महात्मा फुले सेवा संघाचे स्नेहसंमेलन उत्साहात

December 28, 2017, 1:30 pm

≫ Next: ‘एमयुएचएस’च्या सिनेटसाठी चुरशीची लढत, मतदान शांततेत

≪ Previous: एसटीला 'नाताळ' पावला

$

0

0

म. टा. प्रतिनिधी, औरंगाबाद
महात्मा फुले सेवा संघ, महाराष्ट्र यांच्यावतीने औरंगाबादेत शासकीय सेवेतील अधिकारी आणि कर्मचाऱ्यांचे स्नेहसंमेलन मराठवाडा महसूल प्रबोधिनीत नुकतेच घेण्यात आले. विविध शासकीय सेवेतील अधिकारी आणि कर्मचारी बहुसंख्येने उपस्थित होते.
यावेळी समाजाच्या कल्याणासाठी उल्लेखनीय कार्य करणारे अधिकारी आणि कर्मचाऱ्यांसह मान्यवरांचा सत्कार करण्यात आला. अनिष्ट रूढी-परंपरांचा बिमोड करून समाजातील शैक्षणिक मागासलेपण दूर करण्यासाठी प्रयत्न करण्याचे आश्वासन वरिष्ठ अधिकाऱ्यांनी दिले. समाजातील युवक-युवतींसाठी शासनाच्या विविध कल्याणकारी योजनांचा लाभ मिळवून देत रोजगार उपलब्ध करून देण्याबाबत संमेलनात विस्तृत चर्चा झाली. जिल्हा स्तरावर श्रीसंत सावता महाराज वसतिगृहांची उभारणी, सावित्रीबाई फुले स्पर्धा परीक्षा मार्गदर्शन केंद्र, डॉ. रखमाबाई राऊत दत्तक विद्यार्थी योजना, सुशिक्षित बेरोजगार तरुणांसाठी कौशल्य विकास योजनेचा लाभ मिळवून देणे, विविध शासकीय योजनांचा लाभ समाजाला मिळवून देणे, शेतकऱ्यांसाठी महात्मा फुले शेतकरी स्वावलंबन मेळाव्यांचे आयोजन करणे, व्यसनमुक्ती, हुंडा प्रथेचे निर्मूलन करणे आदी विषयांवर स्नेहसंमेलनात भर देण्यात आला.
संमेलनासाठी शांताराम गाडेकर, जयवंतराव गायकवाड यांच्यासह औरंगाबाद जिल्हा संयोजन समितीचे पदाधिकारी व कर्मचाऱ्यांनी पुढाकार घेतला. प्रा. संतोष वीरकर यांनी सूत्रसंचालन केले. प्रा. वसंत हरकळ यांनी आभार मानले.

मोबाइल अॅप डाउनलोड करा आणि राहा अपडेट

---

‘एमयुएचएस’च्या सिनेटसाठी चुरशीची लढत, मतदान शांततेत

December 28, 2017, 1:30 pm

≫ Next: ‘नाट्यशास्त्र इतर शास्त्रांपेक्षा सरस’

≪ Previous: महात्मा फुले सेवा संघाचे स्नेहसंमेलन उत्साहात

$

0

0

‘एमयुएचएस’च्या सिनेटसाठी चुरशीची लढत, मतदान शांततेत
म. टा. प्रतिनिधी, औरंगाबाद
नाशिक येथील महाराष्ट्र आरोग्य विज्ञान विद्यापीठाच्या (एमयुएचएस) ‘सिनेट’सह अभ्यास मंडळांच्या (बोर्ड ऑफ स्टडीज) निवडणुकांसाठी गुरुवारी (२८ डिसेंबर) शहरातील शासकीय वैद्यकीय महाविद्यालय व रुग्णालयामध्ये (घाटी) शांततेत मतदार झाले. या प्रसंगी ‘सिनेट’ची निवडणूक अतिशय चुरशीची झाल्याचे स्पष्ट झाले.
आरोग्य विज्ञान विद्यापीठाच्या निवडणुकांसाठी घाटी हे मतदार केंद्र होते व गुरुवारी सकाळी दहा ते दुपारी चार या वेळेत मतदान झाले. सर्व शासकीय-खासगी वैद्यकीय महाविद्यालये, दंत महाविद्यालये, आयुर्वेद व होमियोपॅथी महाविद्यालयातील शिक्षक हेच मतदार तसेच उमेदवार असलेल्या निवडणुकीत सर्वांत चुरशीची निवडणूक झाली ती ‘सिनेट’साठी. या निवडणुकीत प्राध्यापक गट (प्रोफेसर) तसेच प्राध्यापकांव्यतिरिक्तचा गट (ऑदर दॅन प्रोफेसर) अशा दोन वेगवेगळ्या गटांत ‘सिनेट’च्या निवडणुका झाल्या. प्राध्यापकांच्या गटासाठी १४५ मतदारांपैकी ११७ मतदारांनी मतदान केले, तर प्राध्यापकांव्यतिरिक्त गटामध्ये ५७७ पैकी २१८ मतदारांनी मतदान केले. या निवडणुकीसाठी औरंगाबादेतील चार डॉक्टर उमेदवार हे निवडणूक रिंगणात होते, तर उर्वरित उमेदवार हे मुंबई, लातूर, अंबाजोगाई, नगर आदी ठिकाणचे होते. ‘सिनेट’सह अभ्यास मंडळांसाठीही (बोर्ड ऑफ स्टडीज) निवडणूक झाली आणि आयुर्वेद, होमिओपॅथी, मेडिकल, डेंटल या शाखांनुसार वेगवेगळ्या निवडणुका झाल्याचे सांगण्यात आले. येत्या एक ते दोन दिवसांत निकाल स्पष्ट होणार असल्याचेही संकेत आहेत.
माहोल निवडणुकीचाच
यानिमित्त घाटीमध्ये म्हणजेच शासकीय वैद्यकीय महाविद्यालयाच्या इमारतीमध्ये मतदान कक्ष होता व निवडणुकीमुळे गुरुवारी संपूर्ण माहोल हा निवडणुकीचाच होता. त्याचवेळी उमेदवार हे मतदारांचे अगत्याने स्वागत करताना दिसून आले. अनेक डॉक्टर मतदार हे बाहेर गावाहूनही खास मतदानासाठी आले होते. दिवसभराच्या मतदानामुळे ‘कॉलेज बिल्डिंग’मध्ये मतदानाशिवाय कुठलाही विषय नसल्याचे दिसून आले. ‘कॉलेज बिल्डिंग’मधील तळमजल्यावरील कक्षामध्ये मतदानाच्या संकलनाचे काम सुरू होते.

मोबाइल अॅप डाउनलोड करा आणि राहा अपडेट

‘नाट्यशास्त्र इतर शास्त्रांपेक्षा सरस’

December 28, 2017, 1:30 pm

≫ Next: चोरट्यांचा ‘हिवाळीबार’

≪ Previous: ‘एमयुएचएस’च्या सिनेटसाठी चुरशीची लढत, मतदान शांततेत

$

0

0

म. टा. प्रतिनिधी, औरंगाबाद
‘नाटकातील भूमिकेच्या अंतरंगात शिरणे खरी कला आहे. वास्तवाचा आभास उभा करणे अधिक कठीण असते. प्रत्येक पात्रांशी आपला संबंध जाणून घेऊन कलाकार भूमिका निभावतात. त्यामुळे नाट्यशास्त्र इतर कोणत्याही शास्त्रापेक्षा सरस आहे’ असे प्रतिपादन ज्येष्ठ रंगकर्मी विजया शिरोळे यांनी केले. महाराष्ट्र कामगार कल्याण मंडळाच्या नाट्य स्पर्धेचे उदघाटन केल्यानंतर त्या बोलत होत्या.
महाराष्ट्र कामगार कल्याण मंडळाच्या ६५ व्या नाट्य महोत्सवाची प्राथमिक फेरी सुरू झाली आहे. ललित कला भवन येथे गुरुवारी सायंकाळी स्पर्धेचे उदघाटन करण्यात आले. यावेळी मंचावर ज्येष्ठ रंगकर्मी विजया शिरोळे, ‘सिमेन्स’चे व्यवस्थापक अनुराग कल्याणी, सहाय्यक कल्याण आयुक्त भालचंद्र जगदाळे, परीक्षक ज्ञानदा कुलकर्णी, कैलास टापरे आणि प्रा. किशोर शिरसाठ यांची प्रमुख उपस्थिती होती. स्पर्धेच्या वेगळेपणावर विजया शिरोळे यांनी भाष्य केले. ‘कामगार कल्याण केंद्राच्या कोतवालपुरा केंद्रासाठी ‘महानिर्वाण’ नाटक केले होते. तेव्हापासून नाट्य स्पर्धेत माझा प्रवेश झाला. कामगार कल्याण केंद्र माझे माहेर आहे. या मंचावरून अनेक यशस्वी कलाकार, लेखक व दिग्दर्शक घडले आहेत. निरीक्षण आणि कल्पनाशक्तीवर भूमिका उभी असते. अनेकविध विषयांचे कलाकारांना भान असल्यामुळे नाटक रसिकांसाठी नेहमीच वेगळा अनुभव ठरते’ असे शिरोळे म्हणाल्या. ‘कामगारांच्या कलागुणांना वाव देण्यासाठी नाट्य स्पर्धा उत्तम माध्यम आहे. मानवी जीवनाशी नाटकाचा निकटचा संबंध असतो. लहानपणी पाहिलेले नाटक तुमच्या मनावर नेहमीचा प्रभाव टाकते असा माझा अनुभव आहे’ असे अनुराग कल्याणी म्हणाले. या कार्यक्रमाचे प्रास्ताविक भालचंद्र जगदाळे यांनी केले. ‘राज्यातील सात केंद्रांवर नाट्य स्पर्धा होत असून दीडशे संघ सहभागी झाले आहेत. अंतिम फेरी सोलापूर केंद्रावर होईल’ असे जगदाळे यांनी सांगितले. या कार्यक्रमाचे सूत्रसंचालन दिनकर पाटील यांनी केले, तर अजय निकम यांनी आभार मानले. यावेळी कर्मचारी व रसिक उपस्थित होते.

रसिकांचा प्रतिसाद

रानबा गायकवाड लिखित व कामगार कल्याण केंद्र परळी शहर प्रस्तुत ‘फोटोसेशन’ या नाटकाने नाट्य स्पर्धेला सुरुवात झाली. या नाटकाला रसिकांचा चांगला प्रतिसाद मिळाला. शुक्रवारी कामगार कल्याण केंद्र भवन, सेलू यांचे रवीशंकर झिंगरे लिखित ‘पुस्तकाच्या पानातून’ नाटक सादर होणार आहे. उस्मानपुरा येथील ललित कला भवनात सायंकाळी सात वाजता प्रयोग सुरू होईल.

मोबाइल अॅप डाउनलोड करा आणि राहा अपडेट

चोरट्यांचा ‘हिवाळीबार’

December 28, 2017, 1:32 pm

≫ Next: हद्दपार गुंडाचा मध्यरात्री खून

≪ Previous: ‘नाट्यशास्त्र इतर शास्त्रांपेक्षा सरस’

$

0

0

म. टा. प्रतिनिधी, औरंगाबाद
पोलिसांच्या नाकावर टिच्चून सलग दोन दिवस मंगळवारी व बुधवारी मध्यरात्री गारखेडा, सूतगिरणी चौक, विभागीय क्रीडा संकुल परिसरात चोरट्यांनी तब्बल १२ दुकाने फोडली. त्यामुळे व्यापारी वर्गात भीतीचे वातावरण आहे.

दुकानाचे शटर उचकटून दुकान फोडणाऱ्या या टोळीने बुधवारी रात्री पुन्हा डाव साधला. जवाहरनगर पोलिस ठाणे हद्दीतील विभागीय क्रीडा संकुलासमोरील निसर्ग अपार्टमेंटमधील शिवाजी वैद्य यांचे कम्प्युटर शॉप, अॅड. डी. एम. पिंगळे तसेच डोळस नावाच्या व्यक्तीचे दुकान चोरट्यांनी फोडले. या चोरीमध्ये नेमका किती ऐवज गेला हे समजू शकले नाही. यानंतर चोरट्यानी पुंडलिकनगर पोलिस ठाणे हद्दीतील दुकानांकडे मोर्चा वळवला. गजानन महाराज मंदिर ते विभागीय क्रीडा संकुल चौकाकडे जाणाऱ्या मार्गावरील अथर्व प्लाझा आणि कासलीवाल सुवर्णयोग इमारतीतील तीन दुकानांना लक्ष्य केले. या दुकानांचे देखील शटर उचकटून ही दुकाने फोडली. यामध्ये स्वाती फुटाणे यांचे मुक्ता बुटीक तसेच अशोक देशपांडे व निश्चल शेंडे यांच्या टेम्पलस इंफोटेकचा समावेश आहे. या दुकानातून चोरट्यानी केवळ लॅपटॉप लांबवले. चोरट्यांनी मंगळवारी रात्री गारखेडा परिसरातील सह्याद्री हिल्स येथील सहा दुकाने फोडली होती. सीसीटीव्ही कॅमेऱ्यामध्ये यातील संशयिताचा फोटो देखील आला आहे. त्यांनी दुसऱ्या दिवशीही दुकाने फोडून पोलिसांसोर आव्हान उभे केले आहे.

गस्तीवर प्रश्नचिन्ह
शहरात गुन्ह्यावर अंकुश ठेवण्यासाठी पीसीआर व्हॅन, चार्ली पथक, गुन्हे शाखेचे पथक, सबंधित पोलिस ठाण्यातील गुन्हे प्रकटीकरण पथक, टू मोबाइल आदीचा समावेश आहे. असे असतानाही चोरट्यांनी सलग दोन दिवस दुकाने फोडत जवाहरनगर व पुंडलिकनगर पोलिसांना आव्हान दिल्याचे या घटनेवरून दिसून येते.

मोबाइल शॉपी फोडली
दुकाने फोडणाऱ्या या टोळीने शहानूरवाडी चौकात असलेली मोबाइल शॉपी दुकानाच्या मागच्या बाजूचा पत्रा उचकटून फोडली. शनिवार ते बुधवारच्या दरम्यान हा प्रकार घडला. यामध्ये चोरट्यांनी दहा हजारांचे मोबाइल लांबवले. दुकानमालक सय्यद अफजल अमीन सय्यद (रा. नवाबपुरा) यांनी दिलेल्या तक्रारीवरून जवाहरनगर पोलिस ठाण्यात गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

हद्दपार गुंडाचा मध्यरात्री खून

December 28, 2017, 1:34 pm

≫ Next: नऊ तरुणींची अखेर थायलंडला रवानगी

≪ Previous: चोरट्यांचा ‘हिवाळीबार’

$

0

0

म. टा. प्रतिनिधी, औरंगाबाद
पोलिस रेकॉर्डवरील हद्दपार गुंड हुसेनखान अलियार खान उर्फ शेरखान (वय ४६ रा. पेन्शनपुरा, छावणी) याचा चालत्या दुचाकीवरून डोक्यात वार करून निर्घृण खून केल्याची घटना गुरुवारी पहाटे दोन वाजता घडली. जमिनीच्या वादातून ही घटना घडल्याचे समजते. या प्रकरणी चार संशयित गुन्हेगारांना ताब्यात घेण्यात आले आहे.

शेरखान हा रात्री दोनच्या सुमारास ज्युबली पार्क येथील हॉटेलमधून दुचाकीवर घरी परतत होता. लक्ष्मी कॉलनी येथे अंधाऱ्या गल्लीत त्याचा पाठलाग करून मारेकऱ्यांनी चालत्या दुचाकीवर त्याच्या डोक्यावर डाव्या बाजूने पाच इंचाच्या लोखंडी पाइपने लागोपाठ दोन दोन वार केले. त्यामुळे शेरखानचा तोल जाऊन तो दुचाकी फरफटत काही अंतरावर कोसळला. यामध्ये त्याच्या डोक्याला गंभीर जखम झाल्याने रक्तस्त्राव होऊन त्याचा जागीच मृत्यू झाला. तेथून जात असलेल्या एका दुचाकीस्वाराला शेरखान रक्ताच्या थारोळ्यात पडलेला दिसला. अपघात झाला असावा, अशी शंका आल्याने त्याने छावणी पोलिसांना ही माहिती दिली. पोलिसांनी घटनास्थळ गाठत पाहणी केल्यानंतर हा खुनाचा प्रकार असल्याचे निष्पन्न झाले. शेरखानवर हल्ला केल्यानंतर मारेकरी पसार झाले. ज्या लोखंडी पाइपने त्यांनी हल्ला केला होता, तो पाइप जवळच असलेल्या शाळेजवळील झुडपात फेकून दिला. पोलिसांनी हा पाइप जप्त केला आहे. घटनेची माहिती मिळताच एसीपी ज्ञानोबा मुंडे, गुन्हे शाखेचे पोलिस निरीक्षक शिवाजी कांबळे, इंदलसिग बहुरे, पीएसआय सचिन मिरधे यांच्यासह श्वान पथक, फिंगर प्रिंटस एक्सपर्ट, स्ट्रायकिंग फोर्स दाखल झाला. शेरखानचा मृतदेह घाटी रुग्णालयात हलवण्यात आला. या प्रकरणी शेरखानचा मुलगा अन्सारखान याने दिलेल्या तक्रारीवरून संशयित आरोपी अथर खान फजलोद्दीन खान, जहांगिर खान उस्मान खान, शेख नजीब शेख इस्माइल, अब्दुल इर्शाद अब्दुल गफार उर्फ बब्बू यांच्याविरुद्ध गुन्हा दाखल करण्यात आला आहे. या चौघांना ताब्यात घेण्यात आले असून, त्यांची चौकशी सुरू असल्याची माहिती उपायुक्त विनायक ढाकणे यांनी दिली.

शेरखानला केले होते हद्दपार
मृत शेरखान हा पोलिसांच्या रेकॉर्डवरील गुन्हेगार आहे. त्याच्यावर प्लॉटिंगच्या वादातून गुन्हे दाखल करण्यात आले आहेत. यामध्ये २००९ साली खुनाचा प्रयत्न करणे, २०१५ मध्ये खुनाचा प्रयत्न करणे, जून २०१६ मध्ये विनयभंग, नोव्हेंबर २०१६मध्ये मारहाणीचा गुन्हा दाखल आहे. त्याच्या गुन्हेगारी कारवायामुळे त्याला ४ सप्टेंबर २०१७ रोजी शहरातून हद्दपार करण्यात आले होते. मात्र त्याविरोधात त्याने विभागीय आयुक्तांकडे अपिल केले होते. दरम्यान, पोलिसांनी ज्या चार संशयितांना चौकशीसाठी ताब्यात घेतले आहे. ते आरोपी देखील रेकॉर्डवरील गुन्हेगार आहेत. त्यांच्यावर हद्दपारीचा देखील प्रस्ताव आला असल्याची माहिती उपायुक्त ढाकणे यांनी दिली.

मोबाइल अॅप डाउनलोड करा आणि राहा अपडेट

नऊ तरुणींची अखेर थायलंडला रवानगी

December 28, 2017, 1:35 pm

≫ Next: प्लॉट विक्रीत १६ लाखांची फसवणूक

≪ Previous: हद्दपार गुंडाचा मध्यरात्री खून

$

0

0

म. टा. प्रतिनिधी, औरंगाबाद
गेल्या चार आठवडयांपासून पोलिसांचा पाहुणचार झोडणाऱ्या नऊ थाई तरुणींची गुरुवारी पहाटे पोलिस बंदोबस्तात मुंबईला रवानगी करण्यात आली. मुंबईवरून रात्री पावणेआठच्या विमानाने त्यांना थायलंडला रवाना करण्यात आले. सात डिसेंबर रोजी प्रोझोन येथील स्पा सेंटर येथील कुंटणखान्यावर छापा टाकून पोलिसांनी या तरुणींना ताब्यात घेतले होते.

चार आठवडयांपूर्वी प्रोझोन येथील दोन स्पा सेंटरमध्ये सुरू असलेल्या कुंटणखान्यावर पोलिस उपायुक्त डॉ. दीपाली धाटे-घाडगे यांच्या पथकाने छापा टाकला होता. या ठिकाणी नऊ थायलंडच्या मुलींना ताब्यात घेतले. या मुली पोलिसांच्या ताब्यात सुधारगृहात होत्या. दुभाषाच्या मदतीने कोर्टासमोर या तरुणींचे जबाब घेण्यात आले होते. त्यांची चौकशी संपल्यानंतर कोर्टाने या मुलींना थायलंडला पाठवण्याची परवानगी दिली होती. मुंबई येथील थायलंडच्या दुतावासाशी याबाबत गुन्हे शाखेने मेलद्वारे पत्रव्यव्हार केला होता. या मुलींना सुखरूप महिला पोलिसांच्या बंदोबस्तात पाठवण्याच्या सूचना कोर्टाने पोलिसांना दिल्या होत्या. गुरुवारी पहाटे या मुलींना घेऊन महिला पोलिस निरीक्षक राजश्री आडे, गुन्हे शाखेचे एपीआय घनश्याम सोनवणे, विजयानंद गवळी तसेच चार महिला पोलिस कर्मचारी मुंबईला रवाना झाले. सायंकाळी पथक तेथे पोहचले. थायलंड दुतावासाच्या प्रतिनिधींच्या ताब्यात त्यांना विमानतळावर देण्यात आले. पावणेआठच्या विमानाने थायी दुतावासाच्या खर्चाने त्यांना थायलंडला रवाना करण्यात आले.

‘स्पा’च्या मॅनेजरसह दोघांचा जामीन फेटाळला
देहव्यापाराचा आरोप असलेल्या प्रोझोनमधील ‘स्पा’चा व्यवस्थापक व सहाय्यक व्यवस्थापक याने दुसऱ्यांदा सादर केलेला नियमित जामीन अर्ज सत्र न्यायाधीश डी. एस. शिंदे यांनी गुरुवारी फेटाळला. यापूर्वी व्यवस्थापक शेख तौफिक शेख अफसर (२३, रा. बायजीपुरा) व सहाय्यक व्यवस्थापक शशांक यशदीप खन्ना (२८, रा. मालाड, मुंबई) यांनी नियमित जामिनासाठी सादर केलेला अर्ज प्रथम वर्ग न्यायदंडाधिकारी यांनी १८ डिसेंबर रोजी फेटाळला. त्यानंतर दोघांनी पुन्हा सत्र न्यायालयात नियमित जामिनासाठी अर्ज सादर केला होता. सुनावणीवेळी, बाहेर देशातील तरुणींना ‘वर्क परमिट’ नव्हते, तर त्यांना पर्यटक म्हणून आणण्यात आले होते व त्यांच्यावर देहव्यापाराचा आरोप आहे. त्यामुळे भारताच्या प्रतिष्ठेचा व सुरक्षेचा प्रश्न उद्भवू शकतो. त्याचवेळी या प्रकरणाचा तपास प्राथमिक अवस्थेत आहे व आरोपींना जामीन मंजूर केला तर आरोपी साक्षीदारांवर दबाव आणू शकतात आणि त्यामुळे तपासामध्ये अडथळा निर्माण होऊ शकतो. त्यामुळे तपास होईपर्यंत आरोपींना जामीन मंजूर करू नये, अशी विनंती जिल्हा सरकारी वकील अविनाश देशपांडे यांनी कोर्टात केली. ही विनंती मान्य करुन कोर्टाने दोन्ही आरोपींचा नियमित जामीन अर्ज फेटाळला.

मोबाइल अॅप डाउनलोड करा आणि राहा अपडेट

प्लॉट विक्रीत १६ लाखांची फसवणूक

December 28, 2017, 1:40 pm

≫ Next: शेतकऱ्यांची जमीन शाळेला

≪ Previous: नऊ तरुणींची अखेर थायलंडला रवानगी

$

0

0

म. टा. प्रतिनिधी, औरंगाबाद
विकलेला प्लॉट पुन्हा एका नागरिकाला विकून सोळा लाखांची फसवणूक केल्याची घटना जानेवारी २०१७ ते एप्रिल २०१७ या काळात जिल्हाधिकारी कार्यालयातील दुय्यम निबंधक कार्यालयात घडली. या प्रकरणातील शेख मुश्ताक शेख मुनाफ हा आरोपी सध्या बेगमपुरा पोलिसांच्या ताब्यात आहे.

मीर साबेर अली मीर महेमुद अल (रा. हिमायतनगर, चाऊस कॉलनी) यांनी या प्रकरणी तक्रार दाखल केली आहे. मीर साबेरअली व त्यांचा मुलगा मीर आमेर अली या दोघांनी शेख मुश्ताक शेख मुनाफ (रा. हिनानगर) याच्याकडून हिमायतनगर गट क्रमांक १९-२ मधील प्लॉट क्रमांक ७४ ‌खरेदी केला होता. सोळा लाखांत हा व्यवहार झाला. दरम्यान आरोपी मुश्ताकने हा प्लॉट १० डिसेंबर २०१५ मध्येच मुश्ताक शेख अजमत यांना विकल्याची माहिती मीर साबेरअली यांना मिळाली. बनावट कागदपत्रे तयार करीत त्याने पुन्हा हा प्लॉट मीर साबेरअली यांना विकला होता. साबेरअली यांनी मुश्ताकला या प्रकरणी जाब विचारत पैशाची मागणी केली. यावेळी मुश्ताकने त्यांना शिवीगाळ करीत ठार मारण्याची धमकी दिली. या प्रकरणी सिटीचौक पोलिस ठाण्यात गुन्हा दाखल करण्यात आला असून, पीएसआय पंडित तपास करीत आहेत.

खंडणीही उकळली
आरोपी शेख मुश्ताक हा गुन्हेगारी प्रवृत्तीचा आहे. त्याच्या मावस जावयाला त्याने मुंबई क्राइम ब्रँचचे अधिकारी सोबत असल्याचे सांगत ९८ हजाराची खंडणी उकळली होती. याप्रकरणी १७ डिसेंबर रोजी सिटीचौक पोलिस ठाण्यात खंडणी व अपहरणाचा गुन्हा दाखल करण्यात आला आहे. तसेच सावंगी येथील सय्यद लाल सय्यद हबीब या व्यक्तीला बनावट कागदपत्रआधारे जटवाडा परिसरातील भूखंड विक्री करीत साडे तेरा लाखांची फसवणूक केली. याप्रकरणी बेगमपुरा पोलिस ठाण्यात गुन्हा दाखल आहे. तसेच शेख मोबीन जान या व्यक्तीला बनावट कागदपत्राआधारे हर्सूल येथील घराची विक्री करीत आठ लाख रुपयाला गंडा घातला.

मोबाइल अॅप डाउनलोड करा आणि राहा अपडेट

शेतकऱ्यांची जमीन शाळेला

December 28, 2017, 1:44 pm

≫ Next: जागा हडपण्याचा प्रयत्न; अटकपूर्व जामीन फेटाळला

≪ Previous: प्लॉट विक्रीत १६ लाखांची फसवणूक

$

0

0

म. टा. विशेष प्रतिनिधी ,औरंगाबाद
मुंबई येथील वोख्हार्ट कंपनीने शेंद्रा औद्योगिक क्षेत्रात उद्योगासाठी घेतलेल्या ३०० एकर जमिनीपैकी केवळ पंधरा एकर जमिनाचा वापर कंपनीसाठी व उर्वरित जमिनीचा वापर शाळेसाठी केला. अटी व शर्तींचे उल्लंघन केले, असा आक्षेप घेत कुंभेफळ येथील शेतकऱ्यांनी जमीन एमआयडीसीने परत घ्यावी, यासाठी मुंबई उच्च न्यायालयाच्या औरंगाबाद खंडपीठात धाव घेतली आहे. या प्रकरणात न्या. एस. व्ही. गंगापूरवाला व न्या. व्ही. एम. अचलिया यांच्या खंडपीठाने एमआयडीसी व वोख्हार्टला लेखी म्हणणे सादर करण्याचे आदेश न्या. संजय गंगापूरवाला व न्या. व्ही. एम. अचलिया यांच्या खंडपीठाने दिले.

वोख्हार्ट कंपनीने १९९७-९८मध्ये ३०० एकर जमीन, ४० ते ४५ हजार एकरी मोबदला देण्याच्या अटीवर घेतली. शेतकऱ्यांना १५ टक्के भूखंड, कंपन्यांमध्ये प्राधान्याने नोकरी देण्याच्या अटीवर शेतकऱ्यांनी जमीन दिली. कंपनीने पाच एकर क्षेत्रात औषधीचा कारखाना उभारला. ग्लोबल इंटर नॅशनल स्कूलसाठी उर्वरित जमीन वापरली. ५० ते ६० शेतकऱ्यांना एक हजार चौरस मीटरचे भूखंड देण्यात आले. १९९७नंतर दुसऱ्या टप्यात शेतक-ऱ्यांची जमीन संपादीत करताना सात ते आठ लाखांचा एकरी भाव देण्यात आला. तिसऱ्या टप्यात २३ ते २४ लाख रुपये एकर भाव देण्यात आला. शेतकऱ्यांच्या पाल्यांना नोकरी न देता कराराचे उल्लंघन केले. त्यामुळे कुंभेफळ येथील शेतकऱ्यांनी जमिनी परत कराव्यात, अशी मागणी विभागीय अधिकारी एमआयडीसी, मुख्य कार्यकारी अधिकारी एमआयडीसी व महाराष्ट्र शासनाकडे केली होती.

१८ जानेवारीला सुनावणी
शेतकऱ्यांच्या मागणीवर कार्यवाही झाली नाही म्हणून त्यांनी खंडपीठात धाव घेतली होती. शेतकऱ्यांची बाजू चंद्रकांत ठोंबरे यांनी मांडली. या याचिकेवर १८ जानेवारी रोजी पुढील सुनावणी होईल.

मोबाइल अॅप डाउनलोड करा आणि राहा अपडेट

---

जागा हडपण्याचा प्रयत्न; अटकपूर्व जामीन फेटाळला

December 28, 2017, 1:46 pm

≫ Next: मराठवाडा स्वतंत्र झालाच पाहिजे

≪ Previous: शेतकऱ्यांची जमीन शाळेला

$

0

0

म. टा. प्रतिनिधी, औरंगाबाद
खोट्या कागदपत्रांच्या आधारे भूखंड हडपण्याचा प्रयत्न करणाऱ्या आरोपीचा अटकपूर्व जामीन अर्ज सत्र न्यायाधीश डी. एस. शिंदे यांनी गुरुवारी (२८ डिसेंबर) फेटाळला.

या प्रकरणी खान साजेद पाशा सलीमोद्दीन खान (४२, रा. खडकेश्वर, औरंगाबाद) यांनी फिर्याद दिली होती. फिर्यादीनुसार, फिर्यादीची खडकेश्वर भागात २३३.६ चौरस मीटर जागा आहे. या जागेबाबत फिर्यादीने कोर्टामध्ये मालकी हक्काबाबत दाखल केला होता व कोर्टाने फिर्यादीच्या बाजुने निकाल दिला होता. या जागेचा ताबा मिळवण्यासाठी फिर्यादीने दिवाणी कोर्टात प्रकरण दाखल केले होते. त्यावर आरोपी सुरैय्या बेगम शेख रशीद (रा. इंदिरानगर, बायजीपुरा) हिने फिर्यादी व आरोपीचे वडील एकच असल्याचा आक्षेप कोर्टात दाखल होता. त्याच्या पुराव्यासाठी आरोपीने गुलशन-ए-अल्ताफ प्राथमिक शाळेची बनावट ‘टीसी’ तयार करून कोर्टात दाखल केली होती. फिर्यादीने संबंधित शाळेत चौकशी केली असता, ती ‘टीसी’ बनावट असल्याचे स्पष्ट झाले. या प्रकरणी फिर्यादीच्या तक्रारीवरुन जिन्सी पोलिस ठाण्यात फसवणुकीचा गुन्हा दाखल करण्यात आला होता.

आता शोध बनावट ‘टीसी’चा
या प्रकरणी आरोपीने अटकपूर्व जामिनासाठी अर्ज सादर केला असता, सहाय्यक सरकारी वकील मधुकर आहेर यांनी बनावट ‘टीसी’ कुठे तयार केली, त्यासाठी कुणी मदत केली, आरोपीच्या सह्याचे व अक्षराचे नमुने घेणे बाकी असल्यामुळे तपासासाठी पोलिस कोठडीची गरज आहे आणि त्यामुळे आरोपीला अटकपूर्व जामीन मंजूर करू नये, अशी विनंती सहाय्यक सरकारी वकील मधुकर आहेर यांनी कोर्टात केली. ही विनंती मान्य करुन कोर्टाने आरोपीचा अटकपूर्व जामीन अर्ज फेटाळला.

मोबाइल अॅप डाउनलोड करा आणि राहा अपडेट

मराठवाडा स्वतंत्र झालाच पाहिजे

December 28, 2017, 2:12 pm

≫ Next: लग्नानंतर वधूने केला दीड लाखासह पोबारा

≪ Previous: जागा हडपण्याचा प्रयत्न; अटकपूर्व जामीन फेटाळला

$

0

0

म. टा. प्रतिनिधी, वैजापूर
मराठवाडा महाराष्ट्रात बिनशर्त सामील होऊन ५७ वर्षांचा काळ उलटला, पण हा भाग राज्याच्या इतर भागाच्या तुलनेत अजूनही मागास आहे. त्यामुळे मराठवाडा स्वतंत्र झालाच पाहिजे, अशी आमची भूमिका आहे, असे प्रतिपादन मराठवाडा विकास परिषदेचे अध्यक्ष व उच्च न्यायालयाचे विधीज्ञ प्रदीप देशमुख यांनी केले.

स्वतंत्र मराठवाडा संघर्ष समितीतर्फे जे. के. जाधव महाविद्यालयात मंगळवारी घेण्यात आलेल्या बैठकीत ते बोलत होते. यावेळी परिषदेचे निमंत्रक जे. के. जाधव, जनशक्ती वाचक चळवळीचे प्रकाशक व जनता विकास परिषदेचे सदस्य श्रीकांत उमरीकर, एमआयटी महाविद्यालयाचे प्रा. प्रशांत अवसरमल, विकीराजे पाटील यांची प्रमुख उपस्थिती होती. प्रारंभी महाविद्यालयाचे प्राचार्य डॉ. भीमराव वाघचौरे, उपप्राचार्य के. पी. डोंगरे व मंगेश भागवत यांनी पाहुण्यांचे स्वागत केले. श्रीकांत उमरीकर यांनी स्वतंत्र मराठवाडाबाबत भूमिका मांडली. ५७ वर्षांत मराठवाड्याचा मोठा अनुशेष शिल्लक राहिल्याचे मत त्यांनी व्यक्त केले. स्वतंत्र मराठवाडाविषयी या भागातील आमदार गप्प का, असा सवाल प्रा. अवसरमल यांनी उपस्थित केला. छोट्या राज्यांमुळे विकासाला चालना मिळते. त्यामुळे छोटी छोटी राज्ये निर्माण झाली पाहिजेत असे केंद्र शासनाचेही धोरण आहे, असे जे. के. जाधव यांनी सांगितले. मराठवाड्याचा निधी इतर राज्यांसाठी वळवला जात असल्याने या भागाचा विकास खुंटला असल्याचे मत विकीराजे यांनी बैठकीत व्यक्त केले. परिषदेचे सदस्य मठपती यांनी आभार मानले. कार्यक्रमाला महाविद्यालयातील शिक्षक, विद्यार्थी, प्राध्यापक व नागरिक उपस्थित होते.

मोबाइल अॅप डाउनलोड करा आणि राहा अपडेट

लग्नानंतर वधूने केला दीड लाखासह पोबारा

December 28, 2017, 2:13 pm

≫ Next: एलईडीची बत्ती गुल

≪ Previous: मराठवाडा स्वतंत्र झालाच पाहिजे

$

0

0

म. टा. प्रतिनिधी, वाळूजमहानगर
लग्नांनतर वधूने दीड लाखासह पोबारा केल्याची घटना गंगापूर तालुक्यातील घोडेगाव येथे घडली आहे. रामेश्वर रूपचंद तेजीनकर (रा. घोडेगाव, ता. गंगापूर) असे फसवणूक झालेल्या तरुणाचे नाव असून, पोलिसांनी तक्रार घेण्यास टोलवाटोलवी केल्यामुळे त्याने पोलिस अधीक्षक आरती सिंह यांच्याकडे धाव घेतली.

रामेश्वरला लग्न करण्यासाठी गंगापूर येथील कुमावत नावाच्या एजंटने नांदेड येथे नेले. तेथील मीनाक्षी नावाच्या महिलेशी ओळख करून दिली. मीनाक्षीने लग्नासाठी दीड लाख रुपये द्यावे लागतील असे सांगितले. रामेश्वर पैसे देण्यास तयार झाल्यावर पूजा ज्ञानेश्वर शिरे ही मुलगी व सोबत आठ ते दहा व्यक्ती यांच्यासह ते घोडेगाव येथे आले. त्यांना एक लाख रुपये दिल्यानंतर २० डिसेंबर रोजी कायगाव येथील मंदिरात रामेश्वर व पूजा यांचा हिंदू रिवाजाप्रमाणे विवाह झाला. लग्नानंतर पूजा व एक महिला वगळता सर्व निघून गेले. २३ तारखेला सत्यनारायणाची पूजा झाली. त्या संध्याकाळी सहाच्या सुमारास पूजाच्या आईने फोन करून तुझ्या वडिलांची प्रकृती चांगली नसल्याचे कळवले. त्यामुळे रामेश्वरने चारचाकी वाहनातून त्यांना सोबत घेऊन बीड गाठले. दवाखान्याजवळ गेले असता लघवी करायची आहे, असे सांगून गाडीतून उतरून दोघी रिक्षात बसून पळून जाताना रामेश्वरने पाहिल्या. हे लक्षात आल्यावर त्यांनी रिक्षाचा पाठलाग केला. तेव्हा अगोदरच उभ्या असलेल्या इंडिका (एम.एच. ४७ डी. १९९८) मध्ये दोघी बसल्या. याबाबत रामेश्वरने विचारणा केली असता वधूची आई छाया ज्ञानेश्वर शिरे (रा. माजलगाव जि. बीड) व तिच्यासोबत असलेल्या व्यक्तीने मारहाण करत जिवे मारण्याची धमकी दिली व पळून गेले.

पोलिसांनी तक्रार घेतली नाही
आपली फसवणूक झाल्याचे लक्षात आल्यावर रामेश्वरने बीड येथील पोलिसांना माहिती दिली, मात्र त्यांनी तक्रार घेतली नसल्याचे रामेश्वरने सांगितले. घोडेगाव येथे परतल्यावर ते शिल्लेगाव पोलिस ठाण्यात तक्रार देण्यासाठी गेले असता, तिथेही तक्रार घेतली नाही. त्यामुळे पोलिस अधीक्षक डॉ. आरतीसिंह यांच्याकडे तक्रार केली.

मोबाइल अॅप डाउनलोड करा आणि राहा अपडेट

एलईडीची बत्ती गुल

December 28, 2017, 2:15 pm

≫ Next: राजकीय वैमनस्यातून हाणामारी; १५ जखमी

≪ Previous: लग्नानंतर वधूने केला दीड लाखासह पोबारा

$

0

0

म. टा. प्रतिनिधी, खुलताबाद
नागरी दलित वस्ती सुधार योजना २०१६-१७ अंतर्गत ४८ लाख ८२ हजार २८ रुपये खर्चून शहरातील दलित वस्तीत लावलेल्या एलईडी लाइटची बत्ती अवघ्या तीन महिन्यांत गुल झाली आहे. आता खराब लाइट बदलण्यासाठी नगरपरिषदेला संबंधित एजन्सीच्या मागे कटोरा घेऊन फिरावे लागत आहे.

जिल्हाधिकारी कार्यालयाने ३० मार्च २०१६ रोजी प्रशासकीय मान्यता दिलेल्या नागरी दलित वस्ती सुधार योजनेतील कामांच्या निविदा प्रशासकीय मान्यता मिळण्याआधीच काढण्यात आल्या. या कामांची प्रशासकीय मान्यता ३० मार्च २०१७ रोजी घेण्यात आली आहे, तर या कामांच्या ई निविदा प्रशासकीय मान्यता मिळण्याच्या आधी म्हणजेच १२ ऑक्टोबर २०१६ रोजी काढल्या. ऑनलाइन निविदा मागविल्यानंतर औरंगाबाद येथील आकाश इलेक्ट्रिकल, गुरुदत्त इलेक्ट्रिकल, न्यू ईर इलेक्ट्रिकल, श्री इलेक्ट्रिकल, स्टर्लिंग इलेक्ट्रिकल, तिरुपती इलेक्ट्रिकल या सहा ई निविदा आल्या. यापैकी कमी दराने आलेल्या औरंगाबाद येथील गुरुदत्त इलेक्ट्रिकल व तिरुपती इलेक्ट्रिकल यांच्या निविदा बाद ठरविण्यात आल्या आणि ५.५ टक्के जास्त दराने आलेल्या निविदा मंजूर केल्या. यामुळे नगरपालिकेचे आर्थिक नुकसान झाले. मंजूर केलेली ई निविदा स्टर्लिंग इलेक्ट्रिकल, औरंगाबाद यांचे अनुज्ञप्ती प्रमाणपत्र ५ जानेवारी २०१७ ला संपले असून, नोंदणी प्रमाणपत्राची मुदत २१ एप्रिल २०१७ पर्यंतच आहे. स्टर्लिंग इलेक्ट्रिकल यांना ७ एप्रिल २०१७ रोजी कार्यारंभ आदेश दिले. या कामाचे खड्डे खोदल्यानंतर २० मे २०१७ रोजी एकूण १३ लाख ९६ हजार ७९३ रुपयांची बिले अदा केली. विशेष म्हणजे प्रशासकीय मान्यता आदेशामध्ये अनुक्रमांक नऊ नुसार सदरील भागात ५० टक्के पेक्षा अधिक लोकसंख्या असल्याची खात्री करणे आवश्यक असताना दलित वस्तीच्या नावाखाली सर्वसाधारण लोकवस्तीमध्ये कामे हाती घेण्यात आले. दलित वस्ती नसलेल्या जागेवर खड्डे खोदून कोणतीही तांत्रिक तपासणी न करता पहिले बिल १३ लाख ९६ हजार ७९३ रुपयांचा धनादेश २० मे २०१७ रोजी देण्यात आले.

अंदाजपत्रकाचे गौडबंगाल
या कामांची प्रशासकीय मान्यता घेण्याआधी मंजूर कामांचे अंदाजपत्रकास सार्वजनिक बांधकाम विद्युतीकरण विभागाची तांत्रिक मंजुरी घेणे आवश्यक असताना नगरपालिकेने महाराष्ट्र जीवन प्राधिकरण विभागाच्या मेकॅनिकल विभागाकडून नियमबाह्य करून घेण्यात आली. मेकॅनिकल व इलेक्ट्रिकल हे वेगवेगळे विभाग असताना कंत्राटदाराच्या फायद्यासाठीच मनमानी करून तांत्रिक मंजुरी घेण्यात आली.

असे झाले काम
- तहसील कार्यालय चौक ते मातंगवाडा - ८ लाख ३३ हजार ८०० रुपये
- भद्रा मारुती चौक ते मातंगवाडा - ८ लाख ६३ हजार ७६० रुपये
- राजीवगांधी चौक खिर्डी रोड ते लहानी आळी - ६ लाख २३ हजार ७५१ रुपये
- आठवडीबाजार ते मंगल पेठ झोपडपट्टी - ८ लाख ६७ हजार ११० रुपये
- भद्रा मारुती चौक ते मातंग स्मशानभूमी - ८ लाख १५ हजार ४७२ रुपये
- पटेल मस्जिद चौक ते राजवाडा - ११ लाख ३८ हजार १३३ रुपये

मोबाइल अॅप डाउनलोड करा आणि राहा अपडेट

राजकीय वैमनस्यातून हाणामारी; १५ जखमी

December 28, 2017, 2:19 pm

≫ Next: पाच जानेवारीपासून राज्यस्तरीय कृषी प्रदर्शन

≪ Previous: एलईडीची बत्ती गुल

$

0

0

म. टा. प्रतिनिधी, पैठण
तालुक्यातील रांजणगाव दांडगा येथे राजकीय श्रेय घेण्यावरून दोन गटांत लाठ्या, काठ्या कुऱ्हाडीने तुफान हाणामारी झाली. या घटनेत आजी माजी सरपंचासह एकूण पंधरा जण गंभीर झाले आहेत.

अविश्वास ठरावामुळे रांजणगाव दांडगा येथे तत्कालीन सरपंच अकील पटेल व विद्यमान सरपंच रियाज पटेल यांच्यात राजकीय वैमनस्य आहे. गुरुवारी याच वैमनस्यातून गावात दोन गटात तुफान हाणामारी झाली. यात शेख रियाज बादशहा (वय ३८), राजू बादशहा शेख, (वय ३५), फेरोज अहेमद शहा (वय १८), इसाक अहमद शेख (वय ४५), शेख अलिम अहमद (वय ५४), इसाक बादशहा शेख (वय ४५), अय्याज शबीर शेख (वय ३२), इमरान इसाक शेख (वय १८), राजू शहामद शेख (वय २८), अकबर शाहमद शेख (वय २४), कदीर इसाक शेख (वय २४) आदींचा समावेश आहे. रात्री उशिरापर्यंत या प्रकरणी गुन्हा दाखल झाला नव्हता. औरंगाबादला जावून सर्व जखमींचे जबाब नोंदवून गुन्हा दाखल करण्यात येईल, अशी माहिती सहाय्यक पोलिस निरीक्षक महेश आंधळे यांनी दिली.

दोघांची प्रकृती गंभीर
सर्वांच्या हात पायाला व डोक्यांना जबर मार लागला आहे. यात दोघांची प्रकृती गंभीर असल्याचे बोलले जाते. या सर्वांना ताबडतोड औरंगाबादमधील घाटी रुग्णालयात हलाविण्यात आले. यात राजू बादशाह शेख व इसाक बादशाह शेख यांच्या डोक्यावर खोलवर गंभीर मार लागल्याने त्यांची प्रकृती गंभीर असल्याचे सांगण्यात आले. या घटनेवरुन रांजणगाव दांडगा येथे तणावपूर्ण परिस्थिती आहे. गावात फौजफाटा तैनात करण्यात आला आहे.

मोबाइल अॅप डाउनलोड करा आणि राहा अपडेट

पाच जानेवारीपासून राज्यस्तरीय कृषी प्रदर्शन

December 29, 2017, 9:26 am

≫ Next: जिल्हाभरात ‘निर्धार शिवशाहीचा’ मोहीम

≪ Previous: राजकीय वैमनस्यातून हाणामारी; १५ जखमी

$

0

0

म. टा. प्रतिनिधी, औरंगाबाद
मराठवाड्यास राज्यभरातील शेती व शेतीपूरक उद्योगांमध्ये गतिशीलता निर्माण करण्यासाठी शेकऱ्यांना नवतंत्रज्ञान, नवे वाण, नवीन योजना समजावून सांगण्यासाठी औरंगाबादेत पाच ते आठ जानेवारी दरम्यान राज्यस्तरीय कृषी प्रदर्शन व कृषी परिषद ‘महा - अॅग्रो २०१८’ चे आयोजन करण्यात आले आहे, अशी माहिती शुक्रवारी पत्रकारांना देण्यात आली.

पत्रकार परिषदेला उद्योजक राम भोगले, जगन्नाथ काळे, वसंतराव देशमुख, सुशील बलदवा, राकेश सोनी, समीर दुधगावकर, प्रकाश उगले, सीताराम कोलते उपस्थित होते. रेल्वेस्टेशन परिसरातील अयोध्यानगरी मैदानावर हे प्रदर्शन एक लाख चौरस फुटावर भरणार आहे. राष्ट्रवादी काँग्रेसचे अध्यक्ष शरद पवार, मुख्यमंत्री देवेंद्र फडणवीस यांच्या हस्ते प्रदर्शनाचे उद्‍घाटन होईल. विधानसभा अध्यक्ष हरिभाऊ बागडे प्रमुख पाहुणे असतील. कृषिमंत्री पांडुरंग फुंडकर, पालकमंत्री रामदास कदम, खासदार रावसाहेब दानवे, सहकारमंत्री सुभाष देशमुख, दुग्धविकासमंत्री महादेव जानकर, विभागीय आयुक्त पुरुषोत्तम भापकर, जिल्हाधिकारी नवलकिशोर राम, कृषी आयुक्त एस. पी. सिंह, झेडपी सीईओ मधुकरराजे अर्दड, एमएसीसीआयचे अध्यक्ष संतोष मंडलेचा यांची उपस्थिती असणार आहे. कृषिमंत्री पांडुरंग फुंडकर, खासदार चंद्रकांत खैरे यांच्या उपस्थितीत समारोप होईल. मराठवाडा शेती सहाय्य मंडळ हे प्रदर्शनाचे मुख्य संयोजक असून महाराष्ट्र चेंबर ऑफ कॉमर्स इंडस्ट्रिज अँड अॅग्रीकल्चर, राज्य व केंद्राचा कृषी विभाग यांचा सहभाग असणार आहे. प्रदर्शनामध्ये विविध बचतगट, प्रगतिशील शेतकरी यांनी उत्पादित केलेली कृषी उत्पादने, सेंद्रीय शेतीतून उत्पादित भाज्या, फळे, धान्य याची थेट विक्री केली जाईल. महिंद्रा, टाफे, नाबार्ड, महिको, एनएफडीबी, एक्सल इंडस्ट्रिज, नाथ सीड्स, एमजीएम, आरसीएफ, आयसीएआर, आयटीसी,नाथ सीड्स आदींसह राज्यभरातील अनेक कंपन्या सहभागी होणार असल्याचे यावेळी सांगण्यात आले.

दररोज चर्चासत्रे
प्रदर्शनात दररोज दोन सत्रांत चर्चासत्रे होतील. त्यात हवामान बदलाच्या अनुंषगाने शेतीपुढील आव्हाने व उपाय, कृषिपूरक व्यवसायातील संधी, पशुपालन, शेळीपालन व कुक्कुटपालन व्यवसायातील संधी, रेशीम शेतीतून हवामान बदलावर मात, सेंद्रीय शेती उत्पादन तंत्र व प्रमाणीकरण यासह अन्य विषयांवर राज्यभरातील तज्ज्ञ मार्गदर्शन करतील.

मोबाइल अॅप डाउनलोड करा आणि राहा अपडेट

जिल्हाभरात ‘निर्धार शिवशाहीचा’ मोहीम

December 29, 2017, 9:33 am

≫ Next: ​ जप्तीच्या धास्तीने ३७ लाखांची वसुली

≪ Previous: पाच जानेवारीपासून राज्यस्तरीय कृषी प्रदर्शन

$

0

0

म. टा. प्रतिनिधी, औरंगाबाद
शिवसेनाप्रमुख बाळासाहेब ठाकरे यांच्या जन्मदिनानिमित्त ‘निर्धार शिवशाहीचा’ मोहीम सुरू करण्यात येणार आहे. मोहिमेत तब्बल २०२ गावात शिवसैनिक नागरिकांची भेट घेणार आहेत असे जिल्हाप्रमुख अंबादास दानवे यांनी कळवले आहे.

‘निर्धार शिवशाहीचा’ मोहिमेत ग्रामीण व शहरी भागात दोन ते ३१ जानेवारी या कालावधीत २०२ कार्यक्रम होणार आहेत. यात १४० गावे, नगरपालिका क्षेत्रात १८ प्रभाग आणि महापालिका क्षेत्रात ५३ ठिकाणी शिवसेना कार्यकर्ते व नागरिकांच्या बैठकीचे आयोजन करण्यात आले आहे. शिवसेना पक्षप्रमुख उद्धव ठाकरे यांची भेट घेऊन जिल्हाप्रमुख अंबादास दानवे यांनी मोहिमेची माहिती सांगितली. या मोहिमेसाठी शिवसेना नेते रामदास कदम, मराठवाडा समन्वयक विश्वनाथ नेरूरकर, उपनेते खासदार चंद्रकांत खैरे, संपर्कप्रमुख विनोद घोसाळकर यांचे मार्गदर्शन आहे. जुन्या-नव्या पदाधिकाऱ्यांच्या भेटी घेऊन मोहिमेत चर्चा केली जाणार आहे. या मोहिमेत सर्व पदाधिकारी व कार्यकर्त्यांनी सहभागी व्हावे असे आवाहन उपजिल्हाप्रमुख लक्ष्मण सांगळे, बाबासाहेब जगताप, कृष्णा डोणगावकर, संतोष काळवणे, राजेंद्र राठोड, गणेश चोपडे, संतोष जेजुरकर आदींनी केले आहे.

मोबाइल अॅप डाउनलोड करा आणि राहा अपडेट

---

​ जप्तीच्या धास्तीने ३७ लाखांची वसुली

December 29, 2017, 12:40 pm

≫ Next: पोलिसांमुळे मिळाले हरवलेले हिऱ्याचे पेंडेंट

≪ Previous: जिल्हाभरात ‘निर्धार शिवशाहीचा’ मोहीम

$

0

0

म. टा. प्र्रतिनिधी, लातूर
लातूर महापालिकेने मालमत्ता कर, पाणीपट्टी, गाळ्यांचे भाडे, एलबीटी, टपरीधारकांकडील भाडे वसुलीसाठी २६ डिसेंबरपासून धडक वसुली मोहीम हाती घेतल्याने थकीत करदात्यांनी व गाळे भाडेकरू जप्ती व सील ठोकण्याच्या भीतीने रक्कम भरू लागले आहेत. या मोहिमेत सहा ठिकाणी सील करण्यात आले. मात्र, सकाळी सील केल्यानंतर दुपारपर्यंत कर भरणा केला जात असून, दोन दिवसात मालमत्ता कर व गाळ्यांचे भाडे जवळपास ३७ लाखांवर वसूल झाल्याची सूत्रांनी दिली.
महापालिका हद्दीत १० पथकांच्या माध्यमातून १३५ अधिकारी व कर्मचारी वसुलीच्या कामासाठी झोननिहाय नियुक्त करण्यात आले आहेत. प्रत्येक प्रभागात वसुलीचे नियोजन करून दररोज भरणा बँकेत वेळेत करण्याची जबाबदारी आयुक्त अच्युत हांगे यांनी सहायक आयुक्तांवर सोपविली आहे. दररोज होणाऱ्या वसुलीचा अहवाल आयुक्त पाहात असल्याने व कामात कुचराईपणा झाल्यास कार्यवाहीची तंबी दिल्याने कर्मचारी ठरलेल्या वेळेत वसुलीसाठी जात आहेत.
दोन दिवसांत मालमत्ता कर व गाळ्यांचे थकीत भाडे वसूल करताना भरणा न करणाऱ्यांचे घर व दुकान सील केल्याचे चार-पाच प्रकार घडले. मात्र, सकाळी सील केल्यानंतर दुपारपर्यंत संबधितांनी भरणा केल्याचे वसुली अधिकाऱ्यांनी सांगितले. शिवाजी चौकातील चिताडे लॉज सील केला. मात्र, काही वेळेतच भरणा केल्यानंतर सील काढण्यात आले. गांधी मार्केटमधील साईट क्र. ११२ मधील थकबाकी न भरणाऱ्या भाडेकरुंचे दुकान नं. ४६ व ४७ च्या गाळ्यांना गुरुवारी सील करण्यात आले. तर काही गाळ्यांची वसुली करण्यात आली. ही कारवाई पथकप्रमुख बंडू किसवे, समाधान सूर्यवंशी, श्रीकांत बाजपाई, दीपक पवार, सय्यद जिया, पंडित पवार, व्ही. एस. शिंदे, अभिषेक माळवे व त्यांच्या कर्मचाऱ्यांनी केली. दरम्यान, दोन दिवसांमध्ये मालमत्ता कर ३० लाखांवर वसूल झाला आहे. तर, महापालिकेच्या मालकीच्या गाळ्यांची भाडेवसूली अवघी ६ लाखांवर झाली.

मोबाइल अॅप डाउनलोड करा आणि राहा अपडेट

पोलिसांमुळे मिळाले हरवलेले हिऱ्याचे पेंडेंट

December 29, 2017, 1:03 pm

≫ Next: विद्यापीठ अधिकार मंडळ; बहुमतासाठी पॅनेलमध्ये चुरस

≪ Previous: ​ जप्तीच्या धास्तीने ३७ लाखांची वसुली

$

0

0

म. टा. प्रतिनिधी, खुलताबाद
वेरूळ लेणी पाहण्यासाठी आलेल्या महिला पर्यटकाला त्यांच्या गळ्यातील हरवलेले एक लाख रुपये किमतीचे हिऱ्याचे पेंडंट शुक्रवारी पोलिस नाईक शेख हारून व पोलिस शिपाई योगेश नाडे यांच्यामुळे मिळाले.

बेंगळुरू येथील पर्यटक अनामिका अरमेंद्रकुमार यांना त्यांच्या गळ्यातील सोनसाखळीमधील हिऱ्याचे पेंडंट नसल्याचे त्यांना लक्षात आले. तेव्हा त्यांनी लेणी परिसरात कर्तव्यावर असलेले पोलिस कर्मचारी हारून शेख व योगेश नाडे यांना भेटून पेंडंट चोरी झाल्याची तक्रार केली. शेख व नाडे यांनी सदर पर्यटक ज्या ज्या ठिकाणी फिरले, त्याठिकाणचे सीसीटीव्ही कॅमेरेमधील फुटेज तपासले; परंतु महिलेचे गळ्यातील चैन ओढल्याचे फुटेजमध्ये कोठेही दिसले नाही. शेवटी पोलिसांनी या महिलेने कुठल्या कुठल्या स्थळाला भेट दिली, तेथे प्रत्यक्ष पाहणी केली. तेव्हा त्यांनी ज्या हॉटेलमध्ये नाश्ता केला टेबल खाली पेंडंट मिळाले. विशेष म्हणजे हे कुटुंब तेथुन गेल्यानंतर अनेक ग्राहक त्या ठिकाणी बसून गेले होते, परंतु कोणाचेही या पेंडंटकडे लक्ष गेले नव्हते. पोलिसांच्या या कामगिरीमुळे पर्यटक कुटुंब खूश झाले.

मोबाइल अॅप डाउनलोड करा आणि राहा अपडेट

विद्यापीठ अधिकार मंडळ; बहुमतासाठी पॅनेलमध्ये चुरस

December 29, 2017, 1:30 pm

≫ Next: प्रशासनाच्या लेखी पत्रानंतर मराठा क्रांती मोर्चाचे आंदोलन मागे

≪ Previous: पोलिसांमुळे मिळाले हरवलेले हिऱ्याचे पेंडेंट

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठाच्या अधिकार मंडळावर नियुक्ती करण्यासाठी राजकीय मोर्चेबांधणी जोरात सुरू आहे. निकषानुसार सदस्य नियुक्ती होणार असल्यामुळे उत्कर्ष पॅनेल व विद्यापीठ विकास मंच यांची प्रयत्नांची पराकाष्ठा सुरू आहे. राज्यपाल आणि कुलगुरू नियुक्त सदस्यांच्या प्रक्रियेत राजकीय हस्तक्षेप वाढला आहे. काही लोकप्रतिनिधी राजकीय ‘वजन’ वापरत असल्यामुळे नियुक्त्या रखडल्या आहेत.
विद्यापीठात सत्तांतर करण्यासाठी विद्यापीठ विकास मंचने प्रस्थापित उत्कर्ष पॅनेलला आव्हान दिले होते. या निवडणुकीत उत्कर्ष पॅनेलने बाजी मारली. पदवीधर गटात सर्व दहा जागा जिंकून प्रतिस्पर्धी गटाचा पराभव केला. निवडणुकीनंतर विविध अधिकार मंडळात समर्थकांची वर्णी लावण्यासाठी दोन्ही गटांचे जोरदार प्रयत्न सुरू आहेत. कुलपती आणि कुलगुरू नियुक्त सदस्यात संख्याबळ वाढवण्यासाठी राजकीय वजन वापरले आहे. मात्र, निकष तपासूनच सदस्य नियुक्ती केली जाणार असून काही गटात ‘उत्कर्ष’कडे पात्र उमेदवार जास्त आहेत. इतर अर्ज नसल्यामुळे शिक्षण सभापती गटात ‘उत्कर्ष’ पॅनेलचे राजेसाहेब देशमुख यांची नियुक्ती झाली. प्राचार्य गटात ‘अ’ श्रेणीच्या महाविद्यालयातील प्राचार्यांची वर्णी लागणार आहे. या जागांसाठी दोन्ही गटांचे प्रयत्न सुरू आहेत. सद्यस्थितीत विद्यापीठ अधिकार मंडळात ‘उत्कर्ष पॅनेल’चे सर्वाधिक सदस्य आहेत. अधिसभा आणि विद्या परिषदेच्या ३७ जागा जिंकून ‘उत्कर्ष’ने प्रतिस्पर्धी विकास मंचला रोखले. पदवीधर गटातील सर्व १० जागा जिंकत नवीन विक्रम प्रस्थापित केला. ‘उत्कर्ष’चे एकूण ४३ सदस्य असून राज्यपाल नियुक्त सदस्यांची प्रतीक्षा आहे. विशेष म्हणजे कुलगुरू नियुक्त सदस्यात ‘उत्कर्ष’चे सर्वाधिक सदस्य आहेत. विधान परिषद सदस्यांत राष्ट्रवादी काँग्रेसचे आमदार अमरसिंह पंडित यांची नियुक्ती झाली आहे. अध्यापकेतर गटात कुंडलिक कचकुरे, नगरसेवक गटातून भास्करराव दानवे, विद्यापीठ अध्यापकेतर गटात सुनंदा सरवदे आणि जिल्हा परिषद शिक्षण सभापती गटातून राजेसाहेब देशमुख यांची नियुक्ती करण्यात आली. अधिसभा व विद्या परिषदेत बहुमत झाल्यानंतर ‘उत्कर्ष’ने इतर अधिकार मंडळासाठी मोर्चेबांधणी केली आहे. व्यवस्थापन परिषदेत कुलगुरू नियुक्त सदस्य प्रा. टी. जी. सीताराम यांची नियुक्ती झाली. राज्यपाल नियुक्त ‘विख्यात व्यक्ती’ गटातील सदस्याची नियुक्ती होणार आहे. अधिष्ठाता आणि विभागप्रमुख यांच्यासह राज्यपाल नियुक्त चार प्राचार्यांच्या नियुक्तीची प्रतीक्षा आहे. सदस्यसंख्या पू्र्ण झाल्यानंतर विद्यापीठ प्रशासन गतिमान होणे अपेक्षित आहे.

राजकीय हस्तक्षेप

‘शिक्षणतज्ज्ञ’ गटातील सदस्यासाठी चार आमदारांनी आपल्या उमेदवाराचा आग्रह धरला आहे. यावर राज्यपाल कार्यालयाने अंतिम निर्णय घेतलेला नाही. कोणत्याही शैक्षणिक संस्थेशी संलग्न व्यक्तीची नियुक्ती करता येत नाही. केवळ शिक्षणतज्ज्ञ व्यक्तीलाच संधी आहे. काही इच्छुकांनी आपल्या पदाचा राजीनामा देऊन मोर्चेबांधणी केली होती. मात्र, निकषात अर्ज बाद झाल्यामुळे नवीन उमेदवारांचा शोध घेण्यात येत आहे.

‘एचआरडीसी’च्या मुलाखती

विद्यापीठातील मानव संसाधन विकास केंद्राच्या संचालकपदासाठी गुरुवारी विद्यापीठात मुलाखती झाल्या. एकूण आठ उमेदवारांनी मुलाखत दिली. यात परराज्यातील काही उमेदवारांचा समावेश होता. कुलगुरू डॉ. बी. ए. चोपडे यांच्या उपस्थितीत प्रक्रिया पूर्ण करण्यात आली. लवकरच नियुक्ती जाहीर केली जाणार आहे.

मोबाइल अॅप डाउनलोड करा आणि राहा अपडेट

प्रशासनाच्या लेखी पत्रानंतर मराठा क्रांती मोर्चाचे आंदोलन मागे

December 29, 2017, 1:30 pm

≫ Next: लोककला, शास्त्रीय कलाप्रकरांनी गाजवला युवा महोत्सव

≪ Previous: विद्यापीठ अधिकार मंडळ; बहुमतासाठी पॅनेलमध्ये चुरस

$

0

0

प्रशासनाच्या लेखी पत्रानंतर मराठा क्रांती मोर्चाचे आंदोलन मागे
म. टा. प्रतिनिधी, औरंगाबाद
दमडी महल येथील श्रीराम पवार यांचे घर महापालिकेच्या अतिक्रमण हटाव पथकाने पाडल्यामुळे पालिकेतील राजकारण तापले आहे. मराठा क्रांती मोर्चा समन्वय समितीने यामध्ये उडी घेत पवार कुटूंबियांना न्याय मिळवून देण्यासाठी पुढाकार घेतला आहे. मराठा क्रांती मोर्चाच्या कार्यकर्त्यांनी पवार यांना पर्यायी हक्काची जागा मिळवून देण्याच्या मागणीसाठी शुक्रवारी पालिका आयुक्तांच्या दालनात दिवसभर ठिय्या दिला. कार्यकर्त्यांच्या आंदोलनामुळे पालिकेत दिवसभर मोठ्या प्रमाणावर पोलिस बंदोबस्त तैनात करण्यात आला होता. प्रशासनाने पर्यायी जागा देण्यासंदर्भात जिल्हाधिकाऱ्यांकडे लेखी पत्र दिल्यानंतरच हे आंदोलन मागे घेण्यात आले.
चंपाचौक ते जिल्हाधिकारी कार्यालय रस्त्याच्या रुंदीकरणात श्रीराम पवार यांचे घर बुधवारी २७ डिसेंबर रोजी पालिकेच्या अतिक्रमण हटाव विभागाने पाडले. स्थायी समिती सभापती गजानन बारवाल यांच्या आदेशावरून ही कारवाई झाल्याचे सांगण्यात आले. ‘एमआयएम’ नेते डॉ. गफार कादरी, पालिकेतील विरोधी पक्षनेते फेरोज खान, गटनेते नासेर सिद्दीकी यांच्यासह ‘एमआयएम’च्या नगरसेवकांनी पालिकेच्या कारवाईत हस्तक्षेप करत अधिकाऱ्यांवर दबाव टाकला होता.
बेघर झालेल्या पवार कुटुंबियांना पर्यायी जागा मिळवून देण्याच्या मागणीसाठी शुक्रवारी मराठा क्रांती मोर्चाचे कार्यकर्ते पालिकेत दाखल झाले. पालिका प्रशासनाविरोधात घोषणाबाजी करत कार्यकर्त्यांनी सुमारे सहा तास आयुक्तांच्या दालनात ठिय्या दिला. मात्र, आयुक्त डी. एम. मुगळीकर पालिकेत आले नाहीत. दरम्यान, सेनेचे आमदार संजय शिरसाट, महानगरप्रमुख प्रदीप जैस्वाल, महापौर नंदकुमार घोडेले यांनी आयुक्त दालनात दाखल होत तोडगा काढण्याचा प्रयत्न केला. ‘लेखी कागद मिळाल्याशिवाय आम्ही जाणार नाही,’ अशी भूमिका कार्यकर्त्यांनी घेतली. सायंकाळी दमडी महलच्या बाजूलाच असलेल्या शासकीय मोकळ्या जागेतील दीड हजार चौरस फूट जागा देण्याचे पत्र प्रशासनाकडून जिल्हाधिकाऱ्यांना पाठविण्यात आल्याचे महापौरांनी कार्यकर्त्यांना सांगितले. त्यानंतर मराठा क्रांती मोर्चाने पालिका मुख्यालय सोडले. आयुक्त दालनात ठिय्या देत असताना सभापती बारवाल यांच्याही दालनात आंदोलन करण्याचा त्यांचा बेत होता, पण बारवाल दिवसभर महापालिकेत आले नाहीत.
पर्यायी जागाही महसूलची
पवार यांचे दमडी महलशेजारी जेथे घर होते, त्या घराच्या समोरच खुली जागा आहे. सुरुवातीला ही कृषी विभागाची होती, नंतर ती पालिकेकडे हस्तांतर झाल्याचे सांगण्यात आले. दिवसभर ही जागा नेमकी कोणाची याची तपासणी पालिकेतील संबंधित अधिकाऱ्यांनी केली. सूत्रांनी दिलेल्या माहितीनुसार ही जागा महसूल विभागाची असल्याचे निष्पन्न झाले. महापौरांच्या सूचनेनंतर आयुक्तांनी जिल्हाधिकाऱ्यांना पत्र पाठवले. ही जागा पालिकेकडे हस्तांतरित करावी. माणुसकीच्या नात्याने पवार कुटुंबांचे पुनर्वसन करण्यासाठी यातील दीड हजार चौरस फूट जागा द्यावयाची असल्याचे पत्रात नमूद केले आहे.

मोबाइल अॅप डाउनलोड करा आणि राहा अपडेट

लोककला, शास्त्रीय कलाप्रकरांनी गाजवला युवा महोत्सव

December 29, 2017, 1:30 pm

≫ Next: २१ हजार नागरिकांनी डाऊनलोड केले स्वच्छता अॅप

≪ Previous: प्रशासनाच्या लेखी पत्रानंतर मराठा क्रांती मोर्चाचे आंदोलन मागे

$

0

0

लोककला, शास्त्रीय कलाप्रकरांनी गाजवला युवा महोत्सव

म. टा. प्रतिनिधी, औरंगाबाद

"असा कसा हा देववेडा झाला

अशी कशी ही नवलाई

शिवावतार ही पार्वती तुझी

आणि तीच बाणाई..."

या श्रवणीय लोकगीतावर

अमरावती संघाचे जबरदस्त सादरीकरण, पारंपरिक वेशभूषा व विविध वाद्यांची संगत पाहून युवांनाही कला व संस्कृतीची जाण आहे हे मनोमन पटले. क्रीडा व युवक संचालनालय, महाराष्ट्र राज्य व उपसंचालक, क्रीडा व युवक सेवा, औरंगाबाद विभागातर्फे आयोजित राज्यस्तरीय युवा महोत्सवात शुक्रवारी शास्त्रीय वाद्यवादन, शास्त्रीय नृत्य व लोकगीते असा भरगच्च कार्यक्रम होता. स्पर्धा राज्यपातळीची होती आणि विजेता राष्ट्रीय पातळीवर राज्याचे प्रतिनिधित्व करणार असल्याने परीक्षकांच्या कसोटीवर उतरण्यासाठी स्पर्धकांचा कस लागला.

हार्मोनिअम, गिटार व मृदूंग वादन स्पर्धेत युवा प्रतिभांनी आपली चुणूक दाखवली. शास्त्रीय वाद्यांच्या सुमधूर संगीताने स्पर्धेचा रंगच पालटला होता. इकडे रंगमंचावर विलोभनीय शास्त्रीय नृत्यांनी डोळ्याचे पारणे फेडले.

लातूर व कोल्हापूरच्या स्पर्धकांनी कुचीपुडी, अमरावती व कोल्हापूरतर्फे ओडिसी नृत्य सादर झाले. लोकगीत मात्र या सर्व स्पर्धांवर कडी ठरली. लातूरच्या संघाने " माझी अंबा खेळाया निघाली" म्हणत लोकगीत सादर केले. ग्रामीण संस्कृतीचा ठेवा सांगणारेे लोकगीत युवांच्या तोंडी ऐकून लोककलांचा वारसा अजून जिवंत आहे याची खात्री पटली. नंतरच्या सर्वच संघांनी शेवटपर्यंत हा उत्साह कायम ठेवत हलगी, तुणतुणे, ढोलकी, झांजर, संबळ, तिमडी, बासरी, पेटी या वाद्यांचा बखूबी वापर करून लोकगीतांमधले विविध प्रकार सादर केले. वाघ्यामुरळी, गोंधळ, शेतकरीगीत या प्रकारांवर ‘येडाबाई निघाली पाण्याला...’, ‘आईचा गोंधळ मांडिला..’, सारख्या रचना सर्वांनी डोक्यावर घेतल्या. लातूरसह कोल्हापूर, पुणे, नाशिक, अमरावती, मुंबई, नागपूर व औरंगाबाद संघानी लोकगीत सादर केली. कार्यक्रमाचा समारोप औरंगाबाद, पुणे, नाशिक व मुंबई संघांच्या एकांकिकांनी झाला. औरंगाबाद संंघाच्या ' ब्रेन' एकांकिकेचा विषय हा दहशतवादावर आधारित असला तरी या प्रश्नावर योग्य शिकवण, प्रेम व शांतता उत्तर असा सकारात्मक शेवट दाखविण्यात आला.

लोकगीतांसाठी डॉ. राजू सोनवणे व डॉ. ज्ञानेश्वर उंडणगावकर परीक्षक होते. लोकगीतांच्या सादरीकरणानंतर या दोघांनीही बतावणी सादर करून धमाल केली. मृदूंग, गिटार व हार्मोनिअम वादनासाठी धनश्री ओक व शरद दांडगे परीक्षक होते. कुचीपूडी व उडीसी नृत्यासाठी डॉ. भारत जेठवाणी, व्ही. सौम्यश्री, श्रृती पालीवाल व तमन्ना नायर परीक्षक होते. डॉ. राजू पाटोदकर, डॉ.सतीश साळुंखे व रमाकांत मुळे एकांकिकेसाठी परीक्षक होते.

प्रेक्षकांची अनुपस्थितीः

शुक्रवारीही प्रेक्षकांची अनुपस्थिती जाणवली. जे स्पर्धक तेच प्रेक्षक असल्याने मजा येत नाही. याउलट या कला नव्या पिढीलाही माहिती असायल्या हव्या म्हणूनच कलारसिकांनी यायलाच हवे होते, अशी प्रतिक्रिया नागपूर संघाने ‘मटा’स दिली. शनिवारी स्पर्धेचा समारोप असून सकाळी १० ते १ लोकनृत्य स्पर्धा व दुपारी २ पासून बक्षीस वितरण कार्यक्रम होईल.

राज्यस्तरीय स्पर्धेसाठी योग्य स्पर्धक आले होतेे. विद्यार्थ्यांची रियाज व मेहनत दिसून आली. मात्र, आम्हाला राज्याचे

प्रतिनिधित्व करणारा विजेता काढायचा असल्याने स्पर्धकांचा कस लागणारच होता.

शरद दांडगे, परीक्षक,वाद्य विभाग

भारतीय संस्कृतीवर बोलताना मला खूप अभिमान वाटला. आपली संस्कृती अतिशय परिपक्व असून तिला वैज्ञानिक दृष्टिकोन आहे.अमेरिकन विद्यापीठात 'ओम' वर अभ्यास होतो. स्पर्धेच्या निमित्ताने देशावर बोलताना समाधान वाटले.

श्रेयस सेनाड, वक्तृत्व स्पर्धक, नागपूर

मोबाइल अॅप डाउनलोड करा आणि राहा अपडेट