प्रस्थानस्थळाची पैठणमध्ये दूरवस्था

June 29, 2015, 1:09 pm

≫ Next: एमबीएच्या विद्यार्थिनींना एनआयपीएमची शिष्यवृत्ती

≪ Previous: उस्मानाबादमध्ये टँकर सुरूच

$

0

0

म. टा. प्रतिनिधी, पैठण

संत एकनाथ महाराज पालखीला पंढरपूरकडे प्रस्थान करायला केवळ आठ दिवसांचा कालावधी शिल्लक आहे. मात्र, नगरपालिकेच्या दुर्लक्षामुळे ज्या ठिकाणाहून पालखीचे प्रस्थान होते, त्या पालखी ओटा परिसराला कचराकुंडीचे स्वरुप आले आहे. त्यामुळे वारकऱ्यांतून संताप व्यक्त होत आहे.

संत एकनाथ महाराज यांची पालखी पंढरपूरकडे रवाना होण्यापूर्वी नाथांच्या वाड्यात, नाथांच्या पादुकांचे विधिवत पूजन करून पादुका पालखीत ठेवल्या जातात. प्रस्थान करण्यापूर्वी भाविकांना पादुकांचे दर्शन करता यावे यासाठी, पालखी गोदावरी तीराजवळ एका ओट्यावर ठेवण्यात येते. या ओट्याला पालखी ओटा म्हंटले जाते. दरवर्षी नगरपालिकेच्या वतीने या ओट्याची रंगरंगोटी करण्यात येते. पालखी ओटा परिसरात स्वच्छता मोहीम राबविण्यात येते.

संत एकनाथ महाराज यांची पालखी आठ दिवसानंतर (८ जुलै) पंढरपूरकडे रवाना होणार आहे. मात्र, अजूनही नगरपालिकेने या भागात स्वच्छता मोहीम राबविली नाही. पालखी ओटा परिसरात घाणीचे साम्राज्य पसरले आहे. सगळीकडे मातीचे मोठमोठे ढीग पडले आहेत. मातीच्या ढिगामुळे पालखी रवाना होणाच्या दिवशी भाविकांना त्या ठिकाणी उभे राहण्यास अडचण येणार आहे.

बांधकाम केले; पण सफाई नाही

नगरपालिकेने काही दिवसापूर्वी जुना पालखी ओटा तोडून त्याठिकाणी पूर्वी पेक्षा जास्त उंचीचा नवीन पालखी ओटा बांधला आहे. मात्र, अजूनही त्याठिकाणचे अतिरिक्त बांधकाम साहित्य न उचलल्याने संपूर्ण परिसराची दूरवस्था झाली आहे. पालिकेने त्वरित पालखी ओटा परिसरात स्वच्छता मोहीम राबवावी, अशी मागणी भाविकांनी केली आहे.

मोबाइल अॅप डाउनलोड करा आणि राहा अपडेट

---

एमबीएच्या विद्यार्थिनींना एनआयपीएमची शिष्यवृत्ती

June 29, 2015, 1:10 pm

≫ Next: किरकोळ कारणावरून प्राणघातक हल्ला

≪ Previous: प्रस्थानस्थळाची पैठणमध्ये दूरवस्था

$

0

0

वाळूज : एमबीआयच्या विद्यार्थ्यांसाठी नॅशनल इन्स्टिट्यूट ऑफ पर्सनल मॅनेजर (एनआयपीएम) या संघटनेने गेल्या वर्षीपासून शिष्यवृत्ती योजना सुरू केली आहे. यंदा तीन विद्यार्थिनींना ही शिष्यवृत्ती मिळाली. मॅनेजमेंट कॉलेजशी संपर्क साधून शिष्यवृत्तीसाठी होतकरू व गरीब विद्यार्थ्यांना अर्ज पाठविण्याचे आवाहन केले. महाविद्यालयाने सूचविलेल्या विद्यार्थ्यांपैकी ३ विद्यार्थिनींची निवड करण्यात आली. त्यात डॉ. बाबासाहेब आंबेडकर विद्यापीठातील कॉलेज ऑफ मॅनेजमेंटची विद्यार्थिनी शिल्पा पानसरे, देवगिरी कॉलेज ऑफ मॅनेजमेंटची निकिता आग्रवाल आणि एमजीएम कॉलेज ऑफ मॅनेजमेंटची भक्ती देशपांडे यांचा समावेश आहे. यांना प्रत्येकी २५ हजारांची शिष्यवृत्ती देण्यात आली, अशी माहिती एनआयपीचे सेक्रेटरी सुनील सुतवणे यांनी दिली.

मोबाइल अॅप डाउनलोड करा आणि राहा अपडेट

किरकोळ कारणावरून प्राणघातक हल्ला

June 29, 2015, 1:10 pm

≫ Next: मंगळसूत्र चोरांची टोळी गजाआड

≪ Previous: एमबीएच्या विद्यार्थिनींना एनआयपीएमची शिष्यवृत्ती

$

0

0

औरंगाबादः ओटा बांधण्याच्या किरकोळ कारणावरून दोन गटात हाणामारी झाल्याची घटना रविवारी दुपारी तीन वाजता पडेगावातील प्रियदर्शनी कॉलनी येथे घडली. या घटनेत एकजण गंभीर जखमी झाला. या प्रकरणात परस्पर गटाविरोधात छावणी पोलिस ठाण्यात गुन्हे दाखल करण्यात आले आहेत.

शेख युसूफ शेख हुसेन यांनी दिलेल्या तक्रारीमध्ये ओटा बांधण्याच्या कारणावरून त्यांचा मुलगा अराफतखान याच्यावर कुऱ्हाडीने हल्ला करण्यात आला. यामध्ये अराफत गंभीर जखमी झाला. या घटनेमध्ये आरोपी अलीमखान वसीमखान व मलीकखान यांच्या विरूध्द खुनाचा प्रयत्न केल्याप्रकरणी गुन्हा दाखल करण्यात आला आहे. तसेच दुसऱ्या गटाच्या वतीने वसीमखान याने तक्रार दिली. तक्रारीमध्ये खड्डा खोदण्याच्या कारणावरून त्याला व त्याच्या भावाला लाकडी दांड्याने मारहाण केल्याचा उल्लेख आहे. या तक्रारीवरून आरोपी शेख अराफत, शेख इद्रीस, शेख आमेर व शेख युसूफ यांच्याविरूध्द गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

मंगळसूत्र चोरांची टोळी गजाआड

June 29, 2015, 1:12 pm

≫ Next: ‘शिक्षकांच्या प्रतिनियुक्त्या रद्द’

≪ Previous: किरकोळ कारणावरून प्राणघातक हल्ला

$

0

0

म. टा. प्रतिनिधी, औरंगाबाद

महिनाभरात चार मंगळसूत्र पळविणाऱ्या टोळीला पोलिसांनी जेरबंद केले. संशयित आरोपीत गॅँगस्टर इम्रान मेहंदीच्या गँगमधील सदस्य तसेच कुख्यात गुंड टिपूचा समावेश आहे. गुरुवारी राज्याचे पोलिस महासंचालक संजीव दयाल शहरात असताना चोरट्यांनी ज्योतीनगरातून मंगला लक्ष्मण देशमुख या महिलेचे मंगळसूत्र पळवत महासंचालकांना सलामी दिली होती. ही बाब पोलिसांच्या चांगलीच जिव्हारी लागली. पांढऱ्या रंगाच्या दुचाकीवर येऊन चोरट्यांनी डाव साधला होता. पोलिसांनी शहरातील सर्व पांढऱ्या रंगाच्या दुचाकीधारकांचा शोध सुरू केला होता. मोठ्या प्रमाणात खबरे या कामासाठी लावले होते. दरम्यान शनिवारी अयोध्यानगरी भागातील हनुमान मंदिराजवळ मंगळसूत्र चोरीचे आरोपी आले असल्याची माहिती गुन्हेशाखेला मिळाली. या माहितीवरून सापळा रचून चौघांना ताब्यात घेतले. आरोपीमध्ये शेख शहजाद शेख शमीम (रा. सादातनगर), इम्रान सैफुद्दीन शेख उर्फ सुलतान (रा. नवी मुंबई वाशी, सध्या रा. कटकटगेट), शेख वाजेद शेख मकसूद उर्फ टिपू (रा. विजयनगर, गारखेडा) व शेख इरफान शेख लाल (रा. गारखेडा परिसर) यांचा समावेश आहे. त्यांच्याकडून गुन्ह्यात वापरलेली दुचाकी हस्तगत करण्यात आली. आरोपींनी चार गुन्ह्याची कबुली दिली आहे. आरोपींची ओळख परेड बाकी असल्याने त्यांची न्यायालयीन कोठडीत रवानगी करण्यात आली. ही कारवाई पोलिस आयुक्त अमितेशकुमार, सहायक पोलिस आयुक्त बाबाराव मुसळे, पोलिस निरीक्षक अविनाश आघाव, पीएसआय प्रशांत आवारे, मच्छिंद्र ससाणे, सतीश साळवे आदींनी केली.

इम्रानची कारागृहातून सूत्रे

इम्रान सैफुद्दीन उर्फ सुलतान हा इम्रान मेहंदीच्या गँगचा सक्रिय सदस्य आहे. २०१२ साली मेहंदीने केलेल्या तीन खुनाच्या गुन्ह्यामध्ये तो आरोपी आहे. मोक्का अंतर्गत इम्रान हर्सूल कारागृहात होता. तीन महिन्यापूर्वी त्याची जामिनावर सुटका झाली. यानंतरही तो मेहंदीच्या संपर्कात होता. कारागृहातून इम्रान मेहंदी मंगळसूत्र चोरांची गँग चालवत असल्याची शक्यता पोलिसांनी वर्तवली आहे.

शहजाद चार पत्नींचा दादला

संशयित शेख शहजाद मुंबईतील अंधेरीचा रहिवासी आहे. त्याला चार पत्नी आहेत. यापैकी दोघी औरंगाबादला असतात. शहजादला अटक केल्यानंतर त्यांनी गुन्हेशाखा गाठून तो निर्दोष असल्याचा कांगावा केला. मात्र, यापैकी एक सोनाराच्या दुकानात चोरीचे मंगळसूत्र विकण्यासाठी गेली असल्याचे सांगितल्यानंतर त्या गांगरून गेल्या. शहजादवर खुनाचा एक गुन्हा दाखल आहे.

आरोपी वाजेद उर्फ टिपू व इरफान कुख्यात गुंड आहे. दोघांवर विविध पोलिस ठाण्यात गंभीर गुन्हे दाखल आहेत. टिपूवर अकरा तर इरफानवर दहा गुन्हे दाखल असल्याची माहिती गुन्हेशाखेने दिली. हर्सूल कारागृहात असताना यांची ओळख झाली होती.

१३ जूनः उल्कानगरीतून संगीता समदरीया यांचे मंगळसूत्र पळवले.

१७ जूनः शहानूरमियॉँ दर्गा रोडवर विजया आहेर यांचे मंगळसूत्र लंपास.

२४ जूनः विद्यापीठ रोडवर शोभाबाई नंददूर यांचे मंगळसूत्र पळविले.

२५ जून : ज्योतीनगरातून मंगला देशमुख यांचे मंगळसूत्र लंपास.

मोबाइल अॅप डाउनलोड करा आणि राहा अपडेट

‘शिक्षकांच्या प्रतिनियुक्त्या रद्द’

June 29, 2015, 1:13 pm

≫ Next: शेंद्र्यातील ३ कंपन्यांना नोटीस

≪ Previous: मंगळसूत्र चोरांची टोळी गजाआड

$

0

0

म. टा. प्रतिनिधी, औरंगाबाद

विविध कारणांसाठी मूळ पदस्थापनेपासून बोलावून अन्य कामांसाठी नियुक्त केलेल्या म्हणजेच प्रतिनियुक्तीवर असलेल्या सर्व शिक्षकांच्या प्रतिनियुक्त्या रद्द करण्यात आल्या आहेत, अशी माहिती जिल्हा परिषदेचे मुख्य कार्यकारी अधिकारी डॉ. अभिजित चौधरी यांनी सोमवारी पत्रकारांशी बोलताना दिली.

चौधरी म्हणाले, 'शिक्षण विभागातील विविध कामांसाठी शिक्षकांची प्रतिनियुक्ती केली जाते. या शिक्षकांना या कामाव्यतिरिक्त अन्य कामांचाही बोजा दिला जातो, असे गेल्या महिन्यात निदर्शनास आले आहे. शिवाय आरटीइ कायद्यानुसार शिक्षकांची प्रतिनियुक्ती करू नये, असे संकेत आहेत. त्यानुसार आपल्या शिक्षण विभागाने केलेल्या सर्व प्रतिनियुक्त्या रद्द करण्यात येणार आहेत. यासंदर्भात शिक्षणाधिकाऱ्यांना सूचना केली आहे. त्याची लवकरच अंमलबजावणी केली जाईल. कामाव्यतिरिक्त शिक्षक जर जिल्हा परिषदेच्या आवारात आढळून आले तर त्यांचीही विचारणा केली जाईल.'

'वैयक्तिक लाभाच्या योजना कालबद्ध पद्धतीने राबवाव्यात, असे पत्र सर्व विभागप्रमुखांना दिले आहे. एक ते १५ जुलै दरम्यान विभागप्रमुखांनी आपल्या विभागामार्फत राबविल्या जाणाऱ्या वैयक्तिक लाभाच्या योजनेचे अर्ज गटविकास अधिकाऱ्यांना पुरवावेत, त्यांनी लाभार्थ्यांना अर्ज वितरण करावे, १० ऑगस्ट ते १० सप्टेंबरदरम्यान लाभार्थ्यांकडून अर्ज स्वीकारणे, नोंदवहीमध्ये नोंद करणे, सप्टेंबर अखेर साहित्य विषयक पुरवठा कार्यवाही पूर्ण करणे, पुरवठादार निश्चित करणे तर ऑक्टोबर २०१५ मध्ये लाभार्थी यादीस सक्षम विषय समितीची मान्यता घेणे बंधनकारक करण्यात आले आहे. सध्या ग्रामपंचायत निवडणुकीची आचारसंहित आहे. त्याची काटेकोर अंमलबजावणी करणे आवश्यक आहे, असे आदेशित केले आहे.' असे चौधरी यांनी सांगितले.

मोबाइल अॅप डाउनलोड करा आणि राहा अपडेट

शेंद्र्यातील ३ कंपन्यांना नोटीस

June 29, 2015, 1:14 pm

≫ Next: ‘आम आदमी’ची क्रांतिचौकात निदर्शने

≪ Previous: ‘शिक्षकांच्या प्रतिनियुक्त्या रद्द’

$

0

0

म. टा. प्रतिनिधी, औरंगाबाद

जलप्रदूषण रोखण्यासाठी महाराष्ट्र प्रदूषण नियंत्रण मंडळाने शेंद्रा परिसरातील तीन कंपन्यांना नोटीस बजावली आहे. मंडळाने नोटीस बजावलेल्या कंपन्यांमध्ये फार्मास्युटिकल कंपन्यांचा समावेश असल्याचे मंडळाने स्पष्ट केले आहे. याशिवाय इतर सुधारणांसाठीही इशारा देण्यात आला आहे.

अनेक गावांतील शेतामध्ये घातक रसायन सोडणाऱ्या रॅडिको एन व्ही डिस्टिलरीज कंपनी स्वतःहून बंद करण्याचे आदेश मंडळाने नुकतेच दिले आहेत. वेगवेगळ्या पातळ्यांवरील सुधारणा करण्याचे आदेश कंपनीला देण्यात आले असून, त्याची पूर्तता केल्यानंतरच कंपनी सुरू करण्याची परवानगी मंडळाच्या मुख्यालयाकडून दिली जाणार आहे. त्याचवेळी जलप्रदूषण नियंत्रित करण्यासाठी शेंद्रा भागातील तीन कंपन्यांना नुकतीच नोटीस बजावण्यात आली आहे. दरम्यान, सुखना नदीतील प्रदूषण रोखण्यासाठी हायकोर्टामध्ये दाखल जनहित याचिकाप्रकरणी कोर्टाने दिलेल्या आदेशावरून प्रदूषण मंडळाकडून कोर्टाला सविस्तर अहवाल सादर केला जाणार आहे. यामध्ये एकूणच जलप्रदूषण कसे रोखता येईल, सुखना-खाम नदीतील अतिक्रमणे रोखणे कशी आवश्यक आहेत, नद्यांमध्ये सोडण्यात येणाऱ्या 'सिवेज'चा प्रश्न कसा सोडवता येईल, त्यासाठी काय करता येईल आदींबाबत महापालिकेसह प्रदूषण मंडळाला कोणकोणती कारवाई करता येऊ शकेल आदींबाबत सविस्तर अहवाल आणि 'मास्टर प्लॅन' लवकरच सादर केला जाणार असल्याचे मंडळाच्या वतीने सांगण्यात आले.

आतापर्यंत ८ कंपन्या केल्या बंद

जलप्रदूषणासह हवेतील प्रदूषण, तसेच प्रमाणापेक्षा जास्त प्रदुषित पाणी सोडणाऱ्या आणि 'सीईटीपी' प्रकल्पाला पाणी न सोडल्याप्रकरणी महाराष्ट्र प्रदूषण नियंत्रण मंडळाने मागच्या दोन वर्षांत जिल्ह्यातील आठ कंपन्या बंद करण्याचे आदेश दिले आहेत. यामध्ये बारामती अॅग्रो (कन्नड, जि. औरंगाबाद), व्हेरॉक इंजिनिअरिंग (वाळूज एमआयडीसी), मिडास केअर फार्मास्युटिकल्स (वाळूज एमआयडीसी), आकार टुल्स (वाळूज एमआयडीसी), एन्ड्युरन्स टेक्नॉलॉजिस (वाळूज एमआयडीसी), जयलक्ष्मी कास्टिंग (फारोळा, ता. पैठण, जि. औरंगाबाद), सार्क केमिकल्स (माळीवाडा, ता. जि. औरंगाबाद), रॅडिको एन व्ही डिस्टिलरीज (शेंद्रा एमआयडीसी) यांचा समावेश आहे. सद्यस्थितीत या कंपन्या सुरू असल्या तरी त्यांच्यावर कंपनी बंद करण्याची कारवाई करण्यात आली होती, असे मंडळाने दिलेल्या माहितीवरून स्पष्ट झाले आहे.

मोबाइल अॅप डाउनलोड करा आणि राहा अपडेट

‘आम आदमी’ची क्रांतिचौकात निदर्शने

June 29, 2015, 1:15 pm

≫ Next: पावसासाठी ७२ तास प्रतीक्षा

≪ Previous: शेंद्र्यातील ३ कंपन्यांना नोटीस

$

0

0

औरंगाबाद : भारतीय जनता पक्षाच्या केंद्रीय आणि राज्य मंत्रिमंडळातील अनेक मंत्र्यांवर; तसेच अन्य नेत्यांवर अनेक आरोप होत आहे. भाजपकडून मात्र त्यांच्यावर कोणतीही कारवाई केली जात नसल्याच्या निषेधार्थ आम आदमी पार्टीने क्रांतिचौकात मूक निर्दशने केली.

मनुष्यबळ विकासमंत्री स्मृती इराणी आणि राज्याचे शिक्षणमंत्री विनोद तावडे यांच्या पदव्यांचा विषय गेल्या काही दिवसांपासून गाजत आहे. महिला व बाल विकासमंत्री पंकजा मुंडे यांचा २०६ कोटीचा घोटाळा उघड झाला आहे. याप्रकरणांची सीबीआय चौकशी करावी; तसेच संबंधित दोषी मंत्र्यांकडून राजीनामे घ्यावे, अशी मागणी करण्यात आली. आंदोलनात गौरव भार्गव, इम्रान खान, सुरेश पवार, मनिषा चौधरी, झिशान नेहरी, जालिंदरनाथ ढाकणे आदींची उपस्थिती होती.

मोबाइल अॅप डाउनलोड करा आणि राहा अपडेट

पावसासाठी ७२ तास प्रतीक्षा

June 29, 2015, 1:16 pm

≫ Next: २६ शेतकऱ्यांच्या आत्महत्या़

≪ Previous: ‘आम आदमी’ची क्रांतिचौकात निदर्शने

$

0

0

औरंगाबाद : मराठवाड्याला दमदार पावसासाठी आणखी तीन दिवस थांबावे लागणार आहे. पाऊस पडण्यासाठी अनुकूल वातावरण नसल्याने पावसाने दडी मारली आहे. अरबी समुद्रावर ढग दिसत असून, येत्या ७२ तासांत देशभर पाऊस होईल, अशी शक्यता हवामान तज्ज्ञांनी व्यक्त केली आहे.

जून महिन्याच्या पहिल्या आणि दुसऱ्या आठवड्यात पावसाने दमदार हजेरी लावली. विभागात पुरेसा पाऊस पडल्यानंतर खरीप पेरण्या झाल्या आहेत. पीक उगवणीच्या अवस्थेत असताना पावसाने दडी मारली असून, बहुतेक ठिकाणी जमिनीतील ओल कमी झाली आहे. पिकांसाठी पाणी आवश्यक असताना पावसाने पाठ फिरवली असल्यामुळे चिंताजनक परिस्थिती निर्माण झाली आहे. याचा खरीप हंगामावर परिणाम जाणवत आहे. चार दिवसांत परिस्थिती कायम राहिल्यास पिके करपण्याची शक्यता आहे. दरम्यान, मराठवाड्यासह राज्यात तीन दिवसांत पाऊस सक्रिय होईल, असे हवामान शास्त्रज्ञ डॉ. श्रीनिवास औंधकर यांनी सांगितले. सध्या देशभरात पाऊस नाही. केरळ किनारपट्टी आणि मध्य भारतातील काही भागात पाऊस सुरू आहे. इतर भागात पाऊस नसल्याचे औंधकर म्हणाले. सध्या अरबी समुद्रावर ढग निर्मिती झाल्याचे दिसत आहे. पौर्णिमेच्या आसपास हवामानात मोठा बदल अपेक्षित असतो. त्यामुळे दोन जुलैपासून निश्चित पाऊस सुरू होईल, अशी शक्यता डॉ. औंधकर यांनी व्यक्त केली. पाऊस राज्यभर पडणार असून मराठवाड्यातही पाऊस होईल असे त्यांनी सांगितले.

मोबाइल अॅप डाउनलोड करा आणि राहा अपडेट

---

२६ शेतकऱ्यांच्या आत्महत्या़

June 29, 2015, 1:17 pm

≫ Next: दुरुस्त गुणपत्रिकांसाठी बोर्डात रांग

≪ Previous: पावसासाठी ७२ तास प्रतीक्षा

$

0

0

म. टा. प्रतिनिधी, औरंगाबाद

जूनमध्ये प्रारंभीच्या काळात पडलेल्या पावसामुळे बहुतांश शेतकऱ्यांनी पेरण्या केल्या होत्या. मात्र, काही दिवसांपासून पावसाने दडी मारल्याने शेतकरी हवालदिल झाला आहे. एकीकडे पावसाने मारलेली दडी आणि दुसरीकडे शेतकरी आत्महत्येच्या घटनांचे सत्र सुरू आहे. मराठवड्यात दोन आठवड्याच्या कालावधीत २६ शेतकऱ्यांनी आत्महत्या केल्याचे उघड झाले आहे.

जून महिन्यात प्रारंभी झालेल्या चांगल्या पावसाने शेतकऱ्यांमध्ये आनंदाचे वातावरण होते, मात्र गेल्या दहा दिवसांपासून पावसाने दडी मारल्याने या आनंदात विरजण पडले आहे. मराठवाड्यातील औरंगाबाद, जालना, हिंगोली आणि नांदेड या चार जिल्ह्यात ९ ते १९ जून या कालावधीत बऱ्यापैकी पाऊस पडला. परिणामी या जिल्ह्यांमध्ये मोठ्या प्रमाणात पेरण्या झाल्या. त्या तुलनेत परभणी, बीड, लातूर आणि उस्मानाबाद जिल्ह्यात पावसाचे प्रमाण कमी राहिल्याने या ठिकाणची परिस्थिती अधिक चिंताजनक बनली आहे. बीड, लातूर, उस्मानाबाद या जिल्ह्यात शेतकरी आत्महत्यांच्या घटनाही अधिक आहेत. दोन आठवड्यात झालेल्या २६ शेतकरी आत्महत्यांपैकी २० शेतकरी आत्महत्या या तीन जिल्ह्यातील आहेत. तर औरंगाबाद व परभणीतील प्रत्येकी २, हिंगोली व नांदेडमधील प्रत्येकी एका शेतकऱ्याने आत्महत्या केली आहे. जानेवारी ते २६ जून या कालावधीत मराठवाड्यात ४२८ शेतकऱ्यांनी आत्महत्या केल्या आहेत.

मराठवाड्यातील चित्र

जिल्हा आत्महत्या पाऊस (मिमी)

औरंगाबाद ५४ १७१.७४

जालना १९ १३१.४८

हिंगोली १८ १५५.४६

नांदेड ८० १५७.५२

परभणी २६ ७७.६७

बीड १२७ ७४.८४

लातूर ३४ ८७.३३

उस्मानाबाद ७० ७६.६५

एकूण ४२८ ११६.५९

मोबाइल अॅप डाउनलोड करा आणि राहा अपडेट

दुरुस्त गुणपत्रिकांसाठी बोर्डात रांग

June 29, 2015, 1:18 pm

≫ Next: पिंजऱ्यासमोरील खंदकात दुर्गंधीयुक्त पाणी

≪ Previous: २६ शेतकऱ्यांच्या आत्महत्या़

$

0

0

म. टा. प्रतिनिधी, औरंगाबाद

दहावी, बारावी निकालानंतर उत्तरपत्रिकांच्या छायाप्रती, फेरमूल्यांकन, गुण पडताळणीसाठी अर्ज सादर केल्यानंतर अनेक विद्यार्थ्यांना अद्याप सुधारित गुणपत्रिका मिळालेली नाही. त्यामुळे गुणपत्रिका घेण्यासाठी विद्यार्थ्यांच्या मंडळात चकरा मारणे सुरू केले आहे. प्रवेशाची मुदत संपत असताना निकाल बोर्डात अडकल्यामुळे प्रवेशाची संधी हुकते की काय, अशी चिंता विद्यार्थ्यांना आहे.

माध्यमिक व उच्च माध्यमिक शिक्षण मंडळाने बारावीचा निकाल २७ मे आणि दहावीचा निकला ८ जून रोजी जाहीर केला. निकालानंतर गुण पडताळणीसाठी अर्ज करण्याची प्रक्रिया पूर्ण झाली. त्याचबरोबर उत्तरपत्रिकांचे फेरमूल्यांकनासाठी दहावीच्या विद्यार्थ्यांसाठी अर्ज करण्याची मुदत सोमवारी (२९ जून) संपली. शेवटच्या दिवशी सुधारित गुणपत्रिका अाणि अर्ज सादर करण्यासाठी मंडळात विद्यार्थ्यांनी रांगा लावल्या. त्याचबरोबर यापूर्वीच अर्ज केलेल्या अनेक विद्यार्थ्यांना अद्याप सुधारित गुणपत्रिका मिळालेल्या नाहीत. आपल्या गुण वाढले की, नाहीत, यासाठी विद्यार्थी बोर्डाच्या कार्यालयात चकरा मारत आहेत. कॉलेज, शाळा मंडळाकडे पाठविते तर, मंडळाच्या कर्मचाऱ्यांकडून विद्यार्थ्यांना समाधानकारक उत्तरे मिळत नाहीत, असा अनुभव आहे. दरम्यान, अनेक कॉलेजांचे प्रवेश पूर्ण झाले आहेत. गुणवत्ता याद्या जाहीर झाल्या, मात्र मंडळाची प्रक्रिया अद्याप सुरूच आहे. त्यामुळे गुणपत्रिका वेळेत न मिळाल्यास अनेक विद्यार्थ्यांच्या पुढील शिक्षणाची संधी हुकण्याची शक्यता आहे.

ग्रेड गुणांमध्येही गोंधळ

विद्यार्थ्यांना पर्यावरण, आरोग्य, शारीरिक शिक्षण या विषयांसाठी ग्रेड देण्यात येतात. कॉलेजांकडून मंडळाकडे ग्रेड पाठविले जातात. त्यानंतर त्यांची नोंद गुणपत्रिकेत करण्यात येते. अनेकदा ग्रेड देण्याचे कॉलेज विसरते अाणि यानंतर विद्यार्थ्यांची फरफट सुरू होते. असे अनेक विद्यार्थी कॉलेज, मंडळात गुणपत्रिकेसाठी मंडळात चकरा मारत आहेत, मात्र अशा विद्यार्थ्यांची संख्या २०पेक्षा अधिक नसल्याचे मंडळ अधिकाऱ्यांनी सांगितले.

विद्यार्थ्यांना वेळेत सुधारित गुणपत्रिका देण्याचा आमचा प्रयत्न असतो. कॉलेज, शाळांकडूनच विद्यार्थ्यांना योग्य प्रकारे मार्गदर्शन केले जात नाही. त्यामुळे त्यांना मंडळात यावे लागतात. ग्रेड दिले नाह‌ी तर, कॉलेजला दंड केला जातो. विद्यार्थ्याकडून हा दंड वसूल केला जात नाही.

- सुखदेव डेरे, विभागीय अध्यक्ष, शिक्षण मंडळ, औरंगाबाद

मोबाइल अॅप डाउनलोड करा आणि राहा अपडेट

पिंजऱ्यासमोरील खंदकात दुर्गंधीयुक्त पाणी

June 29, 2015, 1:21 pm

≫ Next: रॅडिको डिस्टिलरीज कायमस्वरुपी बंद करा

≪ Previous: दुरुस्त गुणपत्रिकांसाठी बोर्डात रांग

$

0

0

म. टा. प्रतिनिधी, औरंगाबाद

वाघांच्या पिंजऱ्यासमोर बांधण्यात आलेल्या खंदकात साचलेले दुर्गंधीयुक्त पाणी, प्राणिसंग्रहालयाच्या परिसरातील अस्वच्छता पाहून खासदारांच्या समितीने तीव्र प्रतिक्रिया व्यक्त केल्या. 'दुर्गंधीमुळे आपण खंदकाजवळ पाच मिनिटे उभे राहणे शक्य नाही. वाघ कसे राहतात,' असा प्रश्न त्यांनी उपस्थित केला.

खासदार चंद्रकात खैरे यांच्या अध्यक्षतेखालील खासदारांच्या संसदीय समितीने सोमवारी सकाळी नऊच्या सुमारास महापालिकेच्या सिद्धार्थ उद्यानातील प्राणिसंग्रहालयाला भेट दिली. यावेळी बिहारमधील खासदार वीणादेवी यांच्यासह सेंट्रल झू ऑथॅरिटीचे अधिकारी, महापौर त्र्यंबक तुपे, एनडीएचे गटनेते राजू वैद्य, नगरसेवाक नंदकुमार घोडेले, महापालिकेचे आयुक्त प्रकाश महाजन, शहर अभियंता सखाराम पानझडे, प्राणिसंग्रहालयाचे संचालक डॉ. बी. एस. नाईकवाडे, कार्यकारी अभियंता हेमंत कोल्हे, सिकंदर अली, अफसर सिद्दिकी आदी उपस्थित होते.

समितीचे सदस्य आणि अधिकाऱ्यांनी प्राणिसंग्रहालयाची पाहणी केली. वाघांच्या पिंजऱ्यासमोर बांधण्यात आलेल्या खंदकात दुर्गंधीयुक्त पाणी होते. पिंजऱ्याच्या परिसरात गवतही मोठ्या प्रमाणावर वाढलेले होते. त्यामुळे खासदार विणादेवी आणि झू ऑथॅरिटीच्या अधिकाऱ्यांनी नाराजी व्यक्त केली. 'पाण्याच्या दुर्गंधीमुळे खंदकाशेजारी आपण पाच मिनिटेही उभे राहू शकत नाहीत. वाघ कसे राहतात,' असा सवाल त्यांनी उपस्थित केला. खंदकातील पाणी उपसून काढा आणि तेथे स्वच्छ पाणी टाकावे, अशी सूचना त्यांनी केली.

त्यांनी सर्पालय, मगरींचे हौद, हत्तीघर यांची पाहणी केली. मगरींच्या हैदातील पाणीही शेवाळलेले होते. त्याबद्दलही समितीच्या सदस्यांनी नाराजी व्यक्त केली. विविध पिंजऱ्यांमध्ये गवत वाढले आहे. सर्पालयाची अवस्था वाईट आहे. त्यामुळे स्वच्छता राखावी, गवत नियमितपणे काढावे, अशा सूचनाही त्यांनी दिल्या.

शंभर एकर जागा घेणार

सध्याचे प्राणिसंग्रहालय आता मध्यवस्तीत आता आले आहे. त्यामुळे त्याचे स्थलांतर आवश्यक आहे. मिटमिटा शिवारात शंभर एकर जागा निश्चित केली आहे. ही जागा महसूल विभागाकडून घेऊन तेथे सफारी पार्क विकसित करण्यात येईल, असे खासदार खैरे यांनी यावेळी सांगितले. सेंट्रल झू ऑथॅरिटीने त्यासाठी आर्थिक मदत करावी, असे आवाहनही त्यांनी केले.

मोबाइल अॅप डाउनलोड करा आणि राहा अपडेट

रॅडिको डिस्टिलरीज कायमस्वरुपी बंद करा

June 29, 2015, 1:25 pm

≫ Next: मोठ्या नेत्यांचे महाराष्ट्र तोडो

≪ Previous: पिंजऱ्यासमोरील खंदकात दुर्गंधीयुक्त पाणी

$

0

0

म. टा. प्रतिनिधी, औरंगाबाद

नियम धाब्यावर बसवून रसायनमिश्रित पाणी शेतात सोडून शेतकऱ्यांचे नुकसान करणारी रॅडिको कंपनी कायमस्वरुपी बंद करावी, नापिकी होऊन जमिनीचे नुकसान झालेल्या शेतकऱ्यांना नुकसानभरपाई द्यावी. कंपनी मालक, संचालकांवर गुन्हे दाखल करावेत तसेच प्रदूषण महामंडळाच्या अधिकाऱ्यांवरही फौजदारी गुन्हे दाखल करावेत, अशी मागणी माजी आमदार डॉ. कल्याण काळे यांनी पत्रकारांशी बोलताना केली.

शेंद्रा एमआयडीसीमध्ये असलेल्या रॅडिको कंपनीने रसायनमिश्रित पाणी सोडल्याचे प्रकरण सर्वप्रथम 'महाराष्ट्र टाइम्स'ने १७ जून रोजी उघडकीस आणले. त्यानंतर यंत्रणा खडबडून जागी झाली. शेतकरी कंपनीच्या विरोधात उभे राहिले. त्याची दखल घेऊन प्रदूषण महामंडळाने रॅडिको कंपनी बंद करावी असे आदेश दिले. या प्रकरणी भूमिका मांडताना डॉ. काळे म्हणाले, 'या कंपनीने तीन वर्षांपूर्वी वरझडी पाझर तलावात टँकरद्वारे रसायनमिश्रित पाणी सोडण्यात आले होते. मी कंपनीच्या अधिकाऱ्यांना भेटून तक्रार केली. कंपनीने त्यानंतर रसायनयुक्त पाणी प्रक्रिया करून नाल्यात सोडणे सुरू केले होते. मात्र, पुन्हा मोठ्या प्रमाणात रसायनमिश्रित पाणी सोडणे रॅडिको कंपनीने सुरू केले आहे. दोन पाझर तलावातील पाणी पूर्णपणे दूषित झाले आहे. शेवगाव, भालगाव, कुंभेफळ मार्गे नाल्यातून सोडलेले हे पाणी सुखना प्रकल्पात जाते. याठिकाणाहून ५० गावांना पाणी पुरविले जाते. रसायनमिश्रित पाण्यामुळे परिसरातील पाणी पूर्णपणे दूषित झाले आहे. त्याचे आरोग्यावर विपरित परिणाम झाले आहेत. लोकांना लालसर पाणी प्यायल्याने त्वचाविकार जडले आहेत. इतकेच काय जनावरांनाही लागण झाली आहे.

शेतीत पाणी सोडल्याने परिसरातील शेकडो एकर शेतीचे नुकसान झाले आहे. जमीन नापीक झाल्यामुळे शेतकऱ्यांचे दुहेरी नुकसान झाले आहे. वर्तमानपत्रातील बातम्यांनंतर मी परिसरात फिरलो. नागरिकांना भेटलो अनेकांनी माझ्याकडे तक्रारी केल्या. एकीकडे खाम नदीपात्रात रसायनयुक्त पाणी सोडल्यावरून आगा खान आणि सुमित खांबेकर यांच्यावर गुन्हे दाखल होऊन अटक झाली. तर रॅडिको प्रकरणात सरकारकडून एवढे दुर्लक्ष का ? सारख्या प्रकरणात वेगवेगळा न्याय का ? ' असा सवाल त्यांनी उपस्थित केला. याप्रसंगी कुंभेफळचे सुधीर मुळे, सर्जेराव चव्हाण उपस्थित होते.

विधानसभा अध्यक्ष हरिभाऊ बागडे या भागाचे आमदार आहेत. त्यांनी अजून या प्रकरणात भूमिका स्पष्ट केलेली नाही. नागरिकांच्या हितापुढे पक्षहित पाहणे चुकीचे आहे. जिल्हाधिकाऱ्यांनी याप्रकरणात लक्ष घातले पाहिजे. रॅडिको कंपनी कायमस्वरुपी बंद झाली पाहिजे. दोषी संचालक, मालकांवर तसेच प्रदूषण महामंडळाच्या अधिकाऱ्यांनी दुर्लक्ष केल्यामुळे त्यांच्यावर गुन्हे दाखल झाले पाहिजेत, अशी मागणी आहे. जिल्हाधिकाऱ्यांना मी यासंदर्भात निवेदन देणार असून त्याबाबत काहीच कारवाई झाली नाही तर जनआंदोलन छेडण्यात येईल.

- डॉ. कल्याण काळे, आमदार

मोबाइल अॅप डाउनलोड करा आणि राहा अपडेट

मोठ्या नेत्यांचे महाराष्ट्र तोडो

June 29, 2015, 1:20 pm

≫ Next: रॅडिकोच्या संचालकांना नोटीस

≪ Previous: रॅडिको डिस्टिलरीज कायमस्वरुपी बंद करा

$

0

0

म. टा. प्रतिनिधी, औरंगाबाद

साई क्रीडा प्रशिक्षण केंद्राचे रिजनल सेंटर औरंगाबादऐवजी नागपूरला हलवण्याचा निर्णय हा मराठवाड्यावर अन्याय करणारा आहे. राज्यातील काही मोठ्या नेत्यांचा हा महाराष्ट्र तोडण्याचा प्रयत्न आहे, असा आरोप शिवसेनेचे खासदार चंद्रकांत खैरे यांनी मुख्यमंत्री देवेंद्र फडणवीस यांचे नाव न घेता केला. आम्ही त्यांचा हा प्रयत्न आम्ही हाणून पाडू, असा इशाराही त्यांनी दिला.

औरंगाबाद शहरातील क्रीडा संघटना, खेळाडू यांनी रिजनल सेंटर नागपूरला हलवण्याच्या निर्णयाविरोधात खासदार समितीला घेरावा घातला. या निर्णयाचा तीव्र शब्दांत निषेधही केला. क्रीडा संघटक, खेळाडूंच्या सूरात सूर मिसळत खासदार चंद्रकांत खैरे यांनीही प्रसिद्धी माध्यमांसमोर या निर्णयाबद्दल तीव्र नाराजी व्यक्त केली. सर्व गोष्टी नागपूरला न्यायच्या तर मराठवाड्याचे काय, असा प्रश्न आहे. याप्रकरणी शिवसेनेचे कार्याध्यक्ष उद्धव ठाकरे यांच्याकडे आपण तक्रार करणार आहोत. त्यानंतर काय होईल ते कळेलच. आयआयएम, आयआयटी, मेट्रो, आयएमएस आणि साईचे रिजनल सेंटर अशा संस्था नागपूरला निर्णय घेण्यात आला. मग मराठवाड्याच्या वाट्याला काय देणार, असा संतप्त सवाल खासदार खैरे यांनी केला. खासदार खैरे यांनी मुख्यमंत्री देवेंद्र फडणवीस यांच्यावर शरसंधान साधले आहे.

क्रीडामंत्र्यांची घोषणा पोकळ

साई क्रीडा केंद्राचे रिजनल सेंटर औरंगाबादलाच होईल, अशी घोषणा क्रीडामंत्री विनोद तावडे यांनी फेब्रुवारीमध्ये विधानसभा अध्यक्ष हरिभाऊ बागडे यांच्या दालनात झालेल्या बैठकीत केली होती. त्यानंतरही रिजनल सेंटर हे नागपूरला करण्याचा निर्णय झाल्यामुळे हा महाराष्ट्र तोडण्याचा प्रकार आहे, असा गंभीर आरोपही खैरे यांनी केला.

मोबाइल अॅप डाउनलोड करा आणि राहा अपडेट

रॅडिकोच्या संचालकांना नोटीस

June 29, 2015, 1:22 pm

≫ Next: बँकखाती गोठविली

≪ Previous: मोठ्या नेत्यांचे महाराष्ट्र तोडो

$

0

0

म. टा. विशेष प्रतिनिधी, औरंगाबाद

शेंद्रा परिसरातील रॅडिको एनव्ही डिस्टिलरीज कंपनीने शेतात, विहिरीत, मोकळ्या जागेत घातक रसायन सोडल्याप्रकरणी कंपनीच्या कार्यकारी संचालकांना सोमवारी हायकोर्टाने नोटीस बजावली. मुंबई हायकोर्टाच्या औरंगाबाद खंडपीठाचे न्या. रवींद्र बोर्डे व न्या.पी.आर. बोरा यांनी राज्य सरकार, पर्यावरण विभागाचे प्रधान सचिव, प्रादेशिक प्रदूषण मंडळ, जिल्हाधिकारी, तहसीलदार, चिकलठाणा आणि करमाड पोलिस ठाण्याच्या पोलिस निरीक्षकांना नोटीस बजावली आहे.

शेंद्रा परिसरातील सहा एकर शेतामध्ये 'रॅडिको एनव्ही डिस्टिलरीज कंपनी'कडून घातक रसायन सोडल्याची तक्रार आत्मराम ठुबे यांनी ११ मे २०१५ रोजी विभागीय आयुक्त, जिल्हाधिकारी व प्रदूषण नियंत्रण मंडळाला दिली. त्यावर कुठलीच कारवाई होत नसल्याचा धक्कादायक प्रकार 'महाराष्ट्र टाइम्स'ने १७ जून रोजी सर्वप्रथम उघडकीस आणला. या कंपनीने रामेश्वर वैष्णव यांचे शेंद्रा कमगंर शिवारातील गट क्रमांक १२५ मध्ये १५ एकर शेती असून त्या शेतीत रसायनिक द्रव्य टाकले. त्याच बरोबर विहिरीत पाइप लाइन करून ती मळी देखील टाकली. प्रशासन कारवाई करत नाही म्हणून रामेश्वर वैष्णव व आत्माराम ठुबे यांनी औरंगाबाद खंडपीठात जनहित याचिका केली.

तहसीलदारांना दिलेल्या निवेदनावरून तहसीलदारांनी शेंद्रा परिसराची पाहणी करून अहवाल तयार केला. तो अहवाल त्यांनी जिल्हाधिकारी, विभागीय प्रदूषण मंडळाला सादर केला. मात्र, काही कारवाई झाली नाही म्हणून याचिकाकर्त्यांनी पुन्हा जिल्हाधिकाऱ्यांना निवेदन दिले. त्यांनी कारवाई केली नाही म्हणून ठुबे व वैष्णव यांनी जनहित याचिका केली.

रॅडिको कंपनीने रासायनिक द्रव्य सोडल्यामूळे शेती नापीक झाली आहे. त्यामुळे नुकसान भरपाई देण्यात यावी, प्रदूषण मंडळाने कंपनी कायमची बंद करावी, कंपनीच्या कार्यकारी संचालक, संचालकाविरुध्द गुन्हे दाखल करावे अशी विनंती याचिकेत करण्यात आली. याचिकाकर्त्याची बाजू सिद्धेश्वर ठोंबरे तर सरकारतर्फे सरकारी वकील ज्ञानेश्वर काळे हे मांडत आहेत.

प्रदूषण मंडळाने तातडीने प्रत्येक १ किलोमीटर पर्यंतच्या पाण्याचे नमुने घ्यावे. त्याची तपासणी करून अहवाल सादर करावा. सुखना धरणात रॅडिकोसह अन्य कंपनीचे रसायन येते का, याची देखील चौकशी करण्यात यावी. याचा अहवाल सादर करण्याचे आदेश कोर्टाने दिले आहेत.

-सिद्धेश्वर ठोंबरे; याचिकाकर्त्याचे वकील.

मोबाइल अॅप डाउनलोड करा आणि राहा अपडेट

बँकखाती गोठविली

June 29, 2015, 1:25 pm

≫ Next: जपानी बालकथांना मराठीचे कोंदण

≪ Previous: रॅडिकोच्या संचालकांना नोटीस

$

0

0

म. टा. प्रतिनिधी,औरंगाबाद

कर्मचारी भविष्य निर्वाह निधी कार्यालयाने (पीएफ) सोमवारी (२९ जून) औरंगाबाद महापालिकेची दोन बँक खाती गोठविली. बचत गटाच्या कर्मचाऱ्यांचा पीएफ न भरल्यामुळे ही कारवाई करण्यात आली.
महापालिकेने २००८मध्ये १३ बचत गटांची स्थापना केली होती. या बचत गटांमध्ये सुमारे २०० कर्मचारी काम करीत होते. यांना त्यांच्या कामानुसार मानधन दिले जात होते. या मानधनातून बचत गट कर्मचाऱ्यांचा पीएफ (भविष्य निर्वाह निधी) कापला जात होता. कर्मचाऱ्यांच्या पगारातून कपात केलेली पीएफची रक्कम पीएफ कार्यालयात भरण्याची जबाबदारी संबंधित बचत गटांच्या प्रमुखांकडे होती, पण त्यांनी या रकमेचा भरणा केला नसल्याचे समोर आले आहे. ऑगस्ट २००८ ते जून २००९ या काळातील सुमारे २१ लाख ९२२ रुपये पीएफ कार्यालयात भरलेच गेले नाहीत. याबाबत वारंवार सूचना देऊनही महापालिकेचे आयुक्त व संबंधित विभागाकडून दुर्लक्ष करण्यात आहे. पीएफ कार्यालय २००९पासून या प्रकरणाचा पाठपुरावा करीत होते. शेवटी पीएफ कार्यालयाने सोमवारी महापालिकेच्या एचडीएफसी आणि आयडीबीआय या दोन बँकांमधील खाती गोठविली. त्याबाबत महापालिकेला माहिती देण्यात आली आहे. पीएफ कार्यालयात संबंधित रकमेचा भरणा केला जाणार नाही, तोपर्यंत ही खाती सुरू करण्यात येणार नाहीत, असे कर्मचारी भविष्य निधी कार्यालयाचे आयुक्त सुधीर गणवीर यांनी सांगितले.

दरम्यान, या १३ बचत गटांतील सुमारे १९९ कर्मचारी सिडको हडको कार्यालयातील कचरा उचलणे व त्याची विल्हेवाट लावण्याचे काम करीत होते. महापालिकेने या सर्व बचत गटांसाठी एका प्रमुखाची नियुक्ती केली होती. त्याने हा पीएफ भरला नसल्याची माहिती महाप‌ालिकेच्या सूत्रांनी दिली. संबंधित प्रमुखाची नियुक्ती महापालिकेने केली आहे. त्यामुळे आम्ही महापालिकेचा जबाबदार धरून त्यांची खाती गोठवली असल्याचे आयुक्त गणवीर यांनी स्पष्ट केले.

मोबाइल अॅप डाउनलोड करा आणि राहा अपडेट

---

जपानी बालकथांना मराठीचे कोंदण

June 29, 2015, 1:27 pm

≫ Next: परळी थर्मलला ‘शो कॉज’

≪ Previous: बँकखाती गोठविली

$

0

0

तुषार बोडखे, औरंगाबाद

दोन देशात व्यापारासोबत सांस्कृतिक आदानप्रदान झाल्यास नवे मैत्रीबंध निर्माण होतात. जपानी लेखकांच्या दर्जेदार कथा बालवाचकांसाठी मराठी भाषेत आणण्याचा महत्त्वाकांक्षी प्रयोग प्रसिद्ध अनुवादक डॉ. पृथ्वीराज तौर यांनी केला आहे. जपानी दूतावास व गंगामाई वाचन मंदिराच्या सहकार्याने नाममात्र दरात बालवाचकांना पुस्तक उपलब्ध झाले आहे.

'जपानहून आणलेल्या छोट्यांच्या मोठ्या गोष्टी' हे नऊ कथांचे दर्जेदार पुस्तक नुकतेच प्रकाशित झाले आहे. दुसरे महायुद्ध आणि इतर कालखंडात जपानी लेखकांनी लिहिलेल्या कथांचा हा मराठी अनुवाद आहे. लहान मुलांचे भावविश्व सांगत वाचकांना कथा हेलावून टाकतात. प्रसिद्ध अनुवादक व लेखक डॉ. पृथ्वीराज तौर यांनी कथांचा अनुवाद केला आहे. मूळ लेखक हयात नसल्यामुळे पुस्तक काढण्यासाठी अडचणी निर्माण झाल्या होत्या. कथा प्रकाशित करण्यासाठी लेखक किंवा कुटुंबियांची परवानगी आवश्यक असते. याबाबत कुणाशीच संपर्क होत नसल्याने तौर यांनी जपानी दूतावासाच्या दिल्ली येथील कार्यालयाशी संपर्क साधला. या दर्जेदार कथा मराठी बालवाचकांसाठी उपयुक्त आहेत. लहान मुलांना वाचनाची गोडी लावण्यासाठी नाममात्र किंमतीत पुस्तक उपलब्ध करणार असल्याचे त्यांनी दूतावासाला कळवले होते. या पत्रानुसार आढावा घेत दूतावासाने पुस्तक प्रकाशित करण्यास परवानगी दिली. लहान मुलांसाठी वाचन चळवळ राबविणारे आजरा (जि. कोल्हापूर) येथील गंगामाई वाचन मंदिर पुस्तक प्रकाशित करण्यासाठी सरसावले. या सेवाभावी संस्थेचे पदाधिकारी राजा शिरगुप्पे

यांनी ८८ पानांचे पुस्तक केवळ १० रुपयात उपलब्ध केले. पुस्तकातील प्रत्येक कथा बालवाचकांचा अनुभव समृद्ध करणारी आहे. दुसऱ्या महायुद्धाचा लहान मुलांच्या मनावर झालेला परिणाम लिहितानाच प्राण्यांवरील परिणामही जपानी लेखकांनी संवेदनशीलतेने मांडला आहे. अनुवादित कथा उन्हाळ्याच्या सुटीत डॉ. तौर यांनी फेसबुकवर अपलोड केल्या होत्या. या उपक्रमालाही वाचकांचा चांगला प्रतिसाद मिळाला होता.

सध्या जपान-भारत मैत्रीचे नवे पर्व सुरू असताना सांस्कृतिक पर्वाची गरज आहे. दोन देशात स्नेहबंध निर्माण करण्याचे काम साहित्य करते. प्रत्येक देशातील मुलांच्या तरल संवेदना सारख्याच आहेत. या संवेदना पुस्तकात मांडल्या आहेत.

- प्रा. डॉ. पृथ्वीराज तौर, लेखक

मोबाइल अॅप डाउनलोड करा आणि राहा अपडेट

परळी थर्मलला ‘शो कॉज’

June 29, 2015, 1:29 pm

≫ Next: दोन पोलिस ‘वसुली’ प्रकरणात निलंबित

≪ Previous: जपानी बालकथांना मराठीचे कोंदण

$

0

0

म. टा. प्रतिनिधी, औरंगाबाद

परळीतील औष्णिक वीज केंद्राला महाराष्ट्र प्रदूषण नियंत्रण मंडळाने कारणे दाखवा नोटीस बजावली आहे. यासंदर्भात मंडळाकडे तक्रार करण्यात आली होती. औष्णिक वीज निर्मिती केंद्रातून मोठ्या प्रमाणावर बाहेर पडणारी राख व धुरामुळे संपूर्ण परळी शहर, परिसरातील ८ ते १० गावांतील नागरिकांमध्ये गंभीर आरोग्य समस्या निर्माण झाल्या आहेत. यासंदर्भात परळीच्या प्रदूषण संघर्ष समितीच्या तक्रारीवरून मंडळाने केलेल्या पाहणीत केंद्रात दुय्यम दर्जाच्या कोळशाचा वापर होत असल्याचे स्पष्ट झाले असून, हवेमध्ये विषारी घटक आढळले आहेत.

यासंदर्भात समितीचे सहसचिव चेतन सौंदळे यांनी 'मटा'ला दिलेल्या माहितीनुसार, परळीतील औष्णिक वीज निर्मिती केंद्रात सध्या ५ संच आहेत. पूर्वी प्रदूषणाचा फारसा प्रश्न नव्हता; परंतु आता अनेक समस्या निर्माण झाल्या आहेत. पूर्वी 'ए' किंवा 'बी ग्रेड'चा कोळसा वापरला जात होता. आता मात्र दुसऱ्या कुठल्याही देशामध्ये वापरण्यात न येणारा 'डी ग्रेड'चा कोळसा वापरला जात आहे. परिणामी, केंद्रातून परळी शहरात व लगतच्या ८ ते १० गावांतील घराघरांत राख पसरत आहे. केंद्राच्या चिमणीतून राख मोठ्या प्रमाणावर उडतेच; शिवाय केंद्रातून 'अॅश प्लँट'पर्यंत नेतानाही राख उडत असते. त्याचबरोबर प्लँटमधूनही सर्वत्र राख उडत राहते. कमी दर्जाच्या कोळशासह अपेक्षित 'इलेक्ट्रो स्टॅटिक प्रेसिपेटर' व 'अमोनिया डोझिंग'ची प्रक्रिया प्रभावीपणे केली जात नसल्यामुळे लहान मुले, वृद्ध, महिलांमध्ये दमा, ब्राँन्कायटिस, सर्दी, त्वचेचे, डोळ्यांचे विकार वाढले आहेत. याविषयी राष्ट्रपती, केंद्रीय-राज्य पर्यावरण मंत्र्यांपासून प्रदूषण मंडळापर्यंत अनेकांकडे तक्रारी दिल्या असल्याचे ‌त्यांनी सांगितले.

एका संचासाठी रोज ११ हजार टन कोळसा

पाचपैकी केवळ एका युनिटसाठी (युनिट ३) ११ हजार टन कोळसा रोज लागतो. त्यामुळे पाचही युनिटमधून बाहेर पडणाऱ्या राखेचे प्रमाण खूप जास्त अाहे. हवेमध्ये कार्बन डायऑक्साइड, कार्बन मोनोक्साइड, सल्फर डायऑक्साइड या विषारी घटकांचे प्रमाण वाढल्याचे असल्याचे तक्रारीत म्हटले आहे.

तक्रार प्राप्त झाल्यानंतर तीनच दिवसात 'शो कॉज' बजावली आहे. अधिकाऱ्यांनी केलेल्या तपासणीत 'लो ग्रेड' कोळशाचा वापर दिसून आला आहे. केंद्राने खुलासा केला असून, त्याची पडताळणी करण्याच्या सूचना अधिकाऱ्यांना दिल्या आहेत.

- डी. बी. पाटील, प्रादेशिक अधिकारी, प्रदूषण नियंत्रण मंडळ

मोबाइल अॅप डाउनलोड करा आणि राहा अपडेट

दोन पोलिस ‘वसुली’ प्रकरणात निलंबित

June 30, 2015, 1:28 pm

≫ Next: फसवणूकप्रकरणी आरोपीला कोठडी

≪ Previous: परळी थर्मलला ‘शो कॉज’

$

0

0

म. टा. प्रतिनिधी, उस्मानाबाद

महामार्गांवर वाहतूक पोलिस वाहनचालकांकडून 'वसुली' करत असल्याच्या तक्रारी सातत्याने येत असून, अशाच एका प्रकरणात मंगळवारी दोन पोलिस शिपायांना निलंबित करण्यात आले. एका शेतकऱ्याच्या तक्रारीवरून जिल्हा पोलिसप्रमुखांनी ही कारवाई केली असून, चौकशीचेही आदेश दिले आहेत.

एस. के. सगर आणि के. बी. माने अशी या पोलिस शिपायांची नावे आहेत. त्यांनी तुळजापूरच्या घाटामध्ये सोमवारी अशा पद्धतीने वाहनचालकांकडून वसुली केली होती. तक्रारदार शेतकरी एका छोट्या वाहनातून तुळजापूरकडे येत असताना, या दोन्ही पोलिसांनी त्याला अडविले आणि कागदपत्रांची मागणी केली. या वेळी पीयूसी नसल्याचे सांगत, त्याच्याकडून १३०० रुपयांची मागणी केली. दोघांमध्ये बराच वेळ चर्चा झाल्यानंतर १०० रुपये घेत, पोलिसांनी या शेतकऱ्याला सोडून दिले. या शेतकऱ्याने मोबाइलवरून हा सगळा प्रकार टिपला होता. त्याने मंगळवारी जिल्हा पोलिसप्रमुख अभिषेक त्रिमुखे यांची भेट घेत, ही क्लिप दाखविली. त्याची दखल घेत, त्रिमुखे यांनी या दोन्ही शिपायांना निलंबित केले. तसेच, या प्रकरणाची चौकशीही सुरू करण्यात आली आहे. तसेच, अप्पर पोलिस अधीक्षक दिपाली घाडगे यांना चौकशी करण्याचे आदेश दिले आहेत.

'वसुली' नेहमीचीच

जिल्ह्यातील राष्ट्रीय महामार्गावर तसेच राज्य मार्गावर वाहतूक विभाग, महामार्ग पोलिसांकडून सतत वाहनचालकांची अडवणूक होत असते. त्यांना वरिष्ठ अधिकाऱ्यांनी चाप लावावा, अशी मागणी वाहनचालकांकडून होत आहे. औरंगाबाद-सोलापूर, उस्मानाबाद-हैदराबाद, उस्मानाबाद- सोलापूर या मार्गांबरोबरच परिसरातील तुळजापूर, पंढरपूर, अक्कलकोट या तीर्थक्षेत्राच्या ठिकाणी जाणाऱ्या सर्व मार्गांवर हाच प्रकार चालतो. येरमाळा व नळदुर्ग परिसरात हा अनुभव येत असल्याचे वाहनचालक सांगतात. संबंधित विभागाचे वरिष्ठ अधिकारी या मार्गावरून जाणार असल्यास त्याची कल्पना बिनतारी संदेश यंत्रणेद्वारे त्यांना आधीच मिळालेली असते, असेही काही जणांनी सांगितले.

मोबाइल अॅप डाउनलोड करा आणि राहा अपडेट

फसवणूकप्रकरणी आरोपीला कोठडी

June 30, 2015, 1:29 pm

≫ Next: जुन्या वादातून एकावर चाकूहल्ला

≪ Previous: दोन पोलिस ‘वसुली’ प्रकरणात निलंबित

$

0

0

नांदेड : बांधकाम व्यावसायिकाची एक कोटी ७५ लाख रुपयांची फसवणूक केल्याप्रकरणी प्रथमवर्ग न्यायदंडाधिकारी एस.एस.आरतवाड यांनी आरोपीला दोन दिवस पोलिस कोठडी सुनावली. सतीश गिरी असे आरोपीचे नाव असून, त्याच्याविरोधात अनिक संगेवार या बांधकाम व्यावसायिकाने तक्रार दिली होती. गिरी हा संगेवार यांच्याकडे व्यवस्थापक म्हणून कार्यरत होता. संगेवार यांनी १८ फेब्रुवारीपर्यंत व्यवसायातील उलाढालीची तपासणी केली नव्हती. याचा फायदा घेत, गिरीने अनेक जणांकडून आलेल्या रकमेचा बँकेमध्ये भरणाच केल्याचे दिसून आले. हा प्रकार लक्षात आल्यानंतर संगेवार यांनी १८ जून रोजी भाग्यनगर पोलिस ठाण्यामध्ये तक्रार दाखल केली. त्यानंतर पोलिसांनी फसवणुकीचा गुन्हा दाखल केला आहे. गिरीला न्यायालयात हजर करण्यात आले असता, गिरीने संगेवार यांची कार परस्पर दुसऱ्यालाच विकल्याचेही समोर आले आहे.

मोबाइल अॅप डाउनलोड करा आणि राहा अपडेट

जुन्या वादातून एकावर चाकूहल्ला

June 30, 2015, 1:29 pm

≫ Next: अफू प्रकरणातील २५ शेतकऱ्यांना जामीन

≪ Previous: फसवणूकप्रकरणी आरोपीला कोठडी

$

0

0

जालना : जुन्या वादातून एकावर चाकूहल्ला केल्याची घटना शहरातील चंदनझिरा परिसरात घडली. या हल्ल्यात एक जण गंभीर जखमी आहे. सय्यद सत्तार असे जखमी तरुणाचे नाव असून, तो चंदनझिरा परिसरातील इस्लामपूर भागात राहतो. राहुल कोल्हे, अमोल कोल्हे, मुकुंद कोल्हे व इतर पाच-सहा जणांनी मागील वादातून चाकू आणि गजाने मारहाण केल्याचे सत्तारने तक्रारीत म्हटले आहे. त्यावरून चंदनझिरा पोलिस ठाण्यामध्ये गुन्हा दाखल करम्यात आला आहे. या हल्ल्यानंतर सत्तार जखमी अवस्थेमध्ये रस्त्याशेजारी पडला होता. शेजारी राहणाऱ्या शेख मणियार यांनी मोबाइलद्वारे या घटनेची माहिती सत्तारचा भाऊ सय्यद जमील यांना दिली. जमीलने त्याला रिक्षात बसवून सामान्य रुग्णालयात दाखल केले. मात्र, त्याची प्रकृती गंभीर असल्यामुळे त्याला औरंगाबादच्या घाटी रुग्णालयात पाठविण्यात आले आहे. या प्रकरणाचा पुढील तपास सुरू आहे.

मोबाइल अॅप डाउनलोड करा आणि राहा अपडेट