सुनीता श्रीधर पत्की (४५, रा. प्लॉट क्रमांक २१, फ्लॅट क्रमांक १०३, गीतांजली अपार्टमेंट, छत्रपतीनगर, गारखेडा) असे फिर्यादीचे नाव आहे. याप्रकरणी अधिक तपास मुकुंदवाडी पोलिस करत आहेत. सुनीता पत्की या मैत्रिण सुशीला वाघमारे यांच्याबरोबर गजानन महाराज मंदिरात सकाळी सातच्या सुमारास दर्शनासाठी गेल्या होत्या. दर्शन घेऊन घराकडे परत जात असताना रिलायन्स मॉलसमोर विरुद्ध दिशेने आलेल्या दुचाकीवरील दोघांनी त्यांच्या गळ्यातील दीड तोळ्याचे मंगळसूत्र हिसकाविले. चोरटे गजानन महाराज मंदिराच्या दिशेने गेले. यापैकी एकाच्या अंगात पांढऱ्या रंगाचा तर, दुसऱ्याच्या अंगात चौकटीचा शर्ट होता. हे दोघेही काळ्या रंगाच्या दुचाकीवर आले होते.
दरम्यान, या घटनेची माहिती नागरिकांनी पोलिस नियंत्रण कक्षाला कळविल्यानंतर सहायक पोलिस आयुक्त सुखदेव चौगुले, मुकुंदवाडी पोलिस स्टेशनचे पोलिस निरीक्षक नाथा जाधव यांनी घटनास्थळी धाव घेतली. पत्की यांच्या तक्रारीवरून गुन्हा दाखल करण्यात आला आहे. या भागातील हॉस्पिटल, मॉल, मंगल कार्यालयांत बसविलेल्या सीसीटीव्हीचे चित्रिकरण तपासले आहे.
मोबाइल अॅप डाउनलोड करा आणि राहा अपडेट
