आमदार सावे-केणेकर यांच्यात निवडणूक कार्यालयात वादावादी

April 1, 2015, 11:45 am

≫ Next: इंटरनेट नसल्याने व्हॉट्सअॅपचा आधार

≪ Previous: तेलाचे भाव घसरले सर्वसामान्यांना दिलासा!

$

0

0

म. टा. प्रतिनिधी, औरंगाबाद

भारतीय जनता पक्षाचे आमदार अतुल सावे आणि पक्षनेते संजय केणेकर यांच्यात बुधवारी जोरदार शाब्दिक चकमक उडाली. पक्ष कार्यालयात मंगळवारी दुपारी इच्छुकांच्या मुलाखती सुरू असताना ही घटना घडली. समितीच्या पदाधिकाऱ्यांसाठी असलेल्या दालनात केणेकर यांच्या काही कार्यकर्त्यांनी प्रवेश केला. त्यांना रोखले गेल्याने हा वाद झाल्याचे सूत्रांनी सांगितले. असे काहीच घडलेले नाही, असा दावा पक्षनेत्यांनी केला.

काल्डा कॉर्नर येथील भाजपच्या प्रचार कार्यालयात इच्छुकांच्या मुलाखती घेतल्या जात आहेत. मुलाखत कक्षासह समिती सदस्यांसाठी एक वेगळा कक्षही उभारण्यात आलेला आहे. दुपारी या कक्षात पदाधिकारी बसलेले असतानाच काही कार्यकर्त्यांनी तेथे प्रवेश केला. त्यावेळी आमदार सावे यांनी मुलाखतीसाठी आलेल्या कार्यकर्त्यांचे कक्षात येऊ नये, असे सांगितले. ही बाब त्या कार्यकर्त्यांनी पक्षनेते संजय केणेकर यांना सांगताच ते संतापले. काही वेळाने मुलाखत कक्षात आमदार सावे आणि केणेकर समोरासमोर येताच या विषयावरून त्यांच्यात शाब्दिक वाद सुरू झाल्याचे सूत्रांनी सांगितले. कक्षाबाहेर मुलाखत देण्यासाठी मोठ्या संख्येने इच्छुक कार्यकर्ते आलेले असल्याने हा वाद वाढवू नका, असे म्हणत पदाधिकाऱ्यांनी या वादावर पडदा टाकला. दरम्यान, हा प्रकार ‌किरकोळ असला तरी निवडणूक काळात नेत्यांनी संयम पाळण्याची करज आहे, अशा भावना कार्यकर्ते व्यक्त करीत आहेत.

आमदार सावे आणि आपल्यात असा कोणताही वाद किंवा शब्द‌िक चकमक झालेली नाही. कुणीतरी चुकीची माहिती पसरविण्याचा प्रयत्न केला आहे.

- संजय केणेकर, नेते भाजप

असा कोणातही वाद झालेला नाही. दिवसभर इच्छुकांच्या मुलाखत घेण्याचे काम सुरू होते. आम्ही सर्वजण निवडणुकीच्या कामात व्यस्त आहोत. एकदिलाने काम करुन पक्षाला यश मिळवून देणे, हेच आमचे ध्येय आहे.

अतुल सावे - आमदार

मोबाइल अॅप डाउनलोड करा आणि राहा अपडेट

---

इंटरनेट नसल्याने व्हॉट्सअॅपचा आधार

April 1, 2015, 11:48 am

≫ Next: भरदिवसा अडीच लाखांची घरफोडी

≪ Previous: आमदार सावे-केणेकर यांच्यात निवडणूक कार्यालयात वादावादी

$

0

0

म. टा. प्रतिनिधी, औरंगाबाद,

महापालिका निवडणुकीतही ढिसाळ व बकाल कारभाराची प्रचिती येत आहे. निवडणूक वार्ड कार्यालयांमध्ये कर्मचाऱ्यांना कोणत्याही सुविधा पुरविण्यात आलेल्या नाहीत. कर्मचाऱ्यांना माहिती मेलवर कळविण्यास सांगण्यात आली आहे. परंतु, इंटरनेट कनेक्शन देण्यात आले नसल्याने कर्मचारी व्हॉट्स अॅपद्वारे माहिती कळवित आहेत.

ताठे मंगल कार्यालय एन ११ या निवडणूक निर्णय अधिकारी कार्यालयामध्ये कर्मचाऱ्यांना पिण्यासाठी पाण्याची कोणतीही सोय नाही. दोन दिवसांपासून नामनिर्देशन पत्र विक्री तसेच स्वीकृती सुरू करण्यात आली आहे; मात्र अद्यापही आवश्यक स्टेशनरी साहित्य पुरवण्यात आले नाही. पाच सहा टेबल व अपुऱ्या खुर्चांमुळे अनेक कर्मचाऱ्यांना हॉल बाहेर बसावे लागते. येत्या काही दिवसांमध्ये उमेदवारी अर्जांची लगबग वाढणार असल्यामुळे कार्यालयामध्ये आवश्यक असलेल्या साहित्याची यादी बुधवारी महापालिका प्रशासनाकडे देण्यात आली. यामध्ये डेटा स्टोअर करण्यासाठी पेन ड्राईव्ह, शाईचे पेन, स्केचपेन, टेबल खुर्च्या, कागद दींची मागणी करण्यात आली होती. पंरतु, या पैकी निम्मे साहित्यही कार्यालयाला मिळाले नाही. कार्यालयामध्ये काही अधिकचे कर्मचारी वाढवण्यात आले; मात्र या कर्मचाऱ्यांना पिण्याच्या पाण्याची कोणतीही व्यवस्था करण्यात आली नाही. कार्यालयाच्या हॉलमधील निम्म्या ट्यूबलाइट बंद आहेत.

जुनाट संगणक

निवडणूक कार्यालयासाठी अत्यंत जुनाट संगणक पुरवण्यात आले आहे, सध्या या कार्यालयाला फोनचे कनेक्शन दिले नसल्यामुळे इंटरनेट कनेक्शन नाही. विविध माहिती पुरवण्यासाठी व्हॉट्स अॅपचा आधार घ्यावा लागतो. येत्या काळात या ठिकाणी अधिक संगणकांची गरज भासणार आहे.

मोबाइल अॅप डाउनलोड करा आणि राहा अपडेट

भरदिवसा अडीच लाखांची घरफोडी

April 1, 2015, 11:53 am

≫ Next: अट्टल चोरट्यांकडून चोरीचे २ ट्रक जप्त

≪ Previous: इंटरनेट नसल्याने व्हॉट्सअॅपचा आधार

$

0

0

औरंगाबाद : उस्मानपुऱ्यातील एका फ्लॅटमधून चोरांनी भरदिवसा अडीच लाख रुपयांचा ऐवज लंपास केला आहे. या चोरीचा गुन्हा उस्मानपुरा पोलिस ठाण्यात दाखल करण्यात आला आहे. ‌दीप्ती पाटणी (वय २९) यांचा उस्मानपुऱ्यात हरीओम कॉम्प्लेक्स येथे फ्लॅट आहे. त्या सोमवारी सकाळी साडेआठ वाजता घराला कुलूप लावून बाहेर गेल्या. सायंकाळी साडेपाच वाजता परतल्यानंतर चोरी झाल्याचे लक्षात आले. या काळात चोरांनी कुलूप घरात प्रवेश केला. घरातील सोन्या-चांदीचे दागिने व रोख रक्कम, असा एकूण दोन लाख ५५ हजार रुपयांचा ऐवज लंपास केला.

मोबाइल अॅप डाउनलोड करा आणि राहा अपडेट

अट्टल चोरट्यांकडून चोरीचे २ ट्रक जप्त

April 1, 2015, 11:57 am

≫ Next: सूत्रधारास अटक

≪ Previous: भरदिवसा अडीच लाखांची घरफोडी

$

0

0

औरंगाबाद : ट्रक चोरी करून त्याची विक्री करणाऱ्या दोघांना पोलिस उपायुक्त परिमंडळ दोनच्या विशेष पथकाने अटक केली आहे. त्यांच्या ताब्यातून दोन ट्रक हस्तगत करण्यात आले आहेत. सातारा परिसरातून १७ मार्च रोजी तारासिंग पन्नू यांचा ट्रक चोरीस गेला होता. हा ट्रक सोमवारी नारेगाव येथील कचरा डेपोजवळ दोन जण विकण्यासाठी येणार असल्याची माहिती विशेष पथकाला मिळाली होती. त्याआधारे पोलिसांनी मिळालेल्या माहितीनुसार आलेला ट्रक अडवला. ट्रकमधील शेख हसन शेख आबेद (वय २७, रा. रहीमनगर, जालना) व सय्यद जमीर सय्यद मन्नान (वय २५, रा. रांजणगाव शेणपुंजी, ता. गंगापूर) यांना अटक करण्यात आली. हा ट्रक बीडबायपास येथून चोरल्याची कबुली त्यांनी दिली. त्यांनी एक महिन्यापूर्वी सिन्नर येथून ट्रक चोरून धुळे येथे विकल्याची कबुली दिली आहे. ही कारवाई पोलिस उपायुक्त अरविंद चावरिया यांच्या मार्गदर्शनाखाली उपनिरीक्षक मुकुंद पालवे, वीरबहादूर थापा, इसाक पठाण, शोण पवार, शेरा पठाण, विनोद जाधव, राजू घुनावत, परशुराम सोनूने आदींनी केली.

मोबाइल अॅप डाउनलोड करा आणि राहा अपडेट

सूत्रधारास अटक

April 1, 2015, 11:58 am

≫ Next: तंबाखू-धूम्रपानामुळेच ७० टक्के कॅन्सर

≪ Previous: अट्टल चोरट्यांकडून चोरीचे २ ट्रक जप्त

$

0

0

म.टा. प्रतिनिधी, औरंगाबाद

पंढरपूर येथील मणप्पुरम् गोल्डवर दरोडा टाकणाऱ्या टोळीचा सूत्रधार छबू उर्फ छब्या चव्हाणला गुन्हे शाखेने अटक केली. २३ जून रोजी हा दरोडा टाकण्यात आला होता. त्याच्या टोळीतील इतर सदस्यांना यापूर्वीच अटक करण्यात आली आहे.

जून २०१४मध्ये दरोडेखोरांनी मण्णपूरम गोल्ड बँकेवर दरोडा टाकून तिजोरी फोडण्याचा प्रयत्न केला होता. मात्र हा प्रयत्न अयशस्वी ठरला. त्यानंतर चोरट्यांनी तेथील गुरूकृपा फरसाण मार्ट, शुभम मोबाइल शॉपीसह सहा दुकाने फोडली व सुरक्षारक्षकाला गंभीर जखमी केले होते. याप्रकरणी वाळूज एमआयडीसी पोलिस ठाण्यात गुन्हा दाखल करण्यात आला होता. पोलिसांनी आरोपी महेश उर्फ म्हशा सीताराम काळे, सहायक पोलिस निरीक्षक ओपिन पिंपळे, बाळ्या उर्फ बाळू मगर पिंपळे, बल्ला महादेव सोळंकी व कन्हैया महादेव सोळंकीला अटक केली होती. या टोळीचा सूत्रधार छब्या हा बाहेरून टोळीची सगळी सूत्रे चालवत होता. पोलिसांनी आरोपी छबू चव्हाण (वय ४३ रा. कमळापूर रोड, ता. गंगापूर) याला बुधवारी अटक केली. त्याला वाळूज एमआयडीसी पोलिसांच्या स्वाधीन करण्यात आले. ही कारवाई पोलिस निरीक्षक अविनाश आघाव यांच्या मार्गदर्शनाखाली उपनिरीक्षक सुभाष खंडागळे, सुरेश खाडे, मच्छिंद्र ससाणे, विलास वाघ, अशोक नागरगोजे आदींनी केली.

सोने गहाण

मणप्पुरम् गोल्डवर दरोडा टाकण्यापूर्वी छबूने बँकेची पाहणी (रेकी) केली होती. याकरीता त्याने पत्नीचे दागिने बँकेत तारण ठेवले होते. त्याने बँकेत जाऊन सगळी माहिती जाणून घेतली. छबूवर विविध पोलिस ठाण्यात घरफोडी, दरोड्याची तयारी तसेच दुचाकीचोरीचे गुन्हे दाखल आहेत.

मोबाइल अॅप डाउनलोड करा आणि राहा अपडेट

तंबाखू-धूम्रपानामुळेच ७० टक्के कॅन्सर

April 1, 2015, 12:12 pm

≫ Next: बनावट नोटा खपवणारे दोघे गजाआड

≪ Previous: सूत्रधारास अटक

$

0

0

निख‌िल निरखी, औरंगाबाद

संसदीय समितीचे अध्यक्ष व अहमदनगरचे खासदार दिलीप गांधी यांच्या 'धुम्रपानाचा कॅन्सरशी संबंध जोडणारी स्वतंत्र पाहणी भारत सरकारकडून झालीच नाही,' या भूमिकेला कॅन्सरच्या भयंकर सत्यपरिस्थितीने खो दिला आहे. सर्वप्रकारच्या कॅन्सरसाठी ६० ते ७० टक्के धुम्रपान, तंबाखू, गुटखा व तंबाखूजन्य पदार्थ कारणीभूत ठरतात, असा हवाला खुद्द कॅन्सरतज्ज्ञांनी दिला आहे.

खासदार दिलीप गांधी यांच्या भूमिकेने वाद निर्माण झाला असून, सत्यपरिस्थिती मात्र अगदी विरुद्ध असल्याचे समोर आले आहे. याबाबत शहरातील शासकीय कॅन्सर हॉस्पिटलची आणि हॉस्पिटमध्ये येणाऱ्या रुग्णांची माहिती घेतली असता, 'हेड अँड नेक' कॅन्सरचे प्रमाण सर्वाधिक असल्याचे स्पष्ट होते. तोंड, घसा, अन्ननलिका, अन्ननलिकेचा खालचा भाग, स्वरयंत्र, पोट, छाती, आतडे आदी किमान आठ ते दहा प्रकारातील कॅन्सर होण्यामागचे ५० टक्क्यांपेक्षा जास्त कारण, हे तंबाखू व तंबाखूजन्य पदार्थांचे सेवन आहे. अर्थातच, यामध्ये धुम्रपानही तितकेच घातक आहे. स्वरयंत्र व फुफ्फुसांचा कर्करोग होण्याचे सर्वाधिक कारण हे धुम्रपानच आहे. 'पॅसिव्ह स्मोकिंग'मुळे कर्करोग होण्याचे प्रमाण हे पाच ते दहा टक्क्यांपर्यंत आहे, असे कॅन्सर हॉस्पिटलचे 'हेड अँड नेक' विभागाचे प्रमुख प्रा. सुनील देशमुख यांनी सांगितले. युनाटेड सिग्मा हॉस्पिटलचे संचालक व कॅन्सरतज्ज्ञ डॉ. उन्मेश टाकळकर यांच्यानुसार, कॅन्सर होण्यामागे ६० ते ७० टक्के कारण हे तंबाखू, धुम्रपान व तंबाखूजन्य पदार्थ आहेत. त्याशिवाय उच्चरक्तदाब, हृदयविकार, हृदयविकाराचा झटका, पोटाचा अल्सर, गँगरिंग, दमा, नसा बंद होणे, गॅसेस, बद्धकोष्ठता असे विकारही नक्कीच उद्भवतात. एका फिल्टर सिगारेटने २ मिनिटे, तर फिल्टर नसलेल्या सिगारेटने ३ मिनिटांगे आयुष्य कमी होते,' असे जागतिक आरोग्य संघटनेने म्हटले असल्याचे डॉ. टाकळकर यांनी 'महाराष्ट्र टाइम्स'ला सांगितले.

'पॅसिव्ह स्मोकिंग'ने फुफ्फुसविकार

पॅसिव्ह स्मोकिंगने फुफ्फुस कायमचे निकामी होऊ शकतात. वडील घरामध्ये वर्षानुवर्षे सिगारेट ओढत असल्यास मुलांना कदाचित कॅन्सर होणार नाही, पण त्यांचे फुफ्फुस निकामी किंवा कमकुवत होऊ शकतात. त्यामुळे पुन्हा अशा मुलांना वेगवेगळ्या आजारांना सामोरे जाण्याची वेळ येऊ शकते, असे निरीक्षणही तज्ज्ञांनी नोंदविले.

अर्धेअधिक कर्करुग्ण चाळीशीतील

अजून एक धक्कादायक निष्कर्ष कॅन्सर हॉस्पिटलमध्ये येणाऱ्या रुग्णांवरून स्पष्ट होत असून, तो म्हणजे कमी वयाच्या रुग्णांचा. तंबाखू, धुम्रपानामुळे कॅन्सर होणाऱ्यांचे २० वर्षांपूर्वी वय ५० पेक्षा जास्त होते. मात्र अलीकडे अर्धेअधिक कर्करुग्ण हे ४० पेक्षाही कमी असल्याचे स्पष्ट होत असल्याचे डॉ. देशमुख यांनी सांगितले.

मोबाइल अॅप डाउनलोड करा आणि राहा अपडेट

बनावट नोटा खपवणारे दोघे गजाआड

April 1, 2015, 12:14 pm

≫ Next: गुलमंडी शिवसेनेला; राजाबाजार भाजपकडे

≪ Previous: तंबाखू-धूम्रपानामुळेच ७० टक्के कॅन्सर

$

0

0

म. टा. प्रतिनिधी, औरंगाबाद

ऐन महापालिका निवडणुकीच्या धामधुमीत शहरात बनावट नोटा चलनात आणणाऱ्या जालन्याच्या दोघांना पोलिसांनी बेड्या ठोकल्या. एकाला मंगळवारी गुलमंडी भागातून, तर बुधवारी एका संशयितास जालन्यातून ताब्यात घेतले. या आरोपींकडून २४ हजार रुपये जप्त करण्यात आले आहेत. सय्यद मोहसीन, बशीर पाशा अशी संशयितांची नावे आहेत.

गुलमंडी भागात एक तरुण किरकोळ सामान विकत घेण्यासाठी दुकानदारांना हजाराची नोट देत असून, त्याच्याकडे अशा बऱ्याच नोटा आहेत, अशी माहिती पोलिसांना मिळाली. त्यावरून पोलिसांनी त्याचा शोध घेतला, तेव्हा उत्तम उपाहार गृहासमोर हा तरुण सापडला. सय्यद मोहसीन सय्यद वीर (अलंकार टॉकीजमागे, खडकपुरा, जालना) असे या संशियातचे नाव आहे. झडतीत त्याच्याकडे हजाराची एक व पाचशे रुपयांच्या वीस बनावट नोटा सापडल्या. त्याला अटक करून त्याच्याविरुद्ध सिटीचौक पोलिस ठाण्यात गुन्हा दाखल करण्यात आला आहे. पोलिसांनी सय्यदची चौकशी केली, तेव्हा त्याला जालन्याच्या शेख बशीरने या नोटा दिल्याची माहिती मिळाली. पोलिसांनी बुधवारी जालना गाठून शेख बशीर पाशा सिकंदर याला अटक केली. त्याच्या ताब्यातून १३ हजारांच्या बनावट नोटा जप्त केल्या.

ही कारवाई पोलिस निरीक्षक अविनाश आघाव यांच्या मार्गदर्शनाखाली सहायक पोलिस निरीक्षक गजानन कल्याणकर, उन्मेश थिटे, नसीमखान, विजयानंद गवळी, प्रदीप शिंदे, विशाल सोनवणे, भावसिंग चव्हाण, धीरज काबलीये, रवींद्र दाभाडे, प्रभाकर राऊत यांनी केली.

पेट्रोलपंपावर चलाखी

मोहसीनजवळ असलेल्या सर्व नोटांवर एकच क्रमांक आहे. तो एका पेट्रोल पंपावर कामाला आहे. पंपावरील ग्राहकांनादेखील त्याने अशा नोटा दिल्याची शक्यता आहे. तसेच शेख बशीर पोलिसांच्या रेकॉर्डवरील गुन्हेगार आहे. त्याला गेल्यावर्षी बनावट नोटा चलनात आणल्याप्रकरणी अटक करण्यात आली होती.

दोन लाखांत पाच लाख

मोहसीन व बशीरचे कनेक्शन उत्तरप्रदेशातील टोळीसोबत आहे. तेथील सूत्रधार त्यांना या नोटा पाठवतात. यामध्ये एक लाख रुपयांच्या खऱ्या नोटांच्या बदल्यात अडीच लाख, तर दोन लाख रुपयांच्या बदल्यात पाच लाखांच्या बनावट नोटा देण्यात येतात. या नोटा चालवून खरे चलन आरोपी जमा करतात.

मोबाइल अॅप डाउनलोड करा आणि राहा अपडेट

गुलमंडी शिवसेनेला; राजाबाजार भाजपकडे

April 1, 2015, 12:15 pm

≫ Next: धूम ‘बाइकर्स’वर करडी नजर

≪ Previous: बनावट नोटा खपवणारे दोघे गजाआड

$

0

0

म. टा. प्रतिनिधी, औरंगाबाद

महापालिका निवडणुकीतील बहुचर्चित गुलमंडी वॉर्ड युतीमध्ये शिवसेनेला आणि राजाबाजार वॉर्ड भारतीय जनता पक्षाला सुटल्याची माहिती सूत्रांनी दिली. याशिवाय अन्य दोन वॉर्डांवरून दोन्ही पक्षांत रस्सीखेच सुरूच आहे. यावर तोडगा काढण्यासाठी शुक्रवारी मुंबईत वरिष्ठ पातळीवर बैठक होणार आहे.

महापालिका निवडणुकीतही शिवसेना-भाजप युती व्हावी यासाठी दोन्हीही पक्षांच्या वरिष्ठ नेत्यांकडून प्रयत्न सुरू आहेत. त्यादृष्टीने सोमवार, मंगळवार असे दोन दिवस मुंबईत बैठकांचे सत्र सुरू राहिले. पालकमंत्री रामदास कदम, भाजपचे प्रदेशाध्यक्ष रावसाहेब दानवे यांच्या उपस्थितीत या बैठका झाल्या. सूत्रांनी दिलेल्या माहितीनुसार 'या बैठकांमधून दोन वॉर्डांचा प्रश्न निकाली निघाला. शिवसेनेने प्रतिष्ठेचा केलेला गुलमंडी वॉर्ड शिवसेनेलाच देण्याचे ठरविण्यात आले. राजाबाजार वॉर्ड भाजपला सोडण्यास शिवसेनेच्या नेत्यांनी सहमती दाखवली. आता फक्त सिडको एन ६ आणि मयूरपार्क या दोन वॉर्डांबद्दलच रस्सीखेच सुरू आहे. हे दोन्हीही वॉर्ड भाजपला देण्याची तयारी शिवसेनेने दर्शवली आहे, पण त्याच्या बदल्यात पूर्व विधानसभा मतदारसंघातील 'चांगले' वॉर्ड मिळावे असा आग्रह शिवसेनेने धरला आहे. वॉर्डांची अदलाबदल करून युती टिकवावी, अशी सूचना वरिष्ठ नेत्यांनी केली आहे. त्यानुसार आता युतीसंदर्भात अंतिम निर्णय करण्यासाठी मुंबईत शुक्रवारी बैठक होणार आहे.'

शनिवारी घोषणा?

शुक्रवारच्या बैठकीत काही वॉर्डांची अदलाबदल करून युतीवर शिक्कामोर्तब केले जाण्याची शक्यता आहे. युतीवर शिक्कामोर्तब झाल्यास त्याची अधिकृत घोषणा शनिवारी केली जाईल, अशी माहिती सूत्रांनी दिली.

मोबाइल अॅप डाउनलोड करा आणि राहा अपडेट

---

धूम ‘बाइकर्स’वर करडी नजर

April 1, 2015, 12:05 pm

≫ Next: ...साहेबांनी भाजपला झिडकारले!

≪ Previous: गुलमंडी शिवसेनेला; राजाबाजार भाजपकडे

$

0

0

म. टा. प्रतिनिधी, जालना

जालना शहरातील रस्त्यांवर भरधाव वेगात दुचाकी चालविणाऱ्या धूम बाइकर्सवर जिल्हा पोलिस अधिक्षक ज्योतिप्रिया सिंग यांनी आता वक्रदृष्टी टाकली आहे. या धूम बाइकर्सना कायदयाचा बडगा दाखवित त्यांच्यावर कठोर कारवाई करण्यासाठी विशेष पथक स्थापन करण्यात आले आहे. सोमवारपासून या मोहिमेची सुरुवात करण्यात आली आहे. शिवाजी पुतळा परिसरात राबविण्यात आलेल्या या मोहिमेतंर्गत दहा दुचाकीस्वारांवर कारवाई करण्यात आल्याने वेगाने गाडी चालविणाऱ्यांचे धाबे दणाणले आहेत.

गेल्या काही दिवसांपासून शहरातील शिवाजी पुतळा, बडी सडक, गांधी चमन, कचेरी रोड, नुतन वसाहत, बस स््थानक, मामा चौक या प्रमुख रस्त्यांवर वेगाने गाडी चालविणाऱ्यानी अक्षरक्षः धूमाकूळ घातला आहे. विशेष करून सायंकाळी सात वाजल्यानंतर या धूम बाइकर्सचा धूमाकूळ मोठया प्रमाणात सुरू होतो. साधारण १६ ते २५ वर्षे वयोगटातील हे तरुण आपल्याजवळील दुचाकी अतिशय भरधाव वेगात पळवतात. यावेळी हे युवक जोर-जोरात आरडा-ओरडा करतात आणि कर्णकर्कश हॉर्न वाजवितात. ज्यामुळे परिसरातील नागरिकांना याचा नाहक त्रास सहन करावा लागतो. यासर्व प्रमुख मार्गांवर दवाखाने व कोचिंग क्लासेस असल्याने पेशंट व विद्यार्थी व वृद्ध यामुळे खूपच त्रस्त झाले आहेत. गेल्या काही दिवसांपासून तर या धूम बाईकर्समध्ये रेस लावली जात आहे. सुमारे चार ते दहा दुचाकी वाहने एकापाठोपाठ एक प्रचंड धरधाव वेगात पळविली जातात. या प्रकारामुळे मोठे अपघात होण्याची शक्यता नाकारता येत नाही.

आगामी काळात वेगाने गाडी चालविणाऱ्यांचार कारवाई करण्यासाठी ज्योतिप्रिया सिंग यांनी या धूम बाइकर्सना कायदयाचा बडगा दाखवित त्यांच्यावर कठोर कारवाई करण्यासाठी विशेष पथक स्थापन केला आहे. सिंग यांच्या या विशेष पथकाने सोमवारपासून सुरवात केली असून शिवाजी पुतळा परिसरात विशेष मोहीम राबवून पोलिसांनी दहा दुचाकीस्वारांवर कारवाई केली. भरधाव वेगाने दुचाकी चालविणाऱ्यांना ताब्यात घेऊन त्याना चांगलाच चोप देण्यात आला. त्यांच्याकडून दोन हजार १०० रुपये दंडही वसूल करण्यात आला.सिंग यांच्या मार्गदर्शनाखाली सहायक पोलिस अधिक्षक दिक्षीत गेडाम यांच्या नेतृत्वातील विशेष पथकातील मनोज काळे, मदन गायकवाड, अजय फोके, नीतिन काकरवाल, नजीर पटेल यांनी ही कामगिरी बजावली.

वेगाने गाडी चालविणाऱ्या विरोधात अनेक नागरिकांच्या तक्रारी आल्या होत्या. अशाप्रकारे भरधाव वेगात वाहन चालविणे हे वाहतूक नियमांच्या विरोधात आहे. यामुळे जीवाला धोका होऊ शकतो. विशेष पथकामार्फत अशा धूम बाइकर्सविरोधात कारवाई यापुढेही सुरूच राहिल. कारवाई टाळण्यासाठी वाहतूक नियम आणि वेग मर्यादा पाळावे.

- ज्योतिप्रिया सिंग, पोलिस अधिक्षक, जालना

मोबाइल अॅप डाउनलोड करा आणि राहा अपडेट

...साहेबांनी भाजपला झिडकारले!

April 1, 2015, 12:01 pm

≫ Next: आठवड्यात दुसऱ्यांदा हंडा मोर्चा

≪ Previous: धूम ‘बाइकर्स’वर करडी नजर

$

0

0

प्रमोद माने, औरंगाबाद

खरे तर औरंगाबाद महापालिकेची दुसरी निवडणूक १९९३ मध्ये व्हायला हवी होती. परंतु राज्य शासनाने विविध कारणांमुळे ही निवडणूक न घेतल्यामुळे औरंगाबाद महापालिका पुन्हा एकदा प्रशासकाच्या ताब्यात गेली. विधानसभा निवडणुकीनंतर महापालिका निवडणुकीचे वारे सुरू झाले. १६ एप्रिल १९९५ ला औरंगाबाद महापालिकेची दुसरी निवडणूक झाली. याही निवडणुकीत प्राबल्य शिवसेनेचेच होते. या निवडणुकीत शिवसेनेची पाटी कोरी नव्हती. अगदी काँग्रेसला शोभावे अशी या संघटनेत तिकिटासाठी हाणामारी सुरू होती.

विधानसभेवर शिवसेना-भाजप युतीची सत्ता होती. औरंगाबाद महापालिका निवडणुकीत सेना-भाजपची युती व्हावी यासाठी भारतीय जनता पक्षाच्या सर्वच पदाधिकाऱ्यांनी खूप प्रयत्न केले. परंतु त्यांच्या प्रयत्नाला यश मिळाले नाही. शिवसेनाप्रमुख बाळासाहेब ठाकरे यांनी युती करण्यास साफ नकार दिला. या वेळी आम्ही देऊ तेवढ्या जागा घ्या, अशी भूमिका शिवसेनेने घेतली. १९८८ च्या यशामध्ये भाजपचा वाटा नगण्य आहे अशी भूमिका सेनेने घेतली होती. युतीमध्ये बिघाड झाल्यानंतर काँग्रेसनेही कोल्हापूर पॅटर्न राबविण्याचा निर्णय घेतला. काँग्रेस पक्षाने आपल्या उमेदवारांना अपक्ष उभे राहण्यास सांगितले. त्यांना हात हे चिन्ह देण्यात आले नव्हते. काँग्रेसला या निर्णयाचा मोठा फटका बसला.

औरंगाबाद चळवळीचे केंद्र आहे. असे असूनही तिसरी आघाडी किंवा डावी लोकशाही आघाडीला यश का मिळत नाही म्हणून सर्वच डावे पक्ष या निवडणुकीत मोठ्या जोमात उतरले. त्यांना थोडेफार यशही मिळाले. शिवसेनाप्रमुख बाळासाहेब ठाकरे यांची नेहमीच्या शैलीत मराठवाडा सांस्कृतिक मंडळाच्या मैदानावर जोरदार सभा झाली. या सभेत त्यांनी त्यावेळी माजी पंतप्रधान मोरारजी देसाई यांच्यावर आसूड उगारले होते. 'संयुक्त महाराष्ट्राच्या आंदोलनात १०५ वीरांचे बळी घेणाऱ्या व किती गोळ्या घातल्या याचा पोलिसांना हिशेब मागणाऱ्या मोरारजी देसाई यांचे स्मारक महाराष्ट्राच्या राजधानीत कदापिही होऊ देणार नाही,' अशी घोषणा शिवसेनाप्रमुख बाळासाहेब ठाकरे यांनी या जाहीर सभेत केली. या घोषणेचे पडसाद मुंबईत उमटले.

विधानसभेत शिवसेना-भाजपची युती होती. या निवडणुकीत दोन मित्र पक्ष एकमेकांसमोर उभे ठाकले. हिंदुत्वाच्या मतपेढीला तडा जाईल का, याचे परिणाम विधानसभेतील युती शासनावर होईल का, असे प्रश्न राजकीय पंडित विचारू लागले. या निवडणुकीत युती नसली म्हणून काय झाले. राज्यात युती पाच वर्षे सत्ता चालविणार, अशी घोषणा शिवसेनाप्रमुख बाळासाहेब ठाकरे यांनी केली. या घोषणेमुळे सर्व चर्चा आणि शक्यता थंडावल्या. औरंगाबाद महापालिकेची ही निवडणूक १९९१ च्या जनगणनेनुसार झाली. पहिली निवडणूक ६० प्रभागांतच झाली होती तर दुसरी निवडणूक ८२ प्रभागात झाली. तब्बल २२ प्रभाग वाढले गेले. आशियामधील सर्वात वेगवान वाढणारे शहर म्हणून औरंगाबादची ओळख झाली. या दुसऱ्या निवडणुकीत शिवसेनेने पुन्हा एकदा वर्चस्व सिद्ध केले. मात्र त्यांना एकट्याच्या बळावर सत्ता काबीज करता आली नाही. शिवसेना खालोखाल ३० अपक्ष उमेदवार निवडून आले. त्यात काँग्रेसप्रणित अपक्षांचा भरणा जास्त होता. पहिल्या निवडणुकीत भारतीय जनता पक्षाला शून्य जागा मिळाल्या होत्या. भारतीय जनता पक्षाने या निवडणुकीत आपले खाते उघडून तब्बल सात प्रभागात विजय मिळविला. समाजवादी पक्ष, जनता दल आणि भा. क. प. या पक्षांचाही महानगरपालिकेत प्रवेश झाला. जनता दलाने २, स. प. आणि भा. क. प.ने १-१ जागा जिंकली. मुस्लिम लीग, भारिप यांनी प्रत्येकी दोन जागा तर दलित पँथरने आपल्या तीन जागा कायम ठेवल्या. २२ प्रभाग वाढले तरी शिवसेनेची ताकद केवळ सातनेच वाढली. शिवसेनेची सर्व सूत्रे माजी महापौर प्रदीप जैस्वाल यांच्याकडे होती. जातीच्या नावावर शहर सतत पेटते ठेवण्याचा प्रयत्न शिवसेनेने केला. याचा फायदा याही निवडणुकीत झाला. स्थानिक स्वराज्य संस्थेमध्ये एकतृतीयांश महिलांना प्रतिनिधित्व देण्याचा निर्णय महापालिकेलाही लागू करण्यात आला. त्यामुळे एकतृतीयांश जागा महिला उमेदवारांनी जिंकल्या. महापौरपदाच्या निवडणुकीत अपक्ष आघाडीने बहिष्कार घातला. मुजीब आलम शहा यांच्याविरोधात रासुका लावण्यात आला होता. त्यांना कारागृहात ठेवण्यात आले होते. महापौरपदाच्या निवडणुकीच्या मतदानात मुजीब आलम शहा यांना मतदान करण्यासाठी आणा आणि त्यांची सुटका करा अशी मागणी पुढे करून अपक्ष आघाडीच्या ३३ नगरसेवकांनी मतदानावर बहिष्कार टाकला. मुजीब आलम शहा यांना मतदानासाठी आणण्याचे काम प्रशासनाचे नसल्याचे महानगरपालिकेचे तत्कालीन आयुक्त कृष्णा भोगे यांनी सांगितले. त्यानंतर एकतर्फी निकाल लागला.

शिवसेनेने अतिशय सामान्य घरातील सुनंदा कोल्हे यांना महापौरपदासाठी, तर ज्योत्स्ना हिवराळे यांना उपमहापौरपदासाठी उमेदवारी दिली. औरंगाबाद महापालिकेच्या पहिल्या महिला महापौर म्हणून सुनंदा कोल्हे यांची निवड झाली. भारतीय जनता पक्षाने आणि पाच अपक्ष नगरसेवकांनी शिवसेनेला पाठिंबा दिल्यामुळे शिवसेनेचा भगवा महापालिकेत कायम राहिला. शिवसेनेने गजानन बारवाल, शीला गुंजाळ आणि सुदाम पाटील सोनवणे या सामान्य कुटुंबातील नगरसेवकांना मानाचे महापौरपद दिले. अतिशय सामान्यांना सन्मानाचे पद शिवसेनेतच मिळू शकते असा संदेश देण्यात या पक्षाला यश मिळाले.

रशीदमामूंची लॉटरी; संभाजीनगर नाहीच

अनुसूचित जमातीचा नगरसेवक सेना-भाजप युतीकडे नसल्यामुळे अपक्ष म्हणून निवडून आलेले अब्दुल रशीदखान मामू हे महापौर झाले. अनुसूचित जमातीचे ते एकमेव उमेदवार होते. महापौरपद अनुसूचित जमातीसाठी राखीव होते. त्यामुळे रशीदमामू यांची लॉटरी लागली. याच कार्यकाळात शिवसेनेने मोठ्या गदारोळात औरंगाबादचे नामकरण संभाजीनगर करण्याचा ठराव संमत केला. पण या ठरावावर शिक्कामोर्तब न्यायालयाच्या निर्णयामुळे होऊ शकले नाही. आजपर्यंत शिवसेनेला संभाजीनगर हे नाव या शहराला देण्यात अपयशच आले आहे.

हजारहून अधिक जणांना नोकरी दिल्याचे समाधान!

औरंगाबादेत मी २९ ऑक्टोबर २००२ ते ४ फेब्रुवारी २००४ या दरम्यान नगरसेवक आणि महापौरच होते. ८० टक्के समाजकारण आणि २० टक्के राजकारणाचे बाळकडू घेऊन त्या काळी आदरणीय शिवसेनाप्रमुखांच्या मार्गदर्शनाखाली निवडणूक लढविली. आधी जिल्हा परिषदेत सदस्य होते. यामुळे तसा अनुभव होताच. औरंगाबादेत राजकारण करताना, निवडणूक लढविताना निव्वळ ३० ते ४० हजारात निवडणूक लढवली. आज ते शक्य नाही.

सिडको एन-६ या वॉर्ड क्रमांक ५३ मधून २००० साली झालेल्या निवडणुकीतून मी पालिकेत गेले. हा वॉर्ड महिला खुला राखीव होता. नगरसेवकपदाची ही पहिलीच निवडणूक असली तरी धुळे जिल्हा परिषदेत १९९२ ते १९९७ दरम्यान सदस्य होते. त्या काळी एकूण ५,५०० मतदारांपैकी माझ्या पारड्यात १,२७२ मते पडली. ६२२ मतांनी माझा विजय झाला. त्या काळी २९ ऑक्टोबर २००२ रोजी मी शहराची तिसरी महिला महापौर झाले. पालिकेतील १,१२४ जणांचा रोजंदारी कर्मचाऱ्यांचा प्रश्न मला सतावत होता. या कर्मचाऱ्यांना कायमस्वरूपी करण्यासाठी पाठपुरावा केला. त्यास यश मिळाले. सिडको-हडकोसाठी कांचनवाडीहून एक्स्प्रेस जलवाहिनीचे काम माझ्या कार्यकाळात झाले. कांचनवाडी ते सिडको पाण्याच्या टाकीपर्यंत ही जलवाहिनी आली. यामुळे सिडको-हडकोची तहान कायमसाठी भागली. सव्वा वर्ष महापौरपद भूषवले. नंतर 'मातोश्री'वरून इतरांना संधी देण्यासाठी पद सोडण्याचा आदेश आला. तो नाकारण्याचा प्रश्नच नव्हता. क्षणातच पद सोडले. त्यानंतर २००५ मध्ये माझा वॉर्ड महिला ओबीसी, तर २०१० मध्ये अनुसूचित जाती संवर्गासाठी राखीव झाला. मी राखीवमधून लढण्याचा निर्णय घेतला होता. आता वॉर्ड खुला झाला आहे. यामुळे पक्ष देईल ती जबाबदारी स्वीकारण्यास सज्ज आहे.

- विमल राजपूत

मोबाइल अॅप डाउनलोड करा आणि राहा अपडेट

आठवड्यात दुसऱ्यांदा हंडा मोर्चा

April 1, 2015, 11:44 am

≫ Next: कॉलेजांत क्रेडिट सिस्टीम

≪ Previous: ...साहेबांनी भाजपला झिडकारले!

$

0

0

म.टा. प्रतिनिधी, सातारा

सातारा-देवळाई भागातील पाण्याची समस्या भीषण होत असल्याने संतप्त नागरिकांनी नगरपालिकेच्या कार्यालयावर हंडा मोर्चा काढला. विशेष म्हणजे एकाच आठवड्यात नागरिकांना दुसऱ्यांदा असा मोर्चा काढण्याची वेळ आली. त्यावरून तरी नगरपालिकेने पाण्याची समस्या गांभीर्याने घेऊन नागरिकांना पाण्याची व्यवस्था करून द्यावी, अशी मागणी होत आहे.

अलोकनगर, चंद्रशेखरनगर, उर्जानगर, नारायणनगर, पेंब्रिल सोसायटी आदी भागांमध्ये पाण्याचे संकट मोठे झाले आहे. याचा सर्वाधिक त्रास महिलांना होत आहे. त्यांचा सगळा दिवस पाण्यासाठी पायपीट करण्यातच चालला आहे. त्यामुळे या भागातील संतप्त महिला आज (१ एप्रिल) पुन्हा एकदा नगरपालिकेच्या कार्यालयावर रिकामे हंडे घेऊन धडकल्या. सातारा-देवळाई भागात आतापर्यंत १४ टँकरने पाणी पुरवठा केला जात होता. आता टँकरची संख्या २० झाली आहे. तरीही सातारा परिसराची तहान भागू शकत नाही. अनेक भागांमध्ये नगरपालिकेचे टँकर जातच नाहीत. त्यामुळे नागरिक त्रस्त झाले आहेत.

अलोकनगर, चंद्रशेखरनगर, उर्जानगर, नारायणनगर, पेंब्रिल सोसायटी यासह अन्य काही भागांना तब्बल २० दिवसांनंतर पाण्याचा टँकर येत आहे. आधीच उन्हाळा त्यात एवढ्या उशीरा पाणी येत असेल तर जगायचं कसं, हा प्रश्न या महिलांनी उपस्थित केला आहे. टँकरच्या संख्येत आणखी वाढ करून वॉर्ड रचनेनुसार पाणी देण्यात यावे. प्रत्येक वॉर्डाला एक टँकर व त्याच्या किमान तीन फेऱ्या झाल्या पाहिजेत. प्रत्येक कुटुंबाला दिवसाकाठी किमान ५०० लिटर पाणी दिले तरच रोजच्या पाण्याची गरज भागू शकते, असे नागरिकांचे म्हणणे आहे. या मोर्चाद्वारे त्यांनी ते नगरपालिकेपुढे मांडले आहे.

पाणीपुरवठा अभियंता प्रकाश बनसोडे यांना मोर्चातील महिला, नागरिकांनी निवेदन दिले. त्यावर मेघा थोरात, सुनीता वराडे, सविता कुलकर्णी, सिंधू मकर, कलावती गडदे, सरला महजन आदींसह अन्य महिलांच्या स्वाक्षऱ्या आहेत.

मोबाइल अॅप डाउनलोड करा आणि राहा अपडेट

कॉलेजांत क्रेडिट सिस्टीम

April 1, 2015, 11:49 am

≫ Next: क्रीडा क्षेत्रापासून फारकत!

≪ Previous: आठवड्यात दुसऱ्यांदा हंडा मोर्चा

$

0

0

म. टा. प्रतिनिधी, औरंगाबाद

डॉ. बाबासाहेब आंबडेकर मराठवाडा विद्यापीठ संलग्नीत सर्व कॉलेजांमध्ये पदवी, पदव्युत्तर अभ्यासक्रमास क्रेडिट व ग्रेडिंग पद्धत लागू करण्यात येणार आहे. येत्या शैक्षणिक वर्षापासून याची अंमलबजावणी करण्यात येणार असून त्यानुसार अभ्यासक्रमाचा आरखडा, गुण प्रणालीबाबत बुधवारी (१ एप्रिल) कुलगुरू डॉ. बी. ए. चोपडे यांच्या अध्यक्षतेखाली बैठकही घेण्यात आली.

विद्यापीठ अनुदान अयोगाने सर्व विद्यापीठे, कॉलेजांना 'चॉईस बेस्ट क्रे‌डिट सिस्टीम' लागू करण्याचे आदेश दिले. येत्या शैक्षणिक वर्षापासूनच याची अंमलबजावणी करण्यात येणार आहे. याबाबत अधिष्ठाता, अभ्यास मंडळाच्या सदस्यांची बैठक पार पडली. महात्मा फुले सभागृहात झालेल्या या बैठकीत बीसीयूडी डॉ. के.व्ही. काळे यांनी पदव्युत्तर अभ्यासक्रमाचा आराखडा, गुणप्रणाली, प्रवेशाचे निकष व उत्तीर्णतेचे मानांकन यावर मार्गदर्शन केले. यूजीसीच्या नियमानुसार सर्व कॉलेजांमध्ये याची अंमलबजावणी होणार असून यामुळे कॉलेजांमध्ये पदव्युत्तर अभ्यासक्रम एक सारखा असेल, तसेच रिक्त जागांही कॉलेजांनी तात्काळ भराव्यात अशा सूचनाही त्यांनी दिल्या. कुलगुरू डॉ. बी.ए. चोपडे आपल्या मार्गदर्शन म्हणाले, विद्यार्थ्यांना स्पर्धेत टिकण्यासाठी ही पद्धत गरजेची असून शिक्षकांची भूमिका यात महत्वाची आहे. शिक्षकांनी ही पद्धती समजून घेतली आणि सकारात्मक ‌प्रतिसाद दिला तरच क्रेडिट सिस्टीम यशस्वी होवू शकते. विद्यापीठाला 'अ' दर्जा मिळाला म्हणून समाधानी राहून चालणार नाही तर 'आयएसओ' मानांकनही मिळवावे लागणार आहे. त्यामुळे बदलेल्या परिस्थितीचा विचार करून शिक्षकांनी तयार रहावे, असे आवाहन कुलगुरूंनी केले. यासह चारही जिल्ह्यात याबाबत कार्यशाळा घेण्यात येणार असल्याचे प्रशासनातर्फे जाहीर करण्यात आले.

शिक्षकांनी ही पद्धती समजून घेतली पाहिजे. त्यांनी सकारात्मक ‌प्रतिसाद दिला तरच क्रेडिट सिस्टीम यशस्वी होवू शकते.

डॉ. बी. ए. चोपडे, कुलगुरू

मोबाइल अॅप डाउनलोड करा आणि राहा अपडेट

क्रीडा क्षेत्रापासून फारकत!

April 1, 2015, 12:05 pm

≫ Next: लोहट्यातील प्रकार सतीचा नव्हे

≪ Previous: कॉलेजांत क्रेडिट सिस्टीम

$

0

0

सुधीर भालेराव, औरंगाबाद

महापालिका निवडणुकीच्या निमित्ताने विविध नागरी प्रश्नांची चर्चा होत आहे. पक्के रस्ते, मुबलक पिण्याचे पाणी, स्वच्छता या सुविधांइतकेच क्रीडा क्षेत्राचे महत्त्व आहे. मात्र, क्रीडा सुविधांचे आधुनिकीकरण करण्याबाबत लोकप्रतिनिधी पुढाकार घेताना दिसत नाहीत. मावळत्या महापालिकेच्या सभागृहात जवळपास वीस नगरसेवक हे क्रीडा क्षेत्राशी संबंधित असूनही, क्रीडा क्षेत्राला चालना देणारा एकही मोठा निर्णय घेतलेला नाही.

मुंबई, ठाणे, पुणे, नाशिक येथील महापालिकेत क्रीडा क्षेत्राला विशेष महत्त्व दिले आहे. या शहरातील महापालिका सातत्याने क्रीडा स्पर्धांचे आयोजन करून खेळाडूंना चांगले व्यासपीठ उपलब्ध करून देतात. महापौर करंडक स्पर्धेच्यानिमित्ताने या महापालिका नेहमी चर्चेत राहातात. क्रीडा क्षेत्रासाठी या महापालिका बजेटमध्ये मोठी तरतूदही करतात. साहजिकच या महापालिकांशी औरंगाबाद महापालिकेच्या क्रीडा क्षेत्रातील कामांची तुलना होते. या तुलनेत औरंगाबाद महापालिका सर्वात पिछाडीवर आहे. औरंगाबाद महापालिकेची स्थापना झाल्यापासून क्रीडा क्षेत्राशी आपला फारसा संबंधच नाही, अशा पद्धतीने महापालिकेचे क्रीडा क्षेत्रातील काम राहिले आहे. शहरात एका मोठ्या क्रीडा संकुलाची गरज आहे, हे लक्षात घेऊन गरवारे कंपनीने चिकलठाणा औद्योगिक वसाहतीत क्रीडा संकुल उभारण्यासाठी पुढाकार घेतला. त्यावेळी महापालिकेचे आयुक्त असलेले कृष्णा भोगे यांनी या प्रोजेक्टमध्ये रस दाखवला आणि महापालिका-गरवारे क्रीडा संकुलाची उभारणी झाली.

क्रीडा संकुलाची उभारणी केल्यानंतर या संकुलातील क्रीडा सुविधांकडे कधीही गांभीर्याने पाहिले गेले नाही. दरवर्षी बजेटमध्ये तरतूद करण्याची गरज असतानाही क्रीडा संकुलासाठी फारशी तरतूद केली गेली नाही. त्यामुळे गरवारे क्रीडा संकुलाची सद्यस्थिती ही एखाद्या जुन्या वाड्यासारखी झाली आहे. क्रिकेट मैदानाबाबत वेळोवेळी डागडुजी करून वेळ निभावून नेली जाते. या संकुल परिसरातच जलतरण तलाव बीओटीवर उभारण्याची योजना आखण्यात आली होती. मात्र, तलावाचे काम अर्धवट स्थितीत असतानाच हा प्रकल्प अडचणीत सापडला. गेल्या काही वर्षांपासून हा तलाव अर्धवट स्थितीतच आहे.

दोनच क्रीडा संकुले

गरवारे क्रीडा संकुलाची उभारणी झाली त्यावेळी ते शहरातील सर्वात मोठे क्रिकेटचे मैदान होते आणि आजही इतर मैदानांपेक्षा ते मोठेच आहे. तरीही या संकुलाच्या सुविधांचे आधुनिकीकरण करण्याबाबत कधीही गांभीर्याने महापालिका सभागृहात चर्चा झालेली नाही.

हे क्रीडा क्षेत्राचे दुर्दैवच म्हणावे लागेल. क्रिकेटच्या मैदानाचा उपयोग अनेक वर्षे विवाह सोहळे व इतर मोठ्या कार्यक्रमांसाठी होत होता. त्यातून मिळणाऱ्या उत्पन्नाचा उपयोग मात्र क्रीडा संकुलातील सुविधांच्या आधुनिकीकरणासाठी कधीही केला गेला नाही. पर्यायाने संकुलातील क्रीडा सुविधांची धुळधाण उडाली. बॅडमिंटन कोर्ट पूर्णतः उखडले आहे. इनडोअर हॉलची सद्यस्थिती पडक्या वाड्यासारखी झाली आहे. या संकुलाच्या विकासाकडे कधीही गांभीर्याने पाहिले गेले नाही अथवा कधीही सभागृहात गंभीरतेने चर्चाही झाली नाही हे दुर्दैवच म्हणावे लागेल.

महापौर क्रीडा स्पर्धा

काही वर्षांपूर्वी महापौर करंडक क्रीडा स्पर्धांचे आयोजन होत होते. मात्र, काही खेळांचा अपवाद वगळता आता या स्पर्धाही घेतल्या जात नाहीत. या स्पर्धा पुन्हा सुरू करण्याची गरज आहे. तसेच उदयोन्मुख खेळाडूंना स्पर्धात्मक व्यासपीठ उपलब्ध करून देण्यासाठी राष्ट्रीय पातळीवरील स्पर्धांचे आयोजन शहरात करण्याकरिता महापालिकेने पुढाकार घ्यायला हवा.

नागरी क्रीडा केंद्रांची दुर्दशा

महापालिका क्षेत्रात ११३ वॉर्ड तयार करण्यात आले असले, तरी केवळ दोनच क्रीडा संकुले महापालिकेने उभारले आहेत. त्यात गरवारे क्रीडा संकुल आणि प्रमोद महाजन क्रीडा संकुल या दोन संकुलाचा समावेश आहे. या शिवाय शहरात विविध भागांत एकूण सहा नागरी क्रीडा केंद्रे आहेत. सिडको एन-५, सिद्धार्थ जलतरण तलाव, बन्सीलालनगर, ज्योतीनगर, सिडको एन-३ टेनिस मैदान, एम-२ कम्युनिटी सेंटर, सिडको टाऊनसेंटर या ठिकाणी ही नागरी क्रीडा केंद्रे चालवली जातात. सिद्धार्थ जलतरण तलावाचा अपवाद वगळता इतर क्रीडा सुविधांची स्थिती फारसी समाधानकारक नाही. बहुतेक ठिकाणी खेळाडू, क्रीडा संघटकच आपापल्या पद्धतीने सुविधा उपलब्ध करून सराव करतात.

दर्जा उंचावण्याची गरज

२००३-०४ पासून आंतरशालेय क्रीडा स्पर्धांचे आयोजन करण्याची जबाबदारी ही महापालिकेकडे आलेली आहे. शालेय स्पर्धांसाठी दरवर्षी साधारणः पाच लाखांची तरतूद करण्यात येत होती. गतवर्षी ही तरतूद दहा लाख रुपयांपर्यंत पोहचली. शालेय स्पर्धा आयोजन करताना या स्पर्धेतील खेळाडूंना अपेक्षित सुविधा पुरवण्याबाबत कधीही गांभीर्याने पाहिले जात नाही. केवळ स्पर्धा उरकरण्यावर भर दिसून येतो. त्यामुळे खेळाडूंच्या कामगिरीवरही त्यांचा विपरित परिणाम होतो.

शाळा ७७, क्रीडा शिक्षक ६

महापालिकेच्या शहरात एकूण ७७ शाळा आहेत. बहुतेक शाळांना क्रीडांगणे नाहीच. शिवाय अवघे सहा क्रीडा शिक्षक कार्यरत आहेत. त्यातील एक-दोन क्रीडा शिक्षकांचा अपवाद वगळता हे क्रीडाशिक्षकही अन्य कामांत व्यस्त असतात. या ७७ शाळांमध्ये जवळपास १७ हजारांपेक्षा अधिक विद्यार्थी हे शिक्षक घेतात. या मुलांना खेळण्यासाठी पुरेशी जागाच उपलब्ध नाही असे चित्र आहे. मैदानच नाही म्हटले तर क्रीडा साहित्य असण्याच्या प्रश्नच उपस्थित होत नाही. या विषयाची आत्तापर्यंत कोणत्याही लोकप्रतिनिधी, प्रशासकीय अधिकाऱ्यांनी गांभीर्याने दखल घेतलेली नाही.

मुंबईत महापालिकेच्या मालकीची अनेक मैदाने आहेत. क्रीडा सुविधा उपलब्ध करून देण्याकडे तिथे खूप जागरुकता दिसून येते. औरंगाबादेत मात्र, क्रीडा क्षेत्राकडे पाहण्याचा दृष्टिकोन फारसा उत्साहवर्धक नसल्याचे चित्र आहे. महापालिका शाळेतील विद्यार्थ्यांना खेळण्यासाठी जागा, साहित्य देण्याची जबाबदारी महापालिकेचीच आहे. हॉकी, अॅथलेटिक्स ट्रॅक्स, कबड्डी, खोखो, व्हॉलिबॉल अशा खेळांची क्रीडांगणे तयार करण्यासाठी महापालिकेने पुढाकार घ्यायला हवा. क्रीडा क्षेत्राला चालना देण्याकरिता खेळांसाठी बजेटमध्ये आर्थिक तरतूद करावी.

- वीरेंद्र भांडारकर, उपसंचालक, साई क्रीडा प्रशिक्षण केंद्र.

महापालिका हद्दीत अनेक खुली मैदाने आहेत. मात्र, या जागांचा विकास झालेला नाही. प्रत्येक वॉर्डात एक खुले मैदान खेळासाठी विकसित करण्याचे लक्ष्य लोकप्रतिनिधींनी ठेवले पाहिजे. मुले, युवक-युवती खेळाकडे वळतील आणि त्यामुळे क्रीडा संस्कृती विकसित होईल. तसेच युवा वर्ग व्यसनाधिनतेपासून दूर होण्यास मदत होऊ शकेल. राज्य शासनाच्या शिवछत्रपती पुरस्काराप्रमाणेच महापालिकेने शहरातील गुणवान खेळाडूंचा गौरव करण्याकरिता पुरस्कार द्यावेत. उदयोन्मुख खेळाडूंना मदत कारवी. त्यासाठी महापालिकेने बजेटमध्ये तरतूद केली पाहिजे.

- डॉ. उदय डोंगरे, क्रीडा संचालक, विद्यापीठ.

मोबाइल अॅप डाउनलोड करा आणि राहा अपडेट

लोहट्यातील प्रकार सतीचा नव्हे

April 1, 2015, 12:11 pm

≫ Next: बनावट नोटा खपवणारे दोघे गजाआड

≪ Previous: क्रीडा क्षेत्रापासून फारकत!

$

0

0

म. टा. प्रतिनिधी, लातूर

लोहटा (ता. औसा) गावात दोन दिवसांपूर्वी झालेल्या पती-पत्नीच्या मृत्यूचा प्रकार दुर्घटना असल्याचे मत महिला आयोगाच्या सदस्या आशा भिसे यांनी व्यक्त केले. हा प्रकार सती जाण्याचा नसल्याचे जिल्हा पोलिस अधीक्षक डॉ. ज्ञानेश्वर चव्हाण यांनी म्हटले आहे.

बुधवारी डॉ. चव्हाण व भिसे यांनी लोह‌टा गावाला भेट दिली. यावेळी त्यांनी गावकऱ्यांची मते जाणून घेतली. डॉ. चव्हाण म्हणाले, 'लोहट्याचे तुकाराम माने यांच्या मृत्यूनंतर त्यांच्या पत्नी उषा माने यांचा अर्धवट जळालेला मृतदेह तुकाराम यांच्या चितेजवळ सापडला. तो तिथे कसा, केव्हा आला याबाबत कुणालाही माहिती नाही. जेव्हा ग्रामस्थांच्या हा प्रकार लक्षात आला तेव्हा उषा यांच्यावर अंत्यसंस्कार करण्यात आले. कोणीही प्रत्यक्ष साक्षीदार नाहीत. त्यामुळे सध्या अकस्मात मृत्यू अशी नोंद करण्यात आली आहे.'

भिसे यांनी अॅड. श्रीकांत सूर्यवंशी, चक्रधर शेळके यांच्यासह लोहटा गावाला भेट दिली. माने दाम्पत्याच्या घरी जाऊन नातेवाईक, मुलांचे सांत्वन केले. भिसे म्हणाल्या, 'माने दाम्पत्य दोघेच गावात राहत होते. त्यांची दोन्ही मुले बाहेरगावी राहतात. त्यांचा कोणाशीही वाद नव्हता. या दुर्घटनेने सर्वांना धक्का बसला आहे. गावकरीही बोलण्याच्या मानसिकतेत नाहीत.'

मोबाइल अॅप डाउनलोड करा आणि राहा अपडेट

बनावट नोटा खपवणारे दोघे गजाआड

April 1, 2015, 12:14 pm

≫ Next: गुलमंडी शिवसेनेला; राजाबाजार भाजपकडे

≪ Previous: लोहट्यातील प्रकार सतीचा नव्हे

$

0

0

म. टा. प्रतिनिधी, औरंगाबाद

ऐन महापालिका निवडणुकीच्या धामधुमीत शहरात बनावट नोटा चलनात आणणाऱ्या जालन्याच्या दोघांना पोलिसांनी बेड्या ठोकल्या. एकाला मंगळवारी गुलमंडी भागातून, तर बुधवारी एका संशयितास जालन्यातून ताब्यात घेतले. या आरोपींकडून २४ हजार रुपये जप्त करण्यात आले आहेत. सय्यद मोहसीन, बशीर पाशा अशी संशयितांची नावे आहेत.

गुलमंडी भागात एक तरुण किरकोळ सामान विकत घेण्यासाठी दुकानदारांना हजाराची नोट देत असून, त्याच्याकडे अशा बऱ्याच नोटा आहेत, अशी माहिती पोलिसांना मिळाली. त्यावरून पोलिसांनी त्याचा शोध घेतला, तेव्हा उत्तम उपाहार गृहासमोर हा तरुण सापडला. सय्यद मोहसीन सय्यद वीर (अलंकार टॉकीजमागे, खडकपुरा, जालना) असे या संशियातचे नाव आहे. झडतीत त्याच्याकडे हजाराची एक व पाचशे रुपयांच्या वीस बनावट नोटा सापडल्या. त्याला अटक करून त्याच्याविरुद्ध सिटीचौक पोलिस ठाण्यात गुन्हा दाखल करण्यात आला आहे. पोलिसांनी सय्यदची चौकशी केली, तेव्हा त्याला जालन्याच्या शेख बशीरने या नोटा दिल्याची माहिती मिळाली. पोलिसांनी बुधवारी जालना गाठून शेख बशीर पाशा सिकंदर याला अटक केली. त्याच्या ताब्यातून १३ हजारांच्या बनावट नोटा जप्त केल्या.

ही कारवाई पोलिस निरीक्षक अविनाश आघाव यांच्या मार्गदर्शनाखाली सहायक पोलिस निरीक्षक गजानन कल्याणकर, उन्मेश थिटे, नसीमखान, विजयानंद गवळी, प्रदीप शिंदे, विशाल सोनवणे, भावसिंग चव्हाण, धीरज काबलीये, रवींद्र दाभाडे, प्रभाकर राऊत यांनी केली.

पेट्रोलपंपावर चलाखी

मोहसीनजवळ असलेल्या सर्व नोटांवर एकच क्रमांक आहे. तो एका पेट्रोल पंपावर कामाला आहे. पंपावरील ग्राहकांनादेखील त्याने अशा नोटा दिल्याची शक्यता आहे. तसेच शेख बशीर पोलिसांच्या रेकॉर्डवरील गुन्हेगार आहे. त्याला गेल्यावर्षी बनावट नोटा चलनात आणल्याप्रकरणी अटक करण्यात आली होती.

दोन लाखांत पाच लाख

मोहसीन व बशीरचे कनेक्शन उत्तरप्रदेशातील टोळीसोबत आहे. तेथील सूत्रधार त्यांना या नोटा पाठवतात. यामध्ये एक लाख रुपयांच्या खऱ्या नोटांच्या बदल्यात अडीच लाख, तर दोन लाख रुपयांच्या बदल्यात पाच लाखांच्या बनावट नोटा देण्यात येतात. या नोटा चालवून खरे चलन आरोपी जमा करतात.

मोबाइल अॅप डाउनलोड करा आणि राहा अपडेट

---

गुलमंडी शिवसेनेला; राजाबाजार भाजपकडे

April 1, 2015, 12:15 pm

≫ Next: धूम ‘बाइकर्स’वर करडी नजर

≪ Previous: बनावट नोटा खपवणारे दोघे गजाआड

$

0

0

म. टा. प्रतिनिधी, औरंगाबाद

महापालिका निवडणुकीतील बहुचर्चित गुलमंडी वॉर्ड युतीमध्ये शिवसेनेला आणि राजाबाजार वॉर्ड भारतीय जनता पक्षाला सुटल्याची माहिती सूत्रांनी दिली. याशिवाय अन्य दोन वॉर्डांवरून दोन्ही पक्षांत रस्सीखेच सुरूच आहे. यावर तोडगा काढण्यासाठी शुक्रवारी मुंबईत वरिष्ठ पातळीवर बैठक होणार आहे.

महापालिका निवडणुकीतही शिवसेना-भाजप युती व्हावी यासाठी दोन्हीही पक्षांच्या वरिष्ठ नेत्यांकडून प्रयत्न सुरू आहेत. त्यादृष्टीने सोमवार, मंगळवार असे दोन दिवस मुंबईत बैठकांचे सत्र सुरू राहिले. पालकमंत्री रामदास कदम, भाजपचे प्रदेशाध्यक्ष रावसाहेब दानवे यांच्या उपस्थितीत या बैठका झाल्या. सूत्रांनी दिलेल्या माहितीनुसार 'या बैठकांमधून दोन वॉर्डांचा प्रश्न निकाली निघाला. शिवसेनेने प्रतिष्ठेचा केलेला गुलमंडी वॉर्ड शिवसेनेलाच देण्याचे ठरविण्यात आले. राजाबाजार वॉर्ड भाजपला सोडण्यास शिवसेनेच्या नेत्यांनी सहमती दाखवली. आता फक्त सिडको एन ६ आणि मयूरपार्क या दोन वॉर्डांबद्दलच रस्सीखेच सुरू आहे. हे दोन्हीही वॉर्ड भाजपला देण्याची तयारी शिवसेनेने दर्शवली आहे, पण त्याच्या बदल्यात पूर्व विधानसभा मतदारसंघातील 'चांगले' वॉर्ड मिळावे असा आग्रह शिवसेनेने धरला आहे. वॉर्डांची अदलाबदल करून युती टिकवावी, अशी सूचना वरिष्ठ नेत्यांनी केली आहे. त्यानुसार आता युतीसंदर्भात अंतिम निर्णय करण्यासाठी मुंबईत शुक्रवारी बैठक होणार आहे.'

शनिवारी घोषणा?

शुक्रवारच्या बैठकीत काही वॉर्डांची अदलाबदल करून युतीवर शिक्कामोर्तब केले जाण्याची शक्यता आहे. युतीवर शिक्कामोर्तब झाल्यास त्याची अधिकृत घोषणा शनिवारी केली जाईल, अशी माहिती सूत्रांनी दिली.

मोबाइल अॅप डाउनलोड करा आणि राहा अपडेट

धूम ‘बाइकर्स’वर करडी नजर

April 1, 2015, 12:05 pm

≫ Next: ...साहेबांनी भाजपला झिडकारले!

≪ Previous: गुलमंडी शिवसेनेला; राजाबाजार भाजपकडे

$

0

0

म. टा. प्रतिनिधी, जालना

जालना शहरातील रस्त्यांवर भरधाव वेगात दुचाकी चालविणाऱ्या धूम बाइकर्सवर जिल्हा पोलिस अधिक्षक ज्योतिप्रिया सिंग यांनी आता वक्रदृष्टी टाकली आहे. या धूम बाइकर्सना कायदयाचा बडगा दाखवित त्यांच्यावर कठोर कारवाई करण्यासाठी विशेष पथक स्थापन करण्यात आले आहे. सोमवारपासून या मोहिमेची सुरुवात करण्यात आली आहे. शिवाजी पुतळा परिसरात राबविण्यात आलेल्या या मोहिमेतंर्गत दहा दुचाकीस्वारांवर कारवाई करण्यात आल्याने वेगाने गाडी चालविणाऱ्यांचे धाबे दणाणले आहेत.

गेल्या काही दिवसांपासून शहरातील शिवाजी पुतळा, बडी सडक, गांधी चमन, कचेरी रोड, नुतन वसाहत, बस स््थानक, मामा चौक या प्रमुख रस्त्यांवर वेगाने गाडी चालविणाऱ्यानी अक्षरक्षः धूमाकूळ घातला आहे. विशेष करून सायंकाळी सात वाजल्यानंतर या धूम बाइकर्सचा धूमाकूळ मोठया प्रमाणात सुरू होतो. साधारण १६ ते २५ वर्षे वयोगटातील हे तरुण आपल्याजवळील दुचाकी अतिशय भरधाव वेगात पळवतात. यावेळी हे युवक जोर-जोरात आरडा-ओरडा करतात आणि कर्णकर्कश हॉर्न वाजवितात. ज्यामुळे परिसरातील नागरिकांना याचा नाहक त्रास सहन करावा लागतो. यासर्व प्रमुख मार्गांवर दवाखाने व कोचिंग क्लासेस असल्याने पेशंट व विद्यार्थी व वृद्ध यामुळे खूपच त्रस्त झाले आहेत. गेल्या काही दिवसांपासून तर या धूम बाईकर्समध्ये रेस लावली जात आहे. सुमारे चार ते दहा दुचाकी वाहने एकापाठोपाठ एक प्रचंड धरधाव वेगात पळविली जातात. या प्रकारामुळे मोठे अपघात होण्याची शक्यता नाकारता येत नाही.

आगामी काळात वेगाने गाडी चालविणाऱ्यांचार कारवाई करण्यासाठी ज्योतिप्रिया सिंग यांनी या धूम बाइकर्सना कायदयाचा बडगा दाखवित त्यांच्यावर कठोर कारवाई करण्यासाठी विशेष पथक स्थापन केला आहे. सिंग यांच्या या विशेष पथकाने सोमवारपासून सुरवात केली असून शिवाजी पुतळा परिसरात विशेष मोहीम राबवून पोलिसांनी दहा दुचाकीस्वारांवर कारवाई केली. भरधाव वेगाने दुचाकी चालविणाऱ्यांना ताब्यात घेऊन त्याना चांगलाच चोप देण्यात आला. त्यांच्याकडून दोन हजार १०० रुपये दंडही वसूल करण्यात आला.सिंग यांच्या मार्गदर्शनाखाली सहायक पोलिस अधिक्षक दिक्षीत गेडाम यांच्या नेतृत्वातील विशेष पथकातील मनोज काळे, मदन गायकवाड, अजय फोके, नीतिन काकरवाल, नजीर पटेल यांनी ही कामगिरी बजावली.

वेगाने गाडी चालविणाऱ्या विरोधात अनेक नागरिकांच्या तक्रारी आल्या होत्या. अशाप्रकारे भरधाव वेगात वाहन चालविणे हे वाहतूक नियमांच्या विरोधात आहे. यामुळे जीवाला धोका होऊ शकतो. विशेष पथकामार्फत अशा धूम बाइकर्सविरोधात कारवाई यापुढेही सुरूच राहिल. कारवाई टाळण्यासाठी वाहतूक नियम आणि वेग मर्यादा पाळावे.

- ज्योतिप्रिया सिंग, पोलिस अधिक्षक, जालना

मोबाइल अॅप डाउनलोड करा आणि राहा अपडेट

...साहेबांनी भाजपला झिडकारले!

April 1, 2015, 12:01 pm

≫ Next: आठवड्यात दुसऱ्यांदा हंडा मोर्चा

≪ Previous: धूम ‘बाइकर्स’वर करडी नजर

$

0

0

प्रमोद माने, औरंगाबाद

खरे तर औरंगाबाद महापालिकेची दुसरी निवडणूक १९९३ मध्ये व्हायला हवी होती. परंतु राज्य शासनाने विविध कारणांमुळे ही निवडणूक न घेतल्यामुळे औरंगाबाद महापालिका पुन्हा एकदा प्रशासकाच्या ताब्यात गेली. विधानसभा निवडणुकीनंतर महापालिका निवडणुकीचे वारे सुरू झाले. १६ एप्रिल १९९५ ला औरंगाबाद महापालिकेची दुसरी निवडणूक झाली. याही निवडणुकीत प्राबल्य शिवसेनेचेच होते. या निवडणुकीत शिवसेनेची पाटी कोरी नव्हती. अगदी काँग्रेसला शोभावे अशी या संघटनेत तिकिटासाठी हाणामारी सुरू होती.

विधानसभेवर शिवसेना-भाजप युतीची सत्ता होती. औरंगाबाद महापालिका निवडणुकीत सेना-भाजपची युती व्हावी यासाठी भारतीय जनता पक्षाच्या सर्वच पदाधिकाऱ्यांनी खूप प्रयत्न केले. परंतु त्यांच्या प्रयत्नाला यश मिळाले नाही. शिवसेनाप्रमुख बाळासाहेब ठाकरे यांनी युती करण्यास साफ नकार दिला. या वेळी आम्ही देऊ तेवढ्या जागा घ्या, अशी भूमिका शिवसेनेने घेतली. १९८८ च्या यशामध्ये भाजपचा वाटा नगण्य आहे अशी भूमिका सेनेने घेतली होती. युतीमध्ये बिघाड झाल्यानंतर काँग्रेसनेही कोल्हापूर पॅटर्न राबविण्याचा निर्णय घेतला. काँग्रेस पक्षाने आपल्या उमेदवारांना अपक्ष उभे राहण्यास सांगितले. त्यांना हात हे चिन्ह देण्यात आले नव्हते. काँग्रेसला या निर्णयाचा मोठा फटका बसला.

औरंगाबाद चळवळीचे केंद्र आहे. असे असूनही तिसरी आघाडी किंवा डावी लोकशाही आघाडीला यश का मिळत नाही म्हणून सर्वच डावे पक्ष या निवडणुकीत मोठ्या जोमात उतरले. त्यांना थोडेफार यशही मिळाले. शिवसेनाप्रमुख बाळासाहेब ठाकरे यांची नेहमीच्या शैलीत मराठवाडा सांस्कृतिक मंडळाच्या मैदानावर जोरदार सभा झाली. या सभेत त्यांनी त्यावेळी माजी पंतप्रधान मोरारजी देसाई यांच्यावर आसूड उगारले होते. 'संयुक्त महाराष्ट्राच्या आंदोलनात १०५ वीरांचे बळी घेणाऱ्या व किती गोळ्या घातल्या याचा पोलिसांना हिशेब मागणाऱ्या मोरारजी देसाई यांचे स्मारक महाराष्ट्राच्या राजधानीत कदापिही होऊ देणार नाही,' अशी घोषणा शिवसेनाप्रमुख बाळासाहेब ठाकरे यांनी या जाहीर सभेत केली. या घोषणेचे पडसाद मुंबईत उमटले.

विधानसभेत शिवसेना-भाजपची युती होती. या निवडणुकीत दोन मित्र पक्ष एकमेकांसमोर उभे ठाकले. हिंदुत्वाच्या मतपेढीला तडा जाईल का, याचे परिणाम विधानसभेतील युती शासनावर होईल का, असे प्रश्न राजकीय पंडित विचारू लागले. या निवडणुकीत युती नसली म्हणून काय झाले. राज्यात युती पाच वर्षे सत्ता चालविणार, अशी घोषणा शिवसेनाप्रमुख बाळासाहेब ठाकरे यांनी केली. या घोषणेमुळे सर्व चर्चा आणि शक्यता थंडावल्या. औरंगाबाद महापालिकेची ही निवडणूक १९९१ च्या जनगणनेनुसार झाली. पहिली निवडणूक ६० प्रभागांतच झाली होती तर दुसरी निवडणूक ८२ प्रभागात झाली. तब्बल २२ प्रभाग वाढले गेले. आशियामधील सर्वात वेगवान वाढणारे शहर म्हणून औरंगाबादची ओळख झाली. या दुसऱ्या निवडणुकीत शिवसेनेने पुन्हा एकदा वर्चस्व सिद्ध केले. मात्र त्यांना एकट्याच्या बळावर सत्ता काबीज करता आली नाही. शिवसेना खालोखाल ३० अपक्ष उमेदवार निवडून आले. त्यात काँग्रेसप्रणित अपक्षांचा भरणा जास्त होता. पहिल्या निवडणुकीत भारतीय जनता पक्षाला शून्य जागा मिळाल्या होत्या. भारतीय जनता पक्षाने या निवडणुकीत आपले खाते उघडून तब्बल सात प्रभागात विजय मिळविला. समाजवादी पक्ष, जनता दल आणि भा. क. प. या पक्षांचाही महानगरपालिकेत प्रवेश झाला. जनता दलाने २, स. प. आणि भा. क. प.ने १-१ जागा जिंकली. मुस्लिम लीग, भारिप यांनी प्रत्येकी दोन जागा तर दलित पँथरने आपल्या तीन जागा कायम ठेवल्या. २२ प्रभाग वाढले तरी शिवसेनेची ताकद केवळ सातनेच वाढली. शिवसेनेची सर्व सूत्रे माजी महापौर प्रदीप जैस्वाल यांच्याकडे होती. जातीच्या नावावर शहर सतत पेटते ठेवण्याचा प्रयत्न शिवसेनेने केला. याचा फायदा याही निवडणुकीत झाला. स्थानिक स्वराज्य संस्थेमध्ये एकतृतीयांश महिलांना प्रतिनिधित्व देण्याचा निर्णय महापालिकेलाही लागू करण्यात आला. त्यामुळे एकतृतीयांश जागा महिला उमेदवारांनी जिंकल्या. महापौरपदाच्या निवडणुकीत अपक्ष आघाडीने बहिष्कार घातला. मुजीब आलम शहा यांच्याविरोधात रासुका लावण्यात आला होता. त्यांना कारागृहात ठेवण्यात आले होते. महापौरपदाच्या निवडणुकीच्या मतदानात मुजीब आलम शहा यांना मतदान करण्यासाठी आणा आणि त्यांची सुटका करा अशी मागणी पुढे करून अपक्ष आघाडीच्या ३३ नगरसेवकांनी मतदानावर बहिष्कार टाकला. मुजीब आलम शहा यांना मतदानासाठी आणण्याचे काम प्रशासनाचे नसल्याचे महानगरपालिकेचे तत्कालीन आयुक्त कृष्णा भोगे यांनी सांगितले. त्यानंतर एकतर्फी निकाल लागला.

शिवसेनेने अतिशय सामान्य घरातील सुनंदा कोल्हे यांना महापौरपदासाठी, तर ज्योत्स्ना हिवराळे यांना उपमहापौरपदासाठी उमेदवारी दिली. औरंगाबाद महापालिकेच्या पहिल्या महिला महापौर म्हणून सुनंदा कोल्हे यांची निवड झाली. भारतीय जनता पक्षाने आणि पाच अपक्ष नगरसेवकांनी शिवसेनेला पाठिंबा दिल्यामुळे शिवसेनेचा भगवा महापालिकेत कायम राहिला. शिवसेनेने गजानन बारवाल, शीला गुंजाळ आणि सुदाम पाटील सोनवणे या सामान्य कुटुंबातील नगरसेवकांना मानाचे महापौरपद दिले. अतिशय सामान्यांना सन्मानाचे पद शिवसेनेतच मिळू शकते असा संदेश देण्यात या पक्षाला यश मिळाले.

रशीदमामूंची लॉटरी; संभाजीनगर नाहीच

अनुसूचित जमातीचा नगरसेवक सेना-भाजप युतीकडे नसल्यामुळे अपक्ष म्हणून निवडून आलेले अब्दुल रशीदखान मामू हे महापौर झाले. अनुसूचित जमातीचे ते एकमेव उमेदवार होते. महापौरपद अनुसूचित जमातीसाठी राखीव होते. त्यामुळे रशीदमामू यांची लॉटरी लागली. याच कार्यकाळात शिवसेनेने मोठ्या गदारोळात औरंगाबादचे नामकरण संभाजीनगर करण्याचा ठराव संमत केला. पण या ठरावावर शिक्कामोर्तब न्यायालयाच्या निर्णयामुळे होऊ शकले नाही. आजपर्यंत शिवसेनेला संभाजीनगर हे नाव या शहराला देण्यात अपयशच आले आहे.

हजारहून अधिक जणांना नोकरी दिल्याचे समाधान!

औरंगाबादेत मी २९ ऑक्टोबर २००२ ते ४ फेब्रुवारी २००४ या दरम्यान नगरसेवक आणि महापौरच होते. ८० टक्के समाजकारण आणि २० टक्के राजकारणाचे बाळकडू घेऊन त्या काळी आदरणीय शिवसेनाप्रमुखांच्या मार्गदर्शनाखाली निवडणूक लढविली. आधी जिल्हा परिषदेत सदस्य होते. यामुळे तसा अनुभव होताच. औरंगाबादेत राजकारण करताना, निवडणूक लढविताना निव्वळ ३० ते ४० हजारात निवडणूक लढवली. आज ते शक्य नाही.

सिडको एन-६ या वॉर्ड क्रमांक ५३ मधून २००० साली झालेल्या निवडणुकीतून मी पालिकेत गेले. हा वॉर्ड महिला खुला राखीव होता. नगरसेवकपदाची ही पहिलीच निवडणूक असली तरी धुळे जिल्हा परिषदेत १९९२ ते १९९७ दरम्यान सदस्य होते. त्या काळी एकूण ५,५०० मतदारांपैकी माझ्या पारड्यात १,२७२ मते पडली. ६२२ मतांनी माझा विजय झाला. त्या काळी २९ ऑक्टोबर २००२ रोजी मी शहराची तिसरी महिला महापौर झाले. पालिकेतील १,१२४ जणांचा रोजंदारी कर्मचाऱ्यांचा प्रश्न मला सतावत होता. या कर्मचाऱ्यांना कायमस्वरूपी करण्यासाठी पाठपुरावा केला. त्यास यश मिळाले. सिडको-हडकोसाठी कांचनवाडीहून एक्स्प्रेस जलवाहिनीचे काम माझ्या कार्यकाळात झाले. कांचनवाडी ते सिडको पाण्याच्या टाकीपर्यंत ही जलवाहिनी आली. यामुळे सिडको-हडकोची तहान कायमसाठी भागली. सव्वा वर्ष महापौरपद भूषवले. नंतर 'मातोश्री'वरून इतरांना संधी देण्यासाठी पद सोडण्याचा आदेश आला. तो नाकारण्याचा प्रश्नच नव्हता. क्षणातच पद सोडले. त्यानंतर २००५ मध्ये माझा वॉर्ड महिला ओबीसी, तर २०१० मध्ये अनुसूचित जाती संवर्गासाठी राखीव झाला. मी राखीवमधून लढण्याचा निर्णय घेतला होता. आता वॉर्ड खुला झाला आहे. यामुळे पक्ष देईल ती जबाबदारी स्वीकारण्यास सज्ज आहे.

- विमल राजपूत

मोबाइल अॅप डाउनलोड करा आणि राहा अपडेट

आठवड्यात दुसऱ्यांदा हंडा मोर्चा

April 1, 2015, 11:44 am

≫ Next: कॉलेजांत क्रेडिट सिस्टीम

≪ Previous: ...साहेबांनी भाजपला झिडकारले!

$

0

0

म.टा. प्रतिनिधी, सातारा

सातारा-देवळाई भागातील पाण्याची समस्या भीषण होत असल्याने संतप्त नागरिकांनी नगरपालिकेच्या कार्यालयावर हंडा मोर्चा काढला. विशेष म्हणजे एकाच आठवड्यात नागरिकांना दुसऱ्यांदा असा मोर्चा काढण्याची वेळ आली. त्यावरून तरी नगरपालिकेने पाण्याची समस्या गांभीर्याने घेऊन नागरिकांना पाण्याची व्यवस्था करून द्यावी, अशी मागणी होत आहे.

अलोकनगर, चंद्रशेखरनगर, उर्जानगर, नारायणनगर, पेंब्रिल सोसायटी आदी भागांमध्ये पाण्याचे संकट मोठे झाले आहे. याचा सर्वाधिक त्रास महिलांना होत आहे. त्यांचा सगळा दिवस पाण्यासाठी पायपीट करण्यातच चालला आहे. त्यामुळे या भागातील संतप्त महिला आज (१ एप्रिल) पुन्हा एकदा नगरपालिकेच्या कार्यालयावर रिकामे हंडे घेऊन धडकल्या. सातारा-देवळाई भागात आतापर्यंत १४ टँकरने पाणी पुरवठा केला जात होता. आता टँकरची संख्या २० झाली आहे. तरीही सातारा परिसराची तहान भागू शकत नाही. अनेक भागांमध्ये नगरपालिकेचे टँकर जातच नाहीत. त्यामुळे नागरिक त्रस्त झाले आहेत.

अलोकनगर, चंद्रशेखरनगर, उर्जानगर, नारायणनगर, पेंब्रिल सोसायटी यासह अन्य काही भागांना तब्बल २० दिवसांनंतर पाण्याचा टँकर येत आहे. आधीच उन्हाळा त्यात एवढ्या उशीरा पाणी येत असेल तर जगायचं कसं, हा प्रश्न या महिलांनी उपस्थित केला आहे. टँकरच्या संख्येत आणखी वाढ करून वॉर्ड रचनेनुसार पाणी देण्यात यावे. प्रत्येक वॉर्डाला एक टँकर व त्याच्या किमान तीन फेऱ्या झाल्या पाहिजेत. प्रत्येक कुटुंबाला दिवसाकाठी किमान ५०० लिटर पाणी दिले तरच रोजच्या पाण्याची गरज भागू शकते, असे नागरिकांचे म्हणणे आहे. या मोर्चाद्वारे त्यांनी ते नगरपालिकेपुढे मांडले आहे.

पाणीपुरवठा अभियंता प्रकाश बनसोडे यांना मोर्चातील महिला, नागरिकांनी निवेदन दिले. त्यावर मेघा थोरात, सुनीता वराडे, सविता कुलकर्णी, सिंधू मकर, कलावती गडदे, सरला महजन आदींसह अन्य महिलांच्या स्वाक्षऱ्या आहेत.

मोबाइल अॅप डाउनलोड करा आणि राहा अपडेट

कॉलेजांत क्रेडिट सिस्टीम

April 1, 2015, 11:49 am

≫ Next: क्रीडा क्षेत्रापासून फारकत!

≪ Previous: आठवड्यात दुसऱ्यांदा हंडा मोर्चा

$

0

0

म. टा. प्रतिनिधी, औरंगाबाद

डॉ. बाबासाहेब आंबडेकर मराठवाडा विद्यापीठ संलग्नीत सर्व कॉलेजांमध्ये पदवी, पदव्युत्तर अभ्यासक्रमास क्रेडिट व ग्रेडिंग पद्धत लागू करण्यात येणार आहे. येत्या शैक्षणिक वर्षापासून याची अंमलबजावणी करण्यात येणार असून त्यानुसार अभ्यासक्रमाचा आरखडा, गुण प्रणालीबाबत बुधवारी (१ एप्रिल) कुलगुरू डॉ. बी. ए. चोपडे यांच्या अध्यक्षतेखाली बैठकही घेण्यात आली.

विद्यापीठ अनुदान अयोगाने सर्व विद्यापीठे, कॉलेजांना 'चॉईस बेस्ट क्रे‌डिट सिस्टीम' लागू करण्याचे आदेश दिले. येत्या शैक्षणिक वर्षापासूनच याची अंमलबजावणी करण्यात येणार आहे. याबाबत अधिष्ठाता, अभ्यास मंडळाच्या सदस्यांची बैठक पार पडली. महात्मा फुले सभागृहात झालेल्या या बैठकीत बीसीयूडी डॉ. के.व्ही. काळे यांनी पदव्युत्तर अभ्यासक्रमाचा आराखडा, गुणप्रणाली, प्रवेशाचे निकष व उत्तीर्णतेचे मानांकन यावर मार्गदर्शन केले. यूजीसीच्या नियमानुसार सर्व कॉलेजांमध्ये याची अंमलबजावणी होणार असून यामुळे कॉलेजांमध्ये पदव्युत्तर अभ्यासक्रम एक सारखा असेल, तसेच रिक्त जागांही कॉलेजांनी तात्काळ भराव्यात अशा सूचनाही त्यांनी दिल्या. कुलगुरू डॉ. बी.ए. चोपडे आपल्या मार्गदर्शन म्हणाले, विद्यार्थ्यांना स्पर्धेत टिकण्यासाठी ही पद्धत गरजेची असून शिक्षकांची भूमिका यात महत्वाची आहे. शिक्षकांनी ही पद्धती समजून घेतली आणि सकारात्मक ‌प्रतिसाद दिला तरच क्रेडिट सिस्टीम यशस्वी होवू शकते. विद्यापीठाला 'अ' दर्जा मिळाला म्हणून समाधानी राहून चालणार नाही तर 'आयएसओ' मानांकनही मिळवावे लागणार आहे. त्यामुळे बदलेल्या परिस्थितीचा विचार करून शिक्षकांनी तयार रहावे, असे आवाहन कुलगुरूंनी केले. यासह चारही जिल्ह्यात याबाबत कार्यशाळा घेण्यात येणार असल्याचे प्रशासनातर्फे जाहीर करण्यात आले.

शिक्षकांनी ही पद्धती समजून घेतली पाहिजे. त्यांनी सकारात्मक ‌प्रतिसाद दिला तरच क्रेडिट सिस्टीम यशस्वी होवू शकते.

डॉ. बी. ए. चोपडे, कुलगुरू

मोबाइल अॅप डाउनलोड करा आणि राहा अपडेट