे. त्यासह महोत्सवासाठी विद्यार्थ्यांनी लक्ष वेधणारे आकर्षक असे डेकोरेशन ‌केले आहे. त्यात अंतराळातील विविध घडामोडी मांडणारे डेकोरेशन विद्यार्थ्यांनी साकारले आहे. डेेकोरेशन केल्यानंतर त्यातून जो वेस्ट कागद उरत होता. तो कागद वाया जाऊ तये यासाठी या कागदामधून विद्यार्थ्यांनी माजी राष्ट्रपती ए.पी.जे. अब्दुल कलाम यांचे चित्र साकारले आहे. अंतराळ क्षेत्रातील त्यांचे काम पाहता अशा प्रकारचे अभिवादन विद्यार्थ्यांनी केले आहे. अमृता कुलकर्णी, अक्षय तारडे, पल्लवी नेर या विद्यार्थ्यांनी हे चित्र साकारले आहे. जे लक्ष वेधक ठरले आहे.
शिट्या, टाळ्या अन् धम्माल
टेक्निकलसह सांस्कृतिक कार्यक्रमांनीही हा उत्सव चर्चेत आला आहे. सांस्कृतिक कार्यक्रमांमध्ये आलाप, रंगमंच, टी-शर्ट पेटींग, धिंडोरा, सँक्रो, काव्य अशा बहारदार कार्यक्रमांची रेलचेल असणार आहे. त्या पहिल्या दिवशी पहिल्या फेरीत शिट्या अन् टाळ्यांची दाद अन् प्रोत्साहनासाठी ताल-सुराचा ठेका अशा धम्माल मस्तीमध्ये कार्यक्रमाला रंगत आली.

विंग्समध्ये विविध क्षेत्रातील मान्यवरांची उपस्थिती असणार आहे. शुक्रवारी (सहा ऑक्टोबर) मोटिव्हेशनल स्पीकर वरूण अग्रवाल यांची उपस्थिती असणार आहे. कॉलेजच्या सभागृहात सकाळी १० वाजता मार्गदर्शनाचा कार्यक्रम असणार आहे.
सिव्हील विभागाचे आमचे इव्हेंट टेक्निकल आहेत. विद्यार्थ्यांचा सहभाग मोठ्या प्रमाणात आहे. स्पर्धकांनी उत्तमोत्तम डिझाइन सादर केली. त्यामुळे स्पर्धेत चुरस निर्माण झाली होती. तीन दिवसात पहिला टप्पा पार पडला. - प्रकाश टाकसाळ
अभियांत्रिकीचे शिक्षण घेताना कॅम्पस इंटरव्ह्यू महत्वाचा भाग आहे. कॅम्पस इंटरव्ह्यूसाठी काय तयारी करावी, त्याची रंगीत तालिम म्हणून व्हर्च्युअल कॅम्पस इव्हेंट उत्कृष्ट आहे. स्पर्धकांचा सहभागच स्पर्धेचे यश सांगतो.
- तृप्ती कौशिके
तांत्रिकसह सांस्कृतिक कार्यक्रम उत्साह वाढविण्यास कारणीभूत ठरली आहे. मराठवाड्यासह विविध जिल्ह्यातून आलेले स्पर्धक अन् त्यांची विचार करण्याची क्षमता. हा सगळा अनुभव अतिशय महत्वपूर्ण ठरतो.- ऋषिकेश जैसूर
‘विंग्स’चा महौल काही वेगळाच असतो. तांत्रिक विचारांची देवाण-घेवाण होतेच यासह नव्या-नव्या कल्पना ही समोर येतात. आम्हा विद्यार्थ्यांसाठीहे एक महत्वाचे व्यासपीठ ठरले आहे.
- अ‌जिंक्य अग्नीहोत्री

मोबाइल अॅप डाउनलोड करा आणि राहा अपडेट

निवडणूक विभागाची महावितरणविरुद्ध तक्रार

October 5, 2017, 2:30 pm

≫ Next: वीज चोरीप्रकरणात चौथा आरोपीस अटक

≪ Previous: ‘विंग्स’ तंत्रज्ञानात तरुणाईची धम्माल

$

0

0

म. टा. प्रतिनिधी, पैठण
वरिष्ठ कार्यालयाच्या आदेशावरून भारनियमन करणे पैठण येथील महावितरण अभियंत्याला चांगलेच महागात पडले आहे. ग्रामपंचायत निवडणुकीची कामे सुरू असताना भारनियमन केल्यामुळे निवडणूक कामात अडथळा निर्माण झाल्याप्रकरणी तहसीलदारांनी अभियंत्याविरुद्ध पोलिस ठाण्यात तक्रार दिली आहे.
जिल्ह्यातील २१७ ग्रामपंचायतीच्या निवडणुका येत्या शनिवारी (७ ऑक्टोबर) होत आहे. तालुक्यातील २२ ग्रामपंचायतींच्या निवडणुका होत आहेत. या निवडणुकीची तयारी तहसील कार्यालयात सुरू आहे. सध्या, ईव्हीएम मशीन सिल करण्यात येत आहेत. पण, भारनियमन सुरू झाल्यामुळे या कामात खंड पडू शकतो, बाधा निर्माण होऊ शकते, अशी शंका आल्याने निवडणूक प्रक्रियेदरम्यान भारनियमन करू नये, असे पत्र तहसीलदार महेश सावंत यांनी महावितरणला दिले होते. विशेष म्हणजे, निवडणूक प्रक्रियेला बाधा पोहणार नाही, याकरिता महावितरणने अखंड वीजपुरवठा करावा, असे आदेश राज्य निवडणूक विभागानेही काढले आहेत.
मात्र, पैठण येथे महावितरणने तहसीलदार यांच्या पत्राकडे व राज्य निवडणूक आयोगाच्या आदेशाकडे दुर्लक्ष केले. पैठण येथे भारनियमन सुरूच ठेवले. त्यामुळे ग्रामपंचायत निवडणूक प्रक्रियेला बाधा पोहचत आहे. भारनियमन असल्यामुळे निवडणूक अधिकारी व कर्मचाऱ्यांना ईव्हीएम मशीन सिल करण्याचे काम गुरुवारी पहाटेचे अडीच वाजता संपले. शिवाय गुरुवारी दिवसा मतदान पथकाचे अंतिम आदेश काढणे, पत्रव्यवहार करणे या मतदान प्रक्रियेला अडथळा निर्माण झाला.
भारनियमनामुळे निवडणूक प्रक्रियेला मोठ्या प्रमाणात बाधा, अडथळा निर्माण होत असल्याने तहसीलदार महेश सावंत यांनी गुरुवारी संध्याकाळी महावितरणचे पैठण शाखेच्या अभियंत्याविरोधात पैठण पोलिस ठाण्यात तक्रार दाखल केली.

निवडणूक आयोगाचे आदेश
निवडणूक प्रक्रियेदरम्यान भारनियमन करू नये, असे पत्र तहसीलदार महेश सावंत यांनी महावितरणला दिले होते. विशेष म्हणजे, निवडणूक प्रक्रियेला बाधा पोहणार नाही, याकरिता महावितरणने अखंड वीजपुरवठा करावा, असे आदेश राज्य निवडणूक विभागानेही काढले आहेत. तहसीलदारांनी तक्रार दिल्यानंतर त्यावर गुन्हा दाखल करण्यासंदर्भात रात्री उशिरापर्यंत कार्यवाही सुरू होती.

मोबाइल अॅप डाउनलोड करा आणि राहा अपडेट