म. टा. प्रतिनिधी, औरंगाबाद ः
चंपा चौक येथे गुरुवारी (६ डिसेंबर) दुपारी सामुदायिक अजानने बाबरी मशीद पडल्याच्या घटनेचा निषेध करण्यात आला. एमआयएम पक्षाच्या वतीने धरणे आंदोलन करण्यात आले.
चंपा चौक येथे रजा अकॅडमीचे साजीद रजा यांच्या नेतृत्वाखाली अजान देण्यात आली. यावेळी विविध संघटनेचे पक्षाचे तसेच सर्वसामान्यांची यावेळी उपस्थिती होती. ही अजान पाच मिनिटात संपली. या अजानाच्या कार्यक्रमानंतर विशेष दुआ मागण्यात आली.
एमआयएम
एमआयएम पक्षाच्या वतीने विभागीय आयुक्तालयासमोर धरणे आंदोलन करण्यात आले. या धरणे आंदोलनाद्वारे बाबरी मशीद पाडणाऱ्यांवर कारवाई करावी, मुस्लिमांवरील अन्याय थांबवावे, अशी मागणी यावेळी करण्यात आली. या आंदोलनात आमदार इम्तियाज जलील, मौलाना मुजीब सहाब, डॉ. गफ्फार कादरी, जिल्हाध्यक्ष अब्दुल रहिम नाईकवाडे अज्जु लिडर, गटनेते नासेर सिद्दीकी, माजी विरोधी पक्षनेते अय्युब जहागीरदार, एमआयएमचे शहर अध्यक्ष अब्दुल समीर अब्दुल साजीद बिल्डर यांच्यासह शेख रफिक चित्ता, डॉ. अफजाल खान यांच्यासह अन्य कार्यकर्ते आणि पदाधिकारी यांची उपस्थिती होती. यावेळी आंदोलनासाठी आलेल्या कार्यकर्त्यांनी काळ्या रंगाचे वेष घालूनही या घटनेचा निषेध व्यक्त केला.
ऑल इंडिया इमाम कौन्सिलने केले धरणे आंदोलन वतीने रोशन गेट येथे आंदोलन करण्यात आले. मौलाना अब्दुल रहेमान नदवी, मौलाना अब्दुल अलीम कासमी, मौलाना जाकीर मिल्ली, मौलाना मोहसीन नदवी, मौलाना हारून एजाजी, यांच्यासह मुस्लिम अवामी कमीटीचे अध्यक्ष इलियास किरमाणी, मुस्लिम पर्सनल लॉ बोर्डचे सदस्य मौलाना महेफुज उर रहेमान फारूखी, जावेद कुरेशी, बामसेफचे सिद्धार्थ शिंगारे, नदीम राणा, ईसा यासिन, अब्दुल अजीम यांच्यासह अन्य मान्यवरांची उपस्थिती होती.
मिल्लत बचाव तहेरिक या सघटनेतर्फे विभागीय आयुक्तांना बाबरी मशीदीबाबत निवेदन देण्यात आले. यावेळी नदिम राणा, ईसा यासीन, बाब फरीद, लईक शेख करीम, मोहियोद्दीन मोईस, इद्रिस खान, सादेश खान, सय्यद मिनाज यांच्यासह अन्य मान्यवरांची उपस्थिती होती. टिपू सुल्तान ब्रिगेडच्या वतीनेही विभागीय आयुक्तांना निवेदन देण्यात आले. यावेळी मिर्झा जावेद बेग, पठाण अमजत खान, सय्यद हारून, साजीद पठाण, तसेच मोहम्मद जुबेर यांची यावेळी उपस्थिती होती.
राष्ट्रपती, पंतप्रधानांना निवेदन
समाजवादी पक्षाच्या वतीने विभागीय आयुक्तांमार्फत देशाच्या राष्ट्रपतींना निवेदन देण्यात आले. यावेळी मोहम्मद ताहेर, मोहम्मद जफर, अब्दुल रऊफ, इस्माईल मेमन, शेख उस्मान, अजमत खान, अजिम पटेल, अफसर खान, मोहम्मद शोएब यांची यावेळी उपस्थिती होती. ………जनजागरण समिती महाराष्ट्र अध्यक्ष मोहसीन अहेमद, शेख मुनाफ, मिरहिदायत अली, मेराज पटेल, आबेदा बेगम, सलमा बानो, अनिसा बेगम, शाहनवाज खान, फजलउल्लाह खान, शेख मुख्तार, शेख आरेफ यांनी विभागीय आयुक्तांद्वारे राष्ट्रपतींना निवेदन दिले. तर ऑल इंडिया उलेमा बोर्डाच्या वतीने पंतप्रधान नरेंद्र मोदी यांना विभागीय आयुक्तांमार्फत निवेदन देऊन बाबरी मशीद उभारणीची मागणी करण्यात आली. यावेळी नायब अन्सारी, उस्मान रहेमान शेख, मोहम्मद शहाबोद्दीन, नौशाद सिद्दीकी, शेख फैसल मोहम्मद एकबाल यांची उपस्थिती होती. तर मुस्लिम नुमांईदा कौन्सिलच्या वतीनेही विभागीय आयुक्तालयात निवेदन देण्यात आले. यावेळी नुमांईदा कौन्सिलचे अध्यक्ष जियाउद्दीन सिद्दीकी व अन्य सदस्यांची उपस्थिती होती.
