रेल्वे स्टेशनचे फलाट बनले धोबी घाट

October 29, 2017, 2:30 pm

≫ Next: महोत्सवावर परीक्षेचे सावट

≪ Previous: बालगृहांच्या रेशनकार्डांची प्रतीक्षा संपली

$

0

0

रेल्वे स्टेशनचे फलाट बनले धोबी घाट
म. टा. प्रतिनिधी, औरंगाबाद
पंतप्रधान नरेंद्र मोदींच्या महत्त्वाकांक्षी योजनेवर औरंगाबाद रेल्वे स्टेशनवर बोळा फिरविण्यात आल्याचे चित्र दिसत आहे. स्टेशनच्या फलाट क्रमांक एक आणि तीनवर परगावाहून येणारे प्रवासी, भिकारी यांनी अंघोळ करणे, कपडे धुणे असे प्रकार सुरू केले आहेत. त्यामुळे हे फलाट धोबीघाट बनले आहेत.
औरंगाबाद रेल्वे स्टेशनवर याआधी विविध प्रसंगी स्वच्छ भारत अभियानांतर्गत विविध कार्यक्रम घेण्यात आले आहेत. त्यावर लाखोंचा खर्चही करण्यात आला आहे. मात्र, या कार्यक्रमांपुरतेच येथे स्वच्छ भारत अभियान सिम‌ित राहिले. कारण सकाळच्या वेळी फलाट क्रमांक एकवर जालन्याच्या दिशेला प्रवासी, भिकारी कपडे धूत बसल्याचे दिसते. या फलाटाच्या शेवटच्या टोकाला वॉटरिंगचे पाइप चालू करून प्रवाशांचे कपडे धुण्याचा कार्यक्रम सुरू असतो. अनेकजण येथे अंघोळही उरकून घेतात. भिकाऱ्यांची तर येथे दररोजची अंघोळ हमखास ठरलेली असते. असाच काहिसा प्रकास फलाट क्रमांक तीनवरही सुरू असतो. इथेही बिनधास्तपणे अंघोळी व कपडे धुणे सुरू आहे. यापूर्वी अशा नागरिकांवर कारवाई झालेली आहे. आता पुन्हा तशाच प्रकारच्या कारवाईची आवश्यकता आहे.

मोबाइल अॅप डाउनलोड करा आणि राहा अपडेट

---

महोत्सवावर परीक्षेचे सावट

October 29, 2017, 2:30 pm

≫ Next: मंत्रिमंडळ विस्तारात प्रादेशिक समतोल

≪ Previous: रेल्वे स्टेशनचे फलाट बनले धोबी घाट

$

0

0

म. टा. प्रतिनिधी, औरंगाबाद
केंद्रीय युवक महोत्सवासाठी विद्यापीठाशी संलग्न २०५ महाविद्यालयांनी नोंदणी केली. प्रत्यक्षात महोत्सवात फक्त १६२ संघ दाखल झाले. दिवाळीची सुटी आणि लवकरच सत्र परीक्षा असल्यामुळे महोत्सवाला पहिल्या दिवशी कमी प्रतिसाद मिळाला. पुढील वर्षापासून सप्टेंबर महिन्यातच महोत्सवच घेण्याचा प्रयत्न करू, असे विद्यार्थी विकास विभागाचे संचालक डॉ. मुस्तजिब खान यांनी जाहीर केले.

डॉ. बाबासाहेब आंबेडकर मराठवाडा विद्यापीठाची पदवी सत्र परीक्षा दहा नोव्हेंबरपासून आहे. इंद्रधनुष्य महोत्सव परभणी येथे पाच नोव्हेंबरपासून सुरू होणार आहे; तसेच दिवाळीच्या सुट्या असल्यामुळे बहुतेक विद्यार्थी बाहेरगावी आहेत. या कारणांचा थेट युवक महोत्सवाच्या संख्येवर परिणाम जाणवत आहे. सहभागी स्पर्धक आणि इतर विद्यार्थ्यांची संख्या कमी असल्यामुळे निरूत्साहात युवक महोत्सवाची सुरुवात झाली. यंदा नोंदणी केलेल्या २०५ संघातील फक्त १६२ संघ दाखल झाले आहेत. यात ११२२ विद्यार्थी आणि ७२५ विद्यार्थिनी आहेत. दरवर्षी संघांची संख्या कमी होत असून सहभागी न होणाऱ्या महाविद्यालयांना दहा हजार रुपये दंड आकारण्याचा निर्णय जाहीर झाला. प्रत्यक्षात दंडाची कारवाई नाही.

पुढील वर्षीपासून सप्टेंबर महिन्यात महोत्सव घेण्याचा प्रयत्न करू, असे डाॅ. मुस्तजिब खान म्हणाले. महोत्सवाचे नियोजन करण्यासाठी प्रशासन विशेष प्रयत्न करीत आहे.

बुवाबाजी, सोशल मीडियावर हल्ला
मिरवणुकीत महाविद्यालयीन संघांनी वैशिष्ट्यपूर्ण संकल्पनेतून संदेश दिला. बाबा राम-रहिम, राधे माँ, आसाराम बापू यांची वेशभूषा केलेल्या विद्यार्थ्यांनी बुवाबाजीपासून दूर राहण्याचा संदेश दिला. छत्रपती शिवराय, महात्मा फुले, संत गाडगेबाबा, राणी लक्ष्मीबाई यांची वेशभूषा केलेल्या विद्यार्थ्यांनी मिरवणुकीची शोभा वाढवत देशाला घडवण्यासाठी महापुरूषांचे विचार अंमलात आणण्याचा संदेश दिला. स्वच्छता अभियान, सोशल मीडियाचे दुष्परिणाम, देशातील सामाजिक-धार्मिक ध्रुवीकरण, लोकसंस्कृती अशा विविध विषयांवर पथकांनी सादरीकरण केले. ढोलकी, पखवाज, टाळ, संबळ यांच्या ठेक्यावर नाचत विद्यार्थ्यांनी मिरवणुकीत उत्साह आणण्याचा प्रयत्न केला.

मोबाइल अॅप डाउनलोड करा आणि राहा अपडेट

मंत्रिमंडळ विस्तारात प्रादेशिक समतोल

October 29, 2017, 2:30 pm

≫ Next: ‘हॅपी अवर्स’ देतील प्रवाशांना दिलासा

≪ Previous: महोत्सवावर परीक्षेचे सावट

$

0

0

औरंगाबाद : मंत्रिमंडळाचा विस्तार लवकरच होणार आहे. राज्यातील सर्वच मंत्र्यांची कामगिरी समाधानकारक आहे. मंत्रिमंडळात कोणाला संधी द्यायची, याचा निर्णय पक्षाची कोअर कमिटी घेईल, मात्र विस्तार करताना प्रादेशिक समतोल राखला जाईल, अशी माहिती भारतीय जनता पक्षाचे प्रदेशाध्यक्ष रावसाहेब दानवे यांनी पत्रकारांना येथे रविवारी दिली.

माजी मुख्यमंत्री नारायण राणे यांनी नवा पक्ष स्थापन करून राष्ट्रीय लोकशाही आघाडीत प्रवेश केला आहे. त्यांचा मंत्रिमंडळात समावेश करण्यात येणार असल्याची चर्चा सुरू आहे. त्याला दानवे यांनी दुजोरा दिला. मंत्रिमंडळातील सदस्यांची संख्या पाहता नवीन चेहऱ्यांना संधी मिळण्याची शक्यता कमी असल्याचे त्यांनी सूचित केले. मराठवाड्याची राजधानी म्हणून औरंगाबाद जिल्ह्यातील आमदारापैकी कोणाची मंत्रिमंडळात वर्णी लागले, या प्रश्नावर ते म्हणाले,‘प्रादेशिक समतोल राखण्याचा प्रयत्न केला जाईल.’

दरम्यान, औरंगाबाद महापालिकेत युती धर्माचे आम्ही पालन केल्याचे दानवे यांनी सांगत जिल्हा परिषदेत काँग्रेस - शिवसेनेची आघाडी त्यांनाच लाखलाभ, असा टोला मारला.

मोबाइल अॅप डाउनलोड करा आणि राहा अपडेट

‘हॅपी अवर्स’ देतील प्रवाशांना दिलासा

October 29, 2017, 2:30 pm

≫ Next: खोट्या नोटा देणाऱ्या टोळीचा सूत्रधार अटकेत

≪ Previous: मंत्रिमंडळ विस्तारात प्रादेशिक समतोल

$

0

0

‘हॅपी अवर्स’ देतील प्रवाशांना दिलासा
म. टा. प्रतिनिधी, औरंगाबाद
मुंबईसह महाराष्ट्रात दुपारी बार ते चार या कालावधीत वर्दळ नसते. या वेळेत सर्वसामान्य महिला आणि ज्येष्ठ नागरिकांना रिक्षा स्वस्त दरात मिळाव्यात यासाठी १५ टक्के कमी दराने ‘हॅपी अवर्स’ जाहीर करावेत, अशी शिफारस खटुआ समितीने केली आहे.
रिक्षा, टॅक्सी आणि विविध कंपन्यांच्या कुल कॅब या प्रवासी वाहतूक करणाऱ्या विविध वाहनांचा अभ्यास करण्यासाठी खटुआ समितीची नियुक्ती करण्यात आली आहे. खटुआ समितीने अहवाल परिवहन मंत्र्यांना सादर केला आहे. या समितीने प्रामुख्याने मुंबई, पुणे, सोलापूर, सातारा; तसेच कोल्हापूर या शहरांचा प्राथमिक अभ्यास केला आहे. याशिवाय विविध शहरातील रिक्षांचे सध्याचे दर आणि प्रस्तावित दर यासाठी नियमही तयार केला आहे. हा प्रस्ताव तयार करताना खटुआ समितीने हकीम कमिटीच्या शिफारशींचाही विचार केला आहे. सध्याच्या स्पर्धेच्या युगात रिक्षा व्यवसायातून मिळणारे उत्पन्न हे रिक्षा चालकांसाठी परवाडणारे नसल्याचे समितीने अहवालात स्पष्ट केले आहे. याशिवाय रिक्षा विकत घेणे, त्यावरील व्याज, यामुळे रिक्षा चालकांसमोरील आर्थिक प्रश्न कायम रहातात. बारा तास काम केल्यानंतरही त्यांना उत्पन्न पुरेसे मिळत नाही. याशिवाय पेट्रोलच्या वाढत्या दरांमुळे रिक्षा चालकांना नुकसान सहन करावे लागत आहे. यासाठी दरवाढीचे नवीन सूत्र या समितीने शासनाकडे सादर केला आहे.
या प्रस्तावात ६० सेंटी मीटर x ४० सेंटी मीटर अशा आकाराच्या कोणत्याही बॅगवर अतिरिक्त शुल्क न आकारण्याची शिफारस केली आहे. या पेक्षा मोठ्या बॅगवर सहा रुपये प्रती बॅग दर आकारण्याबाबतही शिफारस केली आहे. यासोबत समितीने ‘हॅपी अवर्स’चा प्रस्ताव मांडला आहे. या प्रस्तावात दुपारी १२ ते ४ या काळात पहिल्या स्टेजमध्ये १५ टक्के प्रवासी वाहतूक दरात सूट देण्याची शिफारस केली आहे. अशा योजनेमुळे महिला आणि वृद्धांना वाहतुकीमध्ये काही प्रमाणात सवलत मिळेल. तसेच प्रवासी वाहतुकीतून रिक्षा चालकांचाही रोजगार वाढणार असल्याचे समितीने स्पष्ट केले.
वर्षतून एकदाच दरवाढ
हकीम समितीने सुचविलेल्याप्रमाणे खटुआ समितीनेही वर्षातून एकदा दरवाढ करण्याचा प्रस्ताव दिला आहे. ३१ मार्च रोजी ही दरवाढ जाहीर करून एक जूनपासून अंमलबजावणीचा प्रस्ताव दिला आहे. ५० पैसे दरवाढ करण्याचा प्रस्तावही समितीने सादर केला आहे. इंधनचे दर २५ टक्क्यांपेक्षा अधिक वाढले तर त्यानंतर लवकरात लवकर दरवाढीबाबत संबंधित आरटीए कमिटीने निर्णय घेण्याचीही शिफारस करण्यात आली आहे.
मीटर न वापरण्यावर कारवाई करा
रिक्षा मीटरचा वापर न करणे किंवा ग्राहकांकडून अवाजवी दरात प्रवासी वाहतूक करणे, तसेच रिक्षा मीटरमध्ये फेरफार करणे असे प्रकार आढळल्यास संबंधित रिक्षा चालकांवर कडक कारवाई करावी, अशीही सूचना खटुआ समितीने केली आहे.

मोबाइल अॅप डाउनलोड करा आणि राहा अपडेट

खोट्या नोटा देणाऱ्या टोळीचा सूत्रधार अटकेत

October 29, 2017, 2:30 pm

≫ Next: शहरात एक नोव्हेंबरला झिरो पेंडन्सी कार्यशाळा

≪ Previous: ‘हॅपी अवर्स’ देतील प्रवाशांना दिलासा

$

0

0

म. टा. प्रतिनिधी, औरंगाबाद
बँक, एटीएममध्ये ग्राहकांना आमिष दाखवत एक लाख रुपयांना गंडा घालण्याच्या दोन घटनांतील सूत्रधाराला सीसीटीव्हीच्या आधारे गुन्हे शाखा व सायबर सेलच्या पोलिसांनी उल्हासनगरमधून अटक केली. या घटना शहरात नऊ ऑक्टोबर रोजी घडल्या होत्या. ही टोळी गड्डी गँग म्हणून ओळखली जाते, अटक केलेल्या आरोपीचे नाव सागर देविदास अंभोरे (वय २४), असे आहे.
समर्थनगर येथील एका बँकेतून नऊ ऑक्टोबर रोजी शेख अल्ताफ सत्तार (वय २५ रा. इंदिरानगर) याच्याकडून खऱ्या नोटा असलेली ४८ हजाराची रक्कम घेऊन त्याला एक लाख चाळीस हजाराच्या बनावट नोटा दिल्या होत्या. तसेच किसनराव दिपके या शेतकऱ्याला देखील बनावट पावणेदोन लाखांच्या नोटा देत ५८ हजार रुपये लांबवले होते. हे आरोपी सीसीटीव्ही फुटेजमध्ये कैद झाले होते. पोलिसांनी तांत्रिक तपास करत आरोपींची माहिती काढली. संशयित आरोपी सागर देविदास अंभोरे (वय २४ रा. भैय्यासाहेब आंबेडकरनगर, खेमानी, उल्हासनगर) याला रेंज बार समोरून अटक करण्यात आली. आरोपीने साथीदाराच्या मदतीने हा गुन्हा केल्याची कबुली दिली आहे. ही कारवाई पोलिस आयुक्त यशस्वी यादव, उपायुक्त राहुल श्रीरामे, एसीपी रामेश्वर थोरात, पोलिस निरीक्षक शिवाजी कांबळे यांच्या मार्गदर्शनाखाली एपीआय गजानन कल्याणकर, पीएसआय हेमंत तोडकर, नंदकुमार भंडारे, धुडकू खरे, विकास माताडे, नितीन देशमुख, सुदर्शन एखंडे, संजय जाधव, शिवाजी भोसले व बहुरे यांनी केली.

गड्डी गँग म्हणून ओळख

या टोळीला गड्डी गँग म्हणून ओळखले जाते.मुंबई, उल्हासनगर, भिवंडी, ठाणे येथे ही टोळी कुप्रसिद्ध आहे. समोरील व्यक्तीला बोलण्यात गुंतवून थापा मारीत ही टोळी बनावट नोटांची गड्डी देत खऱ्या नोटा काढून घेते. नोटाच्या गड्डीच्या खाली-वर खऱ्या नोटा व आत कोरे कागद असतात. त्यांनी शहरात केलेल्या गुन्ह्यात ग्राहकांचे एटीएम कार्ड वापरत दीड लाखांची खरेदी केल्याची माहिती दिली आहे.

मोबाइल अॅप डाउनलोड करा आणि राहा अपडेट

शहरात एक नोव्हेंबरला झिरो पेंडन्सी कार्यशाळा

October 29, 2017, 2:30 pm

≫ Next: वाहतूक पोलिसांवर दलालवाडीत दगडफेक

≪ Previous: खोट्या नोटा देणाऱ्या टोळीचा सूत्रधार अटकेत

$

0

0

म. टा. प्रतिनिधी, औरंगाबाद
जिल्हा परिषद कार्यालयातील कामकाजात अधिक सुसूत्रबद्धपणा यावा, कामकाज पारदर्शी राहावे, कामे प्रलंबित राहू नयेत, यासाठी आखून दिलेल्या मार्गदर्शक तत्वांचा प्रभावी अवलंब करण्यासाठी एक नोव्हेंबर रोजी औरंगाबादेत विभागीय पातळीवरील झिरो पेंडन्सी कार्यशाळा आयोजित करण्यात आली आहे.
जिल्हा परिषद कामकाजात अधिक सुधार व्हावा, यासाठी काही महिन्यांपूर्वी पुण्यात एक बैठक झाली होती. त्या बैठकीत विविध कार्यपद्धतींवर चर्चा झाली. लखिना पॅटर्न, सिक्स बँडल सिस्टम, झिरो पेंडन्सी आदी विषयांवर मार्गदर्शन करण्यात आले. ग्रामविकासमंत्री पंकजा मुंडे यांनी मराठवाड्यातील जिल्हा परिषदांसाठी विभागीय पातळीवर एक कार्यशाळा घेण्याबाबत सूचना केली होती. त्यानुसार औरंगाबाद जिल्हा परिषदेच्या सामान्य प्रशासन विभागाच्या पुढाकाराने एक नोव्हेंबर रोजी मराठवाडा महसूल प्रबोधिनी येथे ही कार्यशाळा घेण्यात येणार आहे. ग्रामविकास मंत्री पंकजा मुंडे यांच्या उपस्थितीत होणाऱ्या या कार्यशाळेसाठी मराठवाड्यातील सर्व जिल्हा परिषदांचे अधिकारी उपस्थित राहणार असल्याचे सूत्रांनी सांगितले.

या मुद्द्यांवर मार्गदर्शन

कार्यशाळेत एखाद्या विषयावरील फाइलचा निपटारा कोणत्या पद्धतीने करावा, फाइल वेगवेगळ्या टेबलवर गेल्यानंतर तेथील टिपण्या, नोंदी त्याची सूक्ष्म माहिती एकाच ठिकाणी कशा पद्धतीने उपलब्ध राहील, कामे प्रलंबित राहण्याऐवजी छोट्या त्रुटी दूर करून फाइल मार्गी लावण्यासाठी अधिकारी, कर्मचाऱ्यांनी कोणती पद्धती अवलंबावी, दैनंदिन कामकाज संपताना झिरो पेंडन्सीवर कसा भर दिला जाईल, याबाबत तज्ज्ञांकडून मार्गदर्शन केले जाणार आहे.

मोबाइल अॅप डाउनलोड करा आणि राहा अपडेट

वाहतूक पोलिसांवर दलालवाडीत दगडफेक

October 29, 2017, 2:30 pm

≫ Next: भूसंपादन रखडल्याची मुख्यमंत्र्यांकडे तक्रार

≪ Previous: शहरात एक नोव्हेंबरला झिरो पेंडन्सी कार्यशाळा

$

0

0

म. टा. प्रतिनिधी, औरंगाबाद
नोटीस बजावण्यासाठी गेलेल्या वाहतूक शाखेच्या दोन कर्मचाऱ्यांवर दगडफेक करीत संशयित तरूण पळून गेला. हा प्रकार रविवारी सकाळी ११ वाजता दलालवाडीमध्ये घडला. या प्रकरणी संशयित आरोपीविरुद्ध क्रांती चौक पोलिस ठाण्यात शासकीय कामात अडथळा केल्याप्रकरणी गुन्हा दाखल करण्यात आला आहे.
शहर वाहतूक शाखेतील पोलिस नाईक लक्ष्मीकांत किसनराव बनसोड हे रविवारी जमादार एम. एस. बेग यांच्यासह दलालवाडी येथे विनाहेल्मेटच्या नोटीस बजावण्यासाठी गेले होते. यामध्ये सुनील बदरीनाथ चावरिया याच्या नावाची नोटीस होती. दलालवाडी येथील रोशन मशीदजवळ थांबून बनसोड व बेग हे चावरियाचा पत्ता विचारत होते. यावेळी थोड्या वेळात तेथील गल्लीतून एक अनोळखी तरूण पळत आला. त्याने तुम्ही सुनील चावरिया याची नोटीस घेऊन कसे काय आलात, अशी विचारणा केली. बनसोड यांनी, तू सुनील आहे का, असे विचारले असता त्या तरुणाने अरेरावी करत त्यांच्यावर दगडफेक केली. यामध्ये एक दगड बनसोड यांच्या उजव्या पायाला लागला. त्याला पकडण्याचा प्रयत्न केला असता तो, आमच्या गल्लीत आला तर ठार मारू अशी धमकी देत पळून गेला. या तरुणाचे वय अंदाजे २५ ते ३० वर्षे असून डोक्यावर लाल रुमाल बांधलेला व कानात बाळी, मिशी वाढलेली आहे. बनसोड यांच्या तक्रारीवरून पोलिस ठाण्यात गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

भूसंपादन रखडल्याची मुख्यमंत्र्यांकडे तक्रार

October 29, 2017, 2:30 pm

≫ Next: ​ ढगाळ वातावरणामुळे पिके धोक्यात

≪ Previous: वाहतूक पोलिसांवर दलालवाडीत दगडफेक

$

0

0

म. टा. प्रतिनिधी, औरंगाबाद
पंतप्रधान लाल किल्यावरून गरीब, गरजू, मध्यमवर्गीयांसाठी घरांबद्दल बोलत असतात, पण, सिडको प्रशासनाचे नियोजन हे सर्वसामान्य आणि शेतकऱ्यांच्या विरोधात आहे. वाळूज महानगरातील भूसंपादन १९९६पासून रखडले आहेत. सिडकोच्या उदासिन धोरणाचा फटका वाळूज भागातील शेतकऱ्यांना बसत आहे, अशी तक्रार खासदार चंद्रकांत खैरे यांनी मुख्यमंत्री देवेंद्र फडणवीस यांना दिलेल्या निवेदनाद्वारे केली आहे.
औरंगाबाद व गंगापूर तालुक्यातील १६ महसुली गावांचा सिडको वाळूज अधिसूचित क्षेत्रात समावेश करण्यात आला आहे. त्यानुसार, वाळूज महानगर १चे भूसंपादन २०१५पर्यंत करण्यात आले. तीसगाव-वळगाव येथील एक प्रस्ताव, महानगर ४मधील गोलवाडी येथील ६ प्रस्ताव व वडगाव येथील एक प्रस्तावप्रकरणी भूसंपादन पूर्ण करण्यात आले. वाळूज २, वाळूज ४ यातील १४ प्रस्ताव, आणि वाळूज महानगर ३ मधील भूसंपादनाबद्दल कारवाई झालेली नाही. दिरंगाईमुळे वाळूज महानगर प्रकल्पाचा खर्च आवाक्याबाहेर गेला आहे. प्रलंबित प्रकरणात सिडकोला दरमहा सुमारे ७० लाख रुपयांचा तोटा होत आहे, असे या निवेदनात म्हटले आहे. भूसंपादनासाठी होत असलेल्या विलंबामुळे शेतकऱ्यांचे नुकसान होत आहे असून याबाबत लवकरात लवकर निर्णय घ्याव, अशी मागणी खासदार खैरे यांनी केली.

विकासाचे काय झाले?

अविकसित भागाचा विकास करण्यासाठी विशेष नियोजन प्राधिकरणाची नियुक्ती करण्यात आली. त्यासाठी विकास योजना तयार केल्या जातात. या योजनांची अंमलबजावणी केली जात नाही, असा आरोप खासदार चंद्रकांत खैरे यांनी निवेदनात केला आहे.

मोबाइल अॅप डाउनलोड करा आणि राहा अपडेट

---

​ ढगाळ वातावरणामुळे पिके धोक्यात

October 29, 2017, 2:50 pm

≫ Next: सरकार पाडण्यासाठी संघटीत प्रयत्नाची गरज

≪ Previous: भूसंपादन रखडल्याची मुख्यमंत्र्यांकडे तक्रार

$

0

0

म. टा. प्रतिनिधी, नांदेड
हिमायतनगर, हदगावसह तालुक्यात सोयाबीन कापणी, काढणीसाठी बळीराजाची धावपळ सुरू आहे. दुसरीकडे ढगाळ वातावरणामुळे हाताशी आलेले तुरीचे पिके जाण्याची भीती बळीराजाकडून व्यक्त होत आहे. आता जर पाऊस झाला तर कपाशीच्या पिकांना फायदेशीर ठरेल अशास्वरुपाच्या प्रतिक्रिया शेतकरी वर्गातून व्यक्त केल्या जात आहेत.
खरीप हंगामातील अल्प पावसामुळे कापूस, सोयाबीन मोठ्या प्रमाणात नुकसानीत आले आहे. सोयाबीनचे बीज भरलेले नसल्याने शेतकरी वर्गांना सोयाबीन काढणीत फक्त १ ते २ क्विंटलचा उतारा येत असल्याने मोठ्या प्रमाणात नुकसान झाल्याचे दिसून येत आहे. खरीप हंगामात केलेला खर्च निघण्याची अशा मावळली आहे. आता तुरीचे व ज्वारीचे पीक बहरात आले असताना शुक्रवारपासून, ढगाळ वातावरण निर्माण झाले आहे. मागील काळात थोड्या प्रमाणात पाऊस झाला. त्यामुळे काढून ठेवलेले सोयाबीन, ज्वारी काळी पडली. तसेच तुरीला फुलाची लागवड झाली असून, गेल्या काही दिवसांपासून सुरू असलेल्या ढगाळ वातावरणाने फुल गळून किडी-आळीचा प्रादुर्भाव होऊन पुन्हा शेतकरीवर्गला नुकसानीचा सामना करावा लागणार आहे.
एकीकडे असे नुकसान होत असले तरी दुसरीकडे पावसाभावी वाळू लागलेल्या कापसाला पाऊस झाला तर जीवदान मिळण्याची शक्यता आहे. या पावसामुळे पांढरे सोने समजल्या जाणारे कपाशी व रब्बी हंगामात घेतल्या जात असलेल्या पिकांना फायदा होईल. २०१७ च्या खरीप हंगामात उत्पन्नापेक्षा खर्च जास्त झाला. शेतीमालाचे नुकसान व कमी भाव मिळत असल्याने शेतकरी दुहेरी संकटात सापडला आहे. शेतकऱ्यांच्या या नुकसानीकडे सरकारने लक्ष देवून शेतकऱ्यांना आर्थिक कोंडीतून सोडविण्यासाठी मदत मिळवून देऊन कापूस, सोयाबीन, ज्वारी यासह अन्य पिकांना हमी भाव मिळवून दिलासा द्यावा, अशी मागणी केली जात आहे.

मोबाइल अॅप डाउनलोड करा आणि राहा अपडेट

सरकार पाडण्यासाठी संघटीत प्रयत्नाची गरज

October 29, 2017, 2:53 pm

≫ Next: ​ वेबसाइटवरून ग्रीन लिस्ट गुल

≪ Previous: ​ ढगाळ वातावरणामुळे पिके धोक्यात

$

0

0

म. टा. प्रतिनिधी, जालना
नोटबंदी आणि जीएसटी लागू करून सर्वसामान्यांच्या जीवनात अडचणीशिवाय काहीच आले नाही. तसेच शेतकरीवर्गाला देखील कर्जमाफीचे गाजर दाखविण्याशिवाय राज्य आणि केंद्रातील सरकारने काहीच केले नाही. त्यामुळे सर्वच घटकांची या सरकारने निराशा केली असून अशा अपयशी सरकारला खाली खेचण्यासाठी सर्वांना संघटीतपणे प्रयत्न करावे लागणार आहे असे प्रतिपादन माजी आमदार कैलास गोरंट्यांल यांनी येथे बोलतांना केले. दरम्यान, परतूर आणि भोकरदन या दोन्ही विधानसभा मतदार संघात सत्तेचा वापर केवळ दडपशाहीसाठीच केला जात असल्याचा आरोप जालना जिल्हा काँग्रेस कमिटीचे अध्यक्ष सुरेशकुमार जेथलिया यांनी केला.
जामवाडी ( ता. जालना) येथे कैलास गोरंट्याल मित्र मंडळाच्यावतीने दिपावली स्नेहमिलन व जालना विधानसभा मतदारसंघातील नवनिर्वाचीत सरपंच आणि ग्रामपंचायत सदस्यांचा सत्काराचे आयोजन करण्यात आले होते. त्याप्रसंगी ते बोलत होते. यावेळी जिल्हा काँग्रेस कमिटीचे अध्यक्ष सुरेशकुमार जेथलिया, माजी आमदार शकुंतला शर्मा, नगराध्यक्षा संगीता गोरंट्याल, मंजुषा देशमुख, माजी जिल्हाध्यक्ष आर. आर. खडके, भीमराव डोंगरे, माजी प्रदेश सरचिटणीस डॉ. संजय लाखे-पाटील, विजय कामड, प्रा. सत्संग मुंडे, राजाभाऊ देशमुख, विमल आगलावे, बदर चाऊस, सतीश पंच, दिनकर घेवंदे, गणेश राऊत, भागवत उफाड आदींची उपस्थिती होती.
याप्रसंगी गोरंट्याल म्हणाले, ‘या सरकारला सत्तेत येवून तीन वर्षाचा कालावधी पूर्ण होत आहे. तर नोटबंदीला येत्या नऊ नोव्हेंबर रोजी वर्ष पूर्ण होत असून नोटबंदीचा निर्णय पुर्णपणे फसल्याचे उघड झाले आहे. सरकारचा नाकर्तेपणा जनतेसमोर आला आहे. या नोटबंदीतून देशातील जनता कशीबशी सावरत असतांनाच आता जीएसटी लागू करून सर्व सामान्यांचे जीवन जगणे कठीण करून टाकण्याचे काम सरकारने केले आहे. राज्यातील शेतकरी सातत्याने संकटाचा सामना करत असून या सरकारच्या सत्ता कालावधीत हजारो शेतकऱ्यांनी मृत्यूला जवळ केले आहे. काँग्रेस पक्षाने शेतकऱ्यांना कर्जमाफ करण्यासाठी सरकार विरोधात राज्यव्यापी आंदोलन केल्यानंतर फडणवीस सरकारने शेतकऱ्यांना कर्जमाफीची घोषणा केली असली तरी ही घोषणा देखील फसवीच असल्याचे शेतकऱ्यांच्या लक्षात आले आहे.’
लोकसभा निवडणुकीसह औरंगाबाद-जालना या स्थानिक स्वराज्य संस्थेच्या निवडणुकीसाठी देखील जालना जिल्ह्यातून काँग्रेस पक्षाचा उमेदवार देण्याचा प्रयत्न केला जाईल, अशी ग्वाही गोरंट्याल यांनी यावेळी दिली.
प्रारंभी कार्यक्रमाचे प्रास्ताविक जिल्हा सरचिटणीस शेख महेमूद यांनी केले. सूत्रसंचालन जिल्हा उपाध्यक्ष राम सावंत यांनी तर आभार अरुण घडलिंग यांनी मानले.

काँग्रेसवरील प्रेम कायम ठेवण्याचे आवाहन
दीपावली हा सण सर्वांच्या जीवनात प्रेरणा आणि चैतन्य निर्माण करणारा असून या सणानिमित्त पेटवल्या जाणारा दिवा सर्वांना प्रकाश देत असतो. त्याचप्रमाणे आपल्या अंतरमनातील दिवा सदैव तैवत ठेवून काँग्रेस पक्षावर जे प्रेम व्यक्त करीत आहात ते यापुढेही कायम ठेवण्याचे आवाहन नगराध्यक्षा संगीता गोरंट्याल यांनी केले.

मोबाइल अॅप डाउनलोड करा आणि राहा अपडेट

​ वेबसाइटवरून ग्रीन लिस्ट गुल

October 29, 2017, 2:59 pm

≫ Next: पश्चिम विभागीय स्पर्धा औरंगाबादेत

≪ Previous: सरकार पाडण्यासाठी संघटीत प्रयत्नाची गरज

$

0

0

म. टा. प्रतिनिधी, उस्मानाबाद
राज्य सरकारच्या ‘आपलं सरकार’ या वेबसाइटवरून कर्जमाफीच्या लाभार्थी शेतकऱ्यांची यादी दुसऱ्यांदा काढून टाकण्याची नामुष्की ओढवली आहे. लाभार्थी यादी बरोबरच कर्जमाफीसाठी ऑनलाइन अर्ज केलेल्या शेतकऱ्यांची यादीही काढून टाकण्यात आली आहे. रविवार दुपारपासून ही यादी वेबसाइटवरून गुल झाल्याचे स्पष्ट झाले आहे.
राज्य सरकारने शुक्रवारी २ लाख ३९ हजार ६१० शेतकऱ्यांची ग्रीन लिस्ट जाहीर करीत या शेतकऱ्यांच्या नावे बँकेत कर्जमाफीचे ९०० कोटी रुपये जमा केल्याचा दावा केला होता. मात्र, बँकेत पैसे जमा नसल्याचे वास्तव ‘मटा’च्या बातमीतून समोर आले होते. त्याच बरोबर उस्मानाबाद जिल्ह्यात १८ ऑक्टोबर रोजी सह पालकमंत्री महादेव जानकर यांच्या हस्ते कर्जमाफीची प्रमाणपत्र देऊन सत्कार केलेल्या त्या २३ सत्कारमूर्ती शेतकऱ्यांची नावे दुसऱ्यांदा जाहीर केलेल्या यादीत नसल्याचे उघड झाले होते. यापूर्वी एकदा सरकारने अशाच प्रकारे ग्रीन लिस्ट वेबसाइटवरून काढून टाकली होती. या सर्व प्रकारामुळे कर्जमाफीच्या गोंधळाचे गूढ अधिकच वाढत चालले असून,शेतकऱ्यांना कर्जमाफीसाठी आणखीन तिष्ठत राहावे लागणार आहे.
कर्जमाफीप्रकरणी होणाऱ्या दिरंगाईबद्दल पंतप्रधान कार्यालयाने नाराजी व्यक्त करीत स्पष्टीकरण मागविले आहे. त्यानंतरही राज्य सरकार बेफिकीरवृत्तीने वागत असल्याबद्दल जिल्ह्यातील शेतकरी वर्गातून तीव्र नाराजी व्यक्त केली जात आहे.


आढावा बैठकीकडे लक्ष
सोमवारी (३० ऑक्टोबर) पालकमंत्री दिवाकर रावते व सहपालकमंत्री महादेव जानकर हे कर्जमाफीच्या बाबतीत आढावा घेण्यासाठी उस्मानाबादेत येत
आहेत. त्यामुळे सर्व शेतकरी वर्गाचे आता या आढावा बैठकीकडे लक्ष लागले आहे.

मोबाइल अॅप डाउनलोड करा आणि राहा अपडेट

पश्चिम विभागीय स्पर्धा औरंगाबादेत

October 29, 2017, 3:03 pm

≫ Next: बांधकाम परवानगीसाठी आर्किटेक्ट नको

≪ Previous: ​ वेबसाइटवरून ग्रीन लिस्ट गुल

$

0

0

पश्चिम विभागीय स्पर्धा औरंगाबादेत
महिला क्रिकेट सामन्यांना बुधवारपासून सुरुवात
म. टा. प्रतिनिधी, औरंगाबाद
भारतीय क्रिकेट नियामक मंडळातर्फे आयोजित १९ वर्षांखालील महिलांची पश्चिम विभागीय वन-डे क्रिकेट स्पर्धा औरंगाबादेत १ ते ७ नोव्हेंबर या कालावधीत रंगणार आहे. या स्पर्धेत महाराष्ट्र, गुजरात, सौराष्ट्र, मुंबई, बडोदा असे पाच संघ सहभागी होतील.
औरंगाबाद जिल्हा क्रिकेट संघटनेचे सचिव सचिन मुळे यांनी रविवारी पत्रकार परिषदेत या स्पर्धेच्या आयोजनाबद्दल माहिती दिली. या स्पर्धेतील सामने एडीसीए आणि एमजीएम क्रीडा संकुल अशा दोन मैदानांवर खेळवण्यात येणार आहेत. या स्पर्धेत एकूण दहा सामने होणार आहेत. महाराष्ट्र व सौराष्ट्र हे दोन संघ औरंगाबाद शहरात दाखल झाले आहेत. बडोदा, मुंबई, गुजरात असे तीन संघ सोमवारी शहरात दाखल होणार आहेत. बीसीसीआयचे निरीक्षक व निवड समितीच्या प्रमुख डॅना एलिझ यांची उपस्थिती या स्पर्धेच्या काळात शहरात आहेत. तसेच महिला वर्ल्ड कप क्रिकेट स्पर्धेत भारतीय संघाचे प्रशिक्षक असलेले तुषार नरोटे हे बडोदा संघाचे प्रशिक्षक म्हणून येणार आहेत, अशी माहिती मुळे यांनी यावेळी दिली.
महाराष्ट्र महिला क्रिकेट संघात यजमान औरंगाबादची एकही खेळाडू नाही. परंतु, वरिष्ठ संघात पाच महिला खेळाडू औरंगाबादचे प्रतिनिधित्व करीत असल्याचे मुळे यांनी सांगितले. या स्पर्धेसाठी एडीसीए मैदानावर शेख हबीब व एमजीएम क्रीडा संकुलावर राहुल शेवाळे हे काम पाहाणार आहेत. या प्रसंगी एडीसीएचे उपाध्यक्ष पारस छाजेड, कोषाध्यक्ष सुभाष पटेल यांची प्रमुख उपस्थिती होती.
मैदानांवर सहा कॅमेरे
बीसीसीआयच्या नियमाप्रमाणे दोन्ही क्रिकेट मैदानांवर सहा कॅमेरे लावण्यात येणार आहेत. खेळाडूंची निवास व प्रवासाची व्यवस्था मैदानानजीकच्या हॉटेल्समध्ये करण्यात आलेली आहे. बीसीसीआयच्या स्पर्धेमुळे औरंगाबादला भविष्यात आणखी स्पर्धांच्या आयोजनाची संधी उपलब्ध होऊ शकते. दोन्ही मैदाने बीसीसीआय व एमसीएला पसंत पडल्याचे एडीसीएचे सहसचिव शिरीष बोराळकर यांनी सांगितले. ‘महिला क्रिकेट स्पर्धा अनेक वर्षांनी शहरात होणार आहे. त्यामुळे शहरातील उदयोन्मुख खेळाडूंना सामने पाहण्यासाठी मोफत प्रवेश दिला जाणार आहे. प्रेक्षकांना मैदानात बसण्यासाठी प्रेक्षक गॅलरी व पाण्याची व्यवस्था एडीसीएतर्फे करण्यात येणार आहे. या स्पर्धेच्यानिमित्ताने एडीसीए मैदानावरील पॅव्हेलियनची दुरूस्ती करण्यात आली आहे. त्यासाठी चार लाख रूपयांचा खर्च करण्यात आला. संघटनेच्या मैदानावर मुलींसाठी विशेष प्रशिक्षण सुरू आहे. लवकरच मुलींसाठी क्रिकेट स्पर्धा आयोजित करण्याचा मानस असल्याचे मुळे यांनी स्पष्ट केले.

स्पर्धेचा कार्यक्रम
१ नोव्हेंबर - सौराष्ट्र विरुद्ध बडोदा, मुंबई विरुद्ध गुजरात.
२ नोव्हेंबर - सौराष्ट्र विरुद्ध गुजरात, महाराष्ट्र विरुद्ध बडोदा
४ नोव्हेंबर - मुंबई विरुद्ध बडोदा, महाराष्ट्र विरुद्ध सौराष्ट्र
५ नोव्हेंबर - महाराष्ट्र विरुद्ध गुजरात, मुंबई विरुद्ध सौराष्ट्र
७ नोव्हेंबर - महाराष्ट्र विरुद्ध मुंबई, बडोदा विरुद्ध गुजरात.

मोबाइल अॅप डाउनलोड करा आणि राहा अपडेट

बांधकाम परवानगीसाठी आर्किटेक्ट नको

October 29, 2017, 3:19 pm

≫ Next: ‘भागवतांऐवजी मोदी महत्त्वाचे’

≪ Previous: पश्चिम विभागीय स्पर्धा औरंगाबादेत

$

0

0

बांधकाम परवानगीसाठी आर्किटेक्ट नको
औरंगाबाद : दोन हजार चौरस फुटांपर्यंतच्या बांधकामाची परवानगी आर्किटेक्टच्या माध्यमातून देण्याच्या शासनाच्या अध्यादेशाचा फज्जा उडाल्याचे राज्यातील प्रमुख महापालिकाक्षेत्रात चित्र आहे. आर्किटेक्टच्या माध्यमातून बांधकाम परवानगी न घेता थेट महापालिकेशी संपर्क साधूनच बांधकाम परवानगी घेण्याकडे नागरिकांचा ओढा कायम आहे. त्यामुळे आर्किटेक्टवर जबाबदारी टाकण्याचा शासनाचा प्रयत्न देखील फोल ठरल्याचे मानले जात आहे.
बांधकाम परवानगी घेताना नागरिकांना महापालिकेच्या नगररचना विभागात चकरा माराव्या लागतात. बऱ्याच ठिकाणी देवाणघेवाण केल्याशिवाय नागरिकांना बांधकाम परवानगी मिळत नाही. कागदपत्रांची पूर्तता केली असली तरी त्यात मुद्दाम त्रुटी काढल्या जातात. या प्रकारामुळे सर्वसामान्य नागरिकांची आर्थिक आणि मानसिक पिळवणूक होते. यावर तोडगा काढण्यासाठी शासनाने दोन महिन्यांपूर्वी अध्यादेश काढून दोन हजार चौरस फुटांच्या क्षेत्रफळावर बांधकाम करण्यासाठी आर्किटेक्टच्या माध्यमातून बांधकाम परवानगी देण्याची घोषणा केली. बांधकाम परवानगी देताना आर्किटेक्टनी आवश्यक त्या सर्व नियमांचे पालन केले पाहिजे, असेही अध्यादेशात म्हटले आहे. बांधकाम करू इच्छिणाऱ्या नागरिकाने बांधकाम परवानगीची फाइल महापालिकेच्या नगररचना विभागाकडे सादर न करता आर्किटेक्टकडे सादर करावी. आर्किटेक्टनी संबंधित नागरिकाकडून बांधकाम परवानगीचे शुल्क घेऊन ते महापालिकेत जमा करावे व महापालिकेच्या वतीने बांधकाम परवानगी द्यावी, अशी तरतूद शासनाने केली आहे. या तरतुदीमुळे नगररचना विभागातील भ्रष्टाचारावर नियंत्रण मिळवता येईल व नागरिकांना सोप्या पद्धतीने बांधकाम परवानगी मिळेल, असे मानले जात होते.
दोन महिन्यांच्या काळात विविध महापालिका क्षेत्रात आर्किटेक्टच्या माध्यमातून किती बांधकामांना परवानगी देण्यात आली याची माहिती घेतली असता पुणे, नाशिक, कोल्हापूर आणि नागपूर या महापालिकांमधून आर्किटेक्टच्या माध्यमातून बांधकाम परवानगी देण्यात आली नसल्याचे स्पष्ट झाले. नाशिक महापालिकेत अॅटो डीसीआरची पद्धत असल्यामुळे बांधकाम परवानगीची प्रक्रिया ऑनलाइन केली जाते. नागपूर महापालिकेने शासनाच्या अध्यादेशानुसार नुकतेच परिपत्रक जारी केल्याची माहिती मिळाली आहे. औरंगाबाद महापालिकेत नगररचना विभागाने शासनाचा अध्यादेश प्राप्त होताच आर्किटेक्टच्या नावे परिपत्र काढले, पण दोन महिन्यांत या विभागाने दिलेल्या ४० बांधकाम परवानगींपैकी एकही आर्किटेक्टच्या माध्यमातून एकही देण्यात आली नसल्याचे नगररचना विभागातून सांगण्यात आले.

आर्किटेक्टच्या माध्यमातून बांधकाम परवानगी देण्याचे शासनाचे धोरण नागरिकांसाठी सोईचे आहे. ही जबाबदारी घेण्यास आर्किटेक्ट तयार आहेत, पण अद्याप त्यांच्यामार्फत बांधकाम परवानगी देण्यात आलेली नाही ही देखील वस्तुस्थिती आहे. मोठ्या शहरांमधून आता दोन हजार चौरस फुटांचे प्लॉट अपवादानेच शिल्लक आहेत. त्यामुळे शासनाने दोन हजारांच्या ऐवजी तीन हजार चौरस फूट क्षेत्रावर आणि अपार्टमेंटचे बांधकाम परवाने देण्याचे अधिकार आर्किटेक्टला दिले तर त्याचा लाभ नागरिकांना होऊ शकेल.
- अजय ठाकूर, आर्किटेक्ट

मोबाइल अॅप डाउनलोड करा आणि राहा अपडेट

‘भागवतांऐवजी मोदी महत्त्वाचे’

October 30, 2017, 1:00 am

≫ Next: ​ सीताफळ कार्यशाळेत शेतकऱ्यांची उपस्थिती नगण्य

≪ Previous: बांधकाम परवानगीसाठी आर्किटेक्ट नको

$

0

0

औरंगाबाद : ‘देशात ७० टक्के हिंदू, ३० टक्के अन्य समाज राहत असल्याने हे हिंदू राष्ट्र होऊ शकत नाही. तसे करण्याआधी भाजपला पक्षाचे नाव बदलून हिंदुस्तान जनता पक्ष करावा लागेल. आम्ही भाजपसोबत असून मोदींचे नेतृत्व स्वीकारले आहे. यामुळे भागवत काय बोलतात, याच्याची आम्हाला काही देणे घेणे नाही. मोदी काय बोलतात हे महत्त्वाचे आहे,’ असे मत केंद्रीय राज्यमंत्री रामदास आठवले यांनी व्यक्त केले.

बुद्धिस्ट महोत्सवानिमित्त रविवारी घेतलेल्या पत्रकार परिषदेत ते बोलत होते.

मोबाइल अॅप डाउनलोड करा आणि राहा अपडेट

​ सीताफळ कार्यशाळेत शेतकऱ्यांची उपस्थिती नगण्य

October 30, 2017, 10:12 am

≫ Next: अंबाजोगाईत दोन तोंडाच्या बाळाचा जन्म​

≪ Previous: ‘भागवतांऐवजी मोदी महत्त्वाचे’

$

0

0

सीताफळ कार्यशाळेत शेतकऱ्यांची उपस्थिती नगण्य

म. टा. प्रतिनिधी, औरंगाबाद

शेतकऱ्यांसाठी आयोजित केलेल्या विभागीय सीताफळ कार्यशाळेत शेतकऱ्यांचीच उपस्थिती अंत्यत कमी होती. सोमवारी आयोजित केलेल्या कार्यशाळेतील शेतकऱ्यांच्या उपस्थितीची बाब विभागीय आयुक्त डॉ. पुरुषोत्तम भापकर यांना खटकली. ‘आमची यंत्रणा कुठेतरी कमी पडली आहे’, असे आपल्या भाषणा दरम्यान प्रांजळपणे कबुल केले. ही कार्यशाळा आधी महोत्सव म्हणून कलाग्राममध्ये घेण्याचे जाहीर केले होते. नंतर महोेत्सवाऐवजी विभागीय कार्यशाळा असे नाव देत तापडिया नाट्यगृहात ती घेण्यात आली. स्थळ बदलाची माहिती नसल्याने अनेकांना कलाग्रामचा फेरा मारावा लागला.

महाराष्ट्र शासन व औरंगाबाद चेंबर ऑफ मराठवाडा इंडस्ट्रिज अँड अॅग्रीकल्चर यांच्या वतीने आयोजित या कार्यशाळेचे उद्घाटन विभागीय आयुक्त डॉ. पुरुषोत्तम भापकर यांच्या हस्ते झाले. जिल्हाधिकारी नवल किशोर राम, सीएमआयएचे अध्यक्ष प्रसाद कोकीळ, बी. एस. खोसे, विभागीय कृषी सहसंचालक प्रतापसिंह कदम आदींची प्रमुख उपस्थिती होती.

याप्रसंगी बोलताना भापकर यांनी मराठवाड्याच्या शेतीला बळ देण्याकरीता एक लाख हेक्टर क्षेत्रावर फळबाग लागवड करण्याचा मानस असल्याचे सांगितले. शेतकऱ्यांनी गटशेतील प्राध्यान्य देऊन सीताफळ लागवड करावी, या माध्यमातून चांगले उत्पादन घेण्याची संधी आहे. त्याचा लाभ घ्यावा, असे आवाहनही केले. भाषणा दरम्यान, त्यांनी परिषदेला किती शेतकरी जिल्हानिहाय उपस्थित आहेत, याचा आढावा घेतला. त्यात नांदेड वगळता बहुतेक जिल्हातून अंत्यत कमी शेतकरी उपस्थित असल्याचे लक्षात आले. त्यावर त्यांनी आमची यंत्रणा कुठेतरी कमी पडल्याचे प्रांजळपणे नमूद केले.

पडिक जमिनावर उपचार करून तेथे सीताफळ लागवड करून आर्थिक विकास करण्याचे आवाहन जिल्हाधिकारी नवलकिशोर राम यांनी केले. प्रसाद कोळीळ यांनीही मनोगत व्यक्त केले. दरम्यान, हिमायत बाग येथील फळ संशोधन केंद्राचे प्रभारी अधिकारी डॉ. एम. बी. पाटील, अखिल भारतीय सीताफळ संघाचे अध्यक्ष नवनाथ कसपटे, शेतीनिष्ठ पुरस्कार प्राप्त शेतकरी संजय मोरे, श्रद्धा देशमुख यांनी शेतकऱ्यांना मार्गदर्शन केले.

विम्याचे कवच द्या

जालना जिल्ह्यातील नळवीहिरा व परिसरातील शेतकऱ्यांनी गटशेतीच्या माध्यमातून सुमारे दीडेश एकरावर सीताफळांची लागवड केल्याचे शेतकरी संजय मोरे यांनी सांगितले. सीताफळाला, गर आदींना मोठी मागणी आहे. एकरी सरासरी एक लाखांचे उत्पन्न मिळते. आंतरपिकामुळे दुहेरी फायदा होतो, असे त्यांनी नमूद केले. सीताफळाचा हवामान आधारित फळ पिकविमा योजनेत समाविष्ठ करावा, तसे केल्यास ते शेतकऱ्यांच्या फायद्याचे होईल, प्रक्रिया उद्योगाला अधिक चालना देण्यात यावी, अशी मागणी त्यांनी केली.

महोत्सवाची झाली कार्यशाळा

सीताफळ महोत्सव म्हणून कलाग्राम येथे कार्यक्रम घेण्यात येणार होता, पण नंतर त्या ऐवजी विभागीय कार्यशाळा असे नाव देऊन कार्यक्रम स्थळही बदलण्यात आले. स्थळ बदलाविषयी अनेकापर्यंत योग्य माहिती पोहचली नाही. त्याचा फटका अनेकांना बसला. कलाग्राम येथे गेलो व नंतर कार्यक्रमस्थळी आल्याचे काही शेतकऱ्यांनी पत्रकारांशी बोलताना सांगितले.

मोबाइल अॅप डाउनलोड करा आणि राहा अपडेट

---

अंबाजोगाईत दोन तोंडाच्या बाळाचा जन्म​

October 30, 2017, 1:44 pm

≫ Next: भाज्यांपेक्षा सीताफळ, पेरू, आवळे स्वस्त

≪ Previous: ​ सीताफळ कार्यशाळेत शेतकऱ्यांची उपस्थिती नगण्य

$

0

0

म. टा. प्रतिनिधी, बीड

बीड जिल्ह्यातील अंबाजोगाई येथील स्वामी रामानंद तीर्थ रुग्णालयात रविवारी रात्री एका महिलेने बाळाला जन्म दिला. मात्र, या बाळाच्या शरीराला दोन तोंड आहेत.
परळी तालुक्यातील रहिवासी असलेली ही गर्भवती महिला बाळंतपणासाठी अंबाजोगाईतील सरकारी रुग्णालयात दाखल झाली होती. तिच्या पोटातील बाळ सर्वसाधारण नाही हे तिच्यावर उपचार करणाऱ्या डॉ. संजय बनसोडे यांच्या लक्षात आले. त्यांनी तिचे बाळंतपण केले. बाळाच्या जन्मानंतर बाळाला दोन तोंड असल्याचे लक्षात आले. सदरील बाळाचे वजन साडे तीन किलोहून अधिक आहे. बाळाची तब्येत सुखरूप असल्याचे त्यांच्यावर उपचार करीत असलेल्या डॉक्टरांनी सांगितले.

मोबाइल अॅप डाउनलोड करा आणि राहा अपडेट

भाज्यांपेक्षा सीताफळ, पेरू, आवळे स्वस्त

October 30, 2017, 2:30 pm

≫ Next: जानेवारीत सिटीबस सेवा, कचरामुक्त शहर, रस्त्यांचा विकास

≪ Previous: अंबाजोगाईत दोन तोंडाच्या बाळाचा जन्म​

$

0

0

म. टा. प्रतिनिधी, औरंगाबाद
औरंगाबाद शहरातील कृषी उत्पन्न बाजार समितीमध्ये सध्या सीताफळ, पेरू आणि आवळे या हिवाळी हंगामातील फळांची रेलचेल आहे. किरकोळ बाजारातील या फळांच्या किंमतीही आवाक्यात असून हंगामी फळांची चव चाखता येत असल्याने नागरिक खुश आहेत.
सीताफळ साधारणतः ५० ते ६० रुपये किलो दराने विकले जात आहे. पेरू ४० ते ६० रुपये आणि आवळा ८० रुपये किलोने उपलब्ध आहे. या तुलनेत भाज्या ९० ते १०० रुपये किलो आहेत. विशेषत: टोमॅटो ६५ रुपये किलो आणि कोथिंबिरीची जुडी २० रुपयाला एक या दराने विकत घ्यावी लागत आहे. दिवाळीनंतर महाग फळभाज्या किंवा पालेभाज्या खाण्यापेक्षा फळांचा उतारा अधिक चांगला असेल अशी समजूत काढण्याची वेळ आहे.
कृषी उत्पन्न बाजार समितीत गेल्या आठवडयापासून रोज किमान ६५ ते ७५ क्विंटल सीताफळ, १५ ते २० क्विंटल आवळा आणि सात ते दहा क्विंटल पेरूची आवक होत आहे. पेरूसाठी २००० ते २५०० रुपये क्विंटल भाव शेतकरी किंवा उत्पादकाला मिळत आहे. सीताफळ १५०० ते ४००० आणि आवळा ५०० ते ८०० रुपये क्विंटल एवढा दर आहे. सीताफळ, पेरू आणि आवळा यांची आवक गेल्या आठवड्याच्या तुलनेनत दुपटीने वाढली आहे.

भाव उतरतील

रोपळेकर हॉस्पिटलजवळील सीताफळ विक्रेते सोमनाथ चव्हाण म्हणाले, आम्ही खुलताबादहून सीताफळ आणले असून सध्या ६० ते ७० रुपये किलो या दराने विकत आहोत. आवळ्यांची नुकतीच आवक झाली असून आवळे महाग आहेत. कार्तिकीनंतर आवळा व सीताफळांच्या किंमती उतरून भाव आवाक्यात येतील, अशी माहिती त्यांनी दिली.

मोबाइल अॅप डाउनलोड करा आणि राहा अपडेट

जानेवारीत सिटीबस सेवा, कचरामुक्त शहर, रस्त्यांचा विकास

October 30, 2017, 2:30 pm

≫ Next: घोडेले कुटुंबीयांची मालमत्ता सव्वाचार कोटींची

≪ Previous: भाज्यांपेक्षा सीताफळ, पेरू, आवळे स्वस्त

$

0

0

विभागप्रमुखांच्या बैठकीत महापौरांचा कृतीकार्यक्रम

जानेवारीत सिटीबस सेवा, कचरामुक्त शहर, रस्त्यांचा विकास

म. टा. प्रतिनिधी, औरंगाबाद -

शहर बससेवा कोणत्याही परिस्थितीत २३ जानेवारी रोजी सुरू झाली पाहिजे, त्यादृष्टीने नियोजन करण्याची सूचना महापौर नंदकुमार घोडेले यांनी पालिका प्रशासनाला केली. कचरामुक्त शहर, रस्ते विकास यासह विविध विषयांबद्दलचा कृतीकार्यक्रमच त्यांनी प्रशासनाला दिला. अंग झटकून कामाला लागा, आपण सर्वजण मिळून शहराचा चेहरामोहरा बदलू असे आवाहन त्यांनी अधिकाऱ्यांना केले.

नंदकुमार घोडेले यांनी सोमवारी सायंकाळी साडेसहा वाजेच्या सुमारास महापालिकेच्या स्थायी समितीच्या सभागृहात पदाधिकारी, आयुक्त, विभागप्रमुख यांची संयुक्त बैठक घेतली. महापौर होताच त्यांनी अडिच वर्षात करावयाच्या कामांची संकल्प पुस्तिका जाहीर केली होती. त्याच पुस्तिकेतील प्रत्येक मुद्यावर चर्चा करून कामे कशी करता येतील यावर चर्चा करण्यात आली. सुमारे दोन तास चाललेल्या या बैठकीत पाणीपुरवठा यंत्रणा, भूमिगत गटार योजना, घनकचरा व्यवस्थापन, रस्ते विकास, शिवसेनाप्रमुख बाळासाहेब ठाकरे स्मारक, महापालिकेच्या शाळा व गुणवत्ता विकास आदी विषयांवर महापौरांनी अधिकाऱ्यांशी चर्चा केली. शासनाचे अनुदान व डिफर्ड पेमेंट या माध्यमातून १५० कोटी रुपयांची रस्त्यांची कामे होणार आहेत. याशिवाय शहरातील अन्यही रस्त्यांची कामे होणे गरजेचे आहे. सर्वच रस्त्यांच्या कामांचा सविस्तर प्रकल्प अहवाल (डीपीआर) तयार करा. शासनाकडे पाठपुरावा करून रस्ते विकासासाठी निधी मिळवण्याची ग्वाही महापौरांनी बैठकीत दिली.

शिवसेनाप्रमुख बाळासाहेब ठाकरे यांची जयंती २३ जानेवारी रोजी आहे. या दिवसापासून शहरात सिटीबस सेवा सुरू झालीच पाहिजे असे घोडेले यांनी पालिका आयुक्तांना सांगितले. स्मार्टसिटी प्रकल्पातून ही सेवा सुरू करण्यासाठी तातडीने नियोजन करा, अशी सूचना त्यांनी केली. कचरामुक्त शहर करण्यासाठी कृतीआराखडा तयार करण्याचे आदेश त्यांनी दिले. साफसाफाईची पाहणी करण्यासाठी आपण रोज पहाटे साडेपाच वाजेपासून शहराच्या विविध भागांना भेट देणार आहोत असे ते म्हणाले. आयुक्त डी.एम. मुगळीकर यांनी संपूर्ण सहकार्य करण्याची भूमिका जाहीर केली.

मोबाइल अॅप डाउनलोड करा आणि राहा अपडेट

घोडेले कुटुंबीयांची मालमत्ता सव्वाचार कोटींची

October 30, 2017, 2:30 pm

≫ Next: अवघ्या दोन कोटींत औरंगाबाद होईल स्वच्छ

≪ Previous: जानेवारीत सिटीबस सेवा, कचरामुक्त शहर, रस्त्यांचा विकास

$

0

0

घोडेले कुटुंबीयांची मालमत्ता सव्वाचार कोटींची

महापौरांच्या नावे स्वीफ्ट कार आणि दोन प्लॉट

म. टा. प्रतिनिधी, औरंगाबाद -

महापौर नंदकुमार घोडेले आणि त्यांच्या कुटुंबीयांची मालमत्ता सुमारे सव्वाचार कोटी रुपयांची असल्याची माहिती मिळाली आहे. खुद्द महापौरांच्या नावे साडेसहा लाखांची एक स्विफ्ट कार आणि पदमपुरा - मिटमिटा येथे प्रत्येकी एक प्लॉट आहे. या दोन्हीही प्लॉटची किंमत सुमारे २५ लाख रुपये आहे.

रविवारी महापौर म्हणून निवडून आलेले घोडेले यांचा कार्यकाळ अडिच वर्षांचा आहे. घोडेले कुटुंबीयांच्या नावे शहराच्या विविध भागात असलेल्या स्थावर आणि जंगम मालमत्तेचा हिशेब सव्वाचार कोटींमध्ये जातो. नंदकुमार घोडेले यांनी मे - २०१५ मध्ये महापालिकेची निवडणूक लढवली, तेव्हा निवडणूक विभागाकडे दाखल केलेल्या शपथपत्रातील नोंदीनुसार त्यांच्या नावे सहा लाख ५१ हजार ८६८ रुपये किंमतीची स्वीफ्ट कार आहे. याशिवाय पदमपुरा येथे सीटीएस क्रमांक १९९३७/१ येथील १६८ चौरस मीटर क्षेत्रफळाचा प्लॉट त्यांच्या नावे असून त्याची किंमत २० लाख ३२ हजार ८०० रुपये आहे. मिटमिटा येथे गट क्रमांक ८५ मध्ये १४० चौरस मीटरचा प्लॉट त्यांच्या नावे आहे, त्याची किंमत ४ लाख ८० हजार रुपये दाखवण्यात आली आहे. घोडेले यांच्या नावावर को-ऑपरेटिव्ह बँकेचे सहा लाखांचे कर्जही आहे.

या शपथपत्रातील नोंदीनुसार त्यांच्या नावे बँकेत रोख १५ हजार रुपये, तर १३ हजार ८९२ रुपयांच्या ठेवी आहेत. त्यांची पत्नी अनिता घोडेले यांच्या नावे १७ हजार रुपये बँकेत असून २२ हजार ८४४ रुपयांच्या ठेवी आहेत. मुलगा सिद्धार्थच्या नावे १२ हजार, आदित्यच्या नावे तीन हजार तर सून नेहा यांच्या नावे दोन हजार रुपये बँकेत आहेत. अनिता घोडेले यांच्या नावे एकही मोटार वाहन नाही. मुलगा सिद्धार्थच्या नावे वरना ही कार (किंमत - ८,३२,२२७ रुपये), एक्सेस बाईक (किंमत - ६०,००० रुपये), एक्सयुव्ही कार ( किंमत - ११,१७,७३० रुपये), फाबीया कार (२,१८,२५५ रुपये) या गाड्या आहेत. दुसरा मुलगा आदित्य आणि सुन नेहा यांच्या नावे गाड्या नाहीत अशी नोंद शपथपत्रात आहे.

महापौरांच्या नावे जडजवाहीर नाहीत. पत्नी अनिता यांच्या नावे २०० ग्रॅम सोने असून त्याची किंमत ५ लाख ३९ हजार ३६० रुपये इतकी आहे. मुलगा सिद्धार्थ व आदित्य यांच्या नावे देखील जडजवाहीर काहीच नाहीत. सून नेहा यांच्या नावे मात्र १०० ग्रॅम सोने आहे, त्याची किंमत २ लाख ११ हजार ७० रुपये आहे. अनिता घोडेले, सिद्धार्थ घोडेले व आदित्य घोडेले यांच्या नावे वळदगाव येथे जमीन आहे, त्यांची एकत्रित किंमत ८८ लाख २४ हजार रुपये असल्याची नोंद आहे. याशिवाय सिद्धार्थ घोडेले यांच्या नावे नक्षत्रवाडी येथे गट क्रमांक ५० मध्ये २ हेक्टर ५५ आर जमीन असून त्याची किंमत २ कोटी ७ लाख ७ हजार ५०० रुपये इतकी आहे. सिद्धार्थ यांच्याच नावे कांचनवाडी गट क्रमांक १४ मध्ये ४१३४ चौरस मीटरचा भूखंड असून त्याची किंमत ४१ लाख ३४ हजार असल्याचे नोंदविण्यात आले आहे. अनिता घोडेले यांच्या नावे इटखेडा येथे गट क्रमांक ८५ येथे १४० चौरस मीटर जागा असून त्याची किंमत २८ लाख ८० हजार रुपये असल्याचे नमूद करण्यात आले आहे.
‘मातोश्री’ चे आशीर्वाद
महापौरपदावर निवड झाल्यावर नंदकुमार घोडेले यांनी सोमवारी सकाळी मुंबईत जावून शिवसेनेचे पक्षप्रमुख उद्धव ठाकरे यांची ‘मातोश्री’ निवासस्थानी भेट घेतली व त्यांचे आशीर्वाद घेतले. यावेळी त्यांच्या बरोबर खासदार चंद्रकांत खैरे, संपर्कनेते विनोद घोसाळकर, आमदार संजय शिरसाट, माजी महापौर अनिता घोडेले, त्र्यंबक तुपे, विकास जैन, कला ओझा, जिल्हाप्रमुख अंबादास दानवे, नरेंद्र त्रिवेदी, पूर्व विधानसभा मतदारसंघाचे संघटक तथा नगरसेवक रेणुकादास (राजू) वैद्य, माजी उपमहापौर स्मिता घोगरे, नगरसेवक ऋषीकेश खैरे, सचिन खैरे, सुहास दाशरथे आदी उपस्थित होते.
नंदकुमार घोडेले यांचा अल्प परिचय
- संपूर्ण नाव - नंदकुमार राधाकिशन घोडेले
- शिक्षण - बी.कॉम. एम.बीए. ( प्राथमिक शिक्षण - महापालिका शाळा मोतीकारंजा, औरंगाबाद, माध्यमिक शिक्षण - मराठा हायस्कूल, महाविद्यालयीन शिक्षण - देवगिरी कॉलेज, उच्च शिक्षण - डॉ. बाबासाहेब आंबेडकर मराठवाडा विद्यापीठ)
- नगरसेवक - सन २००० ते २००५ (नक्षत्रवाडी वॉर्ड), सन २०१५ पासून इटखेडा वॉर्डाचे नगरसेवक
- भुषवलेली पदे - महापालिका आरोग्य सभापती - सन २००२, स्थायी समिती सभापती - सन २००४
- पत्नी - अनिता घोडेले
- शिक्षण - बी.ए. (सावित्रीबाई फुले विद्यापीठ, पुणे), एम.ए. (डॉ.बाबासाहेब आंबेडकर मराठवाडा विद्यापीठ, औरंगाबाद)

मोबाइल अॅप डाउनलोड करा आणि राहा अपडेट

अवघ्या दोन कोटींत औरंगाबाद होईल स्वच्छ

October 30, 2017, 2:30 pm

≫ Next: ‘रेडिओलॉजिस्ट’कडून पालिकेची शाळा दत्तक

≪ Previous: घोडेले कुटुंबीयांची मालमत्ता सव्वाचार कोटींची

$

0

0

म. टा. प्रतिनिधी, औरंगाबाद
पर्यटननगरी असलेल्या औरंगाबाद शहरामध्ये काही ठिकाणी नेहमीच कचरा गोळा होतो. महापालिका प्रशासनाने केवळ दोन कोटी खर्च केले, तर संपूर्ण शहर स्वच्छ होईल. महापालिकेसाठी दोन कोटी रुपये म्हणजे मोठी गोष्ट नाही, असा टोला जिल्हाधिकारी नवल किशोर राम यांनी महापालिकेला शहर स्वच्छतेवर लगावला.

नवीन महापौर, उपमहापौराची नुकतीच निवड झाली असून, जिल्हाधिकाऱ्यांनी केलेल्या विधानानंतर शहराची स्वच्छता हा नवीन कारभारींसमोर आव्हानाचा विषय ठरणार आहे. पर्यटनाच्या दृष्टीने महत्त्वाच्या असलेल्या औरंगाबाद शहरामध्ये अनेक ठिकाणी नेहमी कचरा जमा होतो, मात्र याकडे लक्ष दिले जात नाही. अशी ठिकाणे शोधून तेथील कचरा हटवण्यासाठी केवळ दोन कोटी रुपये खर्च येऊ शकतो. यासाठी महापालिकेने पुढाकार घेण्याची गरज असल्याचे त्यांनी सांगितले.

काही दिवसांपूर्वीच जिल्ह्यातील सर्व नगरपालिका हागणदारीमुक्त झाल्याचे जाहीर करण्यात आले होते. या नगरपालिकांच्या स्वच्छतेचा अहवालाबाबत विचारले असता, यासंदर्भात तक्रार आल्यानंतर चौकशी करण्यात येणार असल्याचे नवलकिशोर राम यांनी सांगितले.

डेपोसाठी जागा मागितली
ऐन दिवाळीच्या तोंडावर नारेगाव येथील कचराडेपोत परिसरातील नागरीकांनी कचरा टाकण्यास मज्जाव केला होता, यामुळे संपूर्ण शहरात कचरा तुंबला होता. कचरा डेपोसंदर्भात महापालिकेकडून प्रस्ताव मिळाले असल्याचेही यावेळी निवासी उपजिल्हाधिकाऱ्यांनी स्पष्ट केले.

मोबाइल अॅप डाउनलोड करा आणि राहा अपडेट