‘रिक्षा’तही महिलाराज

January 13, 2016, 2:55 pm

≫ Next: आंदोलकांचा दोन दिवसांचा पगार कापा

≪ Previous: दूषित पाण्यामुळे कर्मचारी आजारी

$

0

0

म. टा. प्रतिनिधी, औरंगाबाद
शहरातील रिक्षा व्यवसायात आगामी काळात महिलाराज आल्यास आश्चर्य वाटू देऊ नका. परिवहन मंत्री दिवाकर रावते यांनी रिक्षा परवाना देताना महिलांना विशेष परवाना देण्याचा निर्णय घेतला आहे. या निर्णयाप्रमाणे शहरातील १३०० रिक्षांच्या परवान्यामधून ६२ रिक्षा परवाने महिलांसाठी राखीव ठेवण्यात आले आहेत. सध्या दोन महिलांनी रिक्षा परवाना मिळविण्यासाठी आरटीओ कार्यालयाकडे अर्ज सादर केला आहे.
औरंगाबाद प्रादेशिक परिवहन कार्यालयातर्फे १५ डिसेंबर पर्यंत मृत झालेल्या रिक्षा परवान्यांच्या नूतनीकरण्यासाठी मुदत देण्यात आली होती. वेळोवेळी मुदत वाढ देऊनही अनेक रिक्षाचालकांनी परवान्यांचे नूतनीकरण केले नव्हते. अखेर रद्द करण्यात आलेल्या १३०० रिक्षा परवान्यांचे वाटप आरटीओ विभागाकडून करण्याचा निर्णय परिवहन मंत्री दिवाकर रावते यांनी जाहीर केला होता. त्यात मुंबईमध्ये महिलांना रोजगार उपलब्ध व्हावा यासाठी महिलांना रिक्षा परवाना देण्यासाठी विशेष कोटा ठेवण्याचाही निर्णय जाहीर करण्यात आला होता. परिवहन मंत्र्यांनी केलेल्या सूचनेप्रमाणे औरंगाबाद विभागात वाटप केल्याजाणाऱ्या एकूण परवान्यांपैकी ६३ परवाने महिलांना देण्यात येणार आहेत. त्यामुळे दोन महिलांनी रिक्षा परवाना मिळावा यासाठी अर्ज केला आहे.
केवळ महिलांसाठी राखीव
आरक्षित असलेल्या कोट्यातील सर्वच्या सर्व परवाने केवळ महिलांसाठी ठेवले जाणार आहेत. शिवसेनाप्रमुख बाळासाहेब ठाकरे यांच्या जयंतीदिनी राज्यात एक लाख रिक्षा परवान्यांसाठी नव्याने ऑनलाइन लॉटरी काढण्यात येणार आहे, अशी घोषणाही दिवाकर रावते यांनी केली आहे.
रिक्षांचा रंग गुलाबी
नेहमीच्या काळ्या-पिवळ्याऐवजी महिला स्पेशल रिक्षांचा रंग गुलाबी वा अबोली ठेवण्याचा पर्याय विचारात घेतला जात आहे. महिला रिक्षाचालकांना शेअर स्टँडवर प्राधान्य दिले जाणार आहे. तसेच, तीन पुरुष प्रवासी असल्यास त्यांचे भाडे नाकारण्याचाही अधिकार महिला रिक्षाचालकांना देण्यात येणार आहे.

मोबाइल अॅप डाउनलोड करा आणि राहा अपडेट

---

आंदोलकांचा दोन दिवसांचा पगार कापा

January 13, 2016, 1:30 pm

≫ Next: मी कारभारीण : नेटाने उभारला गृहोद्योग

≪ Previous: ‘रिक्षा’तही महिलाराज

$

0

0

औरंगाबाद ः वेतनवाढीसाठी इंटक संघटनेने डिसेंबर महिन्यात केलेल्या चक्का जाम आंदोलनातील सहभागी झालेल्या कर्मचाऱ्यांचा दोन दिवसांचा पगार कापण्याचा निर्णय एसटी महामंडळाने घेतला आहे. या संदर्भात एसटीच्या मुख्य कार्यालयाने संबंधित विभागीय नियंत्रक, आगार व्यवस्थापक यांना पत्र पाठविले आले आहे. इंडस्ट्रिअल कोर्टात दाखल केलेली याचिका परत घेण्याबाबत इंटकच्या पदाधिकाऱ्यांना सांगावे, अशी सूचना या आदेशात केली आहे.

एसटी कर्मचाऱ्यांच्या वेतनवाढीसाठी १७ डिसेंबर २०१५ रोजी इंटक संघटनेने चक्का जाम आंदोलन केले. या आंदोलनात सहभागी झालेल्या कर्मचाऱ्यांचा १५ दिवसांचा पगार कापण्याचा निर्णय एसटी महामंडळाने घेतला होती. त्याला संघटनेने इंडस्ट्रिअल कोर्टात आव्हान दिले होते. इंडस्ट्रिअल कोर्टाने पगार कपात करण्याच्या आदेशाला स्थगिती दिली होती. त्याचबरोबर एसटी कामगारांचा कापण्यात आलेला पगार १५ दिवसांत परत करावा, असे निर्देश दिले होते. या आदेशाची माहिती एसटीच्या विभाग नियंत्रकांनी वरिष्ठ कार्यालयाला कळविली व पुढील सूचना देण्याची विनंती केली होती. एसटी महामंडळाने १२ जानेवारी रोजी पगार कपातीबाबत नवीन आदेश काढले.

१७ डिसेंबर रोजी संपावर असलेल्या आंदोलकांचा एक दिवसाचा पगार 'ना काम ना दाम' या तत्त्वावर कापवा. त्याचबरोबर एक दिवस कामावर गैरहजर असल्याने आणखी एका दिवसाचा पगारही वेतनातून कपात करण्यात यावा, असे या आदेशात म्हटले आहे.

१५ दिवसांचा पगार कपात करण्याच्या निर्णयाला औद्योगिक न्यायलयात इंटकने आव्हान दिले होते. आम्ही याचिका परत घेणार नाही. हा आदेश म्हणजे इंडस्ट्रिअल कोर्टाचा अवमान आहे. एसटीच्या विरोधात अवमानना याचिका दाखल करावी की नाही, याबाबत लवकरच निर्णय जाहीर केला जाईल.
- जयप्रकाश छाजेड, अध्यक्ष, इंटक, मुंबई

मोबाइल अॅप डाउनलोड करा आणि राहा अपडेट

मी कारभारीण : नेटाने उभारला गृहोद्योग

January 13, 2016, 1:30 pm

≫ Next: अपंगाचा समाजात सन्मान व्हावा

≪ Previous: आंदोलकांचा दोन दिवसांचा पगार कापा

$

0

0

Ravindra.Taksal@timesgroup.com
शिकत असताना त्यांनी नोकरी केली. कम्प्युटरचा कोर्स पूर्ण केला. विवाहानंतर सासरी मिळालेल्या प्रोत्साहनामुळे गृहोद्योगाची सुरुवात केली. मार्केटिंगची जबाबदारीही त्यांनी स्वतःच पेलली. त्यातून त्यांच्या गृहोद्योगाची वेगळी ओळख निर्माण झाली आहे. आराध्या गृहोद्योगाच्या सोनल पवार यांची ही वाटचाल गृहिणींसाठी प्रेरणादायी आहे.

मूळच्या बुलडाणा जिल्ह्यातील सोनल पवार यांनी कमवा आणि शिका हा गुण बारावीत असतानाच आत्मसात केला. खामगाव येथील एका मेडिकल एजन्सीच्या बिलिंग डिपार्टमेंटमध्ये त्यांनी काम केले. कला शाखेतील पदवीचे शिक्षण घेत असतानाच त्यांनी कम्प्युटर कोर्सही पूर्ण केला. त्यांची धडपड पाहून पालकांनी शिक्षण सुरू असतानाच जॉबसाठी नेहमी प्रोत्साहन दिले आणि त्यातूनच आत्मविश्वास वाढत गेला.

शिक्षण पूर्ण झाल्यावर त्यांचा विवाह २००३मध्ये औरंगाबादेत शासकीय सेवेत असलेल्या नितीन पवार यांच्याशी झाला व त्या औरंगाबादला आल्या. रामनगर भागात त्या राहतात. घरात पती, दोन लहान मुली, सासरे, दीर, जाऊ, त्यांची मुलगी असा मोठा परिवार. या एकत्र कुटुंबात त्यांना माहेरप्रमाणेच पूर्णपणे निर्णयस्वातंत्र्य मिळाले.

शिक्षणाची आवड असल्याने त्यांनी लग्नानंतर मराठी, इंग्रजी टायपिंगचा कोर्स पूर्ण केला. त्यानंतर एमसीईडी, एक खासगी हॉस्पिटल; तसेच कंपनीतही काही काळ काम केले, पण या कामात त्या फार रमल्या नाहीत. मुलांच्या संगोपनाचाही प्रश्न होता. त्यामुळे त्यांनी योग्य संधीची वाट पाहली.

मोठी मुलगी आस्था ही चौथीत तर, धाकटी आराध्या केवळ दीड वर्षाची. त्यांचे संगोपन, शिक्षण व घरातील जबाबदारी यांची सांगड घालत घराच्या घरी काही उद्योग-व्यवसाय सुरू करता येईल का, त्यातून कुटुंबाला आधार मिळावा आणि आपलाही रिकामा वेळ सत्कारणी लागावा, यासाठी त्यांनी शोध मोहीम सुरू केली. रेसिपीची लहानपणापासून गोडी असलेल्या सोनल यांना अन्नपूर्णा प्रकल्पांतंर्गत सुरू असलेल्या रेसिपी कोर्सची माहिती मिळाली. त्यांनी त्या कोर्सला प्रवेश घेतला. ज्योती इंद्राणी, वर्षा पाटील यांचे मार्गदर्शन मिळाले आणि त्यातूनच नोव्हेंबर २०१४मध्ये गृहोद्योग सुरू करण्याचा मार्ग सोनल यांना सापडला. आराध्या गृहोद्योग नावाने त्यांनी सिझनल अॅटम्स तयार करून ते घरगुती पद्धतीने विकण्याचे काम सुरू केले. मार्केटचा अभ्यास व मागणी लक्षात घेत त्यांनी सुरुवातीला इन्स्टंट ढोकळा पीठ विक्री सुरू केली. त्यासाठी आवश्यक चनाडाळ, साखर, मीठ, सोडा, लिंबुसत्व यासह अन्य कच्चा माल बचत केलेल्या एक हजार रुपयांतून खरेदी केला. अल्पावधीतच आराध्य इन्स्टंट ढोकळ्यास परिसरात मोठा प्रतिसाद मिळाला. त्यातून परिसरातील महिलांशी जिव्हाळ्याचे नाते निर्माण होते गेले, तसा आत्मविश्वासही वाढत गेला.

दर्जेदार व चविष्ट उत्पादनामुळे प्रसिद्धी करण्याची गरज कधीच पडली नाही. त्यानंतर इन्स्टंट ढोकळ्यासह, टप्प्याटप्प्प्यांने त्या एकेक उत्पादन वाढवित गेल्या. चकली भाजणी, शेगंदाणे, तीळ, जवस अशा वेगवेगळ्या चटण्या आदी पदार्थ तयार करण्यासही त्यांनी सुरुवात केली. दोन ते तीन महिन्यानंतर मिळालेल्या नफ्यातूनच त्यांनी वजनकाटा, पॅकिंग मशीन आदी साहित्य खरेदी केले. गृहोद्योगाला एक चांगली दिशा मिळाल्याने संक्रातीच्या पार्श्वभूमीवर तिळगुळाचे लाडू विक्री करण्याचे नियोजन केले. त्यासाठी गेल्या दीड महिन्यापासून लगबग सुरू आहे. मार्केटचा अंदाज घेत त्याप्रमाणे मालाची निर्मिती करण्यावर त्यांचा भर असतो. परिसरातील नियमित ग्राहकांसह चार ते पाच किराणा दुकानदारांकडूनही आराध्याच्या इन्स्टंट ढोकळा, तिळगुळाचे लाडूसह अन्य पदार्थांना मागणी वाढली आहे. दुकानात मालाची डिलेव्हरी करण्यासाठी त्या स्वतः जातात. त्यातूनच त्यांनी मार्केटिंगची शैलीही अात्मसात केली. बाजारापेक्षा विश्वासार्ह दर्जाच्या वस्तू, पदार्थ मिळाल्याने ग्राहक समाधानी असल्याचे त्या सांगतात.

नात्याने मावशी असलेल्या बुलडाणा येथील संगीता नागवंशी यांनी तयार केलेल्या अॅक्रेलिक, एलईडी; तसेच कुंदन रांगोळीही सोनल यांच्या गृहोद्योगाचा एक भाग झाला आहे. शहरात आयोजित गृहोद्योग वस्तूच्या दोन प्रदर्शनात सहभागी होण्याची संधीतून त्यांना एक नवे व्यासपीठही प्राप्त झाले. विविध खाद्यपदार्थांसह अॅक्रेलिक, एलईडी रांगोळ्यासह कुंदन तोरण, मिरर कुईरी, सिंहासन इतर डेकोरेशनच्या साहित्यांची या प्रदर्शानातून चांगली विक्री झाली. आणखी काही नवीन करण्याची उर्मी त्यातून प्राप्त झाली व त्यातूनच त्यांनी दिवाळीचे विविध फराळ, केक मिक्स निर्मितीसाठी नियोजनास सुरुवात केली. आपल्या कामातून अन्य काही महिलांना रोजगाराच्या संधी उपलब्ध व्हाव्यात, असा त्यांचा मानस असून, त्या दिशेने त्यांनी वाटचाल सुरू केली आहे. पती नितीन यांच्यासह सासरच्या मंडळींकडून होणाऱ्या मदतीमुळे व्यवसाय वाढीस मदत झाल्याचे त्या सांगतात.

मोबाइल अॅप डाउनलोड करा आणि राहा अपडेट

अपंगाचा समाजात सन्मान व्हावा

January 13, 2016, 1:30 pm

≫ Next: ‘भीख मांगो’तील ३९८ रुपये मुख्यमंत्रीनिधीला

≪ Previous: मी कारभारीण : नेटाने उभारला गृहोद्योग

$

0

0

म. टा. प्रतिनिधी, औरंगाबाद
विशेष व्यक्ती शारीरिक क्षमतेने थोड्याशा कमी असतील, मात्र बौद्धिक क्षमतेत त्या कोठेही कमी नाहीत. त्यांचा समाजात मान सन्मान व्हायला हवाच. अखिल भारतीय स्तरावरच्या साहित्य संमेलनांमध्ये त्यांच्या साहित्याचे विशेष कौतुकही व्हावे, असे प्रतिपादन विधानसभेचे अध्यक्ष हरिभाऊ बागडे यांनी केले. सहाव्या अखिल भारतीय विशेष व्यक्ती साहित्य संमेलनात (अपंग) ते बोलत होते.

साहित्य व सांस्कृतिक मंडळ व यशवंतराव चव्हाण प्रतिष्ठानतर्फे या संमेलनाचे आयोजन करण्यात आले आहे. गुरू लॉन्सवर संमेलनासाठी 'कविवर्य सुरेश भट साहित्यनगरी' उभारण्यात आली आहे. दोन दिवसांच्या संमेलनाचे आज उद्घाटन करण्यात आले. यावेळी संमेलनाध्यक्ष प्रा. अशोक थोरात, कार्यवाहक बापूसाहेब बोभाटे, स्वागताध्यक्ष सुहास तेंडुलकर, डॉ. रवींद्र नांदेडकर, वैकुंठ कुंभार, विजय कान्हेकर, अभिनंदन थोरात उपस्थित होते. हरिभाऊ बागडे यावेळी म्हणाले, 'विशेष व्यक्ती या बौद्धिक क्षमतेत कोठेही कमी नाहीत. त्यांना समाजाच्या सहकार्याची गरज आहे. इच्छाशक्तीच्या जोरावर आपल्या वैगुण्यावर मात करत विशेष व्यक्ती विविध क्षेत्रात पुढे जात आहेत. त्यांना सन्मान व्हायला हवा. समाजाकडून त्यांची हीच अपेक्षा आहे. शासकीय स्तरावरील अडचणी दूर करण्यासाठी प्रयत्न करू.'

अध्यक्ष प्रा. थोरात म्हणाले, 'समाजाचा अपंगांकडे पाहण्याचा दृष्टिकोन बदलो न बदलो, अपंगांनी मात्र स्वतःकडे व जगाकडे पाहण्याचा दृष्टिकोन बदलला पाहिजे. न्यूनगंड दूर करून आत्मविश्वास वाढविला पाहिजे.' श्रीकांत देशपांडे यांनी सूत्रसंचालन केले. यावेळी आरती दुसे यांच्या पुस्तकाचे प्रकाशन करण्यात आले.

शब्द बदलून अन्याय कमी होतील का?
अपंगांवर आजही अन्याय होतो आहे. त्यासाठी आपला नेटाने पुढे न्यावा लागेल, असे कार्यवाहक बापूसाहेब बोभाटे यांनी सांगितले. रामदास म्हास्त्रे यांनी, स्वातंत्र्याच्या एवढ्या वर्षांनंतरही अपंगाना घटनेच्या तरतुदींनुसार न्याय मिळत नसल्याची खंत व्यक्त केली. अपंग, दिव्यांग असे कितीही शब्द बदलले, पण अन्याय कमी झाला का, असा प्रश्न त्यांनी केला. अलिकडच्या काळात विशेष व्यक्ती, सक्षम व्यक्ती, दिव्यांग असे काही पर्यायी शब्द रूढ होऊ पाहत आहेत. शब्द बदलले तरी त्या मागचा अभिप्रेत अर्थ तोच राहतो, असे समेलनाध्यक्ष प्रा. थोरात म्हणाले.

मोबाइल अॅप डाउनलोड करा आणि राहा अपडेट

‘भीख मांगो’तील ३९८ रुपये मुख्यमंत्रीनिधीला

January 13, 2016, 1:30 pm

≫ Next: विद्यापीठात आज डॉ. मनोहर यांचे व्याख्यान

≪ Previous: अपंगाचा समाजात सन्मान व्हावा

$

0

0

म. टा. प्रतिनिधी, औरंगाबाद
मराठवाड्यातील दुष्काळाची परिस्थिती लक्षात घेत शासनाने परीक्षा शुल्काची रक्कम त्वरित विद्यार्थ्यांना द्यावी, अशी मागणी करत महाराष्ट्र नवनिर्माण विद्यार्थी सेनेने बुधवारी 'भीख मागो' आंदोलन केले. प्रमुख चौकात भीक मागत आंदोलनातून जमा झालेले ३९८ रुपयांचा डीडी मुख्यमंत्री मदत निधीला देण्यात आला.

सततच्या दुष्काळामुळे मराठवाड्यातील शिक्षण क्षेत्रावर परिणाम झालेला आहे. अनेक विद्यार्थ्यांवर शिक्षण सोडण्याची वेळ आली आहे. शासनाने परीक्षा शुल्कमाफीची घोषणा केली, परंतु ती केव्हा मिळणार, असा प्रश्न ‌विद्यार्थ्यांना सतावत आहे. शासनाच्या आणि प्रशासनाच्या कारभाराचा निषेध म्हणून मनविसेने आज हे आंदोलन केले. निराला बाजार परिसरातून ‌'भीख मागो' आंदोलनाला सुरुवात झाली. यानंतर विविध चौकांत दुकानदार, विद्यार्थी, नागरिकांकडे भीक मागण्यात आली. 'भीक द्या भीक, मुख्यमंत्र्यांच्या नावाने, शिक्षणमंत्र्यांच्या नावाने भीक द्या भीक,' अशा घोषणा देण्यात आल्या. आंदोलनातून ३९८ रुपये जमा झाले. हा निधी मुख्यमंत्र्याच्या नावे डिमांड ड्राफ्ट (डीडी) स्वरुपात पाठविण्यात आला. शाळा, कॉलेजांनी आकारलेले परीक्षा शुल्क विद्यार्थ्यांना तात्काळ परत करावे, अशी मागणी करण्यात आली.

यावेळी मनविसेचे जिल्हा सचिव संदीप कुलकर्णी, प्रवीण मोहिते, रियाज पटेल, शुभम रगडे, विजय बरसमवार, निखिल ताकवाले, चेतन पाटील, रामेश्वर पोपळघट, किशोर पांडे, मयूर वेरूळकर, प्रशांत सोनवणे, रितेश येरकड, सोहेल पठाण यांची उपस्थिती होती.

मोबाइल अॅप डाउनलोड करा आणि राहा अपडेट

विद्यापीठात आज डॉ. मनोहर यांचे व्याख्यान

January 13, 2016, 1:30 pm

≫ Next: पुराव्यानंतर पाकने दिली कारवाईची ग्वाही

≪ Previous: ‘भीख मांगो’तील ३९८ रुपये मुख्यमंत्रीनिधीला

$

0

0

औरंगाबाद ः डॉ. बाबासाहेब आंबेडकर मराठवाडा विद्यापीठाच्या २२व्या नामविस्तार दिनानिमित्त गुरुवारी (१४ जानेवारी) विद्यापीठात प्रसिद्ध विचारवंत, ज्येष्ठ कवी डॉ. यशवंत मनोहर यांचे व्याख्यान आयोजित करण्यात आले आहे.

नामविस्तार दिन विविध कार्यक्रमांनी साजरा करण्यात येणार आहे. त्यात गीत भीमायन रजनीचे आयोजन करण्यात आले होते. गुरुवारी विद्यापीठाच्या नाट्यगृहात सकाळी साडेदहा वाजता व्याख्यानाचे आयोजन करण्यात आले आहे. मनोहर 'डॉ. बाबासाहेब आंबेडकरांचा विश्वपुनर्रचनेचा सिद्धांत' या विषयावर डॉ. मार्गदर्शन करणार आहेत. उच्च व तंत्रशिक्षण विभागाचे उपसचिव सिद्धार्थ खरात अध्यक्षस्थानी असणार आहेत.

शिवछत्रपती कॉलेजमध्ये प्रा. इंगळे यांचे व्याख्यान
डॉ. बाबासाहेब आंबेडकर मराठवाडा विद्यापीठाच्या नामविस्तार दिनानिमित्त शिवछत्रपती कॉलेजमध्ये आजीवन शिक्षण आणि विस्तार विभागातर्फे प्रा. डॉ. आदिनाथ इंगोले यांच्या व्याख्यानाचे आयोजन करण्यात आले आहे. कॉलेजच्या सभागृहात सकाळी ९ वाजता व्याख्यानास सुरुवात होणार आहे. यावेळी उच्च व तंत्रशिक्षण विभागाचे उपसचिव सिद्धार्थ खरात यांची प्रमुख उपस्थिती असणार आहे. प्राचार्य डॉ. पी.व्ही. आष्टेकर कार्यक्रमाच्या अध्यक्षस्थानी असतील. व्याख्यानाचा लाभ घेण्याचे आवाहन प्रा. भारत सिरसाठ, डॉ. समाधान इंगळे, डॉ. शाहु चव्हाण, डॉ. वैजनाथ कदम, डॉ. सविता भालेराव यांनी केले आहे.

मोबाइल अॅप डाउनलोड करा आणि राहा अपडेट

पुराव्यानंतर पाकने दिली कारवाईची ग्वाही

January 13, 2016, 2:07 pm

≫ Next: ‘बांधकाम यादी’च्या मापात पाप

≪ Previous: विद्यापीठात आज डॉ. मनोहर यांचे व्याख्यान

$

0

0

म. टा. प्रतिनिधी, औरंगाबाद
'पठाणकोट अतिरेकी हल्ल्याचे भारताने दिलेले पुरावे पाकिस्तानने मान्य केले आहेत. त्या पुराव्याआधारे कारवाई करण्याची ग्वाही दिली आहे,' अशी माहिती केंद्रीय गृहराज्य मंत्री किरेन रिजीजू यांनी दिली. एका कार्यक्रमानिमित्त शहरात आले असता बुधवारी ते पत्रकारांशी बोलत होते.
रिजीजू म्हणाले, 'अतिरेकी कारवायांच्या घटना गेल्या सरकारच्या काळापेक्षा कमीच आहेत. या घटनांचा प्रभावी सामना करत देशाची सुरक्षा अबाधित राखण्यात यश
आले आहे. पठाणकोट हल्ल्यामागील अतिरेक्यांचा मनसुबा मोठा होता, पण तो असफल करण्यात सुरक्षा यंत्रणेस यश आले. मात्र, अतिरेकी येथपर्यंत पोहचले कसे, कुठे गॅप होता, यांची सखोल चौकशी सुरू आहे. आजवर अनेक दहशतवादी हल्ले झाले, पण पाकिस्तानने कधीही पुरावे स्वीकारले नाहीत. सकारात्मक प्रतिसाद दिला नाही. यावेळी मात्र पुरावे मान्य करून कारवाईची ग्वाही दिली.' पत्रकार परिषदेला भाजप आमदार अतुल सावे उपपस्थित होते.

मोबाइल अॅप डाउनलोड करा आणि राहा अपडेट

‘बांधकाम यादी’च्या मापात पाप

January 13, 2016, 2:12 pm

≫ Next: पालिका, प्रदूषण मंडळ, पोलिसांवर ठेवला ठपका

≪ Previous: पुराव्यानंतर पाकने दिली कारवाईची ग्वाही

$

0

0

म. टा. विशेष प्रतिनिधी, औरंगाबाद
जिल्हा वार्षिक योजनेतून (डीपीसी) दरवर्षी शाळा खोल्या दुरुस्तीसाठी कोट्यवधींचा निधी दिला जातो. मर्जीतील सदस्य आणि समितीतील सदस्यांच्या प्रस्तावांना यासाठी प्राधान्य दिले जाते. योग्य कारणासाठी या निधीचा उपयोग फार कमी वेळा केला जातो. निधी उचलण्यासाठी यंदाही जी यादी तयार केली गेली आहे. त्यातील अनेक शाळांना गेल्यावर्षीच्या यादीतच अनुदान दिले गेले होते. त्यामुळे गरजू शाळा यंदाही वंचित राहणार आहेत.
डीपीसीमधून दोन वर्षांपूर्वी शाळा खोल्या बांधकामासाठी ५ कोटी ५७ लाखांचा निधी मंजूर केला होता. नियमानुसार मंजूर करमेच्या दीडपट रकमेचे नियोजन करता येते. त्यानुसार करण्यात आले, पण एवढ्यावर यंत्रणा थांबली नाही. काही सदस्य आणि शिक्षण विभागातील काही कर्मचाऱ्यांच्या मदतीने ऐनवेळी आलेले तब्बल ७ कोटींचे प्रस्ताव या यादीत घुसडले गेले. जिल्हाधिकारी कार्यालयातील छाननीत ही बाब उघड झाली आणि झेडपीची अडचण झाली. तत्कालीन जिल्हाधिकारी विक्रमकुमार यांनी योजनेसाठी दिला जाणारा निधी थांबविण्याचे आदेश दिले. तत्कालीन सीइओंना कारणे दाखवा नोटिसही बजावली होती. वाढीव प्रस्ताव रद्द करून सुधारित प्रस्ताव जिल्हाधिकारी कार्यालयास सादर झाला. तेव्हा कुठे निधी मिळाला. शाळा खोल्या बांधकाम किंवा दुरुस्तीसाठी असणारे निकषही केवळ कागदावरच आहेत. नियम धाब्यावर बसवून प्रस्ताव तयार केले जातात. ज्या शाळांना खरेच दुरुस्तीची गरज आहे. त्यांना प्राधान्य देण्याबाबत मात्र शिक्षण समिती किंवा संबंधित यंत्रणा काहीच पावले उचलत नाही. दरम्यान, या योजनेत होणारे गैरव्यवहार पाहून प्रशासनाने यंदा नवीन सिस्टीम राबविणे सुरू केले. शाळा खोल्या दुरुस्ती आणि बांधकामासाठी बांधकाम विभागाच्या उपअभियंत्याकडून इस्टिमेट बंधनकारक केले आहे. त्यामुळे गैरप्रकारास आळा बसेल अशी शक्यता होती. मात्र, अद्याप तरी त्याचे सकारात्मक रिझल्ट आलेले नाहीत. दरम्यान चालू आर्थिक वर्षासाठी डीपीसीतून शाळा खोल्या दुरुस्तीसाठी तीन कोटी रुपये मंजूर झाले. जानेवारीपर्यंत केवळ ११० प्रस्तावच मंजूर केले गेले. यामध्येही विशिष्ट भागाच्या शाळांचाच समावेश केल्याने पुन्हा एकदा गैरप्रकाराचा संशय बळावला आहे.

डबल शाळांच्या संख्येत वाढ
दोन वर्षांच्या अंतराने शाळाखोली बांधकाम आणि दुरुस्तीचे प्रस्ताव सादर करताना अनेक ठिकाणच्या शाळा डबल घेण्यात आल्या आहेत. खुद्द जिल्हा परिषद सदस्य याबाबत आरोप करतात. प्रशासनाकडून मात्र पारदर्शकता असल्याचा दावा केला जातो.

मोबाइल अॅप डाउनलोड करा आणि राहा अपडेट

---

पालिका, प्रदूषण मंडळ, पोलिसांवर ठेवला ठपका

January 13, 2016, 2:14 pm

≫ Next: ५४ खदानी अवतरल्या

≪ Previous: ‘बांधकाम यादी’च्या मापात पाप

$

0

0

म. टा. विशेष प्रतिनिधी, औरंगाबाद
महाराष्ट्र पर्यटन विकास महामंडळाच्या (एमटीडीसी) रिसॉर्टमध्ये होत असलेल्या विवाह सोहळ्यामुळे मोठ्या प्रमाणात ध्वनिप्रदूषण होते अशी तक्रार करणाऱ्या प्रकरणात हरित लवादाने औरंगाबाद महापालिका, महाराष्ट्र प्रदूषण नियंत्रण मंडळ व पोलिस प्रशासन यांच्यावर ताशेरे ओढले आहेत.
'वेडिंग टुरीझम'च्या नावाखाली रिसॉर्टची जागा वापरता येते. कराराचे उल्लंघन केले नसल्याचा दावा कंत्राटदार इंगळे यांनी शपथपत्रात केले आहे. वेडिंग टुरिझम हा शब्द पहिल्यांदाच ऐकावयास मिळाला याचे लवादाने आश्चर्य व्यक्त केले आहे. वेडिंग टुरिझमची योजना लवादाला सांगण्यात आली नाही. कंत्राटदाराने लॉन्स बेकायदेशीरपणे दिल्याचा ठपका लवादाने ठेवला आहे. सामान्य व्यक्तीच्या तक्रारीला प्रतिसाद देताना पोलिस कसे वागले याचा या उत्तम नमुना आहे. पोलिस प्रशासनाने ढाकणे यांची तक्रार चुकीच्या पद्धतीने हाताळली. तक्रारदाराने वारंवार पोलिस ठाण्यात ध्वनी प्रदूषण होत आहे म्हणून तक्रार केली. पोलिस उपायुक्तांनी ही तक्रार क्रांतिचौक पोलिस ठाण्यात वर्ग केली. याचा अहवाल सादर करण्याचे आदेश त्यांनी दिले होते. पोलिसांनी केलेल्या चौकशीत काहीही आढळले नाही.
ध्वनिप्रदूषण मोजण्यासाठी आपले कर्त्यव्य बजावण्यात प्रदूषण मंडळअपयशी ठरल्याचा ठपका ठेवण्यात आला आहे. प्रदूषण कायद्याचे उल्लंघन एमटीडीसी व विशाल इंगळे यांनी केल्याचे लवादाने म्हटले आहे.

मोबाइल अॅप डाउनलोड करा आणि राहा अपडेट

५४ खदानी अवतरल्या

January 13, 2016, 3:15 pm

≫ Next: प्रत्येकाच्या आयुष्यात एक शिक्षक असतोच

≪ Previous: पालिका, प्रदूषण मंडळ, पोलिसांवर ठेवला ठपका

$

0

0

म. टा. प्रतिनिधी, औरंगाबाद
जिल्हा प्रशासनाने केलेल्या तपासणी मोहिमेत जिल्ह्यात ५४ नव्या खदानी अवतरल्या आहेत. त्यामुळे अनेक प्रश्न निर्माण झाले आहेत. या खदानीतून किती उपसा झाला, कोणी केला, त्याचा हिशोब काय याचा गुंता निर्माण झाला आहे. दरम्यान या तपासणी मोहिमेचा अहवाल ८ दिवसांमध्ये जिल्हाधिकाऱ्यांकडे देण्यात येणार आहे, अशी माहिती उपजिल्हाधिकारी प्रशांत शेळके यांनी दिली.
जिल्ह्यात १२ डिसेंबरपासून एकूण १४४ खदानींची पुनर्तपासणी मोहीम जिल्हा प्रशासनाने हाती घेतली होती. पहिल्या टप्प्यात ६३ तर दुसऱ्या टप्प्यामध्ये उर्वरित ८१ खदानींची तपासणी मोहीम राबवण्यात आली होती. ही तपासणी मोहीम नुकतीच पूर्ण करण्यात आली. शासनाकडे नोंद असलेल्या १४४ तसेच इतर ५४ नव्याने सापडलेल्या खदानींचीही यामध्ये तपासणी करण्यात आली. तपासणीपूर्वी खदानींमधून केलेला दगडांचा उपशाच्या नोंदी तसेच आता तपासणीत आढळलेल्या नोंदींची पडताळणी करण्यात येणार आहे. येत्या आठ दिवसांत या तपासणीचा अहवाल जिल्हाधिकाऱ्यांसमोर ठेवण्यात येणार असून खदानींच्या उत्खननाची परवानगी, झालेले उत्खनन, परवान्यांची मुदत संपल्यानंतरही किती जणांनी उत्खनन केले याची माहिती अंतिम अहवालात समोर येणार आहे. तत्कालीन जिल्हाधिकारी वीरेंद्रसिंग यांनी जिल्ह्यातील २४ क्रशर व खदानींना ५ वर्षांच्या करारावर परवाना दिल्यानंतर खदानीतून बेसुमार उपसा करून ते क्रशरमध्ये फोडण्यात येत असल्याच्या तक्रारी जिल्हा प्रशासनाला प्राप्त झाल्या. यानंतर जिल्हाधिकारी डॉ. निधी पांडेय यांनी क्रशर आणि खदानींची तपासणी करण्यासाठी निवडणूक उपजिल्हाधिकारी प्रशांत शेळके यांच्या नेतृत्वाखाली तहसीलदारांचे पथक नियुक्त केले होते. औरंगाबाद तालुक्यात खदानींचा आकडा सर्वाधिक असल्यामुळे येत्या तीन ते चार दिवसात औरंगाबाद तर उर्वरित चार दिवसांत इतर तालुक्यांचा अहवाल तयार करून जिल्हाधिकाऱ्यांसमोर ठेवण्यात येणार आहे.

मोबाइल अॅप डाउनलोड करा आणि राहा अपडेट

प्रत्येकाच्या आयुष्यात एक शिक्षक असतोच

January 13, 2016, 3:17 pm

≫ Next: ‘मॅरेज टुरिझम’ बंद करा

≪ Previous: ५४ खदानी अवतरल्या

$

0

0

म. टा. प्रतिनिधी, औरंगाबाद
'तुम्ही कोणत्याही क्षेत्रात काम करत असाल, कितीही यशस्वी असलात तरी तुम्हाला घडवणारा एक शिक्षक असतोच. कधीही मागे वळून पाहा, तो तुम्हाला प्रोत्साहन देणारा, प्रसंगी रागावणारा असतो. त्या शिक्षकाला तुम्हीच काय मी ही कधीच विसरू शकत नाही,' असे भावोद्गार ज्येष्ठ अभिनेत्री शबाना आझमी यांनी काढले.
अभिनेत्री शबाना आझमी व जुही चावला एका कार्यक्रमासाठी औरंगाबादला आल्या होत्या. दोघींनीही शिक्षण क्षेत्रावर मनमोकळा संवाद साधला. शबाना यांनी शिक्षण क्षेत्रातील बदलांविषयी सकारात्मक दृष्ट‌िकोन व्यक्त केला. 'एक दिवसात बदल होत नाही. ही एक क्रिया आहे, जी निरंतर सुरू असते. गांधी सिनेमा पाहून लागेच दुसऱ्या दिवशी आपण अहिंसावादी होत नाही, पण सिनेमा हे माध्यम त्या विचारांची ओळख तुम्हाला नक्कीच करवून देते. किमान तुम्ही विचार तरी कराल. आज शिक्षण क्षेत्राची ओळख प्रॉफिट मे‌किंग बिझनेस अशी आहे. प्रामाणिक लोकांवर यामुळे अन्याय होतो. मात्र, हे थांबवण आपल्या हातात आहे', या मतावर शबाना ठाम होत्या. शिक्षकांविषयी बोलताना जुहीनेही आपल्या आठवणी सांगितल्या. 'तुम्हाला सर्वांत पहिले ए.बी.सी.डी शिकवणारे, अंक गिरवून घेणारे, आपण मोठे व्हावे, खूप नाव कमवावे म्हणून रागावणारे शिक्षकच असतात. त्यावेळी तो शिक्षकच आपला सर्वांत मोठा शत्रू असतो. मात्र, आज मात्र त्या मूल्यांची, त्या शिकवणीची कायम आठवण येते. आपल्याला स्वयंपूर्ण करण्याची त्या शिक्षकची धडपड आता लक्षात येते, पण तरी आपण त्याला थॅँक्यू म्हणत नाही. शिक्षणच व शिक्षक प्रत्येक पिढीचा आधार आहेत. अर्थात आजच्या शिक्षकाची प्रतिमा अतिशय वेगळी आहे. प्रत्येक क्षेत्रात काही वाईट प्रवृत्ती असतात तशा शिक्षण क्षेत्रातही आहेत. परिस्थिती अनुकूल असो की प्रतिकूल, आपल्या विद्यार्थ्यांसाठी धडपडणारे शिक्षक आजही आहेत. त्यांच्या प्रयत्नांकडे दुर्लक्ष करणे चुकीचे असेल', असे जुही म्हणाली.

मोबाइल अॅप डाउनलोड करा आणि राहा अपडेट

‘मॅरेज टुरिझम’ बंद करा

January 13, 2016, 1:30 pm

≫ Next: ३८ शाळांत दहावीची पाटी कोरी

≪ Previous: प्रत्येकाच्या आयुष्यात एक शिक्षक असतोच

$

0

0

म. टा. विशेष प्रतिनिधी, औरंगाबाद
महाराष्ट्र पर्यटन विकास महामंडळाचे (एमटीडीसी) राज्यभरातील रिसॉर्ट लग्न, स्वागत समारंभाला वापरण्यास हरित लवादाने मनाई केली आहे. लग्नकार्यात होत असलेल्या ध्वनिप्रदूषणास एमटीडीसीला जबाबदार धरून ५ लाख रुपये भरण्याचे आदेश लवादाचे न्या. व्ही. आर. किनगावकर व तज्ज्ञ सदस्य अजय देशपांडे यांनी दिले आहेत. ही रक्कम औरंगाबाद जिल्हाधिकारी यांच्याकडे ४ महिन्यांत भरण्याचे निर्देशही लवादाने दिले.

येथील तक्रारदार विवेक शेषराव ढाकणे यांनी लवादाकडे धाव घेऊन पगारिया कॉलनी परिसरात होणाऱ्या ध्वनिप्रदूषणाविरुद्ध दाद मागितली होती. या ध्वनिप्रदूषणमुळे पगारिया कॉलनीतील रहिवाशांच्या आरोग्यास धोका निर्माण झाला आहे, असा दावा याचिकेत करण्यात आला होता. पर्यावरण धोरणाची पायमल्ली केल्याबद्दल एमटीडीसी व कंत्राटदारांना दंडीत करावे, अशी विनंती करण्यात आली होती. पगारिया कॉलनीत २५ कुटुंबे राहतात. २००७मध्ये एमटीडीसीने त्यांचे रिसॉर्ट व परिसर विशाल इंगळे यांना भाडेतत्त्वावर दिला. तेव्हापासून या वसाहतीची शांतता भंग झाली आहे. कंत्राटातील अटीनुसार कंत्राटदारास या परिसर लग्नकार्यासाठी भाड्याने देता येत नाही. तरीही हा परिसर लग्न सोहळे, संगीत रजनी, सभा, संमेलनासाठी भाडेतत्त्वावर देणे सुरू केले. लग्नकार्यासाठी डीजे, बँड वाजविला जातो. फटाके फोडले जातात, असे तक्रारीत म्हटले होते.

लाउडस्पीकर, डीजेची परवानगी नाही
पर्यटकासाठी खोली भाड्याने देणे व त्यांना नाश्ता, जेवण देणे हे कंत्राटदाराचे काम आहे. केवळ त्यांना परिषद, बैठक आणि समारंभ घेण्याचा अधिकार मर्यादित आहे, पण त्यासाठी पर्यटन महामंडळाला लेखी परवानगी मागणे आवश्यक आहे. कंत्राटदारास लाइडस्पीकर,फटाके, डीजे वापरण्याची परवानगी करारात दिली नसल्याचे शपथपत्र एमटीडीसीने लवादासमोर सादर केले. कंत्राटदारास कारणे दाखवा नोटीस बजावूनही त्यांच्याकडून योग्य उत्तर मिळाले नाही. तक्रारदारास एमटीडीसी, विशाल इंगळे, प्रदूषण नियंत्रण मंडळ, औरंगाबाद पोलिस आयुक्त, औरंगाबाद महापालिका आयुक्त, राज्य सरकार या प्रतिवादींनी प्रत्येकी पाच हजार रुपये तक्रारीचा खर्च म्हणून द्यावा, असे निर्देशही लवादाने दिले.

मोबाइल अॅप डाउनलोड करा आणि राहा अपडेट

३८ शाळांत दहावीची पाटी कोरी

January 13, 2016, 1:30 pm

≫ Next: ‘टीडीआर’ भोवला; रामटेकेंची उचलबांगडी

≪ Previous: ‘मॅरेज टुरिझम’ बंद करा

$

0

0

म. टा. प्रतिनिधी, औरंगाबाद
माध्यमिक व उच्च माध्यमिक शिक्षण मंडळातर्फे घेण्यात दहावी परीक्षेत विभागातील ३८ शाळांमधून एकही दहावीला परीक्षार्थी बसला नसल्याचे समोर आले आहे. त्यामुळे या शाळा केवळ कागदावरच आहेत काय, असा प्रश्न उपस्थित केला जातो आहे. अनेक शाळांनी मंडळाची मान्यताही न घेतल्याचेही समोर आला आहे.

शिक्षण मंडळाने दहावी, बारावीच्या परीक्षेचे वेळापत्रक जाहीर केले. अवघ्या महिनाभरावर परीक्षा आली आहे. विभागातील अनेक शाळांमधून दहावीचे अर्जच आले नाहीत. त्यांची शासन दरबारी नोंद आहे, परंतु विद्यार्थी एकही नाही. त्यामुळे या शाळा केवळ नोंदणीपुरत्याच असल्याची चर्चा आहे. दहावी परीक्षांचे नियमित अर्ज भरण्याची प्रक्रिया पूर्ण झाली. सध्या अतिविलंब शुल्कासह अर्ज भरण्याची प्रक्रिया सुरू असल्याचे मंडळातील अधिकाऱ्यांनी सांगितले. याबाबत शिक्षण विभागाने निर्णय घ्यावा, यासाठी अशा शाळांची यादी मंडळाकडून उपसंचालक कार्यालयाला पाठविली जाणार आहे. या शाळा सुरू नसतील तर त्यांच्यावर काय कारवाई केली जाते, याकडे लक्ष लागले आहे.

विद्यार्थी नसलेल्या शाळांची शिक्षणाधिकाऱ्यांनी चौकशी करून कारवाई करायला हवी. अनेक शाळांनी नोंदणीचे शुल्क भरलेले नाही. त्यांचा इंडेक्स नंबर रद्द करण्याचीही कारवाई करण्यात येईल. त्याबाबात मुख्याध्यापकांना पत्र पाठविण्यात येणार आहे.
- सुखदेव डेरे, विभागीय अध्यक्ष, शिक्षण मंडळ

मोबाइल अॅप डाउनलोड करा आणि राहा अपडेट

‘टीडीआर’ भोवला; रामटेकेंची उचलबांगडी

January 13, 2016, 2:09 pm

≫ Next: विद्यार्थ्यांच्या विकासनिधीवर डल्ला

≪ Previous: ३८ शाळांत दहावीची पाटी कोरी

$

0

0

म. टा. प्रतिनिधी, औरंगाबाद
बहुचर्चित टीडीआर (ट्रान्सफर ऑफ डेव्हलपमेंट राइटस्) घोटाळा प्रकरणी अखेर उपअभियंता शिरीष रामटेके यांची नगररचना विभागतून उचलबांगडी करण्यात आली. त्यांना अतिक्रमण हटाव विभागात हलविण्यात आले आहे. महापालिका आयुक्त सुनील केंद्रेकर यांच्या आदेशाने ही कारवाई करण्यात आली. याच घोटाळ्यात ज्या अन्य अधिकाऱ्यांना नोटीस बजावण्यात आली होती, त्यांच्यावर कारवाई होणार की नाही असा प्रश्न विचारला जात आहे.
टीडीआर घोटाळ्याला 'मटा'ने वाचा फोडली. त्यानंतर महापालिकेत या घोटाळ्याच्या चौकशीची चक्रे फिरू लागली. नगरसेवक नितीन चित्ते, राज वानखेडे, कैलास गायकवाड यांनीही या घोटाळ्याबद्दल सर्वसाधारण सभा आणि स्थायी समितीच्या बैठकीत 'मटा' च्या वृत्ताचा हवाला देत हा विषय आक्रमकपणे लावून धरला. नारेगाव येथे १२ मीटरच्या रस्त्यासाठी २४ मीटर रस्त्याचा टीडीआर देण्यात आला. त्याच दरम्यान फाजलपुरा येथील एका जागेला टीडीआर देण्यात आल्याचेही उघड झाले होते. फाजलपुरा येथील ज्या जागेला टीडीआर देण्यात आला, ती जागा पालिकेच्या ताब्यातच नाही. एका बँकेकडे ही जागा तारण असून त्या जागेला टीडीआर देण्यास बँकेने आक्षेप घेतला होता. बँकेच्या आक्षेपाकडे दुर्लक्ष करून नगररचना विभागाने टीडीआरची खैरात वाटली. अल्तमश कॉलनी मधील दोन जागांना देखील टीडीआर देण्यात आला. टीडीआर देताना त्या जागा पालिकेच्या ताब्यात घेण्यात आल्या नाहीत. जागा ताब्यात नसताना, जागांचा मोजणी नकाशा नसताना टीडीआर देण्यात आला. टीडीआर घोटाळ्याची ही चार प्रकरणे पालिकेत एक महिन्यापासून गाजत आहेत. शिरीष रामटेके यांना अतिक्रमण हटाव विभागात नियुक्ती देण्यात आली आहे. या विभागात आता रामटेके यांच्यासह महावीर पाटणी आणि अजमत खान असे तीन अधिकारी नियुक्त झाले आहेत.

मोबाइल अॅप डाउनलोड करा आणि राहा अपडेट

विद्यार्थ्यांच्या विकासनिधीवर डल्ला

January 13, 2016, 1:30 pm

≫ Next: छावणी नगरसेवकांवरअपात्रतेची तलवार

≪ Previous: ‘टीडीआर’ भोवला; रामटेकेंची उचलबांगडी

$

0

0

म. टा. प्रतिनिधी, औरंगाबाद

शासकीय अभियांत्रिकी कॉलेजमधील विद्यार्थ्यांकडून जमा केल्या जाणाऱ्या विकास निधीवरच डल्ला मारत कोट्यवधी रुपयांचा अपहार केल्याचे समोर आला आहे. तत्कालिन प्राचार्य डॉ. वा. झि. गंधारे यांच्यासह एकूण ११ जणांवर ठपका ठेवला असला तरी कारवाईला मात्र उशीर केल्याचेही समोर आले आहे. या गैरप्रकारांना करणाऱ्यांना पाठबळ देणारे कोण, असा प्रश्न उपस्थित होतो आहे. चौकशी समितीनेही पेव्हर ब्लॉकची जादा दराने केलेल्या खरेदीवर बोट ठेवले आहे. तब्बल साडेअकरा हजार चौरस मीटरवर हे पेव्हर ब्लॉक बसविण्यात आले आहेत.

शासकीय अभियांत्रिकी कॉलेजमध्ये कोट्यवधी रुपयांचा भ्रष्टाचार झाल्याचे समोर आले आहे. याबाबत तंत्रशिक्षण संचालनालयाने तत्कालीन प्राचार्य डॉ. गंधारे यांना निलंबित केले. यानंतर आता त्यांच्यासह ११ जणांवर तंत्रशिक्षण संचालनालयाने दोषरोप निश्चित करत सखोल चौकशीचे आदेश दिले आहेत. तत्कालिन प्राचार्य डॉ. गंधारे यांच्या कार्यकाळात पेव्हर ब्लॉकच्या खरेदीत मोठा अपहार झाल्याचे समोर आले आहे. कॉलेजच्या तब्बल ११ हजार ५०० चौरस मीटरवर हे पेव्हर ब्लॉक बसविले आहेत. शासकीय दरापेक्षा तिप्पट दराने या पेव्हर ब्लॉकची खरेदी करण्यात आल्याचे सूत्रांनी सांगितले. यातही वित्तीय अधिकार डावलून ५० हजारांच्या आतील ऑर्डर एकाच कंत्राटदारास देण्यात आली आहे. जादा दराने खरेदी केलेल्या पेव्हर ब्लॉकसाठी विद्यार्थ्यांकडून मिळणारा विकास निधी वापरण्यात आला आहे.

थेट बील मंजूर ​ कॉलेजमधील इलेक्ट्रॉनिक्स वर्कशॉपचे सेमिनार हॉलमध्ये रुपांतर करण्यात आले. त्यावर तब्बल सव्वासात लाख रुपये खर्च करण्यात आले. त्याचे टेंडर न काढता, वर्क ऑर्डर न देता थेट बील मंजूर करण्यात आल्याचे समोर आले आहे.

आशीर्वाद कोणाचा?

डॉ. गंधारे २००४ ते २०१२ या कार्यकाळत औरंगाबाद येथे प्राचार्य म्हणून कार्यरत होते. त्यांच्या कार्यकाळात झालेल्या भ्रष्टाचाराबाबत समिती नेमण्यात आली. समितीने अहवालही सादर केला, परंतु त्यावर शासन स्तरावरून कारवाईस विलंब झाला. कोट्यवधींचा भ्रष्टाचार समोर आल्यानंतरही कारवाईत विलंब करण्यात येत आहे. त्यामुळे या प्रकरणाला कोणाचा आशीर्वाद आहे, असा प्रश्न उपस्थित होत आहे.

मोबाइल अॅप डाउनलोड करा आणि राहा अपडेट

---

छावणी नगरसेवकांवरअपात्रतेची तलवार

January 14, 2016, 2:10 pm

≫ Next: भगवान शिक्षण प्रसारक मंडळाला पालिकेची नोटीस

≪ Previous: विद्यार्थ्यांच्या विकासनिधीवर डल्ला

$

0

0

औरंगाबाद ः छावणी परिषदेचे नगरसेवक रफत बेग, किशोर कच्छवाह व पद्मश्री जैस्वाल यांच्याविरोधात जिल्हा व सत्र न्यायालयात दाखल याचिका रद्द न करता याचिकाकर्त्यांना पूर्ण संधी देण्यात यावी यासाठी अंतिम सुनावणीसाठी मुख्य जिल्हा न्यायाधीश आर. व्ही. देशमुख यांनी दाखल करून घेतली आहे. उपरोक्त निर्णयामुळे तिन्ही नगरसेवकांवर अपात्रतेची टांगती तलवार कायम आहे.
छावणी परिषदेच्या जमिनीवर अतिक्रमण केल्याचा आरोप तिघा नगरसेवकांवर निवडणुकीतील पराभूत उमेदवार दिलीप सुतार, अयुबखान, शेख परवेझ व रमेश लिंगायत यांनी केला आहे. नगरसेवक मिर्झा रफत बेग, किशोर कच्छवाह व पद्मश्री जैस्वाल उपाध्यक्षपदाच्या निवडीत भाग घेणे , मतदान करणे व निर्वाचित होण्यास अपात्र आहेत असा आक्षेप घेण्यात आला आहे. कॅन्टोनमेंट अॅक्ट कलम २८ ते ३४ व निवडणूक नियम ५४ त ६२ नुसार जिल्हा न्यायालयाच्या न्यायाधीशांना निवडणूक याचिकेत अशा नगरसेवकांना अपात्र ठरविण्याचा अधिकार असल्याचे म्हटले होते. उपरोक्त याचिकेत सात नगरसेवक, सीईओ छावणी व ब्रिगेडिअर यांना प्रतिवादी करून नोटीसद्वारे हजर राहण्याचे आदेशित केले होते. याचिकाकर्त्यांच्या वतीने अॅड. एम. एन. देशमुख यांनी युक्तीवाद करताना निर्वाचित सदस्यांविरूद्ध बोर्डाच्या जागेवर अतिक्रमण केल्याचा पुरावा असल्याचे निदर्शनास आणून दिले.

मोबाइल अॅप डाउनलोड करा आणि राहा अपडेट

भगवान शिक्षण प्रसारक मंडळाला पालिकेची नोटीस

January 14, 2016, 3:11 pm

≫ Next: अधिकाऱ्यांकडून नगरसेवकांना अपमानास्पद वागणूक

≪ Previous: छावणी नगरसेवकांवरअपात्रतेची तलवार

$

0

0

औरंगाबादः परवानगी शिवाय जास्त बांधकाम केल्यामुळे महापालिकेने गुरुवारी भगवान शिक्षण प्रसारक मंडळाला नोटीस बजावली. नोटीस मिळाल्यापासून तीस दिवसांच्या आत अतिरिक्त बांधकाम पाडून टाका अन्यथा कायदेशीर कारवाई करू, असा इशारा देण्यात आला आहे.
महापालिका उपायुक्त रवींद्र निकम यांनी भगवान शिक्षण प्रसारक मंडळाच्या सचिवांच्या नावे नोटीस पाठवून अतिरिक्त बांधकाम तीस दिवसात काढून घेण्यास सांगितले आहे. मंडळाने तीस दिवसांत अतिरिक्त बांधकाम काढून घेतले नाही तर कायदेशीर कारवाई केली जाईल, असा इशारा नोटीसच्या माध्यमातून देण्यात आला आहे. सिडको एन ५ टाऊन सेंटर परिसरात सामाजिक सुविधांसाठी राखीव असलेल्या भूखंडावर भगवान शिक्षण प्रसारक मंडळाने दवाखान्याचे बांधकाम केले. महापालिकेच्या नगररचना विभागासाठी दवाखान्याच्या बांधकामासाठी तीन मजल्यापर्यंतची परवानगी दिली होती. मात्र, सात मजल्यापर्यंत दवाखान्याचे बांधकाम करण्यात आले. या बांधकामाच्या संदर्भात काँग्रेसच्या नगरसेविका रेश्मा कुरैशी यांनी ७ जानेवारी रोजी झालेल्या सर्वसाधारण सभेत आवाज उठवला होता. माजी महापाैर आणि भाजपचे प्रदेश उपाध्यक्ष डॉ. भागवत कराड यांच्या नातेवाईकांचे हे शिक्षण प्रसारक मंडळ आहे.

मोबाइल अॅप डाउनलोड करा आणि राहा अपडेट

अधिकाऱ्यांकडून नगरसेवकांना अपमानास्पद वागणूक

January 14, 2016, 2:12 pm

≫ Next: पुराणवस्तू संग्रहालय परिसरात ग्रंथालय

≪ Previous: भगवान शिक्षण प्रसारक मंडळाला पालिकेची नोटीस

$

0

0

औरंगाबाद : महापालिकेतील वरिष्ठ अधिकाऱ्यांकडून नगरसेवकांना अपमानास्पद वागणूक दिली जात आहे, अशी तक्रार महापौर त्र्यंबक तुपे यांनी गुरुवारी आयुक्त सुनील केंद्रेकर यांच्याकडे केली.
समाज कल्याण सभापती सुभाष शेजवळ आणि नगरसेवक कमलाकर जगताप यांना अधिकाऱ्यांनी अपमानास्पद वागणूक दिली. मुकुंदवाडी येथील महापालिका शाळेच्या मुख्याध्यापकांच्या संदर्भात जगताप यांनी उपायुक्त रवींद्र निकम यांच्याकडे तक्रार केली होती, पण त्यावर काहीच कारवाई झाली नाही. त्यामुळे कारवाई केव्हा होणार, हे विचारण्यासाठी जगताप निकम यांच्या दालनात गेले. 'तुम्ही आम्हाला काम कसे करायचे ते शिकवणार का,' असा सवाल करून निकम यांनी जगताप यांचा अपमान केला. सुभाष शेजवळ घरकुल योजनेच्या संदर्भात कार्यकारी अभियंता सिकंदर अली यांच्याशी चर्चा करण्यासाठी त्यांच्या दालनात गेले. त्यावेळी सिकंदर अली अन्य एका अधिकाऱ्याबरोबर दालनात होते. 'आमची चर्चा पूर्ण होईपर्यंत तुम्ही बाहेर थांबा,' असे म्हणत त्यांनी शेजवळ यांना दालनाबाहेर काढले. या दोन घटना नगरसेवकांनी महापौर त्र्यंबक तुपे यांना सांगितल्या. त्यामुळे तुपे संतापले. त्यांनी आयुक्त केंद्रेकर यांना फोन लावला. 'अधिकारी नगरसेवकांचा अपमान करीत आहेत, त्यांना समजून सांगा. अधिकारी असे वागत असतील तर आम्हाला देखील आमच्या पध्दतीने काम करावे लागेल. विकासासाठी तुम्ही चांगले काम करीत आहात. त्यामुळे इगो बाजूला ठेवून तुम्हाला सहकार्य करीत आहोत. याचा गैरअर्थ अधिकारी घेत असतील व नगरसेवकांचा अपमान करतील तर ते सहन करता येणार नाही,' असे महापौर म्हणाले. महापौरांनी केलेल्या तक्रारीची दखल घेत केंद्रेकर यांनी निकम आणि सिकंदर अली यांना सिडको कार्यालयात बोलावून घेतले. जगताप आणि शेजवळ यांनाही सिडको कार्यालयात पाठवून द्या, असे त्यांनी महापौरांना सांगितले.

मोबाइल अॅप डाउनलोड करा आणि राहा अपडेट

पुराणवस्तू संग्रहालय परिसरात ग्रंथालय

January 14, 2016, 4:13 pm

≫ Next: भाजपची निवडणुकीत नामुष्की

≪ Previous: अधिकाऱ्यांकडून नगरसेवकांना अपमानास्पद वागणूक

$

0

0

म. टा. प्रतिनिधी, औरंगाबाद
'महापालिकेच्या श्रीमंत छत्रपती शिवाजी महाराज पुराणवस्तू संग्रहालयाच्या परिसरात संदर्भ ग्रंथालय उभारले जाणार आहे,' अशी घोषणा महापौर त्र्यंबक तुपे यांनी गुरुवारी केली. संग्रहालयाच्या परिसरात वीर जिवाजी महाले यांच्या अर्धाकृती पुतळ्याचे अनावरण महापौरांच्या हस्ते करण्यात आले. तेव्हा ते बोलत होते.
कार्यक्रमाला शिवसेनेचे जिल्हाप्रमुख अंबादास दानवे, महापालिकेतील शिवसेनेचे गटनेते रेणुकादास वैद्य, महिला बालकल्याण समितीच्या सभापती सीमा खरात, समाज कल्याण समितीचे सभापती सुभाष शेजवळ, नगरसेवक कमलाकर जगताप, गजानन मनगटे, कीर्ती शिंदे, अखिल भारतीय जिवा सेनेचे राष्ट्रीय अध्यक्ष गोविंद पिंपळगावकर, महापालिकेचे अतिरिक्त आयुक्त रमेश पवार, शहर अभियंता सखाराम पानझडे, कार्यकारी अभियंता हेमंत कोल्हे, उपअभियंता एम. एम. खान यांच्यासह जिवासेनेचे पदाधिकारी मोठ्या संख्येने उपस्थित होते. महापौर तुपे म्हणाले, 'जिवाजी महाले यांचा पुतळा महापालिकेतर्फे उभारला जावा, अशी गेल्या काही वर्षांपासूनची मागणी होती. आज या पुतळ्याचे अनावरण झाले ही समाधानाची बाब आहे. छत्रपती शिवाजी महाराजांबरोबर जिवाजी महाले यांच्या इतिहासाचाही अभ्यास होणे गरजेचे आहे. त्यामुळे संग्रहालयाच्या परिसरात संदर्भ ग्रंथालय उभारण्याची योजना आहे. या ग्रंथालयासाठी आर्थिक तरतूद देखील उपलब्ध आहे. जिवाजी महाले यांची जयंती व स्मृतिदिन महापालिकेतर्फे दरवर्षी साजरा केला जाईल,' अशी घोषणाही त्यांनी केली. यावेळी अंबादास दानवे, प्रदीप सोळुंके, गोविंद पिंपळगावकर यांनीही मनोगत व्यक्त केले. संजीव सोनार यांनी सूत्रसंचालन केले, तर राजकुमार गाजरे यांनी प्रास्ताविक केले.

मोबाइल अॅप डाउनलोड करा आणि राहा अपडेट

भाजपची निवडणुकीत नामुष्की

January 14, 2016, 2:17 pm

≫ Next: सातबारा ऑफलाइन; तहसीलदारांना नोटीस

≪ Previous: पुराणवस्तू संग्रहालय परिसरात ग्रंथालय

$

0

0

म. टा. प्रतिनिधी, औरंगाबाद
शहराध्यक्षपदासाठी कुणाची वर्णी लावावी याबाबत एकमत न झाल्याने गुरुवारी आयोजित केलेली निवडणूक पुढे ढकलण्याची नामुष्की भारतीय जनता पक्षावर आली. पक्षातील अशी पहिलीच घटना असून, त्यावर कार्यकर्त्यांनी तीव्र नाराजी व्यक्त केली.
विद्यमान शहराध्यक्ष भगवान घडमोडे यांचा कार्यकाळ पूर्ण झाल्याने गेल्या तीन महिन्यांपासून पक्षातंर्गत निवडणुकीची रणधुमाळी सुरू झाली होती. नेत्यांचे वजन आपल्याच पारड्यात पडावे यासाठी इच्छुक कामाला लागले होते. अनेकांनी जालन्यापासून ते थेट मुंबईपर्यंत वाऱ्याही केल्या. गुरुवारी दुपारी दुपारी तीन वाजता कलश मंगल कार्यालय येथे शहराध्यक्ष, तर पक्ष कार्यालयात जिल्हाध्यक्षपदाच्या निवडणुकीचे नियोजन होते. दुपारी दीडपासूनच पदाधिकाऱ्यांसह कार्यकर्त्यांनी गर्दी करण्यास सुरुवात केली. महिला मोर्चाच्या राष्ट्रीय अध्यक्षा विजया रहाटकर, प्रदेश चिटणीस मनोज पांगारकर, उपमहापौर प्रमोद राठोड, ज्ञानोबा मुंडे, माधुरी अदवंत, नगरसेवक राजगौरव वानखेडे, शिवाजी दांडगे, सहायक निवडणूक प्रमुख कचरू घोडके, राम बुधवंत यांच्यासह मोठ्या संख्येने कार्यकर्ते उपस्थित होते. इच्छुकांपैक्की माजी आमदार किशनचंद तनवाणी, विजयराव साळवे, संजय जोशी दुपारपासून तळ ठोकून होते. मात्र, त्याच वेळेस शहराध्यक्षपदाचे प्रमुख दावेदार असलेले स्थायी समिती सभापती दिलीप थोरात वगळता कामगार मोर्चाचे नेते संजय केणेकर, आमदार अतुल सावे, प्रदेश प्रवक्ते शिरीष बोराळकर, अनिल मकरिये यांच्यासह डॉ. भागवत कराड, बसवराज मंगरुळे आदी प्रमुख मंडळींच्या अन्य ठिकाणी बैठका सुरू होत्या, अशी माहिती सूत्रांनी दिली. त्यात निवडणूक प्रमुख आमदार सुभाष देशमुखही सायंकाळपर्यंत निवडणूक स्थळी न आल्याने कार्यकर्त्यांची घालमेल सुरू होती. दरम्यान, तनवाणी, जोशी, साळवे वगळता अन्य काही इच्छुकांनी सायंकाळी थेट जालना गाठत प्रदेशाध्यक्ष रावसाहेब दानवे यांची भेट घेतली. त्यावेळी आमदार देशमुखही तेथे उपस्थित होते, पण त्याठिकाणाही नावावर एकमत झाले नाही.
किशनचंद तनवाणींना विरोध
पक्षात नव्याने आलेल्यांपैकी काहींना मनपाचे तिकीट, तर काहींना मोठी पदे मिळाली आहेत. त्यामुळेच तनवाणींना विरोध करत शहराध्यक्षपदी जुन्या कार्यकर्त्यांना संधी मिळावी, असा आग्रह काही स्थानिक नेत्यांनी धरला आहे. तर शिवसेनेला उत्तर देण्याची क्षमता असलेला, पक्ष संघटन करणारा, शहराध्यक्ष द्यावा यासाठी काही नेते प्रयत्नशील आहेत.

मोबाइल अॅप डाउनलोड करा आणि राहा अपडेट