लोणीकरांविरोधात पोलिसांत तक्रार

June 20, 2015, 1:24 pm

≫ Next: नदीतील झाडीमुळे पुराचा धोका

≪ Previous: सिडकोत ४० हजारांची चोरी

$

0

0

जालनाः प्रतिज्ञापत्रात खोटी माहिती दिल्याच्या आरोपावरून राज्याचे स्वच्छता व पाणीपुरवठा मंत्री बबनराव लोणीकर यांच्या विरोधात आम आदमी पार्टीने शनिवारी परतूर पोलिस ठाण्यात तक्रार दिली. त्यांच्या विरोधात गुन्हा दाखल करण्याची मागणी करण्यात आली आहे. ज्यांच्याकडून शपथपत्रात खोटी माहिती देण्यात येते. ते निवडणुकीत दिलेल्या आश्वासनांची पूर्तता कशी करणार, असा सवाल पक्षाचे नेते कैलास फुलारी यांनी केला आहे.

मोबाइल अॅप डाउनलोड करा आणि राहा अपडेट

---

नदीतील झाडीमुळे पुराचा धोका

June 20, 2015, 1:12 pm

≫ Next: दोन दिवसांपासून बिबट्या फरार

≪ Previous: लोणीकरांविरोधात पोलिसांत तक्रार

$

0

0

म. टा. प्रतिनिधी, नांदेड

नांदेड-किनवट रस्त्यावरील नदीत बेशरमाच्या झाडीने आक्रमण केल्यामुळे हिमायतनगर शहराला पुराचा धोका निर्माण झाला आहे. या नाल्याचे काम जलयुक्त शिवार कार्यक्रमातून मजूर होऊन आमदार नागेश पाटील यांच्या हस्ते उद्घाटन झाले होते. परंतु, कृषी विभागाच्या अक्षम्य दुर्लक्षाने काम रखडले आहे. परिणामी पावसाच्या पाण्यास अडथळा निर्माण झाला आहे. त्यामुळे शहराला पुराचा धोका निर्माण होण्याची शक्यता आहे. तातडीने शहरानजीकच्या नाल्यातील बेशरम हटवून पाण्याचा मार्ग मोकळा करावा अशी मागणी केली जात आहे.

हिमायतनगर शहर हे तालुक्याचे ठिकाण असून, हे शहर आंध्रप्रदेश विदर्भाच्या मध्यभागी आहे. त्यामुळे या ठिकाणी येणाऱ्या-जाण्याची नेहमीच वर्दळ असते. शहरात येणारा नांदेड-किनवट राज्य रस्त्यावरील मार्गवर मोठा ओढा आहे. याचा ओढ्याच्या पुलावरून रेल्वे स्थानक, भोकर, हदगाव, नांदेडकडे जाण्याचा मार्ग आहे. येथील रेल्वे कॉर्नरवरील ओढ्यात व संपूर्ण परिसराला बेशरमाच्या झाडीने व्यापले आहे. त्यामुळे नजर जाईल तिथेपर्यंत बेशरमाचीच हिरवीगार झाडे दिसत आहेत. याच नाल्याला पावसाळ्यात मोठा पूर येऊन संपूर्ण गावाला वेढा पडतो. याचा अनुभव गत अनेक वर्षीच्या अतिवृष्टीत वाहनधारक, नागरिक व शहरवासियांना आला होता. वाहतूक ठप्प झाली होती. अनेकांची वाहने वाहून जाऊन, घरात पाणी घुसून नुकसान सुद्धा झाले होते.

त्यामुळेच आमदार नागेश पाटील-आष्टीकर यांनी जिल्हा नियोजन समितीच्या बैठकीत नाला सरलीकारनासाठी १५ लाखाचा निधी मंजूर करून दिला. ३ मीटर खोली, ६०० मीटर लांबी आणि १३ मीटर रुंदीचे कामाची सुरुवात पाटील- आष्टीकर यांच्या हस्ते झाल्यानंतर सदरचे काम तातडीने पूर्ण करून संभाव्य धोका टाळावा अशा सूचना कृषी अधिकाऱ्यांना दिल्या होत्या. परंतु, त्यांच्या सूचनेला केराची टोपली दाखवीत तालुका कृषी विभागाच्या अक्षम्य दुर्लक्षामुळे चालू केलेले काम रखडत ठेवल्या गेल्याने नाल्यातील बेशरम वाढले आहे. त्यामुळे जिल्हा प्रशासनाने दिलेल्या मुसळधार पावसाच्या इशाऱ्याने पाऊस झाल्यास नाल्याला मोठा पूर येवून गावातील घरात पाणी साचून शहराला धोका होण्याची भीती नागरीकांतून व्यक्त होत आहे.

मोबाइल अॅप डाउनलोड करा आणि राहा अपडेट

दोन दिवसांपासून बिबट्या फरार

June 20, 2015, 1:13 pm

≫ Next: फुलंब्रीत खताचा तुटवडा

≪ Previous: नदीतील झाडीमुळे पुराचा धोका

$

0

0

वैजापूरः तालुक्यातील भिवगाव शिवारात आढळून आलेल्या बिबट्याला पकडण्यास वनविभागाला शनिवारी दुसऱ्या दिवशी अपयश आले. हा बिबट्या कन्नडच्या दिशेने गेला असण्याची शक्यता वनविभागाने वर्तवली आहे.

तालुक्यातील भिवगाव शिवारातील गट क्रमांक ११८ मध्ये गावकऱ्यांना सकाळी आठ वाजेच्या सुमारास बिबट्याचे दर्शन झाले होते. मात्र,त्याला हुसकावत असतांना बिबट्या बिथरला व त्याने अचानक हल्ला करून दोघांना जखमी केले होते. बिबट्याला पकडण्यासाठी वनविभागाने पिंजरा लावला आहे. मात्र, २४ तास उलटुनही पिंजऱ्यात बिबट्या अडकला नाही. त्यामुळे हा बिबट्या अन्नपाण्याच्या शोधात नाल्यानाल्याने कन्नडच्या दिशेने गेल्याचा अंदाज आहे. मात्र, खबरदारीचा उपाय म्हणून दोन वनपाल एक वनरक्षक व एक चालक यांची एक गाडी दिवस व रात्री गस्त घालण्यासाठी तैनात करण्यात येणार आहे, अशी माहिती वनसंरक्षक एम. एम. कांबळे यांनी दिली.

मोबाइल अॅप डाउनलोड करा आणि राहा अपडेट

फुलंब्रीत खताचा तुटवडा

June 20, 2015, 1:14 pm

≫ Next: स्वच्छता कर्मचाऱ्यांचे प्रश्न सुटणार

≪ Previous: दोन दिवसांपासून बिबट्या फरार

$

0

0

म. टा. प्रतिनिधी, फुलंब्री

तालुक्यात यंदा पावसाने दमदार हजेरी लावल्यामुळे पेरणी करुन उगवलेल्या पिकांना रासायनिक खतांची मात्रा देण्यासाठी शेतकऱ्यांची धडपड सुरू आहे. मात्र, खतांचा तुटवडा निर्माण करून ज्यादा दराने खत शेतकऱ्यांच्या माथी मारत असल्याने शेतकरी अडचणीत येऊ लागले आहे.

यावर्षी पावसाळा वेळेवर सुरू झाला त्यामुळे पेरण्याही वेळेवर झाल्या अनेक भागात पिकांची उगवण देखील चांगल्या प्रमाणात झाली. दररोज पडत असलेल्या पावसामुळे उगवलेली कोवळी पिके पिवळी पडू लागली आहेत. ही पिके पिवळी पडू नये यासाठी शेतकरी पिकांना खताची मात्र, देण्यासाठी धडपडत आहे. शेतकऱ्यांची गरज लक्षात घेऊन खत विक्रेत्या दुकानदारांनी युरिया खताचा तुटवडा भासवला आहे. युरिया खत ज्यादा दराने विक्री करीत असल्याचे शेतकऱ्यांतून बोलले जात आहे. युरिया हे खत घेण्यासाठी आलेल्या शेतकऱ्याला सर्व कृषी केंद्र पायाखालून पालथी घालावी लागत आहे. तर ग्रामीण भागात कृषी केंद्रातून युरीया शिल्लक नसल्याचे सांगितले जात आहे.

खताबाबत तुटवडा असल्याचे चित्र निर्माण करुन शेतकऱ्यांना वेठीस धरण्याचा प्रकार सुरू आहे. युरिया खत जादा दराने विक्री होत असल्याने शेतकऱ्यांतून नाराजी व्यक्त होत आहे. जादा दराने विक्री करणाऱ्या दुकानदारांवर कृषी विभागाने कारवाई करावी अशी मागणी शेतकरी वर्गातून होत आहे.

दहा हजार २०० मेट्रिक टन युरिया खताची आवश्यकता आहे. त्यानुसार आठ हजार ८०० मेट्रिक टन खतास मंजुरी मिळाली आहे. त्यापैकी चार हजार २०० मेट्रीक टन युरियाचा पुरवठा झालेला आहे. उर्वरित चार हजार ६०० मेट्रिक टन युरिया लवकरच उपलब्ध होईल. दुकानदारांची तपासणी चालू आहे. चढ्या भावाने विक्री केल्यास कारवाई करणार.

- आर. एम. बेंबरे, कृषी अधिकारी, फुलंब्री

मोबाइल अॅप डाउनलोड करा आणि राहा अपडेट

स्वच्छता कर्मचाऱ्यांचे प्रश्न सुटणार

June 20, 2015, 1:19 pm

≫ Next: महापालिकेत दंडेली

≪ Previous: फुलंब्रीत खताचा तुटवडा

$

0

0

म. टा. प्रतिनिधी, औरंगाबाद

शहरातील साफसफाई आणि साचलेले कचऱ्याचे ढीग या मुद्यांवरून नगरसेवकांनी शनिवारी सर्वसाधारण सभेत महापालिकेच्या प्रशासनाची 'कोंडी' केली. आक्रमक झालेल्या नगरसेवकांना शांत करीत महापौर त्र्यंबक तुपे यांनी, साफसफाईच्या मुद्यावर वॉर्ड अधिकाऱ्यांची बैठक घेऊन आवश्यक त्या सूचना देऊ, असे सांगितले. 'मटा'ने प्रसिद्ध केलेल्या 'कचरा कोंडी' या वृत्तमालिकेत प्रसिद्ध झालेल्या बातम्यांची कात्रणे यावेळी महापौरांना सादर करण्यात आली.

एमआयएमचे नगरसेवक अब्दुल रहीम नाईकवाडी यांनी शहरातील साफसफाईचा मुद्या मांडला. ते म्हणाले, 'साफसफाईची अवस्था फारच वाईट आहे. मोठ्या प्रमाणावर पैसा खर्च होऊनही सफाई होत नाही. कचऱ्याचे ढीग उचलले जात नाहीत. या प्रकारामुळे आरोग्याचा प्रश्न निर्माण होण्याची भिती आहे.' सत्यभामा शिंदे म्हणाल्या, 'साफसफाईचे काम करण्यासाठी पालिकेचे प्रशासन सक्षम नाही का. कचरा नियमित उचलला जात नाही. औषधींची फवारणी वेळेवर होत नाही.'

सीताराम सुरे यांनी सफाईच्या कामावर कामगार कमी असल्याचा मुद्या मांडला. कर्मचारी वाढवा, साफसफाईची यंत्रणा योग्य प्रकारे राबवा, असे ते म्हणाले. राज वानखेडे यांनीही कचऱ्याच्या ढिगाऱ्यांचा प्रश्न उपस्थित केला. कचरा उचलला जात नाही, दहा हजार लोकसंख्या असलेल्या वॉर्डात साफसफाईच्या कामासाठी फक्त तीनच कर्मचारी आहेत, असे ते म्हणाले. पूनम बमणे यांनीही त्यांच्या वॉर्डातील कचऱ्याची समस्या मांडली. कचऱ्याच्या मुद्यावर महिलांना बोलू द्या, असे माधुरी आदवंत महापौरांना उद्देशून म्हणाल्या. त्यांनीही कचऱ्याची समस्या कथन केली. शोभा बुरांडे यांनी प्रतापनगरमधील कचऱ्याचा मुद्दा मांडला आणि त्यावर तोडगा काढण्याची मागणी केली. आशा निकाळजे, मीना गायके, संगिता वाघुळे, गोकुळसिंह मलके आदी नगरसेवकांनी त्यांच्या त्यांच्या वॉर्डातील कचऱ्याची समस्या मांडली. नंदकुमार घोडेले यांनी 'मटा'मध्ये प्रसिद्ध झालेल्या 'कचरा कोंडी' वृत्तमालिकेची कात्रणे महापौर व उपमहापौरांना सादर केली. साफसफाईच्या कामावर गांभीर्याने लक्ष द्यावे, अशी मागणी त्यांनी केली. साफसफाईची समस्या फार गंभीर आहे, दोन-तीन दिवस कचरा उचलला जात नाही. सर्व वॉर्डात समान मजूर द्यावेत, योग्य प्रकारे साफसफाई झाली पाहिजे, याकडे लक्ष द्या असे ते म्हणाले. यावर महापौर त्र्यंबक तुपे यांनी शहरातील साफसफाई आणि कचऱ्याच्या समस्ये संदर्भात लवकरच वॉर्ड अधिकाऱ्यांची बैठक घेऊन मार्ग काढला जाईल, असे आश्वासन दिले.

कामगारांच्या व्यथा महापौरांसमोर मांडल्या

कामगार शक्ती संघटनेचे संस्थापक अध्यक्ष गौतम खरात यांच्या नेतृत्वाखाली सफाई कामगारांनी सायंकाळी महापौर तुपे यांची भेट घेतली व कामगारांच्या समस्यांबद्दल त्यांच्याशी चर्चा केली. साफसफाईचे काम करणाऱ्या कामगार-कर्मचाऱ्यांना आवश्यक त्या सुविधा दिल्या जात नाहीत. सुट्टीच्या दिवशी काम केल्याचा मोबदलाही दिला जात नाही. थकबाकीची रक्कमही दिली जात नाही, असे प्रश्न खरात यांनी महापौरांसमोर मांडले. यासंदर्भात आयुक्तांबरोबर बैठकीचे आयोजन करून निर्णय घेऊ, असे आश्वासन महापौरांनी दिले.

मोबाइल अॅप डाउनलोड करा आणि राहा अपडेट

महापालिकेत दंडेली

June 20, 2015, 1:25 pm

≫ Next: ‘पूर-प्रवण क्षेत्रातील गावांमध्ये लक्ष द्यावे’

≪ Previous: स्वच्छता कर्मचाऱ्यांचे प्रश्न सुटणार

$

0

0

म. टा. प्रतिनिधी, औरंगाबाद

'समांतर' योजना राबवत असलेल्या कंपनीला 'डीआय'ऐवजी 'एचडीपीआय' पाइप वापरण्याची मुभा देणाऱ्या ठरावावर शिवसेनेने शनिवारच्या सर्वसाधारण सभेत शिक्कामोर्तब केले. मार्चमध्ये झालेल्या सभेत हा ठराव ऐनवेळी घुसवण्यात आला होता. त्यावर शिक्कामोर्तब झाल्यामुळे कंपनीला १५३ कोटी रुपयांचा लाभ मिळण्याचा मार्ग मोकळा झाला आहे. भाजपसह इतर सर्व पक्षांनी या ठरावाला विरोध केला. इतिवृत्तासंदर्भात प्रशासनाने केलेला खुलासा तकलादू होता, त्यामुळे तोदेखील नगरसेवकांनी फेटाळला. शिवसेनेने या विरोधालाही न जुमानता 'समांतर'ची बाजू घेतली.

जानेवारीत झालेल्या विशेष सर्वसाधारण सभेत समांतर संदर्भात सविस्तर चर्चा झाली होती. तेव्हा करारात नमूद केल्यानुसार जलवाहिनी टाकण्यासाठी डीआय (ड्युक्टाइल आयर्न) पाइपच टाकावेत अशी मागणी नगरसेवकांनी केली होती. त्यानुसार तत्कालीन महापौर कला ओझा यांनी प्रशासनाला आदेश दिले होते. परंतु त्यानंतर २ मार्चला झालेल्या सर्वसाधारण सभेत महापालिका प्रशासनाने ऐनवेळचा ठराव मांडून डीआयऐवजी एचडीपीआय (हाय डेन्सिटी पॉ​लिइथेलिन) पाईप वापरण्याची मुभा कंपनीला देण्याची शिफारस केली. ती मंजूर झाल्याचे इतिवृत्तात नमूद करण्यात आले. त्याला भाजपच्या नगरसेवकांनी आक्षेप घेतला होता. उपमहापौर प्रमोद राठोड यांनी पत्रकार परिषद घेऊन ऐनवेळचा ठराव दिशाभूल करणारा व कंपनीचा फायदा करणारा आहे असा आरोप केला होता.

दरम्यान, शनिवारच्या सर्वसाधारण सभेत याच संबंधीचे इतिवृत्त कायम करण्यासाठी ठेवण्यात आले होते. त्याला प्रमोद राठोड, भगवान घडमोडे, गजानन बारवाल, राज वानखेडे, अफसर खान, विरोधी पक्षनेते अज्जू पहेलवान यांनी आक्षेप घेतला.शिवसेनेतर्फे राजू वैद्य, नंदकुमार घोडेले, सभागृह नेते राजेंद्र जंजाळ यांनी बाजू मांडली.तेव्हा प्रशासनाने खुलासा करावा अशी मागणी विरोधकांनी केली.

महापौर त्र्यंबक तुपे यांनी शहर अभियंता सखाराम पानझडे यांना खुलासा करण्यास सांगितले. १५३ कोटींचा हा फायदा कंपनीला नव्हे तर, महापालिकेला होईल. त्यातून शासनाचा हप्ता म्हणून कंपनीला देता येतील, असे पानझडे यांनी सांगितले. खुलासा समाधानकारक नसल्याचेे घडमोडे, बारवाल म्हणाले. बारवाल यांनी इतिवृत्त मंजूरीच्या संदर्भात मतदान घेण्याची मागणी केली. ती एमआयएम व काँग्रेसने उचलून धरली. इतिवृत्तावर मतदान घेता येत नाही, असे सांगत महापौरांनी इतिवृत्ताला मंजुरी दिली.

नेमके काय घडले?

सर्वपक्षीय विरोध डावलून शिवसेनेची डीआयऐवजी एचडीपीआय पाइप वापरण्याच्या ठरावाच्या इतिवृत्ताला मंजुरी.

शहर अभियंत्यांच्या खुलाशावर चर्चा करण्याची नगरसेवकांची मागणी फेटाळली.

सभेनंतर भाजप नगरसेवकांचे विभागीय आयुक्तांना निवेदन सादर केले.

एचडीपीआय पाइपच्या संदर्भातील प्रस्तावावर कोणत्याही प्रकारची कार्यवाही न करण्याचे आदेश महापालिकेला द्यावेत अशी भाजप नगरसेवकांची विभागीय आयुक्तांना विनंती.

येत्या आठवड्यात मुख्यमंत्र्यांची भेट घेऊन समांतरची चौकशी करण्याची मागणी भाजप करणार.

मोबाइल अॅप डाउनलोड करा आणि राहा अपडेट

‘पूर-प्रवण क्षेत्रातील गावांमध्ये लक्ष द्यावे’

June 21, 2015, 12:21 pm

≫ Next: पीककर्जा‌कडे शेतकऱ्याने फिरवली पाठ

≪ Previous: महापालिकेत दंडेली

$

0

0

म. टा. प्रतिनिधी, जालना

जिल्ह्यातील अंबड, घनसावंगी, परतूर, मंठा व भोकरदन या तालुक्यातील ४२ गावे पूर-प्रवण क्षेत्रात आहे. या भागातील प्रमुख नद्यावरील पुल अतिवृष्टीमुळे पाण्याखाली जात असल्यास संबंधीत विभागाने विशेष लक्ष देण्याची गरज असल्याचे प्रतिपादन निवासी उपजिल्हाधिकारी राजेश इतवारे यांनी जिल्हाधिकारी कार्यालयातील सभागृहात आपत्ती व्यवस्थापन विभागाच्या आढावा बैठकीत व्यक्त केले.

या बैठकीस उपजिल्हाधिकारी (सामान्य प्रशासन) डॉ. एन. आर. शेळके, जिल्हा शल्यचिकित्सक डॉ. सरिता पाटील, जिल्हा पुरवठा अधिकारी अनिल माचेवाड, कार्यकारी अभियंता (लघूपाटबंधारे) सोमवंशी, जिल्हा पुशसंवर्धन, आपत्ती व्यवस्थापन अधिकारी एस. आर. पी. चे समादेशक, सर्व नगरपालिकांचे मुख्याधिकारी, विद्युत विभागाचे अभियंता व संबंधित विभागाचे अधिकारी उपस्थित होते.

निवासी उपजिल्हाधिकारी राजेश इतवारे म्हणाले, 'नवीन पाटबंधारे विभाग काही दिवसापूर्वी अस्तित्वात आला आहे. या विभागाने पूर रेषची पुन्हा आखणी करून अहवाल तात्काळ सादर करावेत. आरोग्य विभागाने सुद्धा साथीचे रोग्य पसरू नये म्हणून औषधसाठा उपलब्ध करुन ठेवावा. जिल्हयात अनपेक्षितपणे नैसर्गिक आपत्ती उदभवल्यास संबंधित यंत्रणांनी सतर्क रहावे, तसेच पुरापासून बचाव करण्यासाठी योग्य त्या उपाय योजना करण्यात आल्या आहेत.

मोबाइल अॅप डाउनलोड करा आणि राहा अपडेट

पीककर्जा‌कडे शेतकऱ्याने फिरवली पाठ

June 21, 2015, 12:29 pm

≫ Next: बिबट्याच्या हल्ल्यात शेतकरी जखमी

≪ Previous: ‘पूर-प्रवण क्षेत्रातील गावांमध्ये लक्ष द्यावे’

$

0

0

मोतीचंद बेदमुथा, उस्मानाबाद

पीककर्ज देण्यासाठी राष्ट्रीयीकृत तसेच खासगी बँका उत्सुक आहेत. मात्र, खरीप हंगामासाठी पीककर्ज घेण्यासाठी शेतकरी बँकेकडे फिरकत नसल्याचे चित्र सध्या उस्मानाबादेत अनुभवयास मिळत आहे. राज्य सरकारची पीककर्ज योजना दिशाभूल करणारी आहे. उस्मानाबाद जिल्ह्यातील बँकांना खरीप हंगामासाठी द्यावयाच्या पीककर्जाचे उद्दिष्ट अद्याप २५ टक्केही पूर्ण झालेले नाही.

नापिकी व दुष्काळ यामुळे जगणे असह्य झालेल्या मराठवाड्यासह राज्यातील दुष्काळग्रस्त शेतकऱ्यांना पीककर्ज सहजरित्या उपलब्ध व्हावे शिवाय खरीपाची पेरणी करण्यासाठी आर्थिक पाठबळ मिळावे या हेतुने राज्य शासनाने पीक कर्ज पुर्नगळणची सुविधा राष्ट्रीयीकृत, खासगी, प्रादेशिक तसेच सहकारी बँकांतून उपलब्ध करून दिली. या योजनेनुसार शेतकऱ्याला त्याचे पीककर्ज पाच वर्षापर्यंत पुर्नगठित करता येणार आहे.

दुष्काळग्रस्त शेतकऱ्यांना दिलासा देण्यासाठी राज्य सरकारने यामध्ये शेतकऱ्याच्या भल्यासाठी पहिल्या वर्षी एक लाखापर्यंतच्या कर्जावरील व्याज माफ करण्याचे धोरण अवलंबिले आहे. मात्र, त्यासाठी शेतकऱ्यांनी एक वर्षाच्या मुदतीत कर्जफेड न केल्यास शेतकऱ्याला ११.७० टक्के व्याजदाराने या कर्जाची परतफेड करावी लागणार आहे. शेतकऱ्यांनी मुदतीत कर्ज फेडल्यास त्याला सात टक्के व्याज आकारले जाईल. शेतकऱ्यांनी ही व्याजाची रक्कम स्वता भरणे आवश्यक आहे. यानंतर व्याजाची ही रक्कम बँक शासनाकडून वसूल करेल व त्यानंतर ती पुन्हा शेतकरयांच्या खात्यावर जमा करण्याची बँकेची पद्धत आहे. यासाठीच्या कालावधीची कसलीही मर्यादा स्पष्ट करण्यात आलेली नाही.

उस्मानाबाद जिल्ह्यासह मराठवाड्यातील बहुतांश शेतकरी हा नापिकीमुळे त्रस्त आहेत. त्याला जगणे अशक्य झालेले आहे. २०१२-२०१३, २०१३-२०१४ आणि २०१४-२०१५ या सलगच्या तीन वर्षाच्या नापिकीमुळे तो आर्थिकदृष्ट्या कमकुवत झालेला आहे. त्याचेकडे या अगोदर घेतलेल्या पीककर्जाचे व्याज भरण्याची क्षमता नाही. त्यामुळे तो व्याज व मुद्दलही भरण्याच्या मनस्थितीत नाही. किंवा कर्जाचे जुने नवे करणेही त्याला शक्य नाही. त्यामुळे बहुतांश शेतकऱ्यांसाठी शासनाची त्यामुळेच जिल्ह्यातील बँकातून पीककर्ज घेण्यासाठी शेतकऱ्यांची वणवा आहे.

शेतकरी नेते मौन बाळगूनच

शेतकऱ्यांचे कैवारी म्हणून गवगवा करणारे शेतकऱ्यांचे नेतेसुद्धा या पीकविमा संदर्भाने बोलण्यास तयार नाहीत. शेतकऱ्यांचे हाल होत असताना ते मौन बाळगून आहेत. किंबहूना एफआरपीच्या बाहेर पडण्याची त्यांची मानसिकताच दिसून येत नाही.

पीक कर्जासाठी बँका शेतकऱ्यांच्या दारी

पीक कर्ज घ्या अशी शेतकऱ्यांना विनवणी करण्याची पाळी सध्या जिल्ह्यातील विविध १९ बँकांवर आली आहे. २०१२ ते २०१५ च्या नापिकीमुळे जिल्ह्यातील थकीत कर्जाची व व्याजाची रक्कम भरण्याची शेतकऱ्यांमध्ये ऐपत नाही. परिणमी त्यांना नवीन कर्ज मिळणे अशक्य झाले आहे. त्यामुळे बँकांतून खरीप हंगामासाठी पीक कर्ज घेण्यासाठी शेतकऱ्याची गर्दी दिसत नाही.

मोबाइल अॅप डाउनलोड करा आणि राहा अपडेट

---

बिबट्याच्या हल्ल्यात शेतकरी जखमी

June 21, 2015, 11:30 am

≫ Next: तीन वाटमाऱ्यांना अटक

≪ Previous: पीककर्जा‌कडे शेतकऱ्याने फिरवली पाठ

$

0

0

नांदेडः किनवट तालूक्यातील इस्लापूर जवळील मुरझळा शिवारात एका शेतकऱ्यावर बिबट्याने हल्ला केला.‌ ही घटना शुक्रवारी रात्री घडली. या घटनेत गंभीर जखमी शेतकऱ्यास नांदेडला हलविण्यात आले आहे. यामुळे भीतीचे वातावरण पसरले आहे.

हिमायतनगर तालुक्याच्या टोकावर असलेल्या मुरझळा (ता. किनवट) येथील शेतकरी लक्ष्मण चा​​कोते हे कुटुंबासह शेतात वास्तव्य करतात. जंगलाच्या काठावर असलेल्या शेत शिवारात नेहमीप्रमाणे कामकाज करून शुक्रवारी रात्री झोपले होते. दरम्यान, गोठ्यातील बैलाचा आवाज आल्याने शेतकरी बाहेर येऊन पाहत होते. यावेळी ‌बिबट्याने अचानक हल्ला केला. आरडा-ओरड केल्याने शेजारील शेतकरी पळत आल्याने बिबट्या त्याठिकाणाहून पळून गेला.

मोबाइल अॅप डाउनलोड करा आणि राहा अपडेट

तीन वाटमाऱ्यांना अटक

June 21, 2015, 11:31 am

≫ Next: विम्याची रक्कम पीक कापणीवर ठरणार

≪ Previous: बिबट्याच्या हल्ल्यात शेतकरी जखमी

$

0

0

म. टा. प्रतिनिधी, जालना

शहरातील बसस्थानक परिसरात असलेल्या वखार महामंडळाच्या गोदामाजवळ एकाला रस्त्यात अडवून लूटल्याची घटना शुक्रवारी रात्री अकराच्या सुमारास घडली. दरम्यान, सदर बाजार पोलिस ठाण्याच्या डीबी पथकाने अवघ्या तासाभरात तपासाची चक्रे फिरवत तीन वाटमाऱ्यांच्या मुसक्या आवळल्या. अटक करण्यात आलेल्या या आरोपींकडून लूटीमधील २० हजार रुपये किंमतीचा एक मोबाइल देखील जप्त केला.

त्र्योगोरी जोसेफ मस्करेन हे शुक्रवारी रात्री अकराच्या सुमारास गोपीकिशननगर येथील घराकडे परत जात असताना वखार महामंडळाच्या गोदामाजवळ चार अनोळखी युवकांनी त्याला रस्त्यात अडविले. यावेळी या युवकांनी त्र्योगोरी याच्या शर्टाच्या खिशातील मोबाइल फोन बळजबरीने हिस्कावून पोबारा केला.

दरम्यान, घटनेची माहिती मिळताच शहरात गस्त घालत असलेल्या सदर बाजार पोलिसांच्या डीबी पथकातील ए. पी. जाधव, व्ही. एस. मेहेर, बिट मार्शल ए. आर. पटेल, गजानन नागलोत यांनी तपासाची चक्रे फिरवित अवघ्या तासाभरात तीन संशयितांना ताब्यात घेतले. राम निकाळजे (वय १९, रा. देवळगावराजा) मनोज वानखेडे, अविनाश आडसूळ असे या अटक करण्यात आलेल्या आरोपींची नावे आहे. सचिन जाधव हा फरार आहे. पोलिस निरीक्षक अनिल विभूते यांच्या मार्गदर्शनाखाली पोलिस उपनिरीक्षक विशाल मोहिते, अरविंद झावरे, साई पवार, किरण चेके, सुधीर वाघमारे, बाबा गायकवाड, कृष्णा तंगे, नंदू खंदारे, नितीन झोटे यांच्या पथकाने ही कामगिरी केली.

या प्रकरणातील फरार आरोपीचा शोध सुरू असून लवकरच त्यालाही जेरबंद करण्यात येईल. पोलिस तपास सुरू असून या आरोपींकडून चोरी व वाटमारीचे इतर अनेक गुन्हे उघडकीस येण्याची शक्यता आहे.

- विशाल मोहिते, पोलिस उपनिरीक्षक, डीबी पथक, सदर बाजार

मोबाइल अॅप डाउनलोड करा आणि राहा अपडेट

विम्याची रक्कम पीक कापणीवर ठरणार

June 21, 2015, 11:41 am

≫ Next: अनुदान वाटपात कसूर; कायगावचा तलाठी निलंबित

≪ Previous: तीन वाटमाऱ्यांना अटक

$

0

0

म. टा. प्रतिनिधी, बीड

यावर्षी खरिपातील कृषी विमा योजनेत सहभागी झालेल्या शेतकऱ्यांना पीक कापणी प्रयोगातील आकडेवारी तपासून भरपाई देण्याचा निर्णय घेतला आहे. दुष्काळ किंवा टंचाईशी पिकविम्याचा काहीही संबंध नाही. त्यासोबचत पिकविमा देण्यासाठी पूर, दुष्काळ, पैसेवारी संदर्भात शासनाच्या कोणत्याही विभागाने घोषित केलेली आकडेवारी ग्राह्य धरली जाणार नाही असेही सरकारने स्पष्ट केले आहे. म्हणजेच सरकारचा त्यांच्याच आकडेवारीवर विश्वास नसल्याचे स्पष्ट झाले आहे.

राज्यात राष्ट्रिय कृषी पिकविमा ही योजना चालवली जाते. केंद्र सरकार, राज्य सरकार आणि विमा कंपनी यांच्यामार्फत ही योजना सुरू आहे. मात्र, कृषी विभागाने काढलेल्या पत्रका नुसार, पिकविम्याची भरपाई निश्चितकरताना पैसेवारी, दुष्काळ, टंचाईची स्थिती, पुरामुळे झालेली हानी तसेच शासनाचे इतर विभाग किंवा कोणत्याही संस्थेने घोषित केलेली आकडेवारी अजिबात विचारात घेतली जाणार नाही. कृषी आयुक्तालयाकडून होणाऱ्या पीक कापणी प्रयोगाची आकडेवारीच कृषी विमा कंपनीने ग्राह्य धरावी, अशी अट शासनाने टाकलेली आहे. म्हणजेच शासनाचा आपल्याच आकडेवारीवर विश्वास नसल्याचे स्पष्ट झाले आहे. कापणी प्रयोगासाठी राज्यात मंडळे निश्चित करण्यात आलेले आहेत. एका मंडळात दहा ठिकाणी पीक कापणी प्रयोग होतील. तालुका मंडळात १६ पीक कापणी प्रयोग केले जाणार आहेत. पीक कापणी प्रयोगातील अहवाल पाहून सरासरी उत्पन्नातघसरण झाली तरच विम्याचे पैसे शेतकऱ्याला मिळतात. कृषी आयुक्तालयाकडून यंदा खरीप पिकांच्या कापणी प्रयोगाची आकडेवारी ३१ जानेवारी २०१६ पर्यंत कृषी विमा कंपनीला दिली जाणार आहे. मात्र, खरिपातील तूर, कांदा आणि कापसाची आकडेवारी या कंपनीला देण्याची मुदत ३१ मार्च २०१६ पर्यंत आहे.मुदतीत माहिती देणे बंधनकारक

नैसर्गिक आपत्तीमध्ये पिकाचे वैयक्तिक नुकसान झाल्यानंतर ४८ तासात लेखी माहिती कळवण्याची जबाबदारी शेतकऱ्यांवर टाकण्यात आली आहे. पूर, चक्रीवादळ, जमीन ढासळणे तसेच गारपीट अशा प्रकारच्या नैसर्गिक आपत्तीमुळे पिकाची वैयक्तीक हानी होऊ शकते. हानी झाल्यास शेतकऱ्याने मुदतीनंतर माहिती दिल्यास भरपाई मिळत नाही. शेतकऱ्यांनी नुकसान होताच ज्या बॅंकेतून विमा काढला आहे. त्या बॅंकेच्या शाखाधिकाऱ्याला किंवा विमा कंपनीला दिलेल्या मुदतीच्या आत माहिती देणे बंधनकारक ठरते, असे या पत्रकात सांगण्यात आले आहे.

मोबाइल अॅप डाउनलोड करा आणि राहा अपडेट

अनुदान वाटपात कसूर; कायगावचा तलाठी निलंबित

June 21, 2015, 11:43 am

≫ Next: पावसात गेला पूल वाहून

≪ Previous: विम्याची रक्कम पीक कापणीवर ठरणार

$

0

0

म. टा. प्रतिनिधी, सिल्लोड

गारपीटग्रस्त शेतकऱ्यांच्या अनुदान वाटपात गैरप्रकार व शासकीय कामकाजात हलगर्जी केल्याचा ठपका ठेऊन तालुक्यातील कायगाव येथील तलाठी अमित गंगावणे यांना उपविभागीय अधिकारी चुन्नीलाल कोकणी यांनी निलंबित केले आहे. गंगावणे यांच्या विरुद्ध सरपंच विश्वास दाभाडे यांनी तक्रार केली होती.

गंगावणे यांनी संगनमत करून तीन व्यक्तींच्या नावावर दोन वेळा गारपीटीचे अनुदान दिले. गटक्रमांक ५२ व ५०७ मध्ये जमीन नसलेल्यांना अनुदान वाटप केले, अशी तक्रार पुराव्यानिशा दाखल केली होती. तक्रारीची शहनिशा केल्यानंतर त्यात तथ्य आढळल्याने उपविभागीय अधिकाऱ्यांनी तलाठी गंगावणे यांना निलंबित केले. सज्जावर गैरहजर राहणे, सूचनांचे पालन न करणे, गारपीट अनुदान वाटपात तक्रारी हा ठपका त्यांच्यावर ठेवल्याची माहिती उपविभागीय अधिकारी कोकणी यांनी दिली. निलंबनकाळात त्यांचे मुख्यालय सोयगाव तहसील कार्यालय राहणार असल्याचे आदेशित केले आहे. गारपीट, नैसर्गिक आपत्ती, दुष्काळी अनुदान वाटपात कसूर केल्यावरून यापूर्वी तीन तलाठ्यांना निलंबित करण्यात आले आहे.

आहार तपासणी

फुलंब्रीः शालेय पोषण आहार अधीक्षक डी. एन. केदारे यांनी गणोरी, किनगाव, वारेगाव, शेलगाव येथील शाळांना भेट देऊन शालेय पोषण आहाराची तपासणी केली. पूरक आहार द्यावा, ताटांचा शंभर टक्के वापर करावा, स्वयंपाक घर स्वच्छ ठेवावे, आदी सूचना यावेळी देण्यात आल्या. गणोरी येथील शाळेत त्रुटी अाढळल्याने मुख्याध्यापकांना सक्त ताकीद देऊन सुधारणा करण्यास सांगितले.

मोबाइल अॅप डाउनलोड करा आणि राहा अपडेट

पावसात गेला पूल वाहून

June 21, 2015, 11:44 am

≫ Next: जलयुक्त शिवार; झेडपीसाठी स्वप्नच

≪ Previous: अनुदान वाटपात कसूर; कायगावचा तलाठी निलंबित

$

0

0

म. टा. प्रतिनिधी, फुलंब्री

तालुक्यातील उमरावती ते जाधववाडी वस्ती हा दोन किलोमिटरचा रस्ता व रस्त्यावरील पूल पावसामुळे वाहून गेला आहे. त्यामुळे वस्तीवरील नागरिकांना या रस्त्यावरून ये-जा करण्यासाठी तारेवरची कसरत करावी लागत आहे.

तीन वर्षांपूर्वी जाधववाडी वस्तीला जाण्यासाठी जिल्हा नियोजन समितीच्या माध्यमातून हा रस्ता तयार करण्यात आला होता. गेल्या आठवड्यात उमरावती व परिसरात जोराचा पाऊस झाला. या पावसात हा रस्ता व रस्त्यावरील पुलावर टाकलेला भराव वाहून गेला. जाधववाडी वस्ती ही सुमारे ३०० लोकांची वस्ती आहे. या वस्तीवरील नागरिकांना दररोजच्या कामासाठी उमरावती गावात ये-जा करावी लागते. या वस्तीवर विद्यार्थांना इयत्ता चौथीपर्यंत शिक्षण मिळते. पुढील शिक्षणासाठी विद्यार्थांना गावात यावे लागते. रस्ता व पूल वाहून गेल्यामुळे वस्तीवरील लोकांना गावात ये-जा करण्यासाठी मोठी कसरत करावी लागत आहे. जिल्हा परिषद सदस्या संगीता मोटे, काकासाहेब मोटे, सोमीनाथ करपे, सोमीनाथ सोनवणे, सखाहरी खंबाट, संजय मोरे यांनी रविवारी पूल व रस्त्याची पाहणी केली. हा रस्ता व पूल लवकरात लवकर दुरुस्त करून नागरिकांची गैरसोय टाळावी, अशी मागणी जिल्हा परीषद सदस्या संगीता मोटे, काकासाहेब मोटे यांनी केली आहे.

मोबाइल अॅप डाउनलोड करा आणि राहा अपडेट

जलयुक्त शिवार; झेडपीसाठी स्वप्नच

June 21, 2015, 11:46 am

≫ Next: ‘नगरसेविकेच्या दिरामुळे खोकडपुऱ्यात काम बंद’

≪ Previous: पावसात गेला पूल वाहून

$

0

0

म. टा. प्रतिनिधी, औरंगाबाद

दुष्काळावर मात करण्यासाठी राज्य सरकारने हाती घेतलेल्या जलयुक्त शिवार योजनेत यंदा जिल्हा परिषदेची पाटी कोरी असणार आहे. मंजूर झालेल्या १५ पैकी एकाही बंधाऱ्याचे काम सुरू होणार नसल्याने एक वर्ष वाट पाहावी लागणार आहे.

ग्रामविकास खात्यांतर्गत जलयुक्त शिवार योजना जाहीर झाली. जिल्हा परिषदेने २२८ गावांची निवड केली. दुष्काळाने कायम त्रस्त असलेल्या औरंगाबाद जिल्ह्यात गावागावात सिमेंट बंधारे करून पावसाचे पाणी अडविण्याचे याद्वारे नियोजन होते. निवडलेल्या गावांमधून १७ गावांत सिमेंट बंधारे उभारण्यासाठी प्रशासनाने प्रक्रिया सुरू केली. या योजनेसाठी राज्य सरकारने अत्यंत कडक नियमावली केली आहे. एरव्ही सिंचन विभागाची कामे घेण्यासाठी मोठी गर्दी असते. पण या योजनेत अवघड अटी असल्याने कंत्राटदारांनी पाठ फिरविली. ई-टेंडरिंग पद्धतीने तीन वेळा निविदा मागविण्यात आल्या. कारण पहिल्या वेळी केवळ सहा जणांनीच निविदा भरल्या होत्या. कामाच्या अनुभवाच्या जोरावर कंत्राटदाराला काम देण्याचा नियम असल्याने अनेकांची अडचण झाली.

वास्तविक गंगापूर, वैजापूर तालुके कायम दुष्काळी मानले जातात. या भागाला प्राधान्य दिले असते तर मुदतीच्या आत बंधारे उभारता आले असते. पण उशिराने प्रक्रिया राबविल्याचा फटका आता योजनेला बसला आहे. मंजूर झालेल्या १५ कामांच्या ठिकाणी जूनच्या पहिल्या आठवड्यापासून पावसाने हजेरी लावली. त्यामुळे या साइटवर पाणी साचले आहे. पाण्याचा निचरा होईपर्यंत कामे सुरू होणे अवघड आहे. सूत्रांनी दिलेल्या माहितीनुसार पावसाळा संपेपर्यंत ही कामे करणे नियमानुसार शक्य नाही. एकही बंधारा यंदाच्या पावसाळ्यात उपयोगात येणार नाही, यावर आता शिक्कामोर्तब झाले आहे.

बोगसगिरीचा फटका

ई-टेंडरिंगमध्ये स्थानिक स्तर विभागात काम केल्याचे प्रमाणपत्र आवश्यक करण्यात आले होते. काही संस्थांनी बोगस प्रमाणपत्र लावली होती. लासूर स्टेशन येथील एका संस्थेने असेच बनावट प्रमाणपत्र लावल्याचे प्रशासनास अगदी शेवटच्या क्षणी लक्षात आले. त्यामुळे प्रक्रिया पुन्हा राबवावी लागली. तीनवेळा निविदा बोलावून १५ कामांना प्रशासकीय मंजुरी दिली गेली. यापैकी बहुतांश कामे सिल्लोड तालुक्यातील आहेत.

मोबाइल अॅप डाउनलोड करा आणि राहा अपडेट

‘नगरसेविकेच्या दिरामुळे खोकडपुऱ्यात काम बंद’

June 21, 2015, 11:48 am

≫ Next: नगरपालिकेच्या मागणीला विरोध

≪ Previous: जलयुक्त शिवार; झेडपीसाठी स्वप्नच

$

0

0

औरंगाबादः खोकडपुऱ्यातील वॉर्ड क्रमांक ५३ आणि ५४ च्या सीमेवरील ड्रेनेजलाइनचे काम नगरसेविका बबिता चावरिया यांच्या दिराने बंद पाडल्याचा आरोप भारतीय कम्युनिस्ट पक्षाने केला आहे. गेल्या आठ महिन्यांपासूनच्या या समस्येबद्दल नागरिकांनी भाकप कार्यालयात धाव घेतल्यानंतर खोकडपुरा शाखेचे सचिव अॅड. अभय टाकसाळ यांच्या नेतृत्वाखाली प्रभाग ड कार्यालयात अभियंत्यांना घेराव टाकण्यात आला होता. त्यानंतर ठेकेदाराने पाइप टाकण्यासाठी नालीची खोली कमी घेतली व लहान आकाराचे पाइप टाकल्यामुळे नागरिकांनी आक्षेप घेतला. टाकसाळ यांनी अंदाजपत्रकाप्रमाणे काम करण्याची मागणी केली. यावेळी नगरसेविका बबिता चावरिया यांच्या दिराने काम बंद पाडले. पाइप काढून घेण्यास सांगून खड्डे बुजवण्यास सांगितल्याचा आरोप भाकपच्या निवेदनात करण्यात आला आहे. दरम्यान, नागरिकांनी सोमवारी प्रभाग कार्यालयावर प्रभाग अभियंत्यांना घेराव टाकण्याचा निर्णय घेतला आहे. शिवाय पोलिस आयुक्तांची भेट घेणार असल्याचे कळविण्यात आले आहे.

मोबाइल अॅप डाउनलोड करा आणि राहा अपडेट

---

नगरपालिकेच्या मागणीला विरोध

June 21, 2015, 11:50 am

≫ Next: तपोवनचा नांदेड प्रवास झाला रद्द, सचखंडही उशिरा

≪ Previous: ‘नगरसेविकेच्या दिरामुळे खोकडपुऱ्यात काम बंद’

$

0

0

म. टा. प्रतिनिधी, वाळूज

बजाजनगर येथे नगरपालिका स्थापना करावी, अशी मागणी भारतीय जनता पक्षाने केली असताना शिवसेनेच्या काही पदाधिकाऱ्यांनी इतर पक्षांच्या पदाधिकाऱ्यांना सोबत घेवून विकास प्राधिकरणाची मागणी केली आहे. त्यासाठी स्वतंत्र प्रधिकरण कृती समिती स्थापन करण्यात आली आहे.

वाळूज औद्योगिक परिसरातील कारखान्यांमधील कामगार बजाजनगर, सिडको वाळूज महानगर, वडगाव कोल्हाटी, साजापूर, वळगदगाव, पंढरपूर, वाळूज, रांजणगाव शेणपुंजी येथे राहतात. इतर गावापेक्षा कामगार बजाजनगरला पसंती देतात. त्यामुळे या भागातील लोकसंख्या मोठ्या प्रमाणात वाढत आहे. त्यामुळे या लोकवस्तीला सुविधा पुरविण्याचा ताण एमआयडीसीवर आला आहे. त्यामुळे बजाजनगरमध्ये घनकचरा निर्मूलन, ड्रेनेजलाइन टाकणे आदी सुविधा देण्यास एमआयडीसीने नकार दिला आहे. या पार्श्वभूमीवर भाजप जिल्हा शहराध्यक्ष अनिल चोरडिया यांनी बजाजनगर-वडगाव कोल्हाटी नगरपालिका स्थापन करण्याची मागणी केली आहे. त्यांनी या मागणीचे निवेदन मुख्यमंत्री देवेंद्र फडणवीस यांना दिले आहे.

एमआयडीसीने बजाजनगरमधील घनकचरा उचलण्यास नकार दिल्याने जिल्हाधिकाऱ्यांनी ही जबाबदारी वडगाव कोल्हाटी ग्रामपंचायतीला सोपवली आहे. या कामासाठी ग्रामपंचायतीने आठ रुपये प्रति चौरस मिटर स्वच्छता कर आकारण्याचा निर्णय घेतला आहे. शिवसेना उप तालुकाप्रमुख सचिन गरड यांच्या पुढाकराने बजाजनगरमधील एका मंदिरात शुक्रवारी बैठक झाली. या

बैठकीत नगरपालिका नको, विकास प्राधिकरण स्थापन करावे, अशी भूमिका घेण्यात आली आहे. बैठकीला कैलास भोकरे, अशोक लगड, कैलास चव्हाण, पोपट हांडे, अर्जुन आदमाने, तुषार जाधव, प्रकाश भोसले, हरिश्चंद्र जगताप, गणेश कोलते आदींसह सर्वपक्षीय सुमारे पन्नास कार्यकर्ते उपस्थित होते.

तीन वर्षांपासून प्रयत्न

भाजपने या भागाला शहर जिल्ह्याचा दर्जा देऊन अनिल चोरडिया यांच्यावर अध्यक्षपदाची जबाबदारी सोपवली आहे. भाजपमध्ये दाखल झालेले चोरडिया मूळ शिवसेनेचे आहेत. ते तीन वर्षांपासून बजाजनगर-वडगाव कोल्हाटी नगरपालिकेसाठी पाठपुरावा करीत आहेत. वडगाव कोल्हाटी ग्रामपंचायतीमध्ये ठराव, पंचायत समिती, जिल्हा परिषदेच्या सर्वसाधारण सभेत प्रस्ताव मंजूर करून शासनाकडे पाठवण्यापर्यंत अनिल चोरडियांनी पाठपुरावा केला आहे.

स्वच्छता करास विरोध

शिवसेनेच्या पुढाकाराने झालेल्या बैठकीत स्वच्छता कर भरण्यास विरोध करण्याचा निर्णय घेण्यात आला. बजाजनगरमध्ये कचरा पडून आहे, ग्रामपंचायत कचरा उचलत नाही, या मुद्द्यांवर हा निर्णय घेण्यात आला आहे.

ग्रामपंचायत व एमआयडीसी यांच्या कचाट्यात बजाजनगरमधील नागरिक भरडले जात आहे. नगरपालिका स्थापन करून बजाजनगरचा प्रश्न सुटणार नाही. स्वतंत्र प्राधिकरणाचीच गरज आहे. वडगाव कोल्हाटीची नगरपालिका स्थापन करण्यास आमचा विरोध नाही.

- सचीन गरड, शिवसेना उप तालुकाप्रमुख

कर भरूनही बजाजनगरमधील नागरिकांना सुविधा मिळत नाहीत. त्यातून सुटका होण्यासाठी सर्वपक्षीय बैठकीत स्वतंत्र प्राधिकरणाची मागणी पुढे आली आहे. विकासासाठी सर्वपक्षांनी एकत्र येऊन लढण्याची गरज आहे. नगरपालिकेची मागणी दुर्दैवी आहे.

- कैलास भोकरे, नागरिक

मी नगरपालिकेची मागणी लावून धरल्याने प्राधिकरणाची मागणी करून वातावरण गढूळ करण्यात येत आहे. या बैठकीला बोलावल्यास मी सुद्धा गेलो असतो. प्राधिकरणाची मागणी करणाऱ्यांनी आधी त्याबद्दलच्या नियमांचा अभ्यास करावा.

- अनिल चोरडिया, शहराध्यक्ष भाजप

मोबाइल अॅप डाउनलोड करा आणि राहा अपडेट

तपोवनचा नांदेड प्रवास झाला रद्द, सचखंडही उशिरा

June 21, 2015, 11:53 am

≫ Next: पोलिस आयुक्तांनी केले १२० खटले खारीज

≪ Previous: नगरपालिकेच्या मागणीला विरोध

$

0

0

म.टा. प्रतिनिधी, औरंगाबाद

मुंबईहून नांदेडला जाणारी तपोवन एक्सप्रेस रविवारी पुन्हा रद्द करण्यात आली. पावसामुळे उशिरा धावणाऱ्या रेल्वेंमुळे तपोवन रद्द करण्यात आली आहे. या शिवाय इटारसी रेल्वे स्टेशनवर लागलेल्या आगीमुळे सचखंड एक्सप्रेसच्या वेगाला उशिराचे ग्रहण लागले आहे.

मुंबई येथून निघणारी तपोवन एक्सप्रेस ऐनवेळी मध्य रेल्वेने रद्द केली. यामुळे या रेल्वेतून औरंगाबादकडे येणाऱ्या प्रवाशांना मोठा त्रास सहन करावा लागला. शुक्रवारी झालेल्या पावसामुळे शनिवारी जनशताब्दी, तपोवन एक्सप्रेस या दोन्ही गाड्या रद्द होत्या. शिवाय शनिवारी मुंबईहून येणारी नंदीग्रामही रद्द करण्यात आली होती. शनिवारसारखीच रविवारी तपोवन रद्द केल्यानंतर नंदीग्राम आणि देवगिरी या गाड्याही उशिराने धावत असल्याची माहिती रेल्वे सूत्रांनी दिली.

मुंबईत पावसाने झोपडले तर इटारसी येथे गुरूवारी आगीची घटना घडली. यात रेल्वेच्या पॅनल ऑफिसला नुकसान झाले. याशिवाय अन्य रेल्वेलाही नुकसान झाल्याने गुरूवारी रेल्वेची वाहतूक व्यवस्था कोलमंडली होती. यामुळेच या मार्गावर रेल्वे उशिराने धावत आहे. अमृतसर ते नांदेड सचखंड एक्सप्रेस ही उशिराने धावली असून सायंकाळी सहा वाजेनंतर सचखंड एक्सप्रेसने औरंगाबाद गाठल्याची माहिती रेल्वे विभागाकडून देण्यात आली आहे.

शिवनेरीच्या दोन फेऱ्या रद्द

औरंगाबाद : औरंगाबाद ते पुणे या मार्गावर धावणाऱ्या शिवनेरी बसच्या दोन फेऱ्या रद्द करण्यात आल्या आहेत. काही तांत्रिक कारणामुळे शिवनेरीची सकाळी ८ वाजेची आणि दुपारी १२ वाजेची अशा दोन फेऱ्या रद्द करण्यात आल्या आहेत. रविवारी पुण्याला परत जाणाऱ्या लोकांची गर्दी असल्याने प्रवाशांना शिवनेरीसाठी तासभर वाट पहावी लागली.

मोबाइल अॅप डाउनलोड करा आणि राहा अपडेट

पोलिस आयुक्तांनी केले १२० खटले खारीज

June 21, 2015, 11:55 am

≫ Next: पतीकडून पत्नीसह २ मुलांचा खूऩ़

≪ Previous: तपोवनचा नांदेड प्रवास झाला रद्द, सचखंडही उशिरा

$

0

0

म.टा. प्रतिनिधी, औरंगाबाद

निदर्शने, आंदोलने अशा स्वरूपाचे किरकोळ प्रलंबित असलेले १२० खटले पोलिस आयुक्त अमितेशकुमार यांनी खारीज केले आहेत. मालमत्तेचे नुकसान केल्याप्रकरणी नऊ खटले बाकी असून यामध्ये आरोपींनी नुकसान भरपाई दिल्यास हे देखील खटले निकाली काढण्यात येणार असल्याची माहिती पोलिस आयुक्त अमितेशकुमार यांनी दिली.

शहरातील विविध पोलिस ठाण्यात निदर्शने, आंदोलन, रास्ता रोको, जाळपोळ, दगडफेक केल्याप्रकरणी १२० गुन्हे गेल्या काही वर्षांपासून प्रलंबित होते. यामध्ये एकूण सोळाशे आरोपी आहेत. पोलिस कर्मचारीच यामध्ये शासनाकडून तक्रारदार आहे. राजकीय नेते, कार्यकर्ते यामध्ये प्रामुख्याने आरोपी आहेत. या प्रकरणामध्ये काहीही तथ्य नसल्याने पोलिस आयुक्त अमितेशकुमार यांनी हे खटले निकाली काढण्याचा निर्णय घेतला. या निर्णयानुसार हे खटले खारीज करण्यात आले आहेत. दरम्यान, नऊ प्रकरणामध्ये दगडफेक तसेच जाळपोळ करून सार्वजनिक मालमत्तेचे नुकसान करण्यात आले आहे. यामध्ये प्रॉपर्टी डॅमेज अॅक्टनुसार गुन्हे दाखल करण्यात आले आहेत. ही प्रकरणे बाजूला काढण्यात आली आहेत. यातील आरोपींना बोलावण्यात येणार असून त्यांनी मालमत्तेची नुकसान भरपाई दिल्यास ते खटले देखील निकाली काढण्यात येणार असल्याची माहिती पोलिस आयुक्त अमितेशकुमार यांनी दिली.

पोलिस आयुक्तांचे आभार

राजकीय पक्षांच्या आंदोलनावेळी अनेकदा रास्ता रोको, दगडफेकीचे प्रकार घडतात. अशावेळी सर्वच आंदोलनकर्त्यांवर गुन्हा दाखल होतो आणि वर्षानुवर्षे हे खटले चालत राहतात. त्यामुळे अशा खटल्यांमध्ये विनाकारण गोवले गेलेल्यांना नाहक त्रास होतो. या १२० खटल्यांमध्येही अनेकजण असे अडकले होते. यातून सुटका झाल्यामुळे या सर्वांनी पोलिस आयुक्तांचे आभार मानले आहेत.

मोबाइल अॅप डाउनलोड करा आणि राहा अपडेट

पतीकडून पत्नीसह २ मुलांचा खूऩ़

June 21, 2015, 11:32 am

≫ Next: दारू अड्डे नष्ट, गुन्हेगार पसार

≪ Previous: पोलिस आयुक्तांनी केले १२० खटले खारीज

$

0

0

म. टा. प्रतिनिधी,नांदेड

नैराश्यातून पतीने पत्नीसह दोन मुलांचा निर्घृणरित्या खून केला. हा प्रकार रविवारी सकाळी धर्माबाद तालुक्यातील कारेगाव फाटा येथे घडला. या प्रकरणी पोलिसांनी आरोपीला अटक केली. कल्पना हौसाजी जगदंबे (वय २७), मुलगा रामेश्वर हौसाजी जगदंबे (वय ५) आणि मुलगी दुर्गा हौसाजी जगदंबे (वय ७०) या तिघांचा फरशीचे तुकडे आणि धारदार हत्याराने खून केला. हौसाजी भाऊराव जगदंबे (वय ३०) असे अटक करण्यात आलेल्याचे नाव आहे. कारेगाव येथे हौसाजी जगदंबे हा पत्नी व दोन मुलासह राहत होता. हौसाजी नेहमी दारू पिणे आणि जुगार खेळत होता. शनिवारी मध्यरात्री पत्नी कल्पनाला मारण्यास सुरुवात केली. यावेळी आवाजाने उठलेली चिमुरडी दुर्गा ओरडली पण तिचा आवाज मदत मिळवण्यासाठी अपुरा ठरला. ओरडणाऱ्या दुर्गाचा फरशीचा तुकडा घालून खून केला. त्यानंतर हौसाजीने मुलगा रामेश्वरला मारून टाकले. पत्नी कल्पनाच्या अंगावर धारदार हत्याराने वार करून तिचाही काटा काढला. या प्रकारानंतर गावातील नागरिक पहाटे चार वाजल्यापासून हौसाजीला दर उघडण्यास सांगत होते. पण, त्याने घराचे दार उघडले नाही. सकाळी ८ वाजता हौसाजीने घराचे दार उघडले. घरातील हदयद्रावक दृष्य पाहून अनेकांचे डोळे भरले. दरम्यान, पोलिसांनी हौसाजी जगदंबे यास अटक केली.

मोबाइल अॅप डाउनलोड करा आणि राहा अपडेट

दारू अड्डे नष्ट, गुन्हेगार पसार

June 21, 2015, 11:42 am

≫ Next: शाळा प्रवेशाबद्दल SFI ची तक्रार

≪ Previous: पतीकडून पत्नीसह २ मुलांचा खूऩ़

$

0

0

म. टा. प्रतिनिधी, सिल्लोड

अजिंठा पोलिसांनी शनिवारी अजिंठा डोंगररांगातील अरण्यातील अकरा दारूअड्डे नष्ट करून दारू गाळणाऱ्यांवर गुन्हे दाखल केले, पण एकही जण पोलिसांना सापडला नाही. वाघेरा, नाटवी, हाळदा आदी परिसरातील गावठी दारुच्या अकरा भट्ट्या, ५१ हजार रुपये किंमतीचे २५०० लिटर रसायन, २४० लिटर गावठी दारू नष्ट केली. उपविभागीय पोलिस अधिकारी सतीश माने यांच्या आदेशानुसार सहायक पोलिस निरीक्षक शंकर शिंदे, फौजदार अनंत जगताप यांच्या पथकाने ही कारवाई केली. संतोष पाडळे, रामजी पांडुरंग पाडळे, यशवंता पांडुरंग पाडळे, मोतीराम कोंडिबा पाडळे, उमाजी कोंडिबा पाडळे (रा. सर्व वाघेरा), कृष्णा जानकीराम बावस्कर, हरी नारायण गवळी, मल्हारी नामदेव भोटकर, ज्ञानेश्वर आनंदा तायडे, योगेश दत्तू तायडे (रा.सर्व हळदा) यांच्या विरोधात गुन्हा दाखल करण्यात आला. हे संशयित आरोपी सापडले नाहीत.

मोबाइल अॅप डाउनलोड करा आणि राहा अपडेट