म. टा. प्रतिनिधी, औरंगाबाद
संत सावता महाराज यांच्या पुण्यतिथीनिमित्त शुक्रवारी शहर व परिसरात भजन, किर्तन, महाप्रसाद यासह विविध कार्यक्रमाचे आयोजन करण्यात आले होते. औरंगपुऱ्यातील संत सावता महाराज मंदिरात दर्शनासाठी सकाळपासूनच भाविकांची मोठी गर्दी होती. सकाळी मंदिर परिसरातून टाळ मृदंगाच्या गजरात महाराजांची पालखी काढण्यात आली.
औरंगपुऱ्यातील संत सावता महाराज मंदिर येथे पहाटे धार्मिक कार्यक्रमांना सुरुवात झाली आहे. महापौर नंदकुमार घोडेले यांच्या हस्ते पादुका व प्रतिमापूजन केल्यानंतर मोठ्या भक्तीभावाने, टाळ मृदंगाच्या गजरात सकाळी पालखी मिरवणुकीला सुरुवात झाली. नगरसेवक सचिन खैरे, ट्रस्टचे प्रमुख रामभाऊ पेरकर यांच्यासह भाविक मोठ्या संख्येने उपस्थित होते. महात्मा ज्योतिबा फुले यांच्या पुतळ्यास पुष्पहार अर्पण करून भाजी मंडई, कुंभारवाडा, रंगारगल्ली, सिटी चौक, मच्छली खडक, सुपारी हनुमान मंदिर, गुलमंडीमार्गे निघालेल्या या पालखी मिरवणुकीची सांगता संत सावता महाराज मंदिरात येथे झाली. त्यानंतर आमदार अतुल सावे यांच्या हस्ते मंदिरात महाआरती झाली. उपजिल्हाधिकारी भाऊसाहेब जाधव, पोलिस उपाधीक्षक सोमनाथ मालकर, अंकुश रेंधे, गौतम लांडगे, एकनाथ वाघचौरे, डॉ. संजय गव्हाणे, डॉ. राजेंद्र धनवई, शशीकला खोबरे, डॉ. वि.दा. बुलबले, विठ्ठलराव ठाणगे, पांडुरंग जमधडे, संतोष घोडके, किशोर पुंड आदी उपस्थित होते. महाआरती नंतर भाविकांना महाप्रसादाचे वाटप करण्यात आले. कुसुम राऊत, अनिता देव्हतकर, संगीता पवार, सविता पुंड, राम मगर, किशोर पुंड, फकीरराव राऊत, शिवाजी गाडेकर आदी उपस्थित होते.
सावता परिषद
संत शिरोमणी सावता माळी महाराज पुण्यतिथीनिमित्त विष्णुनगर येथील विश्वशंकर मंगल कार्यालयात सावता परिषदेतर्फे विविध धार्मिक कार्यक्रमांचे आयोजन करण्यात आले होते. यावेळी ह.भ.प विठ्ठल महाराज चनघटे यांचे कीर्तन झाले. आमदारअतुल सावे, उपजिल्हाधिकारी भाऊसाहेब जाधव, परिषदेचे मराठवाडा अध्यक्ष अभिमन्यु उबाळे , इंजि.जयवंतराव गायकवाड़, जिल्हाध्यक्ष प्रवीण गाडेकर, अशोक जगधने रामचंद्र जाधव, सोमनाथ जाधव, एकनाथराव वाघ, चंद्रभान जगधने, नागोराव जैवळ, रामभाऊ गाडेकर, रावसाहेब गायकवाड़, अंकुश चेडे, बबनराव शिंदे, डॉ. रत्नाकर जाधव, अविनाश उबाळे, रामदास मैंद, पोपट ढंगारे, घाटे महाराज मलोदे महाराज आदी उपस्थित होते. यारप्रसंगी विष्णुनगर भजनी मंडळाने 'कांदा मुळा भाजी, अवघी विठाई माझी, 'आमची माळियाची जात, शेत लावू बागायती' यासह संत शिरोमणी सावता माळी यांचे अन्य अभंग सादर केले.
अर्जुन महाराज यांचे किर्तन
संत सावता महाराज पुण्यतिथीनिमित्त मुकुंदवाडी परिसरातून संत सावता महाराज यांच्या प्रतिमेची मिरवणूक काढण्यात आली. आमदार अतुल सावे, भगवान घडमोडे, जनार्धन कापुरे, अशोक राऊत, बाळू सोनवणे, प्रवीण गाडेकर, किसन कोल्हे, संगिता पवार यांच्या भाविक मोठ्या संख्येने उपस्थित होते. त्यानंतर येथील हनुमान मंदिरात आयोजित कार्यक्रमात अर्जुन महाराज होलिया (सेलू) यांचे कीर्तन झाले. त्यानंतर भाविकांना महाप्रसादाचे वाटप करण्यात आले.