म. टा. प्रतिनिधी, औरंगाबाद
महापालिका निवडणुकीत आघाडी करण्याबाबत काँग्रेस पक्षाशी वाटाघाटी यशस्वी होऊ न शकल्याने राष्ट्रवादी काँग्रेसने सोमवारी ११३ पैकी ७० वॉर्डांमध्ये उमेदवारांना तिकिटांचे वाटप केले आहे. त्यात आजी-माजी नगरसेवकांसह प्रमुख पदाधिकाऱ्यांंचा समावेश आहे. अन्य वॉर्डांतील उमेदवारी मंगळवारी सकाळी जाहीर होणार आहे.
गेल्या काही दिवसांपासून राष्ट्रवादी काँग्रेसने काँग्रेससमवेत आघाडी करण्याबाबत सकारात्मकता दाखवली होती. त्यासाठी वरिष्ठ पातळीवर तसेच स्थानिक पातळीवरही चर्चेच्या दोन-तीन फेऱ्याही झाल्या, परंतु या चर्चा निष्फळ ठरल्या. काँग्रेसने आघाडीबाबत कोणताही ठोस निर्णय न घेतल्याने राष्ट्रवादी काँग्रेसने सोमवारी ७० वॉर्डांसाठी उमेदवारी जाहीर केली. संपर्कमंत्री राजेश टोपे, आमदार सतीश चव्हाण, शहराध्यक्ष मुश्ताक अहमद, कार्याध्यक्ष व विनोद पाटील, नगरसेवक अभिजित देशमुख आदी पदाधिकाऱ्यांची सकाळी बैठक झाली. त्यानंतर आघाडी होणार नाही हे स्पष्ट होताच त्यांनी ११३ पैकी ७० वॉर्डांतील इच्छुक उमेदवारांना अधिकृत उमेदवारी जाहीर केली. त्यात काशीनाथ कोकाटे, डॉ. बाळासाहेब पवार, मोतीलाल जगताप, सुनील जगताप, राहुल तायडे, जया बनकर, राजेंद्र तुपे, प्रकाश मते आदी प्रमुख उमेदवारांचा समावेश आहे.
राष्ट्रवादी काँग्रेसचे उमेदवार असे (कंसात वॉर्ड क्रमांक) रितेश यादव पाटील (५), अनिता जाधव (६), लक्ष्मण औताडे (७), राजेश सुरे (८), मीना वाघे (९), राजू थोरात (२०), सुनीता पवार (२८), प्रकाश मते (३०), आशा साळवे (३१), तुषार वाघमारे (३८), काशीनाथ कोकाटे (४०), प्रदीप शेळके (४८), राजेंद्र तुपे (५१), सोनाली कांबळे (५३), वसंतराव देशमुख (५७), राहुल तायडे (६०), आर. बी. पाटील (६४), जया विनोद बनकर (७१), सौ. शेजुळ (७५), डॉ. बाळासाहेब पवार (७८), मोतीलाल जगताप (८२), सुनील जगताप (८४), सौ. विसपुते (९१), प्रेमसिंग चव्हाण (९४), ज्योती मोरे (९५), सौ. शिंदे (९९), जयंत प्रकाश जावळे (१०२), जनार्दन कांबळे (१०७), प्रकाश खंदारे (१११), सीताराम कदम (११२), श्री. नाडे (११३).
मोबाइल अॅप डाउनलोड करा आणि राहा अपडेट
