कंत्राटी कर्मचाऱ्यांचा उद्रेक

August 29, 2015, 12:27 pm

≫ Next: उस्मानाबादमध्ये ‘कामावर चलो अभियान’

≪ Previous: मकबऱ्यालगतच्या घरांना नोटीस

$

0

0

म. टा. प्रतिनिधी, औरंगाबाद

कंत्राटी कर्मचाऱ्यांच्या घोषणांनी शनिवारी डॉ. बाबासाहेब आंबेडकर मराठवाडा विद्यापीठाची प्रशासकीय इमारत दणाणली. आत व्यवस्थापन परिषदेची बैठक सुरू असतानाच कर्मचाऱ्यांनी बाहेर सकाळी दहापासून रात्री आठपर्यंत ठिय्या दिला. या उद्रेकामुळे बैठकीनंतरही तब्बल तीन तास परिषदेचे सदस्य; तसेच कुलगुरू डॉ. बी. ए. चोपडे यांनाही रात्री आठपर्यंत दालनात थांबावे लागले.

व्यवस्थापन परिषदेची शनिवारी बैठक होती. अधिकार मंडळांची मुदत ३१ ऑगस्टला संपत असल्याने परिषदेची ही शेवटची बैठक होती. सभागृहात बैठक सुरू

असताना बाहेर कंत्राटी कर्मचारी आंदोलन करीत होते. 'चार, साडेचार हजार रुपयांत मुलांना कसे शिकवायचे, कुटुंब कसे चालवायचे सांगा,' असा सवाल कर्मचारी करीत होते. व्यवस्थापन परिषदेची बैठक असल्याने आजच निर्णय घ्या, असे सांगत कर्मचाऱ्यांनी, सकाळी १० ते रात्री ८पर्यंत प्रशासकीय इमारतीला घेराओ घातला. आठ, दहा

वर्षांपासून विविध विभागांमध्ये कंत्राटी पदांवर काम करणाऱ्या कर्मचाऱ्यांची संख्या मोठी आहे. सुरुवातीला मर्यादित असलेली संख्या आज ४८६पर्यंत पोचली आहे. अनेकदा पदभरती झाली, परंतु वारंवार डावलण्यात येते. पैशांशिवाय भरती होत नाही. असा आरोप कंत्राटी कर्मचाऱ्यांनी केला आहे.

विद्यापीठ शिक्षकेतर कर्मचारी सेवक संघाच्या पाठिंब्याने हे आंदोलन करण्यात आले. सायंकाळी बैठकीनंतर चर्चेला बोलावण्यात आले, परंतु तोडगा निघाला नाही. बैठक संपल्यानंतर परिषदेच्या सदस्यांना तीन तास विद्यापीठाबाहेर पडता आले नाही. कर्मचाऱ्यांबाबत निर्णय घेण्यात आला असून, येणाऱ्या काळात भरण्यात येणाऱ्या जागांवर विचार केला जाईल, असे सांगत सदस्यांनी काढता पाय घेतला. यानंतर, लेखी आश्वासन द्या, नांदेड विद्यापीठाने राबविलेल्या प्रक्रियेप्रमाणे कंत्राटी कर्मचाऱ्यांना कायम करा, यासाठी पुन्हा घोषणाबाजी सुरू झाली. सायंकाळी साडेसातच्या सुमारात कुलगुरूंनी आंदोलनकांनी बोलावून स्वामी रामानंद तीर्थ मराठवाडा विद्यापीठाप्रमाणे विचार केला जाईल, असे आश्वासन दिले. यानंतर रात्री आठनंतर कुलगुरू व प्रशासकीय अधिकाऱ्यांना मुख्य इमारतीतून बाहेर पडता आले.

दरम्यान, यापुढे पदभरतीत कंत्राटी कर्मचाऱ्यांचा विचार केला जाईल. स्वामी रामानंद तीर्थ मराठवाडा विद्यापीठ व सावित्रीबाई फुले पुणे विद्यापीठातील प्रक्रियेचा अभ्यास केला जाईल, असे कुलगुरूंनी पत्रकारांशी बोलताना सांगितले.

माने यांच्यावर आक्षेप

विद्यापीठाचे तत्कालिन कुलसचिव डॉ. डी. आर. माने यांनी पदभरतीमध्ये पारदर्शकता ठेवली नसल्यामुळे गोंधळ झाल्याचा आरोप कंत्राटी कर्मचाऱ्यांनी केला आहे. मागील वर्षी विद्यापीठात शिक्षकेतर कर्मचाऱ्यांची पदभरती झाली. यात गैरव्यवहार झाल्याचा आरोप या कर्मचाऱ्यांनी केला आहे.

अनेक वर्षांपासून कंत्राटी पदावर काम करणाऱ्या कर्मचाऱ्यांवर प्रशासनाकडून अन्याय होतो आहे. पात्र असतानाही अनेकांना नोकरभरतीत डावलले जाते. पदभरतीमध्ये लाखोंचा भ्रष्टाचार होतो. त्याची चौकशी व्हायला हवी. कंत्राटी कर्मचाऱ्यांना कायम करा, अशीच आमची मागणी आहे.

- डॉ. कैलास पाथ्रीकर, महासंघ प्रतिनिधी, विद्यापीठ शिक्षकेतर कर्मचारी सेवक संघ.

पदभरतीत पात्र असतानाही प्रशासनाकडून डावलण्यात आले. लाखोंची उलाढाल यात होते. दुसरीकडे चार-साडेचार हजार रुपयांवर कर्मचारी काम करत आहेत. युरोप दौरा, फंडातील पदभरतीसाठी पैसा खर्च केला जातो, परंतु आमच्या कुटुंबाकडे पाहिले जात नाही. दहा-दहा वर्षांपासून आम्ही राबतो आहोत. आम्ही नोकरीची वयोमर्यादा ओलांडली, याचा विचार प्रशासनाने करावा.

- ज्योती भालेकर, कंत्राटी कर्मचारी

पात्र नसतानाही अनेकांना नोकरी देण्यात आली. याबाबत विद्यापीठ प्रशासनाचा काय पारदर्शकता आहे. आम्ही वर्षानुवर्ष येथे कंत्राटी पदावर काम करतो आहोत. पुरेसा पगारही दिला जात नाही. आम्हाला कायम करावी अशी आमची मागणी आहे.

- मनीषा सलामपुरे, कंत्राटी कर्मचारी

विविध दोन पदांसाठी पात्र असताना, परीक्षेत प्रथम असताना डावलत इतरांना नोकरीवर घेण्यात आले. प्रशासनाचा हा कोणता पारदर्शकपणा आहे. दहा वर्षांपासून तुटपुंज्या पगारावर काम करतो आहोत. कंत्राटी कामगारावरच विद्यापीठाचा भार आहे. असे असताना त्यांना कायम केले जात नाही.

- स्वाती तिवारी, कंत्राटी कर्मचारी

मोबाइल अॅप डाउनलोड करा आणि राहा अपडेट

---

उस्मानाबादमध्ये ‘कामावर चलो अभियान’

August 30, 2015, 1:32 pm

≫ Next: भूकंपग्रस्तांना मिळणार प्रमाणपत्र

≪ Previous: कंत्राटी कर्मचाऱ्यांचा उद्रेक

$

0

0

म. टा. प्रतिनिधी, उस्मानाबाद

रोजगार हमी योजनेतील बनावटगिरीसह भ्रष्टाचाराला आळा बसावा त्याशिवाय दुष्काळी स्थितीत मागेल त्याला काम देण्यासाठी म्हणून जिल्हाधिकारी डॉ. प्रशांत नारनवरे यांनी 'कामावर चलो अभियान' हा नाविण्यपूर्ण उपक्रम हाती घेतला आहे. राज्यात प्रथमच अशा पद्धतीने हे अभियान राबविण्यात येत आहे.

कळंब तालुक्यातील भाट शिरपुरा या गावातून कामावर चलो अभियानाची सुरुवात जिल्हाधिकारी डॉ. नारनवरे यांनी केली. गेल्या तीन वर्षांपासून उस्मानाबाद जिल्हा दुष्काळाचा सामना करीत आहे. यंदाही जिल्ह्यात अत्यल्प असा पाऊस झाला असून जिल्ह्यात सर्वदूर दुष्काळीस्थिती आहे. यंदाही अपुऱ्या पावसामुळे खरीप हंगाम निकामीच ठरला. रब्बीचीही शाश्वती नाही. यामुळे जिल्ह्यातील शेतकरी, शेतमजूर, युवक पोटाची खळगी भरण्यासाठी म्हणून शहराकडे स्थलांतर करू लागले. जिल्ह्यातील ग्रामीण भागातील नागरिकांची होरपळ थांबावी तसेच त्यांनी रोजगारासाठी म्हणून स्थलांतर करू नये यासाठी महात्मा गांधी रोजगार हमी योजना प्रभावीपणे व भ्रष्टाचारविरहीत राबविण्यासाठी जिल्हाधिकारी डॉ. प्रशांत नारनवरे यांनी पुढाकार घेत 'कामावर चलो अभियान्र सुरू केले आहे.

या अभियानाची माहीती गावागावात पोहोचावी यासाठी तहसीलदार व गटविकास अधिकारी प्रत्येक गावात जावून ग्रामस्थांना माहिती देणार आहेत. याबरोबरच तलाठी, कृषी सहाय्यक यांनाही याकामी सक्रीय करण्यात आले आहे. यामुळे मजुरांना काम मिळून नवसंजीवनी मिळणार आहे. शिवाय ग्रामस्थांचे स्थलांतर रोखण्यास मदत होणार आहे.

मजूरांच्या हाताला काम मिळावे व शेतकऱ्यांसाठी त्याचा लाभ व्हावा यासाठी विहिर पुनर्भरण व विविध योजना सुरू करण्यात येणार असल्याची माहीती जिल्हाधिकारी डॉ प्रशांत नारनवरे यांनी दिली. यामुळे शेतकऱ्यांनादेखील त्यांच्याच शेतात काम मिळणार आहे. 'कामावर चलो अभियान' प्रभावीपणे राबविण्यासाठी जिल्हाधिकारी डॉ. नारनवरे प्रयत्नशील आहेत. ते दररोज जिल्ह्यातील चार-पाच गावांना भेटी देवून ग्रामस्थांशी, मजुरांशी सुसंवाद साधून त्यांना या अभियानात सहभागी होण्याचे आवाहन करीत आहेत.

मोबाइल अॅप डाउनलोड करा आणि राहा अपडेट

भूकंपग्रस्तांना मिळणार प्रमाणपत्र

August 30, 2015, 1:33 pm

≫ Next: नांदेड जिल्ह्यातील दोघांची आत्महत्या

≪ Previous: उस्मानाबादमध्ये ‘कामावर चलो अभियान’

$

0

0

म. टा. प्रतिनिधी, उस्मानाबाद

उस्मानाबाद जिल्ह्यातील भूकंपग्रस्तांच्या हालअपेष्टा आता संपण्याच्या मार्गावर आहेत. त्यांना विविध कामांसाठी नौकरीसाठी लागणारे भूकंपग्रस्तांचे प्रमाणपत्र, वारस प्रमाणपत्र, कबाला प्रमाणपत्र त्याशिवाय अन्य कागदपत्रे घरपोच मिळणार आहेत.

या उपक्रमासाठी आवश्यक असणारी उस्मानाबादमधील भूकंपग्रस्त प्रमाणपत्र धारकांची यादी असलेली एक पुस्तिका नुकतीच जिल्हाधिकारी कार्यालयात उपलब्ध करण्यात आली आहे. जिल्हाधिकारी डॉ. प्रशांत नारनवरे यांच्या संकल्पनेतून साकारण्यात येणारी ही प्रमाणपत्रासाठीची विशेष योजना कौतुकास्पद अशी आहे.

या पुस्तकात उस्मानाबाद जिल्ह्यातील भूकंपग्रस्त प्रमाणपत्र धारकांचे नाव, वारसाचे नाव, जन्मतारीख, शिक्षण, शेती विषय व घराबाबतची किंवा मालमत्ते संबंधीची संपूर्ण माहिती एकत्रितपणे संकलित करण्यात आली आहे.

नोव्हेंबर १९९५ ते जुलै २०१५ पर्यंतची संपूर्ण माहिती या पुस्तिकेत नमूद करण्यात आली असून, यामध्ये ७ हजार ५७० भूकंपग्रस्तांची नोंद आहे.या पुस्तिकेमुळे भूकंपग्रस्ताना लागणारे कोणतेही प्रमाणपत्र सहजरित्या देणे प्रशासनासाठी सोपे झाले आहे. याशिवाय ही सर्व माहिती शासनाच्या एका विशिष्ट वेबसाइटवरही पाहण्यासाठी उपलब्ध करण्यात आली आहे.

भूकंपात सर्वस्व हरपून बसलेल्यांना कायमस्वरूपी निवारा उपलब्ध करून देण्यासाठी अनेक संस्था पुढे आल्या. त्यांनी गावनिहाय वसाहती उभारल्या त्यातून अनेक कुटुंबे निवास करू लागली. मात्र, गेल्या २१ वर्षांत या भूकंपग्रस्तांना या घराचे मालकी हक्क प्रमाणपत्र मिळाले नव्हते. भूकंपग्रस्ताबरोबरच वारसदाराचे प्रमाणपत्र मिळण्यात त्यांना अडचणी येत होत्या. आता या सर्व माहितीची एक स्वतंत्र पुस्तिका तयार करण्यात आली असून, पाहण्यासाठी ती सर्वांना जिल्हाधिकारी कार्यालयात उपलब्ध केली आहे.

उमरगा तालुक्यातील माडज येथील १२५ भूकंपग्रस्तांना घराचा कब्जा संपूर्ण कागद पत्रासह संमारंभपूर्वक देण्यात आला.

- डॉ. प्रशांत नारनवरे, जिल्हाधिकारी, उस्मानाबाद

जिल्हाधिकारी डॉ. नारनवरे यांच्या विशेष प्रयत्नामुळे आवश्यक ती सर्व कागदपत्रे घरपोच मिळणार आहेत.

- बा‌हुबली काकंब्रे, नाईचाकूर, ता. उमरगा

मोबाइल अॅप डाउनलोड करा आणि राहा अपडेट

नांदेड जिल्ह्यातील दोघांची आत्महत्या

August 30, 2015, 1:35 pm

≫ Next: माजी नगराध्यक्षांसह‌ चौघांविरुद्ध गुन्हा

≪ Previous: भूकंपग्रस्तांना मिळणार प्रमाणपत्र

$

0

0

नांदेडः सततची नापिकी आणि बँकेच्या कर्जाने त्रस्त झालेल्या दोन शेतकऱ्यांनी आत्महत्या केली. यात माहूरतालुक्यातील एका शेतकऱ्याचा तर मुक्रमाबाद परिसरातील एका शेतकऱ्याचा समावेश आहे.

माहूर तालुक्यातील जुनापाणी येथील महिला शेतकरी पंचीबाई राम राठोड (वय ५५) यांच्या पतीच्या नावावर बँकेचे कर्ज होते. गेल्या दोन वर्षांपासून सततची नापिकी झाल्यामुळे पीके नष्ट झाली तर यंदाही झालेल्या अल्प पावसामुळे पिकांचे नुकसान झाले होते. बँकेचे कर्ज कसे फेडावे या चिंतेने विषारी औषध घेऊन पंचीबाई यांनी आत्महत्या केली.

दुसऱ्या घटनेत मुक्रमाबाद ठाण्याच्या हद्दीतील कोळनूर येथील शेतकरी पुंडलिक मरीबा गऊळवाड (वय ५५) या शेतकऱ्याने शेतीसाठी बाऱ्हाळी शाखेच्या बँकेचे कर्ज घेतले होते. शेतामध्ये ते सोयाबीन पिकावर औषध फवारणी करण्यासाठी गेले होते. त्यावेळी विषारी औषध प्राशन केले. उपचारासाठी तात्काळ मुखेड येथील शासकीय रुग्णालयात नेण्यात आले. मात्र, तेथे डॉक्टरांनी मृत घोषीत केले.

मोबाइल अॅप डाउनलोड करा आणि राहा अपडेट

माजी नगराध्यक्षांसह‌ चौघांविरुद्ध गुन्हा

August 30, 2015, 1:35 pm

≫ Next: कामातील हलगर्जीपणामुळे दोन अधिकाऱ्यांना दंड

≪ Previous: नांदेड जिल्ह्यातील दोघांची आत्महत्या

$

0

0

उस्मानाबादः नळदुर्गमधील विवाहित महिलेस वेगवेगळी आमिष दाखवत तिच्यावर वारंवार अत्याचार करणाऱ्या माजी नगराध्यक्षासह‌ पाचजणांविरोधात गुन्हा दाखल करण्यात आला . याप्रकरणी एका महिलेस अटक करण्यात आली.

याप्रकरणातील आरोपीमध्ये काँग्रेसचे माजी नगराध्यक्ष शहबाज काझी, अलिम शेख, निजाम काझी, हॉटेल दिल्ली दरबारचे लतीफ आरकल यांच्याविरूद्ध गुन्हा दाखल झाला आहे. आशिया शेख असे अटक करण्यात आलेल्या महिलेचे नाव आहे. इंदिरानगरमध्ये राहत असलेल्या विवाहित महिलेस तुझे नग्न फोटो दुसऱ्याला दाखवतो, अशी धमकी देऊन २४ ऑगस्ट रोजी दुपारी एका वाहनात बसवून या महिलेला नेण्यात आले. त्यानंतर हॉटेल दिल्ली दरबारच्या पाठीमागील रूमध्ये या महिलेवर सामू‌हिक बलात्कार करण्यात आला. यानंतर महिलेने नळदुर्ग पोलिस ठाण्यात तक्रार दिली. या प्रकरणातील चार आरोपी फरार असून एका महिलेला पोलिसांनी ताब्यात घेतले आहे.

मोबाइल अॅप डाउनलोड करा आणि राहा अपडेट

कामातील हलगर्जीपणामुळे दोन अधिकाऱ्यांना दंड

August 30, 2015, 1:36 pm

≫ Next: आत्महत्येचा प्रयत्न करणाऱ्या शेतकऱ्याला मदतीचा हात

≪ Previous: माजी नगराध्यक्षांसह‌ चौघांविरुद्ध गुन्हा

$

0

0

म. टा. प्रतिनिधी, उस्मानाबाद

दुष्काळीस्थितीत हाताला काम देणे ही शासनाची जबाबदारी आहे. या कामी हलगर्जीपणा दाखवत मजूरांचे वेतन देण्याकामी दुर्लक्ष करणाऱ्या उस्मानाबाद जिल्ह्यातील दोन अधिकाऱ्यांवर जिल्हाधिकारी डॉ. प्रशांत नारनवरे यांनी कारवाई करत दंड ठोठावला आहे. यामुळे जिल्ह्यातील निष्क्रिय व कामचुकार अधिकाऱ्यांचे धाबे दणाणले आहेत.

परंडा तहसीलदार कंकाळ आणि कळंबच्या गटविकास अधिकारी (बीडीओ) श्रीमती सुरेवाड यांना कामातील निष्क्रियता व हलगर्जीपणाबद्दल प्रत्येकी एक हजार रुपये दंड ठोठावला आहे. शिवाय या दंडात्मक कारावाईची नोंद त्यांच्या सेवा पुस्तिकेत घेण्यात आली आहे.

रोजगार हमी योजनेच्या कामातील अंदाधुंदीबरोबरच भ्रष्टाचाराचे प्रकार रोखत या कामावरील मजुरांची संख्या वाढविण्यासाठी जिल्हाधिकारी डॉ. प्रशांत नारनवरे हे विशेष प्रयत्नशील आहेत. त्यांनी यासाठी 'कामावर चलो अभियान' मोहीम हाती घेतली आहे. ऐन दुष्काळीस्थितीत उस्मानाबाद जिल्ह्यात रोहयोच्या कामावर मजूरांची संख्या रोडावत आहे.

ही संख्या रोडवण्याचे कारण शोधून काढल्यानंतर या प्रकाराला काही अधिकारची जबाबदार असल्याचे निदर्शनास आले. काही दिवसापूर्वीच जिल्हाधिकाऱ्यांना मजुरांचे मस्टर, जॉबकार्ड वेळेत भरविण्याबरोबरच त्यांची मजूरी ठराविक वेळेत देण्याबाबत आदेश दिले होते. त्याशिवाय या कामी हलगर्जीपणा करणाऱ्या विरोधात सक्त कारवाईचे संकेतही दिले होते.

तहसीलदार कंकाळ व बीडीओ श्रीमती सुरवाडे यांना देखील रोहयोच्या कामात दक्ष राहण्याच्या सूचना दिल्यानंतर त्यात त्यांनी कामचुकारपणा करत निष्क्रियता दर्शविली. शिवाय जबाबदारी टाळण्याचा प्रयत्न केला म्हणून जिल्हाधिकारी यांनी त्यांच्या विरोधात दंडात्मक कारवाई केली.

मोबाइल अॅप डाउनलोड करा आणि राहा अपडेट

आत्महत्येचा प्रयत्न करणाऱ्या शेतकऱ्याला मदतीचा हात

August 30, 2015, 1:37 pm

≫ Next: कुंभमेळ्यासाठी दोन विशेष रेल्वे

≪ Previous: कामातील हलगर्जीपणामुळे दोन अधिकाऱ्यांना दंड

$

0

0

म. टा. प्रतिनिधी, लातूर

लातूर तालुक्यातील कोळपा तांडा येथील अल्पभुधारक शेतकरी राम चव्हाण यांनी नापिकीला कंटाळून विष घेऊन आत्महत्येचा प्रयत्न केला. हा प्रकार लक्षात आल्यानंतर उपचारासाठी रुग्णालयात दाखल करण्यात आले आहे. औषधोपचारासाठी मोठा खर्च येणार असल्याने चव्हाण यांच्या कुटुंबाने तहसीलदाराकडे मदतीसाठी अर्ज केला. तहसीलदारांकडून मदत मिळाली नाही. सोशल मीडियाच्या माध्यमातून ही बातमी सर्वत्र पसरली. त्यानंतर शिवसेना, काँग्रेस व भाजपच्या नेत्यांसह काही सोशल मीडियावरील मंडळीनी चव्हाण कुटुंबियाला आर्थिक मदत केली.

वृत्त समजताच हॉस्पिटलमध्ये जाऊन शिवसेनेचे जिल्हा प्रमुख बालाजी भोसले आणि त्यांच्या सहकार्यांनी तातडीने अकरा हजार रुपयांची मदत केली. ही मदत त्यांनी चव्हाण यांच्या नातेवाईकांना दिली. व्हॉटस्अपवरील 'माझं लातूर' या ग्रुपवर एका सदस्यांने मदतीचे आवाहन केले. याचा परिणाम खुपच चांगला झाला. त्यामुळे अनेकांनी त्या परिवाराला मदत करण्यास सुरुवात केली आहे.

लातूर शहरचे आमदार अमित देशमुख यांनी हॉस्पिटलमध्ये जाऊन चव्हाण यांची विचारपूस करून त्यांना दिलासा दिला. टोकाची भूमिका घेऊ नये असे मार्गदर्शन केले. उपचार करणाऱ्या डॉक्टरांना त्यांनी सूचना दिल्या.

दरम्यान, रविवारी सकाळी खासदार डॉ. सुनील गायकवाड यांनीही राम चव्हाण यांची हॉस्पिटलमध्ये जाऊन भेट घेतली. राम चव्हाण यांच्या उपचारासाठी होणाऱ्या खर्चाची जबाबदारी ही घेतली असल्याचे त्यांच्या प्रसिद्धी पत्रकात म्हटले आहे.

राम चव्हाण यांच्यावर उपचार सुरू असलेल्या लोकमान्य हॉस्पिटलचे संचालक डॉ. हंसराज बाहेती म्हणाले, 'चव्हाण हे लवकर बरे व्हावेत यासाठी शर्थीचे प्रयत्न करीत आहोत. त्यांचे बिल किती होईल हा प्रश्न महत्वाचा नाही. ते बरे व्हावेत यासाठी प्रयत्नशील आहोत.'

मोबाइल अॅप डाउनलोड करा आणि राहा अपडेट

कुंभमेळ्यासाठी दोन विशेष रेल्वे

August 30, 2015, 1:40 pm

≫ Next: प्रसंगी कर्ज काढू; पण दुष्काळमुक्त करूः दानवे

≪ Previous: आत्महत्येचा प्रयत्न करणाऱ्या शेतकऱ्याला मदतीचा हात

$

0

0

म. टा. प्रतिनिधी, औरंगाबाद

नाशिक येथे सुरू असलेल्या कुंभमेळ्यात सहभागी होण्यासाठी रेल्वेने औरंगाबादहून दोन विशेष रेल्वे सुरू केल्या आहेत. या गाड्या २९ ऑगस्ट ते २९ सप्टेंबरदरम्यान ४० फेऱ्या करतील.

औरंगाबाद-नाशिक रोड-औरंगाबाद विशेष रेल्वे (०१२५३/०१२५४) १६ फेऱ्या करेल. ही नाशिक रोड येथून ३०, ३१ ऑगस्ट आणि १४, १५, १९, २०, २६ आणि २७ सप्टेंबर रोजी सकाळी ०७ वाजून २० मिनिटांनी सुटेल आणि औरंगाबाद येथे सकाळी ११.१० मिनिटांनी पोहोचेल. औरंगाबाद ते नाशिक विशेष रेल्वेचा परतीचा प्रवास गाडी क्रमांक ०१२५४ ने असेल. औरंगाबाद येथून ३०, ३१ ऑगस्ट आणि १४, १५, १९, २०, २६ आणि २७ सप्टेंबरला औरंगाबाद येथून सकाळी ११ वाजून ५० मिनिटांनी सुटेल आणि नाशिक रोड येथे दुपारी ४.३० वाजता पोहोचेल. ही रेल्वे लासूर, रोटेगाव, नगरसोल, मनमाड, लासलगाव, आणि ओढा स्थानकांवर थांबेल. या रेल्वेत १८ डबे असतील.

औरंगाबाद नाशिक रोड-औरंगाबाद मार्गावर गाडी क्रमांक ०१२५५ /०१२५६ सुरू असेल. ही गाडी २४ फेऱ्या करेल. नाशिक रोड-औरंगाबाद (क्रमांक ०१२५५) गाडी सायंकाळी ५ वाजून ४० मिनिटांनी नाशिक रोड येथून २९, ३०, ३१ ऑगस्ट आणि १३, १४, १५, १८, १९, २०, २५, २६ आणि २७ सप्टेंबर, रोजी औरंगाबादकडे निघेल आणि रात्री साडेदहा वाजता औरंगाबादला पोहचेल. ही गाडी एकूण १२ फेऱ्या करेल. या गाडीचा परतीच्या प्रवासात ०१२५६ हा क्रमांक असेल. ती औरंगाबाद येथून दिनांक ३०, ३१ ऑगस्ट आणि १, १४, १५, १६, १९, २०, २१, २६, २७ आणि २८ सप्टेंबरला औरंगाबाद येथून रात्री १२ वाजून ५० मिनिटांनी सुटेल. ही रेल्वे नाशिक रोडला पहाटे ०५ वाजून ५५ मिनिटांनी पोहचेल. रेल्वे लासूर, रोटेगाव, नगरसोल, मनमाड, लासलगाव आणि ओढा स्थानकांवर ही गाडी थांबेल.

मोबाइल अॅप डाउनलोड करा आणि राहा अपडेट

---

प्रसंगी कर्ज काढू; पण दुष्काळमुक्त करूः दानवे

August 30, 2015, 1:42 pm

≫ Next: नऊ लाखांचा तरुणाला गंडा

≪ Previous: कुंभमेळ्यासाठी दोन विशेष रेल्वे

$

0

0

औरंगाबाद : मराठवाड्यातील दुष्काळाचा मुकाबला करण्यासाठी राज्य सरकारने दुष्काळी उपाययोजना केल्या आहेत. प्रसंगी कर्ज काढू पण लोकांची अडचण करणार नाही, असे आश्वासन भाजप प्रदेशाध्यक्ष खासदार रावसाहेब दानवे यांनी पत्रकारांशी बोलताना दिले.

दानवे म्हणाले, की दुष्काळ भागाचा दौरा करण्यासाठी मुख्यमंत्री देवेंद्र फडणवीस एक सप्टेंबरपासून मराठवाड्यात येत आहेत. मुख्यमंत्री जिल्ह्यात, मंत्री तालुक्यात तर आमदार-खासदार गावात असा उपक्रम राबवून दुष्काळी भागात दौरे काढण्यात येतील. प्राथमिक पैसेवारी सप्टेंबरअखेर येईल. त्यानंतर लगेचच दुष्काळ जाहीर केला जाईल. मजुरांना कामे, जनावरांना चारा, पिण्याचे पाणी, गुरांच्या छावणी सुरू करणे, कर्जाचे पुर्नगठण, वीज बिलात सवलत आदी उपाययोजना युद्धपातळीवर राबविण्यात येतील. भाजप शेतकऱ्यांच्या पाठिशी उभा आहे, असे त्यांनी स्पष्ट केले.

मोबाइल अॅप डाउनलोड करा आणि राहा अपडेट

नऊ लाखांचा तरुणाला गंडा

August 30, 2015, 1:43 pm

≫ Next: एअरपोर्टवर नोकरी; तरुणीची फसवणूक

≪ Previous: प्रसंगी कर्ज काढू; पण दुष्काळमुक्त करूः दानवे

$

0

0

औरंगाबादः व्हिडियो पार्लर टाकण्याच्या बहाण्याने मित्राला नऊ लाख रुपयांचा गंडा घातल्याप्रकरणी जिन्सी पोलिस ठाण्यात गुन्हा दाखल करण्यात आला आहे. नांदेड येथील अविनय अविनाश बेलकोणीकर यांचा बालाजी गोरखनाथ चव्हाण (वय २५, रा. बीडबायपास रोड) याच्याशी परिचय होता. बालाजीने त्याला पार्टनरशिपमध्ये व्हिडियो गेमपार्लर सुरू करण्याचा प्रस्ताव दिला होता. त्याच्याकडून नऊ लाख रुपये घेऊन दुकान सुरू करण्यास टाळाटाळ केली. बेलकोणीकर यांची दुचाकी (एमएच २० सीडी ४११०) घेऊन पसार झाला.

मोबाइल अॅप डाउनलोड करा आणि राहा अपडेट

एअरपोर्टवर नोकरी; तरुणीची फसवणूक

August 30, 2015, 1:44 pm

≫ Next: विवाहितेच्या तोंडावर फेकले अॅसिड

≪ Previous: नऊ लाखांचा तरुणाला गंडा

$

0

0

म. टा. प्रतिनिधी, औरंगाबाद

एअरपोर्टवर नोकरीला लावण्याचे आमीष दाखवून एका तरुणीची साडेसोळा हजार रुपयांची फसवणूक करण्यात आली. याप्रकरणी मुंबई येथील दोघांविरूद्ध जवाहरनगर पोलिस ठाण्यात फसवणुकीचा गुन्हा दाखल करण्यात आला आहे.

कोटला कॉलनी येथे अमिता साठे (वय २३) या तरुणीने काही दिवसांपूर्वी वर्तमानपत्रात एअरपोर्टवर नोकरी उपलब्ध असल्याची जाहिरात वाचली होती. या जाहिरातीमध्ये प्रसिद्ध करण्यात आलेल्या मोबाइल क्रमांकावर साठे यांनी संपर्क साधला. त्यावेळी पूजा व कमलनाथ मिश्रा (रा. मुंबई) यांनी त्यांच्याशी संवाद साधला. वेगवेगळी कारणे दाखवून बँक ऑफ इंडियाच्या खात्यावर साडेसोळा हजार रुपयांची रक्कम भरावयास लावली. रक्कम भरल्यानंतरही नोकरीबाबत काही सकारात्मक प्रतिसाद मिळत नसल्याने आपली फसवणूक झाल्याचे साठे यांच्या लक्षात आले. त्यांनी पोलिस ठाणे गाठून आरोपींविरूद्ध फसवणूक व माहिती तंत्रज्ञान कायद्यानुसार गुन्हा दाखल केला आहे.

मोबाइल अॅप डाउनलोड करा आणि राहा अपडेट

विवाहितेच्या तोंडावर फेकले अॅसिड

August 30, 2015, 1:45 pm

≫ Next: कदमची ७५ कोटींची मालमत्ता?

≪ Previous: एअरपोर्टवर नोकरी; तरुणीची फसवणूक

$

0

0

म. टा. प्रतिनिधी, औरंगाबाद

जीप विकत घेण्यासाठी माहेरून दोन लाख रुपये आणण्याची मागणी करून एका विवाहितेचा छळ करण्यात आला. तिच्या तोंडावर बॅटरीतील अॅसिड फेकून बळजबरीने गर्भपात करण्यात आला. याप्रकरणी सासरच्या मंडळीविरूद्ध जिन्सी पोलिस ठाण्यात गुन्हा दाखल करण्यात आला आहे.

फरद अंजूम वसीम पटेल (वय २५, रा. कटकटगेट) या विवाहितेने याप्रकरणी तक्रार दिली आहे. लग्नानंतर जीप विकत घेण्यासाठी दोन लाख रुपयांची मागणी करून तिचा सासरी छळ सुरू झाला. तिने नकार दिल्यानंतर शारिरीक व मानसिक त्रास देणे सुरू झाले. बॅटरीमधील अॅसिड फरद पटेल यांच्या तोंडावर फेकून मारण्याचा प्रयत्न करण्यात आला. तसेच त्यांच्या मर्जीविरूद्ध गर्भपात करण्यात आला. फरद पटेल दुसऱ्या वेळेस गर्भवती असताना त्यांना मारहाण करण्यात आली. अखेर या प्रकरणी त्यांनी पोलिस ठाण्यात तक्रार केली. या तक्रारीनुसार आरोपी शेख वसीम शेख समद, झेबुन्नीसा शेख समद, अब्दुल समद अब्दुल कादर शेख, नसीम शेख रजा मुराद व शेख रजा मुराद शेख बशीर यांच्या विरूद्ध हुंड्यासाठी छळ करणे, मर्जीविना गर्भपात घडवून आणणे, मारहाण, धमक्या देणे आदी कलमानुसार गुन्हा दाखल करण्यात आला आहे.

पानटपरी जळाली

त्रिमुर्ती कॉलनी परिसरातील हॉटेल सायलीजवळील असलेल्या नॅशनल पान सेंटर या टपरीला रविवारी पहाटे (३० ऑगस्ट) आग लागली. टपरीमधील पानसुपारी, सिगारेटचा माल जळून खाक झाला. या आगीचे कारण समजू शकले नाही. अग्निशमन दलाच्या जवानांनीआग विझवली.

मोबाइल अॅप डाउनलोड करा आणि राहा अपडेट

कदमची ७५ कोटींची मालमत्ता?

August 30, 2015, 1:46 pm

≫ Next: ‘मनोविकृती’चा वॉर्ड सुरू होणार

≪ Previous: विवाहितेच्या तोंडावर फेकले अॅसिड

$

0

0

म. टा. प्रतिनिधी, औरंगाबाद

अण्णाभाऊ साठे विकास महामंडळाचे माजी अध्यक्ष रमेश कदम याची जिल्ह्यात सुमारे ७५ कोटी रुपयांची मालमत्ता असल्याचे प्राथमिक तपासात पुढे आले आहे. सीआयडीच्या पथकाने आमदार कदम याला शहरात आणून रविवारी चौकशी केली. त्याची जमीन, शेती, बंगला आदी मालमत्तांची माहिती पथकाने घेतली.

मोहोळ येथील राष्ट्रवादी काँग्रेसचे आमदार रमेश कदमला अण्णाभाऊ साठे आर्थिक विकास महामंडळातील गैरव्यवहाराच्या आरोपावरून १७ ऑगस्ट रोजी पुण्यातील एका पंचतारांकित हॉटेलतून अटक करण्यात आली. सीआयडीच्या नाशिक विभागाचे अधीक्षक प्रदीप देशपांडे व दत्तात्रय मंडलिक यांच्या पथकाने आमदार कदमला शनिवारी (२९ ऑगस्ट) तपासासाठी शहरात आणले होते. त्याला घेऊन पथकाने रविवारी (३० ऑगस्ट) पहाटे पाचपासून मालमत्तांच्या तपासणीला सुरुवात केली. कदम याने पैठण येथील सुत गिरणीचा ७१ कोटी रुपयांचा केलेला व्यवहार, सिडको एन वन भागातील बंगला, साजापूर शिवारातील चार एकर ३८ गुंठे जमीन, केम्ब्रिज स्कूलजवळील हिरापूर शिवारात घेतलेली जागा व इतर मालमत्तेची सीआयडीच्या पथकाने चौकशी केल्याची माहिती सूत्रांनी दिली. शहरातील राष्ट्रवादी काँग्रेसच्या काही नेत्यांचा या घोटाळ्यात समावेश आहे का या प्रश्नावर आमदार कदम याने तोंड उघडले नाही, अशी माहिती मिळाली. शहरातील मालमत्तांची चौकशी केल्यानंतर हे पथक त्याला घेऊन दुपारी एकच्या सुमारास अहमदनगरकडे रवाना झाले.

शहरातील एकाची चौकशी

सीआयडीच्या पथकाने शहरातील एका नागरिकाची चौकशी केली. या तरुणाच्या नावावर कदम याने तीस कोटी रुपये पाठवले होते. या रकमेतून एन १ येथील बंगला, हिरापूर येथील जमीन आदी व्यव्हार केले असल्याची माहिती सीआयडीच्या सूत्रांनी दिली.

लॉकअपमध्ये टाकण्यावरून गोंधळ

आमदार कदम याला शनिवारी रात्री शहरात आणल्यानंतर क्रांतिचौक पोलिस ठाण्याच्या लॉकअपमध्ये ठेवण्यासाठी नेण्यात आले. मात्र लॉकअपमध्ये आरोपींची संख्या जास्त असल्याने जागा उपलब्ध नव्हती. त्यामुळे त्याला सिटीचौक पोलिस ठाण्याच्या लॉकअपमध्ये ठेवण्यासाठी नेण्यात आले त्यावेळी कदम याने लॉकअपमध्ये राहण्यास नकार दिला. मात्र सीआयडीच्या अधिकाऱ्यांनी त्याची समजूत घातली.

मोबाइल अॅप डाउनलोड करा आणि राहा अपडेट

‘मनोविकृती’चा वॉर्ड सुरू होणार

August 30, 2015, 1:49 pm

≫ Next: निकाल पुन्हा रखडला

≪ Previous: कदमची ७५ कोटींची मालमत्ता?

$

0

0

म. टा. प्रतिनिधी, औरंगाबाद

शासकीय वैद्यकीय महाविद्यालय व रुग्णालयाच्या (घाटी) मनोविकृती विभागाचा दीड वर्षापासून बंद असलेला आंतररुग्ण विभाग (आयपीडी) येत्या आठ दिवसांत पुन्हा सुरू होणार आहे. या विभागाच्या सहाय्यक प्राध्यापकपदी डॉ. प्रदीप देशमुख यांची नुकतीच नियुक्ती झाली असून, डॉ. देशमुख हे रुजू झाले आहेत.

मनोविकृती विभागातील सहाय्यक प्राध्यापक डॉ. रश्मिन अचलिया यांनी सुमारे दीड महिन्यापूर्वी राजीनामा दिला होता. त्यानंतर निवड मंडळामार्फत मागच्या दोन आठवड्यांपूर्वी मुलाखती झाल्या व तीन उमेदवारांनी मुलाखती दिल्या. यापैकी डॉ. प्रदीप देशमुख यांची निवड झाली आहे. त्यांना काही दिवसांपूर्वीच नियुक्तीपत्र देण्यात आले असून, डॉ. देशमुख हे गुरुवारी रुजू झाले. दरम्यान, दीड वर्षापासून बंद असलेला बाह्यरुग्ण विभागही (आयपीडी) लवकरच सुरू होणार असल्याचे प्रशासनाने स्पष्ट केले आहे. सूत्रांनी सांगितल्यानुसार, पूर्वीच्याच १०७ क्रमांकाच्या वॉर्डामध्ये हा आंतररुग्ण विभाग सुरू होणार आहे.

त्यादृष्टीने प्रशासकीय हालचाली सुरू झाल्या आहेत. सद्यस्थितीत पूर्वीच्या ठिकाणी हा वॉर्ड सुरू करून नंतर इतर दुरुस्त्यांसह स्थलांतर करण्याच्या दृष्टीने प्रयत्न केले जाणार असल्याचे समजते. या संबंधी नूतन अधिष्ठाता डॉ. म्हस्के यांनी दोनच दिवसांपूर्वी वॉर्ड सुरू करण्याच्या सूचना केल्याचे समजते.

येत्या आठ दिवसांत मनोविकृती विभागाचा आंतररुग्ण विभाग सुरू होणार आहे. आता विभागामध्ये सहाय्यक प्रा. डॉ. देशमुख यांच्यासह वरिष्ठ निवासी डॉ. सादिक कुरेशी व दोन हाऊस ऑफिसर असल्यामुळे आयपीडी सुरू करण्यात कोणतीही अडचण नाही.

- डॉ. सुहास जेवळीकर, वैद्यकीय अधीक्षक, घाटी

मोबाइल अॅप डाउनलोड करा आणि राहा अपडेट

निकाल पुन्हा रखडला

August 30, 2015, 1:54 pm

≫ Next: भाकरीच्या चंद्रासाठी मजुरांचे स्थलांतर!

≪ Previous: ‘मनोविकृती’चा वॉर्ड सुरू होणार

$

0

0

म. टा. प्रतिनिधी, औरंगाबाद

डॉ. बाबासाहेब आंबेडकर मराठवाडा विद्यापीठातर्फे इंजिनीअरिंग द्वितीय, तृतीय वर्ष अभ्यासक्रमाचा निकाल ऑगस्ट संपला तरी जाहीर झालेला नाही. परीक्षा होऊन दोन महिने उलटले. आता निकाल केव्हा लागणार याकडे विद्यार्थ्यांचे लक्ष आहे. विद्यापीठाच्या इंजिनीअरिंग प्रथम वर्ष अभ्यासक्रमाचा निकाल यंदा सर्वाधिक उशिरा लागला. वेळेत निकाल जाहीर न झाल्याने तंत्रशिक्षण विभागाला थेट द्वितीय वर्षाची प्रक्रिया राबविण्यासाठी विलंब झाला. तर अंतिम वर्षाचा निकालही उशिरानेच जाहीर झाला. मात्र, अद्याप द्वितीय, तृतीय वर्षाचा निकाल रखडलेला आहे. निकाल केव्हा लागणार यासाठी विद्यार्थी विद्यापीठात फेऱ्या मारत आहेत. विद्यापीठातर्फे जूनमध्ये परीक्षा घेण्यात आल्या. १७ जूनला प्रथम तर द्वितीय वर्षाची परीक्षा २० जून रोजी संपली. परीक्षा होऊन दोन महिने उलटले आहेत.

वचक नाही

उत्तरपत्रिका तपासणीला प्राध्यापकच येत नसल्याचे परीक्षा विभागाचे म्हणणे आहे. वारंवार फोन केल्यानंतरही प्राचार्य प्राध्यापकांना उत्तरपत्रिका तपासणीच्या कामाला पाठवत नाहीत. बोटावर मोजण्याएवढेच प्राध्यापक उत्तरपत्रिका तपासणीला येत आहेत. त्यामुळे उत्तरपत्रिका तपासणीचे संथ गतीने सुरू आहे. विद्यापीठाकडून कोणत्याही प्रकारची कारवाई होत नसल्याने कॉलेजही विद्यापीठाच्या आदेशाला भीक घालत नाहीत. या सगळ्या गोंधळामुळे विद्यार्थ्यांचे शैक्षणिक नुकसान होत आहे.

कॉलेजांनी दिले तात्पुरते प्रवेश

निकाल लांबत असल्याने पुढील वर्षात विद्यार्थ्याला प्रवेश द्यायचा की नाही, असा प्रश्न कॉलेजांसमोर उभा आहे. कॉलेज सुरू होऊन पंधरा दिवस होत आले. मात्र, निकालाचा पत्ता नाही. निकाल लांबल्याने कॉलेजांनी तात्पुरत्या स्वरुपात प्रवेश देणे सुरू केले आहे.

उत्तरपत्रिका तपासणीसाठी आम्ही वारंवार प्राचार्यांना सूचना देत आहोत. अनेकदा प्राध्यापक येत नाहीत. त्यामुळेही विलंब होतो आहे. निकाल लवकरात लवकर जाहीर व्हावा यासाठी आमचे प्रयत्न सुरू आहेत.

- डॉ. प्रल्हाद लुलेकर, परीक्षा नियंत्रक, डॉ. बाबासाहेब आंबेडकर मराठवाडा विद्यापीठ

मोबाइल अॅप डाउनलोड करा आणि राहा अपडेट

---

भाकरीच्या चंद्रासाठी मजुरांचे स्थलांतर!

August 30, 2015, 1:56 pm

≫ Next: सलग सहाव्या वर्षी सफरचंद लगडली!

≪ Previous: निकाल पुन्हा रखडला

$

0

0

ramchandra.vaybhat@timesgroup.com

औरंगाबाद : दुष्काळामुळे अठराविश्व दारिद्र्य. वाढलेले कर्जबाजारीपण. घरात अन्नान्न दशा. हाताला रोजगार नाही. रोज एक शेतकरी आत्महत्या. जगणे हिरावून घेणाऱ्या परिस्थितीवर मात करण्यासाठी घरदार सोडण्याशिवाय पर्याय नाही. त्यामुळे बीड जिल्ह्यातल्या आष्टी, पाटोदा, शिरुरकासार, वडवणी भागातील शेकडो मजूर भाकरीच्या चंद्रासाठी पुणे-मुंबई, आैरंगाबाद जवळ करताहेत. चटका लावणाऱ्या या स्थलांतराने संपूर्ण मराठवाडा हादरून आणि हेलावून गेलाय.

नरेगाच्या माध्यमातून मागेल त्याला काम देण्याचे आश्वासन मुख्यमंत्री देवेंद्र फडणवीस यांनी दिले. मात्र, शेतकऱ्यांना तांत्रिक अडचण पुढे करत कामे नसल्याचे सांगितले जाते. दररोज ३०० रुपये मजुरी कमावणाऱ्या हातांना, आज दीडशेत कोणी काम देत नाही. परिस्थिती इतकी बिकट की स्त्री मजुरांना ७०-७५ रुपयांवर राबावे लागते. तरीही काम मिळत नाही. हातावर पोट असलेल्यांची आबाळ सुरू आहे. पिळवटून टाकणारी रडारड ऐकून चिमुकले भेदरतात. या काळजाच्या तुकड्यांना निदान पोटभर खायला मिळावे ही आस बाळगत विचंवाचे बिऱ्हाड पाठीवर घेऊन मजूर जात आहेत.

चारा छावण्या नाही

परतीचा पाऊस सप्टेंबरमध्ये हमखास पडेल, या भाबड्या आशेवर जिल्हा प्रशासनाचे नियोजन सुरू आहे. बीड जिल्ह्यांत शासनाने चारा छावण्या सुरू करण्याचा निर्णय घेतला. आठवड्याभरात ३५ प्रस्ताव प्रशासनाला प्राप्त झाले. मात्र, जिल्ह्यात अद्याप कुठेही चारा छावणी सुरू नाही.

ऊसतोडीवर प्रश्नचिन्ह

ऊसतोड कामागारांचा जिल्हा ही बीडची ओळख. हमखास काम, मजुरी मिळत असल्याने जिल्ह्यात ऊसतोड कामगारांची संख्या मोठी. यंदा मुळातच उसाची लागवड कमी. त्यामुळे मजुरी नाही. पश्चिम महाराष्ट्र, कर्नाटकातही काम नाही. या मुजरांच्या रोजीरोटीचा प्रश्न बिकट आहे.

बीड जिल्ह्यांतून लाखो ऊसतोड मजूर कामासाठी पश्चिम महाराष्ट्र, कर्नाटकात जातात. यंदा दुष्काळामुळे मजुरांच्या हाताला काम नाही. दुष्काळामुळे चारा म्हणून उसाचा वापर सुरू आहे. त्याचा मजुरांच्या रोजीरोटीवर परिणाम झाला. शेतीत कामे नसल्याने मजूर रोजगारासाठी पुणे, मुंबईकडे स्थलांतर करत आहेत.

- बाबासाहेब बांगर, अध्यक्ष, ऊसतोड मजूर मुकादम संघटना

दरवर्षी साडेचार लाख मजूर ऊसतोडीचे काम करतात. मात्र, सध्या दीड लाखापेक्षा जास्त मजुरांनी कामाच्या शोधात जिल्हा सोडला आहे. येत्या काळात हा आकडा तीन लाखांवर जाईल. प्रत्येकाला रोजगार हमीची कामे देणे शक्य असताना तांत्रिक अडचण पुढे करत मजुरांना कामे दिली जात नाहीत.

नामदेव चव्हाण, कार्याध्यक्ष, महाराष्ट्र राज्य शेतमजूर युनियन

मोबाइल अॅप डाउनलोड करा आणि राहा अपडेट

सलग सहाव्या वर्षी सफरचंद लगडली!

August 30, 2015, 1:41 pm

≫ Next: ‘मेकॅट्रॉनिक्स’ला उतरती कळा

≪ Previous: भाकरीच्या चंद्रासाठी मजुरांचे स्थलांतर!

$

0

0

म. टा. प्रतिनिधी, औरंगाबाद

सफरचंदाची झाडे, बाग म्हटले की डोळ्यासमोर येत तो थंड प्रदेश असलेला जम्मू काश्मीर, पण उष्ण प्रदेश असलेल्या मराठवाड्यातील औरंगाबादेतही सफरचंदाचे झाड आहे, यावर चटकन कोणाचाही विश्वास बसणार नाही. मात्र, जिल्ह्यातील पिशोर परिसरात गेल्या दहा वर्षांपासून सफरचंदाचे एका झाड आश्चर्यकारक वाढले असून सलग सहाव्यांदा त्यास फळधारणा झाली आहे. सध्या या झाडाला पन्नासहून अधिक सफरचंद लगडली असून कृषी विभागाने याचा अभ्यास करावा, अशी मागणी शेतकऱ्याने केली आहे.

पोलिस खात्यात असलेले पठाण उर्फ रऊफ निसर्गात रमणारे आहेत. २००५ साली त्यांनी घरी पूर्ण पिकलेले सफरचंद नेले. त्यातील काही बिया (सुमारे तीन महिने उन्हात वळविल्यानंतर) कुंडीत लावल्या.

काही दिवसातंच या बिया रुजल्या. उगलेले झाड हे सफरचंदाचे आहे किंवा नाही, हे समजून घेण्यासाठी पठाण यांनी सफरचंदाच्या झाडांची छायाचित्र पाहिली. हे झाड सफरचंदाचेच असल्याचे समोर येताच त्यांनी कीड लागू नये, चांगल्या प्रकार पोषण व्हावे, यासाठी अधिक काळजी घेतली. काही दिवसानंतर वाढलेली रोपटे त्यांनी कुंडीतून बाहेर काढले आणि एक घरासमोर तर दोन पिशोर येथील नातेवाईक शेख रऊफ शेख बाबू यांच्या शेतात लावली. घरासमोरील आणि शेतातील एक झाड काही महिन्यांत जळून गेले. मात्र, शेतातील एक झाड गेल्या दहा वर्षांपासून मोठ्या दिमाखात वाढले. गरजेनुसार पाणी, शेणखत देणे बस्स एवढीच ती काय काळजी घेत.

सुमारे १५ फूट उंच वाढलेल्या या झाडाला २००९मध्ये पहिल्यांदा फळधारणा झाली, पण काही दिवसांत फळे गळून पडली. आता त्यानंतर सलग सहाव्यांदा या झाडाला फळे लगडली आहेत.

सलग सहाव्यांदा झाडाला सफरचंद लगडली आहेत. सध्या पन्नासहून अधिक फळे आहेत. उष्ण भागात सफरचंद कशी आली, यांचा अभ्यास, संशोधन झाल्यास शेतकऱ्यांना उपयोग होईल.

- आर. ए. पठाण

मोबाइल अॅप डाउनलोड करा आणि राहा अपडेट

‘मेकॅट्रॉनिक्स’ला उतरती कळा

August 30, 2015, 1:51 pm

≫ Next: सत्ता येताच भाजप कार्यकर्ते सुस्तावले

≪ Previous: सलग सहाव्या वर्षी सफरचंद लगडली!

$

0

0

म. टा. प्रतिनिधी, औरंगाबाद

शासकीय तंत्रनिकेतनमध्ये मर्सिडिज बेंझच्या सहकायाने सुरू असलेला अॅडव्हान्स डिप्लोमा इन अॉटोमोटिव्ह मेकॅट्रॉनिक्स अभ्यासक्रमाला उतरती कळा लागली आहे. गेल्या वर्षी बंद पडलेला अभ्यासक्रम यंदाही सुरू होण्याची शक्यता कमीच आहे. कॉलेज प्रशासनाच्या दुर्लक्षामुळे विभाग केवळ शोभेची वस्तू म्हणून शिल्लक आहे.

औरंगाबाद परिसरात अॉटो उद्योगाचा विस्तार आणि नोकरीच्या संधी विचारात घेऊन अॅडव्हान्स डिप्लोमा इन अॉटोमोटिव्ह मेकॅट्रॉनिक्स अभ्यासक्रमाची सुरुवात करण्यात आली. मर्सिडिज बेंझ कंपनीच्या सहकार्याने शासकीय पॉलिटेक्निकमध्ये हा अभ्यासक्रम सुरू करण्यात आला. त्याला स्वतंत्र इमारत, शिक्षकांची नेमणूक करण्यात आली, परंतु मागील वर्षापासून हा अभ्यासक्रम बंद पडला आहे. यंदा ऑगस्ट उजाडला तरी हा अभ्यासक्रम सुरू झालेला नाही, याबाबत निश्चिती नाही. पात्र शिक्षकांची वाणवा, शिक्षकांच्या कुरघोड्या यामुळे अभ्यासक्रमाला उतरती कळा लागल्याचे बोलले जात आहे.

ऑटोक्षेत्रात क्षेत्रात मराठवाड्यातील विद्यार्थ्यांना नोकरीच्या संधी मिळाव्यात म्हणून २००९पासून हा अभ्यासक्रम सुरू करण्यात आला. या अभ्यासक्रमात विद्यार्थ्यांना कार दुरुस्तीचे जागतिक स्तरावरील अत्याधुनिक तंत्रज्ञान उपलब्ध करून देण्यात आले. अभ्यासक्रमाची रचना कंपनीनेच केली आहे. देशभरात केवळ पुणे आणि औरंगाबाद अशा दोन ठिकाणीच हा अभ्यासक्रम शिकविला जातो. त्यासाठी कंपनीने प्रात्यक्षिकांसाठी विविध कारचे इंजीन मर्सिडिज बेंझ दिलेली आहे.

अत्याधुनिक कार धूळखात

कंपनीने अभ्यासक्रम सुरू करताना अत्याधुनिक उपकरणांसह कारही दिली. यानंतर दोन वर्षांपूर्वी 'सी-२४०' ही ४७ लाख रुपये किमतीची कार दिली आहे. प्रशासनाच्या दुर्लक्षामुळे २०१४पासून हा अभ्यासक्रम बंद आहे. यामुळे अत्याधुनिक उपकरणे, कार आदी धूळखात पडून आहेत.

मोबाइल अॅप डाउनलोड करा आणि राहा अपडेट

सत्ता येताच भाजप कार्यकर्ते सुस्तावले

August 30, 2015, 6:30 pm

≫ Next: कॉलेजांना विद्यापीठाचा रतीब

≪ Previous: ‘मेकॅट्रॉनिक्स’ला उतरती कळा

$

0

0

म. टा. प्रतिनिधी, औरंगाबाद

केंद्रात दहा वर्षे तर राज्यात १५ वर्षांचा वनवास संपत भारतीय जनता पक्षाचे सरकार खुर्चीवर आरूढ झाले. सत्ता येताच भाजपचे कार्यकर्ते सुस्तावले आहेत. मराठवाड्यातील दुष्काळाची तीव्रता ओळखून खुर्ची गेलेल्या काँग्रेस-राष्ट्रवादी काँग्रेसने रान पेटविले आहे. सत्तेत असूनही लोकांच्या प्रश्नांवर शिवसेना आक्रमक झाली आहे. तुलनेत भाजप मात्र फार मागे पडला आहे. त्याची दखल घेऊन आता वरिष्ठ मंडळी सक्रिय झाली आहेत.

केंद्रातील सत्ता बदलाचा आनंद ओसरण्यापूर्वीच राज्यात विधानसभा निवडणुका झाल्या. भाजपने कधी नव्हे ते घवघवीत यश मिळविले. शिवसेनेला सोबत घेऊन सत्ता स्थापन केली. वर्षभरात दुष्काळ, गारपीटीसारखे संकटे आली. त्यातून मार्ग काढताना यंदा पुन्हा एकदा मराठवाड्यातील भीषण दुष्काळाला सरकारला तोंड द्यायचे आहे. ही गंभीर परिस्थिती ओळखून राष्ट्रवादी काँग्रेसचे अध्यक्ष शरद पवार ३५ वर्षांनंतर रस्त्यावर उतरले. उस्मानाबादेत मोर्चा काढून त्यांनी सरकारला इशारा दिला. १५ वर्षे विरोधीपक्षात असलेल्या भाजपला सत्तेत आल्यानंतर असल्या संघर्षांना आता तोंड द्यावे लागणार आहे. पवारांनंतर काँग्रेस नेते नारायण राणे मराठवाड्यात आले. विरोधी पक्ष नेते राधाकृष्ण विखे पाटील पूर्वीच येऊन गेले होते. प्रदेशाध्यक्ष अशोक चव्हाण यांचेही दौरे सुरू झाले.

सत्तेत असलेल्या शिवसेनेनेही दुष्काळ निवारणासाठी नांदेड, जालना जिल्ह्यात कार्यक्रम हाती घेतला आहे. तीन प्रमुख पक्ष सक्रिय झालेले असताना भाजप मात्र मागे आहे. सरकारने राबविलेल्या योजनांची माहिती सर्वसामान्य लोकांपर्यंत पोचविण्यात भाजप कार्यकर्ते कमी पडत असल्याचे पक्षाच्या ज्येष्ठ नेत्यांनी जाणले आहे. आठवडाभरापूर्वी औरंगाबादेत राष्ट्रीय स्वयंसेवक संघाच्या पश्चिम विभागीय पदाधिकाऱ्यांची बैठक झाली. या बैठकीत संघाच्या ज्येष्ठ नेत्यांनी सरकारच्या कार्यपद्धतीवर नाराजी व्यक्त केली होती. भाजपने लोकाभिमुख झाले पाहिजे, असा सल्लाही देण्यात आला होता.

भाजपचे राष्ट्रीय अध्यक्ष अमित शहा यांनी देशभरात भाजपसाठी एक कार्यक्रम जाहीर केला. प्रत्येक राज्यात प्रशिक्षण महाभियान घेण्याचे आदेश त्यांनी दिले आहेत. राज्याचा पहिला टप्पा नुकताच पार पडला. आता विभागीय पातळीवर कार्यकर्त्यांना बोलावून सरकारच्या कामांची जंत्री गावागावात पोचविण्याचा संदेश दिला जात आहे. अशा प्रकारची प्रशिक्षण शिबिरे १९९८ पर्यंत होत होती. त्यात तब्बल १७ वर्षांचा खंड पडला. त्यामुळे पक्ष धोरण आणि कार्यकर्त्यांची वाटचाल यात गॅप आला आहे. तो भरून काढण्यासाठी आता वरिष्ठ पातळीवरून हालचाली सुरू झाल्या आहेत. एक सप्टेंबरपासून मुख्यमंत्री देवेंद्र फडणवीस मराठवाड्याच्या दौऱ्यावर येत आहेत. त्या पार्श्वभूमीवर औरंगाबादेत घेण्यात आलेल्या विभागीय प्रशिक्षण शिबिरास महत्व प्राप्त झाले आहे. भाजप प्रदेशाध्यक्ष खासदार रावसाहेब दानवे यांनी मार्गदर्शन करताना भाजप कार्यकर्त्यांना कानपिचक्या दिल्या. लोकांपर्यंत पोचा, काम करा, सरकारच्या निर्णयाची माहिती कळवा, असा सल्ला देत सक्रिय राहावे, असेही त्यांनी अप्रत्यक्षपणे सूचित केले.

कमिट्यांसाठी धडपड

महामंडळाच्या नियुक्त्या जाहीर होणार आहेत. आपली वर्णी लागावी, यासाठी राज्यभरातील नेते, पदाधिकारी धडपड करत आहेत. सप्टेंबर अखेर नियुक्त्या जाहीर होणार आहेत. राज्यातील दुष्काळी दौरे संपल्यानंतर मुंबईतून याची घोषणा होईल. कमिट्यांऐवजी पक्षवाढीसाठी काम करण्याचा सल्ला आता वरिष्ठ नेते देत आहेत.

मोबाइल अॅप डाउनलोड करा आणि राहा अपडेट

कॉलेजांना विद्यापीठाचा रतीब

August 30, 2015, 1:58 pm

≫ Next: जाचक अटींमुळे चारा छावणीचालक त्रस्त

≪ Previous: सत्ता येताच भाजप कार्यकर्ते सुस्तावले

$

0

0

ashsish.choudhari@timesgroup.comm

औरंगाबाद : एकूण परीक्षा शुल्कातील १५ टक्के रक्कम म्हणजेच दरवर्षी सुमारे पाच कोटी रुपये विद्यापीठ फंडातून संलग्न कॉलेजांना देण्याचा धक्कादायक निर्णय डॉ. बाबासाहेब आंबेडकर मराठवाडा विद्यापीठाच्या मावळत्या व्यवस्थापन परिषदेने घेतला आहे. त्यामुळे जाता-जाता संस्थाचालकांचा कायमस्वरूपी फायदा केल्याच्या चर्चेला शैक्षणिक वर्तुळात तोंड फुटले आहे.

युरोप दौरा, पदभरतीतील हस्तक्षेप अशा अनेक प्रकरणांमुळे गाजत असलेली अधिकार मंडळांची कारर्कीद या निर्णयाने पुन्हा चर्चेत आहे. या निर्णयाचे परिपत्रक परिषदेच्या बैठकीच्या एक दिवस आधी काढण्यात आले. प्रश्नपत्रिकांच्या छायांकित प्रती काढणे, विद्यार्थ्यांच्या उपस्थितीचा अहवाल, हॉलतिकीट, लेखी व प्रात्यक्षिक परीक्षांची देयके, केंद्रप्रमुख, पर्यवेक्षकांचे मानधन देण्यासाठी विद्यापीठ निधीतून १५ टक्के वाटा कॉलेजांना द्यावा, अशी मागणी दोन वर्षांपूर्वी पुढे आली. याबाबत समिती नेमण्यात आली. तिच्या अहवालास एप्रिलमध्ये परिषदेने मंजुरी दिली. कॉलेजांना एकत्र निधी देण्याचा पायंडा नको, अशी भूमिका तत्कालीन परीक्षा नियंत्रक डॉ. अशोक चव्हाण यांच्यापासून विद्यमान परीक्षा नियंत्रकांनीही मांडली होती. त्यांच्या विरोधामुळे विद्यापीठाने एप्रिल ते ऑगस्टपर्यंत याबाबतचे परिपत्रक काढले नाही. अधिकार मंडळांची मुदत ३१ ऑगस्टला संपत असल्याने काही सदस्यांनी याबाबत आग्रह धरल्याचेही सूत्रांनी सांगितले. अखेर याबाबत परिपत्रक काढण्यात आले.

२५ टक्क्यांची शिफारस

प्राचार्यांची समिती नेमण्यात आली होती. या समितीने तब्बल २५ टक्के रक्कम कॉलेजांना द्यावी, अशा प्रकारची शिफारस केली. मात्र, यालाही जोरदार विरोध झाला. सूत्रांनी दिलेल्या माहितीनुसार यावर तोडगा काढत १५ टक्के वाटा देण्यात यावा असे ठरल्याचे कळते. अशा प्रकारे शुल्कातील थेट पंधरा टक्के वाटा देणारे राज्यातील डॉ. बाबासाहेब आंबेडकर मराठवाडा विद्यापीठ हे एकमेव विद्यापीठ ठरले आहे.

विद्यार्थ्यामागे २५ रुपये

विद्यापीठ परीक्षा मंडळाने डॉ. एच. जी. विधाते यांच्या अध्यक्षतेखाली २०१४मध्ये समिती नेमली. यात डॉ. शिवाजी थोरे, डॉ. एस. व्ही. बिराजदार यांचा समावेश होता. समितीने प्रथम वर्षासाठी २५ टक्के वाटा यासह द्वितीय आणि तृतीय वर्षासाठी प्रत्येक विद्यार्थ्यामागे २५ रुपये विद्यापीठाने द्यावेत अशी शिफारस केली होती.

निर्णयाला पूर्वीच मंजूरी मिळाली आहे. याबाबतचे परिपत्रक फक्त आता काढण्यात आले. या निधीतून कॉलेजांनाच खर्च करावा लागेल.

- डॉ. प्रल्हाद लुलेकर, परीक्षा नियंत्रक

ऑनलाइन कामकाजामुळे विद्यापीकडे फारसे काम राहिलेले नाही. कॉलेजांचे काम, खर्च वाढला आहे. या निधीतून कॉलेज खर्च करतील. दुसरे काही नाही.

- डॉ. शिवाजी मदन, सदस्य, व्यवस्थापन परिषद

परीक्षेच्या कामात कॉलेजांची धावपळ उडते. त्यामुळे अनेक वर्षांपासून सर्व प्राचार्यांची ही मागणी होती. परीक्षांसाठी लागणारा निधी यातून खर्च केला जाईल. त्यामुळे विद्यापीठाचा खर्च वाचेल. आमची मागणी तर २५ टक्क्यांची होती.

- डॉ. एच. जी. विधाते, अध्यक्ष, विद्यापीठ परीक्षा मंडळ उपसमिती

मोबाइल अॅप डाउनलोड करा आणि राहा अपडेट