महिन्याभरात सिडको 'फ्री' होल्ड

January 16, 2018, 1:30 pm

≫ Next: फलोत्पादन योजनेत फक्त २७ टक्के निधी खर्च

≪ Previous: नव्या रेल्वेवरून भाजपमध्ये श्रेयवाद

$

0

0

महिन्याभरात सिडको 'फ्री' होल्ड

भूषण गगराणी यांनी शिवसेना पदाधिकाऱ्यांना दिले आश्वासन

म. टा. प्रतिनिधी, औरंगाबाद ः

मागील अनेक वर्षांपासूनची सिडको वासियांची मागणी महिन्याभरात पूर्ण होण्याची शक्यता आहे. सिडकोचे व्यवस्‍थापकीय संचालक भूषण गगराणी यांनी एक महिन्यात सिडकोच्या मालमत्ता लिज डिडवरून फ्री होल्ड करण्याचे आश्वासन खासदार चंद्रकांत खैरे यांच्या नेतृत्वात गेलेल्या ‌शिवसेनेच्या शिष्टमंडळाला दिला.

सिडको भागातील नागरिकांच्या समस्या सोडविण्यासाठी खासदार चंद्रकांत खैरे यांच्या नेतृत्वात शिवसेनेच्या शिष्टमंडळाने सिडकोचे व्यवस्‍थापकीय संचालक भूषण गगराणी यांच्याशी मंगळवारी (१६ जानेवारी) मुंबई येथील सिडको कार्यालयात भेट घेतली. या भेटीत औरंगाबाद पूर्वचे विधानसभा संघटक राजू वैद्य, उपजिल्हा प्रमुख अनिल पोलकर, विश्वनाथ स्वामी, वीरभद्र गादगे, साहेबराव घोडके यांच्यासह अन्य शिवसैनिकांची उपस्थि‌ती होती.

या भेटीत सिडकोच्या नागरिकांना ३५ हजार रुपये शुल्क भरताना जीएसटी कर लावला जात आहे, तो त्वरित रद्द करण्यात यावा. एनओसी घेण्यासाठी नो ड्युसची प्रक्रिया रद्द करावी. सिडकोकडून १० हजार ८०० रुपयाचा दर ३८ हजार रुपये करण्यात आला आहे. हा निर्णय बोर्डाच्या बैठकीत रद्द करावा अशी मागणी करण्यात आली. याशिवाय सिडकोच्या लिज होल्डचं फ्रि होल्ड करावी, अशी मागणी करण्यात आली. या मागणीवर गगराणी यांनी नागरिकांच्या सोयीसाठी सिडकोने घेतलेल्या निर्णयावर पुनर्विचार करण्याचे संकेत दिले.

‌लिज होल्डचे फ्री होल्ड करण्याच्या विषयावर बोलताना गणराणी यांनी महापालिकेकडे सिडकोच्या सर्व फाइल देण्याचा निर्णय घेण्यात आल्याचे सांगितले. याशिवाय सिडकोचे लिज होल्ड फ्री करण्याचा निर्णयही आगामी महिन्याभरात निर्णय जाहीर होणार आहे, असे आश्वासन खासदार चंद्रकांत खैरे त्यांनी दिले.

सिडकोच्या मुख्य रस्‍त्यांवरील दुकानांनाच दंड

सिडको परिसरात राहणाऱ्या रहिवासी क्षेत्रात मंजूर प्लॉटवर दुकाने बांधून कमर्शियल वापर करणाऱ्या मालमत्ता धारकांना सिडको विभागाने नोटीस दिल्या होत्या. या नोटीसबाबतही गगराणी यांच्याशी चर्चा करण्यात आली. गगराणी यांनी सिडको भागातील २४ मीटर आणि १८‌ मीटर मुख्य रस्‍त्यांवरील रहिवासी क्षेत्राचा वापर वाणिज्यिक वापर करणाऱ्या मालमत्ता धारकांकडूनच वसुली करणार असल्याचे संकेत दिले.

मोबाइल अॅप डाउनलोड करा आणि राहा अपडेट

---

फलोत्पादन योजनेत फक्त २७ टक्के निधी खर्च

January 16, 2018, 1:30 pm

≫ Next: भरपाईच्या वाट्यासाठी ‘मारामारी’

≪ Previous: महिन्याभरात सिडको 'फ्री' होल्ड

$

0

0

म. टा. प्रतिनिधी, औरंगाबाद
राष्ट्रीय कृषी विकास योजनेअंतर्गत असलेल्या फलोत्पादन योजनेचा केवळ २७ टक्के निधी खर्च झाल्याचे समोर आले आहे. यात जालना व बीड जिल्ह्यात अनुक्रमे केवळ ५.९७ व ४.३४ टक्के एवढाच निधी खर्च झाला आहे. आर्थिक वर्ष संपत आले, तरी निधी खर्च झाला नसेल तर कृषी विकास कसा होणार, असा प्रश्न यानिमित्ताने निर्माण झाला आहे.
पारंपरिक शेतीला फळबागांची जोड मिळावी, फलोत्पादन क्षेत्रात वाढ व्हावी, त्यासाठी आर. के. व्ही. आय अंतर्गत फलोत्पादन योजना राबविण्यात येते. या योजनेतून शेडनेट, कांदा चाळ, शेततळे अस्तरीकरण, यांत्रिकीकरण आदी योजनांसाठी अनुदान स्वरुपात अर्थसाह्य केले जाते. पण, कृषी विभागाच्या औरंगाबाद सहसंचालक कार्यालय क्षेत्रात या योजनेचा बोजवारा उडाल्याचे चित्र आहे.
२०१७ -१८ या वर्षात शेततळे अस्तरीकरण योजनेसाठी औरंगाबाद, जालना व बीड जिल्ह्यातील एकूण ७६२ लाभार्थ्यांसाठी ५ कोटी ७१ लाख रुपयांची तरतूद करण्यात आली होती. यात पूर्वसंमती ६४४ जणांना मिळाली. त्यापैकी ६०४ जणांना कार्यारंभ आदेश मिळाला. पण, त्यापैकी केवळ २०८ लाभार्थ्यांनी पुढील सर्व कार्यवाही केल्याने त्यांना १ कोटी ५४ लाख रुपयांचे अनुदान मिळाले आहे. प्राप्त निधीपैकी केवळ ६६ टक्के खर्च झाला असून उर्वरित निधी पडून आहे. यात औरंगाबाद जिल्ह्यात किमान समाधानकारक कामगिरी असून तेथे उद्दिष्टाच्या सुमारे ४८ टक्के काम पूर्ण झाले आहेत. बीड जिल्ह्याची टक्केवारी केवळ ४.५८ एवढी कमी आहे.

इतर योजनांवरही कमी खर्च

नियंत्रित शेती अंतर्गत शेडनेट, पॉली हाऊस योजनेसाठी औरगाबाद, जालना व बीड जिल्ह्यांत एकूण साडेपाच कोटी रुपयांची तरतूद होती, प्रत्यक्षात ११ जानेवारी पर्यंत केवळ दहा लाख खर्च झाले आहेत. या योजनेत औरंगाबाद व बीड जिल्ह्यातील प्रत्येकी एकाला अनुदान देण्यात आले. कांदा चाळ, यांत्रिकीकरण योजनेची परिस्थिती वाईट आहे. या सर्व योजनासाठी एकूण १५ कोटी ९२ लाख रुपयांची तरतूद असताना आतापर्यंत सुमारे १३०० शेतकऱ्यांना एकूण अडीच कोटी रुपये अनुदान देण्यात आले आहे.

मोबाइल अॅप डाउनलोड करा आणि राहा अपडेट

भरपाईच्या वाट्यासाठी ‘मारामारी’

January 16, 2018, 1:30 pm

≫ Next: स्वातंत्र्य सैनिक, साहित्यिक, दिनकर बोरीकर यांचे निधन

≪ Previous: फलोत्पादन योजनेत फक्त २७ टक्के निधी खर्च

$

0

0

सुरेश कुलकर्णी, जालना

शहागड-वडीगोद्री-अंबड-जालना या जुन्या योजनेसाठी केंद्रीय रस्ते विकास महामंडळाने १२ कोटी ३५ लाख रुपयांच्या भरपाईची घोषणा केली आणि या भरपाईतून थकबाकी वळती करण्यासाठी सर्व सरकारी खात्यांकडून हालचाली सुरू झाल्या आहेत. या रकमेतील हिश्श्यावरून चर्चा आणि दावे-प्रतिदावे रंगू लागले आहेत.
जालना शहरासाठी १९८०च्या दशकामध्ये शहागड-वडीगोद्री-अंबड-जालना या संयुक्त पाणीपुरवठा योजना सुरू करण्यात आली. मात्र, या योजनेची उपयुक्तता संपली असून, पाइपही जागोजागी जीर्ण झाले आहेत. शहरासाठी थेट जायकवाडी धरणातून ९० किलोमीटर अंतरावरून नवी पाइपलाइन तयार करण्यात आले आहे. त्यामुळे या जुन्या पाइपलाइनची फारशी चर्चा होत नव्हती. अशात, जालना-वडीगोद्री-बीड हा रस्ता राष्ट्रीय महामार्ग म्हणून घोषित करण्यात आला आहे त्याचे चौपदरीकरणाचे काम होणार आहे याच पार्श्वभूमीवर खासदार दानवे यांनी केंद्रीय रस्ते विकास मंत्री नितीन गडकरी यांच्या समोर या शहागड जालना पाइपलाइनच्या संदर्भात विषय उपस्थित करून जालन्यात येणाऱ्या या रस्त्याच्या समांतर असलेल्या पाइपलाइनची रस्त्याच्या विस्तारात होत असलेल्या नुकसान भरपाईची रक्कम मागितली.
गडकरी यांनी तातडीने केंद्रीय रस्ते विकास महामंडळाच्या वतीने १२ कोटी ३५ लाख रुपये मंजूर केले आणि तातडीने विभागीय आयुक्तांना धनादेश दिला. ही रक्कम मिळत असल्यामुळे, त्याच्या खर्चावरून चर्चा सुरू झाली. हा निधी कसा खर्च करायचा, हे ठरविण्याचा अधिकार नगरपालिकेला आहे. ही रक्कम घाणेवाडी जलाशयातून जालना शहरात येणाऱ्या पाइपलाइनच्या नुतनीकरणासाठी वापरावी. घाणेवाडीचे पाणी मोफत विना वीज जालन्यात गुरूत्वार्कषणाच्या तत्वावर येते पालिकेच्या मालकीच्या मोफत पाण्याला कसलाही खर्च नाही, अशी भूमिका नगराध्यक्षा संगीता गोरंट्याल यांनी मांडली आहे.
तर, शहरातील पथदिवे बंद आहेत. त्यामुळे वीज वितरण कंपनीची थकबाकी देऊन टाकली पाहिजे, अशी सूचना खासदार रावसाहेब दानवे यांनी केली आहे. या रकमेतील वीस टक्के वाटा अंबड पालिकेला आणि तीस टक्के वाटा जीवन प्राधिकरण द्यावा. उरलेले जालना पालिकेला पैसे देण्याचा प्रस्ताव मंत्रालयातून मुख्यमंत्र्यांचे सचिव प्रवीण परदेशी यांनी जिल्हाधिकारी शिवाजी जोंधळे यांच्यासमोर ठेवला. या सगळ्या पार्श्वभूमीवर, या रकमेचा धनादेश सध्याच्या घडीला जिल्हाधिकाऱ्यांच्या ताब्यात आहे. खासदार रावसाहेब दानवे यांच्या भूमिकेला महत्त्व आहे. मात्र, पालिकेवर सत्ता असणाऱ्या माजी आमदार कैलास गोरंट्याल यांनी वीज वितरण कंपनीच्या विरोधात आंदोलन करण्याचा इशारा दिला आहे. तसेच, या रकमेतील वाटा अंबड पालिकेला व जीवन प्राधिकरणला या रकमेचा हिस्सा देण्यासही त्यांचा विरोध आहे.

कोट्यवधींची देणी आणि भरपाईची लॉटरी
जालना पालिकेला महाराष्ट्र जीवन प्राधिकरण, वीज वितरण कंपनी यांचे कोट्यवधी रुपये देणे आहेत. आता तर जायकवाडी योजनेसाठी साधारणपणे तीस लाख रुपये दर महिन्याला विजेचा खर्च आहे. बिल न भरल्यामुळे महावितरणने शहरातील पथदिव्यांचा वीजपुरवठा तोडला आहे. त्यामुळे आठ वर्षांपासून जालना शहर चक्क अंधारात आहे. शहराचे राजकारण आणि समस्या प्रत्येक राजकीय पक्ष आणि त्यांच्या नेत्यांच्या मर्जीनुसार चालत आहेत. या पार्श्वभूमीवर, आतापर्यंत शहागड ते जालना या पाइपलाइनचे काय याचा सर्वांना विसर पडला आहे. अचानक या भरपाईमुळे पाइपलाइन चर्चेत आली आहे.

मोबाइल अॅप डाउनलोड करा आणि राहा अपडेट

स्वातंत्र्य सैनिक, साहित्यिक, दिनकर बोरीकर यांचे निधन

January 16, 2018, 1:30 pm

≫ Next: खाऊच्या पैशातून मुलांनी सुरू केले वाचनालय

≪ Previous: भरपाईच्या वाट्यासाठी ‘मारामारी’

$

0

0

स्वातंत्र्य सैनिक, साहित्यिक, दिनकर बोरीकर यांचे निधन

म. टा. प्रतिनिधी, औरंगाबाद

स्वातंत्र्यसैनिक, लेखक, ज्येष्ठ विचारवंत, सरस्वती भुवन शिक्षण संस्थेचे अध्यक्ष प्रा. दिनकर श्रीनिवास बोरीकर (वय ८३) यांचे मंगळवारी १६ जानेवारी रोजी सायंकाळी वृद्धापकाळाने निधन झाले.

त्यांच्या पश्चात पत्नी सुहासिनी, डॉ. रश्मी, डॉ. रेणू, रोहिणी या तीन मुली, जावई असा परिवार आहे. त्यांचे पार्थिव बुधवारी १७ जानेवारी रोजी सकाळी साडेनऊ ते साडेदहा दरम्यान सरस्वती भुवन शिक्षण संस्थेच्या मध्यवर्ती कार्यालयात अंत्यदर्शनासाठी ठेवण्यात येईल. सकाळी साडेदहानंतर त्यांची अंत्ययात्रा निघेल, पुष्पनगरी स्मशानभूमीत अंत्यसंस्कार करण्यात येतील.

स्वामी रामानंद तीर्थ यांच्या आदेशानुसार तेलंगणा आणि हैदराबाद येथे खादी कार्य, भाषावार प्रांतरचनेनंतर बोरीकर औरंगाबादेत आले आणि मराठवाड्यातील सर्वात जुन्या सरस्वती भुवन शिक्षण संस्थेच्या सेवेत रुजू झाले. अर्थशास्त्र विभागाचे प्राध्यापक म्हणून सेवानिवृत्त झाल्यानंतर ते संस्थेच्या सरचिटणीसपदी १९९८ ते २००८ या कालावधीत कार्यरत होते. त्यानंतर संस्थेचे उपाध्यक्ष व नोव्हेंबर २०११ पासून आजवर संस्थेच्या अध्यक्षपदी कार्यरत होते.

सभु, आ. कृ. वाघमारे शाळा बंद

प्रा. दिनकर बोरीकर यांच्या निधनामुळे दुखवटा म्हणून बुधवारी औरंगाबाद व जालना जिल्ह्यातील सरस्वती भुवन शिक्षण संस्थेच्या सर्व शाळा, महाविद्यालये बंद ठेवण्यात येणार आहेत, असे संस्थेचे सरचिटणीस दिनेश वकील यांनी कळविले आहे. माँटेसरी प्राथमिक तसेच आ. कृ. वाघमारे प्रशालाही बुधवारी बंद ठेवण्यात येईल, असे माँटेसरी संस्थेचे सचिव डॉ. दिनेश मालानी यांनी कळविले आहे.

मोबाइल अॅप डाउनलोड करा आणि राहा अपडेट

खाऊच्या पैशातून मुलांनी सुरू केले वाचनालय

January 16, 2018, 1:30 pm

≫ Next: स्वयंसेवी संस्थांचा २१ जानेवारीला विकास मेळावा

≪ Previous: स्वातंत्र्य सैनिक, साहित्यिक, दिनकर बोरीकर यांचे निधन

$

0

0

म. टा. प्रतिनिधी, औरंगाबाद
सिंदोन येथील जिल्हा परिषद शाळेतील विद्यार्थ्यांनी छोटेखानी वाचनालय सुरू केले आहे. कथा, कविता, नाटके, वैचारिक लेखन, ऐतिहासिक, प्रवासवर्णन, पर्यटन, बालसाहित्य, विज्ञान आदी विविध विषयांवरील पुस्तकांचा खजिना या वाचनालयात आहे. पालकांनी खाऊ खाण्यासाठी दिलेल्या पैशांतून बचत करून विद्यार्थ्यांनी शाळेत हे वाचनालय सुरू केले आहे. मुलांना वाचनाचे आणि पैशांच्या बचतीचे महत्त्व समजावे, यासाठी शिक्षकांनी त्यांना प्रोत्साहन देत या उपक्रमात अर्थिक योगदान दिले आहे.

औरंगाबादपासून १२ किलोमीटर अंतरावर डोंगराच्या कुशीत सिंदोन गाव आहे. दीडशे उंबऱ्याचे गावात जिल्हा परिषदेची प्राथमिक शाळा आहे. स्वच्छ सुंदर शाळा पुरस्काराने सन्मानित करण्यात आलेल्या या शाळेत दीडशे विद्यार्थी शिक्षण घेतात. इकोफ्रेंडली होळीसाठी पळसाच्या झाडांच्या फुलांपासून रंगनिर्मिती करण्याचा उपक्रम शाळेत राबविला जातो. त्याचबरोबर कृतीतून इतरांना त्यासाठी प्रोत्साहन देण्यासाठी अनेक उपक्रम राबविले जातात. विविध उपक्रम राबविणाऱ्या या शाळेतील मुलांनी सुरू केलेले छोटेखानी वाचनालय सध्या जिल्हा परिषद शाळांच्या वर्तुळात चर्चेचा विषय झाला आहे.

शिक्षकांच्या प्रोत्साहन आणि वाचनकट्ट्यामुळे विद्यार्थ्यांना वाचनाची गोडी अधिक वाढली. शाळेत वाचनालय आहे, पण मर्यादित असलेले पुस्तके वाचून झाल्यानंतर पुढे काय, असा प्रश्न त्यांच्यासमोर पडला होता. शिक्षकांना याबाबत समजले. विद्यार्थ्यांना नवनवीन पुस्तकेही मिळावे आणि त्यांना बचतीचीही सवय व त्याचे महत्त्व समजावे, यासाठी खास प्रयत्न झाले. काही विद्यार्थ्यांनी यात पुढाकार घेत इतरांना समजावून सांगितले.

आणि प्रामुख्याने चौथी व पाचवीच्या विद्यार्थ्यांनी पालकांकडून खाऊसाठी मिळणाऱ्या पैशांतून एक रुपया, दोन रुपयांची बचत करत सुमारे ५०० रुपये जमा केले. त्यात मुख्याध्यापक पंढरीनाथ पाटील, वर्गशिक्षिका संगिता चव्हाण, सिंधू बाविस्कर, मेघलता कुलकर्णी आणि गणेश घुले यांनीही भरीव आर्थिक हातभार लावला. महिनाभराच्या प्रयत्नात शाळेत छोटेखानी वाचनालय सुरू झाले आहे. विविध पुस्तकांचा खजिना या वाचनालयात असून, दरमहा काही पुस्तके मागविण्यात येतात. वाचनालयाची सर्व जबाबदारी विद्यार्थी शिक्षकांच्या मार्गदर्शनाखाली सांभाळत असल्याचे चव्हाण यांनी सांगितले

मोबाइल अॅप डाउनलोड करा आणि राहा अपडेट

स्वयंसेवी संस्थांचा २१ जानेवारीला विकास मेळावा

January 16, 2018, 1:30 pm

≫ Next: विशेष शाखेच्या पोलिसांना लेखी अहवालाची सक्ती

≪ Previous: खाऊच्या पैशातून मुलांनी सुरू केले वाचनालय

$

0

0

स्वयंसेवी संस्थांचा २१ जानेवारीला विकास मेळावा
म. टा. प्रतिनिधी, औरंगाबाद
मराठवाड्यातील स्वयंसेवी संस्था आणि सेवाभावी संस्थांसाठी खास अनुलोम संस्थेद्वारे एक दिवसाच्या मेळाव्याचे आयोजन करण्यात आले आहे. हा मेळावा चिकलठाणा ‘कलाग्राम’ २१ जानेवारी रोजी होणार असल्याची माहिती अनुलोम संस्थेचे वि‌जय उक्कलगावकर, डॉ. संदीप ढपले यांनी पत्रकार परिषदेत मंगळवारी (१६ जानेवारी) दिली.
उक्कलगावकर म्हणाले, अनुलोम, सावित्रीबाई फुले महिला एकात्म समाज मंडळ व सी.आय.आय. यांच्या संयुक्त विद्यमाने कलाग्राम येथे मराठवाड्यातील स्वयंसेवी संस्थांसाठी या मेळाव्याचे आयोजन करण्यात आले आहे. मुख्यमंत्री देवेंद्र फडणवीस यांच्या हस्ते सकाळी ११ मेळाव्याचे उद्‍घाटन होईल.
गावोगावी व शहरी वस्त्यांमध्ये काम करणारे सेवाभावी गट व स्वयंसेवी संस्थांचे सबलीकरण व्हावे, त्यांचा संस्थात्मक विकास घडवून आणावा या दृष्टीने या विकास मेळाव्याचे आयोजन करण्यात आले आहे. मोठ्या नोंदणीकृत स्वयंसेवी संस्थांना त्यांच्या कार्यविस्तारासाठी गावोगावी कार्यरत असलेल्या स्वयंसेवी समुहांची मदत होईल व त्यातूनच संबंधित गाव व परिसराच्या विकासास गती प्राप्त होऊ शकेल, हा या मेळाव्याचा उद्देश आहे.
अशा प्रकारचे एकूण आठ मेळावे महाराष्ट्राच्या विविध भागात घेण्याचा संयोजकांचा मानस आहे. औरंगाबाद येथे होणाऱ्या मेळाव्यात मराठवाड्यातील १०० पेक्षाही जास्त नोंदणीकृत संस्था सहभागी होणार असून त्यांच्या कामकाजाचा स्टॉल लावतील. कृषी, पाणी, ग्रामविकास, पर्यावरण, आरोग्य, शिक्षण, महिला व बालविकास यासारखे सामाजिक स्टॉल या प्रदर्शनात असतील.
मेळाव्यात पुणे येथील सेवावर्धिनी संस्थेचे मुख्य कार्यकारी अधिकारी प्रमोद कुलकर्णी, धर्मदाय सहआयुक्त श्रीकांत भोसले, डॉ. अनंत पंढरे, डॉ. प्रसन्न पाटील उपस्थितांना मार्गदर्शन करणार आहेत. मराठवाड्यात गावोगावी काम करणाऱ्या २८०० सेवाभावी समुहांचे ६००० प्रतिनिधी या मेळाव्यात सहभागी होतील, अशी माहिती अनुलोमचे विजय उक्कलगांवकर व डॉ. संदीप ढपले यांनी याविषयी आयोजित पत्रकार परिषदेत दिली.

मोबाइल अॅप डाउनलोड करा आणि राहा अपडेट

विशेष शाखेच्या पोलिसांना लेखी अहवालाची सक्ती

January 16, 2018, 1:30 pm

≫ Next: रोटेगाव-शिर्डी रेल्वेमार्ग तयार करण्याची मागणी

≪ Previous: स्वयंसेवी संस्थांचा २१ जानेवारीला विकास मेळावा

$

0

0

म. टा. प्रतिनिधी, औरंगाबाद
‌कोरेगाव भीमा येथे घडलेल्या घटनेनंतर शहरात झालेल्या आंदोलनाचा पहिला फटका विशेष शाखेच्या कर्मचाऱ्यांना बसला आहे. विशेष शाखेत कार्यरत असलेल्या पोलिस कर्मचाऱ्यांना दररोज त्यांच्या बिटामधील कारवाईची लेखी माहिती पोलिस विभागातील वरिष्ठांना कळवावी, असे आदेश पोलिस आयुक्त यशस्वी यादव यांनी दिले आहेत.

औरंगाबाद पोलिस विभागात विशेष शाखेमध्ये कार्यरत कर्मचाऱ्यांकडे माहिती संकलनाचे काम आहे. या कर्मचाऱ्यांना शहरातील उद्योग क्षेत्रापासून ते विविध धार्मिक संघटना, विविध राजकीय पक्ष आणि समाजिक संघटनांसह शहरात सुरू असलेल्या विविध घटना घडामोडींची माहिती गोळा करून सादर करावी लागते. एक जानेवारी ते तीन जानेवारी यादरम्यान औरंगाबादेत घडलेल्या घटनेची पूर्वसूचना विशेष शाखेकडे नव्हती. विशेष शाखा आणि गुप्तवार्ता शाखेसह अन्य विभागांकडून कोणत्याही प्रकारची माहिती देण्यात आली नव्हती. ही माहिती आधीच मिळाली असती, तर पोलिसांना नियोजन करण्याचं नियोजन करता आले असते, अशी चर्चाही शहर पोलिस विभागातील वरिष्ठ अधिकाऱ्यांमध्ये करण्यात आली.

शहरातील परिस्थितीची माहिती पोलिसांना आधी मिळू शकली नाही, याची पोलिस आयुक्त यशस्वी यादव यांनी गंभीर दखल घेतली आहे. या घटनेनंतर विशेष शाखेत काम करणाऱ्या सर्व कर्मचाऱ्यांना, प्रत्येक दिवशी त्यांनी केलेल्या कामाची किंवा त्यांच्या बिटात घडलेल्या घटन घडामोडींची माहिती लेखी स्वरुपात त्यांच्या वरिष्ठांकडे सादर करण्याचे आदेश पोलिस आयुक्त यादव यांनी दिले.

विशेष शाखेची रचना
पोलिस आयुक्तालयात असलेल्या विशेष शाखेची धुरा पोलिस निरीक्षकाकडे आहे. या शाखेत दोन उपनिरीक्षक आणि १५ ते २० कर्मचारी आहेत. विविध राजकीय पक्ष, राजकीय पक्षांची संबंधित संघटना, धार्मिक संघटना, विविध समाजांच्या संघटना, उद्योग क्षेत्र अशी जबाबदारी विभागून दिलेली आहे. संबंधित क्षेत्रातील अंतर्गत घडामोडी, पक्ष, संघटना, संस्था यांचे भविष्यातील उपक्रम, आंदोलने याची माहिती संकलिक करून वरिष्ठांना कळविण्याची जबाबदारी या शाखेकडे आहे.

चार्ली पथकाला प्रशिक्षण
पोलिस मुख्यालयात स्‍थापन करण्यात आलेल्या चार्ली पथकाला फायबर गोळीच्या रायफल चालविण्याचे ट्रेनिंग देण्यात आले. ही ट्रेनिंग वरिष्ठांच्या निगराणीत करण्यात आले.

मोबाइल अॅप डाउनलोड करा आणि राहा अपडेट

रोटेगाव-शिर्डी रेल्वेमार्ग तयार करण्याची मागणी

January 16, 2018, 1:30 pm

≫ Next: ‘मराठवाड्याशी दुजाभाव’

≪ Previous: विशेष शाखेच्या पोलिसांना लेखी अहवालाची सक्ती

$

0

0

म. टा. प्रतिनिधी, औरंगाबाद
दक्षिण भारतातून शिर्डी येथे येणाऱ्या भाविकांची संख्या मोठी आहे. हे लक्षात घेऊन रोटेगाव ते शिर्डी रेल्वे मार्ग तयार करावा, अशी मागणी शिर्डी साईबाबा संस्थानने रेल्वे विभागाकडे केली आहे.
रोटेगाव ते शिर्डी रेल्वे मार्गाने जोडावे यासाठी मराठवाडा रेल्वे कृती समितीचे प्रल्हाद पारटकर, अनंत बोरकर, शिवाजी दांडगे व इतरांनी शिर्डी साई संस्‍थानाचे अध्यक्ष डॉ. सुरेश हावरे यांची ८ डिसेंबर २०१७ रोजी भेट घेतली होती. या मागणीची दखल घेत डॉ. हावरे यांनी रेल्वे मंत्र्यांना या मागणीचे पत्र दिले आहे. डॉ. हावरे यांनी दिलेल्या पत्रात शिर्डी संस्थान यंदा शताब्दी वर्ष साजरा करीत असून १८ आक्टोबर २०१८ रोजी १०० वर्ष पूर्ण होत असल्याचे नमूद केले आहे. या निमित्त देश विदेशातून लाखो भाकिव येणार आहेत. दक्षिण भारतामधील भाविक औरंगाबादमार्गे येतात. या प्रवाशांना नगरसुल येथे उतरून शिर्डीपर्यंत रस्ते मार्गे प्रवास करावा लागतो. रोटेगाव ते शिर्डी असा स्वतंत्र रेल्वेमार्ग टाकल्यास त्या प्रवाशांची सोय होईल, असे या पत्रात म्हटले आहे.

मोबाइल अॅप डाउनलोड करा आणि राहा अपडेट

---

‘मराठवाड्याशी दुजाभाव’

January 16, 2018, 1:30 pm

≫ Next: ‘मिनी घाटी’ ताटकळली उपकरणांसाठी

≪ Previous: रोटेगाव-शिर्डी रेल्वेमार्ग तयार करण्याची मागणी

$

0

0

म. टा. प्रतिनिधी, उस्मानाबाद

राज्य सरकार ‘लबाड लांडग्या’सारखे जनतेला फसवण्याचे काम करत आहे. या सरकारकडून मराठवाड्याला दुजाभावाची वागणूक मिळत असून, या सरकारला खड्यासारखे बाजूला काढायला हवे, असा हल्लाबोल राष्ट्रवादी काँग्रेसचे विधिमंडळ पक्षनेते अजित पवार यांनी राज्य सरकारवर चढवला.
राष्ट्रवादी काँग्रेसच्या हल्लाबोल आंदोलनाच्या दुसरा टप्प्याला मंगळवारी तुळजापूरातून सुरुवात. त्यासाठी राष्ट्रवादीचे प्रमुख नेते तुळजापुरात दाखल झाले होते. सकाळी जागरण गोंधळ घालून या आंदोलनास प्रारंभ झाला. या वेळी अजित पवार यांच्यासह पक्षाचे प्रदेशाध्यक्ष सुनील तटकरे, विधान परिषदेतील विरोधी पक्षनेते धनंजय मुंडे, खासदार सुप्रिया सुळे, दिलीप वळसे-पाटील, महिला आघाडीच्या प्रदेशाध्यक्षा चित्रा वाघ, माजी खासदार पद्मसिंह पाटील, पक्षाचे मुख्य प्रवक्ते नवाब मलिक, माजी मंत्री राजेश टोपे, व जयदत्त क्षीरसागर, आमदार सतीश चव्हाण, अमरसिंह पंडित, विक्रम काळे, जयदेव गायकवाड, प्रकाश गजभिये, विद्या चव्हाण, मराठवाडयातील सर्व आमदार, सेलचे पदाधिकारी उपस्थित होते. तुळजापुरात राष्ट्रवादीच्या नेत्यांनी तहसीलवर मोर्चा काढून निवेदन दिले. त्यानंतर उस्मानाबाद आणि उमरगा येथेही मोर्चा आणि मोर्चानंतर सभा घेण्यात आल्या.
उस्मानाबादच्या जिल्हाधिकारी कार्यालयासमोर मोर्चानंतर झालेल्या सभेत अजित पवार म्हणाले, ‘पूर्वीच्या एका गाण्यामध्ये लबाड लांडगं ढोंग करत असल्याचा उल्लेख होता. भाजप सरकारला याच गाण्याप्रमाणे जनतेला फसवण्याचे काम करत आहे, अशी म्हणण्याची वेळ आली आहे. या सरकारला आता खड्यासारखं बाजूला करण्याची वेळ आली आहे. मराठवाड्याला सापत्नभावाची, दुजाभावाची वागणूक का देत आहात, याचे उत्तर सरकारने द्यायला हवे. आपल्या शेजारची लहान राज्ये २४ तास वीज मोफत देत असेल, तर आम्हाला ८ तास तरी वीज द्यावी, अशी अपेक्षा आहे. मात्र, आमचे मुख्यमंत्री शेतकऱ्यांची वीज तोडत आहेत.’
अजित पवार यांनी सरकारला अनेक उपमा देत चिमटे काढले. ते म्हणाले, ‘आश्वासनांचे गाजर दाखवणाऱ्या सरकारला येणाऱ्या निवडणुकांमध्ये जनतेने गाजर भेट द्यावी. त्यांच्यासोबत फसव्या आश्वासनांमध्ये सहभागी असलेल्या शिवसेनेला मुळा भेट द्यावा. मग ते खात बसा, नाहीतर एकमेकांना दाखवत बसा.’ अजित पवार यांनी आपल्या भाषणामध्ये अनेक मुद्याना हात घालत सरकारवर जोरदार आसूड ओढले.

बीड जिल्ह्यात आज सभा
बीड : राज्य सरकारविरोधात जनतेमध्ये प्रचंड असंतोष आहे. शेतकरी, कष्टकरी जनतेची मोठी फसवणूक या सरकारने केली आहे. यामुळे राष्ट्रवादी काँग्रेसच्या वतीने राज्यभर हल्लाबोल यात्रा काढण्यात आली आहे. यानिमित्त १७ जानेवारी रोजी सायंकाळी सात वाजता बीडच्या सिद्धीविनायक कॉम्प्लेक्स येथे जाहीर सभा होणार आहे, अशी माहिती राष्ट्रवादी काँग्रेसचे जिल्हा सरचिटणीस दिलीप भोसले यांनी दिली.
दरम्यान, राष्ट्रवादी काँग्रेसच्या हल्लाबोल आंदोलनात गुरुवारी माजलगाव येथे मोर्चा काढण्यात येणार आहे. या आंदोलनाची तयारी पूर्ण झाली आहे. या आंदोलनात अजित पवार यांच्यासह प्रदेशाध्यक्ष सुनील तटकरे, विधान परिषदेतील विरोधी पक्षनेते धनंजय मुंडे, खासदार सुप्रिया सुळे सहभागी होणार असल्याची माहिती माजी मंत्री प्रकाश सोळंके यांनी दिली. या आंदोलनासाठी शहरातून पाच हजार मोटारसायकलींची रॅली निघणार असल्याचे त्यांनी सांगितले.

‘सर्व आमदार निवडून द्या’
राज्य सरकारला उलथवून टाकण्यासाठी मराठवाड्याने राष्ट्रवादी काँग्रेसला साथ द्यायला हवी, असे आवाहन अजित पवार यांनी केले. ‘आपल्याला आपले सरकार आणायचे आहे. याअगोदर उस्मानाबादने राष्ट्रवादी काँग्रेसचे दोन आमदार दिले होते. आता तसे नको, मला सर्वच आमदार राष्ट्रवादीचे द्या,’ असे ते म्हणाले.

‘आई भवानीला साकडे’
विधान परिषदेतील विरोधी पक्षनेते धनंजय मुंडे म्हणाले, ‘देशाचा प्रमुख आणि राज्याचा प्रमुख तुझ्या दारात येऊन खोटे बोलत असेल, तर या दोघांची सत्ता उलथवून टाकण्याची ताकद राष्ट्रवादी काँग्रेसला दे, असे साकडे आम्ही आई भवानीला घातले आहे. या सभेने आई भवानीने हा कौल राष्ट्रवादी काँग्रेसला दिला आहे. ’

मोबाइल अॅप डाउनलोड करा आणि राहा अपडेट

‘मिनी घाटी’ ताटकळली उपकरणांसाठी

January 16, 2018, 1:30 pm

≫ Next: विवाहितेला फसवून लग्न; जामीन फेटाळला

≪ Previous: ‘मराठवाड्याशी दुजाभाव’

$

0

0

म. टा. प्रतिनिधी, औरंगाबाद
चिकलठाणा येथील मिनी घाटी म्हणजेच जिल्हा सामान्य रुग्णालयाला अजूनही महत्वाच्या उपकरणांची प्रतीक्षा कायम असून, मार्चपर्यंत तरी रुग्णालय सुरू होण्याची शक्यता नसल्याचे चित्र आहे.
औरंगाबाद जिल्ह्यातील ग्रामीण भागातील तसेच शहरातील मुकुंदवाडी, सिडको, हडको परिसरातील रुग्णांची सोय व्हावी आणि शासकीय वैद्यकीय महाविद्यालय व रुग्णालयावरील (घाटी) ताण कमी व्हावा, या व्यापक हेतुने उशिरा का होईना २०० खाटांच्या जिल्हा सामान्य रुग्णालयाची इमारत एकदाची उभी राहिली. पदनिर्मिती होऊन काही प्रमाणात पदनियुक्तीदेखील झाली. मात्र मागच्या अनेक महिन्यांपासून उपकरणे तसेच वैद्यकीय साहित्यासाठी रुग्णालय खोळंबले आहे. दरम्यान, मुंबई हायकोर्टाच्या औरंगाबाद खंडपीठाने नोव्हेंबरअखेरपर्यंत रुग्णालय सुरू करण्याचे स्पष्ट आदेश दिले होते, मात्र आरोग्य विभागाने हायकोर्टाच्या आदेशालाही धाब्यावर बसवले आणि आदेशाची मुदत संपून दीड महिना लोटला असला तरी रुग्णालयाला मुहूर्त लागला नसल्याची स्थिती कायम आहे. आता महत्त्वाची सर्व उपकरणे उपलब्ध झाल्याशिवाय रुग्णालय सुरू करण्यात येणार नाही, असे सांगण्यात येत आहे. त्यातच अजूनही व्हेंटिलेटर्स, शस्त्रक्रियागाराची उपकरणे, इतर वैद्यकीय साहित्य, उर्वरित कॉट उपलब्ध झालेले नाहीत. यासंदर्भात आरोग्य संचालक डॉ. सतीश पवार यांनी रुग्णालयाचा नुकताच आढावा घेतल्याचेही समजते. यासंदर्भात डॉ. पवार यांच्याशी संपर्क साधण्याचा प्रयत्न केला असता संपर्क होऊ शकला नाही.

खरेदी प्रक्रियाही अपूर्णच
अजूनही तब्बल तीन-साडेतीन कोटींच्या उपकरणांची खरेदी प्रक्रिया सुरू झालेली नाही, असे समजते. त्यामुळे ही प्रक्रिया पूर्ण होऊन उपकरणे उपलब्ध होईपर्यंत काही महिन्यांचा कालावधी लोटणार, अशीही शक्यता व्यक्त होत आहे. त्याशिवाय पालकमंत्र्यांनी उपकरणांसाठी मंजूर केलेल्या एक कोटीच्या निधीतून होणारी खरेदी प्रक्रियादेखील मार्गी नसल्याचे सूत्रांनी सांगितले.

उद्धव ठाकरेंच्या हस्ते उद्घाटन?
केवळ ओपीडी नव्हे, तर कुठल्याही परिस्थितीत संपूर्ण रुग्णालय सुरू करण्यावर आरोग्य विभाग ठाम असून, सर्व उपकरणे-साहित्य उपलब्ध झाल्यानंतरच रुग्णालय सुरू करण्याचे नियोजन केले जात असल्याचे समजते. तसेच शिवसेना पक्षप्रमुख उद्धव ठाकरे यांच्या हस्ते रुग्णालयाचे जंगी उद्घाटन करण्याचेही नियोजन करण्यात येत असल्याचे सांगण्यात आले. अर्थात, उद्घाटनाला आणखी बराच कालावधी बाकी आहे आणि त्यात पुन्हा मुख्यमंत्री भाजपचे व आरोग्यमंत्री शिवसेनेचे, यामुळे उद्घाटनावरून पुन्हा राजकारण रंगण्याची शक्यता नाकारता येत नाही. सद्यस्थितीत केवळ उपकरणांची ई-टेंडरिंगची प्रक्रिया सुरू आहे. ही प्रक्रिया पूर्ण होऊन प्रत्यक्षात बजेट मंजूर होत नाही तोपर्यंत उपकरणे-साहित्याची खरेदी प्रक्रिया पूर्ण होऊ शकत नाही. बजेट उपलब्ध होऊन प्रत्यक्षात उपकरणे रुग्णालयात उपलब्ध होईपर्यंत मार्च उजाडणार, अशी शक्यता व्यक्त होत आहे.

रुग्णालयासाठीच्या उपकरणांची खरेदी प्रक्रिया सुरू आहे आणि येत्या १० ते १५ दिवसांत रुग्णालयात उपकरणे उपलब्ध होणे सुरू होईल. सर्व उपकरणे उपलब्ध होताच रुग्णालय सुरू करण्यात कोणतीही अडचण राहणार नाही.
- डॉ. जी. एम. गायकवाड, जिल्हा शल्यचिकित्सक

मोबाइल अॅप डाउनलोड करा आणि राहा अपडेट

विवाहितेला फसवून लग्न; जामीन फेटाळला

January 16, 2018, 1:30 pm

≫ Next: ४६३ कोटींचे मुद्रालोन

≪ Previous: ‘मिनी घाटी’ ताटकळली उपकरणांसाठी

$

0

0

म. टा. प्रतिनिधी, औरंगाबाद
विवाहितेला फसवून पळवून नेऊन अहमदाबाद येथे जबरदस्ती लग्न लावून दिल्याप्रकरणी संशयित आरोपीचा नियमित जामीन अर्ज जिल्हा व सत्र न्यायाधीश एच. एस. महाजन यांनी मंगळवारी फेटाळला.
या प्रकरणी शहरातील विवाहितेने (वय २५) फिर्याद दिली होती. त्यानुसार, तिचा पती एक वर्षापासून हर्सूल कारागृहात आहे. ही महिला जिन्सी परिसरातून घराकडे जाताना संशयित आरोपी फरजाना हिने तिला केटरिंगचे काम देण्याचे आमीष दाखविले. संशयित आरोपी पवनकुमार जगदीशप्रसाद चौधरी (वय २६, रा. मुकुंदवाडी) याने लग्नाच्या कामाचे २० दिवसांचे ४० हजार रुपये देण्याचे सांगून महिलेला बसस्थानकावर बोलावले. या महिलेची मुले फरजना बसस्थानकावरून स्वतःसोबत घेऊन गेली. पवनकुमारने तिला बसमधून अहमदाबादला नेले व तेथे पंडित नावाच्या इसमासोबत जबरदस्ती लग्न लावून दिले. मात्र आईची तब्येत खराब असल्याचे सांगून या महिलेने औरंगाबाद गाठले. त्यानंतर पवनकुमारला ४० हजार रुपये मागितले असता, फरजानाला ३४ हजार रुपये दिले, उर्वरित ६ हजार रुपये देतो, असे त्याने सांगितले. फिर्यादीला एका ठिकाणी बोलावून तिची फसवणूक करण्याचा प्रयत्न केला. मात्र महिलेने त्याचा प्रयत्न फिर्यादीने हाणून पाडला. याप्रकरणी मुकुंदवाडी पोलिस ठाण्यात कलम ३६६, ३७०, ३४ नुसार गुन्हा दाखल झाला होता.

तपास होणे बाकी

याप्रकरणी संशयित आरोपी पवनकुमार याला अटक होऊन त्याची रवानगी आधी पोलिस कोठडीमध्ये व नंतर न्यायालयीन कोठडीमध्ये करण्यात आली होती. पवनकुमार याने नियमित जामिनासाठी अर्ज केला. सखोल तपास होणे बाकी असून, जामीन मंजूर केल्यास तो पुरावे नष्ट करेल, साक्षीदारांवर दबाव आणेल. यामुळे नियमित जामीन मंजूर करू नये, अशी विनंती जिल्हा सरकारी वकील अविनाश देशपांडे यांनी केली. ही विनंती मान्य करुन कोर्टाने आरोपीचा नियमित जामीन फेटाळला. जिल्हा सरकारी वकील देशपांडे यांना अॅड. सिद्धार्थ वाघ यांनी सहकार्य केले.

मोबाइल अॅप डाउनलोड करा आणि राहा अपडेट

४६३ कोटींचे मुद्रालोन

January 16, 2018, 1:30 pm

≫ Next: ‘डिजिटल अर्थव्यवस्था फायदेशीर’

≪ Previous: विवाहितेला फसवून लग्न; जामीन फेटाळला

$

0

0

म. टा. प्रतिनिधी, औरंगाबाद
जिल्ह्यातील सुमारे एक लाख जणांनी २०१७-२०१८ मध्ये तब्बल ४६३ कोटींचे मुद्रा लोन घेतले असून, अनेकांनी त्यांचे उद्योग, व्यवसाय थाटले आहेत. या आर्थिक वर्षांसाठी सुमारे ४७७ कोटींचे कर्जही मंजूर करण्यात आले असून, ते पुढील दोन महिन्यात वाटप होणार आहे.

कुठल्याही प्रकारचे तारण किंवा जामीनदाराशिवाय होतकरूंना अर्थसहाय्य देण्यासाठी मुद्रा लोन ही योजना सुरू करण्यात आली होती. या मोहिमेमुळे व्यवसाय, उत्पादन किंवा सेवा देणाऱ्यांना ५० हजारांपासून ते दहा लाख रुपयांपर्यंतचे कर्ज उपलब्ध होते. लघू उद्योजकांना दहा लाखांपर्यंतचं कर्ज सहज उपलब्ध होणार आहे. यासाठी सरकारने एकूण २० हजार कोटींची तरतूद केली आहे. या बँकेच्या मध्यमातून लघू उद्योगांना कर्ज देण्यासाठी देशातील इतर बँकांना प्रोत्साहनही देण्यात येते. शिवाय या कर्ज योजनांच्या नियमनाचे कामही मुद्रा योजनेच्या हाती आहे. मुद्रा योजनेत तीन श्रेणी आहेत. त्यांचे शिशू, किशोर आणि तरुण या गटांमध्ये वर्गीकरण करण्यात आले आहे. शिशू श्रेणीअंतर्गत ५० हजार रुपयांचे कर्ज मिळू शकते, किशोर श्रेणीत ५० हजार रुपयांपासून पाच लाख रुपयांपर्यंत कर्ज दिले जाते. तरुण श्रेणीत पाच लाख रुपयांपासून दहा लाख रुपयांपर्यंत कर्ज मिळते. मुद्रा योडनेद्वारे छोट्या कारखानदारांना आणि दुकानदारांना कर्ज मिळते. त्याचबरोबर भाजीवाले, सलूनचालक यांनाही कर्ज दिले आहे. पंतप्रधान मुद्रा योजनेत प्रत्येक सेक्टरनुसार स्कीम बनवली आहे. प्रत्येक सेक्टरमध्ये वेगवेगळ्या स्कीम आहेत. सुमारे ९९ हजार ६३२ जणांनी हे कर्ज घेतले असून, या योजनेसाठी कर्जाच्या अर्जांची संख्या वाढतच आहे. या योजनेसाठी सर्व बँकांनी टार्गेट ठरवून घेतले असून, वाटपही मार्च २०१८पर्यंत पूर्ण होणार आहे, असे बँकांच्या सूत्रांनी सांगितले.

या बँकानी दिले सर्वाधिक कर्जे
स्टेट बँक, महाराष्ट्र बँक, सेंट्रल बँक, बँक ऑफ इंडिया या राष्ट्रीयकृत बँकांनी सर्वाधिक कर्जे वाटली आहेत, तर खासगी क्षेत्रातील एचडीएफसी, इंड्युस्, अॅक्सिस, आयसीआयसीआय, रत्नाकर, जम्मू अँड काश्मीर बँक यांनी त्या खालोखाल कर्ज वाटप केले आहे. याशिवाय काही स्मॉल फायनान्श‌िअल बँकांनीही कर्जे वाटप केली असून, त्यांच्याकडून वाटप शिशु गटातील कर्जाचे जास्त वाटप करण्यात आले आहे.

मोबाइल अॅप डाउनलोड करा आणि राहा अपडेट

‘डिजिटल अर्थव्यवस्था फायदेशीर’

January 16, 2018, 1:30 pm

≫ Next: अल्पवयीन मुलगी, वकील महिलेचा विनयभंग

≪ Previous: ४६३ कोटींचे मुद्रालोन

$

0

0

‘डिजिटल अर्थव्यवस्था फायदेशीर’

विदेशी तज्ज्ञांचे प्रतिपादन

म. टा. प्रतिनिधी, औरंगाबाद

‘माहिती व तंत्रज्ञानाच्या चौथ्या क्रांतीच्या युगात उद्योग-व्यवसायाचे स्वरुप बदलत आहे. नवीन तंत्रज्ञान प्रगतीमुळे डिजिटल अर्थव्यवस्थेत घराघरात उद्योजक तयार होतील’, असे प्रतिपादन पोर्तुगाल येथील नोव्हा-डि-लिस्बाओ विद्यापीठाचे लॉरेन्को गोविया बुथ यांनी केले. ते आंतरराष्ट्रीय परिषदेत बोलत होते.

डॉ. बाबासाहेब आंबेडकर मराठवाडा विद्यापीठातील व्यवस्थापनशास्त्र विभागाच्या वतीने ‘डिजिटल अर्थव्यवस्था : आव्हाने आणि संधी’ घेण्यात आली. या आंतरराष्ट्रीय परिषदेचे मंगळवारी सीएफसी सभागृहात उद्‍घाटन झाले. यावेळी मंचावर कुलसचिव डॉ. साधना पांडे, थायलंड येथील राजभट्ट विद्यापीठाचे डॉ. अरुण चेनिथ, थायलंडच्या संसदेचे माजी सदस्य सुफॉर्न अथवाँग, वित्त व लेखाधिकारी डॉ. नंदकुमार राठी आणि परिषदेचे संयोजक डॉ. वाल्मिक सरोदे उपस्थित होते. नवीन तंत्रज्ञानावर बुथ यांनी विचार मांडले. ‘मार्क झुकेरबर्गने तंत्रज्ञानाच्या जोरावर खोलीतून व्यवसायाचे साम्राज्य उभारले. ही संधी सर्वांसाठी खुली आहे. या कामगिरीसाठी विद्यापीठ स्तरावर नवउद्योजकांना सुविधा पुरविण्यात आल्या पाहिजे’ असे प्रतिपादन मत बुथ यांनी केले. ग्रामीण भागातील अर्थव्यवस्थेबाबत डॉ. चेनिथ यांनी चिंता व्यक्त केली. ‘भारत व थायलंडसह सर्व देशांनी डिजिटल अर्थव्यवस्थेच्या माध्यमातून ग्रामीण भागांचा विकास करण्यासाठी एकत्र यावे’, असे बुथ म्हणाले.

या परिषदेत दहा देशातील २५० संशोधक सहभागी झाले आहेत. दोन दिवस डिजिटल इकॉनॉमी या विषयावर शंभर शोधनिबंध सादर होणार आहेत. या परिषदेचा बुधवारी समारोप होणार आहे.

मोबाइल अॅप डाउनलोड करा आणि राहा अपडेट

अल्पवयीन मुलगी, वकील महिलेचा विनयभंग

January 16, 2018, 1:30 pm

≫ Next: महाआरोग्य शिबिरातील रुग्‍णांवर फेब्रुवारीअखेर शस्‍त्रक्रिया

≪ Previous: ‘डिजिटल अर्थव्यवस्था फायदेशीर’

$

0

0

म. टा. प्रतिनिधी, औरंगाबाद
शहरातील वकील महिलेसह अल्पवयीन मुलीचा विनयभंग करण्यात आल्याची घटना सिडको एमआयडीसी आणि हर्सूल भागात घडल्या. या प्रकरणी संबधित पोलिस ठाण्यात गुन्हे दाखल करण्यात आले आहेत.
सिडको एमआयडीसी पोलिस ठाण्याच्या हद्दीत २८ वर्षांची वकील महिला राहते. ३० डिसेंबर ते ११ जानेवारी दरम्यान या महिलेच्या मोबाइलवर एकाने अश्लील व्हिडियो, फोटो मजकूर पाठवला. तसेच व्ह़ॉटसअॅप व्हॉइस कॉल करून ठार मारण्याची धमकी दिली. या प्रकरणी या मोबाइलधारकाविरुद्ध सिडको एमआयडीसी पोलिस ठाण्यात माहिती व तंत्रज्ञान कायदा व विनयभंगाचा गुन्हा दाखल करण्यात आला आहे. अल्पवयीन मुलीचा विनयभंग केल्याची घटना गेल्या एक वर्षापासून हर्सूल परिसरात सुरू होती. ही मुलगी शाळेत जाताना संशयित आरोपी राहुल नेमीनाथ वाघचौरे (वय २२) हा नेहमी दुचाकीवरून पाठलाग करत होता. ही मुलगी सोमवारी घरी एकटी असताना घरात घुसून विनयभंग केला. मुलीच्या तक्रारीवरून आरोपीविरुद्ध हर्सूल पोलिस ठाण्यात बाल लैंगिक अत्याचार कायद्यानुसार गुन्हा दाखल करण्यात आला आहे. याप्रकरणी पीएसआय गाडेकर तपास करीत आहेत.

मोबाइल अॅप डाउनलोड करा आणि राहा अपडेट

महाआरोग्य शिबिरातील रुग्‍णांवर फेब्रुवारीअखेर शस्‍त्रक्रिया

January 16, 2018, 1:30 pm

≫ Next: आसेगावात मिळणार एमआयडीसीचे पाणी

≪ Previous: अल्पवयीन मुलगी, वकील महिलेचा विनयभंग

$

0

0

महाआरोग्य शिबिरातील रुग्‍णांवर फेब्रुवारीअखेर शस्‍त्रक्रिया
औरंगाबाद
लासूर येथे झालेल्या महाआरोग्य शिबिरात आलेल्या रुग्‍णांवर उपचारांची प्रक्रिया सुरू असून आवश्यक शस्‍त्रक्रिया फेब्रुवारी अखेरपर्यंत करण्यात येणार आहे.
शिबिरात २०२२ रुग्‍णांवर मोफत शस्‍त्रक्रिया पार पाडणार असून इतर शस्‍त्रक्रियादेखील फेब्रुवारी अखेरपर्यंत पार पाडण्यासाठी आरोग्य यंत्रणेने पुढाकार घ्यावा, असे आवाहन करण्यात आले आहे.
जिल्हाधिकारी कार्यालयाच्या नियोजन सभागृहात सोवमारी झालेल्या आढावा बैठकीमध्ये वैद्यकीय शिक्षणमंत्री गिरीश महाजन यांचे विषेश कार्य अधिकारी संदीप जाधव, घाटीचे उपअधिष्ठाता डॉ. शिवाजी ‌शुक्रे, जिल्हा शल्यचिकित्सक डॉ. जी. एम. गायकवाड, जिल्हा आरोग्य अधिकारी डॉ. मोहन डोईबळे, डॉ. एन. ए. रझवी आदींसह तालुका वैद्यकीय अधिकारी, आरोग्य अधिकारी, आरोग्य सेवकांची उपस्थिती होती. आरोग्य शिबिरातील डोळ्यांच्या रुग्‍णांवर मोती‌बिंदू शस्‍त्रक्रिया तसेच आवश्यक त्या शस्‍त्रक्रियेबाबत पहिल्या टप्प्याला सुरुवात झाली आहे. त्यामुळे रुग्‍णांनी तालुकानिहाय घाटी व जिल्हा सामान्य रुग्‍णालयात उपचार घ्यावा तालुका समन्वयकांनीही रुग्‍णांशी संपर्क साधून शस्‍त्रक्रीयेबात अवगत करण्याचे निर्देश देण्यात आले.

मोबाइल अॅप डाउनलोड करा आणि राहा अपडेट

---

आसेगावात मिळणार एमआयडीसीचे पाणी

January 16, 2018, 1:30 pm

≫ Next: संकल्पाची पुंगी मोडून खाल्ली

≪ Previous: महाआरोग्य शिबिरातील रुग्‍णांवर फेब्रुवारीअखेर शस्‍त्रक्रिया

$

0

0

म. टा. प्रतिनीधी, पडेगाव
आसेगाव (ता. गंगापूर) येथे एमआयडीसीमधून कायमस्वरुपी शुद्ध पाणीपुरवठा योजनेतून जलवाहिनी टाकण्याच्या कामाचे मंगळवारी उदघाटन करण्यात आले. हे काम दहा दिवसांत पूर्ण करण्यात येईल, असे यावेळी सांगण्यात आले.
यानिमित्त हभप निवृत्ती महाराज इंदोरीकर यांच्या कीर्तनाचे आयोजन करण्यात आले होते. यावेळी शिवसेना जिल्हाप्रमुख अंबादास दानवे, सहसंपर्कप्रमुख अण्णासाहेब माने, उपजिल्हाप्रमुख कृष्णा पाटील डोणगावकर, सतोष माने, पंचायत समिती सभापती ज्योती गायकवाड यांची प्रमुख उपस्थिती होती. एमआयडीसीचे मुख्य अभियंता सुभाष तुपे, कार्यकारी अभियंता रवींद्र कुलकर्णी, उपअभियंता रमेश चंद्रगिरी, यांच्यासह दिनेश मुथा, वसंत प्रधान, दादासाहेब कापसे, पोलिस निरीक्षक विवेक सराफ, वाल्मिक सिरसाठ, आबासाहेब सिरसाठ यांची यावेळी उपस्थिती राहणार आहे.

मोबाइल अॅप डाउनलोड करा आणि राहा अपडेट

संकल्पाची पुंगी मोडून खाल्ली

January 16, 2018, 1:44 pm

≫ Next: स्मार्ट सिटी एसपीव्ही; ३१ जानेवारीला बैठक

≪ Previous: आसेगावात मिळणार एमआयडीसीचे पाणी

$

0

0

म. टा. प्रतिनिधी, औरंगाबाद
एक जानेवारी म्हटले की अनेक जण संकल्प करतात, पण तो एक दिवसाच्यावर पाळणेही शक्य होत नाही. मग काय, तर आजची तरुणाई या संकल्पाची पुंगी १७ जानेवारी म्हणजे ‘ब्रेक रेझोल्यूशन्स डे’चे साजरा करून मोडून खाते. त्यामुळे अनेकांनी आजच्या दिन साजरा करून, संकल्पाला रामराम ठोकण्याचा निर्धार केल्याचे ‘मटा’ सांगितले.

खरे तर नवे वर्ष सुरू झाले की, अनेकांना संकल्पाचा मोह होतो. एखादी वाईट गोष्टी सोडून चांगली सवय आत्मसात करण्याचा निर्धार केला जातो, पण आपण ठरवलेली गोष्ट आपल्याकडून पूर्ण होईलच असे नाही. याबद्दल बोलताना देवगिरी महाविद्यालयाचा प्रथमेश पाटील म्हणाला, ‘मी खरे तर यावर्षी मोबाइलचा वापर कमी करेन आणि अभ्यास जोमाने असा संकल्प केला होता. पहिल्या दिवशी गोड वाटले. पण दुसऱ्या दिवशी व्हॉटस् अॅप चॅटिंग, फेसबूक टाळणे कठीण गेले. मग इंटरनेटवर वाचन सुरू केले. स्वतःच्या मनाची समजूत घातली. आणि आता तर पुन्हा चॅटिंग, फेसबूक, व्हॉटस् अॅप सुरू झाले आहे. आता उद्या ब्रेक रेझोल्यूशन्स डे निमित्त दिवसभर संकल्प पाळतो. आणि परवापासून पुन्हा पहिले पाढे पंच्चावन्न. कारण स्वतःला तरी किती खोटे बोलायचे. नाही का ?’ असे अनेकजण फक्त एक जानेवारी आणि १७ जानेवारी असेच दोनच दिवस संकल्पाचे पालन करतात. मग तुम्ही तुमच्या संकल्पाचे केले काय? ते ब्रेक रेझोल्यूशन्स डेच्या निमित्ताने आम्हाला व्हॉटस् अॅपवर कळवा. संपर्कासाठी क्रमांकः ९८२२६३०५५५. ई मेलः mtabd2011@gmail.com

संकल्पाचे असे होतात तीन तेरा
- रोज अंघोळ करेन असा संकल्प. दुसऱ्याच दिवशी डोक्यात मग पाणी कसे वाचेल असा विचार.
- इंटरनेट कमी पुस्तक वाचेन असा संकल्प. अन् इंटरनेटवरच वाचन केले तर बिघडले कुठे?
- बेडरूम स्वच्छ ठेवण्याचा निर्धार. दुसऱ्या दिवसापासून मन स्वच्छ असणे गरजेचे हा विचार.
- हेल्मेट वापरणार असा संकल्प. अन् दुसऱ्या दिवसापासून फक्त पोलिस दिसल्यावरच असा निर्धार.

मोबाइल अॅप डाउनलोड करा आणि राहा अपडेट

स्मार्ट सिटी एसपीव्ही; ३१ जानेवारीला बैठक

January 16, 2018, 1:46 pm

≫ Next: ‘नगररचना’साठी अधिकारी द्या

≪ Previous: संकल्पाची पुंगी मोडून खाल्ली

$

0

0

म. टा. प्रतिनिधी, औरंगाबाद -
स्मार्ट सिटीच्या एसपीव्हीची (स्पेशल पर्पज व्हेकल) १८ जानेवारीला होणारी बैठक ‘एसपीव्ही’ अध्यक्ष सुनील पोरवाल यांनी असमर्थता दाखविल्यामुळे ३१ जानेवारी रोजी होणार आहे.

बैठकीसंदर्भात पालिका आयुक्त डी. एम. मुगळीकर म्हणाले, ‘एसपीव्हीच्या बैठकीत पाच सिटी बसेस खरेदी करण्याचा प्रस्ताव ठेवला जाईल. त्याला मान्यता मिळाल्यावर लगेचच बस खरेदी प्रक्रिया सुरू केली जाईल. नारेगावच्या कचरा डेपोवर साचलेल्या कचऱ्यावर शास्त्रोक्त पद्धतीने प्रक्रिया करणे व वॉर्ड कार्यालय निहाय कचरा प्रक्रिया प्रकल्प उभारणे या बद्दलचा सविस्तर प्रकल्प अहवाल (डीपीआर) देखील बैठकीत ठेवू. कचऱ्यावर प्रक्रिया करणारे यंत्र मुकुंदवाडी येथे बसविण्याचे नियोजन सुरू आहे. सिडको बसस्टँड ते हर्सूल रस्त्यावर एलईडी दिवे लावले आहेत. आता हर्सूल ते रेल्वेस्टेशन आणि टी.व्ही. सेंटर चौक ते जिल्हाधिकारी कार्यालय मार्गांवर जानेवारी अखेरपर्यंत एलईडी दिवे लागतील.’

मोबाइल अॅप डाउनलोड करा आणि राहा अपडेट

‘नगररचना’साठी अधिकारी द्या

January 16, 2018, 1:46 pm

≫ Next: महिला रुग्णालयाला अर्धदशकानंतरही टोलवाटोलवी

≪ Previous: स्मार्ट सिटी एसपीव्ही; ३१ जानेवारीला बैठक

$

0

0

म. टा. प्रतिनिधी, औरंगाबाद
‘नगररचना विभागाच्या सहाय्यक संचालकपदी पूर्णवेळ अधिकारी द्या, अन्यथा आम्ही आमची व्यवस्था करतो,’ असा इशारा महापालिका आयुक्त डी. एम. मुगळीकर यांनी नगररचना खात्याच्या संचालकांना दिला आहे. पूर्णवेळ अधिकारी नसल्यामुळे नगररचना विभागातील अनेक कामे तुंबली आहेत.
महापालिकेच्या नगररचना विभागाच्या सहाय्यक संचालक पदाचा कार्यभार राज्य शासनाच्या नगररचना विभागाच्या सहाय्यक संचालकांकडे आहे. शासनाने या पदावर पवन आलूरकर यांची प्रतिनियुक्तीवर बदली केली, पण गेल्या काही दिवसांपासून आलूरकर रजेवर आहेत. त्यांच्या जागी शासनाने नगररचना विभागाच्या सहाय्यक संचालक कार्यालयातील नगररचनाकार मुदस्सीर यांनी प्रभारी अधिकारी म्हणून नियुक्ती केली आहे. नियुक्ती झाल्यापासून मुदस्सीर पालिकेत आले नाहीत. पालिकेच्या नगररचना विभागाचे अधिकारी - कर्मचारी त्यांना भेटण्यासाठी गेले तर ते त्यांना उपलब्ध होत नाहीत. त्यामुळे अनेक कामे तुंबली आहेत. या संदर्भात महापौर नंदकुमार घोडेले यांनी सोमवारी संचालकांशी संपर्क साधून तक्रार केली होती. ‘तुमच्या अधिकाऱ्याला यायला सांगा, नाहीतर आम्हाला आमची सोय करण्याची परवानगी द्या,’ असे त्यांनी संचालकांना सांगितले. त्यानंतर आज मंगळवारी आयुक्त डी.एम. मुगळीकर यांनी संचालकांशी संपर्क साधला व प्रतिनियुक्तीवरील अधिकाऱ्याला महापालिकेत येवून काम करण्यास सांगा अशी विनंती केली. ‘प्रतिनियुक्तीवरील अधिकारी येणार नसेल तर आम्ही आमची व्यवस्था करतो, तशी परवानगी द्या,’ असे संचालकांना सांगितले. ‘नगररचना विभागातील अनेक कामे प्रलंबित आहेत. फाइलींवर निर्णय अपेक्षित आहे. त्यामुळे मी संचालकांशी संपर्क साधला,’ असे मुगळीकर पत्रकारांशी बोलताना म्हणाले.

मोबाइल अॅप डाउनलोड करा आणि राहा अपडेट

महिला रुग्णालयाला अर्धदशकानंतरही टोलवाटोलवी

January 17, 2018, 1:30 pm

≫ Next: मीटरजप्तीचा बडगा

≪ Previous: ‘नगररचना’साठी अधिकारी द्या

$

0

0

म. टा. प्रतिनिधी, औरंगाबाद
शासकीय जिल्हा महिला व बाल रुग्णालयाला साडेचार ते पाच वर्षांपूर्वीच मान्यता मिळूनही केवळ जागेअभावी रुग्णालयाच्या बाबतीत कोणतीच हालचाल झालेली नाही, तर काही ठिकाणी जागा मिळूनही खुद्द आरोग्य विभागाने वेगवेगळी कारणे देत जागा नाकारली. या संदर्भात आमदार इम्तियाज जलील यांनी ‘डीपीसी’च्या बैठकीत सहाव्यांदा प्रश्न उपस्थित केल्यानंतर जिल्हाधिकाऱ्यांनी १५ दिवसांत जागा मिळवून देण्याचे पालकमंत्र्यांसमोर आश्वासन दिले. त्यामुळे आता तरी जिल्हा व बाल रुग्णालयाला जागा मिळणार का, असा प्रश्न उपस्थित होत आहे.

२०१३ मध्ये औरंगाबाद जिल्ह्याला २०० खाटांचे शासकीय जिल्हा महिला व बालरुग्णालय मंजूर करण्यात आले. मात्र दुर्दैवाने पहिली दोन ते तीन वर्षे या रुग्णालयाच्या जागेसाठी शून्य प्रयत्न झाले. मागच्या दोन वर्षांपासून जागेचा शोध सुरू झाला; परंतु आरोग्य विभागाला अपेक्षेप्रमाणे अद्याप तरी जागा मिळालेली नाही. या दरम्यानच्या काळात सातारा परिसरात सात एकर जागा रुग्णालयाला देऊ करण्यात आली होती. मात्र रुग्णालयासाठी जागा योग्य नसल्याचे कारण देत ती जागा नाकारण्यात आली. त्यानंतर शहरातील एका उद्योजकाने त्याची जागा बीबी - का - मकबरा परिसरातील स्वतःहून देऊ केली होती. मात्र ती जागादेखील योग्य नसल्याचा निर्वाळा देत आरोग्य विभागाने नाकारली होती. त्यानंतरही केंब्रिज शाळेमागील सात एकर जागेचा विचार रुग्णालयासाठी झाला; परंतु दुर्दैवाने ती जागादेखील मिळू शकली नाही व पाच वर्षानंतरही जागेसाठी टोलवाटोलवी काही थांबवलेली नाही. असेच सध्यातरी चित्र आहे. पाच वर्षानंतरही जागेचा प्रश्न निकाली निघत नसेल, तर रुग्णालयाचे बांधकाम पूर्ण होऊन रुग्णालय सुरू होण्यासाठी आणखी किती वर्षे लागणार, का महिला रुग्णालयाची अवस्थादेखील ‘मिनी घाटी’सारखी होणार, असा सवाल यानिमित्ताने उपस्थित होत आहे.

पालकमंत्र्यांच्या आदेशाला केराची टोपली
जिल्हा नियोजन मंडळाच्या (डीपीसी) बैठकांमध्ये महिला रुग्णालयाच्या जागेचा विषय वारंवार निघाला आणि जागेचा शोध घेण्याचे पालकमंत्र्यांनी वारंवार आदेश दिले. पालकमंत्र्यांनीच एक जून २०१७ रोजीच्या ‘डीपीसी’ बैठकीमध्ये ‘जागेसंबंधी दोन दिवसांत तोडगा काढा’ असे स्पष्ट आदेश दिले होते. मात्र या आदेशाला तब्बल सात महिने लोटल्यानंतरही जागेचा प्रश्न निकाली निघू शकत नाही, ही लाजिरवाणी बाब आहे, अशी खंतही आमदार इम्तियाज जलील यांनी व्यक्त केली.

महिला रुग्णालयाच्या जागेचा प्रश्न मी दोनदा विधानसभेत, तर दोन दिवसांपूर्वी झालेल्या ‘डीपीसी’च्या बैठकीत सहाव्यांदा उपस्थित केला. १५ दिवसांत जागा उपलब्ध करण्याचे जिल्हाधिकाऱ्यांनी पुन्हा एकदा यंदाच्या बैठकीत सांगितले. रुग्णालयाला पाच-पाच वर्षे जागा न मिळणे यासारखे दुर्दैव नाही.
- इम्तियाज जलील, आमदार

जिल्हा महिला व बाल रुग्णालयाला अजूनही अपेक्षेप्रमाणे जागा मिळालेली नाही. जागेचा शोध सुरू आहे आणि जागा मिळवण्यासाठी सातत्याने प्रयत्न सुरू आहेत.
– डॉ. जी. एम. गायकवाड, जिल्हा शल्यचिकित्सक

मोबाइल अॅप डाउनलोड करा आणि राहा अपडेट