पाणी टंचाईचे प्रस्ताव निकाली काढा ः जाधव

December 10, 2017, 1:30 pm

≫ Next: कराराला कामगारांचा विरोध

≪ Previous: ‘गणिताची उपयोगिता परिणामकारक’

$

0

0

कन्नड : एकही गाव टंचाईग्रस्त राहू नये म्हणून काटेकोर नियोजन करावे. तालुक्यासाठी संभाव्य पाणीटंचाईसाठी कृती आराखडा तयार करून टंचाईचे प्रस्ताव विनाविलंब निकाली काढण्याचे आवाहन आमदार हर्षवर्धन जाधव यांनी शनिवारी केले.

पाणीटंचाई निवारण्यासाठी आयोजित बैठकीत ते बोलत होते. पाणी टंचाई निवारणार्थ प्रत्येक ग्रामपंचायतीस एक विहीर एमआरईजीएस योजनेतून करण्यासाठी पंचायत समितीने मंजुरी द्यावी; तसेच एखाद्या ‘डीपी’वर दहा वीज जोडण्या असतील, तेथे दोन जणांनी बिल भरले तरीही डीपी सुरू करावी. बिल भरले असेल, त्यांचा वीजपुरवठा सुरू करावा, अशी सूचना वीज वितरण अधिकाऱ्यांना दिल्या. पाण्याची व्यवस्था नसेल तेथे विंधन विहिरी घ्याव्यात. हापसा नसलेल्या ठिकाणी टँकरने पाणी पुरविण्याचे आदेश देण्यात आले. या बैठकीत कृषी अधिकारी, ग्रामसेवक, कृषी सेवक, लोकप्रतिनिधी यांच्याकडून सर्कल निहाय गावसमस्या जाणून घेऊन संबंधित यंत्रणेला त्या समस्या निवारण्यासाठी सूचना देण्यात आल्या. गटविकास अधिकारी विजय परदेशी यांनी प्रास्ताविक केले. तहसीलदार महेश सुधळकर यांनी पाणीटंचाई दूर करण्याच्या उपाययोजनांचे प्रस्तावाबाबत व आजची पाणीटंचाईची परिस्थिती कशी आहे, याबाबत मार्गदर्शन केले. बैठकीस नायब तहसीलदार हारूण शेख, समाजकल्याण सभापती धनराज बेडवाल, पंचायत समिती सभापती मीना मोकासे, तालुका कृषी अधिकारी एस. आर. पेंडभाजे, एस. आर. मामीडवार, शाखा अभियंता एल. टी. राठोड, पंचायत समिती पाणीपुरवठा व नियोजन व्यवस्थापक एम. एम. देवकर, विस्ताराधिकारी एस. डी. चव्हाण, संजय भोसले आदींसह अधिकारी, कर्मचारी उपस्थित होते.

मोबाइल अॅप डाउनलोड करा आणि राहा अपडेट

---

कराराला कामगारांचा विरोध

December 10, 2017, 1:30 pm

≫ Next: ‘गीत रामायणा’ची औरंगाबादकरांना मेजवानी

≪ Previous: पाणी टंचाईचे प्रस्ताव निकाली काढा ः जाधव

$

0

0

म. टा. प्रतिनिधी, पैठण
संत एकनाथ कारखाना ताब्यात घेण्यासाठी संचालक व घायळ कंपनीचा न्यायालयीन वाद सुरू असतानाच मागच्या वर्षी चेअरमन तुषार शिसोदे व घायळ कंपनीत झालेला पुरवणी करार समोर आला अाहे. यामुळे नवीन वाद होण्याची शक्यता निर्माण झाली आहे. हा करार अन्यायकारक असून, कामगारांना वाऱ्यावर सोडणार आहे. करार आम्हाला मान्य नसून, आम्ही अन्यायाचा मुकाबला करणार असल्याचा इशारा कामगार नेते सुभाष आढाव यांनी दिला आहे.

संत एकनाथ साखर कारखान्याचे तत्कालीन चेअरमन आमदार संदीपान भुमरे, सचिन घायळ व राज्य शासन यांच्यात करार तीन ऑगस्ट २०१५ रोजी करार करण्यात आला होता. त्यानुसार संत एकनाथ कारखाना सचिन घायळ कंपनीला १८ वर्षांसाठी भागिदारी तत्त्वावर देण्यात आला, मात्र संचालक, कामगार व कंपनी यांच्यात सतत सुरू असलेल्या वादामुळे घायळ कंपनीला तीन वर्षांत केवळ एकदाच गळित हंगामा पूर्ण करता आला.

गेल्या वर्षी जून महिन्यात संत एकनाथची संचालक मंडळाची निवडणूक झाली. त्यात चेअरमन भुमरे यांच्या पॅनेलाचा सर्वपक्षीय व घायळ यांचा समावेश असलेल्या पॅनेलने पराभव केला. यानंतर तुषार शिसोदे यांची कारखान्याच्या चेअरमनपदी निवड झाली. निवड झाल्यानंतर भागिदारी करारात घायळ कंपनीला अडसर ठरणाऱ्या काही अटी व नियम शिथिल करण्यासाठी चेअरमन शिसोदे व व्हाइस चेअरमन भास्कर राऊत यानी कंपनीशी २८ ऑक्टोबर रोजी पुरवणी करार केला.

हा पुरवणी करार समोर आला अाहे. या करारात कारखान्याच्या कायम व हंगामी कामगारांचा कोणताही विचार न करता, त्यांना वाऱ्यावर सोडण्यात आले आहे. यामुळे कामगारात संतापाची भावना निर्माण झाली असून, यामुळे संत एकनाथचे चेअरमन, कामगार व घायळ कंपनीत नवीन वाद होण्याची शक्यता निर्माण झाली आहे.

पुरवणी करारातील काही महत्वाचे मुद्दे
- कामगारांच्या असहकरामुळे घायळ कंपनीला कारखाना चालाविण्यासाठी अडचण निर्माण होत असल्याने त्यामुळे काही अटी व शर्ती शिथिल करण्यासाठी हा पुरवणी करार
- या करारानंतर कंपनी व कामगारांचा कोणताही संबंध राहणार नाही
- कारखान्याच्या कामगारांची सेवा घेणे घायळ कंपनीवर बंधनकारक नाही
- कामगारासंबंधी न्यायालयीय प्रकरणाला घायळ कंपनी जबाबदार राहणार नाही
- २०१५च्या जुलै व ऑगस्ट महिन्यात कामगारांनी केलेल्या संपामुळे कंपनीचे पाच कोटींचे व संपादरम्यान कंपनी एक लाख टन उसाचे गाळप करू न शकल्याने दहा कोटींचा नुकसान झाले आहे. पुढील दोन गाळप हंगामात कंपनीची नुकसान भरपाई दिली जाणार.
- कामगारांनी २६ जानेवारी २०१६पासून संप सुरू केला आहे. तो संप कराराच्या तारखेपर्यंत सुरूच असून, या काळातील पगार देण्याची जबाबदारी घायळ कंपनीवर राहणार नाही
- संचालकांनी आतापर्यंत घायळ कंपनीला लेबर कॉन्ट्रॅक्टर म्हणून कामगार पुरवले असून, कंपनीने त्यांचे सर्व पैसे दिलेले आहे. कंपनीवर कामगाराचे कोणतेही देणे शिल्लक नाही
- पुरवणी करारानंतर कामगारांची ग्रॅच्युटी, बोनस, थकित पगार व संपकाळातील पगार देण्याची जबाबदारी घायळ कंपनीची राहणार नाही
- कंपनीने कारखाना सुरू करण्याचा प्रयत्न केल्यास कामगार आक्रमक होतात हे चेअरमन तुषार शिसोदे यांनी मान्य केले. एक वर्षाच्या मुदतीत परत करण्यासाठी चेअरमन व व्हाइस चेअरमन यांनी घायळ कंपनीकडून १७ लाख ४५ लाख रुपये घेतल्याचे या करारात मान्य केले आहे.

कंपनी व चेअरमन यांनी केलेला पुरवणी करार कामगारावर अन्याय करणारा. करार करताना कामगारांना विश्वासात घेतले नाही. त्यामुळे आम्हाला हा करार मान्य नाही.
- सुभाष आढाव, कामगार नेते

कामगारांना प्रत्येकी पाच हजार रुपये देण्यासाठी आम्ही कंपनीकडून पैसे घेतले. त्यावेळी हा करार करण्यात आला. करारात काय लिहिले आहे, त्याची मला माहिती नाही.
- तुषार शिसोदे, चेअरमन, संत एकनाथ कारखाना

मोबाइल अॅप डाउनलोड करा आणि राहा अपडेट

‘गीत रामायणा’ची औरंगाबादकरांना मेजवानी

December 10, 2017, 1:30 pm

≫ Next: मुलांच्या विकासात पालकांची भूमिका महत्त्वाची

≪ Previous: कराराला कामगारांचा विरोध

$

0

0

म. टा. प्रतिनिधी, औ रंगाबाद
महाराष्ट्र श्रेष्ठ कवी गदिमांचे शब्द आणि बाबुजी अर्थात सुधीर फडके यांचे अद्वितीय संगीत आणि मधूर आवाजामुळे गाजलेल्या ‘गीत रामायणा’चा आविष्कार औरंगाबादकर रसिकांना १५ डिसेंबर रोजी अनुभवायस मिळणार आहे. ‘महाराष्ट्र टाइम्स’च्या सहाव्या वर्धापनदिनानिमित्त शहरवासीयांना विविध कार्यक्रमांची मेजवानी सादर करण्यात आली आहे. त्या मालिकेत ‘गीत रामायण’ ची रसिकांना पर्वणी असणार आहे. त्याचबरोबर बुधवारी वेलकम जिंदगी या नाट्यप्रयोगाचे आयोजन केले आहे.

हा कार्यक्रम सुधीर फडके यांचे पुत्र श्रीधर फडके तेवढ्याच तन्मयतेने सादर करतात. ‘एमजीएम’च्या रुख्मिणी हॉलमध्ये १५ डिसेंबर रोजी सायंकाळी साडेसहा वाजता हा कार्यक्रम होईल. कार्यक्रमासाठी एमजीएम रुख्मिणी हॉल ‘मटा’चे व्हेन्यू पार्टनर आहेत. कार्यक्रमाचा आनंद घेण्यासाठी वाचकांना प्रवेशिका ‘मटा’च्या वतीने उपलब्ध करून देण्यात आल्या आहेत. या प्रवेशिका ‘मटा’ कार्यालयात उपलब्ध आहेत. स्वयें श्री राम प्रभू ऐकती, कुश-लव रामायण गाती..., शरयू तिरावरी अयोध्या..., उगा कां काळीज माझे उले... यांसारखी सुश्राव्य गीते कानांवर पडताच अवघे रामायण मराठी मनांच्या नजरेसमोर येते. ‘गीत रामायणा’ची महती काळ सरला तशी कमी न होता वाढतच आहे. वाचकांसाठी ‘मटा’ने नेहमीच दर्जेदार सांस्कृतिक कार्यक्रम आयोजित केले आहेत.

केक कार्यशाळा
- प्रशिक्षक ः रूपाली बाठिया
- १२ डिसेंबर, हॉटेल मॅनोर,
- वेळ दुपारी चार वाजता.
- नोंदणीसाठीः नदीम अहमद ९८२२६३०५५५

पौष्टिक रेसिपीज
- प्रशिक्षक : डॉ. अलका कर्णिक
- वेळ : सायंकाळी पाच वाजता
- ११ डिसेंबर, गरवारे कम्युनिटी सेंटर

मोबाइल अॅप डाउनलोड करा आणि राहा अपडेट

मुलांच्या विकासात पालकांची भूमिका महत्त्वाची

December 10, 2017, 1:30 pm

≫ Next: ​ सरस्वती, लक्ष्मी हत्तीणी विशाखापट्टणमकडे रवाना

≪ Previous: ‘गीत रामायणा’ची औरंगाबादकरांना मेजवानी

$

0

0

म. टा. प्रतिनिधी, औरंगाबाद
मुलांच्या भावनिक, बौद्धिक विकासात पालकांची भूमिका महत्त्वाची असते. त्यांची भावना समजणे, त्यावरून त्यांना समजवून सांगणे अाणि त्याला स्वतः शिकण्याची संधी उपलब्ध करून देण्याची गरज असते, असे प्रतिपादन शिक्षणतज्ज्ञ डॉ. दिनेश नेहते यांनी रविवारी केले. महाराष्ट्र बाल शिक्षण परिषदेतर्फे शिक्षक, पालकांसाठी झालेल्या कार्यशाळेत ते बोलत होते.

सिडको एकमधील गणपती मंदिराच्या सभागृहात ही कार्यशाळा घेण्यात आली. व्यासपीठावर परिषदेच्या औरंगाबादच्या अध्यक्षा भारती मराठे, अश्विनी धोकटे यांची प्रमुख उपस्थिती होती. डॉ. नेहते म्हणाले, ‘मुलाच्या जडणघडणीत पाच ते १२ वर्षांपर्यंतचे वय महत्त्वाचे असते. शारीरिक, भावनिक व बौद्धिक अशा तीन स्तरांवर मुलांचा विकास होतो. मुलं घडविताना त्याच्या भावनांची समज पालकांना, शिक्षकांना असणे आवश्यक असते. त्यानुसार विविध टप्प्यांवर त्याला समजून सांगणे सोपे ठरते. त्याला स्वतःला शिकण्याची संधी उपलब्ध करून देत त्यांच्यात आत्मविश्वास निर्माण करून दिला गेला पाहिजे.’

अर्चना रोटे यांनी प्रास्ताविक केले. सुषमा पोफळे सूत्रसंचालन केले व स्वाती भामरे यांनी आभार मानले. कार्यशाळा यशस्वी करण्यासाठी एस. एम. कुलकर्णी, निलिमा गणोरकर, सुषमा जगदाळे, सुनिता कुलकर्णी, मंदाकिनी कसबेकर यांनी परिश्रम घेतले.

तंत्रज्ञान हाताळताना काळजी घ्या
तंत्रज्ञानाच्या युगात आपण मुलांना तंत्रज्ञानाचा कितीपत वापर करू द्यावा हे आपल्याच हाती आहे. त्याचा योग्य वापर होतो की नाही हे पाहणे गरजेचे आहे. तंत्रज्ञानाचे फायदे-तोटे दोन्ही असून तंत्रज्ञानामुळे अनेक प्रश्न निर्माण होत आहेत. तंत्रज्ञान हातळतानाही काळजी घेण्याचा सल्लाही त्यांनी दिला.

मोबाइल अॅप डाउनलोड करा आणि राहा अपडेट

​ सरस्वती, लक्ष्मी हत्तीणी विशाखापट्टणमकडे रवाना

December 10, 2017, 1:30 pm

≫ Next: मूकबधीर तरुणाचा बुडाल्याने दुर्देवी मृत्यू

≪ Previous: मुलांच्या विकासात पालकांची भूमिका महत्त्वाची

$

0

0

सरस्वती, लक्ष्मी हत्तीणी विशाखापट्टणमकडे रवाना
उद्यानातील कर्मचारी गहिरवरले
म. टा. प्रतिनिधी, औरंगाबाद
महापालिकेच्या सिद्धार्थ उद्यानातील सरस्वती आणि लक्ष्मी या दोन्ही हत्तीणींची रविवारी (१० डिसेंबर) विशाखापट्टणमकडे रवानगी करण्यात आली. शनिवारी प्राणिसंग्रहालय सोडण्यास नकार देणाऱ्या हत्तीणींना आज क्रेन आणून टेम्पोत बसविण्यात आले. त्यासाठी पथकाला तीन तासांपेक्षा अधिक कसरत करावी लागली.
प्राणिसंग्रहालयात हत्ती ठेवण्यास सेंट्रल झू ऑथॅरिटीने व हायकोर्टाने मज्जाव केला आहे. त्यानंतर या प्राणीसंग्रहालयात दोन दशकांपासून असलेल्या दोन हत्तीणींना इंदिरा गांधी नॅशनल झुऑलॉजीकल पार्कला पाठविण्याचा निर्णय झाला. त्यांना घेऊन जाण्यासाठी पथक आले. शनिवारी सायंकाळी उशिरापर्यंत प्रयत्न करूनही हत्तीणींनी प्रतिसाद दिला नाही. त्यानंतर रविवारी सकाळी पुन्हा ८.३० वाजेपासून हत्तीणींना घेऊन जाण्याची प्रक्रिया सुरू करण्यात आली. दोन टॅम्पोमध्ये बसविण्यात येत होते, परंतु त्या बसत नव्हत्या. टेम्पोत बसण्यासाठी पथकाने रँम्पही तयार केला होता. वेगवेगळ्या क्लुप्त्या करून बसविण्याचा प्रयत्न करण्यात आला. शनिवारी अपयश आल्यानंतर रविवारी पथकाने संपूर्ण तयारी करून कारवाईला सुरुवात केली होती. क्रेनही मागविण्यात आली होती. काहीवेळाच्या प्रयत्नानंतर दोघीही टेम्पोत गेल्या. दुपारी १२ नंतर सिद्धार्थ उद्यानातून हे टेम्पो विशाखापट्टणमकडे रवाना झाला. बाराशे किलोमीटरचा हा प्रवास आहे. पथकामध्ये डॉ. नवीन कुमार, केअर टेकर एम. के. रामकृष्ण यांच्यासह चार कर्मचारी आहेत. तर, या पथकासोबत सिद्धार्थ उद्यानातील दोन कर्मचारीही पथकासोबत रवाना झाले आहेत. दोन दशकांपासून वास्तव्यास असलेल्या सरस्वती आणि लक्ष्मी या हत्तीणींना रवाना करताना उद्यानातील काही कर्मचारीही काही अंतर सोबत गेले. मंगळवाळी या हत्तीणींना घेऊन हा टेम्पो विशाखापट्टणमला पोहचणार असल्याचे पथक प्रमुखांनी सांगितले.

मोबाइल अॅप डाउनलोड करा आणि राहा अपडेट

मूकबधीर तरुणाचा बुडाल्याने दुर्देवी मृत्यू

December 10, 2017, 1:30 pm

≫ Next: अभियंत्यांच्या गाड्या बदला

≪ Previous: ​ सरस्वती, लक्ष्मी हत्तीणी विशाखापट्टणमकडे रवाना

$

0

0

मूकबधीर तरुणाचा बुडाल्याने दुर्देवी मृत्यू

जटवाडा परिसरातील घटना

म. टा. प्रतिनिधी, औरंगाबाद

शाळेतील पाण्याच्या हौदात बुडाल्याने मूकबधीर तरुणाचा दुर्दैवी मृत्यू झाला. शनिवारी रात्री जटवाडा रोडवरील शरदचंद्र पवार मूकबधीर विदयालयात हा प्रकार घडला. भगवान नारायण खटाळ (वय २१ रा. निल्लोड, ता. सिल्लोड) असे या मृत तरुणाचे नाव आहे.
भगवानला गेल्या पाच वर्षांपासून या शाळेमध्ये ठेवण्यात आले होते. शनिवारी सायंकाळी सर्व विद्यार्थ्यांना जेवणाची सुट्टी देण्यात आली होती. यावेळी मुले शाळेच्या मैदानात खेळत होती. या मुलामध्ये भगवान शिक्षकांना न आढळल्याने त्याचा शोध घेण्यात आला. शिक्षक जग्गनाथ सनांसे यांनी जवळच असलेल्या हौदामध्ये जाऊन पाहिले असता त्यांना आतमध्ये भगवान बुडालेल्या अवस्थेत दिसला. इतर ‌शिक्षकांच्या मदतीने त्याला बाहेर काढून घाटी ह‌ॉस्पिटलमध्ये नेण्यात आले. यावेळी डॉक्टरांनी त्याला तपासून मृत घोषित केले. याप्रकरणी हर्सूल पोलिस ठाण्यात अकस्मात मृत्यूची नोंद करण्यात आली आहे.

मोबाइल अॅप डाउनलोड करा आणि राहा अपडेट

अभियंत्यांच्या गाड्या बदला

December 10, 2017, 1:30 pm

≫ Next: फुलंब्रीत प्रचाराचा धुराळा

≪ Previous: मूकबधीर तरुणाचा बुडाल्याने दुर्देवी मृत्यू

$

0

0

अभियंत्यांच्या गाड्या बदला

प्रकाश गडावर निघाला आदेश

म. टा. प्रतिनिधी, औरंगाबाद ः

महावितरणाची वाढलेली थकबाकी आणि कोट्यावधीत गेलेला तोटा कमी करण्यासाठी आता खर्च कमी करण्याचा निर्णय महावितरणने घेतला आहे. नुकत्याच काढलेल्या आदेशात तालुका पातळीवर काम करणाऱ्या अभियंत्यांच्या गाड्या बदलण्याचा आदेश मुंबईच्या प्रकाश गडावरून काढण्यात आला आहे.

राज्यात महावितरणाचा तोटा हा हजारो कोटींच्या घरात पोहोचला आहे. वसुली वाढविण्याकडे व्यवस्‍थापकीय संचालक संजीव कुमार यांचा भर आहे. वीज चोरी रोखण्यापासून ते शेतीपंप ग्राहकांकडून वीज बिलाची वसुली करेपर्यंतची कामे करावे लागत आहेत. हा तोटा कमी करण्यासाठी आता महावितरण कार्यालयांतर्गत होत असलेला खर्च कमी करण्याचा निर्णय महावितरणाच्या प्रकाशगडावर घेण्यात आला. खर्च कमी करण्यासाठी पहिला घाव हा तालुका पातळीवर काम करणाऱ्या अभियंत्यांवर टाकण्यात आला आहे.
औरंगाबाद विभागात २९ तालुका पातळीवरील अभियंत्यांना गाड्या दिलेल्या आहेत. या गाड्यांवरील वर्षभराचा खर्च ५५ लाखांपर्यंत जातो. राज्यभरात या गाड्यांचा खर्च हा कोट्यवधी रुपयांत आहे. ग्रामीण भागात कार किंवा अन्य वाहने घेण्यात आलेली आहे. औरंगाबाद परिमंडळासह अन्य परिमंडळातील गाड्यांवर होत असलेला अवाढव्य खर्च थांबविण्यासाठी, महावितरणने चार चाकी कार बंद करण्याचे आदेश दिले आहेत. या कारच्या जागी आता युटीलिटी व्हेईकल वापरण्याचे किंवा करारावर लावण्याचे आदेश ‌देण्यात आलेले आहेत.
बैठकाही अटोपती घेण्याचे आदेश
राज्यातील विविध भागातून मुंबईला एमडी बैठकीला जाण्याची प्रथा यंदा मोडीत काढण्यात आली आहे. मुख्य अभियंत्यांसोबत एमडी बैठक व्हीसीद्वारे घेण्यात येत आहे. हा प्रयोग यशस्वी झाल्यानंतर परिमंडळ कार्यालयात अधिक्षक अभियंता किंवा कार्यकारी अभियंता पातळीवर बैठका कमी करण्याचे आदेश देण्यात आलेले आहे.
लग्नसभारंभात उपस्थितीसाठीही उपयोग
ग्रामीण भागात अभियंत्यांना देण्यात आलेल्या कारचा उपयोग खासगी वाहन म्हणून केला जात होता. औरंगाबाद व्यतिरिक्त इतर परिमंडळातील अभियंत्यांकडून लग्न सभारंभासाठी या गाड्यांचा वापर केला जात असल्याची माहिती समोर आली होती. यामुळे कार काढून युटीलिटी वाहने वापरण्याचे आदेश देण्यात आले आहे.

मोबाइल अॅप डाउनलोड करा आणि राहा अपडेट

फुलंब्रीत प्रचाराचा धुराळा

December 10, 2017, 1:30 pm

≫ Next: मराठवाड्याच्या रेल्वे प्रश्नांबाबत खासदारांना साकडे

≪ Previous: अभियंत्यांच्या गाड्या बदला

$

0

0

गणेश जाधव, फुलंब्री
फुलंब्री नगर पंचायतीच्या निवडणुकीसाठी प्रचाराने वेग घेतला आहे. विधानसभा अध्यक्ष, जिल्ह्यातील आमदार, माजी आमदार, तर औरंगाबादेतील आजी-माजी नगरसेवक प्रचाराच्या रणात उतरले आहेत. आपापल्या पक्षांच्या उमेदवाराला निवडून द्यावे, यासाठी मतदारांच्या दारोदारी मताचा जोगवा मागत फिरत असल्याने राजकीय वातावरण तापले आहे. नगराध्यक्षपदासाठी भाजपचे उमेदवार सुहास शिरसाठ व काँग्रेस, शिवसेना व राष्ट्रवादी काँग्रेस शहर विकास आघाडीचे उमेदवार राजेंद्र ठोंबरे यांच्यात काट्याची लढत होणार असल्याचा अंदाज आहे. प्रचाराचा जोर वाढतच असल्याने निवडणुकीची रंगत वाढली आहे.

फुलंब्री नगर पंचायत निवडणुकीसाठी १३ डिसेंबरला मतदान होणार आहे. १७ वार्डांसाठी तब्बल ४५ उमेदवार रिंगणात असून, त्यात ११ अपक्षांचाही समावेश आहे. काँग्रेस, शिवसेना व राष्ट्रवादी काँग्रेसची आघाडी झाली आहे. भाजप स्वबळावर लढत आहे. दोन्ही पॅनेलने प्रचाराचे नारळ फोडण्याच्या निमित्ताने शक्तीप्रदर्शन करीत वातावरण निर्मिती केली आहे. भाजपच्या उमेदवारांसाठी विधानसभा अध्यक्ष हरिभाऊ बागडे यांच्यासह आमदार अतुल सावे, आमदार नारायण कुचे, भागवत कराड, उपमहापौर विजय औताडे, महापालिकेतील नगरसेवक, जिल्हा परिषद सदस्या अनुराधा चव्हाण यांच्यासह इतरही सदस्य, पंचायत समितीचे पदाधिकारी; तसेच इतर संस्थेचे पदाधिकारी यांनी सर्व प्रभागांत, मतदारांच्या गाठीभेटी घेत भाजपच्या उमेदवारांना विजयी करण्याचे आवाहन केले आहे. काँग्रेस, शिवसेना व राष्ट्रवादी काँग्रेसच्या शहर विकास आघाडीसाठी काँग्रेसचे जिल्हाध्यक्ष आमदार अब्दुल सत्तार, माजी आमदार डॉ. कल्याण काळे, माजी आमदार नामदेव पवार, महापालिकेतील नगरसेवक भाऊसाहेब जगताप, सिल्लोडचे नगराध्यक्ष अब्दुल समीर, राष्ट्रवादीचे कदीर मौलाना, शिवसेनेचे कृष्णा पाटील डोणगावकर यांनीही मतदारांच्या गाठीभेटी घेत आपली प्रतिष्ठा पणाला लावत मतदारांना सत्ता देण्याचे आवाहन केले आहे. भाजपनेही जोरदार व्यूहरचना आखली असून, खासदार रावसाहेब दानवे हे मतदारांच्या संपर्कात आहे. देशात व राज्यात सत्ता असल्याने फुलंब्रीची सत्ता भाजपला देण्याचे आवाहन ते करीत आहेत.

दोन्ही पॅनेलने विविध प्रभागात फेऱ्या काढत मतदारांसमोर आपली भूमिका मांडली, तर पक्षीय उमेदवारांचे प्रचाराबरोबरच काही अपक्षांनीही कंबर कसल्याने सर्वच ठिकाणच्या लढतींमध्ये रंगत वाढली आहे. सारे शहर विविध उमेदवारांच्या होर्डिंग झेंडे आदींनी नटले आहे. दिवसभर विविध लोकप्रिय गाण्यांच्या तालावर गल्लीबोळात प्रचाराचा धडाका सुरू आहे. आवाजाच्या गोंगाटाने मतदार पुरते हैराण झाले असून, कधी एकदाचा प्रचार संपतो, असे मतदारांना वाटत आहे.

हायटेक प्रचाराचे फंडेही वापरले जात आहे. विविध पक्ष उमेदवारांनी आपले विकास जाहिरनामे, वचननामे तयार केले असून, त्याचा प्रभाव मतदारांवर टाकण्याचा प्रयत्न सुरू आहे. निवडणुकीच्या निमित्ताने सारे हॉटेलमधेही गर्दी वाढू लागली असून, गुप्त बैठका पार्ट्या सुरू झाल्या आहेत.

राजकीय पक्ष हजारोच्या संखेने प्रचार फेरी काढून आपापली ताकद अजमावीत आहे. त्याचबरोबर प्रचार सभेतही आरोप-प्रत्यारोप सुरू असून, मतदारावर प्रभाव टाकण्याचे काम वरिष्ठ नेते करून लागले आहे. फुलंब्री नगरपंचायतीच्या निवडणुकीत भाजपचा विजयी रथ रोकण्यासाठी काँग्रेस, राष्ट्रवादी व शिवसेना यांनी एकत्र येऊन आघाडी केली आहे. आघाडीच्या माध्यमातून भाजपला शह देण्याचे बेत काँग्रेस, राष्ट्रवादी व शिवसेनेचे दिग्गज नेते आखत आहे, मात्र दुसरीकडे भाजपचा विजयी सुरळीत ठेवण्यासाठी भाजपचेही वरिष्ठ नेते तळ ठोकून बसलेले आहे. त्यामुळे १३ डिसेंबर रोजी होणाऱ्या निवडणुकीत सुहास शिरसाठ व राजेंद्र ठोंबरे यांच्यात काट्याची लढत होणार असल्याची चर्चा सर्वत्र आहे.

मोबाइल अॅप डाउनलोड करा आणि राहा अपडेट

---

मराठवाड्याच्या रेल्वे प्रश्नांबाबत खासदारांना साकडे

December 10, 2017, 1:30 pm

≫ Next: महाराष्ट्र संघ उपविजेता

≪ Previous: फुलंब्रीत प्रचाराचा धुराळा

$

0

0

मराठवाड्याच्या रेल्वे प्रश्नांबाबत खासदारांना साकडे

प्रश्न मार्गी लावण्याची मराठवाडा रेल्वे विकास समितीची मागणी

औरंगाबाद ः

मराठवाड्यातील रेल्वे प्रश्न तातडीने मार्गी लावण्यासाठी रेल्वेमंत्र्यांची भेट घेऊन हे प्रश्न सोडवा, अशी मागणी मराठवाडा रेल्वे विकास समितीचे ओमप्रकाश वर्मा यांनी खासदार चंद्रकांत खैरेंना भेटून केली. खासदार चंद्रकांत खैरे यांनी या प्रश्नावर रेल्वे मंत्र्यांसह मुख्यमंत्री फडणवीस यांची भेट घेणार असल्याचे आश्वासन दिल्याची माहिती ओमप्रकाश वर्मा यांनी एका प्रसिद्धी पत्रकाद्वारे दिली.

२०१८ चा अर्थसंकल्पामध्ये मराठवाड्याच्या प्रश्नांवर चर्चा करून या कामासाठी निधी उपलब्ध करून द्यावा, या मागणीसाठी मराठवाडा रेल्वे विकास समितीच्या वतीने पाठपुरावा करण्यात येत आहे. खासदार चंद्रकांत खैरे यांनी रेल्वे मंत्री पीयुष गोयल आणि मुख्यमंत्री देवेंद्र फडणवीस यांची भेट घेऊन मराठवाड्यातील रेल्वेच्या विकासासाठी निधी उपलब्ध करून द्यावा आणि मुख्यमंत्र्यांनी ५० टक्के निधी तातडीने उपलब्ध करून द्यावा, यासाठी भेट घ्यावी अशी विनंती समितीच्या वतीने करण्यात आली. खासदार चंद्रकांत खैरे यांनी त्याची विनंती मान्य करून रेल्वे मंत्री आणि मुख्यमंत्र्याची भेट घेणार असल्याचे आश्वासन दिले.

अश्‍ाा अाहेत मागण्‍या -

- नांदेड ते मनमाड दुहेरी रेल्वे लाइनचे काम विद्युतीकरणासह करण्यासाठी नियोजन करण्यात यावे आणि त्या कामाची मुदत निश्चित करावी

- औरंगाबाद शहर पर्यटनाची राजधानी असून वेरूळ, अजिंठा, बीबी का मकबरा, पाणचक्की, भद्रा मारुती, घृष्णेश्वर आणि जायकवाडी धरण असा ऐतिहासिक वारसा असलेले शहर अन्य धार्मिक स्थळाशी जोडण्यात यावे

- औरंगाबादेत पिट लाईनचा प्रस्ताव रेल्वे बोर्डाकडे सादर करण्यात आलेला आहे. त्यासाठी निधीची तरतूद करण्यात यावी.

- जालना- खामगाव या १५५ कि. मी. नव्या रेल्वे मार्गाचे पुन्हा सर्वेक्षण करावे.

- औरंगाबाद येथील रेल्वे कर्मचाऱ्यांसाठी हॉस्पिटल सुरू करण्यात यावे.

- पूर्णा येथे १५० एकर जमीन आहे. त्या जागेवर रेल्वेचे डबे तयार करणारी कंपनी सुरू करावी.

- नांदेड मार्गे औरंगाबाद - मनमाड- वसई- सुरत -अहमदाबाद- मारवाडमार्गे जोधपूर-बिकानेर रेल्वे सुरू करण्यात यावी.

- औरंगाबाद - नागपूर सर्वोदय एक्स्प्रेस सुरू करावी.

- रोटेगाव ते कोपरगाव या २२ कि. मी.चे सर्व्हेक्षण तातडीने करून आगामी २०१९ च्या अर्थ संकल्पामध्ये १५०० कोटी रुपयांची तरतूद करण्यात यावी.

मोबाइल अॅप डाउनलोड करा आणि राहा अपडेट

महाराष्ट्र संघ उपविजेता

December 10, 2017, 2:03 pm

≫ Next: उस्मानाबाद जिल्ह्याला प्रथमच मान

≪ Previous: मराठवाड्याच्या रेल्वे प्रश्नांबाबत खासदारांना साकडे

$

0

0

महाराष्ट्र संघ उपविजेता
तमिळनाडूला सर्वसाधारण विजेतेपद, चंडीगड तृतीय
राष्ट्रीय शालेय स्क्वॉश स्पर्धा (लोगो)
म. टा. प्रतिनिधी, औरंगाबाद
जिल्हा क्रीडा कार्यालयातर्फे आयोजित राष्ट्रीय शालेय स्क्वॉश स्पर्धेत तमिळनाडू संघाने सर्वसाधारण विजेतेपद पटाकाविले. यजमान महाराष्ट्र संघ उपविजेता ठरला, तर चंडीगड संघ तिसऱ्या स्थानी राहिला.
विभागीय क्रीडा संकुलातील स्क्वॉश कोर्टवर ही स्पर्धा झाली. या स्पर्धेत वैयक्तिक प्रकारात सनी यादव, आयेशा पटेल, पृथ्वी सिंग, अभिषेक सेनॉन, शिवम बन्सल, समिता एस. यांनी सहभागी गटात विजेतेपद पटाकाविले. रॉयल ओक संस्थेचे अध्यक्ष इम्तियाज खान यांच्या हस्ते विजेत्यांना पारितोषिकांचे वितरण करण्यात आले. या प्रसंगी राज्य स्क्वॉश संघटनेचे सरचिटणीस दयानंद कुमार, राज्य संघटनेचे अध्यक्ष डॉ. प्रदीप खांड्रे, जिल्हा क्रीडा अधिकारी ऊर्मिला मोराळे, पंकज भारसाखळे, चंद्रशेखर घुगे, अजय मिश्रा, राकेश कुमार, रणजित भारद्वाज, लता लोंढे यांची प्रमुख उपस्थिती होती. स्पर्धेच्या यशस्वी आयोजनासाठी प्रदीप खांड्रे, कल्याण गाडेकर, दीपक भारद्वाज, रोहित गाडेकर, किशोर हिवराळे, सुशील शिंदे, स्व्पनील नरोडे, लक्ष्मण जोशी, श्रीनिवास मोतीयेळे, सचिन पुरी, गोकुळ तांदळे, भाऊराव वीर, सदानंद सवळे आदींनी पुढाकार घेतला.
अंतिम निकाल ः सांघिक ः १४ वर्षांखालील मुले - १. महाराष्ट्र, २. चंडीगड, ३. आसाम. मुली - १. तमिळनाडू, २. महाराष्ट्र, ३. चंडीगड.
१७ वर्षांखालील मुले - १. महाराष्ट्र, २. चंडीगड, ३. तमिळनाडू. मुली - १. तमिळनाडू, २. महाराष्ट्र, ३. चंडीगड.
१९ वर्षांखालील मुले - १. चंडीगड, २. तमिळनाडू, ३. महाराष्ट्र. मुली - १. तमिळनाडू, २. महाराष्ट्र, ३. चंडीगड.
वैयक्तिक ः १४ वर्षांखालील मुले - १. सनी यादव (महाराष्ट्र), २. सोहम मेहता (महाराष्ट्र), ३. पृथ्वी यादव (चंडीगड). मुली - १. आयशा पटेल (मध्य प्रदेश), २. पूजा अथी आर. (तमिळनाडू), ३. अक्षया श्री एस. (तमिळनाडू).
१७ वर्षांखालील मुले - १. पृथ्वी सिंग (चंडीगड), २. दीपक मंडल (महाराष्ट्र), ३. नवनीत (तमिळाडू). मुली - १. अभिषेका सेनॉन (तमिळनाडू), २. मानवी जैन (महाराष्ट्र), ३. प्रतीक्षा (दिल्ली).
१९ वर्षांखालील मुले - १. शिवम बन्सल (चंदीगड), २. यशवंत राघव (तमिळनाडू), ३. सुरज चंद (महाराष्ट्र). मुली - १. समिता एस. (तमिळनाडू), २. कृतिका जे. एस. (तमिळनाडू), ३. भावना गोयल (महाराष्ट्र).

मोबाइल अॅप डाउनलोड करा आणि राहा अपडेट

उस्मानाबाद जिल्ह्याला प्रथमच मान

December 10, 2017, 2:07 pm

≫ Next: कारखाना गेटवर काही काळ मुंडेंना रोखले

≪ Previous: महाराष्ट्र संघ उपविजेता

$

0

0

Sachin.Waghmare@timesgroup.com
@mtswaghmare

पुणे : बडोदा येथे होत असलेल्या ९१ व्या अखिल भारतीय मराठी साहित्य संमेलनाच्या अध्यक्षपदी निवृत्त सनदी अधिकारी तथा ज्येष्ठ साहित्यिक लक्ष्मीकांत देशमुख यांची निवड झाली. ते मूळचे उमरगा तालुक्यातील मुरूमचे रहिवासी असल्याने त्यांच्या रूपाने उस्मानाबाद जिल्ह्याला पहिल्यांदा संमेलनाच्या अध्यक्षपदाचा मान मिळाला. त्यांच्या निवडीचे वृत्त कळताच मुरूम येथील देशमुखवाडा परिसरात आनंदोत्सव साजरा करण्यात आला.
लक्ष्मीकांत देशमुख मूळचे मुरूमचे रहिवासी आहेत. सुमारे ५० वर्षांपूर्वी त्यांचे वडील वसंतराव देशमुख बँकेतील नोकरीनिमित्त मुरूम सोडून सोलापूर, नांदेड व पुणे येथे स्थायिक झाले. वडिलांच्या नोकरीमुळे लक्ष्मीकांत यांना मुरूमपासून दूर राहावे लागले. त्यांचे बालपण येथेचे गेले. त्यांचे भाऊ भालचंद्र देशमुख, त्यांच्या पत्नी व इतर नातेवाइक अजूनही मुरूम येथेच राहतात. ते नेहमीच त्यांच्या संपर्कात असतात. मुरूम येथे देशमुखवाडा नावाने प्रसिद्ध असलेल्या वाड्यात त्यांचे घर आहे.
देशमुख १९८६-८७ मध्ये उपविभागीय दंडाअधिकारी तथा उपजिल्हाधिकारी म्हणून उस्मानाबाद जिल्ह्यातील भूम येथे कार्यरत होते. त्या वेळी नेहमीच ते गावकडे येत होते. त्यानंतर मात्र कार्यक्रमाच्या निमित्ताने अधून-मधून गावाकडे येतात. गावाशी अजूनही त्यांची नाळ जोडलेली, आहे असे त्यांचे पुतणे संजीव देशमुख यांनी सांगितले.

माझा ‘कांत’ अध्यक्ष झाला
‘माझा कांत संमेलनाचा अध्यक्ष झाला याचा मला फार आनंद होतोय. अधिकारी असताना काम करून तो रात्रभर जागरण करून केवळ चार ते पाच तास झोप घेत होता. वाचन, लेखन करीत होता. त्या सर्व कष्टाचे फळ या निमित्ताने मिळाले,’ असे मत त्यांचे बंधू भालचंद्र देशमुख यांनी ‘मटा’शी बोलताना व्यक्त केले.
---
मुरूममध्ये आनंदोत्सव
रविवारी दुपारी दोननंतर लक्ष्मीकांत देशमुख यांची साहित्य संमेलनाच्या अध्यक्षपदी निवड झाल्याचे वृत्त कळताच मुरूम येथील देशमुखवाडा परिसरात नागरिकांनी आनंदोत्सव साजरा केला. त्यांच्या निमित्ताने मुरूमला अध्यक्षपदाचा मान मिळाल्याने गावात आनंदाचे वातावरण आहे.
---

मोबाइल अॅप डाउनलोड करा आणि राहा अपडेट

कारखाना गेटवर काही काळ मुंडेंना रोखले

December 10, 2017, 2:09 pm

≫ Next: जिल्ह्यातील कर्जमाफीचे १०२ कोटी बँकेत जमा

≪ Previous: उस्मानाबाद जिल्ह्याला प्रथमच मान

$

0

0

म. टा. प्रतिनिधी, बीड
परळी तालुक्यातील पांगरी येथील वैद्यनाथ सहकारी साखर कारखान्यातील उसाच्या रसाचा हौद फुटुन झालेली दुर्घटना अतिशय दुर्देवी आहे. घटनेत पाच व्यक्तींचा मृत्यू होऊनही अद्याप साधा गुन्हा ही दाखल झालेला नाही. या घटनेस कारखाना प्रशासन जबाबदार असल्याने या प्रकरणी सदोष मुनष्यवधाचा गुन्हा दाखल करावा अशी मागणी विधान विरोधी पक्षनेते धनंजय मुंडे यांनी केली आहे. दरम्यान, मुंडे यांना वैद्यनाथ कारखान्याच्या गेटवर काही काळ पोलिसांनी रोखून धरले. मात्र, आपण या कारखान्याचे सभासद असल्याने आतमध्ये जाण्याचा अधिकार आहे, असे मुंडे यांनी गेटवर अडवलेल्या पोलिसांना सुनावल्यानंतर त्यांना आतमध्ये प्रवेश देण्यात आला.

शुक्रवारी झालेल्या दुर्घटनेची पाहणी करण्यासाठी रविवारी मुंडे यांनी घटनास्थळी आले होते. मात्र, पोलिस प्रशासनाने धनंजय मुंडे यांना घटनास्थळी जाण्यापासून कारखाना मुख्य गेटवर रोखण्याचा प्रयत्न केला. स्थानिक गुन्हा अन्वेशन विभागाचे पोलिस निरीक्षक पाळवदे यांनी मुंडे यांना कारखान्यात प्रवेश करण्यापासून काही काळ रोखले. मात्र, आपण या कारखान्याचे सभासद असल्याने आतमध्ये जाण्याचा अधिकार आहे, असे मुंडे यांनी गेटवर अडवलेल्या पोलिसांना सुनावले. त्यानंतर त्यांना मध्ये प्रवेश देण्यात आला. लोकप्रतिनिधींना घटनास्थळी जाऊ न देण्याचा हा प्रकार पोलिस मंत्र्यांच्या दबावाखाली करीत असून, या प्रकरणी आपण सभागृहात आवाज उठवू असे त्यांनी सांगितले.
दरम्यान, कारखान्यावर येण्यापूर्वी त्यांनी घटनेत मृत झालेल्या लिंबोटा, देशमुख टाकळी, गाढे पिंपळगाव येथील कामगारांच्या कुटुंबियांची भेट घेऊन त्यांनी त्यांचे सांत्वन केले. घटनेत मृत झालेले कर्मचारी हे घरातील प्रमुख असल्यामुळे त्यांचे कुटुंब उघड्यावर पडले आहे. या कुटूंबियांना तातडीने दहा लाख रुपयांची मदत द्यावी तसेच जखमींना पाच लाख रुपये मदत देण्याची मागणी ही त्यांनी केली.
यावेळी राष्ट्रवादी युवक प्रदेश उपाध्यक्ष तथा जिल्हा परिषद सदस्य अजय मुंडे, डॉ. संतोष मुंडे, मार्केट कमिटीचे सभापती सूर्यभान मुंडे, शहराध्यक्ष बाजीराव धर्माधिकारी, जिल्हा उपाध्यक्ष प्रा. डॉ. मधुकर आघाव, जिल्हा उपाध्यक्ष माऊली गडदे उपस्थित होते.

घटनेचे राजकारण करायचे नाही
घटनेचे आपल्याला राजकारण करायचे नाही. मात्र, ज्या पद्धतीने आपल्याला रोखण्याचा प्रयत्न झाला ते पाहता कारखाना प्रशासनच या घटनेत जबाबदार आहे. घटनेत पाच व्यक्तींचा मृत्यू होऊनही अद्याप साधा गुन्हा ही दाखल झालेला नाही. या प्रकरणी सदोष मुनष्यवधाचा गुन्हा दाखल करावा, अशी मागणी मुंडे यांनी यावेळी केली.

पाच जणांचा मृत्यू
परळी तालुक्यातील पांगरी येथील वैद्यनाथ सहकारी साखर कारखान्यातील उसाच्या रसाचा हौद फुटून शनिवारपर्यंत चार जणांचा मृत्यू झाला होता. जखमी झालेल्या कामगारावर लातूर येथील लहाने हॉस्पिटलमध्ये उपचार सुरू आहेत. या पैकी उपचार सुरू असताना एका कामगाराचा शनिवारी रात्री मृत्यू झाल्याने मृताची संख्या आता पाच झाली आहे.

मोबाइल अॅप डाउनलोड करा आणि राहा अपडेट

जिल्ह्यातील कर्जमाफीचे १०२ कोटी बँकेत जमा

December 10, 2017, 9:30 pm

≫ Next: शेतकरी कर्जमाफीचे चार कोटी ४७ लाख जमा

≪ Previous: कारखाना गेटवर काही काळ मुंडेंना रोखले

$

0

0

औरंगाबाद : शेतकरी कर्जमाफी आणि इन्सेंटिव्हसाठी जिल्ह्यातून तब्बल दोन लाख सहा हजार शेतकऱ्यांनी ऑनलाइन अर्ज सादर केले होते. त्यातील त्रुटी दूर करण्यासाठी वेळोवेळी आलेल्या सूचनांची पूर्तता करत अखेरीस औरंगाबाद जिल्हा मध्यवर्ती सहकारी बँकेत १०२ कोटी रुपये जमा झाले आहेत. त्यात २३ हजार कर्जमाफीचे, तर ५४ हजार इन्सेंटिव्हचे लाभार्थी आहेत.

सततचा दुष्काळ आणि कर्जाचे ओझे यामुळे राज्यातील शेतकऱ्यांची दयनीय अवस्था झाली आहे. गेल्या दीड वर्षांपासून राज्य सरकारकडे शेतकरी कर्जमाफीची मागणी केली जात होती. विरोधी पक्षांनी राज्यभर जनजागृती यात्राही काढली होती. राज्य सरकारने अखेरीस नियम व अटींच्या अधीन राहून विशिष्ट मर्यादेपर्यंत शेतकरी कर्जमाफी जाहीर केली. त्यातही सर्व अर्ज ऑनलाइन भरण्याची सक्ती केली गेली होती. राज्यभरातील यंत्रणा यानिमित्ताने कामाला लागली होती. मुदतीपर्यंत शेतकऱ्यांनी ऑनलाइन अर्ज दाखल केल्यानंतर त्याची मुंबईत एका यंत्रणेद्वारे छाननी करण्यात आली. त्यानंतर निकषपात्र अर्जांचा विचार कर्जमाफीसाठी केला गेला.

सूत्रांनी दिलेल्या माहितीनुसार औरंगाबाद जिल्ह्यातून कर्जमाफी आणि इन्सेंटिव्हसाठी दोन लाख सहा हजार शेतकऱ्यांनी अर्ज केले होते. त्यातील अनेक अर्जांत त्रुटी आढळून आल्या. त्याची पूर्तता करून देण्यासाठी जिल्हा बँकेकडे सूचना पाठविली गेली. बँकेचे दैनंदिन कामकाज सांभाळत प्रशासनाला त्रुटी दूर करण्याचे काम तब्बल दोन महिने लागले.

मोबाइल अॅप डाउनलोड करा आणि राहा अपडेट

शेतकरी कर्जमाफीचे चार कोटी ४७ लाख जमा

December 11, 2017, 1:30 am

≫ Next: झुंबा फिटनेसवर आम्ही फिदा!

≪ Previous: जिल्ह्यातील कर्जमाफीचे १०२ कोटी बँकेत जमा

$

0

0

म. टा. प्रतिनिधी, कन्नड
छत्रपती शिवाजी महाराज शेतकरी सन्मान योजनेंतर्गत कर्जमाफीच्या पहिल्या टप्प्यात कन्नड तालुक्यात औरंगाबाद जिल्हा मध्यवर्ती सहकारी बँकेच्या १९ शाखांमधील एक हजार ६५७ कर्जदारांच्या खात्यावर चार कोटी ४७ लाख नऊ हजार ५६६ रुपये जमा करण्यात आले आहे.

जिल्हा बँकेकडून प्राप्त माहितीनुसार, छत्रपती शिवाजी महाराज शेतकरी सन्मान योजनेंतर्गत राज्य सरकारकडून तालुक्यातील औरंगाबाद जिल्हा मध्यवर्ती सहकारी बँकेच्या २०पैकी १९ शाखांमध्ये २७ नोव्हेंबरपर्यंत एक हजार ६५७ पात्र लाभार्थी शेतकऱ्यांच्या खात्यावर चार कोटी ४७ लाख नऊ हजार ५६६ रुपये वर्ग करण्यात आले आहेत.

जिल्हा मध्यवर्ती बँकेच्या शाखानिहाय पात्र खातेदार व थकबाकीपोटी वर्ग करण्यात आलेली रक्कम पुढीलप्रमाणे (कंसात लाभार्थी शेतकरी); कन्नड (१०१) ३० लाख ५४ हजार ७४०, वासडी (दोन) १५ हजार ६८६, पिशोर (७२) ११ लाख ४८ हजार ९०६, नादरपूर (१३४) २५ लाख दोन हजार १२६, नाचनवेल (१९०) ४४ लाख ६९ हजार ७९६, जेहूर (९५) २६ लाख ९३ हजार ४४, औराळा (१२७) ५० लाख ३५ हजार ८५८, चापानेर (१९९) ५३ लाख ९४८, हतनूर (१६०) ३४ लाख ७४ हजार ५६७, देवगाव रंगारी (८४) १९ लाख ३१ हजार ७३२, बहीरगाव (१ ) नऊ लाख ७६ हजार २९३, चिकलठाण (७८) १८ लाख ९९ हजार ३४१, अंधानेर (६६) १७ लाख दोन हजार ८१७, वडनेर (३७) ११ लाख ९१ हजार ४३९, नागद (९७) २९ लाख ४१ हजार २३७, नागापूर (१७) सहा लाख नऊ हजार ७४८, करंजखेड (२९) ११ लाख पाच हजार ३९२, चिंचोली लिंबाजी (१३८) ४१ लाख एक हजार ६७६, शेलगाव पाच लाख ५४ हजार २१५.

मोबाइल अॅप डाउनलोड करा आणि राहा अपडेट

झुंबा फिटनेसवर आम्ही फिदा!

December 11, 2017, 8:48 am

≫ Next: स्पा प्रकरणात दोन कंपन्यांची चौकशी सुरू

≪ Previous: शेतकरी कर्जमाफीचे चार कोटी ४७ लाख जमा

$

0

0

झुंबा फिटनेसवर आम्ही फिदा!

म. टा. प्रतिनिधी, औरंगाबाद

झुंबा म्हणजे काहीतरी विलक्षण प्रकार. याने खरच वजन कमी होत असावे का, आम्हाला झुंबा करता तरी येईल का? असे अनेक प्रश्न व शंका घेऊन आलेल्या मुली, महिलांना झुंबा फिटनेसने अगदी जिंकले होते. वेस्टर्न ट्रँकपासून ते देसी स्टाइलवर झुंबा करताना सर्वजणी अगदी घामाघूम झाल्या, पण शेवटी आम्ही

झुंबा डान्स स्वतः केला व खूप खूप एन्जॉय केला अशा प्रतिक्रिया देताना सर्वजणी अगदी खूश होत्या.

रविवारी कलश मंगल कार्यालयामध्ये आयोजित झुंबा फिटनेस कार्यशाळा महिला व मुलींसाठी उत्तम संधी ठरली. महाराष्ट्र टाइम्सच्या औरंगाबाद आवृत्तीच्या सहाव्या वर्धापन दिनानिमित्त या कार्यक्रमाचे आयोजन करण्यात आले होते. प्रशिक्षक चेतन पाटील व त्यांच्या विद्यार्थ्यांनी झुंबाचा परिचय करून दिला व सर्वांना सोबत घेत झुंबा करवून पण घेतला. झुंबा करण्याचा पहिला अनुभव असूनही अतिशय आत्मविश्वासाने प्रत्येकाने चेतन यांच्या प्रत्येक स्टेपची कॉपी करण्यात कंजुषी दाखवली नाही.

वॉर्मअपपासून ते सिनेगीतांवर थिरकताना प्रत्येकाला किती नाचू असे झाले होते. हसतखेळत व्यायाम म्हणून लोकप्रिय असणारा झुंबा फिटनेस तरुणाईचा आवडता आहे. तर कंटाळवाणा व्यायाम करण्यापेक्षा सर्वांसोबत झुंबा करताना मजा येते म्हणून अलीकडे महिलाही झुंबा करतात. ग्रुप फॉर्मचा हा सोपा व्यायामप्रकार डान्स व व्यायाम यांचे मिश्रण. कोलंबियातून आलेल्या या ट्रेंडद्वारे संपूर्ण जगात ५० हजार प्रशिक्षक झुंबा शिकवितात. तर थोड्याथोडक्या नव्हे तर १०० डान्स स्टाइल्सद्वारे झुंबा

शिकवला जातो, अशी माहिती चेतन यांनी दिली. कोणत्याही वयोगटासाठी उपयुक्त असल्याने झुंबा फिटनेस एन्जॉयमेंट व अतिरिक्त चरबी कमी करण्यासाठी फॉलो केले जातो. चेतनसोबत आलेल्या युवक युवतींनीही पहिल्यांदाच झुंबा करणार्या प्रशिणार्थींचा उत्साह वाढवला. तर आपल्याच झुंबा डान्सला दाद देणारे प्रशिक्षणार्थीही प्रत्येक साउंड ट्रँकनंतर टाळ्या वाजवत स्वतःचा उत्साह वाढवत होते. चेतन पाटील यांना विराट जोशी यांनीही सहाय्य केले. तसेच अशोक सातपुते, निशांत लांडगे, सुयोग पोटे, ऋषाली पतंगे, प्रांजली आदींनी सहाय्य केले.

मोबाइल अॅप डाउनलोड करा आणि राहा अपडेट

---

स्पा प्रकरणात दोन कंपन्यांची चौकशी सुरू

December 11, 2017, 1:30 pm

≫ Next: मानसोपचारतज्ज्ञाच्या अभिप्रायाचे निर्देश

≪ Previous: झुंबा फिटनेसवर आम्ही फिदा!

$

0

0

म. टा. प्रतिनिधी, औरंगाबाद
प्रोझोन मॉलमध्ये स्पा सेंटरच्या नावाखाली वेश्या व्यवसायाच्या प्रकरणात एजन्सी कंपनी आणि अन्य दोन कंपन्यांचीही चौकशी सुरू असल्याची माहिती पोलिस उपायुक्त दीपाली घाटे घाडगे यांनी दिली.

डॉ. दिलापी घाडगे - घाटे यांनी सांगितले की, मॉलच्या दुसऱ्या मजल्यावर ‘अंतरा द फॅमिली स्पा’ आणि ‘दी स्ट्रेस हब’ या नावाने तीन वर्षांपासून स्पा सेंटर सुरू आहे. हे दोन्ही स्पा एकाच मालकाचे असून, शेजारी-शेजारी आहेत. तेथे हेअर कटिंग सलून आणि थाई मसाजच्या नावाने देहविक्रीचा व्यवसाय सुरू असल्याची माहिती मिळाली. त्याआधारे छापा टाकण्याचे नियोजन करण्यात आले. ठरल्याप्रमाणे गुरुवारी (सात डिसेंबर ) सायंकाळी दोन पंटर तेथे पाठवण्यात आले होते. त्यांनी तेथील कर्मचाऱ्यांना विश्वासात घेऊन महिलांची मागणी केली. ५० हजार रुपये घेऊन दोन मुली देण्याची तयारी कर्मचाऱ्यांनी दाखवली. स्पाच्या व्यवस्थापकाच्या हाती ५० हजार रुपये ठेवल्यावर व्यवस्थापकाने थायलंडच्या दोन मुली दिल्या. त्यानंतर पंटरची इशारा करताच दबा धरून बसलेल्या पोलिसांनी छापा टाकला आणि तेथे असलेल्या सर्वांना अटक केली होती.

या प्रकरणात विदेशी महिलांची माहिती पोलिसांनी भारतातील विशेष मंत्रालयाला पाठविण्यात आली आहे. यात इराक येथील एका मुलाचाही समावेश आहे. त्याबाबतही इराक मंत्रालयाला माहिती कळविण्यात आली आहे. या प्रकरणात संबंधित एजन्सी आणि स्पा कंपनीच्या मालकाचाही शोध सुरू आहे. विदेशी महिला कशा आल्या, याचाही शोध सुरू आहे. संबंधित दी स्ट्रेस हब आणि अंतरा द ‌फॅमिली स्पा या कंपन्यांचे चार सेंटर आहेत. या सेंटरचीही पोलिसांनी चौकशी सुरू केली आहे. आगामी काही दिवसांत या प्रकरणात आ‌णखी काही माहिती समोर येण्याची शक्यता असल्याचाही विश्वास डॉ. दीपाली घाटे घाडगे यांनी व्यक्त केला.

असा लागला छडा
औरंगाबादला पर्यटनासाठी आलेल्या किंवा शैक्षणिक कामासाठी आलेल्या विदेशी पर्यटकांना पोलिस आयुक्तालयाला त्यांची माहिती देणे बंधनकारक आहे. यासाठी ‘टू सी फॉर्म’ भरून द्यावे लागत आहे. प्रोझोन मॉलला डॉ. दीपाली घाटे घाडगे या वैयक्तिक कामासाठी गेल्या होत्या. तेथे काही विदेशी महिला स्पॉच्या काचेतून दिसल्या. त्यांच्याकडे आलेल्या विदेशी नागरिकांच्या माहितीत या महिला नसल्याचे त्यांच्या निर्दशनास आले. त्यांच्याविषयी अधिक माहिती घेण्याचे आदेश दिल्यानंतर हे प्रकरण समोर आले असल्याची माहिती डॉ. घाडे घाटगे यांनी दिली.

मोबाइल अॅप डाउनलोड करा आणि राहा अपडेट

मानसोपचारतज्ज्ञाच्या अभिप्रायाचे निर्देश

December 11, 2017, 1:30 pm

≫ Next: आरसी स्मार्ट कार्ड मिळण्यास अखेर सुरुवात

≪ Previous: स्पा प्रकरणात दोन कंपन्यांची चौकशी सुरू

$

0

0

म. टा. विशेष प्रतिनिधी ,औरंगाबाद
दोन्ही मुत्रपिंड (किडनी) निकामी झालेल्या लहान भावाला किडनीदान करू इच्छिणाऱ्या गतिमंद भावाला तशी परवानगी देण्याची विनंती करणाऱ्या याचिकेवरील सुनावणीत न्या. आर. एम. बोर्डे आणि न्या. विभा कंकणवाडी यांनी, गतिमंद भाऊ स्वतः असा निर्णय घेण्यास सक्षम आहे का आणि याच्या परिणामांची त्याला जाणीव आहे का, याची मानसोपचारतज्ज्ञ डॉ. विनय बाऱ्हाळे यांच्याकरवी तपासणी करावी आणि त्यांचे त्याबाबतचे मत १४ डिसेंबरपर्यंत खंडपीठात दाखल करावे, असे निर्देश दिले.

याप्रकरणी दाखल याचिकेनुसार; हदगाव (जि नांदेड) येथील डॉक्टरांच्या दोन्ही किडनी निकामी झाल्या आहेत. त्यांच्या वडिलांचे वय ७० वर्षे आहे. त्यामुळे ते किडनी देऊ शकत नाहीत. एक शिक्षक असलेल्या भावाची किडनी जुळत नाही. बहिणीला लहानपणीच आईने किडनी दिलेली आहे. त्यांचा एक भाऊ गतिमंद आहे. अशा परिस्थितीत गतिमंद भावाचा रक्तगट आणि किडनी डॉक्टर यांच्याशी जुळतात. खंडपीठाने बजाज रुग्णालयातील समिती, विभागीय समिती आदींना नोटीस बजावून म्हणणे सादर करण्याचे निर्देश दिले होते. याप्रकरणी याचिकाकर्त्यांतर्फे खंडपीठात युक्तिवाद करण्यात आला. याचिकाकर्त्यातर्फे ए. आर. जोशी यांच्या वतीने प्रभाकर के. जोशी आणि व्ही. पी. गोलेगावकर, कमलनयन रुग्णालयातर्फे एल. डी. वकील, तर शासनातर्फे स्वप्नील जोशी आणि सोनपेठकर काम पाहत आहेत. या याचिकेची सुनावणी १८ डिसेंबरला होईल.

कुटुंबीयांची संमतीचा याचिकेत उल्लेख
त्यांच्यावर कमलनयन बजाज रुग्णालयात उपचार सुरू आहेत. तेथील कमिटी फॉर ऑर्गन ट्रान्सप्लांटने, ‘ह्यूमन ऑर्गन अँड टिशू ट्रान्सप्लांट ऍक्ट १९९४’च्या कलम ९ (१)अन्वये दाता गतिमंद असल्याने त्याच्या अवयवांचे दान करता येत नाही, असा निवडा दिला. खंडपीठात दाखल याचिकेत, गतिमंद मुलाची किडनी डॉक्टर भावाला देण्यासंदर्भात सर्व कुटुंबीयांची संमती असल्याचे नमूद करून, या किडनीदानास परवानगी देण्याची विनंती करण्यात आली आहे.

मोबाइल अॅप डाउनलोड करा आणि राहा अपडेट

आरसी स्मार्ट कार्ड मिळण्यास अखेर सुरुवात

December 11, 2017, 1:30 pm

≫ Next: धूर फवारणीला सिल्लोडमध्ये प्रारंभ

≪ Previous: मानसोपचारतज्ज्ञाच्या अभिप्रायाचे निर्देश

$

0

0

आरसी स्मार्ट कार्ड मिळण्यास अखेर सुरुवात
म.टा. प्रतिनिधी, औरंगाबाद ः
आरटीओ कार्यालयात आरसी बुक आता नवीन स्मार्ट कार्डमध्ये मिळण्यास सुरुवात झाली आहे. सोमवारी (११ डिसेंबर) आरसी बुकचे प्रिटींग स्मार्ट कार्डमध्ये करून ग्राहकांना देण्यात आले.
औरंगाबाद आरटीओ कार्यालयात मागील तीन वर्षांपासून आरसी बुकचे कागदी प्रिंट देण्यात येत होते. स्मार्ट कार्ड तयार करून देणाऱ्या एजन्सीचे कंत्राट संपल्याने, तत्कालीन परिवहन आयुक्तांनी या कंपनीला मुदतवाढ देण्यास नकार दिला होता. या ठिकाणी नवीन निविदा काढण्यात आली. या निविदेत रोजामार्टा कंपनीला कंत्राट देण्यात आले. या निविदा प्रक्रियेला कोर्टात आव्हान देण्यात आले होते. अखेर कोर्टातून रोजामार्टा कंपनीला दिलासा मिळाल्यानंतर त्यांनी मुंबई आणि पुणे ये‌थे वाहन नोंदणी पत्र आरसी बुक स्मार्ट कार्डमध्ये प्रिंट करून देण्यास सुरुवात करण्यात आली होती.
औरंगाबाद आरटीओ कार्यालयात दोन ते तीन आठवड्यापूर्वी स्मार्ट कार्ड सुरू करण्याचा निर्णय जाहीर करण्यात आला होता. वीज जोडणीच्या अडचणींपासून ते कामगारांच्या अडचणी दूर केल्यानंतर सोमवारी आरसी बुकचे स्मार्ट कार्डमध्ये प्रिंटींग सुरू करण्यात आले. दिवसभरात दहा आरसी बुक स्मार्ट कार्डमध्ये प्रिंट करून देण्यात आले.
कागदी प्रिंट स्मार्ट कार्डमध्ये होणार प्रिंट
आगामी काळात दोनशे रुपये ऑनलाइन भरून स्मार्ट कार्डची प्रिंट मिळणार आहे. यापूर्वी कागदी प्रिंट मिळालेल्या ग्राहकांनाही स्मार्ट कार्ड पैसे भरून घेता येणार आहे.

मोबाइल अॅप डाउनलोड करा आणि राहा अपडेट

धूर फवारणीला सिल्लोडमध्ये प्रारंभ

December 11, 2017, 1:30 pm

≫ Next: विद्यार्थी राहिले उपाशी

≪ Previous: आरसी स्मार्ट कार्ड मिळण्यास अखेर सुरुवात

$

0

0

म. टा, प्रतिनिधी, सिल्लोड
सिल्लोड शहरात डांसाचा उपद्रव टाळण्यासाठी व रोगराईवर मात करण्यासाठी नगर पालिकेने धूर फवारणीस सुरुवात केली आहे. या कामाचा प्रारंभ नगराध्यक्ष समीर सत्तार यांच्या हस्ते करण्यात आला आला.

यावेळी नगराध्यक्ष सत्तार म्हणाले की, स्वच्छ व सुंदर शहर हीच सिल्लोडची खरी ओळख निर्माण करण्यासाठी सदैव प्रयत्नशील आहे. शहरातील गटारांसह नाली, रस्त्यांच्या साफ सफाईची कामे हाती घेण्यात आली असून, अजारांवर मात करण्यासाठी नवनवीन उपक्रम हाती घेऊन नागरिक साथीच्या रोगांना बळी पडणार नाही याची काळजी घेण्यात येत आहे.

शहरातील महावीर चौकात नगर पालिकेने धूर फवारणीला सुरुवात केली. यावेळी उपनगराध्यक्षा शकुंतला बन्सोड, माजी उपनगराध्यक्ष विठ्ठल सपकाळ, शंकरराव खांडवे, संजय आरके, मनोज झवर, राजेंद्र चव्हाण, नगरसेवक शेख मोहसीन, रईस मुजावर पठाण, सलिम हुसैन, राजू दुधे, राजरत्न निकम, मिर्झा सांडू बेग, मतीन देशमुख, कुणाल सहारे, संजय मुरकुटे, फहीम पठाण, अकिल देशमुख, मधुकर बेंडाळे, दत्ताभाऊ शेजूळ, राजू साठे, अफजल बेग, मनोहर आरके, गणेश राजपूत, राधेश्याम अग्रवाल, माणसिंग राजपूत, प्रभाकर कुंटे, सरदारखान पठाण यांच्याससह नागरिकांची उपस्थिती होती.

आठ दिवस फवारणी
सिल्लोड नगर पालिकेमार्फत दोन यंत्रांच्या मदतीने धूर फवारणीचे काम सुरू करण्यात आले आहे. हे काम आठ कर्मचाऱ्यांमार्फत करण्यात येत आहे. त्यासाठी सुमारे दोन लाख रुपये खर्च करण्यात येणार आहेत. धूर फवारणीचे काम आठ दिवसांत पूर्ण होईल, असे नगर पालिकेतून सांगण्यात आले.

मोबाइल अॅप डाउनलोड करा आणि राहा अपडेट

विद्यार्थी राहिले उपाशी

December 11, 2017, 1:30 pm

≫ Next: ‘समृद्धी’साठी १५५ हेक्टर संपादित

≪ Previous: धूर फवारणीला सिल्लोडमध्ये प्रारंभ

$

0

0

विद्यार्थी राहिले उपाशी

धनादेश तयार नसल्याने लांबला पुरस्कार वितरण समारंभ

म.टा. प्रतिनिधी, औरंगाबाद

महापालिकेच्या वर्धापन दिनी अधिकारी - पदाधिकारी, नगरसेवकांची चंगळ झाली. त्यांनी वर्धापन दिनाचा आनंद लुटला, पण महापालिकेच्या शाळेतील गुणवंत विद्यार्थीच या आनंदापासून वंचित राहीले. वर्धापन दिनाचे औचित्य साधून गुणवंत विद्यार्थ्यांचा सत्कार व बक्षीस समारंभाचे आयोजन करण्यात आले होते, पण बक्षिसाच्या रक्कमेचे धनादेश तयार न झाल्यामुळे बक्षीस वितरणाचा कार्यक्रम पुढे ढकलण्याची नामुष्की पालिकेच्या प्रशासनावर आल्याची माहिती मिळाली आहे.

महापालिकेचा वर्धापन दिन यंदा धुमधड्यात साजरा करण्यात आला. तीन दिवस विविध कार्यक्रमांची रेलचेल होती. अधिकारी - कर्मचाऱ्यांसाठी स्नेहभोजनाचे आयोजन देखील करण्यात आले होते. सूत्रांनी दिलेल्या माहितीनुसार तीन दिवसाच्या कार्यक्रमाचा खर्च २५ लाखांच्या घरात गेला आहे. पालिकेची आर्थिक स्थिती नाजूक असल्यामुळे प्रायोजकांच्या माध्यमातून हा खर्च भरून काढण्याचा निर्णय घेण्यात आला होता, पण प्रायोजकांनी देखील हात आखडता घेतल्याचे बोलले जात आहे. त्यामुळे काही कार्यक्रम उधारीवर तर काही कार्यक्रम पेमेंट करून करण्यात आले. दहावीच्या परीक्षेतील गुणवंत विद्यार्थ्यांच्या बक्षीस वितरण समारंभाचे आयोजन देखील वर्धापन दिनाच्या निमित्ताने करण्यात आले होते. बक्षीस वितरण कार्यक्रमाबरोबरच आदर्श शिक्षकांचा सत्कार देखील केला जाणार होता. हा कार्यक्रम सोमवारी (११ डिसेंबर) आयोजित करण्यात आला होता, पण ऐनवेळी हा कार्यक्रम रद्द करण्यात आला.

विद्यार्थी आणि शिक्षकांच्या संबंधिचा कार्यक्रम रद्द का करण्यात आला याची अधिक माहिती घेतली असता विद्यार्थ्यांच्या बक्षिसांच्या रक्कमेचे धनादेश तयार झाले नव्हते, अशी माहिती सूत्रांनी दिली. सुमारे साडेआठ लाख रुपयांची बक्षिसे विद्यार्थ्यांना वाटायची आहेत. बक्षिसाच्या रक्कमचे धनादेश त्या - त्या विद्यार्थ्यांच्या नावे तयार करून त्यांना ते देण्यात येणार होते, परंतु वरिष्ठ अधिकाऱ्यांच्या स्वाक्षरीत बक्षिसाच्या रकमेची फाइल अडकली. फाइलवर स्वाक्षरी न झाल्यामुळे लेखा विभागाने देखील धनादेश तयार करण्यास असमर्थता दाखवली. बक्षिसाचे धनादेश तयार नाही, मग कार्यक्रम कशासाठी करायचा, असा प्रश्न निर्माण झाला आणि पालिका प्रशासनाने सोमवारचा कार्यक्रम रद्द केला. विद्यार्थ्यांच्या बक्षीस वितरणाचा कार्यक्रम रद्द झाल्यामुळे आदर्श शिक्षकांचा पुरस्कार वितरणाचा कार्यक्रम देखील रद्द झाला. गेल्या दोन वर्षांत हे कार्यक्रम झाले नव्हते. आता या कार्यक्रमांना मुहूर्त केव्हा लागेल याबद्दल प्रश्नचिन्ह निर्माण झाले आहे.

विमान सफरही रखडली

पालिका शाळेतील गुणवंत विद्यार्थ्यांना बक्षिसाखातर विमानाने दिल्लीची सफर घडविण्याचा निर्णय घेण्यात आला होता. ११ विद्यार्थ्यांची यासाठी निवड करण्यात आली होती. विमान सफरीचा खर्च प्रायोजकाच्या माध्यमातून उभा देखील करण्यात आला, पण विद्यार्थ्यांबरोबर कोण जाणार याबद्दल प्रशासनात एकवाक्यता निर्माण न झाल्यामुळे गुणवंत विद्यार्थ्यांची विमान सफर देखील रखडली आहे.

मोबाइल अॅप डाउनलोड करा आणि राहा अपडेट