खरीप हंगाम २०१५संदर्भात जिल्हा परिषदेत उपाध्यक्ष दिलीप धोंडगे यांच्या अध्यक्षतेखाली नुकतीच बैठक घेण्यात आली. त्यावेळी ते बोलत होते. या वेळी अतिरिक्त मुख्य कार्यकारी अधिकारी गुलाबसिंग राठोड, कृषी विकास अधिकारी पंडित मोरे, जिल्हा कृषी अधिकारी एस. एस. वागरे, व्ही. आर. सरदेशपांडे, बियाणे महामंडळाचे सहाय्यक व्यवस्थापक के. एल. सावंत, बियाणे व खते व्यापारी असोसिएशनचे अध्यक्ष मधुकरराव मामडे, बिपीन कासलीवाल आदी उपस्थित होते.
धोंडगे यांनी बी-बियाणे व खतांची उपलब्धता याविषयी सविस्तर आढावा घेतला. कृषी आयुक्त कार्यालयाकडे प्रत्येक शेतकऱ्यांसाठी अधिकची बी-बियाणे आणि रासायनिक खतांची मागणी करण्यात यावी, अशा सूचना त्यांनी केल्या. बियाणे व खते विक्री करणाऱ्या व्यापाऱ्यांनी त्यांच्याकडे उपलब्ध असलेल्या बि-बियाणांची माहिती, त्यांची किंमत; तसेच परवाना नंबर विक्री केंद्राच्या दर्शनी भागात लावणे आनिवार्य आहे. तसेच बोगस बियाणे विक्री करणाऱ्या अथवा जादा दराने विक्री करणाऱ्या व्यापाऱ्यांवर कडक कारवाई करण्यात येणार असल्याचे त्यांनी सांगितले.
मोबाइल अॅप डाउनलोड करा आणि राहा अपडेट
