गणिताची आवड वाढली; शिक्षक कमी

December 21, 2015, 10:38 am

म. टा. प्रतिनिधी, औरंगाबाद

गणिताकडे विद्यार्थ्यांचा कल वाढला आहे. मात्र, शिक्षकांची संख्या कमी आहे. मराठवाड्यातील ज्युनिअर कॉलेजची विद्यार्थी संख्या ४० हजार असताना या विद्यार्थ्यांना केवळ २५० शिकवतात.

गणित म्हटले की अनेक विद्यार्थी धस्स करतात. आता या विषयाची भीती दूर होत आहे. विभागात मागील पाच वर्षांत अकरावी, बारावी स्तरावर ही संख्या ४० हजारात पोहचली आहे. विविध अभ्यासक्रमांच्या प्रवेशासाठी गणित आवश्यक असल्याने विद्यार्थ्यांचा कल वाढतो आहे. मात्र, याचवेळी कॉलेजांमध्ये शिक्षकांची चणचण भासते आहे. गणिताचे शिक्षक तुलनेने कमी असल्याने इतर विषयांच्या शिक्षकांना गणिताचे अध्यापन करावे लागते.

आयटीआय, तंत्रप्रशाळांमध्ये शिकविण्यात येणाऱ्या सर्वच ट्रेडमध्ये गणिताचा संबंध येतो. येथे अनेक संस्थांमध्ये एका शिक्षकांना दोन विषय शिकवावे लागतात. जिल्हास्तरीय आयटीआय वगळता तालुका आयटीआयमध्ये हे पदच रद्द करण्यात आले आहे. त्यामुळे शिक्षकाविना गणित विषय ठरला आहे. जिल्हास्तरावरील विभागातील ११ शिक्षकांची पदे रिक्त आहेत.

कोअर सबजेक्टही

गणित हा विषय कोअर सबजेक्ट घेऊन बसणाऱ्या विद्यार्थ्यांची संख्या वाढते आहे. ज्या विद्यार्थ्यांचा गणित विषय नव्हता. मात्र, त्यांना पुढील शिक्षणासाठी जेथे विषय आवश्यक असेल अशावेळी विद्यार्थी गणित कोअर सबजेक्ट घेऊन विद्यार्थी परीक्षा देतात. अशा विद्यार्थ्यांची संख्याही विभागात दरवर्षी सुमारे तीन हजार एवढी असते.

ज्युनिअर कॉलेजांमधील गणिताचे शिक्षक...

जिल्हा शिक्षक संख्या

औरंगाबाद १००

जालना ४०

बीड ७०

परभणी, हिंगोली ४०

बारावीतील विद्यार्थी ४०,०००

शिक्षक संख्या २५०

कॉलेज संख्या ६००

Latest Images