कर्मचाऱ्यांना आग्निशमन प्रशिक्षण

November 17, 2017, 1:30 pm

≫ Next: शहरातील रेशन दुकानातून गरिबांना तांदूळ मिळेना

≪ Previous: ‘जनता की सन्मानमें, काँग्रेस मैदानमें’

$

0

0

म. टा. प्रतिनिधी, औरंगाबाद
जिल्हाधिकारी कार्यालयात गेल्या आठवड्यामध्ये शॉर्टसर्किटमुळे आग लागली होती. आग लागल्यावर फायर इस्टिंगविशरचा (सिलिंडरचा) कसा वापर करावा, काय खबरदारी घ्यायची याबाबत शुक्रवारी (१७ नोव्हेंबर) जिल्हाधिकारी कार्यालयात आयोजित प्रशिक्षणात अधिकारी कर्मचाऱ्यांनी सहभाग घेतला.

प्रात्याक्षिक व प्रशिक्षण देण्यासाठी महापालिकेच्या अग्निशामक दलातील सी. एल. भंडारे, फायरमन दीपक गाडेकर, एच. वाय. घुगे यांना बोलावण्यात आले होते. त्यांनी कर्मचाऱ्यांना अग्निशामक सिलिंडर वापरण्याबाबत सूचना दिल्या. त्यानंतर एका खोक्यात कागद टाकून जाळण्यात आले व ही आग विझवण्याचे प्रात्याक्षिक करण्याच्या सूचना दिल्या. सिलिंडर सुरू करताच खोके लांब उडाले. हे खोके महिला कर्मचारी उभ्या असलेल्या भागात जाऊन पडले. त्यामुळे धावपळ झाली. पुन्हा हे खोके उचलून आणून, त्यातील आग विझवण्याचे प्रात्याक्षिक अग्निशमन कार्यालयाच्या कर्मचाऱ्यांनी करून दाखवले.

प्रात्याक्षिक व प्रशिक्षणानंतर अग्निशामक दलाच्या कर्मचाऱ्यांशी संवाद साधला असता, ‘आम्ही मोठ्या आगी विझवतो. त्यासाठी बंब, पाण्याचा वापर होतो. असे लहान सिलिंडर आम्ही वापरत नाहीत,’ असे त्यांनी सांगितले.

मोबाइल अॅप डाउनलोड करा आणि राहा अपडेट

---

शहरातील रेशन दुकानातून गरिबांना तांदूळ मिळेना

November 17, 2017, 1:30 pm

≫ Next: डाळींब बागा संकटात

≪ Previous: कर्मचाऱ्यांना आग्निशमन प्रशिक्षण

$

0

0

म. टा. प्रतिनिधी, औरंगाबाद
अन्नसुरक्षा योजनेअंर्तत प्राधान्य कुटुंब गटातील लाभार्थ्यांना शहरातील निम्म्यापेक्षा अधिक रेशन दुकानांमधून ऑक्टोबर महिन्याचा तांदूळच मिळालेला नाही. अन्नधान्य वितरण अधिकारी कार्यालयाने रेशनदुकानदारांकडून चलन भरून घेत, त्यांना गोदामातून धान्य उचल करण्याचे परमीटही दिले होते. त्यानंतरही लाभार्थ्यांना तांदूळ मिळालेला नाही.
शहरातील रेशनदुकानदारांकडून ऑक्टोबर महिन्यात चलन, परमीटची प्रक्रिया पूर्ण केल्यानंतर त्यांना गोदामातून धान्य उचलण्याची परवानगी दिली. दुकानदारांचे परमीट गोदाम व्यवस्थापकाकडे जमा केले, यानंतर दुकानदारांनी तांदूळ उचल करून लाभार्थ्यांना वाटप करणे अपेक्षित होते. मात्र शहरातील अर्ध्यापेक्षा जास्त रेशनदुकानदारांनी तांदूळच वाटप केला नसल्याची माहिती लाभार्थ्यांकडूनही मिळाली. प्राधान्य कुटुंब गटातील लाभार्थ्यांसाठीचा सुमारे हजार क्विंटल तांदूळ गेला कुठे, असा प्रश्‍न आता उपस्थित होत आहे.
दरम्यान, रेशनच्या धान्याचा काळाबाजारा रोखण्यासाठी इलेक्ट्रॉनिक पॉइंट ऑफ सेल (ईपीओएस) मशीनद्वारे धान्य वाटप सुरू झालेले आहे. मात्र अद्याप बहुतांश लाभार्थ्यांना मॅन्यूअल पद्धतीनेच रेशन दिले जात असल्यामुळे ईपीओएस मशीनचा उपयोग किती यावर प्रश्नचिन्ह आहे. या प्रकारांमुळे धान्याचा काळाबाजार रोखण्यात जिल्हा पुरवठा अधिकाऱ्यांना अपयश आले आहे.

मोबाइल अॅप डाउनलोड करा आणि राहा अपडेट

डाळींब बागा संकटात

November 17, 2017, 1:30 pm

≫ Next: कारगिल उद्यानाची जागा पालिका परत घेणार

≪ Previous: शहरातील रेशन दुकानातून गरिबांना तांदूळ मिळेना

$

0

0

म. टा. प्रतिनिधी, फुलंब्री
कोरडे जलसाठे फुलंब्री तालुक्यात उन्हाळ्यात दुष्काळ पडणार असल्याचे सूचित करीत असून, जीवापार जपलेल्या डाळिंबाच्या व इतर फळबागा कशा वाचवायच्या, असा गंभीर प्रश्न शेतकऱ्यांना सतावत आहे. झाडांना पाणी कमी पडत असल्याने फळांची गळ होत असून विविध रोगांनीही आक्रमण केल्याने डाळींब व इतर फळबाग करणारे शेतकरी अडचणीत सापडले आहे.

फुलंब्री तालुक्यातील बोरगाव अर्ज परिसरात डाळींब उत्पादन घेणाऱ्या शेतकऱ्यांची संख्या मोठी आहे. मागील तीन ते चार वर्षांपासून सततचा दुष्काळ आणि खोलवर जात असलेली भूजल पातळी यामुळे विहिरी कोरड्या पडल्या आहेत. झाडे जगविण्यासाठी शेतकऱ्यांनी ६०० ते ७०० फुटांबर्यंत बोअरवेलही घेतल्या, त्यांनाही पाणी नाही.

मागील वर्षी झाडे वाचवीण्यासाठी टँकरने पाणी विकत घेतले, परंतु टँकरचे पाणी किती पुरणार, असा प्रश्न आहे. मागील वर्षी शासनाने राष्ट्रीय फलोत्पादन योजनेतून दिलेल्या शेततळ्यात साठविलेले पाणी हिवाळ्यात पुरले, परंतु यावर्षी शेततळीही कोरडी आहेत. या वर्षी हिवाळ्याच्या सुरुवातीलाच पाणी नाही. येणारे सात ते आठ महिने विकत पाणी घेणे शक्य नसल्याचे शेतकऱ्यांचे म्हणणे आहे.

शेतकऱ्यांना या वर्षी नाइलाजाने डाळिंबाच्या झाडावर कुऱ्हाड चालवावी लागेल, अशी शंका शेतकरी वर्तवित आहेत. बाग लावताना लाखो रुपयांचा खर्च करण्यात आला. ठिबक सिंचन संच, औषधी यांवर बराच पैसा गेला, मात्र आता मोठी झालेल्या झाडांच दुष्काळामुळे सरपण असल्याने शेतकरी हतबल झाले आहे.

वाढता खर्च, बाजारभाव कमी, वाढती मजुरी व सतत चार वर्षांपासून पडणारा दुष्काळ यांचा परिणाम म्हणून बागांचे प्रमाण कमी होत आहे, परंतु काही बागा दुष्काळाचे चटके सोसून तग धरून उभ्या आहेत, परंतु यावर्षी हिवाळ्याच्या तोंडावरच पाणी कमी पडल्याने लागलेली फळेही गळत आहेत. बागांना विविध रोगांचा प्रादुर्भाव होत असून, औषधीचा खर्चही वाढला आहे. यामुळे शेतकरी डाळिंबाच्या बागा वाचवण्यासाठी शासनाने अर्थिक मदत करावी, अशी मागणी करीत आहे.

पाच वर्षांपासून डाळिंबाची बाग जोपासली, परंतु यावर्षी हिवाळ्याच्या सुरुवातीलाच पाणी कमी पडत असून, बाग मागील वर्षी टँकरने पाणी विकत घेऊन बाग जगविली, परंतु हा खर्च यावर्षी परवडणारा नाही. पाणी नाही, तर बाग कशी जगवावी, अशी चिंता आहे. शासनाने बाग संगोपनासाठी अार्थिक मदत करावी.
- दिलीप काळे, शेतकरी

मागील वर्षी शासनाने राष्ट्रीय फलोत्पादन योजनेतून दिलेल्या शेतळ्यात पाणी साठविले होते. यावर्षी त्यात एक थेंब नाही, तर कशीबशी बाग तग धरून उभी आहे, परंतु बुरशीजन्य रोगामुळे औषधी फवारणीचा खर्च वाढला आहे. शासनाने बाग जोपासण्यासाठी अर्थिक मदत करावी.
- पंढरीनाथ खरात, शेतकरी

मोबाइल अॅप डाउनलोड करा आणि राहा अपडेट

कारगिल उद्यानाची जागा पालिका परत घेणार

November 17, 2017, 1:30 pm

≫ Next: औरंगाबादसाठी ३४ शिवशाही बस मंजूर

≪ Previous: डाळींब बागा संकटात

$

0

0

म. टा. प्रतिनिधी, औरंगाबाद
कारगिल उद्यानाच्या जागेवर जिल्हा सैनिकी कल्याण मंडळ कोणत्याच प्रकारचे काम करणार नसेल, तर त्या उद्यानाची जागा महापालिका परत घेईल, असा इशारा महापौर नंदकुमार घोडेले यांनी दिला आहे. त्या जागेवर महापालिकेतर्फे येत्या काळात स्मार्टसिटी योजनेतून स्मार्ट उद्यान विकसीत करू, असे त्यांनी स्पष्ट केले.
गारखेडा परिसरात नाथप्रांगण भागात उद्यानासाठी सुमारे सात एकर जागेचे आरक्षण आहे. तेथे कारगिल स्मृती उद्यान विकसीत व्हावे यासाठी तत्कालीन नगरसेवक पंकज भारसाखळे यांनी प्रयत्न केले. कारगिल युद्धात शहीद झालेल्या भारतीय जवानांच्या स्मृती जपणे हा उद्यानामागचा उद्देश होता. या उद्यानात इतरत्र असतात तशी खेळणी न ठेवता येथे सैनिकी पद्धतीचे खेळ शिकवण्यासाटी रचना करण्याचे ठरवण्यात आले होते. यामुळे तरूण पिढीत देशभक्ती निर्माण होऊन त्यांचा साहसी खेळांकडे ओढा वाढेल अशी अपेक्षा होती.
उद्यानाची ही संकल्पना आवड्याने तत्कालीन आयुक्त डॉ. हर्षदीप कांबळे यांनी उद्यानाच्या संपूर्ण जागेचे सपाटीकरण करून घेतले. सैनिकी पद्धतीने उद्यान विकसित करण्यासाठी उद्यानाची संपूर्ण जागा जिल्हा सैनिकी कल्याण मंडळाच्या ताब्यात देण्याचा निर्णय महापालिकेच्या सर्वसाधारण सभेत घेण्यात आला. नाममात्र शुल्क आकारून ही जागा सैनिकी कल्याण मंडळाच्या ताब्यात देण्यात आली. त्यांच्या ताब्यात जागा देऊन तीन वर्ष झाली तरी मंडळाने उद्यान विकासित करण्यासाठी काहीच केलेले नाही. विविध सामाजिक संस्थांनी पुढाकार घेवून उद्यान परिसरात वृक्षारोपण केले. यातून लावलेली ८० ते ९० टक्के झाडे जगली आहेत.
सद्यस्थितीत उद्यानाच्या जागेवर दिवसभर मुळे क्रिकेट खेळत असतात. ज्येष्ठ नागरिक सकाळ, सायंकाळ फिरण्यासाठी ज्येष्ठ नागरिक फिरणे, व्यायामासाठी मोठ्या संख्येने येतात. येथे दिवसभर ही वर्दळ, तर रात्री ठिकठिकाणी मधुशाळा भरते. त्याचा परिसरातील नागरिकांना कमालीचा त्रास होतो. सैनिकी कल्याण मंडळाने उद्यानाच्या परिसरात चालणाऱ्या अवैध धंद्यांना आळा घालण्यासाठी सुरक्षारक्षकाची खोली बांधली आहे. येथे काही दिवस सुरक्षारक्षकाची नियुक्ती करण्यात आली. त्यानंतर नियुक्त्या रद्द करण्यात आल्या. त्यामुळे या खोलीची पडझड झाली आहे.
दोन दिवसांपूर्वी महापौर घोडेले यांनी उद्यान परिसराला भेट देऊन नागरिकांसोबत चर्चा केली. उद्यान परिसरात पथदिवे नसल्याने रात्रीच्या अवैध धंदे चालतात, अशी माहिती नागरिकांनी दिली. सैनिकी कल्याण मंडळाने तीन वर्षांत उद्यान विकास केले नसल्याचे नागरिकांनी महापौरांच्या लक्षात आणून दिली. मंडळ उद्यान विकासित करणार नसेल, तर ही जागा पालिका परत घेऊन स्मार्ट उद्यान विकसित करील, असे आश्वासन महापौरांनी दिले आहे.

कारगिल स्मृती उद्यान विकासित करणे जिल्हा सैनिकी कल्याण मंडळाल जमत नसेल, त्याकडे मंडळ दुर्लक्ष करीत असेल, तर महापालिका उद्यानाची जागा पुन्हा आपल्या ताब्यात घेईल. या ठिकाणी पालिका उद्यान विकसित करू शकते. ही निर्णय नागरिकांच्या सोईसाठी घ्यावा लागणार आहे.
-नंदकुमार घोडेले, महापौर.

कारगिल स्मृती उद्यानाच्या कामाबद्दल जिल्हा सैनिकी कल्याण मंडळाच्या अधिकाऱ्याशी चर्चा करू. त्यांनी उद्यानाच्या संदर्भात डीपीआर (सविस्तर प्रकल्प अहवाल) तयार केला आहे. त्याची अंमलबजावणी तत्काळ करण्यासाठी त्या अधिकाऱ्यांना विनंती करू.
राजेंद्र जंजाळ, नगरसेवक.

कारगिल स्मृती उद्यानाचा विकास झाला पाहिजे. विकासाचे काम कुणीही करो त्याच्याशी सामान्य नागरिक म्हणून आम्हाला काही देणेघेणे नाही. ते उद्यान सैनिकांच्या स्मरणार्थ करण्याचे ठरलेले आहे. ठरल्याप्रमाणेच विकास व्हावा, उद्यानाचे पावित्र्य राखले जावे अशी अपेक्षा आहे.
जसवंतसिंग राजपूत, नागरिक

मोबाइल अॅप डाउनलोड करा आणि राहा अपडेट

औरंगाबादसाठी ३४ शिवशाही बस मंजूर

November 17, 2017, 1:30 pm

≫ Next: महापालिका पथकाचा आजपासून चीन दौरा

≪ Previous: कारगिल उद्यानाची जागा पालिका परत घेणार

$

0

0

म. टा. प्रतिनिधी, औरंगाबाद
औरंगाबाद ते निजामाबाद आणि औरंगाबाद ते विजापूरस‌ह इतर लांब पल्ल्याच्या मार्गावर शिवशाही बस चालवण्यात येणार आहे. औरंगाबाद विभाग नियंत्रक कार्यालयासाठी ३४ शिवशाही बसला मंजुरी देण्यात आली आहे. येत्या काही दिवसांत या बस औरंगाबादमध्ये दाखल होतील.
औरंगाबाद जिल्ह्यातून परराज्यात जाणाऱ्या प्रवाशांना चांगली सेवा मिळावी यासाठी शिवशाही बस सुरू करण्याची मागणी औरंगाबाद विभाग नियंत्रक कार्यालयाकडून करण्यात आली होती. मुंबईत मंगळवारी झालेल्या एसटी महामंडळाच्या बैठकीत औरंगाबादहून आलेल्या प्रस्तावावर चर्चा करण्यात आली. या प्रस्तावात लांबपल्‍ल्याच्या मार्गावर शिवशाही बस सेवा सोडण्यात याव्यात, अशी मागणी करण्यात आली. त्यानुसार ३४ शिवशाही बसला मंजुरी देण्यात आली आहे. या बस टप्प्या-टप्‍प्याने औरंगाबादला येणार असल्याची माहिती विभागीय वाहतूक अधिकारी संदीप रायलवार यांनी दिली.

या मार्गावर शिवशाही

औरंगाबाद-कोल्हापूर, औरंगाबाद -सांगली, औरंगाबाद-मुंबई, औरंगाबाद-नागपूर, औरंगाबाद-बोरिवली, औरंगाबाद-सोलापूर, औरंगाबाद-सुरत, औरंगाबाद-निजामाबाद, औरंगाबाद-अहमदाबाद, औरंगाबाद-गुलबर्गा, औरंगाबाद-विजापूर, औरंगाबाद- इंदूर आणि पैठण-मुंबई या मार्गावर शिवशाही बस सेवा सुरू केली जाणार आहे.

मुंबईच्या वेळेत बदल

औरंगाबाद-पुणे-मुंबई या मार्गावर धावणाऱ्या शिवशाही बसच्या वेळेत बदल करण्यात आला आहे. पूर्वी मध्यरात्री सव्वा बारा वाजता सुटणारी शिवशाही बस बुधवारी मध्यरात्रीपासून मध्यरात्री बारा वाजता रवाना होत आहे. ही बस पुणे येथून पहाटे पावणे सहा वाजता मुंबईला रवाना होणार आहे.

मोबाइल अॅप डाउनलोड करा आणि राहा अपडेट

महापालिका पथकाचा आजपासून चीन दौरा

November 17, 2017, 1:30 pm

≫ Next: ‘दशक्रिया’विरोधात निदर्शने

≪ Previous: औरंगाबादसाठी ३४ शिवशाही बस मंजूर

$

0

0

म. टा. प्रतिनिधी, औरंगाबाद
कचऱ्यावरील प्रक्रिया प्रकल्प पाहण्यासाठी महापालिकेचे अधिकारी व पदाधिकारी शनिवारी चीनला रवाना होणार आहेत. चीन मधील बास्को कंपनीने त्यांना प्लांट पाहण्यासाठी निमंत्रित केले आहे. पालिकेचे हे पथक २४ नोव्हेंबर रोजी शहरात परतणार आहे.
चीन मधील बास्को कंपनीने औरंगाबाद शहरात कचऱ्यावर प्रक्रिया करणारा प्लांट उभारण्याची इच्छा व्यक्त केली आहे. चीन मधील विविध शहरांत या कंपनीचे प्लांट आहे. या प्लांटमधून चालणाऱ्या कामांचे सादरीकरण कंपनीच्या प्रतिनिधींनी आयुक्त डी. एम. मुगळीकर यांच्या समोर केले होते. चीनमध्ये येऊन प्लांट पाहण्याचे निमंत्रण देखील त्यांनी दिले होते. त्यानुसार, उपमहापौर विजय औताडे, शिवसेनेचे गटनेते मकरंद कुलकर्णी, कार्यकारी अभियंता डॉ. डी. पी. कुलकर्णी, घनकचरा व्यवस्थापन कक्षप्रमुख भालचंद्र पैठणे हे चौघे स्वखर्चाने शनिवारी चीनला रवाना होणार आहेत. पुणे- कोलकातामार्गे चीन असा त्यांचा प्रवास असून कोलकाता येथील बास्को कंपनीचे समन्वयक अभिजीत चौधरी पालिकेच्या पथकासोबत जाणार आहेत. चीन मधील पाच शहरांतील प्लांट दाखवण्यात येतील, अशी माहिती औताडे यांनी दिली.

मोबाइल अॅप डाउनलोड करा आणि राहा अपडेट

‘दशक्रिया’विरोधात निदर्शने

November 17, 2017, 1:30 pm

≫ Next: नियम डावलून तिघांना झेडपीत पदोन्नती?

≪ Previous: महापालिका पथकाचा आजपासून चीन दौरा

$

0

0

म. टा. प्रतिनिधी, पैठण
दशक्रिया चित्रपटात पैठणमध्ये होत असलेल्या दशक्रिया विधीचे विकृत चित्रण करण्यात आले असून, या चित्रपटात ऐतिहासिक पैठण व येथील पुरोहितांची बदनामी करण्यात आल्याचा आरोप करत शुक्रवारी शहरातील ब्राह्मण समाजाने चित्रपटाच्या विरोधात निदर्शने करण्यात आली. निषेध म्हणून शहरातील पुरोहितानी शुक्रवारी दुपारी १२पर्यंत दशक्रिया विधी करण्यावर बहिष्कार टाकला होता.

साहित्यिक बाबा भांड यांच्या दशक्रिया कादंबरीवर आधारित हा चित्रपट तयार करण्यात आला आहे, मात्र या चित्रपटात पैठण शहरातील गोदापात्रात होत असलेल्या दशक्रिया विधीचे विकृत चित्रण करण्यात आले. ऐतिहासिक पैठण शहराची व येथील पुरोहितांची बदनामी करण्यात आली आहे. चित्रपटात बदनामीकारक शब्द वापरण्यात आल्याचा आरोप शहरातील ब्राह्मण समाजाने केला आहे. त्याच्या निषेधार्थ शुक्रवारी शहरातील ब्राह्मण समाजाने शहरातील शिवाजी चौक येथे या चित्रपटाच्या विरोधात निदर्शने केली. आमचा या चित्रपटाला विरोध नसून, या चित्रपटात ब्राह्मण समाज, ऐतिहासिक पैठण नगरी व दशक्रिया विधी यांबद्दल वापरण्यात आलेल्या काही शब्दांना आक्षेप आहे. चित्रपटातून हे शब्द वगळावेत, अशी मागणी दिलीप पोहेकर, महेश जोशी, प्रकाश वानोळे, सुयश शिवपुरी आदींनी भाषणात केली.

उपनगराध्यक्षा सुचित्रा जोशी, रेणुकादास गर्गे, कमलाकर वानोळे, रमेश पाठक, सुजाता भंडारी, वंदना शिवपुरी, सुप्रिया जोशी, अश्विनी चक्रे, अश्विनी धर्माधिकारी, कल्पना धर्माधिकारी, स्वाती जोशी, कीर्ती शिवपुरी, मंजुषा जोशी, श्रेया जोशी, राजश्री चक्रे, प्रेरणा कावसानकर आदींनी या आंदोलनात भाग घेतला.

दशक्रिया घाटावर गर्दी
दशक्रिया चित्रपटाचा निषेध म्हणून शहरातील ब्राह्मण समाजाने शुक्रवारी दुपारी १२पर्यंत दशक्रिया विधी करण्यावर बहिष्कार टाकण्यात आला होता. परिणामी, शुक्रवारी शहरात दशक्रिया विधी करण्यासाठी आलेल्यांना मोठा त्रास सहन करावा लागला. त्यांना १२पर्यंत दशक्रिया विधी होण्याची वाट बघावी लागली. यामुळे, हा विधी करणाऱ्याची दशक्रिया घाटावर मोठी गर्दी झाली होती.

मोबाइल अॅप डाउनलोड करा आणि राहा अपडेट

नियम डावलून तिघांना झेडपीत पदोन्नती?

November 17, 2017, 1:30 pm

≫ Next: ‘जलयुक्त’ची कामे ९१५ गावांत तुंबली!

≪ Previous: ‘दशक्रिया’विरोधात निदर्शने

$

0

0

म. टा. प्रतिनिधी, औरंगाबाद
जिल्हा परिषदेच्या पंचायत विभागात खुल्या प्रवर्गातील तीन अधिकाऱ्यांना नियम डावलून पदोन्नती दिल्याचा आरोप जिल्हा परिषदेचे काँग्रेस सदस्य किशोर बलांडे यांनी केला आहे. पदोन्नती देऊ नये, असे स्पष्ट निर्देश असल्याचा बलांडे यांचा तर, नियम डावलून कुठलीच कार्यवाही केली नाही, नियमांचे काटेकोर पालन केले आहे, असा दावा मुख्य कार्यकारी अधिकारी मधुकरराजे अर्दड यांनी केला आहे.
पंचायत विभागातील तीन कर्मचाऱ्यांना ग्रामविस्तार अधिकारी पदावर पदोन्नती देण्याचे प्रकरण खूप दिवसांपासून प्रलंबित होते. पदोन्नती समितीच्या १४ नोव्हेंबर रोजी झालेल्या बैठकीत तीन्ही कर्मचाऱ्यांना पदोन्नती देण्याची शिफारस करण्यात आली. सदस्य सचिवांनी राज्य सरकारच्या दोन नोव्हेंबरच्या परिपत्रकाचा आधार घेत ज्येष्ठता सूची तपासून शासनाच्या मार्गदर्शनानुसार पदोन्नती देणे योग्य राहील, असे मत नोंदविले. ‘राज्य सरकारने दोन नोव्हेंबर रोजी परिपत्रक काढून १३ नोव्हेंबरपर्यंत पदोन्नती करू नयेत, तसेच आदेश निर्गमित करू नयेत, असे कळविले होते. मात्र हा आदेश डावलून पदोन्नतीचे आदेश काढले. हा आदेशाचा अवमान असून हे प्रकरण न्यायप्रविष्ट असल्याने नियमभंग होत आहे,’ असा आरोप बलांडे यांनी केला.
पदोन्नतीसंदर्भात ३१ मार्च २०१७ची ज्येष्ठता सूची विचारात घेणे आवश्यक असून या संदर्भात सामान्य प्रशासन विभागाने विभागीय आयुक्तांकडे मार्गदर्शन मागविले आहे. जिल्हा परिषदेच्या ज्येष्ठता सूचीत त्रुटी राहिल्यास त्या दूर करण्यासाठी वरिष्ठ कार्यालयाकडून मार्गदर्शन मागविण्यात आले आहे. मार्गदर्शन येण्यापूर्वीच पदोन्नती दिल्याने नियम डावलल्याची चर्चा सदस्यांमध्ये आहे.

पदोन्नत नियमानुसारच

पदोन्नती देण्यात नियम डावललेला नाही. मुळातच खुल्या प्रवर्गातील पदोन्नतीचा विषय खूप दिवसांपासून प्रलंबित होता. पदोन्नती समितीच्या बैठकीत यावर चर्चा झाली होती. वरिष्ठ कार्यालयाच्या आदेशानुसार १३ तारखेपर्यंत पदोन्नती आदेश दिले नाहीत, १४ तारखेला त्यावर निर्णय घेतला. ही पदोन्नती नियमाला अधीन राहून दिलेली आहे. आक्षेप असेल त्यांनी वरिष्ठ कार्यालयात दाद मागावी. सेवाज्येष्ठता व अन्य बाबी तपासूनच पदोन्नती दिली आहे, असे यासंदर्भात सीइओ अर्दड यांनी सांगितले.

मोबाइल अॅप डाउनलोड करा आणि राहा अपडेट

---

‘जलयुक्त’ची कामे ९१५ गावांत तुंबली!

November 17, 2017, 1:40 pm

≫ Next: ​ लोकसंख्येच्या प्रमाणात पोलिस आहेत का?

≪ Previous: नियम डावलून तिघांना झेडपीत पदोन्नती?

$

0

0

म. टा. प्रतिनिधी, औरंगाबाद
दुष्काळी भाग सुजलाम सुफलाम व्हावा, ही आकांक्षा बाळगून सुरू केलेल्या जलयुक्त शिवार योजनेत यंदाही मराठवाड्यातील १५१८ गावांपैकी ९१५ ठिकाणी कामे तुंबली आहेत. त्यामुळे डिसेंबर अखेरची डेडलाइन आता ३१ मार्च २०१८ करण्यात आल्याची माहिती सूत्रांनी दिली.

‘सर्वांसाठी पाणी’ ब्रीद हाती घेऊन राज्य शासनाने हाती घेतलेल्या जलयुक्त शिवार अभियानाची यावर्षीही ढकलगाडी सुरू आहे. शासनाच्या या महत्वकांक्षी अभियानासाठी निधीची कसलिही कमतरता नाही, तरीही कामे पूर्ण होत नसल्याचे चित्र आहे. २०१५–१६मध्ये कामे पूर्ण करण्यासाठी दोन वेळेस मुदतवाढ दिल्यानंतर कामे पूर्ण झाली होती. प्रशानाने आता २०१७–१८च्या नवीन गावांची यादी तयार करून आराखडे तयार करण्याची तयारी सुरू केले असून, येत्या काही दिवसांत नवीन कामांनाही सुरुवात होईल, मात्र गेल्यावर्षीची निम्म्या गावातील कामे अपूर्ण असल्यामुळे यंदाही पुन्हा पहिले पाढे पंचावन्न अशी स्थिती निर्माण होणार हे निश्चित. या वर्षामध्ये १५१८ गावांपैकी केवळ ६०३ गावांमध्ये शंभर टक्के काम पूर्ण झाले आहे. औरंगाबाद जिल्ह्यात सर्वाधिक १९६ तर नांदेड जिल्ह्यात १११ गावांमध्ये शंभर टक्के कामे पूर्ण झाली आहेत. उर्वरित जिल्ह्यात मात्र निम्‍म्याही गावांमध्ये शंभर टक्के कामे झाली नाहीत.

उत्कृष्ट जिल्हे मागे
जलयुक्त शिवार अभियानात उत्कृष्ट काम केले म्हणून २०१५ – १६ वर्षीचा पुरस्कार उस्मानाबाद आणि बीड जिल्ह्याला देण्यात आला, मात्र २०१६–१७ मध्ये हे जिल्हे खर्चात पुढे आणि कामे करण्यात मागे राहिले आहेत. उस्मानाबाद जिल्ह्यात ७५ कोटी नऊ लाख रुपये खर्चून १९१ गावांपैकी १६५ गावांमध्ये कामे अपूर्ण आहेत, तर बीड जिल्ह्यात आतापर्यंत ९६ कोटी खर्च करून १६७ गावे अद्यापही जलयुक्तच्या प्रतिक्षेत आहेत.

मराठवाड्यातील स्थिती
---
जिल्हा………. निवडलेली गावे……१०० टक्के कामे पूर्ण
---
औरंगाबाद…………..२२३……………९६
जालना………………१८६………………७१
बीड………………..२५६………………८९
परभणी…………….१६०………………३४
हिंगोली…………….१००.................६०
नांदेड………………..२२६……………१११
लातूर………………१७६……………..१६
उस्मानाबाद……………१९१……………२६
---
एकूण…………………१५१८……………६०३

मोबाइल अॅप डाउनलोड करा आणि राहा अपडेट

​ लोकसंख्येच्या प्रमाणात पोलिस आहेत का?

November 17, 2017, 1:41 pm

≫ Next: ​ विद्यापीठात योग भवन उभारणार

≪ Previous: ‘जलयुक्त’ची कामे ९१५ गावांत तुंबली!

$

0

0

म. टा. विशेष प्रतिनिधी, औरंगाबाद
पोलिस दलातील तपास व सुरक्षा शाखा स्वतंत्र असण्यासंबंधी राज्यशासनाकडे विचारणा करण्यात आली आहे. मुंबई उच्च न्यायालयाच्या औरंगाबाद खंडपीठाचे न्या. रवींद्र बोर्डे आणि न्या. विभा कंकणवाडी यांनी पुढील सुनावणी २४ नोव्हेंबरला ठेवली आहे. शासनाने काय कारवाई यासंदर्भात केली ? अशी विचारणा खंडपीठाच्या वतीने करण्यात आली आहे.

खंडपीठाने २००८मध्ये दाखल करून घेतलेल्या जनहित याचिकेत महाराष्ट्र शासन, गृह विभाग आदींना नोटीस बजावून उत्तर दाखल करण्यात सांगितले होते. २०१०मध्ये राज्याच्या गृह विभागाचे अतिरिक्त सचिव यांनी शपथपत्र सादर केले. औरंगाबाद पोलिस आयुक्तालयात अडीचशे लोकसंख्येला एक पोलिस कर्मचारी जरुरी असताना प्रत्यक्षात सातशे लोकसंख्येला एक कर्मचारी असल्याचे सांगण्यात आले. शहराच्या लोकसंख्येनुसार आठ हजार पोलिसांची गरज असून प्रत्यक्षात साडेतीन हजार पोलिस कर्मचारी असल्याचे सांगण्यात आले. शिवाय पोलिसांना देण्यात येणाऱ्या सेवा सुविधांसंबंधी याचिकेत विचारणा करण्यात आली आहे. सर्वोच्च न्यायलयाने २००६मध्ये सर्व राज्यांना यासंबंधी निर्देश दिलेले आहेत. राज्य व राष्ट्रीय स्तरावर समित्या स्थापन करण्यासंबंधी निर्देश दिलेले आहेत. पोलिस दलातील विविध पदांच्या नियुक्त्या, कार्यकाळ, पदस्थापना आणि बदल्या यासंबंधी नियमावली तयार करण्यासाठी राज्य सुरक्षा आयोगाची स्थापना करण्याचे निर्देश दिले आहेत. निवृत्त जिल्हा न्यायाधीश व पोलिस दलातील अधिकारी आदींची समिती यासंबंधी नियमावली तयार करणार आहे. पोलिस महानिरीक्षक ते पोलिस महासंचालक यांची निवड, कार्यकाळ व नियुक्तीसंबंधी पावले उचलण्यात आल्याचे सहायक सरकारी वकिलांनी खंडपीठाच्या निदर्शनास आणून दिले. या प्रकरणात राज्यशासनातर्फे सरकारी वकील अमरजितसिंह गिरासे, पोलिस दलातर्फे सहायक सरकारी वकील सुनील सोनपावले यांनी काम पाहिले.

दोन आठवड्यात मागवला खुलासा
सर्वोच्च न्यायलयाच्या निर्देशाप्रमाणे देशभरातील राज्यांना आपल्या पोलिस दलातील तपास व सुरक्षा शाखा स्वतंत्र असल्याबद्दल निर्देश देण्यात आले आहेत. उपरोक्त निर्देशांचे पालन केले जात आहे का, अशी विचारणा करण्यात आलेली आहे. पोलिसांची नियुक्तीची सद्यस्थिती, लोकसंख्येच्या प्रमाणात पोलिस कार्यरत आहेत का? अशी विचारणाही करण्यात आली आहे. सर्वोच्च न्यायलयाच्या निर्देशानुसार राज्य शासनाने विविध समित्यांची स्थापना केली आहे काय? वाहतूक व्यवस्थेत सुसुत्रता आणण्यासाठी काय केले याबद्दल दोन आठवड्यात खुलासा करण्याचे निर्देश राज्यशासनास दिले.

मोबाइल अॅप डाउनलोड करा आणि राहा अपडेट

​ विद्यापीठात योग भवन उभारणार

November 17, 2017, 1:42 pm

≫ Next: डोक्यात गोळी झाडून ऑडिटरची आत्महत्या

≪ Previous: ​ लोकसंख्येच्या प्रमाणात पोलिस आहेत का?

$

0

0

म. टा. प्रतिनिधी, औरंगाबाद
‘सौदी अरब देशाने योगशास्त्राला क्रीडाचा दर्जा दिला. प्राचीन योगशास्त्राचा वारसा लाभलेल्या भारतानेही योगाचे आचरण करण्याची गरज आहे. धकाधकीच्या जीवनात निरोगी राहण्यासाठी योग महत्त्वपूर्ण आहेत. डॉ. बाबासाहेब आंबेडकर मराठवाडा विद्यापीठ योगशास्त्र विभाग सुरू करणारे देशातील पहिले विद्यापीठ आहे. या विद्यापीठात योग भवन उभारण्यासाठी योग्य निधी देण्यात येईल,’ असे प्रतिपादन केंद्रीय आयुष मंत्री श्रीपाद नाईक यांनी शुक्रवारी केले.

योगशास्त्र विभागाचे उदघाटन केल्यानंतर ते बोलत होते. डॉ. बाबासाहेब आंबेडकर मराठवाडा विद्यापीठात ‘एम. ए. इन योगा’ अभ्यासक्रम सुरू झाला आहे. कार्यक्रमाला कुलगुरू डॉ. बी. ए. चोपडे, महाराष्ट्र आरोग्य विज्ञान विद्यापीठाचे कुलगुरू डॉ. दिलीप म्हैसेकर, कुलसचिव डॉ. साधना पांडे, विशेष कार्य अधिकारी डॉ. वाल्मिक सरवदे, लेखाधिकारी डॉ. नंदकुमार राठी व योगशास्त्र विभागाचे समन्वयक डॉ. जयंत शेवतेकर यांची प्रमुख उपस्थिती होती. देशात योगाचा प्रसार करण्याची गरज असल्याचे प्रतिपादन नाईक यांनी केले. ‘आरोग्याकडे दुर्लक्ष असल्यामुळे शारिरीक व्याधी जडल्या आहेत. आजारी पडल्यानंतर आरोग्याची आठवण येते. प्राचीन योगाचे आचरण केल्यास सर्वजण निरोगी राहू शकतील. सातत्याने औषधी घेतल्याचे वाईट परिणाम दिसतात. कॅन्सरसारखे आजार यातूनच होतात. सौदी अरब देशाने योगाला क्रीडाचा दर्जा दिला आहे. भारताने दुसऱ्यांना योगाचे महत्त्व सांगण्यापूर्वी स्वतः अंमलबजावणी करावी. कर्नाटक, गोवा, महाराष्ट्र, तामिळनाडू अशा प्रत्येक राज्यात पहिल्या टप्प्यात शंभर योगा केंद्र सुरू करण्यात येणार आहेत. या कामासाठी एक हजार कोटी रुपये खर्च करण्यात येणार आहेत,’ असे नाईक म्हणाले. डॉ. बाबासाहेब आंबेडकर मराठवाडा विद्यापीठाच्या योगशास्त्र विभागाला आरोग्य विज्ञान विद्यापीठ सहकार्य करील अशी घोषणा डॉ. दिलीप म्हैसेकर यांनी केली. उदघाटन सोहळ्यापूर्वी नृत्य विभागाच्या विद्यार्थ्यांनी भरतनाट्यम सादर केले. योगशास्त्र विभागाच्या विद्यार्थ्यांनी योग प्रात्यक्षिक केले. या कार्यक्रमाचे प्रास्ताविक डॉ. जयंत शेवतेकर यांनी केले.

नेमका निधी किती ?
विद्यापीठात योग भवन उभारण्यासाठी आयुष मंत्रालयाने २५ कोटी रुपये निधी द्यावा अशी मागणी डॉ. जयंत शेवतेकर यांनी केली. ‘योगा इन नॅचरोपॅथी सेंटरसाठी ९० लाख रुपये निधीची योजना आहे. या योजनेतून निधी देण्यात येईल. योग भवनासाठी कोट्यवधी रुपये देऊ’ अशी मोघम घोषणा नाईक यांनी केली. त्यावर पत्रकारांनी निधीबाबत विचारणा केली असता पाच कोटी रुपये देण्याचे आश्वासन नाईक यांनी दिले. त्यामुळे योग भवन उभारण्यासाठी नेमका निधी किती मिळणार याचा उलगडा झाला नाही.

अडीच तास खोळंबा
पुण्याच्या वाहतूक कोंडीचा सामना करीत आयुष मंत्री श्रीपाद नाईक यांना औरंगाबाद गाठले. दुपारी तीन वाजता सुरू होणारा योगशास्त्र विभागाचा उदघाटन सोहळा तब्बल अडीच तास उशिरा सुरू झाला. नाईक यांची वाट पाहून कंटाळलेले विद्यार्थी आणि नागरिक निघून गेले. त्यामुळे मुख्य कार्यक्रमाला सभागृहात नगण्य उपस्थिती होती.

मोबाइल अॅप डाउनलोड करा आणि राहा अपडेट

डोक्यात गोळी झाडून ऑडिटरची आत्महत्या

November 17, 2017, 1:44 pm

≫ Next: डाळींना आता चांगला भाव

≪ Previous: ​ विद्यापीठात योग भवन उभारणार

$

0

0

म. टा. प्रतिनिधी, औरंगाबाद
सहकार विभागातील विशेष लेखापरीक्षकाने डोक्यात गोळी झाडून आत्महत्या केल्याची घटना शुक्रवारी सकाळी पा‍वणेनऊ वाजता शिवाजीनगरात घडली. सुधाकर अभिमन्यू मुंढे (वय ४८) असे मृताचे नाव आहे.

पुंडलिकनगर पोलिसांनी दिलेल्या माहितीनुसार सुधाकर हे पत्नी, एक मुलगी व दोन मुलांसह सह्यादी हिल्स् भागात वास्तव्यास होते. शुक्रवारी सकाळी मुलगा विराजला शाळेत सोडण्यासाठी गेले, मात्र मुलाला शाळेच्या बसमध्ये न बसवता त्याला परत घरी आणले. मुंढे यांची पत्नी पाणी भरत होती, तर मुलगी स्वंयपाक घरात काम करत होती. हॉलमध्ये आराम खुर्चीवर एकटे बसलेल्या मुंढे यांनी अचानक स्वतःच्या डोक्यात आपल्या खासगी रिव्हॉल्वरने गोळी झाडली. आवाज एकूण मुलगी व पत्नी धावत आल्या. शेजाऱ्यांनीही धाव घेतली. त्यांनी पुंडलिकनगर पोलिसांना घटनेची माहिती दिली. एसीपी रामेश्वर थोरात, नागनाथ कोडे, निरीक्षक अशोक मुदिराज यांनी घटनास्थळी धाव घेतली. नगरसेवक राजेंद्र जंजाळ यांनी देखील घटनास्थळ गाठले. मुंढेचा मृतदेह शवविच्छेदनासाठी घाटी रुग्णालयात पाठवण्यात आला. घटनास्थळाचा पंचनामा पोलिसांनी केला. या प्रकरणी पोलिस ठाण्यात अकस्मात मृत्यूची नोंद करण्यात आली आहे.

कारण अस्पष्ट
मुंढे यांच्या आत्महत्येचे कारण अद्याप समजू शकले नाही. मुंढे हे मुळचे वडवणी (जि. बीड) येथील रहीवासी होते. रागीट स्वभावाचे असल्याने त्यांच्या कुटुंबात कलह निर्माण झाला होता. त्यांची पत्नी व मुले त्यांच्यासोबत राहत नव्हते. सात महिन्यांपूर्वीच सर्व कुटुंब एकत्र राहण्यास आले असल्याची माहिती पोलिसांनी दिली.

सासऱ्यावरही केला होता गोळीबार
मुंढे यांच्याकडे खासगी पिस्तुलाचा परवाना होता. परभणी येथे सासऱ्यासोबत झालेल्या वादानंतर त्यांच्यावर देखील मुंढे यांनी रागाच्या भरात गोळीबार केला होता. याप्रकरणी परभणी येथील पोलिस ठाण्यात खुनाच्या प्रयत्नाचा गुन्हा दाखल असल्याची माहिती पोलिसांनी दिली.

मोबाइल अॅप डाउनलोड करा आणि राहा अपडेट

डाळींना आता चांगला भाव

November 17, 2017, 2:11 pm

≫ Next: लातूर: ट्रक-एसटीच्या भीषण अपघातात ६ जण ठार

≪ Previous: डोक्यात गोळी झाडून ऑडिटरची आत्महत्या

$

0

0

म. टा. प्रतिनिधी, लातूर
देशात २००६ पासून सर्व प्रकारच्या डाळीवर निर्यात बंदी होती. यामुळे शेतकऱ्यांना बाजारात कडधान्य आणि तेलबियाला हमीभावापेक्षा कमी भाव मिळत होता. परंतु, गुरुवारी केंद्र शासनाने अधिसूचना काढून सर्व प्रकारच्या डाळीवरील निर्यात बंदी उठवली आहे. त्यामुळे आता देशातील शेतकरी हे आपल्या डाळी परदेशात विक्री करू शकतील. त्यामुळे डाळींना बाजारभावही चांगला मिळेल, अशी माहिती राज्य कृषी मूल्य आयोगाचे अध्यक्ष माजी आमदार पाशा पटेल यांनी दिली.

मुख्यमंत्री देवेंद्र फडवणीस यांची भेट घेऊन या प्रश्नी केंद्र सरकारला पत्रव्यवहार करण्याची विनंती केली होती. केंद्रीय मंत्री नितीन गडकरी यांच्या पुढाकाराने नवी दिल्ली येथे अर्थमंत्री अरुण जेटली यांच्या अध्यक्षतेखाली २७ जुलै रोजी मंत्रीस्तरीय बैठक झाली. या बैठकीमुळे देशातील आयात निर्यातीच्या धोरणात आमूलाग्र बदल करण्यात आले. या बैठकीनंतर केंद्र सरकारने हमीभावापेक्षा अधिक भाव मिळण्याकरिता चार अधिसूचना काढल्या. याचे फलस्वरुप केंद्र सरकारने दोन लाख टनापेक्षा जास्त तूर आयात न करण्याचा निर्णय घेतला. आयात होणाऱ्या खाद्यतेलावर दहा टक्के आयात शुल्क आणि सोयाबीन तेलावर पाच टक्के आयात शुल्क लावण्याचा निर्णय घेतला. मूग आणि उडीद तीन लाख टनापेक्षा जास्त आयात न करण्याचा निर्णय घेतला. तसेच उडीद आणि मूग डाळींच्या निर्यातीवरील बंदी पूर्णपणे उठवली. कडधान्य व तेलबियांच्या बाजारात पडलेल्या दरासंदर्भात दुसरी बैठक केंद्रीयमंत्री नितीन गडकरी यांच्या अध्यक्षतेखाली एक नोव्हेंबर रोजी दिल्लीत झाली. या बैठकीला केंद्रीय कृषिमंत्री राधा मोहन सिंग, रामविलास पासवान, कॅबिनेट सचिव पी. के. सिन्हा, पंतप्रधान कार्यालय सचिव नृपेंद्र मिश्रा आणि संबधित सर्व मंत्रालयीन सचिव उपस्थित होते. या बैठकीनंतर ८ नोव्हेंबरला पिवळया मटारवर ५० टक्के आयात शुल्क वाढवण्याचा निर्णय झाला. आता गुरुवारी केंद्र सरकारने अधिसूचना काढून सर्व प्रकारच्या डाळीवरील निर्यात बंदी उठवली आहे. त्यामुळे शेतकरी वर्गास ‘अच्छे दिन’ येतील, असे पटेल म्हणाले.
रीफाईन पाम तेलावर ४५ टक्के आयात शुल्कात वाढ, क्रुड पाम तेलावर ३५
टक्के आयात शुल्कात वाढ, सोयाबीन, सूर्यफूल, मोहरी इ. खाद्यतेलांवर ३० टक्के आयात शुल्कात वाढ, सोयाबीन पेंड निर्यात प्रोत्साहन अनुदानात पाच टक्के वरून दहा टक्के वाढ करावी अशी मागणी राज्य कृषी मूल्य आयोगाच्या वतीने केंद्र शासनाकडे करण्यात आली आहे. याची अंमलबजावणी होणे अपेक्षित आहे. आतापर्यंत तीन महिन्यांच्या कार्यकाळात शेतमालाच्या दरासंदर्भात सहा अधिसूचना निघाल्या असून आता सोयाबीनच्या दरासंदर्भात महत्वाचे चार निर्णय होणे शिल्लक आहेत, तेही लवकरच होणे अपेक्षित आहे. झालेल्या निर्णयामुळे बाजारात शेतमालाला चांगला दर मिळणार आहे.


सोयाबीन बाजारात विक्रीसाठी आणू नका
शेतकऱ्यांनी धीर धरावा व सोयाबीन बाजारात विक्री करीता आणू नये असे आवाहन पटेल यांनी केले आहे. घेतलेल्या निर्णयाबद्दल पंतप्रधान नरेंद्र मोदी, मुख्यमंत्री देवेंद्र फडणवीस, केंद्रीय मंत्री नितीन गडकरी यांचे पटेल यांनी आभार मानले.



दहा वर्षांनी निर्यात बंदी उठली आहे. त्याचा शेतकरी वर्गास व देशाला नक्कीच फायदा होणार असून त्याला वेळ लागणार आहे. आपल्या भागात हरभऱ्याचा पेरा वाढल्यामुळे पुढच्या हंगामात त्याचा फायदा होईल.
नितीन कलंत्री, डाळ उत्पादक, लातूर

मोबाइल अॅप डाउनलोड करा आणि राहा अपडेट

लातूर: ट्रक-एसटीच्या भीषण अपघातात ६ जण ठार

November 18, 2017, 4:04 am

≫ Next: पक्षी मित्रांमुळे वाचला जखमी घुबडाचा जीव

≪ Previous: डाळींना आता चांगला भाव

$

0

0

मटा ऑनलाइन वृत्त । लातूर

लातूर येथील औसा तालुक्यात चलबुर्गा लामजना फाट्यावर ट्रक आणि एसटी बसचा भीषण अपघात झाला. या भीषण अपघातात १० जण ठार झाले असून ३१ जण जखमी झाले असल्याची प्राथमिक माहिती हाती आली आहे.

दुपारी तीन वाजण्याच्या सुमारास हा अपघात झाला. हा अपघात इतका भीषण होता की बसच्या एका भागाचा चक्काचूर झाला. लातूर येथून निघालेली एसटी बस चलबुर्गा पाटीजवळ पोहचली होती. त्याच दरम्यान, लामजना येथून निघालेल्या ट्रकने बसला जोरदार धडक दिली. जखमींना उपचारांसाठी स्थानिक रुग्णालयात दाखल करण्यात आले आहे. या भीषण अपघातामध्ये एसटीचे चालक आणि वाहक वाहक गंभीर जखमी झाले आहेत. मृतांची ओळख पटवण्याचे काम सुरू आहे.

मोबाइल अॅप डाउनलोड करा आणि राहा अपडेट

पक्षी मित्रांमुळे वाचला जखमी घुबडाचा जीव

November 18, 2017, 7:22 am

≫ Next: ​ देहदानाची भीती कशाला?

≪ Previous: लातूर: ट्रक-एसटीच्या भीषण अपघातात ६ जण ठार

$

0

0

म. टा. प्रतिनिधी, औरंगाबाद
जखमी अवस्थेतील एका घुबडाचा जीव पक्षीमित्रांमुळे वाचला आहे. मांजराने केलेल्या हल्ल्यात घुबड जखमी झाले होते. त्याच्यावर उपचार सुरू असून प्रकृतीत सुधारणा असल्याचे पक्षीमित्र डॉ. किशोर पाठक यांनी सांगितले.
देवगिरी इंजनिअरिंग कॉलेजचे विद्यार्थी मिथुन कणिसे आणि श्रीकांत एलीकर हे दोघे पाच दिवसांपूर्वी कॉलेज परिसरातून जात होते. त्यावेळी मांजराने एका घुबडावर हल्ला केल्याचे त्यांच्या निदर्शनास आले. मिथून व श्रीकांत त्यांनी धाव घेत चिमुकल्या पक्षाची मांजरीच्या तावडीतून सुटका केली.
परंतु, त्यांना जखमी घुबड पकडता येत नव्हता. त्यामुळे त्यांनी तातडीने घटनेची माहिती पक्षीमित्र डॉ. किशोर पाठक यांना सांगितली. डॉ. पाठक यांनी नितेश जाधव यांना घटनास्थळी पाठवत पक्षी क्लिनिकमध्ये सुखरूप आणला. जखमी घुबडावर डॉ. पाठक यांनी तातडीने उपचार सुरू केले. नियमित औषध उपचारामुळे घुबडाची प्रकृती सुधारत असून जखमा भरल्याचे डॉ. पाठक यांनी सांगितले. येत्या आठवड्याभरात घुबडास सुरक्षित अधिवासात सोडले जाईल, अशी माहिती त्यांनी दिली.

मोबाइल अॅप डाउनलोड करा आणि राहा अपडेट

---

​ देहदानाची भीती कशाला?

November 18, 2017, 10:16 am

≫ Next: अर्णव, नीरज, मृण्मयीची आगेकूच

≪ Previous: पक्षी मित्रांमुळे वाचला जखमी घुबडाचा जीव

$

0

0

म. टा. प्रतिनिधी, औरंगाबाद
‘मी एसटी ड्रायव्हर म्हणून रिटायर झालो. आता रिक्षा चालवितो. मला देहदान करण्याची इच्छा होती. पत्नीने मात्र विरोध दर्शविला. ३५ वर्षे संसार करूनही तिला मी देहदान केल्यानंतर मुक्ती मिळणार नाही. भूत होईन, अशी भीती वाटते. ३५ वर्षे माझ्यासोबत संसार करून भीती वाटली नाही, मग देहदान केल्यानंतर काय भीती बाळगायची ? आज माझ्या सुनेने या कार्यक्रमासाठी पाठविले आणि येताना दोन फॉर्म घेऊन येण्यास सांगितले. येथून मी माझ्यासाठी व सुनेसाठी देहदानाचा फॉर्म घेऊन जात आहे,’ असे ब्रह्मानंद गाढवे यांनी सांगताच सभागृहात टाळ्यांचा कडकडाट झाला.

निमित्त होते. शासकीय वैद्यकीय महाविद्यालयातील शरीररचनाशास्त्र विभागातर्फे आयोजित देहदान ऋणनिर्देश सोहळ्याचे. घाटीच्या अॅनॉटॉमी विभागात गेल्या तीन वर्षांत देहदान केलेल्या कुटुंबीयांचा सत्कार करण्याची अभिनव कल्पना विभागप्रमुख डॉ. शिवाजी सुक्रे यांनी अधिष्ठाता डॉ. कानन येळीकर यांना बोलून दाखविली आणि शनिवारी हा सोहळा घडवून आणला. महाराष्ट्रात अशा प्रकारचा बहुदा हा पहिलाच कार्यक्रम होता. मुंबई हायकोर्टाच्या औरंगाबाद खंडपीठाचे न्या. पी. आर. बोरा, वैद्यकीय शिक्षण विभागाचे सहसंचालक डॉ. सुरेश बारपांडे, जिल्हाधिकारी डॉ. नवल किशोर राम, उपायुक्त वर्षा ठाकूर यांची प्रमुख पाहुणे म्हणून उपस्थिती होती. शासकीय वैद्यकीय महाविद्यालयाच्या अधिष्ठाता डॉ. कानन येळीकर अध्यक्षस्थानी होत्या.
शरीररचनाशास्त्र विभागाच्या वतीने ६९ कुटुंबीयांना आजच्या सोहळ्यासाठी निमंत्रित केले होते. त्यापैकी ५७ कुटुंबीय उपस्थित होते. न्यायमूर्ती बोरा यांच्या आईने देहदान केले आहे. यासंदर्भात बोरा म्हणाले, ‘आई चौथी शिकलेली. वडिलांच्या निधनानंतर आई मला म्हणाली की कर्मकांड वैगेरे काही करू नकोस. तुला जे योग्य वाटेल ते कर. काही कारणामुळे वडिलांचे देहदान करता आले नाही, पण स्वतःचे देहदान करण्याचा निर्णय आईने घेतला होता. नातेवाईक काय म्हणतील याची चिंता न करता तिचा निर्णय ठाम होता. मृत्यूनंतरही आपला देह कोणाच्या तरी कामाला यावा, असे तिचे मत होते,’ अशा हृदयस्पर्शी भावना त्यांनी व्यक्त केल्या. डॉ. बारपांडे म्हणाले, ‘मी आईचे देहदान केले आहे. समाजात देहदानाची चळवळ रुजायला हवी. यासाठी माध्यमांनी पुढाकार घेतला पाहिजे.’ यावेळी वर्षा ठाकूर यांनी देहदान करणार असल्याचे सांगितले.

काळजीने हाताळा
जिल्हाधिकारी नवलकिशोर राम यांनी उत्कृष्ट डॉक्टर घडण्यासाठी त्यांना मानवी देह अभ्यासासाठी लागतो. देहदानासाठी समाजाने पुढाकार घ्यावा, असे आवाहन केले. ‘देह हाताळताना काळजीने हाताळा. या देहाशी अनेकांच्या भावना जोडलेल्या असतात, याची जाणीव ठेवा,’ असे आवाहन डॉ. कानन येळीकर यांनी केले. देहदान केलेल्या व्यक्तीच्या कुटुंबीयांना सरकारी रुग्णालयांतून मोफत आरोग्य सेवा द्यावी, अशी मागणी डॉ. सुक्रे यांनी केली. डॉ. रश्मी बेंगाली यांनी सूत्रसंचालन केले. डॉ. प्रतिमा कुलकर्णी यांनी आभार मानले.

मोबाइल अॅप डाउनलोड करा आणि राहा अपडेट

अर्णव, नीरज, मृण्मयीची आगेकूच

November 18, 2017, 1:30 pm

≫ Next: वसुलीच्या माध्यमातून उत्पन्न वाढीवर भर द्या

≪ Previous: ​ देहदानाची भीती कशाला?

$

0

0

अर्णव, नीरज, मृण्मयीची आगेकूच
राष्ट्रीय टेनिस स्पर्धा
म. टा. प्रतिनिधी, औरंगाबाद
एन्ड्युरन्स टेनिस सेंटरतर्फे आयोजित १२ वर्षांखालील राष्ट्रीय मानांकन सीरिज टेनिस स्पर्धेत औरंगाबादच्या अर्णव पांगारकर, नीरज रिंगणगावकर, मृण्मयी जोशी यांनी आगेकूच केली.
विभागीय क्रीडा संकुलातील एन्ड्युरन्स टेनिस सेंटरमध्ये शनिवारी स्पर्धेला प्रारंभ झाला. या स्पर्धेत ८० खेळाडू सहभागी झाले आहेत. मुलांच्या गटात अर्णव पांगारकरने पुण्याच्या अत्रेय रावचा ८-२ असा पराभव केला. नीरज रिंगणगावकरने सांगलीच्या वेदांत भोसलेला ८-२ असे पराभूत केले. या गटात पार्थ देवरूखकर व आर्यन काळे यांनी आगेकूच केली आहे. मुलींच्या गटात मृण्मयी जोशीने नांदेडच्या समृद्धी भोसलेवर ८-२ असा विजय नोंदवला. या गटात सानिका भोगाडे, रिधिमा शॉ, सैसा कारेकर यांनी विजय साकारले आहेत.
अन्य निकाल ः मुले - पार्थ देवरूखकर (पुणे) वि. वि. आरव पवार (औरंगाबाद) ८-२, आर्यन काळे (नाशिक) वि. वि. प्रणव कोरडे (औरंगाबाद) ८-०. मुली - सानिका भोगाडे (अहमदनगर) वि. वि. निधी चव्हाण (औरंगाबाद) ८-०, रिधिमा शॉ (नागपूर) वि. वि. ईश्वरी वाघ (औरंगाबाद) ८-०, सैसा कारेकर (सांगली) वि. वि. मोनालिका राणा (अहमदनगर) ८-६.

मोबाइल अॅप डाउनलोड करा आणि राहा अपडेट

वसुलीच्या माध्यमातून उत्पन्न वाढीवर भर द्या

November 18, 2017, 1:30 pm

≫ Next: बस अपघातात सहा ठार, ३१ जखमी

≪ Previous: अर्णव, नीरज, मृण्मयीची आगेकूच

$

0

0

म. टा. प्रतिनिधी, जालना
जिल्ह्यातील नगरपालिका, नगरपंचायतीच्या माध्यमातून विकासाची कामे करून नागरिकांना सर्व सुविधा देण्याबरोबरच शहराचा नावलौकिक वाढविण्यासाठी सर्व पदाधिकाऱ्यांनी विकासाच्या कामात पुढाकार घ्यावा. तसेच शासनामार्फत नगरपालिकांच्या विकासासासाठी निधी उपलब्ध करून देण्यात येत असला तरी विविध वसुलीच्या माध्यमातून नगरपालिकेच्या उत्पन्न वाढीवरही भर देण्याची गरज असल्याचे प्रतिपादन जालना जिल्ह्याचे पालकमंत्री बबनराव लोणीकर यांनी केले.
जिल्हाधिकारी कार्यालयाच्या सभागृहात जिल्ह्यातील नगर परिषद, नगर पंचायतीच्या विकास कामासंदर्भात बैठकीचे आयोजन करण्यात आले होते. त्याप्रसंगी उपस्थित पदाधिकारी, अधिकाऱ्यांना मार्गदर्शन करताना पालकमंत्री लोणीकर बोलत होते. व्यासपीठावर आमदार नारायण कुचे, आमदार राजेश टोपे, परतुरच्या नगराध्यक्षा विमल जेथलिया, भोकरदनच्या मंजूताई देशमुख, जाफ्राबादच्या नसरीन बेगम शेख, घनसावंगीच्या नगराध्यक्षा योजना देशमुख, जिल्हाधिकारी शिवाजी जोंधळे आदींची उपस्थिती होती.
पालकमंत्री लोणीकर म्हणाले, ‘केंद्र व राज्य शासनाच्या अनेकविध कल्याणकारी योजना आहेत. या योजनांच्या माध्यमातून नगरपालिका, नगरपंचायतीच्या विकासासाठी निधी कसा आणता येईल, यासाठी पदाधिकाऱ्यांनी पुढाकार घेण्याची गरज आहे. शासनमार्फत जरी निधी उपलब्ध करून देण्यात येत असला तरी नगरपालिकेने त्यांच्या उत्पन्न वाढीवर भर देण्याची गरज आहे. नगरपालिका, नगरपंचायतीच्या मालकीच्या ज्या मालमत्ता आहेत अशा मालमत्तांवर बीओटी तत्वावर कॉम्प्लेक्स उभारण्यासारखे प्रकल्प राबविण्यात यावेत. जेणे करून नगरपालिकेच्या उत्पन्नात भर पडून नागरिकांना अधिक चांगल्या प्रमाणात सुविधा देता येतील, असेही पालकमंत्र्यांनी यावेळी सांगितले.
गेल्या तीन वर्षाच्या कालावधीत राज्य सरकारच्या विविध योजनेच्या माध्यमातून निधी उपलब्ध करून देण्यात आला असून यामध्ये अंबडसाठी २२ कोटी २२ लाख, परतूर ३० कोटी २२ लाख, भोकरदन २४ कोटी चार लाख, बदनापूर १३ कोटी २२ लाख, जाफ्राबाद पाच कोटी २७ लाख, मंठा नऊ कोटी ९९ लाख व घनसावंगीसाठी १२ कोटी २० लाख रुपयांचा नगरपालिका, नगरपंचायतींना विविध विकासकामांसाठी उपलब्ध करुन देण्यात आला आहे. राज्य सरकारमार्फत उपलब्ध करून देण्यात येणाऱ्या निधींचे योग्य नियोजन करून शहराच्या विकासामध्ये भर घालणाऱ्या दर्जेदार व गुणवत्तापूर्ण कामांवर हा निधी खर्च करण्यात यावा. शहराच्या विकासासाठी नाविन्यपूर्ण असे प्रकल्प उभारण्यासाठी त्याचे नियोजन करून तसा प्रस्ताव प्रशासनाकडे सादर करण्यात यावा. मंत्रालयीन स्तरावर प्रयत्न करुन अशा प्रस्तावांना मान्यता मिळविण्याबरोबरच निधीही उपलब्ध करुन घेण्यासाठी प्रयत्न करण्यात येतील, असेही पालकमंत्री लोणीकर यांनी सांगितले.

विकास कामास प्राधान्या द्यावे
शहरातील प्रत्येक वार्डाचा समानतेने विकास झाला पाहिजे. झोपडपट्टीमधील शेवटच्या व्यक्तीपर्यंत योजनांचा लाभ पोहोचण्यासाठी प्रत्येक नगरसेवकांनी पुढाकार घेण्याची गरज असल्याचे सांगत शहराचा विकास करत असताना शहरातील ज्या उपेक्षित वस्त्या, झोपडपट्टयामध्ये अद्याप विकासाची कामे करण्यात आलेली नाहीत अशा ठिकाणी विकास कामे करण्यास प्राधान्य देण्यात यावे, असेही पालकमंत्री लोणीकर यांनी यावेळी सांगितले.

मोबाइल अॅप डाउनलोड करा आणि राहा अपडेट

बस अपघातात सहा ठार, ३१ जखमी

November 18, 2017, 1:43 pm

≫ Next: पवननगरमधील १,७०० घरांना मिळणार २४ तास पाणी

≪ Previous: वसुलीच्या माध्यमातून उत्पन्न वाढीवर भर द्या

$

0

0

म. टा. प्रतिनिधी, लातूर
औसा-निलंगा रस्त्यावरील चलबुर्गा पाटीजवळ बस आणि ट्रकची समारोसमोर धडक होऊन झालेल्या भीषण अपघातात सहा प्रवासी ठार तर ३१ जण जखमी झाले. जखमींवर लातूर आणि औशाच्या शासकीय रूग्णालयात उपचार सुरू आहेत.
लातूर-निलंगा बसला दुपारी तीनच्या सुमारास चलबुर्गा पाटीजवळ समोरून येणाऱ्या ट्रकने जोरदार धडक दिली. मृतांत दोन वर्षांच्या बालिकेचा समावेश असल्याची माहिती अतिरिक्त पोलिस अधीक्षक काकासाहेब डोळे यांनी पत्रकारांना दिली. पाच मृतदेह लातूरात आणण्यात आले आहेत आणि एक मृतदेह औशात आहे.
औशाच्या ग्रामीण रूग्णालयात एकूण २४ जखमींवर उपचार करण्यात आले. आठ रूग्णांना अधिक उपचारासाठी लातूराला पाठवले असून दोघांवर तिथेच उपचार सुरू आहेत. इतरावर उपचार करून घरी सोडण्यात आले. लातूरच्या शासकीय वैद्यकीय महाविद्यालयाच्या रूग्णालयात सायंकाळी १९ जखमींना दाखल करण्यात आले असून त्यापैकी दोन जणांची प्रकृती गंभीर असल्याची माहिती शासकीय वैद्यकीय महाविद्यालयाचे अधिष्ठाता डॉ. राजाराम पोवार यांनी दिली.
अपघाताची माहिती मिळताच पालकमंत्री संभाजीराव पाटील-निलंगेकर यांनी घटनास्थळी धाव घेऊन अपघातग्रस्तांची मदत केली. संबंधित यंत्रणांना कामाला लावले. यामुळे गंभीर जखमींना तातडीने उपचार मिळण्यास मदत झाली. पालकमंत्री पाटील घटनास्थळी पोहचण्यापूर्वीच त्यांचे धाकटे बंधू अरविंद पाटील तेथे पोहोचले होते. पालकमंत्र्यांसोबत खासदार डॉ. सुनील गायकवाड, जिल्हाधिकारी जी. श्रीकांत, जिल्हा परिषदेचे उपाध्यक्ष रामचंद्र तिरुके, जिल्हा परिषदेचे कृषी सभापती बजरंग जाधव, अप्पर पोलिस अधिक्षक काकासाहेब डोळे, निलंग्याचे उपविभागीय अधिकारी रांजणकर, औशाचे पोलिस उपअधीक्षक गणेश किंद्रे, निलंग्याचे पोलिस निरीक्षक कल्याण सुपेकर, सुनील उटगे, प्रवीण कस्तुरे यांनीही घटनास्थळी अपघताग्रस्तांची मदत केली.

मोबाइल अॅप डाउनलोड करा आणि राहा अपडेट

पवननगरमधील १,७०० घरांना मिळणार २४ तास पाणी

November 18, 2017, 1:53 pm

≫ Next: खाद्य तेलावरचे आयात शुल्क वाढविल्याने दिलासा

≪ Previous: बस अपघातात सहा ठार, ३१ जखमी

$

0

0

म. टा. प्रतिनिधी, औरंगाबाद
विहिरीचे पाणी वापरण्यासाठी पवननगर वॉर्डात दीड लाख लिटरचा जलकुंभ बांधला जाणार आहे. हे काम पूर्ण झाल्यावर वॉर्डातील १७०० घरांना चोवीस तास पाणी मिळू शकेल. महापालिकेतर्फे अशा प्रकारचा प्रयोग प्रथमच केला जात आहे. यासाठी एक कोटी २९ लाख रूपयांची तरतूद करण्यात आली आहे.
महापालिकेतर्फे शहरात तिसऱ्या दिवशी पाणीपुरवठा केला जातो. तिसऱ्या दिवशी येणारे पाणी पिण्यासाठी व वापरण्यासाठी भरून ठेवताना नागरिकांची तारांबळ होते. सिडको - हडको भागात घरांचे क्षेत्रफळ कमी आहे. त्यामुळे पाण्याची साठवण क्षमतादेखील कमी आहे. साठवलेले पाणी तीन दिवस पुरत नाही. ही बाब लक्षात घेवून पवननगर वॉर्डाचे नगरसेवक नितीन चित्ते यांनी शक्कल लढवली. वॉर्डातील श्रीस्वामी समर्थ केंद्राच्या समोरील मोकळ्या जागेत विहिर खोदण्याचा उपक्रम त्यांनी हाती घेतला आणि फक्त आठ फुटांवर पाणी लागले. मात्र तरीही विहिर ३५ फुटापर्यंत खणण्यात आली. पाणी भरपूर लागल्यामुळे ते नागरिकांना पुरवण्याचा निर्णय घेण्यात आला.
त्यासाठी विहिरीच्या जवळच दीड लाख लिटरचा जलकुंभ बांधण्याचा प्रस्ताव ठेवण्यात आला. त्याला पालिकेच्या सर्वसाधारण सभेने मंजुरी दिली. जलकुंभ बांधण्याबरोबरच पवननगर, एल सेक्टर, एम - २ सेक्टर या तीन वसाहतींमध्ये जलवाहिनी टाकण्यात येणार आहे. चार आणि सहा मीटर रुंद रस्त्याच्या बाजूने चार इंच व्यासाची जलवाहिनी टाकण्यात येणार आहे, तर अंतर्गत रस्त्यांच्या बाजूने दोन इंचाची जलवाहिनी टाकण्यात येणार आहे. चार घरांना मिळून एक नळ कनेक्शन दिले जाईल. त्यातून चोवीस तास पाणीपुरवठा केला जाणार आहे. हे पाणी नागरिकांना पिण्यासाठी वापरता येणार नाही, उन्हाळा सुरू होईपर्यंत जलकुंभ बांधण्याचे व जलवाहिनी टाकण्याचे काम पूर्ण होईल असा विश्वास नितीन चित्ते यांनी व्यक्त केला. उन्हाळ्यात नागरिकांना पाण्याचा त्रास होणार नाही असा दावा त्यांनी केला.

मोबाइल अॅप डाउनलोड करा आणि राहा अपडेट