​ कृषी उत्पन्न बाजार समितीचा चेंडू आता ‘स्थायी’ च्या कोर्टात

November 8, 2017, 1:30 pm

≫ Next: ‘सेफ सिटी’त वाहन चोरी जोरात

≪ Previous: ‘हा तर मोठा आर्थिक घोटाळा’

$

0

0

कृषी उत्पन्न बाजार समितीचा चेंडू आता ‘स्थायी’ च्या कोर्टात
साडेतेरा कोटींच्या मालमत्ता कराचे प्रकरण
म. टा. प्रतिनिधी, औरंगाबाद -
कृषी उत्पन्न बाजार समितीकडे मालमत्ता कराचे साडेतेरा कोटी रुपये थकलेले आहेत. या थकबाकीतून मार्ग काढण्यासाठी बुधवारी महापौर नंदकुमार घोडेले यांच्या उपस्थितीत बैठक झाली, परंतु हा विषय आर्थिक असल्यामुळे स्थायी समितीनेच या संदर्भात निर्णय घ्यावा, असे म्हणून महापौरांनी स्थायी समितीकडे हा विषय वर्ग केला.
कृषी उत्पन्न बाजार समितीकडे थकलेल्या मालमत्ता कराचा प्रश्न काही वर्षांपासून सुरू आहे, पण त्यावर तोडगा निघाला नाही. त्यामुळे नवीन महापौर घोडेले यांच्या उपस्थितीत बैठक घेण्यासाठी बाजार समितीचे सभापती राधाकिसन पठाडे, संचालक राम शेळके, प्रदीप दहिहंडे, बाजार समितीचे सचिव विजय शिरसाट बुधवारी महापालिकेत आले. महापौरांच्या उपस्थितीत बैठक देखील घेण्यात आली. यावेळी उपायुक्त वसंत निकम व अन्य अधिकारी उपस्थित होते. बाजार समितीकडे साडेतेरा कोटी रुपयांची थकबाकी आहे. त्यापैकी नऊ कोटी रुपयांचा कर खुल्या भुखंडांवर लावण्यात आला आहे. हा कर माफ करावा अशी बाजार समितीची मागणी आहे. बाजार समितीने शेतकरी भवनचे बांधकाम १९९८ मध्ये केले आहे, पण त्याचा वापर दहा वर्षापूर्वी सुरू केला. शेतकरी भवनचा कर १९ वर्षाऐवजी दहा वर्षांचा आकारण्यात यावा, अशी मागणी देखील बाजार समितीच्या पदाधिकाऱ्यांनी केली. हे सर्व विषय आर्थिक स्वरुपाचे असल्यामुळे स्थायी समितीनेच या संदर्भात निर्णय घेतला पाहिजे. प्रशासनाने स्थायी समितीच्या समोर तसा प्रस्ताव ठेवावा, अशी सूचना महापौरांनी अधिकाऱ्यांना केली.

मोबाइल अॅप डाउनलोड करा आणि राहा अपडेट

---

‘सेफ सिटी’त वाहन चोरी जोरात

November 8, 2017, 1:30 pm

≫ Next: घाटीच्या होस्टेल, लायब्ररीला सव्वादोन कोटींची मान्यता

≪ Previous: ​ कृषी उत्पन्न बाजार समितीचा चेंडू आता ‘स्थायी’ च्या कोर्टात

$

0

0

म. टा. प्रतिनिधी, औरंगाबाद
सेफ सिटी प्रकल्पाच्या माध्यमातून गुंडगिरी, चोरी करणाऱ्यांवर वचक ठेवण्यात येत आहे, असा दावा पोलिसांकडून करण्यात येतो. पण, पोलिसांच्या सेफ सिटी प्रकल्पाला न जुमानता चोरांनी वाहन चोरण्याचा झपाटा कायम ठेवला आहे. गेल्या १९ दिवसांत शहरातून २४ दुचाकींची चोरी झाली आहे.
शहरातील २० ऑक्टोबर ते ९ नोव्हेंबर या काळात झालेल्या चोऱ्यांची माहिती घेतली असता हा प्रकार समोर आला. या ‌१९ दिवसांत सिडको पोलिस ठाण्याच्या हद्दीतून पाच वाहने, क्रांती चौक, मुकुंदवाडी, सातारा भागातून प्रत्येकी दोन, पुंडलिकनगर, सिटी चौक, एमआयडीसी वाळूज, जवाहरनगर, बेगमपुरा, उस्मानपुरा, हर्सूल, वाळूज पोलिस ठाण्याच्या हद्दीतून प्रत्येकी एक वाहन चोरीची नोंद करण्यात आल्याची माहिती पोलिसांकडून देण्यात आली.
घाटी हॉस्पिटलसमोरून दोन वाहने, एमजीएम हॉस्पिटलसह घरासमोरून रात्री दुचाकी चोरण्याच्या घटना अधिक आहेत. याशिवाय दुकान, बँक, सार्वजनिक ठिकाणाहून वाहने चोरीला गेल्याची माहिती तक्रारदारांनी दिली. महावीर चौकातील एका हॉटेलसमोरून दिवसाढवळ्या रिक्षा, एका शोरूम समोरून क्वालिस चोरीला गेली आहे. या सर्व प्रकरणात तक्ररी नोंदवण्यात आल्या असून चोरीचा तपास अद्याप लागलेला नाही.
सिडकोतील देवगिरी बँकेजवळ उभी केलेली दुचाकी बुधवारी चोरी गेल्याची फिर्याद संतोष राठोड यांनी दिली आहे. शिवाय जयभवानीनगरमध्ये घरासमोर लावलेली गणेश बाळकृष्‍ण निळ यांची दुचाकी ४ नोव्हेंबर रोजी चोरीस गेली.

काय आहे प्रकल्प

शहरात ठिकठिकाणी सीसीटीव्ही कॅमेरे बसवण्यात आले आहेत. त्याचे कंट्रोल रूम पोलिस आयुक्तालयात आहेत. घडामोडींवर नजर ठेवण्यासाठी कर्मचारी आहेत. सध्या सिग्नल तोडणाऱ्यांवर या प्रकल्पाच्या मदतीने नोटीस देण्याची कारवाई केली जाते. शिवाय, हरवलेल्या वस्तूंचा शोध घेण्यातही पोलिसांनी यश आले आहे.

मोबाइल अॅप डाउनलोड करा आणि राहा अपडेट

घाटीच्या होस्टेल, लायब्ररीला सव्वादोन कोटींची मान्यता

November 8, 2017, 1:30 pm

≫ Next: ‘क्ष-किरण’चा आग्रह रुग्णांसाठी घातक

≪ Previous: ‘सेफ सिटी’त वाहन चोरी जोरात

$

0

0

घाटीच्या होस्टेल, लायब्ररीला सव्वादोन कोटींची मान्यता
म. टा. प्रतिनिधी, औरंगाबाद
शासकीय वैद्यकीय महाविद्यालय व रुग्णालयाच्या (घाटी) पदव्युत्तर विद्यार्थ्यांसाठीचे वसतिगृह तसेच ग्रंथालयाच्या फर्निचरच्या कामासाठी दोन कोटी ३५ लाख ९३ हजार रुपयांच्या निधीला अखेर प्रशासकीय मान्यता मिळाली असून, वर्षापासून रखडलेले काम एकदाचे मार्गी लागेल, अशी शक्यता व्यक्त होत आहे. या संदर्भात ‘मटा’ने सातत्याने पाठपुरावा केला होता.
घाटीच्या परिसरात मेडिसिन बिल्डिंगसमोरील जागेत पदव्युत्तर विद्यार्थ्यांसाठी सुसज्ज वसतिगृह बांधण्यात आले आहे. मात्र, केवळ फर्निचरअभावी हे वसतिगृह तब्बल वर्षापासून धुळखात पडून होते. त्याचप्रमाणे घाटीच्या विद्यार्थ्यांसाठी सुसज्ज ग्रंथालय (ई-लायब्ररी) बांधून तयार असून, फर्निचरअभावी ग्रंथालयदेखील धुळखात पडून आहे. दोन्ही कामांसाठी अडीच कोटींचा प्रस्ताव मागेच पाठवण्यात आला होता व स्थानिक पातळीवर पाठपुरावा सुरू होता. अखेर दोन्ही कामांसाठी दोन कोटी ३५ लाख ९३ हजार रुपयांच्या निधीला प्रशासकीय मान्यता मिळाली असून, या संबंधीचा शासन आदेश बुधवारी (८ नोव्हेंबर) काढण्यात आला. आता ई-निविदा प्रक्रियेनंतर प्रत्यक्ष काम सुरू होईल व येत्या काही महिन्यांत हे काम पूर्ण होऊन दोन्ही इमारती प्रत्यक्षात उपयोगात येतील, असे अपिक्षित आहे.

मोबाइल अॅप डाउनलोड करा आणि राहा अपडेट

‘क्ष-किरण’चा आग्रह रुग्णांसाठी घातक

November 8, 2017, 1:30 pm

≫ Next: भारिपने पाळला काळा दिन

≪ Previous: घाटीच्या होस्टेल, लायब्ररीला सव्वादोन कोटींची मान्यता

$

0

0

म. टा. प्रतिनिधी, औरंगाबाद
अनावश्यक ‘क्ष-किरण’ चाचण्यांचा आग्रह आणि चाचण्यांचा मारा हा कर्करोगासह इतर अनेक रोगांना आमंत्रण देणारा आणि जीवघेणा ठरू शकतो. त्यामुळे अनावश्यक चाचण्यांचा आग्रह करू नका, असे घाटीच्या बाह्य रुग्ण विभागामध्ये आयोजित पोस्टर प्रदर्शनातून सजग करीत क्ष-किरण तपासण्यांबाबत योग्य ती खबरदारी घेण्याचेही आवाहन करण्यात आले.
नोबेल पारितोषिक विजेते डब्ल्यू. सी. रोएंजन यांनी ८ नोव्हेंबर १८९५ रोजी ‘एक्स-रे’चा शोध लावला. या शोधाला बुधवारी १२२ वर्षे पूर्ण झाल्यानिमित्त शासकीय वैद्यकीय महाविद्यालय व रुग्णालयाच्या (घाटी) क्ष-किरण (रेडिओलॉजी) विभागातर्फे ‘रेडिओइल्युमिनॅटी फेस्ट २०१७’ हा महोत्सव साजरा होत आहे. यानिमित्त बाह्य रुग्ण विभागाच्या इमारतीमध्ये ‘क्ष-किरण’संबंधी पोस्टर प्रदर्शन भरविण्यात आले आहे. कुठल्याही क्ष-किरण चाचण्यांवेळी नेमकी काळजी कशी घ्यावी व गरोदर महिलांसह लहान मुलांनी दूर राहणे कसे गरजेचे आहे, चाचण्यांवेळी उपकरणांपासून किती लांब थांबणे आवश्यक आहे आणि चाचण्यांवेळी इतर नातेवाईकांनी शिसे असलेला कोट घालणे किती गरजेचे आहे आदींविषयी सविस्तर माहितीही देण्यात आली आहे. क्ष-किरणांमुळे रक्ताचा कर्करोग, त्वचेचे व डोळ्यांचे विकार, नपुंसकत्व व पुढील संततीला व्यंगत्व येऊ शकते, याचे भान बाळगा, असा महत्वपूर्ण सल्लाही प्रदर्शनातून देण्यात आला आहे.

डॉक्टरांनो स्वार्थीपणा सोडा

याच प्रदर्शनामध्ये डॉक्टरांनो स्वार्थीपणा सोडा, लिंगनिदानास नाही म्हणा, असा सल्लाही वैद्यकतज्ज्ञांना देण्यात आला आहे. तसेच ८ नोव्हेंबर रोजी साजरा होणाऱ्या ‘इंटरनॅशनल रेडिओलॉजी डे’निमित्त यंदा ‘सेव्ह द गर्ल’ हा संदेश देण्यात आला असून, यानिमित्त प्रदर्शनातून इंदिरा गांधी, झाशीची राणी, प्रतिभाताई पाटील, मदर तेरेसा आदी महिलांनी जगाला दिशा दिल्याचेही मांडण्यात आले आहे.

आयुक्तांसाठी ताटकळले विद्यार्थी

या महोत्सवाचे उद्‍घाटन बुधवारी दुपारी तीन वाजता महात्मा गांधी सभागृहात आयोजित करण्यात आले होते; परंतु प्रमुख पाहुणे म्हणून निमंत्रित करण्यात आलेले पोलिस आयुक्त यशस्वी यादव हे चक्क तासभर उशिरा आले. त्यामुळे विद्यार्थी व समस्त शिक्षक ताटकळले. या कार्यक्रमाला अधिष्ठाता डॉ. कानन येळीकर, विभागप्रमुख डॉ. वर्षा रोटे, इतर विभागप्रमुख-प्राध्यापकवर्ग आदींची प्रमुख उपस्थिती होती. डॉ. अजय वरे यांनी कार्यक्रमाचे सूत्रसंचालन केले. उद्‍घाटनानंतर रेडिओलॉजीविषयी प्रश्नमंजुषा झाली.

मोबाइल अॅप डाउनलोड करा आणि राहा अपडेट

भारिपने पाळला काळा दिन

November 8, 2017, 1:30 pm

≫ Next: खोदाई दरामुळे भूमिगत वीज वाहिन्या रेंगाळल्या

≪ Previous: ‘क्ष-किरण’चा आग्रह रुग्णांसाठी घातक

$

0

0

म. टा. प्रतिनिधी, औरंगाबाद
नोटाबंदीचा निर्णय हा गोरगरीब जनतेची पिळवणूक करणार असल्याचा आरोप करत भारिप बहुजन महासंघाने बुधवारी क्रांतीचौकात मोदी सरकार विरोधात जोरदार निदर्शने केले.

नोटाबंदीला एक वर्ष पूर्ण झाले. हा दिवस काळा दिन म्हणून भारिप कार्यकर्त्यांना पाळला. अचानकपणे हजार, पाचशे रुपयांच्या नोटा चलनातून बाद केल्यामुळे नागरिकांची मोठी पिळवणूक झाली. त्यांचा फटका आजही उद्योग, व्यवसायापासून अनेक घटकांना बसत आहे, बेरोजगारीचा प्रश्न अधिक तीव्र होत आहे, असा आरोप कार्यकर्त्यांनी करत भाजप सरकार विरोधात जोरदार घोषणाबाजी करत संपूर्ण परिसर दणाणून सोडला होता.

जिल्हाध्यक्ष अमित भुईगळ यांच्या नेतृत्वाखाली हे आंदोलन करण्यात आले. पंडितराव तुपे, श्रीरंग ससाणे, दिनशे साळवे, गौतम गवळी, उद्धव बनसोडे, दीपक राऊत, प्रविण म्हस्के, भैय्यासाहेब जाधव, विक्रम ढेरे, शांता धुळे, रेखा उजगरे यांच्यासह कार्यकर्ते मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

खोदाई दरामुळे भूमिगत वीज वाहिन्या रेंगाळल्या

November 8, 2017, 1:30 pm

≫ Next: मराठा समाजाचे १९ मुद्दे मान्यः चंद्रकांत पाटील

≪ Previous: भारिपने पाळला काळा दिन

$

0

0

म. टा. प्रतिनिधी, औरंगाबाद
शहरात ६० किलोमीटर लांबीच्या भूमिगत वीज वाहिन्या टाकण्यासाठी महावितरणने निधी मंजूर केला आहे. पण, महापालिकेकडून रस्‍त्यावर खड्डे खोदण्यासाठीचे घोषित दर कमी केले जात नसल्याने हे काम चार महिन्यांपासून अडले आहे.
शहरात वीज वाहिन्या जुनाट झाल्या आहेत. अनेक कॉलन्यांमध्ये वीज तारांना चिकटून घरे बांधण्यात आल्याने नागरिकांच्या जीविलाही धोका आहे. त्यामुळे शहरात एका‌त्‍मिक उर्जा विकास योजनेंतर्गत भूमिगत वीज वाहिन्या टाकण्यात येणार आहेत. रस्ता खोदण्यासाठी महावितरणने महापालिकेकडे प्रस्ताव दिला होता. पालिकेने खड्डे खोदण्यासाठी डांबरी रस्त्यावर २७०० रुपये प्रति मीटर व सिमेंट रस्त्यावर ३१०० रुपये प्रति मीटर दर आकारला आहे. त्यामुळे महावितरणला मिळालेल्या निधीतून फक्त खड्डे खोदून ते बुजवण्याचेच काम होऊ शकते. महावितरणच्या अधिकाऱ्यांनी पालिकेच्या संबंधित अधिकाऱ्यांसोबत चर्चा केली. परंतु, दर कमी करण्याबाबत ठोस आश्वासन मिळालेले नाही. पालिकेने खड्डे खोदण्यासाठी डांबरी रस्त्यावर २७०० रुपये प्रति मीटर व सिमेंट रस्त्यावर ३१०० रुपये प्रति मीटर दर आकारला आहे. महावितरण कार्यालयाने पालिकेकडे दर सादर केले आहेत. सिमेंट व डांबरी रस्त्यावर खड्डे खोदण्यासाठी २२०० रुपये प्रती मीटर दर आकारण्याची मागणी पालिकेकडे करण्यात आली आहे.

भूमिगत वीज वाहिन्या टाकण्याच्या दराबद्दल महापौर नंदकुमार घोडेले यांच्याशी चर्चा करण्यात आली आहे. त्यांनी पुढील सर्वसाधारण सभेत निर्णय घेण्याचे आश्वासन दिलेले आहे. यामुळे हा प्रश्न मार्गी लागेल, अशी अपेक्षा आहे.
-सुरेश गणेशकर, मुख्य अभियंता

मोबाइल अॅप डाउनलोड करा आणि राहा अपडेट

मराठा समाजाचे १९ मुद्दे मान्यः चंद्रकांत पाटील

November 8, 2017, 1:30 pm

≫ Next: राष्ट्रवादीने घातले नोटांचे श्राद्ध

≪ Previous: खोदाई दरामुळे भूमिगत वीज वाहिन्या रेंगाळल्या

$

0

0

म. टा. प्रतिनिधी, औरंगाबाद
‘मराठा समाजाच्या सर्वांगीण विकासासाठी राज्य सरकारने अनेक योजना जाहीर केल्या. काही योजनांची प्रत्यक्ष अंमलबजावणीही सुरू झाली आहे. मराठा आरक्षणासह अन्य मागण्या सरकारकडे करण्यात आल्या होत्या. त्यातील १९ मुद्दे मान्य केले आहेत. आरक्षण हे कोर्टाच्या अखत्यारित असून कोर्टाच्या सूचनेनुसार राज्य सरकारने मागासवर्ग आयोग नेमला आहे. त्यांचा अहवाल कोर्टात सादर झाल्यानंतर आरक्षणाबाबत निर्णय होईल,’ अशी माहिती सार्वजनिक बांधकाममंत्री व मराठा आरक्षण मंत्रिमंडळ उपसमितीचे अध्यक्ष चंद्रकांत पाटील यांनी पत्रकारांशी बोलताना दिली.
मंत्री पाटील म्हणाले,‘उपसमितीची स्थापना केल्यापासून आम्ही मराठा समाजासाठी अनेक महत्त्वपूर्ण निर्णय घेतले. मंत्रिमंडळ बैठकीनंतर आमची बैठक दर आठवड्याला होत असते. आर्थिकदृष्ट्या मागासवर्गीय (ईबीसी) कुटुंबीयांची आर्थिक मर्यादा सहा लाख रुपये केली, ६०५ अभ्यासक्रमांचे अर्धे शुल्क सरकार भरणार आहे, शहरातील विद्यार्थ्यांना खोली आणि मेससाठी ३० हजार रुपये वार्षिक, तर ग्रामीण भागातील विद्यार्थ्याला २० हजार रुपये वार्षिक दिले जाणार आहेत. राज्यभरात ५०० विद्यार्थी वसतिगृहे सुरू करणार आहोत. मराठा समाजाकडून मागणी केलेल्या बहुतांश गोष्टी दिल्या,’ असे त्यांनी सांगितले. केंद्र सरकारकडून कौशल्यविकास कार्यक्रमांतर्गत ४५० कोटी रुपये आणले आहेत. त्यातून तीन लाख युवक, युवतींना मोफत प्रशिक्षण दिले जाईल, असे पाटील म्हणाले.

कामांचीही माहिती द्या

सरकारकडून १९ मुद्दे मान्य करूनही काहीजण आरक्षणाचा मुद्दा उपस्थित करतात. आरक्षण देणे सरकारच्या हातात नाही. सरकारने मराठा आरक्षणाला अनुकूल असल्याबाबतचे २७०० पानांचे शपथपत्र सादर केले आहे. कोर्टाने राज्य मागासवर्ग आयोगाचा अहवाल मागविला आहे. तो सादर झाल्यानंतर आरक्षणाबाबतच निर्णय होईल, आरक्षणाच्या मुद्यावरून सरकारच्या विरोधात भडकाविण्याचे काम करणाऱ्यांनी केलेल्या कामाची माहितीही मराठा समाजातील सर्व घटकांपर्यंत पोचवावी, असा टोला मंत्री चंद्रकांत पाटील यांनी लगाविला.

मोबाइल अॅप डाउनलोड करा आणि राहा अपडेट

राष्ट्रवादीने घातले नोटांचे श्राद्ध

November 8, 2017, 1:30 pm

≫ Next: विद्यापीठाच्या पदवी परीक्षा उद्यापासून

≪ Previous: मराठा समाजाचे १९ मुद्दे मान्यः चंद्रकांत पाटील

$

0

0

औरंगाबाद : केंद्र सरकारने गेल्यावर्षी नोटाबंदीचा निर्णय घेताना काळ्या पैशांबाबत केलेली घोषणा पोकळ ठरली आहे. नोटाबंदीच्या या निर्णयाला बुधवारी (आठ नोव्हेंबर) वर्ष पूर्ण झाल्यानिमित्त राष्ट्रवादी काँग्रेसने क्रांतीचौकात नोटांना श्राद्ध घातले, तर अल्पसंख्यांक आघाडीने जिल्हाधिकारी कार्यालयासमोर काळा केक कापून काळा दिवस साजरा केला.

क्रांतीचौकात झालेल्या या आंदोलनाप्रसंगी कार्यकांनी केंद्र सरकाविरुद्ध जोरदार घोषणाबाजी केली. काळा पैसा बाहेर आणण्यासाठी केंद्राने नोटबंदीचा निर्णय घेतला, मात्र अद्यापही यानिर्णयाचे फलित काय झाले, किती काळापैसा गोळा झाला याची माहिती दिली नाही. नोटबंदीच्या निर्णयाचा फटका सर्वसामान्यांनाच बसला, रोजगार वाढण्याऐवजी घटला असल्याचे यावेळी सांगण्यात आले. शहराध्यक्ष काशीनाथ कोकाटे यांच्या नेतृत्वाखाली झालेल्या आंदोलनप्रसंगी मनमोहनसिंग ओबेरॉय, ख्वाजा शरफोद्दीन, सुरजितसिंग खुंगर, राजेश पवार, अय्यूब खान, गजानन सोनवणे, सोपानराव खोसे, शाकेर खान, वीणा खरे, मंजुषा पवार, मेराज पटेल आदींची उपस्थिती होती.

अल्पसंख्याक आघाडीचा काळा दिन
राष्ट्रवादी काँग्रेसच्या अल्पसंख्याक आघाडीने काळे कपडे घालून नोटाबंदीचा निषेध म्हणून काळा केक कापला व काळा दिन साजरा केला. सलीम पटेल वाहेगावकर यांच्या नेतृत्वाखाली झालेल्या आंदोलनासाठी हाजी शेरखान, सय्यद हुसेन, निजाम खान, निसार पटेल, बाबुभाई दौलताबादकर, शेख शेरु, सय्यक अल्ताफ, शेख बबू, अब्दुल हाजीम पटेल, शेख मुनीर, पाशू पटेल आदींची उपस्थिती होती.

मोबाइल अॅप डाउनलोड करा आणि राहा अपडेट

---

विद्यापीठाच्या पदवी परीक्षा उद्यापासून

November 8, 2017, 1:30 pm

≫ Next: शिक्षण प्रदर्शनात आयत्या प्रयोगांचा भरणा

≪ Previous: राष्ट्रवादीने घातले नोटांचे श्राद्ध

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठाच्या पदवी परीक्षांना शुक्रवारपासून सुरुवात होत आहे. या परीक्षेला विद्यापीठ कार्यक्षेत्रातील तब्बल तीन लाख पाच हजार ४९४ विद्यार्थी बसले आहेत.
विद्यापीठाच्या पदवी परीक्षा २२४ केंद्रांवर होणार आहेत. त्यापैकी औरंगाबाद शहरात ३२, औरंगाबाद ग्रामीण ४८, जालना शहर १२, जालना ग्रामीण ३४, बीड शहर १०, बीड ग्रामीण ५१, उस्मानाबाद शहर ९ आणि उस्मानाबाद ग्रामीणमध्ये २८ परीक्षा केंद्र आहेत. परीक्षात कॉपीमुक्तीसाठी १६ भरारी पथके, २२४ सहकेंद्र प्रमख नेमण्यात आले आहेत.
दरम्यान, विद्यार्थी संख्या अतिरिक्त होत असल्यामुळे २१ केंद्रांवरील विद्यार्थ्यांचे परीक्षा केंद्र बदलण्यात आले आहेत. त्याची माहिती संबंधित महाविद्यालये, विद्यापीठाची वेबसाइट आणि परीक्षा केंद्रांवर देण्यात आली आहे. याशिवाय बदल केलेल्या परीक्षा केंद्राची माहिती सुद्धा एसएमएसद्वारे विद्यार्थ्यांना पाठवल्याची माहिती परीक्षा नियंत्रक डॉ. दिगंबर नेटके यांनी दिली. पहिल्या पेपरला गोंधळ उडू नये यासाठी परीक्षार्थींनी परीक्षा केंद्रासंदर्भात खात्री करून घेण्याचे आवाहन डॉ. नेटके यांनी ‌केले आहे.

मोबाइल अॅप डाउनलोड करा आणि राहा अपडेट

शिक्षण प्रदर्शनात आयत्या प्रयोगांचा भरणा

November 8, 2017, 1:30 pm

≫ Next: ​ मनपा आयुक्तांसह प्रतिवादींना नोटीस

≪ Previous: विद्यापीठाच्या पदवी परीक्षा उद्यापासून

$

0

0

म. टा. प्रतिनिधी, औरंगाबाद
शालेय विद्यार्थ्यांमध्ये कौशल्यनिर्मिती होण्याच्या हेतुने दोन वर्षांपूर्वीपासून नववी, दहावीच्या विद्यार्थ्यांसाठी व्यवसाय शिक्षण अभ्यासक्रम सुरू करण्यात आला. मात्र, अभ्यासक्रमासाठीचे शैक्षणिक साहित्य दोन वर्षानंतर देण्याचा प्रताप शिक्षण विभागाने केला आहे. त्यानिमित्त बुधवारी भरविण्यात आलेल्या प्रदर्शनातही आयत्या प्रयोगांचाच भरणा असल्याचे दिसून आले.
राष्ट्रीय माध्यमिक शिक्षा अभियानातंर्गत शालेय शिक्षण विभाग आणि राज्य व्यवसाय शिक्षण व प्रशिक्षण विभागातर्फे निवडक शाळांमध्ये विद्यार्थ्यांना २०१५पासून व्यवसाय शिक्षणाचे धडे दिले जातात. या अभ्यासक्रमासाठी आवश्यक साहित्य, त्याचे मार्गदर्शन शिक्षकांना नसल्याचे स्पष्ट झाले आहे. दोन वर्षानंतर त्यासाठी लागणाऱ्या प्रयोगशाळेची बुधवारी सुरुवात झाली. मागील वर्षापर्यंत तात्पुरत्या स्वरुपात शाळांना परीक्षेपुरते शैक्षणिक साहित्य देण्यात आले. त्यानंतर शाळांनी मल्टी स्किल अभ्यासक्रम शिकविला. हे साहित्य आता शाळांना वितरीत केले जाणार आहे. शासकीय विद्या निकेतनमध्ये याचे उद्घाटन राज्य प्रकल्प समन्वयक श्रीनिवास शास्त्री, राजेंद्र शहाडे यांच्या प्रमुख उपस्थितीत करण्यात आले. त्यासह देवगिरी कॉलेजमध्ये आयोजित एका कार्यक्रमात मराठवाड्यासह, विदर्भातील दीडशे शाळांमधील मुख्याध्यापकांना साहित्य हाताळण्याचे प्रशिक्षण, अभ्यासक्रमाचा हेतू सांगण्यात आला. दोन वर्ष पूर्ण झाल्यानंतर शिक्षण विभागाला जाग आल्याबद्दल मुख्याध्यापकांमध्ये चर्चा होती. कार्यक्रमाला शिक्षणाधिकारी गजानन सुसर, शैलेश आगवन, निलेश पुरडकर, भुषण कुलकर्णी यांची उपस्थिती होती.

विभागात ११ विषय

प्रत्येक विभागातील उद्योगांची गरज आणि तेथील स्थानिक रोजगार याचा विचार करत विषयांची निवड करण्यात आली. कृषी, फूड प्रोसेसिंग, वर्कशॉप इंजिनीअरिंग, एनर्जी एनव्हार्मेंटल, रिटेल, हेल्थ केअर, आयटी, ऑटोमोबाइल सेक्टरमधील विषयांचा समावेश असल्याचे सांगण्यात आले. मराठवाड्यातील सहभागी शाळांमध्ये विद्यार्थ्यांना ११ विषयांपैकी एक निवडण्याची संधी आहे. या योजनेत ५३४ शाळा सहभागी असून मल्टी स्किल अभ्याक्रम १५० शाळांमध्ये आहे.

शिक्षकांचीही मदत

व्यवसाय प्रशिक्षण प्रयोगशाळा व्यवस्थापन मल्टी स्किल फाउंडेशन कोर्सतंर्गत यावेळी काही शाळेतील विद्यार्थ्यांनी प्रकल्प सादर केले. यातील आयत्या प्रयोगांनाचा भरणा असल्याचे चित्र होते. काही प्रकल्प जुने, तर काहींमध्ये शिक्षकांनी मदत केल्याचे विद्यार्थ्यांमध्ये चर्चा होती.

मोबाइल अॅप डाउनलोड करा आणि राहा अपडेट

​ मनपा आयुक्तांसह प्रतिवादींना नोटीस

November 8, 2017, 1:30 pm

≫ Next: शालेय मूल्यमापन चाचणीला मुहूर्त

≪ Previous: शिक्षण प्रदर्शनात आयत्या प्रयोगांचा भरणा

$

0

0

मनपा आयुक्तांसह प्रतिवादींना नोटीस

न्यायालयाच्या आदेशाची अंमलबजावणी न
केल्याप्रकरणी खंडपीठात अवमान याचिका

म. टा . विशेष प्रतिनिधी, औरंगाबाद
भूसंपादनविषयक कायद्यांचे पालन करून जमीन ताब्यात घ्यावी या निर्देशांचे पालन न केल्याप्रकरणी मुंबई उच्च न्यायालयाच्या औरंगाबाद खंडपीठात अवमान याचिका करण्यात आली आहे, प्राथमिक सुनावणीत प्रतिवादी मनपा आयुक्त डी. एम. मुगळीकर यांच्यासह सहायक नगररचना अधिकारी ए. बी. देशमुख, उपाधीक्षक भूमी अभिलेख सतीश भोसले यांना नोटीस बजावण्याचे आदेश न्या. रवींद्र बोर्डे आणि न्या. विभा कंकणवाडी यांनी बुधवारी दिले.
शहरातील नागरिक सोमनाथ बोंबले यांनी खंडपीठात याचिका केली आहे. गारखेडा परिसरातील गट क्रमांक ५१/१ ही १९.६५ आर जमीन महापालिकेने बेकायदा ताब्यात घेतली होती. जमीन संपादनासंदर्भात मनपाने कोणतीही कायदेशीर प्रक्रिया केलेली नसल्याने बोंबले यांनी महापालिकेकडे अर्ज केला आणि कायदेशीर भूसंपादन करून टीडीआर देण्याची विनंती केली. त्यावर पालिकेने अधीक्षक, भूमी अभिलेख यांच्याकडून मोजणी करवून घेऊन अहवाल दाखल करावा, असे पत्र त्यांना दिले. त्यानुसार बोंबले यांनी मोजणी करवून घेऊन अहवाल सादर केला. मात्र, मनपाने त्यानुसार कारवाई केली नाही. यानंतर संबंधित जागेवर अर्ध्या भागात कुंपण घातल्याचे तर अर्ध्या भागात मातीचे ढिगारे टाकल्याचे निदर्शनास आले. यावर त्यांनी खंडपीठात याचिका दाखल करून दाद मागितली. सुनावणीअंती खंडपीठाने १२ आठवड्यात याचिकाकर्त्यांच्या अर्जावर योग्य तो निर्णय घेण्याचे निर्देश दिले. या आदेशाची प्रत याचिकाकर्त्यांनी महापालिकेला दिली आणि आदेशाचे पालन करण्याची विनंती केली. यावरही मनपातर्फे कोणतीही कारवाई न झाल्याने, आदेशाचे पालन न केल्याप्रकरणी अवमान याचिका दाखल करण्यात आली. प्राथमिक सुनावणीअंती खंडपीठाने वरीलप्रमाणे आदेश दिले. याचिकाकर्त्यातर्फे सिद्धेश्वर ठोंबरे हे बाजू मांडत आहेत.

मोबाइल अॅप डाउनलोड करा आणि राहा अपडेट

शालेय मूल्यमापन चाचणीला मुहूर्त

November 8, 2017, 1:30 pm

≫ Next: सोलापूर-जळगाव रेल्वेमार्गाचा सर्व्हे करणार का?

≪ Previous: ​ मनपा आयुक्तांसह प्रतिवादींना नोटीस

$

0

0

म. टा. प्रतिनिधी, ओरंगाबाद
पहिली ते आठवी पर्यंतच्या विद्यार्थ्यांसाठी संकलित मूल्यमापन चाचणी परीक्षा बुधवारपासून सुरू झाली. यंदा दिवाळीच्या सुट्यानंतर परीक्षेला मुहूर्त लागला. शहरातील अडीच लाख विद्यार्थी परीक्षा देत असून ही परीक्ष ११ नोव्हेंबरपर्यंत घ्यावयाची आहे.
प्रगत शैक्षणिक महाराष्ट्र अंतर्गत सातत्यपूर्ण सर्वंकष मूल्यमापन धोरणानुसार संकलित मूल्यमापन चाचणी परीक्षा घेतली जात आहे. शैक्षणिक वर्षात तीन मूल्यमापन चाचणी घ्यावयाच्या आहेत. शैक्षणिक वर्ष अर्धे संपल्यानंतर यंदा या परीक्षांना सुरुवात झाली आहे. बुधवारपासून (८ नोव्हेंबर) ही प्रक्रिया सुरू झाली. पहिल्या दिवशी प्राथमिक आणि माध्यमिकच्या विद्यार्थ्यांनी ही परीक्षा दिली. दोन सत्रात चार माध्यमातील विद्यार्थ्यांची परीक्षा घेण्यात आली. नियमित परीक्षांप्रमाणे ही चाचणी घेण्यात आली. विद्यार्थ्यांना प्रश्नपत्रिका देत त्यांच्याकडून या सोडवून घेण्यात आल्या. शाळा स्तरावर याची तपासणी होऊन शिक्षण विभागाकडे हे गुण सादर करावयाचे आहेत. चार दिवस पहिल्या चाचणीचे वेळापत्रक शिक्षण विभागाने शाळांना दिले आहे. त्यानुसार शाळांनी दोन सत्रातही परीक्षा घेतली. विद्यार्थ्यांमध्ये परीक्षेबाबत उत्सुकता असल्याचे महात्मा फुले प्राथमिक शाळेच्या मुख्याध्यापक एस. वाय. भाग्यवंत यांनी ‘मटा’ला सांगितले.

दोन परीक्षा कधी?

एका शैक्षणिक वर्षात तीन चाचणी परीक्षा घ्यायच्या आहेत. त्यातील पहिली चाचणी परीक्षा दिवाळी सुट्यानंतर बुधवारपासून सुरू झाली. ही परीक्षा दिवाळीपूर्वी घेणे अपेक्षित होते. वेळापत्रक पुढे गेल्याने पुढील चाचणी परीक्षांचे नियोजन केव्हा, असा प्रश्न उपस्थित झाला आहे.

मोबाइल अॅप डाउनलोड करा आणि राहा अपडेट

सोलापूर-जळगाव रेल्वेमार्गाचा सर्व्हे करणार का?

November 8, 2017, 1:30 pm

≫ Next: उत्कर्ष पॅनलचे शक्तीप्रदर्शन; उमेदवारी अर्ज दाखल

≪ Previous: शालेय मूल्यमापन चाचणीला मुहूर्त

$

0

0

सोलापूर-जळगाव रेल्वेमार्गाचा सर्व्हे करणार का?

आैरंगाबाद खंडपीठाची रेल्वे विभागास विचारणा

म. टा . विशेष प्रतिनिधी ,औरंगाबाद

सोलापूर-जळगाव रेल्वेमार्गात आैरंगाबादचा समावेश करून सर्व्हेक्षण करणार काय? यासंबंधी ३० नोव्हेंबरपर्यंत निर्णय घेण्यासाठी रेल्वे विभागास वेळ देण्यात आला आहे. या याचिका जनहिताच्या असून रेल्वेने मोठे व्हिजन नजरेसमोर घेऊन निर्णय घ्यावा, अशी अपेक्षा मुंबई उच्च न्यायलयाच्या आैरंगाबाद खंडपीठाने व्यक्त केली. हा मार्ग पर्यटनाच्या दृष्टीने महत्त्वाचा असून यासंबंधी माहिती घेण्याचे आदेश न्या. संभाजी शिंदे व न्या. मंगेश पाटील यांनी बुधवारी रेल्वेस दिले.
मराठवाडा रेल्वे विकास समितीचे संस्थापक आेमप्रकाश वर्मा यांनी जनहित याचिका दाखल करून २०१३ मध्ये आव्हान दिले होते. पर्यटनास प्राधान्य देण्यासाठी तत्कालिन रेल्वेमंत्री लालूप्रसाद यादव यांनी सोलापूर -जळगाव या ४५० कि. मी. मार्गाच्या सर्व्हेक्षणास मान्यता दिली होती. हा मार्ग सोलापूर, तुळजापूर, उस्मानाबाद, बीड, गेवराई, पैठण, आैरंगाबाद, घृष्णेश्वर, सिल्लोड, अजिंठा मार्गे जळगाव असा करण्याचे निश्चित केले होते, परंतु हा मार्ग गेवराई, अंबड, जालना, भोकरदन, अजिंठा- जळगाव असा वळविण्यात आला. या मार्गाचा सर्वे नकारात्मक आल्याने ही योजना थंड बस्त्यात टाकण्यात आली.
एखाद्या मार्गाचे सर्व्हेक्षण दोन ते तीन वेगवेगळ्या मार्गांनी करणे गरजेचे आहे. तशी कायद्यात तरतूद आहे, परंतु केवळ जालनामार्गे सर्व्हेक्षण नकारात्मक आल्याने रेल्वेने इतर मार्गांचा सर्व्हेच केला नाही. पर्यंटनाच्या दृष्टीने आैरंगाबाद-घृष्णेश्वर मार्ग फायद्याचा ठरू शकतो. त्यामुळे दुसरा सर्व्हे करण्यात यावा, असा युक्तीवाद याचिकाकर्त्याचे वकील प्रज्ञा तळेकर यांनी केला. रेल्वेच्या वतीने मनीष नावंदर यांनी काम पाहिले.

व्हिजन मोठे ठेवा
मोठे व्हिजन ठेवून रेल्वेने आैरंगाबाद मार्गे सर्व्हेक्षण करावे. केवळ रेल्वेचा विकास नसून या नवीन मार्गामुळे सबंध मराठवाडा व पर्यटनाचा विकास होणार आहे. यावर खर्च मोठ्या प्रमाणावर होणार असला तरी उत्पन्न मात्र दहा पटीने मिळणार असल्याचे खंडपीठाने सांगितले. यावर पुन्हा विचार करण्यात यावा, असे कोर्टाने सुचविले.

मोबाइल अॅप डाउनलोड करा आणि राहा अपडेट

उत्कर्ष पॅनलचे शक्तीप्रदर्शन; उमेदवारी अर्ज दाखल

November 8, 2017, 1:30 pm

≫ Next: अर्थव्यवस्था सुधारली

≪ Previous: सोलापूर-जळगाव रेल्वेमार्गाचा सर्व्हे करणार का?

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठाच्या निवडणुकीत उत्कर्ष पॅनलने आपले अधिसभा पदवीधर उमेदवारांचे उमेदवारी अर्ज बुधवारी शक्तीप्रदर्शन करत दाखल केले.
विद्यापीठाच्या अधिसभा पदवीधर गटाची निवडणूक ४ डिसेंबर रोजी होत आहे. उत्कर्ष पॅनलने कुलसचिव निवडणूक निर्णय अधिकारी डॉ. प्रदीप जब्दे यांच्याकडे नामांकन अर्ज दाखल केले.
यामध्ये डॉ. भारत खैरनार, डॉ. नरेंद्र काळे, प्रा. संभाजी भोसले, पंडीत तुपे, प्रा. रमेश भुतेकर, शेख जऊर खालेद, प्रा. सुनील मगरे, सुनील निकम, अॅड. संजय काळबंडे, अॅड. सुभाष राऊत, साईनाथ करवंदे, बंडू सोमवंशी, मेहराज खान पठाण, शितल माने आदी उमदेवारांचा समावेश होता.
यावेळी काढण्यात आलेल्या रॅलीमध्ये औरंगाबादसह जालना, बीड, उस्मानाबाद आदी जिल्ह्यांतून सुमारे साडेचारशे चारचाकी वाहनाधारक पाठिंबा देण्यासाठी आले होते.
यावेळी पॅलनले निमंत्रक डॉ. शिवाजी मदन म्हणाले की, पुरोगामी विचारांच्या आपल्या विद्यापीठात दोन वर्षांपासून अनिष्ठ प्रवृत्तींनी ठाण मांडले आहे. आतापर्यंत मिळून मिसळून राहणाऱ्या विद्यापीठ कर्मचारी, प्राध्यापकांमध्ये जाती पातीची बीजे पेरली जात आहेत. त्यामुळे मतदारांनी प्रतिगामी प्रवृत्तीच्या भुलथापांना बळी पडू नये, असे आवाहन त्यांनी केले.
यावेळी प्रा. सुनील मगरे म्हणाले की, विरोधी गटातील लोकांना आता मोठ्या पदाची स्वप्ने पडू लागली आहेत. मागील काही वर्षांपासून याच मंडळींनी विद्यार्थी, प्राध्यापकांना वेठीस धरण्याचे काम केले गेले. यावेळी प्रा. संभाजी भोसले म्हणाले की, विद्यार्थी हा केंद्रबिंदू मानून विद्यापीठ उत्कर्ष पॅनल काम करत आले आहे, विद्यापीठाच्या विकासात पॅनलने महत्त्वपूर्ण योगदान दिले आहे.
यावेळी प्रा. आर. जे. गायकवाड, डॉ. पी.आर. थोटे, दादासाहेब मोटे, बबलू चौधरी, नारायणराव बोराडे, प्रा. संभाजी वाघमारे, सुधाकर आबदारे, महेश उबाळे, अमोल दांडगे, मयूर सोनवणे आदींची उपस्थिती होती.

मोबाइल अॅप डाउनलोड करा आणि राहा अपडेट

अर्थव्यवस्था सुधारली

November 8, 2017, 1:30 pm

≫ Next: कोणीही भेटो, पण राज्य सरकार स्थिर

≪ Previous: उत्कर्ष पॅनलचे शक्तीप्रदर्शन; उमेदवारी अर्ज दाखल

$

0

0

म. टा. प्रतिनिधी, औरंगाबाद
नोटाबंदीमुळे आर्थिक व्यवस्था सुधारली, डिजिटल व्यवहारात वाढ झाली, ५६ लाख नव्या करदात्यांची भर पडली. प्राप्तीकर रिटर्न भरणाऱ्यांचे प्रमाण २४ टक्क्यांनी वाढले. काळा पैसा शोधून काढण्यात सर्वाधिक यश आले, असा दाव भाजप प्रदेशाध्यक्ष खासदार रावसाहेब दानवे यांनी केला आहे. विरोधकांचे आंदोलन हे राजकीय हेतूने प्रेरित असल्याची टीकाही त्यांनी केली.

पंतप्रधान नरेंद्र मोदी यांनी जाहीर केलेल्या नोटबंदीला एक वर्ष पूर्ण झाल्यानिमित्त भाजप प्रदेशाध्यक्ष दानवे यांनी पत्रकारांशी संवाद साधला. काळ्या पैशांला आळा बसवा, डिजिटल व्यवहारात वाढ व्हावी आदी हेतूने नोटाबंदीचा निर्णय घेण्यात आल्याचे त्यांनी नमूद केले. निर्णयाचा चांगले परिणाम दिसून येत आहेत. संशय असलेल्या साडेपाच लाख बँक खात्याची तपासणी सुरू आहे. तब्बल २९ हजार २१३ कोटी रुपयांचे लपविलेले उत्पन्न उघडकीस आले. नोटबंदीनंतर १६ हजार कोटी रुपयांचा काळा पैसा परत व्यवहारात आला नाही. आर्थिक व्यवस्थेची साफसफाई झाल्याचा दावा दानवे यांनी केला. दोन लाख दहा हजार बनावट कंपन्यांची नोंदणी रद्द करण्यात आली असून, बँकांमधील ठेवी तीन लाख कोटींपेक्षा अधिक वाढल्या. परिणामी कर्जाचे व्याजदर कमी झाल्याचाही दावा प्रदेशाध्यक्षांनी केला.

यावेळी आमदार अतुल सावे, प्रवक्ते शिरीष बोराळकर, प्रदेश उपाध्यक्ष डॉ. भागवत कराड, शहराध्यक्ष किशनचंद तनवाणी, जिल्हाध्यक्ष एकनाथ जाधव, अनिल मकरिये, बसवराज मंगरुळे, संघटक भाऊराव देशमुख आदी उपस्थित होते.

विरोधकांवर टीका
विरोधक राजकीय द्वेषापोटी आंदोलन करत आहेत. जनतेसमोर जाण्यासाठी मुद्दा शोधण्यासाठी काँग्रेसला तीन वर्षे लागली, असा आरोपही प्रदेशाध्यक्ष दानवे यांनी केला. नोटाबंदीबाबत शिवसेनेकडून झालेल्या विरोधासंदर्भात दानवे यांनी, ‘सभागृहात शिवसेनेने पाठिंबा दिलेला आहे. आंदोलन केल्यास जनमत बाजुने येईल, असे वाटत असल्याने त्यांनी आंदोलनाची भूमिका घेतली असेल, तर तो राजकीय मुद्दा ठरतो,’ असे नमूद केले.

शेतकरी किसान कार्ड वापरावे
कॅशलेस व्यवहारात वाढ व्हावी, ही नोटाबंदीमागील कल्पना होती. शेतकऱ्यांनी किसान कार्डाद्वारे व्यवहारावर भर द्यावा, असे आवाहनही त्यांनी यावेली केले. डिजिटल व्यवहार करताना पूर्वीच्या दराप्रमाणेच बँक कर आकारते, असाही दावा त्यांनी केला.

मोबाइल अॅप डाउनलोड करा आणि राहा अपडेट

---

कोणीही भेटो, पण राज्य सरकार स्थिर

November 8, 2017, 1:30 pm

≫ Next: भाव पडल्याने शेतकरी भरडला

≪ Previous: अर्थव्यवस्था सुधारली

$

0

0

म. टा. प्रतिनिधी, औरंगाबाद
राष्ट्रवादी काँग्रेसचे अध्यक्ष शरद पवार व शिवसेना पक्षप्रमुख उद्धव ठाकरे यांच्या भेटीमुळे राज्यातील राजकारणात जोरदार चर्चा सुरू असताना भारतीय जनता पक्षाचे प्रदेशाध्यक्ष खासदार रावसाहेब दानवे यांनी मात्र सरकाराला कोणताही धोका नाही, असा दावा केला आहे. हे सरकार पाच वर्षे स्थिर राहिले, असे त्यांनी सांगितले.
काळा पैसा विरोधी दिवसानिमित्त बुधवारी आयोजित पत्रकार परिषदेत ते बोलत होते. पवार व ठाकरे यांच्या भेटीमुळे शिवसेना व राष्ट्रवादी काँग्रेस काही घडामोडी करतील आणि लवकरच मध्यावधी निवडणुकांना सामोरे जावे लागेल, राज्यातील राजकारणाला वेगळे वळण लागले, अशी चर्चा सुरू आहे. त्याबद्दल विचारले असता प्रदेशाध्यक्ष दानवे यांनी कोणत्याही पक्षाचे नेते कुठेही, कोणालाही भेटू शकतात, आपल्याकडे विचार स्वातंत्र्य आहेच ना, अशी टिप्पणी केली. दरम्यान, माजी केंद्रीय मंत्री जयसिंगराव गायकवाड हे लोकसभेचे उमेदवार असतील का, याबद्दल विचारणा केली असता त्यांनी थेट उत्तर टाळले. भाजपमध्ये उमेदवार निवडीची प्रक्रिया असते. सध्या निवडणुका नाहीत, असे उत्तर त्यांनी दिले. मंत्रिमंडळ विस्तारासह इतर राजकीय प्रश्नांवरही त्यांनी मौन बाळगले.

मोबाइल अॅप डाउनलोड करा आणि राहा अपडेट

भाव पडल्याने शेतकरी भरडला

November 8, 2017, 1:31 pm

≫ Next: डाकू पंचमसिंह झाला परिवर्तनाने पंचमभाई

≪ Previous: कोणीही भेटो, पण राज्य सरकार स्थिर

$

0

0

म. टा. प्रतिनिधी, औरंगाबाद
अगोदरच दुष्काळामुळे उद्धवस्त झालेली गावकुस नोटाबंदीमुळे मरणासन्न झाली. जिल्ह्यात बऱ्याच व्यापाऱ्यांनी खरेदी बंद केल्यामुळे शेतकऱ्यांनी माल चक्क रस्त्यावर टाकून दिला.

नोटाबंदीमुळे औरंगाबाद जिल्ह्यात शेतीसह सर्वच क्षेत्रात पिछाडी झाली. शेतीवर अवलंबून असलेल्या कुटिरोद्योगाला झळा बसल्या. कापूस, सोयाबीन, मोसंबी, ऊस आणि भाजीपाल्याचे भाव पडल्याने बाजारपेठा, बाजार समिती चक्क ओसाड पडली. मजुरांचे हाल झाले. देशभरातील कृषी उत्पन्न बाजार स‌मित्यांमध्ये शेतकरी माल पोहचवू शकला नाही. त्याला योग्य भाव मिळाला नाही. खते, बी-बियाणे, यापासून सर्व आवश्यक सामग्री नोटाबंदीच्या काळात मिळालीच नाही, असे भोकरदनचे शेतकरी संजय दळवी यांनी सांगितले. रिअल इस्टेटमध्ये तब्बल ३२१ गृहप्रकल्पांचे काम बंद पडले. केवळ १६ ते २० घरांच्या रजिस्ट्री झाल्या. कोट्यवधींचे नुकसान झाले. दसरा आणि दिवाळीनंतर या क्षेत्राला दिलासा मिळाला असे अनेक बिल्डर व क्रेडाई मेंबर्स सांगत आहेत.ग्रामीण अर्थव्यवस्थेचा कणा असलेल्या विविध कार्यकारी सोसायटी, पतसंस्था, विकास सोसाट्या, क्रेडिट सोसायट्या यांचे गणित बिघडले. कॅशलेस व्यवहार करणे कठीण गेले. शेती, सेवा, सुविधा क्षेत्र यात ९० टक्के रोखीनेच व्यवहार होत आहेत. लोकांमध्ये ई साक्षरता नसल्याने ऑनलाइन सेवाही पुढे आल्या नाहीत, असे बँकिंग तज्ज्ञ देविदास तुळजापूरकर यांनी सांगितले.

सोयाबीन, कापूस, मोसंबीचे नुकसान झाले. विविध सरकारी अनुदानाच्या रकमेत निम्म्याने घट झाली. नोटाबंदीनंतर चार महिन्यांत सर्वांत जास्त नुकसान भाजीपाल्याचे झाले. शेतकऱ्यांना ऑनलाइन व्यवहार अजूनही समजत नाही, नोटाबंदीनंतरही ७२३ हून अधिक आत्महत्या झाल्या आहेत. यावरून त्याची दाहकता समजून येईल. - कालिदास आपेट, कार्याध्यक्ष, शेतकरी संघटना

मोबाइल अॅप डाउनलोड करा आणि राहा अपडेट

डाकू पंचमसिंह झाला परिवर्तनाने पंचमभाई

November 8, 2017, 1:46 pm

≫ Next: ​ मराठवाड्यात काळा दिवस

≪ Previous: भाव पडल्याने शेतकरी भरडला

$

0

0

म. टा. प्रतिनिधी, उस्मानाबाद
प्रत्येक व्यक्तीच्या आयुष्यात चढ उतार येतातच. परंतु, योग्य वेळी प्रेरणादायी विचार समोर आले आणि सत्संगाद्वारे प्रबोधन झाले तर परिवर्तन होऊ शकते. असेच काहीसे आपल्याबाबत घडले आणि डाकूचा संत झालो, असे मनोगत १९५८ मध्ये चंबळच्या खोऱ्यात डाकूचा म्होरक्या बनलेल्या पंचमसिंह (वय ९६) यांनी ‘मटा’शी बोलताना व्यक्त केले.
ब्रह्माकुमारी संस्थेच्या उस्मानाबाद येथील शाखेत आयोजित कार्यक्रमासाठी ते उस्मानाबादला आले होते. १९५४ ते १९७० या कालावधीत चंबळच्या खोऱ्यात
त्यांचा मोठा अत्यंत दरारा होता. ५५८ साथीदार डाकूचा नायक म्हणून मध्यप्रदेश, बिहारमध्ये सर्वदूर परिचित होतो. आपल्यावर खुनाचे, दरोड्याचे १०० हून अधिक गुन्हे होते. सरकारने आपल्यावर त्यावेळी २ कोटी रुपयांचे बक्षीस जाहीर केले होते. आमच्या डेऱ्यावर रोज एक हजाराहून अधिक लोकांचे रोज
भोजन व्हायचे. मंत्री, संत्री, अधिकारी यांची आमच्याकडे सतत ये-जा असायची. सत्ता स्थापनेत आमचा सिंहाचा वाटा असायचा. त्या भागातील रेल्वे आमच्या इशाऱ्यावर चालायची. परंतु, आमचे संविधान कडक होते. आमच्यात एकी होती. नियमांचे पालन करणे हा आमचा धर्म होता. चुकून कोणी महिलांवर अत्याचार केल्यास त्याला मृत्यूदंड ही आमची शिक्षा होती. आमच्याकडे पैशाची कधीही चणचण नसायची. आम्ही लुटलेल्या पैशाचा वापर हा समाजोपयोगी कार्यासाठी करीत होतो. अनेक गरीब मुलींचे लग्न लावण्यासाठी आम्ही मदत केली असल्याचे पंचमसिंह यांनी सांगितले.
१९७२ मध्ये लोकनायक जयप्रकाश नारायण यांच्या प्रयत्नामुळे व तत्कालीन पंतप्रधान इंदिरा गांधी यांच्या मार्गदर्शनाखाली आम्ही ५५८ डाकूंनी
समर्पण करण्याचा निर्णय घेत शस्त्रे खाली ठेवली. यावेळी झालेल्या करारानुसार फाशीची शिक्षा जन्मठेपेत बदलली गेली. यानंतर आम्हाला खुल्या जेलमध्ये सहकुटुंब ठेवण्यात आले. दरम्यान आमचे मनपरिवर्तन करण्याचे मोलाचे काम ब्रह्माकुमारी इश्वरीय संस्थेच्यावतीने करण्यात आले. आठ वर्षे लोटल्यानंतर आमच्यातील बदल लक्षात घेऊन शासनाने आमच्या सर्वांची मुक्तता केली. आता आपण पुर्णतः ब्रह्माकुमारी इश्वरीय संस्थेच्या कामाला वाहून घेतले असून, समाधानाने जीवन जगत आहोत. आपल्याकडे जे काही होते, तेही या संस्थेला
सुपूर्द केले आहे. आता मी पंचमसिंहचा पंचमभाई म्हणून ओळखला जाऊ लागलो असल्याचे पंचमभाई यांनी सांगितले.
अलिकडील दोन दशकाहून अधिकच्या काळात जे अध्यात्मिक ज्ञान आपण हस्तगत केले. त्याचा प्रचार व प्रसार करण्यासाठी देशव्यापी दौरा करत असून, या संस्थेच्या माध्यमातून जेलमधील कैदी तसेच रुग्णालयातील सेवा देणारी मंडळी, अशा समाजसेवी संस्थांतून जनसेवा करीत त्यांचे मनपरिवर्तन करीत त्यांच्यात सेवाभाव निर्माण करण्याचा प्रयत्न करीत असल्याचा खास उल्लेख पंचमभाई यांनी केला.


राजकीय नेत्यांमध्ये परिवर्तनाची गरज
ब्रह्माकुमारी सारख्या अध्यात्मिक संस्था जर डाकूमध्ये परिवर्तन घडवू शकतात. तर, देशाला भ्रष्टाचार मुक्त करण्यासाठी राजकीय नेत्यांमध्ये परिवर्तन घडवून आणण्याची गरज आहे. डाकूसारखी अविचारी मंडळी जर त्यांनी त्याच्यासाठी बनविलेल्या संविधानाचे पालन काटेकोरपणे करतात. तर देशातील सर्व पक्षीय
नेतेमंडळी भारताच्या संविधानानुसार जनहिताचे काम का करीत नाहीत, असा प्रश्नही पंचमभाई यांनी या निमित्ताने उपस्थित केला. देशाला भ्रष्टाचारमुक्त करावयाचे असेल तर प्रथमतः राजकीय नेतेमंडळीच्या शैक्षणिक संस्थाचे राष्ट्रीयिकरण करीत त्यांनी अवैध मार्गाने बळकावलेल्या मालमत्ता जप्त करणे गरजेचे आहे, असे परखड मत त्यांनी यावेळी व्यक्त केले.यावेळी सोमप्रभा, ज्योती, संगीता, नंदकिशोर भन्साळी, सुरेश जगदाळे, आदींची उपस्थिती होती.

मोबाइल अॅप डाउनलोड करा आणि राहा अपडेट

​ मराठवाड्यात काळा दिवस

November 8, 2017, 1:48 pm

≫ Next: बिनकामी नेत्यांच्या नादी लागू नका!

≪ Previous: डाकू पंचमसिंह झाला परिवर्तनाने पंचमभाई

$

0

0

टीम मटा, औरंगाबाद
नोटबंदीला बुधवारी एक वर्ष पूर्ण झाली. त्यानिमित्ताने मराठवाड्यात दोन्ही काँग्रेसच्यावतीने काळा दिवस पाळण्यात आला. नोटाबंदीचा तीव्र शब्दांत निषेध करून सर्वत्र वर्षश्राद्ध घालण्यात आले. दोन्ही काँग्रेसच्या वतीने जिल्ह्याच्या ठिकाणी रॅली काढून निदर्शने करण्यात आली.


बीडमध्ये काळा दिवस
बीड - बीड जिल्ह्यात नोटबंदीच्या एक वर्ष वर्ष पूर्ण झाल्यानंतर बुधवारी काँग्रेस, राष्ट्रवादी तसेच शेतकरी सुकाणू समितीच्यावतीने काळा दिवस पाळण्यात आला. जिल्ह्यात ठिकठिकाणी या विरोधात निदर्शने करण्यात आली. अंबाजोगाईत अविचारी निर्णयाचे बीड जिल्हा काँग्रेस कमिटीच्यावतीने तीव्र शब्दांत निषेध करण्यात आला. काँग्रेसच्या वतीने नोटबंदी निर्णयाचे वर्षश्राद्ध राजकिशोर मोदी यांनी घातले. यावेळी काळ्या फिती बांधून काँग्रेस कार्यकर्त्यांनी केंद्र सरकारच्या नोटबंदी सहित इतर सर्व लोकविरोधी निर्णयाविरोधात घोषणा देवून निषेध केला.

शहरातील सावरकर चौक, शिवाजी चौक मार्गे काँग्रेस पक्षाने हालगी वाजवून, रॅली काढून, निदर्शने केली. ही रॅली उपजिल्हाधिकारी कार्यालय येथे आली असता बीड जिल्हा काँग्रेस कमिटीचे अध्यक्ष राजकिशोर मोदी यांनी कार्यकर्त्यांना संबोधित करतांना केंद्र सरकारच्या नोटबंदी निर्णयाचा निषेध केला. नोटबंदीनंतर पहिल्या दहा दिवसांत ३३ जणांचा व त्यानंतर ११७ जणांचा असा एकूण १५० लोकांचा मृत्यु झाला. याचा फायदा झाला नसून उलट यामुळे भारतीय अर्थव्यवस्था कोलमडून पडली विकासदर घटला. शेतकरी, शेतमजुर, कामगार, व्यापारी, विद्यार्थी आणि उद्योजक या सर्वांना याचा मोठा त्रास सहन करावा लागला. बीड जिल्हा शेतकरी संघटनांच्या सुकाणू समितीच्या वतीने बुधवारी बीड जिल्हाधिकारी कार्यलयासमोर पंतप्रधान नरेंद्र मोदी व मुख्यमंत्री देवेंद्र फडणवीस यांच्या विरोधात प्रचंड घोषणाबाजी करत, खिचडीचा महाप्रसाद जमलेल्या समुदायाला वाटप करून अनोख्या पद्धतीने ‘नोटबंदीचे वर्षश्राद्ध’ घातले. काँग्रेस, राष्ट्रवादीने माजलगावात नोटबंदीविरोधात काळा दिवस पाळला. परळी वैजनाथ शहर काँग्रेस पक्षाच्यावतीने नोटबंदीच्या निषेधार्थ आंदोलन करण्यात आली.


उस्मानाबादमध्ये निषेध
उस्मानाबाद - उस्मानाबाद जिल्ह्यात राष्ट्रवादी काँग्रेसच्यावतीने नोटबंदीची प्रथम पुण्यतिथी साजरी करण्यात आली. येत्या काळात केंद्र सरकारने जनतेला दिलासा देण्यासाठी योग्य पावले उचलावीत अशा प्रकारचे निवेदन सादर करण्यात आले. यावेळी राष्ट्रवादी काँग्रेसचे नेते जीवनराव गोरे, जिल्हा परिषदेचे अध्यक्ष नेताजी पाटील, जिल्हा बँकेचे संचालक सतीश दंडनाईक आदीजण सहभागी झाले होते. यावेळी केंद्र सरकारचा निषेध करीत पद‌ाधिकाऱ्यांनी सरकारच्या विरोधात जोरदार घोषणबाजी केली.


नोटाबंदी विरोधात दोन्ही काँग्रेसचे आंदोलन
लातूर - पंतप्रधान नरेंद्र मोदी यांनी घोषीत केलेल्या नोटाबंदीला वर्ष पूर्ण झाल्यानंतर काँग्रेसने काळा दिवस म्हणून तर राष्ट्रवादी काँग्रेसने नोटाबंदीचे श्राद्ध घालून बोंबाबोंब करून रोष व्यक्त केला.
काँग्रेसच्यावतीने काँग्रेस भवन ते गंजगोलाई या मार्गावरून पक्षाचे झेंडे हातात घेऊन केंद्र सरकार विरोधी घोषणा देत आणि आमदार अमित देशमुख यांचा जयजयकार करीत एक फेरी काढली. फेरी काढण्यापूर्वी आमदार अमित देशमुख यांनी काँग्रेस भवनमध्ये घेतलेल्या पत्रकार परिषदेत नोटाबंदी विरोधातील काँग्रेसची राष्ट्रीय भूमिका मांडली. त्याच प्रमाणे केंद्र आणि राज्य सरकार हे बेतालपणे कारभार करीत असल्याचा आरोप केला. शहराध्यक्ष मोईज शेख यांनी प्रास्ताविक केले. यावेळी काँग्रेसचे पदाधिकारी प्रा. बी. व्ही. मोतीपवळे, माजी नगराध्यक्ष लक्ष्मण कांबळे उपस्थित होते.

परभणीत काँग्रेसचा जनआक्रोश
परभणी - भाजप सरकारच्या नोटाबंदीच्या वर्षपुर्तीनिमित्त परभणीतील काँग्रेसच्या वतीने जनआक्रोश आंदोलन करण्यात आले. यावेळी धरणे देवून काळा दिवस देखील पाळण्यात आला. या प्रसंगी भाजपने कुठलेही आश्वासने पूर्ण न झाल्याचा आरोप करत सरकार विरोधी जोरदार निदर्शने करण्यात आली.
परभणीच्या जिल्हाधिकारी कार्यालयापुढे काँग्रेसचा हा जनआक्रोश बुधवारी पार पडला. काँग्रेसचे जिल्हाध्यक्ष सुरेश वरपूडकर यांच्या नेतृत्वाखाली पदाधिकारी आणि कार्यकर्ते सहभागी झाले होते. यावेळी सर्व आघाड्यांवर राज्यातील भाजप-शिवसेना सरकार अपयशी ठरल्याबाबत जोरदार निषेध केला. भाजपने सत्ता आल्यावर एकही आत्महत्या होऊ देणार नाही, ठिबक सिंचनासाठी ९० टक्के अनुदान देऊ, शेतकरी वर्गाला वीज, पाणी देऊ, सामग्री आणि तंत्रज्ञान स्वस्तात देणार, शेतमालाला ५० टक्के नफा मिळेल अशी व्यवस्था करण्याचे आश्वासन दिले होते. मात्र, प्रत्यक्षात या सरकारने एकही आश्वासन पूर्ण केले नाही. त्यामुळे सामान्य जनतेच्या वतीने जनआक्रोश व्यक्त करण्यासाठी हे आंदोलन केल्याचे काँग्रेसच्या वतीने सांगण्यात आले. यावेळी सरकारच्या निषेधार्थ जोरदार घोषणा देण्यात आल्या. आंदोलनात शहर जिल्हाध्यक्ष नदीम इनामदार, तुकाराम रेंगे, नागसेन भेरजे, रवी सोनकांबळे, सिद्धार्थ हत्तीअंबीरे, बाळासाहेब देशमुख सहभागी झाले होते.

जालन्यात काँग्रेसचा मोर्चा
जालना - जालना जिल्हा काँग्रेसच्यावतीने नोटबंदी विरोधात जिल्हाधिकारी कार्यालयावर मोर्चा काढण्यात आला. या मोर्चामध्ये काँग्रेसचे कार्यकर्ते मोठ्या संख्येने सहभागी झाले होते. याप्रसंगी शहराध्यक्ष अब्दुल हाफिज, रामराव पाटील खडके, विमलताई आगलावे यांनी जिल्हाधिकाऱ्यांकडे निवेदन दिले. नोटबंदीच्या निषेध करताना काँग्रेसच्या पद‌ाधिकाऱ्यांनी सरकारच्या विरोधात जोरदार घोषणबाजी केली.

मोबाइल अॅप डाउनलोड करा आणि राहा अपडेट

बिनकामी नेत्यांच्या नादी लागू नका!

November 8, 2017, 1:55 pm

≫ Next: ‘घाटी’तील कामांसाठी एक कोटी

≪ Previous: ​ मराठवाड्यात काळा दिवस

$

0

0

म. टा. प्रतिनिधी, जालना

मराठा समाजाला आरक्षण देण्यासाठी राज्य सरकारच्या वतीने न्यायालयात भक्कमपणे पाठपुरावा करण्यात येत आहे. मागासवर्गीय आयोगाची स्थापना करण्यात आली आहे. कायद्याच्या चौकटीत कायमस्वरूपी आरक्षणाचा सर्वांच्या समवेत अग्रभागी राहून सरकार प्राधान्याने फॉलोअप घेत आहे. मात्र, आरक्षणाच्या चळवळीतील काही कांगावाखोर पुढारी सरकारला विनाकारण बदनाम करण्याचा प्रयत्न करत आहेत. मराठा समाजाने या बिनकामी नेत्यांच्या नादी लागू नये असे प्रतिपादन सार्वजनिक बांधकाम मंत्री तथा मराठा आरक्षण समितीचे अध्यक्ष चंद्रकांत पाटील यांनी जालन्यात बुधवारी केले.

मराठा समाजाला आरक्षण लागू झाले पाहिजे असे आमचे सत्तेत येण्याच्या पूर्वीपासूनच स्पष्ट मत आहे. त्याचाच एक भाग म्हणून मराठा समाजाच्या मोर्चाच्या वतीने करण्यात आलेल्या सगळ्या मागण्या सरकारने तातडीने मान्य केल्या आहेत. त्याची काटेकोरपणे अंमलबजावणी सरकारच्या वतीने करण्यात आली आहे. मराठा समाजाला आरक्षणाच्या एकमेव मुद्द्यावरून भडकावून देत काही नेत्यांनी या सरकारने दिलेल्या सर्व सवलती आणि लाभ याचा समाजातील सर्व घटकांना कसा फायदा होईल असे बघावे. त्याचा योग्य प्रकारे प्रचार करून समाजातील तळागाळापर्यंत या सगळ्या योजना पोहोंचल्या पाहिजेत, यासाठी अतिशय मनापासून काम करण्याची गरज आहे, असे चंद्रकांत पाटील यांनी सांगितले.

मराठा समाजाच्या २० पैकी १९ मागण्या सरकारने तातडीने मान्य केल्या आहेत. यात छत्रपती शाहू महाराज शैक्षणिक शुल्क प्रतिपूर्ती ६५० अभ्यासक्रम १२०० कोटी रुपयांची तरतूद गुणवत्तेची अट ५० टक्के, एक लाख रुपये उत्पन्न असलेल्या पालकांच्या पाल्याला शहरात ३०, ग्रामीण भागात २० हजार रुपये राहण्याचा खर्च, जिल्हास्तरावर वसतीगृह प्रति विद्यार्थी दहा हजार रुपये अनुदान, सारथी संस्था स्थापन केली सहा महिने मुदतवाढ दिली पुण्यात कार्यालय सुरू आहे. आण्णासाहेब पाटील आर्थिक विकास महामंडळाच्या वतीने व्यक्तीगत दहा लाख व समुहाने उद्योग केल्यास ५० लाखापर्यंत भागभांडवल देणार, त्याचे पाच वर्ष व्याज सरकार भरणार आहे. त्यासाठी एक हजार कोटी रुपयांची तरतूद केली आहे. यातून किमान दहा हजार लोकांना रोजगार उपलब्ध होणार आहे. कौशल्य विकाससाठी ४५० कोटी केंद्र सरकारच्या वतीने आलेले आहेत. याशिवाय समाजातील आणखी काही महत्वाच्या मागण्या असतील तर त्यांना न्याय दिला जाणार असल्याचे चंद्रकांत पाटील यांनी स्पष्ट केले. यावेळी देवगिरी नागरी बँकेचे उपाध्यक्ष तथा उद्योजक किशोर शितोळे उपस्थित होते.

नसते उद्योग थांबण्याची गरज

मराठा समाज आरक्षण संदर्भात राणे समितीचे काम चांगले आहे. पण, त्यांनी सॅम्पल सर्व्हे केला आहे, म्हणून न्यायालयाने मागास आयोगाच्या शिफारशीची मागणी केली. आम्ही तातडीने कारवाई केली २७०० पानांचा तो अहवाल दिला आहे. सर्वसाधारण मराठा समाजाला हे माहिती आहे. मात्र, समाजाला आरक्षणाच्या एकमेव मुद्द्यावरून नेहमीच अस्वस्थ करणारी नेते मंडळीचे नसते उद्योग थांबण्याची गरज असून अशा मंडळींना समाजात अजिबात थारा नाही, असे चंद्रकांत पाटील यांनी सांगितले.

मोबाइल अॅप डाउनलोड करा आणि राहा अपडेट