म. टा. प्रतिनिधी, औरंगाबाद
लहान मुलांच्या लेखन कौशल्याला वाव मिळावा म्गणून जय साहित्य प्रतिष्ठानतर्फे पहिल्यांदाच राज्यस्तरीय काव्यलेखन स्पर्धा आयोजित केली. त्यात तब्बल दोन हजार १०८ विद्यार्थ्यांनी त्यांच्या कविता पाठवल्या. या स्पर्धेतील विजेत्यांना ‘नवोन्मेष विद्यार्थी काव्यप्रतिभा’ पुरस्कार देऊन हे प्रतिष्ठान गौरवणार आहे. विशेष म्हणजे ही स्पर्धा निःशुल्क होती. बालदिनाच्या पार्श्वभूमीवर या स्पर्धेतील विजेत्यांची घोषणाही प्रतिष्ठानने केली आहे.
विद्यार्थ्यांमधील साहित्यिकाला जागृत करणे, त्याला प्रोत्साहन देणे, त्यांना व्यासपीठ उपलब्ध करून देणे हा स्पर्धेचा मुख्य उद्देश आहे. चिमुकल्याच्या काव्यप्रतिभेसमोर परीक्षकांचा सुद्धा कस लागला. जय साहित्य प्रतिष्ठानतर्फे जानेवारी २०१८मध्ये घेण्यात येणाऱ्या राज्यस्तरीय संमेलनात काव्यप्रतिभा पुरस्काराचे वितरण करण्यात येणार आहे. संमेलनात स्पर्धेत सहभागी सर्व विद्यार्थ्यांचेही स्वतंत्र काव्यसंमेलन घेणार आहोत, असे संयोजकांनी सांगितले.
राज्यस्तरीय काव्यस्पर्धेचे परीक्षण म्हणून संदीप ढाकणे, उद्धव भयवाल, अमरसिंह चंदेल, संजय घोगरे, लक्ष्मण सावंत, अश्विनी जगताप, उत्तरा अकोलकर, प्रतिभा हंप्रस आदींनी केले. स्पर्धा यशस्वी करण्यासाठी श्रीकांत कुलकर्णी, रमेश ठाकूर,राजीव मासरूळकर, कृष्णा शिंदे, प्रियाराणी पाटील,अंजली चिंचोलकर,दिगंबर अवसरमल,जगदीश मुर्तिकर, वैभव धर्माधिकारी,अविनाश वाघमारे यांचे सहकार्य लाभले.
पुरस्काराचे मानकरी
प्राथमिक गट (पहिली ते सातवी) ः प्रथम - प्रणिता संतोष शिरसाठ (जि.प. प्रशाला आपतगाव क्रमांक एक, ता. जि. औरंगाबाद), द्वितिय - अतुल संतोष कांडेलकर (जि.प. प्रशाला टिटवी, ता. सोयगाव), तृतीय - ऋतुजा राधाकिसन धोत्रे (जि.प. प्रशाला भिंदोन, ता. जि. औरंगाबाद) चतुर्थ - संस्कृती गुप्ता (अग्रसेन विद्यामंदिर, औरंगाबाद), पाचवा क्रमांक - अनिकेत भाऊसाहेब साळवे (जि.प. प्रशाला, मोरहिरा ता. जि. औरंगाबाद).
माध्यमिक गट (आठवी ते दहावी) प्रथम - पुष्कर प्रमोद लोणारकर (कवठेकर प्रशाला, पंढरपूर, जि. सोलापूर), द्वितिय - पौरवी प्रशांत चंद्रात्रे (विद्या प्रबोधिनी प्रशाला, नाशिक) तृतीय - साक्षी जंजाळ (धारेश्वर विद्यालय, पळशी ता. जि. औरंगाबाद) चतुर्थ - वैष्णवी श्रीपाद जोशी (बाल विद्यामंदिर, परभणी), पाचवा क्रमांक - अनिकेत दिलीप बोरसे (संस्कार माध्यमिक विद्यालय, औरंगाबाद).
मोबाइल अॅप डाउनलोड करा आणि राहा अपडेट