पर्यटन हंगामाला आला बहार

September 18, 2015, 11:53 am

≫ Next: पावसात महावितरणचीही परीक्षा

≪ Previous: लेणी भागातील धबधबे वाहू लागले धबाबा

$

0

0

म. टा. प्रतिनिधी, औरंगाबाद

पावसाअभावी श्रावण महिना कोरडा राहिल्याने जिल्ह्यातील पर्यटनस्थळांवर गर्दी अभावानेच दिसली, मात्र गुरुवारी रात्री झालेल्या पावसाने पर्यटकांची गर्दी खेचली. या पावसात औरंगाबाद लेणीवरील धबधबा कोसळताच शुक्रवारी (१८ सप्टेंबर) दिवसभर मनसोक्त भिजण्यासाठी पर्यटकांची झुंबड उडाली.

वेरूळ-अजिंठा लेणी, देवगिरी किल्ला, म्हैसमाळ, खुलताबाद व औरंगाबाद लेणी ही पर्यटनस्थळे लोकप्रिय ठिकाणे आहेत. यंदा पावसाने दडी मारल्याने पर्यटनस्थळी हिरवळ दिसली नाही. तसेच आकर्षक धबधबे कोसळले नाही. त्यामुळे सर्व पर्यटनस्थळी पर्यटकांची जेमतेम गर्दी होती. एकूण पर्यटन व्यवसायावरही त्याचा परिणाम जाणवत होता. मात्र, गुरुवारी रात्री झालेल्या जोमदार पावसाने पर्यटनस्थळांवर गर्दी उसळली. औरंगाबाद लेणीचा धबधबा कोसळताच सर्वांच्या उत्साहाला उधाण आले. या धबधब्याखाली मनसोक्त भिजण्यासाठी तरुणाईने गर्दी केली. तर वेरूळ लेणीवरील सीता न्हाणीचा धबधबाही वाहू लागला आहे. म्हैसमाळ, सारोळा या थंड हवेच्या स्पॉटवर सध्या आल्हाददायक वातावरण तयार झाले आहे. येत्या आठवड्यात सर्वत्र हिरवळ तयार होऊन पर्यटनयोग्य वातावरण तयार होणार आहे.

मोबाइल अॅप डाउनलोड करा आणि राहा अपडेट

---

पावसात महावितरणचीही परीक्षा

September 18, 2015, 11:57 am

≫ Next: कोसळधारामुळे घाटीतील तीन चतुर्थांश रुग्ण घटले

≪ Previous: पर्यटन हंगामाला आला बहार

$

0

0

अनेक भागात वीज गायब

म.टा. प्रतिनिधी, औरंगाबाद

गुरुवारी रात्री धो धो कोसळलेल्या पावसाने नागरिकांसोबतच महावितरणच्या अधिकारी-कर्मचाऱ्यांचीही मोठी परीक्षा घेतली. पावसाने अनेक भागात वारंवार वीज पुरवठा खंडित होत होता. तो सुरळित करताना वीज कर्मचाऱ्यांची त्रेधातिरपीट उडाली.

गुरुवारी गणपतीच्या आगमनासोबतच शहरात सर्वत्र पाऊस सुरू झाला. रात्रीच्या वेळी त्याने उग्र रुप धारण केले होते. त्यामुळे अनेक भागातील वीज गायब झाली. पडेगावात सात तास तर देवळाई, सातारा भागात तीन ते चार तासासाठी वीज पुरवठा खंडित झाला होता. शहरातील आझाद चौक, औरंगाबाद टाईम्स कॉलनी, चाणक्यपुरी, दशमेशनगर, ग्रामीण फिडर, औरंगपुरा, देवळाई चौक, सातारा परिसर, होलिक्रॉस, पैठण गेट, चिकलठाणा, निजामोद्दीन चौक, दशमेशनगर, पेठेनगर, नेहरू भवन आणि गणेश कॉलनीसह अनेक भागातील वीज गेली. तारा एकमेकांना चिकटणे, इन्सुलेटर गरम होऊन फुटणे, इन्सुलेटर पंक्चर होणे, खांब पडणे तसेच रोहित्र नादुरूस्त होण्याचे प्रकार प्रकार अनेक ठिकाणी घडले. पाऊसाचा जोर वाढल्याने काही भागात तासभर तर काही भागात तीन ते चार तास वीज पुरवठा खंडित झाला होता.

पोखरी, बोडखा, येसगाव गावठाण, गारज, गळनिबं, भेंडाळा, दहेगाव, पालखेड, आमठाण, तीसगाव, बिडकीन, फर्दापूर, तोंडापूर, नागापूर, शिऊर, देऊळगाव, येसगाव, बाजारसांवगी, पाटोदा, शिवराई, पल्लोड, अन्वी, आसडी, डागपिंपळगाव, मानका, नायगाव, सिरसाला, अंभई आदी गावांमध्येही वीज पुरवठा खंडित झालेला होता. ठिकठिकाणाहून वीज गेल्याच्या तक्रारी महावितरण कार्यालयात येत होत्या. वीज पुरवठा सुरळित करण्यासाठी कर्मचारी प्रयत्नांची शर्थ करीत होते, मात्र वीज जाण्याच्या ठिकाणांची संख्या मोठी असल्याने मनुष्यबळ कमी पडले. त्यामुळे अनेकांची नाराजी कर्मचाऱ्यांना ओढवून घ्यावी लागली.

मोबाइल अॅप डाउनलोड करा आणि राहा अपडेट

कोसळधारामुळे घाटीतील तीन चतुर्थांश रुग्ण घटले

September 18, 2015, 12:04 pm

≫ Next: प्रशासनाने केला घात; गर्भाचा मृत्यू

≪ Previous: पावसात महावितरणचीही परीक्षा

$

0

0

औरंगाबाद : तब्बल बारा-पंधरा तासांपेक्षा जास्त काळापासून झालेल्या जोरदार पावसामुळे शासकीय वैद्यकीय महाविद्यालय व रुग्णालयाच्या (घाटी) बाह्यरुग्ण विभागातील (ओपीडी) तीन चतुर्थांश रुग्ण घटले. घाटी प्रशासनाकडून मिळालेल्या आकडेवारीनुसार शुक्रवारी केवळ ५११ रुग्णांची 'ओपीडी'मध्ये नोंद झाली. हीच रोजची रुग्णसंख्या सरासरी २,००० ते २,५००० पर्यंत असते.

बहुतांश मराठवाड्यामध्ये गुरुवारी सायंकाळपासून सुरू झालेल्या जोरदार पावसामुळे बाहेर गावांहून येणाऱ्या बहुतांश रुग्णांनी घाटीच्या ओपीडीमध्ये येणे रद्दच केले. जे काही रुग्ण शुक्रवारी 'ओपीडी'मध्ये आले, त्यातील बहुतांश रुग्ण हे शहरातील आणि त्यातही घाटीजवळ राहणारे आहे. पावसामुळे रिक्षा, सहा आसनी रिक्षांची वाहतूकही कमालीची रोडावली. रिक्षांची संख्या रोडावल्यामुळे खासगी ट्रॅक्सीला प्रचंड मागणी वाढली. त्याचवेळी गणेशोत्सवामुळे एरवीही काहीअंशी रुग्णसंख्या रोडावते. या सगळ्याचा परिणाम घाटीच्या ओपीडीवर झाल्याशिवाय राहिला नाही. 'ओपीडी'सह आंतररुग्ण विभागावरही (आयपीडी) चांगलाच परिणाम झाला. अपघात विभागासह विविध वॉर्डांमध्येही सकाळपासून दुपारी साडेबारापर्यंत केवळ ७३ रुग्ण दाखल झाले. एरवी 'आयपीडी'मध्ये १५० ते २०० रुग्ण दाखल होतात.

मोबाइल अॅप डाउनलोड करा आणि राहा अपडेट

प्रशासनाने केला घात; गर्भाचा मृत्यू

September 18, 2015, 12:05 pm

≫ Next: जयभवानीनगरच्या नागरिकांनी रात्र काढली जागून

≪ Previous: कोसळधारामुळे घाटीतील तीन चतुर्थांश रुग्ण घटले

$

0

0

म.टा. प्रतिनिधी, औरंगाबाद

अंधारात पाय घसरून पडल्यामुळे गर्भवती महिलेच्या पोटातील चिमुकल्याचा बळी गेल्याची दुर्देवी घटना घडली आहे. पहाडसिंपुरा परिसरातील बेघर झालेल्या जोडप्याबाबत हा प्रकार घडला. मंगळवारी रात्री आठ वाजता ही घटना घडली. महिलेवर सध्या घाटीत उपचार सुरू आहे. प्रशासनाच्या आदेशाने या परिसरातील विद्युत पुरवठा महावितरण कंपनीने बंद केला आहे. प्रशासन या घटनेला जबाबदार असून याप्रकरणी गुन्हा दाखल करणार असल्याचा इशारा या महिलेच्या पतीने दिला आहे.

सुभाष उत्तमराव कटक (वय ३५) हा तरुण मजुरी काम करतो. येथील रेणुकामातानगर, ताजमहल कॉलनी परिसरात त्याने १९९९ साली अब्दुल रऊफ याच्याकडून ४० हजार रूपयांत प्लॉट घेऊन घर बांधले. तो पत्नी सुरेखा, व दोन मुलीसोबत येथे राहतो. नुकत्याच झालेल्या महसूल विभागाच्या कारवाईमध्ये ही जमीन मूळ मालक माधवराव सोनवणे यांच्या ताब्यात देण्यात आली. येथील वीज पुरवठाही महावितरण कंपनीने खंडित केला आहे. इतर रहिवाशांप्रमाणे सुभाषच्या घराला देखील सील लावून त्याला बाहेर काढण्यात आले आहे. सध्या घरासमोरील पत्र्याच्या शेडमध्ये सध्या कटक कुटुंबीयाचे वास्तव्य आहे. त्याची पत्नी सुरेखाच्या पोटात नऊ महिन्याचा मुलाचा गर्भ होता. मंगळवारी रात्री आठ वाजता सुरेखा घराबाहेर येत असताना अंधारात पाय घसरल्याने खाली कोसळली. रात्री त्यांना घाटीत नेण्यासाठी कोणतेही साधन नसल्यामुळे सकाळी त्यांना घाटीत नेण्यात आले. यावेळी डॉक्टरांनी तपासणी केली असता पोटातील गर्भाचा मृत्यू झाल्याचे स्पष्ट झाले.

घरासमोरच अंत्यविधी

या घटनेने कटक कुटु्ंब हतबल झाले आहे. इवलेसे बाळ आपल्या घरात येणार या आनंदात ते होते, मात्र घराचा ताबा गेल्यापासून ते अस्वस्थ झाले होते. अशातच ही दुर्देवी घटना घडली. चिमुकल्याचे कलेवर त्यांनी घरासमोरच पुरल्याची माहिती दिली.

रात्री वीज नसल्याने सर्वत्र अंधार होता. वादग्रस्त जमीन आम्हाला विकून आमची फसवणूक करण्यात आली आहे. या घटनेला महावितरण, तहसील कार्यलय तसेच आम्हाला प्लॉट विक्री करणारा अब्दुल रऊफ व आमच्या घराचा ताबा घेणारे माधव सोनवणे जबाबदार आहेत. या सर्वांविरूद्ध मी गुन्हा दाखल करणार आहे.

- सुभाष कटक

मोबाइल अॅप डाउनलोड करा आणि राहा अपडेट

जयभवानीनगरच्या नागरिकांनी रात्र काढली जागून

September 18, 2015, 12:07 pm

≫ Next: डोईवर छत नाही, धरणीही भिजली

≪ Previous: प्रशासनाने केला घात; गर्भाचा मृत्यू

$

0

0

म. टा. प्रतिनिधी, औरंगाबादः

'आधीच पाडली गेलेली घरे, त्यात रात्रीपासून सुरू असलेला हा मुसळधार पाऊस, त्यामुळे अख्खी रात्र घराच्या कोपऱ्यात बसून काढली. अडीच वर्षांचा नातू, सून कोणीही झोपू शकले नाही...' मुकुंदवाडी रेल्वे स्टेशनजवळील जयभवानीनगरमधील रुख्मणाबाई फतापुरे आपले दुःख मांडत असताना त्यांचे डोळेही पाण्याने डबडबले. या भागातील सर्वच घरांमधील परिस्थिती अशीच होती. गुरुवारी रात्री झालेल्या पावसाने सर्वांनाच रात्र जागून काढावी लागली.

जयभवानीनगर चौक ते मुकुंदवाडी रेल्वे स्टेशनच्या मार्गावरील प्रस्तावित रस्त्याच्या आड येणारी बांधकामे काही दिवसांपूर्वी तोडण्यात आली. या पाडापाडीनंतर अनेक कुटुंब रस्त्यावर आली आहेत. काल रात्रीच्या पावसाने त्यांच्यावरील संकटामध्ये मोठीच भर पडली. या पाडापाडीत एकाच रूमची जागा वाचल्याने घरासमोर प्लास्टिक ताडपत्री लावून सुगंधा शिकरे यांच्या कुटुंबाला रात्र सरण्याची वाट पहात बसावे लागले. सुंगधा शिकरे यांचे पती मानसिंग शिंकरे यांना पॅरेलिसीसचा झाला आहे. अशाही परिस्थितीत त्यांना कुटुंबासाठी आधार द्यावा लागला. आपल्या कुटुंबातील सदस्यांना पावसापासून वाचविण्यासाठी त्यांचीही प्रयत्नांची शर्थ सुरू होती. या मार्गावरील अनेक तुटलेल्या घराच्या बाधकांमास अनेकांनी सुरुवात केली होती. काहींनी पत्रे लावून आपल्या घराची तोडफोड वाचविण्याचा प्रयत्न केला. मात्र, जोरदार पावसाने त्यांच्या स्वप्नांवर पुन्हा पाणी फेरले. डोक्यावर अर्धवट तेही गळणारे छत आणि खाली जमीन पूर्ण ओली अशी परिस्थिती या भागात झाली होती. या परिस्थितीतूनही बाहेर पडण्यासाठी पावसाचा जोर ओसरल्यानंतर त्यांनी प्रयत्न सुरू केले.

कालची रात्र आणि आजचा दिवस आमच्यासाठी अडचणीचा ठरला. आमचे कुटुंब रस्त्यावर असल्यामुळे पावसापासून बचाव तरी कसा करणार? घरातील सातही सदस्यांन रात्र कशीबशी काढावी लागली.

- रुख्मणबाई फतापूरे

आमची घरे आधी तोडली. आता पावसामुळे मोठी दैना झाली. यापुढे तरी महापालिकेने व्यवस्थित मार्किंग करून द्यावे. आमच्या घराचा आणखी काही भाग जाणार असेल तर तोही देऊ, पण कृपा करून आता पुन्हा बांधल्यावर घरांवर बुलडोझर चालवायला येऊ नका.

- सुगंधा मानसिंग शिकरे

मोबाइल अॅप डाउनलोड करा आणि राहा अपडेट

डोईवर छत नाही, धरणीही भिजली

September 18, 2015, 12:09 pm

≫ Next: हर्सूल तलावात नऊ फूट पाणी

≪ Previous: जयभवानीनगरच्या नागरिकांनी रात्र काढली जागून

$

0

0

म. टा. प्रतिनिधी, औरंगाबाद

चोवीस तासांपासून सुरू असलेली संततधार. कधी-कधी मध्येच वाढणारा पावसाचा जोर. यामुळे पहाडसिंगपुऱ्यातील बेघर रहिवाशांचे हाल सुरू आहेत. पत्र्याच्या खोपटात, ताडपत्रीखाली बसून रहिवाशांनी 'पाऊस-रात्र' काढली.

पहाडसिंगपुरा परिसरातील रेणुकामातानगर, ताजमहल कॉलनी येथील जमिनीचा ताबा ३१ ऑगस्ट रोजी मूळ मालकाला देण्यात आला. त्यामुळे या नागरिकांना घराबाहेर काढण्यात आले आहे. गुरुवारी सायंकाळपासून पावसाला सुरुवात झाली. त्यामुळे उघड्यावर असणाऱ्या अनेक कुटुंबांनी रात्र ताडपत्रीखाली जागून काढली. वीज नसल्यामुळे अंधार, कोसळणारा पाऊस, सोबत लहान मुले यामुळे लोकांचे हाल झाले. गुरुवारी गणेशोत्सव सुरू झाला. अनेकांनी उघड्यावर बाप्पांची प्रतिष्ठापना केली आहे.

रात्री धो-धो पाऊस सुरू झाल्यावर नागरिकांच्या त्रासात आणखीच भर पडली. यातच या भागातील वीज पुरवठा काढून घेतलेला असल्याने एककडे अंधार तर दुसरीकडे प्रचंड पाऊस असे दुहेरी संकट त्यांच्यावर कोसळले होते.

प्रशासनाने डोक्यावरचे छत हिरावून घेतले आहे. त्यात पावसाचा कहर सुरू आहे. कालपासून पावसामुळे पत्र्याच्या आडोशाला राहावे लागत आहे. आमच्या घराचा ताबा लवकर देण्यात यावा.

- विजय चौधरी

गणपती बाप्पा सर्वांची विघ्ने दूर करतात. आमचे तारणहार देखील तेच आहेत. त्यांचा सण साजरा तर करावाच लागेल. घराला सील असले तरी घराच्या अंगणात आम्ही गणपती बसवून गणेशोत्सव साजरा करणार आहोत.

- संतोष कुरील

गेल्या अठरा दिवसांपासून आमचे हाल सुरू आहेत. पावसामध्ये घरासमोर ताडपत्रीखाली बसून आहोत. घराला सील लावण्यात आले आहे. काय करणार, घराचा ताबा सोडून कुठे जावे, हा प्रश्न निर्माण झाला आहे.

- शारदाबाई कुरील

मोबाइल अॅप डाउनलोड करा आणि राहा अपडेट

हर्सूल तलावात नऊ फूट पाणी

September 18, 2015, 12:12 pm

≫ Next: शाळेभोवती साचले तळे; भोलानाथची सुटी मिळे

≪ Previous: डोईवर छत नाही, धरणीही भिजली

$

0

0

औरंगाबाद : दोन वर्षांपासून कोरडा पडलेल्या हर्सूल तलावात जोरदार पावसाने नऊ फूट पाणी आले आहे. कालपर्यंत तलावातील पाण्याची पातळी चार फूट होती. गुरुवारी रात्री व आज दिवसभर झालेल्या पावसामुळे पाण्याच्या पातळीत पाच फुटाने वाढ झाली. तलावात अजूनही पाण्याची आवक सुरू आहे. जुन्या शहरातील सोळा वॉर्डांना हर्सूल तलावातून पाणीपुरवठा केला जातो, पण हा तलाव दोन वर्षांपासून कोरडा होता.

त्यामुळे जायकवाडी धरणातील पाण्याच्या आधारे या वॉर्डांना पाणीपुरवठा केला जात होता. गतवर्षी आणि यंदाही या तलावातून मोठ्या प्रमाणावर गाळाचा उपसा करण्यात आला. त्यामुळे तलावाची पाणी साठवण्याची क्षमता वाढली. मात्र, यंदाच्या पावसाळ्यात समाधानकारक पाऊस पडत नव्हता. त्यामुळे यावर्षीही हा तलाव कोरडा राहील असे मानले जात होते.

पातळी १५ फुटांवर जाणार

गुरुवारी रात्रीपासून सुरू झालेल्या जोरदार पावसामुळे तलावातील पाणी पातळी वाढली. या तलावाची पाणी साठवण्याची क्षमता २८ फूट आहे. सध्या नऊ फूट पाणी तलावात साचले आहे. तलावात पाण्याचा ओघ सुरूच आहे. त्यामुळे उद्या शनिवारपर्यंत पाण्याची पातळी पंधरा फुटापर्यंत जाईल असे मानले जात आहे.

मोबाइल अॅप डाउनलोड करा आणि राहा अपडेट

शाळेभोवती साचले तळे; भोलानाथची सुटी मिळे

September 18, 2015, 12:14 pm

≫ Next: दुष्काळात पावसाचा दणका !

≪ Previous: हर्सूल तलावात नऊ फूट पाणी

$

0

0

म. टा. प्रतिनिधी, औरंगाबाद

'सांग सांग भोलानाथ,

पाऊस पडेल काय,

शाळेभोवती तळे साचून,

सुटी मिळेल काय,'

चिमुकल्यांच्या ओठावरले हे गाणे शुक्रवारी भोलनाथने आणि दमदार बरसलेल्या पावसाने खरे केले. बाप्पांच्या आगमनासोबत आलेल्या मुसळधार पावसाने बच्चेकंपनीला दुहेरी आनंद दिला. शुक्रवारी सकाळीही पाऊस सुरू असल्याने शहरातील बहुतांश शाळांचे पहिले सत्र अगदी नावापुरते झाले.

अनेक शाळांतील विद्यार्थी संख्या रोडावलेली होती. त्यामुळे मधल्या सुटीनंतर या शाळांना सुटी दिली गेली तर, काही शाळांनी पूर्ण सुटी जाहीर केली. बच्चेकंपनीचा किलबिलाट नसल्याने शाळा ओस पडल्या होत्या. गुरुवारी सुरू झालेला पाऊस शुक्रवारी सकाळीही होता. सकाळच्या सत्रात भरणाऱ्या शाळांमधून विद्यार्थीसंख्या कमी झाली होती. पावसाचा जोर कायम असल्याने पालकांनी आपल्या पाल्याला घरीच थांबविणे पसंद केले. सरस्वती भुवन, शारदा मंदिर, एसबीओए, आ. कृ. वाघमारे, जयभवानी विद्यामंदिर, महाराष्ट्र पब्लिक स्कूल, बळीराम पाटील, गोदावरी हायस्कूल, सोनामाता बालक मंदिर, होलिक्रॉस, लिटल फ्लॉवर या शाळांमध्ये सकाळच्या सत्रात तुरळक विद्यार्थीसंख्या दिसून आली. पहिल्या सत्राचा अनुभव लक्षात घेता काही शाळांना दुपारची सुटी जाहीर केली. एसएमएसद्वारे हा संदेश काही शाळांनी पाठविला. रिक्षातून शाळेत पोचलेल्या चिमुकल्यांनी सुटी मिळाल्याचा आनंद घरी परतताना भिजून घेतला. लाडक्या गणरायाचे गुरुवारी आगमन झाले. बच्चेकंपनीसाठी दहा दिवसांचा हा उत्सव म्हणजे पर्वणी असते. आगमनासोबत पाऊस झाल्याने बच्चेकंपनीचा उत्साह ओसंडून वाहत होता.

पालकांमुळे संभ्रम

मुसळधार पावसाचा अंदाज व्यक्त करत प्रशासनाने हाय अलर्ट जारी केले आहे, अशी विचारणा करणारे फोन काही शाळांमध्ये पालकांनी केले. त्यामुळे मुख्याध्यापक, शाळा व्यवस्थापन संभ्रमात पडले होते. अनेकांनी जिल्हा प्रशासनाकडे दूरध्वनी करून खातरजमा करून घेतली. अशी कोणतीही घोषणा प्रशासनाने केली नव्हती. मात्र, खबरदारीचा उपाय म्हणून शाळांना सुटी देण्यात आली.

मोबाइल अॅप डाउनलोड करा आणि राहा अपडेट

---

दुष्काळात पावसाचा दणका !

September 18, 2015, 12:16 pm

≫ Next: अवघे शहर जलमय

≪ Previous: शाळेभोवती साचले तळे; भोलानाथची सुटी मिळे

$

0

0

म. टा. प्रतिनिधी, औरंगाबाद

गुरुवारी रात्रीपासून सुरू झालेल्या जोरदार पावसाने औरंगाबाद शहर, परिसराला झोडपून काढले. शहरात ७२.४ मिलिमीटर पावसाची नोंद झाली. पावसाच्या रौद्र रुपाने अनेक वसाहतींमधील शेकडो घरात पाणी शिरले. रस्त्यांवर झाडे कोसळली. अशा परिस्थितीत शहरवासीयांच्या मदतीला धावणारा आपतकालीन कक्ष मात्र कार्यरत नव्हता. तर, या खडतर परिस्थितीपासून आयुक्त आणि पदाधिकारीही अनभिज्ञ होते. त्यांनी पाठ फिरवल्यामुळे मदतीचे नियोजन पूर्णतः कोलमडले होते.

पावसाळ्यात पालिकेतर्फे स्वतंत्र आपतकालीन कक्ष सुरू केला जातो, याशिवाय अग्निशामन दलाची सेवाही सुरू असते. मात्र, यंदा पावसाने मोठी दडी मारली. त्यामुळे पाऊस पडणारच नाही असे मानून पालिका प्रशासनाने १ सप्टेंबरपासून आपतकालीन कक्षच बंद केला. त्यामुळे शहरवासीयांचे हाल झाले.

चमचमनगरात पाणीच पाणी

मिसारवाडी परिसरात असलेल्या चमचमनगर वसाहतीत पाणीच पाणी झाले होते. गुंठेवारी वसाहती प्रमाणे असलेल्या या वसाहतीमधील नागरिकांना त्यामुळे मोठा त्रास सहन करावा लागला. नागरिकांना स्थलांतरीत करण्यासाठी दुपारनंतर महापालिकेच्या वॉर्ड 'ब' कार्यालयाने कार्यवाही सुरू केली. मात्र, सायंकाळपर्यंत नागरिकांचे स्थलांतर झाले नव्हते. या भागात कष्टकरी, कामगारांची सुमारे पंच्याहत्तर घरे आहेत.

मारुतीनगरातील ५० घरे पाण्यात

मयूरपार्क वॉर्डातील मारुतीनगरात सुमारे पन्नासपेक्षा जास्त घरांमध्ये पावसाचे पाणी शिरले. त्यामुळे एकच हाहाकार उडाला. पावसाचे पाणी घरात शिरत आहे हे पाहिल्यावर नागरिक घरातील साहित्य आवरण्याच्या कामात गुंतले, पण काही घरांमध्ये पाण्याचा ओघ इतका होता की भांडी वाहून गेली. नगरसेवक विजय औताडे यांनी मदतीसाठी पुढाकार घेतला. जेसीबी मशीन सहाय्याने पाणी वाहून जाण्यासाठी चऱ्या खोदण्यात आल्या.

मुकुंदनगरात तीन फूट पाणी

मुकुंदवाडी परिसरातील मुकुंदनगर, राजनगर आणि न्यू एस.टी. कॉलनी भागातील घरांमध्ये तीन फुटांपर्यंत पाणी साचले. त्यामुळे नागरिकांची तारांबळ उडाली. या नागरिकांच्या मदतीसाठी नगरसेवक भाऊसाहेब जगताप आपल्या कार्यकर्त्यांसह धावले. त्यांनी पालिकेच्या विविध अधिकाऱ्यांना मदतीसाठी फोनही केले, पण त्यांना अधिकाऱ्यांकडून प्रतिसाद मिळाला नाही. गेल्या काही वर्षांमध्ये एवढा मोठा पाऊस एकाच दिवसात झाला नव्हता अशा भावना या भागातील नागरिकांनी व्यक्त केल्याचे जगताप यांनी पत्रकारांना सांगितले. सुमारे शंभरावर घरे जलमय झाली होती. नगरसेविका अनिता साळवे यांनीही मदतीसाठी पुढाकार घेतला.

नूर कॉलनीत ५० घरांत पाणी

शहराच्या मध्यवस्तीत असलेल्या जुनाबाजार भागातील नूरकॉलनीतील सुमारे पन्नास पेक्षा जास्त घरांमध्ये पाणी शिरले. रात्रभर पाऊस सुरू होता, त्यामुळे नूरकॉलनी आणि परिसरातील पाण्याची स्थिती नाजूक झाली. घरात पाणी शिरत असल्याचे लक्षात आल्यावर नागरिकांनी स्वतःहून आवराआवर सुरू केली. घरात शिरलेले पाणी बाहेर काढण्याचे काम आज दिवसभर सुरू होते.

दशमेशनगरात पाच फूट पाणी

नवीन उस्मानपुरा भागातील दशमेशनगरच्या नाल्याला पूर आल्यामुळे रस्त्यावर सुमारे पाच फूट उंच पाणी साचले. या रस्त्यावर महापालिकेतर्फे भूमिगत गटार योजनेचे काम काही दिवसांपासून सुरू आहे. त्यामुळे अर्धा रस्ता खोदण्यात आला आहे. त्यातच पावसाचे पाणी या रस्त्यावर मोठ्या प्रमाणावर साचल्यामुळे नागरिकांना ये - जा करणे अवघड होऊन बसले. दुचाकी वाहने रस्त्यावरून चालवता येत नव्हती. चार चाकी वाहने चालवतानाही कसरत करावी लागली. सुमारे तीन ते चार तास रस्त्यावरून पाणी ओसंडून वहात होते. त्यामुळे वाहतूक खोळंबली होती.

विश्रांतीनगरात हाहाकार

विश्रांतीनगर - गणेशनगरात पावसामुळे हाहाकार उडाला. सत्तर पेक्षा जास्त घरांमध्ये पावसाचे पाणी शिरले. रात्रभर झालेल्या पावसामुळे ही स्थिती निर्माण झाली. नागरिकांनी सकाळीच या भागाचे नगरसेवक व उपमहापौर प्रमोद राठोड यांच्याशी संपर्क केला व मदतीची मागणी केली. राठोड सकाळी साडेसातच्या सुमारास या भागात पोहचले. त्यांनी परिस्थितीचा अंदाज घेतला आणि महापालिकेच्या यांत्रिकी विभागाशी संपर्क साधून जेसीबी मशीन मागवली. मशीनच्या सहाय्याने पाणी वाहून जाण्यासाठी नाल्या खोदल्या. त्यामुळे घरातील पाणी वाहून गेले. या नंतर राठोड यांनी स्थायी समितीचे सभापती दिलीप थोरात, भाजपचे गटनेते भगवान घडमोडे यांनी संपूर्ण शहरात फिरून पाहणी केली. मदतीसाठी महापालिकेच्या अधिकाऱ्यांना सूचना केल्या.

फॅक्टरीत पाणी

सातारा परिसरातील ओबेरॉयनगरात असलेल्या मधू मंगल कार्यालयात पाणी शिरले. गारखेडा भागातील सूत गिरणीच्या जवळ असलेल्या ज्ञानेश्वरनगरात प्लॉट क्रमांक १६ मध्ये पावसाचे पाणी जमा झाले होते. कैलासनगरात गोविंदजी फॅक्टरीमध्येही मोठ्या प्रमाणावर पाणी साचले. या सर्व ठिकाणी मदत करण्यात आली.

सुखनेचे पाणी कॉलनीत

चिकलठाणा भागातील चौधरी कॉलनीत अनेक घरांमध्ये पाणी शिरले होते. या कॉलनीच्या मागच्या बाजून सुखना नदी वाहते. या नदीला रात्रभर पडलेल्या पावसामुळे पूर आला. त्याचे पाणी चौधरी कॉलनीत घुसले. विद्यमान नगरसेविका ज्योती नाडे यांच्यासह माजी नगरसेवक संजय चौधरी व सामाजिक कार्यकर्ते नागरिकांच्या मदतीला धावले.

विजेचा डीपी पाण्याखाली

गारखेडा येथील सूतगिरणी चौकाजवळ असलेल्या मोरेश्वर हाऊसिंग सोसायटी मधील काही घरांमध्ये पावसाचे पाणी शिरल्याची माहिती मनोज वाडकर यांनी अग्निशमन दलाला दिली. त्यानुसार अग्निशामन दलाचे पथक या भागात गेले व त्यांनी घरात शिरलेले पाणी बाहेर काढण्याचे काम सुरू केले. बाळकृष्णनगरच्या जयदुर्गा हाउसिंग सोसायटीमध्ये विजेचा डीपी पाण्याखाली गेला. त्यामुळे या भागाचा वीज पुरवठा खंडित करण्यात आला होता.

तिरुपतीनगरात कोंडी

पुंडलिकनगर परिसरातील तिरुपतीनगरातील सुमारे पन्नास पेक्षा जास्त घरांमध्ये या परिसरात पाणी शिरले होते. पाणी शिरल्याची तक्रार काही नागरिकांनी महापालिकेच्या वॉर्ड 'ई' कार्यालयाला केली. वॉर्ड अधिकारी विठ्ठल ढाके यांनी या संदर्भात अग्निशामन दलाला माहिती दिली व त्यानंतर घरातील पाणी बाहेर काढण्यास सुरुवात झाली.

मोबाइल अॅप डाउनलोड करा आणि राहा अपडेट

अवघे शहर जलमय

September 18, 2015, 12:18 pm

≫ Next: औरंगपूरला वेढा

≪ Previous: दुष्काळात पावसाचा दणका !

$

0

0

म. टा. प्रतिनिधी, औरंगाबाद

बाप्पांच्या आगमनाबरोबर मुसळधार पावसाच्या हजेरीने औरंगाबादकरांना मोठा दिलासा मिळाला. यंदाच्या पावसाळ्यात प्रथमच रात्रभर, दिवसभर कोसळधारांनी हजेरी लावली. औरंगाबाद तालुक्यात अकरांपैकी सात मंडळांत अतिवृष्टी नोंद झाली.

गेल्या दोन महिन्यांपासून पावसाची चातकासारखी वाट पाहात असलेल्या औरंगाबादकरांमध्ये या पावसाने चैतन्य निर्माण केले. शहरातील सर्वच भागांमध्ये दमदार पाऊस झाल्याने सखल भागात ठिकठिकाणी तळी वाहताना दिसली. औरंगाबाद तालुक्यात ११ पैकी ७ मंडळांमध्ये अतिवृष्टी झाली. त्यात भावसिंगपुरा मंडळात ८५ मिलिमीटर, कांचनवाडी (७८ मिमी), औरंगाबाद (७४ मिमी), लाडसावंगी (७३ मिमी), उस्मानपुरा (६५ मिमी), चौका (६५ मिमी), करमाड (६५ मिमी) या मंडळांमध्ये अतिवृष्टीची नोंद झाली. त्यापाठोपाठ हर्सूल (६३ मिमी), चित्तेपिंपळगाव (६० मिमी) व चिकलठाणा (५५ मिमी) या मंडळांमध्ये पाऊस पडला. या मंडळांमधील पाऊसही अतिवृष्टीच्या उंबरठ्यावर आहे. औरंगाबाद तालुक्यातील अकरा मंडळांमध्ये २४ तासांत ६८३ मिलिमीटर पाऊस झाला. या पावसाने जनजीवन विस्कळित झाले असले तरी, औरंगाबादकरांना मोठा दिलासा मिळाला.

मोबाइल अॅप डाउनलोड करा आणि राहा अपडेट

औरंगपूरला वेढा

September 18, 2015, 12:21 pm

≫ Next: सर्वदूर धुवांधार !

≪ Previous: अवघे शहर जलमय

$

0

0

Sudhir.Bhalerao@timesgroup.com

औरंगाबादः संततधार पावसाने दुधना नदीला आलेल्या पुरामुळे सहा गावांचा संपर्क तुटला. औरंगपूर गावात शेतवस्तीत राहणारे ४४ जण पुरामध्ये अडकले. पाण्याचा वेग प्रचंड असल्याने त्यांच्यापर्यंत मदत पोहचवण्यात यश येत नव्हते. पुराच्या पाण्याने गावाला वेढल्यामुळे गावकऱ्यांचे धाबे दणाणले. सुरक्षिततेसाठी गावकऱ्यांनी डोंगराकडे धाव घेतली होती.

कनकरवा-अंजनडोह भागातून उगम असलेल्या दुधना नदीला संततधार पावसामुळे शुक्रवारी मोठा पूर आला. लाडसावंगी, सय्यदपूर, औरंगपूर, सेलूद, चारठा व हातमाळी या गावांना पुराच्या पाण्याने वेढल्यामुळे या गावांचा संपर्कच तुटला. सय्यदपूर गावाला दोन्ही बाजूने पाण्याने वेढले होते. सेलूद गावाचीही परिस्थिती यापेक्षा वेगळी नव्हती. लाडसावंगी येथील नदीच्या पात्रात असलेल्या महादेव मंदिरात दोन मुले अडकून गेली होती. पाण्याचा वेग प्रचंड असल्याने त्यांच्यापर्यंत पोहचणे सहज शक्य होत नव्हते. औरंगपूर या गावातील शेतवस्तीत राहणारे ४४ जणांना सुरक्षित ठिकाणी जाण्याची पुराने संधीच दिली नाही. दिवसभर त्यांना तातडीने मदत मिळू शकली नाही. पूर ओसरल्यानंतर काही कुटुंबांना सुरक्षितपणे बाहेर काढण्यात प्रशासनाला यश आले.

मोबाइल अॅप डाउनलोड करा आणि राहा अपडेट

सर्वदूर धुवांधार !

September 18, 2015, 12:23 pm

≫ Next: बलात्कारप्रकरणी फाशी

≪ Previous: औरंगपूरला वेढा

$

0

0

म. टा. प्रतिनिधी, औरंगाबाद

गेल्या काही महिन्यांपासून दुष्काळाच्या गडद छायेत असलेल्या मराठवाड्यात गणरायाच्या आगमनाबरोबर पावसाने दमदार हजेरी लावली. औरंगाबाद, जालना, हिंगोली या जिल्ह्यांत अतिवृष्टी झाली तर, लातूर, उस्मानाबाद जिल्ह्यांना मात्र पावसाने हुलकावणी दिली. विभागात एकाच दिवसात ४२ मिलीमीटर पावसाची नोंद करण्यात आली.

गुरुवारी रात्रीपासून पावसाला सुरुवात झाली. औरंगाबाद, जालना परिसरात शुक्रवारी रात्रीपर्यंत संततधार सुरू होती. यंदा एकाच दिवशी एवढ्या मोठ्या प्रमाणात प्रथमच पाऊस पडला. या पावसामुळे तळ गाठलेल्या लघु, मध्यम प्रकल्पातील पाणीपातळीत झपाट्याने वाढ होत आहे. दरम्यान, औरंगाबाद जिल्ह्यात लाडसावंगी, औरंगपूर, सेलूद येथे पुरात काही नागरिक अडकून पडले होते. रात्री उशिरापर्यंत त्यांना सुरक्षित स्थळी हलविण्यात आले. जालना जिल्ह्यातील माळेवाडी येथेही काही नागरिक पुरात अडकले होते. या पावसाने प्रथमच पाच जिल्ह्यांतील नदी-नाल्यांना पूर आला व जागोजागी शेतात पाणी तुंबले.

मराठवाड्यात दुपारनंतर सुरू झालेला पाऊस शुक्रवारी दुपारपर्यंत बरसत होता. शुक्रवारी सकाळी साडेआठपर्यंतच्या २४ तासांत हिंगोली जिल्ह्यात सर्वाधिक ८१.३४ मिलीमीटर, जालना ७४.५६ मिलीमीटर व औरंगाबाद जिल्ह्यात तब्बल ७२.९७ मिलीमीटर पावसाची नोंद करण्यात आली. परभणी जिल्ह्यात ४०.९६, नांदेड ३७.८६, बीड जिल्ह्यात १६.९६ मिलीमीटर पाऊस पडल्याची नोंद आहे. लातूर ९.७३ व उस्मानाबाद जिल्ह्यांत केवळ १.६१ मिलिमीटर पाऊस झाला. मराठवाड्यात आतापर्यंत ३९८ मिलीमीटर (आजपर्यंत अपेक्षित पावसाच्या तुलनेत ६१.७४ टक्के) पाऊस झाल्याची नोंद आहे.

मोबाइल अॅप डाउनलोड करा आणि राहा अपडेट

बलात्कारप्रकरणी फाशी

September 18, 2015, 12:20 pm

≫ Next: जायकवाडी धरणाच्या साठ्यात हळूहळू वाढ

≪ Previous: सर्वदूर धुवांधार !

$

0

0

म. टा. प्रतिनिधी, जालना

दोन वर्षांच्या चिमुकलीवर बलात्कार करून तिचा खून केल्याच्या गुन्ह्यात रवी घुमरे याला जिल्हा व सत्र न्यायाधीश आशुतोष करमरकर यांनी शुक्रवारी फाशी आणि जन्मठेपेची शिक्षा सुनावली. एकाच प्रकरणात फाशी आणि जन्मठेप दोन्ही शिक्षा सुनावल्याची जालना जिल्ह्यातील ही पहिलीच घटना आहे.

जुन्या जालन्यातील इंदिरानगर येथील दोन वर्षांच्या मुलीवर ६ मार्च २०१२ रोजी घराबाहेर खेळत होती. त्यावेळी शेजारी राहणाऱ्या रवी अशोक घुमारे याने चॉकलेटचे आमिष दाखवून तिच्यावर बलात्कार केला. त्यानंतर तिचा गळा आवळून खून केला. याप्रकरणी कदीन जालना पोलिस ठाण्यात गुन्हा नोंदविण्यात आला होता. पोलिसांनी न्यायालयात आरोपपत्र दाखल करून अंडर ट्रायल केस चालविली.

सुनावणीदरम्यान सरकारपक्षातर्फे बारा जणांच्या साक्षी नोंदविण्यात आल्या. जिल्हा व सत्र न्याय्याधीश आशुतोष करमरकर यांनी आरोपी रवी घुमारेला दोषी ठरविले होते व त्याला फाशी आणि जन्मठेपेची शिक्षा सुनावली.

मोबाइल अॅप डाउनलोड करा आणि राहा अपडेट

जायकवाडी धरणाच्या साठ्यात हळूहळू वाढ

September 19, 2015, 3:18 am

≫ Next: युवकाला बारा हजारांना फसवले

≪ Previous: बलात्कारप्रकरणी फाशी

$

0

0

मटा ऑलाइन वृत्त । औरंगाबाद

गेल्या दोन दिवसांत झालेल्या मुसळधार पावसामुळे पैठण येथील जायकवाडी प्रकल्पातील जलसाठ्यात वाढ झाली आहे. साठ्यात एक टक्का पाण्याची भर पडली आहे. शुक्रवारी दुपारी प्रकल्पातील उपयुक्त जलसाठा ५.२८ टक्क्यांपर्यंत पोचला. दरम्यान, आज सकाळी साडेआठपर्यंत औरंगाबाद आणि जालना जिल्ह्यांत पावसाने जोरदार हजेरी लावली. औरंगाबाद, फुलंब्री, सिल्लोड आणि बदनापूर या चार तालुक्यांत सलग दुस-या दिवशी अतिवृष्टी झाली.



औरंगाबादसह, नगर, नाशिक जिल्ह्यांत दोन दिवसांपासून सुरू असलेल्या जोरदार पावसामुळे जायकवाडी धरणातील पाण्याच्या पातळीत हळूहळू वाढ होत आहे. नाशिक जिल्ह्यातील नांदूर मधमेश्वर बंधा-यातून ६००० क्युसेक्स वेगाने गोदावरीच्या पात्रात काल पाणी सोडण्यात आले. त्यामुळे जायकवाडीत १०९६ क्युसेक्स वेगाने पाणी येत होते. औरंगाबाद, फुलंब्री, सिल्लोड आणि जालना जिल्ह्यातील बदनापूर या चार तालुक्यांत आज सलग दुस-या दिवशी अतिवृष्टी झाली. औरंगाबाद, जिल्ह्यात पैठण तालुक्यात ४७, सोयगाव ३५, वैजापूर ४६, गंगापूर ४७, कन्नड ५१ आणि खुलताबाद तालुक्यात ६२ मिलीमीटर पाऊस पडल्याची नोंद आहे. विभागातील अन्य जिल्ह्यांत गेल्या २४ तासांत तुरळक ठिकाणी पावसाच्या हलक्या सरींनी हजेरी लावली. तर औरंगाबादेत आज ढगाळ वातावरण होते.

मोबाइल अॅप डाउनलोड करा आणि राहा अपडेट

युवकाला बारा हजारांना फसवले

September 19, 2015, 12:25 pm

≫ Next: गावठी कट्टा प्रकरणी एकास अटक

≪ Previous: जायकवाडी धरणाच्या साठ्यात हळूहळू वाढ

$

0

0

म. टा. प्रतिनिधी, औरंगाबाद

चिल्लर पैशांच्या बद्दल्यात बंदे पैसे घ्या, अशी थाप मारून दोन ठगांनी एका युवकास १२ हजार ४०० रुपयांना फसवले. रेल्वे स्टेशन रोडवर शुक्रवारी दुपारी दोन वाजता ही घटना घडली असून क्रांती चौक पोलिस अधिक तपास करत आहेत.

दीपेंद्रसिंग भदोरिया (वय २७, रा. साई मंदिर, पद्मपुरा) असे फिर्यादीचे नाव आहे. फिर्यादीने रेल्वे स्टेशन रोडवरील स्टेट बँकेच्या एटीएममधून ५ हजार रुपये काढले. त्याच्याकडे ७ हजार ४०० रुपये होते.

ही रक्कम गावाकडे पाठविण्यासाठी म्हणून तो बँकेत गेला असता दोन अनोखळी व्यक्तीने त्याकडे चिल्लर पैसे द्या व त्याऐवजी बंदे पैसे घ्या, अशी विनंती केली. त्यामुळे दिपेंद्रसिंग यांनी १२ हजार ४०० रुपये त्या आरोपींकडे दिले, तर त्यांनी रुमालाला पैसे बांधलेले दिसणारे बंडल फिर्यादीला दिले. रुमालाची गाठ सोडेपर्यंत आरोपी पसार झाले. रुमाल उघडून पाहिला असता त्यात कागद सापडले. फसवणूक झाल्याने दीपेंद्रसिंग यांनी पोलिसांकडे धाव घेतली.

रिक्षाच्या धडकेतमायलेक जखमी

रिक्षाच्या धडकेत दुचाकीवरून जाणारी महिला व तिचा मुलगा गंभीर जखमी झाला. उस्मानपुरा भागात ही घटना घडली असून रिक्षाचालकाविरोधात क्रांती चौक पोलिस ठाण्यात गुन्हा दाखल झाला आहे. राखी मन्नीवार (वय ४२ रा. एसडीएच कॉलनी) असे फिर्यादीचे नाव आहे. मन्नीवार व त्यांचा मुलगा गुरुवारी बन्सीलालनगर येथून दुचाकीवरून उस्मानपुरा भागाकडे जात होत्या. त्यावेळी भरधाव वेगाने आलेल्या एका रिक्षाने त्यांच्या दुचाकीला धडक दिली. यात फिर्यादी व त्यांचा मुलगा खाली पडून जखमी झाले आहेत. अपघातानंतर रिक्षाचालक पसार झाला.

महिलेस मारहाण

एका महिलेस मारहाण करण्यात आल्याची घटना गुरुवारी सायंकाळी साडेसातच्या सुमारास सिडको एन पाच भागात घडली. सिडको पोलिस अधिक तपास करत आहेत. कृष्णा इंगळे असे आरोपीचे नाव आहे. फिर्यादी महिला ही दुचाकीवरुन सिडको एन पाच येथून घरी जात होती. त्यावेळी आरोपीने पाठलाग करत फिर्यादीस गाडी थांबवण्यास भाग पडून मारहाण केली. तसेच, शिविगाळ करून जिवे मारण्याची धमकी दिल्याचे तक्रारीत नमूद करण्यात आले आहे.

पैशांसाठी विवाहितेचा छळ

पैशांसाठी एका १९ वर्षांच्या विवाहितेचा छळ करणाऱ्या पतीसह पाच जणांविरोधात जिन्सी पोलिस ठाण्यात गुन्हा दाखल करण्यात आला आहे. रिक्षा घेण्यासाठी माहेरुन एक लाख रुपये आणावेत, यासाठी पती इम्रान शेख, सासू इरफाना शेख (सर्व रा. मोतीवालानगर) यांच्यासह सासरकडील पाचजण त्रास देतात, अशी तक्रार विवाहितेने केली.

महिलेस धमकावले

घरावर पत्रे टाकण्यावरून महिलेस शिवागाळ व धमकी देणाऱ्या आरोपीविरोधात एमआयडीसी पोलिस ठाण्यात गुन्हा दाखल करण्यात आला आहे. रामभाऊ साबळे (रा. सिधींबन) असे आरोपीचे नाव आहे.

मोबाइल अॅप डाउनलोड करा आणि राहा अपडेट

---

गावठी कट्टा प्रकरणी एकास अटक

September 19, 2015, 12:25 pm

≫ Next: कुलसचिवपदाचा वाद चिघळणार

≪ Previous: युवकाला बारा हजारांना फसवले

$

0

0

औरंगाबादः छावणी परिसरात गावठी कट्टा विकण्यासाठी आलेल्या सय्यद आसेफला गुन्हे शाखेने ११ सप्टेंबर रोजी पकडले होते. त्याने आणखी एक कट्टा भावसिंगपुऱ्यातील एकाला दिल्याची कबुली दिली होती. त्यावरून सय्यद मुजीब (रा. अमीन चौक, भावसिंगपुरा) यांस शनिवारी अटक करण्यात आली, अशी माहिती गुन्हे शाखेचे पोलिस निरीक्षक अविनाश आघाव यांनी दिली. सय्यद आसेफ याने अमीन चौकातील सय्यद मुजीब याच्याकडे गावठी कट्टा ठेवण्यासाठी दिला होता. आयता कट्टा मिळाल्याचे पाहून मुजीबने तो दहा ते पंधरा हजारात विकण्याची योजना आखली होती. तसेच, आसेफने विचारल्यास तो हरवला असे सांगण्याचे ठरवले होते.

मोबाइल अॅप डाउनलोड करा आणि राहा अपडेट

कुलसचिवपदाचा वाद चिघळणार

September 19, 2015, 12:28 pm

≫ Next: जीर्ण इमारतींची पालिकेकडून पाडापाडी

≪ Previous: गावठी कट्टा प्रकरणी एकास अटक

$

0

0

म. टा. प्रतिनिधी, औरंगाबाद

डॉ. बाबासाहेब आंबेडकर मराठवाडा विद्यापीठातील कुलसचिवांच्या नियुक्तीवरून सुरू असलेला वाद चिघळण्याची चिन्हे आहेत. राज्यपालांच्या आगामी दौऱ्यात या प्रकरणी आंदोलन करण्याचा निर्णय अधिकाऱ्यांनी घेतला आहे.

विद्यापीठातील कुलसचिवांच्या नियुक्तीवरून सुरू असलेला कलगीतुरा चांगलाच रंगला आहे. कुलसचिवपदाचा पदभार अधिकाऱ्याकडे द्या, अशी मागणी अधिकारी फोरमची होती. मात्र, ही मागणी डावलत कुलगुरूंनी यापदाची सूत्रे डॉ. महेंद्र सिरसाठ यांच्याकडे दिली. यानंतर अधिकाऱ्यांनी शुक्रवारी असहकार आंदोलन केले. डॉ. सिरसाठ यांनी भेट घेत सहकार्य करण्याची विनंती केली. मात्र, अधिकारी बधले नाहीत. कुलगुरूंनी शुक्रवारी बोलावलेल्या बैठकीलाही त्यांनी दांडी मारली. शनिवारी झालेल्या बैठकीत राज्यपालांच्या आगामी दौऱ्याबाबत चर्चा झाली. मात्र, येथेही नियुक्ती प्रकरणाचे पडसाद उमटले. या सगळ्या प्रकारावर कुलगुरू डॉ. चोपडे यांनी नाराजी व्यक्त केली.

अधिकारी देणार राज्यपालांना निवेदन

शासनाच्या १३ मार्च २०१३च्या आदेशानुसार कुलसचिव, वित्त व लेखाधिकारी, परीक्षा नियंत्रकपदांवर नवीन नियुक्ती होईपर्यंत या पदांचा पदभार विद्यापीठातीलच अधिकाऱ्याकडे द्या, अशी मागणी अधिकारी फोरमची आहे. याबाबत ते राज्यपालांना निवेदन देत दाद मागणार आहेत.

राज्यपाल दौऱ्याची जय्यत तयारी

विद्यापीठात उभारलेल्या अत्याधुनिक वसतिगृहाचे उद्घाटन सोमवारी राज्यपाल सी. विद्यासागर राव यांच्या हस्ते होणार आहे. सोहळ्याची तयारी पूर्ण झाल्याचे कुलगुरुंनी सांगितले. या सोहळ्याला विधानसभेचे अध्यक्ष हरिभाऊ बागडे, महसूल मंत्री एकनाथ खडसे, पालकमंत्री रामदास कदम, शिक्षणमंत्री विनोद तावडे, राज्यमंत्री दिलीप कांबळे यांची प्रमुख उपस्थिती राहणार आहे. कुलसचिव नियुक्ती वादाच्या पार्श्वभूमीवर हा सोहळा सुरळीत पार पडावा यासाठी पोलिसांनी कंबर कसली आहे.

संवादाने प्रश्न सुटतात. हे येथील अधिकाऱ्यांना हे समजत नाही, हा त्यांचा भाग आहे. विभागप्रमुखाला कामाचा अनुभव नाही, असे नसते. मी माझ्या विद्यापीठासाठी काम करेल, अशी भावना अधिकाऱ्यांनी जोपासावी.

- डॉ. बी.ए.चोपडे, कुलगुरू

कुलगुरूंनी घेतलेल्या निर्णयाला विरोध करण्याचा अधिकारी, कर्मचारी यांना अधिकार नाही. सर्वांनी एकत्र येऊन विद्यापीठाच्या भल्यासाठी काम करण्याची गरज आहे.

- डॉ. एम. डी. सिरसाट, प्रभारी कुलसचिव

मोबाइल अॅप डाउनलोड करा आणि राहा अपडेट

जीर्ण इमारतींची पालिकेकडून पाडापाडी

September 19, 2015, 12:29 pm

≫ Next: कंत्राटदाराने बनावट पत्राद्वारे डीडी पळवले

≪ Previous: कुलसचिवपदाचा वाद चिघळणार

$

0

0

म. टा. प्रतिनिधी, औरंगाबाद

चेलिपुरा भागातील दोन धोकादायक इमारती महापालिकेच्या पथकाने शनिवारी पाडल्या. पावसाळा सुरू होताना पालिकेने सुमारे बारा धोकादायक इमारतींनी सील ठोकले होते. त्यानंतर पावसाने दडी मारल्यामुळे या इमारतींवरची कारवाई रोखली होती.

गुरुवारी रात्रभर आणि शुक्रवारी दिवसभर पाऊस पडल्यामुळे आज महापालिकेच्या पथकाने चेलिपुरा भागात दोन इमारतींवर कारवाई करीत धोकादायक भाग पाडून टाकला. त्यात जितेंद्र झंवर यांच्या इमारतीचा धोकादायक भाग पाडण्यात आला. याच भागात 'टोटी की मशीद' आहे. या मशिदी शेजारी एक घर असून त्या घराच्या भिंती धोकादायक बनल्या होत्या. जेसीबी मशीनच्या सहाय्याने या भिंतीही पाडण्यात आल्या. या कारवाईत प्रशासकीय अधिकारी अजमत खान यांच्यासह इमारत निरीक्षक, अतिक्रमण हटाव पथकाचे कर्मचारी व पोलिस सहभागी झाले होते, अशी माहिती प्रशासकीय अधिकारी महावीर पाटणी यांनी दिली.

मोबाइल अॅप डाउनलोड करा आणि राहा अपडेट

कंत्राटदाराने बनावट पत्राद्वारे डीडी पळवले

September 19, 2015, 12:32 pm

≫ Next: जीएसटी लागू झाल्यास सर्वच क्षेत्रात भरभराट

≪ Previous: जीर्ण इमारतींची पालिकेकडून पाडापाडी

$

0

0

म. टा. प्रतिनिधी, औरंगाबाद

महापालिकेच्या विद्युत विभागातील टेंडर प्रक्रियेतले डीडी (डिमांड ड्राप्ट) ई-टेंडरिंग विभागातून बनावट पत्राद्वारे पळवले आहेत. महापालिका आयुक्तांकडे तशी तक्रार आली आहे. महापालिका आयुक्तांच्या नावे मे. गिरजा इलेक्ट्रिकल्स या कंपनीच्या व्यवस्थापकांनी अर्ज दिला आहे. त्यात त्यांनी म्हटले आहे की, या कंपनीतर्फे निविदा भरून १४ सप्टेंबर रोजी दोन डी. डी. देण्यात आले होते. त्या डी. डी. चा क्रमांक अनुक्रमे ०३८१०३ ( २३८०० रुपये) व ०३८१०२ ( २३९०० रुपये) असा आहे. मात्र, पूजा इलेक्ट्रिकल्स या कंपनीच्या व्यवस्थापकांनी ई-टेंडरिंग विभागात अर्ज देऊन दोन्हीही डीडी नेले. मात्र, डीडी परत नेण्यासाठी आम्ही ई-टेंडरिंग विभागाशी पत्रव्यवहार केला नाही. त्यामुळे या संदर्भात योग्य ती कार्यवाही करावी. पालिका प्रशासनाने पथदिव्यांसाठी १३ कोटी ५० लाख रुपये किंमतीचे २२ टेंडर्स काढलेत.

निविदा पूर्ण करण्याची मागणी

गिरिजा इलेक्ट्रिकल्सच्या या पत्राच्या आधारे राजेंद्र जंजाळ व राजू वैद्य यांनी पत्रकारांशी संवाद साधला ते म्हणाले, 'एखाद्या कंपनीने दाखल केलेले डीडी दुसरी कंपनी परस्पर घेऊन जाते, हे प्रकरण गंभीर आहे. कंत्राटदाराची दादागिरी यातून स्पष्ट होते. ज्यांनी डीडी पळवण्याचे काम केले, त्यांच्या बद्दल नगरसेवक व नागरिकांच्या तक्रारी आहेत. त्यामुळे आता आयुक्तांनी अल्पमुदतीची निविदा काढून ही निविदा प्रक्रिया पूर्ण करावी.

मोबाइल अॅप डाउनलोड करा आणि राहा अपडेट

जीएसटी लागू झाल्यास सर्वच क्षेत्रात भरभराट

September 19, 2015, 12:35 pm

≫ Next: लक्ष्मी समृद्धीच्या पावलांनी आली!

≪ Previous: कंत्राटदाराने बनावट पत्राद्वारे डीडी पळवले

$

0

0

म. टा. प्रतिनिधी, औरंगाबाद

'देशामध्ये वस्तू आणि सेवाकर कायदा लागू झाल्यास सर्व घरगुती उत्पादनात मोठी वाढ होईल. त्यासोबत उद्योग, व्यापार, सेवा आणि ग्राहक या सर्वांनाच मोठा लाभ मिळेल परिणामी देशाची आर्थिक भरभराट होईल,' असे प्रतिपादन जीएसटी कायद्याचे अभ्यासक अालोकसिंग यांनी केले.

औरंगाबाद इंडस्ट्रिअल सप्लायर्स असोसिएशन (आयसा) च्या वतीने 'जीएसटी'वर नुकत्याच आयोजित कार्यशाळेत ते बोलत होते. आयसाचे अध्यक्ष सतीश लोणीकर अध्यक्षस्थानी होते. अालोकसिंग म्हणाले, 'जगातील जवळपास १३७ देशांमध्ये जीएसटी यशस्वीपणे लागू झालेला असून जीडीपीमध्ये वाढीचा फायदा त्या देशांना मिळतो आहे. जीएसटी हा सर्वांसाठीच फायद्याचा असून वस्तू व सेवा यावर लागणाऱ्या कराचा भार यामुळे कमी होणार आहे. केंद्र आणि राज्य सरकारचे अप्रत्यक्ष करही यामध्ये सामावून घेतले जाणार आहेत.

या संदर्भात औद्योगिक आणि व्यापारी संघटनांनी पुढाकार घेऊन जनजागृती करायला हवी,' असे मत त्यांनी व्यक्त केले. लोणीकर यांनी पाहुण्यांचे स्वागत केले. कार्यक्रमासाठी माजी अध्यक्ष विजय जैस्वाल, श्रीपाद कुलकर्णी, मनिष भंडारी, नितीन बागुल, मिलिंद उमदीकर, पंकज लोया, समीर कानडखेडकर, सूरज डुमणे, अमित कोरडे, मुकुंद सांगवीकर, दत्तात्रय बेदाडे आदींनी पुढाकार घेतला.

मोबाइल अॅप डाउनलोड करा आणि राहा अपडेट