म. टा. प्रतिनिधी, पैठण
लग्नाचे आमिष दाखवून लैंगिक अत्याचार करणाऱ्या शिवसेना-भाजप प्रणित पैठण गणेश महासंघाचा अध्यक्ष प्रतीक नागरे व त्याला मदत करणाऱ्या त्याच्या आईवडिलांच्या विरोधात पैठण पोलिस ठाण्यात बलात्काराचा गुन्हा दाखल करण्यात आला आहे.
याप्रकरणी, १९ वर्षीय पीडित तरुणीने पैठण पोलिस ठाण्यात तक्रार दिली आहे. तक्रारीनुसार, यावर्षीच्या भाजप शिवसेना गणेश महासंघाचे अध्यक्ष प्रतीक नागरे याने १८ सप्टेंबर ते २४ ऑक्टोबर दरम्यान पीडित तरुणीला लग्नाचे अमिष दाखवून पैठण, हैदराबाद, कोल्हापूर, गोवा, पुणे आदी ठिकाणी नेऊन व आत्महत्येची धमकी देऊन वारंवार लैंगिक अत्याचार केले. या कामी त्याची आई आशाबाई देविदास नागरे व वडील देविदास नागरे यांनी प्रतीकला सहकार्य केल्याचे फिर्यादीत नमूद करण्यात आले आहे. पीडित तरुणीच्या फिर्यादीवरून पैठण पोलिस ठाण्यात प्रतीक नागरे, त्याचे वडील देविदास नागरे व आई आशाबाई नागरे यांच्याविरोधात बलात्कारासह अन्य कलमान्वये गुन्हा दाखल करण्यात आला असून, पैठण पोलिस ठाण्याचे सपोनि व्ही. एस. घुशिंगे हे पुढील तपास करीत आहेत. आरोपींना अद्याप अटक झालेली नाही.
मोबाइल अॅप डाउनलोड करा आणि राहा अपडेट
