कानडगाव येथे ३३ केव्ही उपकेंद्राच्या कामात अडथळा आणणाऱ्या दांम्पत्याला नुकतीच अटक करण्यात आली आहे. त्यानंतर हे काम पोलिस बंदोबस्तात काम करण्यात येत आहे.
महावितरणच्या ३३ केव्ही उपकेंद्रासाठी शासकीय गायरान जमीन गट नंबर १३ मध्ये जिल्हाधिकाऱ्यांनी जागा दिली आहे. या जागेवर काम सुरू झाले असतांना गुरुवारी सदाशिव संपत सोनवणे व निर्मलाबाई सदाशिव सोनवणे यांनी शासकीय कामात अडथळा आणल्याची तक्रार सहाय्यक अभियंता दिनकर दुमने यांनी दिली. त्यांच्या फिर्यादीवरून कलम ३५३, ५०४, ५०६, ३४ अन्वये गुन्हा दाखल करून अटक करण्यात आली. दुमने यांच्या हातातील टेप हिसकावून घेऊन सोनवणे दांम्पत्याने शिवीगाळ करून शेतात पाय ठेवला तर पाय मोडून टाकू अशी धमकी दिली होती. या घटनेची माहिती पोलिसांना कळविताच पोलीस निरीक्षक शिवलाल पुरभे, मंडळ अधिकारी शेखर शिंदे यांनी घटनास्थळी जाऊन शासकीय कामात अडथळा निर्माण करणाऱ्यांना ताब्यात घेतले.
न्या. भोसले यांची बदली
खुलताबादः तालुका दिवाणी व फौजदारी न्यायालयाचे न्यायाधीश एस. एन. भोसले यांची पुणे येथे बदली झाली आहे. ते येथे तीन वर्षांपासून कार्यरत होते. तालुका विधी सेवा समितीच्या माध्यमातून त्यांनी अनेकांना न्याय मिळवून दिला, गावोगावी कायदेविषयक मार्गदर्शन केले. ते उत्कृष्ट क्रिकेटपटू असल्याने जिल्हास्तरावर अनेक क्रिकेट स्पर्धेत सहभाग घेतला होता.
मोबाइल अॅप डाउनलोड करा आणि राहा अपडेट
