म. टा. प्रतिनिधी, औरंगाबाद
राष्ट्रसंत गाडगेबाबा यांच्या पुण्यतिथीनिमित्त शहरात ठिकठिकाणी आयोजित कार्यक्रमात त्यांना अभिवादन करण्यात आले.
विद्यानगर वॉर्डातील हिंदुराष्ट्र चौक परिसरात असलेल्या संत गाडगेबाबा उद्यानात रक्तदान शिबिर व कीर्तनाचे आयोजन करण्यात आले होते. यावेळी महापौर नंदकुमार घोडेले यांनी संत गाडगेबाबा यांच्या प्रतिमेस पुष्पहार अर्पण करून अभिवादन केले. यावेळी शिवसेनेचे पूर्व विधानसभा संघटक नगरसेवक राजू वैद्य, नगरसेवक गजानन मनगटे, राजाराम मोरे, बापू कवळे, कैलास निकम, साईनाथ हजारे, अनिल गायकवाड, अप्पासाहेब ठोंबरे, नारायण भागवत, रामेश्वर वाघ, जनार्दन घोडके, भागवत काळे आदी उपस्थित होते.
डॉ. आंबेडकराईट मुव्हमेंटतर्फे शहरातील महापुरूषांच्या पुतळ्याची व पुतळ्याच्या परिसराची स्वच्छता करण्यात आली. छत्रपती शिवाजी महाराज, महात्मा जोतिबा फुले, राजर्षी शाहू महाराज, डॉ. बाबासाहेब आंबेडकर पुतळ्याची व पुतळ्याच्या परिसराची, चौकांची स्वच्छता कार्यकर्त्यांनी केली. या अभियानात महापौरांनी सहभागी दिला. विशाल दाभाडे, केवल थोरात, मनीष नरवडे, प्रमोद आंबेवाडीकर, पंकज सुकाळे, सदाशिव डोईफोडे, आकाश मगरे, सागत थोरात, रोहित शिंदे, अभिजीत गंगावणे, संदीप मोकळे आदी सहभागी झाले. महापालिकेच्या चिकलठाणा येथील शाळेत संत गाडगेबाबा यांना आदरांजली अर्पण करण्यात आली. यावेळी मुख्याध्यापक देवेंद्र सोळुंके यांनी संत गाडगेबाबा यांच्या वेशभूषेत स्वच्छता, शिक्षण, आरोग्य, अंधश्रध्दा याविषयावर कीर्तन केले. सर्जेराव वाघ, मंगल रंधे, बेबी मालोदे, शहर कापूरे, संगीता चव्हाण, सय्यद खिंजर, मनीषा शिंदे, जाहेद पठाण, रवींद्र खापे, अर्चना भारव्दाज उपस्थित होते. महापालिकेच्या प्रियदर्शनी विद्यालयात देखील अभिवादन करण्यात आले. यावेळी शिक्षणाधिकारी श्रीकांत कुलकर्णी यांच्यासह देवेंद्र सोळंके, शाळेचे मुख्याध्यापक संजीव सोनार, स्वाती दिंडोरे, प्रतिभा गावंडे, मनीषा नगरकर यांच्यासह शिक्षक, विद्यार्थी उपस्थित होते.
स्वच्छता अभियान
राष्ट्रसंत गाडगे महाराज पुण्यतिथीनिमित्त बुधवारी विविध उपक्रम राबविण्यात आले. हडको एन -११ टीव्ही सेंटर चौक, सिडको एन -नऊ ट्रॅफिक गार्डन येथे स्वच्छता मोहीम राबविण्यात आली. त्यानंतर सिडको एन -नऊ येथील संत गाडगे महाराज मंदिर येथे कार्यक्रम घेण्यात आला. संत गाडगे महाराज पुण्यतिथी समितीचे अध्यक्ष गोपीनाथराव वाघ, कचरू घोडके, उपाध्यक्ष अशोक दामले, मधुकर वाघमारे, कौतिकराव सोनवणे, सांडू अहिरे, राजू तांदळे, अनिल त्रिभुवन, मंगेश गायकवाड, कडूबा हजारे, मनोज सिरसाठ, बंडू मोरे, गजानन सिरसाठ, कैलास राऊत, नारायण गाडेकर, बी. डी. सूर्यवंशी आदींसह कार्यकर्ते उपस्थित होते. उपस्थित भाविकांना उज्ज्वल लक्ष्मणराव शिंदे आणि संजय काशीनाथ चौधरी यांच्यावतीने महाप्रसाद देण्यात आला.
सम्यक विचार मंच
सम्यक विचार मंचच्या वतीने राष्ट्रसंत गाडगे महाराज यांच्या पुण्यतिथीनिमित्त अभिवादन करण्या आले. सिडको एन- दोन परिसरात हा कार्यक्रम झाला. अरुण जाधव अध्यक्षस्थानी होते. यावेळी अनिल साळवे, गौतमराव शेजूळ, जे. एस. कदम, जगन्नाथराव गायकवाड, महादेव पाटील, अनिल गायकवाड, रमेश जैस्वाल, अभय जाधव आदी उपस्थित होते.
मोबाइल अॅप डाउनलोड करा आणि राहा अपडेट
