मराठवाडा असोसिएशन ऑफ स्मॉल स्केल इंडस्ट्रीज अ‍ॅन्ड अ‍ॅग्रीकल्चरच्या (मसिआ) १८ महिन्यांपासून सुरू असलेल्या लिन मॅन्युफॅक्चरिंग संकल्पना अंमलबजावणीची नुकतीच सांगता करण्यात आली. या प्रकल्पाला एमएसएमई-एनपीसीच्या व टीयुव्ही एसयुडी साऊथ एशिया कंपनीचे मार्गदर्शन मिळाले.
वाळूज येथील मासिआच्या सभागृहात सांगता समारंभ पार पडला यावेळी मासिआचे अध्यक्ष सुनील कीर्दक, एनपीसीचे प्रादेशिक संचालक टी. शंकरनारायणन व उपसंचालिका डॉ. अरुंधती चट्टोपाध्याय, सहाय्यक संचालक गौरव कदम, उद्योग सहसंचालक बी. एस. जोशी यांची उपस्थिती होती. यावेळी उल्हास गुळवणे, यशवंत महाकाळ आणि सुनील खेडकर यांचा मासिआ व दोन्ही क्लस्टरच्या सदस्यांकडून सत्कार करण्यात आला.
महाराष्ट्रात सर्वाधिक उद्योग क्लस्टर औरंगाबादमध्ये आहेत. येथील बारापैकी १० क्लस्टर मासिआच्या अंतर्गत आहेत. त्यात सुमारे १२० १२० कंपन्यांचा सहभाग आहे. इंजिनीअरिंग क्लस्टरमध्ये दहा व परिवर्तन क्लस्टरमध्ये आठ, अशा १८ कंपन्यांत उद्दिष्ट्ये साध्य करण्यात आली. ही संकल्पना सुरू करण्यासाठी मसिआचे सर्व माजी अध्यक्ष पृथ्वीराज शहा, अशोक काळे, रमण आजगावकर, भारत मोतिंगे, बालाजी शिंदे, विजय लेकुरवाळे यांनी आपापल्या कार्यकाळात प्रयत्न केले. या प्रसंगी अशोक काळे, हर्षवर्धन छल्लानी, रमण आजगावकर यांनी अनुभव सांगितले. क्लस्टरचे समन्वयक म्हणून अनिल पाटील यांनी काम पाहिले.
या लिन क्लस्टर्सचा उपयोग सहभागी कंपन्यांना झाला आहे. वार्षिक उलाढालील वाढ, उत्पादकतेत वाढ, मोकळ्या जागेत नव्या उद्योगाची स्थापना, उत्पादनाच्या गुणवत्तेत सुधार, ग्राहकांच्या तक्रारीत घट, उत्पादन रिजेक्ट होण्याचे प्रमाण कमी, कामात सुसूत्रता आणि शिस्त, नवीन विचारांना गती आदी उपयोग कंपन्यांना या संकल्पनेमुळे मिळाले आहेत.
मोबाइल अॅप डाउनलोड करा आणि राहा अपडेट
