रेल्वेच्या बैठकीला पाच खासदारांची दांडी

January 11, 2018, 2:12 pm

≫ Next: झेडपीच्या अधिकाऱ्यांची कानउघाडणी

≪ Previous: आई-वडीलाला न सांभाळणाऱ्या मुलाविरुद्ध गुन्हा

$

0

0

नांदेड - मराठवाड्यातल्या वेगवेगळ्या रेल्वे प्रश्नाबाबत गुरुवारी झालेल्या बैठकीत रेल्वेच्या जनरल मॅनेजर विनोदकुमार यांनी ‘बघू, पाहू, गांभीर्याने’ विचार करण्याचे आश्वासन देऊन सर्वांची बोळवण केली. विशेष म्हणजे या जिव्हाळ्याच्या प्रश्नावर उपस्थित खासदारांनी पोटतिडकीने मागण्या मांडल्या असल्या तरी खासदार रावसाहेब दानवे यांच्यासह पाच खासदारांनी बैठकीकडे पाठ फिरवली.
दक्षिण मध्य रेल्वेची नांदेड विभागातील खासदारांसोबत एक महत्त्वाची बैठक पार पडली. खासदार अशोक चव्हाण, चंद्रकांत खैरे, राजीव सातव, बंडू जाधव, संजय धोत्रे यांच्या प्रमुख उपस्थितीत झालेल्या बैठकीत कोणताही महत्त्वाचा प्रश्न मार्गी लागला नसला तरी सर्व मागण्यांचा सकारात्मक पाठपुरावा केला जाईल अशा शब्दात जनरल मॅनेज विनोदकुमार यांनी लोकप्रतिनिधींना आश्वसत केल्याचे सांगण्यात आले.
या बैठकीनंतर खासदार अशोक चव्हाण, जनरल मॅनेजर विनोदकुमार यादव, नांदेडचे व्यवस्थापक टी. रामा यांनी पत्रकार परिषदेत बैठकीची माहिती सांगितली. मुदखेड-परभणी, मनमाड-आदिलाबाद, या मार्गाच्या दुहेरीकरणाचा प्रस्ताव पाठवण्यात आला आहे. मुदखेड-परभणी या रस्तयाचे मार्च डिसेंबर २०१८ अखेरपर्यंत पूर्ण होईल. नांदेड-बिदर रेल्वे मार्गाचे सर्वेक्षण झाले आहे. प्रत्यक्ष कामाला सुरुवात करण्यासाठी प्रयत्न केले जातील. येत्या तीन वर्षात संपूर्ण नांदेड विभागातील रेल्वे मार्गाचे विद्युतीकरण होईल. शिवाय मार्च अखेरपर्यंत नांदेडच्या रेल्वे स्थानकावर मोफत वायफाय सुविधा पुरवण्यात येईल.
नांदेड विभाग मध्य रेल्वेशी जोडणे, नांदेड-पुणे एक्स्प्रेस सुरू करणे, बोधन-बिलोली-मुखेड-लातूर या नवीन रेल्वे मार्गाचे सर्वेक्षण करणे, नांदेड-नागपूर नवीन रेल्वे गाडी सुरू करणे, वेगवेगळ्या गावात उड्डाण पुलांची निर्मिती करणे, रेल्वे स्थानकांची दुरुस्ती करणे, यासह अनेक मागण्यांसाठी पाठपुरावा केला जाईल, असे आश्वासन देण्यात आले. मुंबई-मनमाड रातराणी एक्स्प्रेस तसेच तपोवन एक्स्प्रेसचे डबे वाढवण्यासंदर्भात त्वरित निर्णय घेण्यात येईल, असे आश्वासन यावेळी देण्यात आले. निजामाबादहून तिरूपतीला जाणारी गाडी नांदेडहून सोडण्याबाबत लवकरच निर्णय घेऊ तसेच ज्या मागण्या आमच्या आखत्यारित आहेत. त्या पूर्ण करण्याची ग्वाही यावेळी देण्यात आली.

मराठवाड्याला ठेंगा
आजच्या बैठकीतून कोणतीही फलनिष्पत्ती झाली नाही. नवीन एकही मागणी मान्य झाली नाही. दुहेरीकरण झाल्याशिवाय नवीन रेल्वे मागू नका असा अप्रत्यक्ष सल्लाच अधिकाऱ्यांनी दिला. दोन वर्षांपूर्वी जे आश्वासन दिली होती, तीच आश्वासने पुन्हा नव्याने देण्यात आली. विद्युतीकरणाचा निर्णय अभिनंदनीय आहे. अन्य मागण्यांबाबतीत मात्र, नांदेड विभागाला ठेंगा दाखवण्यात आला आहे.
-शंतनु डोईफोडे, रेल्वे परिषद अध्यक्ष.

मोबाइल अॅप डाउनलोड करा आणि राहा अपडेट

---

झेडपीच्या अधिकाऱ्यांची कानउघाडणी

January 11, 2018, 2:14 pm

≫ Next: नामविस्तार दिन; वाहतुकीत बदल

≪ Previous: रेल्वेच्या बैठकीला पाच खासदारांची दांडी

$

0

0

म. टा. प्रतिनिधी, जालना
पालकमंत्री बबनराव लोणीकर आणि शिवसेनेचे राज्यमंत्री अर्जुन खोतकर यांनी एकत्र येऊन विचारविनिमय करून गुरुवारी पत्रकार परिषद घेतली. जिल्हा नियोजन आणि विकास समितीच्या झालेल्या खेळीमेळीच्या वातावरणातील कामकाजाची एकत्रितपणे माहिती दिली. जालना जिल्हा परिषदेला सन २०१६-१७ मध्ये दिलेल्या निधीपैकी आठ कोटी २९ लाख रुपये अद्याप खर्च झालेला नाही. हा निधी मार्च अखेरीस खर्च झाला नाही तर राज्य सरकारकडे परत जाईल. याच मुद्यावरून जिल्हा परिषदेचे पदाधिकारी आणि संबंधित विभागाच्या अधिकाऱ्यांना पालकमंत्री लोणीकर व राज्यमंत्री खोतकर यांनी चांगलेच धारेवर धरले.

औरंगाबादच्या जिल्हा परिषदेच्या कारभारातील उणीवांमुळे तेथील काही गावांच्या पाणीपुरवठा योजनेची कामे झाली नाहीत. आमचे जावाई औरंगाबादला भेटायला आले होते, त्यांनी एक निवेदन दिले आहे. ते शिवसेनेचे आमदार असून खोतकर त्यांना समजावून सांगतील, या शब्दात पालकमंत्री बबनराव लोणीकर यांनी बोलायला सुरुवात केली. जालना जिल्हा परिषदेचा असाच काहीसा कारभार सुरू आहे. त्यामुळे राज्य सरकारच्या बाबतीत काही लोकांना गैरसमज आणि नाराजी होते आहे, असे लोणीकर स्पष्टपणे म्हणाले.
जालना जिल्हा परिषदेला सन २०१६-१७ मध्ये दिलेल्या निधीपैकी आठ कोटी २९ लाख रुपये अद्याप खर्च झालेला नाही. हा निधी मार्च अखेरीस खर्च झाला नाही तर राज्य सरकारकडे परत जाईल. यापेक्षा अधिक गंभीर अवस्था यंदाच्या वर्षी निर्माण झाली होती. आर्थिक वर्षांच्या नऊ महिने संपले आहेत, तरीही जिल्हा परिषदेच्या वतीने एकाही कामाचा प्रस्ताव ज्याला प्रशासकीय व तांत्रिक मान्यता देण्यात आली आहे, असा प्रस्ताव जिल्हा प्रशासनाकडे आलेला नाही. याच मुद्यावरून जिल्हा नियोजन समितीच्या सभागृहात जिल्हा परिषदेचे पदाधिकारी आणि संबंधित विभागाच्या अधिकाऱ्यांना पालकमंत्री बबनराव लोणीकर व राज्यमंत्री अर्जुन खोतकर यांनी चांगलेच धारेवर धरले.
जिल्हा परिषदेचे अध्यक्ष अनिरुद्ध खोतकर यांनी आधी निधी उपलब्ध करून देण्यात यावा अशी मागणी जोर लाऊन मांडली पण राज्य सरकारच्या नवीन धोरणामुळे जिल्हा परिषदेच्या विकास योजनांच्या कामाचे प्रस्ताव प्रशासकीय व तांत्रिक मान्यतेसह आल्यावर जिल्हाधिकारी प्रत्यक्ष निधी जिल्हा परिषदेच्या खात्यावर जमा करणार आहेत असे यावेळी सांगण्यात आले. येत्या पंधरा दिवसांत पहिल्यांदा गेल्या वर्षीच्या शिल्लक निधीच्या खर्चाचे प्रस्ताव तयार करायचे ठरले. दरम्यान, जिल्हा परिषदेचे विभाग प्रमुख अधिकारी संबंधित विकास योजनांच्या प्रशासकीय व तांत्रिक मान्यतेसह देत नाहीत, तर या सगळ्या अधिकाऱ्यांवर कारवाई करण्यात यावी संबंधित अधिकाऱ्यांच्या सेवा पुस्तकात नोंद करण्यात यावी असे आदेश पालकमंत्री लोणीकर यांनी दिले.

यावेळी एका अधिकाऱ्याने जिल्हा परिषदेच्या विविध समितीच्या बैठकीत प्रस्ताव मंजूर झाल्यानंतर प्रशासकीय व तांत्रिक मान्यता देणे आमची जबाबदारी आहे, असे सांगितले. त्यामुळे जिल्हा परिषद सदस्यांचे पितळ उघडे पडले. यावर पुन्हा एकदा सारवासारव झाली आणि समित्यांच्या बैठका लवकर घेण्याचे ठरले.

शेतकऱ्यांना दिलेल्या कर्जमाफी आणि दुष्काळी अनुदान यामुळे राज्य सरकारच्या वतीने जिल्हा विकास निधीतून साधारणपणे तीस टक्के कपात करण्यात आली आहे. याचा परिणाम नाविण्यपूर्ण योजनेच्या कामावर झाला आहे, असे लोणीकर यांनी सांगितले. जिल्हा विकास आराखडा आपण ४६९ कोटी रुपयांचा तयार केला आहे. जिल्ह्यातील राजकारण बाजूला ठेवून खासदार रावसाहेब दानवे यांच्यासह आपण सगळेच एकत्र मुंबईला जाऊन निधी खेचून आणला पाहिजे, अशी भूमिका पालकमंत्री बबनराव लोणीकर यांनी मांडली याला राज्यमंत्री अर्जुन खोतकर यांनी सहमती दर्शवली.
जालन्यातील झोपडपट्टीतील रहिवाश्यांचे सर्व्हेक्षण सुरू आहे त्यांना लवकरच पीआरकार्ड देण्यात येणार आहेत, अशी माहिती राज्यमंत्री अर्जुन खोतकर यांनी दिली. जालना शहरातील सिमेंटच्या रस्त्याच्या कामाच्या गुणवत्ता नियंत्रण विभागाच्या चौकशा सुरू आहेत. खुद्द मुख्यमंत्री देवेंद्र फडणवीस यांनी या रस्त्याच्या कामाचा दर्जा अतिशय खराब झाला आहे, असे म्हणत तीव्र नाराजी व्यक्त केली, असे यावेळी सांगण्यात आले. सार्वजनिक बांधकाम विभागाच्या वतीने सुरू असलेल्या चौकशी अहवालानुसार पुढील कारवाई करण्यात येईल असे पालकमंत्री लोणीकर यांनी सांगितले

.

मोबाइल अॅप डाउनलोड करा आणि राहा अपडेट

नामविस्तार दिन; वाहतुकीत बदल

January 12, 2018, 3:46 am

≫ Next: ‘आरटीई’ नोंदणीस खोडा

≪ Previous: झेडपीच्या अधिकाऱ्यांची कानउघाडणी

$

0

0

म. टा. प्रतिनिधी, औरंगाबाद
१४ जानेवारी, रविवारी डॉ. बाबासाहेब आंबेडकर मराठवाडा विद्यापीठाचा २४ वा नामविस्तार वर्धापन दिन साजरा करण्यात येणार आहे. या दिवशी विविध पक्ष संघटनाच्या वतीने अभिवादन फेरी काढून विद्यापीठ गेटसमोर जाहीर सभा होणार आहेत. या पार्श्वभूमीवर परिसरात वाहतुकीला अडथळा निर्माण होऊ नये म्हणून वाहतूक व्यवस्थेमध्ये बदल करण्यात आला आहे. रविवारी पहाटे सहा ते रात्री अकरापर्यंत हा बदल असणार आहे. हा बदल पोलिस अधिकारी, अग्निशमन दल, रुग्णवाहिका, आरोग्य सेवा दंडाधिकारी व अत्यावश्यक सेवेसाठी लागू नाही.

बंद मार्ग
- मिलिंद महाविद्यालय चौक ते डॉ. बाबासाहेब आंबेडकर मराठवाडा विद्यापीठ गेट
- ज्युबली पार्क ते विधी महाविद्यालय चौक हा रस्ता नामविस्तार दिनासाठी येणारी वाहने सोडून इतर वाहनांसाठी बंद.
- मकई गेट ते विद्यापीट गेट हा रस्ता सर्व प्रकारच्या वाहनांसाठी बंद.

पर्यायी मार्ग
- मिलिंद चौकातून बेगमपुऱ्याकडे जाणारी सर्व वाहने मिल कॉर्नर, ज्युबली पार्क, मलिक अंबर चौक मार्गे जातील.
- बेगमपुऱ्याकडून मिलिंद चौकाकडे जाणारी वाहने मलिक अंबरचौक, ज्युबली पार्क मिल कॉर्नर मार्गे मिलिंद चौकाकडे जातील.
- नामविस्तार वर्धापन दिन कार्यक्रमासाठी येणारी सर्व वाहने मिलिंद महाविद्यालचे मैदान पीईएस अभियांत्रिकी कॉलेजच्या प्रांगणात पार्क करण्यात येतील.

मोबाइल अॅप डाउनलोड करा आणि राहा अपडेट

‘आरटीई’ नोंदणीस खोडा

January 12, 2018, 3:47 am

≫ Next: खासगी बसची धडक; दुचाकीस्वार गंभीर जखमी

≪ Previous: नामविस्तार दिन; वाहतुकीत बदल

$

0

0

म. टा. प्रतिनिधी, औरंगाबाद
इंग्रजी शाळा संस्था चालकांनी थकबाकीसाठी तगादा लावल्याने वंचित घटकातील विद्यार्थ्यांच्या मोफत प्रवेश प्रक्रियेसमोर आव्हान उभे राहिले आहे. विशेष निधीसाठी शिक्षण विभागाकडून शासनाकडे पत्रव्यवहार सुरू असला तरी गुरुवारी संस्थाचालकांच्या बैठकीत तूर्तास आरटीई प्रवेशासाठी नोंदणी न करता सोमवारनंतर करण्याचा निर्णय घेण्यात आला.

बालकांना शिक्षणाचा अधिकार कायद्याअंतर्गत अनुदानित, विनाअनुदानित इंग्रजी शाळांना एकूण विद्यार्थी संख्येच्या तुलनेत वंचित घटनातील २५ टक्के विद्यार्थ्यांना मोफत प्रवेश देणे बंधनकारक आहे. या विद्यार्थ्यांचा सरकारस्तरावर निश्चित केलेला वार्षिक शैक्षणिक शुल्काचा परतावा सरकारकडून थेट शाळांना प्रतिपूर्ती केली जाते. परंतु २०१३ -१४ पासून ते २०१७-१८ पर्यंत इंग्रजी शाळांची तब्बल १५ कोटींची थकबाकी आहे. त्यामुळे इंग्रजी शाळा संस्था चालकांकडून मागील तीन वर्षांपासून ही थकबाकी देण्याची मागणी होत आहे. दरम्यान, गुरुवारी ‘मेस्टा’ (महाराष्ट्र राज्य इंग्रजी शाळा संस्थाचालक संघटना) च्या पदाधिकाऱ्यांची बैठक झाली. बैठकीमध्ये जिल्हाभरातून आलेल्या पदाधिकाऱ्यांनी सोमवारपर्यंत तरी नोंदणी करायची नाही, असा निर्णय घेतला. थकबाकी कशी मिळवता येईल, यासाठी न्यायालयीन लढाईचीही तयारी ठेवण्याचा निर्णय घेण्यात आला, अशी माहिती प्रदेश उपाध्यक्ष प्रल्हाद शिंदे यांनी दिली. बैठकीला मनीष हंडे, प्रवीण आव्हाळे, राजेश नगर, अर्चना आहेरकर, रत्नाकर फाळके, मनाले बहादुरे, अशोक गोरे, मनीषा जोशी आदींची उपस्थिती होती.

१५ कोटी थकले
राज्य सरकारकडून १५ कोटींच्या देयकातील केवळ एक कोटी १० लाख रुपयांवर इंग्रजी शाळांची बोळवण केली आहे. त्यामुळे संस्थाचालक यावर्षीच्या शैक्षणिक प्रवेशापूर्वी सरकारकडून संपूर्ण थकबाकी मिळावी, यासाठी प्रयत्न करीत आहेत. त्याचाच एक भाग म्हणून ११ जानेवारीपासून शाळांनी शिक्षण विभागाकडे मोफत प्रवेश प्रक्रियेसाठी पात्रतेची नोंदणी करणे आवश्यक असताना, ती न करण्याचा निर्णय घेतला आहे.

मोबाइल अॅप डाउनलोड करा आणि राहा अपडेट

खासगी बसची धडक; दुचाकीस्वार गंभीर जखमी

January 12, 2018, 1:30 pm

≫ Next: राजमाता जिजाऊ यांना मानाचा मुजरा...!

≪ Previous: ‘आरटीई’ नोंदणीस खोडा

$

0

0

वाळूजमहानगर ः औरंगाबाद-पुणे महामार्गावर शिवराई टोल नाक्याजवळ दुचाकीस्वारास धडक दिल्याने गंभीर जखमी झाल्याची घटना गुरुवारी दुपारी घडली आहे.

औरंगाबादहून पुणेमार्गे बंगळुरूकडे जाणाऱ्या खासगी बसला (क्रमांक केए ०१ एएफ ०५५७) टोल नाक्याजवळ कामगाराना घेऊन जाणाऱ्या मिनी बसने हुलकावनी दिली. त्यामुळे चालकाचे नियंत्रण सुटले. खासगी बस दुभाजकावर धडकली. त्याच वेळेस रस्ता ओलांडण्यासाठी थांबलेली दुचाकीला (क्रमांक एमएच २० डीडब्ल्यू ८०२१) बसची धडक बसली. या धडकेत खासगी कंपनीतील कामगार बाबासाहेब रुपचंद शिंदे (२२, रा. टेंभापुरी ता. गंगापूर) हे गंभीर जखमी झाले. त्यांना उपचारासाठी हॉस्पिटलमध्ये दाखल केले असून अपघातात दुचाकीचे मोठे नुकसान झाले आहे. खासगी बस दुभाजकावर जाऊन थांबल्याने मोठा अपघात टळला. बसमधील सर्व प्रवासी सुखरूप आहेत. अपघातानंतर बस चालक पसार झाला आहे. अपघाताची माहिती मिळाल्यावर वाळूज पोलिस ठाण्याचे उपनिरीक्षक अमित बागुल, सहायक उपनिरीक्षक दत्तात्रय साठे हे घटनास्थळी आले. त्यांनी जखमीला हॉस्पिटलमध्ये पाठवल्याची माहिती आहे.

मोबाइल अॅप डाउनलोड करा आणि राहा अपडेट

राजमाता जिजाऊ यांना मानाचा मुजरा...!

January 12, 2018, 1:30 pm

≫ Next: जिजाऊ जयंती साजरी न केल्याने ग्रामपंचायतची तोडफोड

≪ Previous: खासगी बसची धडक; दुचाकीस्वार गंभीर जखमी

$

0

0

म. टा. प्रतिनिधी, औरंगाबाद,
राजमाता जिजाऊ यांची जयंती शुक्रवारी शहरात मोठ्या उत्साहात साजरी करण्यात आली. या निमित्त विविध फेऱ्या, मिरवणुका काढण्यात आल्या. मिरवणुकीत सहभागी झालेल्यांच्या जय जिजाऊ, जय शिवराय या गगनभेदी घोषणांनी शहर दणाणून गेले. दरम्यान, विविध पक्ष, संघटना, शैक्षणिक संस्था व शासकीय कार्यालयात जयंती ‌साजरी करण्यात आली.
बुलंद छावा प्रणित राजमाता जिजाऊ जयंती समितीतर्फे क्रांतीचौकातून चारचाकी वाहनफेरी काढण्यात आली. छत्रपती शिवाजी महाराज यांच्या पुतळ्यास समितीच्या अध्यक्ष वंदना बनकर यांनी पुष्पहार अर्पण करून अभिवादन केले. फेरीचे उद्‍घाटन डॉ. दत्ता कदम यांनी केले. यावेळी जिल्हा बँक संचालक अभिजित देशमख, देवगिरी बँकेचे उपाध्यक्ष किशोर शितोळे, नगरसेवक राजेंद्र जंजाळ, प्रदेश सचिव सुरेश वाकडे, प्रभाकर मते, सतीश वेताळ, नितीन शेळके, साहेबराव ममुळे, ज्ञानेश्वर जाधव, मनोज गायके, अरुण शेरे, प्रशांत शेळके आदी उपस्थित होते. ही फेरी गुलमंडी, जाधवमंडी, अविष्कार चौक, एम २ या मार्गे टीव्ही सेंटर येथील संभाजी चौकात आल्यानंतर समारोप करण्यात आला. यावेळी जगन्नाथ काळे, संदीप बोरसे यांची उपस्थिती होती. या फेरीचे नागरिकांनी ठिकठिकाणी उत्स्फूर्त स्वागत केले. वाहन फेरीमध्ये महिलांची संख्या लक्षणीय होती. कार्यक्रम यशस्वी करण्यासाठी सुनीता काळे, सीमा बोरसे, बेबीताई वेताळ, विजेता कोरडे, सारिका पाटील, वैशाली पवार, रेणुका जाधव, पूजा देशमुख, निर्मला मते, चेतना गायके, प्रियंका जुये यांनी परिश्रम घेतले.


रिव्हर्स गिअरवर प्रवास

राजमाता जिजाऊ जयंतीनिमित्त संतोष राजेशिर्के यांनी पुणे जिल्ह्यातील भोर ते सिंदखेडराजा हा तब्बल साडे तीनशे किलोमिटरचा प्रवास रिव्हर्स गिअर टाकून केला. स्विफ्ट कारमध्ये केवळ रिव्हर्स गिअरच्या माध्यमातून हा प्रवास करण्यासाठी त्यांना ४८ तास लागले. त्यांचे गुरुवारी सकाळी औरंगाबाद येथे आगमन झाले. त्यांनी १० जानेवारी रोजी दुपारी दोन वाजता त्यांनी भोर येथून प्रवास सुरू केला, १२ जानेवारी रोजी दुपारी तीन वाजता ते सिंदखेडराजा येथे पोचले. जातीय सलोखा निर्माण व्हावा, यासाठी हा प्रवास केल्याचे त्यांनी सांगितले.

विभगीय आयुक्त कार्यालय

जिजाऊ माँसाहेब आणि स्वामी विवेकानंद यांच्या जयंतीनिमित्त विभागीय आयुक्त कार्यालयात त्यांच्या प्रतिमांना पुष्पहार अर्पण करून अभिवादन करण्यात आले. विभागीय आयुक्त डॉ. पुरुषोत्तम भापकर यांनी प्रतिमांना पुष्पहार अर्पण केला. यावेळी अपर आयुक्त शिवानंद टकसाळ, उपायुक्त पारस बोथरा, वर्षा ठाकूर, साधना सावरकर, सहायक उपायुक्त सरिता सुत्रावे यांच्यासह अधिकारी आणि कर्मचारी यांनी अभिवादन केले.

भाजयुमो व विद्यार्थी आघाडी

जिजाऊ व स्वामी विवेकानंद जयंतीनिमित्त अभिवादन करण्यात आले. यावेळी भाजयुमो शहर जिल्हाध्यक्ष सचिन झवेरी, विद्यार्थी आघाडीचे शहर सरचिटणीस शुभम साळवे, महिला आघाडीच्या मनीषा भंसाली, मीरा चव्हाण आदी उपस्थित होते.
--.
ज्ञानसागर विद्यालय
ज्ञानसागर माध्यमिक व उच्च माध्यमिक विद्यालयात राजमाता जिजाऊ आणि स्वामी विवेकानंद जयंती उत्साहात साजरी करण्यात आली. यावेळी मुख्याध्यापक आनंद खरात अध्यक्षस्थानी होते. रमेश खंदारे व मिलिंद बावस्कर यांची प्रमुख पाहुणे म्हणून उपस्थिती होती. यावेळी विद्यार्थ्यांनी राजमाता जिजाऊ आणि स्वामी विवेकानंद यांच्या जीवनावर प्रकाश टाकला.

न्यू हायस्कूल, हर्सूल

राजामाता जिजाऊ आणि स्वामी विवेकानंद जयंतीनिमित्त शाळेत झालेल्या कार्यक्रमात प्रा. प्रदीप सोळुंके यांनी व्याख्यान दिले. कार्यक्रमामध्ये दहावीच्या गुणवंत विद्यार्थ्यांना शालेय साहित्याचे मान्यवरांच्या हस्ते वाटप करण्यात आले. कार्यक्रमाच्या अध्यक्षस्थानी शेख शमीम होते.

स्टुडंट फेडरेशन ऑफ इंडिया

राजमाता जिजाऊ आणि स्वामी विवेकानंद याच्या जयंतीनिमित्त एसएफआयच्या वतीने अभिवादन आणि संकल्प सभेचे आयोजन करण्यात आले. यावेळी प्रमुख मार्गदर्शन म्हणून ग्रंथपाल डॉ. सतीश पदमे यांची उपस्थिती होती. कोमल पोळ, सूरज कुमार, मनीषा मगरे, अंजली आंभोरे यांनी स्वामी विवेकानंद आणि राजमाता जिजाऊ यांच्या जीवनकार्यावर प्रकाश टाकला. या वेळी जातीय तेढ निर्माण करणाऱ्या प्रवृत्तीचा निषेध करणयात आला.

मराठा मावळा संघटना

संस्थापक अध्यक्ष प्रा. माणिकराव शिंदे यांच्या हस्ते जिजाऊंच्या पुतळ्याला पुष्पहार अर्पण करण्यात आला. यावेळी शिवसेना शहर प्रमुख (पूर्व ) विश्वनाथ स्वामी, काँग्रेस तालुकाध्यक्ष अनिल श्रीखंडे, राष्ट्रवादी कॉँग्रेसचे लक्ष्मण औताडे, छावाचे प्रा. भराट, साहेबराव घोडके, मराठा मावळा संघटनेचे प्रदेश संघटक सुनील औटे पाटील, प्रदेश उपाध्यक्ष गणेश वडकर, प्रदेश सरचिटणीस हनुमंत कदम उपस्थित होते.

मोबाइल अॅप डाउनलोड करा आणि राहा अपडेट

जिजाऊ जयंती साजरी न केल्याने ग्रामपंचायतची तोडफोड

January 12, 2018, 1:30 pm

≫ Next: पाणी आरक्षणासाठी पैसे भरा

≪ Previous: राजमाता जिजाऊ यांना मानाचा मुजरा...!

$

0

0

वाळूज महानगर ः वाळूज ग्रामपंचायत कार्यालयात राष्ट्रमाता जिजाऊ यांची जयंती साजरी न केल्यामुळे संतप्त नागरिकांनी ग्रामपंचायत कार्यालयाची तोडफोड केल्याची घटना शुक्रवार (१२ जानेवारी) रोजी दुपारी घडली.

यापूर्वी ग्रामपंचायत कार्यालयात सर्व महापुरुषांच्या जयंती व पुण्यतिथीनिमित्त कार्यक्रम होतात, मात्र यावर्षी जिजाऊ जयंतीचा विसर पडल्याने ग्रामस्थानी कार्यालयाची तोडफोड केली. यावेळी संतप्त नागरिकांनी ग्रामपंचायत कार्यालयावर हल्ला करून सरपंचाच्या टेबल वरील काच व कार्यालयातील फर्निचरची तोडफोड केली. त्यानंतर जमावाने कार्यालयाला कुलूप लावले. या घटनेची माहिती मिळाल्यावर सरपंच सुभाष तुपे व उपसरपंच मनोज जैस्वाल यानी ग्रामपंचायतकडे धाव घेतली. जमावाला शांत करत राष्ट्रमाता जिजाऊ यांच्या प्रतिमेचे पूजन करून जयंती साजरी करण्यात आली. यावेळी ग्रामपंचायत सदस्य व ग्रामस्थांची उपस्थिती होती.

मोबाइल अॅप डाउनलोड करा आणि राहा अपडेट

पाणी आरक्षणासाठी पैसे भरा

January 12, 2018, 1:30 pm

≫ Next: स्मार्टसिटीच्या निविदा ‘आम्हालाच’ काढू द्या

≪ Previous: जिजाऊ जयंती साजरी न केल्याने ग्रामपंचायतची तोडफोड

$

0

0

म. टा. प्रतिनिधी, सिल्लोड
यावर्षी उन्हाळ्यात सिल्लोड तालुक्यात तीव्र पाणी टंचाई निर्माण होणार आहे. तालुक्याची अंतिम पैसेवारी ५०पेक्षा कमी आली आहे. उपलब्ध असलेला पाणीसाठा राखून ठेवण्याचा तालुका प्रशासनाचा निर्णय आहे. त्यासाठी महसूल प्रशासनाने कडक उपाय योजना सुरू केल्या, मात्र या कामात शासकीय कार्यालये एकमेकांवर कडी करताना दिसत आहे. लघू पाटबंधारे उपविभागाच्या सहाय्यक कार्यकारी अभियंता वाय.एस. कडलग यांनी तहसीलदार यांना पत्र पाठवून, चारनेर लघू प्रकल्पातील पाणीसाठा पिण्यासाठी आरक्षित करण्यासाठी दोन लाख आठ हजार रुपये देण्याची मागणी केली आहे. या प्रकल्पात २८.३८ टक्के पाणी साठा आहे.

विभागीय आयुक्तांच्या डिसेंबर महिन्यांच्या आदेशाने आगामी काळात पाणी पिण्यासाठी व जनावारांसाठी राखून ठेवण्यासाठी महसूल प्रशासन उपाय योजना करीत आहे. डिसेंबर महिन्यात केळगाव मध्यम प्रकल्पातून जलसंपदा उपविभागाने टंचाई स्थिती असताना, कुठलीही सूचना न देता चारीद्वारे पाणी सोडले होते. याप्रकरणी तहसीलदार संतोष गोरड यांनी संबंधित अभियंत्यांविरुद्ध फौजदारी गुन्हे दाखल करण्याचे आदेश दिले होते. या प्रकरणानंतर आता लघू पाटबंधारे उपविभागाचे सहाय्यक कार्यकारी अभियंता कडलग यांनी तहसीलदारांना पत्रव्यवहार करीत चारनेर लघू प्रकल्पातील पाणीसाठा पिकासाठी आरक्षित करायचा असल्यास, दोन लाख आठ हजार रुपयाचे देयक देण्याची मागणी केली आहे.

टंचाई व दुष्काळी परीस्थिती शासनाच्या सर्व यंत्रणांनी नागरिकांच्या अडचणी दूर करणे अपेक्षित आहे. असे असताना तालुक्यातील आरक्षित असलेल्या पाणीसाठ्याचे देयक मागणे हा प्रकार नवीन आहे. या पूर्वी तालुक्याने भीषण पाणीटंचाईच्या झळा सोसलेलल्या अाहेत. त्यावेळी पाण्यासाठी पैसे मागण्यात आले नव्हते. पिण्यासाठी पाणी आरक्षित केले असता लघू पाटबंधारे विभागाने कोणत्या नियमाने साठ्याची देयके मागितली आहे, असा प्रश्न उपस्थित होत आहे.

शासनाचे निर्देश नाहीत ः तहसीलदार
याप्रकरणी तहसीलदार संतोष गोरड म्हणाले की, पाणीसाठा आरक्षित करण्यासाठी देयकाची मागणी केल्याचा खुलासा संबंधित विभागाच्या अधिकाऱ्यांकडून मागविण्यात येईल. सध्या टंचाई परीस्थिती आहे. आरक्षित पाण्याची देयके देण्याचे कुठलेही शासनाचे निर्देश नाहीत.

मोबाइल अॅप डाउनलोड करा आणि राहा अपडेट

---

स्मार्टसिटीच्या निविदा ‘आम्हालाच’ काढू द्या

January 12, 2018, 1:30 pm

≫ Next: राष्ट्रमाता जिजाऊ, विवेकानंद यांना अभिवादन

≪ Previous: पाणी आरक्षणासाठी पैसे भरा

$

0

0

म. टा. प्रतिनिधी, औरंगाबाद
स्मार्टसिटीच्या सर्व कामांची निविदा आम्हालाच काढू द्या, अशी मागणी करण्यासाठी महापालिका पदाधिकाऱ्यांचे शिष्टमंडळ मुख्यमंत्री देवेंद्र फडणवीस यांची भेट घेणार आहे. आम्ही योग्य प्रकारे निविदा काढून विविध कामे करून घेऊ, असे मुख्यमंत्र्यांना सांगण्यात येणार आहे.
औरंगाबादची स्मार्टसिटी योजना १७३० कोटी रुपयांची असून त्यापैकी सुमारे चारशे कोटी रुपये पॅनसिटी व उर्वरित रक्कम ग्रीनफिल्डवर खर्च केली जाणार आहे. पॅनसिटी प्रकल्पातील माहिती तंत्रज्ञान क्षेत्रातील कामे देखील लवकरच सुरू केली जाणार आहेत. त्यात सीसीटीव्ही कॅमेरे बसवणे, वायफाय झोन तयार करणे, सोलार पॅनल्स बसवणे, स्मार्ट बसस्टॉप तयार करणे, केबल टाकणे आदी कामांचा समावेश आहे. या सर्व कामांवर सुमारे सत्तर कोटी रुपये खर्च केले जाणार आहेत. माहिती तंत्रज्ञान क्षेत्रातील कामांच्या संदर्भात आढावा घेण्यासाठी दोन दिवसांपूर्वी मुंबईत माहिती तंत्रज्ञान विभागाच्या सचिवांनी बैठक घेतली. या बैठकीला स्मार्टसिटी योजनेत समावेश झालेल्या महापालिकांच्या आयुक्तांचाही समावेश होता. महिती तंत्रज्ञान क्षेत्रातील कामांची निविदा राज्य शासनाच्या आयटी कॉर्पोरेशनच्या माध्यमातूनच काढण्यात येईल, असे यावेळी सचिवांनी आयुक्तांना सांगितले.
या पार्श्वभूमीवर पत्रकारांशी बोलताना महापौर नंदकुमार घोडेले म्हणाले, स्मार्टसिटी योजनेत करावयाच्या सर्व कामांच्या निविदा आम्हाला (स्मार्टसिटीच्या एसपीव्हीला) काढू द्या, अशी मागणी करण्यासाठी पदाधिकाऱ्यांचे शिष्टमंडळ मुख्यमंत्र्यांना भेटणार आहे.

महापौरांसोबत सहमत

महापौरांच्या मताला उपमहापौर विजय औताडे व स्थायी समितीचे सभापती गजानन बारवाल यांनी पाठिंबा दिला आहे. लवकरच मुख्यमंत्र्यांची वेळ घेवून त्यांना भेटू, असे औताडे म्हणाले. आमची कामे आम्हाला करू द्या, असा पदाधिकाऱ्यांचा रोख आहे.

मोबाइल अॅप डाउनलोड करा आणि राहा अपडेट

राष्ट्रमाता जिजाऊ, विवेकानंद यांना अभिवादन

January 12, 2018, 1:30 pm

≫ Next: देशातील बियाणे उद्योगाला निर्यातीसाठी प्रोत्साहन हवे

≪ Previous: स्मार्टसिटीच्या निविदा ‘आम्हालाच’ काढू द्या

$

0

0

वाळूज महानगर ः शाळा, शासकीय कार्यालये, विविध पक्षसंघटना यांच्यातर्फे ​ वाळूज महानगरात राष्ट्रमाता जिजाऊ व स्वामी विवेकानंद जयंती शुक्रवारी उत्साहात साजरी करण्यात आली.

छावा मराठा युवा संघटन
वाळूज महानगर शाखा अखिल भारतीय छावा मराठा युवा संघटन यांच्या वतीने राष्ट्रमाता जिजाऊ यांची जयंती साजरी करण्यात आली. यावेळी दुचाकी फेरी काढण्यात आली. त्यानंतर महाराणा प्रताप चौकात जिजाऊ यांच्या प्रतिमेस पूष्प हार अर्पण करून पूजन करण्यात आले. यावेळी संघटनेचे जिल्हाअध्यक्ष शिवाजीराव मार्कंडे, मनोहर सनेर, गिरीधर चव्हाण, नवनाथ काळे, कृष्णा बोबडे, अजय प्रधान, संभाजी चौधरी, कानिफनाथ बहीरट, अमोल देशमुख, योगेश सोनवणे, संतोष मार्कंडे, सचिन उगलमुगले, अमोल निमसे, पांडुरंग ठोंबरे, किशोर नरवडे, तेजस बढे, रवींद्र पाटील, विलास बुमरे आदिंची उपस्थिती होती.

समाजवादी पक्ष
समाजवादी पक्षातर्फे गणेशनगर पंढरपूर येथे राष्ट्रमाता जिजाऊ यांची जयंती साजरी केली. यावेळी समाजवादी पक्षाचे जिल्हाध्यक्ष संजय मिसाळ, प्रकाश सौदागर, शोभा पारपिल्ले, रजिया पठाण, लक्ष्मी तुपे, विमल दाभाडे, फुलाबाई तिनगोटे, वंदना सौदागर, पदमाबाई साबळे, नंदा सुरडकर, भागुबाई सौदागर, अविनाश गायकवाड, समाधान सौदागर, बाळू भालेराव, सचिन साबळे आदिंची उपस्थिती होती.

छावा मराठा युवा संघटना
साईनगर सिडको वाळूज महानगर-एक येथे राष्ट्रमाता जिजाऊ व स्वामी विवेकानंद यांची जयंती
साजरी करण्यात आली. संघटनेचे मराठवाडा अध्यक्ष संजय आंळजकर, सुनिल राठी, शरद पाटील, शरद जाधव, दत्ता वर्पे, यांच्या प्रमुख उपस्थितीत हा कार्यक्रम झाला. यावेळी शरद गायके, विष्णू पाटील, संभाजी काळे, विनायक शिंदे, चंद्रकांत सोनजे, यांच्यासह महानगरातील शेकडो नागरीक उपस्थित होते.

जयभद्रा विद्यामंदिर
रांजणगाव येथील जयभद्रा विद्यामंदिर मध्ये राजमाता जिजाऊ व स्वामी विवेकानंद यांची जयंती उत्साहात साजरी करण्यात आली. शाळेचे मुख्याध्यापक कृष्णा दाभाडे यांनी राजमाता जिजाऊ व स्वामी विवेकानंद यांच्या प्रतिमेस पुष्पहार अर्पण करून त्यांचे अभिवादन केले. यावेळी प्रमुख पाहुणे म्हणून शाळेच्या माध्यमिक विभागाचे पर्यवेक्षक जनार्धन गाडे, श्रीकांत गाडेकर, मनीषा तांगडे यांची उपस्थिती होती. कार्यक्रम यशस्वी करण्यासाठी शिक्षक शिक्षकेतर कर्मचारी आदींनी परिश्रम घेतले.

गजानन विद्या मंदिर
रांजणगाव शेणपुंजी येथील गजानन विद्या मंदिर शाळेत राजमाता जिजाऊ जयंती व स्वामी विवेकानंद जयंतीनिमित्त विद्यार्थ्यांनी विशेष वेषभुषा करून फेरी काढण्यात आली. कार्यक्रम प्रसंगी पोलीस निरीक्षक ज्ञानेश्वर साबळे यांच्या हस्ते प्रतिमेचे पूजन करण्यात आले सरपंच मंगला लोहकरे, रुक्मिणी खंदारे, विजया राऊत, निर्मला खंदारे, विद्या जाधव, एकनाथ कानडे, प्रकाश मगरे, अंबादास देवके, सुरेश म्हस्के, संस्थेचे अध्यक्ष ईश्वर जाधव, सुरेखा बस्वदे, हनुमंत जाधव यांची उपस्थिती होती.

रवीसुत प्राथमिक विद्यालय
वाळूज महानगर येथील रवीसुत प्राथमिक विद्यालयात संस्थेचे अध्यक्ष गोरक्षनाथ बळी यांच्या हस्ते जिजाऊ यांच्या प्रतिमेचे पूजन करून जयंती साजरी करण्यात आली. यावेळी उपनिरीक्षक मीना तुपे, गणेश तोटावाड, संस्थेचे सचिव शोभा बळी, उपसरपंच रामकिसन म्हस्के, मुख्यध्यापिका कल्पना जोशी, बाळासाहेब वाव्हळ यांची उपस्थिती होती.

बजाजनगर युरेका स्कूल
बजाजनगर येथील युरेका स्कूलमध्ये जिजाऊ व स्वामी विवेकांनद यांच्या प्रतिमांचे पूजन करून आभिवादन करण्यात आले. यावेळी सजीव देखावे तयार करण्यात आले होते. प्रियंका जाधव या विद्यार्थ्यानी जिजाऊ प्रज्ञेश, व्यवहारे बालशिवबाच्या वेषात आले होते. यावेळी संस्थेचे गोतम चोपडा, परशुराम सावळे, प्रा सुनिल पाडाळकर, प्रा. सचिन घुगे, गौरव लोढा यांची प्रमुख उपस्थिती होती कार्यक्रम यशस्वीतेसाठी सुनीता बालकर, शुभांगी देशमुख, निलीमा निखार, सविता खटोडे, शितल गवळी, सोनाली वडाळे, माया पाटील, सुनीता म्हेत्रे, कांचन अलेवर, अंजली सुराडे, सुप्रीया पाठक आदींची उपस्थिती होती.

जोगेश्वरी ग्रामपंचायत कार्यालय
जोगेश्वरी ग्रामपंचायत कार्यालयात सरपंच प्रवीण दुबिले यांच्या हस्ते राष्ट्रमाता जिजाऊ व स्वामी विवेकानंद यांच्या प्रतिमांना पुष्पहार अर्पण करून पूजन करण्यात आले. यावेळी उपसरपंच डॉ. ज्ञानेश्वर नीळ, ग्रामविकास आधिकारी बी. एल. भालेराव ग्रामपंचायत सदस्य सूर्यभान काजळे, ज्ञानेश्वर कर्डिले, हरिदास चव्हाण, हरिभाऊ काजळे, कल्याण साबळे, सुनील वाघमारे आदी उपस्थित होते.

मोबाइल अॅप डाउनलोड करा आणि राहा अपडेट

देशातील बियाणे उद्योगाला निर्यातीसाठी प्रोत्साहन हवे

January 12, 2018, 1:30 pm

≫ Next: आवक दुपटीने, भाव स्थिर

≪ Previous: राष्ट्रमाता जिजाऊ, विवेकानंद यांना अभिवादन

$

0

0

देशातील बियाणे उद्योगाला निर्यातीसाठी प्रोत्साहन हवे
उद्योजक कागलीवाल यांनी उद्योगमंत्री प्रभुंची घेतली भेट
म. टा. प्रतिनिधी, औरंगाबाद
भारतातील बियाणे कंपन्या जगाला उत्तम उत्पादन, पुरवठा करण्याची क्षमता बाळगून आहेत. निर्यातीसाठी मात्र बियाणे कंपन्यांना कोणत्याही प्रकारचे प्रोत्साहन केंद्र सरकार देत नाही. ते मिळावे आणि देशातील बियाणे उद्योगाला अधिक चालना द्यावी, अशी मागणी नाथ ग्रूपचे अध्यक्ष नंदकिशोर कागलीवाल यांनी केंद्रीय उद्योगमंत्री सुरेश प्रभू यांच्याकडे केली आहे.
राजधानी दिल्लीत नंदकिशोर कागलीवाल यांनी मंगळवारी (९ जानेवारी) सुरेश प्रभू यांची भेट घेतली. या भेटीत त्यांनी देशातील बियाणे उद्योगाला चालना देण्यासाठी सरकारने धोरण आखावे अशी मागणी त्यांनी केली. देशात सध्या तांदूळ निर्यात केला तर त्याला प्रोत्साहनपर सुविधा आहे, पण त्याच्या बियाण्यांना नाही. देशात सगळ्या प्रकारचे वातावरण असल्याने येथे दर्जेदार बियाणे निर्माण होतात. शिवाय देशात संशोधनही जोडीला असल्याने आपल्या येथील दर्जेदार बियाणे निर्यात करण्याबाबत धोरण निश्‍चित करण्यात यावे, अशी मागणी त्यांनी सुरेश प्रभू यांच्याकडे केली आहे. दरम्यान, पूर्णत्वाकडे जात असलेल्या पैठणच्या फूड पार्कचे उद्‌घाटन मार्च२०१८ मध्ये अपेक्षित आहे. या कार्यक्रमाला येण्याची विनंतीही प्रभू यांच्याकडे केली असल्याचे कागलीवाल म्हणाले.

मोबाइल अॅप डाउनलोड करा आणि राहा अपडेट

आवक दुपटीने, भाव स्थिर

January 12, 2018, 1:30 pm

≫ Next: पंढरपुरात भंगारच्या गोदामाला आग

≪ Previous: देशातील बियाणे उद्योगाला निर्यातीसाठी प्रोत्साहन हवे

$

0

0

आवक दुपटीने, भाव स्थिर
म. टा. प्रतिनिधी, औरंगाबाद
औरंगाबाद कृषी उत्पन्न बाजार समितीसह शहरातील मोठ्या फळ बाजारात सध्या फळांची आवक वाढली आहे. हिवाळ्यात येणारी बोरं, पेरू, केळी यांनी तर फळांचा गोडवा अधिकच वाढवला आहे.
सध्या आवक वाढल्याने सर्वत्र फळांचे दर किमान २० ते ३० रुपयांनी उतरले आहेत. औरंगाबादला नाशिकहून जशी भाजीपाल्याची आवक होत असते. तशीच फळांची आवक होत आहे. गेल्या दोन आठवड्यापासून गंगापूर, खुलताबाद, सिल्लोड आदी तालुक्यातून पेरू येत आहेत. पेरुची काही प्रमाणात होत असलेली आवक नगर, लोणी, राहुरी या भागातूनही होत आहे. या दोन्ही भागांतून आलेल्या पेरूंच्या आवकमुळे सध्या पेरू २० ते २५ रुपये किलो या दराने विकले जात आहेत. केळींची आवक जळगाव, रावेर, यावल या भागातून होत आहे. आकाराने छोट्या असलेल्या केळींची आवक हैदराबादहूनही होत आहे. केळी सध्या ४० ते ५० रुपये डझन या दराने विकली जात आहे. बोरं छोटी-गावठी आणि जळगावची मेहरुण बोरं, चाळीसगावची चमेली बोरं आदी विविध प्रकारची बोरं सध्या बाजारात आली आहेत. या यांचे दर सर्वसाधारण २० ते ४० रुपये आकार आणि प्रकारानुसार आहेत. काही ठिकाणी आवळा दिसत आहे. जळगाव आणि नाशिकहून आवळ्याची आवक होत आहे. सुमारे ३० ते ४० रुपये किलो या दराने विकली जात आहेत.
किरकोळ बाजारात मोसंबी ३० ते ४० रुपये, सफरचंद ८० ते १२०, डाळिंब..६० ते ८० रुपये नारळ (शहाळं) २० ते ३० रुपये नग, या प्रमाणे बाजारात मिळत आहेत. सध्या संत्री आणि अननसची आवक होत नसून डाळिंब, बोर, पेरू आणि शहाळं यांची आवक वाढली आहे, असे शहागंजमधील व्यापाऱ्यांनी सांगितले.
कृषी उत्पन्न बाजार समिती आलेल्या फळांची आकडेवारी
फळप्रकार .....आवक (क्विंटलमध्ये)
पपई........ ९ ते १०
पेरू....१५ ते १६
सफरचंद ...१०० ते ११०
मोसंबी...३२ ते ३३
अंजीर.....४ ते ६
डा‌ळिंब.... ६३ ते ६५
बोरं.......२५ ते ३

मोबाइल अॅप डाउनलोड करा आणि राहा अपडेट

पंढरपुरात भंगारच्या गोदामाला आग

January 12, 2018, 1:30 pm

≫ Next: निलंबित उपजिल्हाधिकाऱ्यांचे आरोप बेछूटः डॉ. भापकर

≪ Previous: आवक दुपटीने, भाव स्थिर

$

0

0

वाळूज महानगर ः पंढरपूर येथे नुुरानी मशिदीजवळ भंगारच्या गोदामावा शुक्रवारी (१२ जानेवारी) सकाळी आठच्या सुमारास आग लागली. या आगीत लाखोचे नुकसान झाले आहे, सुदैवाने जीवित हानी झाली नाही. अग्निशमन दलाच्या जवानांनी तीन बंबांच्या मदतीने सुमरे चार तास प्रयत्न करून ही आग आटोक्यात आणली.

या गोदामात थर्माकोल, रबर, प्लास्टिकसह काचेच्या बाटल्या व पिंप असल्याची माहिती मिळाली आहे. आग सुरू असताना स्फोट होत होते. घटनास्थळी मोठा जमाव जमला होता. आग लागली तेथून नूरानी मशीद व नागरी वसाहत असल्याने परिसरात काही काळ भितीचे वातावरण निर्माण झाले होते. वाळूज एमआडीसीतील वळदगाव (गट क्रमांक १७५मधील सी सेक्टर) येथे अभिजीत कातोडी यांनी गोदाम भाडेतत्त्वार घेऊन तेथे भंगारचा व्यवसाय सुरू केला होता. या आगीत अंदाजे १७ लाखांचे नुकसान झाले असल्याची माहिती अभिजीत कातोडी यांनी दिली आहे.

या घटनेची माहिती मिळताच वाळूज एमआयडीसी पोलिस ठाण्याच्या उप निरीक्षक सविता तांबे, सहायक फौजदार रामराव वडगावकर, हेड कॉन्स्टेबल रमेश गायकवाड यांच्यासह वाळूज अग्निशमन दलाचे दोन व औरंगाबाद महापालिकेचा एक असे तीन बंब यांच्या साहाय्याने दुपारी एक वाजता ही आग आटोक्यात आली. घटनास्थळी वाळूज अग्निशमन विभागाचे अधिकारी के. ए. डोंगरे, आर. एस. फुलारे, आर. ए. चौधरी, एस. एफ. वासनकर, पी. एस. कोलते, ए. जे. गोसावी, जी. एम. वनगा, एस. एस. अंभोरे, पी. आर. पाटील, बी. एन. राठोड, ए. एस. चौधरी यानी आग विझविण्यासाठी परिश्रम घेतले. या घटनेची नोंद वाळूज एमआयडीसी पोलिस ठाण्यात रात्रीपर्यंत घेण्यात आली नसल्याची माहिती आहे.

मोबाइल अॅप डाउनलोड करा आणि राहा अपडेट

निलंबित उपजिल्हाधिकाऱ्यांचे आरोप बेछूटः डॉ. भापकर

January 12, 2018, 1:30 pm

≫ Next: एमआयएम नगरसेवकांवर लवकरच कारवाई

≪ Previous: पंढरपुरात भंगारच्या गोदामाला आग

$

0

0

म. टा. प्रतिनिधी, औरंगाबाद
‘निलंबित उपजिल्हाधिकारी देवेंद्र कटके यांनी केलेलेले सर्व आरोप हे बेछूट असून, कारवाईपासून वाचण्यासाठी त्यांनी हे आरोप केले असावेत. असे आरोप करणे दु:खद आहे. सध्या हे प्रकरण न्यायप्रविष्ट असल्यामुळे मी मत व्यक्त करणे योग्य नाही,’ असे विभागीय आयुक्त डॉ. पुरुषोत्तम भापकर यांनी सांगितले. जिल्हाधिकारी नवल किशोर राम यांनी, निलंबन प्रकरणात दिलेला अभिप्राय हे माझे वैयक्तिक प्रशासकीय मत असल्याचे पत्रकारांशी बोलतांना स्पष्ट केले.
कुळ, िनाम, कनिष्ट वतन या वर्ग २ प्रकारातील जमीन विक्रीची नियमबाह्य परवानगी दिल्यामुळे विभागीय आयुक्तांनी निवासी उपजिल्हाधिकारी विश्वंभर गावंडे आणि उपजिल्हाधिकारी देवेंद्र कटके यांना निलंबित केले आहे. ही कारवाई अधिवेशनादरम्यान करून त्यांनी शासनाला कळवले होते. नियमबाह्य परवानगी दिल्याप्रकरणाच्या तक्रारी विभागीय आयुक्तांना प्राप्त झाल्यानंतर नेमलेल्या चौकशी समितीने २२५ प्रकरणे तपासून चार महिन्यांपूर्वी अहवाल सादर केला होता. या अहवालावरून दोघांचे निलंबन करण्यात आले.
दरम्यान, निलंबन कारवाई एकतर्फी असल्याचा आरोप करीत उपजिल्हाधिकारी कटके यांनी कोर्टात धाव घेत आयुक्तांवर आर्थिक मागणी व जातीवाद केल्याचा आरोप पोलिसांत केलेल्या तक्रारीत केला आहे. या प्रकरणात दुसरे निलंबित अधिकारी गावंडे यांच्याकडून कुठलीही प्रतिक्रिया आलेली नाही.

जिल्हाधिकारी म्हणतात…

या संदर्भात जिल्हाधिकारी म्हणाले की, कटके आणि गावंडे हे दोन्ही अधिकारी निलंबित आहेत. कटके यांनी पोलिसांत, कोर्टात धाव घेतली. हा त्यांचा वैयक्तिक मुद्दा आहे. मी विभागीय आयुक्तांकडे दिलेला माझा अभिप्राय स्वतः दिलेला नाही. त्यांनी अभिप्राय मागवला होता. माझा अभिप्राय प्रशासकीय आहे. तो स्वत: होऊन दिलेला अभिप्राय नाही. निलंबित अधिकाऱ्यांना पुन्हा पदस्थाना द्या, पण, त्यांना औरंगाबादेतच पुन:स्थापित करावे, असे मी अभिप्रायात म्हटलेले नाही. मी दोघांनाही पुन:स्थापित करण्याचा अभिप्राय दिला म्हणजे त्यांना पाठीशी घालणे, असा त्याचा अर्थ नाही. या प्रकरणात अद्याप अनेक चौकशा होणे बाकी आहे. माझा अभिप्राय विभागीय आयुक्तांच्या निर्णयाविरोधात नाही. माझं स्वतंत्र मत आहे. त्या मताचा विपर्यास करण्याची गरज नाही. हा प्रशासकीय विषय आहे, असे जिल्हाधिकारी नवल किशोर राम यांनी स्पष्ट केले.

मोबाइल अॅप डाउनलोड करा आणि राहा अपडेट

एमआयएम नगरसेवकांवर लवकरच कारवाई

January 12, 2018, 1:30 pm

≫ Next: विद्यापीठात नवीन रस्ते तयार होणार; पावणेचार कोटी रूपये निधी

≪ Previous: निलंबित उपजिल्हाधिकाऱ्यांचे आरोप बेछूटः डॉ. भापकर

$

0

0

म. टा. प्रतिनिधी, औरंगाबाद
एमआयएमच्या नगरसेवकांवर कारवाई करण्याच्या संदर्भात महापालिका आयुक्त डी. एम. मुगळीकर यांनी शुक्रवारी राज्य शासनाचे उपसचिव संजय बोबडे यांच्याशी चर्चा केली. यामुळे त्या नगरसेवकांवर लवकरच कारवाई होईल, असे संकेत मिळाले आहेत.
एमआयएमच्या काही नगरसेवकांनी महापालिकेच्या सर्वसाधारण सभेत वेगवेगळ्या कारणावरून गोंधळ घातला होता. त्याशिवाय अधिकाऱ्यांच्या दालनात जावून दमदाटी करण्याचे प्रकार देखील एमआयएमच्या काही नगरसेवकांकडून घडले आहेत. असाच एक प्रकार विद्यमान विरोध पक्षनेते फेरोज खान यांच्या बाबतीत घडला होता. त्यांनी पाणीपुरवठा विभागाचे कार्यकारी अभियंता सरताजसिंग चहेल यांना दमदाटी करण्याचा प्रयत्न केला होता. या संदर्भात चहेल यांच्या तक्रारीवरून तत्कालीन आयुक्तांनी फेरोज खान यांच्याबद्दल शासनाकडे अभिप्राय पाठवला. तत्कालीन महापौर भगवान घडमोडे यांच्या कार्यकाळातील सर्वसाधारण सभेत एमआयएमचे जफर बिल्डर आणि सय्यद मतीन यांनी सुरक्षारक्षकाला मारहाण करून सभागृहातच खुर्च्यां फेकून मारल्या होत्या. या संदर्भातही पोलिस तक्रार झाली असून या दोन्ही नगरसेवकांना पोलिसांनी अटक केली आहे. दमडी महल प्रकरणावरून एमआयएमच्या पाच नगरसेवकांचे नगरसेवकपद रद्द करण्याचा ठराव ६ जानेवारी रोजी झालेल्या सर्वसाधारण सभेत घेण्यात आला. त्यातही फेरोज खान यांचे नाव आहे.
या नगरसेवकांवरील कारवाईच्या संदर्भात पत्रकारांशी बोलताना आयुक्त म्हणाले, राज्य शासनाचे उपसचिव संजय बोबडे हे स्वच्छता अभियानाचा आढावा घेण्यासाठी शहरात आले होते. त्यानंतर एमआयएम नगरसेवकांवरील कारवाई विषयी आपण त्यांच्याशी बोललो. दरम्यान ६ जानेवारीच्या सर्वसाधारण सभेत एमआयएमच्या ज्या पाच नगरसेवकांबद्दल निर्णय घेण्यात आला, त्या निर्णयाबद्दलचे सर्वसाधारण सभेचे इतिवृत्त महापौरांनी आयुक्तांना दिले आहे. सभेचे इतिवृत्त मिळाल्याचे आयुक्तांनी पत्रकारांना सांगितले. कायद्यानुसार योग्य ती कारवाई केली जाईल, असेही त्यांनी स्पष्ट केले.

दमडी महलप्रकरणी चौकशी समिती

दमडी महल येथील श्रीराम पवार यांच्या घराचे अतिक्रमण पाडताना घडलेल्या घटनेची चौकशी करण्यासाठी आयुक्त डी. एम. मुगळीकर यांनी तीन अधिकाऱ्यांची चौकशी समिती स्थापन केली आहे. या समितीचे अध्यक्ष अतिरिक्त आयुक्त असून मुख्य लेखापरिक्षक व विधी सल्लागार समितीचे सदस्य आहेत.

मोबाइल अॅप डाउनलोड करा आणि राहा अपडेट

---

विद्यापीठात नवीन रस्ते तयार होणार; पावणेचार कोटी रूपये निधी

January 12, 2018, 1:30 pm

≫ Next: बँक कर्मचाऱ्याविरुद्ध अपहारप्रकरणी गुन्हा

≪ Previous: एमआयएम नगरसेवकांवर लवकरच कारवाई

$

0

0

विद्यापीठात नवीन रस्ते तयार होणार; पावणेचार कोटी रूपये निधी
म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठात जर्मन तंत्रज्ञान वापरून रस्त्याचे काम करणार आहे असे कुलगुरू डॉ. बी. ए. चोपडे यांनी सांगितले. प्रत्यक्षात फक्त आधुनिक मशिनरी वापरून काम होणार असून जर्मन तंत्रज्ञान नसल्याचे स्पष्ट झाले. रस्ते कामासाठी सार्वजनिक बांधकाम विभागाने परवानगी दिली असून व्यवस्थापन परिषदेच्या बैठकीनंतर काम सुरू होणार आहे.
डॉ. बाबासाहेब आंबेडकर मराठवाडा विद्यापीठातील रस्त्यांची दूरवस्था झाली आहे. वाय कॉर्नरपर्यंत रस्त्याचे काँक्रीटीकरण झाले आहे. मात्र, मुख्य प्रशासकीय इमारतीपर्यंतचा रस्ता आणि अंतर्गत रस्ते खड्डेमय झाले आहेत. या गैरसोयीने त्रस्त विद्यार्थी व कर्मचाऱ्यांनी वारंवार तक्रारी केल्या आहेत. सप्टेंबर महिन्यात ‘नॅक’ समिती परीक्षणासाठी येणार आहे. त्या पार्श्वभूमीवर रस्त्यांचे काम करण्याचा निर्णय प्रशासनाने घेतला आहे. वाय कॉर्नर ते जनसंवाद व वृत्तपत्र विभाग आणि अंतर्गत रस्त्याचे काँक्रिटीकरण करण्यात येणार आहे. या कामासाठी जर्मन तंत्रज्ञान वापरणार आहे. हे तंत्रज्ञान वापरणारे आपले विद्यापीठ देशातील पहिले विद्यापीठ असेल असा दावा कुलगुरू डॉ. बी. ए. चोपडे यांनी पत्रकारांशी बोलताना केला होता. प्रत्यक्षात जर्मन तंत्रज्ञान नसून केवळ रस्ते बांधकामाचे अत्याधुनिक मशीन असल्याचे स्पष्ट झाले. सध्या पैठण मार्गासाठी या मशीनचा वापर करण्यात येत आहे. एकावेळी पाच कामे करण्यासाठी मशीन प्रसिद्ध आहे. लेव्हल, पाणी शोषून घेणे, दबाई अशा विविध कामासाठी वापर असल्यामुळे रस्ते वेगात पूर्ण होतात. स्लिट फॉर्म पेव्हर पध्दतीने काँक्रिटीकरण करण्यात येणार आहे. या कामासाठी ३ कोटी ७६ लाख रूपयांचा निधी खर्च केला जाणार आहे. तीन वर्षांपूर्वी तत्कालीन कुलसचिव डॉ. धनराज माने यांनी विद्यापीठ प्रवेशद्वार ते डॉ. बाबासाहेब आंबेडकर पुतळ्यापर्यंत सिमेंट रस्ता तयार करण्यात आला होता. पुढील रस्त्याचे डांबरीकरण करण्याचा प्रस्ताव होता. पण, प्रशासकीय ढिसाळपणात काम पूर्ण झाले नाही. ‘नॅक’ समिती पायाभूत सुविधांची पाहणी करीत असते. त्यामुळे तातडीने विद्यापीठाने रस्त्याचे काम हाती घेतले आहे. या कामाला सार्वजनिक बांधकाम विभागाची मंजुरी मिळाली आहे. विद्यापीठाच्या व्यवस्थापन परिषदेच्या बैठकीनंतर रस्त्याचे काम सुरू होणार आहे.
‘पीडब्ल्यूडी’चा वाद
विद्यापीठ परिसरातील काही कामे सार्वजनिक बांधकाम विभागाच्या अखत्यारित आहेत. ४० लाख रूपयांपेक्षा जास्त निधी असलेली कामे पीडब्ल्यूडी करीत असते. ४० लाख रूपयांपेक्षा कमी बजेट असलेली कामे विद्यापीठ करीत असते. नवीन विद्यापीठ कायद्यात हा नियम नमूद करण्यात आला आहे. राज्यातील बहुतेक विद्यापीठे या नियमाला विरोध करीत आहेत. त्यामुळे नियमात सुधारणा होऊन सर्व कामे विद्यापीठ प्रशासनाकडे येण्याची शक्यता आहे. मात्र, दर्जेदार काम करण्याची हमी विद्यापीठांना द्यावी लागणार आहे.

विद्यापीठातील रस्त्याचे काम लवकरच सुरू होणार आहे. जर्मन तंत्रज्ञान वापरून रस्त्याचे काँक्रिटीकरण केले जाईल. विद्यार्थ्यांची गैरसोय दूर करण्यासाठी हा निर्णय घेतला आहे.
- डॉ. बी. ए. चोपडे, कुलगुरू

मोबाइल अॅप डाउनलोड करा आणि राहा अपडेट

बँक कर्मचाऱ्याविरुद्ध अपहारप्रकरणी गुन्हा

January 12, 2018, 1:30 pm

≫ Next: कोर्टावरील विश्वास उडू शकतो

≪ Previous: विद्यापीठात नवीन रस्ते तयार होणार; पावणेचार कोटी रूपये निधी

$

0

0

म. टा. प्रतिनिधी फुलंब्री
बाबरा (ता. फुलंब्री) येथे जिल्हा मध्यवर्ती बँकेच्या शाखेतील कर्मचाऱ्याने ४५ लाख रुपये इतरांच्या खात्यावर वळते करून अपहार केला. या कर्मचाऱ्याविराेधात वडाेद बाजार पाेलिसात गुन्हा दाखल झाला अाहे. बँकेने अडीच वर्षे अंतर्गत चाैकशी केल्यानंतर या कर्मचाऱ्याविराेधात तक्रार दाखल केली.

बाबासाहेब भाऊसाहेब काळे (रा. मांडवा, ता. गंगापूर) असे या बँक कर्मचाऱ्याचे नाव अाहे. तो बाबरा शाखेत लिपिक म्हणून कार्यरत हाेते. त्याने एक एप्रिल २०१५ ते ३१ अाॅक्टाेबर २०१५ या कालावधीत बँकेतील कर्मचाऱ्यांचे गाेपनीय पासवर्ड मिळवून बँक शाखा खात्यातील रक्कम इतरांच्या खात्यावर वळविली. त्या खातेदारांच्या बनावट सह्या करून तब्बल ४५ लाख रुपयांचा अपहार केला.

अडीच वर्षे तपास
बँकेच्या पैशाचा अपहार केल्याचा प्रकार समोर आल्यानंतर बँकेने अंतर्गत चाैकशी सुरू केली होती. या चाैकशीसाठी बँक अधिकाऱ्यांना तब्बल अडीच वर्षे लागली. याचे कारण समजले नाही, मात्र बँक संचालक मंडळात अाता विराेधक असल्याने यांच दबावाखाली हा कर्मचारी दाेषी असल्याचे निष्पन्न केले व जिल्हा बँकेचे फुलंब्री तालुका अधिकारी रवींद्र दत्तात्रय हिरे (शाखा फुलंब्री) यांनी वडाेद बाजार पाेलिसांत कर्मचारी बाबासाहेब काळे यांच्याविराेधात तक्रार दाखल केली. याप्रकरणी वडाेद बाजार येथील सहायक पाेलिस निरीक्षक अर्चना पाटील व पाेलिस उपनिरीक्षक नारायण घुगे हे अधिक तपास करीत अाहे.

मोबाइल अॅप डाउनलोड करा आणि राहा अपडेट

कोर्टावरील विश्वास उडू शकतो

January 12, 2018, 1:30 pm

≫ Next: नामविस्तारदिनी वाहतुकीत बदल

≪ Previous: बँक कर्मचाऱ्याविरुद्ध अपहारप्रकरणी गुन्हा

$

0

0

म. टा. प्रतिनिधी, औरंगाबाद
सर्वोच्च न्यायव्यवस्थेतील विवाद तसेच विसंवाद जाहीर होण्यामुळे सामान्यांचा न्यायव्यवस्थेवरील विश्वास उडू शकतो. सद्यस्थितीत केवळ न्यायपालिका ही लोकांसाठी विश्वासार्ह संस्था आहे. मात्र अंतर्गत वाद चव्हाट्यावर येणे लोकशाहीला मारक आहे. त्याचवेळी आता वाद चव्हाट्यावर आल्यामुळे प्रकरणाची सत्यतता शोधणे तितकेच गरजेचे आहे व आरोप सिद्ध झाल्यास योग्य कार्यवाही होणे तितकेच गरजेचे आहे, असा सूर वकिलांमधून उमटला.

सुप्रिम कोर्टातील चार न्यायमूर्तींनी जाहीर पत्रकार परिषद घेऊन सुप्रिम कोर्टातील कारभाराबाबत नाराजी व्यक्त केली व सरन्यायाधीशांविषयी टिकेचा सूर आळवला. या संदर्भात वेगवेगळ्या प्रतिक्रिया वकिलांमधून उमटल्या. जिल्हा वकिल संघाचे अध्यक्ष संजय भिंगारदेव म्हणाले, या प्रकरणाची सखोल चौकशी व्हावी व न्यायमूर्तींचे आरोप सिद्ध झाल्यास न्यायमूर्तींच्या भूमिकेचे मी समर्थन करेन. मुळात आज केवळ न्यायपालिकेवर सामान्यांचा विश्वास शाबूत असल्यासारखी स्थिती आहे. त्यामुळेच अनेक पक्षकार कोर्टात प्रवेश करताना चपला-बुट काढून चौकटीने दर्शन घेतात, सन्मान करतात. अशा स्थितीत न्यायव्यवस्थेवरील लोकांचा विश्वास कायम राखणे, ही फार महत्वाची जबाबदारी आहे, असेही अड. भिंगारदेव म्हणाले. जिल्हा वकीस संघाचे सचिव सुदेश शिरसाट म्हणाले, न्यायपालिकेवरील सामान्य नागरिकांचा विश्वास उडू न देणे फार महत्वाचे आहे. अशा वेळी अंतर्गत वाद-विवाद चव्हाट्यावर येऊ न देणे जास्त महत्वाचे होते. याचे राजकीय भांडवल केले जाऊ शकते, हे भान राखणेही तितकेच महत्वाचे आहे, असेही अॅड. शिरसाट म्हणाले. सर्वोच्च न्यायालयातील न्यायमूर्तींनी अशा प्रकारे हतबलता व्यक्त करणे व असा ‘मेसेज’ लोकांमध्ये जाणे हे अतिशय वाईट आहे व तितकेच लोकशाहीला मारक आहे. न्यायमूर्तींनी व सरन्यायधीशांनी एकत्र बसून तोडगा काढणे गरजेचे होते. सरन्यायधीशांनीही न्यायमूर्तींची बाजू ऐकून घेणे, समजून घेणे गरजेचे होते. हे असे झाले असते तर न्यायमूर्तींचा स्फोट झाला नसता, असे ज्येष्ठ वकील के. जी. भोसले म्हणाले.

सर्वोच्च न्यायालयाच्या कारभाराबाबत काही नाराजी असू शकते किंवा काही वाद असू शकतात. मात्र हे वाद-विवाद जाहीरपणे व्यक्त करणे गरजेचे नव्हते. राष्ट्रपतींकडे दाद मागण्याचा पर्याय न्यायमूर्तींकडे होता किंवा आणखी काही पर्यायांचा वापर करणे इष्ट ठरले असते. मुळात न्यायमूर्तींना पत्रकार परिषद घेणे किंवा पत्रकार परिषदेत संबोधित करण्याचा अधिकार नाही, हेही लक्षात घेणे गरजेचे आहे, असेही मत ज्येष्ठ वकील राजेंद्र मुगदिया यांनी व्यक्त केले.

विषय गंभीर होता
कोणते मॅटर कोणाला द्यायचे याचा अधिकार मुख्य न्यायमूर्तींना असला तरी राष्ट्रीय किंवा महत्त्वाच्या प्रश्ना संदर्भातील प्रकरणे वरीष्ठ न्यायमूर्तींकडेच देण्याची आजपर्यंतची परंपरा होती. या गंभीर प्रश्नावर खरे तर मुख्य न्यायमूर्तींनी तोडगा काढायला हवा होता. दोन महिन्यांपूर्वी या चारही न्यायमूर्तींनी मुख्य न्यायमूर्तींकडे पत्र पाठविले होते त्यात काही प्र्रश्न उपस्थ‌ित केले होते. हा विषय मुख्य न्यायमूर्तींनी सोडवायला हवा होता. ही गंभीर चूक आहे. सामान्यांच्या विश्वासाला तडा जाईल हे एकवेळ मान्य केले तरी प्रश्न उपस्थ‌ितच करू नये? हे प्रश्न सोडवियाची जबाबदारी मुख्य न्यायमूर्तींची होती. त्यांनी आपआपसात चर्चा करून आणि वरीष्ठ न्यायमूर्तींची मते विचारात घेऊन प्रश्न सोडवायला हवा होता. न्यायमूर्ती लोया यांच्या निधना संदर्भातील प्रकरण गंभीरच आहे. हे दोन वर्षापूर्वीचे प्रकरण आहे. दोन दिवसांमध्ये लगेचच त्यावर सुनावणी घेण्याचे आदेश देणे हे कितपत योग्य आहे? वरीष्ठ न्यायमूर्तींना विश्वासात घेतले पाहिजे होते.
- प्रवीण एम. शहा, ज्येष्ठ वकील, औरंगाबाद खंडपीठ

दुर्दैवी प्रकार
सुप्रीम कोर्टातीन चार न्यायमूर्तींनी अंतर्गत बाबींचा उकल करण्यासाठी प्रसारमाध्यमांसमोर जायला नको होतो. हा न्यायिक दृष्टीने दुर्दैवी प्रकार आहे. त्यांची तक्रार ही पूर्णपणे अंतर्गत प्रशासनाची होती. या न्यायमूर्तींनी आपआपसात बसून या प्रश्नावर तोडगा काढायला हवा होता. प्रसारमाध्यमांसमोर जाणे संपूर्ण देशाच्या न्यायिक प्रतिमेला धक्का बसलेला आहे. यात मुख्य न्यायमूर्ती बरोबर की सिनिअर न्यायमूर्ती बरोबर हे आज सांगता येणार नाही. पण सामान्यांच्या विश्वासाला निश्च‌ितपणे धक्का बसला आहे.
- प्रवीण मंडलिक, वरिष्ठ वकील, औरंगाबाद खंडपीठ

तक्रार कोणाकडे करायची?
ही सुप्रीम कोर्टातील पूर्णपणे अंतर्गत बाब होती. खरेतर सर्व न्यायमूर्तींनी एकत्रित येऊन या उपस्थ‌ित केलेल्या प्रश्नावर तोडगा काढायला हवा होता. कोण चुकीचे आणि कोण बरोबर हे आताच सांगणे बरोबर नाही. या चारही न्यायमूर्तींनी दोन महिन्यापूर्वी मुख्य न्यामूर्तींना पत्र पाठविले होते. आणि शुक्रवारी सकाळी त्यांची भेट ही घेतली होती. अधिकाराचा गैरवापर होत आहे. मग तक्रार कोणाकडे करायची हा प्रश्न उपस्थ‌ित राहतो.
- आर. एन. धोर्डे, वरीष्ठ वकील, औरंगाबाद खंडपीठ

ही तर अंतर्गत बाब
सुप्रीम कोर्टामध्ये वरीष्ठ न्यायमूर्तींनी पत्रकार परिषद घेऊन अंतर्गत प्रश्न देशासमोर मांडले आहेत. एका घरातले भांडण होते आणि पूर्णपणे ही अंतर्गत बाब होती. जनतेसमोर जाणे हा काही त्यांनी उपस्थ‌ित केलेल्या प्रश्नांवरचा उपाय नव्हता. प्रसार माध्यमे जनता आणि सरकार हे सुप्रीम कोर्टातील अंतर्गत प्रश्नांवर उपाय देऊ शकत नाहीत. या प्रश्नावर त्यांनी अंतर्गत चर्चा करुनच उत्तर शोधायला हवे होते.
- विनायक डी. होन, वरीष्ठ वकील, औरंगाबाद खंडपीठ

मोबाइल अॅप डाउनलोड करा आणि राहा अपडेट

नामविस्तारदिनी वाहतुकीत बदल

January 12, 2018, 1:30 pm

≫ Next: वसुलीचे प्रमाण वाढेना, विकास कामे संकटात

≪ Previous: कोर्टावरील विश्वास उडू शकतो

$

0

0

म. टा. प्रतिनिधी, औरंगाबाद
१४ जानेवारी, रविवारी डॉ. बाबासाहेब आंबेडकर मराठवाडा विद्यापीठाचा २४ वा नामविस्तार वर्धापन दिन साजरा करण्यात येणार आहे. या दिवशी विविध पक्ष संघटनाच्या वतीने अभिवादन फेरी काढून विद्यापीठ गेटसमोर जाहीर सभा होणार आहेत. या पार्श्वभूमीवर परिसरात वाहतुकीला अडथळा निर्माण होऊ नये म्हणून वाहतूक व्यवस्थेमध्ये बदल करण्यात आला आहे. रविवारी पहाटे सहा ते रात्री अकरापर्यंत हा बदल असणार आहे. हा बदल पोलिस अधिकारी, अग्निशमन दल, रुग्णवाहिका, आरोग्य सेवा दंडाधिकारी व अत्यावश्यक सेवेसाठी लागू नाही.

बंद मार्ग

- मिलिंद महाविद्यालय चौक ते डॉ. बाबासाहेब आंबेडकर मराठवाडा विद्यापीठ गेट

- ज्युबली पार्क ते विधी महाविद्यालय चौक हा रस्ता नामविस्तार दिनासाठी येणारी वाहने सोडून इतर वाहनांसाठी बंद.

- मकई गेट ते विद्यापीट गेट हा रस्ता सर्व प्रकारच्या वाहनांसाठी बंद.

पर्यायी मार्ग

- मिलिंद चौकातून बेगमपुऱ्याकडे जाणारी सर्व वाहने मिल कॉर्नर, ज्युबली पार्क, मलिक अंबर चौक मार्गे जातील.

- बेगमपुऱ्याकडून मिलिंद चौकाकडे जाणारी वाहने मलिक अंबरचौक, ज्युबली पार्क मिल कॉर्नर मार्गे मिलिंद चौकाकडे जातील.

- नामविस्तार वर्धापन दिन कार्यक्रमासाठी येणारी सर्व वाहने मिलिंद महाविद्यालचे मैदान पीईएस अभियांत्रिकी कॉलेजच्या प्रांगणात पार्क करण्यात येतील.

कडेकोट बंदोबस्त
औरंगाबाद ः डॉ. बाबासाहेब आंबेडकर मराठवाडा विद्यापिठाचा नामविस्तारदिन रविवारी साजरा करण्यात येणार आहे. या दिनाच्या पार्श्वभूमीवर शहरात कडक बंदोबस्त तैनात करण्यात आल्याची माहिती पोलिस आयुक्त यशस्वी यादव यांनी दिली. दरम्यान, शुक्रवारी सायंकाळी पीईएस कॉलेजमध्ये शांतता समितीच्या बैठकीत विविध सूचना करण्यात आल्या.

शांतता समितीच्या बैठकीमध्ये वाहतूक नियोजन, स्टॉल, दारुबंदी, स्टेज आदींबाबत वि‌विध सूचना पदाधिकाऱ्यांनी केल्या. नामविस्तार लढ्यात सहभागी झालेल्या १८ शहीदांच्या स्मारकाचे बांधकाम लवकर सुरू करावी, अशी मागणी देखील यावेळी करण्यात आली. या बैठकीमध्ये

माजीमंत्री गंगाधर गाडे, माजी नगरसेवक मिलिंद दाभाडे, कृष्णा बनकर, माजी उपमहापौर किशोर थोरात, जालिंदर शेंडगे, अनिल भिंगारे, रतनकुमार पंडागळे यांच्यासह दलित संघटनेचे पदाधिकारी आणि कार्यकर्ते उपस्थित होते.

विशेष नियंत्रण कक्ष
शांतता समितीच्या बैठकीनंतर पोलिस आयुक्त यादव यांनी पत्रकारांशी संवाद साधला. यावेळी बोलताना त्यांनी १४ जानेवारी रोजी विशेष नियंत्रण कक्ष स्थापन करण्यात आल्याची माहिती दिली. सहायक पोलिस आयुक्ताची या ठिकाणी नियुक्ती करण्यात आली आहे. तसेच या दिवशी राज्य राखीव पोलीस दलाच्या दोन तुकड्या, ५० सीसीटीव्ही कॅमेरे, २५ फिक्स पॉइंट, तीन पोलिस मदत केंद्र, दोन उपायुक्त, चार ड्रोन कॅमेरे आदी बंदोबस्त तैनात करण्यात आल्याची माहिती दिली. या शिवाय चार हजार विशेष पोलिस अधिकारी देखील या बंदोबस्तामध्ये सहभागी होणार असल्याची माहिती आयुक्त यादव यांनी दिली. नागरिकांनी कोणत्याही अफवांवर विश्वास ठेवू नये, असे आवाहन आयुक्त यादव यांनी यावेळी केले.

मोबाइल अॅप डाउनलोड करा आणि राहा अपडेट

वसुलीचे प्रमाण वाढेना, विकास कामे संकटात

January 12, 2018, 1:30 pm

≫ Next: बेकायदा सावकारांवर पोलिसांत गुन्हा दाखल

≪ Previous: नामविस्तारदिनी वाहतुकीत बदल

$

0

0

वसुलीचे प्रमाण वाढेना, विकास कामे संकटात
म. टा. प्रतिनिधी, औरंगाबाद -
मालमत्ता कर वसुलीसाठी महापौर व आयुक्तांनी अभय योजना जाहीर करण्याचा मनसुभा व्यक्त केला असला तरी या योजनेला नियमांचा अडसर निर्माण होणार असल्याचे स्पष्ट झाले आहे. मालमत्ता कराच्या थकबाकीवरचे दंड व्याज रद्द करण्याचा किंवा त्यात काही प्रमाणात सूट देण्याचा महापालिकेचा प्रस्ताव शासनाच्या नगरविकास खात्याकडे सहा महिन्यांपासून पडून आहे, त्यावर अद्याप निर्णय झालेला नाही. मालमत्ता कराच्या वसुलीचे प्रमाण वाढत नसल्यामुळे विकास कामे संकटात सापडण्याची शक्यता आहे.
मालमत्ता कराच्या वसुलीचे प्रमाण यंदा फारच घसरले आहे. कर वसुलीसाठी आऊट सोर्सिंगच्या माध्यमातून शंभरावर कर्मचारी नियुक्त करण्यात आले असले तरी त्यांचा उपयोग कर वसुलीसाठी फारसा होताना दिसत नाही. त्यामुळे मालमत्ता करासाठी अभय योजना जाहीर करण्याचा निर्णय महापालिकेचे आयुक्त डी. एम. मुगळीकर व महापौर नंदकुमार घोडेले यांनी घेतला. मुगळीकर यांनी पालिका आयुक्तपदाची सुत्रे हाती घेतल्यावर लगेचच मालमत्ता कराच्या अभय योजनेला हात घातला. मालमत्ता कराच्या थकबाकीवर दरवर्षी २४ टक्के व्याज दंड म्हणून आकारले जाते. व्याजाच्या आकारणीमुळे अनेक मालमत्ताधारक कर भरण्यास पुढे येत नाहीत. त्यामुळे दंडव्याजात सूट देण्याचा प्रस्ताव त्यांनी नगरविकास खात्याकडे पाठवला होता. दंडव्याजात सूट दिली तर कर भरणाऱ्यांचे प्रमाण वाढेल असे शासनाला कळविण्यात आले होते, परंतु शासनाने अद्याप या प्रस्तावावर निर्णय घेतला नाही.
काही दिवसांपूर्वी महापौर नंदकुमार घोडेले यांनी अभय योजना जाहीर केली. जे मालमत्ताधारक चालू वर्षाचा कर भरतील त्यांचा कराच्या थकबाकीचा विचार पालिका करणार नाही अशा आशयाची महापौरांची अभय योजना होती. ही योजना देखील कागदावर आलेली नाही, त्यामुळे या योजनेची अंमलबजावणी देखील झाली नाही. सुत्रांनी दिलेल्या माहितीनुसार मालमत्ता कराच्या अभय योजनेला प्रथम महापालिकेच्या सर्वसाधारण सभेची मान्यता घ्यावी लागणार आहे. सर्वसाधारण सभेने मान्य केलेला प्रस्ताव शासनाला पाठवावा लागणार आहे. शासनाच्या मान्यतेनंतर योजना अंमलात आणावी लागणार आहे. कार्यालयीन कामकाजाची पद्धत लक्षात घेता यंदाचे आर्थिक वर्ष संपेपर्यंत या योजनेला मान्यता मिळण्याची शक्यता नाही. मालमत्ता कराच्या थकबाकीवर दंडव्याज आकारण्याची तरतूद नियमातच आहे. चालू वर्षाचा कर भरला तर मागील काही वर्षाच्या करात सुट देण्याचा उल्लेख कोणत्याही नियमात नाही. त्यामुळे मालमत्ता कराच्या अभय योजनेला नियमांचा अडसर असल्याचे स्पष्ट होत आहे.

मालमत्ता कराबद्दलची अभय योजना कायद्याच्या तरतूदीत राहून जाहीर करावी लागणार आहे. त्यामुळे सर्व गोष्टींचा विचार करून व कायद्याचे उल्लंघन होणार नाही हे पाहून या बद्दल निर्णय घ्यावा लागेल.
डी.एम. मुगळीकर, आयुक्त महापालिका.

मालमत्ता कर वसुलीची स्थिती
- मालमत्ता कराची एकूण मागणी - ४३३ कोटी रुपये
- मालमत्ता कर वसुलीचे उद्दीष्ट - ३९० कोटी रुपये
- १ एप्रिल ते डिसेंबर अखेर पर्यंत वसुल झालेला कर - ४७ कोटी ६२ लाख रुपये
- कर वसुलीची टक्केवारी - १२.२१
- महापालिकेच्या रेकॉर्डवर असलेल्या मालमत्तांची संख्या - सुमारे १ लाख ८३ हजार

मोबाइल अॅप डाउनलोड करा आणि राहा अपडेट