चितेगाव ग्रामपंचयतीची अकृषक जमीन नियमबाह्य पद्धतीने विक्री करणे, ग्रामपंचयतीचा कारभार नियुक्त महिला ग्रामसेवकास हस्तांतरित न करणे, सदस्यांना चुकीची माहीती देऊन प्रशासनाविरुद्ध भडकावणे, आदी आरोप ठेऊन तालुक्यातील चितेगाव येथी ग्रामविकास अधिकारी एस. एन. पल्हाड यांना गटविकास आधिकारी उल्हास सोमवंशी यांनी निलंबित केले आहे. पल्हाड यांनी ग्रामपंचायतीची गट नंबर ६६ मधील जमीन नियमबाह्य पद्धतीने विकल्याच आरोप आहे. तसेच नगररचना विभागाकडून ६८ प्लाॅटची मान्यता घेऊन नियमानुसार प्लाॅट पाडलेले आहे. त्याचे एकूण क्षेत्रफळ ५,६०,१४० चौरस मीटर आहे.ज्यात १२०० चौरस मीटर प्रस्तुत प्लाॅटची जिल्हाधिकारी यांच्याकडून १२ जुन १४ ला अकृषक मान्यता दिली. यापूर्वी ग्रामपंचायतीने २० मार्च १४ च्या ठराव क्रमांक ५७ प्रमाणे १०४ प्लाॅटला मान्यता दिली व ओपन स्पेस ८५५४ या दोन्ही मान्यतामध्ये मोठी तफावत आढळून आली.
सचिव या नात्याने पल्हाड यांनी पदाचा गैरवापर, अनियमितता केल्याचे आढळून आल्याने ग्रामपंचायत सदस्यांना प्रशासनाच्या विरोधात भडकावून दिले. महिला ग्रामविकास आधिकाऱ्याला पदभार घेण्यास मज्जाव केला, असा ठपका गटविकास अधिकाऱ्यांनी ठेवला आहे. या आरोपावरून गटविकास अधिकारी उल्हास सोमवंशी यांनी ग्रामविकास अधिकारी पल्हाड यांचे निलंबन केले आहे.
मोबाइल अॅप डाउनलोड करा आणि राहा अपडेट
