६ कोटींच्या PFवर डल्ला

June 18, 2015, 12:41 pm

≫ Next: उद्योगाची उभारणी

≪ Previous: सव्वा कोटींचे चेक बाउंस

$

0

0

म. टा. प्रतिनिधी, औरंगाबाद

मराठवाड्यातील ३२ कंपन्यांनी कर्मचाऱ्यांच्या पीएफची सुमारे ५ कोटी ७१ लाख ३२ हजार १० रुपयांची रक्कम भरली नसल्याची माहिती समोर आली आहे. सुमारे ५ हजारांहून अधिक कामगारांचा पीएफ बुडवण्यात साखर कारखाने, धाबे, हॉटेल, जीनिंग, कामगार सहकारी संस्था, शासकीय दूध योजना यांचा समावेश आहे.

दरम्यान या कंपन्यांना नोटीसा बजावण्यात आल्या असून सुमारे पावणेसहा कोटींची थकबाकी त्यांच्याकडे आहे. लवकरात लवकर ही रक्कम भरून न्यायालयीन कारवाई टाळावी असे आवाहन आम्ही कंपन्यांना केले आहे, अशी माहिती कर्मचारी भविष्य निर्वाह निधीचे विभागीय आयुक्त सुधीर गणवीर यांनी दिली.


कंपन्यांची नावे व पीएफची रक्कम

करण अॅलाइज‌, औरंगाबाद - ७९ लाख २ हजार २६.

एस. आर. मिरखेल, गव्हर्नमेंट कॉण्ट्रॅक्टर, नांदेड - ३५ लाख ९२ हजार ५७६.

वीर गुर्जर अॅल्युमिनियम, औरंगाबाद - २७ लाख ८२ हजार ०८४.

मराठवाडा अॅक्सिडेंट अँड बर्न रिसर्च सेंटर, सुश्रृत हॉस्पिटल, औरंगाबाद - २६ लाख ८५ हजार.

इंदिरा गांधी उर्दू डी.एड.कॉलेज, नांदेड - २४ लाख ७९ हजार १०.

बाफना री-रोलिंग मिल्स पैठण - १९ लाख १५ हजार १७.

टेल्कॉन इंडस्ट्रीज वाळूज, औरंगाबाद - १५ लाख ३९ हजार २९४.

- रू फिट इंडस्ट्रीज, चिकलठाणा, औरंगाबाद - १४ लाख ८९ हजार ४०९.

हॉटेल रायसन एन - ६ सिडको, औरंगाबाद - १२ लाख ६० हजार ४९४.

जान्हवी मीरा चॅरिटेबल ट्रस्ट - १० लाख ९७ हजार २५४.

एस. बी. सगर गव्हर्नमेंट कॉण्ट्रॅक्टर नांदेड - ७ लाख ८११.

सुयोग इंजिनीअरिंग प्रायव्हेट लिमिटेड, औरंगाबाद - ७ लाख ९ हजार ८११.

मेयो लिमिटेड, पैठण - ७ लाख४८ हजार ६९७.

गिल्डगर प्रायव्हेट लिमिटेड, चिकलठाणा, औरंगाबाद - ६ लाख ६२ हजार ९२५.

मेसर्स-साई एंटरप्राय‌जेस, एमआयडीसी वाळूज, औरंगाबाद - ६ लाख २९ हजार ९०.

जयमा फाउंडर्स अँड इंजिनीअरिंग चिकलठाणा, औरंगाबाद - ५ लाख ७० हजार ४२.

विश्वा पेपर मिल्स - ५ लाख ४८ हजार ५९५.

माऊली एंटरप्राइजर्स, औरंगाबाद - ५ लाख ४६ हजार ४४८.

फौजी धाबा, दौलताबाद - ५ लाख ३३ हजार ६४०.

प्रभुदेव कॉटन इंडस्ट्रीज, नांदेड - ५ लाख २० हजार ८७०.


साखरकारखाने, खरेदी विक्रीसंघ व ‌जीनिंग

मेसर्स-कडा सहकारी साखर कारखाना, कडा (आष्टी-बीड) - ५३ लाख ४९ हजार १४२.

पद्मश्री डॉ. विठ्ठलराव विखे पाटील सहकारी साखर कारखाना, बीड - ३३ लाख ९६ हजार २९८.

परतूर तालुका सहकारी खरेदी-विक्री संस्था, परतूर - ६ लाख ५५ हजार १७१.

श्री. साई कॉटन प्रेसिंग किनवट, नांदेड - ६ लाख ६२ हजार २९५.

सिल्लोड तालुका को. ऑप लिमिटेड - ६ लाख ८७ हजार ३३५.

भगवान जीनिंग अँड प्रेस परळी, बीड - १२ लाख ७० हजार ४१५

गणेश जीनिंग बदनापूर, जालना - ३७ लाख ३६ हजार १२६.

माऊली सहकारी सूतगिरणी, बीड - १८ लाख ९८ हजार ७४८.

एका‌त्मिक ग्रामीण आणि कृषी संस्था, परभणी - ७ लाख ४९ हजार ४३६.

शासकीय दूध योजना औरंगाबाद - १२ लाख १८ हजार ११९.

औरंगाबाद जिल्हा मजूदर कामगार सहकारी संस्था - ८ लाख १४ हजार ०४४.

मोबाइल अॅप डाउनलोड करा आणि राहा अपडेट

---

उद्योगाची उभारणी

June 18, 2015, 12:42 pm

≫ Next: आज वीज बंद

≪ Previous: ६ कोटींच्या PFवर डल्ला

$

0

0

सुधीर भालेराव

बालवाडी ते दहावीपर्यंतचे शिक्षण आजोळी झाले. लहानपणापासूनच मित्रांचा चांगला ग्रुप लाभल्याने स्वतःचा उद्योग उभारण्याचे विचार मनात सारखा घोळत असायचा. दहा वर्षे नोकरीचा अनुभव घेतल्यानंतर प्रथम भागिदारीत व नंतर स्वतःचा उद्योग उभारणाऱ्या अशोक थोरात यांची उद्योजक होण्यापर्यंतची वाटचाल उद्योग क्षेत्र खुणावणाऱ्या उद्यमशील युवकांसाठी नक्कीच प्रेरणादायी ठरणारी आहे...

वयाच्या ३५व्या वर्षी उद्योजक होण्याचे स्वप्न प्रत्यक्षात साकारणाऱ्या अशोक थोरात यांना पारपंरिक शेतीचा वारसा लाभलेला होता. त्यांचे वडिल बलभीम थोरात हे पारंपरिक शेतकरी. केज तालुक्यातील बनकरंदा हे त्यांचे मूळ गाव, परंतु किल्लेधारूर येथे आजोळीच अशोक थोरात यांचे बालवाडी ते दहावीपर्यंतचे शिक्षण झाले. दहावी परीक्षेत ८४ टक्के गुण घेऊन ते धारूर परिसरातील शाळांमधून प्रथम आले होते. शिक्षणातील गोडी आणि आवड असल्याने उच्च शिक्षणासाठी त्यांनी औरंगाबाद गाठले. देवगिरी कॉलेजमध्ये अकरावीला प्रवेश घेतला. इंजिनीअर व्हायचे स्वप्न असल्याने विज्ञान शाखा निवडली. कॉलेजला लवकर जाणे शक्य व्हावे म्हणून कॉलेज जवळच्या पद्मपुरा भागात भाड्याची एक खोली घेतली. बारावीत इंजिनीअरिंग ग्रुपमध्ये त्यांना ९६ टक्के गुण मिळाले. मॅकनिकल इंजिनीअरिंगची शाखा निवडली. १९८८मध्ये शासकीय अभियांत्रिकी महाविद्यालयात त्यांनी प्रवेश घेतला.

शालेय ते पदवीपर्यंतच्या शैक्षणिक प्रवासात अशोक थोरात यांना वेगवेगळ्या मित्रांचा ग्रुप मिळत गेला. शिक्षणाबरोबरच त्यांना वाचन व खेळण्याचीही आवड होती. 'ऑलराउंड' व्यक्तिमत्त्व असल्याने सहजपणे त्यांची मैत्री होत होती. वाचनाच्या आवडीमुळे काहीतरी वेगळे करून दाखवण्याची जिद्द त्यांच्या मनात रुजत गेली. चांगल्या मित्रांमुळेच त्यांनाही उद्योग क्षेत्र खुणावत होते. मेकॅनिकल इंजिनीअरची पदवी संपादन केल्यानंतर लगेचच उद्योग क्षेत्रात उडी न घेता काही वर्षे नोकरी करण्याचा निर्णय त्यांनी घेतला. चिकलठाणा औद्योगिक वसाहतीतील एपीआय कंपनीत त्यांनी पहिली नोकरी स्वीकारली. टूल रूम डेव्हलपमेंट विभागात त्यांनी दोन वर्षे काम केले. त्यानंतर व्हिडिओकॉन कंपनीत दोन वर्षे कामाचा अनुभव घेतला. युनिर्व्हसल लगेज कंपनीत सहा वर्षे काम केल्यानंतर उद्योग क्षेत्रात उडी मारण्याचा निर्णय घेतला. युनिर्व्हसल लगेज कंपनीत पर्चेस-स्टोअर्स विभागाचे व्यवस्थापक म्हणून जबाबदारी सांभाळण्याचा अनुभव घेतल्यानंतर प्लास्टिक इंडस्ट्री क्षेत्रात काम करण्याचे त्यांनी ठरवले. उद्योजक मित्रांकडून प्रेरणा घेत त्यांनी उद्योग क्षेत्रात पहिले पाऊल टाकले. २००२मध्ये वाळूज औद्योगिक वसाहतीत अशोक थोरात यांनी भागिदारीत दर्शन प्लास्टिक ही कंपनी सुरू केली. काही वर्षांनंतर त्यांनी स्वतंत्रपणे या कंपनीची उभारणी केली. अवघ्या दोन मशीनवर सुरू केलेल्या या उद्योगाने आता व्यापक स्वरूप घेण्यास सुरुवात केली आहे. सद्यस्थितीत २५ मशीनरीवर कंपनीत विविध उत्पादने तयार केली जात आहेत. या कंपनीत प्रामुख्याने दुचाकी, तीनचाकी व चारचाकी वाहनांना लागणारे प्लास्टिक कंम्पोनंट तयार केले जातात. कामांची व्याप्ती वाढल्यानंतर त्यांनी २०१०मध्ये ध्रुवतारा वायरटेक लिमिटेड ही नवी कंपनी सुरू केली. या कंपनीतही वायर हर्नेस अस्लेंबी केली जाते. आता या कंपनीचे नाव ध्रुवतारा पॉलिमर असे करण्यात आले आहे. दर्शन प्लास्टिक कंपनीच्या जवळच असलेल्या ध्रुवतारा पॉलिमर कंपनीची दोन मजली इमारत उभारण्यात आलेली आहे. अवघ्या एक मशीनवर सुरू करण्यात आलेल्या या कंपनीत सद्यस्थितीत १३ मशीनरीजवर काम करण्यात येत आहे. गेल्या तीन वर्षांपासून अशोक थोरात यांच्या पत्नी सुलभा थोरात या संचालक या नात्याने कंपनीच्या विविध कामांमध्ये त्यांना मदत करीत आहेत.

अशोक थोरात यांनी दीड दशकाच्या काळात दोन कंपन्यांची यशस्वी उभारणी केली. साधारणः दीडशे कामगारांना रोजगार मिळाला आहे. यात महिलांचीही संख्या मोठी आहे. कंपन्यांची उभारणी करताना त्यांना सर्वच प्रकारची कामे सांभाळावी लागत होती. तब्बल १४ वर्षे प्रचंड मेहनत घेऊन त्यांनी कंपनीच्या उत्पादनांना नावलौकिक प्राप्त करून दिला. कंपनीतील उत्पादनाचा दर्जा हा आंतरराष्ट्रीय पातळीचा असल्याने कंपनीला आयएसओ व आयएसओटीएस ही प्रमाणपत्रेही मिळाली आहेत. २०१२मध्ये त्यांना जिल्हा उद्योग केंद्राचा पुरस्कार प्रदान करण्यात आलेला आहे.

आधुनिक तंत्रज्ञानाचा वापर

दोन्ही कंपनीत थोरात यांनी आधुनिक मशीनरीजचा उपयोग केलेला आहे. प्लास्टिक उद्योगात अनेकविध गोष्टी करण्यासारख्या असल्याने त्यांनी प्रामुख्याने चीन, युरोप, जपान या देशांचा दौरा करून अभ्यासही केला आहे. आगामी काळात कंपनीच्या उत्पादनात वेगळेपण आणण्याचा त्यांचा प्रयत्न आहे. कंपनीचे स्वतःचे उत्पादन तयार करण्याचा त्यांचा मानस आहे. उद्योजक होण्याचे स्वप्न त्यांनी वयाच्या ३५व्या वर्षीच साकारले. त्यासाठी प्रचंड धडपड, संघर्षदेखिल केला. उद्योग क्षेत्रात यश मिळवणे तुलनेने सोपे असले तरी ते टिकवणे हे अत्यंत अवघड असते आणि त्याचमुळे दिवसरात्र मेहनतीला कोणताही पर्याय नाही, असे ते आवर्जून नमूद करतात. उद्योग क्षेत्रात काम करीत असताना त्यांनी सामाजिक जबाबदारी म्हणून विविध कामे केलेली आहेत. वृक्षारोपण, रक्तदान शिबिर या उपक्रमात ते नेहमीच सहभागी होतात. क्वॉलिटी, रेट व डिलिव्हरी या तीन गोष्टींवर फोकस केला तरच उद्योग क्षेत्रात खंबीरपणे उभे राहाता येते, असे त्यांनी सांगितले.

मोबाइल अॅप डाउनलोड करा आणि राहा अपडेट

आज वीज बंद

June 18, 2015, 12:22 pm

≫ Next: पैठण रोडवर मेगाब्लॉक

≪ Previous: उद्योगाची उभारणी

$

0

0

म. टा. प्रतिनिधी, औरंगाबाद

शहरातील विविध भागात महावितरणने देखभाल व दुरुस्तीची कामे काढली आहेत. त्यामुळे शुक्रवारी ९ ते ५ च्या दरम्यान वीज पुरवठा बंद राहणार आहे. महावितरण कार्यालयाकडून प्रसिद्धीपत्रक काढून तशी माहिती कळविण्यात आली आहे.

सकाळी ९ ते ५

ग्रीव्हीज कंपनी, के. जे. अॅंड एल सेक्टर, एचएमटी, नारेगाव, टाऊन सेंटर, कॅनॉट, सिडको बस स्टॅंड, हॉटेल रामा व अंबेसेडर, राज टॉवर, एबीसीइीई सेक्टर, एनआरबी, ब्रीजवाडी, नारेगाव, एमएसईडीसीएल स्टोअर, मसनतपूर, शहानगर, पॉवरलूम, अयोध्यानगर, एन ७, एन ८, सिडको, म्हाडा, पवननगर, शिवनेरी कॉलनी, रोशन गेट, कटकटगेट, बाबर कॉलनी, पोलिस कॉलनी, बजरंग चौक, जिजामाता कॉलनी, गुलमोहर कॉलनी या भागात वीजपुरवठा बंद राहील.

सकाळी ११ ते २

नक्षत्रवाडी गाव, समतानगर, हिंदुस्थान लिव्हर, कांचनवाडी, एमआयटी फिडर, आयटीआय कॉलेज, वेदांतनगर, बन्सीलाल नगर, देवगिरी कॉलेज, म्हाडा कॉलनी या भागात वीज पुरवठा बंद राहणार आहे.

सकाळी १०.३० ते १.३०

सिमेन्स फिडर व एम सेक्टर फिडरवरील ई सेक्टर, एल.सेक्टर, जी. सेक्टर भागात सकाळी पुरवठा बंद राहणार आहे.

सकाळी १० ते १

११ केव्ही निपुन व रेसिडेन्सीयल फिडरवरील बजाजनगर, डब्ल्यू सेक्टर, एक्स सेक्टर, सी. सेक्टर वॉटर वर्क एमआयडीसी वाळूज, बाबा पेट्रोल पंप, गोविंद नगर, रेल्वे स्टेशन, बनेवाडी, क्रांती नगर, पदमपुरा, छावणी, नंदनवन कॉलनी, गवळीपुरा, शांतीपुरा, भावसिंगपुरा, मिलिंद कॉलेज, पटेल चौक, के. सेक्टर वॉटर वर्क, गट नंबर ४६ या भागात वीज पुरवठा बंद राहणार आहे.

सकाळी १० ते ४

राहुलनगर, गोलवाडी, निर्लेप, कमलनयन बजाज, आयटीआय, शहानूरवाडी, ईटखेडा, सिल्कमिल कॉलनी, म्हाडा, एमआयटी कॉलेज, शहानगर, सादातनगर या भागात वीज पुरवठा खंडित राहणार आहे, असे महावितरण कार्यालयाकडून कळविण्यात आले आहे.

मोबाइल अॅप डाउनलोड करा आणि राहा अपडेट

पैठण रोडवर मेगाब्लॉक

June 18, 2015, 12:35 pm

≫ Next: औरंगाबादचे धोकादायक रस्ते

≪ Previous: आज वीज बंद

$

0

0

म. टा. प्रतिनिधी, औरंगाबाद

पैठण रोडवर शुक्रवारपासून ६ दिवस मेगाब्लॉक करण्यात येणार आहे. लिंक रोड टी पॉइंट ते महानुभाव चौक या मार्गावर सार्वजनिक बांधकाम विभागाच्या वतीने रस्ता रुंदीकरण व मजबुतीकरणाचे काम करण्यात येणार आहे. या कामासाठी १९ जून ते २५ जूनपर्यंत हा मार्ग वाहतुकीसाठी बंद करण्यात आला आहे. पोलिस आयुक्त अमितेशकुमार यांनी हे आदेश काढले आहेत. या मार्गावर होणारी वाहतूक पर्यायी मार्गाने वळवण्यात आली आहे.

बंद मार्ग‌

लिंक रोड टी पॉइंट ते महानुभाव चौक हा मार्ग सर्व प्रकारच्या वाहनांसाठी बंद राहील.

पर्यायी मार्ग

पैठणकडून येणारी व जाणारी वाहने लिंक रोड, ए एस क्लब, नगरनाका, लोखंडी पुल, पंचवटी, रेल्वे स्टेशन मार्गे महानुभाव चौकाकडून बीड बायपासमार्गे जातील.

मोबाइल अॅप डाउनलोड करा आणि राहा अपडेट

औरंगाबादचे धोकादायक रस्ते

June 18, 2015, 12:47 pm

≫ Next: ३४ टक्के पेरण्या पूर्ण

≪ Previous: पैठण रोडवर मेगाब्लॉक

$

0

0

म. टा. प्रतिनिधी, औरंगाबाद

गेल्या आठ-दहा दिवसांपासून सुरू असलेल्या पावसामुळे शहरातील रस्ते धोकादायक बनले आहेत. त्यामुळे शहरात किरकोळ अपघातांचे प्रमाणही वाढले आहे. धोकादायक बनलेल्या रस्त्यांच्या दुरुस्तीकडे पालिकेच्या प्रशासनाने अद्याप लक्ष दिलेले नाही. रस्त्यांची कामेही संथ गतीने सुरू आहेत. त्यामुळे संपूर्ण पावसाळ्यात नागरिकांना रस्त्यांवर यातनाच सहन कराव्या लागणार का, असा प्रश्न निर्माण झाला आहे.

शहरातील काही प्रमुख रस्त्यांच्या व्हाइट टॉपिंगचे काम महापालिकेने सुरू केले आहे. त्यासाठी कंत्राटदाराशी केलेल्या करारानुसार ही कामे नऊ महिन्यांतच पूर्ण होणे अपेक्षित होते, पण दोन वर्षांचा कालावधी उलटूनही रस्त्यांची कामे पूर्ण झालेली नाहीत. बहुतेक कामे रखडलेली आहेत. आता हे रखडलेले रस्ते पावसाळ्यात धोकादायक बनले आहेत.

क्रांतिचौक ते पैठणगेट या रस्त्याचे काम व्हाइट टॉपिंगच्या माध्यमातून केले जात आहे. हे काम सिल्लेखाना चौकात सोडून देण्यात आले आहे. त्यामुळे या चौकात अपघाताचे प्रमाण वाढले आहे. हा चौक उखडला आहे. तो पावसाच्या पाण्याने भरून जातो. या चौकातून मार्ग काढताना वाहनचालकांनी कसरत करावी लागते. अशीच स्थिती सब्जीमंडई ते पैठणगेट रस्त्याची झाली आहे. या रस्त्याची अक्षरशः चाळणी झाली आहे. या रस्त्यातून मार्ग काढताना वाहनचालकांनाच नव्हे तर, पादचाऱ्यांनाही कसरतच करावी लागते. औरंगपुऱ्यात जिल्हा परिषद कार्यालयाच्या समोरचा रस्ताही पावसामुळे धोकादायकच बनला आहे. रस्त्याच्या दोन्हीही बाजुंना खड्डे आहेत. खडकेश्वर ते मिलकॉर्नर या रस्त्याचीही चाळणी झाली आहे, पण त्याकडे पालिकेच्या यंत्रणेचे लक्ष नाही. जुन्या शहरातील रंगारगल्लीची अवस्थाही अशीच झाली आहे. गेल्या काही वर्षांत या गल्लीत डांबराचा थर टाकण्यात आलेला नाही.

कैलासनगर स्मशानभूमी ते एमजीएमपर्यंतच्या रस्त्याच्या कामाकडे पालिकेच्या प्रशासनाने दुर्लक्षच केले आहे. जालना रोडला समांतर असलेल्या या रस्त्यावर तुलनेने वाहतूक जास्तच असते. रस्त्याचे काम झालेले नाही. वाहनचालकांना अडथळे पार करीत पुढे जावे लागते. पावसामुळे आता या रस्त्याचा वापर बंद होण्याच्या मार्गावर आहे. सिडकोतील आझाद चौकाचीही अवस्था अशीच आहे. खड्डे आणि त्यात साचणारे पावसाचे पाणी यांमुळे वाहनचालकांसाठी अपघाताचे ठिकाण म्हणून या चौकाची ओळख होत आहे. बजरंग चौक, टीव्ही सेंटर चौक, हडको कॉर्नरचा परिसर आणि टीव्ही सेंटर ते जिल्हाधिकारी कार्यालयापर्यंतचा रस्ता पावसामुळे उखडला गेला आहे.

उत्सव मंगल केंद्र ते भाजीवाली बाई चौक या रस्त्याचे काँक्रिटीकरण करण्यात आले, मात्र या रस्त्यावरून ज्योतीनगरमध्ये जाणाऱ्या रस्त्याचे काम करण्यात आलेले नाही. हा रस्ता पूर्णपणे उखडला आहे. या रस्त्यावर मोठ्या प्रमामात रहदारी असते. उखडलेल्या रस्त्यामुळे नागरिक त्रासले आहेत. खड्डे, अर्धवट झालेली कामे यांमुळे हे रस्ते धोकादायक झाले आहेत.

.........

रस्त्यांचे पॅचवर्क हा विषय महापालिकेत नेमेच येतो पावसाळा या उक्ती प्रमाणे दरवर्षी चर्चेला येतो. पालिकेच्या प्रशासनातर्फे पॅचवर्कसाठी स्वतंत्र बजेट ठेवले जाते. पावसाळा सुरू झाल्यावर रस्त्यांची अवस्था वाईट होते. अगोदरच असलेले खड्डे अधिक खोल आणि धोकादायक बनतात. त्यामुळे नगरसेवक अधिकाऱ्यांना धारेवर धरतात. या सर्वबाबी गृहित धरून पॅचवर्कसाठी किमान ७ कोटी रुपयांचे बजेट ठेवले जाते. पावसाळ्याबरोबरच सणांचे दिवसही सुरू होतात. त्यामुळे खड्ड्यांची चर्चा अधिक होते. त्याला पूर्णविराम देण्यासाठी पालिकेतर्फे काही विशिष्ट रस्त्यांवर पॅचवर्कची कामे केली जातात. त्यानंतर दहा-पंधरा दिवसांत पुन्हा रस्ते खराब होतात. महापालिकेने तरतूद केलेला निधी खर्च केला जातो, मात्र खड्ड्यांच्या त्रासातून मुक्तता होत नाही. यंदाही त्याचीच पुनरावृत्ती होण्याची शक्यता वर्तवली जात आहे.

..........

खड्डे पडलेल्या रस्त्यांवर पॅचवर्क कसे करायचे, याचे निकष ठरलेले आहेत. पॅचवर्कपूर्वी खड्डा कोरडा करणे गरजेचे असते. त्यानंतर त्याच्या चारही बाजूने मार्किंग करून तो स्वच्छ केला जावा, तेथे खडी टाकून त्याची रोलरच्या माध्यमातून दबाई केली जावी, दबाई केल्यानंतर त्या खडीवर डांबराचा थर टाकून बारीक खडी (कच खडी) अंथरावी. त्यानंतर पुन्हा दबाई केली जावी, असे निकष आहेत. ते धाब्यावर बसवून कामे केली जातात. खड्ड्यांवर खडी आणि डांबर पसरवून पॅचवर्क झाल्याचे जाहीर केले जाते. त्यानंतर काही दिवसांत पॅचवर्क लगेचच उघडे पडते.

धोकादायक रस्ते

सिल्लेखाना चौक

जिल्हा परिषद ते खडकेश्वर

खडकेश्वर ते मिलकॉर्नर

कैलासनगर ते एमजीएम

आझाद चौक

टीव्ही सेंटर ते जिल्हाधिकारी कार्यालय

ज्योतीनगर

मोबाइल अॅप डाउनलोड करा आणि राहा अपडेट

३४ टक्के पेरण्या पूर्ण

June 18, 2015, 12:19 pm

≫ Next: अडीच तासांत तयार योगशिक्षक

≪ Previous: औरंगाबादचे धोकादायक रस्ते

$

0

0

म. टा. प्रतिनिधी, औरंगाबाद

जिल्ह्यात पेरणीयोग्य पावसामुळे आतापर्यंत ३४.३२ टक्के क्षेत्रावर पेरणी पूर्ण झाली आहे. कापसाचे सर्वाधिक क्षेत्र असून मका, तूर, मूग या पिकांची पेरणी अंतिम टप्प्यात आहे. सिल्लोड व गंगापूर तालुक्यातील काही भागात पुरेसा पाऊस नसल्याने पेरण्या खोळंबल्या आहेत.

मृग नक्षत्रात जोरदार पाऊस झाल्यानंतर जिल्ह्यातील बहुतेक भागात पेरणी सुरू आहे. सतत तीन वर्षे पाऊस झाला नसल्याने खरीप हंगामात शेतकऱ्यांचे नुकसान झाले होते. यावर्षी पुरेसा पाऊस असल्याने पेरणीला वेग आला आहे. कृषी विभागाने इतर पिके घेण्याचे आवाहन करुनही शेतकऱ्यांनी कापसाला प्राधान्य दिले आहे. जिल्ह्यात कापसाची ४६.४२ टक्के लागवड झाली आहे. बाजरी, सोयाबीन, मका, मूग, उडीद, तूर या पिकांचीही पेरणी सुरू आहे. दोन दिवसांपासून उघडीप मिळाली आहे. या कालावधीत जमिनीत पुरेशी वापसा तयार झाल्याने शेतकऱ्यांनी पेरणी पूर्ण केली आहे. दरम्यान, गंगापूर, वैजापूर व सिल्लोड तालुक्यातील काही गावांमध्ये पावसाअभावी पेरण्या खोळंबल्या आहेत. जालना (१३.७३ टक्के) व बीड (११.३५ टक्के) जिल्ह्यात पेरणीसाठी दमदार पावसाची आवश्यकता आहे.

मोबाइल अॅप डाउनलोड करा आणि राहा अपडेट

अडीच तासांत तयार योगशिक्षक

June 18, 2015, 12:04 pm

≫ Next: न्यायालयाचे फेर तपासाचे आदेश

≪ Previous: ३४ टक्के पेरण्या पूर्ण

$

0

0

म. टा. प्रतिनिधी, औरंगाबाद

आंतरराष्ट्रीय योगा दिनानिमित्त येत्या रविवार (२१ जून) होणाऱ्या शिबिरांसाठी आता योग शिक्षकांची टंचाई निर्माण झाली आहे. त्यामुळे अवघ्या अडीच तासांचे प्रशिक्षण देऊन योगशिक्षक घडविण्याची किमया साधली जात आहे.

योगदिनाच्या कार्यक्रमाची प्रशासनाकडून जय्यत तयारी करण्यात येत आहे. शहरात चार प्रमुख ठिकाणांसह शाळा, कॉलेजांमध्ये हे शिबिर होणार आहे. शिबिरासाठी प्रशिक्षित शिक्षकांची मोठी मागणी आहे. प्रशिक्षित योगशिक्षकांची संख्या कमी असल्याने शाळांमधील शिक्षकांनाच ट्रेनिंग देण्यात येत आहे. जिल्ह्यात सुमारे ९ हजार शिक्षक ट्रेनिंग घेऊन योगशिक्षक झाले आहेत. प्रत्येकाला सुमारे दोन ते अडीच तासाचे ट्रेनिंग देण्यात आले. आता या शिक्षकांवर योग शिबिरांची धुरा असणार आहे.

२१ जून रोजी आंतरराष्ट्रीय योग दिन साजरा केला जाणार आहे. शाळा, कॉलेजांमध्ये योग शिबिरे आयोजित केली जाणार आहेत. सकाळी ७ ते ७.३३ या कालावधीत हे शिबिर घेतले जाईल. त्याचे वेळापत्रक, कोणती योगासने घ्यावीत, याची माहिती त्या-त्या विभागांना देण्यात आली आहे. शिबिरासाठी आवश्यक ते प्रशिक्षित शिक्षकांची वानवा आहे. पूर्णपणे प्रशिक्षित शिक्षकांची संख्या ३५०च्या घरात आहे. त्यामुळे शिबिरासाठी प्रशिक्षित शिक्षक तयार करण्यासाठी योगासनांचे शिक्षण देण्याचे काम करणाऱ्या संस्थांची धावपळ उडाली आहे. एकट्या औरंगाबाद जिल्ह्यात तब्बल ९ हजारांपेक्षा अधिक शिक्षकांना ट्रेनिंग दिले आहे. तालुका पातळीवरही प्रशिक्षणाची लगबग सुरू आहे. शिक्षकांना दोन ते अडीच तासांचे प्रशिक्षण देण्यात येत आहे. काही संस्थांनी एका तासाचे ट्रेनिंग सेशन घेऊन योगशिक्षक घडविले आहेत. त्यात विविध योगासने, ती करताना कोणती काळजी घ्यावी, कोणी कोणती आसने करावीत आदींचा प्रशिक्षणात समावेश आहे. प्रशिक्षणासह या शिक्षकांचा सराव ही करून घेतला जात आहे. प्रशिक्षण घेतल्यानंतर या शिक्षकांना आपापल्या शाळेत योग दिनी प्रोटोकॉलप्रमाणे आसने करून घ्यावीत, अशा सूचना देण्यात आल्या आहेत.

..........

शिक्षण विभागाने प्रत्येक शाळेतून एक शिक्षक प्रशिक्षित झाला पाहिजे, हे उद्दिष्ट ठेवले आहे. शिबिरासाठी प्रशिक्षित करण्यात येत असलेल्या शिक्षकांची परीक्षाही घेतली जाते आहे. दोन-तीन तासांत तयार होणाऱ्या या शिक्षकांच्या खांद्यावर या उपक्रमाची धुरा असेल.

मोबाइल अॅप डाउनलोड करा आणि राहा अपडेट

न्यायालयाचे फेर तपासाचे आदेश

June 19, 2015, 12:58 pm

≫ Next: सरपंचासह १८ जणांना सक्तमजुरीची शिक्षा

≪ Previous: अडीच तासांत तयार योगशिक्षक

$

0

0

म. टा. प्रतिनिधी, उस्मानाबाद

उस्मानाबाद येथील राजनंदिनी माळी खून प्रकरणातील आरोपीला सबळ पुराव्याअभावी न्यायालयाने निर्दोष सोडले. हा सर्व प्रकार मुद्देमालातील फरकामुळे झाल्याचे न्यायालयाच्या लक्षात आल्यानंतर या प्रकरणी न्यायालयाने गंभीर दखल घेत पोलिस अधीक्षकांना या प्रकरणाच्या तपासणीचे आदेश न्यायालयाने दिले आहेत.

संग्राम साळुंके व राजनंदिनी माळी (रा. उस्मानाबाद) या दोघांचे प्रेमसंबंध होते. लग्नानंतर परीक्षेसाठी आलेली राजनंदिनी व संग्राम दोघे निर्जनस्थळी गेले व तिथेच राजनंदिनीचा २० मे २०१३ रोजी खून झाला. यानंतर संग्राम उस्मानाबाद पोलिस ठाण्यात हजर झाला. कायदेशीर प्रक्रियेनंतर सदरील प्रकरण न्यायप्रविष्ठ झाले. २६ फेब्रुवारी २०१५ रोजी या प्रकरणाचा निकाला लागला. सबळ पुराव्या अभावी या प्रकरणात जप्त करण्यात आलेला मुद्देमाल तपास अधिकारी तत्कालीन पोलिस उपअधीक्षक वैशाली कडूकर यांनी जवळपास तब्बल दोन महिन्यानंतर रासायनिक विश्लेषकाकडे पाठविला. तोपर्यंत हा मुद्देमाल वैशाली कडूकर यांच्या उपअधीक्षक कार्यालयामध्येच होता. न्यायालयामध्ये तपास अधिकाऱ्यांनी आपल्या जबाबात स्पष्ट केले, की टी शर्ट व जीन्स यावर असलेल्या रक्ताच्या डागावर बॉलपेनपने खूना केल्या होत्या. त्या खूना दिसून आल्या नाहीत. त्यावरून जे साहित्य होते ते स्पष्ट केले. हे कपडे रासायनिक विश्लेषक (सीए) यांच्याकडे पाठविण्यात आले होते. त्यांनी टी शर्ट, बनियनची तपासणी केली. त्यावरही रक्ताचे डाग आढळून आले नाहीत. मात्र, विश्लेषकांना जीन्सवर रक्ताचे डाग आढळून आले. त्यातही त्या डागाचा रक्तगट तपासण्यात आला नाही. तपासिक अंमलदार यांच्या साक्षीत आरोपीच्या जप्त कपड्यात कोणीतरी फेरफार केला असावा, असे म्हटले, परंतु, आरोपीकडून जप्त करण्यात आलेल्या कपड्यांवर रक्तगट व हा रक्तगट राजनंदिनीचा होता, हे सरकारी पक्ष ठरविण्यात अपयशी ठरले.यामध्ये न्यायालयाने आरोपीचा बचाव करण्याची शक्यता असल्याचे कबूल केले. आरोपीला अटक करून त्याची वैद्यकीय तपासणी करून घेण्याची तत्परता दाखविली नाही.

ब्लेड लपविण्यात आल्याची शक्यता

२० मेला अटक तर २४ मेला वैद्यकीय तपासणी करण्यात आल्याने यातील संशय वाढल्याने अंमलदाराने जप्त केलेली ब्लेड ही क्रिस्टल कंपनीची असल्याचे सांगितले. परंतु न्यायालयासमोर असलेली ब्लेड ही क्रिस्टल कंपनीची नव्हती. त्यामुळे ब्लेडदेखील लपविण्यात आल्याची शक्यता न्यायालयाने वर्तवल्यावर यासर्व बाबीची दखल घेत न्यायालयाने याचा फेरफार कसा झाला याचा तपास करण्याचे आदेश दिले आहेत. आता पोलिस अधीक्षकाकडे तपास करून घेण्याची जबाबदारी आली आहे.

मोबाइल अॅप डाउनलोड करा आणि राहा अपडेट

---

सरपंचासह १८ जणांना सक्तमजुरीची शिक्षा

June 19, 2015, 12:59 pm

≫ Next: ‘बेटी बचाओ’साठी पुढाकार आवश्यक

≪ Previous: न्यायालयाचे फेर तपासाचे आदेश

$

0

0

म. टा. प्रतिनिधी, जालना

जालना तालुक्यातील लोंढेवाडी येथील लक्ष्मण लोंढे यांना आत्महत्या करण्यास प्रवृत्त केल्याप्रकरणी ग्रामपंचायतच्या सरपंचासह १८ आरोपींना येथील प्रधान जिल्हा व सत्र न्यायाधीश आर. व्ही. देशमुख यांनी गुरुवारी सक्तमजूरीची शिक्षा सुनावली.

लोंढेवाडी येथे मयत लक्ष्मण लोंढे यांचे वडीलोपार्जित घर (नं. ११५, ११६) होते. ‌‌हे घर सरपंच व ग्रामपंचायत सदस्य यांनी संगनमत करुन बेकायदेशीर ठराव घेत त्यांच्या नावाचा फेर रद्द करुन ग्रामपंचायत अभिलेख्यावरुन त्यांच्या नावाची नोंद कमी करत त्यांचा कायदेशीर हक्क हिरावून घेतला होता. वारंवार तक्रारी करुनही ग्रामपंचायत सरपंच व सदस्यांनी कुठलाही प्रतिसाद दिला नाही. उलट लक्ष्मण लोंढे यांचा छळ केला. आरोपींच्या त्रासास कंटाळून लक्ष्मण लोंढे यांनी २६ जानेवारी २००६ रोजी जिल्हा परिषद कार्यालयाच्या आवारात अंगावर रॉकेल ओतून जाळून घेतले होते. त्यात गंभीररित्या भाजल्यानंतर लक्ष्मण लोंढे यांचा उपचार सुरू असतांना १ फेब्रुवारी २००६ रोजी मृत्यू झाला होता. या प्रकरणी सर्व आरोपींविरुद्ध कदीम जालना पोलिस ठाण्यात गुन्हा दाखल करण्यात आला होता. या प्रकरणात सरकार पक्षातर्फे एकुण १० साक्षीदार तपासण्यात आले. या प्रकरणात लोंढेच्या वतीने सहाय्यक सरकारी वकील व अतिरिक्त सरकारी अभियोक्ता दीपक कोल्हे यांनी काम पाहिले.

मोबाइल अॅप डाउनलोड करा आणि राहा अपडेट

‘बेटी बचाओ’साठी पुढाकार आवश्यक

June 19, 2015, 1:00 pm

≫ Next: सुविधा केंद्र ऑफलाइन; विद्यार्थ्यांची फरफट

≪ Previous: सरपंचासह १८ जणांना सक्तमजुरीची शिक्षा

$

0

0

म. टा. प्रतिनिधी, उस्मानाबाद

समाजात मुलींना जन्मालाच न घालणे ही मानसिकता रुजलेली आहे. फक्त कायद्यान्वये ती संपुष्टात येईल, असेही नाही. कायद्याच्या अंमलबजावणीसोबतच स्त्रीविरोधी पुरुषप्रधान मानसिकता बदलणे तसेच मुलांमध्ये निर्णय घेण्याची क्षमता विकसित करणे या गोष्टी आवश्यक आहेत. त्यानंतर गर्भलिंग निवड व गर्भलिंग चिकित्सा अशा प्रकारांना आळा बसेल. बेटी बचाओ अभियानाच्या यशस्वीतेसाठी जनतेबरोबरच लोकप्रतिनिधींनी योगदान देण्याबरोबरच प्रामाणिक प्रयत्न करणे गरजेचे आहे, असे मत जिल्हाधिकारी डॉ. प्रशांत नारनवरे यांनी व्यक्त केले.

उस्मानाबाद जिल्हा परिषदेच्यावतीने आयोजित 'बेटी बचाओ...बेटी पढाओ' अभियानाअंतर्गत जिल्हा‌स्तरीय प्रशिक्षकांच्या कार्यशाळेत ते बोलत होते. जिल्हा परिषदेचे अध्यक्ष अॅड. धीरज पाटील, जिल्हा परिषदेच्या सीईओ सुमन रावत, डॉ. स्मिता शहापूरकर, जिल्हा आरोग्य अधिकारी डॉ. आर. पी. पवार या वेळी उपस्थित होते.

'मुलगा वंशाचा दिवा' व मुलगी 'परक्याचे धन' अशी आपल्याकडे समजूत आहे. समाजातील काही घटक अद्यापही मुलींच्या जन्माकडे अशुभ अशा दृष्टीने पाहतात किंवा ते मुलींना आपुलकीने वागवत नाहीत. मुलींना कमी लेखण्याची किंवा नाकारण्याची परंपरा फार जुनी आहे. हुंडा पद्धतीचा भस्मासुर हासुद्धा या बाबी‌स कारणीभूत आहे. समाजातील रुढी, परंपरा, पुरुषप्रधान संस्कृतीने घडविलेली मानसिकतादेखील मुलीकडे होणाऱ्या दुर्लक्षात कारणीभूत आहे. स्त्रीभ्रूण हत्या रोखण्यासाठी कायद्याची कठोर अंमलबजावणी अपेक्षित आहे, असे ‌डॉ. नारनवरे यांनी सांगितले.

स्त्रीभ्रूण हत्येमुळे कमी होणारी मुलींची संख्या सामाजिक प्रश्न निर्माण करणारी आहे. त्यामुळे मुलगा व मुलगी असा भेदभाव करू नये, असे आवाहन जिल्हा परिषद अध्यक्ष अॅड. धीरज पाटील यांनी केले. मुलगा व मुलगी हा भेद हे सामाजिक व राजकीय मागासलेपणाचे लक्षण आहे. पंतप्रधानांच्या 'बेटी बचाओ बेटी पढाओ' अभियानाच्या यशस्वीतेसाठी महिला बचत गट, अंगणवाडी, आरोग्य विभागाने पुढाकार घेण्याची आवश्यकता आहे, असे मत जिल्हा परिषदेचे सीईओ सुमन रावत यांनी व्यक्त केले.

लेक लाडकी कधी?

तीस वर्षांपूर्वी उस्मानाबाद जिल्हा हा महिलांसाठी सर्वाधिक सुरक्षित समजला जात होता. महिलांच्या सुरक्षेचा विषय गंभीर होत चालला आहे. एकीकडे हृदय हेलावून सोडणारे अन्याय, अत्याचार होत आहेत. आता तर गर्भाशयातही मुली सुरक्षित नाहीत. त्यामुळे सध्या गर्भाशयापासून थडग्यापर्यंत महिलांच्या सुरक्षेचा प्रश्न चिंताजनक बनत चालला आहे, असे प्रतिपादन लेक लाडकी अभ‌ियानाच्या प्रमुख अॅड. वर्षा देशपांडे यांनी केले.

मोबाइल अॅप डाउनलोड करा आणि राहा अपडेट

सुविधा केंद्र ऑफलाइन; विद्यार्थ्यांची फरफट

June 19, 2015, 1:01 pm

≫ Next: सेवानिवृत्त कर्मचाऱ्यांचे पैठणमध्ये उपोषण

≪ Previous: ‘बेटी बचाओ’साठी पुढाकार आवश्यक

$

0

0

म. टा. प्रतिनिधी, वैजापूर

महाऑनलाइन कंपनीच्या सर्व्हरमध्ये बिघाड झाल्याने येथील महा-ई-सेवा केंद्र व सेतू सुविधा केंद्रातून विद्यार्थ्यांना विविध प्रमाणपत्रे ऑनलाइन मिळणे बंद झाले आहे. अखेर तहसील प्रशासनाने गुरुवारी प्रमाणपत्रावर डिजिटल सहीऐवजी पेनने सही करून प्रमाणपत्र देण्यास सुरुवात केली.

सध्या शाळा, महाविद्यालय प्रवेशाचे दिवस असल्याने रहिवासी, उत्पन्न, नॉन क्रिमिलीअर आदी प्रमाणपत्रांसाठी सेतू सुविधा केंद्र व महा-ई-सेवा केंद्रात विद्यार्थ्यांची गर्दी आहे. या दोन्ही केंद्रांना शासनाच्या महाऑनलाइन कंपनीतर्फे सेवा पुरवली जाते, येथून डिजिटल सही करून ऑनलाइन प्रमाणपत्र दिले जाते. परंतु, गेल्या काही आठवड्यापासून कंपनीच्या यंत्रणेत बिघाड झाल्याने दोन्ही ठिकाणाहून कागदपत्रे अपलोड करण्यास अडचणी येत असल्याचे महा-ई-सेवा केंद्रातील कर्मचारी राकेश बहिरट यांनी सांगितले.

विद्यार्थ्यांच्या अडचणी लक्षात घेऊन प्रशासनाने गुरुवारी दुपारी चार वाजता सर्व प्रमाणपत्रे मॅन्युअली (ऑफलाइन) देण्याचे आदेश काढले. त्यानंतर या दोन्ही केंद्रातून प्रमाणपत्र देण्याच्या प्रक्रियेस वेग आला. दरम्यान, यंत्रणेतील बिघाडामुळे प्रमाणपत्रावर आता डिजिटल सही नसेल, अशी माहिती मिळाली आहे. परंतु, तहसीलदार सारिका शिंदे यांच्याशी संपर्क होऊ शकला नाही.

मोबाइल अॅप डाउनलोड करा आणि राहा अपडेट

सेवानिवृत्त कर्मचाऱ्यांचे पैठणमध्ये उपोषण

June 19, 2015, 1:03 pm

≫ Next: शहरात आज वीज बंद

≪ Previous: सुविधा केंद्र ऑफलाइन; विद्यार्थ्यांची फरफट

$

0

0

म. टा. प्रतिनिधी, पैठण

प्रधान सचिवांच्या आदेशानंतरही सेवानिवृत्त कर्मचाऱ्यांचा निधी अन्यत्र खर्च करणाऱ्या पैठण नगरपालिकेच्या विरोधात सेवानिवृत्त कर्मचाऱ्यांनी गुरुवारी लाक्षणिक उपोषण केले. यावेळी दोषी लेखापाल अनिल हिरे यांच्या निलंबनाची मागणी करण्यात आली.

सेवानिवृत्त कर्मचाऱ्यांचे लाभ देण्यासाठी प्रधान सचिव मीता राजीव लोचन यांच्या निर्देशानंतर जिल्हाधिकारी कार्यालयातर्फे १२ लाख बारा लाख ४६ हजार ११९ रुपयाचा निधी प्राप्त झाला होता. नगरपालिकेने हा निधी अन्यत्र खर्च केल्याचा कर्मचाऱ्यांचा आरोप आहे. आंदोलनात प्रकाश वानोळे, दिनेश पारीख, सुभाष परदेशी, रामदास चन्ने, सतीश वाघेश्वरी, खालेद मुसा, संगप्पा बिराजदार, चंदाबाई डूगलज, स्वर्थाबाई रुपेकर, शशिकला पगारे यांच्यासह सेवानिवृत्त कर्मचारी सहभागी झाले होते. दरम्यान नगराध्यक्ष दत्ता गोर्डे यांनी आंदोलकांची भेट घेऊन दोन दिवसांत थकित लाभ दोन दिवसात देण्याचे आश्वासन दिले. मात्र, हक्काचा निधी अन्यत्र खर्च केल्यानंतर नगराध्यक्ष कोणत्या निधीतून रक्कम देणार याबद्दल कर्मचाऱ्यांमध्ये चर्चा होती.

मोबाइल अॅप डाउनलोड करा आणि राहा अपडेट

शहरात आज वीज बंद

June 19, 2015, 1:04 pm

≫ Next: घाणेगाव शिवारातील आढळला बेवारस ट्रक

≪ Previous: सेवानिवृत्त कर्मचाऱ्यांचे पैठणमध्ये उपोषण

$

0

0

म. टा. प्रतिनिधी, औरंगाबाद

शहरातील विविध भागात महावितरणने देखभाल व दुरुस्तीची कामे काढली आहेत. त्यामुळे शुक्रवारी ९ ते ५ च्या दरम्यान वीज पुरवठा बंद राहणार आहे. महावितरण कार्यालयाकडून प्रसिद्धीपत्रक काढून तशी माहिती कळविण्यात आली आहे.

सकाळी ९ ते ५

ग्रीव्हीज कंपनी, के. जे. अॅंड एल सेक्टर, एचएमटी, नारेगाव, टाऊन सेंटर, कॅनॉट, सिडको बस स्टॅंड, हॉटेल रामा व अंबेसेडर, राज टॉवर, एबीसीइीई सेक्टर, एनआरबी, ब्रीजवाडी, नारेगाव, एमएसईडीसीएल स्टोअर, मसनतपूर, शहानगर, पॉवरलूम, अयोध्यानगर, एन ७, एन ८, सिडको, म्हाडा, पवननगर, शिवनेरी कॉलनी, रोशन गेट, कटकटगेट, बाबर कॉलनी, पोलिस कॉलनी, बजरंग चौक, जिजामाता कॉलनी, गुलमोहर कॉलनी या भागात वीजपुरवठा बंद राहील.

सकाळी ११ ते २

नक्षत्रवाडी गाव, समतानगर, हिंदुस्थान लिव्हर, कांचनवाडी, एमआयटी फिडर, आयटीआय कॉलेज, वेदांतनगर, बन्सीलाल नगर, देवगिरी कॉलेज, म्हाडा कॉलनी या भागात वीज पुरवठा बंद राहणार आहे.

सकाळी १०.३० ते १.३०

सिमेन्स फिडर व एम सेक्टर फिडरवरील ई सेक्टर, एल.सेक्टर, जी. सेक्टर भागात सकाळी पुरवठा बंद राहणार आहे.

सकाळी १० ते १

११ केव्ही निपुन व रेसिडेन्सीयल फिडरवरील बजाजनगर, डब्ल्यू सेक्टर, एक्स सेक्टर, सी. सेक्टर वॉटर वर्क एमआयडीसी वाळूज, बाबा पेट्रोल पंप, गोविंद नगर, रेल्वे स्टेशन, बनेवाडी, क्रांती नगर, पदमपुरा, छावणी, नंदनवन कॉलनी, गवळीपुरा, शांतीपुरा, भावसिंगपुरा, मिलिंद कॉलेज, पटेल चौक, के. सेक्टर वॉटर वर्क, गट नंबर ४६ या भागात वीज पुरवठा बंद राहणार आहे.

सकाळी १० ते ४

राहुलनगर, गोलवाडी, निर्लेप, कमलनयन बजाज, आयटीआय, शहानूरवाडी, ईटखेडा, सिल्कमिल कॉलनी, म्हाडा, एमआयटी कॉलेज, शहानगर, सादातनगर या भागात वीज पुरवठा खंडित राहणार आहे, असे महावितरण कार्यालयाकडून कळविण्यात आले आहे.

मोबाइल अॅप डाउनलोड करा आणि राहा अपडेट

घाणेगाव शिवारातील आढळला बेवारस ट्रक

June 19, 2015, 1:05 pm

≫ Next: बजाजनगर परिसरात तीन दुचाकींची चोरी

≪ Previous: शहरात आज वीज बंद

$

0

0

म. टा. प्रतिनिधी, वाळूज

घाणेगाव शिवारात तीन महिन्यांपासून उभा असलेला एक ट्रक वाळूज एमआयडीसी पोलिसांनी ताब्यात घेतला आहे. वाळूज एमआयडीसी पोलिस ठाण्याच्या हद्दीतील घाणेगाव शिवारात दोन ते तीन महिन्यापासून एक कंटेनर ट्रक (एम.एच ०४, ई एल ४८५९) उभा असल्याची माहिती एका कामगाराने पोलिस कंट्रोल रुमला दिली. या माहितीनंतर घटनास्थळी चार्ली पथक पाठवून खात्री करण्यात आली. हा कंटेनर ट्रकमधील सीट व इतर काही साहित्य चोरांनी लंपास केले असावे, असा अंदाज पोलिसांनी व्यक्त केली. माहिती मिळाल्यानंतर एमआयडीसी वाळूज पोलिसांनी क्रेनच्या साह्याने हा ट्रक ओढून आणला आहे. दरम्यान, या ट्रकचा क्रमांक व अवस्थेवरून तो चोरीचा किंवा गुन्ह्यातील असावा, असा संशय पोलिसांना आहे.

मोबाइल अॅप डाउनलोड करा आणि राहा अपडेट

बजाजनगर परिसरात तीन दुचाकींची चोरी

June 19, 2015, 1:06 pm

≫ Next: ‘ई-ऑफ‌िस’पुढे अडथळे

≪ Previous: घाणेगाव शिवारातील आढळला बेवारस ट्रक

$

0

0

म. टा. प्रतिनिधी वाळूज

बजाजनगरातील दुचाकी जाळण्यास आळा बसल्यानंतर आता दुचाकी चोरीच्या घटनांत वाढ झाली आहे. औद्योगिक परिसरातील स्टरलाइट कंपनी समोरील बडोदा बँकेसमोरून दोन व मोरे चौकातील स्टेट बँकेसमोरून एक दुचाकी चोरांनी पळवल्या. याप्रकरणी वाळूज एमआयडीसी पोलिस ठाण्यात गुन्हा दाखल करण्यात आला आहे.

निलेश हरिभाऊ पवार (रा. सारा व्यंकेटश, बजाजनगर) हे कंपनी कामगार आहेत. कंपनीत जाण्यासाठी उशीर होत असल्याने ते बडोदा बँकेपर्यंत दुचाकीवरून (एम.एच.२०, सी डी ७१२७) आले. बँकेसमोर दुचाकी उभी करून कंपनीत गेले. तेथून सायंकाळी पाच वाजता परतल्यानंतर दुचारी चोरीस गेल्याचे लक्षात आले. याच काळात याकूब अकबर शेख (रा. खोजेवाडी, ता. गंगापूर) यांनी दुचाकी उभी करून बडोदा बँकेत गेले. एक तासानंतर बँकेतून परत आल्यानंतर दुचाकी नसल्याचे त्याच्या लक्षात आले. या दोन्ही दुचाकींची चोरी बुधवारी झाली आहे. मोरे चौक येथील सेंट्रल बँकेसमोर दुचाकी उभी करून मोबइल रिचार्ज करण्यासाठी गेलेल्या प्रमोद रामनाथ अदामाने (रा. साऊथ सिटी, वाळूज महानगर) यांची दुचाकी (एम.एच.२०, बी बी ९५१३) काही मिनिटात चोरण्यात आली.

मोबाइल अॅप डाउनलोड करा आणि राहा अपडेट

---

‘ई-ऑफ‌िस’पुढे अडथळे

June 19, 2015, 1:07 pm

≫ Next: जन-धन योजनेच्या दीड लाख खात्यांत शून्य व्यवहार

≪ Previous: बजाजनगर परिसरात तीन दुचाकींची चोरी

$

0

0

म. टा. प्रतिनिधी, औरंगाबाद

माहिती तंत्रज्ञानाच्या वापरातून सर्वसामान्यांच्या कामांचा तत्काळ निपटारा करणे व कामकाजात सुसूत्रता आणण्यासाठी जिल्हाधिकारी वीरेंद्र सिंह यांनी जिल्हाधिकारी कार्यालय ई-ऑफ‌िस करण्याचा निर्णय घेतला आहे. परंतु, या कामात संगणकांची संख्या, जुने संगणक व कर्मचारी, अधिकाऱ्यांचे प्रशिक्षण याचे आव्हान आहे.

वीरेंद्र सिंह यांनी सिंधुदूर्ग जिल्हाधिकारी कार्यालय पेपरलेस केल्यामुळे (ई-ऑफिस) त्यांना उत्कृष्ट जिल्हाधिकारी म्हणून गौरवण्यात आले होते. 'टेक्नोसॅव्ही' जिल्हाधिकाऱ्यांनी औरंगाबाद येथे पदभार स्वीकारताच ई- ऑफ‌िसचा ध्यास घेतला आहे. त्यासाठी त्यांनी कामकाजाचा आढावा घेणे सुरू केले आहे. सध्या जिल्हाधिकारी कार्यालयात सुमारे दीडशे संगणक आहेत. त्यापैकी काही संगणक वापरात नाहीत. काही संगणकांची दुरुस्ती करण्याची वेळ आली आहे. काही संगणक बदलावे लागणार आहेत.

कार्यालयात १४ तहसीलदार, ५४ नायब तहसीलदार, १७० लिपिक, १३७ अव्वल कारकून कार्यरत असून अनेक पदे रिक्त आहेत. या कर्मचाऱ्यांपैकी किती संगणक साक्षर आहेत याचाही आढावा प्रशासनाला घ्यावा लागणार आहे. शिवाय कोणते काम करायचे, त्यासाठी कोणत्या सॉफ्टवेअरची आवश्यकता आहे, याचा आढावा घेऊनच ई-ऑफ‌िससाठी नियोजन करावे लागणार आहे. महाराष्ट्र शासनाने सर्व सरकारी कार्यालयांना 'ई-ऑफ‌िस' प्रणालीचा वापर करणे बंधनकारक करण्याचा निर्णय घेतला आहे. त्यानुसार जिल्हाधिकारी पाऊल उचलत आहेत परंतु, त्यांना आधी कार्यालयातील अडथळ्यांवर मात करून पायाभूत सुविधा पूर्ण कराव्या लागणार आहेत.

संचिकांचा डिजिटल प्रवास

शासकीय कामकाजात कागद व संचिकांना अनन्यसाधारण महत्त्व आहे. शासकीय यंत्रणेत परंपरागत पद्धतीने संचिकांमधून लेखी स्वरुपात माहिती जतन केली जाते. ई-ऑफ‌िस प्रणालीत कागद व संचिकांना महत्त्व नाही. संचिकांचा प्रवास डिजिटल माध्यमातून होतो. याप्रणालीत तयार होणाऱ्या संचिका, विविध प्रमाणपत्रे, दाखले आणि परवाने स्वाक्षरीत करण्यासाठी डिजिटल सिग्नेचरचा वापर करण्यात येतो. जुन्या संचिका असतील त्या स्कॅन करून या प्रणालीला जोडण्यात येतात.

मोबाइल अॅप डाउनलोड करा आणि राहा अपडेट

जन-धन योजनेच्या दीड लाख खात्यांत शून्य व्यवहार

June 19, 2015, 1:08 pm

≫ Next: अल्पवयीन तरुणीच्या अपहरणाचा तपास लावा

≪ Previous: ‘ई-ऑफ‌िस’पुढे अडथळे

$

0

0

धनंजय कुलकर्णी, औरंगाबाद

पंतप्रधान नरेंद्र मोदी यांच्या महत्त्वाकांक्षी जन-धन योजनेंतर्गत शहरात उघडलेल्या ३ लाख १२ हजार खात्यांपैकी निम्या खात्यांवर व्यवहारच झाले नाहीत. मात्र, या खात्यांची व्यवस्था करण्यासाठी बँकांवर वर्षाला सुमारे पावणेचार कोटी रुपये खर्चाचा बोजा पडणार आहे.

या योजनेत विक्रमी खाती उघडण्यात आले. त्यांची नोंद गिनीज बुक ऑफ रेकॉर्ड्समध्ये झाली. मात्र, शहरातील ३ लाख १२ हजार खात्यांपैकी सुमारे १ लाख ४७ हजार खात्यांतच व्यवहार झाले. या माध्यमातून काही कोटी रुपयांची रक्कम बँकांकडे जमा झाली. उर्वरित खात्यांत एकदाही पैसे जमा करण्यात आले नाहीत. ही आकडेवारी जून २०१५ पर्यंत उघडलेल्या खात्यांसंदर्भातील आहे. सर्वसाधारणपणे बँक बचत खात्यात जमा होणाऱ्या पैशावर चार टक्के व्याज दिले जाते. मात्र, कर्जावर सर्वसाधारण १० टक्के व्याज आकारले जाते. त्या माध्यमातून खाते सुरू ठेवण्याचा खर्च वसूल केला जातो. खाते सुरू ठेवण्यासाठी वर्षाला जवळपास २५० रुपये खर्च करावे लागतात.

सुमारे ३ लाखांपैकी निम्म्या खात्यांत व्यवहार नाही हे म्हणणे चुकीचे ठरेल. मात्र, झिरो बॅलन्स असल्याने कदाचित काहीही व्यवहार झाले नसतील, पण सर्व सुविधा देण्यात आल्या आहेत.

- अनंत घाटे, व्यवस्थापक महाबँक

जनधन योजनेंतर्गत उघडलेली सर्व खाती सामान्यांसह दारिद्रयरेषेखालील ना‌गरिकांची आहेत. त्यांच्याकडून व्यवहार होणे शक्य नाही. यातील निम्म्याहून अधिक खात्यात व्यवहार झाले नाहीत.

- जगदीश भावठाणकर, महासचिव, एसबीएच युनियन

मोबाइल अॅप डाउनलोड करा आणि राहा अपडेट

अल्पवयीन तरुणीच्या अपहरणाचा तपास लावा

June 19, 2015, 1:12 pm

≫ Next: संपत्तीसाठी वृद्धाला जिवे मारण्याची धमकी

≪ Previous: जन-धन योजनेच्या दीड लाख खात्यांत शून्य व्यवहार

$

0

0

म.टा. प्रतिनिधी, औरंगाबाद

खडकेश्वर भागातील सतरा वर्षांच्या तरुणीला लग्नाचे अमिष दाखवून तरुणाने अपहरण केले आहे. शनिवारी हा प्रकार घडला. या प्रकरणी अपहरणचा गुन्हा पोलिस ठाण्यात दाखल करण्यात आला आहे. या तरुणीचा शोध घेऊन तिला पालकांच्या स्वाधीन करावे, अल्पवयीन मुलींना प्रेमाच्या जाळ्यात ओढून त्यांना पळविणाऱ्या आरोपींवर कडक कारवाई करण्यात यावी, अशी मागणी एका निवेदनाद्वारे विश्व हिंदू परिषदेच्या शिष्टमंडळाने पोलिस आयुक्त अमितेशकुमार यांना भेटून केली. या प्रकरणी कारवाई न झाल्यास आंदोलनाचा इशारा विहिंप तसेच बजरंग दलाने दिला आहे.

मोबाइल अॅप डाउनलोड करा आणि राहा अपडेट

संपत्तीसाठी वृद्धाला जिवे मारण्याची धमकी

June 19, 2015, 1:14 pm

≫ Next: बाजारभावाप्रमाणे भरपाईचे आदेश

≪ Previous: अल्पवयीन तरुणीच्या अपहरणाचा तपास लावा

$

0

0

म. टा. प्रतिनिधी, औरंगाबाद

सत्तर वर्षाच्या एका वृद्धाला संपत्तीसाठी शिवीगाळ करून मारहाण करीत जिवे मारण्याची धमकी देणाऱ्या चौघा नातेवाईकांविरुद्ध प्रथम वर्ग न्यायदंडाधिकारी ए. व्ही. कस्तुरे यांनी पोलिस ठाण्यात गुन्हा दाखल करून त्याचा अहवाल कोर्टात सादर करण्याचे आदेश दिले आहेत.

मारोती बालाजी शिंदे (रा. मारोतीनगर, मयूर पार्क रोड, ह. मु. मोमीन गल्ली, जुना जालना) हे सेवानिवृत्त सैनिक असून त्यांना युद्धामध्ये अपंगत्व आले आहे. त्यांच्या शहरातील संपत्तीवर त्यांचे नातेवाईक राजू यशवंता गडकरी, पंडित यशवंत गडकरी, संजय यशवंत गडकरी व कांतीलाल बाबूराव वाहूळ यांनी डोळा ठेवून शिंदे यांच्या पत्नी मालनबाई यांच्या आजारपणाचा फायदा घेत संपत्ती आपल्या नावावर केली. याची माहिती मिळताच शिंदे यांनी दिवाणी कोर्टात खटला दाखल केला. त्यामुळे चौघा नातेवाईकांनी शिंदे यांच्या घरी जाऊन कोर्टात केस दाखल केल्याबद्दल शिवीगाळ केली. तसेच शिंदे यांना मारहाण करीत त्यांच्या हातातील अंगठी व खिशातील ७ हजारांची रोखड काढून घेतली. त्यानंतर शिंदे यांनी सिडको पोलिस ठाण्यात चौघांविरुद्ध तक्रार दिली. मात्र, पोलिसांनी दुर्लक्ष केल्यामुळे शिंदे यांनी जिल्हा कोर्टात चौघांविरुद्ध केस दाखल केली. या प्रकरणी कोर्टाने, चौघांविरुद्ध सिडको पोलिस ठाण्यात गुन्हा दाखल करण्याचे आदेश दिले. तसेच या प्रकरणाचा तपास करून तो अहवाल कोर्टात सादर करण्याचे आदेश दिले. या प्रकरणी अॅड. सुरेश कांबळे यांनी फिर्यादीच्या वतीने काम पाहिले, तर त्यांना असून अॅड. शंकर वानखेडे यांनी सहकार्य केले.

फेसबुक पाहताना मोबाइल पळवला

औरंगाबाद : रेल्वेस्टेशनमध्ये फेसबुक पाहताना प्रवाशाचा मोबाइल चोरट्यांनी पळवला. बुधवारी सायंकाळी सहा वाजता हा प्रकार घडला. या प्रकरणी उस्मानपुरा पोलिस ठाण्यात गुन्हा दाखल करण्यात आला आहे. नांदेड येथील डॉ. रविंद्र राठोड (वय ३५, रा. वजीराबाद) हे बुधवारी शहरात आले होते. सायंकाळी सहा वाजता नांदेडला जाण्यासाठी ते रेल्वेस्टेशनमध्ये आले. रेल्वे येण्यास वेळ असल्याने सिमेंटच्या बाकावर बसून मोबाइलवर ते फेसबुक पाहत होते. यावेळी एका तरुणाने अचानक त्यांच्या हातातील पंधरा हजाराचा मोबाइल हिसकावून पलायन केले. राठोड यांनी पाठलाग करण्याचा प्रयत्न केला. मात्र, चोरटा पसार झाला. त्यांनी दिलेल्या तक्रारीवरून पोलिस ठाण्यात गुन्हा दाखल करण्यात आला आहे.

टेलिफीशिंग अॅटॅकरचा एटीएम धारकाला ३१ हजाराचा गंडा

म.टा. प्रतिनिधी, औरंगाबाद

एटीएम बंद होणार असल्याची थाप मारत सांकेतिक क्रमांक मिळवून भामट्याने तरुणाला ३१ हजार पाचशे रुपयांचा ऑनलाईन गंडा घातला आहे. या प्रकरणी हर्सूल पोलिस ठाण्यात गुन्हा दाखल करण्यात आला आहे.

दामू आडे (वय ३५ रा. हर्सूल) यांच्या मोबाइलवर मंगळवारी एका अनोळखी क्रमांकावरून कॉल आला. समोरील व्यक्तीने राजेश शर्मा नाव सांगत बँकेतून बोलत असल्याची माहिती दिली. 'तुमचे अेटीएम कार्ड बंद होणार असून ते चालू करावयाचे असल्यास एटीएम कार्डवरील सोळा अंकी क्रमांक देण्याची मागणी त्याने केली. आडे यांना ही बाब खरी वाटून त्यांनी पुतण्याला मोबाइल दिला. त्यांच्या पुतण्याने कार्डावरील सोळा अंकी क्रमांक शर्मा नावाच्या व्यक्तीला सांगितला. यानंतर काही वेळातच त्यांच्या अेटीएममधून ऑनलाइन ३१,५०० रुपये काढण्यात आल्याचा मॅसेज त्यांना आला. आपली फसवणूक झाल्याचे लक्षात आल्यानंतर आडे यांनी पोलिस ठाण्यात तक्रार दिली. या तक्रारीवरून माहिती तंत्रज्ञान कायद्यानुसार तसेच फसवणुकीचा गुन्हा दाखल करण्यात आला आहे.

घरफोड्या, मोबाइल चोर गजाआड

म.टा. प्रतिनिधी, औरंगाबाद

सिडको परिसरात मोबाइल चोरी तसेच घरफोड्या करणाऱ्या आरोपीला गुन्हेशाखेने अटक केली आहे. त्याच्या ताब्यातून चोरीचे मोबाइल व सोन्याची अंगठी जप्त करण्यात आली आहे. हर्सूल टी पॉइंट येथे मंगळवारी दुपारी चोरीचे मोबाइल विकण्यासाठी एक तरुण येणार असल्याची माहिती गुन्हेशाखेला मिळाली होती. या माहितीवरून पोलिसांनी सापळा रचून आरोपी कैलास वसंत पाटे (वय २३, रा. तिसगाव) याला ताब्यात घेतले. त्याची झडती घेतली असता त्याच्याजवळ सात मोबाइल आढळले. सिडको हद्दीतून त्याने मोबाइल चोरल्याची कबुली दिली. तसेच तीन महिन्यांपूर्वी हडको एन-१२ येथे घरफोडी केल्याची देखील कबुली आरोपीने दिली असून चोरीतील पाच ग्रॅमची सोन्याची अंगठी पोलिसांनी त्याच्याकडून हस्तगत केली आहे. ही सहायक कारवाई पोलिस निरीक्षक गजानन कल्याणकर व पथकाने केली.

मोबाइल अॅप डाउनलोड करा आणि राहा अपडेट

बाजारभावाप्रमाणे भरपाईचे आदेश

June 19, 2015, 1:15 pm

≫ Next: परिश्रमातून उभारली मराठवाडा साहित्य परिषद

≪ Previous: संपत्तीसाठी वृद्धाला जिवे मारण्याची धमकी

$

0

0

म. टा. विशेष प्रतिनिधी, औरंगाबाद

जानेवारी २०१२ मध्ये रस्ता रुंदीकरणासाठी ताबा घेण्यात आलेल्या जागेचा मावेजा बाजारभावाप्रमाणे चार आठवड्यात द्यावा, असे आदेश मुंबई हायकोर्टाच्या औरंगाबाद खंडपीठाचे न्या. रवींद्र बोर्डे व न्या. पी. आर. बोरा यांनी औरंगाबाद प्रशासनाला दिले आहेत.

पालिकेने रोशनगेट भागातील शेख सांडू ताज मोहम्मद पटेल आणि महेबूब खान अजीज खान यांचे घर व जागा भूसंपादन कायद्याची अंमलबजावणी न करता पाडले होते. बाजारभावाप्रमाणे मावेजा दिला नव्हता. शेख सांडू ताज यांना टी डी आर किंवा रोख ९ लाख ९१ हजार ९८० रूपये तर महेबूब खान अजीज खान यांना २२ लाख ९६ हजार ९७० रूपये घ्या, अशी सक्ती केली होती. मनपाचा हा प्रस्ताव याचिकाकर्त्यांना मान्य नव्हता त्यामुळे त्यांनी खंडपीठात याचिका दाखल केली होती. भूसंपादन कायद्याप्रमाणे जागेचा मोबदला बाजारभावाप्रमाणे देण्यात यावा, अशी विनंती याचिकेत करण्यात आली.

याचिकाकर्त्याने २०१३ मध्ये याचिकेत हीच बाब मांडली होती. त्यावेळेस याचिका फेटाळण्यात आली होती. त्यांना औरंगाबाद कोर्टात दाद मागण्याची मुभा दिली होती. ही याचिका फेटाळण्यात यावी, असा युक्तिवाद मनपाचे वकील अतुल कराड यांनी केला.

मनपाने भूसंपादन कायद्यानुसार बाजार भावाने मोबदला द्यावा, अशी विनंती याचिकाकर्त्यांचे वकील एस. एस. काझी यांनी केली. भूसंपादन अधिकारी आणि जिल्हाधिकारी यांच्याकडे मावेजा देण्यासाठीचा प्रस्ताव ४ आठवड्यात पाठवावा आणि नियमाप्रमाणे मावेजा द्यावा, असे निर्देश खंडपीठाने दिले आहेत.

मोबाइल अॅप डाउनलोड करा आणि राहा अपडेट