जिल्ह्यातील ५१ दलित वस्त्या विकासापासून दूर

January 15, 2018, 1:30 pm

≫ Next: ​ ‘ध्वजदिन निधी’ हवाच

≪ Previous: जिल्ह्यात टँकरची गरज काय ?

$

0

0

म. टा. प्रतिनिधी, औरंगाबाद
जिल्हा परिषदेच्या समाज कल्याण विभागामार्फत राबविण्यात येणाऱ्या दलित वस्ती योजनेचा लाभ अद्याप ५१ वस्त्यांना मिळालेला नाही. या वस्त्यांमध्ये आवश्यक कामे दर्जेदार व्हावेत, यासाठी पालक अधिकारी नेमण्यात येणार आहेत.
दलित वस्ती सुधार योजनेतून गेल्या २० ते २५ वर्षांपासून ५१ गावांमध्ये आजपर्यंत एकही काम झाले नसल्याचे जिल्हा परिषदेने केलेल्या तपासणीत आढळून आलेले आहे. या गावातून यासाठी प्रस्ताव आलेला नाही. तसेच संबंधित पदाधिकाऱ्यांनीही लक्ष दिलेले नाही. औरंगाबाद तालुक्यातील ११, कन्नड ९, खुलताबाद ४, सोयगाव ९, सिल्लोड २, गंगापूर ७, फुलंब्री ८ आणि पैठण तालुक्यातील एका गावातील वस्तीचा यात समावेश आहे. या वंचित गावांना लाभ मिळावा यासाठी जिल्हा परिषदेचे मुख्य कार्यकारी अधिकारी मधुकर अर्दड यांनी पुढाकार घेतला आहे. या योजनेसाठी ३० कोटी रुपये उपलब्ध जाले असून त्यातून आवश्यक व गरजेची कामे व्हावीत हा उद्देश आहे. आतापर्यंत ४१ प्रस्ताव आले असल्याचे अर्दड यांनी सांगितले. दरम्यान या गावांमध्ये व्यवस्थित कामे व्हावीत, यासाठी पालक अधिकारी नेमण्यात येणार असून, अधिकारी प्रत्यक्ष वस्त्यांमध्ये जाऊन काम करून घेणार आहेत.

मोबाइल अॅप डाउनलोड करा आणि राहा अपडेट

---

​ ‘ध्वजदिन निधी’ हवाच

January 15, 2018, 1:30 pm

≫ Next: ... तर महापौर, आयुक्तांवर कायदेशीर कारवाई

≪ Previous: जिल्ह्यातील ५१ दलित वस्त्या विकासापासून दूर

$

0

0

‘ध्वजदिन निधी’ हवाच

शाळांना पत्र; निधी न दिल्यास पगार नाही

म. टा. प्रतिनिधी, औरंगाबाद

शाळास्तरावर सध्या सशस्त्र सेना ध्वजदिन निधी संकलनची प्रक्रिया सुरू आहे. विद्यार्थी, पालकांकडून जमा केल्या जाणाऱ्या निधीची रक्कम पाच वरून यंदा २५ रुपयांवर नेण्यात आली आहे. तर, मुख्याध्यापक, प्राध्यापकांनी ८०० तर, शिक्षकाने प्रत्येकी ५०० रुपये द्यावेत, असे स्पष्ट आदेश आहेत. निधी नाहीतर, वेतन नाही अशा आशयाचा उल्लेख परिपत्रकात असल्याने शिक्षकांमध्ये आश्चर्य व्यक्त केले जात आहे.

शाळांमधील विद्यार्थी, शिक्षक, विविध सामाजिक संघटनांकडून दरवर्षी सशस्त्र सेना ध्वजदिन निधी संकलन केले जाते. जिल्हास्तरावर जिल्हा ध्वजदिन निधी संकलन समितीही असते. औरंगाबाद जिल्ह्यात निधी जमा करण्याची प्रक्रिया सध्या सुरू आहे. त्यासाठी शाळांना पाठविण्यात आलेल्या पत्राची जोरदार चर्चा आहे. शाळांना जे पावती पुस्तक देण्यात आले त्यातील प्रत्येक पावती ही २५ रुपयांची आहे. ध्वजदिन निधीस देणगी म्हणून शाळा विद्यार्थी, पालकांकडून हा निधी घेत आहेत. त्यासह यंदा मुख्याध्यापक, प्राचार्य, शिक्षक, वर्ग-३च्या कर्मचाऱ्यांसाठी रक्कम ठरवून देण्यात आली आहे. मुख्याध्यापक, प्राचार्यांना ८०० तर शिक्षक, कर्मचाऱ्यांना ५०० रुपये देणे बंधनकारक करण्यात आले आहे. वर्ग-४च्या कर्मचाऱ्यांना यातून वगळून त्यांना स्वेच्छेनुसार निधी देता येणार आहे. निधी देणे बंधनकारक करण्यात आल्याने शिक्षकांमध्ये आश्चर्य व्यक्त होत आहे. तर, परिपत्रकात म्हटले आहे की, अर्धशासकीय पत्राद्वारे आदेशीत केल्यानुसार, युद्ध क्षेत्रातील किंवा अतिरेकी कारवायामध्ये शहीद झालेले, अपंगत्व आलेले शूर जवान, तसेच लष्करी सेवेतून निवृत्त झालेले माजी सैनिक व त्याच्या कुटुंबीय यांच्यासाठी राज्यशासन सशस्त्र सेना ध्वजदिन निधी २०१७-१८ संकलन विशेष मोहीम योजना राबवित आहे. औरंगाबादमध्ये जिल्हाधिकारी व अध्यक्ष, जिल्हा सैनिक कल्याण कार्यालय, औरंगाबाद यांच्या नावे धनादेश असणार आहे.

पगारावर बालंट

ध्वजनिधी दिलेल्या पावतीची छायांकित प्रत शिक्षकांना आपल्या वेतन बिलासोबत शाळा, कॉलेजांना जोडायचे आहेत. वेतन देयकासोबत छायांकितप्रती जोडल्या नसतील तर, वेतन पारित होणार नाही, असे स्पष्ट निर्देश वेतन अधिक्षकांनी दिलेल्या पत्रात म्हटले आहे. त्यामुळे या पत्रावरून शिक्षकांमध्ये आश्यर्च व्यक्त होत आहे.

मोबाइल अॅप डाउनलोड करा आणि राहा अपडेट

... तर महापौर, आयुक्तांवर कायदेशीर कारवाई

January 15, 2018, 1:30 pm

≫ Next: सयाजीराव गायकवाड यांच्या साहित्याचे बारा खंड प्रकाशित होणार

≪ Previous: ​ ‘ध्वजदिन निधी’ हवाच

$

0

0

... तर महापौर, आयुक्तांवर कायदेशीर कारवाई
कचराडेपोचा प्रश्न प्रश्नी पालकमंत्र्यांचा इशारा
म. टा. प्रतिनिधी, औरंगाबाद -
कचरा डेपोचा प्रश्न निकाली काढा. दररोज गोळा केल्या जाणाऱ्या कचऱ्यावर प्रक्रिया झालीच पाहिजे. हे होणार नसेल तर कायदेशीर कारवाई करावी लागेल, असा इशारा पालकमंत्री रामदास कदम यांनी महापौर नंदकुमार घोडेले व महापालिकेचे आयुक्त डी. एम. मुगळीकर यांना दिला आहे. जिल्हा नियोजन समितीच्या बैठकीत सोमवारी कदम यांनी घनकचरा व्यवस्थापन, कचरा डेपोचा प्रश्न आणि कचऱ्यावरील प्रक्रिया याबद्दल आढावा घेतला.
औरंगाबाद शहरात कचरा डेपोचा प्रश्न गंभीर बनला आहे. त्याच बरोबर कचऱ्यावर प्रक्रिया करण्यासंदर्भात महापालिकेकडून कोणतीच कारवाई होताना दिसत नाही. कचऱ्याचे वर्गीकरण, प्लास्टिक कचऱ्याचे निर्मूलन याबद्दलही ठोस काम होताना दिसत नाही. या पार्श्वभूमीवर जिल्हा नियोजन समितीच्या बैठकीत रामदास कदम यांनी कचऱ्याचा मुद्दा उपस्थित केला. कचरा डेपोचा प्रश्न तात्काळ निकाली काढा, असे त्यांनी पालिका आयुक्तांना सांगितले. कचरा डेपोच्या संदर्भात न्यायालयाने देखील आदेश दिले आहेत, पण पालिका त्याकडे दुर्लक्ष करीत आहे. त्यामुळे शहराचे आरोग्य धोक्यात आले आहे. कचराडेपोला त्या भागातील नागरिकांचा विरोध आहे. कचराडेपो स्थलांतराच्या संदर्भात यापूर्वी महापालिकेला नोटीस बजावली आहे, पण त्यावर महापालिकेने काहीच केले नाही. महापालिका काहीच करणार नसेल तर कायदेशीर कारवाई करावी लागेल, तशी वेळ येऊ देऊ नका, असे त्यांनी आयुक्तांना बजावले.
कचऱ्याचे वर्गीकरण शंभर टक्के झालेच पाहिजे, असे पालकमंत्र्यांनी स्पष्टपणे सांगितले. प्लास्टिक कचऱ्याचे निर्मूलन करा, असे आदेशही त्यांनी महापौर - आयुक्तांना दिले. कचराडेपोचा प्रश्न निकाली काढण्यासाठी पालिकेची यंत्रणा दोन महिन्यांपासून विविध पर्यायांचा अभ्यास करीत आहे, ही बाब यावेळी पालकमंत्र्यांच्या लक्षात आणून देण्यात आली.

मोबाइल अॅप डाउनलोड करा आणि राहा अपडेट

सयाजीराव गायकवाड यांच्या साहित्याचे बारा खंड प्रकाशित होणार

January 15, 2018, 1:30 pm

≫ Next: कापसाच्या भावात घट शेतकरी चिंताग्रस्त

≪ Previous: ... तर महापौर, आयुक्तांवर कायदेशीर कारवाई

$

0

0

महाराजा सयाजीराव गायकवाड यांच्या साहित्याचे बारा खंड प्रकाशित होणार

१६ फेब्रुवारी २०१८ला बडोद्यातील साहित्य संमेलनाचा मुहूर्त

म.टा.प्रतिनिधी, औरंगाबाद

सयाजीराव गायकवाड चरित्र साधने आणि प्रकाशन समितीने सयाजीराव गायकवाड यांच्या साहित्याच्या १२ खंडांचे काम पूर्ण झाले आहे. हे राज्यशासनाच्यातर्फे प्रकाशित होत आहे. १६ फेब्रुवारी रोजी बडोदयातील ९१ व्या अखिल भारतीय साहित्य संमेलनात याचे प्रकाशन होईल. हे १२ खंड असतील. एकूण २५ खंड होणार प्रकाशित होतील. सरकारच्यामान्यतेनंतर खंडांची संख्या दोन वर्षात ५० पर्यंत नेण्याचा विचार असल्याचे माहिती समितीचे सचिव आणि संपादक बाबा भांड यांनी सोमवारी (दि.१५ जाने) पत्रकार परिषदेत दिली.

भांड म्हणाले, हा सर्वात मोठा प्रकल्प आहे, या प्रकल्पातील बारा ग्रंथांची निर्मिती पूर्ण झाली आहे. हा एकूण २५ खंडांचा समग्र प्रकल्प असून राज्य सरकारने त्यातील १२ खंडांची निर्मिती एका वर्षामध्ये पूर्ण केली आहे. राज्याचे मुख्यमंत्री देवेंद्र फडणवीस, शिक्षण मंत्री विनोद तावडे यांच्या उपस्थितीत ९१ व्या अखिल भारतीय मराठी साहित्य संमेलनामध्ये या खंडांचे प्रकाशन करण्यात येणार आहे. या प्रकल्पाच्या निमित्ताने सयाजीराजे गायकवाड यांची प्रशासन पद्धती, त्यांची नीती, तळागाळातील समाजाच्या उद्धारासाठी त्यांनी केलेले कार्य वाचकांसमोर येणार आहे.

बाबा म्हणाले, सयाजीराजे गायकवाड यांनी बडोद्याबरोबरच महाराष्ट्रासाठी केलेले कार्य मोठे आहे. त्या कार्याचा आढावा घेण्यासाठी महाराष्ट्र सरकारने समग्र महाराजा सयाजीराव हा प्रकल्प गेल्या वर्षी हाती घेतला होता. त्यासाठी राज्य सरकारने महाराजा सयाजीराव गायकवाड चरित्र साधने प्रकाशन समिती स्थापन केली. शिक्षण मंत्री विनोद तावडे यांच्या अध्यक्षतेखाली ही समिती स्थापन करण्यात आली होती. या प्रकल्पाचा प्रमुख म्हणून जबाबदारी सोपविण्यात आली होती. पण हे शासनाने ठरवल्यानेच होत आहे. सयाजीरावांच्या जीवनावर आधारित असलेल्या या बारा खंडांमध्ये गौरवगाथा युगपुरुषाची हा सयाजीराजे यांच्या कार्याचा आढावा घेणारा ग्रंथ मी यांनी संपादित केला आहे. त्याचप्रमाणे डॉ. रमेश वरखंडे यांनी सयाजीराजे यांच्या मराठी भाषणांचे दोन खंड संपादित केले आहेत. डॉ. अविनाश सप्रे यांनी इंग्रजी भाषणांचे खंड संपादित केले आहेत. सयाजीराजे यांचा पत्रव्यवहार दांडगा होता. त्यांनी विविध विषयांवर हजारो पत्रे लिहिली आहेत. या मराठी आणि इंग्रजी पत्रव्यवहाराचे एकूण सात खंड तयार करण्यात आले असून डॉ. एकनाथ पगार यांनी या सर्व खंडांचे संपादन केले आहे. अशा बारा खंडांद्वारे सयाजीराजे गायकवाड यांचे समाजाबद्दलचे विचार आम्ही वाचकांपर्यंत पोहोचवणार आहोत. एका वर्षामध्ये सयाजीराजे गायकवाड यांच्यावरील १२ खंडांची निर्मिती करता आली याचा आनंद हा आनंद कुठल्याच पैश्यात किंवा मापदंडात मोजात येत नाही असेही त्यांनी स्पष्ट केले.

मोबाइल अॅप डाउनलोड करा आणि राहा अपडेट

कापसाच्या भावात घट शेतकरी चिंताग्रस्त

January 15, 2018, 1:30 pm

≫ Next: नगरसेवक मकरंद कुलकर्णी यांना अटक, सुटका

≪ Previous: सयाजीराव गायकवाड यांच्या साहित्याचे बारा खंड प्रकाशित होणार

$

0

0

म. टा. प्रतिनिधी, फुलंब्री
बोंडअळी व विविध रोगांमुळे यंदा कापसाचे उत्पन्न कमालीच घटले आहे. यामुळे शेतकरी संकटात असताना दोन ते तीन दिवसांपासून कापसाचे भाव कमी झाले आहेत. कापूस किडका असल्याचे कारण सांगत व्यापारी साडे चार हजार रुपये प्रति क्विंटल दराने कापूस खरेदी करत आहेत.
तालुक्यातील खरीप हंगामात कापूस हे मुख्य पीक आहे. यावर्षी कापसावर लाल्या व बोंडअळीचा प्रादुर्भाव झाला. परिणामी, कापसाचे बोंड पूर्णत: सडून गेले. त्यातून कापूस निघाला नाही. अनेक शेतकऱ्यांनी डिसेंबर महिन्यातच कापूस उपटून टाकला. एकरी उत्पादनात घट असल्याने कापसाचे भाव चढे राहतील, अशी अपेक्षा होती. डिसेंबरच्या सुरुवातीला पाच हजार ६०० रुपये क्विंटलप्रमाणे भाव मिळाला. हा भाव जानेवारीच्या पहिल्या आठवड्यात पाच हजार दोनशे रुपयांवर आला आहे. पण, आता व्यापारी किडका कापूस चार हजार ते साडे चार हजार रुपये दराने खरेदी करत आहेत. यावर्षी शेतकऱ्यांना अतिरिक्त खर्च करावा लागले. हा अतिरिक्त खर्च सरासरी प्रति क्विंटल दीडशे रुपये आहे.
शासनाने बोंडअळीबद्दल प्रति होक्टर तीस हजार रुपये मदत जाहीर केली असली तरी ती अद्याप मिळालेली नाही. सध्या फक्त सर्वेक्षणाचे काम सुरू आहे. ही मदत मिळवण्यासाठी निरनिराळ्या अटी घालण्यात आल्या आहेत. अनुदानासाठी अर्ज भरण्याची अट टाकल्याने त्याकरिता शेतकऱ्यांची धावपळ झाली व पैसेही खर्च करावे लागले. आता कृषी विभागाकडून ही अट शिथिल झाल्याचे सांगितले जात आहे. त्यामुळे अर्ज भरण्यासाठी झालेल्या खर्चाचे काय, असा प्रश्न शेतकरी उपस्थित करत आहेत. शिवाय व्यापारी हमीभावापेक्षाची कमी भाव देत असल्याने शेतकऱ्यांची नाराजी वाढली आहे.
पणन महासंघ, नाफेड व सीसीआयमार्फत कापूस खरेदी करण्याचा निर्णय घेण्यात आला होता. पण शासकीय कापूस संकलन केंद्रावर फार कापूस खरेदी करण्यात आला नाही.

कापसाचा भाव सतत कमी होत असून यंदा उत्पादन खर्च जास्त झाला आहे. बोंडअळी व इतर रोगांमुळे कापसाचे उत्पादन नाममात्र मिळाले. शासनाने एकरी भरघोस मदत दिली तरच शेतकरी सावरू शकतो. अन्यथा कर्जमाफीनंतरही पुन्हा कर्जबाजारीपणा राहिलच.
- प्रकाश जाधव, शेतकरी

कापसाचे कमी-जास्त होणारे भाव शेतकऱ्यांना बुचकळ्यात टाकणारे आहेत. या आठवड्यात साडे पाच हजारावरील भाव पाच हजारावर आले आहेत. अनेकांनी सहा हजार रुपये भाव अपेक्षित धरून कापूस साठवला होता. हे शेतकरी अडचणीत आले आहेत.
-शेख फारुख, सरपंच, साताळा बुद्रुक

मोबाइल अॅप डाउनलोड करा आणि राहा अपडेट

नगरसेवक मकरंद कुलकर्णी यांना अटक, सुटका

January 15, 2018, 1:33 pm

≫ Next: भूसंपादन अधिकाऱ्यांना तुरुंगात टाका

≪ Previous: कापसाच्या भावात घट शेतकरी चिंताग्रस्त

$

0

0

नगरसेवक मकरंद कुलकर्णी यांना अटक, सुटका
म. टा. प्रतिनिधी, औरंगाबाद
योगाच्या क्लासला जाणाऱ्या ३९ वर्षीय महिलेचा सहा महिन्यांपासून पाठलाग करून छेड काढण्याचा आरोप असलेले शिवेसनेचे मनपातील गटनेते नगरसेवक मकरंद कुलकर्णी यांना सोमवारी सिडको पोलिसांनी अटक केली. काही वेळातच त्यांची जामीनावर सुटका करण्यात आली.
पोलिसांनी दिलेल्या माहितीनुसार ११ जानेवारी रोजी आरोपी नगरसेवक मकरंद कुलकर्णी यांनी पीडितेचा पाठलाग केला. तिच्या क्लासच्या ठिकाणी जाऊन ‘तू काहीही केले तरी मी तुला सोडणार नाही’ असे म्हणत त्यांनी पीडितेशी अश्लिल वर्तन केले. दरम्यान, या प्रकरणी सिडको ठाण्यात कुलकर्णी यांच्याविरुद्ध गुन्हा नोंद करण्यात आला होता. तपास अधिकारी उपनिरीक्षक सी. व्ही. ठुबे यांनी आरोपी कुलकर्णी यांना घरातून ताब्यात घेतले. त्याला ठाण्यात आणून अटक केली. जामीनपात्र गुन्हा असल्याने कुलकर्णींची लगेचच जामीनावर सुटका करण्यात आली.

मोबाइल अॅप डाउनलोड करा आणि राहा अपडेट

भूसंपादन अधिकाऱ्यांना तुरुंगात टाका

January 15, 2018, 1:37 pm

≫ Next: कळमनुरी, वसमत तालुक्यात गूढ आवाज

≪ Previous: नगरसेवक मकरंद कुलकर्णी यांना अटक, सुटका

$

0

0

नांदेड - गुरू-ता-गद्दीच्या काळात गुरुद्वारा परिसरात रस्ते रुंदीकरणासाठी भूसंपादन करण्यात आलेल्या जमिनीचा मावेजा न्यायालयाचा आदेश होऊन सुद्धा न मिळाल्याने नांदेडचे दिवाणी न्यायाधीश सदर एन. एस. मोमीन यांनी जिल्हाधिकारी, मनपा आयुक्त आणि भूसंपादन अधिकारी या तिघांना तुरुंगात टाकण्याचे आदेश दिले.
२००८ साली नांदेडमध्ये गुरू-ता-गद्दी त्रिशताब्दीचा ऐतिहासीक सोहळा पार पडला. त्यासाठी केंद्र व राज्य सरकारने मिळून तब्बल अडीच हजार कोटी रुपयांचा निधी शहर विकासासाठी दिला. यामध्ये अडीचशे कोटी रुपये केवळ गुरूद्ववारा परिसर विकासासाठी देण्यात आला होता. यामध्ये भुसंपादन करणे, सुशोभिकरण करणे यासह अन्य कामाचा समावेश होता. गुरूद्वारा परिसरातील शेकडो नागरिकांच्या जमीनी मनपाने भुसंपादन केले. त्यावेळी अनेक नागरिकांनी घरे देण्यास प्रचंड विरोध केला होता. तर अनेकांनी न्यायालयात धाव घेतली होती. परंतु, महापालिकेने यासर्वांचा विरोध झुगारून भुसंपादन पूर्ण केले होते. यासाठी घरमालकांना घसघशीत रक्कम देण्यात आल्याचा दावा करण्यात आला होता. त्यावेळी अनेकांना कमी तर काही जणांना मोबदलाच मिळाला नव्हता. परंतु, कोर्ट कचेरीच्या भानगडीत कशाला पडायचे या विचाराने अनेकांनी मिळेल ती रक्कम स्वीकारली. भुसंपादनाच्या बदल्यात अनेकांना अबचलनगर येथे घरे बांधुन देण्यात आली. परंतु, योग्य त्या सोयीसुविधा उपलब्ध करून दिल्या नसल्याने आजही या भागातील नागरिकांना अनेक समस्यांना सामोरे जावे लागत आहे. अत्यंत थातूरमातूर व निकृष्ठ दर्जाचे कामे करून निधीवर डल्ला मारल्याचा आरोप त्यावेळी करण्यात आला.
२००८ मध्ये गुरू-ता-गद्दी त्रिशताब्दी सोहळा पार पडला. शहराच्या अनेक विकास योजना कार्यरत करण्यासाठी मर्जीने भूसंपादन केले. जमीन गेलेल्या व जागा गेलेल्या मंडळींना चांगला मावेजा मिळेल असे गोंडस आश्वासनही त्यावेळी देण्यात आले. गुरुद्वारा गेट परिसरातील गुरुबचनकौर मदनसिंघ यांची ही जागा होती. या जागेचेही भूसंपादन झाले होते. मात्र, सरकारने दिलेल्या मावेजावर गुरुबचनकौर समाधानी नसल्याने त्यांनी मावेजा वाढवून मिळावा असा अर्ज न्यायालयात दिला होता. या प्रकरणाचे साक्षीपुरावे झाल्यानंतर २०१५ मध्ये न्यायालयाने गुरुबचनकौर यांना संबंधित यंत्रणेने तीन लाख दहा हजार रुपये द्यावेत असे आदेश दिले. न्यायालयाचा निर्णय झाल्यानंतर सुद्धा राज्य सरकारचे प्रतिनिधी अर्थात जिल्हाधिकारी, ज्या महापालिकेसाठी जागा भूसंपादीत झाले त्या मनपाचे आयुक्त आणि भूसंपादन अधिकारी यांना प्रतिवादी करुन आरडी क्र.१४०/२१५ शासनाने दाखल केले. याला आता जवळपास तीन वर्ष पूर्ण होत आली. तरीही शासनाच्या नियमाप्रमाणे द्यावयाचे एक लाख ६० हजार रुपये हे पैसे आरडीमध्ये भरले नाहीत आणि गुरुबचनकौर यांनाही दिले नाही.

याबद्दल कनिष्ठ स्तरावरून मला कोणतीही माहिती देण्यात आली नव्हती, असे असेल तरी न्यायालयाचा आदेश मान्य असून आदेशाची प्रत हातात येताच त्यावर तात्काळ कारवाई करण्यात येईल. एवढेच नव्हे तर, या शिवाय अन्य काही अशी प्रकरणे असतील तर तीही निकालात काढली जातील, असे आयुक्त देशमुख यांनी सांगितले.

मोबाइल अॅप डाउनलोड करा आणि राहा अपडेट

कळमनुरी, वसमत तालुक्यात गूढ आवाज

January 15, 2018, 1:40 pm

≫ Next: ​ ‘हल्लाबोल आंदोलन म्हणजे चोरांच्या उलट्या बोंबा’

≪ Previous: भूसंपादन अधिकाऱ्यांना तुरुंगात टाका

$

0

0

हिंगोली - जिल्ह्यातील कळमनुरी, वसमत तालुक्यातील काही गावात गेल्या महिनाभरापासून भूगर्भातून गूढ आवाजासह धक्के जाणवत आहेत. या मुळे गावकऱ्यांमध्ये भीतीचे वातावरण पसरले आहे. आमदरी, पिंपळदरी, राजदरी, सोनवाडी, जामघावन भागात रविवारी रात्री ७.२८ ते ७.४५ च्या दरम्यान जमिनीतून गूढ आवाजासह आठ ते दहा धक्के जाणवले. या प्रकारामुळे ग्रामस्थांना रात्रभर जागरण करावे लागले.
दीड महिन्यापूर्वी वसमत तालुक्यातील पांगरा शिंदे येथे गूढ आवाजासह भूकंपाचे सौम्य धक्के जाणवले होते. लातूर येथील भूपंकमापन कार्यालयाने देखील याला दुजोरा दिला होता. शिवाय नांदेड येथील तज्ज्ञ पथकाने या भागाची पहाणी केली होती. या घटनेच्या पाठोपाठ आता या पट्ट्यातील कळमनुरी, वसमत तालुक्यात येणाऱ्या आमदरी, पिंपळदरी, राजदरी, सोनवाडी, जामघावन भागात रविवारी रात्रीच्या ७.२८ ते ७.४५ च्या दरम्यान जमिनीतून गूढ आवाजासह आठ ते दहा धक्के जाणवले. या प्रकारामुळे गावकरी भीतीच्या छायेखाली जीव मुठीत घेऊन जगत आहे. त्या मुळे भर थंडीत घराबाहेर शेकोटी पेटवून झोपण्याची वेळ आली. संपूर्ण गाव रात्रभर जागत काढल्याची असल्याची माहिती राजदरीचे सरपंच बबन कऱ्हाळे यांनी दिली.
या पूर्वी असे प्रकार घडल्यानंतर सुद्धा प्रशासनाने जुजबी कारवाई केली होती. परंतु, याबाबत सखोल अभ्यास करून ठोस माहिती घेऊन ग्रामस्थांसाठी विशेष उपाय योजना कराव्यात, अशी मागणी सामाजिक कार्यकर्ते बापूराव घोंगडे यांनी केली आहे.


‘हैदराबाद येथील विशेष पथक बोलावणार’
वसमत आणि कळमुनरी तालुक्यातील काही भागात असे प्रकार घडत आहेत. या बाबत विविध तज्ज्ञांनी पहाणी केली आहे. रविवारी रात्रीचा विषय समजल्यानंतर या प्रकरणात सखोल माहिती समजण्यासाठी हैदराबाद येथील विशेष तज्ज्ञांच्या पथकाला बोलवण्यात आले असून लवकरच या परिसराची माहिती घेतली जाईल. शिवाय तज्ज्ञांच्या सल्ल्याने गरज असेल त्या गावात तात्पुरत्या निवाऱ्याची व्यवस्था करण्यात येईल, असे जिल्हाधिकारी अनिल भंडारी यांनी सांगितले.

मोबाइल अॅप डाउनलोड करा आणि राहा अपडेट

---

​ ‘हल्लाबोल आंदोलन म्हणजे चोरांच्या उलट्या बोंबा’

January 15, 2018, 1:41 pm

≫ Next: कचराकोंडीच्या उंबऱ्यावर !

≪ Previous: कळमनुरी, वसमत तालुक्यात गूढ आवाज

$

0

0

म. टा. प्रतिनिधी, उस्मानाबाद
हल्लाबोल आंदोलन म्हणजे चोरांच्या उलट्या बोंबा असून राष्ट्रवादी हाच सर्वात भ्रष्टवादी पक्ष असून त्यांना सरकारविरुद्ध बोलण्याचा अधिकार नाही यांच्या भ्रष्टाचाराची प्रकरणे चव्हाट्यावर येऊ नयेत, यासाठी हे आंदोलनाचे नाटक करीत आहेत, अशा शब्दात भाजपचे प्रदेश सरचिटणीस तथा आमदार सुजितसिंह ठाकुर यांनी हल्लबोल केला.

सोमवारी (१५ जानेवारी) रोजी नळदुर्ग येथे पत्रकार परिषद घेऊन राष्ट्रवादी काँग्रेसच्या भ्रष्ट कारभाराचा पाढाच त्यांनी वाचला. ठाकूर म्हणाले, ‘मुख्यमंत्री देवेंद्र फडणवीस यांच्या नेतृत्वाखाली सरकार गतिशील असून अनेक विकास कामे करीत असल्यामुळे जनतेमध्ये लोकप्रिय झाले आहे. राष्ट्रवादीवाल्यांनी शेतकरी वर्गाला सरसकट कर्जमाफी दिली नाही केवळ कर्जमाफीचे नाटक केले. अन त्यामध्ये स्वताच्याच झोळ्या भरुन घेतल्या. भाजप सरकारने फक्त शेतकरी वर्गाचे कर्जमाफ केले आहे. यामध्ये पारदर्शक कारभार असून यांना कुठे पैसे खायला जागा मिळत नसल्यामुळे हे शेतकरी वर्गाची ढाल करू पहात आहेत.’

राज्यातील सर्वात जास्त जिल्हा बँका यांच्याच ताब्यात होत्या. त्या कोण बंद पाडल्या ? साखर कारखाने कोण बंद पाडले ? यास कोण जबाबदार असा प्रश्न त्यांनी केला. पत्रकार परिषदेस भाजपचे जिल्हाध्यक्ष दत्ता कुलकर्णी, माजी जिल्हाध्यक्ष नितीन काळे, अॅड. अनिल काळे, प्रभाकर मुळे, सुशांत भूमकर, धिमाजी घुगे, पदमाकर घोडके, गोपाळ देशपांडे, साहेबराव घुगे, सचिन घोडके, सुधीर पोतदार, श्रमीक पोतदार, सुमीत यादगिरे उपस्थीत होते.


राष्ट्रवादी की भ्रष्टवादी ?
उस्मानाबाद जिल्ह्यातील तेरणा कारखाना, जिल्हा मध्यवर्ती बँक, जिल्हा दूध संघ, भूम दूध संघ, बाणगंगा साखर कारखाना, तुळजाभवानी साखर कारखाना, तुळजाभवानी यात्रा अनुदान, तुळजाभवानी दानपेटी घोटाळा नळदुर्ग घरकुल घोटाळा, भूविकास बँक, सूतगिरणी, रेशीम उद्योग या सर्व संस्था कोण बुडवल्या याला जबाबदार कोण ? याचे उत्तर शोधल्यानंतर सर्वात भ्रष्टवादी ही राष्ट्रवादी काँग्रेसच असल्याचे समोर येईल, अशी टीका ठाकूर यांनी यावेळी केली.
...

मोबाइल अॅप डाउनलोड करा आणि राहा अपडेट

कचराकोंडीच्या उंबऱ्यावर !

January 15, 2018, 2:11 pm

≫ Next: लोहमार्ग विद्युतीकरण; मनमाड-मुदखेड सर्वे सुरू

≪ Previous: ​ ‘हल्लाबोल आंदोलन म्हणजे चोरांच्या उलट्या बोंबा’

$

0

0

म. टा. प्रतिनिधी, औरंगाबाद
महापालिकेची कचऱ्याने भरलेली एकही गाडी गुरुवारपासून कचरा डेपोमध्ये येऊ देणार नाही, असा निर्धार करत नारेगाव-मांडकीकरांनी आंदोलनाची हाक दिल्यामुळे शहरात पुन्हा एकदा कचराकोंडी होण्याची शक्यता आहे.

नारेगाव-मांडकीसह सुमारे वीस गावकऱ्यांनी दिवाळाच्या दरम्यान कचरा डेपोविरोधात आंदोलन पुकारले होते. डेपोवर जाणाऱ्या गाड्या त्यांनी तीन दिवस थांबवून ठेवल्या होत्या. त्यामुळे शहरात बिकट परिस्थिती निर्माण झाली होती. विधानसभा अध्यक्ष हरिभाऊ बागडे यांनी शिष्टाई केल्यामुळे कचरा प्रश्न सोडवण्यासाठी महापालिकेला तीन महिन्यांचा अवधी देत नागरिकांनी आंदोलन मागे घेतले. हा तीन महिन्याचा अवधी १६ जानेवारी रोजी संपत आहे.

दिवाळीच्या दरम्यान सुरू झालेले आंदोलन पुंडलिक अप्पा अंभोरे व मनोज गायके यांच्या नेतृत्वाखाली करण्यात आले. पक्षविरहीत असलेल्या या आंदोलनात नागरिक मोठ्या संख्येने सहभागी झाले होते. महापालिकेला दिलेली मुदत संपत असल्यामुळे ‘मटा’ने पुंडलिक अप्पा अंभोरे व मनोज गायके यांच्याशी संपर्क साधून त्यांची भूमिका जाणून घेण्याचा प्रयत्न केला. अंभोरे म्हणाले, ‘महापालिकेला दिलेली मुदत मंगळवारी संपत आहे. त्यामुळे बुधवारी आम्ही पत्रकार परिषद घेणार आहोत आणि गुरुवारपासून (१८ जानेवारी) पुन्हा एकदा आंदोलन सुरू करणार आहोत. कचराडेपोचा त्रास ग्रामीण भागातील नागरिकांना होतो. त्यामुळे कचऱ्याने भरलेली एकही गाडी कचरा डेपोवर येऊ दिली जाणार नाही. कचरा प्रश्नाच्या आडून आम्हाला राजकारण करायचे नाही. सर्वच नागरिकांना त्रास होत असल्यामुळे व आरोग्याचा प्रश्न निर्माण झाल्यामुळे पुन्हा एकदा आंदोलन करायचे आहे. आता मात्र कोणत्याही परिस्थितीत माघार घेतली जाणार नाही. त्यावेळी विधानसभा अध्यक्ष हरिभाऊ बागडे यांचा मान राखून आम्ही आंदोलन मागे घेतले. त्यानंतर महापालिकेने मात्र काहीच केले नाही. ते काही करू शकतील असे वाटत नाही. त्यामुळे पुन्हा आंदोलन केले जाणार आहे.’ मनोज गायके म्हणाले, ‘कचरा डेपोचा प्रश्न सोडवण्यासाठी आम्ही महापालिकेला पुरेसा वेळ दिला होता, पण महापालिकेने या काळात काहीच केले नाही. महापालिकेला समज आली नाही. त्यामुळे पुन्हा एकदा आंदोलन करावेच लागणार आहे. आम्ही ते करणार आहोत.’

१६ फेब्रुवारीपर्यंत मुदत
मांडकी येथील मारोती मंदिरासमोर रविवारी ग्रामसभा घेण्यात आली. या सभेला पंचक्रोशीतील शेतकरी, ग्रामस्थ उपस्थित होते. कचरा डेपो हटविण्यासाठी महिन्याभराची मुदतवाढ देण्याचा निर्णय यावळी घेतला. १६ फेब्रुवारीपासून कचरा डेपो हटविण्यासाठी पुन्हा आंदोलन छेडण्याचा निर्णय घेण्यात आला. ग्रामस्थांनी महापालिका आयुक्त, जिल्हाधिकारी, विभागीय आयुक्त ग्रामीण जिल्हा पोलीस अधीक्षक यांना ही माहिती दिली. या सभेला भाउसाहेब गायके, विष्णू केसर, रावसाहेब चैले, नितीन वडेकर, रामेश्वर गायके, संतोष गायके, परमेश्वर वडेकर, बळीराम गायके, बाबासाहेब सोटम, पांडुरंग गायके, कृष्णा पवार, रवी भेसर, सुधाकर सोरम, डॉ. विजय डक, राजू भेसर, कल्याण वडेकर, गजानन गायके, आप्पासाहेब डक, धोंडीराम डक, राजू गायके, सूभाष चौथे, मनोज अहिरे, आप्पासाहेब गायके, बाळासाहेब गायके, परमेश्वर गायके, योगेश शेजूळ आदींसह ग्रामस्थ उपस्थित होते.

कचराचक्र
- ३ महिन्यांची मुदत
- १६ जानेवारीला संपणार
- १८ जानेवारीपासून आंदोलन
- १६ फेब्रुवारीपर्यंत मुदतवाढ

मोबाइल अॅप डाउनलोड करा आणि राहा अपडेट

लोहमार्ग विद्युतीकरण; मनमाड-मुदखेड सर्वे सुरू

January 15, 2018, 2:21 pm

≫ Next: पायाखालची वाळू सरकल्याने खैरे बेताल

≪ Previous: कचराकोंडीच्या उंबऱ्यावर !

$

0

0

म. टा. प्रतिनिधी, औरंगाबाद
मनमाड मुदखेड लोहमार्गावर एप्रिलमध्ये केल्या जाणाऱ्या विद्युतीकरणासाठी फूट बाय फूट सर्वेक्षण सुरू करण्यात आले आहे.
नांदेड येथे नुकत्याच झालेल्या खासदारांच्या बैठकीत दक्षिण मध्य रेल्वेचे महाव्यवस्थापक विनोदकुमार यांनी या कामाला मंजुरी असून, हे काम डिसेंबर २०१८ पर्यंत पूर्ण करण्याचा निर्धार व्यक्त केला होता. त्यानंतर हे सर्वेक्षण सुरू करण्यात आले आहे. यात रेल्वे पूल, लेवल क्रॉसिंग, वळण, सिग्नल, पॉइंट अँड क्रॉसिंग इत्यादी विषयी सविस्तर माहिती घेतली जात आहे. सब स्टेशन आणि मेंटेनन्स डीपी निर्मिती, पोलमधील अंतराची माहिती गोळा केली जाणार आहे.
विदयुतीकरणाचे काम महाट्रान्स्को (महाऊर्जा) लिमिटेड कंपनीला देण्यात आले असून, या कंपनीकडून विद्युत पुरवठा तसेच वीज वाहिन्या टाकण्याचे काम पूर्ण केले जाणार आहे.

पाच टीमकडून ७० कि.मी. पाहणी
मुदखेड येथून सर्वेक्षणाला सुरुवात करण्यात आली आहे. त्यासाठी पाच जणांच्या चार टीम तयार करण्यात आल्या आहेत. या टिमने मुदखेड ते पूर्णा दरम्यान ७० किलोमीटरचे सर्वेक्षण पूर्ण केला गेला आहे. सर्वेक्षण पूर्ण झाल्यानंतर या कामासाठी निविदा काढली जाणार आहे.

मोबाइल अॅप डाउनलोड करा आणि राहा अपडेट

पायाखालची वाळू सरकल्याने खैरे बेताल

January 15, 2018, 2:23 pm

≫ Next: ‘पिटलाइनसाठी नकार देणाऱ्या रेल्वे मंत्र्यांना महाराष्ट्र भूषण दया’

≪ Previous: लोहमार्ग विद्युतीकरण; मनमाड-मुदखेड सर्वे सुरू

$

0

0

म. टा. प्रतिनिधी, औरंगाबाद
‘शिवसेना खासदार चंद्रकांत खैरे यांच्या पायाखालील वाळू सरकल्याने ते बेताल वक्तव्ये करीत आहेत. त्यांनी भाजपच्या लोकांना उमेदवारी मिळून देण्याच्या गप्पा मारण्यापेक्षा स्वतःचे पाहावे. दुसरीकडे लुडबूड करू नये,’ असे प्रत्युत्तर भाजप शहराध्यक्ष किशनचंद तनवाणी यांनी ‘मटा’शी बोलताना दिले.

खा. खैरे यांनी रविवारी पत्रकारांशी बोलताना ‘भाजप प्रदेश उपाध्यक्ष डॉ. भागवत कराड यांना तिकीट हवे असेल, तर मी तिकीट मिळवून देतो. तसेच लोकसभा निवडणुकीत कोणीही समोर असले तरी मला अडचण नाही,’ असे विधान केले होते. यापार्श्वभूमीवर तनवाणी म्हणाले, ‘खैरे यांच्या पायाखालची वाळू सरकू लागली आहे. म्हणून ते कधी स्वतःला एनडीएचे उमेदवार म्हणून राहीन, तर कधी भाजपच्याच नेत्यास उमेदवारी मिळवून देतो असे विधान करीत आहेत. एकूणच त्यांची मनस्थिती ठिक नसावी. खैरे यांनी अन्य पक्षासंदर्भात लुडबूड करू नये,’ असा सल्ला दिला. तर भाजप प्रदेश उपाध्यक्ष कराड म्हणाले, ‘भाजपने लोकसभा मतदारसंघात जोमाचे काम सुरू केले आहे. त्याची चाहूल खासदार खैरे यांना लागल्यानेच त्यांनी असे बेताल विधान करत आहेत. खैरे यांनी जिल्ह्यात केलेले कोणतेही एक भरीव विकास काम दाखवून द्यावे,’ असे आवाहनही त्यांनी केले.

मोबाइल अॅप डाउनलोड करा आणि राहा अपडेट

‘पिटलाइनसाठी नकार देणाऱ्या रेल्वे मंत्र्यांना महाराष्ट्र भूषण दया’

January 15, 2018, 2:27 pm

≫ Next: ​ महापालिका प्रशासनाने परस्पर इतिवृत्त बदलले

≪ Previous: पायाखालची वाळू सरकल्याने खैरे बेताल

$

0

0

म. टा. प्रतिनिधी, औरंगाबाद
‘औरंगाबादला पिटलाइन देण्यास नकार देणारे रेल्वे मंत्री पीयूष गोयल यांचा महाराष्ट्र भूषण देवून गौरव करा,’ असे उद्विग्न ट्विट सोमवारी रेल्वे संघटनेच्या पदाधिकाऱ्यांनी रेल्वे मंत्र्यांना केले.
स्मार्ट सिटी, डीएमआयसी असे प्रकल्प शहरात येऊ घातले आहेत. यासाठी दळणवळण व्यवस्था चांगली हवी. मात्र, त्याचा खोडा घालण्याचा प्रकार सुरू आहे. महाराष्ट्र टाइम्सच्या १५ जानेवारीच्या अंकात पिटलाइन बारगळल्याचे वृत्त प्रकाशित होताच रेल्वे संघटनेच्या पदाधिकाऱ्यांमध्ये प्रचंड नाराजी पसरली. मराठवाडा रेल्वे कृती समितीचे अध्यक्ष अनंत बोरकर यांनी हा निर्णय औदयोगिक विकासावर परिणाम करणारा असल्याचे सांगितले. याशिवाय मराठवाड्यातील विविध रेल्वे संघटनांनीही रेल्वे मंत्र्यांच्या निर्णयावर नाराजी व्यक्त केली. नमो हायवे अॅंड रेल्वे आर्गनाइजेशनचे अध्यक्ष गौतम नहाटा यांनी पिटलाइन नाकारल्याबाबत रेल्वेचे विभागीय व्यवस्थापक त्रिकालज्ञ राभा यांच्याशी चर्चा केली. त्यांनी आपण प्रस्ताव दिल्याचे सांगितले. तेव्हा नहाटा यांनी थे रेल्वे मंत्री पीयूष गोयल यांना ट्विट करून पिटलाइन नाकारणाऱ्या गोयल यांना महाराष्ट्र भूषण देण्याची थेट मागणी केली.

‘सीएमआयए’ने रेल्वे विभागासमोर केलेल्या विविध सादरीकरणात औरंगाबाद रेल्वे स्टेशनवर पिटलाइनची गरज असल्याची माहिती दिली होती. मराठवाड्यातील उदयोजकांचा माल विविध शहरात पाठविण्यासाठी लांबपल्ल्यांच्या गाड्या आवश्यक आहेत. पिटलाइन दिली नसल्यामुळे याचा फटका बसेल.
- प्रसाद कोकीळ, अध्यक्ष, सीएमआयए

मोबाइल अॅप डाउनलोड करा आणि राहा अपडेट

​ महापालिका प्रशासनाने परस्पर इतिवृत्त बदलले

January 15, 2018, 2:28 pm

≫ Next: आत्मदहनाला परवानगी द्या

≪ Previous: ‘पिटलाइनसाठी नकार देणाऱ्या रेल्वे मंत्र्यांना महाराष्ट्र भूषण दया’

$

0

0

म. टा. प्रतिनिधी, औरंगाबाद
महापालिका प्रशासनाने परस्पर इतिवृत्त बदलल्याचा प्रकार उघडकीस आला आहे. या प्रकाराला माजी महापौर भगवान घडमोडे यांनी आक्षेप घेतला असून, या बदलाशी आपण सहमत नाही असे त्यांनी नगर सचिवांना दिलेल्या पत्रात नमूद केले आहे.

भगवान घडमोडे महापौर असताना २० जुलै २०१७ रोजी झालेल्या सर्वसाधारण सभेत अधिकाऱ्यांच्या विभागीय चौकशीचे चार प्रस्ताव महापालिका प्रशासनातर्फे मंजुरीसाठी ठेवण्यात आले होते. तत्कालीन आयुक्त ओम प्रकाश बकोरिया यांनी निलंबित केलेल्या अधिकाऱ्यांपैकी काही अधिकाऱ्यांच्या विभागीय चौकशीचे हे प्रस्ताव होते. घडमोडे यांनी हे प्रस्ताव मंजूर केले. मंजूर केलेल्या प्रस्तावांचा कारणापुरता उतारा घडमोडे यांच्या हाती आला, तेव्हा त्यात बदल झाल्याचे त्यांच्या लक्षात आले. त्यामुळे कारणापुरता उताऱ्यातील मजकुराशी मी सहमत नाही, असा स्पष्ट उल्लेख करून त्यांनी नगर सचिवांना पत्र दिले आहे. ‘मटा’शी बोलताना घडमोडे म्हणाले, ‘अधिकाऱ्यांच्या विभागीय चौकशीचे ११३०, ११३१,११३२, ११३३ या क्रमांकाचे विषय होते. मी या चारही विषयाला मंजुरी दिली. अधिकाऱ्यांच्या विभागीय चौकशीला मी मान्यता दिली होती. त्यानंतर या संदर्भातला कारणापुरता उतारा माझ्या हाती आला, तेव्हा त्यात त्या अधिकाऱ्यांची गरज भासल्यास विभागीय चौकशी करावी असा उल्लेख त्या उताऱ्यात करण्यात आल्याचे लक्षात आहे. गरज भासल्यास हा शब्द मी उच्चारलाच नव्हता, त्यामुळे या शब्दाबद्दल माझा आक्षेप आहे. म्हणून मी नगर सचिवांना पत्र दिले आहे.’ दरम्यान ‘एमआयएम’चे नगरसेवक विकास एडके यांनी पालिका आयुक्तांना पत्र देवून २० जुलै २०१७ रोजी झालेल्या सर्वसाधारण सभेची ध्वनीमुद्रिका व सीडी मागितली आहे. या संदभात एडके यांनी आयुक्तांना दोन वेळा पत्र दिले, पण त्यांना अद्याप ध्वनीमुद्रिका व सीडी देण्यात आलेली नाही.

मोबाइल अॅप डाउनलोड करा आणि राहा अपडेट

आत्मदहनाला परवानगी द्या

January 16, 2018, 1:15 pm

≫ Next: निवृत्त आयकर आयुक्तांच्या प्लॉटची बनावट कागदपत्राआधारे विक्री

≪ Previous: ​ महापालिका प्रशासनाने परस्पर इतिवृत्त बदलले

$

0

0

म. टा. प्रतिनिधी, औरंगाबाद
समृद्धी महामार्गासाठी जमिनीच्या दरांतील तफावत दूर करावी यासाठी अनेकदा जिल्हा प्रशासन, नेते तसेच मंत्र्यांची भेट घेऊन उपयोग होत नसल्यामुळे फतियाबाद येथील शेतकऱ्यांनी प्रजासत्ताकदिनी आत्मदहनाचा नि‌र्णय घेतला आहे. येथील ५० शेतकऱ्यांनी आत्मदहनाची परवानगी मागत मंगळवारी विभागीय आयुक्त, जिल्हाधिकाऱ्यांची भेट घेऊन अडचण सांगितली.

शासनाचा महत्त्वाकांक्षी प्रकल्प असलेल्या समृद्धी महामार्गाच्या भूसंपादनात औरंगाबाद जिल्हा सर्वात पुढे आहे, असे प्रशासन छातीठोकपणे सांगत आहे. पण, अनेक गावांमध्ये शेतकरी जमिनीच्या भावावरून प्रशासनावर नाराज आहेत. जमीन देण्यास शेतकऱ्यांनी तयारी दाखवली असली तरी भावातील भेदभाव दूर करण्याची मागणी आहे. गंगापूर तालुक्यातील फतियाबाद येथे १२ लाख ७० हजार व केवळ दोन फूट अंतरावरील दौलताबाद गटातील बागायती जमिनीला ९२ लाख रुपये, माळीवाडा गटात ९० लाख रुपये भाव देण्यात आला. ही तफावत दूर करून शेजारील गावांप्रमाणेच भाव जाहीर करावा किंवा आत्मदहनास परवागनी द्यावी, अशी विनंती शेतकऱ्यांनी विभागीय आयुक्तांना भेटून केली.

यावेळी देण्यात आलेल्या निवेदनावर बाळू हेकडे, कचरुसिंग जारवाल, बिरजूसिंग जारवाल, चत्तरसिंग सुंदर्डे, बाबासाहेब भगत, मारुती फटांगडे, चंद्रभान डेपले, धरमसिंग सुंदर्डे, चैनसिंग सुंरर्डे, राजू हेकडे, रमेश हेकडे आदींच्या सह्या आहेत.

मुल्यांकनाबद्दल संशय

समृद्धी महामार्ग भूसंपादनात दलाल सक्रीय झाल्याचा आरोप शेतकरी करत आहेत. ५० टक्के भूसंपादनानंतर सक्तीने भूसंपादन करण्याची भीती शेतकऱ्यांना आहे. ते याबद्दल प्रशासनासमोर वारंवार स्पष्ट बोलत असतानाही प्रशासनाकडून शेतकऱ्यांना कोणतेही ठोस आश्वासन देण्यात येत नाही.

मोबाइल अॅप डाउनलोड करा आणि राहा अपडेट

---

निवृत्त आयकर आयुक्तांच्या प्लॉटची बनावट कागदपत्राआधारे विक्री

January 16, 2018, 1:30 pm

≫ Next: आधारवड कोसळला

≪ Previous: आत्मदहनाला परवानगी द्या

$

0

0

निवृत्त आयकर आयुक्तांच्या प्लॉटची बनावट कागदपत्राआधारे विक्री

आरोपी आर्थिक गुन्हे शाखेच्या जाळ्यात

म. टा. प्रतिनिधी, औरंगाबाद

मुंबई येथील सेवानिवृत्त आयकर आयुक्तांच्या सातारा परिसरातील दोन प्लॉटची बनावट कागदपत्राआधारे विक्री करण्यात आली. तसेच या प्लॉट ऐवजी दुसऱ्याच प्लॉटचा ताबा खरेदी करणाऱ्याला देण्यात आला. या प्रकरणी दुसऱ्या प्लॉटधारकाने पोलिस आयुक्तांकडे धाव घेतल्यानंतर आर्थिक गुन्हे शाखेने आरोपीला मुंबई येथून अटक केली.

सेवानिवृत्त आयकर आयुक्त ओंकार गणपत गणवीर (रा. मुंबई) यांचे सातारा परिसरातील सोनिया नगर येथे प्लॉट क्रमांक १ आणि २ असे दोन प्लॉट आहेत. याच ठिकाणी डॉ. गिरिजा पद्मे (रा. गारखेडा) यांच्या मालकीचे देखील प्लॉट क्रमांक २९ आणि ३२ आहेत. या गुन्ह्यातील आरोपी आजमखान अब्दुल रहेमानखान (रा. लोटाकारंजा) याने गणवीर यांच्या जागी दुसराच व्यक्ती मुंबई येथील दुय्यम निबंधक कार्यालयात उभा करून स्वतःच्या नावावर दोन्ही प्लॉटचा मुख्त्यारनामा तयार करून घेतला. त्यापूर्वी गणवीर यांचे बनावट आधारकार्ड देखील आरोपी आजमखानने तयार करून घेतले. यानंतर रजिस्टर्ड जीपीए आधारे या दोन्ही प्लॉटची तिघांना विक्री केली. आजमखानने प्लॉट क्रमांक १ आणि २ ची विक्री केल्यानंतर ते प्लॉट घेणाऱ्या तिघांना प्लॉट क्रमांक २९ आणि ३२ दाखवत प्लॉटचा ताबा देखील दिला. या प्लॉटचे मूळ मालक डॉ. गिरिजा पद्मे यांना त्यांच्या प्लॉटवर अतिक्रमण झाल्याची माहिती मिळाली. त्यांनी पोलिस आयुक्त यादव यांची भेट घेत तक्रार केली. आयुक्त यादव यांच्या आदेशाने २७ नोव्हेंबर २०१७ रोजी आरोपी आजमखान विरुद्ध सातारा पोलिस ठाण्यात गुन्हा दाखल करण्यात आला होता. गुन्हा घडल्यापासून आरोपी आजमखान पसार झाला होता. पसार आरोपी आजमखान मुंबई येथे असल्याची माहिती पोलिस निरिक्षक नवले यांना मिळाली होती. या माहितीवरून मुंबई, बीआयटी चाळ येथून आरोपी आजमखानला अटक करण्यात आली. पोलिस उपायुक्त डॉ. दीपाली धाटे घाडगे, एसीपी रामेश्वर थोरात यांच्या मार्गदर्शनाखाली पोलिस निरीक्षक नवले आणि पथकाने ही कामगिरी केली.

रॅकेट उघडकीस येण्याची शक्यता

आरोपी आजमखान याने बनावट कागदपत्राचा वापर करीत अनेक प्लॉट विक्री केल्याचे तपासात निष्पन्न झाले आहे. यापुढील तपासातून अशाप्रकारचे अनेक गुन्हे उघडकीला येण्याची शक्यता पोलिसांनी वर्तवली आहे.

मोबाइल अॅप डाउनलोड करा आणि राहा अपडेट

आधारवड कोसळला

January 16, 2018, 1:30 pm

≫ Next: जिल्ह्याला दुष्काळकळा, १ लाख नागरिकांची तहान टँकरवर

≪ Previous: निवृत्त आयकर आयुक्तांच्या प्लॉटची बनावट कागदपत्राआधारे विक्री

$

0

0

म. टा. प्रतिनिधी, औरंगाबाद
सरस्वती भुवन शिक्षण संस्थेचे अध्यक्ष प्रा. दिनकर बोरीकर यांचे मंगळवारी सायंकाळी निधन झाले. त्यांनी शैक्ष‌णिक, साहित्य‌िक व सामाजिक चळवळीत दिलेल्या योगदानाच्या आठवणी शहरातील मान्यवरांनी जागविल्या. कार्यकर्त्यांचा म‌ित्र मार्गदर्शक हरवला, अशा भावना त्यांनी व्यक्त केल्या आहेत.

शिक्षणक्षेत्रात भरीव कार्य
प्रा. दिनकर बोरीकर यांनी सरस्वती भुवन शिक्षण संस्थेच्या माध्यमातून शैक्षणिक दर्जा उंचाविण्यासाठी भरीव कार्य केले आहे. ते शेवटपर्यंत सक्रिय होते. फेब्रुवारीमध्ये आयोजित एका कार्यक्रमानिमित्ताने आम्ही एकत्र भेटणार भेटणार होतो. पण, दुर्देवाने ते आपल्यातून निघून गेले. त्यांच्या निधनाने एक अभ्यासू व्यक्तिमत्व गमावले.
- हरिभाऊ बागडे, अध्यक्ष विधानसभा

मित्र गमावला
स्वातंत्र्यलढ्यात अगदी किशोरवयात भाग घेण्याची संधी दिनकर बोरीकर यांना मिळाली. वडिलांच्या आदर्शावर ते आयुष्यभर चालले. बोरीकरांनी खादी कार्याच्या प्रसार प्रचारात मोठे कार्य केले. सरस्वती भुवन शिक्षणसंस्थेत काम केलेच, पण त्याशिवाय लोकशिक्षणासाठीही ते झटले. खादी उत्पादनाविषयी अनेकांना मार्गदर्शन केले. माझा एक जीवलग मित्र बोरीकरांच्यारूपाने मी गमावला आहे.
- नरेंद्र चपळगावकर, सेवानिवृत्त न्यायमुर्ती

मूल्ये जपणारा समर्थक
प्रा. दिनकर बोरीकर हे अल्पवयातच हैदराबादमुक्ती संग्रामात सामील झाले. त्यांनी त्यांचे जीवन आदर्श मूल्यांसह व्यतित केले. अर्थशास्त्राचे अभ्यासक होते. सभु शिक्षण संस्थेचा आदर्श आणि लौकिक त्यांनी वाढवला होता. याशिवाय त्यांना वाङमयात विशेष रस होता. त्यांनी सेवानिवृत्तीनंतर विपुल आणि मौलिक लेखन केले.
-सुधीर रसाळ, ज्येष्ठ समीक्षक

अभ्यासू व्यक्तिमत्व
प्रा. बोरीकर आमचे १९७४ पासून खास दोस्त. चांगला जिगरी मित्र आज हरपला. अभ्यासू व्यक्तिमत्व असलेले बोरीकर यांना वाचनाची गोडी होती. साहित्य, शिक्षण क्षेत्रात त्यांनी मोठी कामगिरी केली असून त्यांच्या जाण्याने या क्षेत्राचे नुकसान झाले.
- पं. नाथराव नेरळकर, ज्येष्ठ गायक

गुरू,मार्गदर्शक गेले
दिनकर बोरीकर हे माझे गुरूवर्य होते. त्यांनी शिक्षण आणि साहित्य क्षेत्रात काम केले आहेच. पण, निसर्गोपचार, शिवांबू अंमलबजावणी आणि प्रचार-प्रसारासाठी त्यांनी खूप कार्य केले. त्यांनी शिवांबू उपचार घेतले आणि त्यावर लेखनही केले होते. साकेत प्रकाशनचे ते एक नामवंत लेखक होते.
- बाबा भांड, राज्य साहित्य आणि संस्कृती मंडळ

मार्गदर्शक गमावला
सरस्वती भुवन शिक्षण संस्थेचे अध्यक्ष प्रा. दिनकर बोरीकर यांचे व आमचे कौटुंबिक संबंध होते. माझे वडील कै. भानुदासराव चव्हाण व बोरीकर यांची मैत्री होती. त्यामुळे सरांच्या घरी नेहमीच जाणे होत असे. विद्यार्थी असल्यापासूनव मी त्यांना पाहत आलो आहे. त्यांचा शिक्षण क्षेत्राचा दांडगा अभ्यास होता. मराठवाडा पदवीधर मतदारसंघाचा लोकप्रतिनिधी या नात्याने त्यांच्यासोबत नेहमी चर्चा होत असे. त्यांच्या जाण्याने मी चांगला मार्गदर्शक गमावला आहे. मराठवाड्याच्या शिक्षण क्षेत्राची मोठी हानी झाली आहे.
-सतीश चव्हाण, आमदार

तारा निखळला
गोविंदभाई श्रॉफ यांच्या मार्गदर्शनाने चालणारी ‌आमची पिढी होती. त्या पिढीतील एक तारा निखळला आहे. शिक्षण क्षेत्रातील त्यांचे कार्य भरीव आहे. त्यांनी सरस्वती भुवन शिक्षण संस्थेतच उपप्राचार्य, प्राचार्य पदे भूषवली होती. त्याच संस्थेच्या वाढीसाठी त्यांनी आयुष्य घालवले. माझ्या जवळचा स्नेही गेला. बोरीकरांचे कार्य सदैव स्मरणात राहील.
-प्रा. सुधाकर अहंकारी, माजी कार्यवाह, मसाप

सत्व जपणारे व्यक्तिमत्व
स्वातंत्र्य चळवळ त्यांनी पाहिली. मराठवाड्यातील सामाजिक, आर्थिक चळवळही .त्यात ते राहिलेही. स्वतःचे सत्व सांभाळून ते राहिले. मी, औरंगाबादला आलो तेव्हा म्हणजे १९७५पासून माझा त्यांचा स्नेह. एखाद्यावेळी वैचारिक मतभेद झाले परंतु, कटुता आली नाही. जुन्या पिढीतील असा एक मित्र गेला.
- प्रताप बोराडे, विश्वस्त, एमजीएम

सच्चा दिलदार माणूस
एक सच्चा दिलाचा माणूस, उत्तम संघटक व अभ्यासू व्यक्तिमत्व हरपले आहे. गोविंदभाई यांच्यासोबत काम करताना १९६४ मध्ये प्रा. बोरीकर यांच्याशी मैत्रीचे संबंध निर्माण झाले. मनमाड कॅम्पमध्ये आमची ओळख झाली. त्यांच्या जाण्यामुळे केवळ स. भु. शिक्षण संस्थेचेच नाही तर शिक्षण क्षेत्राची न भरून येणारी हानी झाली आहे.
- ना. वि. देशपांडे, स्वातंत्र्यसैनिक

विकास चळव‌ळीत योगदान
मराठवाड्याच्या विकास चळवळीचा वैचारिक नेता आज हरपला. गोविंदभाई श्रॉफ यांचे उत्तराधिकारी म्हणून प्रा. दिनकर बोरीकर यांच्याकडे सर्वजण पाहात. त्यांच्या निधनाने मोठ्या युगाचा अस्त झाला आहे.
- शरद अदवंत, सेवानिवृत्त प्राचार्य

विद्यार्थ्यांचा आधार
स. भु. सायन्स कॉलेजमध्ये शिकताना सामाजिक चळवळी, विविध स्पर्धेच्या निमित्ताने प्रा. बोरीकर यांच्याशी आमचा संबंध आला. शिस्तप्रिय असलेले प्रा. बोरीकर सदैव चळवळीतील, धडपड करणाऱ्या विद्यार्थ्यांच्या मागे उभे राहिले. मदतीचा हात ते देत. गोविंदभाई यांच्यानंतर अंत्यत कठीण परिस्थितीत त्यांनी संस्थेची धुरा समर्थपणे सांभाळली. त्यांच्या जाण्याने समाजवादी, पुरोगामी, डाव्या चळवळीचे तसेच शिक्षण क्षेत्राचे मोठे नुकसान झाले आहे. शिक्षण, सामाजिक चळवळ तसेच साहित्य क्षेत्रात कार्यरत ते शेवटेपर्यंत सक्रिय होते.
- डॉ. भालचंद कानगो, राज्य सचिव, भाकप

चळवळीत योगदान
जुन्या पिढीतील गोविंदभाई बरोबर काम केलेले, असा शेवटाचा दुवा असलेले प्रा. दिनकर बोरीकर यांच्या माध्यमातून निखळला. शिक्षण क्षेत्राच्या विकासासाठी त्यांनी संपूर्ण आयुष्य वेचले. सामाजिक, राजकीय चळवळीतही त्यांनी भरीव योगदान दिले असून स. भु. शिक्षण संस्थेचा खंबीर आधारवड आज आपल्यातून निघून गेला. त्यांच्या निधनाचे वृत्त धक्का देणार आहे.
- सुभाष लोमटे, कष्टकऱ्यांचे नेते

मार्गदर्शक कार्यकर्ता
स. भु. शिक्षण संस्थेच्या माध्यमातून शिक्षण क्षेत्रासाठी शेवटपर्यंत झपाटून काम करणारे प्रा. बोरीकर हे चळवळीतील कार्यकर्त्यांना मदतीचा हात देण्यासाठी सदैव तत्पर असत. बोरीकर यांच्या निधनामुळे चळवळीला आधार देणारा, मदत करणारा एक मार्गदर्शक कार्यकर्ता आपल्यातून निघून गेला आहे.
- अण्णासाहेब खंदारे, सामाजिक कार्यकर्ते

सांस्कृतिक क्षेत्राची हानी
सभु शिक्षण संस्थेच्या वाढीसाठी त्यांनी खूप मेहनत घेतली. गोविंभाईंच्या मार्गदर्शनाखाली तयार झालेल्या ‌‌पिढीतील एक खंदा समर्थक आपण गमावला आहे. त्यांच्या जाण्याने शैक्षणिक, सामाजिक आणि सांस्कृतिक क्षेत्राची अपरिमित हानी झाली आहे.
- बी. एन. राठी, उद्योजक

लोकमित्र गेला
‌दिनकर बोरीकर हे स्वातंत्रसैनिक, अर्थशास्त्रज्ञ, समाजसेवक आणि लोकमित्र असे व्यक्तिमत्व होते. त्यांना माझी श्रद्धांजली.
- डॉ. मंगला वैष्णव, साहित्यिक

शिक्षण चळवळीत पुढे
शिक्षण क्षेत्रातील त्यांचे काम उल्लेखनीय आहे. आयुष्यभर सर्वांना शिक्षण मिळावे. केजी टू पीजी मोफत शिक्षण या चळवळीत त्यांनी काम केले. मोफत, समान, गुणवत्तापूर्ण शिक्षण यासाठी ते कायम आग्रही असायचे. शिक्षणातील वेगवेगळ्या प्रश्नांवर ते कायम पुढे असायचे.
- अजमल खान, नेते जनता दल

टीकाकार गमावला
सरस्वती भुवन शिक्षण संस्थेचे अध्यक्ष स्वातंत्र्य सैनिक दिनकरराव बोरीकर यांचे दुखःद निधन झाल्याची बातमी
समजली. मी एक मार्गदर्शक व टीकाकार गमावला आहे.
- विजय शिंदे, सामाजिक कार्यकर्ते
...
अल्प परिचय

जन्म - २ सप्टेंबर १९३५
ज्येष्ठ स्वातंत्र्यसैनिक (कै.) गोविंदभाई श्रॉफ यांचे निकटचे सहकारी.
हैदराबाद मुक्तिसंग्राम स्वातंत्र्यलढ्यात सहभाग.
मनमाड, लोणी, वाशीम येथे विविध लढ्यांमध्ये सामील.
स.भु. मासिक पत्रिकेचे संपादक, सोसायटी ऑफ व्हॅनगार्डस्, विचार प्रकाशन, सेक्युलर फोरम, स्वामी रामानंद तीर्थ संशोधन संस्था, स्वामी रामानंद तीर्थ मेमोरियल हैदराबाद, मराठवाडा खादी ग्रामोद्योग समिती या संस्थांचे संचालक.
विविध वर्तमानपत्रांमध्ये विपुल लेखन.
‘रविवारच्या शोधात’ या बाल एकांकिकेस राज्य सरकारचा शाहीर अमरशेख पुरस्कार.
....

प्रकाशित ग्रंथसंपदा

मौलाना आझाद- एक पुनर्मूल्यांकन, मानव विकास व शैक्षणिक उत्कृष्टता, पुस्तकांच्या जगात,जनता पार्टी- आर्थिक धोरण, गोविंदभाई श्रॉफ गौरवग्रंथाचे संपादन, चंद्रगुप्त चौधरी गौरवग्रंथाचे संपादन, महात्मा गांधींच्या स्वप्नांतील ग्रामीण भारत, फैसला (अनुवादित एकांकिका संग्रह), रंग तुझा कोणता ? जगावं कसं, नांदा सौख्यभरे ,वॉटर ऑफ लाईफ (स्वमूत्रोपचार), गब्बरसिंग आणि इतर धमाल कथा, रविवारच्या शोधात बाल एकांकिका, पालकत्वाची गुपिते,ध्यान दर्शन,युवक, काम संबंध आणि प्रेम, दी वन मिनिट मॅनेजर (अनुवाद), जगावं तर असंच, दी पावर ऑफ नाऊ,शिवांबू साधना - स्वमूत्र चिकित्सा - शंका - समाधान, नार्को टेस्ट व इतर अनुवादित कविता, सरदार वल्लभभाई पटेल आणि हैदराबादचे विलिनीकरण, बापू - लोकशाही समाजवादाचा वारकरी, मुन्नी मोबाईल (अनुवाद), पाणपोई, ओशो- ध्यानाचे प्रकार (अनुवाद), लीडरशिपचे रहस्य (अनुवाद), इव्ह अॅडम व सार्वजनिक जीवन आणि इतर लेख, दो गज जमी भी ना मिली आणि इतर लेख, गौरव एका हरफन मौलाचा, पडद्याआडची चक्रे, शंकराचा आधुनिक
अवतार-निळकंठ कोठेकर स्मृती ग्रंथ, स्मरण असो त्यांचे, चिंतन आणि चिंतनीय, रूदाली (उषा गांगुली लिखित नाटकाचा अनुवाद), पी. व्ही. नरसिंहराव लिखित अयोध्या १९९२ ही दैनंदिनी (प्रकाशनाच्या मार्गावर)
....

मोबाइल अॅप डाउनलोड करा आणि राहा अपडेट

जिल्ह्याला दुष्काळकळा, १ लाख नागरिकांची तहान टँकरवर

January 16, 2018, 1:30 pm

≫ Next: शारंगदेव महोत्सवात कलाकारांची मांदियाळी

≪ Previous: आधारवड कोसळला

$

0

0

जिल्ह्याला दुष्काळकळा, १ लाख नागरिकांची तहान टँकरवर

टँकरसंख्या ६६ वर, मागणी वाढली

म. टा. प्रतिनिधी, औरंगाबाद

जिल्ह्यात यंदाही समाधानकारक पाऊस नसल्यामुळे जानेवारी महिन्यातच दुष्काळाच्या झळा बसण्यास सुरुवात झाली असून जिल्ह्यातील तब्बल १ लाख ३८ हजार नागरिकांची तहान ६६ टँकरद्वारे भागविण्यात येत आहे. वाढत असलेल्या टँकरच्या मागणीमुळे येणाऱ्या काही दिवसातच टँकरसंख्या शंभरावर पोचणार हे निश्चित.
जिल्ह्यातील गंगापूर तालुक्याला पाणीटंचाईचा सामना करवा लागत असून तालुक्यातील ३८ गावांना ३४ टँकरद्वारे पाणीपुरवठा करण्यात येत आहे. फुलंब्री तालुक्यात २३, वैजापूर ४, खुलताबाद ३ तर औरंगाबाद तालुक्यात एका टँकरद्वारे नागरिकांना पिण्याचे पाणी देण्यात येत आहे.
गंगापूर तालुक्यातील तालुक्यातील सावंगी, हर्सूल, अनंतपूर, वाळूज, दायगाव, शिरेगाव, आसेगाव, तळेसमान, वडगाव, तांदूळवाडी, शेकटा, बोलठाण, डोणगाव, गवळीधानोरा, दिनवाडा, वैरागड-सनव, रायपूर, धामोरी खु., कासोडा, खोजेवाडी, शाहपूरबंजर, टोकी, इब्राहिमपूर, बर्गीपूर, अंबेगाव, मुस्तफाबाद, हैबतपूर, खडकनारळा, सिल्लेगाव, प्रतापपूरवाडी, आंबेलोहळ, नारायणपूर, पेकळवाडी, बाभूळगाव नांगरे, शहापूर, गवळीशिवरा, वसूसायगाव व शंकरपूर गावाला टँकरद्वारे पाणीपुरवठा करण्यात येत आहे. औरंगाबाद तालुक्यातील गोपाळपूर व सहाजतपूर, वैजापूर तालुक्यातील राहेगाव अंतर्गत उंदीरवाडी, सोनवाडी, लासूरगाव तसेच फुलंब्री तालुक्यातील वाकोद, बोरगावअर्ज, जळगाव मेटे, विरमगाव, ममनाबाद, बाबरा, नायगव्हाण, निधोना, खामगाव, सताळपिंप्री, आडगाव खु., शेलगाव खु., आडगाव बु., गिरसावळी, गेवराई पायगा, वानेगाव, रेलगाव या गावांना टँकरद्वारे पाणीपुरवठा करण्यात येत आहे. या शिवाय खुलताबाद तालुक्यातील गदाना, बोरवाडी, देवळाणा बु. खुर्द या गावात प्रशासनाद्वारे टँकरद्वारे पाणीपुरवठा करत आहे.
टँकरची मागणी वाढली
जिल्ह्यात तुलनेत कमी पाऊस झाल्यामुळे पावसाळ्यानंतरच जिल्हा प्रशासनाकडे विविध गावामध्ये पिण्याच्या पाण्यासाठी टँकर सुरू करा, अशी मागणी प्रशासनाकडे करण्यात येत आहे. यासाठी प्रशासनावर नेतेमंडळींकडून दबावही येत असल्याचे सूत्रांनी सांगितले.
टँकरलॉबीचा तपास घ्या : पालकमंत्री
जिल्ह्यात दरवर्षी सिंचनक्षेत्रावर मोठा खर्च करण्यात येत असताना तसेच जिल्ह्यातील नागरिकांना टँकरवर अवलंबून राहण्याची वेळ का? असा सवाल करत पालकमंत्री रामदास कदम यांनी जिल्ह्यात विशिष्ट एजन्सीलाच टँकरचे कंत्राट दिले जाते काय ? त्यामागे लॉबी, साखळी कार्यरत आहे काय याचा तपास घ्या व त्याचा अहवाल आठवडाभरात सादर करा, असे आदेश पालकमंत्री रामदास कदम यांनी प्रशासनाला दिले.
टँकर सुरू असलेल्या गावांची लोकसंख्या
तालुका………….. गावे……. लोकसंख्या
औरंगाबाद………….२………….१८००
फुलंब्री…………….१६……………३८३९५
गंगापूर……………३८………….९१४६३
वैजापूर…………….४……………..११०१
खुलताबाद…………४………………५२७६
कन्नड…………….१……………….६१८
एकूण……………६५……………….६६

मोबाइल अॅप डाउनलोड करा आणि राहा अपडेट

शारंगदेव महोत्सवात कलाकारांची मांदियाळी

January 16, 2018, 1:30 pm

≫ Next: नव्या रेल्वेवरून भाजपमध्ये श्रेयवाद

≪ Previous: जिल्ह्याला दुष्काळकळा, १ लाख नागरिकांची तहान टँकरवर

$

0

0

म. टा. प्रतिनिधी, औरंगाबाद
महागामी नृत्य संस्थेने चार दिवसांचा शारंगदेव महोत्सव आयोजित केला आहे. एमजीएम कॅम्पसमधील रुक्मिणी सभागृहात १९ ते २२ जानेवारी या कालावधीत महोत्सव होईल. महोत्सवात देशभरातील मान्यवर कलाकार सहभागी होणार आहेत अशी माहिती ‘महागामी’च्या संचालिका पार्वती दत्ता यांनी दिली. त्या मंगळवारी आयोजित पत्रकार परिषदेत बोलत होत्या.

नृत्य, गायन आणि वादन यांचा अपूर्व मिलाफ असलेला आठवा शारंगदेव महोत्सव रसिकांसाठी पर्वणी ठरणार आहे. ‘शारंगदेव प्रसंग’ आणि ‘शारंगदेव समारोह’ अशा दोन विभागात महोत्सव होईल. शारंगदेव समारोहात शुक्रवारी सायंकाळी सात वाजता पी. नंदकुमार (केरळ) वाद्य समन्वय सादर करणार आहेत. केरळच्या मंदिरातील जुन्या मंगलवाद्यांचे सादरीकरण वेगळी अनुभूती ठरणार आहे. दुसऱ्या सत्रात पियाल भट्टाचार्य आणि समूह (कोलकाता) मार्ग नाट्य सादर करणार आहेत. २० जानेवारीला (शनिवार) राजस्थानचे सुगनाराम आणि सहकारी ‘झुमको’ रावणहत्था सादर करतील. रामली इब्राहीम (मलेशिया) यांचे ओडिसी नृत्य होणार आहे. रविवारी दर्शनम मोहुलैया (तेलंगणा) यांचे किन्नरी वीणा, पार्वती दत्ता यांचे ध्रुपदांगी कथक आणि पं. सत्यशील देशपांडे (पुणे) यांचे खयाल सादरीकरण होणार आहे. दररोज सायंकाळी रुक्मिणी सभागृहात कार्यक्रम होईल. ‘प्रसंग’मध्ये शुक्रवारी सकाळी १० वाजता ‘शारंगदेवचे पुनरावलोकन’ या विषयावर पार्वती दत्ता आणि ‘केरळच्या वाद्य परंपरा’ विषयावर पी. नंदकुमार विचार मांडणार आहेत. २० जानेवारीला पियाल भट्टाचार्य हे ‘मार्ग नाट्य’ आणि डॉ. करुणा विजयेंद्र यांचे ‘कर्नाटकातील शिल्पामध्ये गौडली नृत्य व लास्यांग’ विषयावर संवाद साधणार आहेत. २१ जानेवारीला ‘किन्नरी वीणा’ विषयावर डॉ. इंद्राणी चक्रवर्ती, ‘गुरू देबप्रसाद दासांचा उडिसी वारसा’ या विषयावर रामली इब्राहीम आणि ‘रावणहत्थाचे हजार वर्ष’ या विषयावर सुनीरा कासलीवाल व्यास विचार मांडणार आहेत. २२ जानेवारीला ‘कथक आणि ओडिसीत शारंगदेवाचे अन्वेषण’ या विषयावर पार्वती दत्ता, ‘खयालची उत्क्रांती’ या विषयावर पं. सत्यशील देशपांडे आणि ‘परंपरा, शास्त्र आणि प्रयोगाच्या गुरुंचे पुनरावलोकन’ या विषयावर अशोक वाजपेयी विचार मांडणार आहेत. ‘प्रसंग’ कार्यक्रम शारंगदेव सदनमध्ये दररोज सकाळी दहा वाजता होईल. पत्रकार परिषदेला डॉ. रेखा शेळके उपस्थित होत्या.

‘शारंगदेव सन्मान’
भारतीय कला क्षेत्रात विशेष योगदान असलेल्या कलाकारांना दरवर्षी ‘शारंगदेव सन्मान’ देऊन सन्मानित करण्यात येते. यावर्षी डॉ. मुकुंद लाठ यांना हा पुरस्कार दिला जाणार आहे. लाठ हे प्रसिद्ध संगीततज्ज्ञ आणि इतिहासकार आहेत. भारतीय संगीत, नृत्य, सौंदर्यशास्त्र आणि संस्कृतीवरील लेखनासाठी ते प्रसिद्ध आहेत. या विषयांवरील त्यांची अनेक पुस्तके प्रकाशित झाली आहेत.

मोबाइल अॅप डाउनलोड करा आणि राहा अपडेट

नव्या रेल्वेवरून भाजपमध्ये श्रेयवाद

January 16, 2018, 1:30 pm

≫ Next: महिन्याभरात सिडको 'फ्री' होल्ड

≪ Previous: शारंगदेव महोत्सवात कलाकारांची मांदियाळी

$

0

0

अरुण समुद्रे, लातूर

यशवंतपूर-बिदर एक्स्प्रेस लातूरपर्यंत आणण्याच्या श्रेयावरून लातूर जिल्हा भाजपमध्ये श्रेयवादाला सुरुवात झाली आहे. शहराध्यक्ष शैलेश लाहोटी यांनी या निर्णयाचे श्रेय पालकमंत्री संभाजी पाटील निलंगेकरांना दिले आहे. तर, रेल्वे हा खासदारांचा विषय असतो, असे सांगत खासदार डॉ. सुनील गायकवाड यांनी त्यांना टोला लगावला आहे.
चार फेब्रुवारीपासून आठवड्यातून तीन दिवस लातूर-यशवंतपूर (बेंगळुरू) ही नवीन रेल्वे धावणार आहे. त्यावरून भाजपमध्ये राजकारण रंगले आहे. पालकमंत्री डॉ. सुनील गायकवाड यांच्या प्रयत्नातून चार रुग्णांना मुख्यमंत्री निधीतून मदत मिळवून दिल्याचे वृत्त प्रसिद्ध झाले होते. त्यावर आपणही पाच कोटी रुपयांची मदत पंतप्रधान सहायता निधीतून मिळवून दिल्या, मात्र त्याचे मार्केटिंग करता आले नाही, असे सांगताना डॉ. सुनील गायकवाड म्हणाले, ‘रेल्वेसाठी पालकमंत्र्यानी प्रयत्न केले असतील, परंतु रेल्वे हा खासदाराचा विषय असतो. लातूर रोड ते अजमेर रेल्वे सुरब करण्यासाठी केंद्रीय मंत्री नितीन गडकरी यांनीच माझ्यासमोर रेल्वेमंत्र्यांना सांगितले आहे, यशवंतपूर रेल्वे लातूरपर्यंत येत आहे. त्यासाठी पंतप्रधान, दोन्ही रेल्वेमंत्र्यांचे आभार मी मानतो. श्रेय कोणी घ्यावे, हा ज्याचा-त्याचा प्रश्न आहे आणि रेल्वेच्या बाबतीत जे काही चांगले होईल किंवा वाईट होईल, त्याला मी जबाबदार आहेच.’ पालकमंत्र्यांनी नुकतेच लातूर रोड रेल्वे स्थानकाचे नाव बदलून चाकूर
करण्याचे आश्वासन दिले आहे. त्यावर प्रतिक्रिया देताना डॉ. गायकवाड म्हणाले, ‘रेल्वे स्थानकाचे नाव बदलणे एवढे सोपे नसते. अन्यथा दादरचे नाव कधीच चैत्यभूमी असे झाले असते. ते काम केंद्र सरकारचे आणि खासदारांचे असते.’
निवडणुकीनंतर राजकारण करायचे नाही, हे मी ठरवले असल्यामुळे काँग्रेसचे नेते शिवाजीराव पाटील कव्हेकर यांच्या कार्यक्रमाला जाणे असेल किंवा अनाथालयाच्या कार्यक्रमाच्या निमित्ताने आमदार अमित देशमुख यांचे निकटवर्तीय अॅड. विक्रम हिप्परकर यांनी केलेली स्तुती असेल. त्याला कोणाताही राजकीय रंग देऊ नये, असेही त्यांनी सांगितले.
तसेच, भाजपमध्ये कोणी मला डावलत नाही, असे सांगतानाच २०१९ च्या निवडणुकीसाठी पक्षाने जे १२ निकष तयार केले आहेत, त्या निकषांनुसार मी सुवर्णपदक विजेत्यासारख काम करीत असल्याचा दावाही त्यांनी केला.

निलंगेकरांचा सत्कार
लातूर : महापालिका निवडणुकीदरम्यान लातूकरांच्या सेवेत नवीन रेल्वे सुरू करण्याचे आश्वासन प्रत्यक्षात आणल्याबद्दल भाजपचे शहराध्यक्ष शैलेश लाहोटी यांनी पालकमंत्री संभाजी पाटील निलंगेकर यांचा मुंबई येथे सत्कार करत आभार व्यक्त केले. या वेळी मुख्यमंत्र्यांचे स्वीय सहाय्यक अभिमुन्य पवार, महापौर सुरेश पवार, जि.प.चे उपाध्यक्ष रामचंद्र तिरुके, उपमहापौर देविदास काळे, मनपा स्थायी समिती सदस्य शैलेश स्वामी, संगीत रंदाळे, जि.प.सदस्य सुधाकर शृंगारे, बाबु खंदाडे यांची उपस्थिती होती.

मोबाइल अॅप डाउनलोड करा आणि राहा अपडेट