म. टा. प्रतिनिधी, औरंगाबाद
'जागतिक इतिहासात मध्ययुगीन कालखंड हा 'डार्क एज' होता. या अंधारयुगात छत्रपती शिवरायांनी रयतेचे राज्य स्थापन करून आधुनिक लोकशाहीचा पाया रचला', असे प्रतिपादन इतिहास संशोधक श्रीमंत कोकाटे यांनी केले. ते विद्यापीठात बोलत होते.
डॉ. बाबासाहेब आंबेडकर मराठवाडा विद्यापीठातील छत्रपती शिवाजी महाराज अध्यासन केंद्र आणि राजर्षी शाहू महाराज अध्यासन केंद्राच्या वतीने शिवराज्याभिषेक दिन साजरा करण्यात आला. महात्मा फुले सभागृहात गुरुवारी दुपारी इतिहास अभ्यासक श्रीमंत कोकाटे यांचे व्याख्यान झाले. या कार्यक्रमाला कुलगुरू डॉ. देवानंद शिंदे, अध्यासन केंद्राचे संचालक डॉ. राजेश करपे, डॉ. सुधाकर शेंडगे, व्यवस्थापन परिषद सदस्य डॉ. फुलचंद सलामपुरे, राहुल म्हस्के, प्राचार्य मधुकर गायकवाड यांची प्रमुख उपस्थिती होती. आपल्या व्याख्यानात कोकाटे यांनी शिवाजी महाराजांच्या स्वराज्य स्थापनेचा प्रवास उलगडला. 'साधनसामुग्री उपलब्ध नसताना केवळ कुशाग्र बुध्दिमत्ता व नेतृत्वगुणाच्या बळावर शिवरायांनी गड, किल्ले निर्माण केले. सर्व जातीधर्मातील मावळ्यांना सोबत घेऊन सकळ जनांच्या कल्याणासाठी स्वराज्य स्थापन केले. जलदुर्ग, आरमाराची निर्मिती करून नाविक दलाची पायाभरणी केली. राजमाता जिजाऊ यांचे स्वराज्य निर्मितीचे स्वप्न प्रत्यक्षात साकारले. आज सर्वजण शिवरायांच्या नावाचा वापर करीत आहेत. राज्यकर्त्यांनी शिवरायांच्या स्वराज्याचा कारभार नजरेसमोर ठेवून काम करावे', असे कोकाटे म्हणाले. डॉ. सुधाकर शेंडगे यांनी प्रास्ताविक केले. डॉ. कैलास अंभुरे यांनी सूत्रसंचालन केले आणि डॉ. आनंद देशमुख यांनी आभार मानले. यावेळी डॉ. उल्हास उढाण, डॉ. बाळासाहेब सराटे, राजेश मुंडे, डॉ. कैलास पाथ्रीकर, डॉ लक्ष्मीकांत कोलते, अमोल दांडगे यांच्यासह प्राध्यापक, विद्यार्थी व नागरिक उपस्थित होते.
\Bस्वराज्यात संविधानाची बिजे
\B'भारताच्या संविधानात शिवरायांच्या स्वराज्याची बिजे दिसतात. शिवरायांना अपेक्षित असलेले लोककल्याणकारी राज्य डॉ. बाबासाहेब आंबेडकर यांनी संविधानाच्या माध्यमातून प्रत्यक्षात अस्तित्वात आणले. त्यामुळे दोन्ही महापुरुषांच्या दूरदृष्टीची प्रचिती येते',असे कुलगुरू डॉ. देवानंद शिंदे म्हणाले.
\Bमराठा वसतिगृहाला पुस्तके भेट
\Bमराठा समाज प्रतिष्ठानच्या वतीने समर्थनगर येथील मराठा वसतिगृहात शिवराज्याभिषेक दिन व वसतिगृहाचा द्वितीय वर्धापन दिन साजरा करण्यात आला. या कार्यक्रमाला उद्योजक मानसिंग पवार, डॉ. अशोक तेजनकर, प्रमोद खैरनार, लक्ष्मण उबाळे, अतुल चव्हाण, अनुराधा चव्हाण, प्रदीप पाटील, रोहित सूर्यवंशी, बी. एस. खोसे, बालाजी शिंदे, डॉ. प्रशांत जाधव यांची प्रमुख उपस्थिती होती. विंग कमांडर टी. आर. जाधव यांनी वसतिगृहाच्या प्रगतीचा अहवाल सादर केला. अनुराधा चव्हाण यांनी दिलेल्या सोलार पॉवर प्रोजेक्टचे उद्घाटन करण्यात आले. तसेच या वसतिगृहातील वाचनालयाला डॉ. अशोक तेजनकर यांनी दोनशे पुस्तके भेट दिली. विद्यार्थ्यांनी शिवाजी महाराजांचा आदर्श घेऊन जीवनात प्रगती करावी. या प्रगतीत समाज व राष्ट्राची सेवा आठवणीने केली पाहिजे असे तेजनकर म्हणाले. यावेळी विद्यार्थी व नागरिक उपस्थित होते.
\Bमुकुंदवाडीत शिवप्रेमींचा उत्साह
\Bमुकुंदवाडी येथे छत्रपती स्मारक समितीच्या वतीने शिवराज्याभिषेक दिन उत्साहात साजरा करण्यात आला. छत्रपती शिवाजी महाराजांच्या प्रतिमेला अभिवादन करून मान्यवरांनी मार्गदर्शन केले. परिसरात फटाक्यांची आतिषबाजी करून मिठाई वाटण्यात आली. यावेळी विधानसभा अध्यक्ष हरिभाऊ बागडे, महापौर नंदकुमार घोडेले, बाजार समितीचे सभापती राधाकिसन पठाडे, अंकुशराव शेळके, दामूअण्णा नवपुते, रामचंद्र नरोटे, कमलाकर जगताप, मोतीलाल जगताप, किसन ठुबे, दीपक खोतकर, रामभाऊ ठुबे, रुपचंद ठाले, संदिपान काळे आदी उपस्थित होते.
क्रांती चौकात अभिवादन
शिवराज्याभिषेक दिनानिमित्त क्रांती चौकात छत्रपती शिवाजी महाराजांच्या पूर्णाकृती पुतळ्याला अभिवादन करण्यात आले. या कार्यक्रमाला विविध संघटनांचे पदाधिकारी आणि कार्यकर्ते उपस्थित होते. परिसरात मंच उभारुन विविध उपक्रम राबवण्यात आले. कार्यकर्त्यांची दिवसभर अभिवादनासाठी वर्दळ होती.
\Bपुंडलिकनगरात कार्यक्रम
\Bपुंडलिकनगर येथे छत्रपती शिवाजी महाराज यांच्या पुतळ्याला अभिवादन करून शिवराज्याभिषेक दिन साजरा करण्यात आला. या कार्यक्रमाला मंगलमूर्ती शास्त्री, गणेश नावंदर, शिवाजी दांडगे, बालाजी मुंडे, विवेक राठोड, संजय बोराडे, नितीन खरात, प्रशांत नांदेडकर, बाळू जैन, डॉ. सुनीता साळुंके आदी उपस्थित होते.
\B'मनसे'च्या वतीने अभिवादन
\Bमहाराष्ट्र नवनिर्माण सेनेच्या वतीने क्रांती चौक येथे शिवराज्याभिषेक दिनानिमित्त छत्रपती शिवाजी महाराजांच्या पुतळ्याला अभिवादन करण्यात आले. यावेळी राहुल पाटील, शहराध्यक्ष सतनामसिंग गुलाटी, संदीप कुलकर्णी, राजीव जावळीकर, मनीष जोगदंडे, मंगेश साळवे, दीपक पवार, अशोक पवार, चंदू नवपुते, किरण पाटील, गजानन गोमटे, प्रशांत आटोळे, प्रतीक गायकवाड आदी उपस्थित होते.
\Bबुलंद छावातर्फे सोहळा
\Bछत्रपती शिवाजी महाराज यांच्या राज्याभिषेक दिनानिमित्त बुलंद छावा मराठा युवा परिषदेच्या वतीने सिडको एन सात येथील छत्रपती शिवाजी महाराज यांच्या पुर्णाकृती पुतळ्यास जालना जिल्हाध्यक्ष काकासाहेब जीवरग यांच्या हस्ते पुष्पहार अर्पण करून साजरा करण्यात आला.
यावेळी आमदार अतुल सावे, माजी नगरसेवक काशीनाथ कोकाटे, नगरसेवक शिवाजी दांडगे, अनिल जैस्वाल, सुरेखाताई खरात तसेच प्रदेश सचिव सुरेश वाकडे, प्रदेश संघटक मनोज गायके, मराठवाडा अध्यक्ष साहेबराव मुळे, उपााध्यक्ष ज्ञानेश्वर जाधव, जिल्हा संपर्कप्रमुख मिलिंद साखळे, शहराध्यक्ष बाबू चौधरी, शहर कार्याध्यक्ष योगेश देशमुख, जिल्हा उपाध्यक्ष दिलीप जाधव, संदीप जाधव, रवी तांगडे, अमोल मानकापे, मनोज पवार, अमोल देशमुख, सचिन पांढरे, सुधाकर सूर्यवंशी, अनिल वाघ यांची उपस्थिती होती.
