एमआयटीच्या विद्यार्थ्याची चौथ्या मजल्यावरून उडी

April 10, 2018, 4:30 pm

≫ Next: वेलफेअर पार्टीचे धरणे

≪ Previous: उत्कृष्ट कामगिरीबद्दल सत्कार

$

0

0

कॉलेजकडून त्रास विद्यार्थ्यांचा आरोप, कॉपी करताना पकडल्याचे प्रशासनाचे म्हणणे

म. टा. प्रतिनिधी, औरंगाबाद

एमआयटी नर्सिंग कॉलेजच्या विद्यार्थ्यांने कॉलेजच्या चौथ्या मजल्यावरून उडी मारून आत्महत्येचा प्रयत्न केल्याची धक्कादायक घटना मंगळवारी सकाळी सव्वाअकरा वाजता ही घटना घडली. या विद्यार्थ्याला तातडीने रुग्णालयात दाखल केल्याने त्याचा जीव वाचला. मात्र, त्याची प्रकृती गंभीर आहे. सचिन सुरेश वाघ असे या विद्यार्थ्याचे नाव असून हडको एन-११ मधील नवनाथ नगरमधील तो रहिवासी आहे. कॉलेजमधील त्रासाला कंटाळून त्याने हे पाऊल उचलल्याचे त्याच्या मित्रांचे म्हणणे आहे. तर, परीक्षेत कॉपी प्रकडल्याने त्याने आत्महत्येचा प्रयत्न केल्याचे प्रशासनाचे म्हणणे आहे.

कॉलेजमध्ये मंगळवारी न्युट्रिशन बायोकेमिस्ट्रीचा सकाळी साडेनऊ ते साडेबारा या वेळेत पेपर होता. पहिल्या पाऊण तासातच त्याच्याकडे कॉपीचा कागद आढळल्याने पर्यवेक्षकांनी त्याला प्राचार्यांसमोर उभे केले. दरम्यान कॉपी प्रकरणाची ही प्रक्रिया सुरू हा विद्यार्थी घरी न जाता पाचव्या मजल्याच्या पायऱ्यावर बसून राहिला. त्याने आपला मित्र सौरभ रणदिवे याला ११ वाजून ४ मिनिटांनी फोन केला, परंतु परीक्षेत असल्याने त्याने उचचला नाही. त्यानंतर त्याने आपला दुसरा मित्र शुभम राठोडला फोन लावत आत्महत्या करत असल्याचे सांगितले. शुभम घरी असल्याने त्याने लगेच सौरभला फोन केला. सचिन आणि शुभम असे दोघांचेही फोन येत असल्याने सौरभने शुभमचा फोन उचलला. तेव्हा सचिन आत्महत्या करत असल्याचे शुभमने त्याला सांगितले. त्याने पेपर लगेच सोडून नर्सिंग कॉलेजच्या इमारतीकडे धाव घेतली. तोपर्यंत सचिनने काचेतून बाहेर येत उडी घेण्यासाठी उभा राहिला होता. सौरभला वरच्या मजल्यावर धावला. बाहेर उभे असलेल्या विद्यार्थ्यांनीही आरडाओरड करून त्याला थांबविण्याचा प्रयत्न केला. मात्र, तोपर्यंत सचिनने उडी मारली. सचिन प्रवेशद्वाराच्या समोर तयार करण्यात आलेल्या पेार्चवर पडून गंभीर जखमी झाला. तिथे असलेले त्याचे मित्र, इतर विद्यार्थी त्या दिशेने धावले. त्यांनी गंभीर जखमी सचिनला तातडीने नजिकच्या खासगी रुग्णालयात दाखल केले. सचिनवर उपचार सुरू आहेत. मात्र, तो गंभीर जखमी असून त्याची परिस्थिती चिंताजनक असल्याचे मित्रांनी सांगितले.

या प्रकरणाची चौकशी करण्यात येईल. पोलिसांनाही आम्ही आमचे सीसीटीव्ही फुटेज देऊ. यात कोणी दोषी असेल तर कारवाई करण्यात येईल.

प्रा. मुनीष शर्मा

एमआयटी.

मित्राचा जीव वाचविण्यासाठी शर्थीचे प्रयत्न - पान ४ वर

मोबाइल अॅप डाउनलोड करा आणि राहा अपडेट

---

वेलफेअर पार्टीचे धरणे

April 10, 2018, 4:30 pm

≫ Next: आंबेडकर जयंती उत्सव समिती अध्यक्षपदी पाखरे

≪ Previous: एमआयटीच्या विद्यार्थ्याची चौथ्या मजल्यावरून उडी

$

0

0

औरंगाबाद : वेलफेअर पार्टी ऑफ इंडियातर्फे मंगळवारी जिल्हाधिकारी कार्यालयासमोर धरणे आंदोलन करण्यात आले. 'भारत देश सर्व भारतीयांचा,' असे या आंदोलनाचे नाव होते.

आंदोलनात वेलफेअर पार्टी ऑफ इंडियाचे नेते मुज्तबा फारूख, राज्य कार्यकारिणी सदस्य कादरी अब्दुल हई यांच्यासह वाजेद कादरी आदींची प्रमुख उपस्थिती होती. मुस्लिम, दलित, स्त्रिया, मजूर आणि शेतकऱ्यांच्या हक्काची सुरक्षितता आणि त्यांच्यासाठी अर्थसंकल्पात तरतूद करावी, लोकसंख्येनुसार मुस्लिम, दलित आणि आदिवासींना संसदेत प्रतिनिधीत्व द्यावे, शेतकऱ्यांना पूर्ण कर्जमाफी दयावी, महिलांसाठी ३३ टक्के आरक्षणाचे विधेयक सादर करावे, निवडणुकांमध्ये ईव्हीएम मशीनऐवजी मतपत्रिकेचा वापर करावा, 'केजी टु पीजी' शिक्षण मोफत द्यावे, बेरोजगारांना भत्ता व वृद्धांना पेन्शन लागू करावी, या मागण्या करण्यात आल्या.

मोबाइल अॅप डाउनलोड करा आणि राहा अपडेट

आंबेडकर जयंती उत्सव समिती अध्यक्षपदी पाखरे

April 10, 2018, 4:30 pm

≫ Next: शिक्षक बदली प्रक्रियेत सावळागोंधळ

≪ Previous: वेलफेअर पार्टीचे धरणे

$

0

0

आंबेडकर जयंती उत्सव समिती

अध्यक्षपदी कृष्णा पाखरे

म. टा. प्रतिनिधी, औरंगाबाद

राष्ट्र क्रांती संघाच्या डॉ. बाबासाहेब आंबेडकर जयंती उत्सव समितीच्या अध्यक्षपदी कृष्णाभाऊ पाखरे यांची निवड करण्यात आली.

राष्ट्र क्रांती संघाची बैठक नुकतीच झाली. संघप्रमुख पप्पू गीते, सागर साबळे, प्रशांत काटे, रवी केदारे आदींची यावेळी उपस्थिती होती. यावेळी निवडण्यात आलेली कार्यकारिणी पुढीलप्रमाणे

अध्यक्ष कृष्णा पाखरे, उपाध्यक्ष उज्ज्वल भालेराव, सचिव राजू आवारे, सहसचिव महेंद्र शंभरकर, अनिल दांडगे, कोषाध्यक्ष राजू मोरे, कार्याध्यक्ष आनंद शिंदे, भाऊसाहेब जोहरे, स्वागताध्यक्ष सिद्धार्थ मोरे, सचिन बनकर

मोबाइल अॅप डाउनलोड करा आणि राहा अपडेट

शिक्षक बदली प्रक्रियेत सावळागोंधळ

April 10, 2018, 4:30 pm

≫ Next: फुले जयंतीनिमित्त आज मिरवणूक

≪ Previous: आंबेडकर जयंती उत्सव समिती अध्यक्षपदी पाखरे

$

0

0

म. टा. प्रतिनिधी, औरंगाबाद

ग्रामविकास विभागाने जाहीर केल्याप्रमाणे जिल्हा परिषद शिक्षकांच्या जिल्हांतर्गत बदल्यांची प्रक्रिया गेल्या आठवड्यात सुरू झाली. जिल्ह्यातील सहशिक्षक, पदवीधर प्राथमिक शिक्षक व मुख्याध्यापक ज्यांनी दहा वर्षे सलग सेवा सर्वसाधाण क्षेत्रात बजावली आहे असे ४९९५ जण बदलीसाठी प्राप्त असू शकतात, असे शिक्षक संघटनांनी सोशल मिडियावर व्हायरल केले आहे. दरम्यान प्रशासनाने सेवाज्येष्ठता यादी जाहीर केल्यानंतर शिक्षकांमध्येही संभ्रमाचे वातावरण आहे.

गेल्यावर्षीपासून जिल्हा परिषद शिक्षकांच्या बदल्यांबाबत संभ्रमावस्था आहे. सरकारने सर्वसाधारण क्षेत्र, अवघड क्षेत्र, संवर्ग एक, संवर्ग दोन असे विविध वर्गीकरण केले. बदलीसाठी ऑनलाइन अर्ज करावे लागणार आहेत. दरम्यान सर्व क्षेत्रांसाठी स्वतंत्र निकष लावण्यात आले आहेत. सर्वसाधारण क्षेत्रात सलग दहा वर्षे सेवा बजावणाऱ्या शिक्षकांना बदलीसाठी पात्र धरण्यात येणार आहेत. बदली इच्छुक शिक्षकांना ऑनलाइन अर्ज सादर करावयाचे आहेत. दरम्यान शिक्षकांचे अर्ज, माहितीमध्ये अनेक त्रुटी आढळून आल्या आहेत. त्याची दुरुस्ती दोन दिवसांत करावयाची आहे. संवर्ग एक व संवर्ग दोनसाठी अर्ज करण्याची अंतिम मुदत बुधवार ११ एप्रिल आहे. या याद्यात मुंबईतूनच उशिराने तयार झाल्यामुळे शिक्षकांसमोर पेच निर्माण झाला आहे. नेमकी व योग्य माहिती उपलब्ध होत नसल्याने शिक्षक बदली प्रक्रियेत सध्यातरी सावळागोंधळ आहे.

मोबाइल अॅप डाउनलोड करा आणि राहा अपडेट

फुले जयंतीनिमित्त आज मिरवणूक

April 10, 2018, 4:30 pm

≫ Next: शहराला अवकाळीचा तडाखा

≪ Previous: शिक्षक बदली प्रक्रियेत सावळागोंधळ

$

0

0

औरंगाबाद- महात्मा ज्योतिबा फुले यांच्या जयंतीनिमित्त बुधवारी शहरातून मिरवणुकीचे आयोजन करण्यात आले आहे. महात्मा फुले युवा दलतर्फे संध्याकाळी साडेपाच ही मिरवणूक क्रांतीचौक येथून निघून पैठण गेट, गुलमंडी, औरंगपुरा मार्गे फुले यांच्या पुतळ्याजवळ जाईल. मिरवणुकीत सहभागी होण्याचे आवाहन महात्मा फुले युवा दलच्या वतीने जिल्हाध्यक्ष देव राजळे, ज्ञानेश्वर वाघमारे, मोहित जाधव, सचिन बोर्डे, संदीप हिंगे, रोहित जावळे यांनी केले आहे.

मोबाइल अॅप डाउनलोड करा आणि राहा अपडेट

शहराला अवकाळीचा तडाखा

April 10, 2018, 4:30 pm

≫ Next: शेख सलीम मोहम्मद बशिरोद्दीन

≪ Previous: फुले जयंतीनिमित्त आज मिरवणूक

$

0

0

म. टा. प्रतिनिधी, औरंगाबाद

औरंगाबाद शहर आणि परिसराला मंगळवारी (१० एप्रिल) दुपारी चार वाजेच्या सुमारास मेघगर्जना, वादळी वाऱ्यासह अवकाळी पावसाने झोडपले. अचानक झालेल्या या पावसामुळे गारखेडा भागातील दुकानांमध्ये पाणी शिरले तर दोन ठिकाणी झाडे उन्मळून पडली.

दुपारपर्यंत कडक उन्हाचा पहारा असलेल्या शहराचे वातावरण तीन वाजेनंतर अचानक बदलण्यास सुरुवात झाली. संपूर्ण शहरात ढगांनी गर्दी केल्यानंतर साडेतीन ते चार वाजेच्या सुमारास वादळी वारा तसेच ढगांच्या गडगडाटासह जोरदार पावसाला सुरुवात झाली. शहराच्या बहुतांश भागात झालेला पाऊस गारखेडा परिसर, उस्मानपुरा, ज्योतीनगर, झांबड इस्टेट, विद्यापीठ परिसरामध्ये मोठा पाऊस झाला, तर हडको, सिडको, हर्सूल, गणेश कॉलनी, औरंगपुरा या भागांमध्ये तुलनेत पाऊस कमी झाला. शहरातील झांबड इस्टेट परिसरामध्ये तसेच घाटी रुग्‍णालयाच्या आवारामध्ये सोसाट्याच्या वाऱ्यामुळे झाड उन्मळून पडल्याची घटना घडली. तसेच गारखेडा परिसरातील तळमजल्यावर असलेल्या दुकानांमध्ये पावसाचे पाणी शिरल्यामुळे अग्निशमन विभागाला पाचारण करावे लागले. संपूर्ण शहर, परिसरात झालेल्या या पावसामुळे मंगळवारी सायंकाळी वातावरणात गारवा वाढला होता.

वीजही गायब

पाऊस तसेच वादळी वाऱ्यामुळे शहरातील उस्मानपुरा, पन्नालालनगर, सिडको एन ३, एन ४, एन ६, गारखेडा परिसर तसेच चिकलठाणा आणि हर्सूल परिसरामध्ये दुपारी वीज गायब झाली होती. अनेक भागांमध्ये सांयकाळपर्यंत महावितरण विभागाकडून दुरुस्ती करण्याचे काम सुरू होते.

मोबाइल अॅप डाउनलोड करा आणि राहा अपडेट

शेख सलीम मोहम्मद बशिरोद्दीन

April 10, 2018, 4:30 pm

≫ Next: खासगीकरण विरोधी स्वाक्षरी मोहीम फोटो

≪ Previous: शहराला अवकाळीचा तडाखा

$

0

0

औरंगाबाद: नूर कॉलनी, टाउन हॉल येथील रहिवासी शेख सलीम मोहम्मद बशिरोद्दीन (वय ५५) यांचे मंगळवारी सकाळी नऊ वाजता दीर्घ आजाराने घाटी हॉस्पिटलमध्ये उपचारादरम्यान निधन झाले. त्यांची नमाज-ए-जनाजा जामा मशीद येथे अदा करण्यात करून जामा मशीद कब्रस्तान येथे दफनविधी करण्यात आला. के. के. ग्रुपचे सदस्य समीर बिल्डर यांचे ते वडील होत.

…………

मोबाइल अॅप डाउनलोड करा आणि राहा अपडेट

खासगीकरण विरोधी स्वाक्षरी मोहीम फोटो

April 11, 2018, 4:30 pm

≫ Next: मदरसा संस्थापकाकडून चिमुकलीवर लैंगिक अत्याचार

≪ Previous: शेख सलीम मोहम्मद बशिरोद्दीन

$

0

0

सरकारी रुग्णालयांच्या खासगीकरणाविरुद्ध बुधवारी घाटी परिसरात स्वाक्षरी मोहीम राबविण्यात आली. या वेळी वैद्यकीय अधीक्षक डॉ. भारत सोनवणे, वैद्यकीय उपअधीक्षक डॉ. सय्यद अश्फाक आदी सहभागी झाले होते.

मोबाइल अॅप डाउनलोड करा आणि राहा अपडेट

---

मदरसा संस्थापकाकडून चिमुकलीवर लैंगिक अत्याचार

April 11, 2018, 4:30 pm

≫ Next: धनगर समाजाची आज निदर्शने

≪ Previous: खासगीकरण विरोधी स्वाक्षरी मोहीम फोटो

$

0

0

म. टा. प्रतिनिधी, औरंगाबाद

अत्याचाराचा व्हिडिओ व्हायरल झाल्यानंतर त्याचा तपास करून पाच वर्षांच्या चिमुकलीवर लैंगिक अत्याचार करणाऱ्या कन्नड तालुक्यातील करंजखेडा येथील एका मदरशाच्या ६६ वर्षीय संस्थापक शेख गुलाम शेख मोहम्मद युसूफ याला पोलिसांनी बुधवारी अटक केली. त्याला सोमवारपर्यंत (१६ एप्रिल) पोलिस कोठडीत ठेवण्याचे आदेश जिल्हा व अतिरिक्त सत्र न्यायाधीश एस. एस. नायर यांनी दिले आहेत.

समाजसेवा संस्थेचे अध्यक्ष मिर्झा जावेद बेग यांच्या ८२३७२२२६०० या क्रमांकाच्या मोबाइलवर अल्पवयीन मुलीवर झालेल्या लैंगिक अत्याचाराची व्हिडिओ क्लिप आली होती. त्यांनी ही माहिती महिला व बाल कल्याण समितीच्या अध्यक्षांना दिली. अध्यक्षांनी याची गंभीर दखल घेत पोलिस अधीक्षक डॉ. आरती सिंग यांची भेट घेऊन ही माहिती दिली. त्यानंतर सायबर सेलने शोध घेतला असता ती क्लिप कन्नड तालुक्यातील करंजखेडा येथून व्हायरल झाल्याचे निष्पन झाले. दरम्यान, महिला व बाल कल्याण समितीच्या अध्यक्षा टी. आर. डेहरे, मिर्झा जावेद बेग यांनी करंजखेडा येथे धाव घेऊन त्या व्हिडिओतील आरोपीचा शोध सुरू केला. ती व्यक्ती मदरशाचा संस्थापक शेख गुलाम शेख मोहम्मद युसूफ असल्याचे स्पष्ट झाले. त्याच्याविरोधात कोणीही काहीही बोलत नसल्याचे समोर आले. त्याला पिशोर पोलिसांनी ताब्यात घेतले. याप्रकरणी महिला व बाल कल्याण समिती अध्यक्षांच्या तक्रारीवरुन पिशोर पोलिस ठाण्यात शेख गुलाम विरोधात गुन्हा दाखल करण्यात आला. तो झकेरिया उर्दू स्कूलचा चेअरमन असल्याचे तपासात समोर आले.

\Bआणखी बालिकांवर अत्याचार?\B

आरोपीने आणखी कोणत्या अल्पवयीन मुलींवर अत्याचार केला का, याचा तपास करावयाचा आहे. तसेच त्याची वैद्यकीय तपासणी करावयाची आहे. त्यामुळे आरोपीला पाच दिवसांची पोलिस कोठडी देण्यात यावी, अशी विनंती सहाय्यक लोकअभियोक्ता राजू पहाडिया यांनी कोर्टात केली. ही विनंती मान्य करुन कोर्टाने आरोपीला सोमवारपर्यंत पोलिस कोठडी सुनावली.

मोबाइल अॅप डाउनलोड करा आणि राहा अपडेट

धनगर समाजाची आज निदर्शने

April 11, 2018, 4:30 pm

≫ Next: ‘ध्यास’चा 'वार्षिक नृत्योत्सव' १५ एप्रिलला

≪ Previous: मदरसा संस्थापकाकडून चिमुकलीवर लैंगिक अत्याचार

$

0

0

म. टा. प्रतिनिधी, औरंगाबाद

जय मल्हार सेना व महाराष्ट्र धनगर समाज आरक्षण संघर्ष समितीच्या वतीने गुरुवारी (१२ एप्रिल) सकाळी ११ वाजता जिल्हाधिकारी कार्यालयासमोर विविध मागण्यांसाठी निदर्शने करण्यात येणार आहे. आंदोलनात सहभागी व्हावे, असे आवाहन करण्यात आले आहे.

….....

मोबाइल अॅप डाउनलोड करा आणि राहा अपडेट

‘ध्यास’चा 'वार्षिक नृत्योत्सव' १५ एप्रिलला

April 11, 2018, 4:30 pm

≫ Next: धर्मपीठाच्या स्वागत कमानींचे धोरण काय?

≪ Previous: धनगर समाजाची आज निदर्शने

$

0

0

औरंगाबाद : येथील ध्यास परफॉर्मिंग आर्टस् या संस्थेचा वार्षिक नृत्योत्सव १५ एप्रिल रोजी दुपारी ३ वाजता तापडिया नाट्यमंदिर, निराला बाजार येथे होत आहे. या कार्यक्रमाच्या पहिल्या सत्रात ध्यास मधील नृत्य विभागाच्या विद्यार्थिनी शास्त्रीय नृत्य भरतनाट्यम वर आधारित नृत्यप्रकार सादर करणार आहेत. तसेच दुसऱ्या सत्रात पुणे येथील प्रसिद्ध नृत्यांगना अरुंधती पटवर्धन व मानसी जोग यांचा 'तुका म्हणे' हा नृत्य-नाट्याविष्कार सादर होणार आहे. हा कार्यक्रम सर्व रसिकांसाठी खुला आहे.

मोबाइल अॅप डाउनलोड करा आणि राहा अपडेट

धर्मपीठाच्या स्वागत कमानींचे धोरण काय?

April 11, 2018, 4:30 pm

≫ Next: मानवाधिकार संघटनेच्या कार्यकर्त्यांचा देहदान संकल्प

≪ Previous: ‘ध्यास’चा 'वार्षिक नृत्योत्सव' १५ एप्रिलला

$

0

0

म. टा. विशेष प्रतिनिधी, औरंगाबाद

मंदिर, मशीद, दर्गा आणि धर्मपीठे यांच्याकडून सार्वजनिक रस्ते तसेच राज्य आणि राष्ट्रीय महामार्गाच्या दुतर्फा उभारण्यात येणाऱ्या स्वागत कमानींना नियंत्रित करणारी कोणती नियमावली, यंत्रणा अथवा धोरण अस्तित्वात आहे काय? अशी विचारणा मुंबई उच्च न्यायालयाच्या औरंगाबाद खंडपीठाने राज्य शासनाला केली आहे. बीड जिल्ह्यातील नामलगाव येथील गणपती मंदिर विश्वस्त मंडळाद्वारे गायरान जमिनीवर केलेल्या अतिक्रमणासंबंधीच्या जनहित याचिकेच्या सुनावणीदरम्यान खंडपीठाने हा सवाल केला.

नामलगाव येथील गणपती मंदिर विश्वस्त मंडळाने कुणाचीही परवानगी न घेता गायरान जमिनीवर सभागृह, स्वयंपाकघर आणि स्वच्छतागृह बांधले. तसेच औरंगाबाद-बीड महामार्ग क्रमांक २११ वर नामलगावकडे जाणाऱ्या वळणावर सिमेंटची मोठी कमान उभारली. या बेकायदा बांधकामाबाबत नामलगाव येथील गावकऱ्यांनी तहसीलदार आणि जिल्हाधिकाऱ्यांकडे तक्रार केली. तहसीलदारांनी प्रत्यक्ष पाहणी करून मंदिराच्या विश्वस्त मंडळाकडून अतिक्रमण झाले असल्याबाबत अभिप्राय नोंदविला व तसा पंचनामाही केला; परंतु अतिक्रमण काढण्याबाबत पुढे कुठलीही कार्यवाही न झाल्यामुळे शहाजी गायकवाड व नंदकुमार शेळके यांनी औरंगाबाद खंडपीठात जनहित याचिका दाखल केली.

त्यावर सुनावणी झाली असता खंडपीठाने याचिकाकर्त्यांना याचिकेची व्याप्ती वाढविण्याची मुभा दिली. राज्यभरातील धार्मिक स्थळांनी स्वागत कमानींच्या नावाखाली सार्वजनिक रस्त्यांचे जे विद्रुपीकरण चालविले आहे त्याला आळा बसावा यासाठी तातडीच्या उपाययोजना आवश्यक आहेत, असे याचिकाकर्त्यांनी खंडपीठाच्या निदर्शनास आणून दिले. यावर दोन वेळा जबाब दाखल करण्याची संधी देऊनही शासनाने खंडपीठापुढे शपथपत्र दाखल केले नाही. ग्रामविकास व नगरविकास खात्याच्या सचिवांविरुद्ध योग्य कार्यवाही का करण्यात येऊ नये? अशी कारणे दाखवा नोटीस उच्च न्यायालयाने बजावली आहे. या जनहित याचिकेवर १७ एप्रिल रोजी सुनावणी होणार आहे.

भक्तांच्या अथवा नागरिकांच्या स्वागतासाठी सार्वजनिक रस्त्यांच्या दुतर्फा ज्या अनधिकृत कमानी उभारल्या जातात त्यांची कायदेशीर वैधता काय? असा प्रश्न न्यायालयाने संबंधित शासकीय खात्याकडे केला. त्यावर अपेक्षित उत्तर प्राप्त न झाल्यामुळे न्यायालयाने व्यक्तीश: नगरविकास व ग्रामविकास आणि राष्ट्रीय महामार्ग प्राधिकरण यांना स्वतंत्र नोटीस बजावल्या आहेत. याचिकाकर्त्यांच्या वतीने विनया मुळे -धारुरकर या बाजू मांडत आहेत.

मोबाइल अॅप डाउनलोड करा आणि राहा अपडेट

मानवाधिकार संघटनेच्या कार्यकर्त्यांचा देहदान संकल्प

April 11, 2018, 4:30 pm

≫ Next: वैजापूर पालिकेची आज मतमोजणी

≪ Previous: धर्मपीठाच्या स्वागत कमानींचे धोरण काय?

$

0

0

म. टा. प्रतिनिधी, औरंगाबाद

मानवाधिकार संघटनेचे कार्यकर्ते व पदाधिकाऱ्यांनी एमजीएम वैद्यकीय महाविद्यालय व रुग्णालयात मरणोत्तर देहदान करण्यासाठी अर्ज भरले. समाजात अवयवदान व मरणोत्तर देहदानाची भावना निर्माण होऊन नागरिक या पवित्र कार्यासाठी पुढे यावेत, या हेतूने देहदानाची जाणीव जागृती चळवळ चालवत आहोत, असे संघटनेने म्हटले आहे. यानिमित्त अड. गोपाळ सोनखेडे (विधी सल्लागार), राजेंद्र जाधव, अवधूत जगताप, विश्वास मिसाळ, धीरज भालेराव, दिलीप देवरे, शोभा सोनखेडे, नेहा सोनखेडे, नील सोनखेडे, कडूभाई मिसाळ, मंगलबाई चौधरी, प्रमोद दाभाडे, सारदारसिंग बैनाडे, जयश्री बैनाडे या १४ जणांनी देहदानाचे फॉर्म भरले.

मोबाइल अॅप डाउनलोड करा आणि राहा अपडेट

वैजापूर पालिकेची आज मतमोजणी

April 11, 2018, 4:30 pm

≫ Next: उत्तरप्रदेशात भाजपकडून डॉ. आंबेडकरांचा अपमान

≪ Previous: मानवाधिकार संघटनेच्या कार्यकर्त्यांचा देहदान संकल्प

$

0

0

वैजापूर: ६ एप्रिल रोजी झालेल्या नगरपालिका निवडणुकीची मतमोजणी गुरुवारी सकाळी दहा वाजता पंचायत समितीच्या सभागृहात होत आहे. नगराध्यक्षपदासाठी पाच व नगरसेवकपदाच्या २३ जागांसाठी ५४ उमेदवार रिंगणात होते. नगराध्यक्षपदासाठी काँग्रेसमधून भाजपमध्ये केलेल्या शिल्पा परदेशी व शिवसेनेतर्फे साबेरखान यांच्या सूनबाई सय्यद तशफा यांच्यापैकी बाजी कोण मारणार याकडे सर्वांचे लक्ष लागले आहे. पंचायत समितीच्या सभागृहात सहा टेबलवर मतमोजणीची प्रक्रिया करण्यात येणार आहे. दुपारी दोन वाजेपर्यंत सर्व निकाल हाती येण्याची शक्यता आहे. पालिका शिवसेनेच्या ताब्यात जाते कि भाजपाच्या याबाबत नागरिकांमध्ये आराखडे बांधले जात आहेत.

मोबाइल अॅप डाउनलोड करा आणि राहा अपडेट

उत्तरप्रदेशात भाजपकडून डॉ. आंबेडकरांचा अपमान

April 11, 2018, 4:30 pm

≫ Next: समांतर प्रतिक्रिया जोड

≪ Previous: वैजापूर पालिकेची आज मतमोजणी

$

0

0

म. टा. प्रतिनिधी, औरंगाबाद

उत्तर प्रदेशात भारतीय जनता पक्षाकडून भारतरत्न डॉ. बाबासाहेब आंबेडकर यांच्या नावाचा वापर करून राजकारण करणे तसेच भगव्या रंगात पुतळा उभारण्यासारख्या प्रकरणांमुळे डॉ. आंबेडकर यांचा अवमान केला आहे, असा आरोप रिपब्लिकन सेनेचे अध्यक्ष आनंदराज आंबेडकर यांनी बुधवारी पत्रकार परिषदेत केला.

रिपब्लिकन सेना ९९ टक्के समाजकारण आणि केवळ १ टक्का राजकारण करते. त्यामुळेच समाजातील तरूण आमच्या पक्षात मोठ्यासंख्येने दाखल होत आहेत, असा दावा आंबेडकर यांनी केला. ते पुढे म्हणाले की, देशातील काँग्रेस आणि भाजप एकाच नाण्याच्या दोन बाजू आहेत. दोन्ही पक्षांनी मागासवर्गीयांवर अन्यायच केला आहे. उत्तर प्रदेशमध्ये डॉ. बाबासाहेब आंबेडकर यांच्या पूर्ण नावाचा वापर करून दलित आमच्या सोबत आहेत, असा संदेश त्यांना द्यायचा आहे. पण, असे करून त्यांनी डॉ. आंबेडकरांच्या नावाचा एकेरी उल्लेख करत अवमान केला आहे.

कोरेगाव भीमा प्रकरणाबाबत ते म्हणाले की, याप्रकरणात केवळ एकबोटेंनाच अटक का? संभाजी भिडेंना अटक का नाही, असा प्रश्न केला. याप्रश्नी प्रकाश आंबेडकरांनी आक्रमक भूमिका घेतली असून या आंदोलनातपुरते आम्ही त्यांच्या सोबत आहोत. रामदास आठवले हे कधीही समाजाचे नव्हते. ते राजकीय पक्षाच्या आरक्षण कोट्यातून आमदार-खासदार झाले आहेत. डॉ. बाबासाहेब आंबेडकर यांनी राखीव जागा काढून टाका, असे सांगितले असल्याचेही त्यांनी आनंदाराज आंबेडकर यांनी सांगितले.

याप्रसंगी रिपब्लिकन सेनेचे राष्ट्रीय सरचिटणीस संजय बावधनकर, मिलिंद बनसोडे आदींची उपस्थिती होती.

मोबाइल अॅप डाउनलोड करा आणि राहा अपडेट

---

समांतर प्रतिक्रिया जोड

April 11, 2018, 4:30 pm

≫ Next: समांतर रेडकार्पेट - प्रतिक्रिया

≪ Previous: उत्तरप्रदेशात भाजपकडून डॉ. आंबेडकरांचा अपमान

$

0

0

समांतर जलवाहिनीबद्दल जो काही निर्णय घ्यायचा आहे तो शिवसेनेचे पक्षप्रमुख उद्धव ठाकरेच घेतील. त्यांचाच तो अधिकार आहे. अन्य कुणाचाही तो अधिकार नाही. जनतेला वेठीस धरणाऱ्या समांतर जलवाहिनीबद्दलच्या अटी मान्य करता येणार नाहीत. त्याच प्रमाणे महापालिकेचे नुकसान होईल अशी तडजोड देखील मान्य करता येणार नाही.

-अंबादास दानवे, जिल्हाप्रमुख, शिवसेना

मोबाइल अॅप डाउनलोड करा आणि राहा अपडेट

समांतर रेडकार्पेट - प्रतिक्रिया

April 11, 2018, 4:30 pm

≫ Next: एमआयएम समांतर प्रतिक्रिया ….- अब्दुल समीर साजीद बिल्डर

≪ Previous: समांतर प्रतिक्रिया जोड

$

0

0

शहरात पाणीच येत नाही. पालिकेने आधी फारोळ्यापर्यंत पाणी आणले पाहिजे. शहरात पाणीप्रश्न गंभीर आहे. पाणी न देता पट्टी मात्र वाढविली जाते. असे कसे चालेल. शहरात काही ठिकाणी जलवाहिनी टाकली आहे. मुळात पाणीच आले नाही, तर ही कामे काय फायद्याची. आधी फारोळापर्यंत पाणी आणा. त्यानंतर आमची भूमिका जाहीर केली जाईल.

-किशनचंद तनवाणी, शहराध्यक्ष भाजप

शहराला पुरेसे पाणी मिळाले पाहिजे, याविषयी दुमत नाही. पण, लोकांना वेठीस धरून जर त्रास देण्याचा प्रयत्न होत असेल तर ते आम्ही खपवून घेणार नाही. आपले स्वार्थ पूर्ण होत नाही, तोवर कामे मार्गी लावली जात नाहीत, असे समीकरण महापालिकेत आहे. काँग्रेसने समांतरसाठी पैसा दिला आहे. त्या पैशाच्या व्याजावर पालिका कारभार करत आहे. हे थांबले पाहिजे. योजना झाली पाहिजे, पण त्यासाठी कठोर उपाययोजना आवश्यक आहे.

नामदेव पवार, शहराध्यक्ष काँग्रेस

समांतर योजना राबविणाऱ्या कंपनीला आमचा विरोध राहील. काँग्रेसने या योजनेला निधी उपलब्ध करून दिला. गेल्या काही वर्षांत काहीच काम झाले नाही. शहरवासीयांना त्रास आहे. समांतरच्या निधीचे व्याज घेऊन पालिका जगविण्याचे काम सुरू आहे. समांतर योजना झाली पाहिजे. पण त्यासाठी दुसरी यंत्रणा वापरावी.

सरोज मसलगे, महिला काँग्रेस शहराध्यक्ष

मोबाइल अॅप डाउनलोड करा आणि राहा अपडेट

एमआयएम समांतर प्रतिक्रिया ….- अब्दुल समीर साजीद बिल्डर

April 11, 2018, 4:30 pm

≫ Next: समांतर रेडकार्पेट..

≪ Previous: समांतर रेडकार्पेट - प्रतिक्रिया

$

0

0

वाटर युटिलिटी कंपनीने शहरात पाणी न आणता चार हजार रुपयांची पाणीपट्टी वसुली सुरू केली होती. ही जास्तीची पाणीपट्टी शहरातील जनतेने का भरावी. इतर शहरात पाण्याचे दर १८०० रुपयांच्या आत आहेत. शिवाय त्यांना दररोज पाणी दिले जाते. औरंगाबाद शहरातील प्रत्येक नागरिकाला दररोज पाणी व १८०० रूपये प्रतीवर्ष पाणीपट्टी महापालिकेने घेतली पाहिजे. ही आमची भूमिका आहे.

-समीर साजीद बिल्डर, शहराध्यक्ष एमआयएम

मोबाइल अॅप डाउनलोड करा आणि राहा अपडेट

समांतर रेडकार्पेट..

April 11, 2018, 4:30 pm

≫ Next: शिक्षक समानिकरणातील अनियमितता दूर करा

≪ Previous: एमआयएम समांतर प्रतिक्रिया ….- अब्दुल समीर साजीद बिल्डर

$

0

0

औरंगाबाद सिटी वॉटर युटिलिटी कंपनीचे हितसंबंध जोपासण्यातच पालिका धन्यता मानत आहे. पाणीपुरवठा करणे पालिकेचे बेसिक काम आहे. २००३ मध्ये ३८४ कोटी मिळाले, तेव्हाच काम करणे अपेक्षित होते. जनतेच्या दबावामुळे करार रद्द केला होता. कंपनीचे संचालक भाजपचे खासदार आहेत. त्यामाध्यमातून दबाव आणला जात आहे. पाणी न देता पाणीपट्टी अकराशे वरून चार हजारावर नेली. काम न करता कंपनीला दोनशे कोटी रुपये दिले. हा सगळा जनतेचा पैसा आहे. पाणी मिळणार नाही असे सांगत भीती दाखवून बागलबुवा उभा केला जात आहे.

-डॉ. भालचंद्र कानगो, राज्य सचिव, भाकप

मोबाइल अॅप डाउनलोड करा आणि राहा अपडेट

शिक्षक समानिकरणातील अनियमितता दूर करा

April 11, 2018, 4:30 pm

≫ Next: ‘समांतर’चे स्वागत कशासाठी ?

≪ Previous: समांतर रेडकार्पेट..

$

0

0

समानीकरणातील अनियमितता दूर करा

म. टा. प्रतिनिधी, औरंगाबाद

शिक्षण समानीकरणाअंतर्गत ठेवायच्या रिक्त जागांबाबत अनियमितता झाली आहे. शिक्षण आणि पदवीधर शिक्षक यांच्या जागांचे प्रमाण कमी-अधिक आहे. त्यामुळे इतर तालुक्याप्रमाणे शिक्षक समानीकरणाची प्रक्रिया पूर्ण करावी, अशी मागणी प्राथमिक शिक्षक संघाने केली आहे. इतर तालुक्यांनी पदवीधर शिक्षकांच्या गणित, विज्ञान विषयाच्या जागा समानिकरणात रिक्त दाखविण्यात आल्या आहेत, परंतु औरंगाबाद तालुक्यात सामाजिकशास्त्र आणि शिक्षक यांच्या अनुक्रमे ३५ आणि ५५ जागा रिक्त दर्शविण्यात आल्या आहेत. यामुळे समानिकरणात त्रुटी राहू शकते. त्यामुळे इतर तालुक्याप्रमाणे प्रक्रिया करावी, असे निवेदनात म्हटले आहे. निवेदनावर प्रवीण मांडे, कैलास गायकवाड, बाबासाहेब जाधव यांची नावे आहेत.

मोबाइल अॅप डाउनलोड करा आणि राहा अपडेट