आठवड्यापूर्वी केलेला रस्ता चार पावसांतच उखडला

June 17, 2015, 1:12 pm

≫ Next: मोबाइल गॅजेट्समुळे तरुणांत ‘नर्व्हस ब्रेक डाउन’

≪ Previous: ‘अमृत’ची फळे चाखणार कशी?

$

0

0

म. टा. प्रतिनिधी, औरंगाबाद

मोंढा नाका उड्डाणपुलाच्या दोन्ही बाजूंनी असलेल्या रस्त्याचे गेल्या आठवड्यात केलेले डांबरीकरण अवघ्या आठ दिवसांत चार पावसांत उखडला आहे. त्यामुळे वाहनधारकांची अडचण झाली आहे. रस्त्याच्या मधोमध पडलेले हे खड्डे चुकविताना तारेवरची कसरत करावी लागत आहे.

मोंढा नाका उड्डाणपुलाचे बांधकाम अंतिम टप्प्यात आहे. रहदारीच्या जालना रस्त्यावरील वाहतुकीची सोय करून देण्यासाठी साइड पट्ट्या उपलब्ध करून दिल्या होत्या. रस्त्याच्या मधोमध उभे असलेल्या खांबामुळे वाहतुकीस अडचणी निर्माण होत होत्या. पोलिस आयुक्त अमितेश कुमार यांनी महाराष्ट्र राज्य रस्ते विकास महामंडळास सूचना करून दोन्ही साइड पट्ट्यांचे डांबरीकरण आधी करावे, अशी सूचना केली होती. त्यानुसार गेल्या मंगळवारी, बुधवारी मेगा ब्लॉक करून दोन्ही बाजूंचे डांबरीकरण करण्यात आले. आठवडा संपण्यापूर्वीच तयार केलेल्या रस्त्यावर खड्डे पडण्यास सुरुवात झाली आहे. अवघ्या चार पावसांत रस्ता उखडला असून, दोन्ही बाजूंनी मोठे खड्डे पडले आहेत. रस्त्याची खडी दूरवर पसरली असून, त्यामुळे अपघातांचा धोका वाढला आहे.

मोबाइल अॅप डाउनलोड करा आणि राहा अपडेट

---

मोबाइल गॅजेट्समुळे तरुणांत ‘नर्व्हस ब्रेक डाउन’

June 17, 2015, 1:17 pm

≫ Next: जुलै महिन्यात ‘स्वाइन’चा धोका

≪ Previous: आठवड्यापूर्वी केलेला रस्ता चार पावसांतच उखडला

$

0

0

निखिल निरखी, औरंगाबाद

मोबाईल गॅजेट्सचे विचित्र दुष्परिणाम घराघरात पोहोचल्याचे स्पष्ट झाले आहे. अशा गॅझेट्समुळे १७ ते २५ वयोगटातील तरुणांमध्ये 'नर्व्हस ब्रेक डाउन' ही 'डिप्रेशन'ची सुरुवातीची अवस्था दिसून येत आहे. तब्बल ८ ते १० टक्के तरुणांमध्ये हा विकार असू शकतो, अशी भीती शहरातील वैद्यकतज्ज्ञांनी व्यक्त केली आहे. गॅजेट्सच्या आहारी जाण्यामुळेच अशी वेळी येत असून, अशा तरुणांवर औषधोपचारांसह समुपदेशन करावे लागत आहे. 'इंजिनीअरिंग', 'मेडिकल'सह इतर अभ्यासक्रमाच्या विद्यार्थ्यांमध्येही हे गॅजेट्सचेे 'वेड' खूप झपाट्याने वाढत असल्याचा इशारा तज्ज्ञांनी दिला आहे.

डॉ. हेडगेवार रुग्णालयाचे चिकित्सक व हृदयविकारतज्त्र डॉ. विकास रत्नपारखे यांनी 'महाराष्ट्र टाइम्स'ला दिलेल्या माहितीनुसार, मागच्या सहा महिन्यांत 'नर्व्हस ब्रेक डाउन' झालेल्या किमान १० ते १५ विद्यार्थ्यांवर उपचार करण्याची वेळ आली. हे सर्व विद्यार्थी १७ ते २४-२५ वयोगटातील होते. यामध्ये अभियांत्रिकी, वैद्यकीय शाखेच्या विद्यार्थ्यांचाही समावेश होता, हे विशेष. महिन्याला सरासरी दोन विद्यार्थ्यांवर अशा प्रकारचे उपचार करण्याची वेळ येते. परीक्षेच्या काळात हे प्रमाण बरेच वाढते. मागच्या तीन वर्षांत हा प्रकार खूप झपाट्याने वाढला असून, निश्चित आकडेवारी नसली तरी 'नर्व्हस ब्रेक डाउन' होणाऱ्या तरुणांचे प्रमाण हे ८ ते १० टक्के असू शकते. वेगवेगळ्या महाविद्यालयांमध्ये समुपदेशनासाठी गेल्यानंतरही हा प्रकार प्रकर्षाने समोर येत आहे.

अतिवापरामुळे विद्यार्थ्यांना मोबाइल गॅजेट्सचे शब्दशः व्यसन जडते. असे विद्यार्थी दिवस-रात्र वेगवेगळ्या गॅजेट्समध्ये दंग होतात, दिवस-रात्र हेडफोनचा वापर करतात. त्यामुळे दिवसा झोप-रात्री जागरण सुरू होते आणि अशांचे 'बायोलॉजिकल क्लॉक' बिघडते. परिणामी, तो शिक्षणात मागे पडतो आणि ताण वाढत जाऊन संबंधित विद्यार्थी 'नर्व्हस ब्रेक डाउन'चा बळी ठरतो, असेही डॉ. रत्नपारखे म्हणाले.

गॅजेट्सद्वारे दिवस-रात्र माहितीचा व नको-नको त्या गोष्टींचा भडीमार, डोळ्यासमोर सततचा स्क्रीन, यामुळे मेंदूच्या रासायनिक प्रक्रियेमध्ये बदल होऊन विचार, भावना व वर्तनात बिघाड होतो. यामुळे 'नर्व्हस ब्रेक डाउन' किंवा 'डिप्रेशन'सारखे मानसिक विकार जडू शकतात. एकूण 'डिप्रेशन'च्या रुग्णांचे प्रमाण २५ ते ३० टक्के आहे. यातील ८ ते १० टक्के प्रमाण अशा प्रकारच्या तरुणांचे असू शकते.

- डॉ. विजय पठाडे, मनोविकारतज्ज्ञ

मोबाइल अॅप डाउनलोड करा आणि राहा अपडेट

जुलै महिन्यात ‘स्वाइन’चा धोका

June 17, 2015, 1:13 pm

≫ Next: कचऱ्यातून हजारोंचा मलिदा!

≪ Previous: मोबाइल गॅजेट्समुळे तरुणांत ‘नर्व्हस ब्रेक डाउन’

$

0

0

औरंगाबाद : जुलै महिन्यात 'स्वाइन फ्ल्यू'चा धोका निर्माण होणार आहे. त्यामुळे दक्ष रहा, असा इशारा जागतिक आरोग्य संघटनेने दिला, अशी माहिती महापालिकेच्या आरोग्य वैद्यकीय अधिकारी डॉ. जयश्री कुलकर्णी यांनी दिली. या पार्श्वभूमीवर महापालिकेची यंत्रणा सज्ज आहे, असे त्यांनी आज बुधवारी पत्रकारांना सांगितले.

'स्वाइन फ्ल्यूचा संभाव्य धोका लक्षात घेऊन आवश्यक यंत्रणा उभ्या केल्या जात आहेत. सध्या पावसाळा आहे. त्यामुळे आरोग्य विभागातर्फे शहरात अती जोखमीची ठिकाणी निश्चित करण्यात आली आहेत. जलजन्य आजारासाठी १२६ तर किटकजन्य आजारासाठी १४० ठिकाणे अती जोखमीची आहेत. त्यावर नियंत्रण मिळवण्यासाठी उद्या गुरुवारी अधिकाऱ्यांची, तर परवा शुक्रवारी कर्मचाऱ्यांची बैठक आयोजित केली आहे. त्यांना प्रशिक्षणही दिले जाणार आहे,' असे डॉ. कुलकर्णी म्हणाल्या.

मोबाइल अॅप डाउनलोड करा आणि राहा अपडेट

कचऱ्यातून हजारोंचा मलिदा!

June 17, 2015, 1:11 pm

≫ Next: ‘रिक्षा बंद’मुळे पालक वेठीला

≪ Previous: जुलै महिन्यात ‘स्वाइन’चा धोका

$

0

0

उन्मेश देशपांडे, औरंगाबाद

महापालिकेची शहरातील साफसफाईची यंत्रणा 'सलाईन' वर असताना काही भंगारवाल्यांनी महापालिकेच्या यंत्रणेशी 'हातमिळवणी' करून कचऱ्यातून रोज हजारोंचा मलिदा लाटणे सुरू केले आहे. विविध ठिकाणाहून गोळा केला जाणारा कचरा डेपोत जाण्यापूर्वी त्यातून अशा प्रकारची वरकमाई केली जाते, अशी माहिती सूत्रांनी दिली.

शहराच्या विविध भागात साफसफाई करण्यासाठी महापालिकेची यंत्रणा कार्यरत आहे. या यंत्रणेच्या माध्यमातून अनेक गैरप्रकार चालतात, पण त्याकडे पध्दतशीरपणे दुर्लक्ष केले जाते. त्याचाच एक भाग महापालिकेत चर्चिला जातो, पण त्यावरही अद्याप काही कारवाई झालेली नाही. महापालिकेने वॉर्ड कार्यालयांना कचरा गोळा करून तो नारेगाव येथील कचरा डेपोपर्यंत नेण्यासाठी ट्रक, टिप्परची व्यवस्था केली आहे. हे शिगोशिग भरून जाणारे ट्रक आणि टिप्पर कचरा डेपोवर जाण्यापूर्वी विशिष्ट ठिकाणी थांबवले जातात. त्यातून विघटित न होऊ शकणारा कचरा वेगळा केला जातो. हे काम झाल्यानंतर कचरा भरलेली वाहने डेपोमध्ये रिकामी केली जातात.

विघटित न होणारा कचरा वेगळा करण्याच्या 'उद्योगात' भंगार खरेदी-विक्री करणारे शहरातील काही व्यापारी आणि वर्षानुवर्षे महापालिकेत घनकचरा व्यवस्थापन कक्षात काम करणाऱ्या काही अधिकारी - कर्मचाऱ्यांचा समावेश असल्याची माहिती सूत्रांनी दिली. या ट्रक मधून विघटित न होणारा कचरा वेगळा काढण्यासाठी भंगारचा व्यापार करणाऱ्या व्यापाऱ्यांकडून विशिष्ट प्रकारची यंत्रणा तैनात करण्यात आली आहे. या यंत्रणेतील कचरा वेचक सकाळ पासूनच कचरा डेपोच्या परिसरात तळ ठोकून बसलेले असतात. कचऱ्याने भरलेला ट्रक कचरा डेपोमध्ये रिकामा होताना या कचरा वेचकांच्या नजरेखालून तो जातो. या दरम्यान विघटित न होऊ शकणारा कचरा वेगळा केला जातो. वेगळा केलेला कचरा भंगारचा व्यवसाय करणाऱ्या व्यापाऱ्याच्या गोदामांमध्ये पोहचवला जातो. ही यंत्रणा गेल्या अनेक वर्षांपासून बिनबोभाटपणे राबवली जात आहे. सूत्रांनी दिलेल्या माहितीनुसार यातून रोज किमान वीस ते तीस हजारांची उलाढाल होते. भंगाराच्या गोदामावर पोहचवल्या जाणाऱ्या 'त्या' कचऱ्याला प्लास्टिक तयार करणाऱ्या कारखान्यांसह अन्य कारखान्यांमध्ये बऱ्यापैकी भाव मिळतो. मिळणाऱ्या या भावातून महापालिकेच्या काही अधिकारी - कर्मचाऱ्यांचे खिसे गरम केले जातात. या व्यवहाराबद्दल मात्र पालिकेच्या यंत्रणेची स्थिती 'हाताची घडी, तोंडावर बोट' अशी झाली आहे.

मोबाइल अॅप डाउनलोड करा आणि राहा अपडेट

‘रिक्षा बंद’मुळे पालक वेठीला

June 17, 2015, 1:15 pm

≫ Next: ‘जलयुक्त’ची १० हजार कामे अपूर्ण

≪ Previous: कचऱ्यातून हजारोंचा मलिदा!

$

0

0

म. टा. प्रतिनिधी, औरंगाबाद

शालेय विद्यार्थ्यांची वाहतूक करणाऱ्या रिक्षा, व्हॅन बंद असल्यामुळे पालकांना तिसऱ्या दिवशीही वैताग सहन करावा लागला. पोलिस आयुक्तांनी विद्यार्थी वाहतुकीवर घातलेल्या निर्बंधांच्या विरोधात कारवाईचा बडगा उगारला आहे. त्याला विरोध दर्शविण्यासाठी रिक्षा, व्हॅन चालकांनी तीन दिवसांचे बंद आंदोलन केले. आज या आंदोलनाचा शेवटचा दिवस होता. गुरुवारपासून विद्यार्थी वाहतूक सुरू करण्यात येईल, असे रिक्षा संघटनेने जाहीर केले आहे.

रिक्षांतून केवळ पाच विद्यार्थ्यांचीच वाहतूक करावी, असे आदेश पोलिस आयुक्त अमितेश कुमार यांनी दिले आहेत. त्याविरोधात विद्यार्थी वाहतूक करणारे रिक्षा चालक आणि चार चाकी वाहनधारकांनी बंद आंदोलन केले. या आंदोलनाबाबत रिक्षा चालक संघटनेने जिल्हाधिकाऱ्यांना निवेदन दिले. रिक्षातून ८ विद्यार्थी आणि चार चाकी वाहनांमधून १५ विद्यार्थ्यांची वाहतूक करण्याची परवानगी द्यावी, अशी मागणी केली. गुरुवारपासून पाच विद्यार्थी वाहतूक सुरू करण्याचा निर्णय घेतल्याची माहिती संघटनेचे निसार अहेमद यांनी दिली.

'टॅक्सी फॉर शुअर'च्या चार गाड्यांवर कारवाई

शहरातील 'टॅक्सी फॉर शुअर'च्या चार गाड्यांवर विना परवाना जाहिरात केल्याप्रकरणी बुधवारी आरटीओने कारवाई केली. यात एमएच २० डीएस १८१, एमएच २० डीएस ०३४८, एमएच ४४ - ०४१२, आणि एमएच २० डीएफ ३९९९ या गाड्यांना ताब्यात घेण्यात आले. प्रत्येक कारचालकाकडून चार हजार रुपयांचा दंड वसूल करण्यात आला.

रिक्षा चालक संघटनेने दिला 'डेमो'

रिक्षा चालकांच्या संघटनेने जिल्हाधिकारी यांच्या भेट घेतल्यानंतर विद्यार्थी वाहतुकीच्या प्रश्नाबाबत सहायक पोलिस आयुक्त खुशालचंद बाहेती यांची भेट घेतली. त्यांनी रिक्षात बसलेल्या विद्यार्थ्यांचे फोटो दाखविले. याबाबत सहाय्यक पोलिस आयुक्त बाहेती यांनी, थेट 'डेमो' करून दाखवा, अशी सूचना रिक्षा संघटनेच्या पदाधिकाऱ्यांना केली. त्यावेळी काही विद्यार्थ्यांना बुऱ्हाणी शाळेतून ८ विद्यार्थ्यांना एका रिक्षा बसवून संघटनेच्या पदाधिकाऱ्यांनी बाहेती यांना 'डेमो' दाखविला. याबाबत आयुक्तांशी चर्चा करू, असे आश्वासन सहायक आयुक्त बाहेती यांनी दिली.

रिक्षाचालकांच्या मागण्यांबाबत २३ जून रोजी प्रादेशिक परिवहन प्राधिकरणाची बैठक बोलविण्यात आली आहे. या बैठकीत या मागण्यांवर चर्चा केली जाणार आहे.

- वीरेंद्र सिंह; जिल्हाधिकारी

मोबाइल अॅप डाउनलोड करा आणि राहा अपडेट

‘जलयुक्त’ची १० हजार कामे अपूर्ण

June 17, 2015, 1:19 pm

≫ Next: पुराव्यांवर फिरविला नांगर

≪ Previous: ‘रिक्षा बंद’मुळे पालक वेठीला

$

0

0

म. टा. प्रतिनिधी, औरंगाबाद

दुष्काळी परिस्थितीवर मात करण्यासाठी शासनाने मोठा गाजावाजा करून जलयुक्त‌ शिवार योजना जाहीर केली, मात्र मराठवाड्यात या योजनेची कामे संथगतीने सुरू आहेत. विभागात १० हजार ६७८ कामे अपूर्ण असून, निवडण्यात आलेल्या १६८२पैकी ९२ गावांत अद्याप कामांना सुरुवातच झाली नाही.

दुष्काळावर कायमस्वरुपी मात करण्यासाठी राबविण्यात येत असलेल्या जलयुक्त शिवार अभियानामध्ये निवडण्यात आलेल्या गावांमध्ये २६ हजार २२२पैकी १५ हजार ५४४ कामे पूर्ण झाली असल्याची सरकारी दरबारी नोंद आहे. अद्याप १० हजार ६७८ कामे अपूर्ण आहेत. यामध्ये औरंगाबाद जिल्ह्यात १६०४, जालना १२२०, बीड ६७३, परभणी २०३१, हिंगोली १८४, हिंगोली १८४, नांदेड ९३२, लातूर ६५६ तर उस्मानाबाद जिल्ह्यामधील ३३७८ कामे सरकारी भाषेत 'प्रगतीपथा'वर आहेत. कोट्यवधी रुपये खर्च करून शासनाने सुरू केलेल्या या अभियानाचा येणाऱ्या काळात दुष्काळ निवारणासाठी उपयोग होईल, या आशेने अनेक गावांमध्ये कामे सुरू करण्याचा आग्र‌ह आहे. दुसऱ्या बाजुला सुरू असलेल्या दर्जाबाबत तक्रारी आहेत. जलयुक्त शिवार अभियानाअंतर्गत निवडण्यात आलेल्या गावांमध्ये माती बांध तयार करणे, शेततळे तयार करणे, सिमेंट नाला बांध, माती नाला बांध, वृक्ष लागवड, नाला खोलीकरण व सरळीकरण, ग्रेडेडे बंडिंग व गाळ काढणे आदी कामे करण्यात येतात.

औरंगाबाद जिल्ह्यात बंधाऱ्यांना ब्रेक

मराठवाड्यात पावसाचे जोरदार आगमन झाले. जिल्ह्यामध्ये जलयुक्त शिवार अभियानाअंतर्गत असलेल्या माती नालाबांध, साखळी सिमेंट बंधाऱ्यांच्या कामांना ब्रेक लागला आहे. जिल्ह्यात १७२ माती नालाबांधांपैकी केवळ ९५ बांध पूर्ण झाले अाहेत. २२५ साखळी सिमेंट बंधाऱ्यांपैकी केवळ १८ कामेच पूर्ण करण्यात आली आहेत. या शिवाय जिल्ह्यामध्ये शेततळे व गाळ काढण्याच्या कामांमध्येही औरंगाबाद जिल्हा इतर जिल्ह्यांच्या तुलनेत मागे पडला आहे.

मोबाइल अॅप डाउनलोड करा आणि राहा अपडेट

पुराव्यांवर फिरविला नांगर

June 17, 2015, 1:20 pm

≫ Next: लातूर कोर्टात महिलेची आत्महत्या

≪ Previous: ‘जलयुक्त’ची १० हजार कामे अपूर्ण

$

0

0

म. टा. प्रतिनिधी, औरंगाबाद

शेंद्रा भागातील कंपनीने एक शेतकऱ्याच्या शेतात रसायने सोडल्याचे प्रकरण 'महाराष्ट्र टाइम्स'मध्ये प्रसिद्ध होताच संबंधित शेतात नांगर फिरवून पुरावे नष्ट करण्याचा प्रयत्न करण्यात आला. शेतात सोडलेली रसायने विहिरीतही झिरपले आहेत. दरम्यान, याप्रकरणी शेतकरी आत्माराम ठुबे यांनी चिकलठाणा पोलिसांत तक्रार देऊन पाच दिवस उलटले आहेत. त्याची अद्याप दखल घेतलेली नाही.

शेंद्रा येथील आत्माराम ठुबे यांच्या शेतात घातक रसायने सोडण्यात आली. बळीराजा रेडिको एन व्ही कंपनीने हा प्रकार केल्याचा आरोप ठुबे यांनी केला आहे. चिकलठाणा पोलिस ठाण्यात १२ जून रोजी ठुबे यांनी रसायने टाकणाऱ्या दोघांवर; तसेच कंपनीवर कायदेशीर कारवाई करण्यासाठी तक्रार अर्ज दिला आहे. दरम्यान ठुबे यांच्यासह शहरात राहणाऱ्या इतर काही शेतकऱ्यांच्या शेतामध्ये रसायने सोडण्यात आली होती. 'मटा'मध्ये वृत्त प्रसिद्ध झाल्यानंतर काही अज्ञात तरुणांनी ट्रॅक्टरद्वारे या शेतात नांगरणी करून पुरावा नष्ट करण्याचा प्रयत्न केला.

विहिरीतही रसायन : ठुबे यांच्या शेताकडे जाणाऱ्या एका पडिक जमिनीवर विहीर आहे. शेतात सोडलेली रसायने या विहिरीतही झिरपली आहेत; तसेच शेताच्या आजुबाजुला असलेल्या पाटाच्या चाऱ्यांमध्येही रसायन आढळले.

ठुबे यांच्यावर दबावाचा प्रयत्न

दरम्यान, या कंपनीमध्ये भारतीय जनता पक्षाच्या काही वरिष्ठ नेत्यांची पार्टनरशिप आहे. ठुबे यांना मंगळवारी मोबाइलवर, 'कंपनी कोणाची आहे माहिती नाही का,' असे म्हणत कंपनीविरुद्ध केलेली तक्रार मागे घेण्यासाठी धमकी देण्यात आली; तसेच आणखी काही स्थानिक नेते ठुबे यांच्याशी संपर्क साधत असल्याची माहिती आत्माराम ठुबे यांनी दिली.

मोबाइल अॅप डाउनलोड करा आणि राहा अपडेट

लातूर कोर्टात महिलेची आत्महत्या

June 18, 2015, 12:06 pm

≫ Next: औरंगाबादमध्ये पाऊस

≪ Previous: पुराव्यांवर फिरविला नांगर

$

0

0

म. टा. प्रतिनिधी, लातूर

जमिनीच्या वादातून निराश झालेल्या महिलेने जिल्हा न्यायालयाच्या आवारातच अंगावर रॉकेल ओतून जाळून घेतले. शासकीय रुग्णालयात उपचार सुरू असतानाच दुपारी या महिलेचा मृत्यू झाला.

राहीबाई ग्यानबा सुरवसे (वय ५५, रा. धनेगाव, ता. लातूर) असे या महिलेचे नाव आहे. त्यांच्या पतीचे २००१मध्ये निधन झाले. तेव्हापासून तिचा पुतण्यासोबत जमिनीवरून वाद सुरू होता. येथील कनिष्ठ न्यायालयाने काही दिवसांपूर्वी राहीबाई यांच्या बाजूने निकाल दिला, मात्र त्याच्या विरोधात पुतण्याने उच्च न्यायालयात दाद मागितली.

या प्रकरणात स्थगिती देण्यात आली होती. त्यामुळे यांनी नैराश्यातून बुधवारी दुपारी न्यायालयाच्या तिसऱ्या मजल्याच्या पायऱ्याजवळ अंगावर रॉकेल ओतून पेटवून घेतले. हा प्रकार लक्षात येताच त्यांना तातडीने उपचारासाठी लातूर येथील जिल्हा रुग्णालयात दाखल करण्यात आले. उपचार सुरू असतानाच दुपारी चारच्या सुमारास या महिलेचा मृत्यू झाला.

मोबाइल अॅप डाउनलोड करा आणि राहा अपडेट

---

औरंगाबादमध्ये पाऊस

June 18, 2015, 12:08 pm

≫ Next: शरद पवारांची चौकशी नाहीच!

≪ Previous: लातूर कोर्टात महिलेची आत्महत्या

$

0

0

म. टा. प्रतिनिधी, औरंगाबाद,

जोरदार पावसामुळे गुरुवारी औरंगाबादकरांना अक्षरशः झोडपून काढले. शहराच्या विविध भागांत पावसाचे पाणी शिरल्याचे वृत्त आहे. पैठणगेट, निराला बाजार परिसरातील अनेक दुकानांमध्येही पाणी शिरले.

जोरदार पावसामुळे शहरात १२ ठिकाणी घरांमध्ये पाणी शिरल्याची प्राथमिक माहिती अग्निशामक विभागाने दिली. विद्यानगर येथील आनंदकर हाउसिंग सोसायटी, गारखेड परिसर, श्री मंगल कार्यालय परिसर, क्रांतिचौक पोलिस स्टेशनमागील शिवाजी कॉलनी, देवळाई चौक आदी भागांत पावसाचे पाणी शिरले.

रात्री दहानंतर विविध भागांतून अग्निशामक विभागाकडे पाणी शिरल्याच्या तक्रारी आल्या. त्यानंतर अग्निशामक दलाच्या जवानांनी पाणी उपसण्याचे काम सुरू केले. शहरात सकाळपासून ढगाळ वातावरणात होते, सायंकाळी साडेसहा वाजता रिमझिम पावसाला सुरुवात झाली. काही वेळात पावसाचा जोर वाढला. रात्री उशिरापर्यंत त्याचा जोर कायम होता. त्यामुळे लहान, मोठे नाले दुथडी भरून वाहत होते. सखल भागांमध्ये पाणी साचले होते.

मोबाइल अॅप डाउनलोड करा आणि राहा अपडेट

शरद पवारांची चौकशी नाहीच!

June 18, 2015, 12:10 pm

≫ Next: अभियंते ‘समांतर’च्या दावणीला

≪ Previous: औरंगाबादमध्ये पाऊस

$

0

0

म. टा. प्रतिनिधी, औरंगाबाद

राष्ट्रवादी कॉग्रेसचे नेते शरद पवार यांच्यासंदर्भात राज्यात कोणतीही चौकशी सुरू नाही. त्यांना चौकशीला बोलविण्याचा सध्यातरी प्रश्न नाही. त्याचबरोबर माजीमंत्री छगन भुजबळ यांच्यावर नियमानुसार आणि कोर्टाच्या निर्देशाप्रमाणे कारवाई सुरू आहे. सरकार अकास बुद्धीने कसलीही कारवाई करत नसल्याचे मुख्यमंत्री देवेंद्र फडणवीस यांनी स्पष्ट केले.

जलयुक्त शिवार अभियानाअंतर्गत विविध कामांची पाहणी करण्यासाठी ते गुरुवारी जिल्ह्यात आले होते. राष्ट्रवादी कॉग्रेसचे नेते शरद पवार यांनी भुजबळ यांची पाठराखण करतानाच, 'मी आणि माझे सहकारी यांना हे सरकार आम्हाला कधी जेलमध्ये टाकणार याची वाट बघत आहोत,' असे विधान केले होते. यासंदर्भात पत्रकारांनी विचारले असता मुख्यमंत्री फडणवीस यांनी पवार यांची राज्यात कोणतीही चौकशी सुरू नसल्याचे स्पष्ट केले. भुजबळ यांच्यावरील कारवाई ही नियमानुसार आणि कोर्टाच्या निर्देशांप्रमाणे करण्यात येत असल्याचे त्यांनी सांगितले. आम्ही कायद्याने काम करीत असून, अँटी करप्शन ब्युरो पुराव्यांच्या आधारे काम करत आहेत. सरकार अकस बुद्धीने कसलीही कारवाई करत नाही, असे स्पष्टीकरण मुख्यमंत्र्यांनी दिले.

तुरुंगात जाण्याची वाट पाहतोय - शरद पवार

'माझ्यासह राष्ट्रवादीच्या सर्व नेत्यांना हे सरकार कधी तुरुंगात टाकणार आहे, याची मी वाटच पाहतो आहे', असा जोरदार टोला गुरुवारी राष्ट्रवादी काँग्रेसचे अध्यक्ष शरद पवार यांनी भुजबळ प्रकरणात सत्ताधाऱ्यांना दिला. सकाळी पवार यांच्या निवासस्थानी भुजबळ यांनी त्यांची भेट घेतली. त्यानंतर पवार यांनी सरकारवर हल्ला केला.

घोटाळ्यांचे परदेशात कनेक्शन

माजी सार्वजनिक बांधकाममंत्री छगन भुजबळ व कुटुंबीयांविरोधात नवी दिल्लीतील नव्या महाराष्ट्र सदनाची बांधणी, वांद्रे येथील एमआयजी कॉलनीचा पुनर्विकास यांसह ११ गैरव्यवहारांच्या आरोपांबाबत दोन महिन्यांत चौकशी पूर्ण करून अंतिम अहवाल सादर करण्याचे आदेश गुरुवारी मुंबई हायकोर्टाने दिले. त्याचवेळी यातील काही प्रकरणांतील आर्थिक व्यवहारांचे कनेक्शन सिंगापूरसह परदेशांत असल्याने अधिक चौकशी गरजेचे असल्याचे म्हणणे एसीबीने मांडले.

मोबाइल अॅप डाउनलोड करा आणि राहा अपडेट

अभियंते ‘समांतर’च्या दावणीला

June 18, 2015, 12:13 pm

≫ Next: ७ वर्षांनी मंत्रिमंडळ बैठक

≪ Previous: शरद पवारांची चौकशी नाहीच!

$

0

0

उन्मेष देशपांडे, औरंगाबाद

महापालिकेच्या पाणीपुरवठा विभागातील १५ अभियंते समांतर जलवाहिनीचे काम करण्यासाठी नियुक्त करण्यात आलेल्या औरंगाबाद सिटी वॉटर युटिलिटी कंपनीच्या दावणीला बांधण्यात आले आहेत. आयुक्त प्रकाश महाजन यांनी १० जून रोजी या संबंधीचा आदेश काढून या सर्व अभियंत्यांच्या सेवा कंपनीकडे वर्ग केल्या आहेत. यापूर्वी २५ अभियंते कंपनीकडे वर्ग करण्यात आले. त्यांचा पगार मात्र महापालिकेतर्फे केला जात आहे. त्यांच्या पगारावर दरमहा ११ लाख रुपये खर्च करण्यात येत आहेत.

समांतर जलवाहिनीचे काम करण्यासाठी महापालिकेने कंपनीबरोबर करार केला. त्यानुसार समांतर जलवाहिनी टाकण्याच्या कामासह पाणीपुरवठा करण्याचे काम कंपनीकडे दिले आहे. महापालिकेने लाइनमन व तत्सम काम करणारे २८७ कर्मचारी कंपनीकडे कायमस्वरुपी वर्ग केले. या कर्मचाऱ्यांचा पगार कंपनीतर्फे केला जात आहे. त्यानंतर पाणीपुरवठा विभागातील २५ अभियंते व कर्मचाऱ्यांना महापालिकेच्या अस्थापनेवर राहून कंपनीचे काम करण्याची मुभा देण्यात आली. त्यामुळे या सर्वांचा दर महिन्याचा ११ लाख रुपयांचा पगार पालिकेच्या तिजोरीतून केला जात आहे. त्यानंतर आयुक्त प्रकाश महाजन यांनी १० जून रोजी कार्यालयीन आदेश काढून पाणीपुरवठा विभागात काम करणाऱ्या १५ अभियंत्यांना प्रतिनियुक्तीवर कंपनीच्या ताब्यात देऊन टाकले. या सर्वांना कंपनीकडे प्रतिनियुक्तीवर देण्याचे कारण स्पष्ट करताना आयुक्तांनी या आदेशात म्हटले आहे की, मागील महिन्यापासून शहरातील वितरण व्यवस्थेमध्ये मोठ्या प्रमाणावर विस्कळितपणा आला असून, नगरसेवक, नागरिकांच्या तक्रारी वाढत आहेत. प्राप्त परिस्थितीवर नियंत्रण आणणे व शहरातील वितरण प्रणाली सुरळीत करण्यासाठी पाणीपुरवठा विभागात कार्यरत असलेले उपअभियंता, शाखा अभियंता, कनिष्ठ अभियंता व दुय्यम अवेक्षक यांना पुढील आदेशापर्यंत कंपनीकडे प्रतिनियुक्तीवर पाठविण्यात येत आहे. या काळात नियमानुसार देय असलेले वेतन व भत्ते कंपनीतर्फे दिले जातील.

मोबाइल अॅप डाउनलोड करा आणि राहा अपडेट

७ वर्षांनी मंत्रिमंडळ बैठक

June 18, 2015, 12:15 pm

≫ Next: ज्ञानेश्वर उद्यान BOTवर देणार?

≪ Previous: अभियंते ‘समांतर’च्या दावणीला

$

0

0

म. टा. प्रतिनिधी, औरंगाबाद

हैदराबाद मुक्तीसंग्राम दिनापूर्वी मराठवाड्यात मंत्रिमंडळाची बैठक घेण्यात येईल, अशी माहिती मुख्यमंत्री देवेंद्र फडणवीस यांनी गुरुवारी (१८ जून) येथे पत्रकारांना दिली. त्याचबरोबर विदर्भ आणि कोकणातही मंत्रिमंडळाची बैठक घेणार असल्याचे त्यांनी सांगितले.

मुख्यमंत्री फडणवीस यांनी जिल्हाधिकारी कार्यालयामध्ये जलयुक्त शिवार अभियानाचा आढावा घेतला. त्यानंतर ते पत्रकारांशी बोलत होते. ते म्हणाले,'मराठवाड्याच्या प्रश्नांसाठी औरंगाबादेत मंत्रिमंडळाची बैठक घेण्याचा निर्णय सरकारने घेतला आहे. १७ सप्टेंबरपूर्वी येथे बैठक घेण्यात येणार आहे. त्याचबरोबर विदर्भ आणि कोकणातही मंत्रिमंडळाच्या बैठका घेण्यात येणार आहेत.'

मराठवाड्यात जलसंधारणाची मूलभूत कामे या योजनेतून होत आहेत. माथ्यापासून पायथ्यापर्यंतची कामे केली जात आहेत. पहिल्या टप्प्यात चांगला पाऊस झाल्याने मोठे जलसाठे निर्माण होत आहेत. नदी-नाल्यांचे खोलीकरण, रुंदीकरण यांचा लाभ झाला आहे, असेही फडणवीस यांनी सांगितले. सुमारे ५० टक्के भाग प्रभावी सिंचनाखाली येत नाही, मात्र जलयुक्त शिवार योजनेमुळे हा भाग सिंचनाखाली येणार आहे. या योजनेमध्ये नागरिक, स्वयंसेवी संस्था, प्रशासन एकत्र येऊन काम करीत आहे, असे त्यांनी सांगितले.

पाण्यासाठी नियम

मराठवाड्यामध्ये जायकवाडी धरणामध्ये ऊर्ध्व भागातून सोडण्यात येणाऱ्या पाण्याविषयी मुख्यमंत्री फडणवीस म्हणाले की, 'जायकवाडी'मध्ये पाणी सोडण्याचा निर्णय आमच्याच शासनाने घेतला आहे. आवश्यक असेल त्यावेळी जायकवाडीला नियमानुसारच पाणी सोडण्यात येणार अाहे. यासाठी सरकार एक नियमावली तयार करणार अाहे.

अस्मिता

शहराला संभाजीनगर असे नाव देण्याची मागणी पुढे येत असल्याचा प्रश्न पुढे आहे. महापालिकेच्या निवडणुकीतही हा मुद्दा होता. त्याबद्दल मुख्यमंत्र्यांना विचारले असता ते म्हणाले, 'आमचा अजेंडा विकासाचा आहे. त्यावरच आम्ही महापालिकेच्या निवडणूक लढलो. संभाजीनगरचा मुद्दा हा अस्मितेचा अजेंडा आहे. पूर्वीच्या काळात युतीने त्याबाबत निर्णय घेतला आहे.' मराठवाड्याला कायम डावलले जात असल्याच्या मुद्द्यावर ते म्हणाले की, मराठवाड्याला नॅशनल स्कूल ऑफ आर्किटेक्चर दिले. त्याचबरोबर लॉ युनिव्हर्सिटीचे आश्वासन पूर्वी देण्यात आले होते. त्यावर काहीही कार्यवाही करण्यात आली नव्हती. आम्ही ही संस्था मराठवाड्याला देण्याचा निर्णय घेतला आहे. ही संस्था उभारण्याची आम्ही पूर्ण व्यवस्था करीत आहोत. यापुढेही आम्ही अनेक संस्था मराठवाड्याला देणार आहोत. मराठवाड्याच्या अनेक मागण्या आहेत त्याबाबतीत संबंध‌ित विभागाचे मंत्री काम करीत आहेत.

मोबाइल अॅप डाउनलोड करा आणि राहा अपडेट

ज्ञानेश्वर उद्यान BOTवर देणार?

June 18, 2015, 12:17 pm

≫ Next: पाण्यासाठी निधी देऊ!

≪ Previous: ७ वर्षांनी मंत्रिमंडळ बैठक

$

0

0

म. टा. प्रतिनिधी, पैठण

अत्यंत दुरावस्था झालेल्या संत ज्ञानेश्वर उद्यानाला लवकरच चांगले दिवस येणार आहेत. राज्यशासन हे उद्यान बीओटी तत्वावर देण्याचा गांभीर्याने विचार करत असल्याची माहिती मिळाली आहे.

पर्यटकांना आकर्षित करण्यासाठी राज्य शासनाने म्हैसूर येथील वृंदावन उद्यानाच्या धर्तीवर पैठण येथे संत ज्ञानेश्वर उद्यान उभारले. परंतु, अलिकडच्या काळात उद्यान सांभाळणे शक्य होत नसल्याने पुणे येथील ग्लास फायबर कंपनीला २००३ पासून उद्यान भाडेतत्वावर दिले होते. कंपनीने उद्यान नऊ वर्ष चालवले. पण करमणूक कराचे ३४ लक्ष ७१ हजार ९३२ रुपये थकवल्याने महसूल विभागाने २ मार्च २०१२ रोजी उद्यान सील केले.

ग्लास फायबर कंपनीने करमणूक कराचे पैसे भरले नसल्याने जलसंपदा विभागाने उद्यान ताब्यात घेवून २९ जून २०१२ ला पर्यटकांसाठी खुले केले होते. जलसंपदा विभागाकडे उद्यान चालविण्यासाठी लागणारी पुरेशी यंत्रणा नसल्याने उद्यानाची ताब्यात घेतल्याच्या पहिल्या दिवसापासून दुरवस्था होण्यास सुरुवात झाली. सद्यस्थितीत उद्यानातील सर्व अंतर्गत रस्ते उखडले असून तीन वर्षात मोठ्या प्रमाणात वृक्षतोड झाली आहे. सध्या उद्यानात एकही फुलाचे झाड शिल्लक राहिलेले नाही. एकही कारंजा सुरू नसून मोकाट जनावरे बिनधास्तपणे चरतात. विशेष म्हणजे, उद्यानाचे मुख्य आकर्षण असलेला संगीत कारंजा तांत्रिक बिघाडामुळे गेल्या आठवयापासून बंद आहे.

संत ज्ञानेश्वर उद्यानाच्या दुरवस्थेकडे लक्ष देऊन उद्यान पुनर्जीवित करावे या मागणीचे निवेदन देण्यासाठी शेतकरी नेते जयाजीराव सूर्यवंशी यांनी जलसंपदामंत्री गिरीश महाजन यांची नुकतीच भेट घेतली. त्यावेळी संत ज्ञानेश्वर उद्यानाला गतवैभव प्राप्त करून देण्यासाठी ते बोओटी तत्वावर देण्याचा विचार असल्याचे जलसंपदामंत्र्यांनी सांगितल्याची माहिती सूर्यवंशी यांनी दिली. गिरीश महाजन लवकरच संत ज्ञानेश्वर उद्यानाला भेट देणार असल्याचे त्यांनी सांगितले.

मोबाइल अॅप डाउनलोड करा आणि राहा अपडेट

पाण्यासाठी निधी देऊ!

June 18, 2015, 12:21 pm

≫ Next: १०० पेक्षा जास्त विद्यार्थी जेईई अॅडव्हान्सला पात्र

≪ Previous: ज्ञानेश्वर उद्यान BOTवर देणार?

$

0

0

म. टा. प्रतिनिधी, औरंगाबाद

'जलयुक्त शिवार अभियानाला व्यापक व उत्स्फूर्त लोकसहभागामुळे चळवळीचे रूप येत आहे. ही योजना जनतेची असून श्रेयही जनतेलाच आहे. येत्या काळात या योनजेला निधीही वाढवून देण्यात येईल. येत्या दोन वर्षात राज्यातील ११ हजार गावे या योजनेद्वारे टंचाईमुक्त करू,' असे प्रतिपादन मुख्यमंत्री देवेंद्र फडणवीस यांनी गुरूवारी केले.

जलयुक्त शिवार योजना अभियानांतर्गत चित्ते नदी पुनरुज्जीवन, खोलीकरण, कोल्हापूर पद्धतीचा बंधारा याची पाहणी आणि जलसाठ्याचे जलपूजन मुख्यमंत्री फडणवीस यांच्या हस्ते करण्यात आले. कार्यक्रमाच्या अध्यक्षस्थानी विधानसभा अध्यक्ष हरिभाऊ बागडे होते. 'जलयुक्त शिवार अभियानांतर्गत २८ पद्धतीने कामे करून माथा ते पायथा पाणी अडविण्याचे काम केले जात आहेत. पाणी मिळाले तर शेतकरी चमत्कार घडवू शकतो. योजनेला जनतेचा मोठा प्रतिसाद मिळत असून ही सरकारची नव्हे, तर जनतेचीच योजना आहे. त्यामुळे त्याचे श्रेयही जनतेलाच आहे,' असे प्रतिपादन मुख्यमंत्री फडणवीस यांनी केले. जनतेच्या सहभागामुळे मराठवाड्याचे चित्र निश्चितच बदलेल. सध्या सहा हजार गावात एक लाखांहून अधिक कामे सुरू असून येत्या दोन वर्षात ११ हजार गावे टंचाईमुक्त करु, असा विश्वासही त्यांनी यावेळी बोलताना व्यक्त केला.

यावेळी आमदार संदीपान भुमरे, भाजप प्रदेश उपाध्यक्ष डॉ. भागवत कराड, प्रवक्ते शिरीष बोराळकर, प्रदेश सदस्य अनिल मकरिये, जिल्हाध्यक्ष एकनाथ जाधव, औरंगाबाद शहराध्यक्ष भगवान घडामोडे, औरंगाबादचे उपमहापौर प्रमोद राठोड, मनपा स्थायी समिती सभापती दिलीप थोरात, विभागीय आयुक्त डॉ. उमाकांत दांगट, जिल्हाधिकारी वीरेंद्रसिंह, ‌ि‌वभागीय अधीक्षक कृषी अधिकारी पंडित लोणारे आदींची उपस्थिती होती. दरम्यान, या कार्यक्रमानंतर मुख्यमंत्र्यांनी पाचोड येथील सिमेंट नाला बांध प्रकल्प, एकोड येथील नाला खोलीकरण, डीप सीसीटी, सिमेंट नाला बांध या जलयुक्त शिवार अभियानातील कामांची पाहणी करून नागरिकांशी संवाद साधला.

चित्ते नदी पुनरुज्जीवन

या अभियानात चित्ते नदी पुनरुज्जीवनचे काम पूर्ण करण्यात आले. चित्ते नदीचे पाच किलोमिटरपर्यंत खोलीकरण व रुंदीकरण करण्यात आले असून दोन लाख घनमीटर गाळ काढण्यात आला. त्यामुळे अतिरिक्त २०० टीसीएम पाणीसाठा उपलब्ध होणार असून २७ विहीरीची पाणीपातळी वाढण्यास मदत झाली आहे. एकोड (पाचोड) सिमेंट बंधाऱ्यासाठी सुमारे १७ लाख रुपये खर्च आला असून त्यांची साठवण क्षमता २७.८७ टीसीएम एवढी आहे. यामुळे सहा हेक्टर क्षेत्र व १२ विहिरांना लाभ झाला.

मोबाइल अॅप डाउनलोड करा आणि राहा अपडेट

१०० पेक्षा जास्त विद्यार्थी जेईई अॅडव्हान्सला पात्र

June 18, 2015, 12:24 pm

≫ Next: जन धनच्या दीड लाख खात्यात झिरो बॅलन्स

≪ Previous: पाण्यासाठी निधी देऊ!

$

0

0

म. टा. प्रतिनिधी, औरंगाबाद

देशातील आयआयटीसह इतर नामवंत इंजिनीअरिंग कॉलेजांमधील प्रवेशासाठी राष्ट्रीय पातळीवर घेण्यात आलेल्या जेईई अॅडव्हान्सचा निकाल जाहीर झाला. शहरातून शंभरपेक्षा अधिक विद्यार्थी चांगली रँक मिळवित यशस्वी झाले. त्यांचा आयआयटीचा मार्ग सुकर झाला आहे.

केंद्रीय माध्यमिक शिक्षण मंडळातर्फे (सीबीएसई) घेण्यात आलेल्या परीक्षेचा निकाल जाहीर झाला. संकेतस्थळ हँग असल्याने विद्यार्थी, पालकांना निकाल पाहण्यासाठी ताटकळावे लागले. जेईई मेनची ऑफलाइन परीक्षा ४ एप्रिल, तर ऑनलाइन ११ व ११ एप्रिलला घेण्यात आली. त्याचा निकाल २७ एप्रिल रोजी जाहीर झाला. यातून अॅडव्हान्ससाठीपात्र ठरलेल्या विद्यार्थ्यांची परीक्षा २४ मे रोजी झाली. त्याचा निकाल संकेतस्थळावर बुधवारी रात्री उशीरा जाहीर करण्यात आला.

अॅडव्हान्समध्ये औरंगाबादच्या शंभरपेक्षा अधिक विद्यार्थ्यांनी यश मिळविले आहे. या विद्यार्थ्यांना आयआयटीला प्रवेश मिळणार आहे. मागील वर्षीच्या तुलनेत कट ऑफ घसरल्याने हवे असलेले आयआयटी, बँच मिळण्यासाठी स्पर्धा असणार आहे. यशस्वी विद्यार्थ्यांमध्ये करण निकम (रँक ६०), आसावरी काकणे (१६८ रँक), निखिल गावडे (३११ रँक), सव्यराज देशमुख (४०४), सीमा मोरे (५७२), संकल्प चपळगावकर (५१४), स्नेहल चंदन(८९), अखिलेख सोमाणी (५७४), रितेश बुरडे (७१५), आदित्य भदोरिया (७६३), प्रणव कुलकर्णी (७८६), सादअली बेग (८६९), मुग्धा जाधव (१२९०), मेघना राऊत (१४७४), ऋषभ बाहेती (१६३९), जयसिंग दौड (१७३३), अक्षय चोरडिया (१७६८), सचिन उरडे (१७५२), इंद्रनील कुलकर्णी (१८८०), आनंद नरवडे (१९४३), देवेश शहा (२२८९), रोनित हिरे(२५०४), सुकन्या पाटील (२६८०) अशा विद्यार्थ्यांचा समावेश आहे. अॅडव्हान्सचा पेपर कठीण होता, तसेच ज्यात अधिक निगेटिव्ह मार्किंग अधिक होती. यामुळे रँक घसरल्याचे विद्यार्थ्यांनी 'मटा'शी बोलताना सांगितले.

मोबाइल अॅप डाउनलोड करा आणि राहा अपडेट

---

जन धनच्या दीड लाख खात्यात झिरो बॅलन्स

June 18, 2015, 12:27 pm

≫ Next: सामान्यांची गुडांपासून सुटका

≪ Previous: १०० पेक्षा जास्त विद्यार्थी जेईई अॅडव्हान्सला पात्र

$

0

0

धनंजय कुलकर्णी, औरंगाबाद

पंतप्रधान नरेंद्र मोदी यांच्या महत्त्वाकांक्षी जन-धन योजनेंतर्गत शहरात उघडलेल्या ३ लाख १२ हजार खात्यांपैकी निम्या खात्यांवर व्यवहारच झाले नाहीत. मात्र, या खात्यांची व्यवस्था करण्यासाठी बँकांवर वर्षाला सुमारे पावणेचार कोटी रुपये खर्चाचा बोजा पडणार आहे.

या योजनेत विक्रमी खाती उघडण्यात आले. त्यांची नोंद गिनीज बुक ऑफ रेकॉर्ड्समध्ये झाली. मात्र, शहरातील ३ लाख १२ हजार खात्यांपैकी सुमारे १ लाख ४७ हजार खात्यांतच व्यवहार झाले. या माध्यमातून काही कोटी रुपयांची रक्कम बँकांकडे जमा झाली. उर्वरित खात्यांत एकदाही पैसे जमा करण्यात आले नाहीत. ही आकडेवारी जून २०१५ पर्यंत उघडलेल्या खात्यांसंदर्भातील आहे. सर्वसाधारणपणे बँक बचत खात्यात जमा होणाऱ्या पैशावर चार टक्के व्याज दिले जाते. मात्र, कर्जावर सर्वसाधारण १० टक्के व्याज आकारले जाते. त्या माध्यमातून खाते सुरू ठेवण्याचा खर्च वसूल केला जातो. खाते सुरू ठेवण्यासाठी वर्षाला जवळपास २५० रुपये खर्च करावे लागतात.

मोबाइल अॅप डाउनलोड करा आणि राहा अपडेट

सामान्यांची गुडांपासून सुटका

June 18, 2015, 12:28 pm

≫ Next: मराठवाडा साहित्य परिषद

≪ Previous: जन धनच्या दीड लाख खात्यात झिरो बॅलन्स

$

0

0

विजय देऊळगावकर

शहरात अनेक भूखंड माफीया आहेत. यामध्ये राजकीय मंडळीचा देखील समावेश आहे. या माफीयांनी आपले बाहूबळ वाढावे म्हणून गुंड प्रवृत्तीच्या तरूणांना पोसण्यावर भर दिला आहे. या पाठबळामुळे शहरात गल्लोगल्ली दादा भाऊ निर्माण झाले. या भाईलोकांच्या मागे राजकीय वरदहस्त असल्यामुळे सामान्य नागरिकही यांच्या दहशतीखाली वावरत होता. कधीकाळी दुचाकीवर फिरणारे अनेक गुंड नंतरच्या काळात गळ्यात सोन्याच्या साखळ्या, हातात ब्रेसलेट घेऊन मिरवू लागले होते. पोलिस ठाण्यात देखील आपल्या पंटरला सोडवण्यासाठी या गुंडाची दमदाटी चालत होती. सामान्य नागरिक काय साधा पोलिस कर्मचारी देखील कशाला नादाला लागायचे म्हणून यांना घाबरून होता. यामध्ये कर्मचाऱ्यांची काही चूक नव्हती. वरिष्ठ पोलिस अधिकारी देखील या प्रकरणात राजकीय हस्तक्षेपामुळे मूग गिळून बसत होते. मात्र, वेळ नक्कीच बदलते. पोलिस आयुक्त अमितेशकुमार यांनी पदभार घेतल्यानंतर या गुंडांची उलटी गिनती सुरू झाली. होर्डिंगवर मिरविणाऱ्या भाऊपासून ते चौकात तलवारीने केक कापणाऱ्या पैलवानपर्यंत कारवाईचा बडगा सुरू झाला. कोणाला कोणती भाषा समजते हे आयुक्त अमितेशकुमार यांना चांगलेच माहित आहे. त्यामुळे समोरच्याला समजेल अशा भाषेतच त्याला समज दिली जात आहे. आपल्याला आयुक्तांकडे कशी समज मिळाली हे फक्त त्या गुंडाना आणि ठराविक पोलिसांनाच माहित आहे. ही बाब ते बाहेर सांगूही शकत नाही. तोंड दाबून बुक्क्याचा मार त्यांना सहन करावा लागत आहे. साहजिकच त्यांच्या गुन्हेगारी कृत्यावर अंकूश निर्माण झाला आहे. पोलिसी पाहूणचार काय असतो हे त्यांना समजले आहे. याचा परिणाम नक्कीच समाजात दिसून येणार आहे. गल्लीबोळातील असे गुंड शांत झाल्यास नक्कीच त्या परिसरातील कायदा सुव्यवस्थेला ‌अडचण होणार नाही. पोलिस आयुक्तांनी सुरू केलेल्या या कारवाईमुळे पोलिस कर्मचाऱ्यांत देखील हुरूप आला आहे. पूर्वी या अशा गुंडानाच राहणारे पोलिस कर्मचारी अधिकारी आता ताठ मानेने कारवाई करू शकतात. प्रश्न फक्त या गुंडावर कारवाई करून सुटणार नाही. या गुंडांच्या मागे असलेले चेहरे सुटता कामा नये. भूखंड बळकावणे, ब्लॅकमेलिंग असे या गुंडाचे धंदे आहेत. मात्र, त्यांना खतपाणी घालणारे वेगळेच आहेत. विविध राजकीय पक्षाचा बुरखा पांघरून समाजात ही मंडळी वावरताना दिसून येतात. त्यांना देखील आता मध्ये पडणे उचित नाही हे कळून चुकले आहे. आयुक्त अमितेशकुमार यांनी शहरवासियांच्या मनात एक विश्वास निर्माण केला आहे. त्यांच्याकडे गेल्यानंतर आपले काम नक्की होणार हा दिलासा नागरिकांना मिळत आहे. आयुक्तांच्या कणखर भूमिकेमुळे स्वंयघोषित गुंडांपासून नागरिकांची सुटका झाली आहे. पुढच्या काळातही शहरात अशी परिस्थिती राहावी, अशी नागरिकांची अपेक्षा आहे.

मोबाइल अॅप डाउनलोड करा आणि राहा अपडेट

मराठवाडा साहित्य परिषद

June 18, 2015, 12:31 pm

≫ Next: उर्दू श्यामची आई

≪ Previous: सामान्यांची गुडांपासून सुटका

$

0

0

तुषार बोडखे, औरंगाबाद

'गेल्या दहा वर्षांत मराठवाडा साहित्य परिषदेच्या परिपूर्ण विकासासाठी सांघिक प्रयत्न केले. मराठवाडा लेखिका साहित्य संमेलन, मराठवाडा साहित्य संमेलन व विश्व मराठी साहित्य संमेलनातून परिषदेचा लौकिक वाढवला. हक्काचे नाट्यगृह व परिषद आर्थिकदृष्ट्या सक्षम केल्यामुळे मतदार पुन्हा संधी देतील' असा विश्वास 'मसाप'चे अध्यक्ष कौतिकराव ठाले पाटील यांनी व्यक्त केला. कार्यकारी मंडळ निवडणुकीच्या पार्श्वभूमीवर गुरुवारी त्यांनी 'महाराष्ट्र टाइम्स'शी संवाद साधला.

मराठवाडा साहित्य परिषदेच्या निवडणुकीची रणधुमाळी सुरू झाली आहे. एकूण ५२ उमेदवार निवडणुकीच्या रिंगणात आहेत. विद्यमान कार्यकारिणीला 'परिवर्तन आघाडी'ने आव्हान दिले आहे. तसेच राजकीय हस्तक्षेप वाढल्यामुळे ही निवडणूक उत्कंठावर्धक ठरणार आहे. विरोधकांनी जोर वाढवला असला तरी सुजाण मतदार पुन्हा विजयी करतील असा दावा ठाले यांनी केला. ते म्हणाले 'गेल्या दहा वर्षांत मसापचा लौकिक वाढला. तेरा वर्षांत १४ मराठवाडा साहित्य संमेलने घेतली. विश्व मराठी साहित्य संमेलन व मराठवाडा लेखिका साहित्य संमेलनाद्वारे पूरक काम केले. 'प्रतिष्ठान' मासिक दर्जेदार झाले आहे. नवोदित लेखकांसाठी 'स्वागत' उपक्रम घेऊन परिषदेने एक पाऊल पुढे टाकले. मान्यवर साहित्यिकांशी संवाद साधणारा 'साक्षात' उपक्रम लक्षणीय ठरला. या भरीव कामामुळे विद्यमान कार्यकारिणी जोरदार प्रचार करीत आहे. साहित्यिकांचे योगदान लक्षात घेऊन 'जीवनगौरव' पुरस्कार सुरू केला. या पुरस्काराने डॉ. सुधीर रसाळ, चंद्रकांत पाटील व ना. धों. महानोर यांना सन्मानित केले. 'यशवंतराव चव्हाण वाड्मय पुरस्कार', 'लोटू पाटील नाट्यकर्मी पुरस्कार' सन्मानजनक ठरले. खेड्यात संमेलने घेतल्यामुळे परिषद सर्वांपर्यंत पोहचली. चांगल्या साहित्यिकांना ऐकण्यासाठी रसिक संमेलनाला येतात. त्यामुळे नेहमी तेच चेहरे दिसतात हा विरोधकांचा आक्षेप बिनबुडाचा आहे.

साहित्याशी संबंधित प्रत्येकाला संधी देणे परिषदेचे काम आहे. हा वारसा परिषद कायम ठेवील. यशवंतराव चव्हाण नाट्यगृह उभारणी 'मसाप'साठी फायदेशीर ठरली असून बँक आणि नाट्यगृहाच्या भाड्यातून दरमहा दीड लाख रुपये उत्पन्न सुरू आहे,' असे ठाले म्हणाले.

.....

'मसाप'च्या निवडणुकीत आमदार सतीश चव्हाण यांचे कुणाला पाठबळ असल्याचा दावा ठाले यांनी फेटाळला. मराठवाडा शिक्षण प्रसारक मंडळाचे काही 'हौशी' प्राध्यापक निवडणुकीत उतरुन चव्हाण यांच्या नावाचा गैरफायदा घेण्याची शक्यता आहे. राष्ट्रीय स्वयंसेवक संघाचे सर्वाधिक उमेदवार असलेल्या प्रतिस्पर्धी गटाचा पुरोगामीपणाचा दावा फोल आहे. दिवंगत मुख्यमंत्री यशवंतराव चव्हाण यांचा 'मसाप'वर लोभ होता. राजकीय शिष्य असल्यामुळे शरद पवार यांनाही 'मसाप'बाबत आस्था आहे. त्यामुळे परिषदेवर राष्ट्रवादी काँग्रेसचा वरदहस्त आहे असा अर्थ कुणी काढू नये, असे ठाले यांनी स्पष्ट केले.

मोबाइल अॅप डाउनलोड करा आणि राहा अपडेट

उर्दू श्यामची आई

June 18, 2015, 12:34 pm

≫ Next: सव्वा कोटींचे चेक बाउंस

≪ Previous: मराठवाडा साहित्य परिषद

$

0

0

अब्दुल वाजेद, औरंगाबाद

मराठी भाषिक पिढ्यांवर मानवी मुल्यांचे संस्कार केलेल्या 'श्यामची आई' चे उर्दू भाषांतराचे काम जवळपास संपले आहे. उर्दुमधील 'श्याम की माँ' दोन महिन्यात वाचकांच्या हाती येणार आहे.

साने गुरूजी यांची सुप्रसिद्ध 'श्यामची आई' ही कांदबरी मराठी भाषकांना प्रेरणा देणारी ठरली आहे. आईची थोरवी नमूद करताना या कादंबरीतून किशोरवयीन मुलांवर मानवी मुल्यांचे संस्कार करण्यात आले आहेत. जळगाव येथील खान्देश विद्यापीठाने मराठीतील महत्त्वाची पुस्तके उर्दूतून भाषांतरित करण्याचा उपक्रम सुरू केला आहे. या उपक्रमात 'श्यामची आई' चे उर्दू भाषांतर डॉ. बाबासाहेब आंबेडकर मराठवाडा विद्यापीठाचे माजी बीसीयूडी डॉ. ए. जी. खान करीत आहेत. ते डॉ. रफिक झकेरिया कॅम्पसचे संचालक आहेत. 'श्याम की माँ' चे भाषांतर पूर्ण झाले असून सध्या मुद्रित शोधन सुरू आहे. एक महिन्यात उर्दू भाषांतरित पुस्तकाची छपाई पूर्ण होईल. उशीर झालाच, तर दोन महिन्यात पुस्तक वाचकांच्या हाती येईल असी माहिती डॉ. खान यांनी दिली.

'श्यामची आई' या कादंबरीची सहज, सोपी व थेट भिडणारी संवादी मराठी उर्दूमध्ये भाषांतरित करण्याचे आव्हान होते. या कांदबरीतून व्यक्त होणारी भावना उर्दूमध्ये मांडण्यासाठी परिश्रम घ्यावे लागले, असे डॉ. खान यांनी सांगितले. परंतु, या भाषांतरामुळे मोठे समाधान मिळाल्याची भावना त्यांनी व्यक्त केली.

मोबाइल अॅप डाउनलोड करा आणि राहा अपडेट

सव्वा कोटींचे चेक बाउंस

June 18, 2015, 12:39 pm

≫ Next: ६ कोटींच्या PFवर डल्ला

≪ Previous: उर्दू श्यामची आई

$

0

0

म. टा. प्रतिनिधी, औरंगाबाद

मार्च अखेरीस मालमत्ता कर वसुलीचे टार्गेट पूर्ण करण्यासाठी महापालिकेने घेतलेल्या चेकपैकी एक कोटी २५ लाख २१५ रुपये किंमतीचे चेक बाउंस झाले आहेत. पालिकेच्या लेखा विभागाकडून ही माहिती मिळाली.

मालमत्ता कर वसुलीसाठी दरवर्षी मार्च महिन्यात मोहीम हाती घेतली जाते. याअंतर्गत वसुली टार्गेट पूर्ण करण्यासाठी थकबाकीदारांकडून चेक घेण्यात येतात. ताब्यात घेतलेल्या चेकची गोळाबेरीज करून टार्गेटच्या जवळपास पोहचल्याची बतावणी केली जाते. ताब्यात घेतलेल्या चेक पैकी अनेक चेक वटलेच जात नाहीत. त्यामुळे वसुलीचे टार्गेट घसरते. घसरलेले टार्गेट जाहीर होऊ नये याची खबरदारी कर आकारणी व वसुली विभागातर्फे घेतली जाते. मात्र, लेखा विभागाने मालमत्ता कर वसुलीपोटी जमा केलेल्या, पण न वटलेल्या चेकची यादीच तयार केली आहे. ही यादी गुरुवारी पत्रकारांच्या हाती लागली. त्यानुसार एक कोटी २५ लाख २१५ किंमतीचे चेक वटले नाहीत.

यांचे चेक बाउंस ः सुरेंद्र बमनोटे, जगन्नाथ शिंदे, राजू जाधव, मेहरसिंग नाईक कॉलेज, जे. जी. रंधवा, सतीश संचेती, शैलजा लोहारकर, एच. रझवी, सेवा टुर्स अँड ट्रॅव्हल्स, हरमीदसिंग नामधारी, बंजारा विद्यार्थी वसतिगृह, कुलदीपसिंग जेढी, शिवाजीराव काळे हॉटेल पुष्पांजली, कुलभूषण जैस्वाल, त्रिमूर्ती बिल्डर्स अँड डेव्हलपर्स, व्यंकटेश कंस्ट्रक्शन, दि मॅनेजर मराठवाडा विकास भवन, प्रादेशिक परिवहन कार्यालय, शिवाजी बिल्डर अँड डेव्हलपर्स, शिवाई सेवा ट्रस्ट मुंबई, वर्षा डिस्ट्रीब्युटर्स अँड कंपनी, स्वीटी ओबेरॉय, आर. डी. प्रिंटर (पेट्रोल पंप), वरिष्ठ कोषागार अधिकारी लेखा कोष भवन, वक्फ बोर्ड, अय्युब जहागीरदार, भागचंद रुणवाल, दिलीप रुणवाल, सावित्रीबाई फुले हायस्कूल, भवानी ट्रेडर्स.

मोबाइल अॅप डाउनलोड करा आणि राहा अपडेट