तालुक्यातील अंधानेर शिवारात गुरांना चारापाणी करण्यास गेलेल्या तरुणाचा शेतातील वीजप्रवाह उतरलेल्या विजेच्या खांबाच्या ताणाच्या तारेचा स्पर्श झाल्याने मृत्यू झाला. अंधानेर येथील सुनील कैलास मालकर (वय १८) हा शेतातील गुरांना चारापाणी करण्यासाठी सकाळी सातच्या सुमारास गेला होता. तेव्हा खांबाच्या ताणाच्या तारेत वीजप्रवाह उतरला होता. या तारेला स्पर्श केल्याने त्याला विजेचा गंभीर धक्का बसला. त्याला कन्नडच्या ग्रामीण रुग्णालयात दाखल केले असता वैद्यकीय अधिकारी डॉ. विशाल बेंद्रे यांनी मृत घोषित केले. तरुणाचा मृत्यू वीजमंडळाच्या हलगर्जीपणामुळे झाला असून, मृत तरुणाच्या कुटुंबियांना आर्थिक मदत द्यावी अशी मागणी अंधानेरच्या ग्रामस्थांनी वीजमंडळाकडे केली आहे.
चेकवर शून्य वाढवून दोन लाख हडपले
वैजापूर : सिमेंट रस्त्यासाठी मंजूर झालेल्या निधीच्या चेकवर शून्य वाढवून एका ग्रामसेवकाने दोन लाख रुपये हडपल्याची घटना उघडकीस आली. गट विकास अधिकाऱ्यांनी केलेल्या चौकशीत हा प्रकार समोर आला. याप्रकरणी वीरगाव पोलिस ठाण्यात ग्रामसेवक कल्याण शेळकेसह तिघांवर फसवणुकीचा गुन्हा दाखल करण्यात आला आहे.वैजापूर तालुक्यातील वक्ती, पानवी गावांमध्ये ४ फेब्रुवारी २०१४ ते २० ऑक्टोबर २०१४ या कालावधीत जिल्हा परिषद अंतर्गत सिमेंट रस्ते तयार करण्या आले. या कामासाठी शासनाने निधी मंजूर करून धनादेशही दिले. या चेकवर संबंधित गावचे सरपंच व ग्रामसेवकाच्या स्वाक्षऱ्या झाल्या. यातील दोन धनादेशावर ग्रामसेवक शेळके याने एकूण रकमेच्या पुढे आणखी एक झिरो वाढवून इतर दोघांच्या संगनमताने दोन लाख रुपये उचलून घेतले, अशी तक्रार देण्यात करण्यात आली आहे.
मोबाइल अॅप डाउनलोड करा आणि राहा अपडेट
