म. टा. प्रतिनिधी, औरंगाबाद
साहित्यरत्न, लोकशाहीर अण्णाभाऊ साठे यांची ९८ वी जयंती शहरात मोठ्या उत्साहाच्या वातावरणात साजरी करण्यात आली. जिल्हाधिकारी कार्यालयाजवळ असलेल्या अण्णाभाऊ साठे यांच्या पुतळ्यास अभिवादन करण्यासाठी सकाळपासून विविध पक्ष, संघटनांचे पदाधिकारी कार्यकर्त्यांनी गर्दी केली होती. जयंतीचा सकाळपासूनच जल्लोष होता, शहराच्या विविध भागातील तरुणांनी वाहनफेरी, मिरवणूक काढून अण्णाभाऊ साठे यांना अभिवादन केले.
सर्वपक्षीय जयंती उत्सव समितीने जयंती मोठ्या उत्साहात साजरी केली. सकाळी झालेल्या कार्यक्रमामध्ये विधानसभा अध्यक्ष हरिभाऊ बागडे, मराठवाडा विकास मंडळाचे अध्यक्ष डॉ. भागवत कराड, आमदार अतुल सावे, महापौर नंदकुमार घोडेले, रिपब्लिकन पार्टी ऑफ इंडियाचे प्रदेश कार्याध्यक्ष बाबुराव कदम, माजी आमदार कल्याण काळे आदींची भाषणे झाली. यावेळी संजय ठोकळ यांनी मातंग समाजाच्या विविध मागण्या मान्यवरांसमोर मांडल्या. यामध्ये साहित्यरत्न अण्णाभाऊ साठे व लहुजी वस्ताद साळवे यांच्या नावे भव्य स्मारक उभारण्यात यावे, लहुजी वस्ताद साळवे आयोगाच्या शिफारशींची अंमलबजावणी करण्यात यावी, अण्णाभाऊ साठे महामंडळास ५०० कोटी रुपयांचा निधी देण्यात यावा, भव्य संशोधन केंद्र उभारण्यात यावे आदी मागण्या यावेळी करण्यात आल्या. या सर्व मागण्या मान्य करण्यात येतील, असे आश्वासन हरिभाऊ बागडे यांनी दिले. उपस्थितांचे आभार विजय मगरे यांनी मानले. यावेळी उपमहापौर विजय औताडे, मिलिंद अण्णा शेळके, दौलत खरात, अरविंद औचरमल, आशा निकाळजे, कीर्ती शिंदे, सुनील नाडे, सुभाष वाघुले, पंडित गाडे, डॉ. डी. बी. भालेराव, डॉ. ऋषिकेश कांबळे, दिनकर ओंकार, याावेळी पोलिस आयुक्त चिरंजीव प्रसाद व आमदार सुभाष झांबडे यांनी कार्यक्रमस्थळी येऊन सदिच्छा भेट दिली. कार्यक्रम यशस्वीतेसाठी कमलेश चांदणे, विलास सौदागर, पुंजाराम जाधव, महेंद्र तुपे, रवि चांदणे, रमेश चांदणे, सुनील अहिरे, मनोज कासारे, भास्कर पारधे, अंबादास हिवाळे, सुधाकर चांदणे, अण्णा वाघुले, किशोर तुपे, सुमीत भटकर, नितीन दाभाडे आदींनी परिश्रम घेतले.
राष्ट्रवादी काँग्रेस सेवादल
मुकुंदवाडी - जे सेक्टर येथे राष्ट्रवादी काँग्रेस पक्ष तसेच सद्भावना मित्रमंडळाच्या वतीने लोकशाहीर अण्णाभाऊ साठे यांच्या पुतळ्यास अभिवादन करण्यात आले. यावेळी विविध कार्यक्रमांचे आयोजन करण्यात आले होते. प्रथम राष्ट्रवादी काँग्रेसचे शहर अध्यक्ष काशिनाथ कोकाटे यांच्या हस्ते अण्णाभाऊ साठे यांच्या पुतळ्यास पुष्पहार अर्पण करून कार्यक्रमाला सुरुवात करण्यात आली. या प्रसंगी सुरजितसिंग खुंगर यांनी परिसरातील सुशोभिकरण व स्वच्छता करून अण्णाभाऊ साठे यांना अभिवादन केले व उपस्थितांना अण्णाभाऊ साठे यांच्याबद्दल माहिती दिली. यावेळी माजी नगरसेवक मोतीलाल जगताप यांनी मान्यवरांसोबत अण्णाभाऊ साठे पुतळा परिसरामध्ये वृक्षारोपण केले. यावेळी रुपचंद ठाले यांनी अण्णाभाऊ साठे यांच्या जीवनावर मार्गदर्शन केले. कार्यक्रमाचे सूत्रसंचालन मातंग समाज सद्भावना मित्रमंडळाचे अध्यक्ष दशरथ मानवतकर यांनी केले. प्रमुख उपस्थितांचे स्वागत बाबुराव खरात यांनी केले. यावेळी कार्यक्रम यशस्वी करण्यासाठी अजय डिघोळे, उत्तम आसबे, अय्युब खान, संदीपान काळे, दत्तात्रय खजिनदार, फुलचंद जाधव, पवन मुर्शदपुरे, बाबासाहेब शिंदे, हरिश्चंद्र जाधव, ज्ञानेश्वर पगारे, पप्पु गाडेकर, जी.एन. राजेकर, जयदेव म्हस्के, बाबुराव थोरात, बाबुराव थोरात, अभय मानवतकर आदींनी परिश्रम घेतले.
अ.भा. धनगर समाज महासंघ
अखिल भारतीय धनगर समाज महासंघाच्या वतीने जयंतीनिमित्त जिल्हाधिकारी कार्यालय परिसरात असलेल्या अण्णाभाऊ साठे यांच्या पुतळ्यास अभिवादन करण्यात आले. यावेळी मल्हारराव नाचण डांणगावकर, विजय मगरे, सिद्धार्थ दाभाडे, कैलास राजहंस यांच्या हस्ते पुष्पअर्पण करुन अभिवादन केले. यावेळी के.ओ. गोऱ्हे, अॅड. कैलास जामकर, शेषराव दाणे, साहेब लांडे, बळीराम नाचण, अप्पासाहेब साखरे, पंडित डोंगरे, संजय साळवे, सचिन काकडे, आकाश मिसाळ आदींची उपस्थिती होती.
राजश्री शाहू महाराज बहुउद्देशीय सेवाभावी संस्था
जिल्हाधिकारी कार्यालय शेजारी असलेल्या लोकशाहीर अण्णाभाऊ साठे यांच्या पुतळ्यास राजश्री शाहू महाराज बहुउद्देशीय सेवाभावी संस्थेचे अध्यक्ष किसन सोनवणे, सचिव शेषराव सातपुते यांनी पुष्पहार अर्पण करुन अभिवादन केले. यावेळी सोनवणे यांनी अण्णाभाऊ साठे यांच्या जीवनावर विचार मांडले. या कार्यक्रमास संस्थेच्या पदाधिकाऱ्यांची उपस्थिती होती.
आडगाव खुर्द येथे जयंती साजरी
तालुक्यातील आडगाव खुर्द येथे अण्णाभाऊ साठे यांची जयंती साजरी करण्यात आली. तसेच लोकमान्य टिळक यांच्या पुण्यतिथी निमित्तही प्रतिमेस पुष्पहार घालून अभिवादन करण्यात आले. यावेळी शालेय विद्याथ्यांना शालेय साहित्याचे वाटप करण्यात आले, राजकुमार गाजरे यांनी यावेळी प्रमुख पाहुणे म्हणून बोलताना सांगितले की, ग्रामीण भागातील विद्यर्थ्यांनी आण्णा भाऊ साठे यांचा आदर्श घेतला पाहिजे, त्यांनी दीड दिवस शाळेत जाऊन आपले नाव सातासमुद्रापार नेले. वंचित घटकाचे प्रश्न त्यांनी आपल्या लेखणीतून मांडले. कार्यक्रमाच्या अध्यक्षस्थानी रामदास ठोंबरे तर प्रमुख पाहुणे म्हणून तंटामुक्त समितीचे अध्यक्ष हरिभाऊ ठोंबरे, माजी सरपंच बाबासाहेब ठोंबरे, आप्पासाहेब ठोंबरे, श्रीधर केदार, जे.के. ठोंबरे, आदींची उपस्थिती होती.
